काभ्रेका जिसस प्रमुख बैंकिङ कसुरमा पक्राउ
अनलाइनसमय |
काठमडाौं, १३ चैत । जिल्ला समन्वय समिति (जिसस) काभ्रेपलाञ्चोकका प्रमुख दिपककुमार गौतमलाई प्रहरीले पक्राउ गरेको छ ।
बुधबार बिहान प्रहरी वृत्त, बानेश्वरको टोलीले उनलाई पक्राउ गरेको हो । बैंकिङ कसुरको आरोपमा उनलाई पक्राउ गरिएको प्रहरीले जनाएको छ ।
जिल्ला प्रहरी परिसर काठमाडौंका एसपी अपिलराज बोहोराका अनुसार, गौतमविरुद्ध बैंकिङ कसुरसम्बन्धी तीन वटा जाहेरी परेको थियो । काभ्रेमा पनि उनीविरुद्ध ३ वटा जाहेरी परेको छ ।
प्रहरीले उनीमाथि थप अनुसन्धान अघि बढाएको छ ।
उनी नेकपा एकीकृत समाजवादीबाट जिसस प्रमुखमा निर्वाचित भएका थिए ।
