काठमाडौं, ९ वैशाख । नेपाली बजारमा सुनको मूल्य हालसम्मकै उच्च भएको छ । मङ्गलबार सुनको मूल्य एकैदिन तोलामा ६ हजार ९ सय रुपैयाँले बढेर २ लाख रुपैयाँ नजिक पुगेको छ ।

नेपाल सुनचाँदी व्यवसायी महासङ्घका अनुसार आज सुन प्रतितोला १ लाख ९७ हजार ९ सय रुपैयाँमा पुगेर ऐतिहासिक रेकर्ड कायम गरेको छ । यसअघि हिजो (सोमबार) मात्रै सुन १ लाख ९१ हजार रुपैयाँ प्रतितोलामा किनबेच भएको थियो । लगातार दुई दिनको मूल्य वृद्धिले सुनको दरले नयाँ रेकर्ड बनाउँदै गएको छ ।

यता चाँदीको मूल्य भने सामान्य बढेको छ । सोमबार प्रतितोला १ हजार ९६० रुपैयाँमा कारोबार भएको चाँदी आज  तोलामा १० रुपैयाँले बढेर चाँदी १ हजार ९ सय ७० रुपैयाँमा कारोबार भइरहेको महासङ्घले जनाएको छ ।