post image

जेठ १०, काठमाडौँ । पूर्वप्रधानन्यायाधीश नयनबहादुर सिंहको ९९ वर्षको उमेरमा निधन भएको छ।ललितपुरको मेडिसिटी अस्पतालमा उपचारका क्रममा उनको बिहिबार राती निधन भएको परिवारिक स्रोतले जानकारी दिएको छ।

खत्री लामो समयदेखि अल्जाइमर्सका बिरामी थिए।एक्कासी असजिलो भएपछि केहीदिनअघि उनलाई मेडिसिटी अस्पताल पुर्‍याइएको थियो। खत्री नेपालका छैठौं प्रधानन्यायाधीश हुन्। २०३३ सालदेखि २०४२ सालसम्म ९ वर्ष सात महिना उनी प्रधानन्यायाधीश बनेका थिए।

खत्रीको कानुनी क्षेत्रमा अनुभव भने राणाकाल देखि नै हो। २००४ सालमा उनी चीनको ल्हासाका लागि नेपाली वकिल बनेर गएका थिए। त्यसअघि राणा नोकरशाहीको मुलुकी अड्डा ऐन सवाल फाँटमा उनी सुब्बा थिए। प्रजातन्त्र आइसकेपछि उनी कानुन सचिव भए। त्यसपछि उनी चीनका लागि नेपाली राजदूत भएर पनि काम गरे।

उनी न्याय सेवामा भने २०१६ सालमा सर्वोच्च अदालतको न्यायाधीशका रूपमा छिरेका हुन्। न्यायाधीश भएको १६ वर्षपछि उनी प्रधानन्यायाधीश भए र लगभग १० वर्ष न्यायालय चलाए।

 राष्ट्रिय मानव अधिकार आयोगका अध्यक्षसमेत भएका उनलाई निमोनियाले सताएको डाक्टरहरुले बताएका छन् ।

post image

जेठ १०, काठमाडौँ । सिरहा मागयराती पूर्व–पश्चिम लोकमार्गअन्तर्गत सिरहाको कर्जन्हा नगरपालिका १०स्थित प्रयागपुर चोकमा बस र ट्रक एकआपसमा ठोकिएका छन् । बस र ट्रक ठोक्किँदा दुई जनाको मृत्यु भएको छ भने २५ जना घाइते भएका छन्।

मृत्यु हुनेमा बस चालक भोजपुर निबासी ३५ वर्षिय हिर पहेलि र झापा निबासि ४० वार्षिय मदन उप्रेती रहेको प्रहरीले जनाएको छ।

ना ८ ख ९८२ नम्बरको प्राइम बस पूर्व झापाबाट काठमाण्डौं जादैँ गर्दा पश्चिमबाट आइरहेको ना ३ ख ४२६४ नम्बरको ट्रकसँग ठोक्किएर दुर्घटना भएको इलाका प्रहरी कार्यालय मिर्चैयाका डीएसपी सुकदेव खनालले जानकारी दिए।

डीएसपी खनालकाअनुसार घाइतेमध्ये १० जना गम्भीर रहेका छन्। एकजनाको घटनास्थलमै र अर्कोको उपचारको क्रममा मिर्चैयामा मृत्यु भएको डीएसपी खनालले बताए। सामान्य घाइतेहरुको स्थानीय अस्पतालमा र गम्भीर घाइतेलाई बाहिर रेफर गरिएको प्रहरीले जनाएको छ।

post image

 जेठ ९, दार्चुला । दार्चुलामा कार्यरत जनप्रतिनिधि र राष्ट्रसेवक कर्मचारीहरुले रक्सी, चुरोट र सुर्तीजन्य वस्तुबाट टाढै रहने प्रतिबद्धता जनाएका छन् । स्वास्थ्य कार्यालय दार्चुलाले आयोजना गरेको राष्ट्रिय रक्तचाप जाँच अभियान कार्यक्रममा उनीहरुले आफ्नो स्वास्थ्यप्रति जिम्मेवार रहेको भन्दै स्वास्थ्यको जिम्मेवारी आफैं लिन दशबुँदे प्रतिबद्धता जनाएका हुन् ।

१० वटा प्रतिबद्धताअन्तर्गत म स्वस्थ्य र पोषिलो खाना खान्छु, म रक्सी, चुरोट र सुर्तीजन्य पदार्थबाट टाढै रहन्छु, म नियमित स्वास्थ्य जाँच गराउँछु र म नियमित व्यायाम गर्छु जस्ता प्रतिबद्धता गरिएको छ ।

यस्तै म तनावरहित जीवनशैलीलाई आत्मसात् गर्छु, म प्रदूषण नियन्त्रणमा सजग रहँदै आफ्नो घर र समुदाय सफा राख्छु, म ट्राफिक नियमको पालना गर्छु, म मेरो परिवार र समुदायको स्वास्थ्यप्रति सजग रहन्छु तथा म स्वास्थ्यलाई प्रतिकूल हुने खालका बालविवाह छाउपडी जस्ता सामाजिक कुरीति, कुसंस्कारहरु अनुसरण गर्दिन जस्ता प्रतिबद्धता गरिएको छ ।

यसैगरी म हिंसा तथा भेदभाव गर्ने छैन, कसैले हिंसा तथा भेदभाव गरेको थाहा पाएमा त्यसको प्रतिकार गर्नेछु भन्दै प्रतिबद्धतापत्रमा हस्ताक्षर गरेका हुन् ।

स्वास्थ्य कार्यालयले प्रतिबद्धता कार्यक्रमका लागि सदरमुकाम खुलामञ्चबाट करीब डेढ किलोमिटर दौड कार्यक्रम गरी प्रतिबद्धता गराएको छ ।

post image

जेठ ९, काठमाडौँ  । आगलागीमा परी एकै घरका तीन जनाको मृत्यु भएको छ । बुधबार राति पुरचौडी नगरपालिका –५ कुवाकोटको पुरचौडी नजिकै बसपार्कको एक टहरामा बस्दै आएका एकै परिवारको तीन जनाको मृत्यु भएको हो ।

जिल्ला प्रहरी कार्यालयका अनुसार मृत्यु हुनेमा  ४५ वर्षीय करे लुहार, उनकी ४० वर्षीयाश्रीमती बिन्द्रा लुहार र ८ वर्षीय छोरा मनोज लुहार रहेका छन् ।

प्रहरीको प्रारम्भिक अनुसन्धानका अनुसार राति १० बजेतिर आगो बाल्ने चुलो नजिकै सुतिरहेका उनीहरुको आगो सल्केर मृत्यु भएको हो । घटनाबारे थप अनुसन्धान भइरहेको छ ।

post image

जेठ ७, काठमाडौं ।  कामिरिता शेर्पाले सगरमाथाको २४ औं सफल आरोहण गर्दै नयाँ कीर्तिमान राखेका छन् । एक साताअघि आफैले राखेको २३ औं पटकको कीर्तिमान उनले तोडेका हुन् ।

मंगलबार बिहान ६:३८ मिनेटमा कामिरिताले २४ औं सफल आरोहण सम्पन्न गरेको सगरमाथा आधार शिविरबाट सम्पर्क अधिकृत ज्ञानेन्द्र श्रेष्ठले जानकारी दिए । उनी अघिल्लो बुधबार २३ औंपटक चुचुरोमा पुगेका थिए ।

श्रेष्ठका अनुसार मौसम अनुकूल भएकाले मंगलबार बिहानबाट आरोहीहरु चुचुरोतर्फ लागेका छन् । मंगलबार मात्र १ सय २२ आरोहीले आरोहण गर्ने तालिका मिलाइएको छ ।

बुधबार २ सय ९७ र बिहीबार १ सय ७२ जना आरोहणको लाइनमा छन् । मे २४ मा पनि सबैभन्दा ठूलो समूहलाई चुचुरो लैजाने तयारी छ ।

post image

 जेठ ६, पाल्पा । पाल्पाको एक मन्दिरमा मुर्ति हराउने डरले डोकामा बोकेर घर लैजाने र बिहान मन्दिरमा ल्याउने गरिन्छ।

रम्भा गाउँपालिका वडा नम्बर ८ ताँहुमा रहेको रम्भादेवी मन्दिरको मूर्ति प्रत्येक दिन  घरमा लगिन्छ । विसं २०३२ मा सुनको जलप लगाइएको रम्भादेवीको मूर्ति मन्दिरबाटै चोरी भएपछि सुरक्षाका लागि पुजारीले मूर्ति बेलुका डोकामा बोकेर घरमा लैजाने र बिहान पुनः मन्दिरमा ल्याउँछन् ।

त्रिचालीस वर्षदेखि बेलुका पूजापाठ सकेपछि मूर्ति बोकेर घरमा लगेर भोलिपल्ट बिहान बोकेर मन्दिर ल्याउने गरिएको पुजारी टीकाराम बस्यालले बताए ।

‘मन्दिरमा आउने दर्शनार्थी सकिएपछि साँझको पूजाआराधना सकेर मूर्ति तथा शिला डोकोमा बोकेर घरमा लैजाने गरेका छौँ’, उनले भने।

मन्दिरका अर्का पुजारी प्रेमनारायण पाण्डेले जङ्गलमा मन्दिर भएकाले राति सुरक्षाका लागि चौकीदार बस्न पनि कोही नमान्ने भएकोले मूर्ति बोकेर घरमा जाने र बिहान ल्याउने उपाय नै उत्तम लागेको बताउँछन् ।

मन्दिरमा एक पुजारी मूर्ति बोकेर पुग्छन् भने अर्काले गाउँमा घरघरै अक्षता उठाउँदै जाने गर्छन् । नेपाल पर्यटन बोर्डले एक सय पर्यटकीय  गन्तव्यस्थलका रुपमा सूचीकृत गरेको रम्भापानीको नामले परिचित रम्भादेवी मन्दिर पाल्पाको धार्मिकस्थलमध्ये महत्वपूर्ण मानिन्छ ।

राम र सीताले त्रेता युगमा १२ वर्षे वनवासको क्रममा सो जङ्गलमा आइपुग्दा निकै रमणीय वातावरणमा रमाए पनि पानी नपाएर सीता छट्पटाएपछि रामले जमीनमा वाण हानेर पानी निकाली खुवाएको विश्वास छ । रासस

post image

 जेठ ६, काठमाडौं । “दुई वर्षसम्म फोनबाट माया पिरती गाँसियो, जात भात पनि मिल्ने समाजले राम्रै ठान्ला भनेर वैवाहिक जीवनमा बाँधियो, मनले मन पराएर विवाह गरियो अहिले आएर धोका होला भन्ने के थाहा”, रोल्पा नगरपालिका–१ कालापानीकी गङ्गा कवरले रुँदै भनिन् ।

सोही नगरपालिका–२ निवासी हुकुम कवर सँग २०७५ साल असारमा प्रेम विवाह गरेकी कवरले जीवनमा धोका खाइएला भन्ने कहिले सोचिनन् । “हामीले एक अर्कालाई औधि माया गर्दथ्यौँ, सबथोक उहाँलाई सुम्पे र विश्वास गरे, विवाह गरेको कुनै प्रमाणसमेत बनाइन”, कवरले भावुक हुँदै भनिन् ।

विवाह गरेको चार महीनामै उक्त प्रेमजोडी अकल्पनीय रुपमै छुट्न पुग्यो । “श्रीमान्ले म कमाउन जान्छु भन्थे, अहिले माडी गाउँपालिका–३ तालाबाङ निवासी लालकुमारी घर्तीसँग भागेका छन् रे भन्ने सुनेको छु”, रुँदै कवरले बेदना पोखिन् । श्रीमान् बेपत्ता भएपछि अहिले उनी घर न घाटको भएकी छिन् ।

“आठ महीनासम्म आउँला भन्दै उसैको बाटो हेर्दै सासूसँग घरमै बसे, अब त आउँला भन्ने आशानै मरिसक्यो”, निरास बन्दै उनले थपिन् । श्रीमान्ले गरेको अन्यायको विरुद्ध न्याय खोज्न विभिन्न सङ्घ संस्थामा भौतारिरहेकी कवरसँग वैवाहिक बन्धनमा बाँधिएको कुनै कानूनी आधार पनि छैन ।

२ नम्बर वडाध्यक्ष खिमबहादुर घर्तीले भने केही आश लाग्ने प्रतिक्रिया जनाएका छन् । “गाउँमा विवाह गरेको सबैलाई थाहा छ, यो नै सबैभन्दा ठूलो प्रमाण हो, मैले साक्षी सर्जिमिनको रुपमा सिफारिस गरेको छु, यो नै व्यावहारिकतामा ठूलो प्रमाण हो”, वडाध्यक्ष घर्तीले भने ।

 कानूनीरुपमा न्याय पाउनका सबैभन्दा ठूलो प्रमाण विवाह दर्ता हो, की त श्रीमान्को नाममा नागरिकता हुनु प¥यो, यदि त्यति गर्न सकिएन भने विवाह गरेको फोटो अडियो भिडियो भए पनि प्रमाण हुन सक्छ, महिला तथा बालबालिका सेवा केन्द्रका मीनाकुमारी विकले भनिन् ।

“यति भन्दैमा आफूहरुले कुनै प्रक्रिया भने नचाल्ने भन्ने कुरो छैन, हामीले मातहतका सबै युनिटमा हुलिया पठाएका छौँ, पीडकलाई पक्रेर लिन निर्देशनसमेत दिएका छौँ, हेरौँ कुनै पाटोबाट पीडितलाई न्याय दिन सकिन्छ की”, विकले थपे ।

“अधिकारकर्मी पनि कानूनको आधारमा लड्ने हो, विवाह गरेको कुनै प्रमाण नहुँदा न्याय दिलाउन केही गाह्रो छ तर पनि हामी हर प्रयत्न गरेर पीडितलाई न्याय दिलाउने पक्षमा छौँ”, महिला अधिकारकर्मी तीर्था आचार्यले भनिन् ।

सानै उमेरमा लहलहैमा विवाह गर्ने, पछि धोका खाइएला भन्ने हेक्कासमेत नराख्दा रोल्पामा यस्ता खालका घटना थुप्रै घट्ने गरेका छन । कानूनीरुपमा विवाह प्रमाणित हुनका लागि विवाह दर्ता बलियो आधार हो । विवाह गरेको ३५ दिनभित्र वडा कार्यालयमा विवाह दर्ता गर्न गए निःशुल्क दर्ता गरिन्छ ।

विवाहपछिको यो अनिवार्य प्रक्रियाजस्तै हो । विवाह गर्ने क्रममा फोटो, भिडियो वा अडियो रेकर्ड गरी सुरक्षित राख्नु पर्दछ । माइती पक्षबाट नागरिकता बनाएको छैन भने श्रीमान्को नाममा तुरुन्त नागरिकतासमेत बनाउनुपर्छ । विवाह गरेको निश्चित समयभित्र यी प्रक्रिया नपु¥याउँदा धेरैजसो महिला अन्यायमा पर्ने गरेका छन् ।

चालू आर्थिक वर्ष २०७५–७६ मा हालसम्म ८१ वटा घरेलु हिंसाका घटना महिला तथा बालबालिका सेवा केन्द्रमा दर्ता भएका छन् भने ७४ वटा घरेलु हिंसा मिलापत्र भइसकेको छ । यसै आवमा लैङ्गिक हिंसाका घटना १८ वटा दर्ता भएका छन् । यसरी आउने उजुरी अधिकांश मिलापत्रमै टुङ्गिने गरेको छ ।

देश सङ्घीयतामा गइसके पनि स्थानीय सरकारमा पीडितले न्यायको महसुस नगरेपश्चात् जिल्ला प्रहरी कार्यालयमा नै यस्ता घटना दैनिकी आउने गरेको महिला तथा बालबालिका सेवा केन्द्र रोल्पाले बनाएको छ ।

post image

बैशाख ५, भरतपुर। गर्मीयाममा बच्चा कोरल्न नेपाल आउने चराको सङ्ख्या वृद्धि भएको छ । चितवन राष्ट्रिय निकुञ्ज र यस आसपासका सामुदायिक वनमा गरिएको गणना र अवलोकनबाट चराको सङ्ख्या बढेको पाइएको हो । चैतदेखि नेपालमा भारत, श्रीलङका र दक्षिण पूर्वी एशियाका देशबाट चरा अण्डा पार्न र बच्चा कोरल्न नेपाल आउने गरेको वर्ड एजुकेशन सोसाइटीका पूर्व अध्यक्ष वासु बिडारीले जानकारी दिए ।

‘चैतदेखि भदौभित्रको अवधिमा चरा यहाँ आउँछन्”, बिडारीले भने, “बच्चा जन्माइसकेपछि पुरानै बासस्थानमा फर्कन्छन् ।” चराले बच्चा कोरल्ने र हुर्काउने अवधि डेढदेखि दुई महिनासम्मको हुन्छ । अहिले आउने चराले घाँसेमैदान र रुखमा गुँड पार्ने गरेको बिडारीले जानकारी दिए ।

चराले गतवर्ष जुन ठाउँमा गुँड लगाएका थिए यस वर्षपनि सोही ठाउँमा गुँड लगाउने गरेको उनले बताए । चितवन राष्ट्रिय निकुञ्ज र आसपासका सामुदायिक वनमा चराको गुँड बढी देखिएको छ । ‘यो याममा चितवनसहित पर्सा र बर्दिया राष्ट्रिय निकुञ्जका साथै तराईका वनमा चरा गुँड पार्न आउने गरेका छन्, उनले भने, ‘नेपालमा सबैभन्दा धेरै चरा चितवन राष्ट्रिय निकुञ्जमा आउने गर्छन् ।’ यो याममा आउने चराको गणना चितवनमा मात्रै गरिन्छ । वर्ड एजुकेशन सोसाइटी, हिमालयन नेचर, नेपाल पक्षीविद् सङ्घ र चितवन राष्ट्रिय निकुञ्जको सहयोगमा विगत पाँच वर्षदेखि चरा गणना गर्न थालिएको उनले बताए ।

‘नेपालमा चराको सङ्ख्या कहिले बढ्ने र कहिले घट्ने हुन्छ, चराविद् डा.हेमसागर बरालले भने, ‘चराको बासस्थान र आहारामा ध्यान पुर्‍याउनुपर्ने आवश्यकता छ ।’ कोइली, पिट्टा, लालठुँडे, ठेउवा, मुरली, सुनचरी लगायत प्रजातिका चरा यो याममा नेपाल आउने गरेको उनले बर्ताए । ‘हिँउदमा गुँड र आहारा खुम्चिएको क्षेत्र गर्मी याममा बढ्छ’, उनले भने, ‘आफ्नो सन्तान हुर्काउन उचित स्थान खोज्दा चराबीच द्वन्द्व हुने समय पनि हो ।’ प्रायः चरा वनमा आश्रित हुने भएका कारण कीरा फट्याङ्ग्रा र फलफूल खाएर बाँच्छन् ।

पछिल्लो समय जलवायु परिवर्तन, बढ्दो विषादीको प्रयोगका कारण पनि कीरा फट्याङग्राको सङ्ख्या कम हुँदा चरालाई आहराको समस्या हुने गरेको बरालको भनाइ छ । जथाभावी विषादी प्रयोगले चराको वासस्थान सङ्कटमा पर्दै गएको हो । ‘विषादी प्रयोग बढेसँगै चराको वासस्थान सङ्कटमा पर्दै गएको छ’, बरालले भने, ‘त्यसैले बासस्थान जोगाउन ध्यान दिनुपर्छ ।’ विषादी प्रयोगले अण्डा चाँडै फुट्ने र प्रजननमा समस्या हुने गरेको छ  ।

विभिन्न देशका पर्यटकहरु चरा हेर्नकै लागि समय छुट्याएर नेपाल आउने गर्छन् । नेपालमा अहिलेसम्म अभिलेख भएका ८ सय ८७ प्रजातिका चरा छन् । त्यसमध्ये ८ प्रचातिका चरा लोप भएको चरा विज्ञको अनुमान छ । नेपालमा मात्रै पाइने प्रजातिको चरा काँडेभ्याकुर हो ।

post image

जेठ ५, धादिङ। आज बिहान झापाको काकडभिट्टाबाट काठमाडौँतर्फ आउँदै गरेको यात्रुबस धादिङमा दुर्घटना हुँदा मृत्यु हुनेको संख्या ५ पुगेको छ ।

जसमा चार जनाको घटनास्थलमै मृत्यु भएको भने एक जनाको उपचारका लागि लैजाँदै गर्दा बाटोमा मृत्यु भएको छ । दुर्घटनामा २९ घाइते भएको ईलाका प्रहरी कार्यालय गजुरीका प्रमुख इन्सपेक्टर नवराज ढुंगेलले जानकारी दिएका छन् ।

ना७ख ४३८७ नंको बस गजुरी गाउँपालिका–६ बन्छेटारबाट त्रिशूली नदीमा खसेको हो । घाइतेको उद्धारका लागि नेपाली सेना, जनपथ, सशस्त्र प्रहरी र स्थानीयवासी खटिएका छन् । दुर्घटना के कारणले भयो भन्ने खुलेको छैन ।

post image

 जेठ १, नेपालगञ्ज । नेपालगञ्ज उपमहानगरपालिका–१० का १३ वर्षीया एक बालिका असुरक्षित गर्भपतन गराउन खोज्दा मृत्युको मुखमा पुगेकी छिन् । यौन शोषणबाट गर्भ रहन गएपछि असुरक्षित गर्भपतन गराउन  ।  खोज्दा जथाभावी औषधि सेवन गरेपछि अत्यधिक रक्तश्राव हुँदा उनी मृत्युको मुखमा पुगेकी हुन् ।

जिल्ला प्रहरी कार्यालय बाँकेका प्रहरी उपरीक्षक अरुण पौडेलका अनुसार, ती बालिकाको नेपालगञ्ज मेडिकल कलेज शिक्षण अस्पताल कोहलपुरमा आइसियुमा उपचार भइरहेको छ । ती बालिकाले तीन महीनाको गर्भ फाल्न गर्भपतन गराउने औषधि सेवन गरेपछि अत्यधिक रक्तश्राव हुन पुगेको थियो ।

प्रहरी उपरीक्षक पौडेलले नेपालगञ्ज उपमहानगरपालिका–१० बाट उद्धार गरी अस्पताल भर्ना गरेको बताए । प्रहरीले गस्ती गर्ने क्रममा बालिकालाई रोइरहेको अवस्थामा फेला पारेको थियो ।  ‘बालिका र उनको परिवारसँग कुरा बुझ्दा बालिकाको अवस्था गम्भीर भएकाले तत्काल भेरी अस्पताल उपचारका लागि ल्यायौँ’, उनले भने ।

प्रहरी उपरीक्षक पौडेलले भने, ‘भेरीमा उपचार हुन नसकेपछि उनलाई थप उपचारका लागि कोहलपुर लगेका हौँ । अहिले बालिका आइसियुमा छिन् । घटनाको गहन अनुसन्धान भइरहेको छ ।’ १३ वर्षीय बालिका के कसरी गर्भवती भइन् र उनलाई कसले वा कसरी गर्भपतन गराउन खोज्यो भन्नेबारे अनुसन्धान भइरहेको प्रहरी उपरीक्षक पौडेलले बताए । रगतको कमी भएकी बालिकालाई बचाउन यतिबेला सबैतिर रगतका लागि आग्रह गरिएको छ । ‘एबी’ नेगेटिभ रगत समूहकी ती बालिकालाई रगतदान गर्न प्रहरीले अनुरोधसमेत गरेको छ ।

post image

३१ वैशाख, जनकपुरधाम । प्रदेश २ प्रहरीले मादक पदार्थ सेवन (मापसे) का साथै लागुपदार्थ सेवन गरेर सवारी चलाए नचलाएको जाँच गर्न थालेको छ  ।मादक पदार्थ सेवन (मापसे) गरेर सवारी चलाउनेहरुलाई कारबाही गर्न थालिएको अभियान ‘हिट’ भएसंगै मापसे गरेर सवारी चलाउने पनि सचेत भएका छन् ।

मादक पदार्थसँगै लागुऔषध प्रयोग गरेर पनि सवारी चलाउने क्रम बढेपछि लापसे अभियान सुरु गरिएको बताउँछन् प्रदेश २ का ट्राफिक प्रहरी प्रमुख एसपी योगबहादुर पाल । उनका अनुसार लापसे जाँच अभियान केही दिनभित्रै प्रदेशका आठ वटै जिल्लामा विस्तार गरिनेछ ।

यसरी गरिन्छ लापसे जाँच

नार्काेनन नामक संस्थाले ड्रग यूरिन टेस्ट किट प्रदेश २ प्रहरी कार्यालय बारा पथलैयालाई उपलब्ध गराएको थियो । यो किटको प्रयोग गरी लागुऔषध प्रयोग गरे-नगरेकोबारे जाँच गरिएको छ । जाँचका क्रममा सवारी चालकहरुलाई एउटा सानो डिब्बा दिँदै त्यसमा पिसाब भरेर ल्याउन भनिन्छ ।

ल्याइएको पिसाब किटमा राखेपछि लागुऔषध प्रयोग गरे-नगरेको थाहा हुन्छ । ‘यदि कसैले लागुऔषध प्रयोग गरेको छ भने तत्कालै त्यसले देखाउँछ,’ पालले भने, ‘कुन लागुऔषधको प्रयोग गरेको हो त्यो पनि देखाउँछ किटले ।’

दुर्घटनालाई न्यूनीकरण गर्नका लागि यो अभियानको प्रारम्भ गरिएको पालले बताए । उनकाअनुसार लापसे जाँच गर्ने किट उपलब्ध गराउन माथिल्लो निकायमा आग्रह गरिएको छ र आउनासाथ आठ वटै जिल्लामा जाँच सुरु हुनेछ ।

उनका अनुसार नार्काेननले सय वटा मात्रै किट उपलब्ध गराएको छ ।

post image

वैशाख ३१, काठमाडौं । मानव अधिकारको क्षेत्रमा क्रियाशिल नागरिक संगठनहरूले ‘राष्ट्रिय मानवअधिकार आयोग ऐन, २०६८ लाई संशोधन गर्न बनेको विधेयक’ सच्याउन माग गरेका छन्।

नागरिक संगठनहरूले सोमबार एक विज्ञप्ती जारी गर्दै विधेयकप्रति मानवअधिकार महाभेला सम्बद्ध सम्पूर्ण संस्थाहरू, नागरिक संगठनहरू र मानव अधिकारको क्षेत्रमा क्रियाशील समुदायले आफ्नो गम्भिर ध्यानाकर्षण भएको जनाएको हुन्।

उनीहरुले ६ वटा बुँदामा नेपाल सरकार, संघीय संसद तथा सम्बद्ध निकायसँग चासो व्यक्त गरेको युथ एड्भोकसी नेपालका अध्यक्ष नरेन खतिवडाले जानकारी दिएका छन्।

यस्ता छन् ६ बुँदे मागरू

१. प्रस्तुत विधेयक नेपालको संविधान, मानवअधिकार आयोगका गठन सम्बन्धीका अन्तर्राष्ट्रिय सिद्धान्त र मान्यताहरु ९पेरिस प्रीन्सीपल० को विपक्षमा देखिएको छ।

२. आयोगले स्वतन्त्र ढंगले छानवीन गर्न पाउने र मुद्धा दायर गर्न सिफारिस गर्न पाउने अधिकार कटौती गर्ने गरि सर्वोच्च अदालतको २०६९ फागुन ११ गतेको फैसलाको विपरित ल्याइएको महान्यायाधिवक्ता मातहत रहने जस्तो देखिने प्रस्तावित दफा १७ (क) हटाइयोस्।

३.आयोगको कार्यक्षेत्र खुम्चिने र क्षेत्रीय तथा उपक्षेत्रीय कार्यालयहरु खारेज गर्ने गरि ल्याइएको दफा २६ को संशोधन हटाइयोस् । मूल ऐनको दफा २६ को उपदफा ९२० यथावत राखियोस् ।

४. मानवअधिकार आयोगको वित्तिय स्वायत्तता सुनिश्चित गर्नका लागि आयोगले वित्तीय स्रोत जुटाउन सक्ने प्रावधानलाई सहज बनाइयोस् ।

५. राष्ट्रिय मानवअधिकार आयोगको स्वतन्त्रता र स्वायत्तताको प्रतिकूल हुने कुनै पनि प्रावधानहरु खारेज गरियोस् र मानवअधिकार प्रतिको सम्मान व्यवहारमा लागु गरियोस् ।

६. नागरिकहरुको मानवअधिकार र मौलिक स्वतन्त्रताको रक्षा, मानवअधिकार आयोगको स्वतन्त्रता र स्वायत्तता सुनिश्चित गर्नका लागि हामी मानवअधिकारकर्मीहरु सदैव क्रियाशील रहने र समुचित कदम चाल्ने प्रतिवद्धता व्यक्त गर्दछौँ ।

post image

बैशाख ३१, डोटी । जिल्लाको दिपायल सिलगढी नगरपालिका–८ लडागडामा गएको तीन वर्षको अवधिमा १६३ बालविवाह भएको एक संस्थाको तथ्याङ्कले देखाएको छ । जिल्लामा लामो समयदेखि सामाजिक क्षेत्रमा काम गर्दै आएको सामुदायिक विकास केन्द्र (सिडिसी) नामक एक संस्थाले तीन वर्षदेखि गरेको सर्वेक्षणअनुसार यति ठूलो सङ्ख्यामा बालविवाह भएको पाइएको हो ।

उक्त संस्थाले सार्वजनिक गरेको तथ्याङ्कमा विसं २०७३ मा ३८, २०७४ मा ५६ र २०७५ मा ६९ को बालविवाह भएको छ । त्यस्तै विसं २०७३ वैशाखदेखि २०७५ चैत मसान्तसम्म १३३ बालिका र २७ बालकको बालविवाह भएको सामुदायिक विकास परियोजना जिल्ला संयोजक एकराज बडूले जानकारी दिए ।

उनले भने, “विवाह गर्ने १४ देखि १९ वर्षका धेरै छन्, केहीले लहैलहैमा लागेर त केहीले पुण्य कमाउने नाममा बालविवाह गरेको देखिन्छ ।” बालविवाह समाज, क्षेत्र वा जाति विशेषभन्दा पनि सबैमा समान रहेको पाइएको छ । यसरी पुण्यका नाममा बालविवाह गर्नेमा जनजाति पाँच, दलित ६०, क्षेत्री समुदायमा ९८ रहेको उक्त संस्थाले गरेको अनुसन्धानमा देखिएको छ ।

मुख्यतया बालविवाह परिवारको दवाब, मोबाइल तथा इन्टरनेटको प्रयोग, लहैलहैमा, गरीबी, राम्रो घर परिवार पाउँदा, चाँडो विवाह गर्ने मान्यता, मेला पर्वमा, भविष्य राम्रो हुने आशामा हुने गरेको छ । उक्त वडामा हालसम्म परिवारको दवाबले ३१, मोबाइल तथा इन्टरनेटको प्रयोगले ३३, गरीबीले एक, राम्रो घर परिवार पाउँदा सात, चाँडो विवाह गर्ने मान्यतामा पाँच, मेला पर्वमा एक, भविष्य राम्रो हुने आशामा एक र अन्य ८० गरी जम्मा १६३ को विवाह भएको पाइएको जिल्ला संयोजक बडूले बताए ।

बालविवाह गर्नेको जिल्लाभरिको सर्वेक्षण गर्ने हो भने करीब एक हजारभन्दा बढी तथ्याङ्क निस्किन सक्ने दिपायलका स्थानीय सर्वजीत देउवाले बताए ।

उनले भने, “सुदूरपश्चिमको पहाडी जिल्लामा सबैभन्दा बढी डोटीमा बालविवाह हुने गरेको छ, तथ्याङ्क निकाल्ने हो भने हजारौँ भेटिनेछन् ।” जिल्लामा बालविवाह र बालश्रमिक अन्त्यका लागि यहाँको दिपायल सिलगढी नगरपालिकाले विभिन्न क्रियाकलाप गर्दै आए पनि आफ्नो नगरपालिकामा बालविवाह रोक्न सकेको छैन ।

 नगरपालिका प्रमुख मञ्जु मलासीले बालविवाह र बालश्रमिक राख्ने विरुद्ध कडारूपमा उत्रिने बताइन् । उनले भनिन्, “बालविवाह र बालश्रम अन्त्यका लागि हामीले विभिन्न काम गर्दै आएका छौँ, बालश्रम राख्ने र बालविवाह गर्नेलाई कानूनी दायरामा ल्याएरै छाडिने छ ।” जिल्लामा बालविवाहले विकराल रूप लिँदै आएको छ ।

post image

 बैशाख ३० जनकपुरधाम। जानकी नवमीको अवसर पारेर प्रदेश २ मा सोमबार (आज) सार्वजनिक विदा हुने भएको छ । प्रदेश २ सरकारले जानकी नवमीको अवसर पारेर सोमबार प्रदेशभित्र सार्वजनिक विदा दिएको हो ।

यस पटकको जानकी नवमीलाई जनकपुरधाममा महामहोत्सवको रुपमा मनाइँदैछ । सप्ताहव्यापी रुपमा मनाइने महामहोत्सवमा नेपालका साथै भारतका विशिष्ट विद्वानहरुले सहभागिता जनाउनेछन् ।

यसैबीच जानकी नवमीको अवसरमा शुभकामना दिदैं प्रदेशका मुख्यमन्त्री लालबाबु राउतले जानकी नवमीले धार्मिक आस्थाका साथै जनकपुर र प्रदेश नम्बर २ को गरिमालाई समेत विश्व स्तरमा स्थापित गर्ने भएको हुँदा यस पर्वको गरिमाको संरक्षण, सम्बद्र्धन र प्रचार प्रसारमा प्रदेश सरकारले हरसम्भव प्रयास गर्ने बताएका छन् ।

post image

बैशाख २७ ,काठमाडौं । मिस नेपालमा सहभागी हुन अस्ट्रेलियाको बैँकबाट राजीनामा दिएर आएकी २३ वर्षीया अनुष्का श्रेष्ठ यस वर्षकी मिस नेपाल वर्ल्ड घोषित भएकी छिन्। उच्च शिक्षाका लागि अस्ट्रेलिया उनी सन् २०१४ मै पुगेकी थिइन्।   मिस नेपालमा सहभागी हुन नेपाल आउनुअघि उनी अस्ट्रेलियाको कमनवेल्थ बैँकमा अडिट एडमिनिस्ट्रेटर थिइन्।

सिड्नीको अस्ट्रेलियन क्याथोलिक युनिभर्सिटीबाट ग्राजुएट गरेकी अनुष्काले १९ वर्षको उमेरमा भ्याटिकन सिटीमा इन्टर्नसिप गरेकी थिइन्। इसाई धर्मगुरु पोप राष्ट्रप्रमुख हुने देश भ्याटिकन सिटीको अर्थ सचिवालयमा उनले मार्च २०१६ देखि जुन २०१६ सम्म चार महिना इन्टर्नसिप गरेकी थिइन्।

अब उनले डिसेम्बर ७ मा हुने मिस वर्ल्डमा नेपालको प्रतिनिधित्व गर्ने छिन्। उनले सिड्नीमा भएको मिस नेपाल ओसेनिया जितेकी थिइन्। यो वर्षदेखि मिस नेपाल ओसिनियासँगै, मिस हङकङ नेपाल, मिस पोखरा, मिस पूर्वाञ्चल, मिस पश्मिाञ्चल र मिस चितवन सीधै मिस नेपालमा क्वालिफाइ गरिएको थियो।

सहभागी २५ सुन्दरीमध्ये टप ७ मा पुगेकामध्ये ५ जनालाई यी उपाधि दिइएको थियो- मिस नेपाल वर्ल्ड- अनुष्का श्रेष्ठ, मिस नेपाल युनिभर्स– प्रदिप्ता अधिकारी, मिस नेपाल अर्थ– रिया बस्नेत, मिस नेपाल इन्टरनेशनल– मीरा कक्षपति र मिस नेपाल सुप्रानेसनल – राेज लामा।

post image

बैशाख २६, रामेछाप। सदरमुकाम मन्थलीमा मोटरसाइकलको ठक्करबाट एक वृद्धाको मृत्यु भएको छ। आज बिहान खिम्तीबाट मन्थली आउँदै गरेको बा४८प ३०१८ नंको मोटरसाइकलको ठक्करबाट लिखुतामाकोशी गाउँपालिका–७ तिल्पुङ निवासी ६५ वर्षीया वृद्धा केशरी तामाङको ज्यान गएको हो।

घाइते भएकी तामाङको उपचारका क्रममा तामाकोशी सहकारी अस्पतालमा ज्यान गएको जिल्ला प्रहरी कार्यालय रामेछापका प्रवक्ता एवं प्रहरी निरीक्षक शेख अदालतले जानकारी दिए। रामेछापको मन्थली नगरपालिका–१ निवासी २० वर्षीय मोटरसाइकल चालक रामकुमार श्रेष्ठ र मोटरसाइकल प्रहरीको नियन्त्रणमा छ। रासस

post image

 वैशाख २६, लुम्बिनी । ‘बुद्ध जन्मस्थल लुम्बिनी जाऔंः शान्तिको सन्देश फैलाऔं’ भन्ने मूल नारा का साथ प्रदेश ५ को सरकारले ‘लुम्बिनी भ्रमण वर्ष-२०७६’ मनाउने भएको छ। गौतमबुद्धको जन्मस्थल लुम्बिनीलाई केन्द्र भागमा राखेर त्यस वरपरका सम्पदाहरूलाई पनि पर्यटकीय दृष्टिकोणले विकास गर्ने उद्देश्यका साथ प्रदेश ५ को सरकारले ‘लुम्बिनी भ्रमण वर्ष-२०७६’ मनाउने भएको हो।

समग्र लुम्बिनीलाई पर्यटन प्रवर्द्धन गर्ने संस्कृतिको रूपमा विकास गर्न सो भ्रमण वर्ष मनाउने निर्णय गरिएको प्रदेश ५ का मुख्यमन्त्री शंकर पोखरेलले जानकारी दिए।

 सो भ्रमण वर्ष आगामी जेठ ४ गते लुम्बिनीमा एक भव्य कार्यक्रमका बीच शुभारम्भ गरिने पनि बुधबार काठमाडौंमा पत्रकार सम्मेलन गरी जानकारी गराइएको छ। प्रदेश ५ का मुख्यमन्त्री पोखरेलले आन्तरिक पर्यटन प्रवर्द्धनमा जोड दिएर बाह्य पर्यटनलाई आकर्षित गर्ने सो पर्यटन भ्रमण वर्षको मूल उद्देश्य रहेको पनि स्पष्ट पारे।

कार्यक्रम अनुसार सबै प्रदेशलाई प्रदेश ५ को सरकारले लुम्बिनी भ्रमण वर्षको निम्तो दिनेछ। भ्रमण वर्ष कार्यक्रम अन्तरगत आगामी जेठ ५ गते लुम्बिनीमा मायादेवी प्रसुति उत्सव आयोजना गरिनेछ।

त्यसैगरी लुम्बिनी फुड फेष्टिबल, मायादेवी मन्दिर परिसरमा दैनिक द्विप प्रज्वलन, धार्मिक यात्रा र त्रिपिटक वाचन, योग तथा ध्यान शिविरहरू पनि सञ्चालन हुने प्रदेश ५ का उद्योग, पर्यटन, वन तथा वातावरणमन्त्री लिला गिरीले बताए।

जीवनमा एक पटक बुद्धको जन्मभूमिमा पुग्ने आकांक्षा बोकेका विश्वका डेढ अर्ब बौद्धमार्गीहरूलाई लुम्बिनी र नेपालको भ्रमणमा आकर्षित गर्ने लक्ष्य पनि सो कार्यक्रमको रहेको प्रदेश ५ को सरकारले जनाएको छ।

मुख्यमन्त्री पोखरेलले ‘नेपाल भ्रमण वर्ष–२०२०’लाई सफल बनाउन पनि प्रदेश ५ को लुम्बिनी भ्रमण वर्षले सहयोग पुर्‍याउने विश्वास पनि व्यक्त गरे।

post image

बैशाख २६,काठमाडौं । बौद्धमा बौद्ध व्यापार सङ्घको अगुवाइमा बाटो धुलोमुक्त बनाउ भन्दै स्थानीय प्रदर्शनमा उत्रेपछि बाटो ठप्प भएको छ। यातायात सुचारु गर्न प्रहरीले बल प्रयोग गरेको छ। यही अवस्थामा प्रदर्शनकारी र प्रहरीबीच झडप भएको छ।

बिहीबार  सङ्घर्ष समितिले चाँडो कालोपत्रे गर्न मागसहित चुच्चेपाटी जोरपाटी क्षेत्रमा सडक अवरुद्ध नै गरेको थियो। उनीहरुले सडकमा टायरसमेत बाले। झडपका क्रममा केही प्रदर्शनकारीलाई प्रहरीले नियन्त्रणमा लिएको छ।

सडक कालोपत्रे गर्न भनेर भत्काएको ३ बर्षपुग्दा समेत कालोपत्रे नगर्दा धुलोले ब्यापार , मानव स्वास्थ्यमा प्रतक्ष असर पारेको एक प्रदर्शनकारीले बताए ।

post image

बैशाख २५,काठमाडौं । अमेरिकाले गत वर्ष खोलेको डाइभर्सिटी भिसा (डीभी) चिठ्ठाको नतिजा सार्वजनिक भएको छ । सन् २०२० को डीभीको नतिजा नेपाली समयानुसार मंगलबार राति ०९:४५ बजे सार्वजनिक भएको हो ।

 यहाँ https://www.dvlottery.state.govdvlottery.state.gov गएर डिभीको रिजल्ट हेर्न सकिन्छ । डीभी परे नपरेको हेर्नका लागि डिभी भर्दा पाएको कन्फर्मेशन नम्बर हान्नु अनिवार्य मानिएको छ ।

गत असोज १७ गतेदेखि कात्तिक २० गतेसम्म आवेदन खुलाइएको थियो । डीभीका विजेताहरुले सन् २०१९ को अक्टोबर १ देखि अमेरिकाको भिसा प्राप्त गर्न सुरू गर्नेछन् ।

सन् २०२० को सेप्टेम्बरको अन्त्यसम्ममा भिसा प्राप्त गरिसक्नुपर्ने नेपालस्थित अमेरीकी दूतावासले जनाएको छ । अमेरिकी सरकारको इडिभी शाखाले आर्थिक वर्ष २०२० का डिभी विजेताहरुलाई आफ्नो कन्फर्मेसन नम्बर सन् २०२० को सेप्टेम्बरसम्म आफूसँगै राख्न सुझाव दिएको छ ।

देशभित्र र बाहिर रहेका नेपालीले हेरिरहेकाले ट्राफिक बढी भएकोले वेवसाइट खुलिरहेका छैनन् ।

post image

बैशाख २५, लहान। पूर्वपश्चिम राजमार्गअन्तर्गत सिरहाको मिर्चैया नगरपालिकास्थित मल्हनियाँचोकमा रोकिराखेको नेपाली सेनाको ट्रकमा मोटरसाइकल ठोक्किँदा गएराति एकको मृत्यु भएको छ।

चोहर्वास्थित नेपाली सेना गणको बा १ ग २४६२ नम्बरको ट्रकमा स ६ प ८०१३ नम्बरको मोटरसाइकल पछाडिबाट ठोक्किँदा मोटरसाइकल चालक मिर्चैया नगरपालिका–५ निवासी सागरकुमार जयसवालको घटनास्थलमै मृत्य भएको हो।

मल्हनियाँचोकमा बिग्रिएर रोकिराखेको नेपाली सेनाको ट्रकमा मोटरसाइकल ठोक्किँदा जयसवालको मृत्यु भएको प्रहरीले जनाएको छ। रासस

post image

बैशाख २३ ,काठमाडौँ । धनुषाको मिथिला नगरपालिकामा साढे दुई वर्षीय बालकको हत्या गरेको अवस्थामा शव फेला परेको छ।

मिथिला नगरपालिका–६ ढल्केवरबाट सोमबार साँझ शम्भु साहका साढे दुई वर्षीय छोरा आर्यन साह बेपत्ता भएका थिए। बालकको खोजतलास अबेर रातिसम्म गरिए पनि फेला परेको थिएन। उनै बेपत्ता आर्यनको शव आज मङ्गलबार बिहान फेला परेको इलाका प्रहरी कार्यालय ढल्केवरका प्रहरी निरीक्षक सरोज राईले जानकारी दिए।

आर्यनको शव घर नजिकैको बारीमा फेला परेको छ। शवको प्रकृति निकै दर्दनाक देखिन्छ। आधा घाँटी काटेको अवस्थामा शव फेला परको छ।

‘हामी अहिले मुचुल्का उठाउने काम गर्दैछौं,’ प्रहरी निरीक्षक राईले भने, ‘घटनाको पूरा अनुसन्धान गरेपछि मात्रै थप भन्न सकिने अवस्था रहन्छ।’

आर्यन सोमबार साँझ हरियो टिसर्ट लगाएर घरमै खेलिरहेका थिए। उनी खेल्न थालेपछि परिवारका सदस्यले बालकलाई घरमै छाडेर घर नजिकैको धारामा पानी लिन गएका थिए। त्यही बीचमै आर्यन बेपत्ता भएका थिए। बालक हराएपछि छिमेकी र गाउँले मिलेर खोजी शुरु गरेका थिए। पछि बालक हराएको जानकारी इलाका प्रहरी कार्यालय ढल्केवरलाई समेत दिइएको थियो।

इलाका प्रहरी कार्यालय ढल्केवरका प्रहरी निरीक्षक राईसहित गाउँलेले बालकको खोजी सोमबार रातिबाटै गरेका थिए। तर, बालक फेला परेका थिएनन्। खेतबारीतिर जान सक्ने भन्दै त्यसतर्फ पनि खोजी गरिएको तर पत्ता नलागेको राईको भनाइ छ।

यसैबीच आइतबार बिहान राति नै खोजिएको ठाउँ घर नजिकैको खेतमा उनको घाँटी रेटेर हत्या गरेको अवस्थामा शव फेला परेको प्रहरी निरीक्षक राईले बताए। बालकको घाँटी रेटेर निर्ममतापूर्वक हत्या भएको पाइएपछि अपहरण गरेर हत्या भएको हुनसक्ने प्रहरीले जनाएको छ। अपहरणपश्चात हत्या किन र कसले गर्‍यो भन्ने केही खुल्न सकेको छैन। (रासस)

post image

 वैशाख २३, काठमाडौं । प्रहरी प्रधान कार्यालयले काठमाडौं प्रहरी परिसर र अपराध महाशाखामा नेतृत्व परिवर्तन गरेको छ । प्रधान कार्यालय स्रोतका अनुसार काठमाडौंको प्रहरी प्रमुखमा एसएसपी उत्तमराज सुवेदी सरुवा भएका छन् ।

नेपाल प्रहरीको प्रवक्ता रहेका सुवेदीले काठमाडौंको कमाण्ड सम्हानेछन् भने हालका काठमाडौं प्रहरी प्रमुख वसन्त लामा लागू औषध नियन्त्रण व्यूरोमा सरुवा भएका छन् ।

यस्तै अपराध महाशाखाको प्रमुखमा एसएसपी सहकुल थापा सरुवा भएका छन् । विराटनगर तालिमकेन्द्रमा रहेका थापालाई धिरजप्रताप सिंहको ठाउँमा ल्याइएको हो ।

post image

बैशाख २२, भद्रपुर। झापाको मेचीनगर नगरपालिका –९ मा निर्माणाधीन पोखरीमा डुबेर १५ वर्षीय प्रनिल प्रसाईँको मृत्यु भएको छ।

मागुरमाडी सामुदायिक वन उपभोक्ता समूह बिट नं १ ले पर्यटन प्रवर्द्धनका लागि बनाउँदै गरेको पोखरीमा पौडी खेल्ने क्रममा उनको शनिबार दिउँसो मृत्यु भएको प्रहरीले जनाएको छ।

६ जना साथीसँग पौडी खेल्न पोखरीमा पसेका प्रसाईँ बाहिर ननिस्किएपछि साथीहरुले घरमा आएर आफ्ना अभिभावकलाई घटनाबारे जानकारी दिएका थिए। खबर पाएलगत्तै घटनास्थल पुगेको प्रहरी टोलीले शवलाई पोखरीबाट बाहिर निकालेको थियो। मृतकका बुवा भानु प्रसाईँ मेचीनगर नगरपालिकाका पूर्वनगर प्रहरी हुन्।

समितिका अध्यक्ष मुकेश सुब्बाका अनुसार सामुदायिक वन क्षेत्रमा सीमसार विकास गर्न दुई पोखरी निर्माणाधीन अवस्थामा छन्। निर्मार्णाधीन पोखरीमा वन समितिले पौडी खेल्न प्रतिबन्ध लगाएको भए पनि वन हेरालु खाना खान गएको बेला दुर्घटना भएको थियो। घटनाको थप अनुसन्धान भइरहेको जनाएको प्रहरीले छ। रासस

post image

वैशाख २०, काठमाडौँ । पाँच नम्बर प्रदेशस्थित तराईका जिल्लामा आएको हावाहुरी , पानी तथा चट्यांग ले विभिन्न ठाउँमा क्षति पुर्याएको छ ।त्यसैक्रममा चट्याङ्ग लागेर वडा सदस्यसहित २ जना गम्भीर घाइते भएका छन् ।

नवलपरासी, रुपन्देही, कपिलबस्तु, दाङ जिल्लामा बिहानैदेखि हुरी बतास चलेको छ । हुरीका कारण जनजीवन प्रभावित बनेको छ ।

जिल्ला प्रहरी कार्यालय दाङका अनुसार हावाहुरी र चट्याङले दाङको राजपुर गाउँपालिका वडा नं. १ गुरुङखोला स्थित ज्योति आधारभुत विद्यालय, राजपुर ६ खांग्रास्थित सामुदायिक स्वास्थ्य चौकीसहित ११ घरमा क्षति गरेको छ ।

उक्त बिद्यालयको जस्तापाता उडाएको र बरण्डाको पर्खाल भत्किएको जिल्ला प्रहरी कार्यालय दाङका प्रहरी नायव उपरीक्षक विनोदविक्रम शाहले बताए ।

यता, नवलपरासीमा चट्याङ लागेर वडा सदस्यसहित दुई जना घाईते भएका छन् । भीषण हावाहुरी तथा वर्षाको समयमा खेतमा काम गर्न गएकी प्रतापपुर गाउँपालिका वडा नं ६ की महिला वडा सदस्य सहिदुन निशा गम्भिर घाइते भएकी छिन् भने उनको छोरा भुलई अन्सारी समान्य घाइते भएका छन् ।

गम्भीर घाइते भएकी निशालाई उपचारको लागि भारत पठाइएको स्थानीय रामेश्वर कुशवाहाले बताएका छन् ।

post image

 वैशाख १९, बुटवल । टिपरको ठक्करबाट बुटवलको पाखापानीमा एक युवतीको मृत्यु भएको छ ।  बुटवल उपमहानगरपालिका-१२ तामनगरकी १९ वर्षकी पुष्पा भण्डारीको मृत्यु भएको हो ।

बुटवलबाट पश्चिमतर्फ जाँदै गरेको लु४५प ७२३४ नम्बरको स्कुटरलाई टिपरले ठक्कर दिंदा उनको मृत्यु भएको प्रहरीले जनाएको छ ।उनी बुटवलको हाटबजारमा रहेको सिद्धार्थ गौतमबुद्ध क्याम्पस (ब्यबस्थापन संकाय) कक्षा १२ मा अध्ययनरत छात्रा हुन् । उनी परीक्षा दिएर बुबासँग स्कुटरमा घर फर्किदै थिइन् । स्कुटर चालक घनश्याम भण्डारीको अवस्था भने सामान्य रहेको प्रहरीले जानकारी दिएको छ ।

प्रहरीले ठक्कर दिने लु२ख १९०३ नम्बरको टिपर र चालकलाई नियन्त्रणमा लिएर अनुसन्धान थालेको जनाएको छ । दोषिलाई तुुरुन्त कारबाहीको माग गर्दै अहिले सिद्धार्थ गौतमबुद्ध क्याम्पसका विद्यार्थीहरु प्रदर्शनमा उत्रिएका छन् ।

दोषिलाई तत्काल पक्राउ गरी कारबाही नगरे सडक नै ठप्प पारेर थप आन्दोलन गर्ने नेविसंघ सिद्धार्थ गौतमबुद्ध क्याम्पस इकाइ सभापति महेश शर्मा पौडेलले चेतावनी दिए ।

post image

वैशाख १९, काठमाडौं । इन्फ्लूएन्जा ए बर्ड फ्लूबाट नेपालमै पहिलो पटक मानिसको मृत्यु भएको छ । स्वास्थ्य तथा जनसंख्या मन्त्रालयले बिहीबार पत्रकार सम्मेलन गरेर काभ्रेका २१ वर्षीय युवाको मृत्यु भएको जानकारी दिएको हो ।

 मन्त्रालयका अनुसार बिरामीको उपचारको क्रममा स्वासप्रश्वासमा समस्या भइ चैत १५ गते मृत्यु भएको थियो । बर्डफ्लुबाट मृत्यु हुने व्यक्ति ढिला गरि उपचारमा आएको र औषधि दिएर पठाएको इपिडिमियोलोजी तथा रोग नियन्त्रण माहाशाखाका निर्देशक डा विवेकलाल कर्णले जानकारी दिए ।
उनले परिवारलाई भेटेपछि उनको मृत्यु भएको थाहा पाएको बताए ।

राष्ट्रिय जनस्वास्थ्य प्रयोगशालामा उक्त बिरामीको घाँटीको र्याल परीक्षण गर्दा भाइरसको प्रकार एकीन गर्न सम्भव  नभएपछि उक्त नमुना विश्व स्वास्थ्य संगठनको कोलाबेरेटिङ सेन्टर फर इन्फ्यूएन्जा जापानमा परीक्षण गर्दा बर्ड फ्यू पुष्टि भएको हो ।

चैत १० गते ती बिरामी ज्वरो र खोकीको लक्षण सहित बिरामी भएर अस्पताल भर्ना भएका थिए भने चिकित्सकले इन्फुएन्जाको संक्रमण भएको शंका लागि घाँटीको र्याल परीक्षणका लागि राष्ट्रिय जनस्वास्थ्य प्रयोगशाला टेकु पठाइएपनि पुष्टि हुन नसकेपछि जापान पठाइएको थियो ।

मन्त्रालयले सो घटनापछि अरु बिरामीमा भने प्रयोगशाला परीक्षणका क्रममा उक्त भाइरसको संक्रमण नदेखिएको स्पष्ट पारेको छ । सन् १९९६ मा भाइरस पत्तालागेयता हालसम्म विश्वमा ८६० जनाको मृत्यु भइसकेको छ ।

post image

वैशाख १९, काठमाडौं । काठमाडौँको गौशाला नजिकै पिपलको रुखमा झुण्डिएको अवस्थामा एकजनाको शव फेला परेको छ । बिहिबार बिहान सात बजे पिपलको रुखमा शव देखेपछि स्थानीय बासिन्दाले प्रहरीलाई खबर गरेको  हो ।

प्रहरी वृत गौशालाका प्रमुख डिएसपी सुनिल मल्लका अनुसार उक्त शब खोटाङ घर भइ हाल काठमाडौँ महानगरपालिका–६ बौद्ध बस्दै आएका अन्दाजी ३५–४० वर्षका आङ दावा शेर्पाको हो ।  यो हत्या वा  आत्महत्या के हो भन्ने स्पष्ट नभएको  र थप अनुसन्धान भइरहेको प्रहरीले जानकारी दिएको छ ।

post image

वैशाख १८, काठमाडौं । धादिङको गल्छी नगरपालिका–४ बेल्खु पृथ्वीलोकमार्गमा मोटरसाइकल दुर्घटनामा परेर २ जनाको मृत्यु भएको छ । माइक्रोलाई उछिन्न खोज्दा माइक्रोको हेनडेलमा ठोकिएको र कन्ट्रोल नभई गलत साइडमा जाँदा ट्रकले किचेर उनीहरुको मृत्यु भएको प्रतक्ष्यदर्शीले बताएका छन् ।

