नयाँ वर्षको अवसरमा भक्तपुरमा व्यापार मेला

अनलाइनसमय |
५ चैत २०७५
नयाँ वर्षको अवसरमा भक्तपुरमा व्यापार मेला

चैैत्र ५, भक्तपुर। नयाँ वर्षको अवसरमा ‘नयाँ वर्ष नयाँ सोच युुवाहरुका लागि छ प्रगतिको श्रोत ‘ भन्ने मुुुलनाराका साथ भक्तपुरमा “बृहत् औद्योगिक मेला ” हुने भएको छ ।

‘औद्योगिक शान्ति नेपाल’ संस्था र ‘मध्यपुर ब्वाइज ब्याण्ड’ ले नयाँ वर्षको अवसरमा ‘पाँचौँ भक्तपुर औद्योगिक, सांस्कृतिक, पर्यटन तथा व्यापार मेला’ आयोजना गर्न लागेको हो । आयोजक संस्थाले भक्तपुरको सल्लाघारीमा आयोजना गरेको पत्रकार सम्मेलनमा मेेेला २०७५ चैैत्र २१ गते सुुुरु भएर २०७६ वैैैैशाख २ गते सम्म १२ दिन  चल्ने  जनाएको हो ।

उपभोक्तालाई एकै थलोबाट सम्पूर्ण सामान उपलब्ध गराउने उद्देश्यले नयाँ वर्षको अवसरमा मेला आयोजना गर्न लागेको आयोजकलेे बताए। सल्लाघारीस्थित नेपाल ट्रष्टको नाममा रहेको ९९ रोपनी जग्गामा सञ्चालन गरिने मेलामा २०० भन्दा बढी स्टल रहने जनाइएको छ।

दैनिक जीवनमा प्रयोगमा आउने उपभोग्य सामग्री, लत्ताकपडा, जुत्ता, कृषि तथा हस्तकलाका सामग्री, अटोमोबाइल्स, इलेक्ट्रोनिक, भाँडाकुँडा र पर्यटन प्रवद्र्धन गर्ने कक्ष पनि रहनेछन् । मेला संयोजक दीपक थापाले यस वर्ष मेलामा खुला भलिबल प्रतियोगितासमेत सञ्चालन गरिने बताए । वाल उद्यान, सर्कस, भुुत, चिडियाघर, रोटेपिङ, वालवालिकाका खेेलसामग्री, हास्य व्यङ्ग्यात्मक  , नृृत्य तथा व्या्ण्डका प्रस्तुतिले मेेला अवधि भरि नै अवलोकन कर्तालाई भरपुुुर मनोरञ्जन प्रदान गर्ने पनि बताइएको छ।

मेलामा बिक्री गरिने सामानमा २५ देखि ५० प्रतिशतसम्म छुटको व्यवस्था गरिएको आयोजकले बताए । सो अवसरमा निःशुल्क स्वास्थ्य शिविरसमेत सञ्चालन गरिने पनि जानकारी गराइयो। वृहत मेलामा करिव पाँच लाख व्यक्तिले अवलोकन गर्ने अनुमान गरिएको सो मेलामा रु १० करोडदेखि रु १२ करोड सम्मको कारोवार हुने अपेक्षा गरिएको छ ।

 

 

 

Leave a Reply

Your email address will not be published. Required fields are marked *

खोज्नुहोस