सुन र चाँदी दुबैको मूल्यमा निरन्तर रेकर्ड ब्रेक, कतिमा हुँदैछ कारोबार ?
अनलाइनसमय |
काठमाडौं, ६ कार्तिक । नेपाली बजारमा सुन र चाँदीको मूल्यले दिनदिनै नयाँ रेकर्ड बनाउन थालेको छ ।
नेपाल सुनचाँदी व्यवसायी महासंघका अनुसार मंगलबार सुन तोलाको ३ सय रुपैयाँ बढेको छ । यो वृद्धिपछि प्रतितोला १ लाख ६५ हजार ९ सय रुपैयाँ पुगेको छ । यो मूल्य हालसम्मकै उच्च हो ।
यस अघि सोमबार १ लाख ६५ हजार ६ सय रुपैयाँमा कारोबार भएको सुनको मूल्यले नयाँ रेकर्ड बनाएको थियो ।
मंगलबार चाँदीको मूल्यले पनि नयाँ रेकर्ड बनाएको छ । आज चाँदी प्रतितोला ५ रुपैयाँले २१०० रुपैयाँ पुगेको महासंघले जनाएको छ । चाँदीको यो मूल्य पनि हालसम्मकै उच्च हो ।
मध्यपूर्वी युद्ध र अमेरिकी चुनावको नतिजापछि आउन सक्ने अनिश्चितताका कारण सुनको मूल्य बढेको अन्तर्राष्ट्रिय सञ्चारमाध्यमले जनाएका छन् ।
ताजा समाचार
