post image

असार ३०, काठमाडौं । आईसीसी एकदिवसीय विश्वकप क्रिकेटको उपाधि आयोजक इङ्ल्यान्डले जितेको छ । आइतबार राति भएको फाइनल खेलमा न्युजिल्यान्डलाई सुपर ओभरमा हराउँदै इङ्ल्यान्ड च्याम्पियन बनेको हो ।

 

रोचक खेलको सुपर ओभरमा इङ्ल्यान्डले जस्तै न्युजिल्यान्डले पनि समान १५ रन बनाएको थियो । तर बढी बाउन्ड्री हानेको आधारमा इङ्ल्यान्ड विजेता बन्यो । सुपर ओभरमा इङ्ल्यान्डले दुई चौका हान्यो भने न्युजिल्यान्डले एक छक्का मात्र हानेको थियो ।

इङ्ल्यान्डले पहिलो पटक विश्वकप उपाधि जितेको हो । सन् १९७९, सन् १९८७ र सन् १९९२ मा गरी तीनपटक विश्वकपको फाइनलमा पुगे पनि उपविजेतामा सीमित बनेको इङ्ल्यान्डले चौथो प्रयासमा विश्वकप ट्रफी उचाल्यो ।

न्युजिल्यान्डले दिएको दुई सय ४२ रनको लक्ष्य पछ्याएको इङ्ल्यान्डले ५० ओभरमा ९ विकेट गुमाएर दुई सय ४१ रन नै बनाएपछि खेल सुपर ओभरमा गएको थियो । इङ्ल्यान्डका लागि बेन स्टोक्स र जस बटलरले अर्धशतकीय पारी खेले ।

८६ रनमा चार विकेट गुमाइसकेको अवस्थामा स्टोक्स र बटलरले एक सय १० रनको साझेदारी गर्दै टोलीलाई जिततर्फ डोर्याएका थिए । स्टोक्सले अविजित ८६ र बटलरले ५९ रन बनाए । जोनी बेयरस्टले ३६ र जासन रोयले १७ रन बनाए ।

कप्तान इयोन मोर्गनले नौ रनमा आउट भए । न्युजिल्यान्डका लुकी फर्गुसन र जेम्स निसामले तीन तीन विकेट लिए । म्याट हेनरी र कोलिन डे ग्रान्डहोमले एक एक विकेट लिएका थिए ।

यसअघि लर्डसमा टस जितेर पहिले ब्याटिङ गरेको न्युजिल्यान्डले निर्धारित ५० ओभरमा ८ विकेटको क्षतिमा दुई सय ४१ रन बनाएको थियो । न्युजिल्यान्डका हेनरी निकोल्सले अर्धशतकीय इनिङ खेले । उनले ७७ बलमा चार चौकाको सहयोगमा ५५ रन बनाए ।

टम लाथमले ४७, कप्तान केन विलियम्सनले ३०, जेम्स निसाम र मार्टिन गप्टिलले समान १९, कोलिन डे ग्रान्डहोमले १६ र रस टेलरले १५ रन बनाए । इङ्ल्यान्डका क्रिस वाक्स र लियाम प्लुनकेटले तीन तीन विकेट लिए । यसैगरी जोफरा आर्चर र मार्क उडले एक एक विकेट लिएका थिए ।

post image

असार २९, काठमाडौं। दोस्रो टी–२० खेलमा नेपालले मलेसियामाथि ६ रनको रोमाञ्चक जीत हासिल गरेको छ । जीतका लागि १ सय ७४ रनको लक्ष्य पाएको मलेसियाले निर्धारित २० ओभरमा ७ विकेटको क्षतिमा १ सय ६७ रन मात्र बनाउन सकेपछि पराजित भएको हो ।

पहिलो खेलमा नेपाल ७ विकेटले विजयी भएको थियो । १ सय ७४ रनको विशाल लक्ष्य पछ्याउने क्रममा मलेसियाले शुरुवात भने राम्रो गरेको थियो । दुवै ओपनरले पहिलो विकेटका लागि ७५ रनको साझेदारी गरेका थिए ।

सायेद अजिजले ५० रन तथा विरन्दीप सिंहले २३ रनको योगदान दिए ।

त्यस्तै अमिनुद्दिन राम्लीले २४ तथा मुहमद स्याहादतले नटआउट रहँदै २१ रन बनाए पनि टोलीलाई जीत दिलाउन सकेनन् ।

नेपालका लागि सन्दीप लामिछाने र सोमपाल कामीले २–२ विकेट लिए भने करण केसी, अविनास बोहोरा र कप्तान पारस खड्काले १–१ विकेट लिए ।

यसअघि, टस जितेर पहिलो ब्याटिङ गर्ने निर्णय गरेको थियो । नेपालले निर्धारित २० ओभरमा ६ विकेटको क्षतिमा १ सय ७३ रन बनायो ।

नेपालका लागि विकेटकिपर विनोद भण्डारीले सर्वाधिक ५१ रनको योगदान दिए । उनले मात्र २५ बलमा ३ चौका र ५ छक्का हिर्काए ।

शरद भेष्वाकरले ४० रनको योगदान दिए भने कप्तान खड्काले २३ रन बनाए ।

सिङ्गापुरमा आयोजना हुने आइसिसी टी ट्वान्टी विश्वकप एशिया छनोट फाइनल प्रतियोगिता तयारीको लागि नेपाली टोलीले घरेलु टोली मलेसियासँग दुई खेलको टी ट्वान्टी सिरिज खेलेको हो ।

टी ट्वान्टी सिरिज सकिएपछि त्यतैबाट नेपाली टोली सिङ्गापुर जानेछ  ।

प्रतियोगितामा नेपालसहित आयोजक सिङ्गापुर, मलेसिया, कतार र कुवेत रहेका छन् । नेपालले आप्mनो पहिलो खेल आगामी साउन ७ गते कतारसँग खेल्दै प्रतियोगिताको उद्घाटन गर्नेछ ।

त्यस्तै साउन ८ गते मलेसिया, ११ गते कुवेत र १२ गते सिङ्गापुरसँग खेल्नेछ । शीर्ष स्थान हासिल गर्ने टोलीले विश्वकपको ग्लोबल छनोटमा सहभागिता जनाउन पाउनेछन् । ग्लोबल छनोट अक्टोबर ११ देखि नोभेम्बर ३ तारिखसम्म संयुक्त अरब इमिरेट्स (युएई) मा आयोजना हुँदैछ ।

नेपाली टोलीमा पारस खड्का (कप्तान), ज्ञानेन्द्र मल्ल, व्सन्त रेग्मी, विनोद भण्डारी, दीपेन्द्रसिंह ऐरी, करण केसी, शरद भेषवाकर, ललितनारायण राजवंशी, अविनाश बोहरा, प्रदीप ऐरी, रोहितकुमार पौडेल, सन्दीप लामिछाने, पवन सर्राफ र सोमपाल कामी छन् । वैकल्पिकतर्फ सुशन भारी, कुशल भुर्तेल, आरिफ शेख र जितेन्द्र मुखिया छन् ।

post image

 असार  २६, काठमाडौं । केही समयदेखि चितवनमा अन्तर्राष्ट्रिय रंगशाला निर्माणको काम स्थगित गरेको धुर्मुस सुन्तली फाउन्डेसन काममा फर्किएको छ । चितवन जिल्ला स्तरीय सर्वपक्षीय समितिले काममा फर्किन आह्वान गरेपछि फाउन्डेन काममा फर्किएको हो ।

