काठमाडौं, १८ चैत । सुनको मूल्यले तीन दिनदेखि लगातार नयाँ रेकर्ड बनाइरहेको छ । अन्तर्राष्ट्रिय बजारमा मूल्य बढ्ने क्रम जारी रहेसँगै नेपाली बजारमा पनि त्यसको प्रभाव परिरहेको छ ।

नेपाली बजारमा सोमबार छापावाल सुनको मूल्य प्रतितोला १ लाख ७७ हजार ९ रुपैयाँ पुगेको छ, यो मूल्य हालसम्मकै उच्च हो । अघिल्लो दिनको तुलनामा आज सुन तोलामा ११ सय रुपैयाँ बढेको हो । आइतबार छापावाल सुन प्रतितोला १ लाख ७६ हजार ८ सयमा सुनको कारोबार भएको थियो ।

आज चाँदीको मूल्य पनि बढेको छ । यस दिन चाँदी तोलामा १० रुपैयाँ बढेर २ हजार ३५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । अघिल्लो दिन चाँदी प्रतितोला २ हजार २५ रुपैयाँ कायम थियो ।