post image

चैत १०, काठमाडौं। विद्यालय शिक्षामा सही छनौट र अध्यापन पद्धतिको सही प्रयोगले मात्र२१ औं शताब्दीमा आवश्यक दक्ष जनशक्ति उत्पादन गर्न सकिन्छ । उचित मार्गनिर्देशन भएमा मात्र भविष्यमा उनीहरु जस्तोसुकै चुनौति सामना गर्न सक्ने ग्लोबल सिटिजन बन्न सक्दछन् ।काठमाडौँ उपत्यकामा करिब चार हजारभन्दा बढी स्कुल हरू रहेका छन्।

आफ्नो नानीहरुलाई कुनै स्कुलमा पढाउने कस्तो शिक्षा दिने यो सबैका सामु चुनौतीपूर्ण बनेको छ। उत्तरदायि, प्रगतिशील र व्यावहारिक शिक्षण पद्धति आजको आवश्यकता हो । सबै विद्यार्थी शिक्षकतर्फ फर्किएर अध्ययन गर्ने र शिक्षकले एकोहोरो रटाइ रहने यो पुरातन र सैद्धान्तिक पद्दतीले विद्यार्थीहरुको चौतर्फी विकासको बाधक बनिरहेको छ ।

प्रगतिशील र व्यापारिक सिकाइ समाजमा रहेका आर्थिक-सामाजिक लैङ्गिक विविधता र त्यसले ल्याएको समस्यालाई समाधान गर्न सक्ने नागरिक उत्पादनका लागि विद्यार्थीलाई त्यस्ताखालका समस्याहरूको पहिचान गर्न यस् वेन्डी हाउस स्कुल ले बिधार्थी हरू लाई सिकाएको छ । कक्षाकोठाको उचित प्रवन्ध र शिक्षक लाई फ्यासिलीटेटर को रुपमा उभ्याउँदै विद्यार्थीहरुलाई एक्टिभ लर्नर प्रब्लम सल्भर्स र प्लानर्स  को रुपमा अगाडि बढाइन्छ।

जसको कारण विद्यार्थीहरुलाई सिप सिक्न ज्ञान लिन र अवधारणा विकास गर्नका लागि रचनात्मक पद्धतिबाट सजिलो हुन्छ । विद्यार्थीहरूको उज्ज्वल भविष्य निर्माणका लागि वेन्डी हाउस स्कुलले आफ्नो शिक्षण पद्धतिलाई विद्यार्थीको जीवनसँग जोडेर जीवन र जगत जोड्ने काम गरेको छ । काठमाडौंको विशालनगरमा अवस्थित यस स्कुल ले स्थापनाकालदेखि नै विद्यार्थीलाई परिराणात्मक भन्दा गुणात्मक बिकास लाई जोड दिएको छ।

स्मार्ट सिकाइका लागि यहाँ स्माट क्लास मार्फत पढाइ गरिन्छ । शिशु कक्षादेखि कक्षा १० सम्म अध्ययन अध्यापन गराइरहेको यस विन्डी हाऊस स्कुलले कक्षा11को समेत अध्ययन-अध्यापन अगाडि बढाउने भएको छ । कक्षाकोठा भित्र र बाहिरका लागि आवश्यक सम्पूर्ण भौतिक पूर्वाधार र संयन्त्र विन्डी हाऊस स्कुलमा विद्यमान छ । यस स्कुलले यसै बर्ष बाट अटिजम भयकाले बालबालिकालाई समेत बिशेष स्कुल को सुरुवात गरेको छ ।

post image

चैत १०, काठमाडौं। चर्चित अभिनेत्री करिष्मा मानन्धरले एसईई परीक्षा दिएकी छिन् । करिष्माले डिल्लीबजारस्थित विजय स्मारक मावि केन्द्रबाट परीक्षा दिएकी हुन् ।

कक्षा ८ देखि काठमाडौं मैतीदेवीस्थित त्रिवेणी माविको नियमित विद्यार्थी भएर पढेकी मानन्धरले यही विद्यालयको नियमित विद्यार्थीका रूपमा  परीक्षा दिएकी हुन् ।

परीक्षा दिनका लागि मानन्धर आफैं बा९च ४२६ नम्बरको कार हाँकेर परीक्षा केन्द्र पुगेकी थिइन् । परीक्षा केन्द्रतर्फ प्रवेश गर्नुअघि करिष्मालाई कोरियोग्राफर गोविन्द राईले टीका लगाएर शुभकामना दिएका थिए ।
नयाँ शक्ति पार्टीकी नेत्री समेत रहेकी करिष्मालाई नयाँ शक्ति पार्टीका संयोजक बाबुराम भट्टराईले पनि फोन गरेका शुभकामना दिएका छन् ।  करिष्माले भट्टराईकै प्रेरणाले आफूले अध्ययनको योजना बनाएको बताउँदै आएकी छिन् ।

 

post image

चैत १०, काठमाडौं। यस वर्षको माध्यामिक शिक्षा परीक्षा (एसईई) देशैभरी सुरु भएको छ । आइतबार (आज) बाट सुरु हुने परीक्षामा कुल चार लाख ७५ हजार तीन परीक्षार्थी सहभागी भएका छन् ।

परीक्षा नियन्त्रण कार्यालय (कक्षा १०) सानोठिमीका अनुसार शैक्षिक सत्रमा कम्तीमा ७५ प्रतिशत हाजिरी पुग्नुपर्ने व्यवस्था भएकाले सो हाजिरी नपुगेका कतिपय विद्यार्थी परीक्षामा सम्मिलित हुन नपाउने भएकाले सहभागी हुने भनिएका परीक्षार्थीको सङ्ख्या घट्ने अनुमान गरिएको छ ।

यस वर्ष नियमिततर्फ चार लाख ५० हजार १८६ परीक्षार्थी सहभागी हुँदैछन् । त्यसैगरी, देशभरि एक हजार ९६९ परीक्षा केन्द्र कायम गरिएको छ ।

सातवटै प्रदेशमा साधारणतर्फका अनिवार्य छवटा विषयको छुट्टछुट्टै प्रश्नपत्र तयार गरिएको छ । संस्कृत र प्राविधिकतर्फका परीक्षार्थीका लागि भने एउटै प्रश्नपत्र हुनेछ । परीक्षामा ७२ हजार ६७१ जनशक्ति परिचालन हुनेछन् । तीमध्ये सुरक्षाकर्मीमात्र २९ हजार ५३५ छन् ।  परीक्षा चैत २१ गतेसम्म सञ्चालन हुनेछ ।

post image

चैत ७, काठमाडौं । दिल्ली एकेडेमी अफ मेडिकल साइंस (डीएएमएस) पीजी मेडिकल इन्ट्रान्स एजुकेशन को क्षेत्र मा बिगत 16 वर्ष देखि स्थापित एक नाम हो। डक्टर सुमेर सेठी जसले एआईपीजी / एआईएमएसमा टप गरिसकेका छन उनकै नेतृत्व मा, यो संस्था चल्दै आएको छ ।

डीएएमएस ईजीजी (एनबीई / एनइइटि ) प्यार्टनमा आधारित , एआईएमएस, पीजीआई, यूपीएससी, डीएनबी र एएमपी को लागि नं 1 कोचिंग संस्थान हो। डीएएमएसले  विशेष पाठ्यक्रम प्रदान गर्दछ जो सम्बन्धित क्षेत्रहरुमा विशेषज्ञहरु द्वारा डिज़ाइन गरिएको छ ।

 दिल्ली, एकेडमी ऑफ मेडिकल साइंसेज एक बेंच मार्क संस्थान बनाउन को लागी स्थापना भएको थियोजसको लक्ष्य , ईजीपी स्नातक चिकित्सा प्रवेश परीक्षा को सबै भन्दा कठिन प्रतिस्पर्धी परीक्षा मा उत्कृष्टता प्राप्त प्राप्त गर्नु रहेको थियो ।

यहि डीएएमएसले हालै नेपालमा पनि आफ्नो सेवा बिस्तार गरेको छ । काठमाडौँको उत्तरढोकामा आफ्नो साखा विस्तार गरेको डीएएमएस नेपालका लागि एड्भाइजर अरविन्द्र केशरीले जानकारी गराए । डीएएमएसले नेपालमा आइओएम , बिपी के आइएचएस , पीएएचएस , एनएएमएस लगायतका पीजी कोर्सहरु संचालनमा ल्याएको छ ।

साथै यस संस्थाले अमेरिकामा लिइने युएसएमएलइ परिक्षाको पनि प्रशिक्षण दिइने केशरीले जानकारी गराए ।

post image

चैत ५,मुग्लिन। विवेकशील साझा पार्टीले मेडिकल कलेजहरूले तोकिएभन्दा बढी शुल्क लिएर विद्यार्थीबाट लाखौंलाख ठगी गरेका पछिल्ला समाचारहरूप्रति गम्भीर ध्यानाकर्षण भएको जनाएको छ।

विवेकशील साझा पार्टीका प्रवक्ता सूर्यराज आचार्यले विज्ञप्ति जारी गरी शिक्षा र स्वास्थजस्ता आधारभूत सेवाका क्षेत्रमा नाफाखोर व्यवसायीकरणको नीतिले गर्दा अभिभावक र विद्यार्थी निरन्तर रूपमा मारमा परेको बताउँदै तोकिएभन्दा बढी शुल्क लिने दोषी कलेजलाई कारबाही गर्नेतर्फ सरकारको ध्यानाकर्षण गराएका छन्।

‘तोकिएको भन्दा बढी शुल्कले विद्यार्थी र अभिभावकलाई मर्का पर्न गएकामा आवश्यक कदम चालेर बढी शुल्क लिइएकाको हकमा सो शुल्क फिर्ता र आइन्दा तोकिएको भन्दा थप शुल्क लिने सम्पूर्ण शैक्षिक संस्थाको मनोमानी प्रवृत्तिलाई निरूत्साहित गर्न तत्काल कडा कदम चाल्न सरकारसँग माग गर्दछौं’, विज्ञप्तिमा भनिएको छ।

शिक्षा र स्वास्थ्यजस्ता आधारभूत सामाजिक सेवामा राज्यको दायित्वसहित नागरिकको सहज र न्यायोचित पहुँच सुनिश्चितका लागि आवश्यक कानुनी व्यवस्था गर्न पनि विवेकशील साझा पार्टीले माग गरेको छ।रासस

post image

चैत ५,काठमाडौं । गुणस्तरीय शिक्षाका लागि नेपाली बिधार्थीहरू परापुर्व कालदेखि भारतीय शैक्षिक संस्था हरूमा जाने गरेका छन् । बिशेषत भारतीय शिक्षण प्रणाली पुरानो, जिबन उपयोगी, शीप र दक्षताले भरिपुर्ण भएकाले पनि नेपाली बिधार्थी हरू मात्र नभई संसारका बिभिन्न मुलुकहरुबाट अध्ययनका लागि अन्तर्राष्ट्रिय बिधार्थी हरू भारत जाने गरेका छन् ।

कला, सस्कृति, रितिरिवाज, भाषा, खानपान देखि लिएर बसोबास र जीवनस्तरमा समानता रहनुले पनि बर्षेनी हजारौंको संख्यामा नेपाली बिधार्थीहरू भारतीय शैक्षिक संस्था हरुप्रती आकषिर्त भएका हुन् । यसै कुरा लाई मध्यनजर गर्दै माईतिघर काठमाडौंमा अवस्थित जे आर एजुकेशनले स्थापना काल देखि नै भारतीय शैक्षिक संस्थाहरूमा अध्ययनका लागि परामर्श प्रदान गर्दै आएको छ ।

यसै सन्दर्भमा जे आर एजुकेशनको सहकार्यमा काठमाडौंमा भाई गुरुदाश ग्रुप अफ् इन्स्टिच्यूसन् पंजाबको इन्फर्मेसन सेन्टरको स्थापना गरिएको छ । अभिभावक तथा विद्यार्थीहरूलाई भाई गुरुदाश ग्रुप अफ् इन्स्टिच्यूसन् पंजाब को बारेमा सहजै जानकारी पाउन सकुन् भन्ने उद्देश्यले यो सेन्टरको स्थापना गरिएको हो । विश्व बजारमा प्रतिस्पर्धा गर्न सक्ने मानव संसाधन विकास गर्ने उद्देश्यले सन् 1997 मा शैक्षिक यात्रा सुरु गरेको भाई गुरुदाश ग्रुप अफ् इन्स्टिच्यूसन् पंजाबकै उत्कृष्ट कलेज ग्रुप हो। यस समूहले सफलतापूर्वक पंजाब को विभिन्न जिल्लाहरुमा ईन्जिनियरिङ, मेनेजमेन्ट, कम्प्युटर एप्लिकेशन, ल, नर्सिङ र पोलिटेक्नीक जस्ता प्रभावकारी बिषयमा सातवटा छुट्टाछुट्टै कलेजहरु संचालन गरिरहेको छ। यो एक पंजाब टेक्निकल युनिभर्सिटी सम्बद्ध र AICTE अनुमोदित संस्था हो।

संस्थाको अन्तिम लक्ष्य अझ राम्रो नागरिक सिर्जना गरी उत्तम राष्ट्र सिर्जना गर्नु हो। विद्यार्थीहरूको सर्वाङगीण बिकास नै आफ्नो उपलब्धि ठान्ने यस संस्थाले उत्कृष्ट शैक्षिक पूर्बाधार र अनुसन्धानमा बिधार्थी हरू लाई केन्द्रीय गरेको छ। अध्यन पछि को अवसरका लागि शैक्षिक संस्थान र उद्योगहरू बीच  सहकार्यको विकास गरीएको छ । भाई गुरुदाश ग्रुप अफ् इन्स्टिच्यूसन् आइयसटिइ र यनबिए एक्र्डियटेड कलेज हो। भाई गुरुदाश ग्रुप अफ् इन्स्टिच्यूसन् पंजाबको काठमाडौं इन्फर्मेसन सेन्टरको समुद्घाटन भाई गुरुदाश ग्रुप अफ् इन्स्टिच्यूसन् का चेयरम्यान डाक्टर गुनिन्दरजित सिङ जवान्दले रिवन काटेर सेन्टरको समुद्घाटन गर्नु भयो ।

समुद्घाटन समारोहमा बोल्दै भाई गुरुदाश ग्रुप अफ् इन्स्टिच्यूसन् का चेयरम्यान डाक्टर गुनिन्दरजित सिङ जवान्धले भाई गुरुदाश ग्रुप अफ् इन्स्टिच्यूसन् पंजाबको काठमाडौं इन्फर्मेसन सेन्टरले कलेजमा भर्ना भएका बिधार्थी हरूको अभिभावक तथा सम्भावित बिधार्थी हरू लाई आवस्यक जानकारी प्रदान गर्ने र पुर्ण रूपमा प्रबिधिको प्रयोग भएकोले निमेष भरमै कलेजको गतिबिधि, नेपाली बिधार्थी हरूको अवस्था र प्रगति बिबरण प्राप्त गर्न सकिने जानकारी दिनुभयो । त्यसैगरी कार्यक्रममा बोल्दै कलेजकी डिन डाक्टर शुभ्रीत कौर जवान्धले भाई गुरुदाश ग्रुप अफ् इन्स्टिच्यूसन् पंजाबको काठमाडौं इन्फर्मेसन सेन्टरले अभिभावक र नेपाली बिधार्थी हरू बीचको दुरी धट्ने हुदा कलेज लाई समेत रिपोर्टिङ गर्न सहज हुने जानकारी गराउनु भयो ।

साथै यस कलेजका बारेमा परामर्श ब्यवसाय जगतमा जानकारी गराउने उद्देश्यले होटल याक एण्ड यतीमा एजेन्ट-मिट कायक्रम समेत आयोजना गरिएको जानकारी गराऊनु भयो। भाई गुरुदाश ग्रुप अफ् इन्स्टिच्यूसन् पंजाबको काठमाडौं इन्फर्मेसन सेन्टरको नेपाल प्रतिनिधि तथा जे आर एजुकेशनले बिभिन्न भारतीय शैक्षिक संस्थाको प्रबर्धन गरिरहदा बिधार्थी हरूको स-साना समस्या हरूको समाधान सेन्टरले तुरुन्त गर्न सकिने हुनाले समयको बचत, पारदर्शिता र जवाफदेहिता कायम गर्न सहज होस् भन्ने उद्देश्यले यो सेन्टरको स्थापना गरिएको हो । जे आर एजुकेशन नेपाल सरकार शिक्षा मन्त्रालयद्वारा मान्यता प्राप्त संस्था हो। जे आर एजुकेशन नेपाल सरकार शिक्षा मन्त्रालयद्वारा मान्यता प्राप्त संस्था हो। जसको माईतिघर कठमाडौंमा केन्द्रीय कार्यालय , बालकुमारी ललितपुर, बुटवल र राजविराजमा शाखा कार्यालयहरु रहेका छन् ।

post image

चैत ४,काठमाडौं । काठमाडौँ बागबजारमा रहेको पद्मकन्या क्याम्पसमा नेबि संघले आइतबारबाट आमरण अनशन सुरु गरेको छ । विभिन्न माग राखेर अनशनमा बसेको अनशनमा अहिले देखिरहेका समस्या समाधानका लगि तुरुन्त कदम चालिनुपर्ने अनशनरत नेतृ अर्पणा खड्काले बताइन।

क्याम्पस प्रमुखको नियुक्ति यथाशिघ्र दक्षताको आधारमा  गर्न ,इ लाइबे्ररीको व्यवस्था कलेज हाता भित्र सर्वसुलभ वाइफाईको व्यवस्था, विद्यार्थीका लागि होस्टेल, तथा कलेजको भैतिक अवस्था सुधार लगायत गरिनुपर्ने संघले जनाएको छ ।

आफ्ना मागहरु पुरा नभईन्जेल सम्म अनशन बसिरहने र माग पुरा गरेर मात्र अनशन बाट उठ्ने उनले दृढ संकल्प गरेको समेत बताइन ।   आफ्ना मागमा समर्थन   गर्नेका लागि हस्ताक्षर अभियान समेत चलाइएको र हालसम्म ५०० बिद्यार्थीले हस्ताक्षर गरेर साथ दिएको उनको भनाइ छ ।

post image

 फागुन २७, काठमाडौं । मध्य बानेश्वरमा रहेको ग्लोबल कलेज अफ मेनेजमेन्टले अन्तरकलेज प्रतियोगिता सम्पन्न गरेको छ । बिद्यार्थीलाई अझै मेहेनती र बिजनेस सम्बन्धी ज्ञान दिन “मेरो कारखाना – तपाईं भित्रको उद्यमी अन्वेषण”नामक प्रतिष्पर्धी कार्यक्रम सम्पन्न भएको हो ।  कार्यक्रममा चार प्रतिस्पर्धात्मक गतिविधिहरू रहेका थिए जसमा नयाँ उत्पाद विकास (एनपीडी) , बजार , केस अनालाइसिस र बिज्ञापन रहेको थियो ।

कार्यक्रमको प्रमुख अतिथी नेपालका पछिल्लो मुख्य सचिव डा. बिमल कोइरालाले दिप प्रज्वलन गरेर उद्घाटन गर्नुभएको थियो । वहाँले द्यार्थीलाई आफ्नै देशमा मेहेनत गर्न प्रेरणा प्रदान गर्नुभएको थियो । वहाँले नेपाली युवा युवतीले आफ्नै मातृभूमिमा काम गर्नुको सट्टा विदेशी भूमिमा आकर्षित भएकोमा गुनासो गर्नुभयो। वहाँले राजनीतिक मामिलामा ध्यान केन्द्रित गर्नुको सट्टा हामीले हाम्रो आर्थिक अवस्था सुधार गर्न काम गर्नुपर्ने बताए।हाम्रो देशमा परिवर्तन ल्याउन सक्ने व्यक्ति हामी आफै हो। यदि हामीले मेहेनतका साथ केहि गर्ने आटयौं भने नतिजा बिकसित देशको भन्दा राम्रो हुनेमा दुइमत नरहेको वहाँले बताउनुभयो।

 कार्यक्रममा ग्लोबल कलेज अफ म्यानेजमेन्टका विद्यार्थीहरूले संगीत र नृत्य प्रदर्शन गरेर मनोरन्जन प्रदान गरेका थिए ।

 उक्त प्रतिष्पर्धामा सेन्ट लरेंस कलेजले तेस्रो स्थान हासिल गर्दै नगद रु ५००० पुरस्कार प्राप्त गर्यो । काठमाडौं विश्व विद्यालयले दोस्रो स्थान जित्दै रु १५ हजार नगद पुरस्कार प्राप्त गर्न सफल भयो । त्यस्तै पहिलो बनेको ग्लोबल कलेज अफ म्यानेजमेन्टले भने रु २० हजार नगद पुरस्कार पाउन सफल भयो ।  एम्बिशन कलेज र प्रिमियर कलेजको विद्यार्थीले क्रमशः राम्रो प्रस्तुतीकरण महिला र पुरुष को टाइटल जित्न सफल बने । बिजेता कलेजहरुले मेडल ट्रफि , प्रमाणपत्र र गुरुकल सीएबाट छात्रवृत्ति समेत पाएका थिए ।

post image

फागुन २३, काठमाडौँ । भिक्टोरियाका लागि नेपालका अवैतनिक महावाणिज्यदूत चन्द्र योञ्जन करिब ३० बर्षअघि अष्ट्रेलिया पुगेका थिए । जव उनि अष्ट्रेलिया गएका थिए त्यस समय अष्ट्रेलिया जाने नेपालीको संख्या औंलामा गन्न सकिन्थ्यो , कोहि नेपाली देख्न पाउँदा खुशीले गदगद भएको त्यो क्षण योन्जनको मनमस्तिष्कमा अझै पनि ताजा नै रहेको छ । दिन बित्दै गए समय बदलिंदै गयो र अष्ट्रेलियामा अध्ययनको लागि जाने बिद्यार्थीको संख्या पनि बिस्तारै बधाई गयो र अहिले त त्यो संख्या आक्रामक नै छ । टोपी लगाएको मान्छे देख्दा उनि दौडेर समाउन र भेट्न सम्म पुग्थे ।

अहिलेको समयमा भने अष्ट्रेलियामा नेपाली कम्युनिटी बाक्लो छ हजुरबुवा देखि नातिनीसम्मकै समाज त्यहाँ स्थापीत भइसकेको छ  । हालको समयमा नेपाली बिद्यार्थी धेरै उत्साहित , साहसी , स्मार्ट भएको र काम पाउन सजिलोका साथै नेपाली कम्युनिटीको सहयोगले थोरै समयमा नै अष्ट्रेलियामा सजिलै घुलमिल हुन् सक्ने वातावरण रहेको महावाणिज्यदूत चन्द्र योञ्जन बताउँछन् ।उनै चन्द्र योञ्जनसंग इन्फोप्लसले गरेको कुराकानी :

post image

फागुन २३, काठमाडौँ । राहत अनुदान कोटाका शिक्षकलाई सरकारले स्थायी प्रक्रियामा लैजाने सहमति गरेको छ। शिक्षा, विज्ञान तथा प्रविधि मन्त्रालयका सचिव खगराज बराल र आन्दोलनरत शिक्षकका प्रतिनिधिबीच ३ बुँदामा सहमति जुटेपछि आन्दोलनका सबै कार्यक्रम फिर्ता लिएर शिक्षकहरू पढाउन विद्यालय गएका छन्।

बुधबार राति शिक्षा मन्त्रालयमा भएको वार्तामा सहभागी नेपाल राहत शिक्षक केन्द्रीय समितिका संरक्षक तथा पूर्वअध्यक्ष गोकुल रोकायले राहत अनुदान कोटामा नियुक्त भएका शिक्षक र बाल विकास केन्द्रमा कार्यरत सहयोगी कार्यकर्ता (शिक्षक) लाई स्थायी प्रक्रियामा लैजान मन्त्रालय तयार भएपछि आन्दोलन फिर्ता गरेको बताए।

‘राहत अनुदान कोटामा नियुक्त भएका शिक्षक तथा बालविकास केन्द्रका सहयोगी कार्यकर्तालाई निश्चित मापदण्डको आधारमा स्वीकृत दरबन्दीमा परिणत गरी आन्तरिक र खुला प्रतियोगितात्मक परीक्षाबाट स्थायी प्रक्रियामा लैजान मन्त्रालयले आवश्यक प्रवन्ध गर्ने सहमति भएको छ भने परीक्षामा सहभागी हुन एक पटकका लागि उमेरको हद नलाग्ने सहमति छ।’

माइतीघर मण्डलादेखि बानेश्वरसम्म आन्दोलन गर्दा घाइते शिक्षकको शीघ्र स्वास्थ्य लाभको कामना गर्दै उपचारको व्यवस्था गर्ने र आन्दोलनका सबै कार्यक्रम फिर्ता लिने सहमति भएको उनले बताए।देशका २८ हजार सामुदायिक विद्यालयमा ४० हजार राहत अनुदान कोटाका शिक्षक छन् भने ३६ हजार बाल विकास केन्द्रमा सहयोगी कार्यकर्ता छन्।

post image

फागुन २१, काठमाडौं । आन्दोलनरत राहत तथा बाल विकास केन्द्रका शिक्षकको माग पूरा गर्न प्रमुख प्रतिपक्षी दल नेपाली कांग्रेसले माग गरेको छ। आफूहरूलाई स्वत: स्थायी हुने व्यवस्था प्रस्तावित शिक्षा ऐनमा राख्न माग गर्दै दुई दिनदेखि शिक्षकहरू राजधानीमा आन्दोलनरत छन्।

प्रमुख सचेतक बालकृष्ण खाँणले निकालेको विज्ञप्तिमा आफ्ना माग पूरा गर्न दबाब दिन शिक्षकले शान्तिपूर्ण आन्दोलन गरे पनि सरकारले दमन गरेकोमा विरोध गरिएको छ। प्रहरीले महिला शिक्षकलाई दुर्व्यवहार गरेको तथा अन्य शिक्षकमाथि अन्धाधुन्ध बल प्रयोग गरेकोमा कांग्रेसले ध्यानाकर्षण भएको जनाएको हो।

‘शान्तिपूर्ण रूपले प्रदर्शन गर्न पाउने नैसर्गिक अधिकार माथि सरकारले अंकुश लगाउने कार्य गरिरहेको छ। सरकारको निरकुंश चरित्रलाई उदाङगो बनाएको छ,’ कांग्रेसले भनेको छ, ‘अमानवीय घटनाप्रति कांग्रेस संसदीय दल घोर निन्दा र भत्सर्ना गर्दछ।’

सोमबार शान्तिपूर्ण ढंगले आन्दोलन गरिरहेको बेला प्रहरीले हस्तक्षेप गरेको विरोधमा आज उनीहरूले देशभरमा सामुदायिक विद्यालय बन्द गरेका छन्।

post image

फागुन १५, काठमाडौं । अष्ट्रेलिया स्थित अष्ट्रेलिया इन्टिच्युट अफ विजनेश एण्ड टेक्नोलोजी (एआईविटी) दर्ता खारेजीबाट उत्पन्न समस्या समाधानका लागि आज काठमाडौँमा एक पत्रकार सम्मेलन गरिएको छ  । नेपाल स्थित शैक्षिक परामर्शदाता कम्पनीहरुका छाता संगठनहरु इक्यान, फेकन, आईरिन र नायरके  राजधानीमा पत्रकार सम्मेलन गर्दै उक्त समस्या समाधानतर्फ आफुहरु उन्मुख रहेको बताएका हुन् ।

पत्रकार सम्मेलनमा  एआईविटी कलेज अष्ट्रेलियाको आधिकारिक निकायमा दर्ता भई स्विकृति लिएरै भोकेशनल एजुकेशन सम्बन्धि कार्यक्रम सञ्चालन गर्ने कलेज भएपनि नर्सिङ्ग डिप्लोमाको मान्यता सम्बन्धि विषयलाई लिएर उब्जेको विवादका कारण ASQA द्वारा उक्त कलेजको दर्ता खारेज गर्ने निर्णय भएको जानकारी दिईयो ।

कार्यक्रममा बोल्दै ईक्यानका अध्यक्ष विष्णुहरी पाण्डेले एआईबीटी कलेजमा  देखिएका समस्या समाधान गर्न ईक्यानले संस्थागत रुपमा सम्बन्धित निकायहरुसंग आवश्यक छलफल र परामर्श गरेको बताए । जो विद्यार्थी अब अध्ययन नै गर्दिन र स्वदेश फर्किन्छु भन्छ उसले कलेजलाई बुझाएको शुल्कमा अध्ययन अवधि बाँकी रहेको रहेछ भने बाँकी अवधिको शुल्क टिपिएसले फिर्ता गर्ने र जो विद्यार्थी नर्सिङ्ग विषयमा डिप्लोमा वा एडभान्स डिप्लोमाको अध्ययन पुरा गर्न अवस्थामा छन् उनिहरुको हकमा हालसम्मको अध्ययनको मान्यता स्थानान्तरण हुने शिक्षण संस्थामा स्थान्तरण गर्न सकिने पाण्डेले बताए । 

कार्यक्रममा बोल्दै आईरिन अध्यक्ष कुमार कार्कीले एआईविटी प्रकरणमा सबै दोश परामर्श व्यवसायिलाई लगाउन नहुने जिकिर गरे । मुख्य जिम्मेबार एआईविटी कलेज र अष्ट्रेलियन सरकार भएको उनको ठहर थियो । एआईविटी कलेज र अष्ट्रेलियन सरकार पनि समस्या समाधानको लागि गंभिर भएकोले यो ठूलो चिन्ताको बिषय नरहेको उनले बताए ।

त्यसैगरी कार्यक्रममा बोल्दै फेकन अध्यक्ष युवराज कटुवालले शैक्षिक परामर्श व्यवसायिले आफ्नो नीति नियम र परिधिभित्रै रहेर बैधानिक काम गरेपनि अष्ट्रेलियामा रहेकै कलेजमा समस्या आएकोले नेपाल सरकारले परराष्ट्र मन्त्रालयमार्फत समाधानको पहल गर्नुपर्ने माग गरे । यो समस्या समाधानको लागि फेकनले पनि सक्दो पहल गर्ने उनले बताए ।

यता इक्यानका प्रथम अध्यक्ष तथा कंगारु एजुकेशन कन्सल्टेन्सीका प्रमूख कार्यकारी अधिकृत महेशबाबु तिमिल्सिनाले एआईविटी प्रकरणमा परेका विद्यार्थीहरुको  सरकारी तवरबाटै समाधानको पहल भएको बताए । मिडियामा आएजस्तो यो भयंकर ठूलो समस्या नभएको र समाधानको शुरुवात भैसकेको उनको भनाई थियो । सम्भव भएका विद्यार्थीको कलेज स्थानान्तरण गराईदिन नेपाल सरकारको तर्फबाट अष्ट्रेलिया सरकार समक्ष अनुरोध गर्ने पहल भैरहेको उनले जानकारी दिए ।

शैक्षिक परामर्श व्यवसायिको तर्फबाट बोल्दै एक्सपर्ट एजुकेशनका खेम संग्रौलाले एआईविटी प्रकरणलाई अतिरन्जित गराउने काम भएको बताए । शैक्षिक परामर्श व्यवसायिले विद्यार्थीलाई धम्क्याएको, वेवास्था गरेको भन्ने जस्ता भ्रम फैलाउने कार्य भएकोमा उनले दुःख व्यक्त गरे । एक्सपर्ट एजुकेशनबाट गएका केवल ८ जना विद्यार्थी समस्यामा परेकोमा सयौं विद्यार्थी अलपत्र पारेको भन्ने आरोप लगाईने गरेकोमा आफुहरुको ध्यानाकर्षण भएको उनले बताए ।

एआईविटी कलेजको न्यु साउथ वेल्स राज्यमा दुईवटा क्याम्पस, क्विनसल्याण्ड राज्यमा एउटा क्याम्पस र टास्मानिया राज्यमा एउटा क्याम्पस सञ्चालनमा रहेका छन् । धेरै कन्सल्टेन्सीहरुले उक्त कलेजमा विद्यार्थी भर्ना गराएका, अन्य विषयमा शुरुमा त्यहाँ पुगेका विद्यार्थीले पछि विषय परिवर्तन गरि नर्सीङ्ग अध्ययन गर्न थालेका, कतिपयले समस्या उत्पन्न हुनु भन्दा पहिलेनै कलेज स्थानान्तरण गरिसकेको अवस्थामा हाल समस्यामा परेका विद्यार्थी संख्या यकिन रुपमा उल्लेख गर्न सकिएको छैन ।

post image

फागुन १३, काठमाडौँ । अष्ट्रेलिया अध्ययनका लागि जान चाहने विद्यार्थीहरुलाई लक्षित गरी ग्लोबल रिच नेपालले उत्कृष्ट विश्वविद्यालयहरूसँग सहकार्य गरी परामर्श प्रदान गर्दै आएको छ । यसै कुरालाई  मध्यनजर गर्दै ग्लोबल रिच नेपालले प्रि- डिपार्चर ब्रिफिंग कार्यक्रम को आयोजना गरेको छ ।

अष्ट्रेलिया जाँदा कस्ता सामग्री हरु लग्नुपर्छ, एयरर्पोटमा आफू कसरी प्रस्तुत हुने र अष्ट्रेलिया पुगिसकेपछि युनिभर्सिटीका प्रतिनिधिहरुसँग कसरी सम्पर्क गर्ने भन्ने विषयमा केन्द्रित रही प्रि- डिपार्चर ब्रिफिंगको आयोजना गरेको हो।  विद्यार्थीहरुलाई अष्ट्रेलिया जाँदा यात्रामा पर्ने समस्याका बारेमा ग्लोबल रिच नेपालका नेपाल हेड नारयण बजाजले जानकारी गराए  ।

उत्कृष्ट परामर्श सेवाकै कारण  बिद्यार्थी र अभिभावक सामु प्रसिद्ध बन्दै गइरहेको ग्लोबल रिच नेपालले पछिल्लो समयमा विश्वविद्यालयका कोषहरुमा विद्यार्थीहरुलाई सकेसम्म बढीभन्दा बढी छात्रबृति उपलब्ध गराउँदै आइरहेको छ । ग्लोबल रिचका बारेमा विद्यार्थीहरु यस्तो प्रतिक्रिया दिन्छन् ।

ग्लोबल रिचले अष्ट्रेलियाका ४३ युनिभर्सिटीबाट समन्वय गरी सेवा प्रदान गर्दै आएको छ । यसको ६ वटा देशमा ४० वटा शाखा रहेका छन् भने नेपालमा काठमाडौ, पोखरा, बुटवल, र नारायणगढ गरी ४ वटा शाखा रहेका छन् ।

post image

फागुन १२, काठमाडौँ ।  यसैसाता माछापुच्छ्रे स्कुल सातदोबाटो कुसुन्तीले माछापुच्छ्रे स्कुल एक्जिबिसन कार्यक्रम सम्पन्न गरेको छ । ब्यवहारिक शिक्षाका लागि लागिपरेको माछापुच्छ्रे स्कुलले विद्यार्थीहरुको अध्ययन र खोज लाई बाहिर निस्कन सहज होस् भन्ने उदेश्यका साथ यो प्रदर्शनीको आयोजना गरेको हो ।

कार्यक्रमको समुद्घाटन रिपोर्टस क्लबका अध्यक्ष ऋषि धमलाले रिबन काटेर गर्नुभएको थियो । यस प्रदर्शनीमा विशेषगरी बिज्ञान , गणित र दैनिक उपयोगी प्रविधिलाई विद्यार्थीहरुले आफ्नो प्रोजेक्ट वर्क मार्फत प्रस्तुत गरेका थिए ।

समुद्घाटन कार्यक्रममा बोल्दै माछापुच्छ्रे स्कुलका सीइओ डाक्टर बिनोद यादवले ब्यबहारिक ज्ञान , सिप र दक्षता अभिवृद्धिका लागि यो प्रदर्शनी उपयुक्त रहेको कुरा जानकारी गराउनु भयो ।

त्यसैगरी कार्यक्रममा बोल्दै नागरिक दैनिकका बिउरो चिफ छत्र कार्कीले विद्यार्थीहरुलाई गुणस्तरीय शिक्षाले जीवन विकासको आधार बनाउनको लागि समेत उत्प्रेरणा प्रदान गर्नुभएको थियो ।

कार्यक्रममा बोल्दै सौजन्य मिडियाका कार्यक्रम व्यवस्थापक सुनिल आचार्यले विद्यार्थीहरुले प्रस्तुत गरिएका विभिन्न प्रोजेक्ट वर्क अतिथिका सामु प्रस्तुत गरी त्यसले नै विद्यार्थीको प्रतिभा मूल्यांकन गरिने हुँदा विद्यार्थीहरुलाई ढुक्क भएर आफूले तयार पारेका प्रोजेक्ट वर्क हरु प्रस्तुत गर्नका लागि हौसला प्रदान गर्नुभएको थियो ।प्रोग्रेसिभ एप्रोचलाई आत्मसात गर्दै शैक्षिक रणनीतिका साथ अगाडि बढिरहेको माछापुच्छ्रे स्कुलले प्रत्येक हप्ता जस्तो विभिन्न कार्यक्रमहरुको आयोजना गरिरहेको छ ।  शिशु कक्षा देखि कक्षा १० सम्म अध्ययन अध्यापन अगाडि बढिरहेको माछापुच्छ्रे स्कुलले  गुणस्तरीय शिक्षाका लागि सम्पूर्ण भौतिक पूर्वाधार तयार गरेको छ ।

post image

फागुन १२, काठमाडौं । काठमाडौँमा अष्ट्रेलियन स्किल माइग्रेसन सेमिनार हुने भएको छ । केबीए ग्लोबलको आयोजनामा आगामी मार्च २ तारिक शनिबारको दिन यस सेमिनार हुन गइरहेको छ ।

उक्त सेमिनारमा बिद्यार्थी बाहेक पनि अन्य क्षेत्रमा शिप हुने दक्ष तथा योग्य व्यक्तिहरुले अष्ट्रेलिया जाने अवसरको बारेमा जानकारी लिन सक्नेछन् । सेमिनारमा नर्दन टेरीटोरी अष्ट्रेलियाका उच्च पदाधिकारीको पनि सहभागिता रहने छ । यस सेवा सम्वन्धि सबै जानकारी अष्ट्रेलियन स्किल माइग्रेसन सेमिनारमा प्रदान गरिने आयोजकले बताएको छ  ।

लामो समयदेखि परामर्श प्रदान गर्दै आइरहेको केबीए ग्लोबल एजुकेसन एण्ड माइग्रेशन सन् २०१२ मा  अष्ट्रेलियाको डार्विनमा स्थापित भएको थियो। हाल यसका ५ कार्यालयहरुले अष्ट्रेलियाका बिभिन्न सहरहरुमा , ६ वटा कार्यालय नेपालमा र एउटा कार्यालय फिलिपिन्समा रहेर सेवा प्रदान गरिरहेका छन् ।

 

 

post image
फागुन ९,काठमाडौं । अखिल नेपाल राष्ट्रिय स्वतन्त्र बिद्यार्थी संघ अनेरास्ववियु कास्कीले प्रमुख जिल्ला अधिकारीलाई ज्ञापन पत्र बुझाएका छन् । अष्ट्रेलियामा पढ्न गएका बिद्यार्थीहरुको अलपत्र भएको कुरामा ध्यानाकर्षण गराउंदै अनेरास्ववियुले यो ज्ञापनपत्र बुझाएको हो ।
 उच्च शिक्षा अध्ययनका लागि अस्ट्रेलिया गएका हजारौं विद्यार्थी गलत सल्लाह र सुझावका कारण पछिललो चरणमा डिप्लोमा अफ नर्सिङ पढ्ने नाममा कलेज र एजेन्टको गलत रवैयाका कारण अन्यौलमा परेको ज्ञापनपत्रमा उल्लेख छ  ।
बैदेशिक अध्ययनको नाममा होडबाजी गर्दै अध्ययन गनें निकाय र विषयमा स्पष्ट नहुँदा एआइबीटी कलेजमा अध्ययन गनें एक हजार नेपाली विद्यार्थी यतिखेर दलालीहरुको फन्दाको शिकार भएका छन । चौबिस महिने डिप्लोमा अफ नर्सिङ कोर्स पढ्न गएका नेपाली विद्यार्थी डेढ वर्ष पढेपछि कलेजले नर्सिङ सम्बन्धन नपाउने भएपछि अन्यौलमा परेका छन् ।
यतिखेर ब्रिजबेन र सिड्नीमा रहेको एआइबीटी कलेजमा मात्र करिब एक हजारको संख्यामा रहेका नेपाली विद्यार्थी पढेर कोर्सको अन्तिम समयमा पुरदा एन्म्याकले मान्यता नदिंदा अलपत्र परेका छन् । तसर्थ विद्यार्थी नेपाल लगायत पोखरा बाट पठाउने किंग्स इन्स्टिच्युट , एक्स्पर्ट, इम्पल्स ,अल्फाबेटा , काठमाडौँ इन्फोसिज, कंगारो , वेब , सनराइज , डल्फिन, मर्सी लगायत का शिक्षाको नाममा मान्छेको व्यापार गर्नेहरु अहिले बजारमा मौलाइरहेका र  यस्ता दलालहरुलाई तत्काल कानुनी दायरामा ल्याई हदै सम्मको कारबाही गर्न अनेरास्ववियुले माग गरेको छ । अन्यथा आफु  लागेर नबस्ने  चेतावनी पनि दिएको छ  ।
post image

फागुन ८, काठमाडौं । त्रिभुवन विश्वविद्यालय शिक्षा शास्त्र संकायका सहायक डीन बबालाल साहलाई कालोमोसो दलिएको छ ।  साहमाथि एक छात्राले यौन दुर्व्यवहारको आरोपमा कालोमोसो दलिएको हो ।

अनेरास्ववियु र अखिल ९क्रान्तिकारी० का कार्यकर्ताले बुधबार साहलाई उनकै कार्यकक्षमा मोसो दलेका हुन्। पूर्वएमाले निकट अनेराश्ववियुकी उपाध्यक्ष सुनिता बरालका अनुसार साहले  दुर्व्यवहार गरेको घटना सार्वजनिक भएपछि आक्रोशित विद्यार्थीले मोसो दलेका हुन्।

शिक्षा संकायको सम्बन्धन शाखामा काम गर्ने सहायक डीन साहले नेपाल बैंकको कीर्तिपुर शाखा नजिकैको भित्री बाटोमा यौन दुर्व्यवहार गरेको भन्दै ती छात्राले कारबाहीका लागि विश्वविद्यालयमा निवेदन दिएकी छन् ।

साहले संवेदनशील अंगमा छुदै जबर्जस्ती गर्न खोजेको र नमान्दा हातपात गरेको विद्यार्थीले आरोप लगाएका छन्।  उनले सहायक डीन साहलाई कारबाहीको माग गर्दै शिक्षा शास्त्र संकाय, उपकुलपतिको कार्यालय, शिक्षाध्यक्षको कार्यालय, रेक्टरको कार्यालय र महानगरीय प्रहरी वृत्त कालिमाटीमा निवेदन दिएकी छन् ।

साहलाई महानगरीय प्रहरी वृत्त कालिमाटीको टोलीले नियन्त्रणमा लिएको छ ।

post image

फागुन ७,  काठमाडौं । नेपाल इन्जिनियरिंग कलेजका शिक्षक तथा कर्मचारीहरुले गैरनाफामुलक रुपमा सञ्चालनमा रहेको कलेजलाई निजी बनाउन खुस खुवाउनेमाथि कारबाही गर्न माग गरेको छ । नेपाल इन्जिनियरिग कलेज शिक्षक तथा कर्मचारी संघर्ष समितिले संयुक्त विज्ञप्ति प्रकाशित गरी कलेजलाई निजीकरण गर्न अख्तियार दुरुपयोग अनुसन्धान आयोगका आयुक्त राजनारायण पाठकलाई ७८ लाख घुस खुवाउने कलेजका तत्कालिन अध्यक्ष लम्वोदर न्यौपानेसहितको समूहमाथि कारबाहीको माग राखेको हो ।

संयुक्त विज्ञप्तिमा शिक्षक संघर्ष समितिका संयोजक दुर्गाप्रसाद भण्डारी र कर्मचारी संघर्ष समितिका अध्यक्ष मनोहर खनालको हस्ताक्षर रहेको छ । कलेजको विषयमा समयसमयमा विभिन्न संचार माध्यमहरुमा आर्थिक अनियमिताबारे प्रकासित अडियो तथा भिडियोका समाचारहरुको सन्दर्भमा आफनो ध्यानाकर्षण भएको जनाउँंदै विज्ञप्तिमा कलेजका तत्कालिन अध्यक्षको हैसियतले सामाजिक संस्थालाई प्रालि बनाउन विभिन्न उच्च तहका पदाधिकारीहरुलाई आर्थिक प्रभाव तथा प्रलोभनमा पार्ने समूहमाथि कारबाहीको माग गरेको उल्लेख छ । यस्तो प्रकारको भिडियो सार्वजनकि भएसँंगै वास्तविक तथ्य छर्लंग भएको भन्दै विज्ञप्तिमा कलेजलाई बेची पैसा कमाउन खोज्नेमाथि कारबाही हुनुपर्ने माग राखिएको छ ।

कलेजर्लाइ निजी बनाई हडप्ने यस्तो दुराग्रह राखी गरेको षडयन्त्रले सिंगो नेपाल ईन्जिनियरिङ कलेज परिवार, नेपाल सरकार तथा देशकै साखमा आघात पुग्न गएको भन्दै विज्ञप्तिमा यसमा सरोकारवालाको ध्यानाकर्षण गरिएको छ । यही कुरालाई मध्यनजर गर्दै यस्ता कुकृत्य गर्ने–गराउने सम्वन्धित सबैलाई अविलम्ब कारवाहिको माग गरिएको छ । साथै यसमा अख्तियार दुरुपयोग अनुसन्धान आयोगका तत्कालिन आयुक्त राजनारायण पाठकलगायत जिल्ला प्रशासन कार्यालय भक्तपुर, कम्पनी रजिष्ट्रारको कार्यालय त्रिपुरेश्वर र पाटन उच्च अदालतका सम्बन्धित पदाधिकारीहरुलाईसमेत कारवाहिको दायरामा ल्याउन माग गरिएको छ ।

post image

फागुन ६, काठमाडौं ।  नेक्सस क्रिकेट एकेडेमीले “ब्रमास्मी एसईई एकदिवसीय क्रिकेट प्रतियोगिता” आयोजना गर्ने भएको छ । आयोजक नेक्सस क्रिकेट एकेडेमीले सोमबार राजधानीमा पत्रकार सम्मेलनको आयोजना गरेर  यसै वर्ष एसईई दिने खेलाडीहरु लाई लक्षित गर्दै ट्यालेन्ट हन्ट बाट खेलाडी छनोट गरी ‘ब्रमास्मी एसईई एकदिवसीय क्रिकेट प्रतियोगिताको आयोजना गर्न लागेको जानकारी गराएको हो ।

बैशाख अन्तिम साता काठमाडौंम हुने प्रतियोतिाको लागि सोमबारै ब्रमास्मी कलेजसँग मुख्य प्रायोजन सम्झौता भएको छ । सम्झौतामा नेक्सस एकेडेमीका अध्यक्ष भरत कुमार शाही र ब्रमास्मी कलेजका निर्देशक सुनन्दा रेग्मीले हस्ताक्षर गरे । सम्झौतापछि ब्रमास्मीले ७ लाख ५० हजार रूपैया उपलब्ध गराउनेछ । यस्तै ब्रमास्मीले ट्यालेन्ट हन्टमा सहभागी सबै खेलाडीलाई पुर्ण देखि आंशिक छात्रवृत्ति उपलब्ध गराउने छ ।

प्रतियोगितामा ८ टिमको सहभागिता रहने नेक्सस क्रिकेट एकेडेमीका अध्यक्ष भरत कुमार शाहीले जानकारी गराए । उनले प्रतियोगितामा क्षमताको आधारमा धेरै भन्दा धेरै खेलाडीको सहभागिता होस भन्ने उद्देश्यले प्रमुख ११ शहरमा ट्यालेन्ट हन्ट आयोजना गरिएको बताए ।

प्रतियोगिता भन्दा अघि आयोजकले देशभरको ११ प्रमुख शहरमा ट्यालेन्ट आयोजना गर्ने छ । ट्यालेन्ट हन्ट चैत २२ गतेबाट बैशाख १६ गते सम्म सञ्चालन हुनेछ । ट्यालेन्ट हन्ट धनगढी, कोहलपुर, सुर्खेत, दाङ, बुटवल, पोखरा, चितवन, कलैया, विराटनगर, बिर्तामोड र काठमाडौंमा सञ्चलान हुनेछ । ट्यालेन्ट हन्टबाट हरेक छनोट केन्द्रबाट ५ देखि ७ खेलाडी छनोट हुनेछ । हरेक छनौट केन्द्रका प्रमुखको संयोजकमा स्थानिय प्रशिक्षक एक जना र एक जना नेक्ससको प्रतिनिधिसहित ३ सदस्यीय छनौट समिति हुनेछ ।

लोकेश जोशी थनगढ़ी, दिपेन्द्र थापा कोहलपुर, रुद्र भण्डारी सुर्खेत, सन्जु क्षेत्री दाङ, सुनिल ढुंगाना बुटवल, बबिन कुवँर पोखरा, संघर्ष पौडेल चितवन, पंकज पाण्डे कलैया, आशिष श्रेष्ठ बिराटनगर हितेन श्रेष्ठ बितामोड र प्रबल गौतम लाई काठमाडौंको संयोजक चुनिएको छ ।

ट्यालेन्ट हन्ट बाट छनोट भएका करिव १०० जना खेलाडीलाई सम्मिलित गराई काठमाडौंमा एक साताको क्याम्प आयोजना हुनेछ । उक्त क्याम्पबाट अन्तिम ४८ जना खेलाडी छनोट हुनेछ । प्रतियोगितामा सहभागी ८ टोलीले ट्यालेन्ट हन्टबाट छानिएका चार खेलाडीलाई अनिवार्य टिममा समावेश गरिनुपर्ने नेक्ससले जनाएको छ ।

प्रतियोगितामा उत्कृष्ट प्रदर्शन गर्ने १४ खेलाडी छनोट गरी श्रीलंकाको सिरिजमा सहभागिता गराईने आयोजकले जनाएको छ । उत्कृष्ट १४ खेलाडीलाई ब्रमास्मी कलेजले निशुल्क छात्रवृत्तिमा अध्यययन गर्ने व्यवस्था गराउनेछ ।

प्रतियोगिताको बेष्ट ब्याट्सम्यान, बेष्ट बलर र म्यान अफ दि सिरिज हुनेले नेक्सस क्रिकेट एकेडमीको दिल्ली सेन्टरमा १ वर्षसम्म निशुल्क प्रशिक्षणको ब्यबस्था गरिने आयोजकले जनाएको छ । अन्य १० उत्कृष्ट खेलाडीलाई नेक्सस क्रिकेट एकेडेमीमा ६ महिना निशुल्क प्रशिक्षणको व्यवस्था गरिने आयोजकले जनाएको छ । प्रतियोगिताको अनुमानित लाग २५ लाख रूपैया रहेको छ । प्रतियोगिता मुलपानी क्रिकेट मैदानमा आयोजना हुनेछ ।

post image

फागुन २,काठमाडौं । पृथ्वीनारायण क्याम्पस पोखराका सह–प्रध्यापक डा. गोपाल शिवकोटी ‘चिन्तन’ पक्राउ परेका छन । चिन्तनसहितको समूहलाई कानुन विश्वविद्यालय खोल्ने भन्दै २ करोड ७६ लाख ठगी गरेको आरोप लागेको छ ।

शिवाकोटीसँगै ठगीमा संलग्न नुवाकोट त्रिशुली स्थायी घर भई काठमाडौंको बानियाँटार बस्दै आएका बद्री कुमार थापालाई पनि पक्राउ गरिएको महानगरीय प्रहरी कार्यालय काठमाडौंका प्रमुख (एसएसपी) बसन्त लामाले जानकारी दिए ।

गोपाल शिवाकोटी ‘चिन्तन’ले लामो समय नेपाल ल क्याम्पस काठमाडौंमा प्रध्यापन गरेका थिए । कीर्तिपुर बस्दै आएका चिन्तनलाई प्रहरीले मंगलबार उनको घरबाट नियन्त्रणमा लिएर ठगी मुद्दामा अनुसन्धान भइरहेको एसएसपी लामाले बताए ।

अन्तर्राष्ट्रिय कानुन र मानव अधिकारको विज्ञ समेत रहेका चिन्तनले अमेरिकाबाट एल.एल.एम  र पिएचडी गरेका छन् । चिन्तनसहितको समूहले ‘मञ्जुश्री एजुकेशन एकेडेमी प्रा.लि.’ को ब्यानरमा कानुन विश्वविद्यालय स्थापना गर्ने भन्दै पूर्व न्यायाधीशहरु र दर्जनौं कानुन व्यवसायीहरुलाई ठगी गरेको प्रहरीको प्रारम्भिक अनुसन्धानबाट खुलेको छ ।

post image

फागुन १, काठमाण्डौं ।  बागलुङका  एक जनप्रतिनिधिले आफूले पाएको पारिश्रमिक शिक्षा क्षेत्रमा खर्चिन थालेका छन्।  जिल्लाको बडिगाड गाउँपालिका–५ ग्वालीचौरका वडाध्यक्ष अर्जुनप्रसाद खरेलले आफ्नो पारिश्रमिकवापतको रकम वडाको शिक्षा क्षेत्रको विकासका लागि खर्चने भन्दै विद्यालयमा अक्षयकोष स्थापना गरेका छन्।

खरेलले वडाध्यक्ष भएपछि सरकारबाट प्राप्त गरेको पारिश्रमिकवापतको रकमलाई विद्यालयका विपन्न तथा जेहेन्दार विद्यार्थीको शिक्षाका लागि सहयोग पुगोस् भन्दै विद्यालयमा अक्षयकोष स्थापना गर्नुभएको बताए ।

उनले ग्वालीचौरको भानु माध्यामिक विद्यालयमा अध्ययनरत विपन्न तथा जेहेन्दार विद्यार्थीका लागि आफ्नो पारिश्रमिकबाट दुई लाख ५१ हजार ५५५ रूपैयाँको अक्षयकोष स्थापना गरेका हुन् ।

‘सामाजिक क्षेत्रमा काम गने भएकाले पारिश्रमिकको अपेक्षा गरेको थिइनँ’, खरेलले भने, ‘आफूले कार्यकालभरि प्राप्त गरेको पारिश्रमिक विपन्न तथा जेहेन्दार विद्यार्थीका लागि खर्चनेछु।’

 खरेल उक्त विद्यालयका पूर्वविद्यार्थी तथा शिक्षक हुन् ।वडाध्यक्ष भएपछि पूरै समय सामाजिक क्षेत्रमा बिताइरहेका खरेलले श्रीमतीको शिक्षक पेशाबाट आएको रकमले घर खर्च चलाउँदै आएको बताए ।

post image

माघ २८, काठमाडौं। सफलता एचआइभी शिक्षा सदन कीर्तिपुरलाई वल्र्ड बुक्स अफ रेकर्डले ‘विश्वकै पहिलो पहिचानसहितको विद्यालय’मा सूचीकृत गरी आज प्रमाणपत्र प्रदान गर्ने कार्यक्रमा थियो।

एचआइभी सङ्क्रमित बालबालिकालाई मात्रै आवासीय रुपमा पठनपाठन गराउँदै आएको शिक्षा सदनलाई प्रमाणपत्र वितरण सकेपछि प्रधानमन्त्री केपी शर्मा ओलीले एक बालिकालाई गीत गाउन आग्रह गरे। त्यसपछि प्रधानमन्त्री निवास बालुवाटारको माहोल सङ्गीतमय बन्न पुग्यो।

“सानी छोरीले गीत गाउँछिन् अब”, प्रधानमन्त्री ओलीको आग्रहमा पाँच कक्षामा अध्ययनरत ११ वर्षीय सोनी विकले जुरुक्क उठेर गीत गुनगुनाउन थालिन्।

जन्मेर कोखमा कसैको

हुर्कन्छ काखमा कसैको

भाग्यको लेखा कस्तो

भावीले के लेखिदियो ।

ताली बज्यो । प्रधानमन्त्री ओलीले एक कविको रचना सुनाउँदै भने, “मान्छेहरुलेनै हो गलत काम गर्ने र गरिब बनाउने, विधिले आफ्ना सबै सन्तानलाई समान रुपले हेर्छ।”

त्यसकारण विधिले होइन, तिमीलाई म अर्को गीत लेखिदिन्छु, त्यो गाऊ। सोनीले मुन्टो हल्लाइन्।

“अब अर्को गीत गाउन,” उनको गायकी मन पराएर प्रधानमन्त्रीले फेरि आग्रह गरे।

फेरि कहाँ आउँछ घुमेर

यो बालापनको उमेर।

गीत गाउनमा पोख्त सोनुको क्षमता असाधारण रहेको प्रतिक्रिया दिँदै प्रधानमन्त्रीले कार्यालयका कर्मचारीलाई गीत रेकर्ड गर्न निर्देशन दिए। यो गीत रेकर्ड भएको जानकारी पाएपछि अर्को रेकर्डको तयारीमा रहेको गीत सोनुले प्रधानमन्त्रीका सामु गाइन्।

यही धर्तीमा जन्मेँ यही धरतीमा हुर्केँ

तर म अटिनँ।।

एक्लै छाडी काहाँ गयौ बाबा

तर मलाई लगिनौँ

प्रधानमन्त्रीलाई गीतसङ्गीत सुन्ने चाहना बढ्दै गयो। उनले बालबालिकालाई सङ्केत गर्दै भने, “अरू कसैले उनलाई च्यालेञ्ज गर्छ।” करण सुनार, हिमनाथ चन्द, रेणु थापा र लक्ष्मी रावलले ‘कान्छी हे कान्छी’ र ‘मोहनी लग्ला है’ गीत प्रस्तुत गरे।

यतिबेलासम्म प्रधानमन्त्री निवासको सानो बैठक कक्ष सङ्गीतमय बनिसकेको थियो। उपस्थित आयोजक प्रतिनिधि, बालबालिका तथा विद्यालयका शिक्षक र संस्थापक बालबालिकालाई हौसला दिँदै ताली पड्काउन थाले।

प्रधानमन्त्रीको हातबाट प्रमाणपत्र वितरणका लागि वर्ल्ड बुक अफ रेकर्ड नेपालले आयोजना गरेको कार्यक्रममा गीतसङ्गीतको कुनै तयारी थिएन। तर प्रधानमन्त्रीले एक्कासी कार्यक्रमलाई सङ्गीतमय पारे।

उनले बालबालिकासामु फेरि सोधे, “अनि नाच्नेमा च्यालेञ्ज गर्ने कोही छ” गीत सङ्गीतमा पोख्त बालबालिकामध्ये ६ जना जुरुक्क उठे। बालबालिकासँग प्रधानमन्त्री पारिवारिक रुपमा प्रस्तुत भए। एक जनाले मोबाइलबाट चर्चित गीत ‘पूर्व पश्चिम रेल’ बजाउने बित्तिकै प्रधानमन्त्रीले फेरि ठट्यौलीमा भने, “मैले बनाउन बाँकी छ, तिमीहरुले आज कुदाउने भयौ।”

उक्त गीतमा बालबालिकाले समूहमा सुन्दर नृत्य प्रस्तुत गरे। प्रधानमन्त्रीकै आग्रहमा स्वस्तिका भण्डारी र मनीषा विकले पनि अर्को नृत्य देखाए।

बालबालिकाको प्रतिभालाई नजीकबाट हेरिरहेकी प्रधानमन्त्री पत्नी राधिका शाक्यको मन मानेन र कार्यक्रमकै बीच शाक्यले घोषणा गरिन्, यो प्रमाणपत्रसँगै परिवारका तर्फबाट रु एक लाख अवार्डकै रुपमा प्रदान गर्न चाहन्छु।

शिक्षा सदनले गरेको काम असाधारणः प्रधानमन्त्री

वर्ल्ड बुक्स अफ रेकर्डको आयोजनामा भएको उक्त कार्यक्रममा प्रधानमन्त्री केपी शर्मा ओलीले सफलता एचआइभी शिक्षा सदन कीर्तिपुरलाई ‘विश्वकै पहिलो पहिचानसहितको विद्यालय’मा सूचीकृत भएको प्रमाणपत्र वितरणपछि कार्यक्रमलाई सम्बोधन गर्दै राज्यले पनि सहयोग गर्ने बताए।

स्वार्थबिना चुपचाप भएको कामको आज मूल्याङ्कन भएकामा खुशी व्यक्त गर्दै प्रधानमन्त्री ओलीले भने, “बिना स्वार्थ, बिना कुनै प्राप्ति, मानवीय भावनाबाट परोपकार गर्दै बिना दोष कसैलाई सजाय हुनुहुँदैन भनेर लागेको छ, जसको कुनै आकाङ्क्षा छैन, उसले पुरस्कार पाउँदा हामी खुशी छौँ।”

“उहाँहरुको ध्यान अहिले पनि पुरस्कारमा छैन, कैलालीमा रहेका त्यस्ता बालबालिकामा छ, उहाँहरुलाई बधाई तथा सफलताका लागि शुभकामना दिन्छु,” प्रधानमन्त्रीले थपे।