फाउन्डेसनका तर्फबाट अध्यक्ष सीताराम कट्टेल धुर्मुसले विज्ञप्ति जारी गरी परियोजना सुचारु गर्न चितवन जिल्लास्तरी मूल सहयोग समितिको बैठकले आह्वान गरेकाले काम निरन्तरता दिने निर्णय गरेको बताए ।

स्थानीयको एक समूहले जेठ १५ गते डोजर लगाएर रंगशालाको बार भत्काएको र कामदारलाई धम्की आएको भन्दै धुर्मुस सुन्तली फाउन्डेसनले काम रोकेको थियो । त्यसपछि स्थानीयसँग सहमति भई भत्काइएको बार पनि स्थानीयकै प्रयासमा उठाइएको छ ।

जिल्ला स्तरीय सर्वपक्षीय समितिले रंगशाला निर्माणका लागि रकम जुटाउने, अन्य सहयोग गर्ने प्रतिवद्धता व्यक्त गरेको र काममा फर्कन आह्वान गरेकाले आफूहरु विश्वस्त भएको धुर्मुस सुन्तली फाउन्डेसनले बताएको छ ।

post image

असार २४, काठमाडौं । नेपालले एसीसी यु-१९ इन्टर्न रिजन क्रिकेट प्रतियोगिताको उपाधि जितेको छ । मलेसियामा भएको प्रतियोगितामा हङकङलाई ६ विकेटले पराजित गर्दै नेपालले प्रतियोगिताको उपाधि उचालेको हो ।

हङकङलाई हराउँदै उपाधि जितेको नेपाल यु-१९ एसिया कपमा छनोट भएको छ । ९६ रनको लक्ष्य नेपालले १६ दशमलव १ बलमा मात्र ४ विकेट गुमाएर पुरा गर्यो ।

ओपनर रित गौतमलाई १३ रनमा गुमाएको नेपालको ईनिङ्स पवन सरार्फले उकासेका थिए । पवनले ३६ बलमा ५ चौका र १ छक्काको मदतले ३९ रन बनाएका थिए । कप्तान राेहित पाैडेल १२ रनमा आउट हुदाँ खड्ग बहादुर बाेहरा ८ रनमा पाेविलियन फर्किए । भीम सार्कीले ८ रन बनाउँदा हरीबहादुर चाैहान शुन्य रनमा अविजित रहे ।

Image may contain: 1 person, smiling, playing a sport, standing, baseball and outdoor

यसअघि, क्वालालम्पुरस्थित किनरारा ओभलमा टस हारेर पहिले ब्याटिङ गरेको हङकङले ४३ ओभर १ बलमा अलआउट हुँदै ९५ रन बनायो ।

खराब सुरुवात गरेको हङकङले रनको खाता नखोल्दै महत्वपूर्ण २ विकेट गुमाएको थियो । तर, आदित गोरावाराले २४ तथा काल्हन चल्लुले १९ रन जोड्दै हङकङको इनिङ्स उकासेका थिए । यस्तै रौनक कपुरले १२ रन बनाए ।

हङकङलाई सस्तैमा समेट्न नेपालका सागर ढकालले किफायती बलिङ गरे । १० ओभरमा ५ मेडनसहित १८ रन खर्चेर सागरले ५ विकेट लिए ।

यस्तै कमल सिंह ऐरीले ३ विकेट लिए । कुशल मल्ल र तिलक राज भण्डारीको नाममा एक एक विकेट रह्यो ।

 

post image

असार २४ , काठमाडौं ।गत अप्रिलमा मलेसियामा भएको आइसीसी यू-१९ विश्वकप क्वालिफायर एसिया रिजनमा युएईसँग १ रनको हार बेहोर्दा विश्वकप पुग्नबाट चुकेको नेपाली युवा टोली एकै पटक दुई यू-१९ एसिया कपको लागि छनोट भएको छ।

मलेसियामा मंगलवार सम्पन्न एसीसी यू-१९ इस्टर्न रिजनको उपाधि जित्दै नेपालले यसै वर्ष श्रीलंकामा हुने र २०२० मा हुने यू-१९ एसिया कपमा स्थान पक्का गरेको हो।

सागर ढकालले शानदार बलिङ गर्दै ५ विकेट लिएपछि नेपालले हङकङलाई ६ विकेटले पराजित गरेको हो।

दुई महिना अघि मलेसियामा भएको यू-१९ विश्वकपमा वर्षा बाधक बन्दा नेपाल युएईसँग १ रनले पराजित भएको थियो र अन्त्यमा त्यही हार नै नेपालको लागि महँगो सावित बन्दा विश्वकप पुग्न सकेन। एसियाबाट एक टिम मात्र विश्वकप पुग्ने नियम रहेका कारण लिगमा सबै ५ खेल जितेको युएई (१०अंङ्क) छनोट हुादा  १ खेल हारेको नेपाल  (८अंक) नोट हुन सकेन।

इस्टर्न रिजनमा भने नेपालले प्रतिद्वन्दीलाई सहजै हरायो। समूह चरण चीन र सिंगापुरलाई सहजै हराएको नेपालले सेमिफाइनलमा घरेलु टोली मलेसियालाई पराजित गरेको थियो।

सन् २०१७ मा नेपालले इस्टर्न रिजन जित्दा पनि हङकङलाई नै हराएको थियो।

लगातार दोस्रो पटक च्याम्पियन बनेको नेपालले अब एसियाको टेष्ट नेशन्नसका युवा टोलीहरु समावेश यू-१९ एसिया कप खेल्नेछ। उक्त प्रतियोगिता यही वर्ष अगष्ट/सेप्टेम्वर श्रीलंकामा हुनेछ। जसमा भारत, पाकिस्तान, श्रीलंका, बंगलादेश, अफगानिस्तान सँगै युएई र कुवेत पनि सहभागि हुनेछ।

युएई एसिया रिजनबाट यू-१९ मा विश्वकपमा छनोट भएकोले सिधै विश्वकपमा स्थान पक्का गरेपछि वेस्टर्न रिजनको उपविजेता बनेको कुवेतले पनि एसिया कप खेल्ने अवसर पाएको हो।

यस्तै एसियन क्रिकेट काउन्सिलले दुई-वर्षमा इस्टर्न रिजन गर्ने र २०२० मा पनि यू-१९ एसिया कप आयोजना हुने भएकोले इस्टर्न रिजनबाट दुई टिमलाई सिधै २०२० को एसिया कप छनोट हुने प्रावधान राखेको छ।

त्यसैले गर्दा नेपालले दुवै एसिया कपमा स्थान पक्का गरेको हो।

post image

 असार २३ , काठमाडौं । राष्ट्रिय खेलकुद परिषद् (राखेप)का नवनियुक्त सदस्य सचिव रमेश सिलवालले तोकिएकै समयमा १३ औं दक्षिण एसियाली खेलकुद (साग) गर्ने चुनौती स्वीकार गरेर आफू नेतृत्वमा आएको बताएका छन् ।

