69 Views
काठमाडौं, २१ मंसिर । नेपाल प्रिमियर लिग (एनपीएल) मा कर्णाली याक्सले पहिलो जित हासिल गरेको छ ।
त्रिवि क्रिकेट मैदानमा आज भएको पहिलो खेलमा चितवन राइनोजलाई ६ विकेटले पराजित गरेको हो ।
कर्णाली याक्सको यो पहिलो जित हो । कर्णाली यसअघि जनकपुर बोल्ट्स र काठमान्डु गुर्खाजसँग पराजित भएको थियो । चितवनको भने यो पहिलो हार हो ।
यसअघि टस हारेर पहिले ब्याटिङको निम्तो पाएको चितवन राइनोजले निर्धारित २० ओभरमा सात विकेट गुमाएर एक सय ३० रन बनाएको थियो ।
जवाफी ब्याटिङमा ओर्लिएको कर्णाली याक्सले १३१ रनको लक्ष्य एक बल बाँकी छँदा ४ विकेट गुमाएर पुरा गरेको हो ।
कर्णाली याक्सका लागि प्रभावशाली ब्याट्सम्यान शिखर भवनले ४५ रन बनाए । त्यस्तै चाडविक वाल्टनले ३० रन, देव खनालले २५ रन बनाए भने जिसान मक्सुदले १२ रन जोड्दै अविजित रहे ।