राज्यले खासै सहयोग गर्न नसके पनि ध्यान गएको बताउँदै उनले उक्त कामलाई असाधारण विशेषता र असाधारण कामको संज्ञा दिए।

यी बालबालिकालाई अभिभावकत्व दिनु चानचुने कुरा नभएको उल्लेख गर्दै प्रधानमन्त्री ओलीले बालबालिकासँग आफ्नो पनि भावनात्मक सम्बन्ध जोडिएको बताए। केही गरेँ भनेर धाक लगाउने अवस्था नभए पनि यस्ता बालबालिकालाई केही गर्ने सोच बनाएको र सरकारको ध्यान जाने आश्वासन दिँदै उनले सिङ्गै देशलाई शिक्षित बनाउने अभियानमा सरकार रहेको बताए।

सदनका संस्थापक राजकुमार पुनले सम्मानपत्र पाउँदा सपना जस्तो लागेको बताउँदै कुनै पनि विद्यालयले भर्ना नलिएको अबोध बालबालिकालाई पठनपाठन र पालनपोषणका लागि नौ वर्षअघि पहिचानसहितको स्कूल स्थापना गरेको जानकारी दिए। सम्मानले महत्पूर्ण काम गरिएछ जस्तो महसुस भएको उनको भनाई थियो।

योजनाबद्ध ढङ्गले स्कूल स्थापना नगरेको उल्लेख गर्दै उनले भने, “कैलालीमा मात्रै तीन सय यस्तै बालबालिका शिक्षाबाट वञ्चित छन्, आफन्त र निजी विद्यालयले निकालेका छन्, उनीहरुलाई पनि ल्याउनुछ।”

कार्यक्रममा वर्ल्ड बुक्स अफ रेकर्ड नेपालका अध्यक्ष सागर कटवालले नेपालको महत्वपूर्ण क्षेत्र र सम्पदाहरुलाई विश्वसामु चिनाउने प्रयास गरेको बताउँदै अध्ययनमा यो विद्यालय विश्वमै पहिलो भएको दावी गरे। उनले विश्वका ३२ मुलुकमा संस्थाले सूचीकृत गर्ने काम गर्दै आएकामा यसअघि नेपालको पशुपतिनाथ र लुम्बिनीलाई सूचीकृत गरिसकेको जानकारी दिए। रासस

post image

माघ २७, काठमाडौं । आज सरस्वती पूजा भनौ, श्रीपञ्चमी भनौ वा वसन्त पञ्चमी विद्या र सङ्गीतकी प्रतिरूप सरस्वतिको पुजा आराधना गरी मनाइने विशेष दिन । आजबाट क्रमशः वसन्त ऋतुको शुरुवात हुने मान्यता रहेको छ ।

सरस्वती मया दृष्टा वीणापुस्तक धारिणी ।
हंसवाहन संयुक्ता विधादानं करोतु मे ॥

सङ्गीत, ज्ञान अनि विद्याकी देवी सरस्वतीको यीनै स्तोत्रको सरल नेपाली अनुवाद प्रस्तुत गर्दै आजको सरस्वती पूजा विशेष आलेखलाई श्री गणेश गर्न चाह्यौं । जो चन्द्रको समान उज्जवल हुनुन्छ, सेतो वस्त्र लगाएर हातमा वीणा र वरदान दिने स्फटीकको मालासहित शुसोभीत हुनुहुन्छ, सेतो कमलको फूलमा आसिन ती देवी जसको ब्रह्मा, विष्णु तथा शिव आदि सबैले उपासना गर्नुहुन्छ उनै माता सरस्वती हाम्रा अज्ञानताहरु चिर्दै हामीलाई निर्मल विद्या दिनुहोस् । यो हिउँदको मुटु छेड्ने जाडो र पानीको ठिहिबाट क्रमशः अब कोईलीको कुहु कुहु अनि न्यानोपनाको राजा मौसम बसन्तको सेरोफेरोमा स्वागत छ ।

वैदिक सनातन हिन्दू संस्कारका अत्यन्त ब्यवहारीक आयामहरु छन् । यी संस्कारहरु नेपालीपनका अभिन्न अङ्गहरु भएका छन् । हलो, गोरु, माटो, वोट विरुवा, कुकुर लगायत चेलीवेटी, औजारहरु अनि अन्नवालीहरुकासाथै आजको दिन श्रृजना अनि ज्ञानको पूजा गर्ने दिन हो है ।ुब्रह्मा भिभर्त पूराणुमा प्रष्ट रूपमा उल्लेख गरिएको छ कि विद्या, कला, शब्द, विज्ञान अनि विचारकी देवी सरस्वतीलाई आजको दिनमा सबैले सम्झना गर्दै पूजा गरिन्छ भनि भगवान श्री कृष्णले वरदान दिएका हुन्र । विहानै उठेर प्रातः स्नान पश्चात् चोखोनितो गरी सफा कपडा लगाएर कलश स्थापना गरिन्छ अनि क्रमशः गणेश, विष्णु, शिव आदि देवताहरुको अर्चना गरिन्छ, सूर्यको अर्चना पनि गरिँदै सरस्वतीको उपासना गरिन्छ ।

विद्यालयहरुमा त आज विशेष रमझम रहन्छ, तराईतिर आजको दिन रङ्गिन गुलिया रसिला बुनियाँको दाना, बयर तथा अन्य फलपूलहरू प्रसादीका रुपमा बाँडिन्छ । कतिपय विधालयमा विद्यार्थीहरुको सक्रियतामा शाहाकारी भोजनै आयोजना समेत गरिने गरिएको छ । विभिन्न रङ्ग रगिंन तोरणहरु झुण्ड्याएर, अशोकको रुखको पात या केराका दाम्चा अनि बाँसको प्रयोग गरेर बनाएको प्रवेश द्वारहरुबाट आज धेरै विधालयहरु सजिसजाउ रहन्छ । विद्यार्थीहरुकालागि आजको अर्को रौनकता भने आजको दिनमा विद्यालयको दैनिक पोशाक विनानै विद्यालय प्रवेश गर्न पाउनु हो, फरक फरक पोशाकमा रङ्गीन विद्यार्थीहरुको लर्को आज धेरै विद्यालय परिसरमा देखिन्छ ।

काठमाडौमा बिभिन्न सरस्वती मन्दिरहरू जस्तै नीरबाराही, लाजिम्पाट, स्वयम्भू, गैरीधाराको नीलसरस्वती, ललितपुरको लेले आदिमा मेला लाग्ने गर्छ भने नेपालभरिका धेरै मन्दिर अनि विधाको केन्द्र विधालयहरुमा जमघट रहन्छ । पशुपतिमा रहेको सरस्वतीको मुर्ति जसलार्इ वुद्धमार्गीहरुले मञ्जुश्रीका रुपमा पनि पूजा गर्दछन् । त्यसै प्रतिमामा आज विशेष पूजा अर्चना गर्ने गरिन्छ ।

नेपालको परिवेशमा कुरागर्ने हो भने हामी नेपाली साँच्चीकै सानो परिवेशमा बाँचेका भने पक्कै छैनौ, नेपाल अधिराज्य भरिको धेरैजसो सरकारी विद्यालयहरुमा कहिँ कतै सानो या ठूलो सरस्वतीको मन्दिर रहेकौ छ । सरस्वती देवीलाई हिन्दू धर्म या संस्कारसंग भन्दा पनि मानवहरुको विद्याप्रतिको आशक्तिकारुपमा हेर्न जरुरी छ, हामी जुनसुकै धर्म या विश्वासको भएपनि हाम्रो विधासँगको नाता र ज्ञानको परिपूर्तिकारुपमा विधादेवी सरस्वती र आजको दिनलाई लिन सकिन्छ ।

आजकै दिनमा हामीमध्य धेरैले अक्षराम्भ गरेका हुनसक्छौं, अर्कोतर्फ आजको दिन सर्जकहरुको दिन हो । आफ्ना सिर्जना र शब्दहरुको पूजागर्ने विशेष दिन सरस्वती पूजाको सम्पूर्ण सर्जकलाई शुभकामना, यो सिर्जनाको डोर अनन्त कालसम्म रहिरहोस् । सिर्जनाका औजारहरु कलम, मसी अनि कागजको आज पूजा गरिन्छ, सरस्वतीको असिम कृपाले सकारात्मक शब्दहरु, भावहरु, ब्याख्याहरुको पर्दापण भईरहोस्, सर्जकहरु चाहे लेखक हुन् या गायक या ब्यूटिसियन हुन या सुचिकार या घर बनाउने मिस्त्री देखि मुर्ती वनाउने मुर्तिकारसम्म सबैले आफ्नो सिर्जनाको सम्मान तथा मूल्य सहि पाउन्, जाँङ्गर लागिरहोस अनि सिर्जनाको उजेलीले समाजको अँध्यारो सँधै दुर होस् ।

आजको वसन्त पञ्चमीलाई मुस्लिम समूदायले सुफि बसन्तका रुपमा १२औ शताब्दीदेखि मनाउँदै आएको विभिन्न दस्तावेज अनि मुसलमान किम्बदन्तीहरुमा पाईन्छ । दिल्लीका तत्कालीन फकिर निजामुद्धीनका भतिजा तकुद्धिनको असामहिक मृत्यूले निजामुद्धीन अत्यन्त मर्माहीत भएका थिए, सुफीका महान कवी अमिर फुस्रोले फकिरलाई खुशीपार्न आजकै दिन गमलामा फूल र पहेँलो वस्त्रमा हाँस्दैगएर फकिरलाई हसाँउन सकेको र यस दिनलाई सुफि बसन्त पनि भनिएको जनउक्तिहरु रहेको छ । त्यसपश्चात आजको दिनलाई निजामुद्धीन औलियाको दिल्लीमा रहेको दरगाहमा सधैं सुफि बसन्तका रुपमा मनाउन थालिएको हो ।

तपाई हामी जुनै धर्म या संस्कृती या विश्वाब भएका ब्यक्ति हौ तर विधा हामीसबैलाई आवश्यक छ , सिर्जना र सर्जकको कदर हामीसबैले गर्न जरुरी छ ।

लेख्नेको मसी नसकियोस्, बोल्नेको आवाज दुरुस्त रहोस् अनि हेर्नेको नजर खुल्ला रहोस् । क देखि ज्ञ सम्मका वर्णमाला अनि शब्द विन्यासहरुले हामीलाई ज्ञान अभिब्यक्त गर्दा सदैब साथ दिउन्, ए बि सि डि आदिका अक्षरस प्रयोग जारी रहोस्, ब्याकरणले साथ दियोस्, संगीतका सातै सुर अनि अभिनयका सम्पूर्ण रसहरुले साथ दिउन् । मुख्य कुरा श्रृगांर रसले जिवन भरिपूर्ण होस्, सरस्वती माताको जय ।

बिधा की देवी सरस्वतीको दिन अनि धेरै जनाको अक्षराम्भ भएको अनि कलम किताब, मसी, सिसाकलम अनि पुस्तक संगको प्रथम साक्षात्कार भएको दिन भएकाले पनि हरेक बर्षको सरस्वती पूजाका दिन राष्ट्रिय पुस्तक दिवस पनि मनाइने गरिन्छ । केही बर्षअघि मात्रै राष्ट्रिय पुस्तक तथा स्टेसनरी व्यवसायी महासङ्घले सरकारसँग सरस्वती पूजाका दिनलाई राष्ट्रिय पुस्तक दिवस घोषणा गर्न माग गरेको हो । महासङ्घले आफ्नै पहलमा बिभिन्न कार्यक्रमहरु गरेर राष्ट्रिय पुस्क दिवस मनाउने गरिन्छ । हरेक पुस्तकका पाना अनि अक्षरहरुमा बिधा की देवी सरस्वतीको बास छ, सरस्वतीको कृपा अनि अनुकम्पा नेपाली वर्णमाला, व्याकरण अनि शव्दमालामा सदैव रहिरहोस् । बिधाको कमी यस भूमिमा कदै नहोस् ।

post image

माघ २४, काठमाडौं । नेत्रविक्रम चन्द ‘विप्लव’ नेतृत्वको नेकपा माओवादीनिकट अखिल (क्रान्तिकारी) ले घोषणा गरेको आम शैक्षिक हड्तालका कारण आज देशभरका अधिकांश सामुदायिक र निजी विद्यालयको पठनपाठन प्रभावित भएको छ । नेपाल सरकारले विद्यालयमा बन्द, हड्ताल नगर्न विसं २०६८ जेठ ११ मा विद्यालयलाई शान्ति क्षेत्रका रुपमा घोषणा गरेपनि त्यसको पटक–पटक उल्लङ्घन हुँदा पढाइ प्रभावित भएको हो ।

अखिल (क्रान्तिकारी) का कोषाध्यक्ष नरेन्द्र विश्वकर्मालाई यही माघ १७ गते मोरङको विराटनगरमा गिरफ्तारी गरिएको विरोधमा शैक्षिक हड्ताल गरिएको सङ्गठनका अध्यक्ष चिरञ्जीवी ढकालले जारी गरेको विज्ञप्तिमा उल्लेख छ । काठमाडौँ उपत्यकालगायत स्थानमा आज बिहान विद्यालय जान तयारीमा रहेका र गइसकेका विद्यार्थी एकाएक बन्दको खबरले विद्यालय जान पाएनन् । कतिपय विद्यालयले भने जोखिम मोलेरै पनि पढाइ सञ्चालन गरिरहेका छन् ।

भक्तपुर र केही जिल्लामा भने यस्ता राजनीतिक हड्तालमा विद्यलाय खुल्लै रहँदै आएको छ । हड्ताल भए पनि निजी विद्यालयले त्यस दिनको पनि शुल्क लिन्छन् भने सामुदायिक विद्यालयका शिक्षकको नपढाए पनि तलब पाक्छ । विद्यालय बन्द हुँदा अभिभावकलाई घरमा छोराछोरी हेर्ने जिम्मेवारी थपिन्छ । विद्यालय तहको हालको सरदर सिकाइ उपलब्धि ५० प्रतिशतको हाराहारीबाट माथि उठ्न नसकेका बेला हड्तालले निजी विद्यालयले बन्दको सट्टामा अतिरिक्त पढाउने गरे पनि सामुदायिक विद्यालयका विद्यार्थीको पढाइमा भने असर पर्दै जान्छ ।

सरकारले जारी गरेको विद्यालय शान्ति क्षेत्र राष्ट्रिय ढाँचा तथा कार्यान्वयन निर्देशिका–२०६८ मा विद्यालयमा बन्द, हड्ताल, राजनीतिक सशस्त्र गतिविधि गर्न नपाइने उल्लेख छ । त्यस्तो गतिविधि बेलाबेलामा भइरहेकामा हालसम्म कुनै कारवाही भएको पाइएको छैन । विद्यालय शान्ति क्षेत्रको अवधारणाप्रति प्रमुख राजनीतिक दल, शिक्षक तथा विद्यार्थी सङ्गठनले समर्थन गर्दै कार्यान्वयनमा पटक–पटक प्रतिबद्धता व्यक्त गरेका छन् । राष्ट्रिय निजी तथा आवासीय विद्यालय एशोसिएशन (एन प्याब्सन) का अध्यक्ष ऋतुराज सापकोटाले राजनीतिक मुद्दामा विद्यालय बन्द गरिने संस्कारको अन्त्य नहुनु र सरकारले सुरक्षाको प्रत्याभूति नदिनु दुखद् भएको बताए ।

बालफस्थित ज्ञानोदय माविका शिक्षक गोविन्द भण्डारीले विद्यालय खुलेमा आफूहरु पढाउन तयार रहेको भए पनि प्रशासनिक विषय जोडिएकाले विद्यालय बन्द गरिएको बताए । शिक्षा, विज्ञान तथा प्रविधि मन्त्रालय, शिक्षा तथा मानव स्रोत विकास केन्द्रको फ्ल्यास रिपोर्ट, २०७४ का अनुसार हाल मुलुकका ३५ हजार ६०१ विद्यालय छन् । यसमा २७ हजार ८८३ सामुदायिक र निजी प्रकृतिका विद्यालय छ हजार ५६६ र अन्य धार्मिक प्रकृतिका विद्यालय छन् । कक्षा १ देखि १२ सम्म कूल ७३ लाख ९१ हजार ५७४ विद्यार्थी अध्ययनरत छन् । मन्त्रालयका प्रवक्ता वैकुण्ठप्रसाद अर्यालले आजको शैक्षिक हड्तालबारे आधिकारिक रूपमा कुनै जानकारी नभएको र यस्तो हड्ताल हुनु बालबालिकाको पढ्न पाउने अधिकारको विरुद्ध भएको बताए ।

तत्कालीन नेकपा (माओवादी) को सशस्त्र युद्धकालमा विसं २०६० असोज २६ गते डोटीको मुढभरास्थित शारदा उच्च माध्यमिक विद्यालयमा विद्रोही पक्षको सांस्कृतिक कार्यक्रममा सुरक्षा निकायबाट भएको गोली प्रहारका क्रममा चार विद्यार्थीसहित १० को मृत्यु तथा केही विद्यार्थी घाइते भएपछि अधिकारकर्मीले विद्यालय शान्ति क्षेत्रका लागि आवाज उठाउन थालेका थिए । रासस

post image

माघ २२, काठमाण्डौं । कलेजमा अध्यनरत विद्यार्थीहरुलाई मानवअधिकार शिक्षा प्रदान गर्ने उदेश्यले “युवा मानवअधिकार विषयक” कार्यशाला युथ एड्भोकेसी नेपाल र ईन्सेकको संयुक्त आयोजनामा मदन भण्डारी मेमोरियल कलेज, अनामनगरमा सम्पन्न भयो ।

 

कार्यक्रममा मानवधिकारको अवधारणा, यसको विकासक्रम, यसका सिद्धान्त, संवैधानिक तथा कानुनी प्रावधान लगायतको विषयमा युवा मानवअधिकारकर्मी विनय कार्की र तिर्थराज कोईरालाले विद्यार्थीहरुलाई प्रशिक्षण गरेका थिए । कार्यशालामा विद्यार्थीहरुले मानवअधिकारसँग सम्बन्धीत विभिन्न भनाई तथा जिज्ञासा राखेका थिए ।

कार्यशालामा युवाहरु मानवअधिकारको आन्दोलनमा सक्रियरुपले लाग्नु पर्ने ईन्सेकका प्रतिनिधि कृष्ण गौतमले वताए । ढिलो न्याय दिनु न्याय नदिनु हो भन्नेमा गौतमको जिकिर थियो । अधिकारको दावा गरी अभ्यास गर्नका लागि प्रत्येक व्यक्तिले उनीहरुको अधिकारको विषयमा जानकारी हुनु पर्ने युथ एड्भोकेसी नेपालका अध्यक्ष नरेन खतिवडाले वताए । विद्यार्थीहरुलाई मानवअधिकारको विषयमा शिक्षा प्रदान गर्न आगामी दिनमा विभिन्न कलेजमा कार्यशाला आयोजना गरिने योजना रहेको खतिवडाले जानकारी दिए ।

कार्यक्रममा मदन भण्डारी मेमोरियल कलेजका शिक्षक सुदिप लामाले विद्यार्थीहरुलाई मानवअधिकारको सम्मान, संरक्षण तथा परिपुर्तीमा सक्रिय रुपले सहभागि हुन पर्नेमा जोड दिनु भएको थियो ।

post image

माघ १४, काठमाडौं । राष्ट्रियसभाको बैठक सोमबार बिहान ११ बजे बस्दै छ।  गत शुक्रबार प्रतिनिधिसभाबाट बहुमतले पारित राष्ट्रिय चिकित्सा शिक्षा विधेयक २०७५, लाई आज बैठकमा पेश गरी पारित गर्ने कार्यसुचि रहेको संघीय संसदको सचिवालयले जनाएको छ। नेपाली कांग्रेसको विरोधका बावजुद प्रतिनिधि सभाले चिकित्सा शिक्षा विधेयक पारित गरेपछि सरकारले पूर्णता दिन उक्त विधेयक राष्ट्रसभामा प्रस्तुत गर्न लागेको हो।

आजै बस्ने दोस्रो बैठकमा शिक्षा, विज्ञान तथा प्रविधि मन्त्री गिरिराजमणी पोखरेलले विधेयकमाथि विचार गरियोस भन्ने प्रस्ताव प्रस्तुत गर्ने र सामान्य छलफल पछि संशोधन प्रस्ताव दर्ता गर्न ७२ घण्टा समय दिने तयारी संघीय संसद सचिवालयको छ । राष्ट्रिय सभाबाट विधेयक संशोधनसहित पारित भए प्रतिनिधि सभामा पुन: छलफल गर्नु पर्ने र दुई सदनबीच टकराबको अवस्था आउने भएकाले सामान्य छलफल पछि राष्ट्रिय सभाले विधेयक बहुमतका आधारमा पारित गर्ने सम्भावना बलियो रहेको जानकारहरु बताउँछन् ।

 विधेयक संशोधनका लागि राष्ट्रिय सभामा सम्भावना रहेकाले अनशनरत डा. केसी समर्थित, नेपाल चिकित्सक संघ तथा सम्बन्धित सवै पक्षले पहल जारी राखेका छन् । यद्यपी डा. केसीका माग विधेयकबाटै सम्बोधन भएको भन्दै सरकारले आन्दोलनको अर्थ नभएको बताउदै आएको छ । नेपाली कांग्रेसले विधेयकका केही बुँदामा असहमति जनाउँदै त्यसअघि संसद अवरुद्ध गर्दै आएको थियो। राष्ट्रिय सभामा पनि सत्तारुढ दलको बहुमत रहेकाले विधेयक पारित हुनेमा सरकारपक्ष विश्वस्त छ।

राष्ट्रिय सभाको आजकै बैठकमा जेष्ठ नागरिक सम्बन्धी पहिलो संशोधन विधेयक, निवृत्तिभरण कोष विधेयक, भुक्तानी तथा फस्र्यौट विधेयक, नागरिक लगानी कोष विधेयक, विज्ञापन लगायत विधेयकमाथि बिचार गरियोस भन्ने प्रस्ताव समेत प्रस्तुत हुने कार्यसूची छ ।

post image

माघ १४, काठमाडौं ।  राष्ट्रिय परीक्षा बोर्डले कक्षा ११ र १२ को परीक्षा तालिका सार्वजनिक गरेको छ ।

सार्वजनिक तालिकाअनुसार कक्षा ११ को परीक्षा २०७६ बैशाख २९ देखि जेठ ८ गतेसम्म चल्नेछ । यस्तै कक्षा १२ को परीक्षा २०७६ बैशाख १५ गतेदेखि बैशाख २६ गतेसम्म चल्नेछ । यस्तै परीक्षा बिहान ७ बजेदेखि १० बजेसम्म चल्नेछ । 

post image

माघ १४, काठमाडौं । प्रधानमन्त्री केपी शर्मा ओलीले आगामी फागुन १४ गते नै स्ववियु निर्वाचन गराउन त्रिभुवन विश्वविद्यालयका पदाधिकारीहरुलाई निर्देशन दिएका छन् । उनले प्रतिपक्षी नेपाली कांग्रेसलाई पनि आन्दोलन छाडेर स्ववियु निर्वाचनमा केन्द्रित हुन आग्रहसमेत दिएका छन् । प्रमुख प्रतिपक्षी दल नेपाली कांग्रेसका सभापति शेरबहादुर देउवा, सरकारका केही मन्त्रीहरु, त्रिभुवन विश्वविद्यालयका पदाधिकारी र प्रमुख तीन विद्यार्थी संगठनका नेताहरुको आइतबार साँझ संयुक्त बैठक राखेर प्रधानमन्त्री ओलीले स्ववियु निर्वाचन फागुन १४ मै हुनुपर्ने बताए । ‘लोकतन्त्र बलियो बनाउन यस्ता निर्वाचन रोकिनु हुँदैन,’ बैठकमा प्रधानमन्त्री ओलीको भनाइ उद्धृत गर्दै अखिल क्रान्तिकारीका अध्यक्ष रञ्जित तामाङले भने, ‘त्रिभुवन विश्वविद्यालयले चुनाव गराउने भए त्यसका लागि सुरक्षा लगायतका सहयोग गर्न सरकार तयार छ ।’

कांग्रेस सभापति शेरबहादुर देउवाले स्ववियु निर्वाचन हुनुपर्ने पक्षमा आफूहरु पनि रहेको बताउँदै, तर त्यसअघि सरकारले अहिलेका राजनीतिक मुद्दाहरु समाधान गर्न अग्रसर हुनुपर्ने बताएका थिए । देउवाले अहिले आफूहरुको आन्दोलन चलिरहेको र केही कार्यकर्ताहरुलाई प्रहरीले पक्रेकोतर्फ प्रधानमन्त्रीको ध्यानाकर्षण गराएका थिए । प्रधानमन्त्री ओलीले भने ति सबै कुरा छाडेर स्ववियु निर्वाचनमा आउन आह्वान गरेका थिए ।

बैठकमा त्रिभुवन विश्वविद्यालयका पदाधिकारीहरुले परीक्षा तालिका, भर्ना, प्रवेश परीक्षा लगायत सबैको तालिका तयार पारेर फागुन १४ गते नै स्ववियु निर्वाचन गराउने तयारी गरेको जानकारी गराएका थिए । यस वर्षको फागुन १४ मा स्ववियु चुनाव नभए अर्को वर्षमात्रै हुने उनीहरुले बताएका थिए । बैठकमा विश्वविद्यालयका पदाधिकारीको भनाइ उद्धृत गर्दै नेता तामाङले भने, ‘यस वर्ष स्ववियु चुनाव नभए विश्वविद्यालयको क्यालेन्डर प्रभावित हुन्छ । त्यसैले फागुन १४ मै गर्नुपर्छ, यो मितिमा नसकिए अर्को वर्ष मात्रै हुन्छ भनेर त्रिविका पदाधिकारीहरुले भन्नु भएको छ ।’

विद्यार्थी नेताहरुले स्ववियु लगायतका निर्वाचन रोक्दा आम युवा विद्यार्थीहरुको पार्टी नेतृत्वप्रति सकारात्मक धारणा नबन्ने भएकाले फागुन १४ मै चुनाव गराउनुपर्नेमा जोड दिएका थिए । ‘२८ वर्षको लोकप्रिय व्यक्ति पनि र आस्थाको मत पनि दुईवटै प्राप्त गर्ने मिश्रित निर्वाचन प्रणालीद्वारा नै फागुन १४ मै निर्वाचन हुनुपर्नेमा हामीहरुको जोड रह्यो,’ अखिल क्रान्तिकारीका अध्यक्ष तामाङले भने, ‘समान सहभागीताको ग्यारेन्टी मिश्रित प्रणालीले गरेकाले स्ववियु निर्वाचनमा मिश्रित प्रणाली नै अपनाउनुपर्छ ।’

बैठकमा गृहमन्त्री रामबहादुर थापा बादल, शिक्षा मन्त्री गिरिराजमणि पोखरेल, पर्यटन मन्त्री रविन्द्र अधिकारी, कांग्रेस सभापति शेरबहादुर देउवा, नेता प्रकाशशरण महत सहभागी थिए । यसैगरी त्रिभुवन विश्वविद्यालयका उपकुलपति प्रा.डा.तीर्थ खनिया, रेक्टर प्रा.डा. सुधा त्रिपाठी, रजिष्ट्रार प्रा. डिल्ली उप्रेती र विद्यार्थी कल्याण परिषदका निर्देशक गंगाबहादुर थापा सहभागी थिए । यसैगरी विद्यार्थीहरुको तर्फबाट अनेरास्ववियुकी अध्यक्ष नविना लामा, अखिल क्रान्तिकारीका अध्यक्ष रञ्जित तामाङ, नेविसंघ अध्यक्ष नैनसिंह महर र अखिल क्रान्तिकारीका पूर्वअध्यक्ष रमेश मल्ल सहभागी थिए । स्ववियु निर्वाचनको विषयमा छलफल सकिएपछि प्रधानमन्त्री ओली र कांग्रेस सभापति शेरबहादुर देउवाबीच बालुवाटारमै छुट्टै छलफल भएको थियो ।

post image

माघ १२, काठमाडौं । सरकारले डा. गोविन्द केसीसँग विगतमा गरेको सहमति विपरित संसदबाट राष्ट्रिय चिकित्सा शिक्षा विधेयक पारित गरेको विरोधमा उहाँका समर्थकहरुले  माइतीघरमा प्रदर्शन गर्दैछन् ।

डा केसीको जीवन रक्षा र उहाँको माग पुरा गर्न सोलिडारिटी फर डा .केसी अलायन्स सहित समर्थकहरुले मध्यान्न १२ बजे माइतीघरमा प्रदर्शन गर्न लागेका हुन् ।

चिकित्सा शिक्षा विधेयकसहित विभिन्न ६ बुँदे माग राखेर १८ दिनदेखि डा केसी आमरण अनसनमा हुनुहुन्छ । सहमति विपरितको विधेयक पारित गरेर संसदले धोका दिएको भन्दै डा .केसीले आफ्नो सत्याग्रह जारी रहने अडान लिनुभएको छ ।

post image

माघ ४, काठमाण्डौं । अष्ट्रेलिया धेरैका लागि सपनाको देश हो । तर पछिल्लो समयमा अष्ट्रेलियामा दिन दुई गुना रात चौगुनाका हिसावले नेपालीहरुको संख्या बृद्धि हुदै गईरहेको छ । बिशेष गरी अध्ययनका लागि विद्यार्थीको रुपमा निकै ठूलो छ । तर पछिल्लो समय अष्टेलिया सरकारले विद्यार्थी भिसामा मात्रै नभएर बिभिन्न अन्य भिसाहरुमा समेत नेपालीहरुलाई अष्टेलिया जाने बाटो खुल्ला गरीदिएको पाईन्छ । त्यसैले त अष्टेलियाभर करीव डेढ लाखको संख्यामा नेपाली रहेको अनुमान तथा बिभिन्न तथ्यांकले देखाएको पाईन्छ । पछिल्लो समय अष्टे«लियन सरकारले विश्वका बिभिन्न मुलुकका नागरीकका लागि बिजनेश भिसा समेत खुल्ला गरीरहेको छ ।

अहिले पनि अष्ट्रेलियाले बिजनेश भिसा खुल्ला गरेकोमा भिक्टोरीया र वयेष्ट्रेन अष्ट्रेलियामा कोटा पूरा भएपनि अन्य राज्यहरुमा बिजनेश भिसामा गई पिआर लिन चाहनेहरुका लागि भने खुल्ला नै छ । यसका लागि नेपालमा कम्तीमा २ बर्ष कुनै पनि बिजनेश चलाएर बसीरहेको र अष्ट्रेलियामा लगानी गरेर पिआर लिन चाहनेहरुका लागि यो भिसा खुल्ला रहेको केबीए ग्लोबल बिजनेश डेभलपमेन्टका ग्लोबल हेड रोशन क्षेत्रीले बताउनु भयो । उहाँले भन्नुभयो अहिले पनि बिजनेश भिसामा पिआर लिन चाहनेहरुले अष्ट्रेलीयामा धेरै ठूलो लगानी नगरी र नेपालमा आफुले गरीरहेको पेशा ब्यवसायको २ बर्षको प्रगती बिवरण बुझाउनु भएको खण्डमा बिजनेश भिसा सहितको पिआर लिन सक्नुहुन्छ । त्यसका लागि केबीए ग्लोबलको काठमाण्डौं, चितवन, पोखरा, बनेपा, नारायणगढ, नेपालगंज लगायतका शाखाहरुमा सम्पर्क गर्न सकिने र सिधै केबीए ग्लोबल मार्फत आफुलाई सम्पर्क गरेर फाईदा लिन हुन सबैमा अनुरोध समेत गर्नु भएको छ ।

बिगत लामो समयदेखि परामर्श प्रदान गर्दै आइरहेको केबीए ग्लोबल एजुकेसन एण्ड माइग्रेशन सन् २०१२ मा  अष्ट्रेलियाको डार्विनमा स्थापित भएको थियो। हाल यसका ५ कार्यालयहरुले अष्ट्रेलियाका बिभिन्न सहरहरुमा , ६ वटा कार्यालयले नेपालमा र एउटा कार्यालय फिलिपिन्समा रहेर सेवा प्रदान गरिरहेका छन् । यसरी बिजनेश भिसा लिन चाहनेहरुले केबीए ग्लोबलको फेसबुक पेजमा गएर वा केबीए ग्लोबलका बिजनेश डेभलपमेन्टका ग्लोबल हेड रोशन क्षेत्रीसँग सिधै सम्पर्क गर्न सक्नुहुनेछ ।

post image

माघ २, काठमाडौं । उच्चस्तरीय राष्ट्रिय शिक्षा आयोगका सदस्य एवम् हिसानका अध्यक्ष रमेश सिलवालले आयोगको प्रतिवेदनमा नेपाललाई (एजुकेशन हब) बनाउने कुरा समावेश गरिएको बताएका छन् । बुधबार रिपोर्टर्स क्लब नेपालले आयोजना गरेको साक्षात्कारमा बोल्दै सिलवालले सार्वजनिक शिक्षाको गुस्तरमा बृद्धि र निजी विद्यालयहरुलाई व्यस्थापन गर्दै नेपाललाई ‘एजुकेशन–हब’ बनाउने रणनीतिअनुसार आयोगले प्रतिबेदन तयार पारेर प्रधानमन्त्री केपी शर्मा ओलीलाई बुझाएको जनाएका हुन् । उनले भने,‘नेपाललाई शिक्षाको हब बनाउनेगरि प्रतिवेदन आएको छ।’

सिलवालले भने,‘पुर्वीय शिक्षा र स्थानीय सिपलाई मान्यता दिँदै आगामी शिक्षाको मार्गचित्र कोर्ने प्रयास प्रतिवेदनले गरेको छ, निजी क्षेत्रलाई विस्थापित् गर्नुपर्छ भन्ने पक्षमा सरकार छैन्, बरु व्यबस्थापन गर्नुपर्छ भन्ने पक्षमा छ, प्रतिवेदनले पनि त्यही भनेको छ ।’ चार हजारभन्दा बढि सरोकारवाला व्यक्तिहरुसँग छलफल गरेर प्रतिवेदन ल्याईएको उनको दाबी छ । उनले थपे,‘सातवटै प्रदेशमा छलफल गरिएको छ, त्यसबाट उठेका जवाफहरु समावेस गरिएका छन्, भलै सबै आवाजहरुलाई समावेश गर्न सकिएन होला, संविधानमै सबैका आवाजहरु समावेश छैनन्, यो त आगामी २५ वर्षभित्र नेपालको शिक्षा क्षेत्र कस्तो हुने ? वर्तमान समयमा यसलाई कसरी जनपक्षीय बनाउने भन्ने बारेमा हामीले आफ्ना धारणाहरु अघि सारेका छौं ।’

प्रतिवेदनमा निजी विद्यालयलाई सेवामुलक संस्थाको रुपमा विकास गर्नुपर्ने, छात्रवृद्धिको व्यबस्था गर्नुपर्ने, लागत पुरणको सिद्धान्तअनुसार चल्नुपर्ने र तीन कक्षासम्मका विद्यार्थीहरुलाई गृहकार्य दिन नमिल्ने व्यबस्था गरिएको उनले जनाए । राम्रो विद्यार्थीले पढाई सक्नेवित्तिकै रोजगार दिने व्यबस्था पनि प्रतिवेदनमा रहेको सुनाउँदै उनले भने,‘प्रतिवेदनमा प्रायः सबै कुराहरु समावेश गरिएका छन्, समावेश नभएका केही कुराहरु छन् भने सरकारले प्रतिवदेन सार्वजनिक गरेपछि आफ्ना कुराहरु राख्ने पाईनेछन्।’

post image

माघ १,काभ्रेपलाञ्चोक। मण्डन देउपुर नगरपालिका–११ गैराथोकस्थित उमा सहशिक्षालय उच्च माध्यमिक विद्यालयबाट शैक्षिक भ्रमण गएकी बालिका चार दिनदेखि बेपत्ता भएकी छिन्।

कक्षा ५ मा अध्ययनरत ११ वर्षीया सुनमाया तामाङ गत पुस २७ गतेदेखि भक्तपुरबाट हराएकी हुन्। उक्त विद्यालयले आयोजना गरेको शैक्षिक भ्रमणका बेला भक्तपुरस्थित दरबार क्षेत्रबाट हराएकी प्रधानाध्यापक शालिकराम श्रेष्ठले जानकारी दिए। नगरकोट, काठमाडाैं, मेलम्ची तथा दोलखामा समेत खोजी गर्दा भेट्न नसकिएको उनले बताए।

शिक्षक र व्यवस्थापन समितिका पदाधिकारीको टोलीले उनको खोजी गर्दै आएको छ। बेपत्ता सुनमायाको खोजीका लागि विभिन्न स्थानका प्रहरी चौकीमा खबर गरिएको श्रेष्ठले बताए। रासस

post image

पुस २९, काठमाडौं । संघीय संसदको शिक्षा तथा स्वास्थ्य समितिले नेपाल इन्जिनियरिङ कलेजमा भएको अनियमितताबारे तत्काल छानबिन गर्न सरकारलाई निर्देशन दिएको छ। समितिको आइतबार सिंहदरबारमा बसेको बैठकले उपसमितिले पेश गरेको अध्ययन प्रतिवेदन अनुमोदन गर्दै सो कलेजमा भएको अनियमितताबारे तत्काल छानबिन गर्न शिक्षा, विज्ञान तथा प्रविधि मन्त्रालयलाई निर्देशन दिएको हो।

समितिका सदस्य योगेश भट्टराई संयोजक तथा उमेश श्रेष्ठ र हितबहादुर तामाङ सदस्य रहेको उपसमितिले भक्तपुरको चाँगुनारायणस्थित सो कलेजमा व्यापक अनियमितता भएको निष्कर्षसहितको प्रतिवेदन बैठकमा पेश गरेको थियो। सोही प्रतिवेदनलाई अनुमोदन गर्दै अनियमितताबारे छानबिन गर्न तत्काल मन्त्रालयका सहसचिवको नेतृत्वमा छानबिन समिति गठन गरी काम कारबाही अघि बढाउन शिक्षा, विज्ञान तथा प्रविधि मन्त्रालयलाई निर्देशन दिइएको समितिकी सभापति जयपुर घर्तीमगरले जानकारी दिए। छानबिन समितिमा स्थानीय जिल्ला प्रशासन कार्यालयका एक जना प्रतिनिधिलाई अनिवार्य समावेश गर्न पनि सरकारलाई निर्देश गरिएको छ।

उपसमितिले तयार पारेको प्रतिवेदनमा सो कलेजमा करोडौंको भ्रष्टाचार देखिएको उल्लेख गरिएको छ। कलेजका तत्कालीन अध्यक्ष लम्बोदर न्यौपानेले करोडौं आफूखुसी खर्च गर्न पाउने गरी निर्णय गरिएको उल्लेख गर्दै उपसमितिमा संयोजक भट्टराईले त्यसको छानबिन गर्न शिक्षा, विज्ञान तथा प्रविधि मन्त्रालयलाई समितिनै गठन गर्न निर्देशन दिन समितिलाई सिफारिस गर्नु परेको स्पष्ट पारे।

नेपाल इन्जिनियरिङ कलेज भक्तपुर जिल्ला प्रशासन कार्यालयमा २०६० साल भदौ ४ गते सामाजिक संस्थाको रुपमा दर्ता गरिएको उपसमितिको प्रतिवेदनमा उल्लेख गरिएको छ। पोखरा विश्वविद्यालयबाट सम्बन्धन पाएको १ सय ७४ रोपनी सार्वजनिक जग्गामा सो कलेजको संरचना निर्माण गरिएको छ। तर तत्कालीन अध्यक्ष न्यौपानेले सो कलेज प्रशासनलाई थाहा नै नदिई निजी कम्पनीको रुपमा दर्ता गरेपछि विवाद सुरु भएको हो।

post image

पुस २९, काठमाडौं । शिक्षा तथा स्वास्थ्य समितिबाट बहुमतले पारित राष्ट्रिय चिकित्सा शिक्षा विधेयक प्रतिवेदन सहित प्रतिनिधिसभामा आज प्रस्तुत हुने भएको छ । संशोधन सहित पारित विधेयक समिति सभापति जयपुरी घर्तीले मध्यान्ह १२ बजेपछि बस्ने प्रतिनिधि सभाको बैठकमा प्रतिवेदन सहित पेस गर्नु हुने संघीय संसद सचिवालयले जनाएको छ । समितिले तयार बनाएको प्रतिवेदनमा ऐन लागु भएको १० वर्षपछि मुलुकका सबै मेडिकल कलेज गै रनाफामुलक हुने व्यवस्था समेटिएको छ । सो विधेयकमाथि समितिको निर्णयमा प्रमुख प्रतिपक्षी दल नेपाली कांग्रेसले भने फरक मत राखेको थियो ।

समितिले प्रतिवेदन अनुमोदन गरेसँगै आफ्ना माग सम्वोधन नभएको भन्दै त्रिवि शिक्षण अस्पतालका प्राध्यापक डा. गोविन्द केसी इलाम पुगेर १६ औं चरणको अनसन सुरु गर्नुभएको छ । अनशनको पाँचौ दिन जारी रहँदा उहाँको स्वास्थ्य अवस्था भने बिग्रदै गएको उपचारमा संलग्न चिकित्सकको भनाई छ । यसैबीच प्रतिनिधि सभाको आजको बैठकबाट अघिल्लो अधिवेशन मै छलफलमा आएका तीन वटा विधेयक पारित गर्ने कार्यसूची छ । राष्ट्रिय सभाबाट आएको संकटापन्न वन्यजन्तु तथा वनस्पतिको अन्तर्राष्ट्रिय व्यापार नियन्त्रण पहिलो संसोधन विधेयक तथा प्रतिनिधि सभा मै उत्पन्न भएका निवृत्तिभरण कोष विधेयक र भुक्तानी तथा फस्र्यौट विधेयक पारित गर्ने कार्यसुची रहेको संघीय संसद सचिवालयले जनाएको छ ।

 तीन वटै विधेयक गत साउनमा संघीय संसद सचिवालयमा दर्ता भएर सैद्धान्तिक छलफल भएपनि संसद अधिवेशन अत्य हुँदा समितिमा दफावार छलफल हुन बाँकी थियो ।  बैठकमा गृहमन्त्री रामबहादुर थापाले राष्ट्रिय परिचयपत्र तथा पञ्जीकरण विधेयक टेवल गर्ने कार्यसुची छ भने नेपालको संविधान अनुकुल बनाउन केही नेपाल ऐनलाई संसोधन गर्ने विधेयकमाथी सैद्धान्तिक छलफल हुने सहप्रवक्ता अर्यालले बताउनुभयो ।

पुस २0, ललितपुर । महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक शैलेश थापा क्षेत्रीको प्रमुख आतिथ्यमा ललितपुरको  माछापुच्छ्रे स्कुलमा समुदाय प्रहरी साझेदारी अवधारणा अन्तर्गत प्रशिक्षण तथा अन्तरक्रिया कार्यक्रम सम्पन्न भएको छ ।

कार्यक्रममा प्रहरी नायव महानिरीक्षक क्षेत्रीले साइबर क्राइम, सामाजिक संजाल, अपरहण तथा जबरजस्ती करणी सम्बन्धी जनचेतनामूलक प्रशिक्षण दिनुहुँदै अपराधबाट बच्ने विभिन्न उपायबारे जानकारी दिनुभयो । कुनै पनि अपराध हुन एउटा प्रकृया हुने भएको चर्चा गर्नुहुर्दै उहाँले यस्ता अपराधका प्रकृयाहरु पुरा हुन नदिन प्रहरी सदैव कृयाशिल रहेको बताउनुभयो ।

कार्यक्रममा प्रहरी नायव महानिरीक्षक क्षेत्रीले विकास र समृद्धिले मात्र अपराध न्यूनिकरण नहुन सक्ने भन्दै अपराध न्यूनिकरणका लागि सोचमा परिवर्तन चाहिने र यसका लागि समुदाय(प्रहरी साझेदारी अवधारणा कार्यक्रम ल्याईएको  बताउनुभयो ।

उक्त कार्यक्रममा माछापुच्छ्रे स्कुलका प्रिन्सिपल सम्पूर्ण देवापातेले धन्यबाद ज्ञापन गर्नुभएको थियो । महानगरीय प्रहरी परिसर जावलाखेल ललितपुरका प्रमुख प्रहरी वरिष्ठ उपरिक्षक रबिन्द्र बहादुर धानुक ललितपुर उपमहानगरपालिकाक वाड न्र १३ का वडा अध्यक्ष राम कुमारी लिम्बू , माछापुच्छ्रे विद्यालयका कार्यकारी प्रमुख डा. बिनोद प्रसाद यादव  लगायतले आ–आफ्नो मन्तब्य राख्नु भएको थियो ।

कार्यक्रममा बोल्दै विद्यालयका सिईओ यादवले विद्यार्थीहरुलाई अनुशासीत र मर्यादीत राख्न् तथा देशमा शन्ति सुरक्षाको प्रत्याभूती दिलाउँदै विद्यालय तहमै विद्यार्थीह्रुलाई अनुशासीत र उनिहरुलाई साईबर क्ताईम सम्वन्धि सम्पूर्या रुपमा जानकारी दिन पनि कार्यक्रम उपलब्धीमूलक रहेको धारणा ब्यक्त गर्नु भयो । कार्यक्रममा शिक्षक, विद्यार्थी, अभिभावक संचारकर्मी एवं प्रहरी कर्मचारीहरुको सहभागिता रहेको थियो ।

post image

पुस १७, काठमाडौं । महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक शैलेश थापा क्षेत्रीको प्रमुख आतिथ्यमा काठमाडौं बुढानिलकण्ठ स्कुलमा समुदाय-प्रहरी साझेदारी अवधारणा अन्तर्गत प्रशिक्षण तथा अन्तरक्रिया कार्यक्रम सोमबार सम्पन्न भएको छ ।

कार्यक्रममा प्रहरी नायव महानिरीक्षक क्षेत्रीले साइबर क्राइम, सामाजिक संजाल, अपरहण तथा जबरजस्ती करणी सम्बन्धी जनचेतनामूलक प्रशिक्षण दिनुहुँदै अपराधबाट बच्ने विभिन्न उपायबारे जानकारी दिनुभयो । कुनै पनि अपराध हुन एउटा प्रकृया हुने भएको चर्चा गर्नुहुर्दै उहाँले यस्ता अपराधका प्रकृयाहरु पुरा हुन नदिन प्रहरी सदैव कृयाशिल रहेको बताउनुभयो ।

 कार्यक्रममा प्रहरी नायव महानिरीक्षक क्षेत्रीले विकास र समृद्धिले मात्र अपराध न्यूनिकरण नहुन सक्ने भन्दै अपराध न्यूनिकरणका लागि सोचमा परिवर्तन चाहिने र यसका लागि समुदाय-प्रहरी साझेदारी अवधारणा कार्यक्रम ल्याईएको  बताउनुभयो ।

उक्त कार्यक्रममा बुढानिलकण्ठ स्कुलका प्रिन्सिपल केशर खुलालले धन्यबाद ज्ञापन गर्नुभएको थियो । महानगरीय प्रहरी प्रभाग बुढानिलकण्ठ, सामुदायिक प्रहरी सेवा केन्द्र बुढानिलकण्ठद्वारा संयुक्त रुपमा  आयोजित उक्त कार्यक्रममा शिक्षक, विद्यार्थी, अभिभावक एवं प्रहरी कर्मचारीहरुको सहभागिता रहेको थियो ।

post image

पुस १६, काठमाडौँ । हर प्रहर , गाउँ र नगरी, टोलटोलमा नेपाल प्रहरी भन्ने मूल नाराका साथ समुदाय – प्रहरी साझेदारी कार्यक्रमहरु संचालन भइरहेका छन् । शान्तिपूर्ण एवं सुरक्षित समाज निर्माणका लागि नेपाल प्रहरी, स्थानीय तह , समुदाय , सामाजिक संस्था र बिद्यालयले संयुक्त रुपमा बिद्यालय प्रहरी सम्पर्क कार्यक्रमहरु गर्दै आएको हो  ।

सोहिक्रममा ललितपुर सातदोबाटो कुसुन्तीमा रहेको माछापुच्छ्रे स्कुलले पनि बिद्यार्थीहरुलाई मध्यनजर गर्दै सचेतना कार्यक्रमको आयोजना गर्ने भएको छ ।

पछिल्ला केही घटनाहरु हेर्ने हो भने नेपालको साइबर स्पेस खतरामा छ । देश विदेशबाट नेपालको साइबर स्पेसमा कम्प्युटर, मोबाइल र यसका विभिन्न नेटवर्कबाट आक्रमण हुने क्रम रोकिएको छैन । सरकार, दूरसञ्चार र इन्टरनेट सेवा प्रदायक, बैंक, एयरलाइन्स लगायतका कम्पनीका सिष्टममा अझै आक्रमण भइरहेका छन् । तर सबै घटना बाहिर आउदैनन् । कतिपय अवस्थामा नेपाल साइबर अपराधको अखडा बन्ने हो कि भन्ने प्रश्न पनि उठ्न थालेका छन् । यसलाई पुष्टि हुने गरी विभिन्न थरीका साइबर अपराधका घटनासमेत भइरहेका छन् । तर, मुख्य कुरा हाम्रो साइबर सेक्युरिटीको संरचना नै कमजोर भएकाले झनै जोखिम निम्तिएको छ भने सरोकारवालाको ध्यान अझै यतातर्फ आउन सकेको छैन ।सोहि बिषयमा केन्द्रित भइ माछापुच्छ्रे स्कुलले बिद्यालय भवनमा महानगरीय प्रहरी कार्यालय रानीपोखरीका प्रमुख एवं प्रहरी नायब महानिरीक्षक शैलेश थापा क्षेत्रीले नेपाल प्रहरी, स्थानीय तह , समुदाय, सामाजिक संस्था र बिद्यालयले संयुक्त रुपमा समन्वय गरी साइबर क्राइमका बारेमा जनचेतना जगाउनका लागि आफुले गरेको अनुशन्धान प्रस्तुत गर्नुहुनेछ ।

कास्परस्की ल्याबको अध्ययनले नेपाल साइबर सुरक्षाको उच्च जोखिममा रहेको देखाएको छ । उक्त अध्ययनले नेपालका ९ ठूला बैंकहरुको सिष्टम निकै खतरामा रहेको पुष्टि गरेको थियो । टर्कीको ह्याकर समूहले गत वर्ष नेपालका सानिमा बैंक र युनिभर्सल डेभलपमेन्ट बैंकमा रहेका निकै संवेदनीशल डाटा कब्जामा लिई अनलाइनमा पोस्ट समेत गरेको थियो ।

हाल साइबर अपराध भन्ने बित्तिकै अधिकांश घटना फेसबुक, ट्वीटर जस्ता सामाजिक सञ्जालबाट आउँछन् भन्ने बुझिन्छ । र त्यस्ता घटनालाई सामान्य रुपमा लिंदा झनै समस्या निम्तिरहेको छ । अहिले सामाजिक सञ्जालमा गाली, मानहानी वा चरित्र हत्याका पोस्ट मात्रै हुने गरेका छैनन् । यही माध्यमलाई अपनाएर ठूला करपोरेटमा आक्रमण समेत हुन थालेका छन् । फेसबुकमा नचाहिने स्पाम छोडेर लक्षित कर्पोरेट सेक्टरलाई पठाउने क्रम ब्यापक बढेको छ । साथै साइबर अपराधी वा लुटेराहरुले लक्षित वर्ग छान्दै अनलाइनमा सेक्स विज्ञापन, पोर्नोग्राफी वा अन्य सेक्स ब्यापार गर्ने र अनलाइन मनी ट्रान्सफरबाट रकम कारोबार गर्ने गरिरहेका छन् । तसर्थ साइबर क्राइमबाट बिद्यार्थीहरु पिडित नहुन भन्ने उदेश्यका साथ आगामी पुस २० गते आयोजक संस्था सामुदायिक – प्रहरी साझेदारी बिद्यालय सम्पर्क समिति माछापुच्छ्रे स्कुल , महानगरीय प्रहरी वृत सातदोबाटो, सामुदायिक प्रहरी सेवा केन्द्र तिखेदेबलले संयुक्त रुपमा उक्त जानकारीमुलक कार्यक्रम आयोजना गर्न लागिएको हो ।

के हो त साइबर अपराध ?