तयारी नपुगेपछि सागको मिति तीन पटक सरिसकेको छ । चौथो पटक तोकिएको मिति आउन अब चार महिना मात्र बाँकी छ । राखेप अध्यक्ष तथा युवा तथा खेलकुदमन्त्री जगतबहादुर विश्वकर्माले सोमबार सिलवाललाई राखेप सदस्य सचिव नियुक्त गरेका थिए । उनले सोमबार नै सपथ ग्रहण गरेका छन् ।

लगत्तै सञ्चारकर्मीहरुसँग कुरा गर्दै सिलवालले भने, ‘साग तीन पटक सर्‍यो । अब सर्नु हुँदैन ।’ सागका लागि चार महिना बाँकी रहेको र त्यसमध्ये दुई महिना वर्षायाम रहेको भन्दै उनले क्यालेन्डर बनाएर काम नगेर सम्भव नभएको बताए ।

तर यो चुनौती स्वीकार गरेर आफू राखेपमा आएको भन्दै उनले बोलेर भन्दा एक्सनबाट विश्वास दिलाउने बताए । आफू जागिर खान नभई खेलकुद क्षेत्रमा केही गर्न सकिन्छ कि भनेर आएको भन्दै उनले भने, जीवनको दुई तिहाई सम्मानजनक ढंगले शीर ठाडो राख्ने गरी काम गरेको छु । एक तिहाईमा अझै सम्मानित ढंगले जीउन चाहन्छु ।’

post image

असार २३, काठमाडौं  ।  नेपाल मलेसियामा भइरहेको एसीसी यू-१९ इस्टर्न रिजन २०१९ को फाइनलमा प्रवेश गरेको छ।

किनरारा ओभल मैदानमा सोमवार भएको सेमिफाइनलमा आयोजक मलेसियालाई ७ विकेटले पराजित गर्दै नेपाल उपाधि नजिक पुगेको हो। नेपालले अब उपाधिका लागि हङकङ र सिंगापुरबीच भइरहेको अर्को सेमिफाइनलको विजेतासँग खेल्नेछ।

मलेसियालाे दिएको ८८ रनको सामान्य लक्ष्य नेपालले १५.५ ओभरमा ३ विकेट गुमाएर पूरा गरेको हो। नेपालको लागि भिम शार्कीले नटआउट ३३ र कप्तान रोहित पौडेलले नटआउट ३१ रन बनाए। भिमले ३४ बल खेल्दै २ चौका र १ छक्का प्रहार गरे। यस्तै रोहितले २९ बल खेल्दै बल खेल्दै २ चौका र १ छक्का प्रहार गरे।

३० रन हुँदा सुरुको ३ विकेट गुमाएपनि कप्तान रोहित र भिमले चौथो विकेटका लागि नटआउट ६० रनको साझेदारी गर्दै जित दिलाए। ओपनर पवन सर्राफले १८ रन बनाएका थिए भने रित गौतम ३ र खडक बहादुर बोहरा शुन्यमा आउट भए।

मलेसियाका हाइकल मोहद खैरले २ विकेट लिए।

त्यसअघि टस हारेर पहिले ब्याटिङ गरेको मलेसियालाई नेपाले ४०.५ ओभरमा ८७ रनमा अलआउट गरेको हो। मलेसियाको लागि मोहम्मद अमिरले सर्वाधिक २४ रन बनाए। यस्तै हाइकल मोहद खैरले १२, वान अनिमुल जुरकारनियनले ११ र अहमद अकमल अरिफले १० रन बनाए। बाँकी ७ खेलाडीले दोहोरो अंक छुन सकेनन्।

नेपालका लागि बलङमा सागर ढकालले १० ओभरमा ३ ओभर मेडन राख्दै १६ रन मात्र खर्चेर ३ विकेट लिए। यस्तै ९ ओभर बलिङ गरेका र कुशल मल्लले ५ ओभर मेडन राख्दै १३ रन मात्र खर्चेर २ विकेट लिए। रसिद खान,रसिद खान, कमल सिंह ऐरी र तिलक राज भण्डारीले १-१ विकेट लिए

post image

असार २०, काठमाडौं । नेपालले यु १९ एसिया कप छनोट क्रिकेटमा सिंगापुरलाई २ सय १७ रनले पराजित गरेको छ । नेपालले दिएको ३ सय २७ रनको लक्ष्य पछ्याएको सिंगापुर ३९.१ ओभरमा १ सय ९ रनमा अलआउट भएको हो ।

पूर्वी क्षेत्रीय छनोटको खेलमा नेपालका लागि कुशल मल्लले चार विकेट लिए । यस्तै तिलक राज भण्डारीले दुई साथै सागर ढकाल र रसिद खानले एक÷एक विकेट लिए ।

यसअघि टस जितेर पहिले ब्याटिङ गरेको नेपालले पूरा ५० ओभर खेल्दै ३ सय २६ रन बनाएको थियो ।

नेपालका लागि रित गौतमले १३७ बलमा ११५ रन, पवन सर्राफले ४१ बलमा ४५ रन, खडक बहादुर बोहराले ९० बलमा ९० रन सातै कुशल मल्लले २३ बलमा ५१ रन बनाएका थिए ।

यसअघि बुधबार पहिलो खेलमा नेपालले चीनलाई १० विकेटले हराएको थियो । योसँगै समूहको शीर्ष स्थानमा रहेको नेपालले अर्को समूहको उपविजेतासँग सेमीफाइनल खेल्नेछ ।

समूह बी मा मलेसिया, भुटान, हङकङ र थाइल्याण्ड रहेका छन् । प्रतियोगिताको विजेताले अगस्ट २८ देखि श्रीलंकामा हुने यु १९ एसिया कप खेल्न पाउने छ ।

post image

असार १९, काठमाडौँ । गौतमबुद्ध अन्तर्राष्ट्रिय क्रिकेट रङ्गशाला निर्माणको प्रक्रिया शुरु गर्न सम्बन्धित संस्थालाई आग्रह गरिएको छ । रङ्गशाला निर्माण सहयोग समिति चितवनको बुधबार बसेको सचिवालय बैठकले धुर्मुस–सुन्तली फाउण्डेशनलाई निर्माणको प्रक्रिया शुरु गर्न आग्रह गरेको हो ।

 यही जेठ १५ गते रङ्गशाला निर्माणका क्रममा लगाएको बार स्थानीयवासीले भत्काएपछि फाउण्डेशनले काम रोकेको छ । रङ्गशाला निर्माण सहयोग समितिका संयोजक जिल्ला समन्वय समिति चितवनका प्रमुख कृष्णकुमार डल्लाकोटीले स्थानीयवासीसँग भएको विवादको टुङ्गो लागिसकेकाले फाउण्डेशनले काम अघि बढाउनुपर्ने बताए । रङ्गशाला  निर्माणको काम शुरु भएसँगै आर्थिक सङ्कलनका लागि समितिले प्रक्रिया अगाडि बढाउने उहाँले बैठकमा जानकारी दिए ।

 सो अवसरमा मानवअधिकार कानून तथा न्यायिक समितिका सभापति कृष्णभक्त पोखरेलले रङ्गशाला निर्माणका लागि चितवन एकताबद्ध भएको भन्दै फाउण्डेशनलाई काममा आउन आग्रह गरे । यहाँ निर्माण हुनलागेको रङ्गशाला महानगरको मात्रै नभएर समग्र जिल्लावासीको गौरवको आयोजना भएको भन्दै उनले सबैले मिलेर निर्माण सम्पन्न गर्न आवश्यक रहेको बताए ।

