112 Views

काठमडाौं, ५ कार्तिक । सपोर्ट लघुवित्त वित्तीय संस्थाले गत आर्थिक वर्ष २०८०÷०८१ को वितरणयोग्य मुनाफाबाट शेयरधनीलाई वितरण यर्ने लाभांश घोषणा गरेको छ ।

लघुवित्तको कार्तिक ४ गते बसेको सञ्चालक समितिले चुक्ता पूँजीको १४.५० प्रतिशत लाभांश वितरण गर्ने प्रस्ताव गरेको हो, जसमध्ये १३.७७५ प्रतिशत बोनस शेयर र ०.७२५ प्रतिशत कर प्रयोजनका लागि नगद लाभांश वितरण गर्ने निर्णय भएको लघुवित्तले जनाएको छ ।

कुल १ करोड ५६ लाख ४ हजार रुपैयाँ बराबर लाभांश प्रदान हुने कम्पनीले जनाएको छ । हाल यस कम्पनीको मूल्य प्रतिकित्ता १७८० रुपैयाँ हाराहारीमा छ ।

प्रस्तावित लाभांश नेपाल राष्ट्र बैंकको स्वीकृति र लघुवित्तको आगामी साधारण सभाले पारित गरेपछि शेयरधनीले पाउने छन् ।