पूर्वसभामुख दमननाथ ढुंगानाको निधन
अनलाइनसमय |
काठमाडौं, २ मंसिर । पूर्वसभामुख दमननाथ ढुंगानाको निधन भएको छ । काठमाडौंको फ्रन्टलाइन अस्पतालमा उपचारको क्रममा आइतबार उनको निधन भएको उनका भान्जा सुरज भट्टराईले जानकारी दिए ।
उनका अनुसार अस्पतालमा ढुंगानाको कलेजो सम्बन्धी समस्याको उपचार चलिरहेको थियो ।
वरिष्ठ अधिवक्तासमेत रहेका ढुंगाना २०४८ को आमनिर्वाचनमा काठमाडौं क्षेत्र नम्बर २ बाट निर्वाचित भएका थिए । त्यसपछि उनी २०४८ सालदेखि २०५१ सम्म सभामुख थिए ।
उनले तत्कालीन विद्रोही माओवादीलाई शान्ति प्रक्रियामा ल्याउन भूमिका खेलेका थिए ।
यस्तै उनी २०७४ को आमनिर्वाचनमा भक्तपुर क्षेत्र नम्बर २ बाट कांग्रेसको उम्मेदवार भई पराजित भएका थिए ।
ताजा समाचार