यसैगरी प्रदेश सदस्य घनश्याम दाहाल, विजय सुवेदी, कृष्ण भुर्तेललगायतले केही साना समस्या देखिए पनि अहिले वातावरण तयार भइसकेको भन्दै फाउण्डेशनलाई काममा फर्कन आग्रह गरे । भरतपुर  महानगरपालिका प्रमुख रेनु दाहालले महानगरभित्र बन्न लागेको रङ्गशाला देशकै गौरवको आयोजना भएकाले जिल्लावासी एक भएर लाग्नुको विकल्प नरहेको बताए । रङ्गशाला निर्माणका लागि वातावरण तयार भइसकेको र सुरक्षाको व्यवस्थासमेत गरिएकाले कामलाई नरोक्न उहाँले आग्रह गरे ।

रत्ननगर नगरपालिका प्रमुख नारायण वन र माडी नगरपालिका प्रमुख ठाकुर ढकालले इतिहासबाट सिक्दै भविष्यमा कसरी अगाडि बढ्ने भन्ने विषयमा केन्दित हुँदै रङ्गशाला निर्माणको काम गर्नु आवश्यक रहेको बताए ।

भरतपुर महानगरपालिका–१५ रामपुरमा निर्माण हुनलागेको रङ्गशालाका लागि जिल्लामा पाँच हजार एक सदस्यीय सहयोग समिति गठन गरिएको छ ।

यस्तै जिल्लाका राजनीतिक दलका प्रमुख एवं प्रतिनिधि, सरकारी कार्यालय प्रमुख, निजी क्षेत्रका व्यवसायी सङ्घसंस्थाका प्रमुख एवं प्रतिनिधि रहेको ७२ सदस्यीय सचिवालय र १३ सदस्यीय आर्थिक सहयोग समिति गठन गरिएको सो अवसरमा जानकारी दिइएको थियो । जिल्ला समन्वय समिति वा महानगरमा यसको सचिवालय सञ्चालन गरी कामलाई तीव्रता दिने डल्लाकोटीले जानकारी दिए ।

बैठकमा उद्योगी व्यवसायीले रङ्गशाला निर्माणका लागि निजी क्षेत्रले गरेको लगानी पारदर्शी हुने÷नहुनेमा चिन्ता व्यक्त गर्दै निर्माणको काम शुरु गर्न आग्रह गरेका थिए । त्रिभुवन विश्वविद्यालयको नाममा रहेको जग्गामा करीब रु तीन अर्ब खर्च गरेर फाउण्डेशनको अगुवाइमा अन्तर्राष्ट्रियस्तरको रङ्गशाला निर्माण प्रक्रिया अगाडि बढाइएको हो ।

post image

 असार १८, काठमाडौं । बंगलादेशमा सुरु भएको साबा यू-१६ बास्केटबल च्याम्पियनसिपमा नेपाल पहिलो खेलमै पारजित भएको छ।

फिबा यू-१६ एसियन च्याम्पियनसिप साबा क्वालिफायरको रुपमा रसमेत रहेको यस प्रतियोगिता नेपाल भारतसँग पराजित भएको हो।

बुधबार भएको पहिलो खेलमा भारतले नेपाललाई १०३-२८ स्कोरले हराएको हो।  नेपालले दोस्रो खेल बिहीवार श्रीलंकासँग खेल्नेछ।

प्रतियोगितामा दक्षिण एसियाका नेपाल, आयोजक बंगलादेश, भारत, श्रीलंका र माल्दिभ्सले प्रतिस्पर्धा गरिरहेका छन्।

post image

असार १८, काठमाडौं । मलेसियामा जारी एसीसी यु–१९ इस्टर्न रिजन क्रिकेटमा नेपालले प्रभावशाली सुरुवात गरेको छ । समुह चरणको पहिलो खेलमा नेपालले चीनलाई १० विकेटले हराएको छ ।

५४ रनको सामान्य लक्ष्य नेपालले मात्र ५ ओभरमा पुरा गर्यो । पवन सरार्फको विस्फोटक ब्याटिङमा नेपालले प्रभावशाली जित दर्ता गरेको हो । सरार्फले २१ ब्लमा ६ चौका र ३ छक्काको मदतले ४६ रन बनाए । अर्का ओपनर रित गौतम १० रनमा अविजित रहे ।

क्वालालम्पुरस्थित किनरारा ओभलमा टस जितेर पहिला फिल्डिङ रोजेको नेपाल सामु चीनले ५४ रनको लक्ष्य प्रस्तुत गरेको छ । ओपनरद्वय खेलाडीले समान १३-१३ रन बनाउनु बाहेक अन्यले दोहोरो अंकको स्कोर छुन सकेनन् ।

नेपालका सागर ढकाल एक्लैले ६ विकेट लिए । तिलक भण्डारीको नाममा ३ विकेट रह्याे । कमल सिंह ऐरीले एक विकेट झारे ।

जितसंगै नेपाल प्रतियोगिताको सेमिफाईनल प्रवेश गरेको छ । समुह चरणको पहिलो खेलमा सिंगापुरले चीनलाई हराएको थियो । योसंगै दुवै खेलमा पराजित हुदै चीन प्रतियोगिताबाट बाहिरिएको छ ।
समुह चरणको अन्तिम खेलमा नेपाल र सिंगापुर भिड्नेछन् । सोही खेलले समुह विजेता टोलीको टुङ्गो लगाउनेछ ।

post image

असार १७, काठमाडौँ । नेपाली राष्ट्रिय टिमा युवा लेगस्पीनर सन्दीप लामिछानेले आफ्नो पछिल्लो गीत मेमोरी सार्वजनिक गरेका छन्। उनले गीतसँगै आफ्नै युट्यसब च्यानलबाट त्यसको म्युजिक भिडियो पनि सार्वजनिक गरेका छन्।

भिडियोमा सन्दीपसँगै राष्ट्रिय टिमका सदस्य सोमपाल कामी, दिपेन्द्र सिंह ऐरी लगायतले अभियन गरेका छन्। यस्तै राष्ट्रिय टिमका म्यानेजर रमन शिवाकोटीलाई पनि भिडियोमा देख्न सकिन्छ।

आफ्नो पुरानो स्कुले दिनहरुलाई समेटर सन्दीपले मेमोरी गीत तयार पारेका छन्। मायालु एल्बममा समावेश गीतमा उल्लास मक्रान्तीको शब्द रहेको छ भने सन्दीप र राजन मगरले संगित दिएका छन्। यस्तै छायांकन र निर्देशन ज्ञानेन्द्र शर्मा हुमागाईँले गरेका छन्।

नेपालको राष्ट्रिय टिमबाहेक विश्वका चर्चित टी २० लिग खेलेर चर्चा कमाउन सफल सन्दीप गीत-संगितमा पनि उत्तिकै राम्रा छन्। उनले यसअघि उदास,तिमी नै छौ, यो झरिमा जस्ता गीत सार्वजनिक गरिसकेका छन्।

post image

असार १६, काठमाडौँ । भारतका अलराउन्डर विजय शंकरले इंग्ल्यान्ड भइरहेको आइसिसी क्रिकेट विश्वकपका बाँकी खेल गुमाउने भएका छन्। आइतबार घरेलु टिम इंग्ल्यान्डविरुद्धको खेलअघि भएको वर्मअपको क्रममा उनी घाइते भएका थिए। जसप्रित बुमराहको बल उनको खुट्टाको औलामा लागेको थियो। वर्मअघि घाइते भएपछि उनको स्थानमा रिशव पन्तले खेलेका थिए।

