काठमाडौं, १८ चैत । साँसद रेखा शर्माले आफूहरू अहिले गणतन्त्र कि राजतन्त्र भनेर बहस गर्ने ठाउँमा नभएको बताएकी छन् । आजको प्रतिनिधिसभाको बैठकमा बोल्दै उनले यस्तो बताएकी हुन् ।

‘हामी यतिखेर संघीय लोकतान्त्रिक गणतन्त्रमा छौं, यो गणतन्त्त प्राप्तिका लागि हजारौंको रगत बगेको छ, थुप्रै अङ्गभङ्ग भएका छन्, थुप्रै बेपत्ता भएका छन्, जो अहिलेसम्म सागरिक भएका छैनन्,’ उनले भनिन्, ‘सबैको त्याग र बलिदानबाट यो संघीय लोकतान्त्रिक गणतन्त्र प्राप्त भएको हो, त्यस कारण हामी अहिले गणतन्त्र कि राजतन्त्र यो बहस गर्ने ठाउँमै हामी छैनौं ।’

संघीय गणतन्त्र निरङ्कुश राजतन्त्रको विरुद्घमा रढेर ल्याएको उनको भनाइ छ ।