संसद् अबरोध अन्त्य गर्न प्रधानमन्त्रीले सत्ता पक्ष र प्रतिपक्षसँग गरेको छलफल निष्कर्षविहीन
अनलाइनसमय |
काठमाडौं, १४ जेठ । लामो समयदेखि कांग्रेसले गर्दै आएको संसद् अबरोध अन्त्यको प्रयासमा प्रधानमन्त्री पुष्पकमल दाहाल प्रचण्डले सत्ता पक्ष र प्रतिपक्ष दलहरुसँग गरेको छलफल निष्कर्षविहीन भएको छ ।
प्रधानमन्त्री निवास बालुवाटारमा प्रधानमन्त्री प्रचण्डले सत्ता पक्ष र प्रतिपक्ष दलहरुसँग आज अलग अलग र संयुक्त छलफल गरेका थिए । तर सहमति नजुटेपछि उक्त छलफल निष्कर्षविहीन भएको हो । विहानको छलफल नटुङ्गििएपछि आज साँझ फेरि छलफल गर्ने भनिएको छ ।
प्रधानमन्त्रीसँगको छलफलमा सहभागी नेपाली कांग्रेसका नेताहरुले आज दिउँसो पार्टी सभापति शेरबहादुर देउवासँग छलफल गर्नेछन् ।
प्रधानमन्त्रीसँगको छलफलमा सहभागी नेपाली कांग्रेसका सहमहामन्त्री जीवन परियारले आफूहरुले सहकारी ठगी प्रकरणको विषयमा पूर्ववत अडान कायम राखेको बताएका थिए ।