वर्मअपको क्रममा लागेको चोट तत्काल निको नहुने भएपछि उनले विश्वकपका बाँकी खेल गुमाउने बिसिसिआईले जनाएको छ।

उनले जारी विश्वकपमा ३ खेलेका थिए। पाकिस्तानविरुद्ध २ विकेट लिँदै १५ रन बनाएका शंकरले अफगानिस्तानविरुद्ध २९ रन जोडेका थिए। वेस्ट इन्डिजविरुद्धको पछिल्लो खेलमा उनी १४ रनमै आउट भएका थिए।

अब शंकरको स्थानमा मयंक अग्रवालले खेल्ने बताइएको छ। अग्रवालले गत वर्ष अस्ट्रेलियाविरुद्धको खेलेर टेस्टमा डेब्यू गरेका थिए। एकदिवसीय अन्तर्राष्ट्रिय खेलमा भने उनले डेब्यू गर्न बाँकी छ।

जारी विश्वकपमा भारतका खेलाडी घाइते भएर टिमबाट बाहिर भएको यो दोस्रो पटक हो। यसअघि ओपनर शिखर धवन घाइते हुँदै स्वदेश फर्किएका थिए। उनको स्थानमा रिशव पन्तलाई राखिएको थियो।

post image

असार १५, काठमाडौं । टी–२० विश्वकप एसिया फाइनल खेल्ने नेपाली टोलीको घोषणा भएको छ ।

पारस खड्काको कप्तानीमा रहेको टोलीमा अविनाश बोहोरा र पवन शरार्फले स्थान बनाएका छन् । नेपाली टोलीका नियमित सदस्यहरु बसन्त रेग्मी, विनोद भण्डारी, दिपेन्द्र सिंह ऐरी, ज्ञानेन्द्र मल्ल, करण केसी, ललितनारायण राजवंशी, प्रदिप ऐरी, रोहितकुमार पौडेल, सन्दीप लामिछाने, शरद भेषावकर र सोमपाल कामी पनि छन् ।

कुशल भुर्तेल, जितेन्द्र मुखिया, सुशन भारी र आरिफ शेख बैकल्पिक खेलाडीमा छन् भने युवा क्रिकेटरहरु सन्दीप जोरा, भीम सार्की अटाएनन् ।

नेपाली टोली जुन ९ मा मलेसिया प्रस्तान गर्नेछन् । १३ र १४ मा मलेसियासँग टी–२० सिरिज खेलेर नेपाली टोली सिंगापुर जानेछ, जहाँ टी–२० विश्वकप एसिया फाइनलका खेलहरु हुनेछन् ।

post image

असार १३,एजेन्सी । आईसीसी एकदिवसीय विश्वकप क्रिकेटमा आज (शुक्रबार) एक खेल हुँदैछ । म्यान्चेस्टरमा हुने खेलमा श्रीलंका र दक्षिण अफ्रिकाले प्रतिस्पर्धा गर्दैछन् । दुई टोलीबीचको खेल नेपाली समय अनुसार दिउँसो ३ः१५ मा सुरु हुनेछ ।

आजको खेलमा दुबै टोली जित निकाल्ने लक्ष्यमा हुनेछन् । श्रीलंका दक्षिण अफ्रिकालाई पराजित गर्दै सेमिफाइनल यात्रालाई जोगाइराख्ने योजनामा हुनेछ । यता दक्षिण अफ्रिका श्रीलंकालाई हराउँदै प्रतियोगितामा दोस्रो जित निकाल्ने योजनामा हुनेछ । ६ खेलमा ६ अंक सहित श्रीलंका तालिकाको सातौं स्थानमा छ ।

श्रीलंकालाई आजको खेलमा जित आवश्यक छ । दक्षिण अफ्रिकासँग पराजित भए श्रीलंका विश्वकपबाट बाहिरिनेछ । यता दक्षिण अफ्रिका भने विश्वकपबाट पहिले नै बाहिरिसकेको थियो । दक्षिण अफ्रिका ७ खेलबाट ३ अंक जोड्दै अंक तालिकाको नवौं स्थानमा छ ।

दुईबीचको पछिल्लो पाँच भेटमा दक्षिण अफ्रिकाले पाँचै खेल जितेको छ ।

post image

असार १२, काठमाडौं । क्रिस गेल अर्थात क्रिकेटका ‘युनिभर्सल बोस’ले एकदिवसीय क्रिकेटबाट सन्यासको घोषणा फिर्ता लिएका छन् । ३९ वर्षीय क्रिस गेलले एकदिवसीय क्रिकेटबाट सन्यास फिर्ता लिएको बताएका छन् । उनले गत फेब्रुअरीमा विश्वकप क्रिकेटपछि एकदिवसीय क्रिकेटबाट सन्यास लिने घोषणा नै गरेका थिए । तर, विश्वकपअन्तर्गत भारतविरुद्धको खेलअघि गेलले अझै एकदिवसीय क्रिकेट खेल्ने बताएको बीबीसीले उल्लेख गरेको छ ।

बुधबार राति गेलले भने ‘म अवश्य पनि यही अगष्टमा भारतविरुद्धको एकदिवसीय खेल खेल्नेछु । तर टी-२० भने खेल्दिन ।’

उनले आफ्नो लक्ष्य नै विश्वकप भएको भन्दै भारतविरुद्धको टेष्ट खेल पनि खेल्न सक्ने बताएका छन् ।उनले जारी विश्वकपमा १९४ रन बनाएका छन् । यो क्रममा उनले दुई अर्धशतक बनाएका छन् । उनी एकदिवसीय क्रिकेट खेलमा वेष्ट इन्डिजका सर्वाधिक रन बनाउने खेलाडीको दोस्रो स्थानमा छन् ।

ब्रायन लारा वेष्ट इन्डिजका लागि एकदिवसीय क्रिकेटमा सर्वाधिक रन बनाउने खेलाडी हुन् उनले १० हजार ४०५ रन बनाएका छन् भने क्रिस गेलले १० हजार ३४५ रन बनाएका छन् । यो क्रममा उनले २५ शतक र ५३ अर्धशतक बनाएका छन् ।

post image

असार १२, काठमाडौं । नेपाली खेलकुदकै प्रतिष्ठित एनएसजेएफ पल्सर स्पोर्ट्स अवार्डसँग हाेटल क्राउन प्लाजा नक्साल जोडिएको छ । आउने मंगलबार आयोजना हुने अवार्डका लागि हाेटल क्राउन प्लाजा सह-प्रायोजकको रुपमा जोडिएको हो ।

नेपाल खेलकुद पत्रकार मञ्च (एनएसजेएफ) ले बिहिबार हाेटल क्राउन प्लाजासँग एक बर्षे सम्झौता गरेको छ । मञ्चका अध्यक्ष दुर्गानाथ सुवेदी र हाेटल क्राउन प्लाजाका प्रबन्ध निर्देशक युवराज श्रेष्ठले सम्झौता पत्रमा हस्ताक्षर गरे ।