मृत्यु हुनेमा मोटरसाइकलमा सवार काठमाडौं चन्द्रागिरी नगरपालिका–गुर्जुधारा बस्ने वर्ष २९ को राज महर्जन र चन्द्रागिरी नगरपालिका–१२ बस्ने वर्ष ३० को कवि कुमार महर्जन रहेका छन् ।

काठमाडौंबाट गजुरीतर्फ आउँदै गरेको बा४ख ५१०३ नम्बरको माइक्रो र गजुरीबाट काठमाडौंतर्फ जाँदै गरेको बा९७प २५३८ नम्बरको मोटरसाइलक माइक्रोसँग ठक्कर खाएको इलाका प्रहरी कार्यालय गजुरीका प्रमुख (इन्सपेक्टर) नवराज ढुंगानाले जानकारी दिए ।

ट्रक चालक धादिङ घर भएका वर्ष ३५ को राजु अर्याल र माइक्रो चालक नवलपरासी अरुणखोला नगरपालिका–१३ बस्ने वर्ष ३७ को धन बहादुर चौधरी लाई प्रहरीले नियन्त्रणमा लिएको इन्सपेक्टर ढुंगानाले बताए ।

post image

वैशाख १७, काठमाडौं । चोभारमा निर्माणाधीन सुख्खा बन्दरगाह प्रभावित क्षेत्रका बासिन्दाले विभिन्न प्रमाण र कागजात सहित आफ्नो औपचारिक निवेदन दर्ता गराएका छन् । नेपाल इण्टरमोडल यातायात विकास समितिले सार्वजनिक सूचना प्रकाशित गरी प्रमाण सहित गुनासो पेश गर्न आह्वान गरेपछि स्थानीयले निबेदन दर्ता गरेका हुन् ।

 चोभारका विषयमा सरोकार राख्ने चोभार संरक्षण समितिले आइतबार औपचारिक रुपमा आफ्नो गुनासो सहितको निवेदन दर्ता गराएका थियो । गत फाुगन ९ मा गोरखापत्र दैनिकमा प्रकाशित सूचनाका आधारमा विभिन्न तथ्य र प्रमाणका साथ तोकिएको म्याद भित्र नै आफ्नो गुनासो सहितको माग पत्र पेश गरिएको चोभार संरक्षण समितिका संयोजक पंचलाल महर्जनले जानकारी दिए ।

नेपाल इन्टरमोडल यातायात विकास समितिको साइट अफिसमा बुझाइएको निवेदनमा चोभारमा सुख्खा बन्दरगाह निर्माण गर्न नहुने र हिमाल सिमेन्ट उद्योगले अधिग्रहण गरेको जग्गा फिर्ता दिनुपर्ने दाबी प्रस्तुत गरिएको छ ।  यसैबीच संघर्ष समितिले मंगलबार गुनासोको बोधार्थ उद्योग मन्त्रालय, विश्व बैंक र  जिल्ला प्रशासन कार्यालयमा बुझाएको छ ।

post image

वैशाख १७, कैलाली । कैलालीमा मंगलबार बिहान ट्रकले ठक्कर दिँदा एकजना छात्राको मृत्यु भएपछि सुरु भएको प्रदर्शनले उग्र रुप लिएको छ । पूर्वबाट पश्चिमतर्फ जाँदै गरेको ना ७ ख ९२३३ को ट्रकले ठक्कर दिँदा स्थानीय लम्की बहुमुखी क्याम्पसमा अध्ययनरत छात्रा सुनीता रावलको मृत्यु भएपछि सुरु भएको प्रदर्शनले लम्की बजार तनावग्रस्त बनेको हो ।

रावलको क्याम्पसबाट घर फर्किदै गर्दा ट्रकले ठक्कर दिई घटनास्थल मै ज्यान गएको हो । स्थानिय ले लम्की बजार ठप्प पारेका छन।ठूलो मात्रामा प्रहरी परिचालन गरिएको छ। 

प्रदर्शनकारीले तोडफोडका साथै प्रहरीमाथि ढुंगा प्रहार गरेका छन् । प्रदर्शन नियन्त्रण बाहिर गएपछि प्रहरीले लाठीचार्ज गर्नुका साथै दर्जनौं सेल अश्रु ग्यास हानेको छ ।

प्रदर्शनका क्रममा केही प्रहरी र स्थानीय घाइते भएका छन् । अहिले प्रदर्शन नियन्त्रणमा लिन बाक्लो मात्रामा सशस्त्र प्रहरी र नेपाल प्रहरी परिचालन गरिएको छ । स्थिति नियन्त्रण बाहिर जान नदिन व्यापक मात्रामा प्रहरी परिचालन गरिएको कैलालीका प्रहरी प्रमुख प्रहरी उपरीक्षक आभूषण तिम्सिनाले बताए ।

 

post image

बैशाख १७, बिराटनगर । नोबेल शिक्षण अस्पताल परिषरमा ठूलो लगानीमा अन्तर्राष्ट्रियस्तरको बगैचा र पार्किङ बनाइने भएको छ । अस्पताललाई व्यवस्थित, स्वच्छ एवम् मनमोहक वातावरण बनाउन नोबेलले ३२ करोडको लागतमा बगैचा र पार्किङ बनाउँन लागेको हो ।

 अस्पतालहरु मध्ये नेपालमै पहिलो पटक अत्याधुनिक रुपमा बनाउन लागिएको बगैंचा र पार्किङको काम आगामी २०७७ साउनसम्ममा पुरा हुँने अस्पताल सञ्चालक डा.सुनिल शमाको भनाई छ । ‘निर्माण कम्पनीसँग सम्झौता भईसकेको छ ।’ डा.शर्माले भने ‘अवको १५ महिना भित्र अन्तर्राष्ट्रिय स्तरको बगैंचा बनिसक्छ ।’ यसका लागि नमुना कन्ट्रक्सनसँग निर्माण सम्झौता भएको छ । टेक्नोक्य्राट कन्सल्टेन्ट प्रा.लि. र ड्रिम डेभलपर्स प्रा.लि.ले गार्डेन डिजाईन गरेका छन् । आगामी साताबाटै काम सुरु गरिने निर्माण कम्पनीले जनाएको छ ।

व्यवस्थित रुपमा बन्ने बगैंचाको मनमोहक वातावरणका कारण बिरामी र कुरुवाको अस्पताल बसाई मनोरम हुने विश्वास गरिएको अस्पतालका प्रवन्ध निर्देशक इन्दिरा शर्माको भनाई छ ।

अस्पताल भवन अगाडीको करिव ५ बिगाहा क्षेत्रफलमा बन्ने बगैंचा मनमोहक हुँनेछ । बगैंचामा बच्चाहरुका लागि बाल उद्यान, बिरामी र कुरुवाका लागि क्यान्टिन, मन्दिर, पानीको फोहोरा, बोटबिरुवा र बस्नका लागि आरामदायी कुर्सीहरु राखिनेछ । त्यस्तै सामाग्री खरिदका लागि सुपरमार्केट, कपाल÷दारी काट्नका लागि सैलुन, फार्मेसी, प्याराफिटसहितको स्टेज लगायत रहनेछ । त्यस्तै व्यवस्थित पार्किङ पनि बनाईने इन्जिनियर ढकेन्द्र बमले बताए ।

 

post image

बैशाख १७,ललितपुर । ललितपुर महानगरपालिकाले वाङ्मय शताब्दी पुरुष सत्यमोहन जोशीको जन्मशताब्दी (एक सय वर्षको जन्मदिन) वर्षभर नै विभिन्न कार्यक्रमको आयोजना गरेर मनाउने भएको छ। जोशीलाई नगर परिक्रमा, गोसाइँकुण्ड दर्शन गराउनेसँगै नगरभित्र विभिन्न प्रतियोगिता र प्रदर्शनीलगायतका कार्यक्रम गरेर भव्यरुपमा मनाउन लागिएको हाे।

जन्मशताब्दीमा आयोजना हुने कार्यक्रमका बारेमा जानकारी दिन साेमबार पत्रकार सम्मेलनमा नगरप्रमुख चिरिबाबु महर्जनले महानगरपालिकाले नगरभित्र जाेशीकाे नामको पार्क निर्माण गर्ने र महानगरपालिकाभित्रको कुनै एक सडकको नाम ‘सत्यमोहन जोशी मार्ग’ नामकरण गरिने बताए।

उनले वर्षभरी नै विभिन्न कार्यक्रम गरेर भव्यरुपमा जाेशीको जन्मशताब्दी मनाउन लागिएको जानकारी दिए। उनका अनुसार जोशीलाई नगर परिक्रमासँगै रक्तदान, नगरभित्रका १ सय वर्ष पूरा गरेका नागरिकलाई सम्मान गर्ने कार्यक्रम तय गरेकाे छ। सर्वाेच्च शिखर सगरमाथामा जाेशीकाे तस्बीर अङ्कित ब्यानर फहराइनेछ। जाेशीकै सम्मानमा महानगरपालिकाअन्तर्गतका कार्यालय बैसाख ३० गते बिदा गरिने समेत महर्जनले जानकारी दिए।

उनले भने, ‘उहाँले लेख्नुभएका लेख रचनाको सङ्कलनसँगै उहाँसम्बन्धी सामग्री पाठ्यपुस्तकमा राख्न पहल गरिनेछ।’

महानगरपालिकाका उपप्रमुख गीता सत्यालले जोशी देशकै गहना भए पनि यहीँ जन्मे हुर्किएकाले महानगरपालिकाले सम्मान गर्न लागेकाे जिकिर गरिन्। जोशी नेपालमा मात्रै नभएर भारत, चीनलगायतका देशमा चर्चित रहेका ‍उनकाे भनाइ थियाे। सत्यालले भनिन्, ‘अन्तर्राष्ट्रियस्तरसम्मै चर्चा कमाउनुभएका उहाँको सम्मानमा नेपाल सरकारले पनि कार्यक्रम आयोजना गर्नसक्छ।’

महानगरपालिका वडा नम्बर ४ का अध्यक्ष श्रीगोपाल महर्जनले जोशीले देश र देशवासीका लागि पुर्‍याएकाे योगदानको सम्मान गर्दै वर्षभर कार्यक्रम गर्न लागिएको बताए। उनले भने, ‘उनले महानगर मात्रै नभएर देशको कला र संस्कृतिको संरक्षणमा पुर्‍याउनुभएको योगदान अतुलनीय छ।’

संस्कृतिविद् जोशी आगामी ३० गतेदेखि ९९ वर्ष पूरा भई १ सय वर्षमा प्रवेश गर्दैछन्। ललितपुर महानगरपालिकाको दोस्रो नगरसभाले शताब्दी पुरुष जोशीको जन्मशताब्दी मनाउन १ सय ११ सदस्यीय समिति गठन गरेको थियो। समितिमा राष्ट्रियसभाका सांसद, प्रतिनिधिसभाका सांसदलगायत स्थानीय तहका जनप्रतिनिधि, छिमेकी नगरपालिकाका प्रमुखलगायत छन्।

महानगरपालिकाले जोशीको जन्मशताब्दीको अवसरमा वर्षभर नै सांस्कृतिक महोत्सव, खेलकूद प्रतियोगिता, कला प्रदर्शनीलगायतका कार्यक्रम गर्ने भएको छ। महानगरपालिकाले गत वर्ष उनलाई सवारी साधन, मोबाइल फोन र सुरक्षागार्डलगायतको सेवा उपलब्ध गराएको थियो। रासस

post image

वैशाख १६, पोखरा । फेवाताल त्यही फेवातालमा पौडिरहेको माछापुच्छ्रे हिमाल। यो रहरलाग्दो दृश्य पोस्टकार्ड वा फोटोहरुमा धेरै देखिन्छ । पोखरा महानगरले गण्डकी प्रदेश सरकारसँग समन्वय गरी उक्त स्थानमा फेवातालमा झन्डा र माछापुच्छ्रेको प्रतिविम्बसँगै देखिने गरी पार्क बनाउन लागेको छ । पार्क बनाउन महानगर र प्रदेश सरकारको संयुक्त लगानी हुनेछ । पार्क बनाउन ४ करोड रुपैयाँ लाग्ने अनुमान गरिएको छ ।

१७ रोपनी क्षेत्रफलमा बन्न लागेको पार्कमा ८० फिट अग्लो नेपालको झन्डा फर्फराइने भएको छ । सोमबार गण्डकी प्रदेशका मुख्यमन्त्री पृथ्वीसुब्बा गुरुङ र पोखरा महानगरका मेयर मानबहादुर जिसीले उक्त पार्कको शिलान्यास गरेका छन् ।

शिलान्यासपश्चात मुख्यमन्त्री गुरुङले भने, ‘प्रदेश सरकार र स्थानीय तहबीचको सहकार्य चलिरहेको छ । सम्बन्ध बिग्रिएको हल्ला चलिरहन्छ । त्यो वास्तविकता होइन ।’मुख्यमन्त्री गुरुङले पार्क निर्माणपछि पर्यटकीय गन्तव्य पनि थपिने विश्वास व्यक्त गरे । उनले भने, ‘पर्यटकीय गन्तव्य विस्तार गर्न नै पार्क निर्माणको परिकल्पना गरेका हौं । यो पार्क एउटा महत्वपूर्ण गन्तव्य हो ।

महानगरका मेयर मानबहादुर जिसीले पार्क निर्माणले फेवाताल संरक्षणमा पनि टेवा पुग्ने बताए । ‘ताल संरक्षण गर्नै पनि पार्कले महत्वपूर्ण भूमिका खेल्ने छ,’ उनले भने, ‘ड्यामसाइड पनि लेकसाइड हो भनेर प्रमाणित गर्न पार्कले ठूलो भूमिका खेल्नेछ ।’ पार्कको पहिलो चरणको काम सक्न चालु आर्थिक वर्षमा १ करोड रुपैयाँ विनियोजन भएको थियो । जसमा नेपाली झन्डासहितको पार्कको पहिलो चरणको काम सक्न विनु कन्स्ट्रक्सनले ७६ लाख रुपैयाँमा जिम्मा लिएको महानगरले जनाएको छ ।

घाम दक्षिण भएका बेला फेवातालमा सजिलै हिमाल र झन्डाको छाँया देख्न सकिने महानगरका इन्जिनियर किसानसिंह गुरुङले बताए । झन्डा राख्ने स्थान चयन र डिजाइनको नेतृत्व इन्जिनियर गुरुङले नै लिएका छन् । जसको साजसज्जा सोफिया गुरुङको जिम्मामा छ । पार्क निर्माण असार मसान्तमै सकिने महानगरले जनाएको छ । पार्कमा मान्छे जान मिल्ने गरी पुल बनाइने छ भने पार्क र झन्डालाई सुरक्षित बनाउन ठूलो पर्खाल पनि लगाइने इन्जिनियर गुरुङले सुनाए ।

झन्डा राख्दा एउटा पनि रुख काट्नु नपर्ने, रुखमै अडेस लागेर हिमाल र झन्डाको प्रतिविम्ब हेर्न मिल्ने बनाइएको रुखको तल जरामै बसेर हेर्न मिल्नेगरी पार्क बनाउँछौं । यसो गर्दा रुख पनि जोगिन्छ र दृश्य पनि हेर्न मिल्छ।’

post image

बैशाख १६, महोत्तरी । महोत्तरीमा बसको ठक्करबाट साईकल यात्रीको मृत्यु भएको छ। आइतबार साझ करिव ५ बजे तिर जनकपुरधामबाट भिठ्ठामोड तर्फ जादै गरेको ना. ५ ख.६१३५ नं. को बसले बिपरित दिशा तर्फ बाट आउदै गरेको साईकल यात्री महोत्तरी पिपरा गाउपालिका वडा नं. ७ बस्ने २२ वर्षीय राज मुखियाको मृत्यु भएको हो ।

ठक्कर दिदा मुखियाको घटना स्थलमा नै मृत्यु भएको छ भने , बस र चालक जिल्ला प्रहरी कार्यालयको नियन्त्रणमा रहेको जिल्ला प्रहरी कार्यलय महोत्तरीले जनकपुर टुडेलाई जानाकारी दिएको छ ।

post image

वैशाख १०, काठमाडौं । मोरङको पथरीमा शनिबार नग्न अवस्थामा मृत भेटिएकी रिना बस्नेत हत्या प्रकरणको यर्थाथ छानबिनको माग गर्दै स्थानीयले प्रदर्शन गरेका छन । प्रदर्शनका क्रममा झडप भएको छ । स्थानीयवासीले ढुंगामुढा प्रहार गर्दै नगरपालिकामा पनि तोडफोड गरेपछि स्थितिलाई नियन्त्रणमा लिन प्रहरीले अश्रुग्यास प्रहार गरेको छ ।

जिल्ला प्रहरी कार्यालय, मोरङका प्रमुख एसपी मनोजकुमार केसीका अनुसार प्रदर्शनकारी उग्र बनेपछि अश्रुग्यास प्रहार गरिएको हो । पथरी उद्योग बाणिज्य संघले रिना हत्याको विरोधमा मंगलबार बजार बन्द समेत गराएको छ । प्रहरीले भने घटनाको अनुसन्धानका क्रममा रिनाका प्रेमी भनिएका कमल नेपाललाई सोधपुछका लागि नियन्त्रणमा लिएको छ ।

उनको घटनामा संलग्नता छ/छैन भन्नेबारे हालसम्म निक्र्यौल भइसकेको छैन । प्रारम्भिक अनुसन्धान रिनाको बलात्कारपछि हत्या भएको हुनसक्ने आशंका गरिएको छ ।

post image

वैशाख ९, काठमाडौं । दाङमा सवारी दुर्घटनामा परी एक जनाको मृत्यु भएको छ भने थप दुई जना गम्भीर घाइते भएका छन्। दुर्घटनामा परी लमही नगरपालिका वडा नं. ७ उचानिम्वु निवासी अन्दाजी २०/२२ वर्षीय लालु चौधरीको मृत्यु भएको हो।

घाइते हुनेहरूमा सोही ठाउँकै १५/१६ वर्षीय आशिष चौधरी र लमही नगरपालिका वडा नं. ३ मजगाउँ निवासी १३ वर्षीय प्रकाश घर्ती मगर रहेका छन्।दुवैजना घाइतेलाई लमहीको प्रारम्भिक उपचारपछि थप उपचारको लागि बाँकेस्थित कोहलपुर मेडिकल कलेजमा ‘रेफर’ गरिएको छ।

आइतबार मध्यराततिर दुर्घटनामा परेका चौधरीको उपचारका क्रममा सोमबार बिहान सवा १ बजेतिर लमही अस्पतालमा मृत्यु भएको प्रहरीले जानकारी दिएको छ।

जिल्ला प्रहरी प्रवक्ता विनोद विक्रम शाहका अनुसार पूर्वपश्चिम राजमार्गमा पूर्वबाट पश्चिमतर्फ जाँदै गरेको ना ६ ख ९१६७ नम्वरको ट्रकमा सोही दिशा तर्फ जाँदै गरेको रा ३ प ७९५ नम्वरको मोटरसाइकल पछाडिबाट ठोक्किँदा उक्त दुर्घटना भएको थियो ।

आज विश्व पृथ्वी दिवश

प्रकाशित मिती : Monday
post image

वैशाख ९, काठमाडौं ।   ‘मातृभूमि पृथ्वी : शिक्षा र जलवायु परिवर्तन’ भन्ने नारासहित विश्व पृथ्वी दिवस सोमबार नेपालसहित विश्वभर विभिन्न कार्यक्रम गरि मनाईँदैछ । हरेक वर्ष अप्रिल २२ मा पृथ्वीको रक्षाका लागि सचेतना फैलाउने उद्देश्यसहित यो दिवस मनाउने गरिएको छ ।

अमेरिकाले सन् १९७० अप्रिल २२ मा विश्वमा पहिलोपटक यो दिवस मनाएको थियो । सन् १९६९ सान फ्रान्सिस्कोमा युनेस्कोको सम्मेलनमा शान्ति कार्यकर्ता जोन म्याक कोनेलले १९७० मा उत्तरी गोलार्धको बसन्त ऋतुको पहिलो दिन मार्च २१ बाट मनाउने गरि पृथ्वीको सम्मान तथा शान्तिको अवधारणाको लागि एक दिनको माग गरेका थिए ।

तर पछि अमेरिकी सिनेटर गेलर्ड नेल्सनले सन् १९७० मा पर्यावरण शिक्षाको रुपमा एक छुट्टै पृथ्वी दिवसको सुरुवात गरे । सन् २००९ मा राष्ट्रसंघको ६३ औँ महासभाले अप्रिल २२ तारिखलाई विश्वभर पृथ्वी दिवसका रुपमा मनाउने निर्णय गरे अनुसार अहिले यो दिवस विश्वभर मनाइन्छ । दिवसको अवसरमा पृथ्वीको पर्यावरणीय सुरक्षामा जोड दिने गरिएको छ ।पृथ्वीमा बढ्दै गएका विकराल समस्या समाधान  न्यूनिकरण गर्न र मानिसलाई प्रेरित गराउन यो दिवस मनाउने गरिन्छ ।

post image

वैशाख ८, काठमाडौं ।राष्ट्रपति विद्यादेवी भण्डारीको उपस्थितिमा प्रधानन्यायाधीश चोलेन्द्र शम्शेर राणाले सर्वाेच्च अदालतका नवनियुक्त पाँच न्यायाधीशलाई पद तथा गोपनीयताको शपथ गराएका छन्।

राष्ट्रपति भवन शीतल निवासमा आज आयोजित विशेष समारोहमा शपथ लिनेमा नवनियुक्त न्यायाधीश प्रकाशकुमार ढुङ्गाना, सुष्मालता माथेमा, कुमार रेग्मी, हरिप्रसाद फुँयाल र डा मनोजकुमार शर्मा रहेका छन्।

प्रधानन्यायाधीश राणाले सोही समारोहमा नवनियुक्त प्रमुख निर्वाचन आयुक्त दिनेशकुमार थपलियालाई पद तथा गोपनीयताको शपथ गराए। उनी नेपाल सरकारका सचिव थिए। राष्ट्रिय समावेशी आयोगका अध्यक्ष डा शान्तराज सुवेदीबाट सोही समारोहमा उक्त आयोगका नवनियुक्त सदस्य विष्णुमाया ओझाले पद तथा गोपनीयताको शपथ लिइन्। नवनियुक्त सदस्य ओझासँग लामो समय अधिकारकर्मीका रुपमा काम गरेको अनुभव छ।

राष्ट्रपति भण्डारीले सातै जनालाई तत् पदमा गत शुक्रबार नियुक्ति गरेकी थिइन्। सर्वाेच्च अदालतका न्यायाधीश न्याय परिषद्को सिफारिसमा तथा प्रमुख निर्वाचन आयुक्त र राष्ट्रिय समावेशी आयोगका सदस्य संवैधानिक परिषद्को सिफारिसमा नियुक्त भएका हुन्। समारोहमा उपराष्ट्रपति नन्दबहादुर पुन, राष्ट्रियसभाका अध्यक्ष गणेशप्रसाद तिमिल्सिना, मन्त्रिगण, संवैधानिक निकायका प्रमुख, नेपाल सरकारका उच्च पदस्थ अधिकृत र सुरक्षा निकायका प्रमुखलगायतको उपस्थिति थियो। रासस

post image

बैशाख ८,  युएई । युएईमा रक्सी सेवनका क्रममा दुई नेपालीबीच विवाद हुँदा एकजनाको मृत्यु भएको छ ।युएईको रसअलखेमामा स्थित एक क्लिनिङ कम्पनीमा कार्यरत भोजपुरका युगेन्द्र राईले सँगै काम गर्ने पाल्पाका तिलक चौधरीलाई छुरा हानेका हुन् । छातीमा छुरा लागेका चौधरीको घटनास्थलमै मृत्यु भएको छ ।

मादक पदार्थ सेवन गरी विवाद सुरु भएको र विवाद बढ्दै गएपछि राईले छुरा प्रहार गरेको उनीहरुसँगै काम गर्ने एक नेपालीले बताए ।उनका अनुसार रक्सीको मातमा उनीहरुबीच देशको राजनीति र विकासका बारेमा कुराकानी भइरहेको थियो ।

आ-आफ्नो क्षेत्र विकासमा अघि रहेकोबारे तर्क हुदाँ राईले तिलकमाथि छुरा हानेका हुन् । राईलाई थप अनुसन्धानका लागि प्रहरीले नियन्त्रणमा लिएको छ । उनीहरु एउटै कम्पनीमा काम गर्ने र एउटै कोठामा बस्दै आएका थिए ।

घटना ५ दिनअघि भएता पनि दूतावासलाई कुनै जानकारी नआएको दूतावासकी सूचना अधिकारी विष्णुकुमारी अधिकारीले बताइन् । शनिवार सार्वजनिक विदा भएकाले थप विवरण आउन नसकेको र आइतबार दूतावासले यस विषयमा सम्बन्धित कम्पनीसँग बुझ्ने उनले जानकारी दिइन् ।

post image

 वैशाख ८, काठमाडौं । काठमाडौंबाट मनकामना जाँदै गरेको मिनिबस धादिङमा दुर्घटना भएको छ । बा४ख १४१५ नम्बरको बस बेनिघाट रोराङ गाउँपालिका-३ स्थित सलाङकोटमा दुर्घटना हुँदा २ जनाको मृत्यु भएको छ

इलाका प्रहरी कार्यालय गजुरीका इन्चार्ज प्रहरी निरीक्षक नवराज ढुंगेलका अनुसार  दुर्घटनामा परी २५ जना घाइते भएका छन् । उनीहरुको उद्धार गरी उपचारको लागि काठमाडौं पठाइएको इन्चार्ज ढुंगेलले बताए । बसमा कतिजना यात्रु थिए भन्ने एकिन भएको छैन ।

post image

 वैशाख ८, जनकपुर । जानकी हेल्थ केयर एण्ड टिचिङ्ग हस्पिटल, जनकपुरमा कार्यरत एक नर्स झुण्डिएको अवस्थामा मृत भेटिएकी छन् । महोत्तरीको गौशाला नगरपालिका–३, रामनगरकी २४ वर्षीया नर्स रक्षा आले आइतबार अस्पतालको शौचालयमा झुण्डिएको अवस्थामा मृत भेटिएकी हुन् ।

जिल्ला प्रहरी कार्यालय, धनुषाका डीएसपी रामेश्वर कार्कीले शौचालयमा झुण्डिएको अवस्थामा नर्स आलेको शव फेला परेको पुष्टि गरे । घटनाबारे जानकारी पाएलगत्तै घटनास्थल पुगेको प्रहरीले शव नियन्त्रणमा लिएको छ ।

हस्पिटल स्वास्थ्य राज्यमन्त्री डा. सुरेन्द्रकुमार यादवको हो ।

post image

वैशाख ८, काठमाडौं । मौसम पूर्वानुमान महाशाखाले अवको तीन दिन देशैभरी आंशिकदेखि सामान्य बदली हुने जनाएको छ । आइतबार बिहान ६ बजे महाशाखाले जारी गरेको तीन दिनको मौसम पूर्वानुमान यसप्रकार छ ।

 बैशाख ०८ गते (आईतबार) दिउँसोःदेश भरि आंशिक देखि सामान्य बदली रही केहि स्थानहरुमा मेघ गर्जन, चट्याङ, हावाहुरी  सहित हल्का वर्षाको सम्भावना छ । त्यस्तै राति देश भरि आंशिक देखि सामान्य बदली रही थोरै  स्थानहरुमा मेघ गर्जन, चट्याङ, हावाहुरी सहित हल्का वर्षाको सम्भावना छ ।

 बैशाख ०९ गते सोमबारदिउँसो देश भरि आंशिक देखि सामान्य बदली रही पुर्बी र मध्य भू–भागका केहि स्थानहरुमा तथा पश्चिमी भू–भागका थोरै स्थानहरुमा  मेघ गर्जन, चट्याङ, हावाहुरी  सहित हल्का वर्षाको सम्भावना छ । राति देश भरि आंशिक देखि सामान्य बदली रही थोरै  स्थानहरुमा मेघ गर्जन, चट्याङ, हावाहुरी सहित हल्का वर्षाको सम्भावना छ ।

मंगलबार दिउँसो देश भरि आंशिक देखि सामान्य बदली रही पुर्बी र मध्य भूभागका केहि  स्थानहरुमा तथा पश्चिमी भू–भागका एक दुइ स्थानहरुमा  मेघ गर्जन, चट्याङ, हावाहुरी सहित हल्का वर्षाको सम्भावना छ ।

post image

 वैशाख, बुटवल । बुटवलको पुष्पलाल चोक नजिकै फेला परेको शंकास्पद वस्तु नक्कली बम भएको पुष्टि भएको छ । नेपाली सेनाको बम डिस्पोजल टोलीले उक्त वस्तुलाई डिस्पोज गर्दा ठूलो आवाज आएको थियो । धेरैले बम हुन सक्ने अनुमान गरेपनि इलाका प्रहरी कार्यालय बुटवलका प्रमुख डीएसपी डिलबहादुर मल्लले भने नक्कली बम भएको दावी गरे । ‘मान्छे तर्साउनका लागि राखिएको होक्स बम हो’ उनले भने ।

सिद्धार्थ राजमार्गकै छेउमा रहेको शिवम् मेशिनरी स्टोर्स अगाडि अशोकाको रुखमुनि परालमाथि पानीको बोतल काटेर तारसहित राखिएको अवस्थामा उक्त शंकास्पद वस्तु फेला परेको थियो ।  मुख्य राजमार्ग किनारमै शंकास्पद वस्तु भेटिन थालेपछि स्थानीयबासी सर्वसाधारण त्रसित भएका छन् । बिहीबार नै रुपन्देहीको कन्चन गाउँपालिका भवन छेउमा पराल र बालुवा पोको पारेर रातो कपडाले बेरेर राखिएको शंकास्पद वस्तु भेटिएको थियो । सेनाको टोलीले डिस्पोज गर्दा बम नभएको नभएको पुष्टि भएको थियो ।

यस्तै बुटवल–भैरह सडक खण्डको कोटिहवाबाटबाट बाउन्नकोटी जाने सडकमा पनि बिहीबार बिहानै शंकास्पद वस्तु फेला परेको थियो । विदेशी लगानीको पांचतारे होटेल टाइगर प्यालेस जाने सडकमा सिसाका टुक्रा र बालुवालाई कालो झोलामा राखेर माथि तार देखाएर राखिएको थियो ।

नेत्रविक्रम चन्द विप्लव नेतृत्वको नेकपाले आयोजना गरेको बन्दका कारण प्रदेश ५ का मुख्य राजमार्गमा सार्वजनिक सवारी साधन चलेका छैनन् । निजी सवारी साधन पातलो संख्यामा चलेका छन् । मुख्य बजार क्षेत्र बन्द छन् । भित्री सडकका पसलहरु फाट्टफुट्ट खुलेका छन् । शिक्षण संस्थाहरु पनि बन्द छन् ।

post image

वैशाख ५, पोखरा । बम डिस्पोज गर्ने क्रममा विस्फोट हुँदा पोखरामा १ सैनिक जवान घाइते भएका छन् ।पोखरा महानगरपालिका–३ स्थित प्रदेशसभा भवन नजिकै फेला परेको शंकास्पद वस्तु विस्फोट पार्ने क्रममा बिहीबार बिहान सैनिक अमलदार धर्म थापा घाइते भएका हुन् ।

जिल्ला प्रहरी कार्यालय, कास्कीले नेपाली सेनाको बम डिस्पोजल टोलीका सदस्य बिम निष्क्रि पार्ने क्रममा विस्फोट हुँदा  सैनिक जवानको हातमा चोट लागेको छ । घाइते थापालाई प्राथमिक उपचारपछि एम्बुलेन्समार्फत काठमाडौं ल्याउन लागिएको छ ।

post image

 वैशाख ५ , काठमाडौं । नेत्रविक्रम चन्दको ‘विप्लव’ समूहले आह्वान गरेको बन्दको प्रभाव काठमाडौँमा न्यून रहेको छ । निजी सवारी साधन निर्वाध चलिरहेका छन् भने सार्वजनिक सवारी साधन सदाको तुलनामा केही कम मात्र चलिरहेका छन् ।

 देशका विभिन्न स्थानमा भने बम विस्फोट, शंकास्पद वस्तु फेला, आगजनी र सवारी साधन गुडेका छैनन् । मुग्लिन प्रहरीका अनुसार पृथ्वी राजमार्गमा बन्दको प्रभाव ज्यादा छ । उक्त राजमार्गमा सार्वजनिक सवारी साधन गुडेका छैनन् भने निजी सवारी साधन फाट्टफुट्ट मात्रै चलेको छ ।

यसैगरी, दोलखाको चरिकोटमा पनि बन्दको प्रभाव परेको छ । बस नचल्दा यात्रुहरु समस्यामा परेका छन् । यता, प्रदेश ५ मा बन्दको असरले जनजिवन प्रभावित बनेको छ ।

post image

वैशाख ४, काठमाडौँ । पोखराका पत्रकार अर्जुन गिरीलाई रिहाइको माग गर्दै कास्कीका पत्रकारहरूले जिल्ला प्रहरी कार्यालय र जिल्ला प्रशासन कार्यालय कास्कीमा धर्ना दिएका छन्।  साइवर क्राइम मुद्दामा पक्राउ गरी कारबाही गरेको भन्दै उनको रिहाइको माग गर्दै पोखराका पत्रकारहरूले धर्ना दिएका हुन्।

पत्रकार महासंघ कास्कीको अगुवाइमा जिल्ला प्रहरी कार्यालय र जिल्ला प्रशासन कार्यालयमा एक/एक घण्टा धर्ना दिए। धर्नापछिको कोणसभामा नेपाल पत्रकार महासंघ गण्डकीका अध्यक्ष त्रिभुवन पौडेल, कास्की अध्यक्ष दिपेन्द्र श्रेष्ठ लगायतले गिरीलाई विनाशर्त रिहाइ गर्न, विद्युतीय कारोबार ऐनको दफा ४७ र ४८ खारेज गर्नमा माग गरे ।

बुधबार पोखराबाट प्रकाशित हुने सबै पत्रिकाहरूले सम्पादकीयमा कालो पोत्ने, रेडियो र टेलिभिजनमा बिहान ६ बजे ९० सेकेण्ड प्रशारण बन्द गर्ने तथा अनलाइनहरूमा कालो ब्यानर राखेर विरोध गरेका थिए ।

सोमबार साइबर क्राइम अन्तर्गत मुद्दामा कास्की प्रहरीले पक्राउ गरेर गिरीलाई काठमाडौं पठाएको थियो। ‘पोखराका विपेन्द्रराज बतासले ठगी गरेको’ भन्ने समाचार लेखेका गिरीलाई साइबर क्राइम अन्तर्गत प्रहरीको केन्द्रीय अनुसन्धान ब्युरोले नियन्त्रणमा लिएको थियो ।

post image

४ वैशाख, भक्तपुर । भक्तपुर नगरपालिका–९ च्यामासिंहबाट ब्रम्हायणीतर्फ जाँदै गरेको बा५ख ३८३९ नंको निशान ट्रकले ठक्कर दिँदा एक पैदलयात्रुको मृत्यु भएको छ ।३५ वर्षीय चन्द्रबहादुर मोक्तानको गएराति मृत्यु भएको महानगरीय प्रहरी परिसर, भक्तपुरले जानकारी दिएको छ ।

ट्रकको ठक्करबाट रामेछाप सुनपाती गाउँपालिका–३ घर भई हाल भक्तपुर नगरपालिका–९ च्यामासिंह बस्ने मोक्तानलाई हिजो राति ७ बजे दिएको ठक्करबाट घाइते मोक्तानको मध्यपुर अस्पताल ठिमीमा उपचारको क्रममा राति मृत्यु भएको प्रहरी नायब उपरीक्षक रेवतीरमण पोखरेलले जानकारी दिए ।

प्रहरीले ठक्कर दिने ट्रक र चालक सिन्धुपाल्चोक सुनकोशी गाउँपालिका–२ घर भई हाल भक्तपुर १० कमलविनायक बस्ने ३१ वर्षीय राजु नेपालीलाई महानगरीय प्रहरी वृत्त जगातीमा राखी कारबाही प्रक्रिया अगाडि बढाएको प्रहरीले जानकारी दिएको छ ।

post image

वैशाख ३, काठमाडौँ । ‘ठगी’को समाचार लेखेका पोखराको ताण्डव साप्ताहिक र ताण्डव न्युज डटकमका सम्पादक अर्जुन गिरीलाई जिल्ला अदालत काठमाडौंले तीन दिन म्याद थप गरेको छ। साइबर क्राइम अन्तर्गत मुद्दामा कास्की प्रहरीले सोमबार पक्राउ गरेर गिरीलाई काठमाडौं पठाएको थियो। ‘पोखराका विपेन्द्रराज बतासले ठगी गरेको’ भन्ने समाचार लेखेका गिरीलाई साइबर क्राइम अन्तर्गत प्रहरीको केन्द्रीय अनुसन्धान ब्युरोले नियन्त्रणमा लिएको हो।

गिरीलाई सोमबार नेपाल पत्रकार महासंघको रोहोबरमा मंगलबार हाजिर हुने गरी छाडिएको थियो। मंगलबार जिल्ला अदालत काठमाडौंले तीन दिन म्याद थप गरेको पत्रकार महासंघका महासचिव रमेश विष्टले बताए।

प्रहरीको केन्द्रीय अनुसन्धान ब्युरोले अनलाइन दर्ता नै नगरेको भन्दै गिरीलाई पक्राउ गरेको हो। तर गिरीको पत्रिका र अनलाइन प्रेस काउन्सिलमा दर्ता छ। विपेन्द्रराज बतासले पोखराका व्यवसायी जनकराज पहारीलाई २ करोड २५ लाख र मनोज श्रेष्ठलाई २ करोड ९८ लाख नतिरेको समाचार गिरीले लेखेका थिए।

post image

बैशाख २ , काठमाडौं । सरकारले नेपाल कम्युनिष्ट पार्टीका संस्थापक महासचिव पुष्पलाल श्रेष्ठलाई मरणोपरान्त ‘नेपालरत्न’द्वारा विभूषित गरेको छ ।राष्ट्रपति विद्यादेवी भण्डारीले आइतबार राष्ट्रपति भवनमा आयोजित विशेष समारोहमा पुष्पलाल श्रेष्ठलाई ‘नेपालरत्न’द्वारा सम्मान गरेकी हुन् । उक्त विभूषण पुष्पलालका छोरा उमेशलाल श्रेष्ठले ग्रहण गरेका थिए ।

त्यस्तै राष्ट्रपतिले संंगीतज्ञ अम्बर गुरुङ (मरणोपरान्त) र वाङ्मय शताब्दी पुरुष सत्यमोहन जोशीलाई महाउज्ज्वल राष्ट्रदीप (प्रथम श्रेणी) मानपदवीद्वारा विभूषित गरे । कार्यक्रममा पूर्वप्रधानन्यायाधीश ओमप्रकाश मिश्रलाई सुप्रसिद्ध प्रबल जनसेवाश्री (प्रथम श्रेणी) एवं साहित्यकार दिनेशहरि अधिकारी, गायक तथा अभिनेता हरिप्रसाद रिमाल (मरणोपरान्त) र इतिहासकार प्रा दिनेशराज पन्तलाई सुकीर्तिमय राष्ट्रदीप (तृतीय श्रेणी) पदकद्वारा विभूषित गरियो ।

विभिन्न क्षेत्रका ९६ जनालाई सुप्रबल जनसेवाश्री (तृतीय श्रेणी), साहित्यकार झमककुमारी घिमिरेलाई कीर्तिमय राष्ट्रदीप (चतुर्थ श्रेणी), विभिन्न क्षेत्रका १६२ लाई प्रबल जनसेवाश्री (चतुर्थ श्रेणी) र ७४ जनालाई जनसेवाश्री (पञ्चम श्रेणी) मानपदवीद्वारा विभूषित गरिएको थियो ।

राष्ट्रिय जीवनका विभिन्न क्षेत्रमा रही उत्कृष्ट कार्य गरेबापत सरकारद्वारा गत वर्ष संविधान दिवसका दिन घोषणा गरिएका उनीहरुलाई राष्ट्रपतिले आज सुशोभित गरेकी हुन् ।सो अवसरमा उपराष्ट्रपति, प्रधानमन्त्री, सभामुख, राष्ट्रियसभाका अध्यक्ष, उपप्रधानमन्त्री, मन्त्री, संवैधानिक निकायका प्रमुख, विशिष्ट श्रेणीका कर्मचारी, सुरक्षा निकायका प्रमुखलगायत उपस्थित थिए । रासस

post image

बैशाख ३, जापान । जापानमा एक नेपाली युवतीको क्याप्पस जाने क्रममा ट्रिपरको ठक्करबाट निधन भएको छ । जापान नागोया मेकेनको योकाईची सिटीमा सोमबार बिहान करिव ९ बजेर ३० मिनेटको समयमा विद्यालय जाने क्रममा दुर्घटनामा परि ममता मोक्तानको मृत्यु भएको हो।

 प्रहरी सोधपुछ र अस्पतालले आवश्यक काम गरेर शव सोमबार रातिनै दिईसकेको छ ।पारिवारिक स्रोतका अनुसार जापानमानै दाहसंस्कार गर्ने कुरा भएको छ।

करिब ३ बर्ष अघि जापान पुगेकी मृतक मोक्तानले एक महिनाअघि मात्र बिवाह बन्धनमा बाँधीएकी  थिईन् ।दुई साता अघिमात्र नेपाल गएर बिवाह गरि जापान फर्केकी ममताले नयाँ बर्षको दिन पारेर श्रीमानसँग खिचेका ६ वटा तस्विर राख्दै आफ्नो प्रेम र नयाँ बर्षको शुभकामना साथीभाई र परिवारजनमा बाँडेकी थिईन् ।

दुखको पहाडलाई आँशुले पखाल्ने प्रयासमा रहेका ममताका श्रीमान राम प्रेम बियोगसँगै जीवनको सहारा बनेर आएकी श्रीमतीलाई सपनाजस्तै लाग्ने सवारी दुर्घटनामा सदाको लागि गुमाउनुपर्दा मुर्छित् छन् ।

post image

बैशाख २,  सोलुखुम्बु।  नयाँ वर्ष २०७६ को पहिलो दिन वैशाख १ गते बिहानैदेखि अधिकांशको मोबाइलमा शुभकामना आदनप्रदानको कार्यक्रम चलिरहेको थियो  तर त्यही बेला पर्यटकीय क्षेत्र लुक्लामा समिट एयरको बिमान दुर्घटको खबरले अधिकांश दुखित भए ।

पर्यटक आउने याम भएकाले तेञ्जिङ हिलारी विमानस्थल लुक्ला यति बेला निक्कै व्यस्त रहन्छ । आइतबार पनि बिहानैदेखि उडान तथा अवतरण चलिरहेका बेला ९:२० मा समिट एयरकोे ९ एन–एएमएच विमान दुर्घटनामा पर्यो । प्रत्यक्षदर्शी प्रहरी निरीक्षक देउप्रसाद लिम्बूका अनुसार धावनमार्गको दायाँ भागमा रहेको हेलिकोप्टर पार्किङस्थलमा मनाङ एयरको हेलिकोप्टर अवतरण भएको केही मिनेटमै एउटा विमान उडेको  थियो । त्यतिबेलासम्म समिट एयर रनवेको बायाँपट्टी रहेको पार्किङस्थलमा नै उड्नका लागि तयार भएको थियो ।

लुक्लाबाट पर्यटक लिन रामेछापको मन्थली विमानस्थल उड्न लागेको विमान धावन मार्गको दुईसय मिटर पर पुगी एक्कासि दायाँतिर मोडियो र पार्किङ गरी राखिएको मनाङ र श्रीएयरको हेलिकोप्टरमा ठोक्किन पुग्दा दुर्घटना भएको प्रहरी निरीक्षक लिम्बूले बताए ।

‘बिहानैदेखि हामीसँगै थियौं ।’ उनले भने, ‘प्रहरी नायब निरीक्षकद्वय रामबहादुर खड्का र रुद्र श्रेष्ठ केहीमिटर तल हुनुहुन्थ्यो, हामी पनि त्यतै जाँदै थियौं, विमानको  आवाज अलि फरक खालको सुनियो र  फर्केर हेर्दा हामीतिरै विमान आउँदै गरेकाले माथिल्लो कुनातिर लाग्यौं, तर उहाँहरू पछाडि नफर्किएकाले हुनसक्छ दुबैलाई  किच्दै हेलिप्याडमा पुगेर त्यहाँ रहेको हेलिकोप्टरलाई समेत क्षति पुर्यायो, हामी तत्काल उद्धारमा जुट्यौ ।’ प्रहरी निरीक्षक लिम्बूलेभने, ‘दुई प्रहरी नायब निरीक्षकलाई हेर्दाहेर्दै विमानले किच्यो, खड्काको तत्काल मृत्यु भयो, श्रेष्ठ भने सख्त घाइते हुनुभयो ।’

भावुक बनेका उनले भने, ‘केही मिटरको दूरीमा रहेका सहकर्मीको एक सेकेण्डमै मृत्यु भयो तत्काल खटियौँ, घाइतेलाई ५ मिनेटमै काठमाडौँ पठायौं, अनि मृतकलाई केही समयपछि ।’ दुर्घटनामा समिट एयरका सहचालक काठमाडौँको चावहिलका ३४ वर्षीया सुजित ढुङगाना, दोलखा घर भई लुक्लास्थित पर्यटन प्रहरी कार्यालयमा कार्यरत प्रहरी सहायक निरीक्षक ३९ वर्षीय रामबहादुर खड्काको घटनास्थलमै मृत्यु भयो ।

भोजपुर जिल्ला घर भएका प्रहरी नायब निरीक्षक ४२ वर्षीय रुद्र श्रेष्ठको काठमाडौँमा उपचारका क्रममा मृत्यु भएको प्रहरी निरीक्षक लिम्बूले बताए । प्रहरी सहायक निरीक्षक रामबहादुर खड्का पर्यटक प्रहरी कार्यालय लुक्लाका प्रमुख रहेका थिए भने रुद्र श्रेष्ठ विमानस्थल सुरक्षा गार्ड प्रमुख रहेका थिए । उनीहरु बिहानैदेखि विमानस्थलको सुरक्षाको लागि अन्य सहकर्मीसहित खटिनुभएको प्रहरी निरीक्षक लिम्बूले बताए ।

आफू नाम्चे इलाका प्रहरी कार्यालयका प्रमुख भएपनि  वसन्त ऋतुको यो याममा पर्यटकको चाप अत्याधिक हुनेभएपछि लुक्ला विमानस्थलमै खटिने गरेको उहाँको भनाइ थियो ।  विमानस्थलमा खटिएका प्रहरीले बिहानैदेखि खानासमेत नखाइकन दिउँसो उडान तथा अवतरण बन्द नभएसम्म बस्नुपर्ने हुन्छ त्यसैले आइतबार बिहान पनि सबैजना भोकै रहेको लिम्बूले सुनाए ।

चियासमेत नखाइकन सुरक्षामा बसेको साथीको ज्यान गयो । उनले भने, ‘भाग्यले बाँचियो, मेरै आखाँ अगाडि केही मिटरको फरकमा दुई सहकर्मी गुमाउनुपर्दा ज्यादै  दःुख लागेको छ ।’ लिम्बू भने, ‘तत्काल उद्धारमा लागिएकाले त्यसबेला केही महसुस भएन तर अहले नयाँ जिन्दगी पाएछु जस्तो लागिरहेको छ ।’

‘मैले नयाँजीवन पाएँ ।’ उनले बताए, ‘घाइतेले पनि नयाँ जीवन पाए भन्दा फरक पर्दैन ।’ घाइते हुनेमा काठमाडौं कालिमाटी टोल घर भएका समिट एयरका चालक रविनाथ रोकाय, ललितपुर उपमहानगरपालिका भैैसेपाटी निवासी मनाङ एयरका चालक ४८ वर्षीय चेतबहादुर गुरुङ, मनाङ एयर लुक्लाका स्टेशन म्यानेजर खुम्बुपासाङ ल्हामु गाउँपालिका २ का ४३ वर्षीय लाक्पा छिरिङ शेर्पा र मनाङ एयरकै कर्मचारी खुम्बुपासाङ ल्हामु गाउँपालिका २ का ५५ वर्षीय स्याङबुचे कार्की रहेको प्रहरीले जनाएको छ ।

जोखिमपूर्ण विमानस्थलमध्ये एक मानिने लुक्ला विमानस्थलको रनवेको लम्बाइ सामान्य विमानस्थलको भन्दा निकै कम (५२७ मिटर) मात्र रहेको छ ।रासस

post image

बैशाख २, काठमाडौँ । सोलुखुम्बुको लुक्ला एयरपोर्टमा हवाईजहाज र हेलिकोप्टर ठोक्किँदा मृत्यु हुनेहरुको संख्या ३ पुगेको छ । नेपाल प्रहरीका असई रुद्रबहादुर श्रेष्ठको मृत्यु भएसँगै मृतकको संख्या ३ पुगेको हो ।

यसअघि समिट एयरका कोपाइलट सुदीप ढुंगाना र पर्यटक प्रहरी असई रामबहादुर खड्काको मृत्यु भएको थियो ।  आइतबार बिहान ९ बजे ७ मिनेटमा लुक्लाबाट उड्ने क्रममा समिट एयरको जहाज रनवेबाट चिप्लिएर मनाङ र श्री एयरको हेलिकप्टमा ठोक्किन पुगेको थियो ।

सो विमान दुर्घटना हुँदा लुक्ला एयरपोर्टमा जडान गरिएको सीसी क्यामेराले खिचेको लाइभ फुटेज समेत सार्वजनिक भएको छ । लाइभ फुटेज हेर्दा सुरुमा मनांग एयरको हेलिकोप्टर ल्यान्ड गरेको देखिन्छ । त्यसलगत्तै एउटा विमानले उडान भरेको देखिन्छ । सो विमान उडेलगत्तै समिट एयरले उडान भर्न लाग्दा विमान चिप्लिएको देखिन्छ ।

post image

बैशाख २, काठमाडौँ । “मणिचुड पर्यटन महोत्सव ऐतिहासिक धार्मिक सांस्कृतिक एवं पर्यटकीयस्थल बज्रयोगिनी मणिचुड जाऔ, आन्तरिक तथा बाह्य पर्यटनलाई विकास गरौँ “भन्ने मूल नाराका साथ बज्रयोगिनी मणिचुड पर्यटन महोत्सव २०७६ सम्पन्न भएको छ ।

काठमाडौँ जिल्लाको शंखरापुर नगरपालिका वडा नम्बर ८ बज्रयोगिनी घुमारचोकदेखि ऐतिहासिक धार्मिक सांस्कृतिक एवं पर्यटकीयस्थल मणिचुड र विश्व सम्पदा सूचीमा सूचिकृत हुन प्रस्तावित धार्मिक सहिष्णुताको प्रतीक बज्रयोगिनी मन्दिरको महत्वलाई उजागर गरी पर्यटन गन्तव्यको रुपमा विकास गर्ने उद्देश्यले नववर्ष २०७६ सालको पावन अवसरमा सुख शान्ति समृद्धि सुस्वास्थ्य एवं प्रगतिको कामना सहित यो पर्यटन महोत्सब आयोजना भएको हो ।

बिगत ४ वर्ष देखि निरन्तर रुपमा प्रत्येक वर्ष नया वर्ष अर्थात् बैशाख १ गतेका दिन बज्रयोगिनी मणिचुड पर्यटन प्रबर्दन समितिको आयोजनामा बजयोगिनी मणिचुड महोत्सब सभ्य र भब्य तरिकाले मनाउदै आइरहको छ। त्यसैको निरन्तरता स्वरुप यस वर्ष दुइ दिन उक्त महोत्सब  मनाइएको हो ।

उक्त कार्यक्रममा शंकरापुर नगरपालिकामा अवस्थित शंखरापुर नगर मावि स्तरीय वक्तित्वकला प्रतियोगिता, मैत्रीपूर्ण फुटबल प्रतियोगीता ,बज्रयोगिनी मन्दिर परिसरदेखि मणिचुड कुण्ड सम्म म्याराथुन प्रतियोगिता , मणिचुड कुण्ड नजिकै रहेको साढे उचाल्ने प्रतियोगिता, शंखरापुर नगर स्तरिय लोकदोहोरी प्रतियोगिता, स्थानिय तामाङ, नेवार, बाहुन ,क्षेत्री समुदायको भेषभूषा ,जाति ,रीतिरिवाज ,कला-संस्कृति ,बाजागाजा, सहितको झाँकी कार्यक्रम प्रस्तुत गरिएको थियो।

साथै औपचारिक कार्यक्रम नव वर्ष वैशाख १ गतेका दिन बिहान विशेष समुद्घाटन समारोह आयोजना गरिएको थियो थियो।

सामान्य प्रशासन मन्त्री तथा संघीय मामिला मन्त्री लालबाबु पण्डितको प्रमुख आतिथ्यतामा कार्यक्रमको औपचारिक समुद्घाटन भएको थियो । उक्त कार्यक्रममा बुद्धमूर्तिको शिलान्यास गरिएको थियो भने स्थानीय तामाङ नेवार क्षेत्री बाहुन समुदायको संस्कृति प्रदर्शन एवं स्थानीय समुदायको भौतिक परिकारहरूको समेत प्रदर्शनी गरिएको थियो  ।

हिमश्रृङ्खलाहरु को मनोरम दृश्यका साथसाथै काठमाडौँ उपत्यकालाई नजिकबाट नियाल्न सकिने स्थान हो मणिचुड । प्राकृतिक छटाले भरिपूर्ण ,अत्यन्तै रमणीय मणिचूड क्षेत्र र प्रसिद्ध बज्रयोगिनी मन्दिरको,ऐतिहासिक तथा साँस्कृतिक महत्त्वका बारेमा प्रचारप्रसार गरी सो क्षेत्रमा पर्यटन प्रबर्द्धनमार्फत् रोजगारी सिर्जना र विकास गर्ने उद्देश्यले महोत्सव आयोजना गरिएको आयोजकको भनाइ छ।

उक्त कार्यक्रममा बिशेष अतिथिको रुपमा  संघीय सांसद माननीय सरिता न्यौपाने ,प्रदेश नं. ३ प्रदेश सभा सदस्य माननीय मणिराम फुयाँल,शंखरापुर नगरपालिकाका प्रमुख सुवर्ण श्रेष्ठ,उप-प्रमुख शुक्रलक्ष्मी श्रेष्ठ,नगरका प्रमुख प्रशासकीय अधिकृत प्रमोद सिम्खडा,तथा वडा अध्यक्षलगायतका जनप्रतिनिधिहरू र स्थानीयको बाक्लो उपस्थिति रहेको थियो ।

लोकदोहोरी प्रतियोगिताको विजेता वडा नं. ८, वडा नं. २ को टोली उप-विजेता भयो भने वडा नं. १ को टोली तेस्रो स्थान प्राप्त गर्न सफल भयो।महोत्सवका अवसरमा आयोजित वक्तृत्वकला प्रतियोगिता,फुटबल प्रतियोगिता लगायतका विजेताहरूलाई पुरस्कार एवम् प्रमाणपत्र वितरण गरिएको थियो।

post image

बैशाख २,बाजुरा । बाजुरामा बिहानै भूकम्पको धक्का महसुस भएको छ । छिमेकी जिल्ला बझाङको जयपृथीवी केन्द्रबिन्दु बनाएर आज बिहान स्थानीय समयानुसार ४ बजेर २७ मिनेट जाँदा ४.८ रिक्टर स्केलको भूकम्प गएको भूकम्प मापन केन्द्र काठमाडौँले जनाएको छ ।

