काठमाडौं, ११ चैत । लगातार ६ दिन घटेको नेपाल स्टक एक्सचेन्ज (नेप्से) परिसूचक आज (सोमबार) बढेको छ । आज नेप्से ३० दशमलव ५२ अङ्कले बढेर दुई हजार ६४५ दशमलव २ बिन्दुमा कायम भएको छ ।

आज ९७ लाख ३९ हजार ७३८ कित्ता शेयर किनबेच हुँदा ४ अर्ब ४८ करोड ३५ लाख रुपैयाँको कारोबार भएको छ । हिजो आइतबार ६ अर्ब ३२ करोड १ लाख रुपैयाँँको कारोबार भएको थियो ।

आज २१० धितोपत्रको शेयर मूल्य बढ्दा ३३ को घटेको छ । यसदिन कुल ३२६ धितोपत्र कारोबारमा आएका छन् ।

आज सबै समूहको उपसूचक बढेको छ । यसदिन फाइनान्स समूहको उपसूचक सर्वाधिक ३ दशमलव ७५ प्रतिशतले बढेको छ । त्यस्तै अन्यको १ दशमलव ९१, निर्जीवन बीमाको १ दशमलव ६४ र व्यापार समूहको उपसूचक १ दशमलव ५५ प्रतिशले बढेको छ

सोमबार गार्डियन माइक्रोलाइफ इन्स्योरेन्सको ९ दशकलव २९, पोखरा फाइनान्सको ७ दशमलव ४७ र समृद्धि फाइनान्सको शेयर मूल्य ६ दशमलव ३ प्रतिशतले बढेको छ । यस्तै अपर हेवाखोला हाइड्रोको ४ दशमलव ९२ र नारायणी डेभलपमेन्ट बैंकको ४ दशमलव ०५ प्रतिशतले शेयर मूल्यमा ह्रास आएको छ ।