सम्झौतासंगै होटलले अवार्ड र मञ्चको कार्यक्रममा आवास र खानपानको व्यवस्था गर्नेछ । सम्झौतापछि बोल्दै प्रबन्ध निर्देशक श्रेष्ठले ४ लाख भन्दा बढीको प्रायोजन भएको बताए । श्रेष्ठले अवार्डका लागि दुई दिनको लागि खाना र १० वटा रुम निशुल्क दिने जानकारी गराए ।

स्पोर्ट्स अवार्ड यहि असार १७ गते काठमाडौं कमलादीस्थित प्रज्ञा भवनमा आयोजना हुनेछ । मञ्चले यसपटक विभिन्न १० विधामा अवार्ड प्रदान गर्नेछ ।

यस पटक बर्ष उत्कृष्ट खेलाडी पुरुष, बर्ष उत्कृष्ट खेलाडी महिला, युवा बर्ष खेलाडी, बर्ष प्रशिक्षक, पिपल्स च्वाइस अवार्ड, पारा एथलिट, स्पेसल अवार्ड, लाइफटाइम एचिभमेन्ट अवार्ड, टिम अफ द इयर र इन्टरनेसनल एसियन स्पोर्ट्स जर्नालिस्ट अवार्ड प्रदान गरिने छ ।

वर्ष खेलाडी पुरुष र महिला, पिपल्स च्वाइस र प्रशिक्षक गरी चार विधाका विजेताले बजाज पल्सर मोटरसाइकल प्राप्त गर्नेछन् । अन्य विधाका विजेतालाई जनही ५० हजार रुपैयाँसहित विभिन्न गिफ्ट ह्याम्पर प्रदान गर्ने आयोजकले जनाएको छ ।

मञ्चले पाँच वटै विधाको मनोनयन यसअघि नै सार्वजनिक गरिसकेको छ । मनोनयनमा पर्ने खेलाडी तथा प्रशिक्षकको विजेता घोषणा अवार्ड कार्यक्रममा गरिनेछ ।

post image

असार ११, एजेन्सी । आईसीसी विश्वकप क्रिकेटमा आज (बुधबार) न्युजिल्याण्ड र पाकिस्तानबीच प्रतिस्पर्धा हुदैछ । बिर्मिङ्घममा दुवै टोली मैदान उत्रदै गर्दा नजर सेमिफाईनलमा हुनेछ ।

पाकिस्तानविरुद्व जित निकाल्दै न्युजिल्याण्ड दुई खेल अगावै सेमिफाईनल यात्रा तय गर्न चाहन्छ । निकै फर्ममा देखिएको न्युजिल्याण्डले पाकिस्तानविरुद्व सहज जित निकाल्ने कप्तान केन विलियम्सले बताएका छन् ।

तर सेमिफाईनल पुग्ने सम्भावना बलियो बनाउन पाकिस्तानलाई अन्तिम मौका छ । उसलाई अन्तिम ४ को यात्रा तय गर्न बाँकी खेल जित्नैपर्ने दबाब छ ।

पाकिस्तानले आफ्नो पछिल्लो खेलमा दक्षिण अफ्रिकालाई हराएको थियो । न्युजिल्याण्डले वेस्ट ईन्डिजमाथि रोमाञ्चक जित निकालेको थियो । प्रतियोगिताको अपराजित टिम न्युजिल्याण्डका कप्तान केन विलियम्स पाकिस्तानविरुद्व सहज जित निकाल्ने बताउँछन् ।

सरफराज नेतृत्वको पाकिस्तान टिम सेमिफाईनल पुग्न असंम्भव छैन तर सम्भावना निकै कठिन छ । सेमिफाईनल पुग्न पाकिस्तानले आगामी तीन खेल जित्नुपर्ने समिकरण तय छ । न्युजिल्याण्ड लगत्तै पाकिस्तानले बंगलादेश र अफगानिस्तानलाई हराउनुपर्नेछ ।

सोएब मल्लिकको स्थानमा टिममा समावेश ह्यारिस सोहेलले दक्षिण अफ्रिकाविरुद्व शानदार ईनिङ्स खेलेका थिए । मोहम्मद आमिर समेत अहिले फर्मममा देखिएका छन् ।

यता श्रीलंकालाई हराउँदै प्रतियोगिताको सुरुवात गरेको न्युजिल्याण्डको जितको यात्रा जारी छ । कप्तान विलियम्सले समेत शतक प्रहार गरेका छन् । रोस टेलर फर्ममा देखिएका छन् ।

तर ओपनर मार्टिन गुप्टिल र कालिन मुनरो लयमा देखिन आवश्यक छ । बलिङ र फिल्डिङमा न्युजिल्याण्ड बलियो छ ।

न्युजिल्याण्ड ६ खेलबाट ११ अंक सहित तालिकाको दोस्रो स्थनमा छ । पाकिस्तान ५ अंक सहित सातौ स्थानमा छ ।