भूकम्पले जिल्लामा कुनै क्षति नभएको जिल्ला प्रहरी कार्यालय बाजुराका प्रहरी नायब उपरीक्षक उद्धवसिंह भाटले जानकारी दिएका छन् ।  सुतिरहेको समयमा बिहान एक्कासि भूकम्प गएपछि बजारवासी त्रसित बनेका थिए ।

 

post image

चैत २८, बर्दिवास । महोत्तरीको बर्दिवास नगरपालिका–९ पशुपतिनगरमा जंगली बँदेलको आक्रमणबाट ९ जना घाइते भएका छन् । ४ जनाको अवस्था गम्भीर छन् । गम्भीर घाइते हुनेहरुमा बर्दिबास नगरपालिका–९ पशुपतिनगरका ३० वर्षीय घुरनीदेवी महतो, कालाबत्ति देवी महतो, १९ वर्षीय सुवास आले र श्रवण महतो रहेको इलाका प्रहरी कार्यालय बर्दिवासले जनाएको छ ।

गम्भीर घाइते घुरनीदेवी महतोलाई उपचारको लागि जनकपुर अञ्चल अस्पताल लगिएकोमा थप उपचारका लागि धरान रेफर गरेको घाइतेका आफन्तले जानकारी दिएका छन् । सामान्य घाइतेहरुको भने बर्दिवासस्थित स्थानीय स्वास्थ्य संस्थामा उपचार भइरहेको छ ।

बँदेलले आक्रमण गर्न थालेपछि पशुपतिनगरस्थित सशस्त्र प्रहरी बल नेपाल सुरक्षा वेसले कुनै सहयोग नगरेको भन्दै आक्रोशित स्थानीयहरुले बेसमा ढुङ्गामुढासमेत गरेका छन् ।  ढुङ्गा लागेर सहायक हवल्दार अनिल झा घाइते भएका प्रहरीले जनाएको छ ।

घाइतेहरुको उपचारको लागि पहल गर्ने र बदेल नियन्त्रणको लागि समेत बिशेष उपाय अबलम्बन गर्ने बर्दिबास नगरपालकाका मेयर बिदुरकुमार कार्कीले बताए ।

post image

 चैत २८, काठमाडौं । काठमाडौंका सडकको जेब्रा क्रसिङमा पैदलयात्रुलाई प्राथमिकता नदिने सवारी चालकमाथि अब कारवाही हुने भएको छ ।  पैदलयात्रुलाई बाटो काट्न जेब्रा क्रसिङ बनाइएको ठाउँमा पनि सवारी चालकले गाडी नरोक्ने प्रवृत्ति मौलाएपछि ऐन नै बनाएर कडाई गर्न लागिएको हो ।

काठमाडौं महानगरपालिकाले जारी गरेको ‘सवारी तथा यातायात व्यवस्थापना बिधेयक, २०७५’ मा चालक र परिचालकको कर्तब्य तोकिएको छ ।  ऐनको दफा १२ मा उल्लेखित चालकको कर्तब्यहरुमध्ये बुँदा ‘घ’ मा जेब्रा क्रसिङमा पैदलयात्रुलाई प्राथमिकता नदिने चालकमाथि कारवाहीको व्यवस्था गरिएको छ ।

यो कसुरमा चालकमाथि पहिलो पटक दुई सय र दोस्रो पटक पाँच सय रुपैयाँसम्मको जरिवाना हुने ऐनमा उल्लेख छ ।  यस्तै निर्धारित बाहेकका स्थानमा सवारी साधन रोक्ने, यात्रुसँग अशिष्ट भाषामा कुरा गर्ने र निर्धारित पोशाक नलगाई सवारी साधन चलाउने चालकमाथि पनि सोही जरिवाना हुनेछ ।

यो ऐन काठमाडौं महानगरपालिकाले महानगर क्षेत्रको हकमा लागू गर्न लागेको हो । प्रमाणीकरण भई एक महिनाभित्र ऐन कार्यान्वयनमा आउने महानगरपालिकाले जनाएको छ ।

ऐनअनुसार अब सवारी साधनमा अश्लिल फोटो टाँस्ने, अश्लिल गीत बजाउने, जथाभावी पार्किङ गर्ने, निर्धारित रुटमा सवारी साधन चलाउन इन्कार गर्ने चालकमाथि जरिवाना गरिनेछ । उल्लेखित कसुर गर्ने चालकमाथि अब पहिलो पटक पाँच सय र दोस्रो पटक एक हजार रुपैयाँ जरिवाना हुनेछ ।  यस्तै मदिराजन्य र सूर्तिजन्य पदार्थ सेवन गरी सवारी चलाउने, यौनजन्य दुब्र्यवहार गर्ने र कानूनले निषेध गरेका अन्य क्रियाकलाप गर्ने चालकमाथि पहिलो पटक हजार रुपैयाँ जरिवाना गरिनेछ ।

अनुगमनका क्रममा दोस्रो पटक पनि सोही कसुर गरेको भेटिए सेवाबाटै हटाउन सम्बन्धित कम्पनी वा संस्थालाई सिफारिश गर्नुपर्ने व्यवस्था ऐनमा छ । महानगर क्षेत्रको सार्वजनिक यातायातलाई व्यवस्थित गर्न भन्दै जारी गरिएको ऐनमा परिचालकहरुको पनि कर्तब्य तोकिएको छ । साथै त्यो पालना नगरे कारवाहीको व्यवस्था ऐनमा छ ।

सार्वजनिक यातायात सेवा सञ्चालन गर्ने परिचालकले यात्रु, चालक तथा अन्य व्यक्तिसँग शिष्ट, शालिन र सभ्य व्यवहार गर्नुपर्नेछ । यस्तै यात्रुसँग सरकारले तोकेको भाडादर भन्दा बढी रकम लिए, टिकट दिन नमाने, भाडाबाहेकको रकम फिर्ता गर्न आलटाल गरे, यात्रुसँग अशिष्ट भाषामा कुरा गर्ने, निर्धारित पोशाक लगाई काम गरे पनि कारवाहीको भागिदार बन्नुपर्नेछ ।

यी कसुरमा पलिलो पटक दुई सय र दोस्रो पटक पाँच सय रुपैयाँ जरिवाना गर्ने व्यवस्था ऐनमा छ ।  सवारी साधनमा मदिराजन्य र सूर्तिजन्य पदार्थ सेवन गर्ने, यौनजन्य दुब्र्यवहार गर्ने र कानूनले निषेध गरेका अन्य कार्य गर्ने परिचालकमाथि सोझै पाँच सय रुपैयाँ जरिवाना गरिनेछ ।

post image

 चैत २८, तम्घास । गुल्मीमा जिप दुर्घटना हुँदा पूर्वसांसद रुद्रमणि शर्मा भण्डारीसहित दुई जनाको मृत्यु भएको छ ।  लु १ ज १९५७ नम्बरको जिप बिहीबार बिहान मुसिकोट नगरपालिका १ च्यानडाँडामा दुर्घटना हुँदा ७२ वर्षीय भण्डारीको मृत्यु भएको प्रदेश नम्बर ५ का प्रहरी प्रमुख डीआईजी पिताम्बर अधिकारीले पुष्टि गरे ।

धुर्कोट गाउँपालिका वस्तु निवासी भण्डारी २०४८ सालमा गुल्मीको तत्कालीन क्षेत्रनम्बर ३ बाट नेपाली कांग्रेसबाट सांसद बनेका थिए । भण्डारी हाल नेपाली कांग्रेसको महाधिवेशन प्रतिनिधि थिए ।

दुर्घटनामा अर्का एक जना बालकको पनि मृत्यु भएको छ । मृत्यु हुनेमा मालिका गाउँपालिका वडा नम्बर १ निवासी ८ वर्षीय ओश्कर विक रहेको जिल्ला ट्राफिक प्रहरी कार्यालय गुल्मीका हवल्दार देवीप्रसाद पौडेलले जानकारी दिए ।

जिप दर्लिनबाट बुटवल जाँदै थियो । जिपमा १० जना सवार थिए जसमा ८ जना घाइते भएका छन्  ।दुर्घटनामा घाइते हुनेहरुमा मालिका गाउँपालिका वडा नम्बर २ बस्ने ३२ वर्षीय सुर्य थापा, सोहि वडाकै २६ वर्षीया कोशिला थापा, गाडी चालक ३६ वर्षीय कमल पुरी, ३ वर्षीया कृतिमा थापा, ५ वर्षीय जेनिस थापा, १८ वर्षीय नरेन्द्र श्रीस छन् ।

यसैगरी मुसिकोट नगरपालिका १ का ४० वर्षीय भोजबहादुर भट्टराई र ३८ वर्षीया रिमा भट्टराई पनि घाइते भएको जिल्ला ट्राफिक कार्यालय गुल्मीका प्रहरी सहायक निरीक्षक नारायण खनालले जानकारी दिए । घाइतेहरुलाई उपचार गर्न वामी टक्सार र गुल्मी अस्पताल तम्घासमा लगिएको छ ।

जिप सडकबाट करिव १ सय मिटर तल खसेको प्रहरीले जनाएको छ । घटनास्थल बाग्लुङको सिमानामा पर्दछ ।

post image

चैत २८, काठमाडौं । राष्ट्रिय निकुञ्ज तथा वन्यजन्तु संरक्षण विभागको आयोजनामा वैशाख १ देखि ७ गतेसम्म ‘वन्यजन्तु सप्ताह’ मनाइने भएको छ । विभागले हरेक वर्ष जस्तै यस वर्ष पनि ‘वन्यजन्तु संरक्षणका लागि सहकार्य’ भन्ने मूल नाराका साथ २४औँ वन्यजन्तु सप्ताह मनाउन लागेको हो ।

सप्ताहअन्तर्गत वन परिसर बबरमहलमा होर्डिङबोर्ड अनावरण, प्राकृतिक स्रोत संरक्षण समितिका सांसदद्वारा चितवन राष्ट्रिय निकुन्जको अवलोकन तथा चिडियाखाना जावलाखेलमा अन्तरक्रिया, माइतीघरमण्डलामा विद्यार्थीद्वारा चित्रकला प्रतियोगिता आयोजना गर्ने भएको छ ।

यसैगरी, सूर्यविनायकमा चरा अवलोकन, पाटन दरबार क्षेत्रमा सरसफाइ, ‘वन्यजन्तु संरक्षणका लागि सहकार्य’ भन्ने शीर्षकमा कविता वाचन, पुरस्कार वितरण तथा समापन कार्यक्रम आयोजना गरिनेछ । विभागका सूचना अधिकारी विष्णुप्रसाद श्रेष्ठले हरेक वर्ष झैँ यस वर्ष पनि मुलुकमा भएका विभिन्न वन्यजन्तु संरक्षणका लागि ‘वन्यजन्तु सप्ताह’ मनाउन लागिएको जानकारी दिए ।

post image

चैत २८, काठमाडौं । गुल्मीको मुसीकोट नगरपालिका वडा नम्बर १ नेटा चिहानडाँडामा जीप दुर्घटना हुँदा पूर्व सांसदसहित एकको अवस्था अत्यधिक चिन्ताजनक छ ।

पूर्व सांसद रुद्रमणी शर्मा भण्डारी र नाम नखुलेका एक व्यक्तिलाई दुर्घटनास्थलबाट तम्घास ल्याउँदै गरिएको जिल्ला प्रहरी कार्यालय गुल्मीले बताएको छ ।

बिहिबार बिहान मालिका गाउँपालिकाको दर्लिङबाट बुटवलका लागि १० जना यात्रु बोकेर हिँडेको लु १ ज १९५७ नम्बरको जिप सडकदेखि १०० मिटर तल खसेको हो ।

post image

चैत २७, काठमाडौं । एक साताअघि न्यायपरिषदले उच्च अदालतको न्यायाधीश सिफारिस गरेका १७ जनालाई प्रधान्यायाधीश चोलेन्द्रशमसेर राणाले शपथ खुवाएका छन्। बुधबार बिहान ११ बजे उनीहरूले सर्वोच्च अदालतमा प्रधानन्यायाधीश राणाबाट पद तथा गोपनीयताको शपथ लिएका हुन्।

न्यायपरिषदले उच्च अदालतका लागि १८ न्यायाधीश सिफारिस गरेको थियो। उच्च अदालतमा वैशाख ३ गते खाली हुने पदका लागि पनि पहिलै सिफारिस गरिएको हो। १८ मध्ये एक जना न्यायाधीशले उक्त पद खाली भएपछि नियुक्ति पाउने गरी सिफारिस गरिएको हो।

उच्च अदालतका न्यायाधीशमा विशिष्ट श्रेणीबाट नायब महान्यायाधीवक्ता किरण पौडेल, सर्वोच्चका रजिष्ट्रार महेन्द्रनाथ उपाध्याय, सत्य  निरूपण तथा मेलमिलाप आयोगका सचिव रमेश ढकाल नियुक्त भएका छन्।

त्यस्तै  यसअघि  पुनरावेदन अदालतमा अतिरक्त न्यायाधीश बनेकी निलम पौडेल, सर्लाही जिल्ला अदालतका न्यायाधीश राजेशकुमार काफ्ले, रौतहटका लेखनाथ ढकाल, चितवनका कुलप्रसाद शर्मा, भक्तपुरका मोहम्मद जुनेद आजाद, ललितपुरका बालमुकुन्द दवाडी,  पर्साका नगेन्द्रलाल कर्ण उच्च अदालतका न्यायाधीश भएका छन्।

यी मध्ये  काफ्ले, ढकाल, शर्मा, आजाद र कर्णविरूद्ध गम्भीर उजुरी परेको भन्दै २ वर्षअघि न्यायपरिषदको छानबिन गरेको थियो। कर्णलाई सामान्य नसिहत दिए पनि अरू चार जनालाई भने गम्भीर अनुसन्धान गर्नु पर्ने भनेको थियो। न्यायपरिषदले अनुसन्धाननै नगरी उनीहरूविरूद्धको उजुरी तामेलीमा पठाएर उच्च अदालतमा तानेको हो।

अधिवक्ताहरूबाट सात जनालाई उच्च अदालतको न्यायाधीश सिफारिस गरिएको छ। अधिवक्ताहरू जगतबहादुर थापा, सरलाकुमारी पाण्डे, विमल सुवेदी, रेणुका शाह, डालकुमार खड्का, उज्जवल शुक्ल र नवराज थपलिया न्यायाधीश सिफारिस भएका छन्।

अधिवक्ता शाह पूर्व प्रधानन्यायाधीश रामकुमार साहकी छोरी र थपलिया प्रधान्यायाधीश राणाका इष्टमित्र भएका कारणले उच्च अदालतका न्यायाधीश बनेका हुन्। उनीहरूको नियुक्ति विवादमा परेको छ।

 चैत २७, काठमाडौं । भारतमा निर्वासित जीवन बिताइरहेका तिब्बती धर्मगुरु दलाई लामा अस्पताल भर्ना भएका छन् ।स्वास्थ्यमा समस्या आएपछि उनलाई हिमातल राज्यको धर्मशालाबाट विमानमार्फत दिल्ली लगेर एक अस्पतालमा भर्ना गरिएको हो ।

८३ वर्षका लामाको छातीमा संक्रमण देखिएको र उनको स्थिति स्थिर रहेको बताइएको छ । नोवेल शान्ति पुरस्कार विजेता लामा चर्चित प्रवचक हुन् । तर, पछिल्लो समय उनी अन्तराष्ट्रिय मञ्चहरुमा निकै कम सहभागी हुने गरेका थिए ।

post image

चैत २७, भक्तपुर ।  भक्तपुरमा नौ दिन आठ रातसम्म मनाइने प्रसिद्ध बिस्केट जात्रा आजदेखि सुरु भएको छ ।  यो जात्रा तौमढी (पाँचतले मन्दिर अगाडि) बाट भैरव र भद्रकालीको रथ तानेर शुरु हुनेछ ।

 बिस्केट जात्राको पहिलो दिन टौमढीमा भैरवनाथ र भद्रकालीको रथ तानि जात्रा सुरु हने परम्परा रहेको छ । रथको अगाडि भागमा छ वटा र पछाडि चार वटा डोरी समातेर दुवैतर्फ जात्रालुले रथलाई तान्थे परम्परा छ ।

बिस्केट जात्राको मुख्य गरी भैरवको रथ तान्ने क्रममा पाँचतले मन्दिर तल र माथिका बासिन्दाबीच विगतमा जस्तै ढुङ्गा हान्ने र झगडा गर्ने कार्य हुन नदिन जिल्ला प्रशासन कार्यालय भक्तपुरले सुरक्षा व्यवस्था कडा बनाएको छ ।

स्थानीय प्रशासन, प्रहरी र नगरपालिकाले यसवर्ष जात्रालाई शान्तिपूर्ण बनाउन ४३ स्थानमा सिसी क्यामरा जडान गरेर निगरानी गर्ने व्यवस्था मिलाएका छन् ।

जात्रामा सशस्त्र प्रहरी, नेपाल प्रहरी र राष्ट्रिय अनुसन्धान विभागका पोशाक र सादा पोशाकमा सुरक्षाकर्मी खटिएका प्रहरी परिसर भक्तपुरका प्रमुख प्रहरी उपरिक्षक हिमालय कुमार श्रेष्ठले बताए ।

मदिरा बिक्री वितरणमा रोक लगाएको र झगडा गर्ने एवं ढुङ्गा हान्नेलाई सार्वजनिक ऐनअन्तर्गत मुद्दा चलाएर कारवाही गरिने समेत प्रशासनले जानकारी दिएको छ ।  यो जात्रा आगामी वैशाख ५ गते गःहिटी पु¥याएर सम्पन्न हुनेछ ।

post image

चैत २५, काठमाडौं ।  बसुन्धाराकास्थित एक घरमा शंकास्पद बस्तु फेला परेको छ । ओसिस क्याफेको पछाडि रहेको ‘द वल्र्ड कल्चर आर्ट एसोएिसन’ को कार्यालयमा सोफामुनि राखेको अवस्थामा शंकास्पद वस्तु फेला परेको हो

महानगरीय प्रहरी कार्यालयका प्रवक्ता (एसएसपी) श्याम ज्ञवालीका अनुसार ‘शंकास्पद बस्तु फेला परेको र डिस्पोजका लागि नेपाली सेनालाई खबर गरिएको छ ।

प्रहरीले घट्नास्थलबाट शंकाष्पद पाँच जनालाई नियन्त्रणमा लिएको छ । ‘द वल्र्ड कल्चर आर्ट एसोएिसन’ नामक संस्थाले सांस्कृतिक कार्यक्रममा लागी कलाकारहरुलाई कोरिया पठाउँदै आएको बताइएको छ ।

 

post image

 चैत २५, चितवन । चितवन राष्ट्रिय निकुञ्ज भित्र गैंडाको आक्रमणबाट दुई जना घाइते भएका छन् ।जंगल वाकका लागि विहान ८ बजे निकुञ्ज भित्र गएका उनीहरु माथि गैंडाले आक्रमण गरेको हो ।

घाइतेमध्ये एक जना विदेशी नागरिक र एक जना नेपाली गाइड रहेको चितवन राष्ट्रिय निकुञ्ज कार्यालयले जनाएको छ ।

सौराहाबाट करिब ६ किलोमिटरभित्र दुधौरा भन्ने ठाउँमा सो घटना भएको जानकारी कार्यालयका प्रमुख वेदकुमार ढकालले जानकारी दिए ।

घाइते विदेशी नागरिकको अवस्था चिन्ताजनक रहेको जनाइएको छ । नाम भने खुलेको छैन । उद्धारका लागि निकुञ्जको टोली त्यसतर्फ गएको छ । कुनै होटलबाट नभई गाइड कार्यालयसँग सम्पर्क गरेर उनी निकुञ्जभित्र गएका थिए ।

post image

चैत २५, क्वालालम्पुर । मलेसियामा भएको सवारी दुर्घटनामा दुई नेपालीसहित ८ जनाको मृत्यु भएको छ । क्वालालम्पुर अन्तर्राष्ट्रिय विमानस्थलको कार्गो कम्पनीमा काम गर्ने श्रमिकहरु चढेको बस सेलागरमा दुर्घटना हुदा दुई नेपालीको घटनास्थलमै मृत्यु भएको हो ।

मृत्यु हुनेमा बर्दियाका रामु चौधरी र सर्लाहीका जगनाथ सिंह थारु छन् । यद्यपि नेपाली दूताबासले यसको पुष्टि गरेको छैन । घाइतेहरुको पुत्राजया, सेरडाग, वान्तिग अस्पतालमा उपचार भइरहेको छ । उनीहरु मध्ये तीन जना नेपालिको अवस्था अवस्था गम्भीर छ ।

post image

चैत २४, काठमाडौं । बारा पर्साका हावाहुरी पीडितलाई रेडक्रस सोसाइटी अफ चाइनाले ५० लाख सहयोग गरेको छ। शनिबार प्रधानमन्त्री केपी शर्मा ओलीलाई भेट गरी रेडक्रस सोसाइटी अफ चाइनाको प्रतिनिधित्व गर्दै नेपालका लागि चिनियाँ राजदूत हाउ यानकीले सो रकम हस्तान्तरण गरेकी हुन्।

भेटको क्रममा राजदूत यांकीले रेडक्रस सोसाइटी अफ चाइनाले पीडित तथा शोकसन्तप्त परिवारप्रति गहिरो समवेदना प्रकट गरेको बताइन्। यसका साथै, आफूहरूले नेपालीलाई दु:खद घडीमा साथ र सहयोग गर्ने प्रतिवद्धता व्यक्त गरिन्।

गत आइतबार बारा र पर्सामा आएको हावाहुरीले २८ जनाको मृत्यु भएको थियो भने कैयौं घाइते भएका छन्। यसका साथै हजारौं घरबारविहीन भएका छन्।

post image

 चैत २२, काठमाडौं । काठमाडौंको लाजिम्पाटमा बिहीबार राति आगलागी हुँदा एक जनाको मृत्य भएको छ भने ४ जना घाइते भएका छन् । आगलागीमा परी ओखलढुंगाको पोखरी गाउँपालिका-२ का भेषबहादुर थापाको मृत्यु भएको हो । उनी ग्रुप फोर सेक्यूरिटी कम्पनी अन्तरगत होटल शंकरमा सुरक्षागार्ड थिए ।

नील सरस्वती मार्गमा रहेको धर्म महर्जनको ३ तले घरमा आगलागी हुँदा बर्दियाका विबेक शाही, उनकी श्रीमती गंगामाया शाहीसँगै चन्द्रमाया राई र बिना बस्नेत छन् । राई र बस्नेत उपचारपछि घर फर्किएका छन् भने शाही दम्पत्तिको अवस्था गम्भीर रहेको प्रहरीले जानकारी दिएको छ ।

हाल उनीहरुको त्रिवि शिक्षण अस्पताल, महाराजगञ्जमा उपचार भइरहेको छ । बोगटीले  दिएको जानकारी अनुसार मध्यराति १२ बजे विद्युत् सर्ट भइ आगलागी भएको प्रारम्भिक अनुसन्धानबाट खुलेको छ ।

घटनाको खबर पाएलगत्तै नेपाल प्रहरी र काठमाडौं महानगरपालिकाको वारुणयन्त्र आगोलाई नियन्त्रणमा लिन त्यहाँ पुगेको थियो । एक घन्टाभित्रमा आगो नियन्त्रणमा आए पनि त्यसअघि नै ठूलो क्षति भइसकेको थियो ।

post image

चितवन । चितवनमा एउटै परिवारका तीन जनाले एकै ठाउँमा आत्महत्या गरेका छन् ।भरतपुर महानगरपालिका–१८ शशीनगरस्थित शहरी क्लिनिक टोलका एउटै परिवारका आमा, छोरा र छोरी एकै स्थानमा झुन्डिएको अवस्थामा फेला परेका हुन् ।

घरभित्र एकै स्थानमा तीन सलको पासोमा अन्दाजी ३४ वर्षीया आमा माया आलेमगर, अन्दाजी १३÷१४ वर्षीया छोरी विनिता मगर र अन्दाजी ११÷१२ वर्षीय छोरा विवेक मगरले झुण्डिएर आत्महत्या गरेको जिल्ला प्रहरी कार्यालय चितवनले जानकारी दिएको छ । उनीहरुको शवलाई परीक्षणका लागि भरतपुर अस्पताल ल्याउने तयारी गरिएको छ ।

एकै स्थानमा तीन जनाले आत्महत्या गरेपछि यसबारे अनुसन्धान भइरहेको जिल्ला प्रहरी कार्यालय चितवनका प्रहरी नायब उपरीक्षक दुर्गाराज रेग्मी जानकारी दिनुभयो । उहाँसहितको प्रहरी टोली अहिले घटनास्थलमा छ ।

मृतकका श्रीमान् नरबहादुर आलेमगर नेपाली आर्मीमा काठमाडौँमा कार्यरत रहेका छन् । आमाले नै छोराछोरीलाई झुण्ड्याएर आफूले पनि झुण्डिएर आत्महत्या गरेको हुनसक्ने स्थानीयवासीको आशङ्का छ ।

post image

चैत २२, काठमाडौं । किर्तिपुर नगरपालिका वडा नं. ६, चारघरेमा जालपादेवि मन्दिर पुनः निर्माण गर्दा ३०० बर्ष पुरानो लिच्छविकालिन मुर्ति फेला परेको छ ।  मूर्ति भेटिएपछि पुरातत्व विभागले त्यहाँ उत्खनन थालेको छ । भूकम्पले भत्किएको जालपादेवी मन्दिर उत्खननका क्रममा नागकन्या र लक्ष्मीको मूर्ति भेटिएको हो ।

त्यस्तै, मन्दिरको भग्नावशेषबाट कुँदिएका ढुंगा र सिक्कासमेत भेटिएका छन् । भेटिएका मूर्ति लिच्छवीकालीन भएको पुष्टि भएको पुरातत्व विभागले गरेको छ । मन्दिर पुनर्निर्माण समितिको आग्रहपछि पुरातत्व विभागबाट भाष्कर ज्ञवालीको नेतृत्वमा आएको एक टोलीले मूर्ति तथा सिक्का लिच्छवीकालीन भएको पुष्टि गरेको वृहत चारघरे धार्मिक समितिका सचिव विनोद बस्नेतले जानकारी दिए ।

भेटिएका पुरातात्विक मूर्ति तथा सिक्का विभागले मन्दिर निर्माण समिति कै जिम्मामा छाडेको छ ।  मन्दिरमा पुरातात्विक महत्त्वका वस्तु भेटिएपछि थप उत्खनन थालिएको छ । मन्दिर पुनर्निर्माण समितिले थप पुरातात्विक वस्तु हुन सक्ने अड्कल गर्दै आफ्नै अग्रसरतामा उत्खनन थालेको छ । उत्खननका क्रममा हरेक दिन नयाँ पुरातात्विक वस्तु भेटिएको सचिव बस्नेत बताउँछन् ।

२०७२ वैशाख १२ को भूकम्पले कीर्तिपुर क्षेत्रका जालन्धर पीठ, पिशाचेश्वर महादेव, जालपादेवी मन्दिरलगायतमा क्षति पुगेको छ । भूकम्पको ४ वर्षपछि त्यहाँका स्थानीयले समिति गठन गरेर चरणबद्ध पुनर्निर्माणको काम थालेका छन् । बस्नेतका अनुसार पुनर्निर्माण भइरहेको र लिच्छविकालीन मूर्ति भेटिएको स्थानमा नयाँ मन्दिर निर्माण गरिदिने वचन पुरातत्व विभागका अधिकारीहरुले दिएका छन् ।

post image

काठमाडौं । उपत्यकामा परम्परागत घोडेजात्रा पर्व मनाइँदैछ। चान्द्रमानको तिथिअनुसार चैत्र कृष्ण औँसीमा यो पर्व मनइन्छ।जात्राको अवसरमा सरकारले काठमाडौं उपत्यकामा सार्वजनिक विदा दिएको छ ।

जनविश्वासअनुसार टुँडिखेलको पूर्व–दक्षिण दिशामा रहेको एउटा रूखमा बास गर्ने गुरुमापा भन्ने राक्षसले शहरका बालबालिकालाई खाने गरेकाले पीडितले विभिन्न उपायले त्यसलाई संहार गरे। तर उसको प्रेतात्मा फेरि जागा भई बालबालिकालाई अनिष्ट गर्नसक्ने भय तिनमा रहिरह्यो।

संस्कृतिविदहरूका अनुसार यसै कारण प्रत्येक वर्ष चैत्र कृष्ण औँसीका दिन घोडेजात्रा गरी गुरुमापाको आत्मालाई घोडाको टापले कुल्चाएर दबाउने गरिएको हो । साथै शहरका कुनै पनि बालबालिकामाथि खतरा नहोस् भनी आजै राति त्यही रूखको फेदमा गुरुमापालाई खानेकुरा पनि दिइन्छ।

घोडेजात्राका अवसरमा नेपाली सेनाले टुँडिखेलमा अश्वकला, मोटरसाइकल खेल, शारीरिक व्यायाम, युद्धकला प्रदर्शन गर्छ। यही दिन ललितपुरमा पनि एउटा कानो घोडा दौडाएर घोडेजात्रा मनाउने परम्परा छ।

post image

 चैत २१, काठमाडौं । पूर्वमा बनेको न्यून चापीय रेखा र स्थानीय वायुको प्रभावले आगामी तीन दिनसम्म देशभरी नै बदली रही अधिकांश स्थानमा वर्षाको सम्भावना रहेको मौसम पूर्वानुमान महाशाखाले जनाएको छ ।

गए रातिदेखि कमजोर रुपमा पूर्वमा बनेको न्यून चापीय रेखा र बङ्गालको खाडीबाट आएको जलवाष्पयुक्त हावा तथा स्थानीय वायुको प्रभावले बदलीसँगै हल्कादेखि मध्यम वर्षा गराउने महाशाखाका मौसमविद् ले जनाएका छन्  ।

उक्त प्रणली क्रमशः विकसित भई आगामी शनिबारसम्म कायम रहने बताइएको छ । काठमाडौँ उपत्यकामा बिहीबार दिउँसो केहीबेर मौसम खुल्ला भई घाम लाग्नेछ र अन्य स्थानमा भने तत्काल मौसम सफा हुने अवस्था नरहेको मौसमविद्ले बताए ।

शुक्रबार देशका अधिकांश भू–भागमा सामान्यदेखि पूर्ण बदली रही केही स्थानमा मेघगर्जनसहित हल्कादेखि मध्यम वर्षाको सम्भावना रहेको औँल्याइएको छ । उच्च हिमाली भूभागहरुका केही स्थानमा मध्यम हिमपातको सम्भावना रहेको महाशाखाले जनाएको छ ।

महाशाखाको पछिल्लो विवरणअनुसार बिहीबार काठमाडौँ उपत्यकाको न्यूनतम तापक्रम १४ दशमलव ८ डिग्री र अधिकमत तापक्रम २६ दशमलव ६ डिग्री सेल्सियस छ । त्यस्तै धनगढीको अधिकमत तापक्रम सबैभन्दा बढी ३५ दशमलव शून्य डिग्री सेल्सियस रहेको छ ।

post image

चैत २१, काठमाडौं  । बारा र पर्सा जिल्लाहरुमा हावाहुरीले पारेको विपद्बाट २ हजार ४ सय चार घरमा क्षति पुगेको तथ्यांक सार्वजनिक भएको छ ।  बारामा १ हजार ८९५ घर र पर्सामा ५०९ घर नराम्ररी प्रभावित भएका हुन् ।

नेपाल रेडक्रसका कार्यकारी निर्देशक उमेश ढकालले प्रारम्भिक सर्वेक्षण अनुसार एकहजार ६२ घर पूर्ण क्षति भएको जानकारी दिए ।

यस्तै एक हजार तीनसय ४२ घरमा आंशिक क्षति पुगेको छ । मर्मत गरेर काम चलाऊ हिसावले बस्न मिल्नेलाई आंशिक क्षतिमा गणना गरिएको छ ।

बारामा नौ सय ४० घर पूर्ण क्षति छ भने नौ सय  ५५ घर आंशिक क्षति छ । त्यस्तै पर्सामा १२२ घर पूर्ण क्षति भएका छन् भने ९४० घरमा आंशिक क्षति भएको छ ।  स्थानीय वडाध्यक्ष, रेडक्रस र शुरक्षाकर्मीको संयुक्त टोलीले यो तथ्यांक निकालेको हो ।

post image

चैत २१, काठमाडौं  । अल्बरिमा गएको बिहिबार सडक दुर्घटना भइ घाइते भएका बलराम पराजुली को पनि निधन भएको छ। अस्ट्रेलिया को अल्बरी मा पाच जना नेपालि युवाहरु सवार गाडी दुर्घटना भएको थियो जसमा एकजना को घटना स्थल मै मिर्त्यु भएको थियो अरु ४ जना को अस्पताल मा उपचार भैरहेको थियो उपचार्थ बलराम पराजुली को उपचार को क्रम मा निधन भएको हो ।

पराजुलीले उक्त गाडी चलाइरहेका थिए भने अघिल्लो सिटमा आर्यन आचार्य रहेका थिए । आर्यन आचार्यको घटनास्थलमै मृत्यु भएको थियो भने पराजुलीलाई उपचारको लागि अल्बरी अस्पताल लगेपछि त्यहाँबाट थप उपचारको आवश्यकता रहेको भन्दै क्यानबेरास्थित अस्पतालमा लगिएको थियो । पराजुलीको निधन मंगलबार साँझ भएको अष्ट्रेलियास्थित नेपाली दूतावासले जनाएको छ । दूतावासले आफ्नो आधिकारिक पेजमार्फत हिजो मंगलबार साँझ उपचार गराइरहेका पराजुलीको निधन भएको जनाएको छ ।

दूतावासले मृत आत्माको चीर शान्तिको कामना गर्दै परिवारजनमा धैर्य धारण गर्ने शक्ति मिलोस् भन्ने कामना पनि गरेको छ । नेपालमा रहेको परिवारका सदस्यहरुसँग सम्पर्कमै रहेको र शवलाई नेपाल पठाउने तयारीको प्रक्रियामा रहेको पनि दूतावासले जनाएको छ । साथै दूतावासले विज्ञप्तिमा स्व. पराजुलीको उपचारमा सहयोग गर्ने अष्ट्रेलियाको प्रहरी, चिकित्सकहरु, क्यानबेरा अस्पतालका सबै कर्मचारीका साथै नेपाली समूदायलाई धन्यवाद दिएको छ ।

post image

बिनोद पौडेल चैत १९, अष्ट्रेलिया । तराई टाइगर स्पोर्ट्स क्लबले अष्ट्रेलियाको सिड्नीमा बारा र पर्सामा आँधीहुरीले भएको मानवीय तथा धन क्षतिप्रति दुख व्यक्त गर्दै एक कार्यक्रमको आयोजना गरेको छ ।

एस्फिल्ड पार्कमा मंगलबार भएको कार्यक्रममा  बारा र पर्सामा आइतबार साँझ आएको आधिहुरीका कारण ज्यान गुमाएका प्रति श्रदान्जली व्यक्त गर्दै १ मिनेट मौनधारण गरी मैनबत्ति बालिएको थियो । साथै कार्यक्रममा घाइते भएका सम्पूर्णको शिघ्र स्वास्थ्यलाभको समेत कामना गरिएको आयोजकले जानकारी गराएको छ ।

कार्यक्रममा तराई टाइगर्सका एक संरक्षक सुबांस शाहले मृत आत्माप्रति श्रदान्जली व्यक्त गर्दै आफन्त र परिवारजानलाई यस दुखद समयमा धैर्य धारण गर्ने क्षमता प्राप्त होस् भन्दै कामना गर्नुभएको थियो  ।

त्यस्तै श्रदान्जलीकै क्रममा एन्टा अष्ट्रेलियाका प्रेसिडेन्ट अरुण ठाकुरले अचानक आएको हावाहुरीले धेरैको घरबार उजाडेको र धेरैको मानवीय क्षति भएको भन्दै सबैलाई सक्दो सहयोग गर्न आग्रह गर्नुभयो ।

त्यसैगरी तराई टाइगर्सका कोअर्डिनेटर नितिस गुप्ताले पनि मृतक आत्माको चिर शान्तिको कामना गर्नुभयो ।

कार्यक्रममा आदिहुरीबाट पिडित नागरिकलाई सहयोग स्वरूप चन्दा संकलन समेत गरिएको छ ।कार्यक्रमकै समयमा ठुलो पानि परेको भएता पनि कार्यक्रमलाई सफलतापुर्वक सम्पन्न गर्न सकिएको कार्यक्रमका उद्घोषक बिनोद पौडेलले अनलाइनसमयलाई जानकारी गराउनुभयो।

कार्यक्रममा ब्यबसायी डा किरण थापालगायत  नेपाली समुदायको उल्लेखनीय उपस्थिती रहेको थियो ।

post image

चैत १८, काठमाडौं । स्कुटरलाई ठक्कर दिएर भागेको सशस्त्र प्रहरीको पछुवा भ्यानका चालकलाई ट्राफिक प्रहरीले कारबाही गरेको छ ।

पूर्वप्रधानमन्त्री लोकेन्द्रबहादुर चन्दको सुरक्षामा खटिएको सशस्त्र प्रहरीको पछुवा भ्यान बा १ झ ९५२७ ले शुक्रबार बानेश्वरमा स्कुटरलाई ठक्कर दिएको थियो  । घटनाको भिडियो सार्वजनिक भएपछि ट्राफिक प्रहरीले चासो देखाएको थियो भने पूर्व प्रधानमन्त्री चन्दले पनि स्टुकर चालकलाई चोट लागेको भए भेट्न जाने बताएका थिए ।

सोमबार उक्त भ्यानका चालकलाई कारबाही गरिएको जानकारी ट्राफिक प्रहरीले दिएको छ । प्रहरीका अनुसार सवारी ऐनअनुसार सवारी चालक सन्तोष घिमिरेलाई कारबाही गरिएको हो । ट्राफिक प्रहरीका अनुसार उनलाई ५०० रुपैयाँ जरिवाना हुनेछ ।

post image

चैत १८, काठमाडौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले आइतबार साँझ आएको हावाहुरीबाट बारा र पर्सा जिल्लामा ठूलो धनजनको क्षति भएकामा दुःख व्यक्त गरेका छन् ।

अध्यक्ष दाहालले उक्त घटनामा परी ज्यान गुमाउनेप्रति शोक व्यक्त गर्दै शोकाकुल परिवारजनमा समवेदना प्रकट गरेको दाहालको सचिवालयले जनाएको छ ।

पूर्वप्रधानमन्त्री दाहालले मृतक परिवार तथा हावाहुरीबाट घरबारविहीन परिवारमा उचित क्षतिपूर्ति र घाइतेको निःशुल्क स्वास्थ्योपचारको व्यवस्था गर्न सम्बन्धित सबैमा आग्रह गरेका छन् ।

बारा र पर्सा जिल्लाका विभिन्न स्थानमा आइतबार साँझ आएको हावाहुरीबाट कम्तीमा ३१ जनाको मृत्यु र ५०० भन्दा बढी घाइते भएका थिए ।

post image

चैत १८, बारा । आइतबार साँझ आएको त्रासद आँधी हुरीबाट घाइते भएका ६१२ जना मध्ये ३४३ जना उपचारपछि घर फर्किसकेका छन् । बारा जिल्लामा २६ जना र पर्सा जिल्लामा एक जना गरी ज्यान गुमाउनेको संख्या २७ जना पुगेकोे र ६०० भन्दा बढी घाइते भएको प्रधानमन्त्री केपी शर्मा ओलीले जानकारी दिएका हुन् ।

घाइतेको उपचारमा सरकारले कुनै कसर बाँकी नराख्ने पनि प्रधानमन्त्रीले उल्लेख गरेका छन् ।

KP Sharma Oli@PM_Nepal

बारा र पर्सामा आएको त्रासद आँधी हुरीबाट ज्यान गुमाउनेको संख्या २७ पुगेको छ । घाइते हुनु भएका ६१२ जना मध्ये ३४३ जना उपचारपछि घर फर्किनु भएको छ । तत्काल राहतका लागि सामग्री सहित नेपाल प्रहरीको थप टोली बिहान पौने ५ बजे पुगेको छ । घाइतेको उपचारमा सरकारले कुनै कसर बाँकी राख्नेछैन ।

84 people are talking about this

जिल्ला प्रहरी कार्यालय बाराका अनुसार हावाहुरीबाट घर भत्किँदा बारा जिल्लाको ठेटा गाउँपालिकामा सबैभन्दा बढी मानवीय क्षति भएको छ भने तेलकुवा, सिम्रनगढ, त्रसैनी, भलुही, हार्दिया, पशुरामपुर, धर्मनगरलगायतका ठाउँमा मानवीय क्षति र धनजनको क्षति भएको बाराका प्रहरी प्रवक्ता प्रहरी नायब उपरीक्षक हेमबहादुर शाहीले बताए ।

post image

चैत १८, बिरगंज ।  प्रदेश २ सरकारले बारा र पर्सामा हावाहुरीमा परी ज्यान गुमाएकाका परिवारलाई ३ लाख दिने निर्णय गरेको छ । सोमबार विहान ७ बजे बसेको मन्त्रिपरिषद् बैठकले मृतकका परिवारलाई तत्कालको लागि राहत स्वरुप उक्त रकम दिन लागेको हो।

बैठकले घाइतेको सम्पूर्ण उपचार खर्च प्रदेश सरकारले व्यहोर्ने निर्णय गरेको प्रदेश सरकारका भौतिक पूर्वाधार मन्त्री जितेन्द्र सोनलले जानकारी दिए ।  हावाहुरीमा भएको धनजनको क्षतीको अध्ययन तथा पुननिर्माणको लागि तीन सदस्यीय अध्ययन टोली गठन गरिएको छ । जसमा आन्तरिक मामिला मन्त्री ज्ञानेन्द्र यादव, समाजिक विकास मन्त्री नवलकिशोर साह र वन मन्त्री रामनरेश राय यादव रहेका छन् ।

आइतबार साँझ आएको भीषण हावाहुरीले अहिलेसम्म बारामा २७ र पर्सामा १ गरी २८ जनाको ज्यान गएको छ भने सैयौ घाइते भएका छन् ।

post image

चैत १७, काठमाडौं । केहि समयदेखि क्यान्सर रोगबाट पिडित धादिङ् जिल्लाको उत्तरी क्षेत्रमा अवस्थित हाल गंगा-जमुना गाउँपालिका –  ३ (चिनचोक ) निबासि राजकुमारी गुरुङका १३ बर्षिय छोरा लोकेन्द्र गुरुङको उपचारका लागि सहयोग प्राप्त भएको छ । दक्षिण कोरियामा कार्यरत गुम्दी बासी दिदिबहिनी तथा दाजुभाइहरुको सहयोगमा संकलित रकम गुम्दी कल्याणकारी समाज मार्फत  हस्तान्तरण गरिएको हो  ।

गुम्दी कल्याणकारी समाजका अध्यक्ष गोबिन्द प्रसाद सिंखडाले पिडित परिवारलाई संकलित रकम रु ९४ हजार ५ रुपैयाँ सहयोग रकम हस्तानतरण गरेका थिए । आर्थिक अवस्था कमजोर भएका लोकेन्द्र गुरुङको उपचार ललितपुरस्थित नेपाल क्यान्सर अस्पतालमा भइरहेको छ । उनलाई कोरियाबाट रु ८६००० , गुम्दी कल्याणकारी समाजबाट रु ५००५ र जानकी सिंखडाबाट रु ३०००  सहयोग प्राप्त भएको यस कल्याणकारी समाजका प्रवक्ता इन्दिरा घलले जानकारी गराइन  ।

हस्तान्तरण कार्यक्रममा बोल्दै समाजका उपाध्यक्ष सन्तोष गुरुङ्ले कोरियामा कार्यरत गुम्दी बासीको मानविय कार्यको प्रशंसा गर्दै बिरामी भएका लोकेशलाई अझै सहयोग गर्न सबैलाई आग्रह गरेका छन् ।साथै क्यान्सरलगायत बिबिध रोगहरुका बारेमा जनचेतना फैलाई समयमै रोगको उपचार गर्न गराउन केन्द्र देखि स्थानीयतहसम्म जनचेतनामूलक कार्यक्रम गरेर सर्वसाधारणलाई अकालमै मृत्यु हुन बाट जोगाउनु पर्नेमा गुरुङले जोड दिए।

उक्त रकम हस्तान्तरण कार्यक्रममा गुम्दी कल्याणकारी समाजका पदाधिकारी, समाजसेवी लगायतको बाक्लो उपस्थिती रहेको थियो ।

post image

चैत १७, काठमाडौं । ओखलढुंगाको मानेभञ्ज्याङ गाउँपालिका- ६ स्थित डडुवाडाँडामा जीप दुर्घटना भएको छ।  दुर्घटनामा  ६ जनाको मृत्यु भएको छ भने ३ जना घाइते भएका छन् ।

मृतक मध्ये चार पुरुष र दुई महिला छन् । उनीहरुको सनाखत हुन सकेको छैन । सोलुखुम्वुको सोलुगुम्बाबाट काठमाडौं जाँदै गरेको बा१६च २२०७ नम्वरको स्कोरपियो मानेभञ्ज्याङ- ६ स्थित सडकबाट ५ सय मिटर तल पिपल खोलामा खसेको हर्कपुर प्रहरी चौकीले जनाएको छ । घाइतेलाई उपचारका लागि काठमाडौं ल्याइँदैछ ।

post image

चैत १७,  जनकपुरधाम । प्रदेश २ सरकारका आन्तरिक ममिला तथा कानुन मन्त्री ज्ञानेन्द्रकुमार यादवले इन्जिनियरहरू विकासको मेरुदण्ड भएको बताएका छन्। चैत १५ गते शुक्रबार जनकपुरमा आयोजित वर्कशप क्वालिटी कन्सट्रक्सन समारोहमा उनले भने, ‘इन्जिनियरहरूलाई मैले विकास निर्माणको ब्याक बोन मानेको छु।

कुनै पनि विकासमा कुशल इन्जिनियरको महत्वपूर्ण हात रहन्छ।’ कार्यक्रममा विकास निर्माणमा हुने क्वालिटीबारे व्यापक छलफल भएकोे थियो। मन्त्री यादवले गुणस्तरीय निर्माणको जिम्मेवारी बोकेका प्रदेशभरिका इन्जिनियरहरूले प्रदेशलाई मजबुतीका साथ निर्माणमा सघाउने आशा व्यक्त गरे। नेपाल इन्जिनियर्स एसोसिएसन प्रदेश २ केन्द्रले आयोजना गरेको कार्यक्रममा मन्त्री यादवले उद्योगीहरूका लागि प्रदेश सरकारको सहयोग सधैं रहने आश्वासन व्यक्त गरे।

उनले भने, ‘प्रदेश २ मा उद्योग खोले २० वर्षसम्म कुनै प्रकारको कर नलिइने व्यवस्था गरेका छौं।’ उद्योगीहरूलाई प्रदेशमा सक्रिय सहभागी गराउन त्यसका लागि विद्युत, जग्गा पनि प्रदेश सरकारले उपलब्ध गराउने बताएका थिए।

नेपाल इन्जिनियर्स एसोसिएसन प्रदेश २ का सभापति नन्दकिशोर यादवको अध्यक्षतामा भएको सो समारोहमा गुणस्तरीय निर्माणमा इन्जिनियरको भूमिकाबारे बहस भएको थियो। ३ सयभन्दा बढी इन्जिनियर सहभागी उक्त कार्यक्रममा गुणस्तरीय निर्माणमा सिमेन्टको आवश्कता र यसको महत्वमाथि समेत छलफल गरिएको अध्यक्ष यादवले जानकारी दिए।

कार्यक्रममा इन्जिनीयर ध्रुव थापाले प्रदेश सरकारले उद्योगीहरूको लागि दिएको अवसरलाई सदुपयोग गर्नुपर्ने बताए। प्रदेश सरकारको अवसर र निर्णयप्रति प्रशंसा तथा खुसी व्यक्त गर्दै उनले भने, ‘प्रदेश २ मा उद्योग सञ्चालन गर्न आतुर छौं।

कसमस सिमेन्टको आयोजनामा भएको उक्त कार्यक्रममा डा. जीवराज पोखरेलले कार्यपत्र प्रस्तुत गरेका थिए भने सोही क्रममा इ. थापाले सिमेन्टको क्वालिटीमा आधारित र त्यससम्बन्धी कार्यपत्र सहभागीसमक्ष दर्शाएका थिए। खरिद नियमावलीसम्बन्धी कार्यपत्र रत्नेश्वर कर्णले कार्यपत्र प्रस्तुत गरेका थिए। सहभागी इन्जिनियरहरूले गुणस्तरीय निर्माणमा आफू निष्ठापूवर्क लागिपर्ने प्रतिबद्धता जाहेर गरेका थिए।

post image

चैत १५ सिड्नी अस्ट्रेलिया । अस्ट्रेलियाको सहर सिड्नी बाट अल्ब तर्फ जाँदै गरेको कार दुर्घटनामा परेको छ । उक्त कारमा ५ जना नेपाली सवार थिए ।कारमा रहेका ५ जना नेपाली मध्ये एक जनाको घटनास्थलमै मृत्यु भएको छ भने अन्य चार जनाको उपचार भइरहेको छ ।

आर्यन आचार्यको घटना स्थलमै मृत्यु भएको न्यूसाउथवेल्स प्रहरीका जनाएको छ । आचार्य ५ जना सवार रहेको कारको अघिल्लो सिटमा बसेका थिए । गाडी तीव्र गतिमा भएका कारण अनियन्त्रित भई सडक छेउको रूखमा ठोकिएर दुर्घटनामा परेको थियो । उक्त रूखमा ठोकिएपछी बल्ड्याङ खाँदै दुर्घटना ग्रस्त भएको प्रहरीले जनाएको छ । बिहीबार बिहान करिब साढे सात बजेको यो घटनामा कार चालक बलराम पराजुली गम्भीर घाइते भएका छन् ।

उनको उपचार अल्बरी अस्पतालमा हुन नसकेपछि क्यानबेरा रेफर गरिएको छ । त्यहाँ उनको उपचार जारी रहेपनि स्थिति चिन्ताजनक रहेको बताइएको छ । यस्तै कारको पछिल्लो सिटमा बस्ने तीनजना अभिषेक घिमिरे, रोशन भेटवाल र विज्ञान सुवेदीको उपचार अल्बरी अस्पतालमा भइरहेको छ । घटना ह्युम हाईवे मुलेन्ड्रामा भएको हो ।

पछिल्लो सिटमा बसेका तीनैजनालाई ईमर्जेन्सी सर्भिसले कारको पछिल्लो सिटमा च्यापिएको अवस्थामा उद्धार गरेको हो । गम्भीर घाइते चालक पराजुलीलाई भने हेलिकोप्टरमार्फत अस्पताल लगिएको थियो । प्रहरीले घटनाका प्रत्यक्षदर्शी या यस विषयमा केही जानकारी भए क्राईम स्टपर्स १८०० ३३३ ००० नम्बरमा फोन गरेर जानकारी उपलब्ध गराउन पनि आह्वान गरेको छ ।

post image

चैत१४, काठमाडौं ।  काठमाडौंमा शुक्रवार र शनिवार हुन लागेको लगानी सम्मेलनका लागि प्रहरी प्रधान कार्यालयले ४ हजार २ सय भन्दा बढी प्रहरी परिचालन गर्ने भएको छ ।   ६ सय भन्दा बढी विदेशी र ३ सयभन्दा बढी स्वदेशी लगानीकर्ता सहभागी हुने सम्मेलन स्थल तथा लगानिकर्ता बस्ने निवासको सुरक्षार्थ प्रहरी प्रधान कार्यालय र महानगरीय प्रहरी कार्यालयले ठुलो संख्यामा प्रहरी परिचालन गर्न लागेको हो ।

‘सम्मेलनलाई मध्यनजर गरेर महानगरीय प्रहरी कार्यालयले ४ हजार २ सय प्लस प्रहरी कर्मचारी खटाएको  महानगरीय प्रहरी कार्यालयका प्रवक्ता (एसएसपी) श्याम ज्ञवालीले बताए।’  कालीमाटिस्थित सोल्टी क्राउन प्लाजा होटलमा आयोजना हुने सम्मेलनको उद्घाटन प्रधानमन्त्री केपी शर्मा ओलीले गर्दैछन् । सम्मेलनमा ४० मुलुकबाट उच्चस्तरिय प्रतिनिधिमण्डल सहभागी हुनेछन् ।

सम्मेलनमा सहभागी हुन आउने उच्चस्तरीय प्रतिनिधिमण्डल लाई एयरपोर्टदेखि कार्यक्रम स्थलसम्म स्कर्टिङ गर्न र सम्मेलन स्थलको सुरक्षार्थ प्रहरी प्रधान कार्यालय अन्तर्गतको सुरक्षा सेवा निर्देशनालयले प्रहरी उपरीक्षक (एसपी) दानबहादुर मल्लको कमाण्डमा विशेष टिम परिचालन गरेको छ ।

लगानी सम्मेलनका लागी विश्व बैंकका उपाध्यक्ष हार्टवीग स्याफर, म्यानमारका लगानी तथा विदेश आर्थिक सम्बन्ध मन्त्री यू थाउङ टुन, अन्तर्राष्ट्रिय वित्त निगमका आर्थिक तथा निजी क्षेत्र विकाससम्बन्धी उपाध्यक्ष हान्स पिटर लंकेस, एशियाली पूर्वाधार लगानी बैंकका लगानी तथा कार्यसञ्चालन उपाध्यक्ष डोङ ली नेपाल आउने भएका छन् ।

त्यस्तै एसियाली विकास बैंकका उपाध्यक्ष सिजिन चेन, विश्व बैंकको लगानी प्रत्याभूति सम्बन्धी निकायका उपाध्यक्ष केइको होण्डा नेपाल आउँदैन् ।  पावर चाइना, अमेजन, माईक्रोसफ्ट, चाइना रेलवे, डाबर र युनिलिभर लगायतका विश्वप्रसिद्ध कम्पनीहरुका उच्चपदस्थ प्रतिनिधिहरु पनि सम्मेलमा सहभागी हुने अर्थ मन्त्रालयले जनाएको छ ।

महानगरीय प्रहरी कार्यालयका प्रमुख (डिआईजी) शैलेश थापा क्षेत्रीले सम्मेलनको सुरक्षा मनिटरिङ गर्नेगरी सुरक्षा व्यवस्था मिलाएको बताइएको छ ।  सम्मेलनमा सहभागी हुने आउने लगानीकर्ताहरुलाई  काठमाडौंका १९ ओटा र ललितपुरका ३ ओटा  होलटमा बस्ने व्यवस्था सरकारले मिलाएको छ ।

काठमाडौं र ललितपुरका तारे होटल तथा बुटिक होटलहरुमा लगानीकर्ताहरु बस्नेछन् । बौद्ध, ठमेल, लाजिम्पाट र दरबारमार्गका होटलहरु जहाँ लगानीकर्ता बस्नेछन् ति होटलहरुमा प्रहरी परिचालन गरिसकिएको छ ।

महानगरीय प्रहरी परिसर काठमाडौंका प्रमुख (एसएसपी) वसन्त लामाको मनिटरिङमा काठमाडौं प्रहरीले १०९ स्थानमा पिकेट, २३ ओटा मोवाईल, १९ स्थानमा कर्डन ड्युटी र २२ स्थानमा पैदल गस्ती गर्नेगरी सुरक्षा ब्यवस्था मिलाएको छ ।

