102 Views
फागुन-१३ काठमाडौं । एशियाली क्षेत्रबाट महिला विश्वकप क्रिकेट छनोट खेलमा आज नेपालले चिनसँग प्रतिस्पर्धा गर्दै छ । चार खेलबाट छ अंक प्रप्त गर्दै नेपाल छनोटका लागि प्रयासरत छ । प्रतियोगितामा बलियो देखिएको थाइल्याण्डको ८ अंक छ ।
अब हुने खेलमा नेपालले जितेर मात्र पुग्दैन । नतिजा अरुको खेलमा पनि भर पर्नुपर्ने अवस्था आएको छ । चिनसँगको खेल सोमबार १२: ४५ मा शुरु हुनेछ ।
यसअघि भएको पहिलो खेलमा नेपालले मलेसियालाई ३४ रनले पराजित गरेको थियो । त्यस्तै, दोस्रो खेलमा थाइल्यान्डसँग ५७ रनले पराजित हुँदा तेस्रो खेलमा भने नेपालले यूएईलाई सात विकेटले पराजित गर्न सफल भएको थियो । त्यस्तै, चौथो खेलमा नेपालले हङकङलाई चार विकेटले पराजित गरेको थियो ।
त्यसैगरी अन्तिम खेलमा नेपालले २७ तारिखमा कुवेतसँग खेल्दैछ ।
