काठमाडौं, १३ चैत । विन नेपाल लघुवित्त वित्तीय संस्था लिमिटेडले चैत २१ गतेदेखि आफ्नो प्राथमिक सार्वजनिक निष्काशन (एफपीओ) निष्काशन गर्ने भएको छ ।

लघुवित्तले बैंक तथा वित्तीय संस्था सम्बन्धी ऐन, २०७३ को दफा ९ बमोजिम सर्वसाधारणको स्वामित्व ३० प्रतिशत पुर्याउन एफपीओ ल्याउन लागेको हो ।

लघुवित्तले आम सर्वसाधारणका लागि ५१ लाख २९ हजार २५० रुपैयाँबराबरको प्रतिकित्ता १०० रुपैयाँ अंकित मूल्यका दरले ५१ हजार २९२ कित्ता शेयर निष्काशन गर्न लागेको हो ।

लगानीकर्ताले उक्त शेयरका लागि चैत २६ गतेसम्म आवेदन दिन सक्नेछन् । न्यूनतम १० कित्ता तथा अधिकतम १ हजार कित्तासम्मका लागि आवेदन दिन सकिनेछ ।

लघुवित्तको धितोपत्र निष्काशन तथा बिक्री प्रबन्धक नेपाल एसबिआई मर्चेण्ट बैंकिङ्ग लिमिटेड रहेको छ । लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु तथा सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर ‘मेरो शेयर’ अनलाइन प्रयोग गरी सि–आस्बा प्रणालीमार्फत आवेदन दिन सक्नेछन् ।