सुरक्षा निकायले लगानी सम्मेलनमा नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी मुख्य चुनौतिको रुपमा रहेको आँकलन गरेको छ । शनिबार ‘विप्लव समुह’ले गर्ने भनिएको नेपाल बन्द फिर्ता लिएसँगै सम्मेलनमा उक्त चुनौती समाप्त भएको नेपाल प्रहरीका एक उच्च अधिकृतले जानकारी दिए ।

post image

चैत १४, काठमाडौं । लुम्बिनी संरक्षणको माग गर्दै सर्वोच्च अदालतमा रिट दर्ता गरिएको छ। विश्व सम्पदा क्षेत्रमा सूचीकृत भगवान गौतम बुद्धको जन्मस्थलमा प्रतिकूल असर पर्नेगरि उद्योग दर्ता गरेको भन्दै औद्योगिक प्रदूषणबाट त्यस क्षेत्रमा गम्भीर असर पर्ने रिटमा उल्लेख गरिएको छ।

रिट निवेदकहरूले ऐतिहासिक, पुरातात्विक र धार्मिक क्षेत्रको संरक्षणको जिम्मा सरकारको भए तापनि ब्रह्माण्डको अतुलनीय मूल्य रहेको स्थानको संरक्षणमा प्रतिकूल असर पर्ने गरी निजी स्वार्थपूर्तिका लागि त्यस क्षेत्रमा उद्योग सञ्चालन गर्न दिएको र शान्तिको खोजी गर्दै लुम्बिनी पुग्ने धर्मावलम्बीहरू त्यहाँको प्रदूषित वातावरणले निसासिएर फर्कन बाध्य भएको उल्लेख गरेका छन्।

लुम्बिनी क्षेत्रमा रहेका ६१ भन्दा बढी उद्योगहरूबाट निस्कने धुवाँ र रसायनिक पदार्थले त्यस क्षेत्रमा रहेका ऐतिहासिक धरोहरमा मात्रै नभई जैविक विविधता र मानिसको स्वास्थ्यमा समेत प्रतिकूल असर पर्नेतर्फ सचेत गराइएको छ।  रिटमा ऐतिहासिक अशोक स्तम्भको संरक्षणको माग समेत गरिएको छ। अशोक स्तम्भ मक्किँदै गएको र प्रदूषणका कारण स्तम्भ झनै कमजोर हुँदै गएको निवेदकहरूले उल्लेख गरेका छन्।

निवेदकहरूले महत्त्वपूर्ण सम्पदा रहेका क्षेत्रमा पर्यटकीय र कुटीर उद्योगहरू स्थापना गर्नुपर्ने माग गरेका छन्।

सम्पदा संरक्षण अभियनताहरुको तर्फबाट दायर उक्त रिटमा प्रधानमन्त्री तथा मन्त्री परिषद्को कार्यालय, उद्योग वाणिज्य तथा आपूर्ति मन्त्रालय, वन तथा वातावरण मन्त्रालय, संस्कृति पर्यटन तथा नागरिक उड्डयन मन्त्रालय,अर्थ मन्त्रालय, भौतिक पूर्वाधार तथा यातायात मन्त्रालय, उद्योग विभाग, सडक विभाग, लुम्बिनी विकास कोष, जिल्ला प्रशासन कार्यालय रुपन्देही, नेपाल नेशनल कमिसन फर युनेस्को, पुरात्तव विभाग, राष्ट्रिय निकुञ्ज तथा वन्यजन्तु संरक्षण विभागलाई विपक्षी बनाइएको छ।निवेदनमा दर्जनभन्दा बढी उद्योगहरूलाई पनि विपक्षी बनाइएको छ।

post image

चैत १३, काठमाडौं । अस्थायी/करार शिक्षक राष्ट्रिय संघर्ष समितिले काठमाडौँस्थित भद्रकालीमा धर्ना दिरहेको छ  । अस्थायी शिक्षकलाई स्थायी गर्नुपर्ने माग राख्दै सडक संघर्ष गर्दै आएको अस्थायी/करार शिक्षक राष्ट्रिय संघर्ष समितिले आफ्ना माग पुरा नगरेसम्म धर्ना कार्यक्रम जारी राख्ने बताएको छ ।

सोहि कार्यक्रममा बोल्दै पुनरुत्थानवादी शक्ति नेपालका नेता शेखरजंग रायमाझीले अस्थायी/करार शिक्षकको माग पुरा गरेर उनीहरुलाई स्थायी गराउन सरकारसंग माग राख्नुभएको छ । वहाँले भन्नुभयो “यी वर्तमान सत्ताधारीहरु, बिदेशीका मतियार, भाडाका टट्टूहरु हुन् , यिनको चरित्र दलाल प्रवृतिको छ ,यिनले शिक्षकहरुको न्यायिक माग पुरा गरुन, यदि शिक्षकमाथि अन्याय अत्याचार गरिरहन्छ भने पुनरुत्थानवादी शक्तिले देशभरि बाटै आफ्ना सदस्य तथा आम सर्वसाधारणलाई उठाई यस्ता दलाल चरित्रका गणतन्त्रात्मक लोकतन्त्रलाई ध्वंश गरी शिक्षकहरुको माग पुरा गर्ने छौं ।”

त्यस्तै वाहले सिके राउतलाई बिखन्डनको लाइसेन्स दिने र विप्लब माओवादीलाई प्रतिबन्द गरी सर्वसाधारणको ध्यान आफ्नो भ्रष्टाचार र असक्षमता छोप्ने प्रयत्न गरेको आरोप लगाउनुभयो । तसर्थ अब  यो सत्ता तुरुन्तै अपदस्थ नगर्ने हो भने देश भड़कालोमा पर्ने अवस्था छ । अब सर्वसाधारणहरु जाग्ने जुर्मुराउने बेला आएको छ ।

 

post image

चैत १३ , काठमाडौं । सन् २०१९ मा घुम्नैपर्ने विश्वका उत्कृष्ट २५ पर्यटकीय गन्तव्यको सूचीमा काठमाडौं १९औँ स्थानमा परेको छ । अमेरिकी ‘ट्राभल साइट’ ट्रिप एडभाइजर डटकमले नेपालको राजधानीलाई यो वर्ष भ्रमण गर्नैपर्ने १९ औँ उत्कृष्ट पर्यटकीय गन्तव्यको सूचीमा समावेश गरेको हो ।

ट्रिप एडभाइजर डटकमले काठमाडौँ उपत्यका र आसपासका धार्मिक एवं ऐतिहासकस्थल, वास्तुकलायुक्त अनुपम भवन, सङ्ग्रहालय, मठमन्दिर, चन्द्रागिरि, नगरकोट, शिवपुरी निकुञ्ज, विभिन्न उद्यानका साथै विश्व सम्पदा सूचीमा सूचीकृतस्थल हरेक यात्रीले हेर्नैपर्ने स्थानका रुपमा समावेश गरेको छ ।

बौद्धनाथ, कपन गुम्बा, पशुपतिनाथ, केशरमहलस्थित स्वप्न उद्यान, काठमाडौँ, ललितपुर, भक्तपुर दरबार क्षेत्रका साथै ठमेललगायत स्थानलाई दर्शनीयस्थलका रुपमा उक्त साइटमा चित्रण गरिएको छ ।

संयुक्त अधिराज्यको राजधानी लण्डनलाई पहिलो नम्बरमा समावेश गरिएको छ भने फ्रान्सको प्यारिस दोस्रो, इटलीको रोम तेस्रो, ग्रीसको क्रेट चौथो र इण्डोनेशियाको बाली पाँचौ नम्बरमा छन् । उक्त साइटले घुम्नैपर्ने शहरको सूचीमा दुबईलाई १०औं र संयुृक्त राज्य अमेरिकाको महानगर न्यूयोर्कलाई १३औँ स्थानमा राखेको छ ।

post image

चैत १२, काठमाडौं । गौतमबुद्ध जन्मस्थल लुम्बिनीमा दुई दिने अन्तर्राष्ट्रिय सम्मेलन सुरू भएको छ। ‘दक्षिण एसियामा शान्ति र मेलमिलापका लागि धर्म र संस्कृतिको भूमिका’ विषयक अन्तर्राष्ट्रिय सम्मेलन सुरू भएको हो।

लुम्बिनी विकास कोष, नेपाल सरकार र विनचेस्टर विश्वविद्यालय बेलायतको संयुक्त आयोजनामा सुरू भएको सम्मेलनमा १५ वटा मुलुकका २४ जना विज्ञहरूले कार्यपत्र प्रस्तुत गर्दैछन्।

लुम्बिनीलाई अन्तर्राष्ट्रिय शान्ति केन्द्रको रूपमा विकास गर्ने उद्देश्य राखेर आयोजना गरिएको कार्यक्रममा बेलायत, क्यानडा, बंगलादेश, नेदरल्याण्ड, इन्डोनेसिया,  श्रीलंका, भारत र नेपालका विज्ञहरू सहभागी रहेका छन्।

सम्मेलनमा विभिन्न मुलुकहरूले द्वन्द्वको अन्त्यका लागि गरेका प्रयास, धार्मिक तथा साम्प्रदायिक युद्धहरूको समाधानका उपाय लगायतका विषयमा छलफल हुनेछ।

सम्मेलनमा ‘शान्ति स्थापनामा बुद्धिजमको महत्व’ विषयमा केन्ट विश्वविद्यालयका प्रोफसर ह्युग मियल, ‘श्रीलंकामा युद्धपछिको धार्मिक कट्टरता’का विषयमा बेलायतका चास मोरिसन, ‘नेपालको धर्मनिरपेक्षता र दीगो धार्मिक सहिष्णुता’का विषयमा डाक्टर योगी सिंहनाथ लगायतले कार्यपत्र प्रस्तुत गर्ने कार्यक्रम छ।

बुधबार लुम्बिनी घोषणापत्र जारी गर्दै सम्मेलन समापन हुने लुम्बिनी विकास कोषका उपाध्यक्ष भिक्षु मेत्तेय शाक्यपुत्तले जानकारी दिए।

post image

चैत १२, काठमाडौं । चाल्नाखेलमा बस दुर्घटना हुँदा २४ जना घाइते भएका छन् । आज बिहान ७ बजे चाल्नाखेलस्थित हात्तीवनमा दुर्घटना हुँदा २४ यात्रु घाइते भएका हुन् ।

पुरानो बसपार्कदेखि दक्षिणकाली रुटमा चल्ने ना३ख १४४४ नंको यात्रुवाहक बस फर्पिङबाट पुरानो बसपार्क आउने क्रममा दुर्घटना भएको हो ।

महानगरीय ट्राफिक प्रहरी महाशाखाका प्रहरी नायब उपरीक्षक कृष्णदत्त भट्टका अनुसार बस हिलो सडकमा चिप्लिएर दुर्घटना भएको हो ।

दुर्घटनामा घाइते भएका २४ मध्ये १२ को मनमोहन अस्पताल स्वयम्भू र १२ जनाको वयोधा अस्पताल बल्खुमा उपचार भइरहेको छ । घाइतेको अवस्था भने सामान्य रहेको प्रहरीले जनाएको छ ।

post image

 चैत १२, बुटवल । बुटवल उपमहानगरपालिकाले अपांगता भएका व्यक्तिलाई परिचयपत्र वितरण सुरु गरेको छ । बुटवल उपमहानगरपालिका-५, का १२ वर्षीया सोनाज बानु, ७ वर्षीय आयान खान र वडानम्बर ३ का चार बर्षिय देवांशराज कसजूलाई परिचय पत्र वितरण गरिएको छ ।

उपमहानगरले अपांगता परिचयपत्र कार्यविधि-२०७५ जारी गरेसँगै परिचयपत्र वितरण सुरु गरेको हो ।उपमहानगरकी उपप्रमुख तथा अपांगता नगर समन्वय समिति संयोजक गुमादेवी आचार्यले परिचयपत्रका आधारमा उनीहरुले राज्यबाट पाउनुपर्ने सेवा सुविधा सहजरुपमा प्राप्त गर्न सक्ने बताइन् ।

अपांगता भएका व्यक्तिको अधिकार सम्बन्धी ऐन र अन्तर्राष्ट्रिय महासन्धिलाई अझ व्यवहारिक एवम् प्रभावकारी बनाउने गरी बुटवल उपमहानगरले कार्यविधि बनाएको उनको भनाइ छ ।

बुटवल उपमहनगरमा विभिन्न अवस्थाका गरी करिब एक हजार ७०० जना अपाङ्गता भएका व्यक्तिहरु रहेको अनुमान गरिएको छ ।

उपमहानगरले अपांगताको अवस्था बमोजिम रातो, निलो, पहेँलो र सेतो गरी चार रंगका परिचय पत्र वितरण गर्ने छ । यसका लागि वडा कार्यालयको सिफारिससहित तोकिएको ढाँचोको फारम भरेर उपमहानगरको सम्बन्धित शाखाले प्रत्येक सोमबार यस्तो परिचय पत्र वितरण गर्नेगरी तालिका तय गरिएको समावेशीकरण तथा मूल प्रवाहीकरण शाखाका सदस्य सचिव दामोदर ज्ञवालीले बताए ।

post image

 चैत १२, दाङ । दाङमा एक नाबालिकाको जलेर मृत्यु भएको छ । जिल्ला प्रहरी कार्यालय दाङका प्रवक्ता प्रहरी नायब उपरीक्षक विनोद विक्रम शाहका अनुसार राप्ती गाउँपालिका-१ बगाहसोती निवासी हिमाल राना मगरकी एक महीनाकी छोरी सङ्गीताको जलेर मृत्यु भएको हो ।

प्रहरी नायब उपरीक्षक शाहले हिमालका अन्दाजी ४ वर्षीय छोरा अमितले उनकी बहिनी सङ्गीता सुतिरहेको कपडामा खेल्ने क्रममा आइतबार बेलुका ७.३० बजे सलाइ कोर्दा आगलागी भएको र जलेर गम्भीर घाइते भएकी नाबालिकाको लुम्बिनी प्रादेशिक अस्पताल बुटवलमा उपचारका क्रममा मृत्यु भएको जानकारी दिए ।

post image

चैत ११, काठमाडौं । आजदेखि बुधबारसम्म पानी पर्ने र  हिमाली र उच्च पहाडी क्षेत्रमा हिमपातको सम्भावना रहेको जल तथा मौसम विज्ञान विमागले पूर्वानुमान गरेको छ । मेडिटेरानियन सीबाट नेपाल आएको जलवाष्पयुत्त हावाका कारण सोमबार पश्चिमी क्षेत्रमा, मंगलबार देशभरी र बुधबार पूर्वी क्षेत्रमा वर्षा हुने मौसमविदले जनाएका छन् ।

आज देशको पश्चिमी भूभागमा र अन्य पहाडी भूभागहरुमा सामान्य देखि पूर्ण बदली रहि बाँकी भूभागहरुमा आंशिक बदली रहने र पश्चिमी भेगका केही स्थान, अन्य  पहाडी भेगका केही स्थानहरुमा मेघ गर्जन सहितको छिटपुट देखि हल्का वर्षाको संभावना छ ।

यस्तै पश्चिमी उच्च पहाडी र हिमाली भेगका केहि  स्थानहरुमा र मध्य र पूर्वी  उच्च पहाडी र हिमाली भेगका थोरै  स्थानहरुमा हल्कादेखि मध्यम  हिमपातको सम्भावना छ । निरन्तर झरी पर्ने नभई वर्षा हुने र रोकिने क्रम हुने, हावाहुरी सहित पानी पर्ने संभावना  रहेको मौसमविद नगरकोटीको भनाई छ ।

आज राती पनि देशको पहाडी भूभागहरुमा सामान्य देखि पूर्ण बदली रहने र पश्चिमी भेगका केहि  स्थान तथा अन्य  पहाडी भेगका थोरै  स्थानहरुमा मेघ गर्जन सहितको छिटपुट देखि हल्का वर्षाको संभावना रहेको विभागले जनाएको छ ।

भोलि पनि देशका अधिकांश स्थानहरूमा सामान्य देखि पूर्ण बदली रहि पहाडी भूभागहरूमा मेघ गर्जन सहितको छिटपुट देखि हल्का वर्षाको संभावना छ । उच्च पहाडी र हिमाली क्षेत्रहरूमा हिमपातको सम्भावना छ ।

पर्सी बुधबार पनि देशको पूर्वी भेगका थोरै स्थानहरुमा र अन्य  पहाडी भेगका केही स्थानमा मेघ गर्जन सहितको छिटपुट देखि हल्का वर्षाको संभावना छ ।  पूर्वी  उच्च पहाडी र हिमाली भेगका केहि  स्थानहरुमा र मध्य र पश्चिमी  उच्च पहाडी र हिमाली भेगका केही स्थानहरुमा हिमपातको सम्भावना रहेको विभागले जनाएको छ ।

post image

 चैत ८, जनकपुरधाम । होली मनाउने क्रममा जनकपुरधाममा प्रहरीको गाडीको ठक्कर बाट एक युवक घाइते भएका छन् ।  जनकपुर उपमहानगरपालिका-४ स्थित राम चोकमा प्रहरीको भ्यानले ठक्कर दिदा होली मनाइरहेका सन्दीप यादव गम्भीर घाइते भएका हुन् ।

२० वर्षीय यादवको जनकपुरमा उपचार हुन नसकेपछि बीपी कोइराला स्वास्थ्य विज्ञान प्रतिष्ठान धरान पठाइएको छ । प्रहरीकै भ्यानले ठक्कर दिएपछि स्थानीयहरुले उक्त गाडीमा तोड्फोड समेत गरेका छन् ।

बुधबार पहाडी जिल्ला, बिहीबार मधेशका जिल्लामा होली पर्व मनाए पनि जनकपुरमा भने शुक्रबार यो पर्व मनाइँदैछ ।

post image

 चैत ८, धम्बोझी । बर्दियाको बारबर्दिया नगरपालिका-६ सोनपुरदेखि जोगनपुरसम्म सडक खन्ने क्रममा चाँदी र तामाका सिक्का फेला परेको छ । माटोको घैंटोमा राखिएको ५४ मिलिग्राम बराबरको पाँच थान चाँदीका सिक्का र सात केजी दुई सय ग्रामको तामाको सिक्का फेला परेको हो ।

सडकलाई स्काभेटरबाट खन्दा करिब तीन फिट गहिराइमा चाँदीका सिक्का र तामाका सिक्का फेला परेको प्रहरी नायब उपरीक्षक मदनजित महराले  बताए । ती सिक्का १३ औँ देखि १७ औँ शताब्दीको मुगलकालीन शासनकालका सिक्का हुनसक्ने प्रहरीले जनाएको छ ।

‘नयाँ मुलुक’ बर्दियामा मुगल शासनकालमा चोरी डकैतीका त्रासले माटोमुनि ती सिक्का गाडिएको हुनसक्ने अनुमान गरिएको छ । सडक खन्ने क्रममा चाँदीका केही सिक्का गाउँलेले लुकाएको पनि प्रहरीले जनाएको छ । तामा र चाँदीका सिक्का अनुसन्धानका लागि पुरातात्विक विभागमा पठाइएको प्रहरीले जनाएको छ ।

post image

चैत ८, काठमाडौं ।  सम्पूर्ण नीति धर्म तथा शास्त्रको सार परोपकार हो । परोपकार भन्नाले अरूको भलाई/उपकार भन्ने बुझिन्छ । अरूको कल्याण सोच्चु, रोगीलाई उपचार गर्नू, भोकालाई भोजन दिनु नाङ्गालाई लगाउने कपडा दिनु, अनाथ तथा दीन दुःखीको गाँस, बाँस र कपासको व्यवस्था गर्नु अशिक्षितलाई शिक्षा प्रदान गर्नु आवश्यकता अनुसारको विद्यादान, अन्नदान, जलदान आदि गर्न पाटी, पौवा र धर्मशाला निर्माण गर्नु आदि पर्दछन् । ती सबै मध्ये सबै भन्दा महत्वपूर्ण परोपकार अनाथ बालबालिकाहरूको सेवा गर्नु हो ।

यही सेवाको भाव राखी विगत विगत ८ वर्ष देखि मातापिता गुमाएका, विभिन्न रोगबाट ग्रसित भएका संरक्षक विहीन अनाथ बालबालिकाहरूलाई निरन्तर रूपमा सेवा दिदै आएको संस्था ” माया घर (अनाथ बाल आश्रम) “अहिले कीर्तिपर न.पा.-४, भत्केपाटीमा सञ्चालन भईरहेको छ ।

यस आश्रमको आफ्नै भौतिक संरचना, आवास गृह तथा कुनै स्थायी आयश्रोत र कोष नभएको हुनाले कदम-कदममा आर्थिक अभाव र कठिनाइहरुको सामना गरिरहनु परेको छ ।

 यिनै कठिनाइहरुलाई मध्यनजर गर्दै आश्रम को आफ्नै आवास भवन निर्माणका साथै बालगृहको नाममा अक्षय कोषको स्थापना गरी बालबालिकाहरुको उज्वल भविष्य सुनिश्चित गर्नका लागि आगामी चैत ११ गते देखि १९ गतेसम्म श्रीमद भागवत धन धान्याचल ज्ञान महायज्ञको आयोजना गर्ने भएको छ ।

यो श्रीमद भागवत, माया घर (अनाथ बाल आश्रम) र स्थानीय वासिन्दाहरुको संयुक्त तत्वावधानमा प्रसिद्ध पं. ज्यो. डा. केदारनाथ अधिकारी ज्यूको समुन्वयमा हुन गइरहेको छ  ।

भवनको निर्माण गरी आश्रमको नाममा बालबालिकाको उच्च शिक्षा सम्मको लागि अक्षयकोषको स्थापना गरि उनीहरूको उज्वल भविष्यको निर्माण गरि आश्रित अनाथाहरूलाई  दक्ष र कर्मठ नागरिक बनाउनु प्रमुख उदेश्य रहेको संस्थाका अध्यक्ष दुर्गा पौडेल आचार्यले  जानकारी गराउनुभयो।

आचार्यले भन्नु भयो , यो यज्ञ तपाई हामी सबैको यज्ञ हो र हाम्रो संकल्प पनि उत्साहका साथ सम्पन्न गर्ने जिम्मेवारी र दायित्व हामी सबैको हो । यस यज्ञमा तपाई आफै मूल कर्ता र अभियान्ता बन्न सक्नु हुने छ । अमृतमय भागवत कथा श्रवण तथा आफनो ठाउँबाट मन, वचन र कर्मद्वारा सहयोग को लागि सम्पूर्ण धर्मानुरागी दाजुभाई, दिदीबहिनी, आमाबुबा तथा सम्पूर्ण सज्जन भक्तहरूमा हार्दिक अपिल गर्दछौं ।

यज्ञ का कार्यक्रम यस प्रकार रहने छ ।

२०७५ चैत ११ गते

विहान ११:०० बजे देखि दिउँसो १:०० बजे सम्म कलश यात्रा

 दिउँसो १:०० बजे देखि ३:०० बजे सम्म  – उद्घाटन सत्र

दिउँसो ३:०० बजे देखि ५:०० बजे सम्म  – प्रथम दिवसीय कथा प्रारम्भ

२०७५ चैत १२ गते देखि १८ गते सम्म

 विहान ६-०० बजे देखि ८:३० बजे सम्म  –  श्रीमद्भागवत पाठ पारायण

विहान १०:०० बजे देखि १:०० बजे सम्म –   साङ्गितिक कथा सत्र

दिउँसो १:०० बजे देखि २:०० बजे सम्म   –  सम्मान तथा प्रमाण-पत्र वितरण

दिउँसो २०० बजे देखि ४:00 बजे सम्म  –    कथा प्रवचन

साँझ ४:०० बजे देवि ५:०० बजे सम्म  –   पुनः सम्मान तथा दाता हरुको नाम प्रशारण

साँझ ५:०० बजे देखि ६:०० बजे सम्म  –  भोजन, जलपान

बेलुका ६:०० बजे देखि ८: ०० बजे सम्म  –   सन्ध्याकालिन सत्र

२०७५ चैत १२ गते देखि १९ गते सम्म

समापन समारोह पूर्णाहुति, विभिन्न धार्मिक तथा सामाजिक कार्यकर्ताहरूद्वारा सम्बोधन, मान सम्मान र विदाई कार्यक्रम ।

कार्यक्रमस्थल

माथा घर अनाथ बाल आश्रम) किर्तिपुर नगरपालिका – ४ , भत्केपाटी

फोन नं : ९८४१७१२६६३

post image

चैत ७, काठमाडौं । काठमाडौँ उपत्यकाका विभिन्न स्थानमा होली खेल्ने क्रममा भएको दुर्घटनामा परी दुईको मृत्यु भएको र तीन सख्त घाइते भएका छन्।

होली पर्वमा जथाभावी सवारी साधन चलाउँदा स्वयम्भु र सातदोबाटोमा भएको दुर्घटनामा दुईको मृत्यु भएको र तीनको अवस्था जटिल छ। ती दुर्घटनामा काठमाडौँ कीर्तिपुरका ३१ वर्षीय सुनील शाही र ललितपुर गोदावरीका १७ वर्षीय सचिन श्रेष्ठको मृत्यु भएको हो।

महानगरीय ट्राफिक प्रहरी महाशाखाका प्रमुख एवं प्रहरी वरिष्ठ उपरीक्षक वसन्त पन्तले घाइतेहरूको स्वयम्भुस्थित मनमोहन मेमोरियल अस्पताल र सातदोबाटोस्थित सुमेरु अस्पतालमा उपचार भइरहेको जानकारी दिए। होलीमा बुधबार मात्र काठमाडौँ उपत्यकाका स्थानमा १० दुर्घटना भएका थिए।

गत वर्षको होलीमा २२ सवारी साधान दुर्घटनामा हुँदा १८ घाइते भएका थिए ।ट्राफिक प्रहरीले बुधबार होलीमा उपत्यकाभित्र जथाभावी रुपमा सवारीसाधन चलाउने ९१८ चालकलाई कारवाहीसमेत गरेको छ। तीमध्ये ९०५ दुईपाङ्ग्रे र १३ चारपाङ्ग्रे सवारीसाधनका चालक कारवाहीमा परेका छन्। रासस

post image

चैत ६, कञ्चनपुर । १३ बर्षिया बालिका निर्मला पन्तको बलात्कार र हत्या प्रकरणमा प्रमाण नष्ट गरेको र यातना दिएको अभियोग लागेका कञ्चनपुरका पुर्व प्रहरी प्रमुख (एसपी)  दिल्लीराज बिष्ट अदालतमा उपस्थित भएका छन् । उनी स्वयं अदालतमा उपस्थित भएपछि कञ्चनपुर जिल्ला अदालतमा बिष्टको बयान सुरु भएको हो । निर्मला पन्तकी आमा दुर्गादेवी पन्तले तत्कालिन कञ्चनपुरका प्रहरी प्रमुख एसपी बिष्ट सहितका आठ प्रहरी बिरुद्ध परेको सार्वजनिक न्याय कसुर मुद्दामा एसपी बिष्ट स्वयं आदालतमा उपस्थित भएका थिए ।

कञ्चनपुर जिल्ला अदालतले फागुन २६ गते विष्टलाई ३५ दिनभित्रमा अदालतमा उपस्थित हुन म्याद जारी गरेको थियो । म्याद जारी भएको १० दिनपटि मात्र बिष्ट अदालतमा उपस्थित भएका हुन् । मंगलबार बिहान करिब ११ बजेतिर आदालतमा उपस्थित भएका बिष्टको दिउँसो बयान सुरु भएको थियो । जिल्ला न्यायाधिश डा।राजेन्द्र कुमार श्रेष्ठको उपस्थितिमा आदालतका कर्मचारीले एसपी विष्टको बयान शुरु भएपनि बयान नै नसकिएपछि उनी प्रहरी नियन्त्रणमा छन् ।

कञ्चनपुर जिल्ला अदालतका श्रेष्तेदार हरिकृष्ण अवस्थीले आदालतमा हाजिर भएका पुर्व एसपी विष्टको बयान नसकिएको बताए । उनको बयान नसकिएपछि आदालतले उनलाई प्रहरीको जिम्मा लगाएको श्रेष्तेदार अवस्थीले बताए । बुधबार बयान सकेर थुनछेक बहस हुने आदालतले जनाएको छ । विष्टको मंगलबार यातना कसुर सम्बन्धी मुद्वाको मात्रै बयान लिने काम भएको अदालतले जनाएको छ । प्रमाण नष्ट गरेको मुद्वाको बयान लिन बाँकी नै रहेको छ ।

अर्को मुद्वाको समेत बयान लिने काम सकिएपछि इजलासमा थुनछेक बहस शुरु हुने श्रेष्तेदार अवस्थीले बताए । थुनछेक बहस भइ इजलासको आदेश नआएसम्म अदालतमा उपस्थित भएका विष्ट प्रहरी हिरासतमा नै रहने छन् भने उनीहरुलाई नै सार्वजनिक कसुर मुद्दामा पुर्व डिएसपी सेठी र पुर्व प्रहरी निरीक्षक खड्काबाट चार–चार लाख गरि सेठी र खडकाबाट ९–९ लाख रुपैयाँ अशुल्न आदेश जारी गरेको हो ।

post image

चैत ६, काठमाडौं हिमाली पहाडी जिल्लाहरुमा बुधबार हर्षोल्लासका साथ होली मनाइँदैछ तराई मधेसका जिल्लामा भने भोलिपल्ट होली मनाइन्छ यी दुवै दिनहरुमा सरकारले सार्वजनिक विदा दिएको विभिन्न रङ, अबिर लोला खेलेर होली मनाउने परम्परा आपसमा खुसी साटासाट गर्दै मनाइने यो पर्वको बेग्लै धार्मिक, साँस्कृति सामाजिक महत्व होली पर्वलाई मेलमिलाप सदभावको पर्वको रुपमा पनि लिइन्छ

पहाडी तथा हिमाली जिल्लाहरुमा होली मनाइएको भोलिपल्ट तराइमा होली पर्व मनाउने गरिन्छ। होली पर्व मनाउन सरकारले भोलि तराईका जिल्लामा सार्वजनिक विदा दिएको छ। रङहरुको पर्व होली उपत्यका सहित पहाडी जिल्लाहरुमा आज आपसी सद्भाव उत्साह हर्सोल्लासका साथ मनाईदै आइएको असत्यमाथि सत्यको जित भएको दिनको संझनामा होली पर्व मनाउन थालिएको पौराणिक कथन काठमाण्डौको बसन्तपुरमा  एक साता अघि विधीपूर्वक चिर ठड्याएपछि होलीपर्वको औपचारिक शुरुवात भएको थियो असत्यमाथि सत्यको जीत भएको सुचकका रुपमा ठड्याइएको चीरलाई आज टुँडीखेलमा विर्सजन गर्ने चलन

 सत्ययुगमा भगवान विष्णुका परम भक्त प्रहलादसंग होलीलाई जोडेर हेरिन्छ, हिरण्यकश्यपुका पुत्र प्रल्हादलाई उनको आफ्नै फुपु होलिकाले आगोमा भष्म पार्न लाग्दा उनि आाफै भष्म भएको दिनको सम्झनामा आजको दिनलमाई होलिका दहन वा  होली भनि नामाकरण गरेको धार्मिक कथन होलीका अवसरमा युवा युवतीहरु समूह बनाएर एक आपसमा रंङ लगाई रमाइलो गर्ने गर्छन

 

post image

चैत ५,मुग्लिन। मुग्लिनबाट नारायणगढतर्फ जाँदै गरेको ना६ख १४४ नंको ट्रक नारायणगढ–मुग्लिन सडकखण्डअन्तर्गत चितवनको इच्छाकामना–५ स्थित २ नं पुलबाट आज बिहान ७ बजे त्रिशुली नदी किनारमा खस्दा एकको मृत्यु भएको इलाका प्रहरी कार्यालय मुग्लिनले जानकारी दिएको छ।

दुर्घटनामा परी अन्य चार घाइते भएका छन्। घाइतेलाई उद्धार गरी उपचारका लागि भरतपुर अस्पताल लगिएको छ। घाइतेमध्ये दुई महिला रहेका छन्।

प्रहरीका अनुसार मृतकको परिचय खुल्न खुलेको छैन। ट्रक पुलबाट ५० मिटर तल त्रिशूली नदी किनारमा खसेको थियो । दुर्घटनाको कारण खुल्न सकेको छैन। दुर्घटनाबारे थप अनुसन्धान भइरहेको इलाका प्रहरी कार्यालय मुग्लिनले जनाएको छ। रासस

post image

चैत ४, काठमाडौँ । पूर्वी चितवनको भण्डाराबाट नारायणगढतर्फ आउँदै गरेको बोलेरोले निपनी चोकमा आज विहान ठक्कर दिँदा एक पैदलयात्रीको मृत्यु भएको छ । मृत्यु हुनेमा रत्ननगर नगरपालिका–१० कैलाशटोलका १६ वर्षीय वसन्त थापा रहेका जिल्ला प्रहरी कार्यालय चितवनले जनाएको छ ।

ना ४ च ५००७ नम्बरको बोलेरोले रत्ननगर नगरपालिका–१० निपनी चोकमा दिएको ठक्करबाट गम्भीर घाइते भएका थापाको उपचारका क्रममा चितवन मेडिकल कलेजमा मृत्यु भएको प्रहरीले जनाएको छ । थापालाई ठक्कर दिने वोलेरो र चालक ईलाका प्रहरी कार्यालय रत्ननगरको नियन्त्रणमा रहेको छ ।

नगरपालिकामा कर संकलन अभियान रत्ननगर नगरपालिकाले अधिकांश वडामा कर संकलन अभियान सुरु गरेको छ । नगरपालिकाले चालू आर्थिक वर्षका लागि रु ११ करोड राजश्व संकलन गर्ने लक्ष्य लिएको थियो । सो लक्ष्य पूरा गर्नका लागि नगरपालिकाले अधिकांश वडामा कर संकलन अभियान सुरु गरेको हो ।

कर संकलन अभियानअन्तर्गत जनप्रतिनिधिसहितको टोलीले रत्ननगर बजार क्षेत्रमा आइतवारदेखि घरदैलो अभियान सुरु गरेको नगरपालिकाका प्रमुख नारायण वनले बताए । लक्ष्यअनुुसार कर संकलन हुन नसके विनियोजित बजेटमा असन्तुल भई विकासमा असर पुग्ने भएकाले कर बुझाउन सम्बन्धीत सबैमा नगरपालिकाका उपप्रमुख विमला दुवाडीले अनुरोध गरे ।

post image

चैत ४, काठमाडौं । दिपायलबाट धनगढीतर्फ आइरहेको माइक्रो बस दुर्घटना हुँदा १० जना घाइते भएका छन्।दिपालय सिलगढीबाट धनगढी जाँदै गरेको बा२ख १६६५ नम्बरको सुदूरपश्चिम यातायातको हाइस सोमबार बिहान १० : ३० बजेतिर दुर्घटनामा परेको हो।

घाइते मध्ये २ जनाको अवस्था गम्भीर रहेको क्षेत्रीय ट्राफिक प्रहरी कार्यालय अत्तरियाले जनाएको छ।डडेल्धुराको गन्यापधुरा गाउँपालिका वडा नम्वर २ गुयलीखेतमा बा २ ख १६६२ नम्वरको माइक्रोबस दुर्घटना भएको हो। दुर्घटनामा घाइते भएका सबैलाई उपचारका लागि डडेल्धुरास्थित उपक्षेत्रीय अस्पतालमा लगिएको जिल्ला प्रहरी कार्यालय डडेल्धुराका डीएसपी डम्बरबहादुर केसीले बताए।

post image

चैत ४, काठमाडौं । उपत्यकामा भूकम्पको धक्का महसुस गरिएको छ। सोमबार बिहान ९ बजेर १ मिनेटको आसपासमा धक्का महसुस गरिएको हो।

राष्ट्रिय भूकम्प मापन केन्द्रले ४ दशमलव १ म्याग्निच्युड मापन गरेको भूकम्पको केन्द्रबिन्दु मकवानपुर रहेको छ। २०७२ सालमा गएको भूकम्प को नै पराकम्प रहेको पनि जनाइएको छ ।

post image

चैत ४, काठमाडौँ । आजदेखि बुधबारसम्म ३ दिन मेघ गर्जन सहित देशका पहाडि भूभागमा हलका पानी पर्ने संभावना रहेको जल तथा मौसम पूर्वानुमान शाखाले जनाएको छ । आज, भोली र पर्सी बुधबार सम्म देशका पुर्बी भूभाग र पहाडी भू भागमा आंशिक देखि सामान्य बदली रहने अनुमान गरिएको छ । पहाडी  भूभागका केहि  स्थानहरुमा  मेघ गर्जन सहित हल्का वर्षाको संभावना रहेको मौसम पूर्वानुमान शाखाको अनुमान छ ।

आज देशको पूर्वी भागमा हल्का बर्षा हुने, भोली पश्चिमी क्षेत्रमा हलका बर्षा हुने मौसमविद मञ्जु बासीले रातोपाटीलाई जानकारी दिइन । पश्चिमी वायुको प्रभाव र प्रि मनसुन सुरु हुन लागेका कारण मौसममा गढबढ देखिएको उनको भनाई छ ।

यद्यपी आज काठमाडौंमा भने पानी पर्ने संभावना कम रहेको उनले बताइन् । आज राती पनि देशका पहाडी भूभागमा आंशिक देखि सामान्य बदली केही स्थानहरुमा मेघ गर्जन सहित हल्का वर्षाको संभावना रहेको छ । यस्तै भोली मंगलबार पनि देशका पहाडी भूभागमा आंशिक देखि सामान्य बदली रहि बाँकी देशको पहाडी भेगका थोरै स्थानहरुमा मेघ गर्जन सहित हल्का वर्षाको संभावना छ ।

राती भने केही स्थानमा बादल लागेपनि अन्य स्थानमा मौसम सामान्यतया सफा रहनेछ । यस्तै, बुधबार दिउँसो पनि देशका धेरै जसो भूभागमा आंशिक देखि सामान्य बदली रहनेछ । देशको पश्चिमी पहाडी क्षेत्र तथा मध्य तथा पूर्वी क्षेत्रको पहाडी भेगका थोरै स्थानहरुमामा मेघ गर्जन सहित हल्का वर्षाको संभावना रहेको मौसम पूर्वानुमान शाखाको अनुमान छ ।

बुधबार राति देशका पहाडी भूभागमा आंशिक बदली रहि बाँकी भूभागमा मौसम सामान्यतया सफा रहने छ ।

post image

चैत ४, काठमाडौं । काठमाडौंमा एक कार्यक्रमको घोषणा गर्दै द भ्वाइस अफ नेपालको सिजन २ घोषणा गरिएको छ । अघिल्लो सिजनको सफलतापछि दोस्रो सिजन घोषणा गरिएको हो भने यसपटक हिमालयन टिभी एचडीबाट यसको प्रशारण हुनेछ । हिमालय टेलिभिजनको एचडी सेवा शुभारम्भसँगै गत माघ १ गतेबाट सुरु भएको डिजिटल अडिसनमा अहिलेसम्म झण्डै १० हजार प्रतिभाहरुले आफ्नो आवाजबाट पहिचान बनाउने उद्देश्यसहित अडिसन दिइसकेको जानकारी गराउदै देश बिदेशमा रहेका प्रतिभाहरुले सिजन २ मा सहभागिताका लागि द भ्वाइस अफ नेपालको मोबाइल एप डाउनलोड गरी गीत रेकर्ड गरेर अडिसन दिन सक्ने भ्वाइसका निर्माता तथा निर्देशक लक्ष्मण पौडेलले जानकारी दिनुभयो ।

एपमार्फत् अडिसन दिन असमर्थ प्रतिभाहरुले फेसबुक वा भाइबरजस्ता म्यासेजिङ एपमार्फत् पनि आफ्नो स्वर रेकर्ड गरी पठाएर अडिसनमा सहभागिता जनाउन सक्ने आयोजित पत्रकार सम्मेलनमा जानकारी गराइयो । अडिसनलाई सहज र सर्वसुलभ बनाउन यसपटकदेखि सामाजिक सञ्जालमार्फत् पनि आफ्नो स्वर पठाउन सकिने ब्यबस्था गरिएको जनाउदै निर्देशक पौडेलले इन्टरनेटको पहुँचमा नभएका प्रतिभाहरुले फोन गरेर पनि भ्वाइस निर्माण टीमलाई आफ्नो आवाज सुनाई सहभागी हुन सक्ने बताए । भाइबरमा आफ्नो आवाज रेकर्ड गरी ९८२३६१४१८५ मा पठाउन सकिने छ भने सिधै कल गरेर रेकर्ड पनि गराउन सकिनेछ ।

पहिलो सिजनमा पाएको माया र सुझाव ख्याल गर्दै प्रतियोगीलाई सहभागी हुन् सहज होस् भन्ने उदेश्यका साथ् नयाँ नयाँ तरिका अपनाइएको द भ्वाइसले जनाएको छ । यी सम्पूर्ण प्रतियोगीले ब्लाइन्ड अडिसनमा सहभागी हुन पाउनेछन् । आउँदो असारबाट प्रसारण सुरु हुने दोस्रो सिजनलाई हिमालय टेलिभिजन एचडी प्रसारण गर्नेछ । ‘भ्वाइस जस्तो शो पाउनु हाम्रो लागि अवसर नै हो यसलाई टिभीले सदुपयोग गर्नेछ’ कार्यकारी निर्देशक श्याम कँडेलले भने ‘हामीले प्रसारण गर्ने शो मा कुनै सम्झौता हुनेछैन भने प्रतियोगिता विजयीको लागि पनि हामी ग्राण्ड सोचिरहेका छौ ।’ डिजिटल अडिसनमा सहभागी हुने समय चैत १० गते सम्म मात्र रहेको छ ।

post image

 फागुन २७, काठमाडौं । इथियोपियन एयरलाइन्सको बोइङ ७३७-८ म्याक्स विमान दुर्घटना हुँदा मृत्यु भएकी एक नेपालीको परिचय खुलेको छ।

उनी गोरखा घर भई इथियोपियाको विश्व खाद्य कार्यक्रम (डब्ल्युएफपी) मा कार्यरत एकता अधिकारी रहेको भनी जानकारी आएको परराष्ट्र मन्त्रालय स्रोतले जनाएको छ। अधिकारीको परिवारका निकट सदस्यले पनि यसको पुष्टि गरेका छन्।

इथियोपियन एयरलाइन्सले यात्रु सूचीमा रहेको नाम र राष्ट्रियता हेरी नेपाली दूतावासलाई जानकारी गराएको थियो। इथियोपियामा नेपाली दूतावास छैन। इजिप्टको कायरोस्थित दूतावासले इथियोपिया पनि हेर्ने गर्छ।

अधिकारी सेप्टेम्बर २०१८ देखि इथियोपियामा कार्यरत थिइन्। झण्डै चार वर्षदेखि डब्लुएफपीमा कार्यरत उनी हाल अदिसअबाबामा सप्लाई चेन अफिसर थिइन्।

इथियोपियाको राजधानी अडिस अबाबाबाट केन्याको राजधानी नैरोबीका लागि उडेको इथियोपियन एयरलाइन्सको विमानमा चालक दलका ८ सदस्य र १४९ जना यात्रु सवार थिए। विमानमा ३५ देशका नागरिकहरु रहेको एयरलाइन्सले जनाएको छ।

post image

फागुन २६, बाँके । बाँकेको राप्तीसोनारी गाउँपालिका- ६ फत्तेपुरमा धान कुटाउने मिलमा सल बेरिएर एक महिलाको मृत्यु भएको छ ।

फत्तेपुरको सिधनवास्थित ‘सिधनवा राइस मिल’मा धान कुटाउन गएकी राप्तीसोनारी-६ सिधनवा निवासी २८ वर्षीया स्मृति थारूको मृत्यु भएको इलाका प्रहरी कार्यालय भगवानपुरका प्रमुख प्रहरी निरीक्षक वीरेन्द्र विकेले जानकारी दिए ।

शनिबार साँझ धान कुटाउने मिलको धुरामा उनले ओडेको सल बेरिएपछि दुर्घटना भएको प्रहरी निरीक्षक विकेले बताए। सल बेरिएर मिलको पट्टामा अल्झिएकी उनको घटनास्थलमै मृत्यु भएको थियो ।

घटनास्थल सदरमुकाम नेपालगञ्जदेखि करिब १५ किलोमिटर टाढा राप्ती नदीपारि पर्दछ । मृतक थारूको शवलाई परीक्षणका लागि भेरी अस्पताल नेपालगञ्जमा राखिएको छ ।रासस

 

post image

फागुन  २४, काठमाडौं । १०९ औं नारी दिवसको अवसरमा रोटरी क्लब  ३२९२ नेपाल भुटानले काठमाडौँमा एक कार्यक्रमको आयोजना गरेको छ ।  विथ द इन्स्पिरेसन थिमका साथ आयोजित उक्त कार्यक्रममा महिला सशक्तीकरणका बारेमा छलफल गर्दै सम्पूर्ण महिलामा शुभकामना आदान प्रदान गरिएको थियो ।कार्यक्रमको सभापति रमा कंडेलले उपस्थित अतिथीहरुको लागि स्वागत मन्तब्य राख्नुभएको थियो ।

कार्यक्रमका प्रमुख अतिथी चिन्तामणि भट्टराईले गमलामा पानि हालेर कार्यक्रमको उद्घाटन गर्नुभएको थियो ।कार्यक्रममा बोल्दै समाजमा चलेको प्रथाकै कारण दुर्गम क्षेत्रका महिलाले अकालमै ज्यान गुमाउनुपरेको अछाम, डोटीलगायतका जिल्लामा छाउ बार्दा महिला मरिहरहेका घटनालाई पुनर्विचार गर्दै नारि दिवशलाई सहरका नारा र जुलुसमा मात्र केन्द्रित नबनाई ग्रामिण भेगमा पनि यसलाई पुर्याउनुपर्ने र सरकारले यसमा ध्यान दिनुपर्ने भट्टराईले बताउनुभयो ।

त्यस्तै कार्यक्रममा बोल्दै कलाकार मिथिला शर्माले महिलालाई आरक्षण र दयाले फुक्र्याउने होइन, सशक्तीकरण र मानवीय सम्मानले मजबुत बनाउनुपर्छ भन्दै आफ्नो विचार प्रस्तुत गर्नुभयो । नारि आफैले आवाज उठाएर आफ्नो हकहित पहिचान गरी त्यसलाई उपयोग गर्नुपर्नेमा कलाकर शर्माले जोड दिनुभयो ।

कार्यक्रममा पेनालिस्ट मिथिला शर्मा,मेघी शाह र संजय गिरिले महिलाका बिबिध समस्या र क्षमताका बारेमा अन्तरक्रिया समेत गर्नुभएको थियो ।

कार्यक्रममा मुना महर्जनले स्वागत नृत्य गरेकी थिइन भने रोटरीयन तथा गायक आनन्द कार्कीले गित गाएर थप मनोरन्जन प्रदान गरेका थिए ।

त्यसैगरी कार्यक्रमलाई रोटरी क्लब धुलिखेल, रोटरी क्लब जावलाखेल  , रोटरी क्लब जावलाखेल मन्जुश्री ,एभरेस्ट इन्सुरेन्स कम्पनि लिमिटेड , क्लासिक एफएम , नेपाल बैंकलगायतले सहयोग गरेको थियो ।

post image

फागुन  २३, काठमाडौं । काठमाडौंको बसन्तपुर, मख्खन टोलको एक घरमा लागेको आयोग डेढ घन्टापछि नियन्त्रणमा आएको छ ।  रन्जु तुलाधरको घरमा लागेको आगो नेपाल प्रहरी, सशस्त्र प्रहरी र नेपाली सेनाको उद्दार टोलीले केहीबेर अघि नियन्त्रणमा लिएका हुन् ।

सिलिण्डर ग्यास पड्किएर आगोलागी भएको हुनसक्ने देखिएको काठमाडौं प्रहरी परिसरका प्रमुख एसएसपी बसन्तकुमार लामाले बताए । यद्यपि, आगोलागीको कारण र क्षतिको विवरण आइनसकेको छैन ।

post image

 फागुन २३, काठमाडौं । भक्तपुरमा बस र मोटरसाइकलको ठक्करबाट एकजनाको मृत्यु भएको छ ।दुर्घटनामा काभ्रे देउखुरी-३ घर भई भक्तपुरको मध्य ठिमी नगरपालिका-९ बोडेमा बस्ने  चालक २४ वर्षीय सन्तोष राईको मृत्यु भएको हो ।

मध्यपुर ठिमी नगरपालिका -२ सानोठिमी वन कार्यालयको आरोलोमा बा७४व ५५३ नम्बरको मोटरसाइकलको ठक्करबाट सडकमा लडेको प्रदेश ३-०२-००२ प६२ नम्बरको मोटरसाइकललाई बा२ख ४८६८ नम्बरको बसले ठक्कर दिएको थियो ।

 राईलाई उपचारका लागि नागरिक अस्पताल गठ्ठाघर पुर्‍याइए पनि चिकित्सकले मृत घोषणा गरेको प्रहरीले जानकारी दिएको छ । महानगरीय प्रहरी बृत्त ठिमीले ठक्कर दिने मोटरसाइकलका चालक काडमाडौं-३२ का २४ वर्षीय अरुणकुमार श्रेष्ठ र बसका चालक सिन्धुपाल्चोक बलेफी-३ का ताराबहादुर तामाङलाई नियन्त्रणमा लिएको छ ।

घटनाका थप अनुसन्धान भइरहेको प्रहरीले जानकारी दिएको छ ।

post image

फागुन २३, काठमाडौँ । प्रहरी प्रशासनले आफ्ना नेता/कार्यकर्ता गिरफ्तार गरेको भन्दै नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी राप्ती ब्यूरोले गरेको बन्दका कारण रोल्पाको जनजीवन प्रभावित भएको छ।

बन्दका कारण लामो तथा छोटो दूरीका सवारीसाधन, बजार, कलकारखाना र विद्यालय कलेज पूर्णरूपमा बन्द रहेका छन्। बिहानी कक्षाका लागि उच्चमावि र कलेज गएका विद्यार्थी फर्किएका छन्। सदरमुकाममा रहेका तरकारी पसल, होटल र औषधि पसल भने खुला रहेका छन्।

प्रहरीले दाङ जिल्ला सचिवालय सदस्य प्रदीप वली, ईश्वरी पाण्डे र जिल्ला सदस्य रुद्र वलीलाई तुल्सीपुरबाट शहीद सम्मान कार्यक्रमस्थलबाट गिरफ्तार गरेको सो पार्टीले जनाएको छ। यसैगरी रोल्पा जिल्लाबाट समेत दलित मुक्ति मोर्चाका केन्द्रीय सदस्य टीकाराम परियार, पूर्वअध्यक्ष लालबहादुर सुनार र अर्का कार्यकर्ता नृपेन्द्र सेनलाई पक्राउ गरेको जनाएको छ।

राप्ती ब्यूरो इन्चार्ज केशबहादुर बाँठा सुवासद्वारा जारी प्रेस विज्ञप्तिमा राप्तीका दाङ, सल्यान, रुकुम, प्यूठान र रोल्पा जिल्ला बन्द हुने व्यहोरा उल्लेख गरिएको छ। रासस

post image

फागुन २३, काठमाडौँ। काठमाडौँ महानगरपालिकाले आफ्नो क्षेत्रभित्रका अव्यवस्थितरूपमा रहेका बस स्ट्याण्ड र प्रतीक्षालय हटाउने भएको छ।

बस स्ट्याण्ड अध्ययन कार्यदलले बुधबार काठमाडौँका विभिन्न ठाउँमा बस स्ट्याण्ड र यात्रु प्रतीक्षालयको अवलोकन गरेको थियो। कार्यदलका संयोजक एवं वडा नं १८ का अध्यक्ष न्हुन्छेकाजी महर्जनले कतै आवश्यक स्थानमा पनि नभएको र केही अनावश्यक स्थानमा रही शहरलाई कुरूप बनाएकाले हटाउन लागिएको जानकारी दिए।

संयोजक महर्जनका अनुसार स्थलगत अध्ययन अवलोकनका क्रममा देखिएका विषय समेटेर यात्रु प्रतिक्षालय निर्माण तथा सञ्चालनका लागि अधिकारसम्पन्न समितिमा प्रतिवेदन दिइनेछ। समितिले विगतमा प्राप्त भएका प्रस्ताव, शहरको विद्यमान अवस्था र आवश्यकता विश्लेषण गरेर कस्ता प्रतिक्षालय निर्माण गर्ने, कहाँ निर्माण गर्ने र कसरी सञ्चालन गर्ने भन्ने निक्र्योल गर्नेछ। यात्रु तथा सार्वजनिक यातायात दुवैका लागि आवागमन र उपयोग सजिलो बनाउन समिति गठन गरिएको हो।

महानगरका उपप्रमुख हरिप्रभा खड्गीको संयोजकत्वमा गठित अधिकारसम्पन्न समितिमा कार्यदलका संयोजक न्हुच्छेकाजी महर्जन र वडा नं १५ का वडाध्यक्ष ईश्वरमान डङ्गोल सदस्य छन्। रासस

post image

फागुन २१, काठमाडौं । फाउन्डेसन अफ नेपालले स्पर्श नामक प्रोजेक्ट सफलतापुर्वक सम्पन्न गरेको छ । बिराटनगरको लखन्तरी गाउँमा संचालन गरिएको यस कार्यक्रममा ४१८ जनाको सहभागिता रहेको थियो जसमा महिलाहरुको उपस्थिती उल्लेख्य रहेको फाउन्डेसनको अध्यक्ष प्रियंका भण्डारीले जानकारी दिएको छन् ।

फाउन्डेसनले संचालन गरेको कार्यक्रम एचआईवी / एड्स, यौन उत्पीडन र महिला बेचबिखनमा आधारित रहेको थियो । त्यसैगरी फाउन्डेसनले निशुल्क रुपमा कण्डम पनि वितरण गरेको छ ।

सहभागीहरुले यस्ता सचेतनामुलक कार्यक्रम गरेर आफुहरुलाई ज्ञान प्रदान गरेकोमा खुशी ब्यक्त गरेका थिए । कार्यक्रममा त्यहाँका व्यक्तिहरुले आफुहरु कहिले एचआईभी एड्सको बारेमा नसुनेको र यसको बारेमा थाहा नपाएको बताएका थिए । आगामी दिनहरुमा पनि यस्ता कार्यक्रम गर्न सहभागीहरुले आग्रह गर्दै हौसला बढाएको भण्डारीले बताइन ।

यस प्रोजेक्टका लागि फाउण्डेसनले बसन्त चौधरी फाउन्डेसन,  नर्बिक इन्टरनेसनल हस्पिटल, हब इन्टरनेसनल, जिलोकल खबर , सौजन्य मिडिया, वेभ ट्रफी, टर्की एयरलाइन्स,, क्यु एफ एक्स सिनेमा, , नेपाल सरकार  ग्रामथान गाउपालिका वडा नं १ , कोशी एफएम र लायन्स क्लब अफ लबीपुर , आइडियाक्सा ट्रेडिङबाट सहयोग प्राप्त गरेको थियो ।

post image

 फागुन २१,काठमाडौं । पूर्वपश्चिम राजमार्गअन्तर्गत झापाको दमक–४ स्थित कृष्ण मन्दिर सडकखण्डमा मोटरसाइकल एकापसमा जुध्दा एकको मृत्यु भएको छ भने तीन घाइते भएका छन् ।

गए राति करीब ८ बजे कृष्ण मन्दिर चोकमा पूर्वबाट पश्चिम जाँदै गरेको मे३प १८३२ नंको मोटरसाइकल र पश्चिमबाट पूर्व आउँदै गरेको को३प ७७०० नंको मोटरसाइकल एकआपसमा जुधेका थिए।

दुर्घटनामा परेर इलाम चुलाचुलीका ४० वर्षीय पुरणकुमार राईको मृत्यु भएको छ भने दमक–१० का २५ वर्षीय सुजन धिमाल, पाँचथर फाल्गुनन्द गाउँपालिकाका रमेश तुम्रोक र परिचय खुल्न नसकेको अन्दाजी ४० वर्षीय एक व्यक्ति घाइते भएको छ ।

घाइते सबैको विराटनरस्थित न्यूरो अस्पतालमा उपचार भइरहेको इलाका प्रहरी कार्यालय दमकले जनाएको छ । मृतक राई समाजवादी युवा फोरमका प्रदेश नं १ समितिका सहसंयोजकसमेत रहेको बताइएको छ ।रासस

post image

 फागुन २१,काठमाडौं । कञ्चनपुरको २५ नं बाहिनी भगतपुरमा कार्यरत नेपाली सेनाका जवान २३ वर्षीय वीरबहादुर खड्काले सोमबार बन्दुक प्रहार गरी आत्महत्या गरेका छन् ।

ब्यारेकभित्रै खड्काले गर्धनमा गोली प्रहार गरी आत्महत्या गरेको बताइएको छ । आत्महत्याको कारण भने खुल्न सकेको छैन । जिल्ला प्रहरी कार्यालय कञ्चनपुरका प्रहरी नायव उपरीक्षक कृष्णराज ओझाले प्रारम्भिक अनुसन्धानको कार्य भइरहेको बताए।

‘आत्महत्या गर्न प्रयोग गरिएको बन्दुक परीक्षणका लागि पठाउँदैछौँ’ उनले भने । के कारण आत्महत्या गरेको भन्नेबारे अनुसन्धान भइरहेको उनले बताएका छन् । खड्काको शव परीक्षणका लागि महाकाली अञ्चल अस्पतालमा राखिएको छ । खड्का जाजरकोटको छेरा गाउँपालिका–१ का बासिन्दा रहेको बताइएको छ । (रासस)

post image

फागुन २० ,काठमाडौं । पशुपतिनाथको मन्दिर काठमाडौँ जिल्लामा रहेको ऐतिहासिक धार्मिक एवम् पर्यटकीय दृष्टिले महत्वपूर्ण तीर्थस्थल हो । यो मन्दिर यस संसारमा रहेका २७५ शिवको पवित्र स्थान मध्ये एक मानिदै पनि आएको छ । पशुपतिनाथमा मूख्य रूपमा शिवजीको पूजा हुने गर्दछ ।

त्यसैले गर्दा नै पशुपतिनाथालाई शैव, शाक्त, वैष्णव, बौद्ध, जैन, गाणपत, नाथ, सिख आदि प्रमुख सम्प्रदायका भक्तजनहरूले समान आस्था र श्रद्धाको दृष्टिकोणले हेर्ने गर्दछन् । साथै यस क्षेत्रमा विभिन्न सम्प्रदायका विभिन्न स्मारक एवम् पूजास्थल तथा अखाडा पनि रहेका छन् । यस मन्दिलार्इ दर्शनकै निमित्त संसारको विभिन्न देशहरूबाट दैनिक हजारौँ भक्तजनहरूको घुंइचो लाग्ने गर्दछ ।

जन्मदेखि मृत्यु सम्मका सबै संस्कार सम्पन्न गरिने नेपालको यस पावन स्थलको बारेमा केहि रोचक तथ्यहरू फेला परेका छन् जुन यस प्रकार रहेका छन् ।

१. मन्दिमा गैर हिन्दुलाई प्रवेश निषेध

यो मन्दिरमा केवल हिन्दु धर्म मान्नेहरू मात्रै प्रवेश गर्ने गरेका छन् । यो मन्दिर हिन्दुहरूको पवित्र तिर्थस्थल मानिएकोले यहाँ गैर हिन्दुहरूलार्इ प्रवेश निषेध गरिएको छ । हिन्दुहरूले मात्र यहाँ पुजाआजा , आरती, भजन जस्ता क्रियाकलापहरूमा भाग लिन पाउनेछन । जस्तोसुकै महत्वपूर्ण व्यक्तीहरू किन नहुन् तर उनिहरू गैर हिन्दु भएमा उनिहरूलार्इ समेत प्रवेश निषेध गरिन्छ । त्यसैले आज पनि कैयौ विदेशी पर्यटकहरू उक्त मन्दिरको बाहिरबाटै शिर निहुराएर निस्कने गरेका छन् । कुनै एक समयमा भारतीय पूर्व प्रधानमन्त्री राजीव गान्धी पशुपतीनाथ मन्दिरको दर्शनकालागि आएका थिए उनको साथमा सोनिया गान्धी पनि रहेकी थिइन् । दर्शन गर्ने समयमा राजिव गान्धीलार्इ भित्र प्रवेश गर्न दिएपनि सोनियालाई बाहिरै रोकीएको थियो । किनकी सोनीया गान्धी हिन्दु थिइनन् ।

२. प्रतिक्षालयको नाम यसरी भयो ब्युटीफुल प्यालेस

विश्वको विभिन्न राष्ट्रहरूबाट आउने पर्यटकहरूलाइ सहज होस् भन्ने मनसायले स्थापना गरीएको प्रतिक्षालय नै अहिले ब्युटीफुलको नामले प्रचलित छ । त्यो स्थानको नाम कसरी ब्युटीफुल रहन गयो रु गैर हिन्दुहरूलार्इ मन्दिर भित्र प्रवेशमा प्रतिबन्ध लगाएपछि मन्दिरको ठीक अगाडी बनाइएको प्रतिक्षालयको नाम ब्युटीफुल रहन गयो । साँझको समयमा आरती गर्दा र दियोहरू बाल्दा मन्दिर परिसर झिलिमिली भई बाहिरी स्थान सजिन पुगेको प्रतिक्षालयबाट नजारा गरिरहेका पर्यटकहरूले सोही दृश्यलार्इ ब्युटिफुल भन्दै तारिफ गरेपछि त्यस स्थानको नाम आज सम्म पनि ब्युटीफुल रहन गएको हो ।

३. मुख्य पुजारी भारतकै हुन्छन् किन र?

