एनपीएल : चितवनलाई हराउँदै कर्णाली याक्स दोस्रो क्वालिफायरमा प्रवेश

अनलाइनसमय |
३ पुष २०८१
एनपीएल : चितवनलाई हराउँदै कर्णाली याक्स दोस्रो क्वालिफायरमा प्रवेश

काठमाडौं, ३ पुस । चितवन राइनोजलाई हराउँदै कर्णाली याक्स एनपीएलको दोस्रो क्वालिफायरमा प्रवेश गरेको छ । एलिमिनेटर खेलमा कर्णालीले चितवनलाई २१ रनले पराजित गरेको हो ।

कर्णालीले दिएको १७६ रनको लक्ष्य पछ्याएको चितवन निर्धारित २० ओभरमा ९ विकेट गुमाएर १५४ रन मात्र बनाउन सक्यो । कर्णालीले अब क्वालिफायर वान को पारजित टोलीसँग दोस्रो क्वालिफायरमा खेल्नेछ ।

चितवनका लागि रवि बोपाराले सर्वाधिक ५३ रन बनाएपनि जित निकाल्न सकेनन् । उनले ३३ बलमा ३ चौका र ४ छक्का प्रहार गरे । एनपीएलमा उनको यो तेस्रो अर्धशतक हो । त्यस्तै कप्तान कुशल मल्लले २१ रन बनाए । जिशान मकसुदले ३ विकेट लिए भने सोमपाल कामी र नन्दन यादवले २–२ विकेट लिए । विपिन प्रसाद शर्माले १ विकेट लिए ।

त्यसअघि टस हारेर पहिले ब्याटिङ गरेको कर्णाली याक्सले ६ विकेट गुमाएर १७५ रन बनाएको थियो । कर्णालीका लागि कोल्सावालाले ३९ बल खेल्दै ६ चौका र २ छक्का मद्दतमा सर्वाधिक ५३ रन बनाए । यस्तै बोसिस्टोले ३९ बल नै खेल्दै ३ चौका र २ छक्का मद्दतमा ५२ रन बनाए । चाडविक वाल्टनले ४६ रन जोड्दै अविजित रहे ।

Leave a Reply

Your email address will not be published. Required fields are marked *

खोज्नुहोस