काठमाडौं, २० चैत । भाटभटेनी सुपरमार्केटले गत १५ गते भएको घटनामा बहादुरी देखाएका सुरक्षा गार्डलाई पुरस्कृत गरेको छ । आज एक कार्यक्रमबीच उनीहरूलाई पुरस्कृत गरिएको हो ।
भाटभटेनी लुटपाट र तोडफोड हुनबाट जोगाउन योगदान पुर्याएका दुल प्रसाद पराजुलीलाई ५ लाख १ सय ११ रुपैयाँ पुरस्कार र पाँच ग्रेड बढुवा गरिएको छ । पराजुली विगत २२ वर्षदेखि भाटभटेनीमा आवद्ध छन् ।
यसैगरी अन्य सुरक्षा गार्ड सागर गुरुङ ५१ हजार १ रुपैयाँसहित दुई ग्रेड तथा सूर्य गिरी, दिपेश खड्का, सोम बहादुरलाई २५ हजार १ रुपैयाँ नगद र एक ग्रेड बढुवासहित सम्मान गरिएको छ ।
उनीहरू सबैलाई भाटभेटनी सुपरमार्केटका मालिक मीन बहादुर गुरुङले पुरस्कारसहित सम्मान गरेका हुन् ।