90 Views

काठमाडौं, १३ जेठ । प्रतिनिधि सभामा विपक्षी दलको को अबरोधकैबीच सरकारले आगामी आर्थिक वर्षका लागि ल्याएको नीति तथा कार्यक्रम पारित भएको छ ।
आइतबार बसेको प्रतिनिधि सभाको बैठकमा आर्थिक वर्ष २०८१–८२ का लागि ल्याइएको नीति तथा कार्यक्रम बहुमतले पारित भएको हो ।

सरकारको तर्फबाट गत जेठ १ गते राष्ट्रपति रामचन्द्र पौडेले संघीय संसदको संयुक्त बैठकमा सरकारको नीति तथा कार्यक्रम पेश गरेका थिए ।

यस्तै सरकारले आर्थिक वर्ष २०८१–८२ को बजेट मंगलबार ल्याउने भएको छ । प्रतिनिधिसभाका सभामुख देवराज घिमिरेले बजेट वक्तव्यका लागि मंगलबार दिउँसो १ बजे सङ्घीय संसदको संयुक्त बैठक बोलाइएको जानकारी गराएका हुन् ।

उनले बैठकमा सहभागिताका लागि पौने १ बजेभित्रै संसद् भवन प्रवेश गरिसक्न सांसदहरूलाई अनुरोध गरेका छन् ।

प्रतिनिधि सभाको अर्को बैठक मंगलबार दिउँसो चार बजेका लागि बोलाइएको छ ।