जब नेपालमा लोकतन्त्र स्थापना भई तत्कालिन माओवादीको नेतृत्वमा सरकार गठन भयो त्यो बेला देखी नै पशुपतिनाथ मन्दिरमा रहेका पुजारीको विषयमा चर्को बहस भएको थियो । सोही बेलामा भारतीय पुजारी हटाएर नेपाली मुख्य पुजारी समेत सरकारले निर्णय गरेर नियुक्ती गरेको थियो तर पूजारी नियुक्ती गरेकै विषयलार्इ लिएर नेपालीहरू आन्दोलनमा उत्रिनुका साथै चौतर्फी विरोध भएपछि सरकारले आफ्नो निर्णय सच्चयाउंदै पुनः भारतीय पुजारी नै नियुक्ती गरेको थियो र सोही निर्णय आज सम्म पनि कार्यान्वयनमा चली आएको छ ।

४. मुख्य पुजारीको तलब कती ?

मन्दिमा पुजा गर्ने मुख्य पुजारीहरूको तलब कती भन्दा हामी यस्तै १० या २० हजार भनेर सजिलै अनुमान लगाउन सक्छौ तर पशुपतिनाथ मन्दिरमा रहेका मूख्य पुजारीको मासिक तलब मात्रै २ लाख ३५ हजार रहेको छ । यति मात्रै नभएर मुख्य पुजारीको खाना देखी शुरक्षा सम्म राज्यले सबै बन्दोबस्त गरि राखेको पाइन्छ । यहाँ सम्मकी मुख्य पुजारी संगंसंगै रहेका तीन सहायक पुजारीहरूको मासिक पारिश्रामिक पनि ६० हजार माथी तोकीएको छ ।

५. ११ सय देखी २५ लाख सम्मको पुजा

कुनै धार्मिक कार्यकालागि आवश्यक पुजा गर्न पशुपतिमा आउने भक्तजनहरूका लागि विशेष दररेट सावर्जनिक गरिएको हुन्छ उक्त रेटमा भक्तजनहरूले आफ्नो हैसियत अनुसारको पुजा गराउने गरेको पाइएको छ । पशुपतीनाथ मन्दिरमा अहिले पनि इच्छा अनुसारको पुजा गराउने गरेका छन् । त्यहाँ सबै भन्दा कम ११ सय र बढीमा २५ लाख सम्मको पुजा हुने गर्दछ । त्यसरी जम्मा भएको रकम पूजारीहरूले केही प्रतिशत कमिसन लिने गरेका छन् ।

६.  दुइ प्रकारले हुन्छ पुजा

पशुपतीनाथ मन्दिमा अहिले पनि दुइ तरिकाबाट पुजा हुने गरेको छ । एक वैदिक पद्धति र अर्को तान्त्रिक पद्धति दुबै पद्धतिको पुजा गरेपनि त्यसको कुनै तस्बिर एवं भिडियो निकाल्न प्रतिबन्ध लगाइएको छ । त्यसका लागि मन्दिरको पुजा स्थलमा कुनै क्यामेरा या मोबाइल प्रवेश गर्न शुरक्षाकर्मीहरूले रोक लगाएका छन् ।

७. पुजामा प्रयोग हुने चन्दन पनि भारतबाटै आउंछ

दैनिक हजारौँको संख्यामा आउने भक्तजनहरूले गर्ने पुजा(आजामा प्रयोग हुने चन्दन भारतबाटै आयात हुने गरेको छ । उक्त चन्दन भारतको महाराष्ट्रबाट आयात हुने काठबाट उत्पादन हुँदै आएको छ ।

८. दैविक शक्ति रहेको आम जनमानसको धारणा

वि।सं। २०७२ साल वैशाख १२ गते गोरखा जिल्लाको वारपाकलाई केन्द्रबिन्दु बनाई गएको ७।८ रेक्टर स्केलको महाभूकम्पमा पनि पशुपतिनाथको मूल मन्दिर सुरक्षित रहेको देखियो भने मन्दिर परिसर बाहिरका साना मन्दिरमा थोरै क्षति पुगेको देखियो । त्यसको २ वर्ष अगाडि पनि महाप्रलयमा श्रीकेदारनाथ मन्दिर पनि सुरक्षित रहेको थियो ।

९. जमिन खन्दा शिवलिंग प्रकट

पशुपतिनाथ मन्दिरमा सदैब शिवजी भगवानको वास रहेको किम्बदन्ती कायमै छ । धेरै पटक मन्दिरको आसपासमा साना मन्दिहरू निर्माणको क्रममा जमिन खन्दा थुप्रै शिवलिंगहरू निस्किएको र त्यहाँ शिव शक्ति प्रकट हुने गरेको पनि भक्तजनहरूको भनाइ छ ।

१०. मन्दिरमा कामधेनूको बास

पौराणिक कथाअनुसार, नेपालमा पर्ने चन्द्रावन हिमालय पर्वत को गुफामा इच्छापूर्ती गरिदिने ‘कामधेनु गाई’ आएर बसेकी थिइन् । कामधेनुले दिनहुँ पर्वतबाट तल झरी माटोमाथि आफ्नो दूध चढाउने गर्थिन् । यसरी हजारौँ वर्षसम्म पनि कामधेनु गाईले सो ठाउँमा दूध चढाउन थालेपछि एकदिन त्यहाँ वरिपरिका मानिसहरूले के रहेछ भनि खन्दा एउटा सुन्दर चमकदार शिवलिङ्ग भेटेका थिए । त्यसपछि उनीहरूले सो शिवलिङ्गलाई पुजा गर्दै आएका थिए । त्यसैले त्यस स्थललाई नै पछि ‘पशुपतिनाथ’ भनिएको हो भन्ने पनि विश्वास गरिन्छ ।

post image

फागुन २० ,काठमाडौं ।  कानुन ब्यबसायी क्लब र शंकरलाल केडिया फाउन्डेसनको संयुक्त आयोजनामा काठमाडौँमा सम्मान समारोह सम्पन्न भएको छ  । तथा सम्माननीय प्रधानन्यायाधीश श्री चोलेन्द्र समशेरज्यूको प्रमुख आतिथ्यता तथा कानून व्यवसायी क्लवका अध्यक्ष व.अ. श्री कोमल प्रकाश घिमिरेज्यूको सभापतित्वमा आजको सम्मान समारोह सम्पन्न भएको हो  ।

कानून व्यवसायी क्लव र शंकरलाल केडिया फाउण्डेशनको संयुक्त तत्वावधानमा विगत देखि स्व. शंकरलाल केडिया स्मृती कानून पुरस्कार, कानून युवा पुरस्कार, उत्कृष्ट कानून पुस्तक लेखन पुरस्कार एवं कानून पत्रिकामा बर्ष भरिमा प्रकाशित लेख रचना मध्ये उत्कृष्ट लेख, रचनाका लेखकहरुलाई उत्कृष्ट कानून लेखन पुरस्कार प्रदान हुदै आएकोमा यस पटक पनि त्यसलाई निरन्तरता दिईएको छ  ।

पुरस्कार र सम्मानलाई अझै गरिमामय बनाउदै जाने लक्ष्य अनुरुप क्लव र फाउण्डेशन वीच भएको सम्झौता बमोजिम यस पटक स्व. शंकरलाल केडिया कानून सम्मान पुरस्कार द्वारा नेपालका पूर्व प्रधानन्यायाधीश सम्माननीय श्री रामकुमार प्रसाद शाहज्यू सम्मानित हुनुभयो । यस्तै स्व. शंकरलाल केडिया स्मृति युवा कानून पुरस्कार श्री शरद प्रसाद कोईरालाज्यू र स्व. शंकरलाल केडिया उत्कृष्ट पुस्तक लेखन पुरस्कार वरिष्ठ अधिवक्ता डा. श्री चन्द्रकान्त ज्ञवालीज्यु द्धारा लिखित नेपालमा संघीय शासन पुस्तकको लागी प्रदान भयो ।

यस क्लबले यस अघि १० बर्षसम्म लगातार  न्याय एवं कानून क्षेत्रका वरिष्ठ व्यक्तित्वहरुलाई सम्मान गर्दै आइरहेको छ  ।यस वर्षको कानून पत्रिकामा प्रकाशित उत्कृष्ट कानून लेखन पुरस्कार निम्न अनुसार रहेको छ ।

१. पुरस्कार –  स्व. हजुरआमा जसोदा देवीको स्मृतिमा लगानी प्रवर्धन लेखन
कानून पुरस्कार
संस्थापक – अ. रुद्र शर्मा÷ सम्झना शर्मा
पुरस्कृत लेखक÷व्यक्तित्व – अ. शज्जन राम भण्डारी

Industrial Enterprises  M A critical analysis , अंक १३०, पृ ६६

२. पुरस्कार – शर्मिला अच्युतकान्त सिलवाल बातावरण कानून उत्कृष्ट लेखन
कानून पुरस्कार
संस्थापक – प्रा. डा. अम्बर प्रसाद पन्त
पुरस्कृत लेखक÷ व्यक्तित्व – अ. चन्द्र वहादुर वस्नेत
ज्यचल को वातावरणीय प्रदुशण संबैधानीक व्यवस्था र
अदालतको फैसला
कानून अङ्कं १३० पृ ४३

३. पुरस्कार –  राष्ट्रियता प्रवद्र्यन लेखन कानून पुरस्कार
संस्थापक –  व.अ. बालकृष्ण न्यौपाने
पुरस्कृत लेखक ÷ व्यक्तित्व –  व. अ. मोहन बन्जाडे
नेपालमा संघियताको आयु
कानून अंङ्क १२७ पृ १७

४. पुरस्कार – स्व देवनाथ प्रसाद बर्मा
संस्थापक – मा.न्या.स.अ. अनील कुमार सिंहा
कानून व्यवसायी उत्थान लेखन कानून पुशरस्कार
पुरस्कृत लेखक ÷ व्यक्तित्व – सुमन खरेल(कानून का विद्यार्थी)
उच्च अदालत प्रदेशको सर्वोच्च अदातल कि साविक जस्तो पुनरावेदन
अदालत
कानून अङ्क १२७ पृ ६१

५. पुरस्कार – स्व. यज्ञप्रसाद उपे्रती तथा लक्ष्मीमाया उपे्रती, फौजदारी कानून
लेखन कानून पुरस्कार
संस्थापक – पूर्व मा मु.न्या ,दूर्गाप्रसाद उपे्रती÷भूवनेश्वरी उपे्रती
पुरस्कृत लेखक – अ. अवम महतो
पुरस्कृत लेखक÷व्यक्तित्व – डा. श्रीप्रकाश उप्रेती
१८८ नं. को व्यवस्थाको विदाई र फौजरी कानूनी संरचरनामा
यसको विकल्प एक विबेचना
अङ्क १३० पृ ३६

६.पुरस्कार – नेपाली कानूनी इतिहास तथा प्रणाली, अन्वेषणात्मक लेखन कानून
पुरस्कार
संस्थापक – व. अ. लोक भक्त राणा
पुरस्कृत लेखक÷व्यक्तित्व – अ. चन्द्र कुमार राई
लिच्छवीकालीन दण्ड ब्यवस्था
कानून अङ्क १३१ पृ ४६

७. पुरस्कार – स्व.यज्ञप्रसाद उपे्रती तथा लक्ष्मीमाया उपे्रती,
सम्पत्ति कानून लेखन कानून पुरस्कार
संस्थापक – प्रधान सम्पादक कानुन पत्रिका व.अ. लक्ष्मी प्रसाद उपे्रती ÷
उषा शर्मा
पुरस्कृत लेखक÷व्यक्तित्व – अ. अवतार न्यौपाने
सम्पति ऐन अन्तर्गतका विवाद र उपचार
कानून अङ्कं १२९ पृ ३८

८. पुरस्कार – स्व. लक्ष्मीमाया उप्रेती, उत्कृष्ट महिला हस्ताक्षर कानून पुरस्कार
संस्थापक – व.अ. सुभद्रा सिटौला
पुरस्कृत लेखक÷व्यक्तित्व – सविता गोदार थापा
Acid Violence of Gender, Mass Violence in  Nepal अङ्कं १३० पृ ६५

९. पुरस्कार – स्व. मिनप्रसाद भट्टराई, मिनु भट्टराई
मानव अधिकार लेखन कानून पुरस्कार
संस्थापक –  अ.ऋषिराम भट्टराई
पुरस्कृत लेखक÷व्यक्तित्व –  अ. अच्यूत मणि न्यौपाने
पारिवारिक कानुनमा विवाह सम्वन्ध विच्छेद र आमा बावु छोराछोरीको सम्वन्ध
कानून अङ्क १३० पृ ५६

१०. पुरस्कार – स्व तारा प्रसाद खरेल न्याय प्रशासन लेखन कानून पुरस्कार,
संस्थापक – व.अ.श्याम प्रसाद खरेल
पुरस्कृत लेखक÷व्यक्तित्व – मा.न्या. पवन कुमार ओझा
कानून अङ्क १२४ पृ ३२
११. पुरस्कार – स्व. गणेशलाल÷पदमावती निर्भिक लेखन कानून पुरस्कार
संस्थापक – व.अ. पूर्व म.न्या. कमल नारायण दास
पुरस्कृत लेखक÷व्यक्तित्व – पुर्व मा. न्या. उद्व बास्कोटा
न्यायको खोजीमा पाउने दुखःपीडा
कानून अङ्क १२८ पृ २६

१२. पुरस्कार – श्री कृष्ण प्रसाद घिमिरे कानुनी साहित्य मसौदा लेखन कानून पुरस्कार
संस्थापक – व.अ लयर्स क्लब अध्यक्ष कोमल प्रसाद घिमिरे
पुरस्कृत लेखक÷व्यक्तित्व – अ.विनय रेग्मी
सामुहिक सौदावाजी समिति नयाँ अवधारणा
कानून अङ्कं १३० पृ १४

१३.पुरस्कार – स्व. पण्डित खगेन्द्र प्रसाद भट्टराई
उत्कृष्ट अंग्रेजी लेखन कानून पुरस्कार
संस्थापक – अ. राम प्रसाद भट्टराई
पुरस्कृत लेखक÷व्यक्तित्व – सुमन राज आचार्य

WTO Protection of Nepal   कानून अङ्कं १२९ पृ ५०

१४. पुरस्कार – स्व.विरपल सिंह र आमा स्व. परुली देवी धामी मानव अधिकार लेखन कानून
पुरस्कार
संस्थापक – अ.प्रेम सिहं धामी
पुरस्कृत लेखक÷व्यक्तित्व – मा.न्या. टेक नारायण कुँवर
प्रेस तथा अभिव्यतिm स्वतंत्रता र यसका सिमा
कानून अङ्क १२९ पृ ३१

१५. पुरस्कार – स्व. लक्ष्मण अधिकारी राष्ट्रिय गौरव लेखन कानून पुरस्कार
संस्थापक – अ. राजेन्द्र अधिकारी
पुरस्कृत लेखक÷व्यक्तित्व – अ. तुलसी सिंखडा
विश्व सम्पदा सुची र नेपाल
कानून अङ्क १३० पृ ६०

१६. पुरस्कार – स्व. खुमानन्द र स्व. आमा प्रेमकला ज्ञवालीको स्मृतीमा नेपालको
संवैधानीक कानूनको विकासमा योगदान लेखन पुरस्कार
संस्थापक – संविधान विद् व.अ. चन्द्र कान्त ज्ञवाली
पुरस्कृत लेखक÷व्यक्तित्व – डा. महेन्द्र जङ्ग शाह
संवैधानीक सिद्धान्त र अभ्यास
कानून अङ्क १३० पृ १६

समारोहमा सर्वाेच्च अदालत,उच्च अदालत र जिल्ला अदालतका वरिष्ठ पूर्व न्यायाधीशज्यूहरु, कानूनवेत्ताहरु, कानून क्षेत्रका महानुभावहरु, कानून व्यवसायी क्लवका सदस्य र पदाधिकारीहरु, वरिष्ठ अधिवक्ताहरु र अन्य गन्यमान्य व्यक्तिहरुका साथै शंकरलाल केडिया फाउण्डेशनबाट श्री अनिल कुमार केडियाको समुपस्थिति रहेको थियो ।

post image

 फागुन २०, काठमाडौं । जङ्गी अड्डामा नेपाली सेना दिवसको अवसरमा आयोजित समारोहमा देखाइएको प्रदर्शनका क्रममा दुर्घटना हुँदा एक जना घाइते भएका छन् । प्यारासुटको माध्यमबाट फ्रि-फल जम्प देखाउने हुँदा दुर्घटना भएको हो ।

घाइते हुने सैनिकको परिचयबारे केही पनि बताइएको छैन । सैनिक प्रवक्ता सहायक रथी यामप्रसाद ढकालले ल्याण्डिङ गर्ने क्रममा दुर्घटना भएको जानकारी दिए । घाइतेलाई अहिले उपचारका लागि वीर अस्पताल लगिएको छ ।

post image

फागुन २०  ,काठमाडौं । मध्यपुरथिमि नगरपालिका–३ कौशल्टारमा स्थानीय राजु श्रेष्ठले वर्षौंदेखि सञ्चालन गर्दै आएको श्रेष्ठ फर्निचर तथा काष्ठ उद्योगमा विद्युत् सर्ट भई भीषण आगलागी भएको छ । गए राति ११ बजे लागेको आगो आज बिहान ४ बजे नियन्त्रणमा आएको महानगरीय प्रहरी परिसर भक्तपुरका प्रहरी उपरीक्षक हिमालयकुमार श्रेष्ठले जानकारी दिए ।

भक्तपुर जिल्लाकै ठूलो फर्निचर उद्योगको रुपमा रहेको श्रेष्ठ फर्निचर उद्योगमा रहेका स्वदेशी तथा विदेशी फर्निचर, मेशिन, फर्निचरमा प्रयोग हुने कच्चा पदार्थ लगायत सम्पूर्ण सामग्री जलेर नष्ट हुँदा रु छ करोड बराबरको क्षति भएको छ । प्रहरी उपरीक्षक श्रेष्ठले आगलागीबाट उद्योगमा रहेका सम्पूर्ण तयारी फर्निचर, मेशिन तथा कच्चा पदार्थ जलेर नष्ट भएको बताए ।

 श्रेष्ठको आफ्नै घरमा समेत क्षति पुगेको उनले जानकारी दिए । सँगै रहेको दुर्गा श्रेष्ठको घरमा सञ्चालनमा रहेको मङ्गल श्रेष्ठको आइसक्रिम फ्याक्ट्री, प्रदीप सिलवालको घरमा केही क्षतिसमेत भएको छ ।  प्रहरी उपरीक्षक श्रेष्ठका अनुसार भक्तपुर बारुणयन्त्र, ललितपुर, काठमाडौँ, नेपाल प्रहरी, सशस्त्र प्रहरी, नेपाली सेनाका गरी छ वटा दमकल, स्थानीय बासिन्दालगायतको सातवटा पानी ट्याङरको सहयोगमा आज बिहान ४ बजे आगो नियन्त्रणमा आएको हो ।

उद्योगका सञ्चालक राजु श्रेष्ठले आगलागीबाट सम्पूर्ण सामान नष्ट भएको, आफ्नै घरमा समेत क्षति पुगेको बताए । उनले आगलागीबाट रु छ करोडभन्दा बढीको क्षति पुगेको जानकारी दिए ।

post image

उत्तम सिंखडा फागुन १९ ,काठमाडौं । धादिङ जिल्लाको उत्तरी भेग गंगाजमुना गाउँपालिकामा अवस्थित मण्डली मा बि भूपू क्लबले आफ्नो ११ औं बार्षिकसाधारण सभा सम्पन्न गरेको छ । क्लबले शनिबार काठमाडौँको ठमेलस्थित एक पार्टी प्यालेसमा साधारण सभा सम्पन्न गरेको हो ।

यस कार्यक्रमलाई क्लबका अध्यक्ष रामेश्वर अधिकारी ,बिशेष अतिथी बेग बहादुर अधिकारी र प्रमुख अतिथी धादिङ क्षेत्र नं २ का संघीय संसद माननीय खेम प्रसाद लोहनीले पानसमा बत्ति बालेर संयुक्त रुपमा उद्घाटन गर्नुभएको थियो।

कार्यक्रममा उपस्थित अतिथीहरुलाई क्लबका उपाध्यक्ष श्रीराम अधिकारीले स्वागत मन्तब्य राख्दै स्वागत गर्नुभएको थियो । कार्यक्रममा मण्डली मा बि का भूतपूर्व शिक्षक स्व बालकृष्ण रेग्मीको निधनप्रति समवेदना प्रकट गर्दै १ मिनेट मौनधारण गरिएको थियो ।

कार्यक्रमको उद्घाटन गर्दै माननिय खेम प्रसाद  लोहनीले यस मण्डली मा बि ले बिद्यार्थीहरुलाई उत्कृष्ट शिक्षा दिदै आएको र आगामी दिनमा अझै आधुनिक प्राविधिक शिक्षालाई अवलम्बन गरेर अघि बढ्नका लागि शुभकामना दिनुभयो  । यस क्लबलाई बिशुद्द राजनीतिक संस्था बनाउन  पनि वहाँले आग्रह गर्नुभयो ।

यस बार्षिक साधारणसभा  कार्यक्रममा मण्डली भूपु मा बि क्लबद्वारा मण्डली माध्यमिक बिद्यालयको स्थापनाकाल देखि त्यस स्कुललाई बिभिन्न क्षेत्रबाट सहयोग गर्नुहुने समाजसेवी बेग बहादुर अधिकारी , भुतपुर्व मेजर दुर्गामान सिंह अधिकारी ,कृष्णबहादुर अधिकारी ,भुतपुर्व शिक्षकहरु बिरेन्द्र रजौरे , देबदत्त उपाध्याय ,बुद्धिसागर सापकोटा , कृष्ण प्रसाद सिंखडा, युद्ध बहादुर अर्याल, स्थिर प्रसाद खनाल , दिप बहादुर अधिकारी, भोज बहादुर कार्की , हस्त बहादुर सिंखडा ,जित बहादुर सिंखडा, बिष्णु अधिकारी लगायत अन्य विशिष्ट व्यक्तिहरु लाई प्रमुख अतिथी माननीय खेम प्रसाद लोहनीले दोसल्ला र प्रमाणपत्र प्रदान गरी सम्मान गर्नुभएको थियो ।

 साथै यस कार्यक्रममा यस संस्थामा आजीवन सदस्य बन्नुभएका सम्पूर्ण नयाँ सदस्यहरुलाई भुतपुर्व प्राध्यापक बिरेन्द्र रजौरेले प्रमाणपत्र दिदै क्लबमा स्वागत गर्नु भएको थियो ।

त्यसैगरी साधारणसभा कार्यक्रममा क्लबको आर्थिक प्रतिवेदन र बार्षिक प्रतिवेदन सार्वजनिक गरिएको थियो । आर्थिक प्रतिवेदन सार्वजनिक गर्दै क्लबका कोषाध्यक्ष शान्तकुमार बानियाले २०६४ सालमा स्थापना भएको यस क्लवलाई आफ्नै सम्झेर बिभिन्न पक्षबाट सहयोग गर्ने हातहरुलाई धन्यवाद ज्ञापन गर्नुभएको थियो  । यस क्लबले ५ लाखको अक्षकोष खडा गरेको र जेहेन्दार , गरिब बिद्यार्थीहरुका लागि १ / १ लाख मण्डली माबी फुलखर्क र हिले पोखरी निमाबि दाङसिङ्गलाई प्रदान गरिएको कोषाध्यक्ष बानियाँले बताउनु भयो ।

त्यसैगरी बार्षिक प्रतिवेदन सार्वजनिक गर्दै क्लबका अध्यक्ष रामेश्वर अधिकारीले क्लबको स्थापनाकाल देखि नै क्लबले सबै पक्षलाई समेटेर अघि बढीरहेको बताउंदै भावी योजनाका बारेमा उपस्थित ब्यक्तिहरुलाई जानकारी गराउनु भयो ।

यस मण्डली मा बि  को स्थापना २०१४ सालमा भएको हो ।यस बिद्यालयले बिभिन्न चरण पार गर्दै नि मा बी , मा बि , उच्च मा बि हुँदै धादिंग जिल्लाकै पहिलो प्राविधिक शिक्षालय बन्न सफल भएको छ । यस क्लबले मण्डली मा बि को स्थापनाकाल देखि हाल सम्मका शिक्षक , बिद्यार्थी र सहयोगी हातहरुलाई जोडिरहेको र बिभिन्न समयमा सम्मान गरेकोमा यस क्लबका सम्पूर्ण पदाधिकारीहरुलाई मण्डलीका भुतपुर्व प्राध्यापक नबराज अधिकारीले धन्यवाद ज्ञापन गर्नु भयो ।

उक्त कार्यक्रममा फुलखर्क कल्याणकारी कोषका पुर्वअध्यक्ष कुमार बहादुर अधिकारी ,गंगाजमुना सामुदायिक विकास युबा क्लबका अध्यक्ष गोकुल सिम्खडा, पर्यटन ब्यबसायी दल बहादुर अधिकारी, मण्डली मा बी का पुर्वप्राध्यापक नबराज अधिकारी,बिरेन्द्र रजौरे , पुर्व शिक्षकहरु स्थिरप्रसाद खनाल , दिप बहादुर अधिकारी , मण्डली मा बि का सह  प्राध्यापक अर्जुन प्रसाद नेपाल लगायतले शुभकामना दिनुभएको थियो ।

मण्डली भूपू विद्यार्थी क्लवले स्थापना कालदेखि नै विभिन्न कार्यक्रमहरु आयोजना गर्दै आईरहेको छ ।कार्यक्रममा  बिभिन्न ब्यबसायीहरु, बिभिन्न संघसंस्थाका प्रतिनिधिहरु,  समाजसेवीहरु ,पत्रकारहरु, बिद्यार्थीहरु ,मण्डली भूपू विद्यार्थी क्लवका सदस्यहरुको बाक्लो उपस्थिती र सहभागीता रहेको थियो ।

post image

 फागुन १९,काठमाडौं । शिवरात्रीमा पशुपतिको दर्शन गर्न जाने भक्तजन तथा सर्वसाधारणको लागि ट्राफिक प्रहरीले नयाँ ब्यबस्थापन गरेको छ ।

माइक्रोबस तथा टेम्पोको लागि सुन्धाराबाट बौद्ध जोरपाटी पुग्न महेन्द्रशालिक, कृष्ण पाउरोटी, जयनेपाल, नक्साल, सानो गौचरन सिफल, लामपोखर र गणेशस्थान, चावहिल हुदैँ जोरपाटी जाने व्यवस्था मिलाएको छ।

त्यस्तै जोरपाटीबााट बौद्ध हुदै सुन्धारा आउने टेम्पो तथा माइक्रोबसको लागि चाबहिल, नारायण गोपाल चोक, लाजिम्पाट, केशहरमल, जमल, घण्टाघर हुदै सुन्धार आउने व्यवस्था परेको छ।

नारायणगोपाल चोकबाट चल्ने गाडी भने चाबहिल पुगेपछि फर्कने छ। कोटेश्वर, बानेश्वर बाट जाने गाडीहरु भने सिनामंगलबाट अगाडि जान पाउने छैन।

पुरानो बानेश्वरबाट अगाडि जान पनि सवारी साधनलाई रोक लगाइएको छ। ट्राफिक प्रहरीले चाबहिलबाट गौशाला, पुरानो बानेश्वरबाट गौशाला, रातोपुलबाट गौशाला, गौरीघाटबाट उमाकुण्डको मार्ग रोकिने जनाएको छ।

पार्किङको व्यवस्था

ट्राफिक प्रहरीले पर्यटकको बस र अन्य पास भएका सवारीहरुलाई चार स्थानमा पार्किङको व्यवस्था मिलाएको छ।

तिलगङ्गा आँखा अस्पताल अगाडिको खाली ठाउँ, सिफल चौर, गुहेश्वरी पारी र देवउद्यानस्थित कोषको कार्यालय रहेका छन्। सिफलमा दर्शनार्थीको लागि पार्किङ, तिलगङ्गमा  पर्यटक बस, दर्शनार्थी र विदेशी पर्यटकले पार्किङ गर्ने व्यवस्था मिलाएको हो।

गुहेश्वरी पारी  वागमती कोरिडोर र जोरपाटीबाट चावहिल हुर्दै आउने सवारी साधनले पार्किङ गर्ने छन्। सिफल चौरमा सानो गौचरण, कालो पुल आउने सवारीले, तिलगंगामा तीनकुने, सिनामंगल हुर्दै तिलगंगा सम्म।

बस तथा माईक्रोबसहरु लागि

 पुरानो बसपार्क, भद्रकाली, सिंहदरबार, माईतीघर, नयाँबानेश्वर, तिनकुने, सिनामंगल हुँदै तिलगंगासम्म पुग्ने र त्यहीबाट पुरानोबसपार्क फिर्ता हुनेछन्। पुरानो बसपार्क, भद्रकाली, नागस्थान, भोटाहिटी, जमल, केशरमहल, खानी विभाग, लाजिम्पाट, नारायणगोपाल चोक, चावहिल, बौद्ध, जोरपाटी, साँखुसम्म पुग्ने र सोहीमार्ग हुदै जमलसम्म तत्पश्चात महेन्द्रशालिक तीनधारा पाठशाला हुदै पुरानोबसपार्क फिर्ता हुने व्यवस्था मिलाएको छ।  कालोपुल हुदै कपन चल्ने सवारी साधनहरु खानीविभाग, लाजिम्पाट हुदै महाराजगंजको बाटो चल्ने छन्।

मालवाहक सवारी साधनहरुको लागि

जोरपाटी, बौद्ध, चावहिल हुदै महाराजगंजतर्फ जाने मालवाहक सवारी साधनहरु चुच्चेपाटी, भृकुटीचोक, गोपीकृष्णहल हुँदै सुकेधारा, महाराजगंज तर्फ जाने व्यवस्था मिलाएको छ ।  कोटेश्वर, तिनकुने, गौशाला हुर्दै बौद्ध वा सुकेधारा तर्फ जाने मालवाहक सवारी साधनहरु कोटेश्वर, सातदोबाटो, कलंकी, महाराजगंज र बौद्ध जाने मालवाहक सवारी साधनहरू गोपीकृष्णहल, कपन, महाँकाल, चुच्चेपाटी हुदै बौद्ध तर्फ जाने छन्।

कोटेश्वर तिनकुने हुर्दै पशुपती वरपर पुग्नु पर्ने मालवाहक सवारी साधनहरु गैरीगाउँमा मेला अवधिभर कुर्नुपर्ने छ।  महाराजगंज, चावहिल हुदै पशुपती वरपर पुग्नु पर्ने मालवाहक सवारी साधनहरु बसुन्धारामा मेला अवधिभर कुर्नुपर्ने हुन्छ।

कोटेश्वर वा गठ्ठाघरबाट बौद्ध जोरपाटी जाने मालवाहक सवारी साधनहरु जडिबुटी, पेप्सीकोला, गोठाटार पुल हुर्दै बौद्ध जोरपाटीसम्म पुग्न सक्नेछन्।

post image

फागुन १९,काठमाडौं । पश्चिमी वायुको प्रभावले मौसममा सामान्य बदली भई आइतबार पहाडी क्षेत्रका केही स्थानमा हल्का वर्षा र उच्च हिमाली क्षेत्रमा हिमपातको सम्भावना देखिएको छ।

मौसम पूर्वानुमान महाशाखाले तीन दिनको मौसम पूर्वानुमान गर्दै पहाडी क्षेत्रमा मौसम आंशिकदेखि सामान्य बदली रहने र बाँकी भागमा आंशिक बदली रहने जनाएको छ।

सोमबार र मङ्गलवार पनि पहाडी क्षेत्रको मौसममा आंशिकदेखि सामान्य बदली रही केही स्थानमा मेघगर्जनसहित हल्का वर्षाको सम्भावना रहेको महाशाखाले प्रक्षेपण गरेको छ।

तराई क्षेत्रमा भने सोमबारदेखि मौसममा सुधार आउने देखिएको छ। बेलाबेला घाम लाग्नुका साथै वर्षा हुने देखिएकाले अधिकतम तापक्रम नबढ्ने र बढी चिसो महसुस हुने महाशाखाका मौसमविद् सुवास रिमालले बताए।रासस

post image

फागुन १७, पोखरा । जिल्ला प्रहरी कार्यालय, कास्कीको हिरासतमा रहेका एक अभियुक्तको शंकास्पद मृत्यु भएको छ । लागूऔषध कारोबारको आरोपमा पक्राउ परेका भारतीय नागरिक ३० वर्षीय सन्दीप शाहको हिरासतमै मृत्यु भएको हो ।

पुस २ मा लागूऔषध नियन्त्रणमा ब्यूरो, पोखराले पक्राउ गर्दा उनको साथबाट २ हजार ९ सय ७० वटा औषधिजन्य लागूऔषध बरामद भएको थियो । कास्की प्रहरी स्रोतका अनुसार उनले हिरासत कक्षभित्रै विष सेवन गरेका थिए । शाहले बिहान ४ बजे विष सेवन गरेर बान्ता गर्न सुरु गरेपछि हल्लीखल्ली मच्चिएको प्रहरीले जनाएको छ ।

‘बान्ता भएको केही समयमै अस्पताल लगियो,’ प्रहरी भन्छ, ‘अस्पताल लगिसकेपछि पनि केहवेर कुरा गरेका थिए । तर, उपचारका क्रममा उनको मृत्यु भयो ।’

शाहले सेवन गरेको विष हिरासत कक्षभित्र कसरी पुग्यो भन्ने विषयमा पनि प्रश्न उठेको छ । यो विषयको खोजी गरिरहेको प्रहरीले एक जना प्रहरी अधिकारीलाई पनि नियन्त्रणमा लिएको छ ।स्रोतका अनुसार तिनै प्रहरीमार्फत विष हिरासत कक्षसम्म पुगेको आशंका गरिएको छ ।

post image

फागुन १७, काठमाडौँ।  ताप्लेजुङमा बुधबार भएको हेलिकप्टर दुर्घटनामा परी निधन भएका संस्कृति, पर्यटन तथा नागरिक उड्डयनमन्त्री रवीन्द्र अधिकारीको अन्तिम संस्कार गृहनगर पोखरामा हुने भएको छ ।

अधिकारीसहित दुर्घटनामा ज्यान गुमाएका ७ जनाको टुँडिखेलमा सामूहिक रुपमा श्रद्धाञ्जलि सकिएपछि अधिकारीको शव अन्तिम संकारका लागि पोखरा लगिनेछ । काठमाडौंमा श्रद्धाञ्जली कार्यक्रम सकिएपछि शुक्रबार दिउँसो १२ बजेसम्म पार्थिव शरीर पोखरा लगि शवयात्राका साथ अन्त्येष्टि गरिने छ ।
अधिकारीको पार्थिव शरीर अन्त्येष्टिअघि अन्तिम श्रद्धाञ्जलीका लागि पोखराको प्रदर्शनी केन्द्रमा राखिनेछ । पोखरा र गण्डकी प्रदेशकै नागरिकले अधिकारीलाई श्रद्धाञ्जली दिन पाउने गरी प्रदर्शनी केन्द्रमा राख्ने व्यवस्था मिलाइएको छ ।

 प्रदर्शनी केन्द्रमा अन्तिम सम्मान गरेपछि शवयात्रा नयाँ बजार, महेन्द्रपुल, रानीपौवा, हस्पिटल चोक हुँदै रामघाट लगी राजकीय सम्मानका साथ अन्त्येष्टि गरिनेछ । बुधबारको मन्त्रिपरिषद् बैठकले उनको राजकीय सम्मानका साथ अन्त्येष्टि गर्ने निर्णय गरेको थियो ।

काठमाडौँबाट तेह्रथुमको चुहानडाँडामा विमानस्थलको सम्भाव्यता अध्ययनका लागि मन्त्री अधिकारीसहितको टोली कार्यक्रम सकेर पाथीभरा हुँदै काठमाडौँ फर्किने क्रममा बुधबार ताप्लेजुङको दारेभिरमा हेलिकप्टर दुर्घटनामा परेको थियो ।

दुर्घटनामा मन्त्री अधिकारी, यति एयरलाइन्सका प्रबन्ध निर्देशक आङछिरिङ शेर्पा, नेपाल नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ र निर्देशक धु्रव भोछिभोया, प्रधानमन्त्री तथा मन्त्रिपरिषद् कार्यालयका उपसचिव युवराज दाहाल, हेलिकप्टरका क्याप्टेन प्रभाकर केसी र मन्त्री अधिकारीका सुरक्षाकर्मी अर्जुनकुमार घिमिरेको निधन भएको थियो ।

post image

फागुन १६, चिप्लेढुङ्गा।  पोखरा महानगरपालिका–५ मा रहेको सूर्यचन्द्र स्मृति वाटिकाको नाम परिवर्तन गरेर रवीन्द्र स्मृति उद्यान राख्ने निर्णय गरिएको छ। सूर्यचन्द्र स्मृति विकास समाजको बुधबार बसेको बैठकले वाटिकाको नाम परिवर्तन गरी रवीन्द्र स्मृति उद्यान नामकरण गर्ने निर्णय गरेको समाजका पूर्वअध्यक्ष एवं वडा नं ५ का अध्यक्ष धनबहादुर नेपालीले जानकारी दिए।

बुधबार ताप्लेजुङमा भएको हेलिकप्टर दुर्घटनामा परी निधन भएका पोखरा–५ निवासी विकासप्रेमी नेता एवम् संस्कृति, पर्यटन तथा नागरिक उड्डययनमन्त्री रवीन्द्र अधिकारीको सम्झनामा पार्कको नाम रवीन्द्र स्मृति वाटिका राख्ने निर्णय गरिएको हो।

सूर्यचन्द्र विकास समाजद्वारा निर्मित पार्क मन्त्री अधिकारीले गत साउन ११ गते उद्घाटन गरेका थिए। पार्कलाई स्थापनादेखि सुव्यवस्थित गर्दै र शहीद स्मृति पुस्तकालयको आधुनिकीकरण गर्नमा मन्त्री अधिकारीको महत्वपूर्ण योगदान रहेको भन्दै उहाँको सम्मानमा नाम परिवर्तन गर्ने निर्णय गरिएको नेपालीले जानकारी दिए।

संस्थाका अध्यक्ष गायत्री भुत्र्यालको अध्यक्षतामा बसेको बैठकमा वडा नं ५ का जनप्रतिनिधि, पूर्वअध्यक्ष एवं सल्लाहकारहरुको सहभागिता रहेको थियो। रासस

post image

फागुन १६, काठमाडौँ। राजधानीको टुँडिखेलमा आज मध्यान्नदेखि नै नेपाली सेनाको सक्रियता सजावटमा जुटेको छ।  हिजो भएको हेलिकप्टर दुर्घटनामा परी निधन भएका पर्यटनमन्त्रीसहित ७ जनाको शवका लागि बेग्ला बेग्लै ठाउँको सजावटको तयारी भइरहेको छ ।

टेबुलमाथि सेतो कपडा र ट्रकमा ल्याइएको मालाद्वारा सजाइएको उक्त ठाउँ घटनाप्रति समवेदना प्रकट गर्न र सम्मानका लागि थियो ।

दुर्घटनामा भएको हाइप्रोफाइलको मृत्युकै कारण आज सरकारले सार्वजनिक विदा घोषणा गरेको छ र श्रद्धाञ्जली अर्पणका लागि यहाँ तयारी हुँदैछ।

post image

फागुन १५, बनेपा। नेपाली कांग्रेसका केन्द्रीय सदस्य एवं पूर्वस्वास्थ्यमन्त्री गगन थापाले धार्मिक स्वतन्त्रता भएको देशमा प्रत्येक व्यक्तिले आफ्नो धर्मको छनोट गर्ने कुरा उसको निजी कुरा भए पनि धर्म परिवर्तन गर्ने अभ्यास रोक्नुपर्ने बताएका छन्।

काभ्रेपलाञ्चोकको बेथानचोक गाउँपालिका–४ छत्रेपाटीखर्कस्थित तिलेश्र मन्दिर संरक्षण समितिद्वारा आयोजित ‘स्वर्णिम श्रीमद्भागवत भक्ति सत्संग महायज्ञ २०७५’ को दोस्रो दिन मंगलबार सहभागी भएका नेता थापाले कुन धर्म मान्ने र कुन धर्मको अभ्यास गर्छ गर्दैन भन्ने कुरा निजी भएको बताए।

उनले भने, “धर्मको अभ्यास गरे पनि नेपालभित्र धर्म परिवर्तनको अभ्यास गर्ने कुरालाई राज्यले रोक्नुपर्ने हुन्छ, त्यो राज्यको दायित्व हो।” धर्म परिवर्तन गर्ने कुरालाई पूर्णरूपमा रोक्नुपर्ने उल्लेख गर्दै थापाले त्यसको अधिकार संविधानले नै नेपाल राज्यलाई दिएको बताए।

उनले गाउँगाउँमा लाग्ने गरेको महायज्ञ धार्मिक प्रचारप्रसारको माध्यम भएकाले त्यसलाई सहयोग गर्नु सबैको दायित्व भएको उल्लेख गरे। उनले हिन्दू, बौद्ध र किराँत धर्म नेपाल राज्यको पहिचान र परिचय भएकाले त्यसको संरक्षण गर्नुपर्नेमा जोड दिए।

तिलेश्वर मन्दिर संरक्षण समितिद्वारा आयोजित मन्दिर प्रचारप्रसार, विकास तथा पुनःनिर्माण गर्न सहयोग जुटाउने उद्देश्यले भएको महायज्ञमा ५० लाख उठाउने लक्ष्य राखिएको समितिका संयोजक कृष्णबहादुर लामाले बताए। उनका अनुसार मन्दिर निर्माणका साथै अन्य भौतिक संरचना निर्माणसहितको लागि करीब रु दुई करोडको गुरुयोजना तयार पारी काम अगाडि बढाइसकिएको छ।

सो महायज्ञमा कथा व्यास नारीरत्न विदुषी सुश्री अनुराधा शास्त्रीजी र देशव्यापी १०८ श्रीमद्भागवत सत्सङ्कल्प अभियानकर्ता मुमुक्षु श्री उद्धव शर्माको कथा वाचन रहेको छ। सो महायज्ञ आगामी २१ गतेसम्म चल्ने आयोजकले जनाएको छ। रासस

post image

फ़ागुन १५ , भरतपुर। चितवनमा भएको सवारी दुर्घटनामा एक जनाको मृत्यु भएको छ। अन्य दुई घाइते भएका छन्। पूर्वपश्चिम राजमार्ग अन्तर्गत भरतपुर महानगरपालिका–३ शहीदचोक नारायणगढमा मंगलबार राति गोरखाबाट भरतपुरतर्फ आउँदै गरेको ग २ च ४६०० नंको एम्बुलेन्स शहीदचोकमा घुमाउँदै गरेको ना १ ज ७७७३ नंको म्याजिकमा ठक्कर खाँदा दुर्घटना भएको हो।

ठक्करबाट एम्बुलेन्समा सवार बिरामी गोरखा पालुङटार नगरपालिका–१ का ५५ वर्षीय सन्तमान श्रेष्ठको मृत्यु भएको हो। ठक्करबाट घाइते उनको भरतपुर अस्पतालमा उपचारका क्रममा मृत्यु भएको जिल्ला प्रहरी कार्यालय चितवनले जानकारी दिएको छ। उनी उच्च रक्तचापका बिरामी थिए। शव परीक्षणका लागि भरतपुर अस्पतालमा राखिएको छ।

दुर्घटनामा बिरामीसँगै आएका गोरखा पालुङटारकै ६५ वर्षीय उदयप्रसाद श्रेष्ठ र म्याजिक चालक तनहुँ श्यामघाट–६ का १९ वर्षीय प्रवीनकुमार श्रेष्ठ घाइते भएका छन्। घाइते दुवैको भरतपुर अस्पतालमा उपचार भइरहेको छ। एम्बुलेन्सको तीव्र गतिका कारण दुर्घटना भएको प्रहरीले जनाएको छ। एम्बुलेन्स चालकलाई प्रहरीले नियन्त्रणमा लिएको छ। रासस

post image

फागुन १५, काठमाडौं । जनकपुर–धनुषाको मिथिला नगरपालिकास्थित ढल्केवरमा बस र ट्रक एक आपसमा ठोक्किँदा २ जनाको मृत्यु भएको छ ।

 दुर्घटनामा परि बसमा सवार भारत विहार राज्यको मोतिहारी जिल्लाका २५ बर्षिय उदेश ठाकुर र धनुषाको क्षिरेश्वरनाथ नगरपालिका वडा नम्बर ५ बस्ने ४५ बर्षिय शिवकला देवी मण्डलको मृत्यु भएको जिल्ला प्रहरी कार्यालय धनुषाले जनाएको छ ।

गएराती  पूूर्व–पश्चिम राजमार्ग अन्तर्गत ढल्केवरमा ना ५ ख ४९६ नम्बरको मकालु बस र बिपरित दिशाबाट आइरहेको ना ६ ख ९४९६ नम्बरको ट्रक एक आपसमा ठोक्किएको प्रहरीदले जनाएको छ ।

दुर्घटनामा अरु एक दजर्न भन्दा बढी यात्रु घाइते भएका छन् । घाइतेहरुको लालगढ मोडेल अस्पतालमा उपचार भइरहेको जनाइएको छ ।

post image

फागुन १४, काठमाडौँ । शहरी विकास मन्त्रालयले नयाँ बानेश्वरस्थित संसद् भवनमा परिसरमा नयाँ चमेनागृह निर्माण सुरु गरेको छ। शहरी विकास मन्त्री मोहम्मद इस्तियाक राईले सोमबार भवनको शिलान्यास गरे।

९ सय ८३ स्क्वायर मिटर क्षेत्रफलमा निर्माण हुन लागेको चमेनागृहमा एक सय ८६ जना क्षमताको डायनिङ हल बन्नेछ।

चमेनागृहमा मुस्लिम समुदायका लागि हलाल खाना बनाउन छुट्टै भान्छाघरको व्यवस्था हुनेछ। कुल दुई करोड ७८ लाखमा निर्माण सम्झौता भएको चमेतागृह ६ महिनामा निर्माण सम्पन्न गर्ने लक्ष्य राखिएको छ।

post image

फागुन १४, दार्चुला। दुहुँ गाउँपालिका–३ स्थित निर्माणाधीन दार्चुला–तिङ्कर सडकको राताकाठामा पहिरो खस्दा एक जनाको मृत्यु भएको छ। दुई जना घाइते भएका छन्।

आज बिहान पहिरो खस्दा नौगाड गाउँपालिका–४ सिप्टीका ३९ वर्षीय रघुवीरसिंह धामीको घटनास्थलमै मृत्यु भएको प्रहरी नायब उपरीक्षक रवीन्द्र कठायतले जानकारी दिए। खलङ्गाबाट व्यास क्षेत्रमा भेडाबाख्रा लिएर जान लागेका धामी सडकमाथिबाट आएको पहिरोमा परेका थिए। नौगाड–४ का ३१ वर्षीय मानसिंह ठगुन्ना र वडा नं ३ का उधारो ठगुन्ना घाइते भएका छन्।

घाइते उधारोको टाउकोमा चोट लागेको जिल्ला अस्पतालका स्वास्थ्य सहायक डम्मरदत्त भट्टले जानकारी दिए। मानसिंहको हातमा चोट लागेको छ। दार्चुला–तिङ्कर सडकमा सोमबार विस्फोटक पदार्थ विष्फोटन गरिएको थियो। दिउँसो ओहोरदोहोरमा समस्या हुने भए पछि उनीहरु राति त्यही बाटो भएर व्यासतर्फ जाँदै थिए। दार्चुला–तिङ्कर सडक योजनाका इञ्जिनियर दिनेश रैखोलाका अनुसार अहिले सो सडक चौडा पार्ने काम भइरहेको छ। राति पानी परेका कारण पहिरो खसेको अनुमान गरिएको छ। रासस

post image

फागुन १३, काठमाडौं । सुँगुर र बंगुरलाई भनेर संकलन गरिने फोहोर खाद्यान्न र अखाद्य वस्तु घरेलु मदिरा बनाउन प्रयोग हुने गरेको खुलेको छ । महानगरीय प्रहरी वृत्त, थानकोट र प्रहरी प्रभाग, बलम्बुले चलाएको मदिरा नियन्त्रण अभियानका क्रममा यो रहस्य खुलेको हो ।

बलम्बु प्रहरीले शुक्रबार मात्रै १२ हजार ४ सय लिटर घरेलु मदिरा नष्ट गरेको छ भने ४ हजार किलो मदिरा बनाउने कच्चा पदार्थ पनि नष्ट गरेको छ ।

बलम्बुका प्रहरी प्रमुख प्रहरी निरीक्षक शंकर खड्काका अनुसार पार्टी प्यालेस र विवाह भोजबाट उठाइएको अखाद्य वस्तुलाई पनि कच्चा पदार्थको रुपमा राखिएको भेटिएको छ । थानकोटका डीएसपी कुमार विक्रम थापाका अनुसार ती ठाउँहरुमा छापा मार्दा रहस्यमय तवरले आधुनिक घरभित्र मदिराको भट्टी फेला परेको छ । उनले सुनाए, ‘तीन ओटा सुविधा सम्पन्न घरबाट ती मदिरा र मदिरा बनाउने कच्चा पदार्थ बरामद भएको छ ।’

post image

फागुन १२, ललितपुर । ललितपुरको नख्खुस्थित शुक्रबार राति भएको विस्फोटमा परी मृत्यु भएका सिंहप्रसाद गुरुङको परिवारले शव बुझ्ने भएका छन्। ललितपुर क्षेत्र नम्बर ३ की सांसद पम्पा भुसालले सरकारले १० लाख क्षतीपुर्ती बेहोर्ने प्रतिबद्दता जनाएपछी उनीहरुले शव बुज्ने भएका हुन्।

