79 Views
काठमाडौं, ३ असार अभिनेता राजबल्लभ कोइरालाले कमब्याक फिल्म ‘एक्टर’को छायांकन सकाएका छन् । गत जेठ २० गते फिल्मको छायांकनका लागि उनी अमेरिकाबाट काठमाडौं आइपुगेका थिए । आइतबार आफ्नो भागको छायांकन सकेर उनी अमेरिका प्रस्थान गरेका छन् ।
यो फिल्ममार्फत कोइरालाले नौ वर्षपछि पुनरागमन गरेका हुन् । उनको पछिल्लो फिल्म ‘हे युवा’ सन् २०१५ मा रिलिज भएको थियो ।
राजन भुसालले निर्देशन गरिरहेको फिल्ममा प्रदीप खड्का, आना शर्मा, दिव्या रायमाझीसहितका कलाको अभिनय छ । छायांकन सकिएलगत्तै राजबल्लभले फेसबुकमा एक फोटो पोस्ट गरेका छन् ।
अमेरिका फर्किएपछि राजबल्लभले फेसबुकमा स्टाटस लेख्दै बीचमा केहीपटक नेपाल आए पनि ११ वर्षपछिको मातृभूमि आगमन निकै विशेष बनेको उल्लेख गरेका छन् ।
निर्देशक र निर्मातासहित प्राविधिक र कलाकार टोलीले आफ्नो सेड्युल समयमै पूरा गर्न सहयोग गरेकोमा आभार व्यक्त गर्दै उनले समय व्यस्तताले गर्दा साथीभाईहरुसँग भेटघाट गर्न नपाएकोमा भने क्षमा मागेका छन् ।