विद्युतीय उपकरणहरु कम्प्युटर, मोबाइल, तथा यसको नेटवर्कका माध्यमबाट हुने कुनै पनि प्रकारका अपराधिक कार्यलाई साइबर अपराध मानिन्छ । इन्टरनेटको प्रयोगमार्फत गरिने चरित्र हत्या, हिंसा फैलाउने कार्य, यौनजन्य हिंसा, इण्टरनेट फ्रड, अर्काको पहिचान अनाधिकृत रूपमा प्रयोग, क्रेडिट कार्ड तथा एकाउण्ट आदिको चोरी गरी गरिने बैङ्किङ कसुर, अर्काको कम्प्युटर, विद्युतीय उपकरण तथा नेटवर्कमा पुर्याइउने क्षति लगायत अवैधानिक कार्यलाई पनि विश्वका अधिकांश मुलुकका कानूनले साइबर अपराध मानेको छ । साइबर क्राइमलाई सम्बोधन गर्न अन्तराष्ट्रिय एवं क्षेत्रीयगत रुपमा विभिन्न कानून बनेका छन् । संयुक्त राष्ट संघ, अन्तर्राष्ट्रिय दूरसञ्चार युनियन, युरोपियन युनियन लगायतले आफ्ना सदस्य राष्ट्रका लागि साइबर अपराध विरुद्ध ऐन र नियम ल्याइरहेका छन् ।

सामाजिक सञ्जालबाट अपराध
नेपालमा सबैभन्दा बढी सामाजिक सञ्जालबाट साइबर अपराध हुने गरेको छ । फेसबुक, ट्वीटर, भाइबर, स्काईप, ह्वाट्एसप, इन्स्टाग्राम, इमो जस्ता सामाजिक सञ्जालका प्रयोगकर्ता बढिरहेकोमा दिनहुँ जसो ८ देखि १० जना यस्ता सञ्जालबाट पीडित भएको भन्दै महानगरिय अपराध अनुसन्धान शाखाअन्तर्गतको साइबर क्राइममा उजुरी टिपाउँछन् । सबै अपराधको तथ्याकं प्रहरीसँग छैन ।

थोरै घटनाको उजुरीमात्रै प्रहरीसम्म पुग्ने गरेको छ । विद्युतीय कारोबार ऐनअन्तगर्त उजरी भएका घटनाहरुलाई जिल्ला अदालत काठमाडौंले मात्रै हेर्ने व्यवस्था छ । नक्कली फेसबुक एकाउन्ट बनाएर गाली गलौज, धम्की, चरित्र हत्या गर्ने गतिविधि भइरहेका छन् । अधिकांश घटनामा महिला, नेता, कलाकार र प्रहरी स्वयम् नै परेका छन ।

साइबर सुरक्षामा संवेदनशीलता

अहिले सुचना सुरक्षामा काम गर्ने निकाय केही सचेत देखिएका छन् । नयाँ सूचना तथा सञ्चार प्रविधि नीति लागू भएको छ । तर, सूचना प्रविधिको सुरक्षा हेर्ने विद्युतीय कारोबार ऐन २०६३ को केही धारामा मात्रै यसको कुरा छ । जिल्ला अदालत काठमाडौंले मात्रै साइबर अपराधको घटना हेर्छ भने सिआइबी र साइबर सेलले साइबर घटनाका उजुरीउपर अनुसन्धान गर्छन् । तर, साइबर सुरक्षाका लागि छुटटै सांगठिनक संरचनाको आवश्यकता नहुँदा समस्या देखापरेको छ ।

माछापुच्छ्रे स्कूल ई.सं १९९५ मा शिक्षाशास्त्रका एक प्रमुख समूह द्वारा स्थापित गरिएको थियो । दार्शनिक व्यक्तित्व डा. बिनोद प्रसाद यादवले अक्टोबर २०१५ मा यस स्कूलको सम्हाल्दै युगानुकुल शिक्षा को शुरुवात गर्ने संभावना को अन्वेषण गरेका थिए । सोहिअनुरुप विद्यालयले २१ औं शताब्दीको बाजारले मागेको दक्ष जनशक्ति उत्पादन गर्नलाई जीवनउपयोगी शिक्षा प्रदान गर्दै आइरहेको छ।

किन माछापुच्छ्रे स्कूल

नेपालमा राम्रो स्कूलहरूको कमी छ। आमाबाबुहरूले विद्यालयमा सुरक्षित, सम्मानित र सम्मानजनक शिक्षाको खोजी गर्न संघर्ष गरिरहेका छन्। देशमा धेरै सीमित विद्यालयहरू छन् र माग असीमित छ। यसले आमाबाबुलाई आफ्नो बच्चाहरु धेरै उमेरमै विदेशमा पठाएको छ। परिवारबाट छुट्याउन बालबालिकाको सामाजिक र भावनात्मक सुअवसरमा पुनरुत्थान हुन सक्छ। माछापुच्छ्रे विद्यालयले बच्चाहरूलाई फरक तरिकाले सिकाउने काम गर्छ। स्कूलले बालबालिकाको सामाजिक जीवनलाई मान्दछ र उनीहरूलाई जिम्मेवार नागरिक बनाउन वातावरण सिर्जना गर्दछ। विद्यालयको उद्देश्य किफायती फीसमा उच्च गुणस्तर शिक्षा उपलब्ध गराउनु हो।

माछापुच्छ्रे स्कुलले समयसमयमा संस्थागत सामाजिक उत्तरदायित्व बहन गर्दै यस्ता बिबिध कार्यक्रमहरुको आयोजना गर्दै आइरहेको छ ।

post image

पुस ३, काठमाण्डौं । केबीए ग्लोबल एजुकेशन एण्ड माईग्रेसनले आफ्नो १२ औं शाखाको रुपमा अष्ट्रेलियाको मेलबर्नमा सेवा विस्तार गरेको छ । उक्त शाखाको उद्घाटन अन्तर्राष्ट्रिय विद्यार्थी संघ (सीआईएसए) का अध्यक्ष विजय सापकोटाले गरेका हुन् ।

विस्तार भएको यस नयाँ कार्यालयले माइग्रेशन र बिद्यार्थीहरुको शैक्षिकबिषयलाई लिएर सबै प्रकारका सेवाहरू प्रदान गर्नेछ, जसमा  पी टि इ टेस्ट तैयारी पनि समावेश छ।

उद्घाटन समारोहलाई सम्बोधन गर्दै कन्सुलेट जेनेरल अफ भिक्टोरिया चन्द्र योन्जन , एनआरएनए का भाइस प्रेसिडेन्ट केशब कंडेल लगायतले सफलताको शुभकामना  व्यक्त गरेका थिए 

लामो समयदेखि परामर्श प्रदान गर्दै आइरहेको केबीए ग्लोबल एजुकेसन एण्ड माइग्रेशन सन् २०१२ मा  अष्ट्रेलियाको डार्विनमा स्थापित भएको थियो। हाल यसका ५ कार्यालयहरुले अष्ट्रेलियाका बिभिन्न सहरहरुमा , ६ वटा कार्यालय नेपालमा र एउटा कार्यालय फिलिपिन्समा रहेर सेवा प्रदान गरिरहेका छन् ।

 

post image

मंसिर २१, काठमाडौं । केएमसी एजुकेशनल नेटवर्कद्वारा संचालित हिमालय कलेज अफ इन्जियरिङ् , काठमाडौँ मोडेल कलेज र ओपोलो इन्टरनेसनल कलेजको संयुक्त आयोजनामा बृहत रोजगार मेला सम्पन्न भएको छ  ।उक्त मेलाको आयोजना मेरो जब नामक संस्थाको साझेदारीमा सम्पन्न भएको हो । काठमाडौँ मोडेल कलेज बालकुमारीको प्राङ्गणमा भएको उक्त मेलामा २० वटा प्रतिष्ठित रोजगारदाता कम्पनिहरुको सहभागिता रहेको थियो  ।

नेपाल उद्योग बाणिज्य महासंघका अध्यक्ष हरिभक्त शर्माले  उक्त रोजगार मेलालाई पानसमा बत्ति बालेर उद्घाटन गरेका थिए। मेलालाई सम्बोधन गर्दै शर्माले भने”देश हाम्रो हो  , हामीले बनाउने हो, हामीसंग प्रचुर सम्भावनाहरु छन् । नेपाल प्रकृतिको अनुपम उपहार हो , यहाँको अनन्त सम्भावनाहरुको खोजि गरी देशको नवनिर्माण गर्ने जिम्मा बिद्यार्थीको काँधमा रहेको छ उनले थपे ।

संचालित हिमालय कलेज अफ इन्जियारिङ् , काठमाडौँ मोडेल कलेज र ओपोलो इन्टरनेसनल कलेजका बिद्यार्थीहरुमा लक्षित उक्त मेलाबाट बिभिन्न रोजगारदाता कम्पनिहरुले आवश्यक जनशक्ति अन्तर्वार्ताबाट छनोट गर्ने आयोजक संस्थाका निर्देशक कपिलदेव रेग्मीले बताए ।मेलामा नेटवर्क अन्तर्गतका झन्डै १०० जना बिद्यार्थीहरुको सहभागिता रहेको थियो ।

मेलामा मेरो जब संस्थाका कार्यकारी निर्देशक शैलेन्द्रराज गिरिले सहकार्य गर्ने मौका पाएकोमा खुसी व्यक्त गरे ।

उक्त कार्यक्रममा कपिलदेव रेग्मीले स्वागत मन्तब्य राख्नु भएको थियो भने केएमसी एजुकेशनल नेटवर्कका प्रबन्धक निर्देशक  रामेश्वर अर्यालले प्रमुख अतिथी तथा अतिथीहरुलाई मायाको चिनो प्रदान गर्नु भएको थियो  ।

post image

मङ्सिर  २० , काठमाडौँ । काठमाडौँ महानगरपालिकाले महानगरपालिकाभित्रका सबै सामुदायिक र संस्थागत विद्यालयमा विद्यार्थीका लागि एकै प्रकारको पोशाक लागू गर्ने तयारी गरेको छ ।

महानगरको शिक्षा विभागले ‘महानगरीय शिक्षा रुपान्तरण अभियान सुधार सोच’ कार्यक्रमअन्तर्गत सामुदायिक र संस्थागत विद्यार्थीको पोशाकमा एकरुपता ल्याउनका लागि एकै प्रकारको पोशाक लागू गर्ने तयारी गरेको विभागका शिक्षा अधिकारी सीताराम कोइरालाले जानकारी दिए ।

‘विदेशका महानगरमा रहेका विद्यालयको पोशाक एउटै हुन्छ’, उनले भने, ‘हामीले पनि एउटै प्रकारको पोशाक लगाएर महानगरका विद्यालयमा एकरुपता ल्याउन थालेका हौँ ।’

‘एकै पटक विद्यार्थीको पोशाक एउटै बनाउन समस्या हुन्छ’, उनले भने, ‘विस्तारै महानगरभित्रका सबै विद्यालयमा तीन/चार वर्षभित्रमा एउटै पोशाक बनाउने लक्ष्य रहेको छ ।’ विभागले यसका लागि शिक्षक, संस्थागत विद्यालय सञ्चालक र विद्यार्थीका सङ्घ सङ्गठन र अभिभावकसँग छलफल, अन्तर्क्रिया गरी पोशाक कस्तो बनाउने भन्ने निर्णय गर्ने छ ।

यसैगरी महानगरले विद्यालयको बिदामा समेत एकरुपता ल्याउनका लागि शैक्षिक क्यालेण्डर लागू गर्ने भएको छ । आगामी शैक्षिक सत्रदेखि विदेशी कूटनीतिक नियोगबाट सञ्चालन भएका विद्यालयबाहेकका सबै प्रकारका विद्यालयमा एकै दिन विद्यालय खुल्ने र एकै दिन बिदा हुने गरी क्यालेण्डर ल्याउन थालिएको शिक्षा अधिकारी कोइरालाले बताए ।

महानगरको शिक्षा विभागले त्रैमासिक, अर्धवार्षिक र वार्षिक परीक्षाको तयारीको बहानामा अनावश्यक बिदाको समेत कटौती गर्दै स्थानीय बिदाका लागि व्यवस्था भएको पाँच दिनको प्रयोग गर्दा शिक्षा विभागको पूर्व स्वीकृति अनिवार्यरुपमा लिनुपर्ने व्यवस्था गरेको छ । काठमाडौँ महानगरमा ९१ सामुदायिक र ६४० संस्थागत विद्यालय रहेका छन् ।रासस

post image

मंसिर २०,  काठमाडौं । सरकारले विद्यालय तहको शिक्षामा चिनियाँ भाषा समावेश गर्ने निर्णय गरेको छ। चीनमा अध्ययन गरेका नेपाली विद्यार्थीहरूले काठमाडौंमा आयोजना गरेको एक कार्यक्रममा बोल्दै शिक्षा, विज्ञान तथा प्रविधि मन्त्री गिरिराजमणि पोखरेलले विद्यालय तहको शिक्षामा चिनियाँ भाषा पनि पठनपाठन गराउने निर्णय गरिएको जानकारी दिए।

उनले नेपालको समृद्धिमा चिनियाँ सहयोग वृद्धि गर्न त्यहाँ अध्ययन गर्न गएका नेपाली विद्यार्थीहरू सक्षम हुने विश्वास पनि व्यक्त गरे। मन्त्री पोखरेलले नेपालको समृद्धिमा चीनको सहयोग अझै वृद्धि भएर जाने अपेक्षा पनि गरे।

उनले चीनमा उच्च शिक्षा हासिल गरेका नेपाली विद्यार्थीहरूलाई आफूले लिएका ज्ञानको सदुपयोग गरेर मुलुकको समृद्धिको अभियानमा योगदान दिन पनि आह्वान गरे।

मन्त्री पोखरेलले राष्ट्रको आवश्यकतालाई धान्ने गरी शैक्षिक जनशक्ति निर्माण गर्ने कार्यमा सरकार केन्द्रित रहेको दाबी समेत गरे। त्यस अवसरमा उनले चीनलाई दुःखको बेला साथ दिने मित्र राष्ट्रको रूपमा पनि चित्रण गरे।

post image

मंसिर १९, काठमाडौँ  । सम्बन्धनको विषयलाई लिएर त्रिभुवन विश्वविद्यालयको  पदाधिकारी कक्षमा ताला लगाइएको छ । कीर्तिपुरस्थित उपकुलपति, शिक्षाध्यक्ष र योजना निर्देशनालयका प्रमुख कार्यकक्षमा नेपाल विद्यार्थी सङ्घ निकटका विद्यार्थीले ताला लगाएका हुन् ।

ब्याचलर अफ कम्प्युटर अप्लिकेशन (बिसिए) लगायत केही विषयमा सम्बन्धन दिँदा मापदण्ड नपु¥याई आंगिक, सामुदायिक र निजी क्याम्पसलाई सम्बन्धन दिएको विरोधमा ताला लगाउनुपरेको सङ्घका त्रिवी एकाइका जगदिश भट्टले जानकारी दिए ।

उनीहरुले यही मङ्सिर १६ गते ताला लगाएका हुन् । त्रिविले हालै ११६ क्याम्पसमा विसिएलगायत अन्य विषयमा सम्बन्धन दिएकामा त्यसको खारेजीको माग गरेका हुन् । उनले सम्बन्धन दिएको विषयको खारेज नभएसम्म ताला यथावत रहने जानकारी दिए । तालाबन्दीका कारण कामकाज रोकिएको योजना निर्देशनालयका कार्यकारी निर्देशक प्राडा. ऋदिशकुमार पोखरेलले जानकारी दिए ।

post image

मंसिर १४, बर्दिवास । महोत्तरी जिल्लामा अनुमति  बेगर सञ्चालित संस्थागत निजी विद्यालय छ्यास्छ्यास्ती छन् । जिल्लाका १० नगरपालिका र पाँच गाउँपालिका गरी १५ वटै स्थानीय तहमा यस्ता विद्यालय रहेका जिल्ला शिक्षा समन्वय एकाइ कार्यालयले जनाएको छ ।

पछिल्लो समय संविधानले विद्यालय सञ्चालन, तथा व्यवस्थापनको कार्य सम्बन्धित स्थानीय तहले गर्ने किटानी व्यवस्था गरेकाले त्यस्ता विद्यालयलाई व्यवस्थित गरिनुपर्ने उक्त कार्यालयका प्रमुख शत्रुधन यादव बताउँछन् ।

जिल्लामा यसरी बिनाअनुमति सञ्चालनमा रहेका विद्यालयको सङ्ख्या १०० भन्दा बढी भएको अनुमान गरिए पनि सबै स्थानीय तहले आ–आफ्नो क्षेत्रभित्र अनुगमन गरी जानकारी गराएपछि मात्र यकिन विवरण आउने जिल्ला शिक्षा समन्वय समितिका संयोजक सुरेशप्रसाद सिंहको भनाइ छ ।

बर्दिवास नगरपालिकाको शिक्षा शाखाका प्रशासकीय अधिकृत गणेश दाहाल अनुगमनका क्रममा नगर क्षेत्रका विभिन्न वडा बस्तीमा सञ्चालित ३७ संस्थागत विद्यालयमध्ये अहिलेसम्म १५ वटा अनुमतिबेगर नै सञ्चालित भएको पाइएको जानकारी दिन्छन् ।

तीमध्ये १० विद्यालयले सञ्चालन स्वीकृति लिएका कक्षाभन्दा माथिका कक्षा सञ्चालन गरेको पाइएको छ भने पाँचवटाले त विद्यालय सञ्चालनको कुनै प्रक्रिया नै अघि बढाएको नपाइएको उनी बताउँछन् ।

जिल्लामा सञ्चालित प्राय संस्थागत विद्यालयले कक्षाकोठा, विद्यार्थीका लागि बस्ने व्यवस्था, शैक्षिक सहायक सामग्री र योग्य विषय शिक्षकको व्यवस्थाबिना नै स्वीकृतिबेगर नै कक्षा सञ्चालन गर्नाका साथै अङ्ग्रेजी माध्यमबाट गुणस्तरीय शिक्षा दिने विज्ञापन गरेर मनपरी चर्को शुल्क उठाउने गरेको सम्बद्ध अभिभावक बताउँछन् । शिक्षा क्षेत्रको यो अस्तव्यस्तता चिर्न सबै स्थानीय तहले योजनाबद्ध रुपमा अघि बढ्नुपर्नेमा शिक्षसेवी कृष्णचन्द्र झा जोड दिन्छन् । रासस

post image

मंसिर ११, काठमाडौँ । शिक्षा, विज्ञान तथा प्रविधि मन्त्री गिरिराजमणि पोखरेलले आन्दोलनरत शिक्षकसँग वार्ता गर्न सरकारले शिक्षा सचिव खगराज बरालको नेतृत्वमा पाँच सदस्यीय वार्ता टोली गठन गरेका छन् ।

 वार्ता टोलीका अन्य सदस्यहरुमा सहसचिवहरु बैकुण्ठ अर्याल, बाबुराम पौडेल, सूर्यप्रसाद गौतम र कृष्णप्रसाद काप्री सदस्य रहेका छन्।

अन्दोलनरत शिक्षकहरुले सरकारसँग वार्तालागि वार्ता टोलीको गठनको माग गरेका थिए। विभिन्न २६ बुँदे माग राखेर आन्दोलनमा उत्रिएको शिक्षक महासंघसँग यो टोलीले वार्ता गर्ने जनाइएको छ। वार्ता टोलीले शिक्षक महासंघसँग पहिलो चरणमा प्रारम्भिक छलफल समेत गरेको छ।

post image

मंसिर ११, काठमाण्डौं । केबीए ग्लोबल एजुकेशन एण्ड माईग्रेसन सिड्नीले अष्ट्रेलियाको सिड्नीमा एक बृहत अन्तरक्रिया कार्यक्रम सहितको सेमीनार आयोजना गर्ने भएको छ । अष्ट्रेलियाको सिड्नीस्थित कोग्रहा लाईबेरीको एक्टीभिटीज रुममा आयोजना हुने सेमिनारको बिषयबस्तुका रुपमा माईग्रेसन टु रिजनल अष्ट्रेलियाको बिषयबस्तुलाई अघि सारीएको छ ।

अष्ट्रेलियाले यहाँ अध्ययन गर्ने तथा बसोबास गरीरहेका अस्थायी बासिन्दाहरुका लागि स्थायी रेसीडेन्ट पिआर लिनका लागि रिजनल जानै पर्ने ब्वयवस्थ ागर्न लागिरहेको पेरीप्रक्ष्यलाई मध्यनजर गर्दै केबीए ग्लोबलले उक्त सेमीनारको आयोजन ागर्न लागरहेको हो । नोभेम्बर २८ तारिखका दिन आयोजना हुने सो सेमीनारका मुख्य बक्ताका रुपमा केबीए ग्लोबलका निर्देशक तथा अष्ट्रेलियाका रजिष्टर्ड माईग्रेर्ट जेण्ड शम्भु कडेल रहन’ भएको छ । सेमीनारमा बिद्यार्थीह्रुले अध्ययन पछि कसरी अष्ट्रेलियामा आफ्नो भबिष्य बनाउन सक्छन् ।

त्यसका क्राईटएरीयाहरु के रहेका छन्, रिजनल जानाका फाईदाहरु के–के हुनेछन् लगायतका बिषयमा बृहत छलफल सहित सेमीनार आयोजना हुने केबीए ग्लोबलका म्यानेजर रोशन क्षेत्रीले अनलाईन समयलाई जानकारी गराउनु भयो । क्षेत्रीका अनुसार उक्त सेमीनारमा अष्ट्रेलियाले अपनाएको रिजनल सम्वन्धि ब्यवस्थाका बारेमा निर्देशक शम्भु कडेलले एक कार्यपत्र समेत प्रस्तु गर्नु हुनेछ ।

post image

मंसिर ९, भक्तपुर । नेपाली सेनाका अधिकृतहरुले नेपाल इन्जिनियरिंग कलेज चाँंगुनारायण भक्तपुर पुगेर इन्जिनियरिंग शिक्षा लिएका छन् । इन्जिनियरिंग तालिम शिक्षालयका २५ जना अधिकृतहरुले कलेज पुगेर सिभिल इन्जिनियरिंगको शिक्षण लिएका हुन् ।

श्री स्वदेश तालिम महाशाखा, सैनिक तालिम निर्देशनालय तथा डक्ट्रिन महानिर्देशनालय, बलाधिकृत विभागबाट प्राप्त तालिम निर्देशन अनुसार सञ्चालन भएको सि सं ८ इन्जिनियर युवक अधिकृत तालिम प्रशिक्षार्थी अधिकृत इन्जिनियरले कलेजमा पुगेर सैद्धान्तिक तथा व्यवहारिक अध्ययय गरेका हुन् ।उनीहरुलाई नेपाल इन्जिनियरिंग कलेजका एकेडमिक कोअर्डिनेटर मोहनध्वज केसीले यातायात, कलेजका सिभिल विभागकी प्रमुख दिव्यश्री लोहनीले सिभिल इन्जिनियरिंग, कलेजकै सहप्राध्यापकहरु पीताम्वर वाग्लेले हाइडोपावर र राजबीर मानन्धरले स्टकचर विषयमा अध्यापन गराएका थिए ।

उनीहरुलाई त्यहाँं सैद्धान्तिक तथा प्रयोगात्मक तालिम दिइएको थियो । सैद्धान्तिक ज्ञान दिनुका साथ ल्याबमा लगेर प्रयोगात्मक ज्ञान पनि दिइएको थियो । नेपाल इन्जिनियरिंग कलेजका एकेडमिक कोअर्डिनेटर मोहनध्वज केसीले विगत पाँंच वर्षदेखि नेपाली सेनाका अधिकृतहरुको एउटा समूह प्रत्येक वर्ष कलेजमा आएर एकदिने प्रशिक्षणमा सहभागी भई पढ्दै आएको जनाए ।

post image

कात्तिक २९, जाजरकोट ।  पञ्चभयार माध्यमिक विद्यालय नलगाड–८ का शिक्षक इन्द्र खत्रीले एक वर्षदेखि तलब पाएका छैनन् ।

विद्यार्थीको अनुपातमा शिक्षक दरबन्दी व्यवस्था नहुँदा निजी स्रोतबाट तलब, भत्ता बेहोर्ने गरी खत्रीलाई दुई वर्षअघि नियुक्त गरिएको थियो ।

विद्यालयका शिक्षक रवीन्द्र खत्री र मीना बुढा खत्रीले पनि सात महीनाको तलब पाएका छैनन् । तलब माग्दा विद्यालय व्यवस्थापन समितिको बैठक बोलाएर कतैबाट पैसा ल्याएर तलब दिइने जवाफ विद्यालय प्रशासनले दिने गरेको पीडित शिक्षकले बताएका छन् ।

उद्यारोमा पढाउँदा, पढाउँदा हैरान भएको उनीहरुको भनाइ छ ।

सोही वडाकै सूर्यकिरण आधारभूत विद्यालयमा पढाउने शिक्षक गोपाल केसी, हिमकुमारी खत्री, लालबहादुर खत्रीलगायतले विगत सात महीनाको तलब पाएका छैनन् ।

लेकबेँसी आधारभूत विद्यालय कार्यखेत, धासाइना आधारभूत विद्यालय, सरस्वती आधारभूत विद्यालय, बारेकोट गाउँपालिका–५ लगायत विद्यालयका शिक्षकले तलब नपाएको बताएका छन् ।

विद्यार्थी र तहअनुसारको शिक्षक दरबन्दी नहुँदा गाउँलेले आफैँ बेहोर्ने गरी राखिएका शिक्षकले तलब खाना नपाएका हुन् ।

स्थानीय सामुदायिक वन, विद्यार्थी भर्नाबाट उठेको रकम, गाउँलेले उठाएको रकमबाट शिक्षकलाई तलब दिँदै आएको विद्यालय व्यवस्थापन समितिले जनाएका छन् ।

कतै विद्यालय निर्माण गर्नका लागि छुट्याएको रकमबाट शिक्षकलाई तलब खुवाएको पनि भेटिएकोे छ । गाउँलेले विद्यालय निःशुल्क निर्माण गरी विद्यालयमा आएको बजेट तलब दिने व्यवस्थासम्म गरेको पञ्च भयार माविका प्रधानाध्यापक हुमप्रकाश सिंहले बताए ।

 ऋण काँढेर शिक्षकलाई तलबभत्तासमेत उपलब्ध गराउन बाध्य भएको सिंहले बताए । रासस

post image

कात्तिक २८, चितवन।  कृषि तथा वनविज्ञान विश्वविद्यालय रामपुरमा विद्यार्थीहरुले आगजनी गरेका छन् । मङ्गलबार साँझ ७ः३० बजे विश्वविद्यालय केन्द्रीय कार्यालय, कृषि डिनको कार्यालय र प्रशासन कार्यालय भवनको सिसा तोडफोडपछि आगजनी गरेका हुन् ।

प्रहरी चौकी रामपुरका इञ्चार्ज शिवमङ्गल चौधरीका अनुसार डिनको कार्यालय भवनको १५, केन्द्रीय कार्यालयका २५ र प्रशासन भवनको १२ वटा झ्यालका सिसा फुटेका छन् । प्रशासनको ढोका फुटाएर भित्र प्रवेश गरी पेट्रोल छर्किएर फर्निचर र कागजपत्रमा आगजनी गरेको उनले बताए ।

केन्द्रीय कार्यालयको ढोका फोर्न नसकेपछि ढोकामै आगजनी गरेका थिए । तत्काल प्रहरी र विश्वविद्यालयका सुरक्षागार्डले आगो नियन्त्रणमा लिएको उनले बताए । यकिन तथ्याङ्क नआए पनि करिब रु २० लाखको क्षति भएको चौधरीले बताए ।

उक्त घटनामा संलग्न रहेको अभियोगमा प्रहरीले आठ जनालाई पक्राउ गरेको छ । जिल्ला प्रहरी कार्यालय चितवनका प्रमुख प्रहरी उपरीक्षक सुशीलसिंह राठौरले पक्राउ परेकालाई मुद्दा दर्ता गरी कारवाही प्रक्रिया अगाडि बढाउने बताए । निजी कलेजलाई दिइएको सम्बन्धन र भर्ना खुल्ला गरेको भन्दै आन्दोलित विद्यार्थीहरुले आगजनी र तोडफोड गरेका हुन् । सम्बन्धन दिएका निजी कलेजहरुलाई समेत समेटर कृषि तथा वन विज्ञान विश्वविद्यालयले स्नातक तह प्रथम वर्षको भर्ना प्रक्रिया शुरु गरेपछि प्राध्यापक र विद्यार्थीहरु आन्दोलित बनेका छन् । रासस

post image

कार्तिक २८, काठमाण्डौं । सफ्टवेरिका कलेज अफ आईटी एण्ड ई कमर्शले बेलायतको कोभेन्ट्री बिश्वविद्यालयसँगको सम्बन्धनमा बिएस्सी कम्प्युटीङ्ग र बिएस्सी ईथिकल ह्याकिङ्ग तथा साइबर सेक्यूरिटी बिषयमा ३ बर्षे स्नातक तहको डिग्री नेपाल भित्रयाएको छ । गार्जियन लिग टेबलमा १३ नम्बरको रयाङकीङ्गमा रहेको कोभेन्ट्री बिश्वविद्यालयका प्रतिनिधि र सप्mटवेरिका कलेज अफ आईटी एण्ड ई कमर्शका पदाधिकारीले राजधानीमा पत्रकार सम्मेलनको आयोजना गरी जानकारी गराएका हुन् ।

सन् २०१० देखि नेपालमा बेलायती डिग्री अध्ययन अध्यापन गराउँदै आईरहेको सफ्टवेरिका कलेज अफ आईटी एण्ड ई कमर्शले आजैवाट भर्ना अभियान समेत शुरु गरेको छ । बिएस्सी कम्प्युटीङ्ग र बिएस्सी ईथिकल ह्याकिङ्ग तथा साइबर सेक्यूरिटी बिषयमा २०१९ को फेब्रुअरीदेखि शुरु हुने सप्mटवेरिका कलेजका प्रमुख प्रमोद पौडेलले पत्रकार सम्मेलन मार्फत जानकारी गराए । कोभेन्ट्री बिश्वविद्यालयसँगको सम्बन्धन पश्चात सप्mटवेरिका कलेजले यि दुई बिषय अध्ययनका लागि जुनसुकै शंकायवाट १० जोड दुईको अध्ययन सकेका विद्यार्थीले पढ्न पाउने जानकारी पत्रकार सम्मेलनमा जानकारी गराईयो ।

बेलायती डिग्री नेपालमै सस्तो मूलयमा पढ्न पाईने र यि कोर्षहरु अध्ययन गरीसकेपछि बिद्यार्थीह्रुलाई स्वरोजगार बन्न मद्धत मिल्नेमा आफु विश्वस्थ रहेको सफ्टएड ग्रुपका अध्यक्ष बिज्ञान श्रेष्ठले पत्रकार सम्मेलनमा जानकारी गराउनु भयो । अध्यक्ष श्रेष्ठले नेपाललाई प्रविधि अध्ययनको दक्षिण एसियाकै हब बनाउने उद्धेश्य सहित यो कार्यक्रम ल्याइएको बताउनु भयो ।

post image

कात्तिक २६, दार्चुला ।  मार्मा गाउँपालिका–३ स्थित लटिनाथ उमाविमा अज्ञात समूहले तोडफोड गरेको छ । विद्यालयको कम्प्युटर कक्ष र प्रशासनको ताला काटेर तोडफोड गरिएको थियो ।

सो घटना शुक्रबार भएको अनुमान गरिएको र तिहार सकिएर आइतबारदेखि विद्यालय सञ्चालन भएकाले विद्यालयमा भएको क्षतिबारे थाहा पाइएको प्रधानाध्यापक भगीरथ विष्टले जानकारी दिए ।

विद्यालयको कम्प्युटर कक्षमा रहेका सात वटा कम्प्युटर, प्रोजेक्टर, टेबुल, दराज, कुर्सीलगायत सामग्री तोडफोड हुनाकासाथै विद्यालय प्रशासन कक्ष, स्रोत केन्द्रको कार्यालयसमेतको ताला तोडिएको उनले बताए ।

उक्त सामग्री तोडफोडबाट विद्यालयको झण्डै रु दुई लाख ५० हजार भन्दाबढी क्षति भएको अनुमान गरिएको छ । प्रहरी निरीक्षक सुरेश विकले घटनास्थल हेर्दा समूहमै आएका व्यक्तिले तोडफोड गरेको देखिएको र सङ्कास्पद व्यक्तिको खोजी भइरहेको बताए । तोडफोड गरिएका कम्प्युटरलगतय उपकरण काम नलाग्ने अवस्थामा छन् ।  रासस

post image

कार्तिक २५, बर्दिवास । शिक्षा, विज्ञान तथा प्रविधिमन्त्री गिरिराजमणि पोखरेलले सीपमूलक व्यावसायिक शिक्षा मुलुकको समृद्धि अभियानका लागि अपरिहार्य भएको बताएका छन् ।  महोत्तरीको बर्दिवास–६ किसाननगरमा नवस्थापित प्राकृतिक स्रोत व्यवस्थापन क्याम्पसले आयोजना गरेको अन्तरक्रिया कार्यक्रमलाई मन्त्री पोखरेलले मुलुकको दिगो विकास र दक्ष जनशक्तिको प्रवद्र्धनका लागि अब सीपमूलक र व्यावसायिक शिक्षालाई बढाउनुपर्ने बताएका हुन् ।

यसका लागि सरकारले २५ वर्षे शैक्षिक रणनीति बनाएको मन्त्री पोखरेलको भनाइ छ । मुलुकमा सीपमूलक र व्यावसायिक शिक्षालाई प्रवद्र्धन र विकासका लागि अब माध्यमिक तहदेखि उच्च तहसम्म पठनपाठन गराइने गरी यसअघि प्रयोगमा रहेका व्यावसायिक विषयबाहेक जडीबुटी, आयुर्वेद, योग र प्राकृतिक चिकित्सासहितका विषय समावेश गराइएको मन्त्री पोखरेलले बताए ।  सामुदायिक विद्यालयमा हुँदै आएको राजनीतिक खिचातानीले पठनपाठन अस्तव्यस्त बनाएको मन्त्री पोखरेलको ठम्याइ छ । “हाम्रा सामुदायिक विद्यालय राजनीतिक दल र मर्यादित हुनपर्ने शिक्षण पेशामा संलग्नहरूका लागि राजनीति गर्ने थलो बनेका छन्” मन्त्री पोखरेलले भने, “अब यो वा त्यो राजनीतिक दलसँग आपूmलाई जोडेर जागिर जोगाउने मनोवृत्ति शिक्षकले त्याग्नैपर्ने हुन्छ ।”

कार्यक्रममा महोत्तरी–१ ‘क’ बाट निर्वाचित प्रदेशसभा सदस्य शारदा थापाले दक्ष जनशक्ति विकासमा नवस्थापित प्राकृतिक स्रोत व्यवस्थापन कलेज सहयोगी हुने विश्वास व्यक्त गरे । सो अवसरमा राजर्षि जनक विश्वविद्यालयका उपकुलपति भरत झाले नवस्थापित कलेजलाई आफ्नो तहबाट सहयोग पु¥याउने प्रतिबद्धता व्यक्त गरे ।कार्यक्रममा कृषि तथा वन विज्ञान विश्वविद्यालय रामपुर चितवनका डिन जयप्रकाश दत्तले किसाननगरमा नवस्थापित प्राकृतिक स्रोत व्यवस्थापन कलेजले दक्ष जनशक्ति विकासमा योगदान दिने विश्वास व्यक्त गरे ।  कृषि तथा वनविज्ञान विश्वविद्यालय रामपुर चितवनको आङ्गिक क्याम्पसका रूपमा स्थापित प्राकृतिक स्रोत व्यवस्थापन कलेज बर्दिवास–६ किसाननगरमा यस वर्षबाट स्नातक तहको पठनपाठन शुरु गर्न प्रक्रिया थालिएको दत्तले जानकारी दिए ।

विज्ञान विषयमा ५० प्रतिशत प्राप्ताङ्क कटाएर कक्षा १२ सकेका छात्रछात्राले अहिले बालीविज्ञान विषयको पठनपाठन हुने नवस्थापित कलेजमा नामाङ्कनका लागि आवेदन दिनसक्ने कृषि तथा वन विज्ञान विश्वविद्यालयका डिन दत्तले जानकारी दिए । कलेजमा नामाङ्कनका लागि विश्वविद्यालयमै अनलाइन आवेदन कात्तिक २५ गतेदेखि मङ्सिर १७ गतेसम्म दिन सकिने र मङ्सिर २९ गते योग्यता (इन्ट्रान्स) परीक्षा लिइने दत्तले बताए । किसाननगरमा नवस्थापित प्राकृतिक स्रोत व्यवस्थापन कलेजमा यस वर्ष ५४ जना छात्रछात्राले प्रवेश पाउनेछन् ।  अन्तरक्रिया कार्यक्रममा बर्दिवास नगरपालिकाका प्रमुख बिदुर कार्कीले कलेजका लागि आठ बिघा जग्गा खरिद भइसकेको र थप जग्गाका लागि प्रयास भइरहेको सो अवसरमा जानकारी दिए ।  रासस

post image

कात्तिक १८, गुल्मी । गुल्मीको सदरमुकाम तम्घासमा किरण पुस्तकालयको अत्याधुनिक भबन निर्माण हुने भएको छ । किरण पुस्ताकालयको स्वर्ण जयन्तीको अबसरमा गुल्मीको सदरमुकाम तम्घासमा पुस्तकालय भवनको शिलान्यास गरिएको हो ।

जिल्लाको सदरमुकाम तम्घासमा बन्न लागेको पुस्ताकालय भवनको आइतवार नेपाल सरकारका श्रम रोजगार तथा सामाजिक सुरक्षामन्त्री गोकर्ण बिष्टले शिलान्यास गरेका छन् । भवनको शिलन्यास गर्दै मन्त्री बिष्टले सुखी नेपाली समृद्ध नेपाल बनाउने कल्पना स्वरुप सरकार लागि परेको बताए । ‘हामी गरिबी, अभाव र बेरोजगारिमा बाँचिरहेका छौ । हामीले छोटो अबधिमा हाम्रो देशलाई सुखी जनताको समृद्ध नेपाल निर्माण गर्नुपर्ने छ,’ मन्त्री विष्टले भने, ‘यो काम फेरि पनि जनताको प्रयत्नले सफल हुनेछ ।

तराई पहाड जोडिने यो राजमार्गसँग गुल्मी पनि जोडिनुले यस जिल्ला वासीको बिकासको लागि आर्थिक, सामजिक रुपान्तरको लागि धेरै महत्वपूर्ण भएको बताए । बिष्टले उनले आफ्नो मन्त्रालयले केहि दुरगामी र एतिहासिक निर्णय र योजना निर्माण गरेको बताए ।

मन्त्री बिष्टले भनव निर्माण कार्य सम्पन्न गर्न रकमको कुनै पनि अभाव हुन नदिने गरी निर्माण कार्य द्रूत गतिमा अगाडि बढने बताए । जिल्लाको सदरमुकाम तम्घासमा रहेकाकिरण पुस्तकलय सबै भन्दा पुरानो किरण पुस्ताकलय हो ।

पुस्ताकालय २०२५ सालमा स्थापना भएको हो । साहित्यिक क्षेत्र र पुस्ताकलय क्षेत्रमा काम गर्दै आएको पुस्ताकलयलेे स्थापना कालदेखि हाम्रो पुरुषार्थ नामक साहित्यिक पत्रिकाको प्रकाशन गर्दै आइरहेको छ ।

post image

कार्तिक १३, काठमाडौं । स्थानीयसँगै जर्मनीका पाहुना कञ्चनपुरको शुक्लाफाँटा नगरपालिका–११ कलुवापुरमा रहेको सिद्ध भीम आधारभूत विद्यालयको भवन निर्माणमा जुटेका छन् ।

चौध जना विदेशी पाहुना विद्यालय भवन निर्माणका लागि जग खन्ने, बालुवा, ढुङ्गा बोक्ने, पर्खाल बनाउने, फलामे छड काट्ने, बोक्ने र इँटा बोक्ने काममा सहभागी भएका हुन् । जर्मन टोलीका रोएनाले विपन्न बस्तीमा विद्यालय भवन निर्माणका लागि श्रमदान गर्न पाउँदा निकै उत्साहित भएको बताए । “स्थानीय बासिन्दाको मुहार हँसिलो देख्दा र उहाँहरूसँगै श्रम गर्न पाउँदा हामीमा पनि ऊर्जा थपिएको छ” उनले भने ।

टोलीका अगुवा कास्टर्नले विश्वमा हामी जहाँ बसे पनि, देख्नमा फरक भए पनि सबै मानव जाति एउटै भएकाले हामी फरक देशमा बसेपनि एउटै हौँ भनेर देखाउन यहाँ आइपुगेको बताए । यहाँ सबै जना संयुक्त परिवारमा एकै छतमुनि बस्ने कुरा सुनेका छौँ, उनले भने, “जीवन जिउने तरिका यहाँबाट सिकेर जान्छौँ ।”

विल्ड ओन नेपाल नामक संस्थाको २१ लाख छ हजार ३६१ र विद्यालयको सात लाख ५२ हजार ४५० को लगानीमा निर्माण हुँदै गरेको भूकम्पप्रतिरोधी शौचालयसहितको तीनकोठे भवनमा श्रमदान गर्न जर्मन टोली यहाँ पुगेको हो । टोलीले स्थानीय बासिन्दाको घरमै बसेर विद्यालय निर्माणमा पाँच दिन श्रमदान गर्ने छ । विदेशी पाहुना टोलीसँगै स्थानीय बासिन्दासमेत विद्यालय निर्माणमा जुटेका छन् ।

विदेशी पाहुनाले यहाँ आइपुगेर श्रमदान गर्न थालेपछि सँगैसँगै भवन निर्माणका लागि हामी पनि जुटेका छौँ, स्थानीय शिवराज भट्टले भने, “हामीमा पनि समाजका लागि योगदान दिनुपर्छ भन्ने भावना जागृत भई ऊर्जाका साथ काममा खटिएका छौँ ।”

पुरुष र महिला पालो मिलाएर विदेशी पाहुना टोलीसँगै श्रमदानमा खटिएको उनले बताए । विद्यालय निर्माणका लागि अभिभावकको आर्थिक अवस्थाले नभ्याउने भएपछि गैरसरकारी संस्थालाई गुहारेका हौँ, विद्यालय व्यवस्थापन समितिका अध्यक्ष नवराज पन्तले भने, “अभिभावक श्रमदान गर्न इच्छुक देखिएपछि सम्झौता गरी निर्माण प्रारम्भ गरिएको छ ।” विद्यालय भवन निर्माणका लागि श्रमदानसँगै विद्यालयले ढुङ्गा, बालुवा, गिट्टी र काठको जोहो गर्नुपर्ने र दक्ष डकर्मी, प्राविधिक सहयोगसहित अन्य सामग्री संस्थाले उपलब्ध गराउने सम्झौता गरिएको छ ।

विदेशी पाहुना टोलीलाई स्थानीय बासिन्दाको घरमा बस्ने व्यवस्था गरिएको छ । दुई जनालाई एक जना स्थानीयको घरमा बस्ने व्यवस्था मिलाइएको विल्ड अनका फिल्ड संयोजक करवीर विकले बताए ।

विदेशी पाहुनाले स्थानीय बासिन्दाको घरमा बस्दा उहाँले खानेकुरा खाने, सीप, रहनसहन र संस्कृतिबारे जानकारी लिने अवसर पाउनेछन् उनले भने, “विदेशीबाट स्थानीय बासिन्दाले संस्कृतिबारे जानकारी लिने र विदेशी पाहुनाले स्थानीय कला संस्कृतिबारे जानकारी लिने अवसर पाउनेछन् ।” कृषिका नयाँ तौरतरिकाबारे विदेशीले यहाँका स्थानीयलाई सिकाउने र यहाँका कृषिबारे विदेशीले ज्ञानसमेत लिनेछन् ।

निर्धारित केही समय विदेशी पाहुनाले श्रमदान गर्ने र बाँकी समय कला संस्कृति, सहनसहनबारे जानकारी लिनका लागि निर्धारित गरिएको छ । विल्ड अन नेपालले दाङ, बाँके, बर्दिया, कैलाली र कञ्चनपुरमा गरी हालसम्म २४० बढी विद्यालय निर्माण गरेको छ ।

कञ्चनपुरमा मात्रै विपन्न बस्तीमा ३५ विद्यालय निर्माणको कार्य पूरा गरिएको विल्ड अनका इञ्जिनीयर गोकुल जोशीले बताए । शुक्लाफाँटा नगरपालिकामा मात्रै विल्डअनले आधा दर्जन बढी विद्यालय भवन निर्माण गरेको छ ।

post image

असोज २३, काठमाडौं। काठमाडौं महानगरपालिका शिक्षा विभाग र सहरी योजना आयोगले संयुक्त रुपमा काठमाडौं महानगरपालिका क्षेत्र भित्रका सामुदायिक शिक्षाको स्तरउन्नतीका लागि सुझाव संकलन कार्यशाला सम्पन्न गरेको छ । नयाँ बानेश्वरको अल्फाबिटामा आयोजना गरिएको कार्यशालामा शिक्षा क्षेत्रका विज्ञहरु, सामुदायिक विद्यालयका शिक्षक, शिक्षा विभाग हेर्ने सरकारी निकायका पदाधिकारीहरु, महानगरपालिकाका मेयर तथा जनप्रतिनिधिहरुले सामुदायिक विद्यालयको शैक्षिक गुणस्तर सुधारका लागि सबै जुट्नुपर्ने बताएका छन् ।

कार्यक्रममा बोल्दै काठमाडौं महानगरपालिकाका मेयर विद्या सुन्दर शाक्यले सीमित स्रोत साधनका बाबजुत पनि सामुदायिक विद्यालयहरुले दिएको शिक्षा सन्तोषजनक भएको बताए । सरकारले अनिवार्य शिक्षाको अवधारणा अघि बढाएको भन्दै मेयर शाक्यले सामुदायिक विद्यालयको स्तरोन्नतीका लागि आफ्नो तर्फबाट सक्दो प्रयास गर्ने बताए । उनले सामुदायिक विद्यालयहरुले अहिले भएका विद्यार्थीहरुलाई नै योग्य र समाजमा प्रतिष्ठित बनाउन ठूलो जिम्मेवारी भएको बताए । मेयर शाक्यले नीतिगत रुपमा के–के सुुधार गर्नुपर्ने हो त्यसका लागि महानगर तयार रहेको पनि बताए ।

निजी क्षेत्रले खोलेका शैक्षिक संस्थालाई अंकुश लगाउनेभन्दा पनि सामुदायिक विद्यालयको गुणस्तर सुधारमा जोड दिनुपर्ने उनको भनाइ छ । सामुदायिक विद्यालयले दिने गुणस्तरीय शिक्षाले निजी संस्थामा अध्ययरत विद्यार्थी पनि सामुदायिक विद्यालयतिर आकर्षित हुने वातावरण सिर्जना गर्न उनले सुझाव दिए । कार्यक्रममा सहभागी उच्चस्तरीय राष्ट्रिय शिक्षा आयोगका सदस्य डा. बाबुराम अधिकारीले महानगरपालिकाले सामुदायिक विद्यालयको स्तरउन्नतीका लागि गरेको प्रयास प्रशंसनीय भएको भन्दै शिक्षकलाई आकर्षित गराउने वातावरण सरकारले तयार गर्नुपर्ने बताए ।

काठमाडौं महानगरपालिकाका शिक्षा अधिकारी सीताराम कोइरालाले शिक्षक विद्यार्थी अनुपात मिलाउनुपर्ने भन्दै शिक्षकले कक्षाकोठामा शिक्षण सामग्रीसहित अध्यापन गराउने वातावरण बन्नेबित्तिकै सिकाई प्रभावकारी हुने दाबी गरे । काठमाडौं महानगरपालिका सहरी योजना आयोगका सदस्यसचिव सरोज बस्नेतले सामुदायिक विद्यालयको स्तरउन्नतीका लागि विद्यार्थी र शिक्षकको मनोबल उच्च राख्नुपर्ने, प्रशासनिक र भौतिक पूर्वाधार सुधार गर्नुपर्ने लगायतका कुरामा ध्यान दिन सुझाव दिए ।

कार्यक्रममा सहभागी काठमाडौं महानगरपालिका वडा नम्बर १६ का वडा अध्यक्ष मुकुन्द रिजालले उच्च ओहदाका व्यक्तिले आफ्ना छोराछोरीलाई सामुदायिक विद्यालयमा पढाउने बित्तिकै सामुदायिक विद्यालयको स्वतः स्तरउन्नती हुने धारणा राखे । महानगरको शिक्षा विभागका अधिकृत मोतिप्रसाद भट्टराईले वातावरणीय पक्षको सुधार महत्वपूर्ण भएको बताए । कार्यक्रममा काठमाडौं महानगरपालिकाका कार्यकारी अधिकृत यादवप्रसाद कोइराला, शिक्षाविदहरु डा. मनप्रसाद वाग्ले, विद्यानाथ कोइरालालगायतले शैक्षिक गुणस्तर सुधार नै सामुदायिक विद्यालयको स्तरवृद्धिको पहिलो आधार हुने बताएका थिए ।

post image

असोज २१, म्याग्दी  । अन्नपूर्ण गाउँपालिकामा रहेका माध्यमिक विद्यालयमा अत्याधुनिक प्रविधिको प्रयोग गरेर “टेलिटिचिङ” विधिबाट पठनपाठन शुरु भएको छ । विषयगत शिक्षक अभावका कारण पठनपाठन प्रभावित बनेपछि एउटा विद्यालयका शिक्षकले पढाएको अन्य विद्यालयका विद्यार्थीले पनि देख्न, सुन्न र सवालजवाफ गर्न मिल्ने ‘टेलिटिचिङ’ शुरु गरिएको हो ।

गाउँपालिकाको आर्थिक, सूचना प्रविधिका अभियन्ता महावीर पुनको प्राविधिक सहयोगमा १० माविमा इन्टरनेट जडान गरी स्मार्ट टिभीमार्फत टेलिटिचिङ शुरु गरिएको गाउँपालिकास्तरीय शिक्षक महासङ्घका अध्यक्ष रमन पुनले जानकारी दिए ।

अन्नपूर्णका विद्यालयमा विज्ञान, गणित र अङ्ग्रेजी विषयका शिक्षक अभाव हुँदा पठनपाठन प्रभावित बनेको छ । टेलिटिचिङ शुरु भएपछि विषयगत शिक्षक नभएको अवस्थामा अर्को विद्यालयका शिक्षकबाट पठनपाठनलाई निरन्तरता दिन सकिने ज्ञानप्रकाश मावि दानाका प्रधानाध्यापक शान्तबहादुर नेपालीले बताए ।

विद्यार्थी, शिक्षक र विद्यालयबीच एक अर्कामा शिक्षण विधि र अनुभव आदानप्रदान हुने, कुनै समस्या आएमा तत्कालै छलफलको माध्यमबाट समाधान पनि गर्न सकिने ज्ञानप्रकाश माविका शिक्षक सन्तोष पौडेलले बताए । सूचना प्रविधिका अभि यन्ता महावीर पुनको पहलमा जडान गरिएको ताररहित इन्टरनेट उपयोग र गाउँपालिकाको सहयोगमा उपकरण खरिद गरेर टेलिटिचिङ शुरु गरिएको हो ।

नाङ्गीको हिमाञ्चल, हिस्तानको टिकोट, शिखको शिख, पाउद्धार, भुरुङको सर्वोदय, नारच्याङको प्रभा, दानाको ज्ञानप्रकाश, दोवाको कैलाश, रिमाको आदर्श मावि र घारको मुक्तिमार्ग माविमा टेलिटिचिङको परीक्षण सफल भएको छ ।

इन्टरनेटको माध्यमबाट प्रयोगमा ल्याइएको टेलिटिचिङलाई दिगो र निरन्तरता दिन स्थानीय सर्भर निर्माणको तयारी भएको हिमाञ्चल माविका शिक्षक किसान पुनले बताए । सर्भर भएमा इन्टरनेट नभएको अवस्थामा पनि टेलिटिचिङ गर्न सकिने पुनले बताए । ल्याप्टपमा वेभक्याम खोलेर टेलिटिचिङ गर्ने व्यवस्था मिलाइएको छ ।

टेलिटिचिङ सञ्चालन गर्न अन्नपूर्ण गाउँपालिकाले १० लाख रुपैयाँ  विनियोजन गरेको थियो । अध्यक्ष पुनको सक्रियतामा समुदायस्तरबाट  पाँच लाख ५० हजार सहयोग जुटाइएको थियो । टेलिटिचिङलाई प्रभावकारी र दिगो बनाउन इन्टरनेट र विद्युत् सेवालाई प्रभावकारी बनाउनुपर्ने ज्ञानप्रकाश माविको व्यवस्थापन समितिका अध्यक्ष बेलबहादुर पुर्जाले बताए । रासस

post image

असोज १९, रुकुम । आठबीसकोट नगरपालिकाको तीन विद्यालयमा हाल डिजिटल बोर्डबाट विद्यार्थीलाई पढाउन थालिएको छ । उक्त नगरपालिकाको सहयोगमा वडा नं ३ स्यालाखदीको हिमालय मावि, वडा नं ५ गोतामकोटको सरस्वती मावि र वडा नं ९ राडीको शहीद स्मृति नमूना माविमा हाल डिजिटल बोर्डबाट पढाइ थालिएको हो ।

सञ्चार र आधुनिक प्रविधिको प्रयोग गरी शिक्षाको गुणस्तरमा गुणात्मक वृद्धि गर्ने उद्देश्यले हाललाई परीक्षणका रूपमा तीन विद्यालयमा अध्यापन गराउनुका साथै डिजिटल हाजिरीको पनि व्यवस्था गरिएको नगरपालिकाको शिक्षा एकाइ संयोजक थलबीर ओलीले जानकारी दिए । उनका  अनुसार तीन विद्यालयमा इन्टरनेटको व्यवस्थासहित पाठ्यपुस्तकअनुसार नै डिजिटल बोर्डबाट पढाइ भइरहेको छ । विद्यार्थीलाई आवश्यक पर्ने सामग्री इन्टरनेटबाट खोजेर डिजिटल बोर्डमार्फत जानकारी गराइन्छ

हाल प्रत्येक कक्षामा पालोपालो डिजिटल बोर्डमार्फत पठनपाठन भइरहेको यो प्रक्रिया प्रभावकारी भए सबै कक्षा तथा अन्य विद्यालयमा पनि यसलाई विस्तार गरिने नगरपालिकाले जनाएको छ । नगरपालिकाले प्रतिडिजिटल बोर्ड रु तीन लाख ६० हजारका दरले खरिद गरेको हो ।

डिजिटल बोर्ड जडान गरिएपछि पढाइमा विद्यार्थीको आकर्षण बढ्दै गएको पाइएको छ । रमाइरमाई पढ्न पाइने भएपछि डिजिटल बोर्ड प्रभावकारी हुँदै गएको सरस्वती मावि शिक्षक दलबहादुर बुढाले बताए ।

post image

असोज १८,  काठमाडौँ ।  एमबिबिएस अध्ययनका लागि बंगलादेश पठाउने भन्दै एक कन्सल्टेन्सीले ठगि गरेको छ  । धनुषाका रामभजन साह र उज्ज्वल यादव कोटेश्वरको वर्ल्ड वे एजुकेसन कन्सलटेन्सी बाट ठगिएका हुन्।

उनीहरु कन्सल्टेन्सीबाट प्रोसेस गरेर पढ्न बंगलादेश पुगेका थिए । जब कलेज पुगे, उनीहरु झसंग भए। किनकि भर्ना नै भएको रहेनछ। कोटा सिद्धिएको भन्दै कलेजले उनीहरुलाई फिर्ता जान भन्यो।

कन्सलटेन्सीका दीपककुमार देवले मेडिकल कलेजमा भर्नाबापत पहिलो चरणमा ३३ लाख ३२ हजार रकम लिएका थिए। कन्सलटेन्सीकै बदमासीका कारण आफूहरुको भर्ना रोकिएको बुझेपछि उनीहरु नेपाल फर्किए। लगत्तै शिक्षा मन्त्रालयमा उजुरी गरे।

उजुरीपछि मन्त्रालयले अनुसन्धान अगाडि बढायो। अनुसन्धानका क्रममा उक्त कन्सलटेन्सीले नक्कली कागजपत्र बनाएर विद्यार्थीमाथि ठगी गरेको पत्ता लागेको शाखा अधिकृत तारानाथ निरौला बताउँछन्।

विद्यार्थीहरुसँग पैसा उठाएका सञ्चालक यादव भने फरार भएका छन्। उनले बंगलादेश र भारतमा अध्ययनका लागि पठाउने भन्दै मोटो रकम असुली गरेको बारे मन्त्रालयमा उजुरी परेको छ।

post image

शम्भु  कुबँर,असोज १८, ललितपुर । गुणस्तरीय शिक्षाका लागि गुणस्तरीय शिक्षक अत्यावश्यक छ । शिक्षा अमूर्त विषय हो यसलाई मूर्त रुप दिन शिक्षकले नै भूमिका खेल्नु पर्छ । त्यसैले भनिन्छ, शिक्षाको गुणस्तर शिक्षकको गुणस्तर भन्दा माथि हुन सक्दैन । बालबालिकाको सर्वाङ्गीण विकासका लागि शिक्षक आफू योग्य, दक्ष, सक्षम हुनु को साथै आफ्नो क्षमतालाई वास्तविक कार्य थलोमा उतार्न सक्नु पर्छ ।

विश्व शिक्षक दिवसको सन्दर्भमा नेपाल शिक्षक महासंघद्धारा आयोजित कार्यक्रममा शिक्षा मन्त्री लिलामणी पोखरेल पोखरेलले  शिक्षक कक्षाकोठाको पठन पाठनमा आफूलाई केन्द्रित गर्दै उत्कृष्ट नतिजा दिन हरहमेशा तयार रहनु पर्छ । विषय वस्तुको ज्ञान, सिकाइ प्रक्रियाको ज्ञान, कक्षा कोठा व्यवस्थाप सिकाइ एवम वातावरण निर्माण, सञ्चार र सहकार्य, बालमनोविज्ञानको ज्ञान, पेशागत आचरण एवम् नैतिकता, सूचना तथा सञ्चार प्रविधिको प्रयोग लगायतका विषयमा शिक्षकका आधारभूत सक्षमताहरुको प्राप्तिमा शिक्षक सदा प्रयत्नरत रहनुपर्छ । आफूलाई पेसामा अब्बल सावित गर्न र विद्यालयको शैक्षिक गुणस्तरलाई उच्चतम् विन्दुमा पु¥याउन अहिलेको कार्य संस्कृतिमा नै रुपान्तरणको जरुरी छ ।

सम्माननीय प्रधानमन्त्रीज्यूको नेतृत्वमा नेपाल सरकारले अघि बढाएको सम्मृद्ध “ नेपाल, सुखी नेपाली भन्ने दीर्घकालीन दृष्टिकोणलाई साकार बनाउन शिक्षाले महत्वपूर्ण भूमिका निर्वाह गर्नुपर्छ । शिक्षा पूर्वाधारको पनि पूर्वाधार हो । त्यसै विकासका अन्य पूर्वाधार निर्माणमा पनि शिक्षाले नै बाटो देखाउनु पर्ने हुन्छ । समाजवाद उन्मुख सामाजिक न्यायमा आधारित समृद्ध राष्ट्र निर्माणमा शिक्षाको योगदान आवश्यक छ । यस प्रकारको राष्ट्रिय अपेक्षा पूरा गर्न शिक्षालाई गुणस्तरीय बनाउँदै राष्ट्र विकासको आधारशिलाको रुपमा विकास गर्न शिक्षक समुदायले अहम् भूमिका निर्वाह गर्नुपर्ने अवस्था छ ।

विभिन्न परियोजना तथा कार्यक्रममा आधारित प्रयासहरूबाट हामीले शिक्षा क्षेत्रमा केहि उपलब्धि हासिल गरिसकेका छौं । शिक्षामा पहुँच विस्तार, समता अभिवृद्धि, गुणस्तर सुधार, शासकीय सुधार एवम् क्षमता अभिवृद्धि, जीवनोपयोगी शिक्षाको विकास शिक्षा क्षेत्रका प्रमुख विषयहरु हुन् । यसका निम्ति विगतमा सञ्चालन गरिएको सबैका लागि शिक्षा, सहश्राब्दी विकास लक्ष्य, विद्यालय क्षेत्र सुधार कार्यक्रम, साक्षरता अभियान, साक्षर नेपाल अभियान लगायतका पछिल्ला प्रयासहरू स्मरणीय छन् । अहिले कार्यान्वनयको क्रममा रहेको विद्यालय क्षेत्र विकास कार्यक्रमले शिक्षामा समता, गुणस्तर, सान्दर्भिकता, उत्थानशीलता जस्ता विषयहरुलाई सम्बोधन गर्ने प्रयास गरेको छ । परिवर्तित सन्दर्भमा सार्वजनिक शिक्षाको रुपान्तरणका लागि यसले मात्र पुग्ने पनि देखिदैन । नागरिकका अपेक्षा पूरा गर्नका लागि सार्वजनिक शिक्षामा वास्तविक रुपमै गुणात्मक फड्को मार्न थप कार्यक्रमिक प्रयासको जरुरी देखिएको छ । यसमा शिक्षक साथीहरुको रचनात्मक सुझावको मैले अपेक्षा गरेको छु । सार्वजनिक शिक्षाको गुणस्तर सुधारको नेतृत्व शिक्षक र प्रधानाध्यापकबाटै हुनुपर्छ । यसका लागि तयार रहन पनि सबैलाई अनुरोध गर्दछु ।

दिगो विकास लक्ष्य विश्वव्यापी विकासको अपेक्षा पूरा गर्ने घोषणा भएकोले यसलाई हामीले पनि आत्मसात् गर्नुपर्छ । यसका १७ ओटा लक्ष्यहरुमध्ये चौथो लक्ष्य शिक्षासँग सम्बन्धित भएको कुरा सबैलाई अवगतै छ । समावेशी, समतामूलक गुणस्तरीय शिक्षामा सबैको पहुँच पु¥याउने र जीवनपर्यन्त सिकाइलाई प्रवद्र्धन गर्ने विषयमा यस लक्ष्यले जोड दिएको छ । समावेशीता, समता, गुणस्तरीयता, जीवनपर्यन्त सिकाइ, सान्दर्भिकता, सबैका लागि शिक्षा हाम्रो पनि प्राथमिकताका विाषय हुन् । त्यसैले दिगो विकास लक्ष्यलाई कार्यान्वयनमा ल्याउन राष्ट्रिय कार्ययोजना वा रोडम्याप बनाउन ढिला गर्नु हुँदैन । यसलाई अन्तिम रुप दिई अन्तर्राष्ट्रिय जगतमा पनि हामी समयमै कार्यसम्पन्न गर्ने मुलुकको रुपमा आफूलाई परिचित गर्न आवश्यक भएकोले यससम्बन्धी कामलाई तिब्रतर गतिमा अघि बढाउन मन्त्रालय अग्रसर छ । मन्त्री पोखरलले नयाँ सरकार गठन भएपछि मन्त्रालयले शिक्षक व्यवस्थापन लगायतका विविध क्षेत्रमा सुधारका कदमहरु चालिरहेको बताउनु भयो ।

post image

असोज १७, काठमाडौँ ।  शिक्षा, विज्ञान तथा प्रविधि मन्त्री गिरिराजमणि पोखरेलले अस्थायी शिक्षकको समस्या छिट्टै समाधान गर्ने आश्वासन दिएका छन्।

२५ औं विश्व शिक्षक दिवसको अवसर पारेर बुधबार ललितपुरमा आयोजित एक कार्यक्रममा बोल्दै मन्त्री पोखरेलले स्रोत जुटाएर विद्यालय कर्मचारी र राहत शिक्षकहरूको माग पनि सम्बोधन गर्ने घोषणा गरे।

 उनले अस्थायी शिक्षकहरूको समस्या समाधान लागि सरकारले शिक्षा सेवा आयोगको कार्ययोजना अनुसार काम गरिरहेको दाबी पनि गरे । अस्थायी शिक्षकहरूको माग सम्बोधन गर्न सरकारले आन्तरिक तथा खुला परीक्षा लिएको मन्त्री पोखरेलको भनाइ छ।

मन्त्री पोखरेलले २ सय ५३ वटा सामुदायिक विद्यालयहरूमा प्राविधिक तथा व्यवसायिक शिक्षा सञ्चालनका लागि अनुमति दिइएको पनि जानकारी दिए।

post image

सुनिल आचार्य, असोज १६, नयाँदिल्ली । ओईसीसीले भारतको राजधानी नयाँदिल्लीमा क्यानडा फेयरको आयोजना गरेको छ । क्यानडाका बिश्वप्रसिद्ध बिश्वविद्यालय तथा कलेजहरुको सहभागीतामा क्यानडा फेयरको आयोजना गरीएको हो ।

होटल रोयल प्लाजा कर्नाट प्यालेसमा आयोजना गरीएको शैक्षिक मेलामा क्यानडाका दुई दर्जन बिश्वविद्यालय तथा कलेजहरुको सहभागीता रहेको थियो । जसमा युनिभर्सिटी अफ वाटरलो  , लारियर कलेज  ,  ल्याम्ब्टन युनिभर्सिटी, ट्रिनिटी वेस्टन युनिभर्सिटी , ट्रेन्ट युनिभर्सिटी  ,ओकानागन कलेज ,युनिभर्सिटी अफ लेथब्रिज , कामोसन कलेज , क्याम्ब्रियन कलेज , यु एन बि सी कलेज ,लरेंटियन युनिभर्सिटी लगायतका कलेजले फेयरमा सहभागिता जनाएको थियो ।

पछिल्लो समय बिदेशी विद्यार्थीह्रुलाई आफ्नो मुलुकमा अध्ययन अध्यापनका लागि स्वागत गरीरहेको क्यानडाले भारतमा शैक्षिक मेलाको आयोजना गरेको हो । ओईसीसीले आयोजना गरेको सो क्यानडा शैक्षिक मेलामा सयौको संख्यामा भारतीय विद्यार्थीहरुको सहभागीता रहेको थियो ।

एकै स्थानवाट सयौ विद्यार्थीह्रुले क्यानडाको पढाई, त्यहाँको बसाई, रहनसहन, त्यहाँ पढाई हुने कोर्षहरुका बारेमा जानकारी पाउन् भन्ने उद्धेश्य सहित क्यानडा फेयरको आयोजना गरीएको ओईसीसीका सिईओ बिरु चावलाले नेपालदेखि क्यानडा फेयर कभरेजका लागि दिल्ली पुग्नु भएका अनलाईन समयकर्मी सुनिल आचार्यलाई जानकारी दिनु भयो ।

२९ सेप्टेम्बरका दिन आयोजना गरीएको क्यानडा फेयरमा बिभिन्न बिश्वविद्यालय तथा कलेजका प्रतिनिधिसँग कुराकानी गर्दै सहकर्मी सुनिल आचार्यले क्यानडाको शिक्षा तथा त्यहाँका बिश्वविद्यालयहरुको अध्ययन पद्धती लगायतका बिषयमा तयार पार्नु भएको बिशेष रिर्पोट यहाँहरुले छिट्टै सौजन्य मिडियाका बिभिन्न टेलिभिजन कार्यक्तमहरुमा हेर्न सक्नु हुनेछ ।

post image

असोज १५, काठमाडौं । स्नातक तहको सिभिल तथा ग्रामिण इन्जिनियरिङ कार्यक्रमको पाठ्यक्रम परिमार्जन हुने भएको छ । यसका लागि सरोकारवालाहरुसँंग छलफल सुरु भएको छ ।

पोखरा विश्वविद्यालयको सम्वन्धनमा संचालित नेपाल इन्जिनियरिङ कलेज चाँंगुनारायण भक्तपुरले यसका लागि विषयसंग प्रत्यक्ष सरोकार राख्ने संस्था गाउँपालिका राष्ट्रिय महासंघ नेपाल (नर्मिन) संग छलफल थालेको हो । कलेजका प्राज्ञिक संयोजक ई मोहनध्वज केसीले थप छलफलपछि पाठ्यक्रमको अन्तिम परिमार्जन गरी स्वीकृतिको लागि पोखरा विश्वविद्यालयमा पेश गरिने जानकारी गराए ।

छलफलमा गाउँपालिका राष्ट्रिय महासंघ नेपालका महासचिव वंशलाल तामाङले ग्रामिण क्षेत्रमा काम गर्ने इन्जिनियर तथा प्राविधिकहरुमा गाउँंको परिवेशबारे जानकार हुनुपर्ने खाँचो औल्याए । महासंघका अधिकृत राजेन्द्रप्रसाद प्याकुरेलले ग्रामिण क्षेत्रमा काम गर्ने इन्जिनियर तथा प्राविधिकहरूमा हुनुपर्ने ज्ञान शिप तथा दक्षतावारे प्रकाश पारे ।

कार्यक्रममा नेपाल इन्जिनियरिङ कलेजका सिभिल तथा ग्रामिण इन्जिनियरिङ विभागका प्रमुख डा गणेश शाहले परिमार्जित पाठ्यक्रमको मस्यौदा पेश गरेका थिए । कलेजका प्राचार्य प्राडा हरिकृष्ण श्रेष्ठले कलेजबाट उत्पादित उच्चस्तरिय प्राविधिक जनशक्तिले ग्रामिण क्षेत्रको वास्तविकता बुझ्नपर्ने आवश्यकता औंल्याए । उनले समस्याहरूको उचित तथा व्यवहारिक समाधान दिन सकेमा मात्र कलेजको उद्देष्य पूरा हुने बताए ।

post image

असोज १४, काठमाडौं। राष्ट्रिय परीक्षा बोर्डद्वारा संचालित कक्षा ११ को परीक्षाको नतिजा तिहार पछि मात्र सार्बजनिक हुने भएको छ । परीक्षा बोर्डका एक अधिकारीले तिहार अगाडी नतिजा प्रकाशन गर्ने कार्यक्रम नरहेको बताएका हुन् ।