सिंगापुर गोर्खा एशोसियनले शनिवार ५ जनाको  दबाब समिती गठन गरेको थियो। समितीले गृहमन्त्री राम बहादुर थापा बादलले अस्पतालमै पुगेर क्षतीपुर्ती दिने आश्वाशन दिएपनि लिखित नभइ शव नबुझ्ने अडान राखेको थियो।

समितीको अध्यक्ष भोगेन्द्र गुरुङले भने, ‘ पम्पा भुसालले १० लाख क्षतीपुर्ती दिने व्यवस्था मिलाउँछु भन्नुभयो।  परिवारले पनि शव ल्याउन आग्रह गरेपछि शव लिन अस्पतालमा आएको छौँ।’

मृतक गुरुङ सिंगापुरका रिटायर्ड प्रहरी हुन्। उनकी जेठी छोरी अस्ट्रेलियामा छिन भने छोरा यही कक्षा ६ मा पढ्दैछन्। एउटी सानी छोरी कक्षा १ मा पढ्दैछिन्। छोरी अष्ट्रेलियाबाट फर्केपछि भोली दाहसंस्कार गर्ने अध्यक्ष गुरुङले  बताए।

post image

फागुन १२, काठमाडौं । ललितपुर महानगरपालिकाका मुख्य सडकमा ‘स्मार्ट’ बत्ती जडान गर्ने तयारी शुरु भएको छ । महानगरपालिका र नेपाल विद्युत् प्राधिकरणको सहकार्यमा महानगरका मुख्य सडकमा बत्ती जडान हुनलागेको हो ।

चालू आर्थिक वर्षभित्रमा सम्पन्न गर्ने योजनासहित ठेक्का सम्झौता भएको महानगरपालिकाका प्रवक्ता राजु महर्जनले बताए। उनका अनुसार महानगरका पाँच मुख्य सडकमा ‘स्मार्ट’ बत्ती जडान गर्न लागिएको हो ।

 कुपण्डोलबाट पुल्चोक हुँदै लगनखेल, पुल्चोकबाट मङ्गलबजार हुँदै ग्वार्खो, कुपण्डोलबाट पाटनढोका हुँदै मङ्गलबजार, एकान्तकुनाबाट बुङ्गमती र सातदोबाटोबाट धापाखेलसम्मको सडकमा बत्ती जडान गर्न लागिएको उनले बताए ।

प्राधिकरणसँग गत वर्ष पहिलो चरणमा कुपण्डोलबाट लगनखेलसम्म र दोस्रो चरणमा बाँकी सडकमा बत्ती जडान गर्ने सहमति भए पनि अहिले यी सबै सडकमा एकसाथ काम हुँदैछ । ‘अबको एक वर्षभित्रमा महानगरका मुख्य सडक सबैतिर बत्ती जडान भइसक्नेछ’, उनले भने।

‘स्मार्ट’ बत्ती अरु सडक बत्तीभन्दा फरक रहेको महानगरपालिकाले बताएको छ । यो बत्ती सडकमा यात्रु र सवारीसाधन नहुँदा निभ्ने, उनीहरु आउँदा आफैँ बल्ने प्रवक्ता महर्जनले बताएका छन् । उनले भने, ‘यात्रु र सवारी गएपछि बत्ती आफैँ निभ्नेछ ।’

महानगरपालिकाका अधिकांश सडकमा बत्ती नहुँदा सवारीचालक र यात्रु हैरान छन् भने रातका समयमा सडक दुर्घटना भइरहेको छ । रासस

post image

फागुन १२, काठमाडौं । काठमाडौँमा अष्ट्रेलियन स्किल माइग्रेसन सेमिनार हुने भएको छ । केबीए ग्लोबलको आयोजनामा आगामी मार्च २ तारिक शनिबारको दिन यस सेमिनार हुन गइरहेको छ ।

उक्त सेमिनारमा बिद्यार्थी बाहेक पनि अन्य क्षेत्रमा शिप हुने दक्ष तथा योग्य व्यक्तिहरुले अष्ट्रेलिया जाने अवसरको बारेमा जानकारी लिन सक्नेछन् । सेमिनारमा नर्दन टेरीटोरी अष्ट्रेलियाका उच्च पदाधिकारीको पनि सहभागिता रहने छ । यस सेवा सम्वन्धि सबै जानकारी अष्ट्रेलियन स्किल माइग्रेसन सेमिनारमा प्रदान गरिने आयोजकले बताएको छ  ।

लामो समयदेखि परामर्श प्रदान गर्दै आइरहेको केबीए ग्लोबल एजुकेसन एण्ड माइग्रेशन सन् २०१२ मा  अष्ट्रेलियाको डार्विनमा स्थापित भएको थियो। हाल यसका ५ कार्यालयहरुले अष्ट्रेलियाका बिभिन्न सहरहरुमा , ६ वटा कार्यालय नेपालमा र एउटा कार्यालय फिलिपिन्समा रहेर सेवा प्रदान गरिरहेका छन् ।

 

 

post image

फागुन १०, काठमाडौं । नेपाली महिला तथा बालिकाको मानव अधिकार संरक्षण र सम्बर्द्धन गर्दै लैङ्गिक समानता हासिल गर्न क्रियाशिल महिलाहरुले नेतृत्व गरेको गैरसरकारी संस्थाहरुको राष्ट्रीय सञ्जाल संस्था बियोण्ड वेईजिङ्ग कमिटी (बिबिसी)ले  एक गोष्ठीको आयोजना गरेको छ  ।

विभिन्न जिल्लाबाट आएका सवालहरुलाई सम्बोधन गर्दै , यस राष्ट्रिय परामर्श गोष्टिको छलफलबाट उठेका विषयहरु र महिलाको प्रजनन् स्वास्थ्य अधिकार लगायतका सवालहरुलाई समेत समेटी प्रतिवेदनको रुपमा तयार पारी कल फर एक्सन  बनाउने र राष्ट्र सडघमा प्रतिवेदनको रुपमा लैजाने क्रममा आज यो कार्यशाला गोष्ठीको आयोजना गरिएको हो ।

नेपाल सन् १९९५ मा स्थापना भएको एक गैरसरकारी संस्था हो । यस संस्थाले आफनो स्थापनाकाल देखि नै चौथो विश्व महिला सम्मेलनद्धारा पारित बेईजिङ्ग घोषणा-पत्र र कार्ययोजना कार्यान्वयन गराउन लगायत दिगो विकास एजेण्डा २०३० सँग सम्बन्धित कार्यहरु गर्ने लगायत हरेक वर्ष संयक्त राष्ट्र संघमा आयोजना हने महिलाको स्थिति सम्बन्धि आयोगमा नेपालको महिला नागरिक समाजको तर्फबाट स्थानिय स्तरदेखि राष्ट्रिय स्तरको परामर्श गोष्ठिबाट आएका सवालहरुलाई समावेश गरी प्रतिवेदन पेश गर्दै आइरहेकोछ । 

post image

फागुन १०,काठमाडौं । उपत्यकाभित्र जथाभावी हर्न बजाउनेलाई ट्राफिक प्रहरीले धमाधम कारवाही गरिरहेको छ।नो हर्न क्षेत्र घोषणा भइसकेकाले अटेर गरेर हर्न बजाउनेलाई कारवाही गरिएको महानगरीय ट्राफिक प्रहरी महाशाखाले जनाएको छ।

२०७४ वैशाख १ गतेदेखि सुरु भएको हर्न निषेधित अभियान अन्तर्गत फागुन ९ गतेसम्म ३० हजार ४६८ सय ५० जनालाई ट्राफिक प्रहरीले कारबाही गरिसकेको छ। आर्थिक वर्ष २०७३\७४ मा ९ हजार ६६३ जना चालक कारबाहीमा परेका छन्। आर्थिक वर्ष २०७४\७५ मा १५ हजार ४०५ जना र चालु आर्थिक वर्षको सात महिनामा ५ हजार ४ सय जना कारबाहीमा परेका छन्।

कसैले नो हर्न नियमलाई अटेर गर्दै हर्न बजाएमा पहिलो पटक ट्राफिक प्रहरीले ५ सय रुपैयाँ, दोस्रो पटक १ हजार रुपैयाँ र तेस्रो पटकमा १५ सय रुपैयाँसम्म जरिवाना लाग्ने व्यवस्था छ।

post image

फागुन १० ,काठमाडौं । सडकपेटीमा कोहि आमा बुबा बेवारिसे हुनु नपरोस भनेर निर्माण हुन लागेको बा आमा आश्रम निर्माणको लागि सहयोग जुट्नेक्रम चलिरहेको छ । बा आमा घर अर्थात सुरक्षित आश्रम बनाउनको लागि आफ्नै घर जग्गा संस्थालाई दान गरेर अभियानमा जुट्नु भएका संस्थाका अध्यक्ष समाजसेवी बिनयजंग बस्नेतलाई सामुदायिक रेडियोहरुका नेटवर्क सीआईएनका प्रमुख दीपक आचार्यले आफैले लेखेको रु ७५ हजार बराबरको ज्ञानशाला पुस्तक हस्तन्तरण गर्नु भएको छ ।

बा आम घर आश्रमका प्रमुख सल्लाहकार समेत रहेका आचार्यले पुस्तक बिक्रि भैसकेपछि थप ७५ हजार बराबरको पुस्तक हस्तान्तरण गर्ने प्रतिवद्धता व्यक्त गर्दै कोही पनि बेवारिसे हुनु नपरोस भन्ने अभियानमा जुट्न सबैलाई आग्रह गर्नुभयो । आचार्यले आश्रमलाई सेवा गर्ने, आत्मज्ञान र शान्ति प्राप्तगर्ने पवित्र स्थलको रुपमा बिकास गर्ने बताउनु भएको छ ।

बेवारिसे लाशको अभिभावक भनेर चिनिने समाजसेवी बिनयजंग बस्नेतले आश्रममा २३ जना बेघर र बेसाहारा बेवारिसेहरुले आश्रय पाउने बताउनु भएकोछ । नेपालको ७७ वटै जिल्लामा शाखा खोली बेवारिसेहरुको ब्यबस्थापनका लागि काम भैरहको छ । बस्नेतले १७५ भन्दा बढि बेवारिसे शबको आफ्नै हातले ससम्मान दाहसंस्कार गरिसक्नु भएको छ । सयौं कुलतमा फसेकाहरुलाई सहि बाटोमा ल्याउने, सडकमा भएका बेबारिसेहरुलाई उपचार गराई आश्रय स्थलमा पु¥याउने र पारिवारिक मिलन गराउने जस्ता काम संस्थाले गर्दै आएको छ । महालक्ष्मी नगरपालिका चाँगाथलीमा बा आमा घर निर्माण भैरहको छ ।

post image

फागुन ९,काठमाडौं । केहीदिनअघि आएको पश्चिमी वायुको प्रभावले शनिबार र आइतबार  राम्ररी घाम लागे पनि सोमबारदेखि फेरि बादल लाग्ने भएको छ ।  आज दिनभरि काठमाडौं उपत्यकासहित देशका मध्य क्षेत्रमा बादल लाग्ने भएको छ।  केही ठाउँमा वर्षा हुने र केही स्थानमा बदलीमात्र हुने मौसम पूर्वानुमान महाशाखाले जनाएको छ।

‘नेपालतिर आइरहेको पश्चिमी वायु अहिले अफगानिस्तान र पाकिस्तानको आकाशमा आइपुगेको छ। पश्चिम नेपालमा यसको प्रभाव सोमबारदेखि सुरू हुन्छ,’ महाशाखाकी मौसमविद् शान्ति कँडेलले सेतोपाटीसँग भनिन्, ‘यो प्रणाली बलियो भएकाले उच्च हिमाली क्षेत्रमा हिमपात र पहाडी क्षेत्रमा वर्षा गराउनेछ।’

पश्चिमदेखि पूर्व सर्दा त्यो पश्चिमी वायुले तीन दिन मौसममा बदली हुनेछ।   गत पुस २३ गतेयता हप्तैपिच्छेजसो पश्चिमी वायू आइरहेको छ।  पश्चिमी वायूको प्रभावले पुस २३ गते राजधानीमा यो वर्षको पहिलो हिउँदे वर्षाभएको थियो।

सोमबार यो वर्ष आठौं पटक पश्चिमी वायु आउन लागेको हो। ‘पश्चिमी वायू प्रणाली कहिले र कसरी आउँछ भन्ने एकिन हुँदैन। यसपालि लगालग आइरहेको छ,’ महाशाखाका मौसमविद् सुवास रिमालले भने। नेपालमा हिउँदे वर्षा गराउने पश्चिमी वायू भूमध्य सागरदेखि आउँछ। भूमध्य सागरको माथि बन्ने यो प्रणाली सतहदेखि झन्डै पाँच किलोमिटर माथि हुन्छ।

post image

फागुन ९, काठमाडौं। हजुर बा हजुरआमा वालवालिकाको सबै भन्दा नजिकका अभिभावक हुन् । कतिपय बाबु आमा आफ्ना छोरा छोरी हजुरबा हजुरआमाको जिम्मा लगाएर काममा जान्छन् । बा आमाले भन्दा धेरै माया गर्ने हजुर बा हजुरआमा धेरै छन् यो मुलुकमा । कतिपय हजुरआमा यस्ता पनि भेटिए जसले आफ्नै हातले भातमा विष मिसाएर खुवाउन पनि पछि परेनन् ।

कञ्चनपुरको शुक्लाफाँटा नगरपालिका–१० टोटीकी सात वर्षीया बालिका रीतु डगौरालाई विष खुवाएर मारेको आरोपमा मृतकका हजुरबुबा र हजुरआमालाई इलाका प्रहरी कार्यालय झलारीले पक्राउ गरेको छ ।

पक्राउ पर्नेमा ४३ वर्षीया रेशमी डगौरा र ६० वर्षीय भर्थरी डगौरा रहेका छन । मृतककी आमा ज्योति डगौराले किटानी जाहेरी दिएपछि दुवैलाई प्रहरीले बुधबार पक्राउ गरेको हो । गत माघ २२ गते भात खाएपछि रीतुले लगातार बान्ता गर्न थालेपछि उपचारका लागि लैजाँदै गर्दा बाटोमा मृत्यु भएको थियो । बालिकाले गरेको बान्ता खाँदा पाँच कुखुरासमेत मरेका थिए ।

बालिकाकी हजुरआमा रेशमीले नातिनीसँग रिस उठेपछि बजारबाट तरकारीमा छर्किने विषादी भातमा हालेर खान दिएको बताएकी छिन् । तरकारीमा छर्किने विषादीका कारण बालिकाको मृत्यु भएको रेशमीले प्रारम्भिक बयानका क्रममा बताएको इप्रका झलारीका प्रहरी निरीक्षक रमेशदत्त अवस्थीले बताए ।

मृतक बालिकाको रगतको नमूना विज्ञान विधि प्रयोगशालामा परीक्षणका लागि यसअघिनै पठाइसकिएको उनले बताउनुभयो । दुवै जनामाथि ज्यानसम्बन्धी कसुरमा अदालतमा मुद्दा दर्ता गरी सात दिनको म्याद थप गरी प्रहरीले अनुसन्धानको कार्य अगाडि बढाएको छ ।

post image

काठमाडौं, ९ फागुन । काठमाडौं महानगरपालिका-२६ गंगबु चोकस्थित काठमाडौं डिजिटल फोटो स्टुडियोबाट नक्कली परिचयपत्र बनाएको अभियोगमा २ जना पक्राउ परेका छन् । स्टुडियोका संचालक लम्जुङ बेशीसहर नगरपालिका-१ का ५२ वर्षीय ओमबहादुर पाण्डे र तनहुँ भानुमति-२ का २५ वर्षीया पमिसा श्रेष्ठलाई बुधबार राति प्रहरीले पक्राउ गरेको हो ।

 वैदेशिक रोजगारी विभागमा पेस गरिने परिचयपत्र उक्त स्टुडियोमा नक्कली छापेको भन्ने सूचनाको आधारमा महानगरीय प्रहरी वृत्त कालिमाटीबाट खटिएको प्रहरी टोलीले उनीहरूलाई नक्कली परिचयपत्र सहित पक्राउ गरेको हो ।यस सम्बन्धमा प्रहरीले आवश्यक अनुसन्धान गरिरहेको छ ।

post image

फागुन ९,काठमाडौं । भारत उत्तरप्रदेशको कटराचौराह मधावलिया रोड निचलौलबाट एक २१ बर्षिय युवतीको उद्धार गरिएको छ । निचलौल स्थित एक कोठाबाट उनलाई उद्धार गरिएको हो । आफन्त नेपाल,सिमा प्रहरी महेशपुर ,कोटवाली थाना ठूठीबारी र निच्लोलको निच्लोल थानाको सहयोगमा ती युवती उद्धार गरिएको आफन्त नेपालका कार्यकारी निर्देशक इन्द्रराज भट्टराई बताए ।

भट्टराईका अनुसार आर्केष्टाको एक कोठामा ती युवती सहित १२ जना थिए । ती मध्ये ६ नेपाली युवती थिए । अन्य युवती नेपाल फर्किन नमानेपछि ती युवतीको मात्रै उद्धार गरिएको हो । नवलपरासीकि ती युवती लाई महेशपुरका मनोज धोवि(३०) ले आर्केष्टामा काम लगाइदिने भनि महेशपुर नाका बाट निच्लोल पु¥याएर आर्केष्टामा ८० हजार भारुमा बेचेको प्रहरीको भनाई छ । मनोजले परासीको सिद्धार्थ चाउचाउ फ्याक्ट्रिमा काम गर्ने ती युवती लाई जागिर लगाइदिने भनि प्रलोभनमा पारि निच्लोल पु¥याएका थिए । त्यँहाको आर्कोष्टामा उनलाई नाच्ने काममा लगाइएको थियो ।

पीडित युवतीका अनुसार काम गरेको पैसा नपाएपछि साहु लाई घर पठाइदे भन्दा आफुले पैसामा किनेकाले पठाउन नमिल्ने बताएका थिए । त्यसपछि मात्र आफु बेचिएको थाहा भएको उनले बताइन् ।एक महिनाको चिनजानमा मनोज संग नजिकिएकि ति युवती लाई ६ महिना अघि सो आर्केष्टाम पु¥याइएको थियो ।

मनोजले उनकि बहिनी लाई पनि २० हजार भारु कमाउने काममा लगाइ दिने भनि प्रलोभन दिएका थिए । उनी जान नमानेपछि मनोज सम्पर्क बिहिन भएका थिए । बहिनी सिमा भन्छिन्,“मलाई पनि बेच्ने योजना रैछ”,धन्न बेचिनबाट जोगिए” ६ महिना सम्म पनि दिदि सम्पर्कमा नआएपछि उनले जिल्ला प्रहरी कार्यालय नवलपरासीमा दिदि हराएको निवेदन दिएकि थिइन । प्रहरीले चासो नदिएपछि संघसंस्था लाई खोजि दिन आग्रह गरेपछि दिदिको उद्धार गरिएको उनले बताइन ।

उक्त आर्कोष्टामा मनोजले नेपाली युवती सप्लाई गर्ने कम गर्दै आएको आशंका गरिएको सिमा प्रहरी चौकि महेशपुरका प्रहरी इन्र्चाज बिष्णु सापकोटाले बताए । फरार रहेका मनोज भारतको निचलौलमा भएको आशंकामा भारतीय प्रहरीको सहयोगमा खोजी कार्य गरिएको सापकोटाले बताए । उनका अनुसार २ महिना अघि पनि उक्त आर्केष्टाबाट एक युवतीको उद्धार गरिएको थियो । पछिल्लो ६ महिनाको अवधिमा आर्केष्टा हिडेका ९ युवतीको सिमा बाट उद्धार गरेको छ । आर्केष्टाको माध्यामबाट युवतीहरु बेचबिखनमा पर्न थालेपछि प्रहरीले जान रोक लगाएको छ ।

post image

फागुन ९, हुम्ला । हिमाली जिल्ला हुम्लामा आज फेरि हिमपात शुरू भएको छ। गएको कात्तिक १८ गतेबाट हिमपात हुन शुरू भएको हुम्लामा पुस महिनाको मध्यदेखि फागुनसम्म निरन्तरको हिमपातले यहाँको जनजीवन प्रभावित भएको छ।

उत्तरी नाम्खा गाउँपालिका एक महीनादेखि नमस्ते टेलिफोन सेवा अवरुद्ध भएको छ। जिल्लामा भारी हिमपातले गर्दा नाम्खा गाउँपालिकामा रहेको नमस्ते टेलिफोन टावर बिग्रँदा एक महिनादेखि मर्मत नहुँदा टेलिफोन गर्न नपाइएको जिल्ला प्रहरी कार्यालयका प्रहरी नायब उपरीक्षक रविन श्रेष्ठले जानकारी दिए। त्यस क्षेत्रका स्थानीयले नमस्ते, स्काइ टेलिफोन सेवा अवरुद्ध भएको छ।

माघ महिनामा परेको भारी हिउँ पग्लिन नपाउँदै बिहीबारबाट फेरि हिउँ पर्न थालेको छ। आज बिहान निरन्तर परेको हिउँ करीब चार इन्च जमिसकेको छ। हिमपातले चिसो बढ्दै गएको छ।

प्रहरीको वासस्थान सर्‍यो

नाम्खा गाउँपालिका–६ मुचुमा रहेको प्रहरी चौकी भारी हिमपातको चिसोले तीन घण्टा पैदल हिँडेर पुग्ने स्थान तुम्कोटमा सारिएको प्रहरी प्रमुख श्रेष्ठले जानकारी दिए। नेपाल प्रहरीको सञ्चारसेटबाहेक अन्य टेलिफोन सेवा बिग्रँदा समस्या बनाएको उनले बताए। नाम्खा गाउँपालिकाको खबर प्रहरी सञ्चार सेटमा लिने गरेको जानकारी प्राप्त भएको छ। उत्तरी नाम्खा गाउँपालिका उच्च हिमाली गाउँपालिकामा पर्ने भएकाले हिमपातले चिसो बढाएको तीन घण्टा तल बेँसीतिर सारिएको उनले जनाए।

दाउराको माग

जिल्ला सदरमुकाम सिमकोटमा यतिबेला दाउराको माग बढ्दै गएको छ। हिमाली जिल्ला हुम्लामा लगातार हिमपात हुँदा चिसो बढेसँगै दाउराको माग बढ्दै गएको छ। उत्ता हिल्दुम साना जलविद्युत् केन्द्रले विद्युत् भार कटौती समय तालिका बढाउँदै गएपछि दाउराको माग बढेको हो।

जिल्लाका खार्पुनाथ सिमकोट गाउँपालिकाका स्थानीयले सिमकोट बजारमा ल्याएका दाउरा एक भारीको रु ५०० देखि एक हजारसम्मको मूल्य तिरेर खरीद गर्नुपरेको सिमकोटमा बस्दै आएका विनिता महताराले बताए। लगातार हिमपात हुँदा घार बनाउन वनमा गएर दाउरा टिप्नलाई गाह्रो हुँदा महँगो मूल्यमा किन्नुपरेको उनले बताए। दाउरा बिक्री गर्ने खच्चड व्यवसायीले पनि राम्रो आम्दानी गरेका छन्।

डोल्पालीहरू अलपत्र

केही समयदेखि परेको हिमपातले डोल्पा जिल्लाको उत्तरी क्षेत्रको जनजीवन कष्टकर बनेको छ। चार÷पाँच फिटसम्मको हिउँ जमेका कारण यहाँका वासिन्दा घरबाहिर निस्कन सकेका छैनन्। विगतका वर्षहरुमा सामान्यतः माघको अन्तिमसम्म मात्रै हिमपात हुने गरेकामा यस वर्ष फागुनको मध्यसम्म पनि हिउँ पर्ने क्रम रोकिएको छैन।

हिमपातकै कारण कतिपयको घरभित्र जोहो गरेको खाद्यान्न सकिन लागेकाले भोकमरीको अवस्था आउने सम्भावना देखिएको छ। विरामी हुँदा औषधोपचार गर्ने तथा चौंरीलगायतका पशुहरूलाई खुवाउने कुराको अभावमा भोकै मर्ने स्थिति समेत उत्पन्न हुनसक्ने खतरा देखिएको छ।

हिमपात नरोकिएका कारण जाडो छल्न काठमाडौँ, नेपालगञ्ज, सुर्खेतलगायतका शहरमा झरेका कतिपय डोल्पाली घर फर्किन सकेका छैनन्। महिनौंसम्म राजधानीमा बस्नुपर्दा खर्च धान्न पनि मुस्किल भएको डोल्पा बुद्ध गाउँपालिका(१ धो तरापका नाम्ग्याल गुरुङले बताए। उनका अनुसार यतिबेला राजधानीमा मात्रै ५०० भन्दा बढी डोल्पाली बौद्धलगायतका स्थानमा अलपत्र परेका छन्। ‘‘अधिकांशको राजधानीमा आफन्तको घर नभएकाले बौद्धका गलैंचा कारखानाहरूमा बस्नु परेको छ ।’’गुरुङले भने। रासस

post image

 फाल्गुन ८, ललितपुर  । युवाहरुको क्षमता विकास गर्ने उदेश्यले युथ एड्भोकेसी नेपालले भिएसओ र साडेड नेपालसँगको सहकार्यमा ३ दिने युथ डेमोक्रेसी क्याम्प सम्पन्न गरेको छ । फाल्गुन ५ देखी ७ सम्म लतितपुरको कोतडाँडामा भएको  क्याम्पलाई सहजीकरण गर्दै लोकतन्त्रको विश्वव्यापी मान्यतालाई नेपालले व्यवाहारिकरुपमा कार्यन्वयन गर्नुपर्ने प्राध्यापक कृष्ण प्रसाद खनालले वताए ।

नेपाली लोकतन्त्रमा देखीएको चुनौतीहरुलाई सम्वोधन गर्नका लागि युवाहरुले आफ्नो सोचलाई फराकिलो वनाउदै राजनीतिमा शसक्त हस्तक्षेप गर्नु पर्नेमा खनालको जोड थियो । लोकतन्त्रका विकासको लागि मानिसलाई प्रकृतीसँग जोड्नु पर्ने डाक्टर उद्व प्याकुरेलको भनाई थियो । विकासको नाममा डोजर संस्कृती मौलाएकोमा चिन्ता व्यक्त गर्दै पर्यावरणिय विकासमा जोड दिनु पर्ने प्याकुरेलको जिकिर थियो ।

प्रतिनिधिमुलक लोकतन्त्र र समाजवादी लोकतन्त्रले नेपाली जनताका चाहानालाई सम्वोधन गर्न नसक्ने भएकाले नेपालले सहभागितामुलक लोकतन्त्रको अवलम्वन गर्नु पर्ने क्याम्पका अर्का प्रशिक्षक तथा राजनीतिक विश्लेषक केसव दाहालले वताए । असल कार्य गर्न नसक्ने जनप्रतिनिधिलाई फिर्ता वोलाउनु पर्नेमा दाहालको जोड थियो ।

क्याम्पमा टंक अर्याल, नरेन खतिवडा, सुरन महर्जन, सुधिर भट्टराई, वद्री सिवाकोटी लगायतले सहजकर्ताले मानवअधिकार, शुसासन, स्वयंसेवाको विषयमा सहजीकरण गरेका थिए ।  विभिन्न क्षेत्रका २५ जना युवाहरु सहभागी भएको क्याम्पले युवाहरुको लोकतन्त्र, मानवअधिकार, शुसासन, स्वयंसेवा लगायतका विषयमा ज्ञानका दायारा फराकिलो वनाएको वताए ।

युथ डेमोक्रेसी क्यापलाई देशै भरी संचालन गरी आलोचनात्मक चेत भएको युवाहरु तयार गर्ने सोच रहेको आयोजक संस्थाका अध्यक्ष नरेन खतिवडाले वताएको ।

post image

 फागुन ८, डडेल्धुरा । बझाङमा मोटरसाइकल दुर्घटना भएको छ । दुर्घटनामा दुईजनाको मृत्यु भएको छ भने एकजना घाइते भएका छन् । तमैल बजारबाट सदरमुकाम चैनपुरतर्फ आउँदै गरेको से६प ६४६६ नम्बरको मोटरसाइकल दुर्घटना हुँदा जयपृथ्वी नगरपालिका-१० का मोटरसाइकल चालक २३ वर्षीय पवन छत्याल र वडानम्बर ७ का २२ वर्षीय प्रेम हमालको घटना स्थलमा नै मृत्यु हो

दुर्घटना मंगलबार राति ११ बजे भएको जिल्ला प्रहरी कार्यालय बझाङका डीएसपी प्रविण धितालले जानकारी दिए । सोही दुर्घटनामा परी आकाशबहादुर सिंह घाइते भएका छन् । घाइते सिंहको जिल्ला अस्पतालमा उपचार भइरहेको छ ।

घाइते सिंहले बुधबार बिहान होसमा आएपछि जानकारी दिएपछि मात्रै घटनाबारे थाहा पाएको प्रहरीले बताएको छ । मोटरसाइकल सडकबाट झण्डै ४०/५० मिटर तल खसेको छ । घटनाको थप अनुसन्धान भइरहेको प्रहरीले जनाएको छ

post image

फागुन ८, रसुवा । जिल्ला भूमि अधिकार मञ्च रसुवाको चौथो जिल्ला सम्मेलन कालिका गाउँपालिका २ स्थित भूमिघर कालिकास्थानमा एक सभाकाबीचसम्पन्न भयो । ०६२ सालमा गठन भएको मञ्चको तेस्रो कार्यकाल पूरा गरी चौथो कार्यकालको लागि मञ्चको सम्मेलनले संस्थापक मध्येका एक हेमनाथ खतिवडाको अध्यक्षतामा सम्मेलनले १५ सदस्यीय रहेको नयाँ कार्य समिति चयन गरेको छ । खतिवडा यस अघि तदर्थ समितिका सदस्य, सहसचिव, २ कार्यकाल सचिव हुँदै अध्यक्ष भएका हुन् ।

नयाँ समितिका उपाध्यक्ष, सचिव, कोषाध्यक्ष र सहसचिवमा क्रमश : टंकलबहादुर नगरकोटी, सुष्मा न्यौपाने, भूवनेश्वरी लामिछाने र गोपिनी परिवार चयन भएका छन् भने सदस्यहरूमा पुतली तामाङ, शान्ताकुमारी गलान, खिलप्रसाद आचार्य, खडकमाया न्यौपाने, मुरली नेपाली, कार्साङतेम्पा तामाङ, रमा भट्ट, श्याममाया घलेनी र मोहनप्रसाद ढकाल चयन भएका छन् ।

सम्मेलनको उद्घाटन राष्ट्रिय भूमि अधिकार मञ्च, नेपालका केन्द्रीय महासचिव सरस्वती सुव्वालगायत उपस्थित अथितिले गरेका थिए । प्रमुख अथिति सुव्वाले मञ्चको चौथो सम्मेलनको व्यानर पढेर भूमि अधिकार मञ्चका अग्रज स्व.बलदेव राम र किसान आन्दोलनको नेता स्व.भीमदत्त पन्तको तस्विरमा माल्यार्पण गरी गरिएको थियो ।  मञ्चको सम्मेलनमा गाउँ भूमि अधिकार मञ्चका प्रतिनिधि तथा पर्यवेक्षक, जिल्ला मञ्चका पदाधिकारी तथा मञ्चको अभियानलाई सहयोग गर्ने अतिथिहरू र राष्ट्रिय भूमि अधिकार मञ्चका प्रतिनिधि र पर्यवेक्षक  (महिला ३९, पुरुष ३६, दलित ८, जनजाति २९ र ब्राम्हण÷क्षेत्री ३८) गरी ७५ जना सहभागी भएका थिए ।

जिल्ला भूमि अधिकार मञ्च, रसुवाको सम्मेलनमा अध्यक्षता मञ्चका अध्यक्ष टंकलबहादुर नगरकोटीले गर्नुभएको थियो भने प्रमुख अतिथि मञ्चका केन्द्रीय महासचिव सरस्वती सुव्बा थिए भने विशेष अतिथिमा मञ्चका केन्द्रीय सदस्य एवम् प्रदेश नं. ३ का संयोजक रमेश देवकोटा, कालिका गाउँपालिकाका उपाध्यक्ष एवम् मञ्चका पूर्व जिल्ला अध्यक्ष भवानीप्रसाद न्यौपाने र अतिथिमा मञ्चका पूर्व अध्यक्ष एवम् जिल्ला समन्वय समिति रसुवाका सदस्य चित्रकुमारी न्यौपाने, कालिका गाउँपालिका वडा नं. ३ का वडा अध्यक्ष पुष्पराज न्यौपाने, वडा नं. २ का कार्यवाहक अध्यक्ष कृष्णप्रसाद न्यौपानेलगायत सहभागी थिए ।

सम्मेलनमा मञ्चको प्रगती तथा आर्थिक प्रतिवेदन प्रस्तुतीकरण गरी त्यसमा छलफल गरी पारित गरिएको छ । जिल्ला मञ्चको सम्मेलनले हेमनाथ खतिवडाको अध्यक्षतामा १५ सदस्यीय जिल्ला कार्यसमिति चयन गरेको छ । रसुवा जिल्लामा रहेको बिर्ता, गुठी, भूमिहीन सुकुमबासी र विस्थापित परिवारको लागि भूमि अधिकारको सुनिश्चितता गर्नको लागि राज्यसँग वकालतिय अभियान जिल्ला मञ्चले गरिरहेको छ । मञ्चमा २२ गाउँ भूमि अधिकार मञ्चमार्फत ६ सय ११ परिवार सङ्गठित भएका छन् । मञ्चको अभियानको सफलतास्वरुप १ सय ७० परिवार बिर्ता पीडित किसानले १५ सय रोपनी बिर्ता जग्गाको लालपुर्जा लिएका छन् । यसबाट ५ सय बढी परिवार लाभान्वित भएका छन् । १ सय ३२ गुठी पीडित परिवारले मोही लालपुर्जा लिएका छन्, यसले उनीहरूले आफ्नो जोतभोग र बसोबास गर्दै आइरहेको जमिनको स्वामित्व लिनको लागि सहज हुनेछ ।

जिल्ला भूमि अधिकार मञ्चको यस अवधिमा ४६ लाख ९६ हजार ११२ रुपियाँको कारोबार भएको प्रतिवेदन प्रस्तुती गरिएको थियो । हाल मञ्चमा १५ लाख ८३ हजार ३६९ रुपियाँ आन्दोलन कोषमा रहेको छ । मञ्चले अभियानको लागि कोष अभिवृद्धिको लागि भूमिघर तालिम केन्द्र सञ्चालन गरेको छ, विभिन्न समयमा चन्दा सङ्कलन, आन्दोलन कोष, कोष बाकस मार्फत रकम सङ्कलन र विभिन्न संस्थाद्धारा सहयोग भएको कार्यक्रममा मञ्चका टिम परिचालन भई बचत गरिएको रकमबाट मञ्चको कोष वृद्धि हुँदै गएको प्रस्तुतीकरण गरिएको थियो ।

सम्मेलनमा सहभागी कालिका गाउँपालिकाका उपाध्यक्ष भवानीप्रसाद न्यौपानेले भने मञ्चले जिल्लामा भूमिहीन, बिर्ता तथा गुठी पीडित किसान र भूकम्प पीडित परिवारको लागि पनि ठूलो सहयोगको काम गर्दै अघि बढेको छ । आन्दोलनकै फलस्वरुप कतिपय बिर्ता पीडितले जमिनको अधिकार पाए । विस्थापित बस्तीको पुनर्वासको प्रक्रिया अघि बढेको छ, यो ठूलो उपलब्धी हो । यही उपलब्धीलाई टेकेर भविष्यमा पनि मञ्चले मञ्चसँग आशा राख्ने र समस्यामा परेका किसानहरूलाई सहयोग गर्नु आवश्यक रहेको उहाँले बताए ।

post image

फागुन ७, काठमाडौं। ईन्द्रदह एकिकृत पर्यटन विकास समितिले यही फागुन ९ गते तेस्रो ईन्द्रदह पर्यटन उत्सव एवम् काजी कालु पाण्डेको पूर्ण कदको शालिक अनावरण कार्यक्रम आयोजना गर्ने भएको छ । उक्त उत्सवको तयारी पूरा भएको समेत आयोजकले जनाएको छ ।  मंगलबार रिपोर्टर्स क्लब नेपालमा समितिले पत्रकार सम्मेलन गर्दै उक्त उत्सवबारे जानकारी गराएको हो । समितिका अनुसार प्रधानमन्त्री केपी शर्मा ओलीले पृथ्वीनाराणय शाहका सेनापति काजी कालु पाँडेको पूर्णकदको शालिक अनावरणका साथै तेस्रो ईन्द्रदह पर्यटन उत्सवको फागुन ९ गते अपरान्ह १२ बजे उद्धघाट्न गर्ने कार्यक्रम रहेको छ ।

पत्रकार सम्मेलनमा बोल्दै चन्द्रागिरी नगरपालिका वडा नं १ का वडाअध्यक्ष राजेन्द्र केसीले पहिले अर्ध कदको शालिकको रहेको स्थानमा प्रधानमन्त्रीकै आग्रहमा पूर्ण कदको शालीक अनावरण गर्न लागिएको जानकारी दिए । यसअघिका दुई वटा महोत्सव तत्कालिन प्रधानमन्त्री गिरिजा प्रसाद कोइरालाले (२०५५) सालमा र २०७३ सालमा तत्कालिन् प्रधानमन्त्री केपी शर्मा ओलीले उदघाट्न गरेको पनि उनले जनाए ।

ईन्द्रदह पर्यटन विकासको सम्भावना बोकेको स्थान भएको बताउँदै उनले अहिले धेरैनै सम्भावना बोकेको दहचोकबारे धार्मिक तथा ऐतिहाँसिक स्थलको रुपमा विकास गर्नुपर्ने आवश्यकत्ता औंल्याए ।  कार्यक्रममा बोल्दै पर्यटन प्रहरी प्रमुख अमृत बस्नेतले उक्त महोत्सवमा आफूहरुले पर्यटकहरुको सुरक्षाको बलियो प्रबन्ध गर्ने विश्वास दिलाए । उनले भने,‘यो स्थान आँफैमा एक ईतिहाँस बोकेको स्थल हो, पर्यटनका निमित्त पुग्ने सबैको पर्यटन–सुरक्षाको लागि राज्यको त्यहाँ उपस्थिति रहन्छ ।’

आफूहरुले पर्यटकको सुरक्षामा कुनैपनि किसिमको आँच आउन नदिने पनि उनले विश्वास दिलाए ।  त्यस्तै कार्यक्रममा बोल्दै प्रचार–प्रसार उपसमितिका संयोजक अवन्ती सिग्देलले ईन्द्रदह काठमाडौँबाट नजिकै रहेरपनि ओझेल परेको गुनासो पोखे । उनले काजि कालु पाँडेको शीर समाधी तथा धार्मीक ठाँउको रुपमा यसलाई विकास गर्नुपर्नेमा जोड दिए ।

त्यस्तै कार्यक्रममा बोल्दै ईन्द्रदह एकिकृत पर्यटन विकास समितिका अध्यक्ष हरिशरण थापाले पनि उक्त स्थान धार्मिक तथा ऐतिहाँसिक स्थलको रुपमा रहेको स्थललाई महत्व बाकेको धारणा राखेका थिए । उनले भने,‘१० ओटा गढी रहेको यो स्थानमा कालु पाँडेको ईच्छानुसार उनको शिर गोरखा देखिनेगरि समाधि गरेको ईतिहाँसमा रहेको छ ।’

उक्त उत्सब तथा शालिक अनावरणको अवसरमा गरिने सरसफाई कार्यक्रममा नेपाल प्रहरी, सशस्त्र प्रहरी तथा नेपाली सेना तथा बिभिन्न बिद्यालय तथा सामाजिक संघ÷संस्थाहरुको पनि सहभागीता रहने उनले जानकारी दिए । आयोजकले उक्त क्षेत्रको समग्र विकासको लागि नेपाल भ्रमण–२०२० लाई दृष्टिगत गरि यस क्षेत्रको अझ विकास, संरक्षण एवम् प्रर्वद्धन गर्न दहचोकको पुरै रेन्जलाई नै विकास गर्ने लक्ष्य राखेको पनि जानकारी गराएको छ ।

काठमाडौंको नैकाप डाँडादेखि ईन्द्रदहहुँदै नागढुंगासम्मको क्षेत्र नै एउटै प्याकेजमा राखी समग्र क्षेत्रकै पर्यटन विकास गर्नुपर्ने बत्ताहरुको धारणा रहेको थियो । उनीहरुले पर्यटक पदमार्ग नैकापदेखि इन्द्रदहहुँदै नागढुंगासम्मै विश्रामस्थल, होम–स्टे, होटल, सेमिनार हल, पार्कहरु लगायत अत्यावश्यक पर्यटकीय पूर्वाधारको विकास सरकारी तथा निजी क्षेत्रको सहभागितामा सम्पन्न गर्ने योजना रहेको रहेको सुनाएका थिए ।

पर्यटन विकासकै लागि उक्त स्थानमा ‘भ्यु–टावर’ को निर्माणको योजना पनि रहेको आयोजकले जनाएको छ । त्यस्तै समितिले आगामी ५ वर्षभित्र ईन्द्रदहमा आन्तरिक तथा बाह्य गरि ५ लाख पर्यटक भित्र्याउने लक्ष्य लिएको छ ।

post image

फागुन ७, सोलुखुम्बु। खुम्बु पासाङल्हामू गाउँपालिका-४ खुम्जुङ बस्ने ३६ वर्षीया मिङमा याङजी शेर्पा सोही गाउँपालिका-३ जोरसल्लेस्थित दुधकोशी नदीको किनारमा सोमबार दिउसो मृत अवस्थामा फेला परेकी छन् ।

सोही गाउँपालिका-४ फोर्चेस्थित माईतीघरमा होटल संचालन गरी बस्दै आएकी शेर्पाले नाम्चेबजारस्थित होस्टलबाट आफ्नै १९ वर्षीया छोरी र ७ वर्षीय छोरालाई बुझी लगेको र समयमै घर आई नपुगेकोले आफन्तहरूले खोजी गर्ने क्रममा उनको शव फेला परेको हो ।

साथै उक्त नदीको किनारमा बच्चाका कपडा र जुत्ताहरु मात्र फेला परेका छन् । प्रहरीले स्थानीयको सहयोगमा बेपत्ता भएका बच्चाहरुको खोजी गरिरहेको छ ।  यस सम्बन्धमा  स्थानीय प्रहरीले आवश्यक अनुसन्धान गरिरहेको जनाएको छ ।

post image

फागुन ७,  सोलुखुम्बु । सोलुखुम्बुमा एक व्यक्तिको मिक्स्चर मेशिनले च्यापिएर मृत्यु भएको छ ।दुधकुण्ड नगरपालिका-४ सुर्के घर भई ठेकेदारको काम गर्ने ३६ वर्षीय धनकुमार श्रेष्ठको मिक्स्चर मेशिनले च्यापिएर सोमबार साँझ मृत्यु भएको हो ।

सोही नगरपालिका-७ गार्मा माबिको नवनिर्मित भवनमा काम सकेर मिक्स्चर मेशिन सार्ने क्रममा उक्त मेशिन खाल्डोमा परी पल्टन गई सोही मेशिनले च्यापिएर गम्भीर घाइते भएका श्रेष्ठको जिल्ला अस्पताल फाप्लुमा उपचारको क्रममा मृत्यु भएको हो ।   यस सम्बन्धमा प्रहरीले आवश्यक अनुसन्धान गरिरहेको छ ।

post image

फागुन ७ ,काठमाडौं  । जनकपुरमा ११ वर्षीया बालिकाको बलात्कारपछि हत्या गरेको आरोपमा प्रहरीले एक जनालाई पक्राउ गरेको छ। धनुषा वटेश्वर वडा नम्बर ४ घर भएका २२ वर्षीय निरज जर्गा मगरलाई पक्राउ गरेको हो।

मिथिला नगरपालिका ३ हरिहरपुर बस्ने नारायण रैसेलिकका ११ वर्षीया छोरी  रेश्मा भनिने दुतियाको हत्या भएको हो। गत बिहीवार प्रहरी बालिकाको शव घर नजिकै रहेको उखुबारीमा जेलेको अवस्थामा शव फेला पारेको थियो। २ नम्बर प्रदेशका डिआइजी हरि पालले बालिकाको हत्याराको पक्राउ गरेको जानकारी दिए।

हत्याराले शवको पहिचान हुने डरले बलात्कारपछि हत्या गरी जलाएको प्रहरीको प्रारम्भिक अनुसन्धानमा खुलेको छ। बालिकाको शव गत बिहीवार जलेको अवस्थामा फेला परेको थियो।

निरज बुधवार उनको मामाघर मगर टोल पुगेका थिए। रातिको समयमा विवाह घरमा नाचगान गरेपछि नशाको शुरुमा बलत्कार गरेको प्रहरीको अनुसन्धानमा खुलेको छ। निरजले बालिकालाई फकाउन नजिकैको पसलबाट चाउचाउ र जुस किनेर लगेका थिए।

हत्यापछि फेरि उनी बिवाह घरमा गई नाचगानमा सक्रिय भएका थिए। बिहान भने बालिकाको हत्या भएको हल्लालगत्तै उनी फरार थिए।  उनी यसअघि पनि महिलामाथि दुर्व्यवहार गरेको आरोपमा तीन महिना जेल भुक्तना गरी निस्किएका व्यक्ति हुन्।

post image

फागुन ६, काठमाडौं । जेठी श्रीमती हुँदाहुँदै कान्छी श्रीमती विवाह गर्ने र कान्छी श्रीमती बन्न आउने जोडीलाई पाँचथर प्रहरीले पक्राउ गरेको छ ।

भोजपुरको साल्पासिलिछो गाउँपालिका–६ का २५ वर्षीय शक्ति थुलुङ र कान्छी श्रीमती बन्न आउने पाँचथरको फालेलुङ गाउपालिका–८ याङनामकी २९ वर्षीया सम्झना जगेबुलाई प्रहरीले पक्राउ गरेको हो ।

श्रीमान्ले कान्छी श्रीमती भित्र्याएकाले कानूनबमोजिम पक्राउ गरी आवश्यक कारवाहीको माग गर्दै थुलुङकी जेठी श्रीमती सोमिला राईले जिल्ला प्रहरी कार्यालय पाँचथरमा जाहेरी दिएकी थिइन् ।

राईको जाहेरीका आधारमा उक्त जोडीलाई पक्राउ गरिएको प्रहरी निरीक्षक अनिलकुमार पौडेलले बताए । घटनाबारे अनुसन्धान भइरहेको जानकारी उनले दिए ।रासस

post image

फागुन  ५, काठमाडौं । विश्वका घुम्नलायक उत्कृष्ट १० शहरहरुको सूचीमा काठमाडौं पुनः पाँचौ स्थानमा परेको छ । लोन्ली प्लानेटले निकालेको १० उत्कृष्ट शहरहरुको सूचीमा काठमाडौं  पाँचौ स्थानमा परेको हो ।

काठमाडौँले मेक्सिको सिटी, सेनेगल, अमेरिकाको सिटल, क्रोएसिया र मोरक्कोलाई अहिले पनि पछि पारेको छ । पहिलो नम्बरमा डेनमार्कको राजधानी कोपनहेगन यथावत छ । दोस्रोमा चीनको सेनजेन, तेस्रोमा सर्वियाको नोभिसाद, चौथोमा अमेरिकाको मियामी परेको छ ।

सन् २०१५ को भूकम्पले क्षतिग्रस्त बनेको काठमाडौं विस्तारै पुरानै अवस्थामा फर्किन थालेको लोन्ली प्लानेटले लेखेको छ । यस्तै क्षतिग्रस्त स्मारक, सम्पदाहरु पुनर्स्थापित गरेर ऐतिहासिक स्थलहरु पुरानै स्वरुपमा फर्कन थालेको उल्लेख गरिएको छ ।

साथै काठमाडौंमा हटेको हर्नको समस्यालाई पनि उसले आकर्षणको रुपमा चित्रित गरेको छ । ध्वनि प्रदुषण रोकेर काठमाडौंलाई दशकौं यताकै बस्न योग्य बनाइएको लोन्ली प्लानेटले उल्लेख गरेको छ ।

 

 

post image

फागुन ५, काठमाडौं । भद्रकाली नजिकै बसले मोटरसाइकललाई ठक्कर दिएको छ  । बा३ख २४१६ नम्बरको बसले मोटसाइकललाई ठक्कर दिंदा मोटरसाइकलमा सवार २ जना घाइते भएका छन् ।

घाइते हुनेमा मनमैजुकी अस्मिता पौडेलको अवस्था  गम्भीर रहेको छ भने मोटर साइकल चालक भने सामान्य घाइते भएका छन् । घाइते पौडेलको ट्रमा सेन्टरमा उपचार भइरहेको महानगरीय प्रहरी बृत्त सिंहदरबारका प्रहरी नायब उपरीक्षक (डीएसपी) काजीकुमार आचार्यले जानकारी दिए ।

 प्रहरीले बस र चालकलाई नियन्त्रणमा लिइसकेको छ । सिंहदरबारतर्फ आउँदै गरेको मोटरसाइकललाई भद्रकाली नजिकैको आकाशे पुलमुनि बसले ठक्कर दिएको हो ।

post image

फागुन ५, राजविराज । पूर्व–पश्चिम राजमार्ग अन्तर्गत सप्तरीको अग्निसाइर कृष्णसवरण गाउँपालिमा आज (आइतबार) बिहान ट्रक दुर्घटना भएको छ ।  दुर्घटनामा दुईजनाको मृत्यु भएको छ भने १ घाइते भएका छन् ।

मृत्यु हुनेहरूमा ट्रकमा सवार बारा निजगढ नगरपालिका- ८ का २५ वर्षीय भरत तामाङ र उदयपुरका २१ वर्षीय अशोक लामा रहेको प्रहरी नायब उपरीक्षक भावेश रिमालले बताए ।   ट्रक चालक बारा जिल्ला निजगढ नगरपालिका- ८ का २१ वर्षीय सौरभ लामा घाइते भएकाले उनको ठेलियास्थित धर्मेश्वर अस्पतालमा उपचार भइरहेको उनले जानकारी दिए ।

पश्चिमबाट पूर्वतर्फ जाँदै गरेको ना५ख १६५१ नं. को मैदा पिठो बोकेको ट्रक अनियन्त्रित भइ रुखमा ठोकिएको थियो ।

post image

फागुन ५,  पाँचथर। शनिबार पाँचथरका छुट्टाछुटै स्थानमा चट्याङ लागेर एकको मृत्यु भएको छ भने १० घाइते भएका छन्।

दिउँसोको समयमा झरीसँगै परेको चट्याङ लागेर फाल्गुनन्द गाउँपालिका–३ पौवासारतापका १७ वर्षीय भगेन्द्र तामाङको मृत्यु भएको हो। चट्याङ लागेर उनकै भाइ ११ वर्षीय मनकुमार तामाङ घाइते भएका छन्। घाइते तामाङको पाँचथर अस्पतालमा प्राथमिक उपचारपछि झापा सिफारिस गरिएको छ।

पानी परेको समयमा घरमै बसेका बेला चट्याङ पर्दा दाजुको घटनास्थलमै ज्यान गएको र भाइ घाइते भएको पाँचथर प्रहरीले जनाएको छ। यस्तै शनिबारै परेको चट्याङ लागेर जिल्लाको फालेलुङ गाउँपालिका–५ प्राबुङमा पनि आठ घाइते भएका छन्।

स्थानीय फौदमान तामाङको घरमा चट्याङ पर्दा घरमा बसिरहेको मानिस घाइते भएका हुन्। उनीहरुको स्थानीय स्वास्थ्यचौकीमा उपचार भइरहेको पाँचथर प्रहरीले जनाएको छ।

त्यसैगरी सोही समयमा जिल्ला पाँचथर फिदिम नगरपालिका– ५ सरसिउला बस्ने १८ वर्षीय दीपक सिवा आफ्नै घरमा सुतिरहेको अवस्थामा अचानक चट्याङ परी त्यसको झटकाले शरीरको विभिन्न भागमा चोट लागि जिल्ला अस्पताल पाँचथरमा उपचारपश्चात घर फर्किएका छन्। रासस

post image

 फागुन ३, काठमाडौं । काठमाडौंको चःमतिमा वृद्ध पार्क निर्माण कार्य सुरु गरिएको छ । शुक्रबार मेयर विद्यासुन्दर शाक्यले सो वृद्ध पार्क निर्माण कार्यको शिलान्यास गरेका हुन । काठमाडौं महानगरपालिका १५ स्थित चःमति जग्गा एकीकरण आयोजनाको क्षेत्रभित्र वृद्ध पार्क बनाउन सूरु गरिएको हो ।

 मेयर शाक्यले समयमै निर्माण कार्य पूरा गर्न सम्बन्धित निकायलाई निर्देशन दिएका छन्  । उनले काठमाडौं महानगरपालिकाका सबै वडालाई हरियाली बनाउने अभियान अन्तर्गत वडा नम्बर १५ स्थित चःमतिमा वृद्ध पार्क बनाउन लागिएको पनि स्पष्ट पारे ।

अतिक्रमणमा परेका महानगरपालिकाका जग्गामा हरियाली पार्क निर्माण गर्ने मेयर शाक्यको योजना छ । उनले काठमाडौंको वातावरणलाई प्रदुषित हुन नदिन काठमाडौं महानगरपालिकाले छिमेकी १० वटा नगरपालिकालाई पार्कलगायतका हरियाली स्थल निर्माणका लागि एक करोडका दरले आर्थिक सहायता उपलब्ध गराएको पनि बताए ।

काठमाडौं महानगरपालिकाको ४५ लाख, चःमति जग्गा एकीकरण आयोजनाको १५ लाख र स्थानीयबासीको ८ लाख गरी ६८ लाखमा सो पार्क निर्माण गर्न लागिएको हो । २ रोपनी जग्गामा सो पार्क निर्माण गर्न लागिएको हो ।

post image

 फागुन २, डोटी । डोटीको शिखर नगरपालिकाले सञ्चालन गरेका नगरबसमा सञ्चारकर्मी ,अपाङ्गता भएका व्यक्ति, असहाय र ज्येष्ठ नागरिकले निःशुल्क यात्रा गर्न पाउने भएका छन् ।

नगरवासीको सहजताका लागि गत पुस २६ गतेदेखि नगरबस सञ्चालन गरेको शिखर नगरपालिकाले सञ्चारकर्मीलाई निःशुल्क यात्रा गर्न पाउने व्यवस्था गरेको छ । नगरकार्यपालिकाको बैठकले नै निर्णय गरेको प्रमुख प्रशासकीय अधिकृत धर्मराज बिनाडीले जानकारी दिए । ‘पत्रकारलाई समाचार संकलन गर्दा सहज होस भन्ने उद्देश्यले यो निर्णय गरिएको हो,’ प्रमुख प्रशासकीय अधिकृत बिनाडीले भने, ‘अन्य लक्षित बर्गका व्यक्तिको सुविधाको लागि यस्तो सेवा सुरु गरिएको हो ।’

कार्यपालिकाले गरेको उक्त निर्णय अनुसार ६५ वर्ष उमेर पूरा गरेका ज्येष्ठ नागरिकहरुले बसमा यात्रा गर्दा शुल्क तिर्नु पर्ने छैन । निःशुल्क यात्रा गर्न पाउने बर्गले यात्रा गर्दा आफ्नो परिचय पत्र देखाउनु पर्ने प्रमुख प्रशासकीय अधिकृत बिनाडीले बताए ।