post image
 असार ४, काठमाडौं । क्यकोशिन कराते खेलको पहिचान, प्रबर्दन र विस्तार गर्न र खेलाडीहरुलाई सधाउनुका साथै प्रतिभाहरुको सम्मान गर्ने उद्देश्यले United Nepalese Kyokushin Advancement नामक संस्था स्थापना भएको छ  । आज आयोजकले पत्रकार सम्मेलन गर्दै देश विदेशमा बसोबास गर्ने पूर्व वा वर्तमान नेपाली क्योकुशीन कराते खेलाडी तथा गुरु हरुको करिब ६ महिना लामो अथक प्रयत्न को फलस्वरूप यो संस्था स्थापना भएको जानकारी गराएको छ  ।
यस खेलमा लागेका नयाँ पिढीलाई सल्लाह सहयोग र हौसला प्रदान गर्न र संस्थामार्फत गुरुहरु र देशप्रति नै कृतज्ञता व्यक्त गर्दै छरिएर रहेका साथीहरू र गुरूहरूसंग फेरी सम्पर्क र सदभाव बढाउने उद्देश्यले यो संस्थाको गठन भएको आयोजकले बताएको छ  ।
हालै गैर नाफामलक कम्पनीको रुपमा दर्ता भएको यो संस्थाले वर्षभर विभिन्न खेल गतिविधि गर्ने उद्देश्य लिएको छ। यो खेलसम्बन्धी विभिन्न दस्तावेज संकलन, प्रतिभा पहिचान, आपसी सहयोगका साथै विभिन्न गतिविधि मार्फत यो खेलको विकास र विस्तारमा सहयोग गर्नु हाम्रो मुख्य उद्देश्य रहेको छ त्यसका लागि संस्थाको आफनै अनलाइन, बुलेटिन प्रकाशन लगायतका गतिविधि समेत गरिने छ ।
संस्थाले एउटा अध्यक्षकोष मार्फत खेलाडीहरुलाई सहयोग, स्वास्थ्य बीमा, खेलाडी सम्मान लगायतको काम समेत गर्नेछ । तत्कालका लागि विभिन्न स्रोतबाट रकम जुटाएर २० लाख रुपैयाँ बराबरको खेलाडी अक्षयकोष स्थापना गरिनेछ । साथै हरेक वर्ष एउटा सेमिनार, वर्ष खेलाडी तथा गुरुहरुको सम्मान पनि गरिनेछ । यो वर्ष गत अप्रिल ४ तारिखका दिन संस्थाका अध्यक्ष एवं प्रशिक्षक, १९९२ का एसियन च्याम्पियन श्री रुपेश डंगोलको नेतृत्वमा सेमिनार सम्पन्न भइसकेकोछ।
उक्त सेमिनार देशभर संचालित विभिन्न क्योकोशिन तथा फूल कन्ट्याक्ट कराते प्रशिक्षक र खेलाडीहरुले सहभागिता जनाउनु भएको थियो। त्यस्तै संस्थाको मुख्य कार्यक्रम अन्तर्गत हरेक वर्ष क्योकुशिन कराँते तथा फुल कन्ट्याक्ट कराँतेमा संस्थाले निर्धारण गरेको छनौट प्रक्रिया मार्फत छनौट गरेर विजेता १ महिला तथा १ पुरुष खेलाडीलाई क्रमश एक लाख, प्रथम रनर अपलाई क्रमश ६0 हजार तथा द्वितीय रनर अपलाई कमश ४० हजार नगद तथा बिजेताको प्रशिक्षकलाई नगद रु १० हजारका दरले नगद तथा प्रशंसापत्र वितरण गरिनेछ ।
यो सम्मान आगामी सेप्टेम्बर (दशै अगाडि) भग्य कार्यक्रमका साथ गरिनेछ । यो सम्मानको कुल राशी रकम ४ लाख ६० हजार बराबरको हुनेछ ।
नवगठित संस्थाको अध्यक्षमा रुपेश डंगोल जापानमा रहनु भएको छ भने सुरज श्रेष्ठ उपाध्यक्ष अस्ट्रेलिया, देवकुमार धिमिरे, उपाध्यक्ष जापान, दिपेन्द्र थापा उपाध्यक्ष जापान, रमन सिंह लामा,, उपाध्यक्ष बेलायत, सुरज काक्की उपाध्यक्ष बेलायत, इन्द्र सुरज मल्ल, कोषाध्यक्ष बंगलादेश र मोहन विष्ट सचिव अमेरिका रहनु भएको छ)।
त्यसैगरी संस्थाका सदस्यहरुमा जयदेव लामा अमेरिका, सुरज कुमार श्रेष्ठ जापान, धन लामा, बहराइन, ज्ञान तामाङ बहराइन, प्रभाकर शाह फिलिपिन्स, जयराम गिरी भारत, राम केसी अस्त्रेलिया, निमा शेपा अमेरिका, नरेश बहादुर जीसी जापान, भेषबहादुर खड्का अमेरिका रहनु भएको छा त्यस्स्तै मुक्ति संग्राम विष्ट अमेरिका, जीवन थापा अमेरिका, गौतम तुलाधर अमेरिका, पृथ्वी राई जापान, रमन लामा फ़ान्स, रामकुमार श्रेष्ठ जममी, ईश्वर केसी, अस्ट्रेलिया, सुदर्शन थापा हङकङ, राम केसी ऑस्ट्रेलिया, शिशिर शर्मा अमेरिका, सुमित्रा नापित अस्ट्रेलिया, अदिप राना वेलायत, गजेन्द्र गौचन अमेरिका, बिनिता महर्जन जापान, अविराम घिमिरे जापान, सागर श्रेष्ठ पोर्चुगल, राज केसी जापान, हिराकाजी देशार जापान,सुन्दर गुरुड बेलायत, प्रेम श्रेष्ठ, सुजन काफ्ले मकाउ,   विष्णु पोखरेल नेपाल, नारायण सिलवाल बेल्जियम सदन सिम्खडा बेल्जियम, सन्तोष लोप्ताङ तामाङ दुबई, विनोदराज गिरी अमेरिका रहनु भएको छ।
post image

 असार ४, काठमाडौं । कोपा अमेरिका फुटबल प्रतियोगितामा आयोजक ब्राजिल दोस्रो खेलमा बराबरीमा रोकिएको छ। ब्राजिललाई बुधबार विहान भएको खेलमा भेनेजुएलाले गोलरहित बराबरीमा रोकेको हो।

खेलमा ६९ प्रतिशत बल नियन्त्रणमा लिए पनि ब्राजिल फिनिसिङमा पटक पटक चुकेको थियो। ब्राजिलले १२ पटक गोलका लागि प्रयास गरे पनि एक पटक मात्र पोस्टमा प्रहार गर्न सक्यो।

ब्राजिल समूह ‘ए’ मा  २ खेलबाट ४ अंक जोड्दै शीर्ष स्थानमा छ। यसअघि ब्राजिलले बोलिभियालाई पराजित गरेको थियो। दोस्रो स्थानको पेरुको पनि ४ अंक नै छ। अब समूह चरणको अन्तिम खेलमा ब्राजिल र पेरुबीच खेल हुनेछ।

प्रतियोगिताअन्तर्गत बिहीबार विहान सवा ३ बजे कोलम्बिया र कतार तथा सवा ६ बजे अर्जेन्टिना र पाराग्वेबीच खेल हुनेछ।

post image

असार ३, काठमाडौं । शकिब अल हसनले लगातार दोस्रो शतक प्रहार गरेपछि बंगलादेशले आइसीसी विश्वकप क्रिकेट २०१९ मा दोस्रो जित हात पारेको छ। शकिबको शतक प्रेरित बंगलादेले इंग्ल्याण्ड र वेल्समा भइरहेको १२औं संस्करणको विश्वकपमा सोमवार वेष्ट इन्डिजलाई ७ विकेटले पराजित गरेको हो। बंगलादेशले विश्वकपमा वेष्ट इन्डिजलाई पहिलो पटक पराजित गरेको हो।

यसअघि शकिबले घरेलु टोली इंग्ल्याण्ड विरुद्ध पनि शतक प्रहार गरेको थियो। शकिबले १२१ रन बनाएको उक्त खेलमा भने बंगलादेश पराजित भएको थियो।

वेष्ट इन्डिज विरुद्ध शकिबले २ विकेट समेत लिए। यस्तै शकिबले एक दिवसीयमा ६ हजार रन समेत पूरा गरेका छन्। उनी ६ हजार रन पूरा गर्ने दोस्रो बंगलादेशी खेलाडी हुन्। यसअघि तमिम इकवालले मात्र उक्त उपलब्धी हात पारेका छन्।

दोस्रो जितपछि ५ खेलबाट ५ अंक जोडेको बंगलादेश अंक तालिकामा पाँचौ स्थानमै उक्लेको छ।

३२२ रनको लक्ष्य ४१.३ ओभरमा बंगलादेशले ओभरमा ३ विकेट गुमाएर पूरा गरेको हो। लगातार दोस्रो शतक प्रहार गर्ने क्रममा शकिबले नटआउट १२४ रन बनाए। यस्तै लिटन दासले नटआउट ९४ रन योगदान गरे। विश्वकपमा चेस भएको यो दोस्रो उच्च स्कोर हो। यसअघि २०११ को विश्वकपमा आयरल्याण्डले इंग्ल्याण्डले दिएको ३२८ रनको लक्ष्य चेस गरेको थियो।

