काठमाडौं, ७ चैत । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक घटेको बढेको छ । आज नेप्से परिसूचक १२ दशमलव ३८ अङ्कले घटेर दुई हजार ६६९ दशमलव ७६ बिन्दुमा कायम भएको हो ।

आज ९५ लाख ९९ हजार ३४३ कित्ता शेयर किनबेच हुँदा ४ अर्ब ५६ करोड १३ लाख रुपैयाँ बराबरको कारोबार भएको छ । अघिल्लो कारोबार दिन बुधबार ५ अर्ब १४ करोड ३९ लाख रुपैयाँको कारोबार भएको थियो ।

आज ६२ धितोपत्रको शेयर मूल्य बढ्दा १७५ को घटेको छ । यस्तै ७ धितोपत्रको भने स्थिर रह्यो । यसदिन कुल ३१२ धितोपत्र कारोबारमा आएका छन् ।

बिहीबार १३ उपसमूहमध्ये १२ उपसमूहको परिसूचक घटेको छ भने एक उपसमूहको परिसूचक मात्र बढेको छ । आज फाइनान्सको उपसमूहको परिसूचक सर्वाधिक १ दशमलव ३५ प्रतिशतले घटेको छ । त्यस्तै निर्जीवा बीमाको शून्य दशमलव ९६, हाइड्रोपावरको शून्य दशमलव ६४ र अन्य उपसमूहको परिसूचक शून्य दशमलव ६१ प्रतिशतले घटेको छ ।

आज जीवन बीमाको शेयर मूल्य भने शून्य दशमलव ०३ प्रतिशतले बढेको छ ।

आज डोल्टी पावरको ७ दशमलव ५३, एशियन हाइड्रोको ५ दशमलव ४९ र सिन्धु विकास बैंकको हेयर मूल्य ४ दशमलव ९७ प्रतिशतले बढेको छ ।

यसदिन मिथिला लघुवित्त वित्तीय संस्था र भुगोल इनर्जीको शेयर मूल्यमा नकारात्मक सर्किट लागेको छ । त्यस्तै गरिमा समृद्विको ७ दशमलव ४५ र उपकार लघुवित्त वित्तीय संस्थाको शेयर मूल्यमा ३ दशमलव ५१ प्रतिशतले ह्रास आएको छ ।