उनले भने ‘तिहार अगाडी नतिजा प्रकाशन गर्ने कार्यक्रम छैन, तर सकेसम्म छिटो हुने गरि काम गरिरहेका छौँ, सम्भवत कार्तिक अन्तिम या मङ्सिर पहिलो/दोश्रो सातासम्म नतिजा प्रकाशन हुन्छ’  ।

साथै यसपटक आंशिक र नियमितको परीक्षाको नतिजा समेत एकैचोटि निकाल्ने तयारी भैरहेको तर अहिले यसबारेमा अहिले केही भन्न नसकिने बताइएको छ ।

post image

असोज १४, काठमाडौं ।  संयुक्त अस्थायी करार शिक्षक केन्द्रीय संघर्ष समितिले अब जारी हुन लागेको संघीय शिक्षा ऐनमा विज्ञापन नं १ र २ लाईझैं विज्ञापन नम्बर ३ का शिक्षकहरुलाई पनि न्यूनतम अंक ल्याउँदा लिखित परीक्षामा नाम निस्कने वातावरण मिलाईदिन सरोकारवाला सबै पक्षलाई आग्रह गरेको छ । रिपोर्टर्स क्लब नेपालमा पत्रकार सम्मेलन गर्दै समितिले यस्तो आग्रह गरेको हो । समितिले धेरैभन्दा धेरै परीक्षार्थीको लिखित परीक्षामा नाम निकाल्ने अवसर प्रदान गर्नको लागि विज्ञापन नम्बर १ र २ मा बढी भएका दरवन्दीहरु विज्ञापन नम्बर ३ मा परीक्षा दिने परीक्षार्थीहरुको व्यवस्थापनमा समायोजन गर्नुपर्ने पनि माग गरेको छ ।

त्यस्तै समितिले आन्दोलन वा विविध कारणले आन्तरिक परीक्षाबाट बञ्चित भएका अस्थायी शिक्षकहरुलाई पुनः परीक्षा दिन पाउने अवसर दिलाउनुपर्ने पनि माग गरेको छ । समितिले यति गर्दागर्दैपनि यदि कोही साथीहरु विस्थापन हुने अवस्था देखिएमा अर्को विद्यालय, तह वा राहत कोटामा पुनस्र्थापना गर्नुपर्ने पनि माग अघि सारेको छ ।

त्यस्तै सुविधाको फारम भरेका अस्थायी शिक्षकहरुलाई दिईने भनिएको उपदान रकम औषधोपचारको खर्चसहित एकमुष्ट प्रदान गर्न अविलम्ब प्रकृया शुरु गर्नुपर्ने पनि माग विज्ञप्तीमा उल्लेख गरेको छ । आफूहरुले अघि सारेका मागहरु पूरा गर्न अविलम्ब प्रकृया अगाडि नबढाईएमा समितिले पुनः विगतका भन्दा कडा आन्दोलन गर्न बाध्य हुने चेतावनी दिएको छ । समितिका अध्यक्ष हेमनाथ चौलागाँईले सबै प्रकृतिका अस्थायी शिक्षकहरुलाई बिना भेदभाव ४० अंक आउँदा उत्तिर्ण हुने वातावरण बनाउन सरकारसँग माग गरे । उनले भने,‘म यही कार्यक्रममार्फत राज्यलाई भन्न चाहन्छु, की सरकारले हाम्रा मागहरु संघीय शिक्षा ऐनमार्फत सम्बोधन गर्नुपर्छ । यदि सरकारले हाम्रा मागहरु सम्बोधन गरेन भने हामी बाध्य भएर सडक संघर्षमा उत्रिन्छौं ।’

समितिले यही असोज २१ गतेसम्म आफ्ना मागहरु पूरा गर्न सरकारलाई अल्टिमेटम दिएको छ । यदि असोज २१ गतेसम्म पनि माग पूरा नगरे बाध्य भएर आफूहरु देशव्यापी रुपमा अस्थायी करार, राहत, विद्यालय कर्मचारी र बालविकास शिक्षकहरु संयुक्त रुपमा माईतीघर मण्डलादेखि नयाँ बानेश्वर चोकसम्मको निषेधित क्षेत्रपनि तोड्ने समितिका अध्यक्ष चौलागाँईले बताए । समितिले सम्मानित सर्वोच्च अदालतले गरेको फैसला सरकारले कार्यान्वयन नगरेको विरोधमा यही असोज १५ र १६ गते देशव्यापी रुपमा सामुदायिकविद्यालयहरु बन्द गर्ने जानकारी दिएको छ ।

अध्यक्ष चौलागाँईले राज्यले आफूहरुलाई विभिन्न समूहमा विभाजित गरेर आन्दोलनलाई कमजोर बनाउन षड्यन्त्र गरेको आरोप लगाए । उनले भने,‘हामीले जीवनको ३० औं वर्ष हाम्रो उर्वर समय खर्च गरिसक्यौं । अहिले गलहत्याएर त्यतिकै अपमान गरेर रित्तो हात फर्काउन पाईँदैन् ।’ कार्यक्रममा विद्यालय कर्मचारी संगठनका अध्यक्ष शंकर ढकाल, समितिका कानुनी सल्लाहकार सुर्य तिवारी, अस्थायी शिक्षक आन्दोलन समितिका महासचिव महादेव भट्टलगायतले बोलेका थिए । कार्यक्रमको सञ्चालन भने समितिका सचिव शिव अधिकारीले गरेका थिए ।

आफूहरुले २० औं वर्ष पढाउँदा पनि अहिलेसम्म स्थायी नगरिएकोमा आक्रोश पोखेका थिए । अब सर्वोच्च अदालतको फैसलाबमोजिम आफूहरुलाई स्थायी गराउन जस्तोसुकै आन्दोलन गर्नपनि पछि नपर्ने उनीहरुको भनाई छ । उनीहरुले बाँच्नको लागिपनि अब आन्दोलन गर्नको विकल्प नरहेको स्पष्ट पारे । उनीहरुले आफूहरुसँग अब कि त मर्नु र कि त स्थायी हुनुको विकल्प नभएको पनि जिकिर गरे ।

post image

असोज ११, काठमाडौं । दक्षिण कोरियाली सरकारले प्राविधिक तथा व्यावसायिक शिक्षा एवं तालिमको गुणस्तर अभिवृद्धि गर्न नेपाललाई ५५ करोड रुपैयाँ अनुदान सहयोग गर्ने भएको छ ।

अर्थ मन्त्रालयमा आयोजित कार्यक्रममा अनुदान सहयोगसम्बन्धी समझदारीपत्रमा कोरियाका राजदूत पार्क योङ सिक र अर्थसचिव राजन खनालले हस्ताक्षर गरे । सहयोग रकम प्राविधिक तथा व्यावसायिक शिक्षाको गुणस्तरका साथै प्राविधिक संस्था र तिनका प्रशिक्षकहरूको प्रतिस्पर्धात्मक क्षमता अभिवृद्धिमा खर्च हुनेछ ।

राजदूत पार्कले नेपालको प्राविधिक जनशक्तिलाई थप सशक्त बनाउन आफ्नो देशले सहयोग प्रदान गरेको उल्लेख गर्दै यसले दुई देशबीचको पारस्परिक सम्बन्धलाई अझ सुदृढ तुल्याउने बताए ।

post image

असोज ७, गोरखा  ।  नेपाल शिक्षक महासङ्घ गोरखाको अध्यक्षमा ध्रुवकुमार भट्ट चयन भएका छन् । जिल्लाभित्र क्रियाशील शिक्षक सङ्गठनको संस्थाको रूपमा रहेको महासङ्घको शनिबार राति अबेर सम्पन्न भेलाले भट्टलाई अध्यक्षमा सर्वसम्मत चयन गरेको हो ।

भेलाले सहअध्यक्षमा राजन कट्टेल, उपाध्यक्षमा उदयबहादुर भट्ट र उर्मिला विष्ट, सचिवमा श्यामप्रसाद लामिछाने, सहसचिवमा गोपालबाबु मरहठ्ठा, उषा थापा र अनिल कुँवर चयन गरेको नवनिर्वाचित अध्यक्ष भट्टले जानकारी दिए । शिक्षक हकहित र अधिकारका लागि साझा आवाज उठाउनका लागि जिल्लामा महासङ्घको गठन भएको नवनिर्वाचित अध्यक्ष भट्टले बताए ।

शिक्षक युनियनको खारेजीपछि निर्माण गरिएको महासङ्घको जिल्ला नेतृत्वसँगै प्रदेश र सङ्घका प्रतिनिधि सर्वसम्मत चयन गरिएको हो । भेला एकीकृत अखिल नेपाल शिक्षक सङ्गठन, नेपाल शिक्षक सङ्घ, नेपाल राष्ट्रिय शिक्षक सङ्घ, अखिल नेपाल शिक्षक सङ्गठन र विद्यालय कर्मचारी सङ्गठनको आयोजनामा सम्पन्न भएको हो ।

post image

असोज ४,  काठमाडौँ । त्रिभुवन विश्वविश्वविद्यालय परीक्षा नियन्त्रण कार्यालयले यस वर्षको दीक्षान्त समारोहमा सहभागी हुने विद्यार्थीका लागि अनलाइनबाट आवेदन दिन सक्ने व्यवस्था गरेको छ ।

योसँगै अब परीक्षा नियन्त्रण कार्यालयमा उपस्थित भएर फाराम भर्नुपर्ने र बुझाउनुपर्ने झन्झटिलो व्यवस्था हट्ने भएको छ । विगत वर्षमा विद्यार्थीले भदौ महीनामा फाराम भर्न आउनुपर्ने र पुनः दोस्रो पटक दीक्षान्त समारोहमा भाग लिन आउनुपर्ने बाध्यता थियो । भदौ महीनाभर फाराम भर्ने, शुल्क बुझाउने, रसिद काट्ने र फाराम सम्बन्धित फाँटमा बुझाउनेको भीड हुने गरेकामा अब यस्तो समस्या अन्त्य भएको उक्त कार्यालयले जनाएको छ ।

उपत्यका भित्र र उपत्यकाबाहिर रहने विद्यार्थीले समेत अनलाइनबाट सिधै फाराम भरेर नाम दर्ता गर्न सक्ने र दीक्षान्त समारोहमा भाग लिन एक पटक मात्र काठमाडौँ आउँदा हुने भएको छ ।

त्रिविद्वारा बुधबार प्रकाशित सूचनाअनुसार गत साउन ५ गतेको त्रिविसभा बैठकबाट पारित ५६औँ ग्रेस लिस्टमा समावेश गत शैक्षिकसत्रमा उत्तीर्ण ७३ हजार ९०१ विद्यार्थीका लागि आगामी पुस महीनामा हुने दीक्षान्त समारोहमा सहभागी हुन विद्यार्थीले अनलाइनबाट फर्म भर्न सक्ने व्यवस्था मिलाइएको परीक्षा नियन्त्रक पुष्पराज जोशीले बताए ।

दीक्षान्तका लागि छुट्टै पोर्टल 

कार्यालय स्रोतका अनुसार दीक्षित हुने विद्यार्थीलाई फाराम भर्ने प्रयोजनका लागि छुट्टै वेब पोर्टल निर्माण गरिएको छ । जुन मोबाइलबाट समेत खोल्न सकिने खालको छ । विद्यार्थीले आफ्नो मोबाइलबाट  https://tu.graduationnp.com/मा लग इन गरेर आफ्नो विवरणहरु छ चरणमा प्रविष्ट गर्नुपर्नेछ ।

ई–सेवाबाटै शुल्क भुक्तानी 

अनलाइन फाराम भर्ने विद्यार्थीले अब उक्त कार्यालयसंगै रहेको ग्लोबल आइएमई बैंकमा लाइनमा बसेर पैसा बुझाउनुपर्ने र लेखा शाखामा आएर नगदी रसिद लिनुपर्ने झन्झटबाट पनि छुटकारा पाउने भएका छन् ।

उनीहरुले अनलाइन फाराम भरिसकेपछि ई–सेवाको माध्यमबाट शुल्क पनि बुझाउन सक्नेछन् । ई–सेवाको खाता हुने विद्यार्थीहरुले सिधै भुक्तानी गर्न सक्नेछन् भने ई–सेवाअन्तर्गत खाता नहुने विद्यार्थीलाई त्रिविको पोर्टल सिस्टमले नै टोकन नं उपलब्ध गराउनेछ ।

विद्यार्थीले उक्त टोकन नं लिएर नजिकैको ई–सेवा प्रदान गर्ने पसलमा गएर तोकिएको दस्तुर तिर्नुपर्नेछ । दस्तुर तिरेको निस्सा विद्यार्थीले तुरुन्तै पाउनेछन् । त्यसपछि त्यहीँबाट विद्यार्थीलाई चार प्रकारका विवरण उपलब्ध हुन्छ । पहिलो, दस्तुर बुझाएको नगदी रसिद, जुन दीक्षान्त समारोहमा भाग लिन जानुअघि परीक्षा नियन्त्रण कार्यालयमा गई रुजु गराएर छाप लगाएपछि मूल प्रमाणपत्र प्राप्त गर्न आवश्यक हुन्छ र दोस्रो यो दीक्षान्त समारोहमा प्रवेश गर्ने निस्सा होे, जुन यसअघिका दीक्षान्त समारोहमा प्रवेशपत्रका रुपमा कार्यालयले उपलब्ध गराउँदै आएको थियो ।

भौगोलिक विकटताका कारण दुर्गम क्षेत्रमा रहेका र काठमाडौँ आएर दीक्षान्तको फाराम भर्न सम्भव नहुने विद्यार्थीले समेत यो प्रविधिको प्रयोगबाट अब फाराम भर्न सक्नेछन् । उनीहरुले अनलाइनबाट फाराम भरेर नाम दर्ता गरिसकेपछि सिधै दीक्षान्त समारोहमा भाग लिनका लागि मात्र काठमाडौँ आउँदा हुने कार्यालयले जनाएको छ ।

post image

असोज ३,काठमाडौं  । कक्षा १२ को ग्रेड वृद्धि मौका परीक्षाको नतिजा आज बुधबार सार्वजनिक हुने भएको छ । राष्ट्रिय परीक्षा बोर्डले नतिजा सम्बन्धि सबै काम पूरा गरी १० बजे बोर्ड बैठक बोलाएको थियो।

बोर्डले गत १६ भदौंमा ग्रेड वृद्धि मौका परीक्षा सञ्चालन गरेको थियो । परीक्षामा डि प्लस वा सोभन्दा मुनी कुनै एक विषयमा ग्रेड वृद्धि गर्न चाहने विद्यार्थीलाई परीक्षामा सहभागी गराइएको थियो ।

नतिजा कसरी हेर्ने ? 

नतिजा प्रकाशित भैसकेपछी आफ्नो मोबाईल को म्यासेज बक्समा गइ NEB लेखेर एउटा स्पेस दिइ आफ्नो सिम्बोल नम्बर लेखेर ३१००३ मा एसएम्यस पठाएर आफ्नो नतिजा हेर्न सकिन्छ।

उदाहरणको लागि: तपाईंको सिम्बोल नम्बर १२३४५६७८ हो भने NEB १२३४५६७८ लेखेर ३१००३ मा पठाउन आफ्नो सबै बिषयगत नतिजा हेर्न सकिन्छ।

नोट: ग्रेडवृद्धि परीक्षामा सामेल हुने बिद्यार्थीले पहिलो भन्दा कम ग्रेड ल्याएमा पहिलेकै ग्रेड राखिन्छ ।

post image

भदौ ३१,म्याग्दी । म्याग्दीको रघुगङ्गा गाउँपालिका–८ कुइनेमङ्गलेमा बाढीले विद्यालय भवन बगाएपछि पठनपाठन ठप्प भएको छ ।

यही भदौ २७ गते बेलुकी धौलागिरि हिमालको फेदीमा पहिरोले रघुगङ्गा नदी थुनिएपछि आएको बाढीले दुलेखर्कस्थित रितुङ माविको तीनवटा भवनको सातवटा कक्षा कोठा र चारकोठे शौचालय बगाएको थियो ।

पहिरोले भवनसहित विभिन्न ठाउँमा पैदलमार्ग बगाएको, बाँकी भवन पनि कटानको जोखिममा रहेकाले दुई हप्ताका लागि पठनपाठन बन्द गरिएको प्रअ खिमबहादुर छन्त्यालले बताउनुभयो । कक्षा १० सम्मको पठनपाठन हुने सो विद्यालयमा १७५ विद्यार्थी अध्ययनरत छन् । विद्यालय परिसर कटानको उच्च जोखिममा परेपछि स्थानान्तरणको पहल थालिएको छ ।

बाढीले कटान गरेर कुइनेमङ्गलको खरिबोटमा चन्द्रबहादुर र यामबहादुर छन्त्यालको घर बगाएको छ भने बेलबहादुर, चन्द्रप्रसाद, भक्तप्रसाद छन्त्याल र भक्तिप्रसाद विकको घर उच्च जोखिममा परेपछि विस्थापित भएका छन् । नदीले बस्तीतर्फ कटान गर्न थालेपछि रघुगङ्गाको किनारमा अवस्थित घ्याँसीखर्कका १६ घर जोखिममा परेको छ ।

सहारा युवा क्लबको भवन र खेलमैदान बाढीले पुरिएको छ । दुलेखर्क र घ्याँसीखर्कको सिमानामा रघुगङ्गा नदीमाथि रहेको झोलुङ्गे पुल उच्च जोखिममा परेको छ । स्वास्थ्य चौकी भवन निर्माणस्थलमा बाढी परेर क्षति पु¥याएको छ । छहरीका दुई घर जोखिममा परेका छन् । पहिरोले पोल बगाउँदा ३५ घरधुरीको बसोबास रहेको दुवाडीमा विद्युत् आपूर्ति बन्द भएको छ । बाढी, पहिरो र कटानका कारण खेतीयोग्य जमीनमा समेत क्षति पुगेको पीडित चन्द्रबहादुर छन्त्यालले बताए । “घरमा भएको सबै सामान बाढीले बगायो, एकसरो ज्यानबाहेक केही रहेन,” छन्त्यालले पीडा पोखे ।

दुईवटा काठको अस्थायी पुल बाढीले बगाउँदा आवतजावतमा कठिनाइ भएको छ । छहरीस्थित शिवालय मन्दिर बाढीले बगाएको छ । झिङखानी महिला बचत तथा ऋण सहकारी संस्थाको भवन पहिरोले पुरिएको छ । बाढी पहिरोका कारण एकजना महिलाको ज्यान जानाका साथै रु तीन करोड बराबरको भौतिक सम्पत्तिको क्षति भएको गाउँपालिकाका अध्यक्ष भवबहादुर भण्डारीले बताए । रासस

post image

भदौ २९ , काठमाडौं । नेपाल प्रहरीले सात प्रदेशमा प्रहरी आवसीय विद्यालय स्थापना गर्ने भएको छ। प्रहरी अधिकृत तथा जवानका छोराछोरीलाई गुणस्तरीय शिक्षा प्रदान गर्न सातै प्रदेशमा आवासीय विद्यालय स्थापना गर्न लागिएको हो।

पहिला पाँच विकास क्षेत्रमा स्थापना भएको प्रहरी विद्यालय देश सङ्घीयतामा गएपछि सातै प्रदेशमा हुने गरी बाँकी दुई प्रदेशमा थप गर्न लागिएको प्रहरी प्रवक्ता शैलेश थापा क्षेत्रीले जानकारी दिए। “जेठ २७ को मन्त्रिपरिषद्को बैठकअनुसार सबै प्रदेशमा प्रहरी विद्यालय पु¥याउने लक्ष्यअनुसार प्रदेश ३ को (भरतपुर) चितवन र प्रदेश ६ को (छिन्चु) सुर्खेतमा प्रहरी विद्यालय स्थापना गर्न लागेका हौँ”,। एसएपी क्षेत्रीले भने।

प्रदेश १ को धरान (सुनसरी), प्रदेश २ गरुढा (रौतहट), प्रदेश ४ बेलचौतारा (तनहुँ), प्रदेश ५ घोराही (दाङ) र प्रदेश ७ को धनगढी (कैलाली) का प्रहरी विद्यालयमा विद्यार्थीले अध्ययन गर्दै आइरहेका छन्।

सबै प्रदेशमा माध्यामिक तहसम्म पढाइ हुनेछ। प्रहरी विद्यालय साँगामा उच्च माध्यामिक तहसम्मको पढाइ हुँदै आएको छ। दुई प्रदेशमा विद्यालय थप गरेपछि प्रहरीबाट सञ्चालित नौ विद्यालय हुनेछन्।

प्रहरी प्रधान कार्यालयले नयाँ बन्ने प्रहरी विद्यालयका लागि प्रहरी निरीक्षकको नेतृत्वमा २५ दरबन्दीसमेत निकाशा गरिसकेको छ। सबै प्रदेशमा विद्यालय स्थापना भएसँगै विद्यार्थीले गुणस्तरीय शिक्षा पाउने प्रहरी प्रधान कार्यालयले जनाएको छ। हाल देशभर ७ प्रहरी विद्यालयमा झण्डै छ हजार विद्यार्थी अध्ययन गरिरहेका छन् ।रासस

post image

भदौ  २५, काठमाडौं । विद्यार्थीमाथि दुर्ब्यबहार र हातपात गरेको आरोपमा पश्चिम नवलपरासीको सुनबलस्थित महाकवि देवकोटा माविका प्रधानाध्यापक बाबुराम पाण्डे र शिक्षक कौशलराज तिवारी निलम्बनमा परेका छन् ।

विद्यालय व्यवस्थापन समितिले प्रधानाध्यापक पाण्डे र शिक्षक तिवारीलाई १० दिनका लागि निलम्बन गरेको विद्यालय व्यवस्थापन समितिका अध्यक्ष ज्ञानहरि अर्यालले जानकारी दिए ।

प्रधानाध्यापक पाण्डे र शिक्षक तिवारीले केही दिनअघि सोही विद्यालयको कक्षा १० मा अध्ययनरत विद्यार्थी प्रदीप कोंहार, धीरज पाण्डे र अर्जुन गुप्तालाई अपशब्द प्रयोगका साथै हातपात गरेको आरोप शिक्षकद्वयमाथि लागेको छ ।

विद्यार्थीले दोषी शिक्षकद्वयलाई कारवाहीको माग राख्दै सुनबल नगरपालिका र शिक्षा विकास तथा समन्वय एकाइ पश्चिम नवलपरासीको परासीस्थित कार्यालयमा निवेदन दर्ता गराइसकेका छन् ।

सुनबल नगरपालिका देशकै पहिलो बालमैत्री स्थानीय तह घोषणा भएको दुई साता नपुग्दै शिक्षकद्वारा विद्यार्थीमाथि दुव्र्यवहार र हातपात भएको घटना बाहिर आएपछि यस घटनाप्रति सरोकारवालाको ध्यान केन्द्रित भएको थियो ।

गत मङ्गलबार कक्षा १० मा नेपाली विषयअन्तर्गत ‘हाम्रो संस्कृति’ शीर्षक पाठ अध्यापन गराउने क्रममा शिक्षक तिवारीले फरकफरक समुदाय र सम्प्रदायको उदाहरण दिँदा मधेश क्षेत्रको संस्कृति बताउने क्रममा ठेस पुग्ने शब्दको प्रयोग गरेको भन्दै विद्यार्थीले विरोध जनाएका थिए ।

शिक्षक तिवारीले अध्यापनको क्रममा मधेशलाई लक्षित गरी ठेस पुग्ने शब्दको प्रयोग गरेको जनाउँदै विद्यार्थीले तत्कालै विरोध जनाएपछि शिक्षक तिवारी र प्रधानाध्यापक पाण्डेले आफूहरुलाई दुव्र्यवहार र हातपात गरेको जनाउँदै शिक्षा विकास तथा समन्वय एकाइमा विद्यार्थीद्वारा दिइएको उजुरीमा उल्लेख छ । तर यसबारे विद्यार्थीलाई सम्झाउने क्रममा दुःखद् घटना भएको विद्यालयका प्रधानाध्यापक पाण्डेले स्वीकार गरे ।

यसबारे शिक्षा विकास तथा समन्वय एकाइमासमेत विद्यार्थीले उजुरी दर्ता गरेपछि तत्काल समस्या समाधान गर्न सुनबल नगरपालिकामा परिपत्र गरिसकिएको एकाइका प्रमुख दीपेन्द्र ढकालले जानकारी दिए ।

विद्यार्थीले दोषी भनिएका शिक्षकमाथि कारवाही हुनुपर्ने माग गर्दै प्रधानाध्यापकको कार्यकक्षमा तालाबन्दी गरेका छन् । रासस

post image

भदौ २४, काठमाडौं । अष्ट्रेलिया अध्ययनार्थ जान चाहने बिद्यार्थीहरुलाई लामो समयदेखी परामर्श प्रदान गर्दै आएको ओएसिस एजुकेशनले ब्राण्ड एम्बेसडरको रुपमा मिस नेपाल वर्ल्ड – २०१८ शृंखला खतिवडालाई नियुक्त गरेको छ । शुक्रबार दरबारमार्गमा अवस्थित होटेल अन्नपूर्णमा आयोजित पत्रकार सम्मेलन मार्फत ओएसिस एजुकेसनले ब्राण्ड एम्बेसडर घोषणा गरेको हो ।

कार्यक्रममा बोल्दै खतिवडाले अध्ययनको लागि बिदेशमा गएपछी केहि सिकेर , अध्ययन सकेर पुन: आफ्नै देशमा फर्किएर बिदेशमा अर्जेको ज्ञानलाई नेपालमा खर्चिन आग्रह गरिन । ओएसिस नै किन भन्ने पत्रकारको प्रश्नमा मिस नेपाल वर्ल्ड खतिवडाले यस एजुकेसनले बिद्यार्थीलाई सही र सत्यताका साथ परामर्श दिँदै छुट्टै पहिचान बनाउनुका साथै बिद्यार्थी र अविभावकको मन जित्न सफल भएकोले आफु ओएसिसको एम्बेसडर बन्न तयार भएको बताइन ।

 

अष्ट्रेलियाको सिड्नीमा स्थापना भएको ओएसिसले स्थापनाकाल देखी नै अष्ट्रेलिया अध्ययनका लागि आउने बिद्यार्थीहरु, नेपाली समुदाय र अन्तराष्ट्रिय बिद्यार्थीहरुलाई समेत उचित शैक्षिक परामर्श प्रदान गर्दै आएको ओएसिसका सीइओ कुशल केसीले जानकारी गराए ।

मिस नेपाल वर्ल्ड शृंखला खतिवडालाई एम्बेसडर नियुक्त गर्न पाउँदा आफुलाई धेरै खुशी लागेको र आगामी दिनहरुमा यस सहकार्यले अझै राम्रो काम गर्नेमा बिस्वस्त रहेको सीइओ केसीले बताए ।

ओएसिसले पत्रकार सम्मेलन मार्फत नै ओएसिस छात्रबृति अक्षयकोषको स्थापना गरेको समेत घोषणा गरेको छ  ।

कार्यक्रममा इक्यानका अध्यक्ष बिष्णुहरी पाण्डे, बरिष्ठ फोटो पत्रकार तथा रोटरीयन राजभाई सुवाल , हिडन ट्रेजरका अध्यक्ष गोपाल सुन्दर कक्षपती, प्रेस युनियनका अध्यक्ष बद्री लिंग्देन लगायतको उपस्थिती रहेको थियो ।

post image

भदौ २०, काठमाडौँ । सौजन्य मिडियाको आयोजनामा आज एक अन्तरक्रियात्मक कार्यक्रम सम्पन्न भएको छ । कमलपोखरीमा अवस्थित सौजन्य मिडियाको उत्पादन जर्नी टु अष्ट्रेलिया – ३ नामक कार्यक्रमको विधिवत रुपमा सुरुवात गर्दै मिडियाले बिभिन्न क्षेत्रका बिज्ञको उपस्थितिमा यस अन्तरक्रियात्मक कार्यक्रम सम्पन्न गरेको हो ।

 यसअघि २ वटा सिरिज सम्पन्न गरिसकेको यस कार्यक्रममा अष्ट्रेलियामा बिद्यार्थीको अवस्था , शैक्षिक संस्थाको सेवा सुबिधा लगायतका कुराहरुलाई देखाउंदै आएको छ ।

अष्ट्रेलियामा जान चाहने र गएका बिद्यार्थीलाई कसरी नेपाल फर्काउने , बिद्यार्थीले त्यहाँ कस्ता समस्याहरु भोगिरहेका छन् , उनीहरुले गुणस्तरीय शिक्षा पाएका छन् की छैनन,बिद्यार्थीहरु किन आत्महत्या गर्न बाध्य छन , अष्ट्रेलियामा हजारौं कोर्स पढाई हुँदा किन ४/ ५ कोर्षको मात्र प्रवर्धन गरिन्छ जस्ता लगायतका बिषयहरुलाई अन्तरक्रियामा समेटिएको थियो ।

भृकुटीमण्डपस्थित नेपाल टुरिजम बोर्डमा आयोजना गरिएको अन्तरक्रिया कार्यक्रममा नेपालका लागि अष्ट्रेलियन राजदुत पिटर बड , अष्ट्रेलियाका लागी नेपाली राजदुत लकी शेर्पा ,शिक्षा मन्त्रालयका सह-सचिब हरि लम्साल ,एन एस डब्लु सिड्नीका अबैधानिक महाबाणिज्यदुत दिपक खड्का , नेपाल अष्ट्रेलिया चेम्बर अफ कमर्सका अध्यक्ष अखिल चापागाई, इक्यानका अध्यक्ष बिष्णुहरी पाण्डे, सौजन्य मिडिया तथा हिमालयन टेलिभिजनका प्रवन्ध निर्देशक श्याम कंडेलको उपस्थिती रहेको थियो । 

post image

भदौ २०, काठमाडौँ ।  शिक्षा, विज्ञान तथा प्रविधि मन्त्रालयले ३९ औँ शिक्षा दिवस तथा अन्तर्राष्ट्रिय साक्षरता दिवसको अवसरमा उत्कृष्ट विद्यालयलाई प्रदान गरिने पुरस्कार घोषणा गरिएको छ ।

मन्त्रालयका सचिव खगराज बरालको संयोजत्वमा गठित पुरस्कार विद्यालय छनोट समितिले सामुदायिक र संस्थागततर्फ विभिन्न विधामा १२ उत्कृष्ट विद्यालय छनोट गरेको सहसचिव सूर्यप्रसाद गौतमले जानकारी दिए ।

उनका अनुसार मन्त्रालयले सामुदायिक र संस्थागततर्फ माध्यमिक शिक्षा उत्तीर्ण परीक्षा (कक्षा १२) मा राष्ट्रियस्तरमा उत्कृष्ट हुने तीन/तीन र माध्यमिक शिक्षा परीक्षा (कक्षा १०) मा राष्ट्रियस्तरमा उत्कृष्ट हुने तीन÷तीन विद्यालय छनोट गरेको हो ।

यसरी छनोटमा पर्ने विद्यालयमा माध्यमिक शिक्षा उत्तीर्ण परीक्षा (कक्षा १२) मा सामुदायिकतर्फ

प्रथम अमरसिंह माध्यमिक विद्यालय पोखरा,

कास्की, द्धितीय विश्वनिकेतन माध्यमिक विद्यालय त्रिपुरेश्वर, काठमाडौँ,

तृतीय बज्रबराही माध्यमिक विद्यालय, चापागाउँ, ललितपुर

संस्थागततर्फ

प्रथम एसओएस हरमन माइनर माध्यमिक विद्यालय, सानोठिमी, भक्तपुर,

द्धितीय एभरेष्ट इङ्लिस बोडिङ माध्यमिक विद्यालय विराटनगर मोरङ,

तृतीय नेशनल सेकेण्डरी स्कूल इमाडोल ललितपुर रहेका छन् ।

यसैगरी माध्यमिक शिक्षा परीक्षा (कक्षा १०) मा राष्ट्रियस्तरमा सामुदायिकतर्फ

प्रथम शीतलादेवी सामुदायिक माध्यमिक विद्यालय पोखरा, कास्की,

द्धितीय त्रिपद्म विद्याश्रम माध्यमिक विद्यालय पुल्चोक ललितपुर

तृतीय कालिका माध्यमिक विद्यालय, कालिकानगर बुटवल रुपन्देही रहेका छन् ।

संस्थागततर्फ

प्रथम मदरल्याण्ड माध्यमिक विद्यालय मासवार, पोखरा कास्की,

द्धितीय जेम्स माध्यमिक विद्यालय धापाखेल, ललितपुर

तृतीय ज्ञान निकेतन माध्यमिक विद्यालय, शङ्खमूल, काठमाडौँ रहेका छन् ।

प्रधानमन्त्री केपी शर्मा ओलीको प्रमुख आतिथ्यतामा आगामी शनिबार हुने दिवसको अवसरमा आयोजित कार्यक्रममा उत्कृष्ट छनोट भएका विद्यालयलाई पुरस्कार वितरण गरिनेछ ।

प्रथम, द्धितीय र तृतीय हुने सामुदायिक र संस्थागत विद्यालयलाई क्रमशः रु तीन लाख, रु दुई लाख र रु एक लाखसहित प्रमाणपत्र र शिल्ड प्रदान गरिने सहसचिव गौतमले जानकारी दिए ।

यसपटक मन्त्रालयले केन्द्रीयस्तरमा मात्र पुरस्कार प्रदान गर्नेछ । यसैगरी दिवसको अवसरमा प्रदेश र स्थानीय तहले पनि आफ्नो क्षेत्रमा उत्कृष्ट हुने विद्यालयलाई पुरस्कार प्रदान गर्ने छन् ।

प्रदेश र स्थानीय तहमा उत्कृष्ट विद्यालयलाई पुरस्कार दिनका लागि ‘शिक्षा पुरस्कार निर्देशिका –२०७५’ ल्याइएको छ । रासस

post image

भदौ २०, म्याग्दी । यहाँको एक विद्यालयमा भुइँमै बसेर पठनपाठन गरिँदै आएको छ । अन्नपूर्ण गाउँपालिका–४ कोप्चेपानीस्थित धवलागिरि आधारभूत विद्यालयका विद्यार्थी फर्निचर अभावमा भुइँमा बसेर पढ्न बाध्य भएका हुन् ।

गत साउन २९ गते कालीगण्डकीमा आएको बाढीले विद्यालय भवन बगाएको थियो । भवन बगाएपछि कक्षा कोठा अभावका कारण पठनपाठनमा समस्या भएको प्रधानाध्यापक शान्ति राम्जालीले बताए ।

“अहिले स्थानीयवासीको घरमा पठनपाठन सञ्चालन गरेका छौँ, फर्निचर नहुँदा समस्या भएको छ,” उनले भने। अहिले म्याट्रेस भुइँमा ओछ्याएर विद्यार्थी बस्ने व्यवस्था गरिएको छ । फर्निचर नहुँदा विद्यार्थीलाई लेखपढ गर्न अप्ठ्यारो भएको छ ।

कालीगण्डकीले विद्यालयको ६ कोठे भवन बगाउँदा रु २५ लाख बराबरको क्षति भएको प्रअ राम्जालीले बताए । बाढीका कारण कोप्चेपानीका १० परिवार विस्थापित भएका छन् ।

अन्नपूर्ण गाउँपालिकाका अध्यक्ष डमबहादुर पुनले उक्त विद्यालयलाई रु ५० हजार सहयोग गरेका छन् । उनले विद्यालय भवन पुनःनिर्माणका लागि सो सहयोग गर्नुभएको हो ।

अध्यक्ष पुनले भवन पुनःनिर्माणका लागि प्रदेश र सङ्घीय सरकारसँग अनुरोध गरिएको बताए ।  उनले आफ्नो पारिश्रमिकवापतको रकम कोषमा जम्मा गरेर गरीब, विपन्न र अनाथ बालबालिकालाई सहयोग गर्दै आएका छन् ।

post image

भदौ १९, काठमाडौँ । नेपाली, कला, भाषा, संस्कृतिलाई बिश्वब्यापीकरण गर्ने उदेश्यका साथ अष्ट्रेलियामा पहिलो पटक राप्ती अन्तराष्ट्रिय म्युजिक अवार्ड हुने भएको छ । बाबा एजुकेसन कन्सल्टेन्सिको प्रायोजनमा हुन लागेको म्युजिक अवार्ड राप्ति समाज अष्ट्रेलिया ले आयोजना गर्न लागेको हो।

कार्येक्रम यहि आउने सेप्टेम्बर ८ तारिखको दिन बेलुका ६ बजे देखि इन्द्रेणी फन्क्चन सेन्टर , रकडेल मा हुने भएको छ। यस अवार्ड कार्येक्रम मा,  चर्चित नायक पल शाह, लोकप्रिय गायिका राधिका हमाल, सिन्धु मल्ल, गायक कृष्ण रेउले र प्रकाश रेग्मी को सहभागिता हुने छ । सम्पूर्ण नेपाली कलाकार लाई प्रोत्सहन र राप्ति अञ्चलमा जन्मेका कलाकारहरुलाई सम्मान सोरुप आयोजना हुन लागेको राप्ती अन्तराष्ट्रिय म्युजिक अवार्ड को सम्पूर्ण तयारी करिब अन्तिम चरण मा पुगेको जानकारी राप्ती समाज अष्ट्रेलियाका अध्यक्ष नरेश रेग्मीले बताएका छन ।

कार्यक्रमको शुल्क ३५ डलर रहेको र साथ साथै डिनरको पनि राम्रो ब्यबस्था रहेको छ। नेपालबाट आउनु हुने कलाकारहरुले आम दर्शकलाइ भरपुर मनोरंजन प्रदान गर्ने राप्ति समाज अस्ट्रेलियाले जानकारी दिएको छ। सिड्निमा आयोजना हुने अधिकाङ्स साङ्गितिक-सांस्कृतिक कार्यक्रमहरुमा मुख्य प्रायोजन गर्ने “बाबा एजुकेसन कन्सल्ट्यान्सी” र “आर के एस अष्ट्रेलिया” ले नै यो कार्येक्रम लाई प्रायोजन गरेको छ ।आफु हरु ले यस्ता कार्येक्रम हरु लाई प्रोमोट गर्न पाउनु गर्भ को बिषय रहेको बाबा एजुकेसन कन्सुल्टेन्सि का सी ई ओ रबिन्द्र कुमार शर्माले बताए ।

अष्ट्रेलिया को सिड्नी मा अबस्तित बाबा एजुकेसन कन्सुल्टेन्सि ले सिड्नी मा आयोजना हुने धेरै कार्येक्रम हरु लाई आर्थिक सहयोग गर्ने गरेको बाबा एजुकेसन कन्सुल्टेन्सि का मार्केटिंग म्यानेजर अमृत शर्माले बताए   ।  विदेश मा रहेर पनि नेपाली कला- सस्कृतिलाई लाई जगेर्ना गर्न आफु हरु को यो कदम ले केहि टेवा पुग्ने उनले बताए ।

post image

भदौ १८, काठमाडौं । सरकारले बजेटमा विद्यार्थीलाई शैक्षिक कर्जा दिने भने पनि त्यो कार्यान्वयनको दिशामा जान नसकेको भन्दै सांसदले प्रश्न गरेका छन्। सोमबार संसदमा मन्त्रीसँग सिधा प्रश्नउत्तोरमा नेपाली कांग्रेसका सञ्जय कुमार गौतमले शैक्षिक कर्जा उपलब्ध गराउने भनेर बजेटमा भनिएको थियो तर विद्यार्थी यो कर्जाबाट बन्चित भएका छन्। यो पपुलर कुरा मात्र हो की, कार्यान्वयन पनि हुन्छ रु भन्दै शिक्षा, विज्ञान तथा प्रविधि मन्त्रीलाई प्रश्न गरे।

नेपाल मजदुर किसान पार्टीका प्रेम सुवाल र नेकपा एमालेका विरोध खतिवडाले पनि सर्टिफिकेट राखेर विद्यार्थीलाई दिने सफ्ट लोनको बारे प्रश्न गरेका थिए। सांसदहरुले उठाएको प्रश्नको शिक्षा, विज्ञान तथा प्रविधि मन्त्री गिरिराजमणी पोखरेलले जवाफ दिँदै विद्यार्थीले शैक्षिक कर्जा पाउने बताए। ुदुई वर्ष अघि नै नेपालमा उच्च शिक्षाको लागि सरकारले विभिन्न विधि अपनाउने भनेको थियो। र यो यस पटकको नीति कार्यक्रम र बजेटमा आएको छु, उनले भने, ुविद्यार्थीलाई ऋण प्रदान गर्ने कार्यक्रम तयार भएको छ।ु

पहिलो चौमासिकको कार्यक्रमलाई अन्तिम रुप दिन लागेको उनले बताए। यो कार्यविधिलाई सफल बनाउन बैंकलाई उत्तरदायी बनाउनु पर्ने पोखरलेको भनाई छ। प्रमाणपत्रलाई धितो राखेर कार्यक्रम अघि बढाउँदा रोजगारीमा जोड गर्नु पर्ने उनले बताए। ुसफ्ट लोन कुन कुन विधामा लागु गर्न सक्छौं कार्यविधि तयार भैसकेको छु, उनले भने, ुयो अर्थसँग संयोजन गर्नु पर्ने छ। अर्थले पनि गृहकार्य गरिरहेको छ।ु बैंकहरुको लागि अर्थमन्त्रालयले पहल गर्नु पर्ने पोखरेलले बताए। सस्तो लोकप्रियताको लागि कार्यक्रम नल्याइएको बताउँदै उनले यो आर्थिक वर्षमा कार्यान्वयन हुने विश्वास दिलाए। 

post image

भदौ १२, काठमाण्डौं । बिमस्टेक चौथो शिखर सम्मेलनका कारण काठमाडौं उपत्यकाका शिक्षण संस्थाहरु  दुई दिन बन्द गरिने भएको छ ।  शिक्षा, विज्ञान तथा प्रविधि मन्त्रालयले यही भदौ १४ र १५ गते शैक्षिक संस्थाहरु बिदा मिलाउन पत्राचार गरेको छ। उसले काठमाडौं, भक्तपुर र ललितपुरका स्थानीय तह (नगरपालिका र महानगरपालिका)मार्फत् बिदा मिलाउन भनेको छ ।

‘काठमाडौंमा हुन गइरहेको बिमस्टेक चौथो शिखर सम्मेलनमा सहभागी हुन आउने विदेशी अतिथी तथा प्रतिनिधिहरुको आवागमनलाई सुरक्षित, व्यवस्थित र सहज बनाउने उद्देश्यले भदौ १४ र १५ गते दुई दिन शिक्षण संस्था बिदा गर्न, शिक्षण संस्थाका सवारी साधनसमेत उक्त दिन नचलाउने व्यवस्थाका लागि,’ शिक्षा मन्त्रालयको पत्रसमेत उल्लेख गर्दै संघीय मामिला तथा सामान्य प्रशासन मन्त्रालयले मंगलबार जारी गरेको विज्ञप्तिमा छ ।

‘स्थानीय सरकार (नगपालिका र महानगरपालिका) मार्फत् बिदा गर्न र उक्त दुईदिन शिक्षण संस्थाका सवारी नचलाउने मन्त्री स्तरीय निर्णय भई आएकोले सो अनुसार गर्नु गराउनु हुन आदेशअनुसार अनुरोध छ।’

post image

भदौ ७, महोत्तरी शिक्षा, विज्ञान तथा प्रविधिमन्त्री गिरिराजमणि पोखरेलले बालबालिकालाई अनिवार्यरुपमा विद्यालय भर्ना गराउनका लागि सबैमा आग्रह गरेका छन्  

आज महोत्तरीको बर्दिवासमाविद्यार्थी भर्ना तथा साक्षरता अभिवृद्धिविषयक एक दिवसीय अन्तरक्रिया कार्यक्रममा उनले विस २०८६ पछि आधारभूत शिक्षा नलिएको व्यक्तिले राज्यबाट कुनै सुविधा नपाउने हुँदा आजैबाट सबै बालबालिकालाई विद्यालयको पहुँचमा पु¥याउन आग्रह गरेका हुन्   मन्त्री पोखरेलले आफू निजी विद्यालयको पक्षमा नरहेको बताउँदै जनशक्तिको अभाव भयो भन्दैमा शिक्षाको गुणस्तरमा सम्झौता गर्न नसक्ने दृढता व्यक्त गरे

स्थानीय सरकारलाई बलियो बनाउनु सङ्घीय सरकारको पहिलो प्राथमिकता हो, उनले भने, ‘साक्षर नेपाल घोषणा अभियानलाई सफल बनाउनु हरेक नेपालीको पहिलो दायित्व हो मन्त्री पोखरेलले प्राविधिक शिक्षा अनिवार्य भइसकेको बताउँदै श्रम, सीप उत्पादनलाई समृद्धिसँग जोड्नुपर्नेमा जोड दिए  

post image

भदौ ६,काठमाडौँ ।  अष्ट्रेलियामा रहेका शैक्षिक परामर्श केन्द्रहरुको छाता संगठन अष्ट्रेलियन एजुकेशन कन्सल्ट्यान्ट एलाइन्स (एका )ले काठमाडौँमा शैक्षिक मेलाको आयोजना गर्ने भएको छ । बिद्यार्थीसंगै अभिभावक भन्ने मूल नाराका साथ आयोजना गर्न लागिएको उक्त दुइ दिने फेयर काठमाडौँस्थित होटल अन्नपूर्णमा हुने आयोजकले पत्रकार सम्मेलन मार्फत जानकारी गराएको छ ।

यही भदौ ८ र ९ गते हुन गइरहेको फेयरमा अष्ट्रेलियाका ७ वटा कलेज तथा २२ वटा शैक्षिक परामर्शदाताहरुको प्रत्यक्ष सहभागिता रहनेछ । उच्च शिक्षा अध्ययनका लागी अष्ट्रेलिया जान चाहने बिद्यार्थीलाई लक्षित गरेर आयोजना गरिएको उक्त फेयरमा एचआईबिटि कलेज फेयर पार्टनरको रुपमा रहेको छ भने किंग्सफोर्ड इन्टरनेसनल इन्स्टिच्युट प्लाटेनियम पार्टनरको रुपमा रहेको छ ।

यस शैक्षिक मेलामा अष्ट्रेलियाको शैक्षिक अवस्था , बिद्यार्थी तथा अभिभावकको जिम्मेवारी, पढाइ खर्च र पढ्ने बिषय , कलेज तथा विश्वबिद्यालयको बारेमा जानकारी उपलब्ध गराइने आयोजकले जनाएको छ । यस शैक्षिक मेलामा ३० वटा स्टलहरु रहनेछन ।

post image

भदौ ६,कञ्चनपुर  । शुक्लाफाँटा नगरपालिका–१० स्थित त्रिमूर्ति आधारभूत विद्यालयमा पाँच शिक्षकले ४९ विद्यार्थीलाई पढाउँदै आएका छन् । नगरपालिका कार्यालयदेखि झण्डै दुई किलोमिटरको दूरीमा रहेको उक्त विद्यालय लामो समयदेखि विद्यार्थी अभाव झेल्दै आएको छ ।

पचास विद्यार्थी बरावर एक शिक्षक हुनुपर्ने नियमअनुसार पनि एउटा शिक्षकले पढाउन मिल्ने विद्यार्थी सङ्ख्या छैन । हाल बालकक्षामा १८, कक्षा एकमा चार, कक्षा दुईमा १०, कक्षा तीनमा ६, कक्षा चारमा पाँच र कक्षा पाँचमा ६ विद्यार्थी भर्ना भएका छन् । भर्ना भएका विद्यार्थीमध्ये पनि कम मात्रै विद्यालय आउने गरेको प्रधानाध्यापक अमरराज उपाध्ययले बताए ।

विद्यालयको पहुँच क्षेत्र कम, नीजि विद्यालयको चाप बढ्नु तथा अन्य सामुदायिक विद्यालय नजिक हुँदा विद्यार्थी अभाव भएको उनको भनाइ छ । “विद्यार्थी थप्न अभिभावकको घरदैलोमै पुग्ने गरेका छौँ, अधिकांशले नीजि विद्यालयमा बालबालिका भर्ना गर्ने गरेका छन्” उनले भने । विद्यालयमा एक स्थायी, दुई राहत र दुई बालकक्षामा पढाउने शिक्षक कार्यरत छन् । विद्यार्थीको पढाइको स्तर निकै कमजोर रहेको पाइएको छ । “सबैलाई उत्तीर्ण गर्नुपर्ने नियम छ, पढाइको स्तर सोचेजस्तो छैन,” उनले भने ।

विद्यार्थी न्यून भएकाले नजिकको सामुदायिक विद्यालयमा समायोजनका लागि पहल भइरहेको छ । नगरपालिकाका वडाध्यक्ष लालबहादुर ऐरले पढाइको गुणस्तर कमजोर र न्यून विद्यार्थी भएकाले छिट्टै विद्यालय समायोजन गरिने बताए । वार्षिकरूपमा शिक्षकले तलबबापत रु १० लाख ९१ हजार, प्रशासनिक खर्च रु २० हजार, किताब खरिद गर्न रु १० हजार तथा छात्रवृत्तिबापत रु १२ हजार खर्च हुने गरेको छ । यहाँ ९५ प्रतिशत विद्यार्थी दलित समुदायका छन् । रासस

post image

भदौ ४,काठमाडौं । कुश्मा नगरपालिकाका नगरप्रमुख रामचन्द्र जोशीले आफ्नो तलब भत्ताबाट विपन्न परिवारलाई सहयोग गरेका छन् ।

नगर प्रमुख भएबापत राज्यले दिने सेवा सुविधा सामाजिक सेवामा लगाउने घोषणा गरेको जोशीले तलब भत्ताको रकमले सहयोग प्रदान गर्न थालेका हुन्। नगरप्रमुख जोशीले “राजनीति जनताका लागि गर्ने हो पैसा कमाउनका लागि होइन” भन्ने उदाहरण देखाउँदै आफ्नो सबै तलब भत्ता जनतालाई बाँड्न थालेको बताए ।

उनले कुश्मा नगरपालिकास्थित जगदम्बा प्राविका २६ जना विद्यार्थीलाई विद्यालय पोशाक प्रदान गरेर आफ्नो सामाजिक कार्यको शुरुवात गरेका हुन् ।

 जोशीले आइतबार पनि कुश्मा नगरपालिका–४ मा रहेको नारायण माविका एक छात्रलाई वार्षिकरुपमा चाहिने शैक्षिक सामग्री र पोशाक वितरण गरे । आर्थिक अवस्था विपन्न भएका परिवारलाई सहयोग गर्ने उद्देश्य आफूले लिएको बताउँदै जोशीले आफ्नो तलब रकम सबै जनताकै करको रकम भएकाले जनतालाई नै सहयोग गर्ने प्रतिबद्धता व्यक्त गरे ।

गत आर्थिक वर्षमा नगरपालिकाबाट प्राप्त भएको सबै रकम उनले विभिन्न क्षेत्रमा सबै सहयोग गर्ने यसअघि नै घोषणा गरेका थिए । करका दायरा बढ्दै जाँदा यतिबेला करको विरोध भइरहेको छ । प्रदेश सरकारले स्थानीय तहले उठाएको करबाट नै स्थानीय जनप्रतिनिधिको पारिश्रमिकको व्यवस्थापन गर्ने निर्णय यसअघि नै गरिसकेको छ ।

 नगरपालिकाका प्रमुखको मासिक रु ३५ हजार तलब प्रदेश सरकारले तोकेसँंगै करका दायरामा समेत स्थानीय तहले वृद्धि गरिरहेको अवस्थामा कुश्मा नगरपालिकाले कर नबढाउने जनाएको छ । रासस

post image

भदौ ३,काठमाडौँ ।  एजुकेशन एन्ड माइग्रेशन कर्नरले  उच्च शिक्षा अध्यनमा अष्ट्रेलिया जान चाहने नेपाली बिद्यार्थीको लागि निशुल्क शैक्षिक परामर्श मेला सम्पन्न गरेको छ । उक्त शैक्षिक मेलालाई इक्यान का कार्यबहाक अध्यक्ष देबि दास भट्टराईले रिबन काटेर उद्घाटन गरेका थिए ।

 होटल अन्नपुर्णमा शनिबार विहान १० देखि ४ बजेसम्म  ७ सय भन्दा बढि बिद्यार्थी र अभिभावकहरुले शैक्षिक सेमिनार अवलोकन गरि जानकारी लिएका थिए ।  उक्त शैक्षिक मेलामा  १४ भन्दा बढि एजुकेसन प्रोभाइडरहरुको उपस्थित रहेको र ७ सय बढीले मेलामा सहभागिता जनाएको आयोजकले जानकारी गराएको छ । 

अष्ट्रेलियालियामा आएर मात्र हैन यहाँ के पढने ,कसरी बिध्यार्थी जिवनलाई अगाडि बढाउने , कस्ता कस्ता बिषय महत्वपुर्ण छन भन्ने बिषयमा ज्ञान प्रदान गर्न यो मेलाको आयोजना गरिएको निर्देशक सुनिल उप्रेतीले बताए । हामी उनिहरुको उच्च अध्यनका संभावना कठिनाइ र भबिष्यको स्थायीत्वको बिषयमा समेत महत्वपुर्ण सुझाब प्रदान गर्छौ उप्रेतीले बताए ।

छोरा छोरी बिदेश पढन पठाउने अभिभावकले पनि यहाको बिषयमा जान्न र बुझन आवश्यक भएकोले सेमिनारहरुमा अभिभावकको उपस्थीती पनि महत्वपुर्ण रहने उप्रेतीले बताए ।

एजुकेसन एन्ड माइग्रेसन कर्नर ले आयोजना गरेको बृहत् शैक्षिक सेमिनार निकै भब्य र शभ्य रूपमा सप्पन्न भएको काठमाडौंका व्यवस्थापक किशोर दुलालले बताए । उनले भने ” सम्पूर्ण सहयोगी मन र हात हरुमा हार्दिक धन्यवाद ज्ञापन गर्दर्छु। हाम्रो निम्तो लाई सिरोधार्य गर्दै पाल्नु हुने सम्पूर्ण एजुकेसन प्रोभाइडर हरु,हाम्रा आदरणीय पाहुनाहरुलाई धन्यवाद दिन चाहन्छु ।

’ माइग्रेसन कर्नरको ब्रान्ड एन्बसेडर सम्राज्ञी राज्य लक्ष्मी साह छिन् । कार्यक्रममा शाह, ,उत्प्रेरक सुदन ज्ञवाली र हास्य कलाकार मनोज गजुरेलले विशेष प्रस्तुती दिएका थिए ।

कर्नरले अगष्ट २० मा चितवनको भरतपुर गार्डे रिर्सोटमा र अगष्ट २१ तारिख हेटौडामा शैक्षिक सेमिनारको आयोजना गर्ने छ ।

यसैगरी एजुकेशन एन्ड माइग्रेशन कर्नरले २७ अगष्टमा पोखरामा एक सेप्टेम्बरमा बिर्तामोड , २ सेप्टेम्बरमा दमक र तिनमा इटहरीमा शैक्षिक परामर्श सेमिनारको आयोजना गर्दैछ ।

 

post image

साउन ३०, काठमाडौं । नेपाली राष्ट्रिय क्रिकेट टिमका कप्तान पारस खड्कालाई एक्सपर्ट एजुकेशन एण्ड भिसा सर्भिसेजले ब्राण्ड एम्बेसडरमा नियुक्त गरेको छ । सर्भिसेजले मंगलबार राजधानीमा आयोजित एक कार्यक्रममाझ कप्तान खड्कालाई ३ वर्षका लागि ब्राण्ड एम्बेसडरमा नियुक्त गरेको हो ।

नेपाली क्रिकेटको उत्थान र प्रवर्धनमा उल्लेखनीय योगदान गर्दै आएको सर्भिसेजका सिईओ सन्जिब शर्मा र कप्तान पारसले सम्झौता पत्रमा हस्ताक्षर गरेका छन्। यद्यपी  ब्राण्ड एम्बेसडरबापतको रकम भने खुलाईएको छैन ।

सन् २००३ मा सिड्नीमा स्थापना भएको  एक्पर्टका नेपाल, भारत , बंगलादेश, हङकङ, मंगोलिया, नाइजेरिया, फिलिपिन्ससमेतमा गरी ३१ वटा कार्यालयहरू छन्। नेपालमा सन् २००६ मा स्थपना भएको संस्थाले नेपाली विद्यार्थीलाई उच्च शिक्षा अध्ययनका लागि अष्ट्रेलिया लैजादै आएको छ।

post image

साउन ३०, काठमाडौं । सांसद घनश्याम खतिवडाले विद्यालयको पिउने पानीको ट्यांकीमा विष राख्ने घटनाको तत्काल छानबिन गर्न सरकारको ध्यानाकर्षण गराएका छन्। प्रतिनिधिसभाको बुधबारको बैठकको विशेष समयमा बोल्दै सांसद खतिवडाले घटनाको सत्यतथ्य छानबिन गरी संलग्न दोषीमाथि कडा कारबाही गर्न माग गरेका हुन्।

पिउने पानीमा विष राख्ने अपराधीलाई हदै सम्मको कारबाहीका लागि सम्पूर्ण संयन्त्रहरूको प्रयोग गर्न पनि उनले सरकारको ध्यानाकर्षण गराए। साउन २९ गते मंगलबार श्री माध्यमिक विद्यालय उत्तरी मोरङको लेटाङ-९ मा विद्यार्थीले पानी पिउने वित्तिकै पेट पोल्ने, बान्ता हुने लक्षण देखिएपछि विद्यालय प्रशासनले चेक गर्दा पिउने पानीको ट्यांकीमा विषको बोतल नै फेला परेको थियो। विषादीयुक्त पानी पिउँदा २९ जना विद्यार्थी बिरामी परेका थिए। २५ जना सामान्य उपचारपछि घर फर्किए पनि ४ जना गम्भीर विद्यार्थीको विराटनगरस्थित नोबेल अस्पतालमा उपचार भइरहेको छ।

घटनाको समयमा लेटाङ नगरपालिकाको इलाका प्रहरी कार्यालयमा एउटा गाडी पनि चल्न सक्ने अवस्थामा नभएको भन्दै उनले लेटाङ नगरपालिकाको इलाका प्रहरी कार्यालयलाई साधन स्रोत सम्पन्न बनाउन सरकारको ध्यानाकर्षण गराए। प्रहरीले विभिन्न विपतको समयमा पनि भाडाको सवारी साधन प्रयोग गर्ने गरेको उल्लेख गर्दै उनले प्रहरीलाई सञ्चार र यातायातका साधन सम्पन्न गराउन माग गरे।

post image

साउन ३०,काठमाडौँ । मर्सी एजुकेशन कन्सलटेन्सीले फुटवल वल्र्डकप २०१८ मा सही अनुमान मिलाउने ५ जना भाग्यशाली विजेताहरुलाई उपहार प्रदान गरेको छ ।मंगलबार राजधानीमा एक कार्यक्रममार्फत प्रतियोगिताका ६४ वटा खेलमध्ये ४० खेलमा सही अनुमान गरी ‘ग्रान्ड प्राइज’ विजेता विजय खत्रीलाई नेपाल शैक्षिक परामर्श संघ (इक्यान)का अध्यक्ष विष्णुहरि पाण्डेले आईफोन एक्स प्रदान गरे ।

कार्यक्रममा खत्रीसँगै अन्य ४ जना भाग्यशाली विजेतालाई ट्याव उपहार प्राप्त गरिएको मर्सी एजुकेशन कन्सलटेन्सीका अध्यक्ष राम टण्डनले जानकारी दिए । प्रतियोगितामा ६ हजारभन्दा बढी प्रतिष्पर्धी सहभागी थिए । प्रतियोगितामा सहभागी भइ सही अनुमान लगाउँदै गोल्डेन ग्लोव प्रेडिक्सन अन्तर्गत सरोज कार्कीले ट्याब उपहार पाए । त्यस्तै, गोल्डेन बुटको सही अनुमान गरेर रस्मित पोखरेल, प्रतियोगितामा बेस्ट प्लेयरको सही अनुमान गरेर आशिष श्रेष्ठले र वल्र्ड कप विजेताको सही अनुमान गरेर आश्विन अधिकारीले एक–एक वटा ट्याब उपहार प्राप्त गरेका छन् ।

 

प्रतियोगिताभर हरेक दिनका खेलमा सही अनुमान लगाउने एक जना भाग्यशाली विजेतालाई प्रत्येक दिन विभिन्न उपहार तथा रिचार्ज कार्डहरु प्रदान गरिएको थियो ।गत १८ जुन २०१८ देखि १५ जुलाई २०१८ तारिखसम्म रसियामा आयोजित ‘विश्वकप फुटवल २०१८’ प्रतियोगिता भर कम्पनीको फेसबुक पेजमार्फत ‘प्रेडिक्ट एण्ड विन’ कार्यक्रम सञ्चालन गरेको थियो ।

मर्सी एजुकेशन प्रालिले विगत लामो समयदेखि वैदेशिक शिक्षा परामर्शको क्षेत्रमा करिअर काउन्सिलिङ गर्दै आएको यहाँहरुलाई विधितै छ । विषेश गरी अष्ट्रेलिया, अमेरिका, न्यूजिल्याण्ड, जापान, क्यानडा, युरोप, भारतलगायतका मुलुकहरुमा उच्च शिक्षाका लागि अध्ययन गर्न जान चाहने विद्यार्थीलाई लक्षित गरी कम्पनीले सेवा प्रदान गर्दैै आएको छ । त्यस्तै, आईईएलटीएस, टफेल र पीटीईका भाषा तयारी कक्षा समेत सञ्चालन गर्दै आएको छ ।

