काठमाडौं, १९ चैत । सुनको मूल्यले चार दिनदेखी लगातार नयाँ रेकर्ड बनाइरहेको छ । नेपाली बजारमा आज सुन तोलामा १८ सय रुपैयाँले बढेर नयाँ रेकर्ड कायम भएको हो ।

नेपाल सुनचाँदी व्यवसायी महासङ्घका अनुसार मंगलबार छापावाल सुनको मूल्य तोलाको एक लाख ७९ हजार ७ सय रुपैयाँमा कारोबार भइरहेको छ, जुन हालसम्मकै उच्च मूल्य हो ।

अघिल्लो कारोबार दिन सोमबार सुन प्रतितोला एक लाख ७७ हजार ९ सय रुपैयाँमा कारोबार भएको थियो ।

यस्तै, आज चाँदीको मूल्य भने स्थिर रहेको छ । सोमबार २ हजार ३५ रुपैयाँमा कारोबार भएको चाँदी आज पनि सोही मूल्यमा कारोबार भइरहेको महासंघले जनाएको छ ।