पोखरामा पहिलोपटक चलचित्र पर्यटन महोत्सव आयोजना हुने
अनलाइनसमय |
काठमाडौं, २२ पुस । पर्यटकीय राजधानी पोखरामा आगामी फागुन १७ देखि १९ गतेसम्म चलचित्र पर्यटन महोत्सव आयोजना हुने भएको छ ।
महोत्सव चलचित्र विकास बोर्डको मुख्य आयोजनामा हुन लागेको हो । उक्त आयाजनामा नेपाल पर्यटन बोर्ड, नेपाल टेलिकम लगायतका संस्थाहरू प्रवद्र्धकको रूपमा रहनेछन् । साथै चलचित्र पत्रकार संघ, पोखरा पर्यटन परिषद् लगायतका स्थानीय संघसंस्थाले सह–आयोजकको भूमिकामा सहकार्य गर्ने जनाइएको छ ।
पोखरा महानगर प्रमुख धनराज आचार्यले पहिलोपटक ठूलो रुपमा आयाजना हुन गइरहेको यस महोत्सवले चलचित्र छायांकनका लागि प्राकृतिक स्टुडियोका रूपमा परिचित पोखरा र गण्डकी प्रदेशलाई व्यापक रूपमा प्रवद्र्धन गर्ने बताए ।