मर्सी एजुकेशन प्रालि सन् २००३ मा स्थापना भइ हालसम्म निरन्तर रुपमा एजुकेशन कन्सलटेन्सी व्यवसायमा सक्रिय रहँदै आएको कम्पनी हो । कम्पनीको प्रधान कार्यालय महाराजगञ्जमा छ । त्यस्तै, अन्य कार्यालयहरु पुलतीसडकस्थित स्टार मलको दोस्रो तलामा र नयाँबानेश्वरको बानेश्वर प्लाजामा सञ्चालित छन् । राजधानी बाहिर बुटवलमा समेत सञ्चालनमा छ ।

post image

साउन २९,उर्लाबारी। मोरङको लेटाङ नगरपालिका-९ स्थित जाँतेमा रहेको श्री माध्यमिक विद्यालयको खानेपानी ट्याङ्कीमा अज्ञात समूहले विष हालेको पानी पिउँदा १३ विद्यार्थी बिरामी परेका छन् ।

ट्याङ्कीमा साइपर मेथिन नामक औषधि हालिएको प्रधानाध्यापक खेमराज दुलालले बताए। बिरामी विद्यार्थीको पथरीशनिश्चरेस्थित पथरी अस्पताल र उर्लाबारीस्थित मङ्गलबारे अस्पतालमा उपचार भइरहेको जनाइएको छ। बिहान विद्यार्थीले सो ट्याङ्कीको पानी पिउने क्रममा गन्ध आएपछि शिक्षकलाई खबर गरेका थिए।

खानेपानी ट्याङ्कीको नजीकै साइपर मेथिन नामक औषधिको बट्टा भेटिएको र त्यो कसले हाल्यो भन्ने विषयमा अनुसन्धान भइरहेको इलाका प्रहरी कार्यालय लेटाङका प्रहरी निरीक्षक युवराज खतिवडाले जानकारी दिएका छन्।

कक्षा १ देखि १२ गरी ४९१ विद्यार्थी अध्ययनरत विद्यालय सो घटनापछि अनिश्चितकालका लागि बन्द गरिएको छ।  रासस

post image

साउन २७, काठमाडौँ । नेपाल कम्युनिस्ट पार्टीले बधाइ तथा सम्मान कार्यक्रमको आयोजना गरेको छ  ।कार्यक्रममा राजीब गान्धी युनिभर्सिटी अफ हेल्थ साइन्स बाट ३ पटकसम्म गोल्ड मेडल पाउने गोदामचौर निवासी रिश्मा थापा र थाइल्यान्डमा सम्पन्न ब्युटी एण्ड ट्यालेण्ट प्रतियोगितामा सर्बोत्कृष्ट भएकी गोदामचौरकै प्रीताशा थापालाइ सम्मान गरिएको हो ।

प्रतिनिधि सभा सांसद नवराज सिलवालको प्रमुख आतिथ्यतामा गोदावरी १ गोदामचौरमा आयोजित एक कार्यक्रममा सम्मान गरिएको हो । नेपाल कम्युनिस्ट पार्टीले आयोजना गरेको बधाइ तथा सम्मान कार्यक्रममा बोल्दै साम्सद सिलवालले अन्तर्राष्ट्रिय स्तरसम्म आफ्नो बिशिस्ट क्षमता देखाउने बिध्यार्थी हरुको शैक्षिक तथा पारीवारिक वातावरणको प्रशम्शा गर्नुभयो ।

नेकपाका नेता मधुसूदन पौडेल, बाबुकाजी प्रधान, श्यामकृष्ण सिलवाल, सामाजिक अभियन्ता सिर्जना सिल्वाल लगायतले गोदावरीका चेलीहरुको प्रतिश्पर्धामा श्रेष्ठता हासिल गर्ने प्रेरणादायी कामको तारिफ गर्नुभयो ।

कार्यक्रममा सम्मानित रिश्मा थापाले आफू राजीब गान्धी युनिभर्सिटीमा सम्मानित हुदा भन्दा स्थानीय स्तरमा सम्मानित हुदा बढी गौरब भएको बताउदै छोरीलाइ शिक्षा दिन कन्जुस्याइ नगर्दा सिङ्गो समाजले गौरब गर्न सक्ने बताउनुभयो ।

प्रीताम्सा थापाले आफ्नो परिवारको हौसला र प्रेरणा नै इन्टरनेसनल ब्युटी एण्ड ट्यालेण्ट सो जित्न सफल भएको बताउनुभयो ।

post image

साउन २५,काठमाडाैं । गुणस्तरीय शिक्षाको खोजीमा जिल्ला बाहिर गएका विद्यार्थीलाई यहाँको आवासीय विद्यालयले फर्काउन सफल भएको छ। गाउँपालिकाको आर्थिक सहयोगमा सदरमुकाम चामेमा रहेको लोकप्रिय मावि आवासीय बनेपछि गाउँ छाडेर टाढा गएका विद्यार्थी फर्किएर भर्ना हुन थालेका हुन्।

गुणस्तरीय शिक्षाको अवश्यकता महसुस गर्दै विद्यालय शिक्षालाई पहिलो प्राथामिकतामा राखेको गाउँपालिकाका अध्यक्ष लोकेन्द्रबहादुर घलेले बताए। मनाङमा स्थानीय विद्यार्थीभन्दा बाहिरी विद्यार्थी बढी भएकाले आवासीय विद्यालयको आवश्यकता रहेको उनको भनाइ थियो। भौगोलिक विकटताले बालबालिकाको पहुँचमा विद्यालय नहुनु र विद्यालय भएको ठाउँमा पनि बालबालिका नहुँदा केही विद्यालय बन्द हुने अवस्थामा पुगेकाले शिक्षामा सुधार ल्याउन आवासीय विद्यालय बनाइएको हो।

गुणस्तरीय शिक्षाको अभावमा स्थानीयवासीका अधिकांश बच्चा जिल्ला बाहिर जाने र अन्यत्र जिल्लाबाट यहाँ काम गर्न आउने कामदारका बच्चाले विद्यालय धान्नुपरेको थियो। यसरी अस्थायी विद्यार्थीले विद्यालय सञ्चालन गर्दा विद्यालय नै चल्ने नचल्ने अन्योल रहेको अवस्थामा आवासीयको अवधारणाले महत्वपूर्ण भूमिका निर्वाह गरेको विद्यालयका प्रधानाध्यापक सुरेश थापाले बताए।

गत शैक्षिकशत्रमा जम्मा ६० विद्यार्थी रहेको यस विद्यालयमा आवासीय बनेपछि २५० जना पुगेको उनको भनाइ थियो। विद्यालयमा नै बसोबास र खानाखाजाको व्यवस्थासँगै शिक्षकको रेखदेखमा विद्यार्थी रहने हुँदा अभिभावक पनि खुशी भएका छन्। अभिभावक काइली गुरुङले भनिन्, ‘छोराछेरीलाई घरमा आफूले पढाउनका लागि समय दिन नपाउने तर टाढा हुँदा बिगे्रलान की भन्ने चिन्ताका साथै भेट्न जान पनि गाह्रो हुन्थ्यो तर यहाँ भएपछि दैनिक भेटघाट गर्न सकिन्छ।’

आवासीय विद्यालयसँगै मन्टेश्वरी कक्षा र अंग्रेजी माध्यमको पढाइले बाहिरी विद्यार्थीको समेत मन तानेको छ। हाल यस विद्यालयमा कक्षा नर्सरीदेखी १२ सम्म पढाइ हुँदै आएको छ। बाहिरीएका विद्यार्थीसँगै अन्य विद्यालयबाट भर्ना हुन आउने लहर नै चलेको छ। रासस

post image

साउन २५, यमन। यमनमा बालबालिका चढेको बसमाथि हवाई आक्रमण हुँदा कम्तीमा २९ जनाको ज्यान गएको छ भने ३० जना घाइते भएका छन् । रेडक्रसको अन्तर्राष्ट्रिय कमिटीले पिकनिकबाट विद्यालयतर्फ फर्कंदै गरेका बालबालिका चढेकाे बसमाथि उत्तरी सादा प्रदेशको दयान शहरमा आक्रमण भएको जनाएको छ ।तर हुथी विद्रोहीले ४३ को ज्यान गएको जनाएको छ । हुथी विद्रोहीले सञ्चालन गरेको स्वास्थ्य मन्त्रालयले ६१ जना आक्रमणमा घाइते भएको जनाएको छ । यमन सरकारलाई सहयोग गर्दै आएको साउदी नेतृत्वको गठबन्धन बिहीबारको आक्रमणमा दोषी रहेको हुथी विद्रोहीको दावी छ ।

घटनामा कसको हात रहेको थियो र क्षतिबारे तत्काल पुष्टि गराउन कठीन रहेको पनि आइसीआरसीले जनाएको छ । गठबन्धनबाट यसबारे तत्काल कुनै प्रतिक्रिया आएको छैन । राष्ट्रसंघको बालबालिकाको अधिकारका लागि काम गर्ने निकाय यूनिसेफले ‘दर्जनौँ बालबालिकाको मृत्यु हुने गरी भएको रिपोर्टले यूनिसेफ चिन्तित बनेको’ बताएको छ ।

गत हप्ता बिहीबार नै भएको एक आक्रमणमा ५५ सर्वसाधारणको मृत्यु भएको थियो भने १७० जना घाइते भएका आइसीआरसीले बताएको छ । गठबन्धनले ती आक्रमणमा आफ्नो सम्लग्नता नरहेको बताउँदै आएको छ । यमनमा सन् २०१५ देखि शुरु भएको युद्धका कारण अहिलेसम्म १० हजारभन्दा बढी मानिसकोे मृत्यु भएको राष्ट्रसङ्घको तथ्याङ्कमा उल्लेख छ । राष्ट्रसङ्घले यमनमा मानवीय सङ्कट विश्वकै नराम्रो अवस्थामा रहेको जनाएको छ ।

post image

साउन २४,काठमाडौ । नेपाल विद्यार्थी संघ पोखरा विश्वविद्यालय केन्द्रिय समन्वय समितिले पोखरा विश्वविद्यालय अन्तर्गत संचालनमा रहेका अधिकांश क्याम्पसहरु विश्वविद्यालय र सम्बन्धित काउन्सिलले तोकेको मापदण्ड पुरा नगरि सञ्चालनमा रहेको आरोप लगाएको छ।बुधबार रिपोर्टर्स क्लब नेपालमा ‘विश्वविद्यालय सुधार अभियान’ विषयमा पत्रकार सम्मेलन गर्दै समितिका पदाधिकारीहरुले यस्तो आरोप लगाएका हुन् ।

शिक्षाजस्तो पवित्र क्षेत्रमा मापदण्ड पुरा नगरी एकोहोरो नाफामात्र उद्देश्य राखी क्याम्पसहरु सञ्चालन गरेको भन्दै शिक्षामा व्यापारीकरण भएको उनीहरुको आरोप छ ।कार्यक्रममा बोल्दै नेपाल विद्यार्थी संघ केन्द्रिय सदस्य तथा पोखरा विश्वविद्यालय केन्द्रिय समन्वय समिति संयोजक नवराज त्रिपाठीले विश्वविद्यालयबाट सम्बन्धन प्राप्त कलेजहरुले न्यूनतम मापदण्ड पनि पुरा नगरि सञ्चालन गरेको दाबी गरे ।

उनले भने,‘लगभग ५८ ओटा पोखरा विश्वविद्यालयसँग सम्बन्धन प्राप्त कलेजहरु लगायत यसको आंगिक कलेजले आवश्यक न्यूनतम मापदण्ड पनि पुरा गरेका छैनन् । शिक्षक, जमिन, ल्याब लगायतका अन्य बिषयहरुमा हामीले अनुसन्धान गर्यौैँ, तर एउटापनि कलेजहरुले नियमको पालना गरेको पाएनौँ ।’त्रिपाठीले अघि थपे,‘एउटै विश्वविद्यालयको क्याम्पसमा भर्ना हुन समेत फरक मापदण्ड छ । यसले विश्वविद्यालयको परिभाषानै मिचेको छ । विश्वविद्यालय भनेको ज्ञानलाई उब्जाउ गर्ने ठाँउ हो । तर अहिले यसलाई पैसा कमाउने भाँडो बनाएका छन् । यो दुःखद् पक्ष हो।’

विश्वविद्यालयको यस्तो लापरबाहीलाई मध्येनजर गर्दै अनुसन्धानको आधारमा समितीले रिपोर्ट तयार पारेको बताउँदै समितिले एकद्धार प्रवेश परिक्षाको व्यवस्थाको पनि माग गरेको छ । त्यस्तै विद्यार्थीको अनुसन्धनात्मक, प्राज्ञिक र अन्वेषणात्मक कामको लागि रिसर्च तथा डेभलपमेन्ट फण्डको पनि उनीहरुले माग गरेका छन् ।

त्यसैगरि उनीहरुले विद्यार्थीको जायज मागहरु सम्बोधन गर्न क्याम्पसमा स्ववियू निर्वाचन गनुपर्ने तथा विद्यार्थीको सुविधाको लागि काठमाडौ, बुटवल, चितवन र दाङमा विश्वविद्यालयको सम्र्पक कार्यालय स्थापना गर्न समेत माग राखेका छन् र यसको लागि आन्दोलनका कार्यक्रमहरु तय गरेका छन् ।  उनीहरुले अघि सारेका कार्यक्रम अन्र्तगत यही साउन २४ गते विश्वविद्यालयका सबै क्याम्पसहरुमा ज्ञापनपत्र बुझाउने, २६ गतेबाट धर्ना लगायतका बिरोध कार्यक्रम र हरेक क्याम्पस प्राङगणमा क्याम्पसको अनियमित कार्यहरुको भण्डाफोर गर्ने रहेको छ ।

post image

साउन २३, सीड्नी अस्ट्रेलिया । नेपाली चलचित्र क्षेत्रकी नायिका तथा एजुकेशन एन्ड माइग्रेशन कर्नरकी ब्रान्ड एम्बेसडर साम्राज्ञी राज्य लक्ष्मी शाह सहितको उपस्थितीमा नेपालका सात शहरहरुमा उच्च शिक्षा अध्यनमा अस्ट्रेलिया आउन चाहने नेपाली बिध्यार्थीको लागि निशुल्क शैक्षिक परामर्श मेलाको आयोजना गर्ने भएको छ । सीडनीमा रहेको केन्द्रिय कार्यलयमा कुराकानी गर्दै निर्देशक सुनिल उप्रेतीले यसै महिना अगष्ट १८ देखि ३ सेप्टेम्बरसम्म नेपालका बिभिन्न शहरहरुमा कर्नरले शैक्षिक मेला आयोजना गर्न लागेको बताए । यतिखेर अस्ट्रेलियामा नेपाली बिध्यार्थीको निकै बढि चाप रहेको छ ।

अस्ट्रेलियामा आएर मात्र हैन यहा के पढने ,कसरी बिध्यार्थी जिवनलाई अगाडि बढाउने , कस्ता कस्ता बिषय महत्वपुर्ण छन भन्ने बिषयमा ज्ञान नुहँंदा धेरै बिध्यार्थी मर्कामा परेका छन । हामी उनिहरुको उच्च अध्यनका संभावना कठिनाइ र भबिष्यको स्थायीत्वको बिषयमा समेत महत्वपुर्ण सुझाब प्रदान गर्ने छौ, उप्रेतीले बताए । कतिपय नुबुझीकन अस्ट्रेलिया आउदाँ बिध्यार्थीहरुमा विबिध समस्या देखिएको हुँंदा अभिभावक र बिध्यार्थीहरु बिच यहाको परिस्थीती ,पढाइ र बाताबरण , कमाइ अनि पढाइका बारेमा स्पष्ट जानकारी दिनुपर्ने अवस्था पनि आएको छ । हामी त्यस कुरामा बढी सजग छौ,उप्रेतीको कथन थियो ।

छोरा छोरी बिदेश पढन पठाउने अभिभावकले पनि यहाको बिषयमा जान्न र बुझन आवश्यक भएकोले सेमिनारहरुमा अभिभावकको उपस्थीती पनि महत्वपुर्ण रहने उप्रेतीले बताए । कर्नरले अगष्ट १८ मा काठमाडौको अन्नपुर्ण होटलमा ,अगष्ट २० मा चितवनको भरतपुर गार्डे रिर्सोटमा र अगष्ट २१ तारिख हेटौडामा शैक्षिक सेमिनारको आयोजना गर्ने छ । यसैगरी एजुकेशन एन्ड माइग्रेशन कर्नरले २७ अगष्टमा पोखरामा एक सेप्टेम्बरमा बिर्तामोड , २ सेप्टेम्बरमा दमक र तिनमा इटहरीमा शैक्षिक परामर्श सेमिनारको आयोजना गर्ने उप्रेतीले बताए । उनले उच्च शिक्षाको आकर्षण मात्र हैन यहा देखिएका अप्ठ्यारा पाटाहरुलाई समेत अभिभावकबिच बसेर छलफल चलाउनुका साथै बिभिन्न बिश्वबिद्यालयद्धारा प्रदान गर्ने छात्रबृतीका बिषयमा समेत बिध्यार्थीलाई अवगत गराउने योजना रहेको सुनाए ।

उप्रेतीले समिनारमा अस्ट्रेलियाका कलेज र बिश्वबिद्यालयका प्रतिनिधीहरुसँंग समेत सिधा कुरा गर्न सकिने र प्रकृया अगाडि बढीसकेपछि निशुल्क बारिस्टा लातिम दिइने बताए । त्यस बाहेक सेमिनारमा ब्रान्ड एम्बेसडर साम्राज्ञी राज्य लक्ष्मी शाह र उत्प्रेरक सुदन ज्ञवालीले कसरी सफल योजना बुन्ने बिषयमा प्रवचन पनि दिने कार्यक्रम रहेको बताए । यती मात्र नभइ सेमिनारमा सहभागिहरुलाई बिभिन्न आकर्षक उपहारको ब्यवस्था पनि गरिएको उप्रेतीले सुनाए ।

post image

साउन  २१,मेचीनगर ।  लक्ष्मी एजुकेसनल कन्सल्टेन्सीले उच्च शिक्षा अध्ययनका लागि उत्तरपूर्वी भारतको डाउन टाउन युनिभर्सिटी जाने ३० नेपाली विद्यार्थीलाई आइतबार कार्यक्रमका बीच बिदाइ गरेको छ ।

डाउन टाउन युनिभर्सिटीको नेपालका लागि प्रतिनिधि रहेको लक्ष्मी एजुकेसनल कन्सल्टेन्सीले काँकरभिट्टामा एक कार्यक्रमको आयोजना गरी १० जना अभिभावकसहित ४० जनालाई भारतको आसामतर्फ बिदाइ गरेको लक्ष्मी कन्सल्टेन्सीका प्रमुख शङ्कर भट्टराईले बताए ।

यही अगस्ट महिनादेखि अध्ययन सुरु भइसकेकाले विद्यार्थीलाई एकै समुह बनाएर आफ्ना व्यवस्थापकसहित आसामतर्फ पठाइएको भट्टराईले बताए ।बिदाइ भएका विद्यार्थीमा आँखा सम्बन्धी अध्ययन गर्ने अप्टीमेट्रीक, डायलेसीस, ओटी टेक्निसियन, बीबीए, फुड न्युट्रिसियन, फिजियोथेरापी र रेडियोलोजी अध्ययनका लागि भर्ना भएका लक्ष्मी एजुकेसन कन्सल्टेन्सीका व्यवस्थापक उत्सव बनले जानकारी दिए ।

विद्यार्थी बिदाइ कार्यक्रममा कन्सल्टेन्सीका प्रमुख शङ्कर भट्टराई, स्थानीय नागरिक अगुवा दुर्गाप्रसाद सापकोटा र पत्रकार मोहन काजीले शुभकामना मन्तव्य राखेका थिए ।

post image

साउन २१,काठमाडौं । नेप्लिज मेडिकल स्टुडेन्ट एशोसिएशन बंगलादेशका अध्यक्ष नविन यादवले चिकित्सा शिक्षा अध्ययन गर्न बिदेशमा पुगेका विद्यार्थीहरुको बारेमा उठेका प्रश्न र समस्याहरु ७२ घण्टाभित्र सरकारले सम्बोधन गर्ने प्रयास नथाले कडा आन्दोलनमा उत्रिने चेतावनी दिएका छन ।
आईतबार रिपोर्टर्स क्लब नेपालमा एशोसिएशनले आयोजना गरेको पत्रकार सम्मेलनमा बोल्दै अध्यक्ष यादवले यस्तो चेतावनी दिएका हुन ।

उनले भने,‘नेपाली समाजले कुनैपनि कुराको परिणाममात्रै देख्छ तर त्यसको पछाडिको कारण कहिल्यै जाँन्दैन, वर्तमान समयमा राज्यका विभिन्न स्थानमा बसेर काम गरिसकेका व्यक्तिहरुले नै विदेशमा चिकित्सा शिक्षा अध्ययन गर्न पुगेका विद्यार्थीहरुको अस्तित्व र भविष्यमाथि विभिन्न प्रकारका प्रश्नहरु खडा गर्नुभएको स्थिति छ ।

’अध्यक्ष यादवले अघि थपे,‘अहिले चिकित्सा शिक्षा अध्ययन गर्न ८ हजार नेपाली विद्यार्थीहरु विदेशमा छन्, तिनीहरुसँग नेपालका एजुकेशन कन्सल्टेन्सीहरुले चर्को शुल्क लिने गरेका छन्, तर विदेशमा पुगेका विद्यार्थीहरुको अवस्थाका बारेमा कुनै जानकारी नलिने, सोधिखोजि नगर्ने स्थिति छ, यसका बारेमा सरकारले तत्काल छानविन गर्नुपर्छ, नेपाली मेडिकल काउन्सिल र शिक्षा मन्त्रालयको स्विकृतिमा विदेशमा पढ्ने जाने तर प्रायजसो विदेशका कलेजहरु कालो सूचिमा परिसकेको हुने र विद्यार्थीहरु कालो सूचिमा परेका कलेजहरुमा पढ्न बाध्य हुने स्थिति छ, बंगलादेशमा ३७ वटा मेडिकल कलेजहरु कालो सूचिमा परेका छन।’

नेपाल मेडिकल काउन्सिल र एजुकेशन कनसल्टेन्सीको मिलेमतोमा मापदण्ड नपुगेका बिदेशी कलेजहरुलाई स्विकृति दिने गरेका दाबी गर्दै उनले भने,‘कालो सूचिमा परेका ८ देखि १० वटा मेडिकल कलेजमा करिब १ सय ५० जना जति नेपाली विद्यार्थीहरु अध्ययनरत छन्, तिनीहरुलाई नेपालमै स्थानान्तरण गर्न र एजुकेशन कन्सल्टेन्सीहरुलाई छानविन गरि दोषीलाई कानूनी कारबाही गर्न जोडदार माग गर्दछु।’पत्रकार सम्मेलनमा मधेशी चिकित्सक संघका प्रवक्ता डा. विनय पञ्जियारले नेपालको स्वास्थ्य शिक्षा विश्वकै उत्कृष्ट भएको भन्दै विदेशमा पढ्न जाने विद्यार्थीहरुलाई रोक्न सरकारलाई सुझाव दिएका छन् ।

उनले भने,‘नेप्लिज मेडिकल स्टुडेन्ट एशोसिएशन बंगलादेशले उठाएका मागहरु जायज छन्, हाम्रो समर्थन छ, देशभरका सम्पूर्ण चिकित्सक, संघ संस्थाहरुलाई वर्तमान समयमा देखिएका समस्या समाधान गर्नको लागि पनि आग्रह गर्दछु ।’उनले अघि थपे,‘कांग्रेसका यूवा नेता गगन थापा, सत्याग्रही डा.गोविन्द केसीलगायत स्वास्थ्य क्षेत्रको आमुल परिवर्तनमा लाग्नुभएका सबैलाई बिदेशमा रहेर पढ्दै गरेका विद्यार्थीहरुको समस्याहरु समाधान गर्नमा जुट्नुहुनेछ भन्ने मैले विश्वास लिएको छु ।’

 

post image

साउन १८, काठमाडौं । २०७२ साल बैशाख १२ गतेको प्रलयकारी महाभूकम्पले क्षतिग्रस्त भएको भानु माध्यमिक विद्यायलय ९दरबार हाईस्कुल० को पुर्ननिर्माणको काम सुरु गरिएको छ । चीन सरकारको सहयोगमा पुनर्निर्माण गर्न लागिएको सो विद्यालयको शुक्रबार एक समारोहका बीच शिक्षा, विज्ञान तथा प्रविधि मन्त्री गिरिराजमणि पोखरेल र नेपालस्थित चिनीया राजदुत यु होङले संयुक्त रुपमा सिलन्यास गरेका हुन् ।

भूकम्पछिको भौतिक संरचना पुर्ननिर्माणका लागि २३ जुलाई २०१५ मा २५ वटा पुर्ननिर्माणका आयोजनामा नेपाल सरकार, अर्थमन्त्रालय र चीन सरकारको बाणिज्य मन्त्रालयबीच भएको सम्झौता अनुसार विद्यालयको पुनर्निर्माण कार्य चीन सरकारले गर्न लागेको हो । विद्यालय पुर्ननिर्माण कार्यको सिलन्यास गर्दै मन्त्री पोखरेलले तोकिएकै मिति र निर्धारित डिजाईनमा गुणस्तरीय भौतिक संरचनाको निर्माण हुनेमा आफु विश्वस्त रहेको बताए ।

मन्त्री पोखरेलले आफुले शिक्षा मन्त्रालयको जिम्मेवारी सम्हालेपछि १० बुँदे मार्गचित्र सार्वजनिक गरेको र त्यसमा सम्पूर्णतामा विद्यालयको अवधारणा पनि समावेश रहेको उल्लेख गर्दै पुनर्निर्माणपछि दरबार हाईस्कुल पनि सम्पूर्णतामा विद्यालयको अवधारणामा अघि बढ्ने विश्वास आफुले लिएको बताए । चीन सरकार आफैले छानेको निर्माण व्यवसायीद्वारा पुनर्निर्माण गर्न लागिएको यो विद्यालयको २० महिनाभित्र निर्माण कार्य सम्पन्न गर्नुपर्ने छ । १ सय ६५ वर्ष पहिले स्थापना भएको यो विद्यालय मुलुककै जेठो विद्यालय हो ।

post image

साउन १७, काठमाडौं । बंगलादेशमा एमबिबिएस अध्ययनरत एक नेपाली विद्यार्थीले आत्महत्या गरेका छन्। एमबिबिएसको पढाइ सकेर एक साताअघि मात्र इन्टर्सिप सुरु गरेका राजिव श्रीवास्तवले बुधबार आत्महत्या गरेका हुन्।

उनले ढाकास्थित कम्युनिटी बेस्ड मेडिकल कलेजमा एमबिबिएस अध्ययन गरेका थिए। पढाइ सकेपछि हालै मात्र अस्पतालमा इन्टर्नसिप गर्न सुरु गरेका उनले कलेजका प्रिन्सिपलसँगको विवादका कारण आत्महत्या गरेको खबर बाहिर आइरहेको छ।कलेजले उनीसँग अतिरिक्त शुल्क माग गरेपछि विवाद बढेको त्यहाँ अध्ययनरत एक नेपाली विद्यार्थीले जनाएका छन्।  बंगलादेश प्रहरीले भने आत्महत्याको कारणबारे अनुसन्धान भइरहेको जनाएको छ।

श्रीवास्तवले आत्महत्या गरेपछि कलेजका प्रिन्सिपल मिर्जा मन्जुरुल हकले ‘आत्महत्या सामान्य कुरा हो’ भनेपछि नेपालीसहित बंगलादेशी विद्यार्थी आक्रोशित बनेका छन्। नेपाली विद्यार्थीका अनुसार श्रीबास्तावले होस्टलको कोठामा बुधबार बिहान साढे ११ बजे झुन्डिएर आत्महत्या गरेका हुन्। उनी होस्टलको कोठा नम्बर ३२० मा बस्दै आएका थिए। उनीसँगै रहेका साथी बाहिर गएको समयमा उनले आत्महत्या गरेका हुन्।

 

post image

साउन १७ ,काठमाडाैं  ।  कक्षा १२ काे परीक्षाफल प्रकाशित भएको छ । बिहीबार बिहान राष्ट्रिय परीक्षा बोर्डले परीक्षाफल प्रकाशित गरेको हो । नियमिततर्फ कुल २ लाख ९९ हजार ६७५ परीक्षार्थीमध्ये ९७ जनाको परीक्षा रद्ध गरिएको छ । भने २ जनाको स्थगित गरिएको बोर्डले जानकारी दिएको छ ।

त्यस्तै, अांशिकतर्फ १ लाख १७हजार ४१४ मध्ये २० जनाको परिक्षा रद्ध गरिएको छ भने ४ जनाको परीक्षा स्थगित गरिएको छ । त्यस्तै ४१ हजार ३२५ परीक्षार्थी उत्तीर्ण भएका छन । जुन ३५ दशमलव २ प्रतिशत हो ।

नतिजा अनुसार ३ दशमलव ६१ देखि ४ दशमलव ० ग्रेड प्राप्त गर्नेको संख्या १ हजार १६९ छ । ३ दशमलव २१ देखि ३ दशमलव ६० सम्म ११ हजार २२१ जनाले ल्याएका छन् । २ दशमलव ८१ देखि ३ दशमलव २० जीपीएप्राप्त गर्नेको संख्या २७ हजार  ६४३ छ । त्यस्तै, २ दशमलव ४१ देखि २ दशमलव ८० सम्म जीपीए ल्याउनेको संख्या ५८ हजार ३४५ छ ।

२ दशमलव ०१ देखि २ दशमलव ४० जीपीए ल्याउनेको संख्या ९० हजार २९९ छ । १ दशमलव ६१ देखि २ दशमलव ०० जीपीए ल्याउने २२ हजार ७३४ छ ।

त्यस्तै, ० दशमलव ८१ देखि १ दशमलव २० जीपीए ल्याउनेको संख्या ४ हजार ४८७ छ । ० दशमलव ०० देखि ० दशमलव ८० सम्म ल्याउने १९९ छन् । भने कुल १२ हजार ७० जना एब्सेन्ट रहेको बोर्डले जानकारी दिएको छ ।

यसरी हेर्न सकिन्छ नतिजा

नतिजा हेर्नेका लागि www.neb.gov.np  नेपाल टेलिकमको www.neb.ntc.net.np मा हेर्न सकिन्छ ।

post image

साउन १७,काठमाडौँ । सरकारले नेपाल संस्कृत विश्वविद्यालयका उपकुलपति प्रा.डा. कुलप्रसाद कोइरालाले स्वीकृति नलिई विदेश जान लागेको र उनीमाथि परेका विभिन्न आर्थिक अनियमितताका सम्बन्धमा छानबिन गरी प्रतिवेदन पेश गर्न चार सदस्यीय समिति गठन गरेको छ।

उपकुलपति प्रा.डा. कोइरालाको विश्व संस्कृत सम्मेलनमा सहभागी जनाउने प्रक्रियामा भए गरेका विषय र विश्वविद्यालयसम्बन्धी परेका विभिन्न उजुरी तथा गुनासाको सम्बन्धमा आवश्यक छानबिन गरी प्रतिवेदन पेश गर्न प्रा.डा. राममान श्रेष्ठको संयोजकत्वमा शिक्षा, विज्ञान तथा प्रविधि मन्त्रालयले बुधबार छानबिन समिति गठन गरेको हो।

समितिमा प्रा.डा. लक्ष्मीप्रसाद मैनाली, नेपाल ल क्याम्पस, डा. विकास अधिकारी, विश्वविद्यालय अनुदान आयोग र देवकुमारी गुरागाईं, सहसचिव सदस्य रहेको मन्त्रालयका प्रवक्ता वैकुण्ठप्रसाद अर्यालले जानकारी दिए।

गत असार २३ गते १७औँ विश्व संस्कृत सम्मेलनमा भाग लिन जाने क्रममा कुलपति एवं प्रधानमन्त्री केपी शर्मा ओली र शिक्षा मन्त्रालयबाट बिदा स्वीकृत नगराइएको पाइएपछि उपकुलपति कोइरालालाई त्रिभुवन अन्तर्राष्ट्रिय विमानस्थलबाट फर्काइएको थियो। विमानस्थलबाट फकाई प्रधानमन्त्री ओलीलाई भेट्न भनी कुराइए पनि भेट नगराइएको र आफूले बिदाका लागि निवेदन दिए पनि समयमा निर्णय नदिएको कोइरालाको गुनासो छ।

कोइरालाको सो भनाइलाई विश्वविद्यालयकै पदाधिकारीले सार्वजनिक रुपमा खण्डन गरेका थिए। सो विषय संघीय संसद्मा पनि आवाज उठेपछि सरकारले कोइरालाबारे परेका उजुरीका सम्बन्धमा छानबिन गर्ने शिक्षामन्त्री गिरिराजमणि पोखरेलले प्रतिबद्धता व्यक्त गरेका थिए।

नेपाल प्रगतिशील प्राध्यापक संगठन र नेपाल राष्ट्रिय प्राध्यापक संगठनले उपकुलपति कोइरालाले विश्वविद्यालयको ऐन, नियम, विधि तथा प्रचलित परम्पराको उल्लंघन गरेर अनियमितता गर्दै आएकाले छानबिन गर्न माग गरेका थिए।

विश्वविद्यालय अन्तर्गत १४ विद्यापीठमध्ये १३ वटामा प्राचार्य र अनुसन्धान केन्द्रका कार्यकारी निर्देशक आफुखुसी नियुक्त गरेको तथा संस्कृत सम्मेलनमा सहभागी हुन गएका अन्य ६ जना व्यक्ति गैरसंस्कृतविद् भएको ती संगठनले जनाएका थिए।

सम्बन्धन स्थगन

यसैबीच कृषि तथा वन विज्ञान विश्वविद्यालय, रामपुर चितवनको कार्यकारी परिषद्को निर्णयबाट विभिन्न क्याम्पसलाई प्रदान गरिएको सम्बन्धनका नेपाल सरकार, मन्त्रिपरिषद्को मिति यही साउन १४ को निर्णयबाट स्थगन गरिएको शिक्षा मन्त्रालयले जनाएको छ।

शिक्षा, विज्ञान तथा प्रविधि मन्त्रालयमार्फत सबै विश्वविद्यालयलाई निर्देशन दिन स्वीकृति प्रदान गर्ने तथा कृषि तथा वन विज्ञान विश्वविद्यालयले गत असार २० मा प्रदान गरेका सबै अस्थायी सम्बन्धनको स्वीकृति रद्द गरिएको छ। रासस

post image

साउन १७,काठमाडौँ । साझा प्रकाशनबाट अवकाश लिएका पूर्वकर्मचारी अनुदान बापतको रकम नपाएको भन्दै आन्दोलित भएका छन्। स्वैच्छिक अवकाश, उमेर हद तथा राजीनामा दिई निवृत्त भएका १ सय २८ जना कर्मचारी अनुदानबापतको रकम नपाएपछि आन्दोलित भएका हुन्। साझाले गरेको प्रतिबद्धता अनुसार २० प्रतिशत मात्रै रकम पाएको भन्दै गत साउन १ गतेबाट प्रकाशनको कार्यालय परिसरमा पूर्वकर्मचारी धर्ना दिइरहेका छन्।

पटकपटक भएको प्रतिबद्धता अनुसारको रकम नपाउँदा आफूहरू हप्तौंसम्म धर्ना बस्नुपरेको पूर्वप्रबन्धक प्रेमबहादुर कार्कीले बताए। ‘प्रकाशनका स्थायी कर्मचारीलाई २०७३ सालमा पटकपटक गरी जम्मा १ सय २८ जनालाई अवकाश दिन लगाइयो। अवकाशबापत हामीले अहिलेसम्म जम्मा २० प्रतिशत मात्रै रकम पायौं। अरू पाएनौं’, उनले भने। जसको २० वर्ष सेवा अवधि पुगेको छैन, त्यस्ता कर्मचारीलाई समेत २० वर्ष सेवा अवधि पुगे सोसरहको सेवासुविधा उपलब्ध गराइनेछ भन्दै राजीनामा दिन लगाएको उनले बताए। उनले भने, ‘तर हामीले प्रतिबद्धताअनुसारको कुनै पनि रकम पाएनौं। हामीमाथि अन्याय भयो।’

०७३ पुस १४ गते साझा प्रकाशनद्वारा जारी प्रतिबद्धतापत्रमा आर्थिक अभावका कारण संस्थाको अस्तित्व नै संकटमा पर्ने खतरा बढ्दै गएको हुँदा जनशक्ति कटौती गरी प्रकाशनलाई चुस्त बनाउन खोजिएको उल्लेख छ। अध्यक्ष तथा महाप्रबन्धक डोलिन्द्रप्रसाद शर्माको हस्ताक्षर रहेको पत्रमा स्वैच्छिक अवकाश लिएका कर्मचारीलाई विभिन्न समयमा सम्पूर्ण रकम उपलब्ध गराउने भनिएको छ। १४ बुँदे प्रतिबद्धतापत्रमा भनिएको छ, ‘संस्थाको स्वैच्छिक अवकाश योजनाअनुसार अवकाश हुने कर्मचारीलाई बरबुझारथ सम्पन्न भएको एक महिनाभित्र पाउनुपर्ने तलबभत्तालगायतको सम्पूर्ण रकम र उपदानको २० प्रतिशत, २०७४ असार मसान्तसम्म बाँकी ३० प्रतिशत र आगामी २०७४ पुस १३ गतेभित्र बाँकी सम्पूर्ण रकम भुक्तानी गरिनेछ।’

तर प्रतिबद्धताअनुसार रकम नपाइएको पूर्वप्रबन्धक कार्कीले बताए। ‘अवकाश लिएका कर्मचारीलाई देखाउँदै महाप्रबन्धकज्यूले प्रधानमन्त्रीबाट ३० करोड रुपैयाँ ल्याउनुभयो’, उनले भने, ‘त्यो रकमबाट हामीले केही पनि पाएनौं।’ एक सय २८ जनामध्ये जम्मा ४ जनाले मात्रै पूरा पैसा लगेको र बाँकीले नपाएको उनले बताए।

समयावधिभित्र प्रतिबद्धता पूरा नभएपछि साझाबाट फेरि अर्को प्रतिबद्धता भयो। २०७५ वैशाख २१ मा महाप्रबन्धक शमाकै हस्ताक्षर रहेको अर्को प्रतिबद्धतामा सेवानिवृत्त कर्मचारीलाई दिनुपर्ने रकम चुक्ता गर्न विविध कारणवश नसकेकाले नेपाल सरकारबाट अनुदान तथा ऋण लिई वा संस्थाको स्थायी सम्पत्ति सरकारको स्वीकृतिमा धितो वा बेचबिखन गरी रकम जोहो गरी २०७५ असार मसान्तसम्म उपलब्ध गराउने उल्लेख छ। साथै उक्त समयभित्र रकम उपलब्ध गराउन नसके साउन १, २०७५ देखि सम्पूर्ण अवकाशप्राप्त कर्मचारीलाई यथावत् रूपमा पुनर्बहाली तथा उमेर हद सेवानिवृत्त कर्मचारीलाई करार नियुक्ति गर्ने उल्लेख छ।

आफूहरू सोही प्रतिबद्धताअनुसार साउन १ गतेबाट परिसरमा उपस्थित भएको पूर्वप्रबन्धक तारा चालिसेले बताइन्। उनले भनिन्, ‘काँधमा सरकारको किताब बोकेर ३० वर्षसम्म आफ्नो ऊर्जाशील समय खर्च ग¥यौं। अहिले संस्था र राज्यले धोका दियो। हामीमाथि अन्याय गरियो।’ अहिले महाप्रबन्धक शर्माले आफूहरूलाई पटकपटक झुलाइरहेको उनले बताइन्।

आफूहरूले साझाबाट प्रतिव्यक्ति ५० हजारदेखि ४० लाख रुपैयाँसम्म पैसा पाउनुपर्ने प्रकाशनका पूर्वकर्मचारी डेसर राईले जानकारी दिए। ‘हामीले पाउनुपर्ने रकम पाएका छैनौं। पाउनुपर्ने तलबसमेत नपाउँदा उपचार गर्नै नपाएर धनगढी शाखामा कार्यरत कर्मचारी भरतीया चौधरीको मृत्यु भयो’, राईले भने, ‘यस्तो दुःखद अवस्थामा पनि संस्थाको मन पग्लिएन। हामीमाथि अन्याय भयो।’ नाम उल्लेख नगर्ने सर्तमा साझामा हाल कार्यरत एक कर्मचारीले महाप्रबन्धक शर्माले साझालाई डुबाएको दाबी गरे। उनले भने, ‘उहाँहरूको माग जायज छ। तर महाप्रबन्धकज्यू कार्यान्वयन गर्ने पक्षमै देखिनुहुन्न।’ साझा निरन्तर अधो गतिमा रहेको समेत उनले बताए।

पूर्वप्रबन्धक धीरेन्द्र खनाल राजीनामा दिने बेला अनुदान र सेवासुविधाबापतको रकम पाइन्छ भन्दै जबर्जस्ती राजीनामा गर्न लगाइएको बताउँछन्। पटकपटक प्रतिबद्धता जनाउँदा पनि रकम नपाएपछि उनीहरू प्रधानमन्त्री र शिक्षामन्त्रीको कार्यालयमा पुगेर गुनासो गरेको उनले सुनाए। पूर्वप्रबन्धक खनालले भने, ‘प्रधानमन्त्री, शिक्षामन्त्री र अर्थमन्त्रीको कार्यालयदेखि राष्ट्रिय मानवअधिकार आयोगसम्म पुगेर हाम्रा समस्याप्रति ध्यानार्कषण गराएका छौं। तर अझै केही पनि उपलब्धि भएको छैन।’

साझा प्रकाशनका महाप्रबन्धक शर्माले उनीहरूलाई अनुदान रकम दिएर अवकाश दिइएको बताए। साझा आफ्नै आम्दानीबाट चल्ने संस्था हो। २ सय ४४ जना कर्मचारी संस्थाले पाल्न नसक्ने भएपछि उहाँहरूलाई अनुदानमा निस्कन भनिएको हो। उहाँहरूलाई पहिला १६ प्रतिशत र पछि २० प्रतिशत रकम दिइसकिएको र छिट्टै माग सम्बोधन हुने उनले बताए। उनले भने, ‘आम्दानी र खर्चको सन्तुलन मिलाउन यस्तो गरिएको हो। उहाँहरूको माग छिट्टै सम्बोधन हुन्छ।’

साझाका पूर्वसञ्चालक समितिका सदस्य तथा साहित्यकार हरिगोविन्द लुइँटेल कर्मचारीले पाउनुपर्ने रकम पाउनुपर्ने मत राख्छन्। साथै उनी साझामा देखिएको पछिल्लो समस्या संरचनागत कारणको परिणाम भएको बताउँछन्। साझा प्रकाशन समस्यामा पर्नुको कारण साझाबाट प्रकाशित हुने सामग्रीहरू खोसेर निजी कम्पनीलाई दिनुले समस्या निम्तिएको उनी बताउँछन्। भन्छन्, ‘साझाले वितरण गरिरहेको पुस्तक सरकारले खोसेर निजीलाई दियो। त्यहीँबाट साझा समस्यामा फस्न थाल्यो’, उनले भने। निजीकरणको पछिल्लो सिकार साझा प्रकाशन भएको उनको दाबी छ।

post image

साउन १४,काठमाडौं । किड्जी प्रिस्कुलको स्वामित्वमा नेपालमा आइकेयर नामक कार्यक्रमको आयोजना भएको छ । काठमाडौँको रविभवनमा रहेको किड्जी कलंकीले नेपालमा रहेका अन्य किड्जी प्रिस्कुलको सहभागितमा उक्त कार्यक्रमको आयोजना गरेको हो ।

नेपालमा रहेका प्रिस्कुल मध्ये किड्जीद्वारा संचालित किड्जी प्रिस्कुल उत्कृष्टहरु मध्ये एक रहेको कुरा आयोजकले जनाएका छन् । किड्जीले कार्यतालिका अनुसार प्रत्येक २ बर्षमा इन्डिया बाटै आएर नयाँ शिक्षकशिक्षिकालाई तालिम प्रदान गर्दै आएको छ । यही मौकामा नेपालका लागी एकेडेमिक मेनेजर किड्जी इन्डिया प्रसिला जोसेपले अभिभावकमाझ आइकेयर नामक एक बिशेष कार्यक्रमको आयोजना गरेको बताउनुभयो ।

कार्यक्रममा “बालबालिका दुर्ब्यबहार – पहिचान र रोकथाम “ भन्ने मुद्दालाई अभिभावकमाझ छलफल गरिएको थियो । यदी नानीहरु बिद्यालय जान मन पराउँछन भने बिद्यालयको बातावरण सही रहेको , परिवारले सही बिद्यालय छनौट गरेको कुरामा बिश्वास गर्न सकिने किड्जीका संचालकले बताउनुभयो । किड्जी प्रिस्कुल बालबालिकाहरुको लागी सही रहेको कुरा समेत संचालकले बताउनुभयो ।

किड्जीमा बालअधिकारलाई प्रथम प्राथमिकताका साथ आधुनिक विधिबाट अनुशन्धानमुलक पाठ्यक्रम र अनुभवी शिक्षकशिक्षिकाद्वारा अध्ययनअध्यापन गराइने गरिन्छ ।

किड्जी प्रिस्कुलको स्वामित्व

किड्जी प्रिस्कुल जी ग्रुप र एसेल वर्ल्डको एउटा भाग हो । किड्जी एशियाकै ठुलो चेन प्रिस्कुल हो जसमा इन्डियाका ७०० शहरमा सत्र सय भन्दा बढी केन्द्रहरु रहेका छन् । नेपालमा भने ७ वटा केन्द्रहरु रहेका छन् ।

post image

साउन १३,काठमाडौं । सत्तारुढ दल नेपाल कम्युनिष्ट पार्टी (नेकपा) का यूवा नेता ठाकुर गैरेले कृषि तथा वन विज्ञान विश्वविद्यालयको बारेमा साझा धारणा सार्वजनिक गर्नको लागि नेतृत्वलाई दबाब दिईरहेको बताएका छन् । आईतबार रिपोर्टर्स क्लब नेपालमा कृषि तथा बन विज्ञान विश्वविद्यालय रामपुर चिवनका सम्पूर्ण प्राध्यापक एवम् क्रियाशील सम्पूर्ण विद्यार्थी संगठनहरुले पत्रकार सम्मेलन गरेर प्राध्यापक तथा विद्यार्थीहरुको २१ दिनदेखिको आन्दोलनलाई ऐक्यवद्धता जनाउदै गैरेले यस्तो बताएका छन् ।

उनले भने,‘हाम्रो पार्टीले कृषि तथा वन विज्ञानका विषयमा उचित धारणा सार्वजनिक गर्नुपर्छ, कृषि तथा वन विज्ञानका बारेमा हामीले पहिलेका वर्षमापनि हामीले आन्दोलन गरेका थियौं, आजपनि उस्तै समस्याहरु छन्, यसका बारेमा सरकार जिम्मेवार हुनुपर्छ ।’

त्यस्तै कार्यक्रममा सत्तारुढ दल नेकपाका अर्का नेता लेखनाथ न्यौपानेले निजी शैक्षिक क्षेत्रमा भैरहेको लगानीलाई दलाल पूँजीको संज्ञा दिएका छन् । नेकपाका अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले चुनावमा जारी गरेको घोषणापत्रको स्मरण गराउँदै मुलुककै एकमात्रै प्राविधिक कृषि तथा वन विश्वविद्यालयको अहिलेको भद्रगोल स्थितिलाई बुझ्न आग्रह गरे ।

उनले भने,‘चितवनमा रहेको कृषि तथा वन विज्ञान विश्वविद्यालयको स्थापना कुन उद्देश्यमा रहेर गरिएको थियो ? आज त्यसको स्थिति के छ ? चुनावमा अध्यक्षज्यूले जारी गर्नुभएको घोषणापत्रमा के समावेश थियो ? त्यसका बारेमा स्मरण गर्न आग्रह गर्दछु, हाम्रो संविधान समाजवादी मार्गतर्फ उन्मुख भएका कारण निजी क्षेत्रलाई प्रसय दिनु संविधानको भावनाविपरित हुन्छ भन्ने कुरा नेकपाको नेतृत्वले बेलैमा जान्नुपर्छ ।’

उनले अघि थपे,‘वर्तमान समयमा विद्यार्थीहरुले जारि राखेको आन्दोलनले उठाएका मागहरु कृषि क्षेत्रको हितमा छन्, कृषि तथा बन विज्ञान विश्वविद्यालय विषयगत विश्वविद्यालय हो, यसको क्षेत्राअधिकार फरक हुनुपर्छ, ल्याण्ड ग्राण्ट मोडेल विश्वविद्यालयले विश्वभरिको मान्यताले निजि क्षेत्रलाई सम्बन्धन दिएको पाईंदैन, विषयभन्दा बाहिर गएर विभिन्न विश्वविद्यालयले सम्बन्धन दिने काम गरिरहेका छन्, यो कृषि तथा बन विश्वविद्यालयको स्थापनाको म्याण्डेट बिपरित छ।’

कार्यक्रममा नेपाल राष्ट्रिय प्राध्यापक संगठन रामपुर चितवनका कोषाध्यक्ष होमनाथ गिरीले निजी कलेज र सरकारी ‘आंगिक कलेज’ स्थापना गर्न हाम्रो विश्वविद्यालयले फरक मापदण्ड बनाएको आरोप लगाएका छन् । गिरीकै कुरालाई सहमति जनाउँदै अर्का वक्ता उदितप्रकाश सिग्देलले विश्वविद्यालयले निजी र आंगिक कलेज स्थापना गर्नको लागि फरक मापदण्ड तोकेको बताउँदै भने,‘निजिलाई २ विघा जमिन चाहिने र आंगिक कलेज खोल्दा ८ विघा जमिन चाहिने भनेको छ, कृषि जस्तो विषयलाई २ विघामा के गरेर पढाउने ? कुन खालको जनशक्ति उत्पादन गर्ने ? दुई विघामा कति खेतीका अभ्यास गर्न सकिन्छ ?

अखिल क्रान्तिकारी विश्वविद्यायल कमिटिका अध्यक्ष नगेन्द्र दाहालले शैक्षिक माफीयाको चंगुलमा परेर पुरानो सहमति विपरित विश्वविद्यालयका पदाधिकारीहरुले चोर बाटोबाट निजी क्षेत्रलाई मनलाग्दी तरिकाले सम्बन्धन दिएको आरोप लगाए । कृषि तथा वन विज्ञान विश्वविद्यालयमा भैरहेको राजनीतिकरण र मनपरितन्त्रको अन्त्यसँगै यस वर्ष दिएको ८ वटा सम्बन्धन खारेजीको माग गर्दै विद्यार्थी नेताहरुले सरकारको ध्यानाकर्षण गरेका छन् । विश्वविद्यालय अन्तर्गतका चितवन, मकवानपुर, काँस्की, सिन्धुली, धनकुटा, कैलालीमा रहेका कृषि तथा वन क्याम्पसहरुमा विगत २१ दिनदेखि शैक्षिक तथा पठपाठन कार्य रोकिएको छ ।

post image

साउन १३,काठमाडौँ। विदेश पढ्न जान चाहने बिद्यार्थीका लागी परामर्श प्रदान गर्ने संघसंस्था कन्सल्टेन्सी दिनहुँ बढ्दै गइरहेका छन् । हाल यस्तै एक परामर्श संस्था नेपाल भित्रिन गइरहेको छ र त्यसको बिरोध पनि सुरु भइसकेको छ ।

केहिदिन अघि बिदेशी संस्था आइडीपीले एक पत्रकार सम्मेलन गरेर नेपालमै संस्था खोलेर विदेशमा अध्ययन गर्न जान चाहने बिद्यार्थीका लागी एक परामर्श प्रदान गर्ने घोषणा गरेको थियो । आइडिपी जस्ता संस्था नेपालमा खुल्दा बिभिन्न असर पर्ने भन्दै परामर्श संघ फेकन, इक्यान , आइरिन लगायतका संस्थाहरुले संयुक्तमा पत्रकार सम्मेलन गर्दै बिरोध गरेका छन् ।

यस क्षेत्रमा बिदेशी लगानी आउँदा अत्यन्त कम लगानी हुने र नेपालबाट बाहिरिने रकम अत्यन्त बढी हुने परामर्श संघहरुको दाबी रहेको छ । त्यस्तै आइडिपी जस्ता आइएलटिएस परिक्षा संचालन गरिरहेका कम्पनि नेपाल आउँदा नेपालको डाटा लिकेज हुने र विद्यार्थीले भरेको डाटाबाट त्यस्ता संस्थाले आफ्नो हतियार बनाई त्यहि विद्यार्थीसंग सम्बन्धित परामर्श गर्न सक्ने उनीहरुले चिन्ता व्यक्त गरेका छन् ।

शिक्षा मन्त्रालयले आइडिपी लगायतका संस्थालाई नेपालमा लगानी गर्न नदिनु भन्ने राय उद्योगमन्त्रालयलाई पठाएको थियो । तर राजनीति नेताहरुसंग नेक्सस बनाएर दबाब दिंदै आइडिपी नेपालमा संचालन गर्न लागिपरेको र राजनीतिको आडमा हुन् लागेको आक्रमणबारे आवाज उठाएर यस क्षेत्रलाई मर्यादित बनाउन आफुहरु लागिपरेको जारी बिज्ञप्तिमा उल्लेख गरिएको छ । यस्तो छ बिज्ञप्ति

 

 

 

 

post image

साउन १०, काठमाडौं । ईन्डियन टिचर एशोसिएशन अफ नेपालका अध्यक्ष अरुण नारायण तिवारीले नेपाल सरकारबाट उचित किसिमको सेवा सुविधा नपाएको गुनासो गरेका छन् । बिहिबार रिपोर्टर्स क्लब नेपालमा ईन्डियन टिचर एशोसिएशन अफ नेपालले पत्रकार सम्मेलन गरेर नेपाली शिक्षक बराबर सेवा

सुविधा नपाएको भन्दै सेवा सुविधामा हेरफेर गर्न सरकारसँग माग गरेको छ । आदर्श उच्च मा.बि. दाङको राप्ती गाउँपालिका वडा नम्बर २ लालमटियामा कार्यरत शिक्षक तथा ईन्डियन टिचर एशोसिएशन अफ नेपालका अध्यक्ष तिवारीले नेपाल सरकारले दिँदै आएको सेवासुविधालाई भारतीय मुद्रा अनुसार उपलब्ध गराउन माग गरेका छन् ।

उनले भने,‘म विगत २०३९ सालदेखि शिक्षण सेवामा जागिरे भएर नेपालमा बस्दै आएको छु, गैर–नेपाली भएर नेपालको शिक्षा क्षेत्रमा काम गर्दै आएका छौं, पहिले १ सय ५० जना जति हामी शिक्षकहरु यसरी नै अस्थायी रुपमा नेपालका स्कुलहरुमा पढाउँदै आएका थियौं, पछिल्लो समयमा १५ देखि २० जनामात्रै छन् जस्तो लाग्छ, एक दशक पहिलेदेखि रिटायर्ड भएका साथीहरुले पनि पेन्सन, पिएफ, ग्राजुएटि, औषधी उपचार खर्च लगायतका सुविधाहरु उपलब्ध गराउनुपर्छ ।’

उनले अघि थपे,‘राज्यले एउटै स्कुलमा अध्यापन गराउने शिक्षकलाई विभेदपूर्ण व्यबहार गरेको छ, हामीले ३५ वर्षदेखि पढाउँदै आएका छौं, सेवाबाट बिदा हुँदाखेरि हामीले ८ देखि १२ लाखसम्म पाउने हुन्छ, सरकारले त्यसमा पनि हेरफेर गरिदेओस् भन्ने हाम्रो माग हो ।’

२०५२ सालमा तत्कालिन् सरकारका प्रधानमन्त्री शेर बहादुर देउबालाईसमेत भारतीय शिक्षकहरुका मागका बारेमा ज्ञापनपत्र बुझाएको स्मरण गर्दै अध्यक्ष तिवारीले भने,‘हाम्रा माग र अधिकारको लागि धेरै वर्ष पहिलेदेखि नै लड्दै आएको छु, तर सरकारले हाम्रा मागहरुको बारेमा कुनै वास्ता गरेन, हामीले जहिले दुख पोखिमात्रै रह्यौं, जीवनका ६० बशन्तहरु पार भएपछि हामीले बिदा भएर घर जानुपर्ने हुन्छ, मैले पनि अबका २÷४ वर्षपछि शक्षण पेशा छोडेर घर जानुपर्ने हुन्छ, साथीभाईहरुले तँलाई नेपाल सरकारले के–के सुविधा दियो भनेर सोधे भने मैले के भन्ने ?

हामीले पाउने सेवा सुविधा र तलबका बारेमा भन्दा नेपालको बेईज्जत हुन जान्छ, यत्रो जीवन यही माटोमा बिताएको र सयौं विद्यार्थीको शैक्षिक भविष्यलाई उज्यालो बनाउन हामी लागिपरियो, युद्ध कालमासमेत अनेकौं दुःख र पीडाहरु भोगियो, तर राज्यले हामीलाई दोस्रो देशका नागरिक भनेर हेला गर्यो ।’

 

post image

साउन ९, काठमाडौं । क्यान्सर काउन्सिल नेपालका अध्यक्ष रुद्रलाल कडरियाले युवा, युवतीहरुमा सुर्तीजन्य पदार्थको प्रयोग बढ्नु दुःखद् कुरा भएको बताएका छन् । राजधानीस्थित एसियन पब्लिक स्कूल अनामनगरमा सञ्चालित अन्तरक्रिया तथा जनचेतनामूलक कार्यक्रममा बोल्दै अध्यक्ष कडरियाले विशेष गरेर युवा युवतीहरु सुर्तीजन्य पदार्थबाट प्रभावित भएको कुरा बताएका हुन् ।

उनले युवा युवतीहरुलाई सुर्तीजन्य पदार्थबाट जोगाउनको लागि अभिभावक सचेत हुनुपर्ने स्पष्ट पारेका छन् । परिवार तथा समाजको उपयुक्त रेखदेखको अभावले गर्दा युवायुवतीहरु किशोर अवस्थामै सुर्तीजन्य पदार्थबाट प्रभावित भएको उनको भनाई छ । सुर्तीजन्य पदार्थ रोकथामको लागि अभियान संचालन गर्दै आएको क्यान्सर काउन्सिल नेपालको आयोजना र माछापुच्छे बैंक लि. को सहकार्यमा संचालित उक्त कार्यक्रम विर अस्पतालका क्यान्सर विशेषज्ञ प्रा.डा. विष्णुदत्त पौडेलले विश्वमा प्रत्येक वर्ष एक करोड मानिसले सुर्तीजन्य पदार्थको कारण अकालमा ज्यान गुमाएको बताए ।

डा. पौडेलले जनचेतनाको कारण फ्रान्समा १ वर्षमा दश लाख मानिसले सुर्तीजन्य पदार्थ त्यागेको कुरा बताए । उनका अनुसार नेपालमा प्रत्येक वर्ष सुर्तीजन्य पदार्थका कारण २०–२५ हजार मानिसले अकालमा ज्यान गुमाएको तीतो यथार्थ व्यक्त गरे । उनले सुर्तीजन्य पदार्थ रोकथामको लागि नागरिक स्तरसम्म जनचेतनामुलक कार्यक्रम सञ्चालन गर्नुपर्ने कुरामा जोड दिए ।माछापुच्छ्रे बैंक लिमिटेडका सामाजिक सेवा विभाग उपप्रमुख प्रतिमा पाण्डेले सुर्तीजन्य पदार्थ नियन्त्रणको लागि बैंकको तर्फबाट क्यान्सर काउन्सिल नेपालसँग सहकार्य गर्दै राष्ट्रव्यापी रुपमा अभियान संचालन गर्ने बताईन् ।

त्यसैगरी विद्यालयका प्रधानाध्यापक गगनसिंह ऐरले क्यान्सर काउन्सिल नेपालले सुर्तीजन्य पदार्थ रोकथामको लागि विद्यालयमा अध्ययनरत विद्यार्थीलाई जानकारी गराएकोमा धन्यबाद दिए ।
उक्त कार्यक्रममा विद्यार्थी, शिक्षक र अभिभावक गरी उल्लेखनीय रुपमा सहभागिता रहेको थियो ।

post image

साउन ७,काठमाडौं। अन्तराष्ट्रिय शिक्षा परामर्श सेवा प्रदान गर्ने संस्था अस्ट्रेलियाको धितोपत्र बोर्डमा सूचीबद्ध कम्पनीले नेपाल विद्यार्थीहरूलाई गुणस्तरिय एवं अन्तराष्ट्रिय शिक्षामापहुँच बिस्तार गर्न सहयोग पुर्याउनको निम्ति जम्मा अस्ट्रेलीयन डलर पचास हजार (५०,०००÷–) बराबरको छात्रवृत्ति कार्यक्रम विभिन्न अंग्रेजी भाषा बोलिने देशहरु जस्तै अस्ट्रेलिया, अमेरिका, क्यानाडा, न्यु जिल्यान्ड र आइरल्याण्डमा प्रदान गर्ने भनि घोषणा गरेको छ ।

एन्ड्रयू बार्कला , आईडीपी एडुकेसनका सीईओले , “नेपालका विद्यार्थीहरूको लागि थप अवसरहरू सिर्जना गर्न भनि आईडीपीले दस महत्वाकांक्षी नेपाली विद्यार्थीहरूलाई अन्तराष्ट्रिय शिक्षा छात्रवृत्ति प्रदान गर्ने र उनीहरुको छनौट प्रतिस्पर्धा तथा शैक्षिक योग्यताको आधारमा गरिने र सो अवसरले यी नेपाली बिधार्थीहरुलाई अष्ट्रेलियामा अन्तराष्ट्रिय डिग्री हासिल गर्न मात्र नभएर उनीहरुको उज्ज्वल भविष्य निर्माणमा पूर्ण सहयोग पुर्याउंदै एक दक्ष व्यक्तिको रुपमा स्थापित गर्नेछ भन्नुभयो ।.

