85 Views
काठमाडौं, ३० कार्तिक । पहिलो पटक विश्वकपमा छनोट भएर इताहास रच्न सफल नेपाली यू–१९ महिला क्रिकेट टोलीका सदस्यहरुलाई नेपाल प्रिमियर लिग (एनपीएल)का आठ फ्रेन्चाइजले संयुक्त रुपमा १० लाख रुपैयाँ पुरस्कार दिने भएका छन् ।
ऐतिहासिक उपलब्धीको सम्मान स्वरुप एनपीएलका सबै आठ फ्रेन्चाइज टोलीहरुले संयुक्त रुपमा १० लाख रुपैयाँ सहयोग गर्ने घोषणा गरेका हुन् ।
यसअघि नेपाल क्रिकेट संघ क्यानले टोलीका प्रत्येक खेलाडीलाई प्रोत्साहन स्वरुप जनही २ लाख ५० हजार दिने घोषणा गरेको थियो ।
त्यसैगरी मधेश प्रदेश सरकारले पनि विश्वकपमा छनोट हुन सफल राष्ट्रिय टोलीमा रहेका मधेश प्रदेशका खेलाडीहरुलाई नगदसहित सम्मान गर्ने घोषणा गरिसकेको छ ।
संयुक्त अरब इमिरेट्स (यूएई) को अजमानमा बुधबार भएको खेलमा घरेलु टोली यूएईविरुद्ध आठ विकेटको जित हासिल गर्दै नेपालले पहिलो पटक यू–१९ विश्वकपमा ऐतिहासिक उपलब्धि हासिल गरेको थियो । यू–१९ विश्वकप क्रिकेट सन् २०२५ को जनवरी १८ देखि फेब्रुअरी २ तारिखसम्म मलेसियामा आयोजना हुँदै छ ।