नगरपालिकाले सञ्चालनमा ल्याएको नगरबसमा प्रचलित भाडा दर भन्दा ३० प्रतिशत कम भाडा लिने गरी बस सञ्चालन गरेको छ ।  ५६ लाख ६० हजार लागतमा नगरपालिकाले छब्बिस सिट क्षमता भएका दुई बस सञ्चालनमा ल्याएको थियो ।

post image

फागुन २,काठमाडौं । नेपाल कम्युनिष्ट पार्टी (नेकपा) निकट विद्यार्थी सङ्गठन र प्रहरीबीच झपड भएको छ। अनेरास्ववियु तथा अनेरास्ववियु (क्रान्तिकारी)का विद्यार्थी नेता कालीमाटीस्थित नेपाल पर्यटन तथा होटल व्यवस्थापन प्रतिष्ठानमा सङ्गठन विस्तार गर्ने क्रममा प्रहरीसँग आज बिहान झडप भएको अनेरास्ववियुका महासचिव ऐन महरले जानकारी गराए।

झडपमा क्रान्तिकारीका सचिव डिवी साउद, अनेरास्ववियुका सचिवालय सदस्य नारायण घर्तीलगायत पाँच घाइते भएका उनले बताए। अन्य घाइते हुनेमा केन्द्रीय निर्वाचन आयोगका सदस्य सञ्जय दुवाडी, सम्पर्क विभाग सचिव सागर भट्ट, काठमाडौं भूगोल जिल्ला कमिटी उपाध्यक्ष राजकुमार ढकाल रहेका छन्।

अनेरास्ववियुका सचिवालय सदस्य घर्तीले आफू सरकारद्वारा सञ्चालित क्याम्पसमा सङ्गठन विस्तार गर्न जाँदा प्रतिष्ठान प्रशासनले प्रहरी बोलाएर कुटपिट गरेको बताए। घाइतेमध्ये क्रान्तिकारीका सचिव साउदको बल्खुस्थित वयोधा अस्पतालमा उपचार भइरहेको छ।

साउदलाई टाउकोमा पाँच टाँका लगाइएको सचिवालय सदस्य घर्तीले जानकारी दिए। प्रतिष्ठानका कार्यकारी निर्देशक दुर्गादत्त ढकालले प्रतिष्ठानमा अहिलेसम्म कुनै विद्यार्थी सङ्गठनको सङ्गठन नभएकाले जबरजस्ती सङ्गठन खोल्ने क्रममा प्रहरीसँग विद्यार्थी नेताको झडप भएको बताए।

‘हाम्रो प्रतिष्ठानमा कुनै विद्यार्थी सङ्गठनको सङ्गठन छैन। बाहिरबाट आएर अनेरास्ववियु र अनेरास्ववियु (क्रान्तिकारी)ले बलजफ्ती सङ्गठन खोल्न थालेका थिए’, उनले भने, ‘प्रतिष्ठानमा अध्ययन गरिरहेका विद्यार्थीले सङ्गठन चाहिँदैन भन्दै थिए। बाहिर र भित्रका विद्यार्थीबीच सङ्गठन खोल्ने र नखोल्ने भन्ने विषयमा विवाद हुँदा प्रहरीसँग झडप भएको हो।’

उनले झपडमा दुवैतर्फका विद्यार्थी घाइते भएको जानकारी गराए। संस्कृति, नागरिक उड्डयन तथा पर्यटन मन्त्रालयले उक्त प्रतिष्ठान सञ्चालन गर्दै आएको छ। प्रतिष्ठानमा होटल व्यवस्थापन र सत्कार विषय अध्ययन हुँदै आएको छ ।

यसैगरी अनेरास्ववियुका महासचिव महरले विज्ञप्ति जारी गर्दै विद्यार्थी नेतामाथि आक्रमण गर्नेमाथि कारबाहीको माग गरेका छन्।रासस

post image

फागुन २, काठमाडौ। विश्वभर आज भ्यालेन्टाइन डे अर्थात प्रणय दिवस प्रेम साटासाट गरि मनाइँदैछ ।
प्रणय दिवसको अवसरमा परिवार साथिभाइहरुलाई विभिन्न उपहार प्रदान गरी प्रेम सद्भाव साटासाट गर्ने प्रचलन रहेको छ ।

रोमन साम्राज्यको पालामा भ्यालेन्टाइन नामका एक पादरीले सैन्य शासकको निर्देशन अवज्ञा गर्दै युवायुवतीहरुलाई प्रेमका लागि उत्प्रेरित गरेको र सामूहिक विवाहसमेत गराएको अभियोगमा शासकहरुले मृत्युदण्ड दिएपछि भ्यालेन्टाइनको सम्झनामा हरेक वर्ष फेबु्रअरी १४ मा यो दिवस मनाउने गरिन्छ ।
प्रणय दिवसको अवसरमा आज प्रेमजोडीहरुले विभिन्न उपहार आदान प्रदान गरी माया साटासाट गर्ने चलन छ ।

त्यस्तै आफूलाई मन परेको व्यक्तिसामु प्रेम प्रस्ताव राख्ने दिनको रुपमा पनि भ्यालेन्टाइन डेलाई युवायुवतीले उपयोग गर्ने गर्छन् । प्रणय दिवस १ हप्ता अघि देखि बिभिन्न डे को रुपमा मनाउन सुरु गरिन्छ जस अन्तर्गत पहिलो दिन रोज डे, दोस्रो दिन प्रपोज डे, तेस्रो दिन चकलेट डे , चौथो दिन टेडी डे , पाँचौ दिन प्रमिस डे, छैटौ दिन हग डे , सातौ दिन किस डे र अन्तिम दिन भेलेन्टाइन डे पर्दछ  ।

भ्यालेन्टाइन डे को अवसरमा आज काठमाडौं लगायत विभिन्न सहरमा विभिन्न कार्यक्रमसमेत आयोजना गरिएको छ । सार्वजनिक पार्क तथा उद्यानहरु आज प्रेमजोडीले भरिभराउ हुन्छन् ।यो दिन लाखौँका गुलाबका फूल तथा उपहारको व्यापार हुने गरेको व्यापारीहरु बताउँछन् । नेपालमा पछिल्लो समय प्रणय दिवस मनाउने चलन निकै बढेर गएको छ ।

post image

फागुन १, काठमाडौं ।  चितुवाको आक्रमणबाट बुधबार सप्तरीमा पाँच जना घाइते भएका छन्। जंगलबाट आएको चितुवाको आक्रमणबाट कञ्चनपुर नगरपालिका–१० की राजवतीदेवी चौधरी, भरत चौधरी, हिरानन्द चौधरी, महावती चौधरी र सत्यनारायण चौधरी घाइते भएका हुन् ।

सप्तरी प्रहरीका अनुसार घाइतेमध्ये राजवतीको अवस्था सामान्य छ। उनको धर्मेश्वर अस्पताल सप्तरीमा उपचार भइरहेको छ। अन्य घाइते चार जनालाई उपचारका लागि गोल्डेन अस्पताल विराटनगर लगिएको छ।

बस्तीमा चितुवा पसेको सूचना पाएपछि कोसी टप्पु वन्यजन्तु आरक्षणको कार्यालय कुशाहाको टोली त्यसतर्फ गएको थियो। प्रहरीको सहयोगमा चितुवालाई नियन्त्रणमा लिई आरक्षणले लगेको छ। प्रहरीका अनुसार चितुवा पनि घाइते अवस्थामा थियो। राजमार्ग उत्तर जंगलबाट घाइते अवस्थाको चितुवा बस्तीमा पसेको हुनसक्ने अनुमान गरिएको छ।

post image

फागुन १, काठमाण्डौं । पूर्व–पश्चिम राजमार्गअन्तर्गत सिरहाको मिर्चैया नगरपालिका–५ स्थित सडकमा बुधबार बिहान स्कूल बस र टेम्पो एकापसमा ठोक्किँदा एकको मृत्यु भएको छ भने एक जना घाइते भएका छन्।

पूर्वबाट पश्चिमतर्फ जाँदै गएको ना ४ ख ४९०४ नम्बरको स्कूल बस र विपरीत दिशाबाट आउँदै गरेको ना ३ च ३४२० नम्बरको टेम्पो एकापसमा ठोक्किँदा टेम्पुमा सवार मिर्चैया नगरपालिका–२ निवासी २७ वर्षीय वीरेन्द्र साहको मृत्यु भएको इलाका प्रहरी कार्यालय मिर्चैयाका प्रहरी नायब उपरीक्षक सुकदेव खनालले जानकारी दिए।

सोही दुर्घटनामा परी गम्भीर घाइते एकको स्थानीय अस्पतालमा उपचार भइरहेको प्रहरी नायब उपरीक्षक खनालले बताए। रासस

post image

फागुन १, काठमाण्डौं ।  बागलुङका  एक जनप्रतिनिधिले आफूले पाएको पारिश्रमिक शिक्षा क्षेत्रमा खर्चिन थालेका छन्।  जिल्लाको बडिगाड गाउँपालिका–५ ग्वालीचौरका वडाध्यक्ष अर्जुनप्रसाद खरेलले आफ्नो पारिश्रमिकवापतको रकम वडाको शिक्षा क्षेत्रको विकासका लागि खर्चने भन्दै विद्यालयमा अक्षयकोष स्थापना गरेका छन्।

खरेलले वडाध्यक्ष भएपछि सरकारबाट प्राप्त गरेको पारिश्रमिकवापतको रकमलाई विद्यालयका विपन्न तथा जेहेन्दार विद्यार्थीको शिक्षाका लागि सहयोग पुगोस् भन्दै विद्यालयमा अक्षयकोष स्थापना गर्नुभएको बताए ।

उनले ग्वालीचौरको भानु माध्यामिक विद्यालयमा अध्ययनरत विपन्न तथा जेहेन्दार विद्यार्थीका लागि आफ्नो पारिश्रमिकबाट दुई लाख ५१ हजार ५५५ रूपैयाँको अक्षयकोष स्थापना गरेका हुन् ।

‘सामाजिक क्षेत्रमा काम गने भएकाले पारिश्रमिकको अपेक्षा गरेको थिइनँ’, खरेलले भने, ‘आफूले कार्यकालभरि प्राप्त गरेको पारिश्रमिक विपन्न तथा जेहेन्दार विद्यार्थीका लागि खर्चनेछु।’

 खरेल उक्त विद्यालयका पूर्वविद्यार्थी तथा शिक्षक हुन् ।वडाध्यक्ष भएपछि पूरै समय सामाजिक क्षेत्रमा बिताइरहेका खरेलले श्रीमतीको शिक्षक पेशाबाट आएको रकमले घर खर्च चलाउँदै आएको बताए ।

post image

फागुन १, काठमाण्डौं । तत्कालीन नेकपा माओवादीले २०५२ सालमा सुरु गरेको जनयुद्धको सम्झनामा नेपाल कम्युनिष्ट पार्टी नेकपाले आज मुलुकभर विभिन्न कार्यक्रम आयोजना गरेको छ । यसअघि माओवादीले जनयुद्ध दिवस मनाएपनि तत्कालीन एमालेसँगको एकीकरण पछि बनेको नेकपाले ‘जनआन्दोलन तथा जनयुद्धका सहिदहरूप्रति श्रद्धाञ्जली’ नाम राखेर कार्यक्रम गर्न लागेको हो । काठमाडौंको धुम्बाराहीस्थित पार्टी मूख्यालयमा विहान साढे १० बजे हुने विशेष कार्यक्रममा अध्यक्ष पुष्पकमल दाहाल सहभागि हुने नेकपाले जनाएको छ ।

 महासचिव विष्णु पौडेलले केही दिनअघि फागुन १ मा कार्यक्रम गर्न पार्टी केन्द्रदेखि तल्लो तहसम्म सर्कुलर गर्नुभएको थियो । सोही अनुसार पार्टी केन्द्रीय कार्यालय र जिल्ला, प्रदेश एवं जनवर्गीय संगठनहरूले कार्यक्रम राखेका छन् ।  एमाले र माओवादी केन्द्रबीच गत जेठ ३ गते एकता भएको थियो । एकताको पहिलो वर्ष भएकाले फागुन १ मा कार्यक्रम गर्ने कि नगर्ने भन्ने नेकपाभित्र विवाद थियो । तत्कालीन माओवादी धारका नेताले जनयुद्ध दिवसलाई विगतकै शैलीमा मनाउनुपर्ने माग राखेका थिए । माओवादी धारका भ्रातृ संगठनहरूले आ–आफ्नो तवरले कार्यक्रम घोषणा गर्न थालेपछि नेकपाले विगतको नारा बदलेर कार्यक्रम आयोजना गरेको हो ।

तत्कालीन माओवादीले संसदीय शासन व्यवस्था विरुद्ध २०५२ फागुन १ गतेबाट सशस्त्र संघर्ष थालेको दिनको सम्झनामा माओवादीले जनयुद्ध दिवश मनाउँदै आएको थियो । सशस्त्र द्धन्द्धका क्रममा झन्डै १७ हजारको मृत्यु, करिब एक हजार ५ सय बेपत्ता र ८० हजार विस्थापित भएका थिए ।  यसैबीच मानव अधिकार सम्बन्धी अन्तर्राष्ट्रिय संगठनहरूले संक्रमणकालीन न्यायको त्रुटिपूर्ण प्रक्रिया सच्याउन आग्रह गरेका छन् । एमनेस्टी इन्टरनेसनल, अन्तर्राष्ट्रिय न्यायालय (आईसीजे) र ट्रायल इन्टरनेसनलले विज्ञप्ति जारी गरी संक्रमणकालीन न्यायलाई पहिले जसरी त्रुटिपूर्ण ढंगले अघि नबढाउन आग्रह गरेका हुन् ।

post image

फागुन १, काठमाण्डौं । सरकारले आज प्रधानमन्त्री रोजगार कार्यक्रम घोषणा गर्दैछ । आन्तरिक श्रम बजारमा रहेको रोजगारीको सम्भावनालाई व्यवहारमा रुपान्तरण गर्न सरकारले सो घोषणा गर्न लागेको जनाएको छ । आगामी पाँच वर्षभित्र बाध्यकारी वैदेशिक रोजगारीलाई निरुत्साहन गर्ने नीतिअनुरुप आन्तरिक रोजगारीका क्षेत्र र दायरालाई फराकिलो बनाउने, श्रमको सम्मान गर्ने वातावरणको सिर्जना गर्दै राष्ट्रिय समृद्धिमा योगदान गर्ने लक्ष्यसहित कार्यक्रम सञ्चालन गर्न लागिएको श्रम, रोजगार तथा सामाजिक सुरक्षा मन्त्री गोकर्ण बिष्टले बताउनुभएको छ ।

रोजगार कार्यक्रम अन्तर्गत एक आर्थिक वर्षमा न्यूनतम १ सय दिनको रोजगारी सरकारले दिन नसके १ सय दिनकै निर्वाह भत्ता जनाइएका छ । प्रधानमन्त्री रोजगार कार्यक्रम निर्देशिका अनुसार परिवारको कुनै पनि सदस्यले न्यूनतम रोजगारी नपाए, सरकारले तोकेभन्दा कम वार्षिक आय भएका परिवार भएमा, परिवारको कुनै सदस्य स्वरोजगार नभएमा या परिवारका कुनै पनि सदस्य वैदेशिक रोजगारीमा नभएमा मात्रै निर्वाह भत्ता दिइनेछ । सरकारले चैत मसान्तभित्र बेरोजगार व्यक्तिको सूची तयार गर्ने गरी काम अघि बढाइसकेको जनाएको छ । सूची तयार भएपछि २०७६ असार २६ गतेभित्र बैंकमार्फत भत्ता दिइने श्रम, रोजगार तथा सामाजिक सुरक्षामन्त्री गोकर्ण विष्टले बताउनुभयो । प्र

त्येक नागरिकलाई न्यूनतम रोजगारीको प्रत्याभूतिका लागि आन्तरिक रोजगारीका अवसर सिर्जना गर्न सरकारले प्रधानमन्त्री रोजगार कार्यक्रम कार्यान्वयनमा ल्याएको मन्त्री विष्टले बताउनुभयो । कार्यक्रम मार्फत न्यूनतम तलबको ५० प्रतिशत भत्ता दिइने मन्त्रालयले जनाएको छ । चालु आर्थिक वर्षमा सरकारले यो कार्यक्रमका लागि ३ अर्ब ५ करोड रुपैयाँ बजेट विनियोजन गरेको छ । गाउँपालिका वा नगरपालिकाको निर्णयमा कोष तथा लेखा नियन्त्रण कार्यालयमार्फत परिवारका सदस्यहरूको मञ्जुरीनामा सहित सिफारिस भई आएका सदस्यको बैंक खातामा सोझै भुक्तानी दिइने श्रम मन्त्रालयले जनाएको छ । स्वदेशमा रोजगारको व्यवस्था नहुँदा ठूलो हिस्सा वैदेशिक रोजगारमा निर्भर छन् । तथ्यांक विभागका अनुसार हाल १५ वर्ष वा त्यसभन्दा माथिको उमेरका व्यक्तिको संख्या अर्थात श्रमशक्ति करिब १ करोड १८ लाख छ ।

अबको ५ वर्षभित्र वैदेशिक रोजगार बाध्यकारी होइन, वैकल्पिक बनाउने अभियान सरकारको छ । संघीय तथा प्रदेश सरकारका मन्त्रालय र स्थानीय तह आआफ्नो क्षेत्रभित्रका सडक, खानेपानी, ढल व्यवस्थापन, सिंचाइ, ऊर्जा, सहरी विकास, शिक्षा, स्वास्थ्य, पुनर्निर्माण, पर्यटन, वन, सामुदायिक पूर्वाधार, कृषि तथा सहकारी, सूचना प्रविधि, वातावरण संरक्षण तथा जलवायु अनुकूलन क्षेत्रमा रोजगारी सिर्जना गर्ने मन्त्रालयले जनाएको छ ।

post image
माघ २९, काठमाडौं। अधिकृतस्तरमा बढुवा हुन स्नातक तह उत्तीर्ण हुनुपर्ने नयाँ व्यवस्था गरिएको छ। पुग्न नसकिने नयाँ व्यवस्था गरिएको छ । यसअघि यो योग्यता हुनु अनिवार्य थिएन।सङ्घीय मामिला तथा सामान्य प्रशासन मन्त्रालयले संसद्मा पेश गरेको ‘सङ्घीय निजामती सेवाको गठन, सञ्चालन र सेवाका सम्बन्धमा व्यवस्था गर्न बनेको विधेयक’मा अब कुनै किसिमबाट पनि अधिकृतस्तरमा बढुवा हुनका लागि न्यूनतम शैक्षिक योग्यता स्नातक तह उत्तीर्ण गर्नुपर्ने व्यवस्था गरिएको मन्त्रालयका प्रवक्ता सुरेश अधिकारीले जानकारी दिएका हुन् ।

यसैगरी सचिव तहमा सरुवा सेवा समूह राखिएको छैन । विशिष्ट श्रेणीका सचिव अब एक समूहबाट अर्को समूहमा जान पाउने नयाँ व्यवस्था राखिएको उनले बताए । ‘अब प्रशासनको सचिव इञ्जिनीयरिङ सेवा र स्वास्थ्यको सचिव राजस्व सेवामा जान पाउने गरी सचिवमा सरुवा सेवा समूह राखिएको छैन, उनले भने, ‘एउटा सेवाको सचिव अन्य सेवामा सरुवा भई जानसक्ने व्यवस्था गरिएको छ ।’

पेश गरिएको विधेयकमा अब आरक्षण कोटा एक व्यक्तिले एकपटक मात्र पाइने व्यवस्था पनि गरिएको छ । यसअघि एक व्यक्तिले पटकपटक आरक्षण कोटा पाउने गरेका थिए । विधेयकको दफा ९ को उपदफा २ को ९१० मा कुनै व्यक्तिले सेवा अवधिभर एक पटक मात्र कोटामा पर्न पाउने उल्लेख छ ।

यसैगरी विधेयकमा भौगोलिक क्षेत्रमा काम गरेको अनुभव अङ्कसमेत परिमार्जन गरिएको प्रवक्ता अधिकारीले बताए । उनका अनुसार ‘क’ वर्गमा काम गरेको प्रत्येक वर्ष चार अङ्क, ‘ख’ वर्गमा ३.२५ अङ्क ‘ग’ वर्गमा २.५० अङ्क र ‘घ’ वर्गमा १.६ अङ्क राखिएको छ । यसैगरी विधेयकमा स्थानीय र प्रदेशमा रहेका कर्मचारी सङ्घमा खुला प्रतिस्पर्धाबाट बढुवा भएर आउने पाउने व्यवस्था गरिएको छ ।रासस

post image

माघ २९, काठमाडौं। पोखराको लेकसाइडमा एक १४ वर्षिय बालकको हत्या भएको छ। सोमबार राति लेकसाइडस्थित बन्दै गरेको एउटा घरमा १४ वर्षिय सचिन सिंजालीको शब फेला परेको हो ।

बालकको धारिलो प्रहार गरी हत्या गरिएको अवस्थामा शव फेला परेको प्रहरीले जनाएको छ। पाल्पा घर भइ हाल लेकसाइड बस्दै आएका सिंजालीको हत्या छुरी प्रहारबाट भएको वडा प्रहरी कार्यालय बैदामका प्रहरी प्रमुख तथा डिएसपी नवीन कार्कीले बताए। घटनाबारे अनुसन्धान भइरहेको प्रहरीले जनाएको छ।

post image

 माघ २८, काठमाडौं । ललितपुरको नख्खुमा रहेको एक कार्पेट गोदाममा आगलागी भएको छ । सोमबार दिउँसो सुरु भएको आगलागीलाई नियन्त्रणमा लिन काठमाडौं र ललितपुर महानगरपालिकासहित नेपाली सेना, नेपाल प्रहरी र सशस्त्र प्रहरीको दमकल त्यहाँ पुगेको छ ।

ललितपुर प्रहरी परिसरका डीएसपी अपिलराज बोहराको नेतृत्वमा प्रहरी टोली पनि आगलागी स्थलमा खटिएको छ । आगलागीबाट भएको क्षतिबारे विवरण आउन बाँकी छ ।

post image

माघ २८, काठमाडौं। प्रदेश नं १ को प्रमुख पर्यटकीय घोषणा भएको इलामको सन्दकपुर जाने पर्यटकीय पदमार्ग बाक्लो हिमपातका कारण यातायात ठप्प भएको छ। सन्दकपुरलगायतका उच्च पहाडी क्षेत्रमा ११ वर्षपछिकै उच्च हिमपात भएपछि शनिबारदेखि पर्यटकीय पदमार्ग ठप्प भएको हो।

वर्षातपछि बाक्लो हिमपात भएकाले इलामको नेपाल–भारत सीमाक्षेत्र मानेभञ्ज्याङदेखि पाँचथरको फालुटसम्मको ४२ किलोमिटर क्षेत्रमा अहिले यातायातका साधन चल्न सकेका छैनन्।

वर्षातसँगै भएको हिमपातले माथिल्लो क्षेत्रमा चार फिटसम्म हिमपात भएकाले शनिबारदेखि यातायातका साधन चल्न नसकेको सिंहलीला ल्याण्डरोभर एशोसिएशनका अध्यक्ष पासाङ शेर्पाले बताए।

पर्यटकीय क्षेत्रको पदमार्ग सुरू हुने मानेभञ्ज्याङस्थित लामीधुरादेखि तीन हजार ६३६ मिटर उचाइको सन्दकपुरसम्म शनिबार बाक्लो हिमपात भएको थियो।

सन्दकपुर क्षेत्रमा पर्यटकको सुविधाका लागि चल्दै आएका गाडीहरू हिमपातका कारण सूर्योदय नगरपालिका–१ स्थित लामीधुरामै बसेका छन्। माईजोगमाई गाउँपालिकास्थित कृषि अनुसन्धान परिषद्को अनुसन्धान केन्द्र रहेको जौबारीसम्मको सडकमा रहेको हिउँ सोमबार बेलुकीसम्ममा पग्लिसक्ने भए पनि सन्दकपुरमा अझै सात दिनसम्म गाडी नचल्ने यातायात व्यवसायीले जनाएका छन्।

जौबारीदेखि सन्दकपुर सडकखण्डमा चार फिटसम्म हिमपात भएकाले त्यो नपग्लिएसम्म गाडी सञ्चालन हुननसक्ने ल्याण्डरोभर एशोसिएशनका अध्यक्ष पासाङ शेर्पाले बताए। पहाडी क्षेत्र बाटो उकालोओरालो भएको र गाडी चिप्लिएर दुर्घटना हुने भएकाले पूरै हिउँ नपग्लिएसम्म गाडी नचल्ने व्यवसायीको भनाइ छ । रासस

post image

माघ २८, काठमाडौं। तीनकुनेमा (एयरपोर्ट कार्गो गेट नजिकै) बसको ठक्करबाट पैदलयात्रुको मृत्यु भएको छ। घाइते पैदलयात्रु सोलुखुम्बु बाँसा नगरपालिका ९ घर भई गैरीगाउँ बस्ने पदम कार्कीको उपचारका क्रममा मृत्यु भएको प्रहरीले जनाएको छ।

बिहान करिब ५:३० बजेको समयमा कोटेश्वरबाट एयरपोर्ट जाँदै गरेको बा ३ ख ७०५७ नम्बरको बसले पैदलयात्रुलाई ठक्कर दिएको थियो।

सिनामंगलस्थित काठमाडौँ मेडिकल कलेजमा उपचारका क्रममा कार्कीको मृत्यु भएको प्रहरीले जनाएको छ। ठक्कर दिने बस महानगरीय प्रहरी वृत्त गौशालाको नियन्त्रमा छ। बस चालक फरार रहेको प्रहरीले जनाएको छ।

post image

माघ २७, काठमाडौं । नेकपाको पार्टी एकताको बाँकी काम सक्ने जिम्मेवारी पाएको कार्यदल म्याद थपका लागि सचिवालयको निर्णय कुरेर बसेको छ । तोकिएको समयसीमा भित्र कार्यदलले प्रतिवेदन बुझाउन नसकेपछि गत सोमबार बसेको सचिवालय बैठकले मौजुदा प्रतिवेदन मंगलवार भित्र बुझाउन निर्देशन दिएको थियो । सो निर्देशन पछि गत विहीबार र शुक्रबार बसेको कार्यदलको बैठकले प्रतिवेदन तयार गर्न एक साताको समय माग्ने निर्णय गरेको थियो ।

कार्यदलले गरेको निर्णय सचिवालयमा पठाएको र सचिवालयको निर्णय कुरेर बसेको कार्यदल सदस्य योगेश भट्टराईले जानकारी दिनुभयो । कार्यदल संयोजक रामबहादुर थापाले मौजुदा प्रतिवेदन बुझाउनुपर्ने बताइरहँदा अन्य सदस्यले भने प्रगति सहतिको पेस गर्नुपर्ने अडान लिएका छन् । कार्यदलल नै भङ्ग हुने गरी सचिवालयले निर्देशन दिएको भन्दै मिलेका र मिल्न बाँकी विषय छुट्टयाएर प्रतिवेदन पेस गर्नुपर्ने उनीहरुको भनाई छ ।

यद्यपि भेनेजुएको राजनीतिक अवस्थालाई लिएर अध्यक्ष पुष्पकमल दहालले जारी गरेको विज्ञप्तिपछि दुई अध्यक्षबीच जारी असमझदारीका कारण कार्यदल समेत प्रभावित बनेको छ । तात्कालिन एमाले र माओवादी केन्द्र पूर्ण रुपमा एक नहुदै फुट्ने हो कि आशंका समेत सुरु भएको छ ।

एकताको बाँकी काम सक्ने विधि, प्रक्रिया र आधार तय गर्न नेकपाको स्थायी समितिको गत पुष १३ गते बसेको बैठकले ९ सदस्यीय कार्यदल बनाएको थियो । कार्यदलले प्रगति गर्न नसकेपछि नेकपाको सचिवालयको गत सोमबार बसेको बैठकले जे अवस्थामा छ त्यही प्रतिवेदन बुझाउन कार्यदललाई निर्देशन दिएको थियो ।

post image

माघ २७, काठमाडौं । अन्तर्राष्ट्रिय क्रिकेट परिषद् (आइसिसी)ले नेपाली खेलाडीको रोकिएको दुई वर्षको तलब एकमुष्ट पठाएको छ। नेपाल क्रिकेट सङ्घ (क्यान) निलम्बनमा परेसँगै नेपाली खेलाडीले दुई वर्षदेखिको तलब पाएका थिएनन् । राष्ट्रिय खेलकूद परिषद् (राखेप)को पहलमा आइसिसीले दुई वर्षको खेलाडीको तलब एकमुष्ट रु एक करोड २७ लाख ८७ हजार ७८२ पठाएको राखेपले जनाएको छ।

‘हामीले आइसिसीबाट तलब पाउँदै आएका २१ खेलाडीसँग सम्झौता गरेर आइसिसीमा पठाएका थियौं। हिजो मात्र पैसा आएको छ’ राखेप सदस्य सचिव केशव विष्टले भने।  सन् २०१७ र १८ मा नेपालका लागि खेलेका क्रिकेटरलाई ए, बी र सी गरी तीन श्रेणीमा राखिएको छ। त्यसअनुसार राखेपले प्रत्येक खेलाडीहरूसँग सम्झौता गरेर तलबका लागि आइसिसीमा पत्र पठाएको थियो। आइसिसीले ‘ए’ श्रेणीका लागि मासिक रु ३५ हजार, ‘बी’ श्रेणीका लागि रु २५ हजार र सी श्रेष्णीका खेलाडीलाई रु १५ हजार मासिक तलब उपलब्ध गराएको छ । ‘ए’ श्रेणीमा कप्तान पारस खड्कासँगै उपकप्तान ज्ञानेन्द्र मल्ल, शरद भेषावकर, वसन्त रेग्मी, सोमपाल कामी, दीपेन्द्र सिंह ऐरी र सन्दीप लामिछाने छन्। दुई वर्षको तलब एकमुष्ट लिँदा ‘ए’ श्रेणीमा पर्ने खेलाडीले जनही रु आठ लाख ४० हजार पाउनेछन्।

त्यसैगरी श्रेणी ‘बी’ मा आरिफ शेख, करण केसी, ललित भण्डारी, अनिलकुमार साह, रोहित पौडेल, ललित राजवंशी र शक्ति गौचन छन् । उनीहरुले दुई वर्षको एकमुष्ट रु छ लाख पाउनेछन् । यसैगरी सी श्रेणीमा सुवास खकुरेल, सागर पुन, दिलीप नाथ, सुनिल धमला, सुसन भारी, प्रदीप ऐरी र विनोद भण्डारी छन् । उनीहरूले मासिक रु १५ हजारका दरले दुई वर्षको तलब रु तीन लाख पाउनेछन् । राखेपका अनुसार टोली व्यवस्थापक रमन शिवाकोटी र मुख्य प्रशिक्षक जगत टमाटाले पनि दुई वर्षको पारिश्रमिक पाउनेछन्। उनीहरूको पारिश्रमिक खुलाइएको छैन। क्यान विवादले उग्ररूप लिँदै गर्दा आइसिसीले २०७३ वैशाखदेखि क्यानलाई सरकारी हस्तक्षेप र निष्पक्ष नभएको भन्दै प्रतिबन्ध लगाउँदै आएको छ। विसं २०७३ वैशाखमा क्यान निलम्बन भएपछि अहिलेसम्म नेपाली खेलाडीले अभिभावकबिनै ठूला प्रतियोगितामा सहभागिता जनाउँदै आएका छन्। रासस

post image

 माघ २७, काठमाडौं । नेपाल प्रहरीले १४ एसपी र २६ डिएसपीको बढुवा सूची निकालेको छ। शनिबार राति प्रहरीले सार्वजनिक गरेको सूची अनुसार १४ जना एसपीलाई एसएसपीमा र २६ जना डिएसपीलाई एसपीमा बढुवा सिफारिस गरिएको छ।

एसएसपीको बढुवा सिफारिसमा परेकाहरुमा सन्दीप भण्डारी, टेकप्रसाद राई, उमेशराज जोशी, श्यामलाल ज्ञवाली, डा. गणेश रेग्मी, रामदत्त जोशी, दीपक थापा, मिरा चौधरी, बुद्धिराज गुरुङ, किरण बज्राचार्य, पोषराज पोखरेल, टेकबहादुर तामाङ, बसन्त पन्त र भीम प्रसाख ढकाल छन्।

त्यसैगरी एसपीको लागि सिफारिस हुने २६ डिएसपीमा रमेशकुमार बस्नेत, हिराबहादुर पाण्डे, श्यामकृष्ण अधिकारी, नन्थीराज गुरुङ, रविन्द्र रेग्मी, गोविन्द अधिकारी, कृष्ण प्रसाइ, मेघहाद्र खत्री, विनोद सिलवाल, भीम दाहाल, रमेश थापा, प्रकाश रानाभाट, विमल कडेल, कमल थापा, जनार्दन जिसी, कृष्ण कोइराला, सन्तोष खड्का, दानबहादुर मल्ल, रन्जु सिग्देल, अनुपम शमशेर जबरा, रामकुमार महतो, कृष्ण पंगेनी, हेमकुमार थापा, अजय केसी, नवराज अधिकारी र वीरबहादुर बुढा मगर छन्।

post image

माघ २७, काठमाडौं । आज सरस्वती पूजा भनौ, श्रीपञ्चमी भनौ वा वसन्त पञ्चमी विद्या र सङ्गीतकी प्रतिरूप सरस्वतिको पुजा आराधना गरी मनाइने विशेष दिन । आजबाट क्रमशः वसन्त ऋतुको शुरुवात हुने मान्यता रहेको छ ।

सरस्वती मया दृष्टा वीणापुस्तक धारिणी ।
हंसवाहन संयुक्ता विधादानं करोतु मे ॥

सङ्गीत, ज्ञान अनि विद्याकी देवी सरस्वतीको यीनै स्तोत्रको सरल नेपाली अनुवाद प्रस्तुत गर्दै आजको सरस्वती पूजा विशेष आलेखलाई श्री गणेश गर्न चाह्यौं । जो चन्द्रको समान उज्जवल हुनुन्छ, सेतो वस्त्र लगाएर हातमा वीणा र वरदान दिने स्फटीकको मालासहित शुसोभीत हुनुहुन्छ, सेतो कमलको फूलमा आसिन ती देवी जसको ब्रह्मा, विष्णु तथा शिव आदि सबैले उपासना गर्नुहुन्छ उनै माता सरस्वती हाम्रा अज्ञानताहरु चिर्दै हामीलाई निर्मल विद्या दिनुहोस् । यो हिउँदको मुटु छेड्ने जाडो र पानीको ठिहिबाट क्रमशः अब कोईलीको कुहु कुहु अनि न्यानोपनाको राजा मौसम बसन्तको सेरोफेरोमा स्वागत छ ।

वैदिक सनातन हिन्दू संस्कारका अत्यन्त ब्यवहारीक आयामहरु छन् । यी संस्कारहरु नेपालीपनका अभिन्न अङ्गहरु भएका छन् । हलो, गोरु, माटो, वोट विरुवा, कुकुर लगायत चेलीवेटी, औजारहरु अनि अन्नवालीहरुकासाथै आजको दिन श्रृजना अनि ज्ञानको पूजा गर्ने दिन हो है ।ुब्रह्मा भिभर्त पूराणुमा प्रष्ट रूपमा उल्लेख गरिएको छ कि विद्या, कला, शब्द, विज्ञान अनि विचारकी देवी सरस्वतीलाई आजको दिनमा सबैले सम्झना गर्दै पूजा गरिन्छ भनि भगवान श्री कृष्णले वरदान दिएका हुन्र । विहानै उठेर प्रातः स्नान पश्चात् चोखोनितो गरी सफा कपडा लगाएर कलश स्थापना गरिन्छ अनि क्रमशः गणेश, विष्णु, शिव आदि देवताहरुको अर्चना गरिन्छ, सूर्यको अर्चना पनि गरिँदै सरस्वतीको उपासना गरिन्छ ।

विद्यालयहरुमा त आज विशेष रमझम रहन्छ, तराईतिर आजको दिन रङ्गिन गुलिया रसिला बुनियाँको दाना, बयर तथा अन्य फलपूलहरू प्रसादीका रुपमा बाँडिन्छ । कतिपय विधालयमा विद्यार्थीहरुको सक्रियतामा शाहाकारी भोजनै आयोजना समेत गरिने गरिएको छ । विभिन्न रङ्ग रगिंन तोरणहरु झुण्ड्याएर, अशोकको रुखको पात या केराका दाम्चा अनि बाँसको प्रयोग गरेर बनाएको प्रवेश द्वारहरुबाट आज धेरै विधालयहरु सजिसजाउ रहन्छ । विद्यार्थीहरुकालागि आजको अर्को रौनकता भने आजको दिनमा विद्यालयको दैनिक पोशाक विनानै विद्यालय प्रवेश गर्न पाउनु हो, फरक फरक पोशाकमा रङ्गीन विद्यार्थीहरुको लर्को आज धेरै विद्यालय परिसरमा देखिन्छ ।

काठमाडौमा बिभिन्न सरस्वती मन्दिरहरू जस्तै नीरबाराही, लाजिम्पाट, स्वयम्भू, गैरीधाराको नीलसरस्वती, ललितपुरको लेले आदिमा मेला लाग्ने गर्छ भने नेपालभरिका धेरै मन्दिर अनि विधाको केन्द्र विधालयहरुमा जमघट रहन्छ । पशुपतिमा रहेको सरस्वतीको मुर्ति जसलार्इ वुद्धमार्गीहरुले मञ्जुश्रीका रुपमा पनि पूजा गर्दछन् । त्यसै प्रतिमामा आज विशेष पूजा अर्चना गर्ने गरिन्छ ।

नेपालको परिवेशमा कुरागर्ने हो भने हामी नेपाली साँच्चीकै सानो परिवेशमा बाँचेका भने पक्कै छैनौ, नेपाल अधिराज्य भरिको धेरैजसो सरकारी विद्यालयहरुमा कहिँ कतै सानो या ठूलो सरस्वतीको मन्दिर रहेकौ छ । सरस्वती देवीलाई हिन्दू धर्म या संस्कारसंग भन्दा पनि मानवहरुको विद्याप्रतिको आशक्तिकारुपमा हेर्न जरुरी छ, हामी जुनसुकै धर्म या विश्वासको भएपनि हाम्रो विधासँगको नाता र ज्ञानको परिपूर्तिकारुपमा विधादेवी सरस्वती र आजको दिनलाई लिन सकिन्छ ।

आजकै दिनमा हामीमध्य धेरैले अक्षराम्भ गरेका हुनसक्छौं, अर्कोतर्फ आजको दिन सर्जकहरुको दिन हो । आफ्ना सिर्जना र शब्दहरुको पूजागर्ने विशेष दिन सरस्वती पूजाको सम्पूर्ण सर्जकलाई शुभकामना, यो सिर्जनाको डोर अनन्त कालसम्म रहिरहोस् । सिर्जनाका औजारहरु कलम, मसी अनि कागजको आज पूजा गरिन्छ, सरस्वतीको असिम कृपाले सकारात्मक शब्दहरु, भावहरु, ब्याख्याहरुको पर्दापण भईरहोस्, सर्जकहरु चाहे लेखक हुन् या गायक या ब्यूटिसियन हुन या सुचिकार या घर बनाउने मिस्त्री देखि मुर्ती वनाउने मुर्तिकारसम्म सबैले आफ्नो सिर्जनाको सम्मान तथा मूल्य सहि पाउन्, जाँङ्गर लागिरहोस अनि सिर्जनाको उजेलीले समाजको अँध्यारो सँधै दुर होस् ।

आजको वसन्त पञ्चमीलाई मुस्लिम समूदायले सुफि बसन्तका रुपमा १२औ शताब्दीदेखि मनाउँदै आएको विभिन्न दस्तावेज अनि मुसलमान किम्बदन्तीहरुमा पाईन्छ । दिल्लीका तत्कालीन फकिर निजामुद्धीनका भतिजा तकुद्धिनको असामहिक मृत्यूले निजामुद्धीन अत्यन्त मर्माहीत भएका थिए, सुफीका महान कवी अमिर फुस्रोले फकिरलाई खुशीपार्न आजकै दिन गमलामा फूल र पहेँलो वस्त्रमा हाँस्दैगएर फकिरलाई हसाँउन सकेको र यस दिनलाई सुफि बसन्त पनि भनिएको जनउक्तिहरु रहेको छ । त्यसपश्चात आजको दिनलाई निजामुद्धीन औलियाको दिल्लीमा रहेको दरगाहमा सधैं सुफि बसन्तका रुपमा मनाउन थालिएको हो ।

तपाई हामी जुनै धर्म या संस्कृती या विश्वाब भएका ब्यक्ति हौ तर विधा हामीसबैलाई आवश्यक छ , सिर्जना र सर्जकको कदर हामीसबैले गर्न जरुरी छ ।

लेख्नेको मसी नसकियोस्, बोल्नेको आवाज दुरुस्त रहोस् अनि हेर्नेको नजर खुल्ला रहोस् । क देखि ज्ञ सम्मका वर्णमाला अनि शब्द विन्यासहरुले हामीलाई ज्ञान अभिब्यक्त गर्दा सदैब साथ दिउन्, ए बि सि डि आदिका अक्षरस प्रयोग जारी रहोस्, ब्याकरणले साथ दियोस्, संगीतका सातै सुर अनि अभिनयका सम्पूर्ण रसहरुले साथ दिउन् । मुख्य कुरा श्रृगांर रसले जिवन भरिपूर्ण होस्, सरस्वती माताको जय ।

बिधा की देवी सरस्वतीको दिन अनि धेरै जनाको अक्षराम्भ भएको अनि कलम किताब, मसी, सिसाकलम अनि पुस्तक संगको प्रथम साक्षात्कार भएको दिन भएकाले पनि हरेक बर्षको सरस्वती पूजाका दिन राष्ट्रिय पुस्तक दिवस पनि मनाइने गरिन्छ । केही बर्षअघि मात्रै राष्ट्रिय पुस्तक तथा स्टेसनरी व्यवसायी महासङ्घले सरकारसँग सरस्वती पूजाका दिनलाई राष्ट्रिय पुस्तक दिवस घोषणा गर्न माग गरेको हो । महासङ्घले आफ्नै पहलमा बिभिन्न कार्यक्रमहरु गरेर राष्ट्रिय पुस्क दिवस मनाउने गरिन्छ । हरेक पुस्तकका पाना अनि अक्षरहरुमा बिधा की देवी सरस्वतीको बास छ, सरस्वतीको कृपा अनि अनुकम्पा नेपाली वर्णमाला, व्याकरण अनि शव्दमालामा सदैव रहिरहोस् । बिधाको कमी यस भूमिमा कदै नहोस् ।

post image

माघ २६, प्यूठान । प्यूठानमा चट्याङमा परेर दुई जनाको मृत्यु भएको छ । तीन जना घाइते भएका छन् । शुक्रबार राति १० बजे परेको चट्याङमा नौबहिनी गाउँपालिका-१ स्वाउलिवाङ्ग खारखोलाका नेपाली सेनामा कार्यरत अन्दाजी २३ वर्षीय मनोज गुरुङ र सोही गाउँकी अन्दाजी २७ वर्षीय नौमती घर्तीको  मृत्यु भएको छ ।

जिल्ला प्रहरी कार्यालय प्युठानका प्रमुख प्रहरी नायव उपरीक्षक निर्मल बुढाथोकीका अनुसार घाइते हुनेमा सोही ठाउँकी ७ वर्षीया तेजि पुन, ६० वर्षीय बोमबहादुर घर्ती र ६२ वर्षीय रुद्र पुन रहेका छन् । चट्याङले नौबहीनी-६ मा १ भैंसी र बाख्रा मरेको छ ।

post image

माघ २६, जुम्ला । कर्णाली प्रदेश अन्तर्गत पर्ने डोल्पा, जुम्ला, हुम्ला, मुगुलगायत जिल्लामा हिमपात हुँदा जनजीवन अस्तव्यस्त बनेको छ । बुधबारदेखि पुन: हिमपात सुरू भएपछि कर्णाली प्रदेशका जिल्लामा जनजीवन अस्तव्यस्त भएको हो ।

लगातार परेको हिमपातले उपल्लो डोल्पामा चारदेखि पाँच फिटसम्म हिँउ जमेको जिल्ला प्रहरी कार्यालयका प्रहरी नायब उपरीक्षक अवदेश विष्टले बताएका छन् । हिमपातका कारण सञ्चार माध्यम अवरुद्ध भएपछि उपल्लो डोल्पाका बस्ती सम्पर्कबिहीन बन्न पुगेको उनले जानकारी दिए । हिमपातले अन्नबाली उत्पादनका लागि राम्रो हुने भए पनि चिसो बढेसँगै दैनिक कामकाज कठिन भएको छ ।

विमानस्थल बन्द 

शुक्रबार रातिदेखि परेको हिमपातले कर्णालीका सबै विमानस्थल बन्द भएका छन् । हुम्लाको हिल्सा, मुगुको ताल्चा, जुम्लाको खलङ्गा विमानस्थलको धावनमार्गमा बाक्लो हिउँ जमेका कारण कुनै उडान हुन नसक्ने समिट एयर नेपालगञ्ज शाखाले जनाएको छ ।

लगातारको हिमपातले धावनमार्गमा बाक्लो हिउँ जमेको छ । विमानस्थल अवरुद्ध भएपछि आन्तरिक उडान ठप्प भएका छन् । विमानस्थलको धावनमार्गमा दुई फिट हिउँ जमेपछि एक सातासम्म हवाई उडान ठप्प हुन सक्ने नागरिक उड्डयन प्राधिकरण जुफाल शाखा जनाएको छ । विमानस्थल अवरुद्ध भएपछि यात्रुहरु विमानस्थलमै अलपत्र परेका छन् भने दैनिक उपभोग्य सामग्री ढुवानी गर्नसमेत समस्या भएको छ । रासस

post image

दिपक पौडेल,माघ २६, काठमाडौं । काठमाडौंको दक्षिण–पश्चिम क्षेत्रमा अवस्थित चन्द्रागिरी डाँडामा हिउँ परेको छ ।

पश्चिमी वायुको प्रभावस्वरुप केही दिनदेखि भइरहेको देशव्यापी वर्षाले चिसो बढाएपछि चन्द्रागिरी, फूलचोकीलगायतका डाँडाहरुमा हिउँ परेको हो ।
हिउँले चन्द्रागिरी डाँडाका बोटविरुवासँगै निर्माण गरिएका संरचनाहरु सेताम्मे भएका छन् ।

 

हिउँ परेसँगै आन्तरिक तथा बाह्य पर्यटकको चहलपहल चन्द्रागिरी डाँडोमा बढेको छ ।

विभिन्न उमेर समूहका व्यक्तिहरु हिउँको मजा लुटिरहेका छन् ।

यसअघि गत पुस २३ मा पनि चन्द्रागिरी, फूल्चोकीलगायतका डाँडाहरुमा हिउँ परेको थियो ।

post image

माघ २६, काठमाडौं । बागमती सफाई महाअभियानले ३ सयौं हप्ता पुरा भएको छ । शहरी विकास मन्त्रालयले अभियानमा सहभागी हुन सरोकारवाला सबैलाई आह्वान गरेको छ । स्वच्छता मेरो पहिचान, सफाईमा योगदान भन्ने नाराका साथ थालिएको अभियानले नेपालभरका विभिन्न ९० भन्दा बढी स्थानमा सफाई अभियान सञ्चालनमा प्रेरणा तथा सकारात्मक सन्देश दिएको छ । शुरुको १००औँ हप्तासम्म बाग्मती नदीमा मात्रै केन्द्रित सफाइ अभियान विस्तार हुँदै विष्णुमती, रुद्रमती धोबीखोला नख्खु, कर्मनाशा इन्द्रमती, मनोहरा, हनुमन्ते लगायतका नदी तथा चक्रपथ सफाइसम्म विस्तार भएको थियो ।

२००औँ हप्तासम्म सुन्दरीजलदेखि चोभारसम्म पदयात्रा तथा अभियानलाई कार्यान्वयन गर्न दशबुँदे घोषणापत्र जारी गरिएको थियो । यस अवधिमा करीब १८ हजार मेट्रिक टन फोहर उठाई सकिएको छ । उपत्यकाभर १८ सय ५० भन्दा बढी संघसंस्था र करीब १० लाख अभियन्ताको प्रत्यक्ष सहयोगमा हरेक हप्ता बागमती सफा गर्ने काम भईरहेको छ । सरकार र नागरिकको अगुवाईमा मुलुकभर चलेको बागमती सफाई अभियानको काम तीव्र गतिमा समेत भईरहेको छ । यद्यपि, ढल व्यवस्थापन र फोहरमैला व्यवस्थापनको चुनौतीका कारण यो अभियान सफल हुन अझ गम्भीर बन्नुपर्ने सरोकारवाला बताउँछन् ।

यसैबीच आज शहरी विकास मन्त्रालयको अगुवाईमा विशेष कार्यक्रमको आयोजना गरिएको छ ।  आज बिहानै ७ बजे  शंखमूलस्थित युएन पार्क प्रभातफेरि सहित सरसफाई गरिएको थियो । कार्यक्रममा प्रधानमन्त्री केपी शर्मा ओली समेत सहभागी हुनुहुन्थ्यो । यसैबीच संघीय मामिला तथा सामान्य प्रशासन मन्त्रालयको निर्देशनमा आज ७ सय ५३ वटै स्थानीय तहमा विशेष सरसफाइ अभियानसमेत सञ्चालन गरिएको छ । विसं २०७० जेठ ५ गते तत्कालीन मन्त्रिपरिषद्का अध्यक्ष खिलराज रेग्मीले सफाइ महाअभियानको शुभारम्भ गर्नुभएको थियो । शुरुआती चरणदेखि नै तत्कालीन मुख्यसचिव एवं हाल चीनका लागि नेपाली राजदूत लीलामणि पौडेलले सफाइ महाअभियानको नेतृत्व गर्नुभएको थियो ।

post image

माघ २५, काठमाडौं ।  किसानहरु राज्यबाट उपेक्षित हुने गरेको गुनासो सांसद हृदेश त्रिपाठीले गर्नुभएको छ । प्रनिधिसभाको आज बैठकमा विशेष समयमा बोल्दै सांसद त्रिपाठीले जुनसुकै दल सरकारमा गएपनि किसानहरु उपेक्षित हुने गरेको बताउनुभयो । सरकारले बिचौलियाको पक्षपोषण गरेको आरोप लगाउँदै उहाँले किसान सधैं मारमा पर्ने गरेको बताउनुभयो । उहाँले भन्नुभयो, ‘बिचौलियाको पक्षपोषण हुँदै गयो, अहिले पनि जारी नै छ, उत्पादक किसान हैरान छन् र बिचौलिया मालामाल भए ।’

सरकाले गत वर्ष तोकेको उखुको सर्मथन मूल्य चिनी उद्योगीले अहिले सम्मपनि किसानलाई भुक्तानी नगरेकोमा उहाँले आश्चर्य व्यक्त गर्नुभयो । ‘सरकारले गत वर्ष प्रति क्वीन्टल ६५ रुपैयाँ ६८ पैसा अनुदानको रुपमा तोक्यो, अनुदान भनेको उपकार हैन’, उहाँले भन्नुभयो, ‘भ्याट छुट बापत उद्योगपतिलाई दिइने पैसा प्रत्यक्ष नदिई सीधै किसानलाई दिने भनेर अर्थ मन्त्रीको वक्तव्यमा आयो । तर अझै पनि सबै किसानले पाएनन्, नयाँ त बाँकी नै छ ।’ चिनी मिलहरु निर्धारित समय भन्दा डेढ महिना ढिला सञ्चालन भएको भन्दै सरकार किसानका समस्यामा उदासिन भएको उहाँको भनाई थियो । उहाँले भन्नुभयो, ‘किसानका पूराना भुक्तानी बाँकी नै छ, सरकारले दिएको अनुदान रकम मध्ये ७० प्रतिशत बाँकी नै छ । तर, सरकार लाचार भएर बसेको अवस्था छ ।’

 चिनी मिल ढिलो सञ्चालन भएकाले आगामी वर्षको जेठ, असारमा चिनीको अभाव सिर्जना हुन सक्ने उहाँको भनाई थियो । त्रिपाठीले भन्नुभयो, ‘आगामी जेठ असारमा चिनीको संकट हुनेछ र त्यसमा फेरि चलखेल सुरु हुनेछ । आयातका लागि व्यापारी लाग्ने छन्, जसरी अहिले लागेका थिए ।’ कृषि मन्त्रालयको झन्झटिलो प्रक्रियाका कारण किसानहरुले अहिले सम्म उखुको भुक्तानी पाउन नसकेको उहाँले बताउनुभयो । सरकार र चिनी उद्योगीबीचको लडाइँले उखु उत्पादक किसानले समस्या भोग्नु परिरहेको सांसद त्रिपाठीले बताउनुभयो । उहाँले भन्नुभयो, ‘चिनी उद्योगी र सरकारबीचको लडाइँमा बली चढे नेपाली उखु किसान ।’ किसानको हितमा काम नगर्ने कृषि तथा पशुपन्छी विकास मन्त्रालय खारेज गर्नुपर्ने भन्दै सांसद त्रिपाठीले मन्त्रालय बिचौलियाको पक्षमा रहेको बताउनुभयो । कृषिमा देखिएको लगानी किसानको नाममा अनावश्यक विषयमा खर्च हुने गरेको आरोप उहाँको थियो ।

post image

माघ २५, काठमाडौं ।  राष्ट्रपति विद्यादेवी भण्डारीले नवनियुक्त तीन राजदूतलाई शुक्रबार बिहानै पद तथा गोपनीयताको शपथ गराएकी छिन् । राष्ट्रपति भवन शीतल निवासमा आयोजित विशेष समारोहमा उनले संयुक्त राष्ट्रसङ्घ न्यूयोर्कका लागि नेपालका स्थायी प्रतिनिधि अमृतबहादुर राई तथा सोही विश्वसंस्थाको जेनेभाका लागि स्थायी प्रतिनिधि मणिप्रसाद भट्टराईलाई शपथ गराएकी हुन् ।

राष्ट्रपतिले इजरायलका लागि नेपाली राजदूत अञ्जान शाक्यलाई पनि पद तथा गोपनीयताको शपथ गराइन् ।

त्यस अवसरमा परराष्ट्रमन्त्री प्रदीपकुमार ज्ञवाली, प्रधानसेनापति पूर्णचन्द्र थापा, परराष्ट्र सचिव शङ्करदाश वैरागी, राष्ट्रपतिको कार्यालय र परराष्ट्र मन्त्रालयका उच्च अधिकारीको उपस्थिति थियो ।

post image

माघ २५, काठमाडौं ।  सरकारले कर्मचारी समायोजन विधेयक प्रतिनिधि सभामा आज टेबुल गर्ने भएको छ । संसदको अघिल्लो अधिवेशन अन्त्य भएपछि मात्र सरकारले अध्यादेश मार्फत कर्मचारी समायोजनको काम अघि बढाएको थियो । अहिले त्यसैको प्रतिस्थापन विधेयक सरकारले संसदमा लैजान लागेको हो । विहान ११ बजे बस्ने बैठकमा संघीय मामिला तथा सामान्य प्रशासन मन्त्री लालबाबु पण्डितले सो विधेयक टेवल गर्न कार्यसूची तय भएको संघीय संसद सचिवालयले जनाएको छ ।

अध्यादेश मार्फत नै सरकारले कर्मचारी समायोजन प्रक्रिया अघि बढाएको छ । फागुन ३ गतेभित्र समायोजन सक्ने भने पनि प्रक्रियागत रुपमा अहिले समायोजनको काम रोकिएको सामान्य प्रशासन मन्त्रालयले जनाएको छ । सामान्य प्रशासन मन्त्रालयले माथिल्लो तहबाट कर्माचारी समायोजवनको काम अघि बढाएको हो । संसदको अधिवेशन आह्वान गर्नुको सट्टा सरकारले संसद छलेर अध्यादेश ल्याएको भन्दै सो समयमा प्रमुख प्रतिपक्षी दल नेपाली कांग्रेसले अध्यादेशको विरोध गरेको थियो ।