बार्कलाले थप्नुभयो “हामी नेपालका केही गैर सरकारी संगठनहरू (ल्न्इ) सँग सहकार्यमा गुणस्तर शिक्षाको पहुँच बाट बन्चित बालबालिकाहरुलाई सहयोग गरी समाजमा वन्चित भएका युवाहरुको माझमा सिक्षाको मार्ग सहज गर्न तत्पर छौ ।आइडीपी एडुकेसनले नेपालका विद्यार्थीहरुलाई आफ्नो अन्तराष्ट्रिय शिक्षाको लक्ष्य हासिल गर्न सघाउ पु¥र्याउन अगस्ट १ सम्ममा काठमाडौंमा एक अफिस खोल्ने योजना पनि घोषणा गरेको छ ।

यसै अवसरमा, आईडीपी एडुकेसनका दक्षिण एशिया क्षेत्रीय निर्देशक पियुशकुमारले “हामी नेपालमा आइडीपीको पहिलो स्टुडेन्ट प्लेसमेंट् सर्भिस् अफिस शुरु गर्नेमा प्रशन्न छौ भन्नुभयो । . पियुशकुमारले थप्नुभयो ,स्टुडेन्ट प्लेसमेन्ट अफिसको स्थापना पछि हामी नेपालका सबै विद्यार्थीहरूलाई उच्च स्तरको सेवा उपलब्ध गराउन चाहन्छौं जसले उनीहरूको अन्तराष्ट्रिय शिक्षाको लक्ष्य हासिल गर्न मद्दत पुगोस् . अन्तराष्ट्रिय शिक्षाको पहुचको एक महत्त्वपूर्ण निर्णय भनेको सही बिषय, सहि बिश्व विद्यालय र उपयुक्तशहरको छनौट हो भन्ने कुरा हामी जस्तो अन्तरास्ट्रिय शिक्षा परामर्श सेवा प्रदान गर्ने संस्थाहरुका शुरुवातिप्रबर्धकहरुले राम्ररी बुझेका छौ ।

हाम्रा उच्च प्रशिक्षित र अनुभवी परामर्शदाताहरुले विद्यार्थीहरूलाई स्पष्टताका बिस्वसनिय माध्यमबाट यी जीवन परिवर्तन हुने छनौटका अवसरहरु प्रदान गर्न मद्दत गर्नेछन् हाम्रा सबै सेवाहरु निशुल्क रहनेछन । आइडीपीले संसार भरिका ६५० भन्दा बढी विश्वप्रसिद्ध विश्वविद्यालयहरू र कलेजहरु संग सहकार्य गर्दै आइरहेको छ । आइडीपीले अन्तराष्ट्रिय शैक्षिक यात्रामा विद्यार्थीहरूलाई सहयोग पु¥र्याउन अष्ट्रेलिया र न्युजील्याण्डमा पनि कार्यालयहरू स्थापना गरेको छ ।

 

post image

साउन ४ ,काठमाडौं । एलाइन्स फर अर्ली चाइल्डवुड डेभलपमेन्ट नेपालले एड्भोकेसी मटेरियल अन अर्ली चाइल्डवुड डेभलपमेन्ट नामक कार्यक्रमको आयोजना गरेको छ । आज काठमाडौँमा आयोजित उक्त कार्यक्रममा  बालबालिका संरक्षणलाई लिएर बिभिन्न व्यक्तित्वहरुले आफ्नो धारणा राखेका थिए । कार्यक्रममा आमा गर्भवती भएको समयदेखी नै बच्चाको हेरचाह कसरी गर्ने भनेर जनचेतना प्रदान गरिएको थियो।

कार्यक्रममा देबिना प्रधानन र् बिष्णु भट्टले स्वागत मन्तब्य राख्दै एड्भोकेसी मटेरियलको बारेमा जानकारी गराएका थिए । कार्यक्रममा मुख्य अतिथी तथा सांसद सत्या पहाडीले आमाहरुले गर्भवती अवस्था बाट नै आफ्नो गर्भको शिशुको वेट संगै दिमाग विकासको बारेमा पनि ख्याल राख्नुपर्ने बताइन । उनले शिशुको बिकासको लागी पोषिलो खानेकुरा देखी लिएर मेडिटेसनसम्मै ध्यान पुर्याउन गर्भवती आमाहरलाई आग्रह पनि गर्नुभयो । मेडिटेसनले गर्दा आमा र बच्चा दुबैको स्वास्थ्य स्थितीमा सुधार आउने संगै बच्चाको दिमागी शक्ति बढ्ने पहाडीले जानकारी दिईन ।

त्यसैगरी कार्यक्रममा मधु राजभण्डारीले बच्चाप्रति अभिभावकले पुरा गर्नुपर्ने कर्तब्यको बारेमा बताएकी थिइन। उनले बच्चा जन्माएर खालि खान दिदैमा , बिद्यालय पठाउँदैमा परिवारको बाबुआमाको जिम्मेवारी पुरा नहुने बताइन । राजभण्डारीले आज को आधुनिक युगमा बच्चाहरुलाई आफ्नो साथी बनाएर उनीहरुका इच्छा , आकांक्षा र उनीहरुका समस्यालाई बुझेर सही मार्ग देखाउनुपर्ने बताइन ।

एड्भोकेसी मटेरियल अन अर्ली चाइल्डवुड डेभलपमेन्टका भूमिका र आगामी दिन हरुमा यसलाई कसरी स्थापीत गराउने र यस अर्ली चाइल्डवुड डेभलपमेन्टका उदेश्यहरुको बारेमा प्रकाश पारेकी  थिइन ।आजको युगमा पनि गर्भ जांच गरेर छोरी भए गर्भमै हत्या गर्ने जस्ता कुराहरुबाट बाहिर आउनेपर्ने पनि उनले बताइन ।

 

post image

साउन १,काठमाडौँ । ग्लोबल रिच एजुकेशन कन्सल्टेन्सीले एक दिवसीय ए लेभल स्तरीय उपत्यका ब्यापी फुटसल प्रतियोगिताको आयोजना गर्ने भएको छ । फरक फरक बिद्यालयका बिद्यार्थीहरुमा पनि एकताको भावना सिर्जना होस भनि प्रतियोगिताको आयोजना गरीएको आयोजकले जनाएको छ।   यस प्रतियोगिता यहि साउन १२ गते हुने मंगलबार पत्रकार सम्मेलन गरी आयोजकले जानकारी दिएको हो ।

 पछिल्लो समयमा आएर उपत्यकामा फुटसलका पारखीहरुको संख्या दिनप्रतिदिन बढ्दै जानुले पनि फुटसल प्रतिको विद्यार्थीहरुको आर्कषणलाई मध्यनजर गर्दै ग्लोबल रिचले फुटसल प्रतियोगिताको आयोजना गर्न लागेको हो । यस्ता प्रतियोगिताले बिद्यार्थीहरुलाई आफ्नो कौशलता प्रस्तुत गर्ने अवसर प्रदान गर्नुका साथै उनीहरुको स्वास्थ्य र मनोवलमा राम्रो प्रभाव पर्नेमा आयोजकहरु बिश्वस्त रहेका छन् ।

बालुवाटारमा अवस्थित ढुकु फुटसल हबमा हुने फुटसल प्रतियोगितामा उपत्यकाका १६ वटा ए लेभल अध्ययन गराउने कलेजका टिमको सहभागीता रहने छन् ।हुडल २०१८ नाम दिईएको प्रतियोगिता बिहान  १० बजे देखि सुरु हुनेछ भने बिजेता टिमले सिल्ड, प्रमाणपत्र प्राप्त गर्ने छन् भने दोस्रो हुनेले रनरअप ट्रफी र प्रमाणपत्र पाउने आयोजकले जनाएको छ ।

 यो प्रतियोगिताको तेस्रो संस्करण हो । स्मरण रहोस् ग्लोबल रिचले लामो समयदेखि नेपाली विद्यार्थीह्रलाई अष्ट्रेलिया लगायतका बिभिन्न स्थानहरुमा अध्ययनका लागि उचित परामर्श प्रदान गरी पठाउँदै आईरहेको छ ।

 

post image

साउन १,वीरगञ्ज  । प्रदेश नं २ को सरकारले बालिका तथा किशोरीलाई शिक्षामा पहुँच बढाउन ल्याएको बेटी पढाऔँ, बेटी बचाऔँ योजना पर्सा तथा बारा जिल्लामा लोकप्रिय हुँदै गएको छ।

‘बेटी पढाऔँ बेटी बचाऔँ’ कार्यक्रमअन्तर्गत पर्सा जिल्लाको पोखरीया नगरपालिकाले ल्याएको ‘बालिका स्वर्णिम योजना’ प्रभावकारीरूपमा अगाडि बढ्दै लोकप्रिय हुन थालेको जनप्रतिनिधिको भनाइ छ।

पर्साले जिल्लामा विभिन्न स्थानीय तहमा यो योजना लागू भएपछि बालिका तथा किशोरीका अभिभावकले उत्साहपूर्वक सो योजनाअन्तर्गत छोरी जन्मिएपछि जन्म दर्ता गर्ने, विद्यालय पठाउनुको साथै दाइजो प्रथाजस्ता विकृति अन्त्य हुनमा बल पुग्ने र सो कार्यक्रम कोशेढुंगा सावित हुने जनप्रतिनिधिको भनाइ रहेको छ ।गर्भमै छोरीलाई मार्ने सामाजिक विकृति अन्त्य हुने, सानैमा विवाह हुने, दाइजो प्रथाजस्ता कुरीतिलाई अन्त्य गर्नमा यो कार्यक्रमले सहयोग गर्ने भएकाले अन्य स्थानीय निकायले पनि यो कार्यक्रम लागू गर्दै गइरहेका छन् ।

पोखरीया नगरपालिकाले ल्याएको ‘बालिका स्वर्णिम योजना’अन्तर्गत नगरपालिका क्षेत्रभित्र छोरी जन्मिएमा ३५ दिनभित्र जन्मदर्ता गराएमा बालिकाका लागि २० वर्ष उमेरसम्ममा रु १० हजारको एकमुष्ठ बिमाको व्यवस्था गरेको छ भने २० वर्षपछि मात्र छोरीको विवाह गरेमात्र सो जम्मा भएको बिमा रकम दिने बाध्यात्मक व्यवस्था गरेपछि जन्मदर्ता गराउनेको संख्या बढ्दै गएको छ।

हामीले यो योजना लागू गरेपछि जन्मदर्ता गराउनेको संख्या बढ्नुको साथै छोरीलाई पनि शिक्षा दिनुपर्छ भन्ने चेतनाको विकास हुनुको साथै दाइजो प्रथा उन्मूलन हुने विश्वास पोखरीया नगरपालिकाका उपप्रमुख सलमा खातुनले लिएका छन् । उनले यो योजना जिल्लाका अन्य स्थानीय निकायले पनि लागू गर्नुपर्नेमा जोड दिँदै राससलाई भने– यो योजनाका कारण बालिका, किशोरी र महिलामाथि हुने सबै खाले हिंसाको अन्त्य हुने विश्वास छ।

यसैगरी, ‘बेटी पढाऔँ बेटी बचाऔँ’ योजनाअन्तर्गत बारा जिल्लाको प्रसौनी गाँउपालिकाले पनि छोरी जन्मेको ३५ दिनभित्र जन्मदर्ता गरी प्रमाणपत्र लिने अभिभावकलाई रु १० हजारको दरले २० वर्षसम्म जन्मेको छोरीको नाममा बैंकमा रकम जम्मा गर्ने निर्णय गरेको अधिकारकर्मी श्यामबाबु यादवले बताए।

बालविकासको न्यूनीकरण, छोरीलाई उचित शिक्षा दिनमा यो कार्यक्रम प्रभावकारी हुने विश्वास जनप्रतिनिधिले लिएका छन् । नेपाल अधिराज्यको सविधानले पनि बालिका, किशोरी तथा महिला माथि हुने सबै थाले विभेदको अन्त्य गरी उनले पढ्न र बाँच्न पाउने अधिकारलाई सुरक्षित गरेकाले यो योजनाप्रति आकर्षण बढ्दै गएको छ।

‘बेटी पढाऔँ बेटी बचाऔँ’ भन्ने योजना व्यवहारमा नदेखिने र बजेट सिध्याउने प्रदेश सरकारको योजना हो भन्ने टिप्पणी गर्दै नेपाल पत्रकार महासंघ, प्रदेश नं २ का सभापति दीपेन्द्र चौहानले भने यो नाराले तराईमा छोरीप्रति देखिने दृष्टिकोणमा भने परिवर्तन हुन नसक्ने देखिन्छ बताए।

प्रदेश नं २ मा जरा गाडेर बसेको दाइजो प्रथा, बालविवाह तथा छोरीप्रतिको हेर्ने दृष्टिकोणमा परिवर्तन ल्याउनेमा विश्वस्त भएपछि पर्सा र बाराका अन्य स्थानीय निकायले पनि आउँदा दिनमा यस्ता कार्यक्रम लागू गर्दै जाने बताइएको छ।रासस

post image

काठमाडौं, ३२ असार । हाजी मोहम्मद दानिश साइन्स एण्ड टेक्नोलोजी विश्वबिद्द्यालय दिनाजपुर बंगलादेश, अन्तराष्ट्रिय सम्बन्ध शाखा कृषि संकाय–प्रमुख बक्ता प्रा.डा.बिकाश चन्द्र ‘सरकार’ ले बंगलादेशमा अध्ययनको लागि नेपाली विद्यार्थीहरुलाई आग्रह गरेका छन् । रिपोर्टर्स क्लब नेपालमा हाजी मोहम्मद दानिश साइन्स एण्ड टेक्नोलोजी विश्वबिद्द्यालयले आयोजना गरेको पत्रकार सम्मेलनमा उनले यस्तो आग्रह गरेका हुन।

उनले भने, ‘सन् १९९९ सालमा स्थापना भएदेखि नै नेपाली लगाएत अन्य देशका विद्यार्थीहरु पढ्नको लागि बंगलादेशको हाम्रो विश्वविद्यालयमा पढ्न आउने गरेका छन् ।’उनले अघि थपे, ‘हाजी मोहम्मद दानिश साइन्स एण्ड टेक्नोलोजी विश्वविद्यालय सन् १९९९ मा बंगलादेशको दिनाजपुर (उत्तरी भेग) भन्ने ठाउमा पहिलो सरकारी विश्वविद्यालय रुपमा स्थापित भएको हो । सार्क छात्रवृति अन्तर्गत नेपाल, भारत, पाकिस्तान, भुटान लगायतका बिदेशी बिदद्यार्थी हरुलाई अध्ययन अध्यापन गराउदै आएको छ ।’
प्रा.डा.बिकाश चन्द्र ‘सरकार’ ले नेपालको काकरभिट्टा सिमाना देखि ३ घन्टाको दुरीमा अबस्थित रहेको उक्त विश्वविद्यालय स्थापनाकाल देखि सैयौको संख्यामा नेपाल लगायत अन्य देशका बिद्यार्थीहरु दीक्षित गराईसकेको जानकारी दिएका छन् । उनले भने, ‘हाल १ सय ७५ भन्दा बढी विद्यार्थी स्नातक तहमा तथा ७५ भन्दा बढी स्नातकोत्तर तहमा बिदेशी बिद्यार्थीहरु अध्ययनरत रहेका छन्, बंगलादेशमा रहेको सरकारी विश्वविद्यालयहरु मध्ये यो विश्वविद्यालयले सबै भन्दा बढी बिदेशी बिद्द्यार्थी पढाउन सफल छ, बिदेशी बिद्यार्थीहरुका लागि इन्टरनेट लगायत आबश्यक सेवा सुबिधा र छात्राबास खाने ब्यबस्था छुटै गरिएको छ ।

उनले अघि थपे,‘गुणस्तरीय र प्रभावकारी प्राबिधिक शिक्षा र बिद्यार्थी स्तरीय जनशक्तिको रुपमा बिकाश गर्न आबश्यक कदमहरु चालिएका छन्, बिदेशी विद्यार्थीका लागि उच्त्तम प्रविधियुक्त शिक्षा प्रदान गर्नका लागि आबश्यक थप १० तल्ले भवन निर्माण कार्य द्रुत गतिमा अगाडी बढाईएको छ ।’उक्त बिश्वबिद्यालयमा बिद्यार्थीलाई आबश्यक पर्ने कक्षा कोठा, पुस्ताकालय, प्रयोगशाला, छात्राबास, खेलमैदान लगायतका पुर्बाधारहरु प्रसस्त रहेको जाकारी दिदै उनले भने,‘ हाल यस बिश्वबिद्यालयमा ९ वटा संकाय अन्तर्गत ४४ वटा बिभागहरु (डिपार्टमेन्ट) संचालनमा रहेका छन्, प्राबिधिक शिक्षाका लागि समग्र दृष्टिकोणमा उच्चस्तरको शिक्षा प्रदान गर्दै आएको यस विश्वबिद्द्यालयमा इन्जियानिरिंगको बिषय, कृषिको सम्पूर्ण बिषय, पशु चिकित्सा, ब्यबस्थापन, ललितकला, मत्श्य बिज्ञान, आर्ट लगायतका अन्य बिषयमा अध्ययन अध्यापन गराउदै आएको छ ।’

कार्यक्रममा उक्त विश्वविद्यालयका अन्तराष्ट्रिय सम्बन्ध शाखाका सहायक रजिस्ट्रार,मो.जहाँगिर हुसेनले नेपाल लगायत सम्पूर्ण सार्क राष्ट्र तथा नाइजेरिया, सोमालिया मध्यपूर्व र अन्य अफ्रिकी राष्ट्रका बिद्यार्थीहरु अध्ययनरत रहेको बताएका छन् । उनले भने,‘स्थानीय बिद्यार्थी सरह बिदेशी बिद्यार्थिले पनि भर्ना, छात्राबास, खाना, सेमेस्टर लगायतका नियुन्तम शुल्कहरु मात्रै तिर्नुपर्ने, यस बिश्वबिद्द्यालयमा अध्ययनका लागि नेपाल तथा बंगलादेशमा रहेको दुई देशको सरकारी निकाय हरु मार्फत आबश्यक प्रक्रिया पुरा गरि भर्ना पाउन सकिने ब्यबस्था रहेको छ ।’

आगामी जनवरी महिनाबाट नयाँ शैक्षिक सत्र शुरु हुने यस बिश्वबिद्द्यालयमा सेप्टेम्बरदेखि अक्टोबरसम्ममा आबश्यक प्रक्रिया पुरा गरिसक्नु पर्ने हुन्छ । उक्त बिश्वबिद्यालयमा भर्ना पाउन इचुछ्क विद्यार्थीले एसएलसी तथा प्लस टु मा कम्तिमा प्रथम श्रेणीमा पास गरेको हुनु पर्ने हुन्छ । बिश्वबिद्यालयमा काकरभिट्टा तथा सिलिगुड़ी बाट सिधा बस मार्फत पुग्न सकिने आयोजकले जानकारी दिएको छ । कार्यक्रममा अशोक हाथी, उक्त विश्वविद्यालयका पूर्व नेपाली विद्यार्थी रोशन साहको उपस्थिति रहेको छ ।

post image

 असार ३१, काठमाडौं । पाठशाला एजुकेशन फाउण्डेशनले “नेपालको शिक्षा उत्कृष्ट शिक्षा “भन्ने मुल नाराका साथ चौथो व्यवस्थापन तथा आई टी सम्वन्धी शैक्षिक मेलाको आयोजना गर्ने भएको छ  । उक्त शैक्षिक मेला आगामी श्रावण २ र ३ मा काठमाडौंको होटल अन्नपुर्णमा आयोजना गर्न लागिएको हो ।

 शैक्षिक मेलामा एमबिए ,एमबीएस ,एमएससी बीएससी,बिबिए – बिआइ , बीएलटि लगायतका शैक्षिक उपाधिहरु प्रदान गर्ने ३८ शैक्षिक संस्थाहरुको सहभागिता रहने छ भने ५६ वटा स्टलहरु रहने छन् । सो दुई दिने शैक्षिक मेलामा करिव ७ हजार विद्यार्थीहरुको सहभागिता रहने अपेक्षा गरिएको आयोजकले आज एक पत्रकार सम्मेलन गरी बताएको छ ।

नेपालमै व्यवस्थापन तथा आई.टि.तर्फ उच्च शिक्षामा गुणस्तरिय शिक्षा तथा कम खर्चमा अन्तर्राष्टिय डिग्री हासिल गर्न सकिन्छ भन्ने कुरा यस संस्थाको विगतका शैक्षिक मेलाले प्रमाणित गरि सकेको छ । तेस्रो शैक्षिक मेलामा ५५०० विद्यार्थीहरुको सहभागिताले यस वर्ष कक्षा ११, १२ अध्ययन गर्दै रहेका र कक्षा १२ को परिक्षा सकेर वसेका ७ हजार विद्यार्थीको सहभागित रहनेमा आयोजक विश्वस्त रहेको छ  ।

यस वर्षको शैक्षिक मेलामा नेपाली विश्वविद्यालयवाट क्रमशः पोखरा विश्वविद्यालयका ९ शैक्षिक संस्था, ६ वटा त्रिभुवन विश्वविद्यालय, ३ वटा पूर्वाञ्चल विश्वविद्यालय, २ वटा काठमाडौं विश्वविद्यालय, १ मध्य पश्चिम विश्वविद्यालय गरी ५ वटा नेपाली विश्वविद्यालयका कलेजहरु, २ वटा सि.ए. र १ अन्य अध्यापन गराउने संस्थाहरुको सहभागिता रहने छ । त्यस्तै  १५ वटा विदेशी विश्वविद्यालयका कोर्ष पढाउने संस्थाहरु जसमा यु.के., मलेसीया, अमेरिकी विश्वविद्यालयवाट सम्वन्धन प्राप्त कलेजहरुको सहभागिता रहने छ ।

यस वर्षको पाठशाला एजुकेशन फाउण्डेसन द्वारा आयोजित चौथो नेपाल व्यवस्थापन र आई.टि. शैक्षिक मेला २०७५ को टाइटल स्पोन्सर आईआईएमएस कलेज रहेको छ भने पाटन कलेज फर प्रोफेसनल स्टडिज इन एसोसियसनमा रहने छ । यो मेला पावर वाई टेक्सास कलेज अफ म्यानेजमेंट एण्ड आई.टी.ले गरेको छ भने स्पोन्सरमा हेराल्ड कलेज र कोस्पोन्सरमामल्पी इन्टरनेशनल कलेज रहेको आयोजकले जानकारी गराएको छ  ।

 

post image

असार २९,काठमाडौँ । प्राविधिक शिक्षा तथा व्यावसायिक तालिम परिषद् (सीटीईभीटी)ले शैक्षिक वर्ष २०७५–२०७८ का लागि प्रमाणपत्र तहमा करिब ५० करोडको छात्रवृत्ति प्रदान गर्ने भएको छ । प्राविधिक शिक्षाको माध्यमबाट देशलाई आवश्यक मध्यम स्तरको प्राविधिक जनशक्ति उत्पादन गर्ने उद्देश्यले २०४५ सालमा स्थापना भएको सीटीईभीटीले शैक्षिक वर्ष २०७५/७६ मा भर्ना हुने विद्यार्थीलाई ३ वर्षका लागि ५० करोडभन्दा बढीको छात्रवृत्ति प्रदान गर्न लागेको हो ।

सीटीईभीटीले प्रमाण पत्र अर्थात् डिप्लोमा तहमा अध्ययन गर्न चाहने १ हजार ४ सय ५५ जना विद्यार्थीलाई छात्रवृत्तिमा अध्यापन गराउन लागेको हो । सीटीईभीटीका सदस्यसचिव पुष्परमण वाग्लेका अनुसार नर्सिङ, एचए, फार्मेसी, ल्याब असिस्टेन्ट, रेडियोग्राफी, कृषि, इन्जिनियरिङ, फरेस्ट्री आदि विषयमा छात्रवृत्तिका लागि आह्वान गरिएको छ ।

यस वर्षदेखि सीटीईभीटीले प्रदेशअनुसार नै कोटा छुट्याएर छात्रवृत्तिका लागि फारम वितरण गरिरहेको छ । सबैभन्दा बढी प्रदेश ३ मा ५ सय ८३ जनाले वर्गीकृत छात्रवृत्ति पाउँछन् भने सबैभन्दा कम प्रदेश नम्बर ६ मा २८ जनाले डिप्लोमा तहमा पढ्न छात्रवृत्ति पाउनेछन् । सम्बन्धित प्रदेशमा भएको कलेजको सङ्ख्याका आधारमा यो छात्रवृत्तिको कोटा निर्धारण गरिएको सदस्यसचिव वाग्लेले बताए ।

post image

असार २९,चितवन  । कृषि तथा वन विज्ञान विश्वविद्यालय रामपुरले पहिलो पटक आठ निजी क्याम्पसलाई सम्बन्धन दिएको छ ।

चार वर्षअघि दर्खास्त आह्वान गरिएकामा २४ निजी क्याम्पसले आवेदन दर्ता गराएका थिए । विश्वविद्यालयका उपकुलपति प्रा डा ईश्वरीप्रसाद ढकालले आवेदन दिएकामध्ये सबै मापदण्ड पूरा गरेका सात क्याम्पसलाई कृषि स्नातक ९बिएस सिएजी० र एउटालाई वन स्नातक ९बिएससी फरेस्टी० पढाउनका लागि अनुमति दिइएको बताउनुभयो ।

उहाँका अनुसार कृषि स्नातकमा सम्बन्धन पाउनेमा पूर्वाञ्चल कृषि क्याम्पस झापा, जीविका कृषि विज्ञान कलेज इटहरी, भ्याली कृषि क्याम्पस ललितपुर, हिमछाया कलेज गैँडाकोट, रामनगर टेक्निकल एण्ड म्यानेजमेन्ट कलेज भूमही, गोर्खा युनाइटेड पब्लिक स्कूल कोहलपुर र ब्राइट मध्यपश्चिम कृषि तथा वन विज्ञान क्याम्पस सुर्खेत छन् । त्यसैगरी वन स्नातकमा सिद्धान्त क्याम्पस गैँडाकोटले सम्बन्धन पाएको छ ।

ढकालका अनुसार सबै कलेजले ५०–५० विद्यार्थी भर्ना गर्न पाउनेछन् । विश्वविद्यालयले हालसम्म चार आंगिक क्याम्पस सञ्चालनमा ल्याएको छ । आउँदो शैक्षिकसत्रसम्म थप चार आंगिक क्याम्पस सञ्चालनका लागि गृहकार्य भइरहेको ढकालले बताए । विश्वविद्यालयले सिनेटमा निर्णय गरी १० आंगिक क्याम्पस खोल्न गत वर्ष विश्वविद्यालय अनुदान आयोगमा प्रस्ताव पेश गरेकामा आयोगले सात आंगिक क्याम्पस स्थापनाका लागि अनुमति दिएको थियो ।

त्यसअघि नै विश्वविद्यालयको एउटा आंगिक क्याम्पस सञ्चालनमा आइसकेको थियो । उपकुलपति ढकालले निजी सम्बन्धन पाएजति नै आंगिक क्याम्पस आउँदो शैक्षिक सत्रदेखि सञ्चालन गर्ने तयारी भइरहेको बताए । विश्वविद्यालयमा रहेका विद्यार्थी संगठनले भने निजी क्याम्पसलाई सम्बन्धन दिन नहुने जनाउँदै विरोध जनाएका छन् । उनीहरुले विश्वद्यिालयमा गरेको तालाबन्दी बिहीबार साँझ प्रहरीले फोरेको थियो । सरकारले प्राविधिक शिक्षा पढाउनका लागि विसं २०६७ मा सो विश्वविद्यालय स्थापना गरेको हो । रासस

post image

असार२६,काठमाडौं ।प्रधानमन्त्री केपी शर्मा ओलीले भारत सरकारको सहयोगमा निर्माण भएको नेपाल प्रज्ञा प्रतिष्ठानको पुस्तकालयको उद्घाटन गरेका छन् । पुस्तकालयलाई डिजिटल पुस्तकालयका रुपमा अगाडि बढाउने लक्ष्य प्रतिष्ठानले लिएको छ।

 पुस्तकालय भवन निर्माणमा भारत सरकारले चार करोड ३९ लाख ४० हजार रुपैयाँ सहयोग गरेको थियो।नवनिर्मित पुस्तकालयबाट नेपाल र भारत प्राज्ञिक समुदाय तथा अनुसन्धानकर्ताहरुलाई सन्दर्भ सामाग्रीसहितका अनुसन्धान सामाग्रीहरु उपलब्ध गराउने बताइएको छ। पुस्तकालयमा पुस्तक प्रकाशनका लागि आधुनिक अफसेट प्रेससमेत राखिएको छ।

पुस्तकालयले दुबै देशको सम्बन्धलाई बबजुद बनाउँदै दुबै देशका कलाकार, लेखक तथा प्राज्ञिग जगतलाई समेत एकतामा बाँध्ने बताइएको छ। भारत सरकारले पुस्तकालय भवनसहित काठमाडौँ जिल्लामा ४८ करोड ६५ लाख बराबरको परियोजन सञ्चालन गरेको थियो।

जसअन्तर्गत विद्यालय भवन निर्मा, पुस्तकालय, स्वास्थ्य संस्थाहरु, आर्ट ग्यालरी, खाद्य प्रयोगशालासहितका परियोजना सञ्चालन गरेको थियो। त्यस्तै ४० करोड ७ लाख बराबरका १२ वटा परियोजना चलिरहेका छन्।

post image

असार २२,काठमाडौँ । त्रिभुवन विश्वविद्यालयको कानून संकायअन्तर्गत स्नातक प्रथम वर्षमा (एलएलबी) भर्नाका लागि पुनः कोटा प्रणाली लागू गरिने भएको छ । यसअघि असार १४ गते विद्यार्थी संगठनसँगको छलफलमा कोटा प्रणाली लागू नगर्ने सहमति गरेको कानून संकाय डिनको कार्यालयले पुनः पहिलेकै कोटा प्रणाली लागू गर्ने भएको हो ।

बिहीबार कानून संकायका डिन प्रा डा ताराप्रसाद सापकोटाले विज्ञप्ति जारी गर्दै यसअघि कोटा प्रणाली खारेज गर्ने सहमति विद्यार्थी संगठनको दवावमा भएकाले उक्त सहमति कार्यान्वयन नहुने बताएका छन् । यसअघि स्नातक प्रथम वर्षमा भर्ना हुनका लागि कोटा प्रणाली खारेज गर्ने र प्रवेश परीक्षामा सामेल नभएका विद्यार्थीलाई प्रक्रिया पुर्याई भर्ना गर्ने सहमति भएको थियो ।

विज्ञप्तिमा विद्यार्थी संगठनसंग कोटा प्रणाली खारेज गर्ने सहमतिविरुद्ध डिन कार्यालय तालाबन्दी भएको र नेपाल प्रगतिशील प्राध्यापक संगठन, प्रजातान्त्रिक प्राध्यापक संघ र त्रिवि प्राध्यापक संघ, एकाइ समितिले पनि असहमति जनाएकाले कोटा प्रणाली यथावत गरी प्रवेश परीक्षा लिएका विद्यार्थीबाट मात्र भर्ना गरिने उनले जानकारी गराए ।

उक्त सहमतिविरुद्ध एलएलबी परीक्षा समितिले पनि सामूहिक राजीनामा दिइसकेको र डिन कार्यालयमा तालाबन्दीसमेत गरिएको छ । उहाँले जेठ १९ गते लिइएको प्रवेश परीक्षाको नतिजा चाँडै नै प्रकाशित गरिने समेत उनले बताए ।

विद्यार्थी संगठनबीचको सहमतिमा असार २१ गतेदेखि भर्ना प्रक्रिया शुरु गर्ने र साउनदेखि कक्षा सञ्चालन गर्ने पनि सहमति थियो । कानून संकाय डिनको कार्यालयले भौतिक संरचना र प्राध्यापकको संख्या हेरी यस वर्षदेखि कानून संकायको स्नातक प्रथम वर्षमा कोटा प्रणाली शुरु गरेको छ । काठमाडौँस्थित नेपाल ल क्याम्पसमा ८०० र अन्य उपत्यकाबाहिर रहेका क्याम्पसमा १५० जनाको कोटा तोकिएको छ ।

यसअघि कोटा प्रणाली लागू गर्दा नेपाल ल क्याम्पसमा आठसय जनाका लागि करीब चार हजार ७०० ले गत जेठ १९ गते प्रवेश परीक्षा दिएका थिए ।  नेपाल ल क्याम्पसमा अनेरास्ववियु एकाइ कमिटीका अध्यक्ष हरिप्रसाद पंगेनीले विद्यार्थी संगठनबीचको सहमति कार्यान्वयन हुनुपर्ने बताए ।

उनले डिन कार्यालयले छिनछिनमा सहमति बदल्नाले विद्यार्थी पढ्नबाट वञ्चित हुने भएकाले पहिले गरिएको सहमतिअनुसार कोटा प्रणाली खारेज गर्नुपर्ने तर्क गरे । रासस

post image

असार १८,बागलुङ । बागलुङको गलकोट क्षेत्रबाट जापान पुगेका प्रवासी नेपालीको सहयोगमा रामेछाप जिल्लामा भूकम्पबाट क्षतिग्रस्त विद्यालयको पुनःनिर्माण गरिएको छ ।

गलकोट समाज जापानमार्फत सुनापति गाउँपालिका–१ स्थित जागृत आधारभूत विद्यालयको नयाँ भवन बनेको हो । रु २५ लाखको लागतमा निर्मित चार कोठे पक्की भवनको आइतबार गलकोट समाज जापानका अध्यक्ष नरबहादुर थापाले उद्घाटन गरे ।

उद्घाटनपछि उक्त भवन समाजका तर्फबाट विद्यालय व्यवस्थापन समितिलाई हस्तान्तरण गरिएको छ । सामाजिक उत्तरदायित्व सम्झेर भूकम्प प्रभावित ठाउँमा पुगी विद्यालय भवन निर्माण गरिएको समाजका अध्यक्ष थापाले बताए । अंग्रेजी नयाँ वर्षमा जापानका विभिन्न शहरमा गरिएको सांगीतिक कार्यक्रमबाट जुटेको रकम विद्यालय बनाउन खर्च गरिएको उनको भनाइ छ ।

भवन नभएपछि बालबालिकाले खुला चौरमा पढ्न बाध्य भएको अवस्था थाहा पाएपछि समाजले गत वर्षको असारदेखि भवन निर्माण शुरु गरेको थियो । भूकम्प प्रभावित विद्यालयको पुनःनिर्माण गरेर समाजले प्रशसंनीय कार्य गरेको विद्यालय व्यवस्थापन समितिका अध्यक्ष बेलप्रसाद गौतमले बताए ।  समाजले बागलुङ जिल्लाका केही स्वास्थ्य संस्थालाई एम्बुलेन्सलगायतका महँगा स्वास्थ्य उपकरणसमेत सहयोग गरेको छ ।

शैक्षिक क्षेत्र, प्राकृतिक प्रकोपका बेलासमेत आर्थिकलगायतका विभिन्नखाले सहयोगमा समाज सक्रिय छ । गलकोट समाज अहिले जापानलगायत अन्य १२ विदेशी मुलुकमा स्थापना भइसकेको छ । नेपालमा पनि गलकोट समाज काठमाडौँ, पोखरा, बागलुङ र गलकोटमै समेत क्रियाशील छ । रासस

post image

प्रकाश सिलवाल, असार १८,काठमाडौँ । माध्यमिक शिक्षा परीक्षा (एसइई) कक्षा १० को परीक्षाफलमा देखिएका प्राविधिक त्रुटिबारे छानबिन गर्न गठित समितिको प्रतिवेदनका आधारमा परीक्षा नियन्त्रण कार्यालयका परीक्षा नियन्त्रकलाई कारबाही गरिएको छ ।  पाँच दिनअघि गठित समितिले आज प्रतिवेदन बुझाएलगत्तै शिक्षा, विज्ञान तथा प्रविधिमन्त्री गिरिराजमणि पोखरेलको निर्णयबाट अम्बिकाप्रसाद रेग्मीलाई कारबाहीस्वरुप मन्त्रालयमा काजमा तानिएको छ भने अर्को व्यवस्था नभएसम्मका लागि पाठ्यक्रम विकास केन्द्रका कार्यकारी निर्देशक कृष्णप्रसाद काप्रीलाई परीक्षा नियन्त्रक तोकिएको छ ।

मन्त्री पोखरेलले भने, “विस्तृत प्रतिवेदन अध्ययनपछि थप कारबाही गरिनेछ, अहिलेलाई नियन्त्रकलाई कारबाहीस्वरुप मन्त्रालय तानिएको छ ।” समितिको प्रतिवेदन मन्त्रालयले सार्वजनिक गरेको छैन । नियन्त्रकभन्दा माथि वा तल्लो तहका अन्य कर्मचारी कारबाही हुने हो, होइन स्पष्ट छैन भने नियन्त्रकको सरुवा मात्र हो वा कारबाही हो भन्ने मन्त्रालयले स्पष्ट पारेको छैन ।

मन्त्रालयले यही असार ११ गते शिक्षक सेवा आयोगका प्रशासकीय प्रमुख डा तुलसीप्रसाद थपलियाको संयोजकत्वमा तीन सदस्यीय छानबिन समिति गठन गरेको थियो । समितिमा मन्त्रालयको कानून तथा फैसला कार्यान्वयन शाखाका उपसचिव शम्भुराज रेग्मी र इभेन्ट परियोजनाका उपसचिव दिनेश खनाल रहेका थिए ।

राष्ट्रिय परीक्षा बोर्ड मातहतको परीक्षा नियन्त्रण कार्यालय सानोठिमी भक्तपुरबाट यही असार ९ गते प्रकाशित परीक्षाफलमा प्राविधिक समस्या पहिचान गरी समाधान गर्दा पूर्व प्रकाशित परीक्षाफलमा केही परीक्षार्थीहरुको मूल अभिलेखबमोजिम परीक्षाफल संशोधन गरिएको थियो ।

उक्त नतिजामा देखिएको त्रुटिका सम्बन्धमा यथार्थ अध्ययन गरी प्रतिवेदन पेश गर्न र आगामी दिनमा त्यस प्रकारको समस्या नै आउन नदिन अवलम्बन गर्नुपर्ने उपायहरुसमेत समितिले पेश गरेको बुझिएको छ ।  कारबाहीस्वरुप सरुवा गरिएका नियन्त्रक रेग्मीले आफूलाई औपचारिक कुनै जानकारी नआएको जनाउँदै नेपाल सरकारले गर्ने निर्णय शिरोपर हुने प्रतिक्रिया दिए।

अक्षरांकन प्रणालीको उक्त परीक्षामा नियमिततर्फ कूल चार लाख ५१ हजार ५३२ विद्यार्थी सहभागी भएकामा परीक्षाफल सार्वजनिक भएको दिनको भन्दा भोलिपल्ट कतिपय विद्यार्थीहरुको ग्रेड पोइन्ट एभरेज र ग्रेडसिट सुधारसहित संशोधन भएपछि प्राविधिक त्रुटि बाहिर आएको थियो ।  परीक्षा बोर्डले ग्रेड सुधारका लागि मौका परीक्षाको तयारी गरिरहेको बेला नियन्त्रक परिवर्तन भएको छ भने नियन्त्रण कार्यालयले मौका परीक्षा सञ्चालनका लागि बोर्डलाई आग्रह गरिसकेको छ ।

post image

असार १६, काठमाडौं । त्रिभुवन विश्विद्यालयले देशव्यापी रुपमा बढाएको परीक्षा शुल्क घटाएको छ । विद्यार्थी संगठनहरुको दबावमा त्रिविले एक हजार शुल्क घटाएको हो । यसअघि स्नातकोत्तर पहिलो सेमेस्टरबाट लागू हुने गरी २ हजार ५०० रुपैयाँ शुल्क कायम गरिएको थियो । त्यसअघि एक हजार रुपैयाँ मात्र शुल्क थियो ।

आन्दोलनरत विद्यार्थी संगठनका पदाधिकारी र त्रिवि पदाधिकारीबीच शुक्रबार भएको वार्तामा शुल्क घटाउने सहमति भएको हो । ‘वृद्धि भएको शुल्क घटाउन हामी सफल भएका छौं,’ अखिल क्रान्तिकारीका अध्यक्ष रञ्जित तामाङले भने, ‘अब त्रिविले १ हजार पाँच सय रुपैयाँ परीक्षा शुल्क लिने सहमति भएको छ ।’

त्यसअघि बढाइएको शुल्क खारेज गर्न माग गर्दै विद्यार्थीहरु त्रिभुवन विश्वविद्यालयमा डेलिगेसन गएका थिए । त्यसको भोलिपल्टै विश्वविद्यालयका पदाधिकारी र विद्यार्थी संगठनका नेताहरुबीच वार्ता भएको थियो । वार्तामा शुल्क घटाउने सहमति भएपछि धेरै विद्यार्थीहरुलाई राहत मिल्ने भएको छ ।

post image

असार १५, सुर्खेत सुर्खेतस्थित मध्यपश्चिम विश्वविद्यालय, रजिष्ट्रारको कार्यालयमा तोडफोड भएको छ। स्वायत्त ईन्जिनियरिङ् संकायको माग गर्दै आन्दोलनरत ईन्जिनियरिङ् संकाय संघर्ष समितिका विद्यार्थीहरुले शुक्रबार तोडफोड गरेका हुन्

प्रयोगात्मक कक्षासहितको ईन्जिनियरिङ् अध्ययनको मागसहित १२ दिनदेखि शान्तिपूर्ण आन्दोलन गरिरहेका ईन्जिनियरिङ् अध्ययनरत विद्यार्थीहरुले रजिष्ट्रारको कार्यालयमा तालाबन्दी गरेका थिए शुक्रबार बिहान विद्यालय प्रशासनले जर्बजस्ती ताला खोलिदिएपछि तोडफोड गरिएको संघर्ष समितिका सदस्य रोशन बस्नेतले बताए

इन्जिनियरिङ्ग संकायलाई स्वायत्त बनाइनुपर्ने, हाइड्रो इन्जिनियरिङ्गको पूर्ण पाठ्यक्रम उपलब्ध गराउनुपर्ने, गोल्डेन चान्स परीक्षाको व्यवस्था गरिनुपर्ने, प्रयोगात्मक कक्षा पूर्णरुपमा सञ्चालन गर्नुपर्ने, १० प्रतिशत विद्यार्थीलाई पूर्ण छात्रवृृत्ति उपलब्ध गराउनुपर्ने, पुस्तकालयमा प्रयाप्त पुस्तक उपलब्ध गराउनुपर्ने लगायतका मागहरु ईन्जिनियरिङ् संकायका विद्यार्थीहरुले राख्दै आएका छन् । तोडफोड नियन्त्रण गर्ने क्रममा नियन्त्रणका लागि खटिएका प्रहरीको लाठी लागेर तीनजना विद्यार्थी सामान्य घाईते समेत भएका छन् तोडफोडबाट भवनका दुईवटा झ्यालहरुको सिसा फुटेको । विश्वविद्यालय प्रशासन विद्यार्थीबीच अहिले वार्ता भैरहेको

post image

असार १४, काठमाडौं । सरकारले छात्रवृत्तिमा पढेका चिकित्सकले दुर्गममा गर्नुपर्ने सेवा अवधि पाँच वर्ष तोकेको छ । दुर्गमका स्वास्थ्य संस्थामा विशेषज्ञ चिकित्सक अभाव हुँदा पनि सरकारी कोटामा पढेका डाक्टरले समेत सेवामा खटिन नमानेपछि सरकारले कडा कार्यविधि बनाएको हो ।

यसअघि सरकारी छात्रवृत्तिमा पढेका चिकित्सकलाई दुर्गममा दुईवर्षे सेवा अवधि तोकिए पनि कार्यान्वयन भएको थिएन । स्वास्थ्य मन्त्रालयले दुर्गममा आवश्यकताअनुसार चिकित्सक खटाउन ‘छात्रवृत्ति व्यवस्थापन तथा परिचालनकार्यविधि २०७५’ बनाएर सेवा अवधि तोकेको हो ।

छात्रवृत्तिमा अध्ययन गरेबापत सरकारले खटाएको ठाउँमा गएर सेवा गर्ने प्रतिबद्धता जनाए पनि अध्ययन सकिएपछि नमानेका कारण कार्यविधि नै बनाइएको मत्रालयले जनाएको छ । कार्यविधिअनुसार छात्रवृत्तिमा पढेका चिकित्सक तथा स्वास्थ्यकर्मीले सरकारले तोकेको सरकारी स्वास्थ्य संस्थामा अनिवार्य पाँच वर्ष सेवा गर्नुपर्नेछ ।

post image

असार १२, काठमाडौँ । नेपाल टेलिकमले स्कुलका विद्यार्थीलाई इन्टरनेटबाट शैक्षिक सामग्री उपलब्ध गराउने उद्देश्यले मिदास ई–क्लाससेवा संचालनमा ल्याएको छ। मिदास एजुकेसन प्रालिसँग सहकार्य ल्याएको उक्त सेवा विद्यालय तहमा पढाइने पाठ्यक्रम विद्यार्थीहरुलाई मोबाइल फोन, ट्याब्लेट र कम्प्युटर माध्यमबाट उपलब्ध गराई सिक्न सघाउने यो एक प्लेटफर्म हो।

मिदास ई–क्लासको प्रयोग गर्नका लागि गुगल प्ले स्टोरमार्फत ‘मिदास इक्लास’ एप डाउनलोड गर्नु पर्छ।यसको माध्यमबाट उपलब्ध गराइने शैक्षिक सामग्रीहरु श्रब्य, दृश्य माध्यममा हुने भएकाले बालबालिकालाई रुचिपूर्ण र बुझ्न तथा सम्झन सहज हुनेछ । विद्यालयमा पढ्नु पर्ने पाठमा आधारित क्विज र गेम पनि यसमा उपलब्ध छन्। नेपाल टेलिकमका ग्राहकहरुले इन्टरनेटको प्रयोग गरी मोबाइल फोन र ट्याब्लेटमार्फत मिदास ई–क्लास प्रयोग गर्न सक्ने छन्।

मिदास ई–क्लासमा शिशु कक्षा (प्लेग्रुप)देखि कक्षा १० सम्मका विभिन्न विषयहरु समावेश गरिएको छ। मिदास ई–क्लासको सहयोगले बालबालिकाले नबुझेका विषयवस्तुको वारेमा अनलाइनमार्फत शिक्षकसँग सम्पर्क गरी सिक्न सक्ने छन्।

यो सुविधा मिति २०७५ असार १२ देखि उपलब्ध हुनेछ। यसका लागि नेपाल टेलिकमका ग्राहकले दैनिक १५ रुपैयाँ, साप्ताहिक ७० रुपैयाँ र मासिक २५० रुपैयाँमा यो सुविधा खरिद गर्न सक्ने छन्। यो सुविधा उपभोग गर्न वाइफाई वा मोबाइल डाटा सेवा आवश्यक पर्छ। मोबाइल डाटा प्रयोग गर्दा डाटाको अतिरिक्त शुल्क लाग्ने छ। नेपाल टेलिकमले उपलब्ध गराएका विभिन्न डाटा प्याकहरुको प्रयोग गरी यो सेवा उपयोग गर्न सकिने छ।

 

post image

असार ११,काठमाडौं ।  माध्यमिक शिक्षा परीक्षा (एसइइ) को परीक्षाफलमा देखिएको प्राविधिक त्रुटिका विषयमा छानबिन हुने भएको छ । शनिबार सार्वजनिक कक्षा १० को परीक्षाफलमा प्राविधिक गडबडी भएको पाइएपछि केही विद्यार्थीको नतिजामा आइतबार ग्रेड वृद्धि भएको थियो । राष्ट्रिय परीक्षा बोर्ड मातहतको परीक्षा नियन्त्रण कार्यालयका नियन्त्रक अम्बिकाप्रसाद रेग्मीले प्राविधिक त्रुटि सुधार गरी विद्यार्थीलाई वास्तविक ग्रेडसिट उपलब्ध गराइएको र छानबिनका लागि शिक्षा, विज्ञान तथा प्रविधि मन्त्रालयमा पठाइएको जानकारी दिए ।

शिक्षा मन्त्री गिरिराजमणि पोखरेल सहित मन्त्रालयका सचिव सहसचिवहरु सम्मिलित बैठकले शिक्षक सेवा आयोगका प्रशासकीय अधिकृत डा. तुलसी थपलियाको संयोजकत्वको ३ सदस्यीय समिति बनाउने निर्णय गरेको हो । समितिमा मन्त्रालयको कानून शाखाका उपसचिव शम्भु रेग्मी र मन्त्रालयका उपसचिव दिनेश खनाल सदस्य छन् । उक्त समितिलाई ५ दिन भित्र प्रतिवेदन दिने गरी समय तोकिएको मन्त्रालयका प्रवक्ता बैकुण्ठ अर्यालले  जानकारी  दिए ।

समितिलाई अहिले भएको घटनाको विस्तृत विवरण र आगामी दिनमा गर्नु पर्ने सुधारका बारेमा सुझाव दिन भनिएको छ । नतिजा जस्तो समबेदनशील कुरामा परीक्षा नियन्त्रण कार्यालयले खेलवाड गरेको भन्दै तिव्र आलोचना भईरहेको छ । कार्यालयले यसलाई सामान्य प्राविधिक ‘ईरर’ भन्दै आएको छ ।

post image

असार ११,काठमाडौं ।   शिक्षा परीक्षा कक्षा १० (एसईई) को नतिजा प्रकाशनमा गम्भीर त्रुटि देखिएको छ । परीक्षा नियन्त्रण कार्यालय (पनिका) ले शनिबार प्रकाशित गरेका नतिजामा आइतबार हजारौं विद्यार्थीको जीपीए बढेको छ ।

पनिकाले तोकेका वेबसाइट तथा एसएमएसबाट विद्यार्थीले शनिबार प्राप्त गरेको जीपीए आइतबार बढेको हो । जीपीए बढेपछि विद्यार्थी, अभिभावक र शिक्षक अन्योलमा परेका छन् । कुनै पनि विषयमा ९० अंक ल्याउने विद्यार्थीको ग्रेड सम्बन्धित विषयमा ए प्लस हुनुपर्नेमा पनिकाको सिस्टमले ए मात्रै देखायो ।

परीक्षा नियन्त्रक अम्बिकाप्रसाद रेग्मीले प्रावधिक त्रुटिले यस्तो भएको प्रतिक्रिया दिए । रेग्मीले भनेका छन्– हिजो र आज नतिजामा फरक परेछ । रिजल्ट अपलोड गर्दा समस्या भएको हो । वेबसाइटमा सिस्टम कम्पाटाबिलिटीमा त्रुटि हुँदा नतिजामा फरक परेको हो । एनटीसीले दिएको नतिजा ठीक छ । हाम्रो वेबसाइटमा त्रुटि भएछ ।

post image

असार १०, पर्वत । यस बर्षको एसइइ परिक्षामा पर्वतको कुस्माबजार स्थित कालीगण्डकी एकेडेमीकी छात्रा अञ्जली पुरीले नेपाल टप गरेकी छन ।

छात्रा पुरीले सबै बिषयमा ए प्लस सहित ४.०० जिपीए अंक सहित एसइइ उर्तीण गरेका कारण नेपाल टप गरेको दाबी बिद्यालयले गरेको हो ।
अहिले सम्म ४.०० जिपीए अंक ल्याउने बिद्यार्थी अञ्जली मात्र देखिएकी छन । ‘अञ्जलीले नेपाल टप गरेको हाम्रो दाबी छ’ बिद्यालयका प्रिन्सीपल बसन्तकुमार कर्माचार्यले बताए ।

सानै देखि प्रतिभावान छात्रा अञ्जली छात्रबृत्तिमा अध्ययन गर्दै आएकी थिइन । उनका बुवा देबेन्द्र पुरी बहिरा छन भने आमा तुल्सी पुरी पनि बहिरा संघ बागलुङ्गमा कार्यरत छन । उनले एनसर नेपालको पुुर्ण छात्रबृत्तिमा अध्ययन गर्दै आएकी थिइन । पर्वतकै मोदी गाउँपालिका वडा नं ६ गिज्यानका स्थायी बासिन्दा पुरी परिवार पछिल्लो समय कुस्मा नगरपालिका वडा नं ७ मा बस्दै आएका छन ।

कालीगण्डकी एकेडेमीबाट परिक्षा दिएका अन्य बिद्यार्थीमा एक जनाले ३.९५ जिपिए र ६ जनाले ३.९० जिपीए, ३.८५ ६ जना, ३.८० जिपीए ३ , ३.७५ २ जना, ३.७० ४ जना, ३.६५ २ जना, ३.६० ५ जना र ३.५ मा २ जना जिपीए सहित उर्तिण भएका छन ।

post image

असार १०,चितवन । नेपाल कम्युनिष्ट पार्टी (विप्लव) निकट अखिल (क्रान्तिकारी) ले आजदेखि जिल्लाका शैक्षिक संस्था अनिश्चितकालीन बन्दको आह्वान गरेपछि यहाँका निजी शिक्षण संस्था प्रभावित भएका छन् ।  प्रहरीले आफ्ना विद्यार्थी नेतालाई पक्राउ गरेको विरोधमा अखिल (क्रान्तिकारी) चितवनले अनिश्चितकालका लागि जिल्लाभरका शैक्षिक संस्था बन्दको आह्वान गरेको हो ।

विद्यार्थीको आह्वानपछि निजी शैक्षिक संस्था बन्द रहेका छन् । सामुदायिक विद्यालय भने नियमित सञ्चालनमा छन् । क्रान्तिकारीका जिल्ला सचिव दर्पणद्वारा जारी विज्ञप्तिमा आफ्ना जिल्ला अध्यक्ष रमेश लामिछाने र सदस्य सरोज भट्टराईलाई क्रमशः रत्ननगरको शहीद स्मृति बहुमुखी क्याम्पस र माडी बहुमुखी क्याम्पसबाट पढिरहेको समयमा गैर न्यायिक ढंगबाट प्रहरी प्रशासनले गिरफ्तार गरेको भन्दै दुबै जनाको तत्काल रिहाइको माग गरेको छ ।

पक्राउ परेका विद्यार्थी नेता रिहाइ नभएसम्म आन्दोलन जारी रहने क्रान्तिकारीले जनाएको छ । प्रमुख जिल्ला अधिकारी जीतेन्द्र बस्नेतले शिक्षण संस्थालाई नियमित सञ्चालन गर्न भनिएको बताउँदै शैक्षिक वातावरण कायम राख्न आवश्यक शान्ति सुरक्षाको प्रत्याभूति गरिने बताए ।रासस

post image

काठमाडौँको धापासीमा अवस्थित तिलिङ्गाटार माध्यमिक विद्यालय एक सामुदायिक बिद्यालय हो । वि.सं. २०१७ सालमा पञ्चकन्या विद्यालयको रुपमा अनौपचारिक रुपमा शुरुवात भएको यस विद्यालय २०१९ सालमा नेपाल सरकारबाट यसले पञ्चकन्या प्राविको स्वीकृत पाएको हो । सोहि विद्यालयका प्राध्यापक सरोजकुमार पाण्डे संगको कुराकानी :

यस बिद्यालयको बारेमा बताइदिनुस न ?

यस विद्यालयको ऐतिहासिक पृष्ठभूमि हेर्दा प्युपाहरुले टारमा आएर तारो हान्ने ठाउँको रुपमा यसको नामाकरण भएको हो । वि.सं. २०१७ सालमा पञ्चकन्या विद्यालयको रुपमा अनौपचारिक रुपमा शुरुवात भएको यस विद्यालय २०१९ सालमा नेपाल सरकारबाट यसले पञ्चकन्या प्राविको स्वीकृत पाएको हो । २०२८/०२९ सालतिर तिलिङ्गाटार नामाकरण गरेर तिलिङ्गाटार मावि बन्यो । त्यसपछि २०५०/५१ सालतिर उमावि बनेको हो ।

एउटा राम्रो सामुदायिक विद्यालय कसरी बन्दो रहेछ ?

राम्रो विद्यालय बनाउन विद्यालयका प्रधानाध्यापक नेतृत्वदायी मात्रै नभएर कुशल व्यवस्थापक हुनु पर्छ । विद्यालयलाई प्रशस्त समय दिने, निरन्तर खट्ने, राम्रो शैक्षिक एजेण्डा बनाउने, शिक्षकहरुसँग सहकार्य, समन्वय र सहजीकरण गर्न सक्ने, गुणस्तरीय सुधारका लागि शिक्षकहरुलाई प्रतिबद्ध गराउने, विद्यार्थीलाई बालमैत्री वातावरण बनाइदिनुका साथै समुदाय र अभिभावकहरुको विश्वास जित्न सक्ने प्रधानाध्यापक हुनु पर्छ । विद्यालय सुधार गर्न समाज, राजनीतिक कार्यकर्ता, स्थानीय तहलगायत सबैको सहयोग चाहिन्छ ।

विद्यालयमा कस्ता परिवर्तन तथा सुधार ल्याउनुभएको छ ?

म २०४४ सालको अन्तिमतिर यस विद्यालयमा आएको हुँ । म १० वर्ष सहायक प्रधानाध्यापक बनेर बसेँ । त्यति बेला विद्यालय काँचो ईंट्टाका जस्ताका छानो भएको सा–साना भवनमा सञ्चालित थियो । मैले २०५५ साल कात्तिक ३० बाट प्रधानाध्यापकको जिम्मेवारी सम्हालेपछि २०५८ सालदेखि पुरानो भवनहरु भत्काइदिएर नयाँ भवन बनाउन शुरु गरेको हुँ । कक्षाकोठाहरु सुविधासम्पन्न बनाउँदै भौतिक सुधार गर्न शुरु गरेँ । १३५ जना विद्यार्थी र ३÷४ शिक्षक थिए । पछि विद्यार्थी र शिक्षक संख्या बढाउँदै लगेँ । अहिले लगभग १७ सय विद्यार्थी छन् । ५० कोठाको विद्यालय भवन बनाउन सफल भएका छौंं । एउटा स्थानमा इसिडि र ६ देखि १२ सम्म र अर्का स्थानमा २९ रोपनी जग्गा छ, त्यहाँ १ देखि ५ सम्म सञ्चालन गर्दै आएका छौं । त्यहाँ करिव ६०० विद्यार्थी अध्ययनरत छन् । विद्यालयले बडो दुःखका साथ भौतिक संरचनामा फड्को मार्न सफल भएको हो । विभिन्न सुधारका कार्यक्रम लागू गर्दा गर्दै हाल नमूना विद्यालयको रुपमा छनोट हुन सफल भएको छ ।

सुधारका लागि कस्ता–कस्ता कार्यहरु गर्नुभयो ?

शिक्षामा निजीकरण शुरु भएपछि नेपालमा दुईखालको शिक्षा उत्पादन हुन थाल्यो । सरकारी विद्यालयहरुको स्तर पनि खस्किँदै गयो । मैले यही विद्यालयलाई निजीको जस्तै पठनपाठन अब्बल बनाउने, कक्षा ११ र १२ सञ्चालन गर्ने, यसैमा गुणस्तर कायम गर्ने भनेर संघर्ष गर्दै आएँ । समयको माग र निजी विद्यालयसँग प्रतिस्पर्धासँगै अन्तर्राष्ट्रिय बजारमा बिक्नका लागि शुरुमा अंग्रेजी माध्यममा पठनपाठन शुरु गर्यौं । सूचना प्रविधिको आधारमा शिक्षण सिकाइ गर्न शुरु गर्यौं । शैक्षिक सामग्री निर्माण गरी अन्तक्र्रियात्मक विधिबाट पढाउने, छलफल र क्रियाकलापमा आधारित भएर शिक्षण सिकाइ गर्न थाल्यौं । शैक्षिकसँगै व्यवस्थापकीय पाटोलाई पनि बलियो बनाउँदै लग्यौं । हरेक विषयको विभागीय प्रमुखहरु बनायौं । शिक्षकहरुलाई विभिन्न तालिम र कार्याशालाहरु आयोजना गर्यौं । विभिन्न राम्रा विद्यालयहरुको अनुगमन भ्रमण गरेर नयाँ कुरा सिक्यौं । विज्ञान, कम्प्यूटर ल्यावसँगै पुस्तकालयहरु अत्याधुनिकिकरण गर्यौं । खानेपानी शौचालय व्यवस्थित गर्यौं । त्यसपछि विद्यार्थीको विद्यालयप्रति आकर्षण बढ्न थाल्यो । हाम्रो वरिपरि लगभग ३० निजी विद्यालयहरु छन् । ती स्कूलसँग प्रतिस्पर्धी बन्दै अघि बढ्दै गयौं । ११ र १२ मा पनि ४ वटै संकाय शुरु गर्यौं ।

अन्यभन्दा यो विद्यालयका बिशेषताहरु के–के छन् ?

