75 Views
काठमाडौं, ७ मंसिर । प्रहरीले रसुवाबाट २ किलो सुनसहित एक जनालाई पक्राउ गरेको छ ।
गोसाइँकुण्ड गाउँपालिका–३ ब्रिद्धिम बस्ने ३४ वर्षीय कर्मा सोनाम लामालाई कालिका गाउँपालिका–१ ग्राङबाट बिहीबार बेलुकी प्रहरीले पक्राउ गरेको हो ।
अस्थायी प्रहरी पोष्ट ग्राङबाट खटिएको प्रहरीले कालिकातर्फ जाँदै गरेको बागमती प्रदेश ०२–०४३ प २४३४ नम्बरको मोटरसाइकललाई जाँच गर्ने क्रममा मोटरसाइकलमा सवार लामाले उक्त सुन जुत्ताको सोलमा लुकाएको अवस्थामा पक्राउ गरिएको जिल्ला प्रहरी कार्यालय रसुवाका डीएसपी केशव भट्टराईले जानकारी दिए ।
यसबारे आवश्यक अनुसन्धान र जाँचका लागि राजश्व अनुसन्धान विभागमा पठाइएको प्रहरीले जनाएको छ ।