यस्तै आजको बैठकमा श्रम, रोजगार तथा सामाजिक सुरक्षा मन्त्रालय र भूमि व्यवस्था सहकारी तथा गरीबि निवारण मन्त्रालयसँग सम्वन्धित विषयमा प्रश्नोत्तरको कार्यसुची तय भएको सचिवालयका सहप्रवक्ता केशव अर्यालले जानकारी दिनुभयो ।

post image

माघ २५, काठमाडौं ।  संसदीय सुनुवाइ समितिले राजदूतहरूको सिफारिसमा समानुपातिक र समावेशी नभएको विषयमा परराष्ट्र मन्त्रालयको ध्यानाकर्षण गराएको छ। समितिको बिहीबार बसेको बैठकले परराष्ट्रमन्त्री प्रदीप ज्ञवालीलाई संविधानको व्यवस्था बमोजिम राजदूत सिफारिस गर्ने वातावरण बनाउन सुझाव दिएको छ। सरकारले राजनीतिक नियुक्तिबाट र परराष्ट्र मन्त्रालयका कर्मचारीबाट राजदूत सिफारिस गरे पनि समानुपातिक र समावेशी नभएकाले समितिले यसबारे परराष्ट्रमन्त्री ज्ञवालीलाई समितिमा बोलाएर ध्यानाकर्षण गरेको हो ।

संविधानको प्रस्तावनामा समानुपातिक र संविधानको मौलिक हकमा समावेशीको कुरा भएका कारण यसलाई कार्यन्वयन गर्न समितिले सुझाव दिएको थियो। समिति सभापति लक्ष्मणलाल कर्णले भने, ‘संविधानबमोजिम समानुपातिक र समावेशी ‘आधारभूत अधिकार’ भइसकेपछि त्यसलाई ‘इन्कार’ गर्न पाइँदैन यसको कार्यन्वयन गर्नुपर्छ भनेर परराष्ट्र मन्त्रालयलाई सजग गराएको बताए।

परराष्ट्रमन्त्री ज्ञवालीले परराष्ट्र मन्त्रालयका कर्मचारीलाई राजदूतमा सिफारिस गर्दा समानुपातिक र समावेशी बनाउन कठिन भएको बताएका थिए। उनले परराष्ट्रमन्त्रालयका कर्मचारीमा कठिनाइ भए पनि राजनीतिक व्यक्तिको हकमा समानुपातिक र समावेशी आधारमा सिफारिस गरेर पठाउने प्रतिबद्धता व्यक्त गरेका थिए। अन्य देशहरूको के अपेक्षा छ त्यसको प्रोफाइल बनाएर सम्बन्धित देशका राजदूतलाई पठाउने उनले बताए। ५ देशमा नेपालको राजदूत खाली रहेको अवस्था रहेको छ। दक्षिण अफ्रिका, स्पेन, दक्षिण कोरिया, बंगलादेशमा पनि हाल राजदूत छैनन्।

post image

माघ २, काठमाडौं   सरकारले सोमबार बसेको मन्त्रिपरिषद्‍  बैठकका निर्णय सार्वजनिक गरेको छ। बिहीबार सरकारका प्रवक्ता गोकुल बास्कोटाले नियममित पत्रकार सम्मेलनमा मन्त्रिपरिषद्बैठकका निर्णय सार्वजनिक गरेका हुन्। 

. नेपाल न्याय सेवा, सरकारी वकिल समूहका रा.. विशिष्ठ तथा रा.. प्रथम श्रेणीका कर्मचारीहरूको समायोजन गर्ने निर्णय गरिएको छ।

. वैकल्पिक उर्जा प्रवर्धन केन्द्रको कार्यकारी निर्देशक पदमा श्री मधुसुदन अधिकारी (काठमाडौं) लाई चार वर्षका लागि नियुक्त गरिएको छ।

. नेपाल खानेपानी संस्थानको सञ्चालक समिति अध्यक्षमा जिउलाल चौधरी (कञ्चनपुर) तथा सदस्यमा संगीता भट्टराई रेग्मी (चितवन) राम बहादुर थापा (सिन्धुली) लाई नियुक्त गरिएको छ।

. मुस्ताङ जिल्लास्थित कोरला नाकाको भन्सार कार्यालयको नाममा जग्गा नाप नक्सा गर्ने सम्बन्धी समिति गठन आदेश, २०७५ स्वीकृत गरिएको छ।

. मेचीमहाकाली विद्युतीय रेलमार्गमा पुरै जग्गा परेका जग्गाधनीहरूलाई ७५ प्रतिशत, सोभन्दा कम जग्गा परेकालाई ६६ प्रतिशत घर, टहरा, पर्खाल आदिका हकमा जिल्लाको दररेट अनुसार क्षतिपूर्ति उपलब्ध गराउन स्वीकृति प्रदान गरिएको छ।

. साविक कालिकोट छाप्रे गाविसको निर्माणाधिन वालिघाट खोला पुल छिडेना खोला पुल निर्माणका लागि पुल तथा पहुँच सडकमा पर्ने घर, जग्गाहरूको जग्गा अधिग्रहण गरी मुआब्जा÷क्षतिपूर्ति रकम उपलब्ध गराउन स्वीकृति प्रदान गरिएको छ।

. दोभानओलाङचुगोला सडकखण्ड, ताप्लेजुङ धनकुटा मुलघाट माझिटार शुभांग लिम्बुवान पुल दोभान (तमोर कोरिडोर), ताप्लेजुङ एवम् मदन भण्डारी मार्ग (बसन्तपुरगुफापोखरीसभापोखरीढुंगेसाँघु दोभान संखुवासभा÷ताप्लेजुङ) सडक तिनका लागि सम्बन्धित प्रदेशमा विनियोजन बजेटसमेत भौतिक पूर्वाधार तथा यातायात मन्त्रालय मातहत ल्याई सञ्चालन गर्ने निर्णय गरिएको छ।

. गणेशमानसिंह मार्ग (थानकोटचितलाङ) खुटियाविपिनगरगडसेरादिपायल सडक तिनका लागि सम्बन्धित प्रदेशमा विनियोजित बजेट समेत भौतिक पूर्वाधार तथा यातायात मन्त्रालय मातहत ल्याई सञ्चालन गर्ने निर्णय गरिएको छ।

. जयपृथ्वी नगरपालिकामा अनाथ आश्रम निर्माण गर्न सशर्त अनुदान उपलब्ध गराउने निर्णय गरिएको छ।

१०. युवा तथा खेलकुद मन्त्रालयअन्तर्गत राष्ट्रिय खेलकुद परिषद्को संगठन संरचना दरबन्दी स्वीकृत गर्न सैद्धान्तिक स्वीकृति प्रदान गरिएको छ।
११. निम्न परियोजनाका लागि वन क्षेत्र प्रयोग गर्न दिने निर्णय गरिएको
) चिलिमेत्रिशुली १३२२२० केभी प्रशारणलाईन निर्माण
) महाकाली सिँचाई आयोजना
) माथिल्लो मैलुङ्ग खोला जलविद्युत आयोजना (१४.३० मे.वा.)
) मकरी गाड जलविद्युत आयोजना (१० मे.वा.)
) बुर्तिबाङपौदीअमराइतम्घाससन्धिखर्कगोरुसिंगे १३२३३ केभी सवस्टेशन निर्माण

१२. बी.एस. सिमेन्ट इन्डस्ट्रिज प्रालीलाई चुनढुंगा उत्खननका लागि वन क्षेत्र प्रयोग गर्न दिने निर्णय गरिएको छ।

१३. अछाम जिल्लाको साँफेबगरमा पर्वतीय जलाधारहरूको जलवायु परिवर्तन समायानुकुल आयोजना कार्यान्वयन इकाई स्थापना गर्ने निर्णय गरिएको छ।

१४. मदन भण्डारी विज्ञान तथा प्रविधि विश्वविद्यालय पूर्वाधार तयारी विकास समिति (गठन) आदेश, २०७५ स्वीकृत गरिएको छ।

१५. वीर सहिद गंगालाल श्रेष्ठको जन्मशताब्दी मनाउन लाख रुपैयाँ आर्थिक सहायता उपलब्ध गराउने निर्णय गरिएको छ।

१६. संघीय निजामती सेवा विधेयकको मस्यौदा संघीय संसद्मा पेश गर्न स्वीकृति प्रदान गरिएको छ।

१७. मधेस आन्दोलनका घाइते पानालाल यादवलाई उपचार खर्च उपलब्ध गराउने निर्णय गरिएको छ।

१८. तथ्यांक प्रणाली विकासका लागि राष्ट्रिय रणनीति स्वीकृत गरिएको छ।

१९. जडीबुटी विकासका लागि अनुदान सम्बन्धी कार्यविधि, २०७५ स्वीकृत गरिएको छ।

२०. राष्ट्रिय वन नीति, २०७५ स्वीकृत गरिएको छ।

२१. गैरसरकारी संस्था महासंघ नेपालको (दोस्रो संशोधन) विधान, २०७४ स्वीकृत गरिएको छ।

२२. भूकम्पबाट प्रभावित व्यक्तिको पुनर्वास तथा स्थानान्तरणका लागि वन क्षेत्रको जग्गा उपलब्ध गराउने सम्बन्धी (पहिलो संशोधन) कार्यविधि, २०७५ स्वीकृत गरिएको छ।

२३. भूकम्पबाट प्रभावित निजी आवास पुनर्निर्माण अनुदान वितरण (दोस्रो संशोधन) कार्यविधि, २०७५ स्वीकृत गरिएको छ।

२४. हेजिङ सम्बन्धी नियमावली, २०७५ जारी गरिएको छ।

२५. संघीय आर्थिक कार्यविधि तथा वित्तिय उत्तरदायित्व सम्बन्धमा व्यवस्था गर्न बनेको विधेयक संघीय संसद्मा पेश गर्न स्वीकृति प्रदान गरिएको छ।

post image

माघ २४, भरतपुर । नेपाल कम्युनिस्ट पार्टीका अध्यक्ष पुष्पकमल दाहालले भेनेजुएला प्रकरणमा आफूले निकालेको वक्तव्यमा आफू नचिप्लिएको बताए। भेनेजुएलामाथिको अमेरिकी हस्तक्षेपको विरोधमा निकालेको वक्तवक्य सही भएको अडान लिएका छन्। बिहीबार भरतपुर विमानस्थलमा प्रेस चौतारी र प्रेस संगठन चितवनले गरेको पत्रकार सम्मेलनमा बोल्दै अध्यक्ष दाहालले पार्टी र सरकारले धारणा एउटै भएको दावी गरे।

उनले पार्टीको तर्फबाट आएको वक्तव्य आधिकारिक भएको स्पष्ट पारेका छन्।अध्यक्ष दाहालले प्रधानमन्त्री केपी ओलीले दाहालको विज्ञप्तिमा शब्द चिप्लिएको टिप्पणी गरेको बेला उनले आफू नचिप्लिएको बताए। ‘पार्टीको सचिवालयले त्यही विज्ञप्ति जारी गरेपछि अब व्यक्तिले के भन्ला भन्ने कुराले अर्थ राख्दैन,’ दाहालले भने, ‘एउटा सार्वभौम राष्ट्रको राजनैतिक घटनाक्रममा हस्तक्षेप भयो भन्ने हिसाबको वक्तव्य थियो, प्रधानमन्त्रीले के सन्दर्भमा भन्नु भएको हो त्यो थाहा भएन।’

 भेनेजुएलामाथि राजनैतिक हस्तक्षेपको विरोधमा आफ्नो विज्ञप्ति ठीक भएको दाहालले दावी गरे। भेनेजुएलाका राष्ट्रपति निकोलस माडूरो र  त्यहाँको आन्तरिक राजनीतिमा अमेरिका र उसको गठबन्धनले हस्तक्षेप गर्नु गलत भएको बताउँदै दाहालले भने, ‘पार्टीको तर्फबाट जे वक्तव्य आयो त्यही नै आधिकारिक र स्वतन्त्र हो।’

त्यस्तै दाहालले नेपालको शान्ति प्रकृयाको विषयमा कुटनीतिक मर्यादाविपरित राजदूतहरुले वक्तव्य दिएको पनि आरोप लगाए । शान्ति प्रकृयाको बाँकी काम अगाडी बढाउन प्रतिपक्षी दलसमेत सहमत भएको अवस्थामा बाह्य मुलुकले हस्तक्षेप गरेको भन्दै उनले आपत्ति जनाए। उनले फागुन र चैतमा पार्टीको तहगत एकता अभियान चलाउने समेत बताए।

post image

माघ २४, सिन्धुली । सिन्धुलीको फिक्कल गाउँपालिका–२ चण्डीभन्ञ्याङमा बोलेरो दुर्घटना हुँदा ४ जनाको मृत्यु भएको छ। बिहिबार दिउँसो भएको दुर्घटनामा ८ जना घाइते भएका हुन्।

घाइते मध्ये ४ जनाको अवस्था गम्भीर रहेको सिन्धुली प्रहरीले जनाएको छ। सिन्धुलीको फिक्कल गाउँपालिका–१ महादेवडाँडाबाट खुर्कोटतर्फ आउँदै गरेको बा १५च ९४२२ नम्बरको डबलक्याप बोलेर फिक्कल गाउँपालिका २ चण्डीभन्ञ्याङ्गमा दुर्घटना भएको हो।

दुर्घटनामा परी १ जना पुरुष र ३ जना महिलाको मृत्यु भएको जिल्ला प्रहरी कर्यालय सिन्धुलीका प्रहरी नायव उपरिक्षक लोकदर्शन थापाले जानकारी दिए। मृतकहरुको पहिचान भइनसकेको र घटनास्थलमा उद्धार कार्य जारी रहेको थापाले जानकारी दिए।

गम्भीर घाईतेमध्य ४ जनालाई उद्धार गरी धुलीखेल अस्पताल तर्फ पठाउँने तयारी भई रहेको छ भने अन्य घाइतेहरुलाई खुर्कोट स्थित सामुदायिक अस्पताल ल्याइँदै छ। घट्नाबारे थप विवरण आउँन बाँकी नै छ।

post image

माघ २४, काठमाडौं । सर्वोच्च अदालतले एनसेल बिक्रीमा पुँजीगत लाभकर उठाउन एनसेल र एजियटाको नाममा परमादेश दिएको छ । प्रधानन्यायाधीश चोलेन्द्र शम्शेर राणासहितको बृहत पूर्ण इजलाशले कर असूली गर्न परमादेश दिएको हो । दुबै पक्षको जवाफी बहस पछि प्रधानन्यायाधीश राणासहित न्यायाधीश मिरा खड्का, विश्वम्भर प्रसाद श्रेष्ठ, आनन्द मोहन भट्टराई र टंकबहादुर मोक्तानको इजलासले पूर्व सचिव द्वारिकानाथ ढुंगेल सहितले दिएको निवेदनमा सुनुवाई गर्दै एनसेलको पुँजीगत लाभकर यहाँ रहेको एनसेल र एजियटाबाट असूल्न आदेश दिएको हो ।

अर्का रिट निवेदक अधिवक्ता भावेश गौतमको रिट सर्वोच्चले खारेज गरिदिएको छ । नयाँ प्रधानन्यायाधीशमा राणा आएपछि गत बिहीबारबाट एनसेल बिक्रीको लाभकर सम्बन्धी रिटमा सुनुवाई जारी थियो । ठूला करदाता कार्यलयका अनुसार एनसेलले सरकारलाई ४९ अर्व ५० करोड रुपैया तिर्न बाँकी छ । ६१ अर्व रुपैया करको ब्याज र हर्जान सहित ७३ अर्व रुपैया पुगेपनि एनसेलले साढे २३ अर्व कर भने सरकारी खातामा जम्मा गरिसकेको छ ।

हिजो निवेदक ढुङ्गेल र गौतमका तर्फबाट प्रतिनिधित्व गरेका कानुन व्यवसायीले बहस गरेका थिए । यस्तै, विपक्षी ठूला करदाता कार्यालयका तर्फबाट सरकारी वकिलले पनि हिजो बहस सुरु गरेका थिए । दुवै पक्षको बहस सकिएपछि निवेदक र विपक्षी दुबैका कानुन व्यवसायीले स्पष्ट पार्नुपर्ने विषयमा आफ्ना धारणा राखेका थिए । एनसेलले नै लाभकर तिर्नुपर्ने पक्षमा निवेदक ढुङ्गेलका कानुन व्यवसायी थिए । एनसेलका तर्फबाट र रिटमार्फत अदालत पुगेका अधिवक्ता गौतमका कानुन व्यवसायीले भने स्वामित्व हस्तान्तरण गर्ने टेलियासोनेराबाट लाभकर असुल गर्नुपर्ने जिकिर गरेका थिए ।

post image

माघ २४, काठमाडौं । काठमाडौं उपत्यकासहित देशका पश्चिम भेगमा वर्षा भइरहेको छ । दार्चुला, हुम्ला, डोल्पालगायतका स्थानहरुमा भने हिमपात भएको छ । मौसम पूर्वानुमान महाशाखाका मौसमविद् वरुण पौडेलका अनुसार, पश्चिम वायुले ल्याएको न्यून चापीय प्रणालीको असरले अहिले काठमाडौं उपत्यकासहित पश्चिम क्षेत्रमा वर्षा भइरहेको छ । यो प्रणालीको असर पश्चिमबाट विस्तारै पूर्वतर्फ पर्ने र वर्षा हुने मौसमविद् पौडेलको भनाइ छ । मौसम पूर्वानुमान महाशाखाका अनुसार, पानी पर्ने र रोकिने क्रम चलिरहे पनि यो प्रणालीको असरले पश्चिम क्षेत्रमा शुक्रबारसम्म पानी पर्नेछ ।

काठमाडौंलगायत देशका पूर्वीभेगमा भने शनिबारसम्मै यसको प्रभावले वर्षा भइरहने मौसमविद् पौडेलले जानकारी दिए ।‘पश्चिम भागमा शुक्रबारसम्म पानी पर्ने र रोकिने क्रम चले पनि काठमाडौंसहित पूर्वी भेगमा शनिबारसम्म नै यसको असरले वर्षा भइरहने छ’, मौसमविद् पौडेलले भने । सुदूर पश्चिमका जिल्ला दार्चुला, हुम्ला, डोल्पालगायतका स्थानमा भने अहिले हिमपात भइरहेको छ । हिमपातपछि त्यहाँको जनजीवन प्रभावित भएको छ ।

पश्चिमी वायुको प्रभावले उच्च पहाडी भागमा भारी हिमपात हुने र पहिरो पनि जाने खतरा मौसमपूर्वानुमान महाशाखाले औंल्याएको छ । त्यसैले मौसमविदले केही दिन ट्रेकिङ नजान सुझाव दिएका छन् । मौसमविदले भनिन्, ‘हिम पहिरो जाने, चिसो पनि बढ्ने भएकाले ट्रेकिङ्ग जानेहरुका लागि झन् गाह्रो हुन्छ, त्यसैले केही दिन नगएकै राम्रो ।’

post image

माघ २४, काठमाडौं । नेत्रविक्रम चन्द ‘विप्लव’ नेतृत्वको नेकपा माओवादीनिकट अखिल (क्रान्तिकारी) ले घोषणा गरेको आम शैक्षिक हड्तालका कारण आज देशभरका अधिकांश सामुदायिक र निजी विद्यालयको पठनपाठन प्रभावित भएको छ । नेपाल सरकारले विद्यालयमा बन्द, हड्ताल नगर्न विसं २०६८ जेठ ११ मा विद्यालयलाई शान्ति क्षेत्रका रुपमा घोषणा गरेपनि त्यसको पटक–पटक उल्लङ्घन हुँदा पढाइ प्रभावित भएको हो ।

अखिल (क्रान्तिकारी) का कोषाध्यक्ष नरेन्द्र विश्वकर्मालाई यही माघ १७ गते मोरङको विराटनगरमा गिरफ्तारी गरिएको विरोधमा शैक्षिक हड्ताल गरिएको सङ्गठनका अध्यक्ष चिरञ्जीवी ढकालले जारी गरेको विज्ञप्तिमा उल्लेख छ । काठमाडौँ उपत्यकालगायत स्थानमा आज बिहान विद्यालय जान तयारीमा रहेका र गइसकेका विद्यार्थी एकाएक बन्दको खबरले विद्यालय जान पाएनन् । कतिपय विद्यालयले भने जोखिम मोलेरै पनि पढाइ सञ्चालन गरिरहेका छन् ।

भक्तपुर र केही जिल्लामा भने यस्ता राजनीतिक हड्तालमा विद्यलाय खुल्लै रहँदै आएको छ । हड्ताल भए पनि निजी विद्यालयले त्यस दिनको पनि शुल्क लिन्छन् भने सामुदायिक विद्यालयका शिक्षकको नपढाए पनि तलब पाक्छ । विद्यालय बन्द हुँदा अभिभावकलाई घरमा छोराछोरी हेर्ने जिम्मेवारी थपिन्छ । विद्यालय तहको हालको सरदर सिकाइ उपलब्धि ५० प्रतिशतको हाराहारीबाट माथि उठ्न नसकेका बेला हड्तालले निजी विद्यालयले बन्दको सट्टामा अतिरिक्त पढाउने गरे पनि सामुदायिक विद्यालयका विद्यार्थीको पढाइमा भने असर पर्दै जान्छ ।

सरकारले जारी गरेको विद्यालय शान्ति क्षेत्र राष्ट्रिय ढाँचा तथा कार्यान्वयन निर्देशिका–२०६८ मा विद्यालयमा बन्द, हड्ताल, राजनीतिक सशस्त्र गतिविधि गर्न नपाइने उल्लेख छ । त्यस्तो गतिविधि बेलाबेलामा भइरहेकामा हालसम्म कुनै कारवाही भएको पाइएको छैन । विद्यालय शान्ति क्षेत्रको अवधारणाप्रति प्रमुख राजनीतिक दल, शिक्षक तथा विद्यार्थी सङ्गठनले समर्थन गर्दै कार्यान्वयनमा पटक–पटक प्रतिबद्धता व्यक्त गरेका छन् । राष्ट्रिय निजी तथा आवासीय विद्यालय एशोसिएशन (एन प्याब्सन) का अध्यक्ष ऋतुराज सापकोटाले राजनीतिक मुद्दामा विद्यालय बन्द गरिने संस्कारको अन्त्य नहुनु र सरकारले सुरक्षाको प्रत्याभूति नदिनु दुखद् भएको बताए ।

बालफस्थित ज्ञानोदय माविका शिक्षक गोविन्द भण्डारीले विद्यालय खुलेमा आफूहरु पढाउन तयार रहेको भए पनि प्रशासनिक विषय जोडिएकाले विद्यालय बन्द गरिएको बताए । शिक्षा, विज्ञान तथा प्रविधि मन्त्रालय, शिक्षा तथा मानव स्रोत विकास केन्द्रको फ्ल्यास रिपोर्ट, २०७४ का अनुसार हाल मुलुकका ३५ हजार ६०१ विद्यालय छन् । यसमा २७ हजार ८८३ सामुदायिक र निजी प्रकृतिका विद्यालय छ हजार ५६६ र अन्य धार्मिक प्रकृतिका विद्यालय छन् । कक्षा १ देखि १२ सम्म कूल ७३ लाख ९१ हजार ५७४ विद्यार्थी अध्ययनरत छन् । मन्त्रालयका प्रवक्ता वैकुण्ठप्रसाद अर्यालले आजको शैक्षिक हड्तालबारे आधिकारिक रूपमा कुनै जानकारी नभएको र यस्तो हड्ताल हुनु बालबालिकाको पढ्न पाउने अधिकारको विरुद्ध भएको बताए ।

तत्कालीन नेकपा (माओवादी) को सशस्त्र युद्धकालमा विसं २०६० असोज २६ गते डोटीको मुढभरास्थित शारदा उच्च माध्यमिक विद्यालयमा विद्रोही पक्षको सांस्कृतिक कार्यक्रममा सुरक्षा निकायबाट भएको गोली प्रहारका क्रममा चार विद्यार्थीसहित १० को मृत्यु तथा केही विद्यार्थी घाइते भएपछि अधिकारकर्मीले विद्यालय शान्ति क्षेत्रका लागि आवाज उठाउन थालेका थिए । रासस

post image

माघ २२, काठमाण्डौं । कलेजमा अध्यनरत विद्यार्थीहरुलाई मानवअधिकार शिक्षा प्रदान गर्ने उदेश्यले “युवा मानवअधिकार विषयक” कार्यशाला युथ एड्भोकेसी नेपाल र ईन्सेकको संयुक्त आयोजनामा मदन भण्डारी मेमोरियल कलेज, अनामनगरमा सम्पन्न भयो ।

 

कार्यक्रममा मानवधिकारको अवधारणा, यसको विकासक्रम, यसका सिद्धान्त, संवैधानिक तथा कानुनी प्रावधान लगायतको विषयमा युवा मानवअधिकारकर्मी विनय कार्की र तिर्थराज कोईरालाले विद्यार्थीहरुलाई प्रशिक्षण गरेका थिए । कार्यशालामा विद्यार्थीहरुले मानवअधिकारसँग सम्बन्धीत विभिन्न भनाई तथा जिज्ञासा राखेका थिए ।

कार्यशालामा युवाहरु मानवअधिकारको आन्दोलनमा सक्रियरुपले लाग्नु पर्ने ईन्सेकका प्रतिनिधि कृष्ण गौतमले वताए । ढिलो न्याय दिनु न्याय नदिनु हो भन्नेमा गौतमको जिकिर थियो । अधिकारको दावा गरी अभ्यास गर्नका लागि प्रत्येक व्यक्तिले उनीहरुको अधिकारको विषयमा जानकारी हुनु पर्ने युथ एड्भोकेसी नेपालका अध्यक्ष नरेन खतिवडाले वताए । विद्यार्थीहरुलाई मानवअधिकारको विषयमा शिक्षा प्रदान गर्न आगामी दिनमा विभिन्न कलेजमा कार्यशाला आयोजना गरिने योजना रहेको खतिवडाले जानकारी दिए ।

कार्यक्रममा मदन भण्डारी मेमोरियल कलेजका शिक्षक सुदिप लामाले विद्यार्थीहरुलाई मानवअधिकारको सम्मान, संरक्षण तथा परिपुर्तीमा सक्रिय रुपले सहभागि हुन पर्नेमा जोड दिनु भएको थियो ।

post image

 माघ २१, झापा । झापाको बिर्तामोडमा चिकित्सकको लापरबाहीका कारण बिरामीको मृत्यु भएको भन्दै विर्तासिटी हस्पिटलमा तोडफोड भएको छ । झाडापखाला लागेपछि उपचारका लागि ल्याइएका मेचीनगर-१४ का दुई वर्षीय बालकको मृत्यु भएपछि आक्रोशित परिवारले अस्पताल तोडफोड गरेका हुन् ।

इलाका प्रहरी कार्यालय, अनारमनीका प्रमुख डीएसपी सुवास खड्काका अनुसार स्थितिलाई नियन्त्रणमा लिन प्रहरीले केही सेल अश्रु ग्यास समेत प्रहार गरेको थियो ।परिवारका सदस्यले भने हस्पिटलमा इन्जेक्सन लगाएको केहीवेरमै बालकको मृत्यु भएको दाबी गर्दै चिकित्सकले गलत औषधि प्रयोग गरेको आरोप लगाएका छन् ।

घटनापछि बसेको सर्वदलीय बैठकले मेची अञ्चल अस्पतालको सिनियर सुपरिटेन्डेन्टको नेतृत्वमा ५ सदस्यीय छानबिन टोली गठन गर्ने निर्णय गरेको छ । टोलीले १० दिनभित्र जिल्ला प्रशासन कार्यालयमा छानबिन प्रतिवेदन बुझाउनु पर्नेछ । जसको आधारमा दोषीलाई कारबाही र पीडितलाई क्षतिपूर्तीको व्यवस्था गर्ने निर्णय भएको जनाइएको छ ।

हाल बैठकपछि मृतकको शवलाई पोष्टमार्टमका लागि धरानस्थित बिपि कोइराला स्वास्थ्य विज्ञान प्रतिष्ठानमा लाने तयारी गरिएको छ ।

post image

माघ २१, काठमाडौं । चितवन राष्ट्रिय निकुञ्ज र आसपासका वन क्षेत्रमा अस्वभाविक रूपमा गैंडा मर्न थालेपछि मरेका गैंडाको नमूना परीक्षण गर्न विदेश पठाउने तयारी गरिएको छ। गैंडाको मृत्युको कारण खोजी गर्न नमूना परीक्षणका लागि विदेश पठाउन लागिएको हो।

चालू आवको हालसम्म २९ गैंडा मरेका छन्। निकुञ्ज विभागले प्राकृतिक कारणले गैंडा मर्ने क्रम बढेपछि अनुसन्धानका लागि समिति बनाएर काम अगाडि बढाएको हो। निकुञ्जका सूचना अधिकारी गोपाल घिमिरेका अनुसार पछिल्लो एक महिनामा मरेका सात गैंडा फेला परेका थिए। वर्षातको बेलामा कालगतिले मरेका तर हाल फेला परेका धेरै भएको उनले बताए।

प्राकृतिक कारणले मरेकामध्ये निकुञ्जभित्रका २८ र जिल्ला वन कार्यालयअन्तर्गत एउटा रहेको छ। निकुञ्जभित्र प्राकृतिक कारणले मरेकामा भाले भाले जुधेर, ढिस्कोबाट लडेर, बच्चा पाउन नसकेर, दलदलमा फसेर र बूढो भएर कालगतिबाट, बाघले खाएर, रोगका कारण रहेका छन्। जिल्ला वनअन्तर्गतको पञ्चकन्या सामुदायिक वनमा जुधेर एउटा गैंडा मरेको छ।

कालगतिले बाहेक निकुञ्जमा मरेका गैंडा १५ देखि २५ वर्ष उमेरका रहेको घिमिरेले बताए। गैंडाको औसत आयु ६० वर्ष हुन्छ। निकुञ्जका प्रमुख संरक्षण अधिकृत वेदकुमार ढकालले अस्वभाविक ढङ्गबाट गैंडा मर्न थालेपछि रोगका कारण मरेका चारसहित अन्यको नमूना परीक्षणका लागि स्वदेश र विदेशका प्रयोगशालामा पठाउने तयारी गरिएको बताए। उनका अनुसार मरेका गैंडाको महत्त्वपूर्ण अंग सुरक्षित राखिएको छ।

ती अंगलाई बाहिर पठाएर मृत्युको कारण पत्ता लगाउने तयारी गरिएको छ।

ठूलो सङ्ख्यामा गैंडा भएकाले महामारीको रूपमा रोग भित्रिन नपाओस् भन्नका लागि समयमै सतर्कता अपनाउने तयारी गरिएको हो। निकुञ्जका प्राविधिक पुरुषोत्तम पाण्डेका अनुसार मरेका र नसढेका गैंडाको मुटु, कलेजो, पित्त, मिर्गौला, मूत्रथैली, रगतलगायतका नमूना डिपफ्रिज र इथानोल अल्कोहलमा सुरक्षित राखिएको छ। मरेपछि कुहिएको अवस्थामा भेटिएका गैंडाको छाला सुरक्षित राखिएको छ।

अघिल्लो वर्षको बाढीले गैंडाको समूहलाई तितरबितर बनाएपछि प्राकृतिक कारणले बढी गैंडा मरेको ढकालले बताए।

गत वर्ष प्राकृतिक कारणले २५ गैंडा मरेका थिए। पूर्वका गैंडा पश्चिम पुगेपछि एकै क्षेत्रमा बढी गैंडा हुँदा पनि समस्या भएको हो। स्थानान्तरणका क्रममा पोथी गैंडा बढी पठाएपछि भालेको सङ्ख्या बढी हुँदा पनि जुधेर मर्ने क्रम बढेको ढकाल बताउँछन्।

स्थापनाताका २० प्रतिशत घाँसेमैदान रहेको निकुञ्जमा हाल १० प्रतिशत मात्रै घाँसेमैदान छ। त्यसमा पनि बजेट अभावमा हरेक वर्ष १०० हेक्टर हाराहारी व्यवस्थापन गरिँदै आएको छ। अन्य घाँसेमैदान व्यवस्थापन गर्न नसक्दा पनि गैंडालाई समस्या भएको छ। गैंडालाई पानीका लागि तालतलैया सुक्दै गएपछि यस वर्ष ४० नयाँ ताल खन्नका लागि बोलपत्र आह्वान गरी ठेक्का दिइएको छ। हालसम्म निकुञ्जमा ६० ताल छन्। नदीमा सोझै ढल र फोहोर मिसाउँदा प्रदुषित भएर पनि गैंडा प्रभावित बनेका छन्।

निकुञ्जको तथ्याङ्कअनुसार सन् २०१४ मा आठ, २०१५ मा १५, २०१६ मा १४ र सन् २०१७ मा २४ गैंडा प्राकृतिक कारणले मरेका थिए। हालसम्म प्राकृतिक कारणले सबभन्दा बढी मर्ने क्रम यस वर्ष देखिएको छ। यसअघि चोरीशिकारीबाट सबभन्दा बढी सन् २००२ मा ३६, सन् २००३ मा ३०, सन् २००५ मा १६ र सन् २००० मा १५ गैंडा मारिएका थिए । पछिल्लो समय चोरीशिकारीबाट मारिने क्रम घटेर गएको छ । चोरीशिकारीबाट गैंडा नमरे पनि प्राकृतिक कारणबाट मर्नेको सङ्ख्या बढेपछि चिन्ता व्यक्त गरिएको छ। निकुञ्जमा सशस्त्र द्वन्द्वको समयमा धेरै गैंडा चोरीशिकारीबाट मारिएका थिए । पछिल्लो गणनाअनुसार निकुञ्जमा ६०५ गैंडा छन् । चालू आर्थिक वर्षमा पुनः गैंडाको गणना गरिँदै छ । रासस

post image

माघ २१,हेटौँडा । प्रदेश नं ३ प्रदेशसरकारले सोनाम ल्होछार (ल्होसार) को अवसरमा प्रदेशभर सार्वजनिक बिदा दिने निर्णय गरेको छ।

आन्तरिक मामिला तथा कानुन मन्त्रालयले आइतबार विज्ञप्ति जारी गरी माघ २२ गते २८५५औँ सोनामा ल्होछारको अवसरमा प्रदेशभर सार्वजनिक बिदा दिएको जनाएको छ। गत माघ ९ गतेको मन्त्रिपरिषदको बैठकले बिदा दिने निर्णय गरेको हो।

तामाङ बाहुल्य प्रदेश नं ३ मा ल्होसारको अवसरमा बृहत ल्होछार महोत्सवको समेत आयोजना गरिने भएको छ। माघ २१ र २२ गते प्रदेश राजधानी हेटौँडामा सो महोत्सव हुनेछ। रासस

post image

माघ २०, दाङ  दाङ प्रहरीले अवैधरुपमा हतियार बनाउने कारखाना पत्ता लगाएको । प्रहरीले कारखानाबाट ठूलो परिमाणमा हतियार हतियार बनाउने कच्चा पदार्थसहित जनालाई पक्राउ गरेको प्रहरीले नेपाल भारतको सीमा क्षेत्रमा पर्ने राजपुर गाँउपालिका भौवानाबाट तयारी हतियार हतियार बनाउन प्रयोग हुने सामाग्रीसहित जनालाई पक्राउ गरेको हो  

हतियार बनाउने कारखानाबाटै त्यही स्थानका ५९ वर्षीय जीतबहादुर बुढा ३८ वर्षीय रुद्रमनी घर्तीलाई पक्राउ गरेको हो घरमै हतियार बनाइरहेको सूचनाको आधारमा प्रहरीले उनीहरुलाई शनिबार पक्राउ गरी आइतवार सार्वजनिक गरेको हो  पक्राउ परेकाको कारखानाबाट भरुवा बन्दुक थान, १२ बोर राइफल एक थान, एयरगन थान, कटुवा पेस्तोल रिभल्भर ÷ थान प्रहरीले बरामद गरेको  

त्यसैगरी सानो हतियारको नाल १२ थान, ठुलो हतियारको नाल २९ थान बरामद गरिएको प्रहरीले हतियार बनाउन प्रयोग हुने सामाग्री पनि ठुलो मात्रामा बरामद गरेको   भौवा नाकामा अवैधरुपमा घरेलु हातहतियार निर्माण हुने गरेको सूचनाको आधारमा प्रहरीले त्यस क्षेत्रमा निगरानी बढाएको थियो लामो निगरानीपछि हतियार कारखाना पत्ता लागेको दाङ प्रहरी प्रमुख एसपी बेलबहादुर पाण्डेले बताए  

post image

माघ २०, ललितपुर। वन तथा वातावरणमन्त्री शक्ति बस्नेतकी भतिजी बबिता बस्नेत अपार्टमेन्टको कोठामा मृत अवस्थामा भेटिएकी छन्। बालकुमारीस्थित वेस्टार अपार्टमेन्टमा बबिता मृत अवस्थामा भेटिएकी हुन्। ललितपुरका प्रहरी प्रमुख रवीन्द्र धानुकका अनुसार सलको पासो लगाएको अवस्थामा उनको शव भेटिएको हो। घटना शंकास्पद भएकाले प्रहरीले अनुसन्धान अगाडि बढाएको उनको भनाइ छ।

आइतबार बिहान १० बजेसम्म पनि सुतेको कोठाको ढोका नखुलेपछि आफन्तले प्रहरीलाई खबर गरेका थिए। ढोका फोरेर हेर्दा प्रहरीले पासो लगाएको अवस्थामा उनको शव फेला पारेको हो।

बबिता ऊर्जामन्त्री वर्षमान पुनका प्रेस सहयोगी रोशन खड्काकी श्रीमती हुन्। घटना शंकास्पद देखिएको भन्दै प्रहरीले  अनुसन्धान सुरु गरेको छ।

 

post image

माघ २०, काठमाडौं । प्रमुख प्रतिपक्षी दल नेपाली कांग्रेसले भेनेजुएला प्रकरणमा अमेरिकाविरुद्ध सरकार र सत्तारुढ दलका अध्यक्षले सार्वजनिक गरेको विज्ञप्तिप्रति आपत्ति जनाएको छ। आइतबार बसेको कांग्रेस संसदीय दलको बैठकले सरकार र नेकपा अध्यक्षले सार्वजनिक गरेको विज्ञप्ति राष्ट्रिय स्वार्थ विपरित भएको भन्दै आपत्ति जनाएको हो।  ‘नेपालको खासै कुनै सम्बन्ध नरहेको देश भेनेजुएलाको राजनीतिक घटनाक्रममा सत्तारुढ कम्युनिस्ट पार्टीका अध्यक्ष र सरकार स्वयम्ले दिएको विज्ञप्ति अपरिपक्व मात्र होइन, नेपालको राष्ट्रिय स्वार्थ विपरित छ’, काग्रेस संसदीय दलको निर्णयमा भनिएको छ, ‘यस्तो असंवेदनशील, अपरिपक्व र राष्ट्रिय स्वार्थ विपरित कार्यप्रति नेपाली कांग्रेस संसदीय दलको  बैठक आपत्ति प्रकट गर्दछ।’

नेपालको विकासका लागि झण्डै ६५ वर्ष भन्दा लामो समयदेखि लगातार आर्थिक सहयोग पु¥याउँदै आएको पुरानो मित्र संयुक्त राज्य अमेरिकाको कारात्मक भूमिका नै नेपालका लागि महत्वपूर्ण हुने ठहर कांग्रेसको छ। ‘अमेरिकाले हाम्रो मुलुकको भौतिक र सामाजिक पूर्वाधार निर्माण क्षेत्रमा अत्यन्त उल्लेखनीय सहयोग पु¥याइरहेको छ ’, कांग्रेसले भनेको छ, ‘आगामी दिनमा पनि नेपालको आर्थिक विकास, त्यसका लागि आवश्यक आर्थिक र कुटनीतिक सहयोगको क्षेत्रमा संयुक्त राज्य अमेरिकाको सकारात्मक भूमिका महत्वपूर्ण रहनेछ।’

सँगै कांग्रेसले शेरबहादुर देउवा प्रधानमन्त्री हुँदा सरकारले जारी गरेको चिकित्सा शिक्षा अध्यादेश अनुरुप नै वर्तमान सरकारले डा. गोविन्द केसीसँग सम्झौता गरेकोमा पछि तोडमोड गरी  जबरजस्ती संसदबाट पास गरेकोप्रति आपत्ति जनाएको छ। उसले अध्यादेश सम्झौता अनुसार सच्याउनसमेत माग गरेको छ।  कांग्रेस प्रमुख सचेतक बालकृष्णा खाँणले जारी गरेको विज्ञप्तिमा भनिएको छ,‘विधेयकलाई अध्यादेश एवं सम्झौता बमोजिम  सच्चाउन नेपाली कांग्रेस निरन्तर लागि रहनेछ।’

post image

माघ २०, काठमाडौं । भारतका लागि नेपाली  आवासीय राजदूतमा निलाम्बर आचार्य नियुक्त भएका छन् । आइतबार  राष्ट्रपति विद्यादेवी भण्डारीले अचार्यलाई  भारतका लागि आवासीय राजदूत नियुक्त गरेकी हुन् ।

राष्ट्रपति भण्डारीले संविधानको धारा २८२ को उपधारा (१०) बमोजिम मन्त्रिपरिषदको सिफारिसमा आचार्यलाई राजदूत नियुक्त गरिएको राष्ट्रपति कार्यालयद्वारा जारी विज्ञप्तिमा जनाइएको छ ।

post image

शम्भु कुँवर , माघ २०, काठमाण्डौं । काठमाण्डौको कागेश्वरी मनोहरा नगरपालिका वाड नं ५ मा जलकाली सेवा समाजले पाँचकोठे धर्मशाला तथा क्रियापुत्री भवनको एक समारोहकाबिच उद्घाटन गरीएको छ । कागेश्वरी मनोहरा नगरपालिकाका मेयर कृष्णहरी थापाले एक समारोहकाबिच उक्त भवनको उद्घाटन गर्नु भएको हो ।

जलकाली सेवा समाजका सदस्यहरु, स्थानीयबासिन्दाहरु, नगरपालिका, वडा कार्यालयहरुको सहयोगमा करीव २० लाखको लागतमा तयार पारीएको थियो । जलकाली सेवा समाजको धर्मशाला तथा क्रियापुत्री भवनको उद्घाटन गर्दै कागेश्वरी मनोहरा नगरपालिकाका मेयर कृष्णहरी थापाले यस भवनले आम सर्वसाधारण देखि लिएर यस वडाका बासिन्दाहरुलाई १३ दिने काजक्रिया गर्नका लागि निकै उपयोगी हुने र यसवाट सबैलाई लाभ लिन समेत आग्रह गर्नु भयो ।

मेयर थापाले कागेश्वरी मनोहरा नगरपालिकाले आगामी दिनमा नगरपालिकालाई समृद्ध बनाउनका लागि बिभिन्न आयोजनाहरु अघि सारेर अघि बढीरहेको बताउदैं नगरपालिकाको कार्यमा सहयोग पुर्याउन समेत सबैमा आग्रह गर्नु भयो । धर्मशाला तथा क्रियापुत्री भवनको उद्घाटन समारोहमा बोल्दै जलकाली सेवा समाजका अध्यक्ष उपेन्द्र पौडेलले यस क्षेत्रका स्थानीय बासिन्दाहरुको मागलाई सम्बोधन गर्दै यो भवन तयार पारीएको बताउनु भयो ।

उहाँले यस भवन निर्माणका लागि सहयोग पुरयाउने सबैलाई धन्यवाद समेत ब्यक्त गर्नु भयो । अध्यक्ष पौडेलले समाजले आगामी दिनमा पनि सामाजिक क्षेत्रमा सक्रिय भएर संस्था लागीपर्ने धारणा राख्नु भयो । कार्यक्रममा कागेश्वरी मनोहरा नगरपालिका उपमेयर, नगरपालिकाका प्रवक्ता, बिभिन्न वडाका वडा अध्यक्षहरु, जलकाली सेवा समाजका प्रतिनिधिहरु, कागेश्वरी मनोहरा नगर खेलकुद बिकास समितिका अध्यक्ष नवराज पुडासैनी लगायतले आ–आफ्नो मन्तब्य राख्नु भएको थियो ।

सो भवन निर्माणका लागि करीव २० लाख खर्च भएकोमा जलकाली सेवा समाजका सदस्यहरुवाट प्रत्येक सदस्यवाट दश हजार, नगरपालिका, वडा कार्यालय लगायतले सहयोग गरेका थिए । यसरी भवन निर्माणमा सहयोग गर्नेहरुलाई सम्मान समेत गरीएको थियो ।

post image

माघ १९, काठमाडौं । चिकित्सा शिक्षा सुधार अभियन्ता डा. गोविन्द केसीले मेडिकल माफियामुखी विधेयक आफूलाई स्वीकार्य नभएको भन्दै त्यसलाई सच्याउन राष्ट्रपतिले सदनमा फिर्ता गर्नुपर्नेमा जोड दिएका छन्। सोह्रौं अनशन सुरु गरेको २४औं दिन शुक्रबार अनशन तोड्दै डा. केसीले सदनबाट पारित चिकित्सा शिक्षा विधेयकको माफियामुखी र विद्यार्थीमुखी प्रावधानविरुद्ध फरक ढंगले संघर्ष गरिरहने स्पष्ट पारे।

उनले आफू सत्यवादी लडाकु भएकाले अनशन स्थगित गरे पनि मेडिकल क्षेत्रमा रहेको माफियातन्त्रविरुद्ध लडिरहने बताए। राष्ट्रिय चिकित्सा शिक्षा विधेयकप्रति कहिले पनि अपनत्व ग्रहण नगर्ने उनले स्पष्ट पारे। सरकारले आफूसँग गरेको सम्झौताबमोजिम विधेयक नसच्याएसम्म निरन्तर खबरदारी गरिरहने पनि उनले बताए। डा. केसीलाई त्रिवि शिक्षण अस्पतालका सफाइ कर्मचारी अमृत पुजारी, पूर्वप्रधानन्यायाधीश सुशीला कार्की र पूर्वसभामुख दमननाथ ढुंगानाले संयुक्त रुपमा पानी खुवाएर अनशन तोडाएका थिए। सरकारले आफूलाई निर्वाचित गर्ने तीन करोड जनताको हितमा हैन, आफूनिकट एक व्यक्तिका लागि कानुन बनाउँदै नीतिगत भ्रष्टाचार तथा जनमतको अपमानको निकृष्ट उदाहरण पेस गरेको उनले आरोप लगाए। यसले सरकार र सत्तारुढ पार्टीको वैधतामाथि गम्भीर प्रश्न उठाएको पनि केसीको भनाइ छ।

 ‘सुधारकै लागि भनेर यत्रो कानुन निर्माण गर्दा समस्याको मूल जडका रुपमा रहेको सम्बन्धनका विकृतिलाई ज्युँका त्युँ राख्ने, सम्बन्धनको विकृतिलाई कानुनी वैधता दिने र यसबाट मुठ्ठीभरका आसेपासेलाई फाइदा पु-याउने सरकारको नियत प्रस्टै देखिएको छ’, डा. केसीले भने। चिकित्सा शिक्षा विधेयक पारित गर्ने बेला सरकारले गरेको जबर्जस्ती र अधिनायकवादी प्रवृत्तिले लोकतान्त्रिक व्यवस्थाको धज्जी उडाएको भन्दै केसीले त्यसरी पारित गरिएको ऐन आफूहरुलाई स्वीकार्य नभएको बताए।

सरकार र त्यसका प्रमुख प्रधानमन्त्री केपी ओलीमा संस्थागत र व्यक्तिगत इमान तथा विश्वसनीयता नभएको केसीको दाबी छ। ‘प्रधानमन्त्री आफैंले विगतमा गरेको निर्णय र गराएको सम्झौताबाट विचलित हुनु, आफ्नो बेइमानी र अनैतिक कामको बचाउ गर्नुले उनको निर्णय क्षमता प्रभावित भएको देखाउँछ’, डा.केसीले भने, ‘यसबाहेक अन्य प्रसंगमा समेत प्रधानमन्त्रीका उडन्ते अभिव्यक्ति र हाउभाउले उनी राज्य सञ्चालनका लागि अक्षम र अस्वस्थ भएको देखाउँछ।’

उनले अगाडि भने, ‘सरकारले संवेदनशीलता, मानवीय संवेदना र लोकलाज गुमाएको यस घडीमा हामीले सत्याग्रह जारी राख्दा असहज अवस्था सिर्जना हुने र बिरामीले दुख पाउने तर राज्यले कसै गरी पनि सत्याग्रहको आवाज नसुन्ने अवस्था बन्यो।’ उनले आफ्नो स्वास्थ्य र जीवनप्रति चासो र चिन्ता व्यक्त गर्ने सबैलाई धन्यवाद दिएका छन्।

निजी मेडिकल कलेज पढाएर योग्य डाक्टर बनाउने कम र डाक्टरी डिग्री बेच्ने थलो बनेकोमा उनले चिन्ता प्रकट गरे। विश्वविद्यालयले क्षमता निर्माण नै नगरी सरकार र राजनीतिक पार्टीको दबाबका कारण अनियन्त्रित रुपमा सम्बन्धन दिने थिति बसेको डा. केसीको आरोप छ। ‘देशको राजनीति भ्रष्टीकरण हुँदै जाँदा नियामक निकायहरु राजनीतिक दलका कार्यकर्ता भर्ती केन्द्र भए र सम्बन्धन किनबेचको विषय बन्यो’, उनले जारी गरेको विज्ञप्तिमा उल्लेख छ। उनले मेडिकल शिक्षामा भएको विकृति अन्त्य गर्न आफूले २०६९ सालमा पहिलो सत्याग्रह सुरु गरेको समेत स्मरण गराएका छन्। देशको न्यायालयमा भ्रष्टाचार संस्थागत गर्ने व्यक्ति नै न्यायालयको नेतृत्वमा पुगेर मेडिकल शिक्षामा भ्रष्टहरुलाई पुनस्र्थापित गर्ने प्रयास गरेको भन्दै उनले आफूहरुको सुधार अभियान अख्तियारजस्तो भ्रष्टाचारविरोधी संवैधानिक अंग र न्यायालयको नेतृत्वमा रहेका व्यक्तिहरुविरुद्ध समेत केन्द्रित हुन पुगेको स्पष्ट पारे।

राज्य सञ्चालनमा संस्थागत भएको भ्रष्टाचार र बेथितिका कारण चिकित्सा शिक्षा सुधारसम्बन्धी कार्यदलको प्रतिवेदन कार्यान्वयनमा राज्य इमानदार नभएको उनको दाबी छ। प्रतिवेदनअनुसार ऐन ल्याउन आफू बारम्बार लड्दा हरेकपल्ट जालझेल गरिएको उनको भनाइ छ। जालझेलका बीच पनि प्रतिवेदनअनुसार चिकित्सा शिक्षा अध्यादेश ल्याउन आफूहरुले यसअगाडिको सरकार र अहिलेको सरकारलाई समेत बाध्य पारेको उनले बताए। ‘तर विडम्बना, शिक्षामन्त्री गिरीराजमणि पोखरेलले संसद्मा चिकित्सा शिक्षा विधेयक पेस गर्दा माथेमा प्रतिवेदनका विद्यार्थीमुखी, जनतामुखी र सुधारमुखी सबै प्रावधान हटाए’, उनले भने। त्यो विधेयकविरुद्ध आफू १५ औं सत्याग्रह गर्न बाध्य भएको उनको प्रस्ट्याए। ‘त्यो सम्झौता लत्याएर खास गरी अनियन्त्रित र असीमित सम्बन्धनको बाटो खोल्दै सरकारले प्रतिनिधि सभा र राष्ट्रिय सभाबाट विधेयक पारित गरेपछि त्यसले केही गम्भीर कुराहरु इंगित गरेको छ’, डा. केसीले भने।

डा. केसीलाई अनशन स्थगित गर्न नागरिक समाजका अगुवा केदारभक्त माथेमासहित प्रा.डा. मदन उपाध्याय, प्रा.डा. रमेशकान्त अधिकारी, प्रा.डा. अर्जुन कार्की र प्रा.डा. भगवान कोइरालाले संयुक्त विज्ञप्तिमार्फत र भेटेर पनि आग्रह गरेका थिए। पूर्वराष्ट्रपति रामवरण यादवलगायतले पनि अनशन तोडेर फरक ढंगले माग पूरा गराउन अनुरोध गरेका थिए। बिहीबार कांग्रेस सभापति शेरबहादुर देउवाले डा. केसीलाई भटेर अनशन तोडेर फरक ढंगले लड्न आग्रह गरेका थिए। डा. केसीलाई अनशन तोडाउन केदारभक्त माथेमा, सुशीला कार्की, दमननाथ ढुंगानालगायत उनका सहयोगीले पनि प्रयास गरेका थिए।

post image

माघ १८, काठमाडौ ।  हृदयाघात भएपछि नर्भिक अन्तराष्ट्रिय अस्पताल भर्ना भएका पूर्वयुवराज पारस वीरविक्रम शाहको स्वास्थ्यमा सुधार आएको छ । उनी आज अस्पतालबाट डिस्चार्ज हुँदैछन् ।

गम्भीर प्रकारको हृदयाघात भएपछि आइतबार दिउँसो साढे चार बजे पारसलाई नर्भिक अस्पताल पुर्‍याइएको थियो । उनको मुटुको कोरोनरी एञ्जियोप्लास्टी गरिनुका साथै स्टेन्ट राखिएको छ । हाल पारसको स्वास्थ्यमा उल्लेख्य सुधार आएको छ । उनी सामान्य हिड्डुल गर्न सक्ने तथा बोलीचाली गर्न सक्ने अवस्थामा छन् । उनलाई सिसियुबाट अस्पतालको निजी क्याविनमा राखिएको छ ।

खानपान तथा जीवनशैलीमा सुधार गर्नुका साथै नियमित औषधि सेवन गरे उनको स्वास्थ्यमा थप सुधार आउने चिकित्सकहरुको भनाइ छ । पारसलाई यही हप्ता अस्पतालले फलोअपमा बोलाएको छ ।

पारसलाई २०६३ सालमा पहिलोपटक हृदयाघात भएको थियो । त्यसपछि ०७२ सालमा दोश्रो पटक र गत आइतबार तेश्रो पटक हृदयाघात भएको हो । उनलाई पटक-पटक हृदयाघात हुनुमा गलत खानपान तथा वंशाणुगत कारण नै प्रमुख भएको उनको उपचारमा संलग्न चिकित्सक प्रा. डा. यादव देव भट्टले बताएका छन् ।

post image

माघ १७, काठमाडौं । पूर्व युवराज पारस शाहको अवस्थामा सुधार आएको अस्पतालले जनाएको छ। लाई  नर्भिक हस्पिटलमा उपचाररत शाहको अवस्था सुधार भएपछि सीसीयुबाट क्याबिनमा हिजो सारिएको थियो।

अस्पतालले जनाए अनुसार शाह अहिले हिडडुल गर्न सक्ने, बोल्न सक्ने र खानपान गर्न सक्ने भएका छन। डिस्चार्जबारे भने अस्पतालले केही जानकारी दिएको छैन। गत सोमवार ‘हर्ट अट्याक’ भएपछि शाहलाई नर्भिक अस्पताल पुर्‍याइएको थियो। यो उनको तेस्रो अट्याक हो ।

post image

माघ १७, काठमाडौं डा. गोविन्द केसीको जीवन रक्षाको माग गर्दै प्रमुख