हामीले अंग्रेजी माध्यममा, सूचना प्रविधिमा आधारित भएर शिक्षण सिकाइ गर्दे आएका छौं । विद्यालयमा ध्यानयोग सञ्चालन गर्छौं । महर्षि फाउण्डेशनबाट भागवत् ध्यान, चेतनामा आधारित शिक्षा, गहिराइमा डुबेर अध्ययन–अध्यापन गराउँदै आएका छौं । ध्यान गराएर शिक्षक विद्यार्थीलाई तनाबमुक्त बनाउने, विद्यार्थीका आचरण सुधार्दै बानी–ब्यहोरा सुधार गर्ने सबै काम वैज्ञानिक ढंगमा गर्दै आइरहेका छौं । महर्षि फाउण्डेशनबाट यूरोप र अमेरिकामा धेरै विद्यालय सञ्चालन छन् । भारतमा मात्रै १४८ वटा महर्षि स्कूलहरु छन् । नेपालमा सरकारी विद्यालयतर्फ तिलिङ्गाटारमा मात्रै पाइलट प्रोजेक्टको रुपमा ध्यानयोगमा आधारित शिक्षा अघि बढेको छ । हामी ध्यान हल बनाएर उद्घाटनको तर्खरमा छौं । हामी दिनको २ पटक शिक्षक–विद्यार्थी ध्यान गर्छौं । यसबाट हामी शिक्षक र विद्यार्थीलाई नैतिकवान, चरित्रवान, ध्यानी र ज्ञानी बन्न मद्दत मिलेको छ । हाम्रो विद्यालयमा खानेपानीका प्लान्टहरु असाध्यै व्यवस्थित छन् । सुविधा सहुलियत र १ देखि ८ कक्षासम्म पूर्ण निःशुल्क र ९ देखि १२ मा केही सहयोग लिएर विद्यालय सञ्चालनमा छ । ३० जना मात्रै सरकारी तलब खाने र ६१ जना निजी स्रोतमा शिक्षक व्यवस्थापन गरेका छौं । विद्यालय गुणस्तरीय बनाउन हामी प्रतिस्पर्धात्मक छौं । सामुदायिक विद्यालय खस्किरहेको बेला हाम्रो विद्यालय भने राष्ट्रिय र अन्तर्राष्ट्रिय ख्याति कमाउन सफल छ । हामीकहाँ कम्प्यूटर एनेक्सको कक्षा सञ्चालनमा छ र आगामी वर्षदेखि सिभिल डिप्लोमाको कक्षा सञ्चालनको तयारीमा छौं ।

प्रायः सामुदायिक विद्यालयका विव्यस पदाधिकारी, प्रअ, शिक्षक स्रोतको अभावमा सुधार गर्न नसकिएको गुनासो गर्छन् । स्रोतको व्यवस्थापन कसरी गर्नुपर्दो रहेछ ?

स्रोत भनेको जहाँ इच्छा त्यहाँ उपाय भनेको जस्तै हो । हामीले चहुरमा बच्चा पढाएर चन्दाबाट १९ कोठाको भवन बनाएका हौं । देश/विदेशमा सहयोगका लागि गुहार मागियोे । शान्ति मन्त्रालय, जर्मनी, युनेस्को अन्य सरकारी निकायहरुबाट सहयोग जुटायौं । हामीले सहयोगकै भरमा नमूना म्याथमेटिक्स ल्याव बनाएका छौं । सहयोगका लागि चन्दा, घरदैलो त गरियो नै, तीनपटक धान्यञ्चल महायज्ञ गर्यौं । महायज्ञबाटै ११ र १२ कक्षा चलाएका हौं । तत्कालीन जिविस, नगरपालिका, शान्ति मन्त्रालय, जिशिकाबाट विभिन्न मर्मत, भवनलगायतका सहयोग ल्यायौं । दुईवटा ट्रस्ट ल्याएर विज्ञानको फिजिक्स, बायोलोजी र क्यमेस्ट्रीको ल्याब बनाउन सफल भयौं । सिटिइभिटिबाट कम्प्यूटर ल्यायौं । जर्मनहरुबाट कम्प्यूटर, कोरियनहरुबाट ल्यापटप सहयोग र लाइब्रेरी ल्यायौं । युनेस्कोबाट सहयोग ल्यायौं । सहयोग माग्ने ठाउँमा कतै छाडेनौं । यदि इच्छा भए सहयोग जुटाउन समस्या हुँदैन जस्तो लाग्छ । पैसाबिनै काम शुरु गरेका छौं र त्यही काम देखाएर हात थाप्दै सहयोग माग्दै पूरा गरेका छौं । यसै गरेर २० वर्षमा विद्यालयले भौतिक पूर्वाधारमा आमूल फड्को मार्न सफल भएको छ । हामी भौतिक रुपमा कुनै निजीभन्दा कम छैनौं । निजी स्रोतका शिक्षकहरुलाई सकेसम्म सरकारीसरह सुविधा, पोशाक भत्ता दिने गरिएको छ । अहिले शिक्षक, विद्यार्थी अभिभावक सबै खुशी हुनुहुन्छ । हामी नमूनाको पनि नमूना विद्यालय बनाएरै देखाउँछौं । तीन वर्षभित्र भौतिक सुविधासम्पन्न बनाएर ५ वर्षभित्र मुलुकै नमूना शिक्षालय बनाएर छाड्छौं ।

भौतिक पक्षमा त विद्यालय अब्बल छ तर त्यतिले मात्रै भएन, सिकाइ स्तर सुधार्न के–के प्रयास गर्नुभएको छ ?

हामी सिकाइ सुधारमै केन्द्रित रहँदै आएका छौं । सबै शिक्षक साथीहरुलाई विज्ञबाट विषयगत शिक्षण तालिम दिइएको छ । विद्यार्थीलाई पढाइका अलावा अतिरिक्त क्रियाकलापमा सहभागी गराइन्छ । उनीहरु त्यसमा पनि अब्बल छन् । पुरस्कृत भइरहेका छन् । शिक्षकहरुको संकाय र विषयगत छलफल गरेर शिक्षण योजना बनाउने गरेका छौं । नतिजा विश्लेषण गर्ने, २६/२७ ब्याज एसएलसी र एसइइ उतारीसकियो । सबैमा शतप्रतिशत नतिजा छ । १२/१५ व्याज ११ र १२ व्याज उतारिसकेका छौं । हामी गुणस्तरमा कुनै सम्झौता गदैनौं । गुणस्तरका लागि गुणस्तरीय शिक्षक चाहियो । शिक्षकहरुले प्रतिस्पर्धातमक रुपमा शिक्षण सिकाइ गर्नुप¥यो । क्रियाकलापमा आधारित, सूचना प्रविधिमा आधारित, शैक्षिक निर्माण गरेर शिक्षण सिकाइ गर्दै आएका छौं । हरेक पाठको उद्देश्य निर्धारण, शिक्षण योजना निर्माण, नतिजा विश्लेषण सोही आधारमा शैक्षिक सामग्री निर्माण गरेर शिक्षण सिकाइ गर्दै आएका छौं । कक्षा रमाइलो भए विद्यार्थीहरु अल्छि गर्दैनन् । हामी म्याथम्याटिक्स रेस वा दौडाएर गणित कक्षा लिन्छौं । गीत गाएर, नाचेर, चित्र देखाएर हुन्छ कि अडियो÷भिडियो देखाएर सुनाएर हुन्छ, कसरी हुन्छ शिक्षकहरुले आफ्नो विषयमा प्रतिस्पर्धात्मक नतिजाका लागि शिक्षण गर्नु हुन्छ । हरेक विषयमा जान्ने र नजान्ने विद्यार्थीको समूह विभाजन गरेर पढाइन्छ । वार्षिक योजना बनाएर कार्यान्वयन, हरेक शनिबार परीक्षा गरेर अभिभावकलाई उत्तरपुस्तिका पठाउने, सुधारात्मक कक्षा सञ्चालन गर्ने र दिनदिनैको विद्यार्थीको उपस्थिति हेर्ने गर्छौं । एउटा प्रणालीमा विद्यालय सञ्चालन गरिएको छ । म भएपनि नभएपनि एउटा प्रणलीले विद्यालय सञ्चालन भइरहन्छ । विद्यालय अटोमोवाइल जस्तै चल्नु पर्छ । कसैले आदेश दिने होइन समझदारीमा योजनाबद्ध अघि बढ्ने हो । हामी गुरु योजना बनाएर यस विद्यालयलाई बृहत् शिक्षालयको रुपमा विकास गर्दैछौं । होस्टेल बनाउँदैछौं । बसहरु किन्दैछौं ।

तिलिङ्गाटारबाट अन्य विद्यालयहरुले के सिक्ने ?

यस विद्यालयमा अनुगमन गर्न केही नयाँ कुरा सिक्न भन्दै देश/विदेशबाट निरन्तर भ्रमणहरु हुने गरेको छ । गरे सम्भव छ । सुधार गरे शिक्षकले नै गर्ने हो । हामीले १५ वर्ष मिहिनेत गरेपछि मात्रै राम्रो नतिजा दिन सकेका हौं । अहिले ठूला–ठूला निजी विद्यालय छाडेर यहाँ विद्यार्थी आउन थालेका छन् । गर्न चाहेमा र खोजेमा परिवर्तन हुन्छ । बहाना छाडेर चाहना बढाउनु पर्छ । सामुदायिक विद्यालयमा भर्ना नपाए बल्ल निजीमा जाने वातावरण हामीले नै बनाउने हो । यो असम्भव छैन । हामीले गरेर देखाएका छौं ।

सामुदायिक विद्यालयको शैक्षिक स्तर कमजोर हुनुको कारण के लाई मान्नुहुन्छ ?

सरकारले निःशुल्क भनिदिनु नै पहिलो कारण हो । कहीं न कहीं राज्यको लगानी छ । निःशुल्क शिक्षा हुनै सक्दैन, कसले तिर्ने भन्ने मात्रै हो । सक्नेले तिर्नु पर्छ । राज्यको नीति नै कमजोर भयो । सक्नेसँग लिने र नसक्नेलाई मात्रै निःशुल्क भनिदिनु पर्छ । गुणस्तर दियो भने धेरै विद्यार्थी हुन्छन् । दुःख हुन्छ भनेर शिक्षकहरुले मिहिनेत गरेर नपढाएको पनि देखिन्छ । दोषी शिक्षक पनि हो । विद्यालयमा पढाउने र शिक्षकले ट्युसनमा पढाउनेमा भिन्नता पाइन्छ । शिक्षकले राम्रो पढाइदिने हो भने सामुदायिक पहिलो रोजाइको हुन्छ । धेरै सुविधा छ । माथिल्लो तहमा पनि अवसर छ, आकर्षण सामुदायिक विद्यालय हुनुपर्ने हो । समाजले पनि पहिलो प्राथमिकता सामुदायिक विद्यालयलाई दिनुप¥यो । निजीमा पढाउनु प्रतिष्ठाको विषय बन्नु हुँदैन । शिक्षकहरु समयसापेक्ष सुधार नहुने, सूचना प्रविधिमैत्री नहुनु, किताबमा मात्रै आधारित हुने, शैक्षिक सामग्री प्रयोग नगर्ने प्रवृत्तिमा सुधार आउन जरुरी छ । शौचालय, खानेपानीको सुविधा नहुने समस्या सुधार हुनु पर्छ । नगरेरै हो । गरे सम्भव छ । जागिर मात्रै नभनेर जिम्मेवारी बोध गर्दै अहिलेसम्मको गल्ति–कमजोरी स्वीकार्दै त्यसलाई सुधार गर्नतर्फ लाग्नुपर्छ । राज्यले पनि नीतिगत सुधार गर्नु पर्छ । पर्याप्त शिक्षक र भौतिक पूर्वाधार दिनु पर्छ । अनि सामुदायिक विद्यालयहरु अब्बल बन्छन् ।

post image

असार १०, काठमाडौं । ‘न्यूबिज बी–स्कूल रेटिङ–र्‍याङ्किङ अवार्ड २०१८’ शुक्रवार सम्पन्न भएको छ । ‘न्यू बिजनेश एज प्रालि’को आयोजनामा अवार्डको चौथो संस्करण सम्पन्न भएको हो ।

देशभरका १ हजार २ सय ७४ व्यवस्थापन कलेजमध्येबाट यो पटक उत्कृष्ट ३७ कलेज सम्मानित भएका छन् । धेरै कलेजहरू दोहोरिएका पनि छन् । एमबीए, एमबीएस, बीबीए, बीबीएस र बीएचएम गरी ५ क्याटेगोरीका उत्कृष्ट १०/१० र पब्लिकतर्फ उत्कृष्ट ६ तथा प्रदेशबाट उत्कृष्ट ६ कलेज पनि कार्यक्रममा सम्मानित भए । त्यसमध्ये हरेक क्याटेगोरी र प्रदेशका उत्कृष्ट १/१ गरी १२ ओटा कलेजले ट्रफी तथा प्रमाणपत्र प्राप्त गरे भने बाँकी अन्य कलेजले भने प्रमाणपत्र प्राप्त गरेका थिए । विषयगतअन्तर्गत लगभग सम्पूर्ण विषयमा उत्कृष्ट कलेजहरू छानिएको प्रदेश ३ बाट प्रदेशअन्तर्गतको अलग्गै क्याटेगोरीमा भने छनोट नगरिएको आयोजकको भनाइ छ ।

 आयोजक संस्थाका अध्यक्ष मदन लम्सालका अनुसार संसारका उत्कृष्ट अभ्यास र मूल्याङ्कन मापदण्डलाई आधार बनाई कलेजहरू छनोट गरिएको हो । ‘यस किसिमको रेटिङ–र्‍याङ्किङ अवार्डमा हुनैपर्ने विश्वसनीयता, निष्पक्षताको महत्वलाई ध्यानमा राखी इमानदारीपूर्वक काम भएका छन्,’ उनले भने, ‘यसका लागि चाहिने व्यावसायिकता, निर्णायक मण्डलका सदस्यहरूको स्वतन्त्रता र आवश्यक तथ्य–तथ्याङ्क सङ्कलनजस्ता कुरामा मेहनत र विशेष ध्यान दिएका छौं ।’

 राज्यले गर्नुपर्ने काम एउटा संस्थाले गरेको भन्दै कार्यक्रमका प्रमुख अतिथि एवम् शिक्षा सचिव खगराज बरालले आयोजकलाई धन्यवाद दिए । ‘विभिन्न देशमा राज्यले नै कलेजहरूको र्‍याङ्किङ गरिदिन्छ साथै उच्चस्तरमा परेका कलेजलाई सहयोग पनि गर्छ,’ उनले भने, ‘यसले एकातिर शैक्षिक संस्थाको उन्नतिमा मद्दत मिल्छ भने अर्कातिर अभिभावक तथा विद्यार्थीले कुन कलेजको स्तर के हो भन्ने थाहा पाउँछन्, म हाम्रो देशमा पनि यससम्बन्धमा कार्यक्रम अघि बढाउन पहल गर्ने प्रतिबद्धता गर्छु ।’

बिजनेश स्टडी पढ्ने विद्यार्थीका लागि आवश्यक सुविधाहरू उपलब्ध गराउन कलेजहरूलाई प्रोत्साहित गर्ने उद्देश्यले आफूहरूले यस अवार्डको पहिलो संस्करणदेखि नै मुख्य प्रायोजन गर्दै आएको कार्यक्रमको प्रायोजक एभरेष्ट बैङ्कका प्रमुख कार्यकारी अधिकृत सोमेश्वर सेठले बताए । उनले आफ्नो बैङ्क सधैं नेपालको शिक्षाको गुणस्तरीय विकासको पक्षमा रहेको पनि जानकारी दिए ।

कार्यक्रमको सहप्रायोजक ओमान एयरका कण्ट्री म्यानेजर जोन रोड्रिगले यो अवार्डले उच्च शिक्षाका लागि विदेश जाने विद्यार्थीको दर घटाउन मद्दत गर्ने बताए । ‘नेपालमा समयसापेक्ष उच्चशिक्षाको अभावका कारण कक्षा १० वा १२ सकिएपछि विद्यार्थी विदेश जाने परिपाटी छ,’ उनले भने, ‘तर, यसरी हरेक वर्ष आयोजना हुने उत्कृष्ट कलेजको छनोटले कलेजहरूबीच उत्कृष्ट शिक्षा दिने प्रतिस्पर्धा विकास भई यहीँ गुणस्तरीय शिक्षाको अवसर उपलब्ध हुनेछ ।’

अवार्ड छनोट समितिका अध्यक्ष पूर्वशिक्षा सचिव इञ्जिनीयर किशोर थापाले उत्कृष्ट कलेज छनोटका क्रममा छनोट समितिले भोगेका चुनौती र प्राप्त गरेको सफलताका सम्बन्धमा बताए । ‘शिक्षाजस्तो सार्वजनिक सरोकारको क्षेत्रमा रहेर काम गर्ने केही संस्था (कलेजहरू)ले आफ्नो जानकारी दिँदैनौं भन्ने गैरजिम्मेवारपूर्ण अभिव्यक्ति दिएर छनोट प्रक्रियालाई चुनौती दिए,’ आफ्नो अनुभव सुनाउँदै थापाले भने, ‘यसका साथै यो समिति जो कोहीका लागि पनि उपयोगी हुने बिजनेश कलेजहरूको उत्कृष्टता मापनको आधार (क्राइटेरिया) तयार पार्न सफल पनि भएको छ ।’

यो अवार्ड कार्यक्रम सन् २०१३ देखि शुरू भएको हो । सन् २०१३ र २०१४ मा नियमित रूपमा सम्पन्न भएको कार्यक्रम भूकम्प तथा अन्य विविध कारणले बीचमा २ वर्ष आयोजना हुन सकेन । गतवर्षदेखि कार्यक्रमले पुनः निरन्तरता पाएको हो । आगामी दिनमा थप गहन अध्ययनका साथ कार्यक्रमलाई निरन्तरता दिने आयोजकले जानकारी दिएको छ ।

देशभरिका बिजनेश कलेजको सहभागिता रहेको उक्त अवार्ड कार्यक्रममा देशका ख्यातिप्राप्त बिजनेश हाउस तथा शैक्षिक क्षेत्रका व्यक्तित्वहरूको उपस्थिति थियो । कार्यक्रमको मिडिया पार्टनरको भूमिका भने सौजन्य मिडियाले निर्वाह गरेको थियो ।

post image

असार १०, काठमाडौं । अक्षराकंन प्रणालीमा परीक्षाफल आउन थालेसँगै न्यून स्तरीकृत अंक (जिपिए) ल्याउने विद्यार्थीले पनि माथिल्लो कक्षामा भर्ना पाउने भए पनि विद्यार्थीले मेहनत गर्न छाडेको माध्यमिक परीक्षा कक्षा १० को नतिजाले देखाएको छ।

तत्कालीन उच्च माध्यमिक शिक्षा परिषद्को मापदण्डअनुसार कक्षा ११ मा विद्यार्थी भर्नाका लागि एसइइमा डी प्सल (१ दशमलव ६) ग्रेड प्वाइन्ट एभरेज (जिपिए) ल्याउने विद्यार्थीले पनि पाउने व्यवस्था लागू भएपछि विद्यार्थीको गुणस्तर खस्किएको हो ।

अक्षराकंन प्रणाली (लेटर ग्रेडिङ) मा उत्तीर्ण र अनुत्तीर्ण किटान नगरी स्तरीकृत अंकमा विद्यार्थीको नतिजा आउन थालेपछि नपढे पनि वा राम्रोसँग नपढे पनि पास भइन्छ अर्थात् कक्षा ११ मा भर्ना हुन्छ भन्ने सन्देश विद्यार्थी, शिक्षक र अभिभावकमा परेका कारण गुणस्तरमा प्रगति नभएको हो ।

राष्ट्रिय परीक्षा बोर्ड मातहतको परीक्षा नियन्त्रण कार्यालयले आज सार्वजनिक गरेको २०७४ सालको परीक्षाको नतिजाअनुसार डी प्लस ल्याउनेमा ३५ हजार ५८४ विद्यार्थी देखिएका छन् । अघिल्लो वर्ष यो श्रेणीमा ६४ हजार ५७७ विद्यार्थी सफल भएका थिए । जबकी अघिल्लो वर्ष कूल विद्यार्थीको संख्या सात हजारले कम थियो ।

शिक्षाविद् डा मनप्रसाद वाग्लेले सी प्लस (३ दशमलव ५) मा ६० हजार विद्यार्थी देखिनुले विद्यालय शिक्षा प्रणालीमा गुणस्तर खस्केको देखाएको बताए।  ‘विद्यार्थीमा अरुभन्दा सक्षम वा राम्रो अंक ल्याउनुपर्छ भन्ने भावना कम हुँदै गयो । जसरी हुन्छ १ दशमलव ६ जिपिए ल्याए हुन्छ भन्ने मान्यता स्थापित भएको देखियो’ वाग्लेले भने। परीक्षा नियन्त्रण कार्यालयका उपनियन्त्रक गेहनाथ गौतमले परीक्षा प्रणाली र नतिजाबारे विस्तृतमा समीक्षा गर्न अहिले नै हतार हुने बताए।

सरकारको नीतिअनुसार (जिपिए) २ ल्याएका विद्यार्थीले कक्षा ११ मा विज्ञान विषय पढ्न पाउनेछन् । सो विषय पढ्न एसइइमा अंग्रेजी, गणित, विज्ञान, सामाजिक, र नेपालीमा डी प्लस प्राप्त भएको हुन आवश्यक छ । विज्ञान विषय अध्ययन गर्न चाहने विद्यार्थीले विज्ञान र गणितमा सी प्लस र अँग्रेजीमा सी अनिवार्य ल्याउनुपर्छ । व्यवस्थापन, शिक्षा, मानविकी संकाय अध्ययन गर्न १.६ जिपिए ल्याउनेले पनि अवसर पाउने छन् । ३० देखि ४० प्रतिशत अंक ल्याउनेको जिपिए १.६ मानिन्छ ।

व्यावसायिक धारमा पढ्न चाहनेले विज्ञान, अँग्रेजी र गणितमा सी अनिवार्य ल्याउनु पर्ने, व्यवस्थापनका लागि गणितमा सी अनिवार्य तर ट्रालभ एण्ड टुरिज्म, आमसञ्चार र होटल म्यानेजमेण्ट पढ्न चाहनेले अँग्रेजीमा अनिवार्य सी ग्रेड ल्याउनुपर्ने र विज्ञानमा कमजोर भए पनि हुने व्यवस्था गरिएको छ । विज्ञानबाहेक अरु संकायमा गणित ऐच्छिक लिनेका लागि गणितमा सी अँग्रेजी ऐच्छिक लिने भए अँग्रेजीमा सी विज्ञान ऐच्छिक लिने भए विज्ञान र गणितमा सी, नेपाली ऐच्छिक लिने भए नेपालीमा सी स्वास्थ्य र शारीरिक शिक्षा ऐच्छिक पढ्न चाहनेले पनि सी ल्याउनै पर्ने व्यवस्था छ ।

२ भन्दा कम जीपीए ल्याएका विद्यार्थीले लोकसेवाको जाँचै दिन पाउँदैनन्। त्यसैले शनिबार प्रकाशित एसईई परीक्षामा पास भएको भनेर मख्ख पर्नुको साटो कुन–कुन विषयमा कुन ग्रेड आयो र त्यो ग्रेडले आफूले चाहेको विषय पढ्न पाइन्छ कि पाइदैन भन्ने निक्र्यौल गर्न आवश्यक देखिएको छ ।

जीपीए, ग्रेड, तथा कुन विषय पढ्न कुन विषयमा कुन ग्रेड ल्याएको हुनुपर्ने भन्ने कुरा बुझ्न निकै झण्झटिलो भएकाले यसका लागि आफ्नो विद्यालयमा सम्पर्क गर्न शिक्षाविदहरुले सुझाव दिएका छन् ।

सी डी प्लस डी र ई जीपीए ल्याएका विद्यार्थीले स्तरबृद्धिका लागि परीक्षा दिन पाउँछन् । ग्रेड बृद्धिको परीक्षा आउँदो साउन २३ गतेदेखि परीक्षा सञ्चालन हुनेछ ।

राष्ट्रिय पाठ्यक्रम विकास तथा मूल्याङ्कन परिषद्बाट गत २०७२ मङ्सिर २३ मा स्वीकृत भएपछि शिक्षा मन्त्रालयले ‘विद्यालय शिक्षामा अक्षराङ्कन पद्धति, कार्यान्वयन कार्यविधि, २०७२’ जारी गरेको थियो । सोही वर्षबाट यो प्रणाली लागू भएको थियो । ‘अक्षराङ्कन’ भन्नाले तोकिएको सक्षमताको मूल्याङ्कनपश्चात् विद्यार्थीले हासिल गर्ने सिकाइ स्तरलाई अक्षरमा गरिने प्रस्तुति मानिन्छ ।

पाठ्यक्रम विकास केन्द्रका अनुसार ग्रेड निर्धारण तालिका विवरणः

सि नं प्राप्तांकको वर्गान्तर (प्रतिशतमा)       ग्रेड व्याख्या      स्तरीकृत अंक (ग्रेड प्वाइन्ट)

१      ९० र सोभन्दा माथि ‘ए’ प्लस      अति उत्तम ४.०

२      ८० र सोभन्दा माथि ९० भन्दा कम ‘ए’  उत्तम ३.६

३      ७० र सोभन्दा माथि ८० भन्दा कम ‘बी प्लस’ धेरै राम्रो     ३.२

४      ६० र सोभन्दा माथि ७० भन्दा कम ‘बी’ राम्रो  २.८

५      ५० र सोभन्दा माथि ६० भन्दा कम ‘सी प्लस’ सन्तोषजनक       २.४

६      ४० र सोभन्दा माथि ५० भन्दा कम ‘सी’     स्वीकार्य    २.०

७      ३० र सोभन्दा माथि ४० भन्दा कम ‘डी प्लस’ आंशिक स्वीकार्य        १.६

८      २० र सोभन्दा माथि ३० भन्दा कम ‘डी’ अपर्याप्त     १.२

९      २० भन्दा कम ‘इ’     धेरै अपर्याप्त        ०.८

रासस

post image

असार ९, काठमाडौं । परीक्षा नियन्त्रण कार्यालय सानोठिमीले माध्यमिक शिक्षा परीक्षा कक्षा १० (एसईई) को नतिजा सार्वजनिक गरेको छ । गत चैत पहिलो साता लिएको परीक्षाको नतिजा ग्रेडिङ प्रणालीअनुसार शनिबार सार्वजनिक गरेको हो।

कार्यालयका अनुसार परीक्षामा सहभागी भएका ४ लाख ६३ हजार ६ सय ८९ मध्ये नियमितमा ४लाख ५१ हजार ५ सय ३२ तर्फ ३.६ देखि ४ ग्रेड प्वाइन्ट एभरेज (जीपीए) १४ हजार २ सय ३४ जनाले प्राप्त गरेका छन्।

यस्तै, ३.२ देखि ३.६ जीपीए ल्याउने विद्यार्थी ४६ हजार १ सय ३० जना छन्। २.८ देखि ३.२ जीपीएसम्म ल्याउने ४९ हजार ३७ जना, २.४ देखि २.८ जीपीएसम्म ल्याउने विद्यार्थी ७० हजार ५ सय १२ जना।

२ देखि २.४ जीपीएसम्म ल्याउने ६१ हजार ८ सय ७० र १.६ देखि २.०० जीपीएसम्म ल्याउने एक लाख १० हजार ४३ विद्यार्थी छन्। १.२५ देखि १.६० सम्म ल्याउने ३५ हजार ५ सय ८५ जना विद्यार्थी रहेका छन्। ०.८५ देखि १.२० ल्याउने ५८ हजार ६ सय ८८ रहेका छन्।

नतिजा कसरी थाहा पाउने ?

शिक्षा मन्त्रालयको वेबसाइट moe.gov.np

शिक्षा विभाग सानोठिमी भक्तपुरको doe.gov.np

परीक्षा नियन्‍त्रक कार्यालय सानोठिमी भक्तपुरको neb.gov.np

नेपाल टेलिकमको वेबसाइट see.ntc.net.np मा पनि नतिजा हेर्न सकिन्छ।

post image

असार ८,काठमाडौँ । हिमालय कलेज अफ इन्जिनियरिङको आयोजनामा काठमाडौको याक एन्ड यति होटलमा “ सूचना सञ्चार प्रविधिमा रोजगारी : अवसर र चुनौति” विषक कार्यशाला गोष्ठी सम्पन्न भएको छ ।

 नेपालको विकासका लागि प्राविधिक शिक्षा प्रदान गर्ने उद्देश्यले स्थापना भएको हिमालयन कलेजको उक्त कार्यशाला गोष्ठीमा नेपालका लागि इजरायलका राजदुत बेन्नी ओमर प्रमुख अतिथि रहेका थिए ।

हिमालय कलेज अफ इन्जिनियरिङका प्रबन्ध निर्देशक रामेश्वर अर्यालले स्वागत मन्तव्य व्यक्त गर्दै ‘नेपाल समृद्धिका चरणमा प्रवेश गरेकाले यसका लागि सूचना र सञ्चारको विकास र राष्ट्र निर्माणमा यसको प्रयोग अपरिहार्य रहेकाले यसै अनुसारको जनशक्ति उत्पादन गरी देश विकासमा टेवा पुर्याउने धेयले कार्यक्रमको आयोजना गरिएको बताउनु भयो ।

 कार्यक्रमका प्रमुख अतिथि इजरायली राजदुतले आजको विश्वलाई सूचना र सञ्चारले नेतृत्व गरेको र इजरायल पनि यस मार्गमा अगाडि बढी सकेको बताउँदै नेपालसँग सहकार्य गरी स्तरीय शिक्षा प्रदान गर्न तयार रहेको बताउनु भयो ।

कार्यक्रमा उपस्थित त्रिभुवन विश्वविद्यालयका शिक्षाध्यक्षा प्रा.डा. सुधा त्रिपाठीले त्रि.वि. गुणस्तीय र व्यवहारिक शिक्षा प्रदान गराउने र विश्वविद्यालय शिक्षाको संरचना परिवर्तन गर्ने तयारीमा रहेको बताउँदै हिमालय कलेज अफ इन्जिनियरिङले आजको विश्व सुहाउँदो शिक्षा प्रदान गर्ने त्रि.वि.को लक्ष्य हासिल गर्नमा निकै ठूलो भूमिका खेलेको भन्दै कलेजको प्रशंसा गर्नु भयो । उहाँले त्रि.वि.का आङ्गिक र सम्बन्धन प्राप्त कलेजहरुमध्ये हिमालय कलेज अफ इन्जिनियङ एक उत्कृष्ट कलेज रहेको धारण पनि सार्वजनिक गर्नुभएको थियो।

 इन्जिनियरिङ अध्ययन संस्थानका सुवर्ण शाक्यले कलेजले नेपालको इन्जिनियरिङ क्षेत्रमा निर्वाह गरेको भूमिकाको प्रशंसा गर्दै गुणस्तीय इन्जिनियरिङ शिक्षा प्रदान गर्नमा कलेजले अझै महत्त्वपूर्ण भूमिका खेल्ने विश्वास व्यक्त गर्नु भयो ।

कार्विका थापाले सहजकर्ताको भूमिका निर्वाह गरेको कार्यक्रममा लिफ्रगका प्रतिनिधि कृष, क्यानका उपाध्यक्ष रोमकान्त पाण्डेय, नेपाल टेलिकमका सुनिल पोखरेल, विभुषण विष्ट र हिमालय कलेज अफ इन्जिनियरिङका विभागीय प्रमुख अशोक जिएमले विज्ञ समूहको भूमिका निभाउनु भयो ।

सारदा अधिकारीले सञ्चालन गरेको सो कार्यक्रममा कलेजका निर्देशक कपिलदेव रेग्मीले कार्यक्रममा उपस्थित सम्पूर्ण महानुभावहरुलाई धन्यवाद ज्ञापन गर्नु भयो भने कलेजका प्राचार्य मदन शर्माले कार्यक्रमको समापन गर्नु भयो ।

 

 

एसईईको रिजल्ट अबको ५/ ७ दिन मा

प्रकाशित मिती : Wednesday
post image

असार ६,काठमाडौँ । यस वर्षको एसईई परीक्षाको नतिजा अझै पाँच-सात दिनपछी मात्र  प्रकाशित हुने भएको छ  ।  राष्ट्रिय परीक्षा बोर्डले यसअघि बुधबारसम्ममा नतिजा सार्वजनिक गर्ने गरी तयारी अगाडि बढाएको बोर्डले जानकारी दिएको थियो ।

परीक्षा नियन्त्रण कार्यालय सानोठिमीका परीक्षा नियन्त्रक अम्बिका प्रसाद रेग्मीले नतिजा सार्वजनिकका लागि उत्तरपुस्तिका ‘इन्ट्री र रुजु’ गर्ने काम भइरहेकाले त्यो काम सकेपछि मात्रै नतिजा सार्वनिक हुने बताए ।

परीक्षा नियन्त्रक रेग्मीले समयमै नतिजा सार्वजनिक गर्न बोर्डले काम गरिरहेपनि केही प्राविधिक समस्याका कारण केहीदिन ढिला हुन गएको बताए ।

यसवर्षको परीक्षामा साधारण धारतर्फ चार लाख ८५ हजार ५८६ परीक्षार्थी सहभागी भएका थिए । यस्तै  प्राविधिक धारतर्फ  ८ हजार ७०८ जना परीक्षार्थी सहभागि थिए । नतिजा ग्रेडिङ पद्धतिमार्फत हुनेछ ।

 

post image

जेठ ३१, काठमाडौं । नेपाल कम्युनिस्ट पार्टीका दुई विद्यार्थी संगठन अनेरास्ववियु र अनेरास्ववियु क्रान्तिकारीले पेट्रोलियम पदार्थको मूल्यवृद्धि तत्काल फिर्ता लिन माग गरेको छ । बिहीबार संयुक्त विज्ञप्ति जारी गरी दुई संगठनले पेट्रोलियम पदार्थमा तोकिएको करको दर घटाउन र आयल निगमको चुहावट तथा फजुल खर्च रोक्न पनि माग गरेको छ । अनेरास्ववियु र अनेरास्ववियु क्रान्तिकारीले रातो र नीलो सिलिण्डर बनाई रातोलाई सहुलियत रुपमा विद्यार्थीलाई वितरण गनर्ुे पुरानो सम्झौता कार्यान्वयन गर्न पनि माग गरेको छ ।

उनीहरुले बजेटमा शैक्षिक प्रमाणपत्रको आधारमा ऋण दिने कार्यक्रम राखिएकोमा स्वागत गर्द तत्काल कार्यविधि बनाई कार्यान्वयन गर्न अर्थ मन्त्रालयसँग माग गरेको छ । ‘उक्त ऋणमा व्यवस्था गरिएको ५ प्रतिशत ब्याजको विद्यमान प्रावधान खारेज गरी विद्यार्थी आन्दोलनको माग अनुसार विना ब्याज शैक्षिक ऋण उपलब्ध गराउन माग गर्दछौं’ अनेरास्ववियु अध्यक्ष नविना लामा र अनेरास्ववियु क्रान्तिकारीका अध्यक्ष रञ्जित तामाङले जारी गरेको विज्ञप्तिमा भनिएको छ ।

दुई विद्यार्थी संगठनले शिक्षामा २० प्रतिशत बजेट विनियोजन गर्न, निजी विद्यालयले बढाएको शुल्क फिर्ता लिन पनि माग गरेको छ । मुलुकलाई भारत पर्ने गरी भूतपूर्व विशिष्ट पदाधिकारीलाई सुविधा नदिन र समयमा काम नगर्ने ठेकेदार र कालोबजारी गर्ने ब्यापारीलाई कारबाही गर्न पनि उनीहरुले माग गरेका छन् । विद्यार्थी संगठनले यी माग राखेर चरणवद्ध आन्दोलन सुरु गरेको भन्दै माग पूरा नभए कडा आन्दोलन गर्ने चेतावनी दिएका छन् ।

संयुक्त प्रेस विज्ञप्ति

मिति : २०७५/ ०२/ ३१

मुलुकमा क्रियाशील प्रमुख दुई विद्यार्थी संगठन अनेरास्ववियु र अनेरास्ववियू(क्रान्तिकारी)को संयुक्त बैठक बागबजार स्थित अनेरास्ववियू(क्रान्तिकारी)को केन्द्रीय कार्यालयमा बस्यो । बैठकले जनजिविका र अन्य समसामयिक सवालमा लिएका तपशिल बमोजिमका निर्णयहरु सार्वजनिक गर्न यो प्रेस विज्ञप्ति जारी गरिएको छ ।

१) पेट्रोलियम पदार्थको मुल्यवृद्धि अविलम्ब फिर्ता गर्न सरकार र नेपाल आयल निगमको गम्भीर ध्यानाकर्षण गराउँदछौं । यससँगै सरकारलाई पेट्रोलियम पदार्थमा तोकिएको करको दर घटाउन र नेपाल आयल निगमको अनावश्यक फजुल खर्च र चुहावट रोक्न माग गर्दछौं ।

२) विगतमा रातो र निलो गरी दुई खालका सिलिन्डर बनाई रातो सिलिन्डरलाई सहुलियतपूर्ण दरमा वितरण गर्ने विद्यार्थी संगठनसँगको सम्झौता अविलम्ब कार्यान्वयन गर्न सम्बन्धित निकाय समक्ष जोडदार माग गर्दछौं ।

३) विद्यार्थीलाई शैक्षिक प्रमाणपत्रको आधारमा ऋण प्रदान गर्ने बजेटको व्यवस्थालाई स्वागत गर्दै त्यसलाई ठोस कार्यविधि बनाई अबिलम्ब कार्यान्वयन गर्न अर्थ मन्त्रालय लगायतका सबै सरोकारवाला निकायको ध्यानाकर्षण गराउँदछौं । साथै उक्त ऋणमा व्यवस्था गरिएको ५ प्रतिशत व्याजको विद्यमान प्रावधान खारेज गरी विद्यार्थी आन्दोलनको माग अनुसार विना व्याज शैक्षिक ऋण उपलब्ध गराउन माग गर्दछौं ।

४) संविधानको धारा ३१ को उपधारा १ र २ बमोजिम शिक्षामा सबैको पहुँच स्थापित गर्न र विद्यालय तहको शिक्षा निःशुल्क बनाउने प्रावधान कार्यान्वयनका लागि शिक्षामा छुट्याइएको बजेट अपर्याप्त रहेकाले २० प्रतिशत बजेट छुट्याउन पुनश्चः विशेष माग गर्दछौं ।

५) ‘संस्थागत विद्यालय शुल्क मापदण्ड निर्देशिका २०७२’ कार्यान्वयन गर्न र बढाइएको शुल्क फिर्ता गर्न विद्यार्थी संगठन र शिक्षा मन्त्रालयबिच भएको सहमति कार्यान्वयनमा देखाइएको उदासिनता प्रति खेद प्रकट गर्दै उक्त सहमतिको अक्षरश कार्यान्वयन गर्न गराउन गम्भीरतापूर्वक ध्यानाकर्षण गराउँदछौं ।

६) मुलुकलाई अनावश्यक आर्थिक भार पर्नेगरी भुतपुर्व विशिष्ठ श्रेणीका पदाधिकारीहरुलाई सुविधा दिनका लागि अघि बढाइएको प्रक्रिया तत्काल रोक्न माग गर्दछौं ।

७) समयमा काम सम्पन्न नगर्ने ठेकेदार र महँगी, कृत्रिम अभाव र कालोबजारी गर्ने व्यापारीलाई कडा कारवाही गर्न सम्बन्धित निकायलाई विशेष ध्यानाकर्षण गराउँदछौँ ।

८) कानुन संकाय अन्तर्गत नेपाल ल क्याम्पसमा देखिएको भर्ना समस्या समाधान गर्नका लागि अघिल्लो शैक्षिकशत्रकै संख्या बराबरका विद्यार्थीको भर्ना सुनिश्चित हुनेगरी भर्ना प्रक्रिया अगाडि बढाउन सम्बन्धित निकायको ध्यानाकर्षण गराउँदछौँ ।

उपरोक्त माग पुरा गराउन सरोकारित निकाय केन्द्रित हुनेगरी चरणबद्ध संघर्षका कार्यक्रमहरु जारी छन् । हाम्रा माग अविलम्ब पुरा नगरिए जारी आन्दोलनलाई नयाँं उचाईमा पु¥याउँदै थप कडा संघर्षका कार्यक्रम घोषणा गर्न बाध्य हुनेछौँ ।

……………
………………..
नविना लामा रञ्जित तामाङ
अध्यक्ष, अनेरास्ववियु अध्यक्ष, अनेरास्ववियू(क्रान्तिकारी)

post image

जेठ ३१,काठमाडौँ। मोरङ भलुवा स्थित केराबारी ९ मा रहेको लक्ष्मी मा.वि. बिगत केही दिनदेखि छात्राहरुमा चिच्याउने , बेहोस हुने , डराउने , अस्वाभाविक व्यबहार देखाउने जस्ता समस्या देखा परेको छ  । एकै दिन ९ जनासम्म छात्राले यस्तो अस्वाभाविक व्यबहार देखाएको बिद्यालयले जनाएको छ।

सोहि समस्याका कारण बुधबार दिउँसो १२:३० सम्ममा ७ जना छात्रामा यस्तो समस्या देखा परेकोले अझै अन्य छात्राहरुमा पनि यो समस्या देखापर्न सक्ने भन्दै बिद्यालय शुक्रबार सम्म बिदा गरिएको छ ।

छात्राहरुमा मात्र किन यस्तो समस्या देखियो भन्ने कुरामा बिद्यालय पक्षा नै अन्योलमा रहेको छ । यस्तो समस्याको कारण र समाधानका उपाय कसैलाई जानकारी भएमा उपयुक्त सल्लाह सुझावको अपेक्षा गरेको इ बिद्यालय पक्षले जनाएको छ ।

post image

जेठ २१,काठमाडौँ।  सुचना तथा संचार प्रविधिको क्षेत्रमा कार्य गर्दै आइरहेको कम्प्युटर  एशोसियसन नेपाल महासंघ ले प्राविधिक शिक्षातर्फ छात्रवृत्ति प्रदान गर्ने भएको छ । काठमाडौँको मैतिदेबीमा रहेको सूचना प्रविधि बिषयमा अध्यापन गराउने कलेज लर्ड बुद्धसंग सहकार्य गरेर छात्रवृत्ति प्रदान गर्न लागिएको हो ।

छात्रवृत्तिलाइ लिएर आज क्यान महासंघका अध्यक्ष हेमन्त चौरासिया र लर्ड बुद्ध एजुकेसन फाउन्डेसनका अध्यक्ष पंकज जलानबीच एक पत्रकार सम्मेलनमा हस्ताक्षर भएको छ ।

“ नेसनल आइसीटी स्कलरशिप – २०७५ “ नाम दिइएको यस छात्रबृत्ति योजना अन्तर्गत सातै प्रदेशका बिद्यार्थीहरुलाई समान अवसर प्रदान गरिने आयोजक पक्षले जनाएको छ । कुल ४९ जनालाई प्रदान गर्न लागिएको यस छात्रवृत्ति योजनामा प्रत्येक प्रदेश बाट १ /१ जना छात्रालाईपूर्ण छात्रवृत्ति दिईनेछ भने बाँकी लाइ आशिक रुपमा प्रदान गरिनेछ ।

ग्रामिण क्षेत्रम पनि सूचना प्रविधिको विकास र सबै नागरिकमा यसको पहुंच पुर्याउनमा यस योजनालेटेवा पुग्ने बिश्वाश आयोजकले लिएको छ । सम्झौताअनुसार फिमेल मेरिट स्कलरसिपमा २८ जना र आइसीटी मेरिट तर्फबाट २१ जना गरेर कुल १ करोड ८३ लाख  ३६ हजार रुपैयाँ बराबरको छात्रवृत्ति प्रदान गरिनेछ  ।

छात्रवृत्ति पाउने बिद्यार्थीहरुले मलेसियाको एशिया प्यासिफिक युनिभर्सिटीअफ टेक्नोलोजीएण्ड इनोभेशनको एफिलेशनमा संचालित लर्ड बुद्ध एजुकेशन फाउन्डेसनमा स्नातक अन्तर्गत बि एस सी आइटी अध्ययन गर्न पाउनेछन ।छात्रवृत्तिका लागि इच्छुक बिद्यार्थीले क्यान महासंघको वेबसाइट www.can.org.np र लर्ड बुद्धको वेबसाइट www.Ibef.org बाट २०१८ जुलाई २५ तारिक सम्म आवेदन दिनसक्नेछन  ।

post image

जेठ १८, रुकुम।  रुकुम पश्चिमको बाँफिकोट गाउँपालिकाको एक विद्यालयमा पढ्दै गर्दा विद्यार्थी मुर्छा पर्न थालेपछि एक साताका लागि विद्यालय बन्द गरिएको छ । बाँफिकोट गाउँपालिका–१, पिपल लगिमको जन एकता आधारभूत विद्यालयका विद्यार्थी मुर्छा पर्न थालेपछि बन्द गरिएको हो।

केही दिनदेखि यहाँका ४० जना विद्यार्थी मुर्छा पर्न थालेपछि विद्यालय बन्द गरिएको विद्यालय व्यवस्थापन समितिका सदस्य पवनकुमार चन्दले जानकारी दिए। उनले अन्य विद्यार्थीसमेत बिरामी पर्ने डरले विद्यालय बन्द गरेको बताए।

उनका अनुसार पढ्दै गरेका विद्यार्थी एक्कासि मुर्छा पर्ने, ब्युँझिएपछि विद्यार्थीको टाउको र हातखुट्टा दुख्ने, रिङ्गटा लाग्ने र रुनेजस्ता लक्षण देखिने गरेको छ।गत मंगलबार र बुधबारमात्रै मुर्छामा परेका करीब २० जना विद्यार्थीको उपचार भएको विद्यालयले जनाएको छ ।स्वास्थ्य चौकी पीपलका अहेब खगेन्द्र शर्मा नेतृत्वको स्वास्थ्यकर्मीको टोलीले विद्यार्थीको उपचार गरिरहेको बताइएको छ।रासस

post image

 जेठ १८, चितवन । प्राइम कमर्सियल बैंकबाट विगतमा हरेक वर्ष संस्थागत सामाजिक उत्तरदायित्व अन्तर्गत प्रदान गरिने शैक्षिक सामग्रीहरू यस वर्ष पनि चितवन जिल्ला, इच्छाकामना गापा अन्तर्गतका १५ वटा सामुदायिक विद्यालयहरूलाई सेतोपाटी, सुकुुल, कालोमार्कर पेन, डस्टर एवं एउटा तामिन गाउँमा रहेको राष्ट्रिय प्राथमिक विद्यालयमा खानेपानीको लागि १ हजार मिटर पाइप तथा उक्त विद्यालयहरूमा अध्यनरत अति विपन्न परिवारका ७ सय ५० विद्यार्थीलाई झोला, ब्याग, जस्ता शैक्षिक सामग्रीहरू एक समारोहकाबीच बैंकका अध्यक्ष उदय मोहन श्रेष्ठ, सञ्चालक राजेन्द्र दास श्रेष्ठ तथा बैंकका संस्थापक एवं पूर्वअध्यक्ष उमेश श्रेष्ठबाट संयुक्त रूपमा विद्यालय व्यवस्थापन समितिका अध्यक्ष एवं प्रधानाध्यापकहरूलाई हस्तान्तरण गरियो ।

प्राइम कमर्सियल बैंकबाट चितवन जिल्लाको तामिन, चण्डीभञ्जाङ, इच्छाकामना, फिस्लिङ, गोरखाको मनकामना गाउँमा तरकारी, फलफूल एवं पशुपालक कृषकहरूलाई दुई वर्ष अगाडि देखिनै समूहमा काम गर्न उनीहरूलाई आधुनिक कृषि ज्ञान, तालिम र सीप सिकाइ उत्पादन क्षमता बढाउन र खेती किसानीलाई व्यावसायिकीकरण गर्नेतर्पm उत्प्रेरण प्रदान गर्न समय समयमा किसानहरूसँग प्रत्यक्ष अन्तरक्रियाका कार्यक्रमहरू सञ्चालन गर्दै आईरहेको छ ।

कृषिउपज सुहाउँदो कर्जा नीति तर्जुमा गरी सोही अनुरूप साना किसानहरूलाई कृषि कर्जा सरल ढंगबाट उपलब्ध गरउने, किसानहरू आफूले उत्पादन गरेका कृषिजन्य वस्तुहरू, तरकारी, फलफूल आ–आफ्नै समूहमार्फत उपभोक्ता वा थोक विक्रेता कहाँ पु¥याउने व्यवस्था गर्ने जसले गर्दा बिचौलियाबाट ठगिने वातावरण नहुने, किसानले आफ्नो उत्पादनको उचित प्रतिफल पाउने अनि उपभोक्ताहरूले पनि सुपथ मूल्यमा नै तरकारी खरिद गर्न पाउनाले सबै पक्षहरू प्रत्यक्ष लाभान्वित हुने स्थिति सिर्जना हुनेछ ।

post image

 जेठ १८,काठमाडौँ । द हिन्दू ग्रुप भारतको प्रमुख आयोजना काठमाण्डौको दरवारमार्गस्थित होटल अन्नपूर्णमा जारी रहेका दुईदिने भारतीय शैक्षिक मेलामा विद्यार्थीहरुको निकै चाप रहेको छ । करीअर एण्ड नलेज नारा सहित आयोजना गरीएको यस ईण्डिया एजुकेशन फेयर २०१८ को संयोजनकारी भूमिकामा वाईड रेञ्ज कन्सल्टेन्सी, कृष्णा कन्सल्टेन्सी,थिम र एमसिएफ रहेका छन् ।

भारतका ख्यातीप्राप्त सरकारी तथा नीजि बिश्वविद्यालय र शिक्षण संस्थाका प्रतिनिधिहरुको बाक्लो उपस्थिती रहेको यस शैक्षिक मेलामा बिहानैदखेखि नेपाली विद्यार्थीहरु अवलोकनका लागि आईरहेका छन् । ईण्डिया एजुकेशन फेयर २०१८ मा विद्यार्थीह्रुले मेडीकल, ईन्जिनियरीङ्ग,आईटी, बिजनेश स्टडीज, ह्यूम्यानिटीज, आर्ट एण्ड डिजाईन, ल,जर्नालिजम, एग्रिकल्चर र पारामेडीकल लगायतका ४० भन्दा बढी कोर्ष र बिषयहरुका बारेमा एकै थलोमा जानकारी लिन पाउने भएकाले पनि विद्यार्थीहरुको उपस्थितीले आफुहरु उस्साहीत भएको द हिन्दू ग्रुपका एजुकेशन सेल्स हेड एस सुदर्शनले अनलाईन समयलाई जानकारी गराउनु भयो ।

नेपाली विद्यार्थीहरुलाई छिमेकी राष्ट्र भारतका बिश्वविद्यालयहरुको अध्ययन अध्यापन, छात्रबृती लगायतका कुराहरुलाई समेट्न र त्यहाँका प्रतिनिधिहरुसँग सिधै सम्पर्क गर्न तथा परामर्श लिनका लागि पनि यो शैक्षिक मेला निकै लाभदायक हुने आयोजक संस्था द नलेज ग्रुपका प्रबन्ध निर्देशक तथा सिईओ बिकास त्रिबेदीको बुझाई रहेको छ । यस शैक्षिक मेलामा यूजी र पिजीका कोर्षहरु, छात्रबृती तथा बिेशष डकुमेन्ट तयार पार्न नेपाली विद्यार्थीलाई सघाईने, भारतभर प्रख्यात टप १० बिश्वविद्यालयहरुको सहभागीता र विद्यार्थीहरुलाई बिशेष करीअर काउन्सिलिङ्ग यस मेलाका मुख्य आर्कषण हुन् । मेलामा विद्यार्थीहरुको आर्कषणका लागि बिभिन्न गिफ्ट ह्याम्परहरु समेत राखिएका छन् ।

जसले गर्दा पनि मेला पहिलो दिन नै उल्लेख्य मात्रामा नेपाली विद्यार्थीहरु होटल अन्नपूर्ण गई मेलामा आएका बिभिन्न बिश्वविद्यँलय तथा कलेजका प्रतिनिधिहरुसँग परामर्श गरीरहनुका साथै आफ्नो करीअर कसरी अगाडी बढाउने भन्ने बारेमा छलफलमा केन्द्रित रहेको देख्न सकिन्छ । हुनत अहिले पनि बर्षेनी हजारौको संख्यामा नेपाली विद्यार्थीहरु अध्ययनका लागि भारतका बिभिन्न बिश्वविद्यालय तथा शिक्षण संस्थाहरुमा जाने गरेका छन् ।

तर यसरी नबुझेर भारत अध्ययनमा जाँदा विद्यार्थीह्रुले विभिन्न समस्या झेल्नु पर्ने तितो यर्थाथलाई मध्यनजर गर्दै द हिन्दू ग्रुपले समवन्धित विश्वविद्यालय तथा कलेजका प्रतिनिधि तथा प्रिन्सीपल, डाईरेक्टरहरुसँग प्रत्यक्ष भेटेर आम अभिभावकले लाभ लिन सकुन् भन्ने उद्धेश्यकासाथ मेला आयोजना गरीएको हो । भारतीय शैक्षिक मेला अवलोकनका लागि प्रबेश निशुल्क गरीएको छ यस शैक्षिक मेलामा सहभागी भई आफुले भारतमा पढ्न चाहेको बिषय र विश्वविद्यालयका बारेमा जानकारी लिई लाभ लिन आयोजकले विद्यार्थी, अभिभावक तथा शिक्षक –शिक्षिकाहरुलाई समेत आवहान गरेको छ ।

post image

जेठ १७, काठमाण्डौं । द हिन्दू ग्रुप भारतको प्रमुख आयोजना तथा द नलेज नेटवर्कको सहकार्यमा नेपालमा ईण्डिया एजुकेशन फेयर २०१८ को आयोजना हुने भएको छ । काठमाण्डौको दरवारमार्गस्थित होटल अन्नपूर्णमा यही जेठ १८ र १९ अर्थात जून १ र २ तारीखका दिन दुईदिने भारतीय शैक्षिक मेलाको आयोजना हुन गईरहेको हो । करीअर एण्ड नलेज नारा सहित आयोजना हुन गईरहेको यस ईण्डिया एजुकेशन फेयर २०१८ को संयोजनकारी भूमिकामा वाईड रेञ्ज कन्सल्टेन्सी, कृष्णा कन्सल्टेन्सी,थिम र एमसिएफ रहेका छन् । भारतका ख्यातीप्राप्त सरकारी तथा नीजि बिश्वविद्यालय र शिक्षणसंस्थाका प्रतिनिधिहरुको उपस्थिती रहने शैक्षिक मेलामा नेपाली विद्यार्थीह्रुले मेडीकल, ईन्जिनियरीङ्ग,आईटी, बिजनेश स्टडीज, ह्यूम्यानिटीज, आर्ट एण्ड डिजाईन, ल,जर्नालिजम, एग्रिकल्चर र पारामेडीकल लगायतका ४० भन्दा बढी कोर्ष र बिषयहरुका बारेमा एकै थलोमा जानकारी लिन पाउने द हिन्दू ग्रुपका एजुकेशन सेल्स हेड एस सुदर्शनले जानकारी गराउनु भयो ।

नेपाली विद्यार्थीहरुलाई छिमेकी राष्ट्र भारतका बिश्वविद्यालयहरुको अध्ययन अध्यापन, छात्रबृती लगायतका कुराहरुलाई समेट्न र त्यहाँका प्रतिनिधिहरुसँग सिधै सम्पर्क गर्न तथा परामर्श लिनका लागि पनि यो शैक्षिक मेला निकै लाभदायक हुने आयोजक संस्था द नलेज ग्रुपका प्रबन्ध निर्देशक तथा सिईओ बिकास त्रिबेदीको बुझाई रहेको छ ।यस शैक्षिक मेलामा यूजी र पिजीका कोर्षहरु, छात्रबृती तथा बिेशष डकुमेन्ट तयार पार्न नेपाली विद्यार्थीलाई सघाईने, भारतभर प्रख्यात टप १० बिश्वविद्यालयहरुको सहभागीता र विद्यार्थीहरुलाई बिशेष करीअर काउन्सिलिङ्ग यस मेलाका मुख्य आर्कषण रहेको कुरा डब्लु आरसी नेपालका प्रबन्ध निर्देशक सुदिप नायकले जानकारी गराउनु भयो ।

हुनत अहिले पनि बर्षेनी हजारौको संख्यामा नेपाली विद्यार्थीहरु अध्ययनका लागि भारतका बिभिन्न बिश्वविद्यालय तथा शिक्षण संस्थाहरुमा जाने गरेका छन् । तर यसरी नबुझेर भारत अध्ययनमा जाँदा विद्यार्थीहरुले विभिन्न समस्या झेल्नु पर्ने तितो यर्थाथलाई मध्यनजर गर्दैे द हिन्दू ग्रुपले समवन्धित विश्वविद्यालय तथा कलेजका प्रतिनिधि तथा प्रिन्सीपल, डाईरेक्टरहरुसँग प्रत्यक्ष भेटेर आम अभिभावकले लाभ लिन सकुन् भन्ने उद्धेश्यकासाथ मेला आयोजना गरीएको हो ।

भारतीय शैक्षिक मेला अवलोकनका लागि प्रबेश निशुल्क गरीएको छ यस शैक्षिक मेलामा सहभागी भई आफुले भारतमा पढ्न चाहेको बिषय र विश्वविद्यालयका बारेमा जानकारी लिई लाभ लिन आयोजकले सबैमा अनुरोध समेत गरेको छ

post image

जेठ १६, काठमाडौं । हास्य कलाकारद्वय कुमार कट्टेल ‘जिग्री’ र अर्जुन घिमिरे ‘पाँडे’ ले  दुई बालबालिकाको शिक्षादिक्षाको जिम्मेवारी लिएका छन् । सरकारको १ व्यक्ति १ विद्यार्थी भर्ना कार्यक्रमलाई साथ दिँदै उनीहरुले जिम्मेवारी लिएका  हुन ।

सिन्धुपाल्चोकका  अभी ब्लोन (तामाङ) ९ महिना हुँदा बुवा बितेका र आमाले पनि छोडेर हिँडेपछि बेसहारा बनेका उन लाई एउटा संस्थाले ८ कक्षासम्म पढाउन सहयोग गरेको थियो । उनलाई उच्च माध्यमिक तहसम्म शिक्षा दिने जिम्मेवारी जिग्री र पाँडेले लिएका छन् ।

त्यस्तै हाल ४ कक्षामा अध्ययनरत कञ्चन भुजेलको पनि पारिवारिक अवस्था अत्यन्तै कमजोर रहेको छ ।  उनलाई १० कक्षासम्म पढाइदिने जिग्री र पाँडेले जनाएका छन् । दुवै बालबालिकालाई सिन्धुपाल्चोक जिल्लाको पाँचपोखरी थाङ्पाल गाविस-८मा रहेको श्री लागर्छे माविमा भर्ना गरिएको छ ।

post image

जेठ १५, काठमाडौं । भद्रपुरस्थित श्रीकृष्ण द्वैपायन वेद विद्याश्रम (गुरुकूल) विद्यालय व्यवस्थापन समितिका अध्यक्ष राजेन्द्र चापागाईंलाई बालकलाई छुवाछूत गरेको अभियोगमा प्रहरीले आज पक्राउ गरेको छ।

गुरुकूलमा इलाम नगरपालिका–५ बरबोटेका दलित बालक विकास कार्कीडोली (दर्जी) लाई भर्ना नलिएर जातीय छुवाछूत गरेको आरोपमा चापागाईंलाई प्रहरीले पक्राउ गरेको जिल्ला प्रहरी कार्यालयका प्रहरी प्रमुख प्रहरी उपरीक्षक विष्णु केसीले जानकारी दिए।

चापागाईंमाथि जातीय छुवाछूत गरेको किटानी जाहेरी परेको थियो। प्रहरीले शनिबार राति नै गुरुकूलका शिक्षक राजन पौडेललाई पक्राउ गरे पनि असम्बन्धित भनी सोधपुछपछि छाडिदिएको थियो। गुरुकूलको शनिबार आयोजित विशेष साधारणसभाले विद्यार्थी भर्ना गर्ने निर्णय गरिसकेको छ।रासस

post image

जेठ १४,काठमाडौँ । जिल्ला प्रशासन कार्यालय काठमाडौँले निर्माण व्यवसाय सम्बन्धी काम गर्ने व्यवसायीको विवरण गृह मन्त्रालयलाई बुझाएको छ। सिडिओ कार्यालयले काठमाडौँका ५ सय व्यवसायीको विवरण गृहमा बुझाएको हो।

