काठमाडौं, ५ चैत । मंगलबार नेपाली बजारमा सुनको मूल्यले नयाँ रेकर्ड बनाएको छ । आज सुन प्रतितोला ११ सय रुपैयाँले बढेर हाल सम्मकै उच्च रेकर्ड कायम भएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७५ हजार २ सय रुपैयाँमा कारोबार भईरहेको छ ।

यसअघि सुनको मूल्यले गत फागुन ३० गते हालसम्मकै उच्च कायम भएको थियो । त्यसबेला सुन तोलामा १ लाख ७४ हजार ५ सय रुपैयाँमा कारोबार भएको थियो ।

अघिल्लो कारोबार दिन सोमबार भने सुन १ लाख ७४ हजार १ सय रुपैयाँमा कारोबार भएको थियो ।

त्यस्तै आज चाँदीको मूल्य पनि बढेको छ । यस दिन चाँदी प्रतितोला १० रुपैयाँले बढेर २ हजार ५० रुपैयाँमा कारोबार भइरहेको महासंघले जनाएको छ । सोमबार चाँदी तोलामा २ हजार ४० रुपैयाँमा कारोबार भएको थियो ।