प्रधानमन्त्री ओलीले कोशी प्रदेशसभामा सम्बोधन गर्दै
अनलाइनसमय |
काठमाडौं, २७ फागुन । प्रधानमन्त्री केपी शर्मा ओलीले आज कोशी प्रदेशसभा बैठकलाई सम्बोधन गर्ने भएका छन् । दिउँसो २ बजे बस्ने बैठकमा प्रधानमन्त्रीले सम्बोधन गर्ने कार्यसूची तय भएको प्रदेशसभा सचिवालयले जनाएको छ ।
यसअघि उनी पूर्वाञ्चल विश्वविद्यालयको दीक्षान्त समारोह सहभागी हुनेछन् ।
आजको प्रदेशसभा बैठकमा सत्तारुढ दल नेकपा एमाले र नेपाली कांग्रेसले आफ्ना सांसदलाई अनिवार्य उपस्थित हुन ह्विप जारी गरेको छ ।
विपक्षी दलहरुले भने सरकारले छलफल नगरेको भन्दै बैठकमा सहभागी हुन प्रधानमन्त्रीले राख्ने मन्तव्यका बारेमा अग्रिम जानकारी हुनुपर्ने सर्त राखेका छन् ।
