काठमाडौं, १८ चैत । प्रधानमन्त्री केपी शर्मा ओलीले तीनकुनेको आपराधिक घटनामा पूर्वराजा ज्ञानेन्द्र शाहले उन्मुक्ति नपाउने बताएका छन् । आजको प्रतिनिधिसभा बैठकलाई सम्बोधन गर्दै उनले गत शुक्रबार तीनकुनेमा भएको आपराधिक घटनामा पूर्वराजा शाहले उन्मुक्ति नपाउने बताएका हुन् ।

‘आपराधिक घटनमा संलग्न कसैले पनि उन्मुक्ति पाउँदैन, पाउनु हुन्न । यसमा तत्कालीन राजा शाहले पनि उन्मुक्ति पाउनु हुन्न,’ उनले भने, ‘फेरि राजा बन्छु, व्यवस्था मास्छु भन्नेले यी सबै शृङ्खलाबद्ध घटनामा आफ्नो धारणा सार्वजनिक गर्नुपर्दैन ?’

मानिसलाई मर्नलाई दुरुत्साहन गर्ने जनकमाण्डर, इतिहासले कुनामा फ्याँकेका व्यक्ति अभियानका संयोजक, धनजनको क्षति र लुटपाट, शासक बन्ने मनसुवा बोक्ने व्यक्ति सिरकभित्र चुपचाप कसरी हुन सक्छ ? प्रधानमन्त्री ओलीले प्रश्न गरे ।