काठमाडौं, १२ चैत । मंगलबार नेपाल स्टक एक्सचेन्ज (नेप्से) परिसूचक ५५ दशमलव ९० अङ्कले घटेको छ । यो ह्राससँगै परिसूचक २ हजार ५ सय ८४ दशमलव ८८ को विन्दुमा बन्द भएको छ । बुधबार ३० दशमलव ५२ अङ्कले बढेको परिसूचक २ हजार ५८४ को बिन्दुमा कायम थियो ।

आज परिसूचक घटे पनि कारोबार रकममा भने केही सुधार देखिएको छ । सोमबार ४ अर्ब ४८ करोड कारोबार भएकोमा आज ५ अर्ब १८ करोड रुपैयाँ बराबरको कारोबार भएको छ, जसमा १ करोड ११ लाख ५५ हजार ९५५ कित्ता शेयर ६२ हजार २१ पटक किनबेच भएको छ ।

मंगलबार ३२५ धितोपत्र कारोबारमा आए, जसमध्ये २४० धितोपत्रको मूल्य घटेको छ भने ४ धितोपत्रको मूल्य बढेको छ
आज कारोबार भएका सबै समूहको उपसूचक घटेको छ । फाइनान्स समूहको उपसूचक सबैभन्दा धेरै ३.५० प्रतिशतले घटेको छ । त्यस्तै हाइड्रोपावरको ३.३१, विकास बैंकको २.९९, होटल एन्ड टुरिजमको २.७२, माइक्रोफाइनान्सको २.४९, निर्जीवन बीमाको २.४६, जीवन बीमाको २.२०, लगानी समूहको २.०८, बैंकिङ समूहको १.४२ प्रतिशतले उपसूचक घटेको छ ।

मंगलबार प्रभु फन्डको शेयर मूल्य ३.३९ प्रतिशतले बढेको छ । आज सबैभन्दा धेरै शेयर मूल्य बढ्ने कम्पनीमा अधिकाशं डिवेन्चरहरु छन् ।

नारायणी विकास बैंकको शेयर मूल्य ८.७३ प्रतिशतले घटेको छ । त्यस्तै सपोर्ट माइक्रोफाइनान्सको ७.३७, इस्टर्न हाइड्रोको ७.१९, सिन्धु विकास बैंकको ६.७५ र वीन नेपाल लघुवित्तको ६.७३ प्रतिशतले शेयर मूल्य घटेको छ ।

कारोबार रकमको आधारमा हिमालयन रि–इन्स्योरेन्स, नेपाल रि–इन्स्योरेन्स, युनाइटेड मोदी हाइड्रो, एनआरएन इन्फ्रास्ट्रक्चर र सिइडीबी होल्डिङ लिमिटेड क्रमशः अगाडि छन् ।