27 Views
काठमाडौं, ७ पुस । यस साताको कारोबारको पहिलो दिन नेपाली बजारमा सुनको मूल्य बढेको छ । गत शुक्रबार तोलामा ५ सय रुपैयाँले घटेको सुनको मूल्य आज बढेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ११ सय रुपैयाँले बढेर १ लाख ४९ हजार ६ सय रुपैयाँमा कायम भएको छ । शुक्रबार सुनको मूल्य प्रतितोला १ लाख ४८ हजार ५ सय रुपैयाँमा कारोबार भएको थियो ।
यस्तै, आज चाँदीको मूल्य तोलामा ३० रुपैयाँ बढेको छ । अघिल्लो दिन प्रतितोला १ हजार ७६० रुपैयाँमा कारोबार भएको चाँदी यस दिन १ हजार ७९० रुपैयाँमा कारोबार भईरहेको महासंघले जनाएको छ ।
