काठमाडौं, ४ फागुन । प्रहरीले अवैध विदेशी मुद्रासहित अमेरिकी नागरिकलाई विमानस्थलबाट पक्राउ गरेको छ ।
पक्राउ पर्नेमा अमेरिकी नागरिक ४६ वर्षीया नि यान छन् । उनलाई त्रिभुवन अन्तर्राष्ट्रिय विमानस्थलबाट प्रहरीले शनिबार दिउँसो पक्राउ गरेको हो ।

अन्तर्राष्ट्रिय उडानको प्रस्थान होल्ड ब्यागेज एरियामा जाँच गर्ने क्रममा उनको साथमा विभिन्न देशका अवैध मुद्राहरु फेला परेको प्रहरीले जनाएको छ । बाटिक एयरको उडानमार्फत उनी काठमाडौंबाट मलेसिया जान लागेकी थिइन् ।

प्रहरीका अनुसार उनको साथबाट १२ हजार ७४८ अमेरिकी डलर, २४९ सिंगापुर डलर, १२ हजार इन्डोनेसियन रकम, १ सय मलेसियन रिंगेट बरादम भएको छ । यस्तै विभिन्न कम्पनीका १९ बटा मोबाइल, २८ बटसीमकार्ड र १२२ थान मेमोरी कार्ड बरामद भएको छ ।

उनलाई आवश्यक अनुसन्धान एवम् कारवाहीको लागि प्रहरी वृत्त गौशाला पठाइएको प्रहरीले जनाएको छ ।