एमाले मकवानपुरको अध्यक्षमा श्रीधर पोख्रेल निर्वाचित
अनलाइनसमय |
काठमाडौं, २१ जेठ । नेकपा एमाले मकवानपुरको अध्यक्षमा श्रीधर पोख्रेल निर्वाचित भएका छन् । १२ औं जिल्ला अधिवेशअन्तर्गत सोमबार दिउँसो सम्पन्न मतगणनाअनसार पोख्रेल ३१३ मत ल्याएर विजयी बनेका हुन् ।
मतगणना अनुसार उनका प्रतिद्वन्द्वीमा रहेका इन्द्रमान स्याङ्तानले २६२ मत प्राप्त गरेका थिए । त्यस्तै लालबहादुर थापाले १६६ मत र देवराज रिमालले ११ मत प्राप्त गरेका थिए । पोख्रेल एमालेबाट विभाजन भएको नेकपा (एकीकृत समाजवादी)बाट गत स्थानीय तहको निर्वाचन अगाडि पुनः एमालेमै फर्किएका थिए ।
उनलाई कृष्ण दाहालको समर्थन रहेको थियो । त्यस्तै स्याङ्तानलाई देवी ज्ञवालीको र थापा लाई रामेश्वर रानाको समर्थनमा थियो ।
स्याङ्तानलाई संस्थापन पक्षले समर्थन गरेको थियो । संस्थापन पक्षका रघुनाथ खुलालले उम्मेदवारी फिर्ता लिएका थिए ।
यसैगरी, उपाध्यक्षमा हिदम लामा विजयी भएका छन् । लामाले ४७६ मत प्राप्त गरेका थिए । सचिवमा सिता विष्टले २९७ मत ल्याउँदै निर्वाचित भइन्। उपसचिव खुलामा २४१ मत ल्याएर फुर्वा दोर्जे लामा र उपसचिव महिलामा २४१ मत पाएर आरती पाठक निर्वाचित भएका छन् ।
