काठमाडौं, १६ असार । काठमाडौं, १६ असार । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटवार्ता भएको छ । आइतबार बिहान प्रधानमन्त्रीनिवास बालुवाटारमा उनीहरूबीच भेटवार्ता भएको हो ।

यसअघि शनिबार कांग्रेस सभापति शेरबहादुर देउवा र एमाले अध्यक्ष ओलीबीच भएको वार्ताले माओवादी पंक्ति तरंगित छ । प्रधानमन्त्रीले माओवादी नेताहरूसँग समेत ओली र देउवाबीचको छलफलबारे विश्लेषण गरेका थिए ।

आज बिहान ओली र प्रचण्डबीच टेलीफोन संवाद भएको थियो । टेलीफोन वार्तामा प्रचण्डले ओलीलाई हिजोको बालकोट भेटबारेसमेत चासो राखेको बताइएको छ । त्यसलगत्तै दुई नेताबीच भेट वार्ता भएको हो ।