सिडिओ कार्यालयले बुझाएको विवरण अनुसार अहिलेसम्म विभिन्न पूर्वाधार निर्माणको जिम्मेवारी पाएका व्यवसायी मध्ये दुई सयले मात्र समयमा काम सम्पन्न गरेको देखिएको छ। तीन सय व्यवसायीले निर्धारित समयमा काम सम्पन्न गरेका छैनन्। गृह स्रोतले भन्यो, ‘अधिकांश व्यवसायीहरूले समयमा नै काम सम्पन्न नगरेको रेकर्ड गृहमा आइसकेको छ।

गृहमन्त्री थापाले समयमा नै काम सम्पन्न नगर्ने व्यवसायीहरूलाई पक्राउ गर्ने समेत निर्देशन दिएका थिए। काठमाडौँमा  समयमा नै निर्माण सम्पन्न नगर्ने व्यवसायीलाई पक्राउ गर्ने तयारी भइरहेको गृह स्रोतले जानकारी दिएको छ। त्यही निर्देशन अनुसार कास्की, रुपन्देही, झापा लगायत जिल्लामा केही निर्माण व्यवसायीहरू पक्राउ समेत परेका छन्।

post image

जेठ १३, काठमाडौँ । त्रिभुवन विश्वविद्यालयले विद्यार्थीलाई एकै दिनमा लब्धाङ्कपत्र (ट्रान्सक्रिप्ट) उपलब्ध गराउनका लागि आजदेखि ‘परीक्षा व्यवस्थापन सूचना प्रविधि प्रणाली’ शुरु गरेको छ।

त्रिवि परीक्षा नियन्त्रण कार्यालयमा आज आयोजित कार्यक्रममा त्रिविका उपकुलपति प्राडा तीर्थराज खनियाँले सो प्रणालीको उद्घाटन गर्दै स्नातक तह शिक्षाशास्त्रका मनोजकुमार सिंहलाई उक्त प्रविधिबाट बनेको प्रमाणपत्र दिएका छन्।

उनले त्रिवि अब सूचना प्रविधिमैत्री भएको बताए। ‘‘ हामी त्रिविलाई कागजविहीन बनाउन प्रयासमा छौँ। यसैको शुरुआत आजदेखि एकै दिनमा ट्रान्सक्रिप्ट दिन थालेका हौँ’’ उनले भने, ‘‘एकै दिनमा ट्रान्सक्रिप्ट दिने सेवालाई विस्तारै क्षेत्रीय कार्यालय र क्याम्पसमा विस्तार गर्नेछौँ ।’’ उनले सन् २०२० सम्म अनलाइन प्रणालीलाई व्यवस्थित बनाई परीक्षा सुधार गरिने जानकारीसमेत दिए।

कार्यक्रममा परीक्षा नियन्त्रक कार्यालयका परीक्षा नियन्त्रक पुष्पराज जोशीले विद्यार्थीलाई ट्रान्सक्रिप्ट पाउन हप्ता लाग्ने गरेकोमा अब फाराम भरेकै दिन पाउने बताए। नियन्त्रक जोशीले विभिन्न सङ्काय र तहका नौ ठाउँलाई एकीकृत गरी एकै ठाउँबाट उक्त प्रविधि प्रयोग गरी ट्रान्सक्रिप्ट दिइने जानकारी दिए।

त्रिविले अहिले शुरुमा स्नातक तहको शिक्षा शास्त्रसंकायको मात्र ट्रान्सक्रिप्ट दिने गरे तापनि एक हप्ताभित्र सबै सङ्कायको दिने तयारी गरेको छ। उनका अनुसार उक्त प्रविधिले एक मिनेटमा ४५ ट्रान्सक्रिप्त छाप्ने गर्छ। सोही प्रणालीमार्फत त्रिविले रजिष्ट्रेशन, परीक्षा फाराम, नतिजा प्रकाशन, लब्धाङ्क र प्रोभिजनल सर्टिफिकेट समेत वितरण गर्नेछ। पहिले एक मिनेटमा एक मात्र ट्रान्सक्रिप्ट छाप्ने गरिएको थियो।

विद्यार्थीलाई सजिलोका लागि टोकन प्रणालीमार्फत एकै ठाउँमा शुल्क र फाराम बुझाएपछि सोही ठाउँबाट एकै दिनमा ट्रान्सक्रिप्ट उपलब्ध गराइने परीक्षा नियन्त्रक जोशीले जानकारी दिए। पनिकाले अहिले केन्द्रीय कार्यालयबाट शुरु गरे तापनि विस्तारै पोखरा, नेपालगञ्ज, विराटनगर र अत्तरियाबाट समेत एकै दिनमा ट्रान्सक्रिप्ट दिइने तयारी गरेको छ।

अहिले दैनिक करीब एक हजार पाँच सय जना ट्रान्सक्रिप्ट लिन पनिका बल्खुमा आउने गरेका छन्। अहिले त्रिविअन्तर्गतका एक हजार १०८ क्याम्पसमा करीब छ लाख विद्यार्थी अध्ययनरत छन्। रासस

post image

जेठ ११,बनियानी। दलित विद्यार्थी भर्ना लिन नमानेपछि झापाको भद्रपुरमा सञ्चालित एक गुरुकूलका अध्यक्ष र प्राचार्यविरुद्ध मुद्दा दर्ता गरिएको छ।

भद्रपुर–६ मा सञ्चालित कृष्ण द्वैपायन गुरुकुल वेद विद्याश्रममा दलित विद्यार्थी भर्ना गर्न नमानेपछि गुरुकूलका अध्यक्ष राजेन्द्र चापागाईं र प्राचार्य राजन तिवारीविरुद्ध जातीय छुवाछूत तथा भेदभाव (कसुर र सजाय) ऐन—२०६८ बमोजिम कारबाहीको माग गर्दै बिहीबार मुद्दा दायर गरिएको हो।

“जातीय विभेद गर्ने गुरुकूलका अध्यक्ष र प्राचार्यलाई कारबाहीको माग गर्दै मुद्दा दर्ता गरेका छौँ”, उत्पीडित अधिकार मञ्च झापाका सचिव सागर पोर्तेलले भने, “झापाकै अन्य गुरुकूलमा दलित विद्यार्थी राम्ररी अध्ययन गरिरहेका छन्, तर यहाँ विभेद गरियो।”

दलित विद्यार्थी भर्ना नलिएपछि जिल्लाका दलित अधिकारकर्मीले एकसातादेखि पाठशालामा तालाबन्दी गरेका छन्। इलाम नगरपालिका–५, बरबोटेका विकास कार्कीढली (दर्जी) लाई गुरुकूलले भर्ना लिन नमानेपछि दलित अधिकारकर्मीको टोलीले तालाबन्दी गरेको थियो।

दलितले जुनसुकै विद्यालय र संस्कृत पाठशालामा पढ्न पाउने नैसर्गिक अधिकारलाई पाठशालाले उल्लंघन गरेको नेपाल राष्ट्रिय उत्पीडित विद्यार्थी संगठनका केन्द्रीय अध्यक्ष टीकाराम मंग्रातीले बताए। उनले भने, “विभेद गर्ने पाठशालालाई कारबाहीका लागि सम्बद्ध निकायसँग माग गरेका छौँ।”

गुरुकूलले दलित विद्यार्थीलाई भर्ना लिन नमानेपछि समस्या समाधानका लागि छलफल गरेपनि निष्कर्षमा पुग्न सकेको छैन। उता, प्रमुख जिल्ला अधिकारी जनकराज दाहालले दलित विद्यार्थीलाई दुई दिनभित्र आवासीयरुपमा भर्ना गर्न निर्देशन दिए पनि गुरुकूलले त्यसलाई बेवास्ता गरेको छ। रासस

post image

जेठ  १०, काठमाडौं । प्रधानमन्त्री केपी शर्मा ओलीले नेपालीले मौका पाए जुनसुकै स्थानमा आफ्नो नाम राख्न सक्ने बताएका छन्। आज काठमाडौंको भृकुटीमण्डपमा आयोजित कान्तिपुर हिसान शैक्षिक मेलालाई सम्बोधन गर्दै ओलीले युवा क्रिकेट खेलाडी सन्दीप लामिछानेको उदाहरण दिए।

हालै आइपिएलमा खेलेर आएका युवा क्रिकेट खेलाडी सन्दीप लामिछानेको उदाहरण दिँदै उनले भने, ‘दुई चार डल्ला के फ्याँक्न पाएको थियो, सन्दीप लामिछाने चम्कियो।’

प्रधानमन्त्रीले  नेपालीसंग प्रशस्त क्षमता रहेको र अवसर पाए जे पनि गर्न सक्ने तर मौका नै नपाउने सन्दर्भसमेत उल्लेख गरे। अगाडि उनले भने, ‘चान्स पायो कि नेपालीले गर्छ। नेपाली हो नि। चान्स नै पाउँदैन।’

नेपाली कोहि भन्दा कम नभएको भन्दै ओलीले शिक्षाको माध्यमबाटै देशको विकास हुने उल्लेख गरे।ओलीले आफूलाई चिन्नुपर्ने बताउदै युवाहरुलाई विदेशमा जानुभन्दा स्वदेशमै खेतीमा लाग्नसमेत सुझाव दिए।

post image

 जेठ ८, काठमाडौं । ‘उत्कृष्ट शिक्षा नेपालमै’ भन्ने नाराका साथ पाँचौ कान्तिपुर हिसान एडुफेयर–२०१८ को आयोजना गरिने भएको छ । एडुफेयर यहि जेठ १० देखि १३ गते सम्म काठमाडौँको भृकुटीमण्डपमा आयोजना हुन लागेको पत्रकार सम्मेलन मार्फत जानकारी गराइएको छ ।

उच्च शिक्षालय तथा माध्यमिक संघ नेपाल, हिसान र कान्तिपुर पब्लिकेसन्सको संयुक्त आयोजनामा  हुने शैक्षिक मेलामा १ सय ५० भन्दा बढि शैक्षिक संस्थाको सहभागिता रहनेछ ।

राजधानीमा आज आयोजित पत्रकार सम्मेलनमा हिसानका महासचिव एवं मेला संयोजक लोकबहादुर भण्डारीले  माध्यमिक तथा विश्वविद्यालय स्तरको उच्च शिक्षा हासिल गर्ने विद्यार्थीलाई स्वदेशमै उत्कृष्ठ शिक्षा पाइन्छ भन्ने सन्देश दिन मेला आयोजना गरिएको बताए ।

कार्यक्रममा कान्तिपुर पब्लिकेसन्स्का सहायक महाप्रबन्धक महेश स्वाँरले नेपालमै गुणस्तरीय शिक्षाका बारेमा जानकारी नहुँदा हजारौ विद्यार्थी विदेशीएकाले स्वदेशी शिक्षालयप्रति आकर्षित गर्नु नै मेलाको मुख्य उदेश्य रहेको बताए । मेलामा विभिन्न कलेजहरु मार्फत छात्रवृत्तिको समेत व्यवस्था गरिएको छ ।

विद्यार्थीहरु लाइ नेपाली शिक्षालय प्रती आकर्षित गर्न तथा बिबिध परामर्श दिने यस शैक्षिक मेलामा २ लाख विद्यार्थी र अभिभावकले अवलोकन गर्ने आयोजकको अपेक्षा छ । फेयरलाई जेठ १० गते प्रधानमन्त्री केपी शर्मा ओलीले उद्घाटन गर्ने कार्यक्रम रहेको छ ।

post image

जेठ ६,काठमाडौँ । झापाको दमकस्थित सूर्योदय अंग्रेजी पाठशालाले विवादित पाठ्यपुस्तक दमक नगरपालिकालाई बुझाएको छ । सो विद्यालयले हिन्दी भाषालाई प्रोत्साहन गर्ने किसिमका भारतसम्बन्धित पाठ्यक्रमहरु समावेश गरी अध्यापन गराइरहेको पाइएपछि केही दिनयता सो कार्यको व्यापक विरोध भएको थियो ।

विरोधपछि दमक–६ स्थित विद्यालयले त्यस्ता पाठ्यपुस्तक नगरपालिकालाई जिम्मा लगाएको हो ।भारतीय पाठ्यपुस्तकको विषयलाई लिएर उत्पन्न समस्या समाधानका लागि नगरपालिका र शैक्षिक सरोकारवाला निकायहरुसँग भएको सामुहिक छलफलमा विद्यालयले क्षमायाचनासहित ती पुस्तक अब पाठ्यक्रममा समावेश नगर्ने प्रतिबद्धता जनाएको बुझिएको छ ।

post image

जेठ १, भक्तपुर ।  पाठ्यक्रम विकास केन्द्रले समाजवादउन्मुख विद्यालय शिक्षाको राष्ट्रिय पाठ्यक्रमको प्रारुप तयार पारेको जनाएको छ । भक्तपुरको सानोठिमीमा पत्रकार सम्मेलन गर्दै केन्द्रका अध्यक्ष कृष्ण प्रसाद काप्रीले रोजगार उन्मूख सिपमुलक शिक्षाको खाका तयार पारिएको जानकारी दिनुभयो । पाठ्यक्रममा विद्यार्थीको रुचि क्षमता, सिकाईको गति, पाठ्यपुस्तकको सर्वसुलभतालाई ध्यानमा राखी बहुपाठ्यपुस्तक विकास नीति अपनाइने अध्यक्ष काप्रीको भनाई छ ।

पाठ्यपुस्तक सम्बन्धी स्पष्ट नीतिगत व्यवस्थाका लागि राष्ट्रिय पुस्तक नीति तर्जुमा गरी कार्यान्वयनमा ल्याइने उहाँले बताउनुभयो । शिक्षकलाई आआफ्ना विषयमा क्रियाकलाप केन्द्रित पाठ्यपुस्तक तयार गर्न लगाउने खाकामा उल्लेख छ । शिक्षक व्यवस्थापनका सन्दर्भमा विशिष्ट योग्यता प्राप्त गरेका दक्ष जनशक्तिलाई शिक्षण पेशामा आकर्षण गर्ने व्यवस्था गरिने योजना रहेको काप्रीले बताउनुभयो । शिक्षकमा विषयवस्तुको ज्ञान, शिक्षण सिकाईका तौरतरिका सम्बन्धी ज्ञान, कानुनी आधार तथा पेशागत आचार संहिता शिक्षक सक्षमताका आधार रहने खाकामा जनाइएको छ ।

यस्तै विद्यालय शिक्षाको सबै तह र कक्षाको पाठ्यक्रम संरचना पाठ्यघण्टामा आधारित बनाई सोही बमोजिम पठनपाठनको व्यवस्था मिलाइने परिकल्पना खाकामा छ ।  केन्द्रले कक्षा ६ देखी ८ सम्म सामाजिक शिक्षाका साथै आचरण शिक्षा पढाउने तयारी गरेको छ । सोही तहको पूर्व व्यवसायीक शिक्षालाई परिवर्तन गरि पेशागत शिक्षा पाठ्यक्रम बनाइने काप्रीले बताउनुभएको छ । विभिन्न शिक्षा विज्ञका परामर्शमा प्रारुप बनाइएको काप्रीले जानकारी दिनुभयो ।

post image

बैशाख ३१,बझाङ । सुर्मा गाउँपालिकाको धनसेरी वन सुरक्षा समितिले यार्सागुम्बा संकलनमा वैशाख १६ गते रोक लगाएको थियो । तर वैशाखको अन्तिममा यार्सा संकलन गर्न खुला गरेपछि यहाँका स्थानीयबासिन्दा खुशी भएका छन र यार्सागुम्बा संकलन गर्ने क्रममा जिल्लाका दर्जनौं विद्यालय बन्द भएका छन् ।

यार्सा संकलन गर्दा सबैजसो घरबाट बालकदेखि हिडडुल गर्नसक्ने वृद्धसम्म यार्सा संकलन गर्न जाँदा विद्यालय बन्द गर्नुपर्ने बाध्यता रहेका दौलीचौरमा विकास व्यवस्थापन समिति अध्यक्ष कलक बोहराले बताए ।  उनले भने, “यो हाम्रो यार्सा टिप्ने समयमा तीन महिनासम्म विद्यालय बन्द गर्नुपर्ने बाध्यता हुन्छ किनकी यस क्षेत्रका बासिन्दाको वर्षभरिको कमाइ भनेको तीन महिनाको यार्सागुम्बा संकलन मात्र हो ।
यार्सा संकलन गर्ने वन धनसेरीमा यार्सा नपाएपछि वैशाख मसान्तसम्मका लागि यार्सा संकलनमा समितिले रोक लगाएको थियो । उक्त लगाइएको रोक आइतबारदेखि खुला भएपछि यहाँका स्थानीय बासिन्दा फेरि पोकापन्तरा बोकेर यार्सा संकलन गर्न लेकतर्फ लागेका छन् ।

यस क्षेत्रमा यार्सा संकलन गर्नका लागि सुर्मा गाउँपालिकाका साथै जिल्लाभरिका स्थानीय बासिन्दा यार्सा संकलनमा गर्न जाने गर्दछन् । यहाँका ग्रामीण बस्तीका स्थानीयकै आम्दानीको मुख्य स्रोत भनेको नै हिमालमा पाउने बहुमूल्य जडीबुटी र यार्सा गुम्बा नै हो । विगतका दिनभन्दा अहिले केही कम मात्रामा यार्सागुम्बा पाइने भएपछि यहाँका स्थानीय चिन्तित भएका छन् ।

स्थानीय रमेश बोहराले भन्नुभयो विगतका दिनमा एक सिजनको एकै परिवारले तीन महिनाको अवधिमा न्यूनतम एक केजीदेखि दुई÷तीन केजीसम्म संकलन गर्दै आएका थियाँै र सोही यार्साकै कमाइबाट सदरमुकाम चैनपुरमा पनि घरघडेरी बनाएका थियोेैँ । अब दिनानुदिन के भो यार्साको मात्रा एकदमै कम पाइने भएपछि विगतका यार्सागुम्बा संकलन गरेका दिन एक सपनाजस्तै भएका छन् । यस क्षेत्रका हामी सबै स्थानीयको मुख्य आम्दानीको स्रोत भनेको यार्सागुम्बा, जडीबुटी र भेडापालन हो ।

विगतका दिनमा यार्सागुम्बा प्रशस्त मात्रामा पाइने भएपछि भेडापालन व्यवसायी हटाएर एकै जडीबुटी यार्सागुम्बाको भरमा बसेको तर अहिले एकदमै कम मात्रामा र यसको बिक्री मूल्य पनि पहिलेको भन्दा कम पाइने भएपछि यार्सागुम्बाकै भरमा जीविका चलाउने बासिन्दा साहै्र मारमा परेका साइपाल गाउँपालिकाका स्थानीयवासी रामबहादुर बोहराले बताए ।

यार्सागुम्बाको पहिलेपहिले सही उत्खनन गर्ने तरिका नअपनाएर र यार्सागुम्बा संकलकले जथाभावी, वनमा आगजनी गरेकै कारणले यो बहुमूल्य जडीबुटी यार्सागुम्बाको संकलनमा कमी आएको जानकार बताउँछन् ।  यार्सागुम्बा संकलन गर्न जिल्लाका विभिन्न ठाउँबाट संकलन गर्न जाने गर्दैछन् र यो यार्सागुम्बा संकलन समयभित्र सुर्मा गाउँपालिका, तल्कोट गाउँपालिका, साइपाल गाउँपालिका र बुंगल नगरपालिकाका अधिकांश विद्यालय तीन महिनाका लागि बन्द हुने गरेका छन् ।

post image

बैशाख २९, काठमाण्डौं । साउदन क्रस यूनिभर्सिटीले एडुको ग्लोबल सँगको सहकार्यमा नेपालमा एकदिने अन्तरक्रिया तथा छलफल कार्यक्रमको आयोजना गरेको छ । काठमाण्डौको अन्नपूर्ण होटलमा आयोजित कार्यक्रममा साउदन क्रस यूनिभर्सिटीमा अध्ययनका लागि एप्लीकेशन दिएका तथा भिसा समेत आईसकेका विद्यार्थी तथा तिनका अभिभावकहरुसँग बिश्वविद्यालयका प्रतिनिधिहरु समेतको उपस्थितीमा अन्तरक्रिया कार्यक्रम आयोजना गरेको हो ।

पछिल्लो समय नेपाली विद्यार्थीहरुको रोजाईमा अग्र स्थानमा रहँदै आएको र अष्ट्रेलियाका मुख्य तिन शहर सिड्नी, मेलबर्न, र पर्थमा आफ्नो सिटी क्याम्पस संचालन गरीरहेको साउदन क्रस यूनिभर्सिटीले विद्यार्थी र अभिभावकलाई परामर्श प्रदान गर्नुकासाथै छलफलको आयोजना गरीएको एडुकोकी दक्षिण एसियाली क्षेत्रिय निर्देशक प्रज्ञा शाहले जानकारी गराउनु भयो ।

  नेपाली विद्यार्थीह्रुले अध्ययनका लागि अपनाउनु पर्ने सजगता, अष्ट्रेलियाको ऐन, नियम कानून, त्यहाँको रहनसहन, बसाई लगायतका बिषयमा र साउदन क्रस यूनिभर्सिटीका बारेमा नेपालमै विद्यार्थी र तिनका अभिभावकहरुलाई जानकारी प्रदान गर्ने उद्धेश्यले यस कार्यक्रमको आयोजना गरीएको बताउनु भयो । त्यसरी नै साउदन क्रस यूनिभर्सिटीले नेपालवाट आफ्नो विश्वविद्यालमा विद्यार्थीहरु पठाईरहेका परामर्श दातृ संस्थाका प्रतिनिधिहरुसँग पनि छलफल र अन्तरक्रिया गरेको छ । सो अन्तरक्रिया कार्यक्रममा विद्यार्थीहरुले विश्वविद्यालयका बारेमा आफ्नो मनमा लागेका जिज्ञासाहरु सोधेका थिए भने साउदेन क्रस यूनिभर्सिटी मेलवर्न क्याम्पसवाट आउनु भएकी एनी भासील तथा सिड्नी क्याम्पसवाट आउनु भएका फ्याङ्गलङ्ग लुओले विश्वविद्यालयले प्रदान गर्ने शिक्षा, छात्रबृती लगायतका बिषयमा बिस्तृत रुपमा जानकारी गराएका थिए ।

त्यसरी नै एडुको ग्लोबलका जोन डिजोनले नेपाली विद्यार्थीहरुले अष्ट्रेलिया जानु अघि बिद्यार्थी र अभिभावकहरुले कसरी तयारी गर्ने भन्ने सन्दर्भमा जानकारी गराएका थिए ।

साउदन क्रस यूनिभर्सिटी बिश्वका स्थापनाको ५० बर्ष मुनिका बिश्वविद्यालयहरुको र्याङकमा १ सय ५० औ स्थानमा रहेको बिश्वप्रसिद्ध विश्वविद्यालय हो । अष्ट्रेलियाको गोल्डकोष्टमा मुख्य कार्यालय रहेको यस बिश्वविद्यालयका अष्ट्रेलियाभरी र गरी ६ वटा सिटि क्याम्पसहरु रहेका छन् ।अष्ट्रेलियाको सरकारी विश्वविद्यालय साउदन क्रस यूनिभर्सिटीले अष्ट्रेलियाको सिड्नी, मेलबर्न, र पर्थमा सिटी क्याम्पसका रुपमा आफ्नो बिश्वविद्यालयका बिभिन्न कोर्षहरु संचालन गरीरहेको छ । यस बिश्वविद्यालयले प्रत्येक बर्ष फेब्रुअरी, जुलाई र नोभेम्बरमा गरी तिन ईनटेकमा भर्ना लिदै आईरहेको छ । डिप्लोमा तथा ब्याचलर तहको बिजनेश, म्यानेजम्यान्ट, एकाउण्ट र आईटीलाई मुख्य बिषयका रुपमा यस बिश्वविद्यालय तथा सिटि क्याम्पसहरुमा अध्ययन अध्यापन हुदै आईरहेको छ ।

 

post image

वैशाख २७, काठमाडौँ ।  संसद्ले राष्ट्रिय चिकित्सा शिक्षा अध्यादेश स्वीकृत गरेको छ । प्रतिनिधिसभा र राष्ट्रियसभाको बुधबारको बैठकले अध्यादेश स्वीकृत गरेको हो । अध्यादेश दुवै सभामा वैशाख २३ गते टेबुल भएको थियो । अब अध्यादेशले संसद् सुरु भएको ६० दिनसम्म ऐनसरह काम गर्नेछ।

सरकारको सिफारिसमा वैशाख तेस्रो साता राष्ट्रपतिबाट अध्यादेश जारी गरिएको थियो । ६० दिनभित्र अर्थात् असार २३ गतेभित्रमा सरकारले राष्ट्रिय चिकित्सा शिक्षा अध्यादेशको प्रतिस्थापन विधेयक संसद्मा दर्ता गरी पारित गरेमा राष्ट्रिय चिकित्सा शिक्षा ऐन बन्नेछ । सो समयभित्र प्रतिस्थापन विधेयक दर्ता नभएमा सरकारको सिफारिसमा राष्ट्रपतिबाट पुनः अध्यादेश जारी गर्नुपर्नेछ । यसअघि वैशाख २० गतेसम्म अवधि रहेको राष्ट्रिय चिकित्सा शिक्षा अध्यादेश गत चैतको दोस्रो साता संसद्बाट स्वीकृत भए पनि सरकारले प्रतिस्थापन विधेयक ल्याई संसद्बाट पारित हुने अवस्था नभएपछि पुनः अध्यादेश ल्याएको हो ।

विश्वविद्यालयले जिल्लामा एकभन्दा बढी मेडिकल वा डेन्टल विषयका शिक्षण संस्थालाई सम्बन्धन दिन सक्ने छैन भन्ने व्यवस्था पनि अध्यादेशमा गरिएको छ । अस्पताल सञ्चालन सम्बन्धमा स्वास्थ्य तथा जनसंख्या मन्त्रालयको स्वीकृतिपत्र लिई आफ्नै अस्पताल पूर्णरुपमा सञ्चालन गरेको तीन वर्षको अवधि पूरा नभएकालाई पनि सम्बन्धन दिइनेछैन भन्ने व्यवस्था अध्यादेशमा गरिएको छ ।

संसदबाट राष्ट्रियसभा सदस्य निर्वाचन अध्यादेश, बेपत्ता पारिएका व्यक्तिको छानबिन आयोग, सत्य निरुपण तथा मेलमिलाप आयोग (पहिलो संशोधन) अध्यादेश, संघीय ससद्का महासचिव, प्रतिनिधिसभाका सचिव र राष्ट्रियसभाका सचिवको पारिश्रमिक सेवाको सर्त र सुविधासम्बन्धी अध्यादेश पनि स्वीकृत भएको छ । प्रतिनिधिसभाको बैठक दिउँसो १ बजेपछि बसेको थियो भने राष्ट्रियसभाको बैठक अपराह्न ३ बजेपछि बसेको थियो।

post image

वैशाख २६,काठमाडौं । नेविसंघका दुवै पक्षलाई संयुक्त रूपमा कार्यक्रम गर्न नेपाली कांग्रेसका पार्टी सभापति शेर बहादुर देउवाले निर्देशन दिएका छन्।  सुन्दरीजल स्थित बिपी संग्रहालयमा  बिहान ८ बजे देखि बोलाइएको दुवै समुहको कार्यक्रम हुन सकेको छैन। दुई समुहको विवाद मिलाउन संघका सभापति नैन सिंह महर र महामन्त्री कुन्दन काफ्लेलाई वार्ताका लागि सभापतिले आफ्नो निवासमा बोलाएका थिए ।

सह महामन्त्री डा. प्रकाश शरण महत पनि उपस्थित बैठकमा देउवाले आजको कार्यक्रम मिलेर संयुक्त रूपमा गर्न निर्देशन दिएका हुन्। विवाद मिलाउन बोलाइएको बैठकमा देउवाले नेविसंघको  निर्देशक समितिलाई सक्रिय बनाउने आश्वासन दिएका थिए । सभापति संग भएको बैठकमा संयुक्त रूपमा कार्यक्रम गर्न नसकिने विद्यार्थी नेताले बताएका थिए ।

बिहानदेखि कार्यक्रमममा उपस्थित विद्यार्थीहरु कार्यक्रम हुने– नहुने अन्यौलमा छन्। एेतिहासिक स्थान बिपी संग्रहालयमा देखिएको विवादले काँग्रेस साथै नेविसंघको राम्रो सन्देश नजाने भन्दै विद्यार्थी हरुले चिन्ता व्यक्त गरेका छन् । प्रशिक्षण र अन्तरक्रियाका अतिथि बनाइएका  केन्द्रीय नेताहरु कार्यक्रम स्थलमा देखिएका छैनन्।

 

post image

वैशाख २६,काठमाडौं । एमाले सम्बद्ध विद्यार्थी संगठन अनेरास्ववियूले नयाँ नेतृत्व चयन गर्न जेठ पहिलो साता केन्द्रीय कमिटी बैठक आह्वान गरेको छ । पार्टी एकीकरणपूर्व कुनै पनि जनसंगठनका महाधिवेशन आयोजना गर्न पार्टीले रोक लगाएकाले केन्द्रीय कमिटीबाट नयाँ अध्यक्ष चयन गर्न लागिएको हो । अनेरास्ववियूको महाधिवेशन फागुनमा भइसक्नुपर्ने थियो । यसबीचमा अध्यक्ष नवीना लामा प्रतिनिधिसभा सदस्य निर्वाचित भएपछि उनले संगठनबाट बिदा लिन चाहेकी छन् । लामाले अध्यक्षबाट राजीनामा दिने चाहना पार्टी नेतृत्व र अखिल बैठकमा ब्यक्त गरेपछि नयाँ अध्यक्षका प्रत्याशीहरुले आ–आफ्नो लबिङ बढाएका छन् ।

प्रतिस्पर्धीहरु धेरै भएकाले केन्द्रीय कमिटीको बहुमतबाट नयाँ अध्यक्ष चयन हुने अनेरास्ववियूका नेताहरुले बताएका छन् । अनेरास्ववियूको स्थायी कमिटीको मंगलवार साँझ बसेको बैठकले जेठ ४ र ५ गते केन्द्रीय कमिटीको पूर्ण बैठक आह्वान गरेको महासचिव ऐन महरले विज्ञप्ति मार्फत जनाएका छन् । त्रिभुवन विश्वविद्यालय कीर्तिपुरको सभाहलमा आयोजना हुने बैठकलाई प्रधानमन्त्री तथा पार्टी अध्यक्ष केपी शर्मा ओलीले सम्बोधन गर्ने महरले बताए । अध्यक्ष नवीना लामाको अध्यक्षतामा बसेको स्थायी कमिटी बैठकमा विद्यार्थी इञ्चार्ज तथा पर्यटनमन्त्री रवीन्द्र अधिकारीले विद्यार्थी नेताहरुलाई मिलेर अघि बढ्न निर्देशन दिएका छन् । उनले पार्टी एकीकरणसँगै जनसंगठन पनि एकीकरण हुने भएकाले अनेरास्ववियूको गर्बिलो इतिहास जोगाउने गरी अघि बढ्न निर्देशन दिए ।

केन्द्रीय कमिटी बैठकको व्यवस्थापनका लागि महासचिव ऐन महरको संयोजकत्वमा जनपरिचालन समिति गठन भएको छ । त्यस्तै कोषाध्यक्ष झपिन्द्र खत्रीलाई आर्थिक समिति र सचिव आरसी लामिछानेलाई खाद्य समितिको नेतृत्व दिइएको छ । त्यस्तै अर्का सचिव समिक बडाललाई आवास तथा मञ्च व्यवस्थापनको जिम्मेवारी दिइएको महरद्वारा जारी विज्ञप्तिमा उल्लेख छ । केन्द्रीय कमिटीमा सहमति नभए निर्वाचनबाट अध्यक्ष चयन गरिने स्रोतले जनाएको छ । अध्यक्ष नवीना लामाले केन्द्रीय कमिटीमै आफ्नो राजीनामा पेश गर्ने सम्भावना छ । अध्यक्षका लागि महासचिव ऐन महरलाई संस्थापन पक्षले अघि सारेको स्रोतले जनाएको छ । यसअघि महाधिवेशनमा महर अध्यक्षको दाबेदार थिए । तर पार्टी अध्यक्ष केपी शर्मा ओलीसहितका नेताहरुले नवीनालाई सघाउन आग्रह गर्दै उनीपछि ऐनलाई अध्यक्ष बनाउने आश्वासन दिएका थिए । अनेरास्ववियूको १४६ सदस्यीय केन्द्रीय कमिटीमा ऐन महरको पक्षमा ८५ सदस्य छन् ।

post image

बैशाख २५, काठमाडौं । बाबा एजुकेशन कन्सलटेन्सिले अस्ट्रेलिया अध्ययनमा जान चाहने नेपाली विद्यार्थीका लागि “बाबा इन्फो सेसन -२०१८” गर्ने भएको छ । अष्ट्रेलिया अध्ययनका लागि जान चाहने नेपालि बिद्यार्थीलाई धेरै भन्दा धेरै शैक्षिक जानकारी दिने उदेश्यले  सो कार्यक्रम गर्न लागेको हो।

अस्ट्रेलियाका प्रतिष्ठित कलेजका प्रतिनिधिहरुको उपस्थितिमा हुने सेसन ३ दिन सम्म चल्ने आयोजकले बताएको छ । उक्त सेसन बाबा एजुकेशन कन्सलटेन्सिको आफ्नै कार्यालयहरुमा आगामी जेठ एक गते काठमाडौँको न्युरोड,जेठ तिन गते सुर्यविनायकको भक्तपुर र जेठ ६ गते पोखरामा आयोजना गर्न लागेको संचालक राजेन्द्र कुमार शर्माले जानकारी दिनुभयो ।

विद्यार्थीले यस सेसन बाट राम्रो संग परामर्श लिन सक्ने भएकोले उक्त सेसन आगामी इन्टेकमा जाने बिद्यार्थीहरुलाई बढी लाभदायी हुने संचालक शर्माको तर्क छ । बिद्यार्थीहरुलाई  नि शुल्क प्रवेशको व्यवस्था गरिएको उक्त सेसन बिहान ९ बजे देखि बेलुका ६ बजे सम्म संचालन हुने छ ।

लामो समयदेखि अष्ट्रेलियामा उच्च शिक्षा हासिल गर्न जाने नेपाली विद्यार्थीका लागि बाबा एजुकेशन कन्सल्टेन्सीले हरेक कुरामा आवश्यक सहयोग गर्दै आएको र भबिष्यमा पनि यो कार्य निरन्तर रहने  शर्माले बताउनु भयो । बाबा एजुकेशन कन्सलटेसिको ब्राण्ड एम्बेसडर हास्य टेलिश्रृखला भद्रगोलका कुमार कट्टेल “जिग्री” र अर्जुन घिमिरे “पाँडे”समेत उक्त इन्फो सेसनमा बिद्यार्थीहरुलाई उत्प्रेरणा प्रदान गर्न उपस्थित हुनेछन ।

post image

वैशाख २४, काठमाडौं । प्रधानमन्त्री केपी शर्मा ओलीले ‘सिक्दै गरेको पुस्ता र सिकाइको तरिका’ सम्बन्धी दक्षिण एशिया क्षेत्रीय उच्चस्तरीय बैठकको सोमबार उद्घाटन गरेका छन् । बैठकमा सबै बालबालिकालाई विद्यालय पढ्न पाउने अवसर कसरी सिर्जना गर्ने र विद्यालय भर्ना भएका ती बालबालिकालाई कसरी गुणस्तरीय शिक्षा प्रदान गर्ने भन्ने विषयमा छलफल हुनेछ ।

यस क्षेत्रका ५–१४ उमेर समूहका तीन करोड बालबालिकाले अझै विद्यालयमा प्रवेश पाएका छैनन् ।संयुक्त राष्ट्र संघीय बालकोष (युनिसेफ)द्वारा आयोजित सो बैठकमा यस क्षेत्रका मुलुकहरुले शिक्षा क्षेत्रलाई महत्व दिए पनि अपेक्षित नतिजा पाउन किन सकेका छैनन् भन्ने विषयमा पनि आपसी छलफल हुनेछ ।

युनिसेफका अनुसार यस क्षेत्रका प्राथमिक तहको शिक्षा लिनबाट एक करोड बालबालिका वञ्चित छन् भने दुई करोड बालबालिकाले सो भन्दामाथिको माध्यमिक शिक्षासमेत पाउँदैनन् । सन् २०३० सम्मको दिगो लक्ष्य प्राप्तिका लागि यस क्षेत्रका मुलुकले बालबालिकालाई विद्यालय शिक्षाको अवसरमा जोड दिन युनिसेफले जोडसमेत दिएको छ ।

तीनदिने उच्चस्तरीय बैठकमा यस क्षेत्रका नेपालसहित अफगानिस्तान, बंगलादेश, भुटान, भारत, मालदिभ्स, पाकिस्तान र श्रीलंकाका प्रतिनिधिहरुको सहभागिता रहेको छ ।

post image

बैशाख २४,काठमाडौँ । चर्चित नायक प्रदीप खड्का ब्राडफोर्ड एजुकेशन कन्सल्टेन्सीका ब्राण्ड एम्बेस्डरमा नियुक्त भएका छन् । आईतबार राजधानीको होटल रेडिशनमा आयोजित कार्यक्रममा खड्कालाई ब्राण्ड एम्बेस्डर नियुक्ति गरिएको हो ।

कार्यक्रममा ब्राडफोर्डका सिइओ पवन विष्टले प्रदीपले नेपालको प्रतिनिधित्व गर्नसक्ने भएकोले ब्रण्ड एम्बेस्डर बनाईएको बताए । नेपालमा मात्र नभई बिदेशमा पनि प्रदीप लोकपृय भएकोले उनी मार्फत नेपाली विद्यार्थीलाई नेपालबारे सकारात्मक सन्देश दिन सकिने विष्टले बताए ।उच्च शिक्षा अध्ययनको लागि बिदेश गएर उतै रमाएका विद्यार्थीहरुलाई नेपाल फर्कन प्रोत्साहित गर्ने कार्यक्रमहरुमा प्रदीपलाई सक्रिय बनाईने योजना विष्टले सुनाए । बिदेशमा हुने बिभिन्न शैक्षिक कार्यक्रममा पनि प्रदीपले शिक्षाको सँगसँगै नेपालको धार्मिक, संस्कृतिक र मौलिकताका बारेमा पनि प्रचार प्रचार गर्ने विष्टले बताए ।

कार्यक्रममा बोल्दै नायक खड्काले ब्राडफोर्ड एजुकेशन उच्च शिक्षा हासिल गर्न चाहने विद्यार्थीहरुमाझ लोकपृय नाम भएकोले ब्राण्ड एम्बेस्डर बन्न तयार भएको बताए । नेपाली विद्यार्थीहरुलाई उच्च शिक्षा अध्ययनपश्चात नेपाल फर्केर आफुले सिकेको ज्ञान र सिपलाई नेपाल निर्माणमै खर्च गर्न उत्प्रेरित गर्ने उनले बताए ।

त्यस्तै नेपाल शैक्षिक परामर्श संघ (इक्यान)का महासचिव शेषराज भट्टराईले युवा युवतीमाझ चर्चित नायक प्रदीप खड्कालाई ब्राडफोर्डले एम्बेस्डर बनाएकोमा विद्यार्थीहरुमाझ सकारात्मक सन्देश गएको भन्दै उनलाई इक्यानकै ब्राण्ड एम्बेस्डरको रुपमा सहयोग गरिने बताए ।

 नेपाली विद्यार्थीहरुलाई बिभिन्न देशहरुमा उच्च शिक्षा अध्ययनका लागि जान परामर्श प्रदान गर्दै आईरहेको नयाँ बानेश्वरमा अवस्थित कन्सल्टेन्सीले स्थापनाको १२ औँ बर्ष प्रबेश गरेको ब्राडफेर्ड एजुकेशनले हाल अमेरिका, अष्ट्रेलिया, न्युजील्याण्ड, क्यानडा र जापानमा उच्च शिक्षा अध्ययनको लागि विद्यार्थी पठाउदै आएको छ ।  हाल काठमाडौँको नयाँ बानेश्वरसहित बिश्वका शान्ता क्लारा, क्यालिफोर्नियामा शाखा विस्ता गरिसकेको छ ।

post image

वैशाख २३, काठमाडौं । नेपाल प्लानेट एजुकेशनले राजधानीमा एक शैक्षिक मेलाको आयोजना गरेको छ । नेपाली विद्यार्थीहरुलाई अष्ट्रेलिया लगायतका देशहरुमा उच्च शिक्षा अध्ययनका लागि परामर्श प्रदान गर्दै आईरहेको नेपाल प्लानेट एजुकेशनले अष्ट्रेलियाका बिभिन्न बिश्वविद्यालय तथा कलेजहरुका प्रतिनिधिहरुलाई राखी नेपाली विद्यार्थीहरुलाई परामर्श प्रदान गर्ने हेतुले एजुकेशन फेयरको आयोजना गरेको हो ।

सन् १९९४ मा काठमाण्डौको मध्यबानेश्वरमा स्थापना भएको नेपाल प्लानेट एजुकेशनले नेपाली विद्यार्थीहरुलाई बिदेश अध्ययनका लागि परामर्श प्रदान गर्दै आईरहेको छ । पछिल्लो समय नेपाली विद्यार्थीहरुको पहिलो रोजाईमा अष्ट्रेलिया पर्दै आईरहेको छ ।

बिशेष गरी विद्यार्थीहरुलाई अध्ययन पश्चात रोजगारीका लागि सहज हुने भएकाले पनि अष्ट्रेलिया उनिहरुको रोजाईमा पर्ने गरेको नेपाल प्लानेट एजुकेशनका प्रिन्सीपल काउन्सिलर सावथ राईको भनाई रहेको छ ।नेपाल प्लानेट एजुकेशनले आयोजना गरेको यस अष्ट्रेलियन शैक्षिक मेलामा विद्यार्थीहरुको बाक्लो उपस्थिती रहेको थियो ।

 

post image

वैशाख २३, काठमाडौं । संस्थागत विद्यालयले कानून विपरीत लिएको शुल्क फिर्ता हुने भएको छ । भक्तपुरको सानोठिमीस्थित शिक्षा विभागको कार्यालयमा सरोकारवालासँगको छलफलपछि गैरकानूनी रुपमा लिइएको शुल्क फिर्ता हुने भएको हो । शिक्षामन्त्री, शिक्षा सचिव, विद्यार्थी संगठनका पदाधिकारी, प्याब्सन र एनप्याब्सनका अध्यक्ष, अभिभावक संघसहितको वार्ताबाट गैरकानूनी रुपमा बढाइएको शुल्क फिर्ता सहित पाँच बुँदे सहमति भएको हो ।

सहमतिको पहिलो बुँदा मै संस्थागत विद्यालय शुल्क मापडण्ड निर्देशिका २०७२ कार्यान्वयन गर्दै गैरकानूनी रुपमा बढाइएको शुल्क फिर्ता/समायोजन गर्ने उल्लेख छ । दश प्रतिशत छात्रवृत्ति पारदर्शी गरी सूचना पार्टीमा टाँस्ने, निर्देशिका पालना गराउन अनुगमन समिति बनाइ स्थानीय तहबाट अनुगमन गर्न मन्त्रालयले सहजीकरण गर्ने र विद्यालय हाताभित्र झोला, ड्रेस, पाठ्यपुस्तक विक्रि वितरण तत्काल रोक्ने सहमति भएको छ ।

सरोकारवालासँगको सहमितपछि आन्दोलनका कार्यक्रम फिर्ता लिएको अखिल क्रान्तिकारीका उपाध्यक्ष सुरेन्द्र बस्नेतले जानकारी दिनुभयो । शिक्षा विभागमा लगाइएको ताला भने आज खोल्ने बस्नेतले जानकारी दिनुभयो । नीजि विद्यालयले गैरकानूनी रुपमा चर्को शुल्क लिएपछि शुल्कवृद्धि फिर्ताको माग गर्दै विद्यार्थी संगठनले चरणवद्ध आन्दोलन घोषणा गरेका थिए ।

post image

वैशाख १९काठमाडौं । विद्यार्थी संगठनहरुले निजी विद्यालय सञ्चालकको प्रतिनिधिमूलक संस्था प्याब्सन र एनप्याब्सनको कार्यालयमा तालाबन्दी गरेका छन् । निजी विद्यालयले भर्ना र मासिक शुल्कमा गरिरहेको मनपरीलाई बढावा दिन प्याब्सन र एनप्याब्सन नै लागेको भन्दै अनेरास्ववियु, नेपाल विद्यार्थी संघ र अनेरास्ववियु क्रान्तिकारीले तालाबन्दी गरेका हुन् ।

डिल्लीबजारस्थित प्याब्सनको केन्द्रीय कार्यालय र कुपण्डोलस्थित एन प्याब्सनको कार्यालयमा तालाबन्दी गरिएको अखिल (क्रान्तिकारी) का उपाध्यक्ष सुरेन्द्र बस्नेतले बताए । त्यस्तै देशभरका प्याब्सन र एनप्याब्सनका जिल्ला कार्यालयहरुमा पनि बुधबार तालाबन्दी गरिएको बस्नेतले बताए । विद्यार्थी संगठनहरुले सरकारले जारी गरेको संस्थागत विद्यालय शुल्क मापदण्ड निर्देशिका २०७२ को ठाडै उलङ्घन गरी निजी विद्यालयले मनपरि शुल्क असुलेको आरोप लगाउंदै आएका छन् ।

अनेरास्ववियू, नेविसंघ, अखिल (क्रान्तिकारी), अखिल (छैठौं) लगायतका विद्यार्थी संगठन संयुक्त आन्दोलनमा छन् । उनीहरुले बिहीबार केन्द्रमा शिक्षा विभागमा तालाबन्दी र जिल्ला तहमा जिल्ला शिक्षाविकास तथा समन्वय इकाईको कार्यालयमा तालाबन्दी गर्ने कार्यक्रममा घोषणा गरेका छन् ।

प्याब्सन र एनप्याब्सनको केन्द्रीय कार्यालय काठमाडौंमा तालाबन्दी गर्न विद्यार्थी संगठनका पदाधिकारी नै सहभागी भएका थिए । काठमाडौंसहित देशभरी प्याब्सन र एनप्याब्सनको कार्यालयमा तालाबन्दी गरिएको अनेरास्ववियुका सचिव आरसी लामिछानेले जानकारी दिए ।

निजी विद्यालयहरुको मनपरी रोक्नुका सट्टा प्याब्सनका पदाधिकारीहरु नै मनपरीलाई बढावा दिन लागिपरेको र पदाधिकारीहरुकै स्कुलमा मनोमानी शुल्क लिएकाले प्याब्सन र एनप्याब्सनको कार्यालयमा तालाबन्दी गरिएको हो’ उनले भने । नेकपा एमाले, नेपाली कांग्रेस र नेकपा माओवादीलगायतका प्रमुख दल निकटका विद्यार्थी संगठनले निजी विद्यालयले भर्ना शुल्क र मासिक शुल्कमा मनोमानी गरेको भन्दै आन्दोलन गरिरहेको छ ।

post image

बैशाख १८, कैलाली ।  नेपाली काँग्रेसका सभापति शेरबहादुर देउवाले शिक्षा क्षेत्रमा राजनीति हुन नहुने बताएका छन् । कैलालीको गोदावरी नगरपालिका, अत्तरियास्थित दुर्गालक्ष्मी बहुमुखी क्याम्पसको नवनिर्मित भवनको मंगलवार उद्घाटन गर्दै पूर्व प्रधानमन्त्री देउवाले शिक्षा क्षेत्रको विकासका लागि आवश्यक पूर्वाधार निर्माणसँगै गुणस्तरीय शिक्षामा ध्यान दिन जरुरी रहेको बताए ।

देउवाले प्रदेश नं ७ विकासका धेरै सम्भावना रहेको क्षेत्र भएकाले विकासका लागि सबै एकजुट भएर अघि बढ्नु पर्ने बताए । विश्वविद्यालय अनुदान आयोग, साविक जिल्ला विकास समिति, गेटा गाविस, मालाखेती गाविसको आर्थिक सहयोग र तत्कालीन प्रतिनिधिसभाका सदस्यको निर्वाचन क्षेत्र विकास कार्यक्रम अन्तर्गतको बजेटसमेत गरी कूल रु दुई करोड ५० लाखको लागतमा उक्त भवन निर्माण गरिएको हो ।

उक्त तीन तले उक्त भवनमा २६ कोठा रहेका छन् । स्नातकोत्तरसम्म अध्ययन अध्यापन हुने यस क्याम्पसमा एक हजार २०० विद्यार्थी रहेका छन् । विसं २०६३ मा स्थापना भएको दुर्गालक्ष्मी बहुमुखी क्याम्पसमा हाल करीब १५० गरीब तथा जेहेन्दार छात्रछात्राले छात्रवृत्ति पाएका छन् । सुदूरपश्चिम विश्वविद्यालयको आंगिक क्याम्पस बन्न लागेको यो क्याम्पसमा पछिल्लो पटक फरेस्ट्री विषयको पढाइका लागिसमेत पहल थालिएको क्याम्पस व्यवस्थापन समितिका अध्यक्ष वीरेन्द्र भट्टले बताए ।

post image

१७ वैशाख, बुटवल । राष्ट्रिय जनमोर्चा निकट अखिल छैठौंले निजी विद्यालयहरुका संगठन प्याब्सन, हिसान र एन प्याब्सनका पदाधिकारीलाई पाँच दिनभित्र राजीनामा दिन चेतावनी दिएको छ । अखिल छैठौंका केन्द्रीय अध्यक्ष विमल पोखरेलले विज्ञप्ति जारी गर्दै अल्टिमेटम दिइएको म्यादभित्र राजीनामा नदिए कार्यसमितिलाई कुनै पनि काम गर्न नदिने चेतावनी दिएका छन् ।

विज्ञप्तिमा भनिएको छ “सबै पदाधिकारीहरुले राजीनामा गर्नुभई शैक्षिक निजीकरण र व्यापारीकरण विरुद्धको हाम्रो आन्दोलनमा सहयोग गर्नुहुन अनुरोध छ । यो दबावपत्र प्राप्त भएको मितिले ५ दिनभित्र राजीनामा नदिएमा तपाई र कार्यसमितिलाई कुनै पनि कार्य गर्न निदिइने जानकारी गराउन चाहन्छौं ।”

 पाठ्यपुस्तक, स्टेशनरी र ड्रेसहरुमा सिण्डिकेट खडा गरिएको छ, यस्ता कार्यले निजीकरण, व्यापारीकरण र माफियाकरणलाई झन् बढावा दिँदै आएकाले प्याब्सन, एन प्उाब्सन र हिसानजस्ता संस्थाहरुको औचित्य समाप्त भएको छ ।’पोखरेलले जारी गरेको विज्ञप्तिमा भनिएको छ । यदि प्याब्सन, एन प्याब्सन र हिसान कार्यसमितिले राजीनामा नदिई कुनै कार्य वा निर्णय गरेको पाइएमा त्यसको परिणाम गम्भीर हुने चेतावनी दिन चाहन्छौं ।

post image

वैशाख १४, काठमाडौं । यु टि एस इन्सर्चका ट्रान्सनेसनल एकेडेमिक एक्ज्युकिटिभ डाक्टर माथेउ हल्ट संग अष्ट्रेलियन एजुकेशन र यु टि एसको बारेमा अनलाइनसमय ले गरेको केहि कुराकानी :

यस पटकको नेपाल भ्रमण गर्नुको मुख्य उदेश्य के हो ?

म युनिभर्सिटी अफ टेक्नोलजी सिड्नीको तर्फबाट आएको हुँ , जुन चाहिं एक अन्तराष्ट्रिय कलेज हो । हाल यु टि एस इन्सर्चको शाखा नेपालमा पनि विस्तार भएकोले यसकै प्रवर्धनको लागी म यहाँ उपस्थित भएको हुँ । यु टि एस इन्सर्च एउटा यु टि एस कै पाथ वे प्रोग्राम संचालन गर्ने इन्स्टिच्युट हो।

३० बर्षको इतिहासमा ४४ हजार बिद्यार्थी रहेको जसमा १४ हजार बिद्यार्थी अन्तराष्ट्रिय बिद्यार्थी जसभित्र नेपाली बिद्यार्थीहरु पनि  अध्ययन  गरिरहेका छन् यो ३० प्रतिशत अन्तराष्ट्रिय बिद्यार्थी समेटिएको  तपाइको युनिभर्सिटीलाइ कसरी बयान गर्नुहुन्छ ?

यो युनिभर्सिटी उत्कृष्ट ५० भित्र पर्न सफल युनिभर्सिटी हो , यो युनिभर्सिटी अष्ट्रेलियाको मुटु मानिने सिड्नी सिटि मा अवस्थित रहेको छ । जसलाई टेक्नोलजी अफ युनिभर्सिटी वा इन्डस्ट्रीयल टेक्नोलजी अफ युनिभर्सिटीको रुपमा चिनिन्छ । यो युनिभर्सिटीमा मुख्य रूपमा एक जटिल शोधको अनुसन्धानमा केंद्रित रहेर बिध्यर्थिलाई अध्ययन अध्यापन गराउदै आएको छ । धेरै विद्यार्थीहरू हाम्रो युनिभर्सिटीमा आउछन् र हामी यस सफलता प्रती गर्व गर्दछौं।  यु टि एस अन्तर्राष्ट्रिय बिद्यार्थीलाइ अध्ययन गराउने  क्रमको तेस्रो स्थानमा रहेको छ । मैले एक अन्तर्राष्ट्रिय कलेजको प्रतिनिधित्व गर्छु जहाँ धेरै विद्यार्थीहरू हामी कहाँ आउँछन् र हाम्रो साथ केही समय बिताउँछन् र त्यसपछि महाविद्यालय र विश्वविद्यालयहरूमा भर्ना हुन् जान्छन् ।

 यु टी एस इन्सर्च र यु टी एस युनिभर्सिटी टेक्नोलजी अफ सिड्नी दुइ ओटा समान्तर संस्था हुन्  अन्तराष्ट्रिय बिद्यार्थीहरुले यु टी एस इन्सर्चबाट कस्तो खालको फाइदा तथा सुविधाहरु लिन सक्छन ?  

हामी व्यक्तिगत संख्या को विभिन्न चीजहरु को हेरचाह गर्दछौं। पहिलो त हामीले उनीहरुलाई  प्राथमिक शिक्षा प्रदान गर्दछौं, अधिक सहायक, अधिक कक्षाको सहयोग ,  जसले पनि उनीहरूले अध्ययनमा  ठुलो सहयोग पुर्याउनेछ जस्तै ,एउटै विषय, एउटै सामग्री, शिक्षकहरू । अर्को कुरा हामी  सँग शैक्षिक सल्लाहकारको सम्पूर्ण सेट छ जसले हाम्रो सबै विद्यार्थीहरुलाई सहायता प्रदान गर्दछ। यसको सहयोगले सम्पूर्ण दायरा जुन एकेडेमिकर व्यक्तिगत हेरचाह हो। यसको बोर्ड र सहयोगको गहिरो प्रणाली र सबै कुरामा अगाडी रहेर मद्दत गर्दछ। यो नै यु टि एस इन्सर्चमा अध्ययन गर्नुको फाइदाहरु हुन् ।

 अधिकांश अष्ट्रेलियन बिश्वविद्यालयहरुले विद्यार्थीहरुलाई डिप्लोमा तह हुदै बिश्वविद्यालय तहमा प्रबेश गर्न प्रोत्साहन गरीरहेका हुन्छन् नि ? यस सन्दर्भमा तपाईको धारणा के छ ?

हो यहाँले भने जस्तै विद्यार्थीह्रुका लागि यो एक राम्रो बिकल्प हो । बिद्यार्थीहरुका लागि विश्वविद्यालयहरुमा अध्ययन गर्न जाने चाहना हुन्छ नै र यसका लागि राष्ट्रिय तथा अन्तराष्ट्रिय विद्यार्थीह्रु सबैको रोजाईमा उत्कृष्ठ विश्वविद्यालयहरु नै पर्ने गरेका छन् । हो, यसमा  सबै विद्यार्थीह्रुले पढ्दै जाने क्रममा केही समस्या त भोग्न्ु पर्छ नै । बिशेष गरी डिप्लोमा तहको अध्ययन पश्चात मात्रै विश्वविद्यालयमा भर्ना हुदाँ विद्यार्थीह्रुले त्यहाँको धेरै कुराको बारेमा जानकारी पाईसकेको हुन्छ भने विश्वविद्यालय तहको शिक्षाका बारेमा पनि उसले अनुभव साटासाट गरीसक्ने भएकाले पनि विद्यार्थीह्रुले अष्ट्रेलिया अध्ययनका क्रममा यो मार्ग अपनाउने गरेका छन् पक्कै पनि यो उनिहरुकै लागि सहज र उत्तम बिकल्प हो जस्तो मलाई लाग्दछ । त्यसमा पनि यूटीएस ईन्सर्चको कुरा गर्नु पर्दा एक बर्ष हाम्रो इन्स्टिच्युटमा पढेपछी दोस्रो बर्षदेखी जुनसुकै युनिभर्सिटीमा क्रेडिट ट्रान्सफर गर्न सक्छ ।

युनिभर्सिटी टेक्नोलजी अफ सिड्नीमा तपाइको २० बर्षको अनुभव रहेको छ यहाँ  ३० प्रतिशत अन्तराष्ट्रिय बिद्यार्थीहरु अध्ययनरत रहेका छन उनीहरुले अन्य युनिभर्सिटीमा जानको लागी ओरियन्टेसन संग संगै अरु कुनै माध्यम के कस्तो छ ?

अष्ट्रेलियन युनिभर्सिटीको आआफ्नै स्तर रहेको छ , तिनीहरुको अन्तराष्ट्रिय बिद्यार्थीहरुलाई कलेजमा भर्ना लिने आफ्नै नियम र मापदण्ड हुन्छ र एकदमै कडा प्रतिष्पर्धा पनि छ अष्ट्रेलियन बिद्यार्थी को लागी पनि उक्त स्तरीय कलेजमा भर्ना हुनसक्नु आफैमा चुनौतीपूर्ण छ ।  नेपाल बाट जाने बिद्यार्थीहरु सबै भाषामा पोख्त हुदैनन् र तिनीहरुले चाहेको बिषय पढ्न सक्दैनन् । यु टी एस ले यस्ता बिद्यार्थीहरुलाई अष्ट्रेलियन बिद्यार्थीसंगै राखेर भाषाको क्लास दिन्छ जसले बिद्यार्थीहरुलाई युनिभर्सिटीमा भर्ना पाउन सहजता प्रदान गर्छ ।  यु टि एस अष्ट्रेलियाको प्रख्यात इन्स्टिच्युट भएकाले हामिबाट शिफारिस  बिद्यार्थी सजिलै युनिभर्सिटीमा जान सक्छन ।

नेपाल लगायत अन्य साउथ एशियन मुलुकका बिद्यार्थीहरु जसको अंग्रेजी बोल्ने र पढ्ने शैली फरक र कम्जोर पाइन्छ त्यस्ता बिद्यार्थीलाइ युनिभर्सिटी अफ टेक्नोलजी सिड्नीले कुन तरिकाले हेर्छ र तपाई त्यस्ता बिद्यार्थीलाई के सुझाब दिनचाहनुहुन्छ ?

नेपाल लगायत साउथ एशियन मुलुकका बिद्यार्थीको त्यति धेरै अंग्रेजी कम्जोर त हुदैन । मेरो सुझाब के छ भने नयाँ कम्युनिटीमा जाँदा त्यस कम्युनिटीमा चाडै घुलमिल हुने यदि कुनै बिद्यार्थीको अंग्रेजीमा सुधार गर्नुपर्ने हुन्छ भने तिनीहरुले अतिरिक्त समय शिक्षक बाट लिन सक्छन , निबन्ध लेखन , प्रपोजल राइटिंग , प्रेजेन्टेसन प्रिपरेसन मा समय दिएर आफ्नो अंग्रेजीमा सुधार ल्याउनसक्छन ।

अष्ट्रेलियामा अध्ययन गर्न जाने बिद्यार्थीको संख्या दिनप्रतिदिन बढ्दो रहेको छ , यस युनिभर्सिटीमा नेपाली बिद्यार्थीको संख्या पनि बढी नै देखिन्छ । बढ्दो अन्तराष्ट्रिय बिद्यार्थीको चापमा कतै पार्ट टाइम जब पाउन पनि गाह्रो छ भन्ने सुनिन्छ , के कति सत्य हो ?

बिद्यार्थीहरु सर्वप्रथम त पढ्नको लागि अष्ट्रेलिया आउने हो र पढीसकेपछी मात्र काम गर्दा राम्रो हुन्छ तर कलेज र स्टेटको नियम अनुसार  उक्त सिमा भित्र रहेर बिद्यार्थीहरुले पार्ट टाइम जब गर्न सक्छन ।

युनिभर्स