पर्सामा करिब २ क्वीन्टल गाँजासहित एक जना पक्राउ
अनलाइनसमय |
काठमाडौं, ६ माघ । पर्सामा करिब दुई क्वीन्टल गाँजासहित एक जना पक्राउ परेका छन् ।
प्रहरीका अनुसार वीरगञ्ज महानगरपालिका १९ बर्वाबाट १ सय ९५ किलो गाँजासहित मकवानपुर हेटौंडा उपमहानगरपालिका १२ रमनटार बस्ने ३६ वर्षीय सुकलाल महर्जनलाई शनिबार राति पक्राउ गरिएको हो ।
इलाका प्रहरी कार्यालय पोखरीया समेतबाट खटिएको प्रहरीले बा.प्र.०३–००१ ख ३५८७ नम्बरको ट्रकबाट उक्त परिमाणको गाँजा अनलोड गरी परालको थुप्रोमा लुकाई छिपाई भाग्ने क्रममा ट्रक चालक सुकलाललाई पक्राउ गरेको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
