133 Views

काठमाडौं, २१ असोज । आँखुखोला जलबिद्युत कम्पनी लिमिटेडले वार्षिक साधारण सभा आह्वान गरेको छ । कम्पनीको असोज २० गते बसेको संचालक समितिको बैठकले कात्तिक १२ गतेलाई आफ्नो बार्षिक साधारणसभाको मिति तय गरेको हो ।

साधारणसभाको लागि आँखुखोलाले कात्तिक ४ गतेको लागि बुक क्लोज मिति तय गरेको छ । जसअनुसार कात्तिक ३ गतेसम्म कायम शेयरधनीहरुले मात्रै साधारणसभामा भाग लिन पाउनेछन ।

कम्पनीले गत आर्थिक वर्षसम्मको मुनाफाबाट शेयरधनीहरुलाई लाभांश घोषणा गरेको छैन । त्यस्तै साधारणसभामा हकप्रदको प्रस्ताव पनि नलैजाने निर्णय गरेको छ । कम्पनीको हालको चुक्तापुंजी २ अर्ब रहेको छ ।