ओपनर सौम्य सरकार २९ रन बनाएर आउट भएपछि शकिबले ओपनर तममि इकवालसँग दोस्रो विकेटका लागि ६९ रनको साझेदारी गरेका थिए। अर्धशतक बनाउन २ रनले चुकेका तमिम ४८ रन बनाउँदा रनटआउट भए।

त्यसपछि मुस्फिकर रहिम १ रन मात्र बनाएर आउट भएपछि बंगलादेशले १३३ रन बनाउँदा ३ विकेट गुमायो। तर यस विश्वकपमा पहिलो खेल खेलेका लिटन दास र शकिब हल हसनल मिलेर चौथो विकेटका लागि शतकिय साझेदारी गर्दै बंगलादेशको जित तय गरे। यी दुईले चौथो विकेटका लागि नटआउट १८९ रनको साझेदारी गरे। शकिबले ९९ बल खेल्दै १६ चौकाको मद्दतमा नटआउट १२४ रन बनाए। यस्तै लिटन दासले आक्रमक ब्याटिङ गर्दै नटआउट ९४ रन जोडे। लिटनले ६९ बल खेल्दै ८ चौका र ४ छक्का प्रहार गरे।

वेष्ट इन्डिजका लागि आन्द्रे रसेल र ओसाने थोमसले १-१ विकेट लिए।

टाउन्टनले बंगलादेशका कप्तान मोसरफे मोर्ताजाले टस जितेर फिल्डिङ रोजेपछि पहिले ब्याटिङ गरेको वेष्ट इन्डिजले निर्धारित ५० ओभरमा ८ विकेट गुमाएर ३२१ रन बनाएको थियो।

वेष्ट इन्डिजका लागि शाई होपले सर्वाधिक ९६ रन बनाए। यस्तै एभिन लेविसले ७० र शिमरोन हेतमारले ५० रन जोडे। कप्तान ज्यासन होल्डरले ३३, निकोलस पुरनले २५ र डारेन ब्राभोले १९ रन बनाए। क्रिस गेल १३ बल खेल्दै खाता नखोली आउट भए भने आन्द्रे रसेल पनि शुन्यमा आउट भए।

बंगलादेशका लागि मोहम्मद सैफुदिन र मुस्ताफिजुर रहेमानले ३-३ विकेट लिए। शकिबले २ विकेट लिए।

post image

 जेठ ३०, काठमाडौं । विश्वकप क्रिकेटमा आज न्युजिल्यान्डले भारतसँग प्रतिस्पर्धा गर्दैछ । इंग्ल्यान्डको ट्रेन्ट ब्रिजमा भारत र न्युजिल्यान्डबीचको खेल नेपाली समयअनुसार दिउँसो ३ बजेर १५ मिनेटमा हुँदैछ ।

अंक तालिकाको शीर्ष स्थानमा रहेको न्युजिल्यान्ड लगातार चौथो खेलमा जित हात पार्ने लक्ष्यमा हुनेछ । यसअघि भएको तीनै खेलमा न्युजिल्यान्डले जित हात पारेको छ । आफ्नो पहिलो खेलमा श्रीलंकालाई १० विकेटले पराजित गरेको थियो ।

त्यस्तै, आफ्नो दोस्रो खेलमा बंगलादेशलाई दुई विकेटले पराजित गरेको न्युजिल्यान्डले तेस्रो खेलमा भने अफगानिस्तानलाई सात विकेटले पराजित गरेको थियो ।

यता भारत भने तेस्रो जितको खोजिमा हुनेछ । यसअघि आफ्नो पहिलो खेलमा भारतले दक्षिण अफ्रिकालाई ६ विकेटले पराजित गरेको थियो । त्यस्तै, आफ्नो दोस्रो खेलमा भारतले बलियो प्रतिद्वन्द्वी अष्ट्रेलियालाई ३६ रनले पराजित गरेको थियो ।

न्युजिल्यान्डको ब्याटिङ निकै बलियो छ । त्यतिकै बलियो बलिङ पनि छ । मार्टिन गुप्टिल र कोलिन मुनरो ओपनिङमा आउँदा भारतीय बलरलाई आउट गर्न निकै सकस पर्नेछ । त्यस्तै, तेस्रो नम्बरमा कप्तान केन विलियम्सन, चौथो नम्बरमा रोस टायलर र पाँचौंमा टोम लाथमले ब्याटिङ गर्दै न्युजिल्यान्डको मिडिल अर्डर धान्ने छन् । त्यस्तै, जेम्स निशाम, कोलिन डे ग्रान्डहोम र मिचेल साट्नर जस्ता अलराउण्डरले न्युजिल्यान्डको फिनिसिङ लाइन सम्हाल्ने छन् ।

बलिङ पनि न्युजिल्यान्डको निकै बलियो छ ।

यता, भारत अहिलेसम्मकै सन्तुलित र बलियो टिम गनिएको छ । ब्याटिङ बलिङ उतिकै प्रभावकारी देखिन्छ । तर ओपनिङमा योपटक शिखर धवन हुने छैनन् । उनी चोटका कारण मैदान बाहिर नै अझै लामो समय बस्ने छन् । उनको स्थानमा ओपनिङमा रोहित शर्मालाई साथ दिन केएल राहुल हुनेछन् । त्यस्तै, तेस्रो नम्बरमा कप्तान विराट कोहली आउने छन् । भारतको मिडिल अर्डर निकै बलियो देखिन्छ । मेहन्द्रसिंह धोनी, हार्दिक पाण्ड्या, केदार जाधव, रविन्द्र जडेजा जस्ता खेलाडी छन् । बलिङतर्फ भने भारतका बलर निकै फर्ममा रहेका छन् ।

यसअघि विश्वकपको अभ्यास खेलमा भारत र न्युजिल्यान्डको भेट भएको थियो । त्यो खेलमा भने भारतको ब्याटिङ लाइन ध्वस्त नै भएको थियो । ३९.२ ओभरमा भारतले सबै विकेटको क्षतिमा १७९ रन मात्रै बनाउन सकेको थियो । सामान्य लक्ष्य पाएको न्युजिल्यान्डले ४ विकेटको क्षतिमा लक्ष्य पूरा गरेको थियो । त्यही नतिजालाई दोहो¥याउने लक्ष्यमा न्युजिल्यान्ड रहेको छ । भारतभने त्यसको बदला लिन चाहन्छ ।

भारत टिम

विराट कोहली (कप्तान) रोहित शर्मा, युजभिन्द्र चाहाल, मेहन्द्रसिंह धोनी, केदार जाधव, कुलदीप यादव, मोहम्मद शामी, केएल राहुल, जस्प्रित बुमराह, शिखर धवन, रविन्द्र जडेजा, दिनेश कार्थिक, भुवनेश्वर कुमार, हार्दिक पाण्ड्या, विजय शंकर ।

न्युजिल्यान्ड टिम

केन विलियम्सन (कप्तान), मार्टिन गुप्टिल, कोलिन मुन्रो, हेनरी निकोलस, रस टेलर, टम लाथम, टम ब्लन्डेल, जिम्मी निशाम, कोलिन डे ग्रान्डहोम, मिचेल सान्टनर, टे«न्ट बोल्ट, टिम साउथी, माट हेनरी, लोकी फर्गुसन र इश सोधी ।

post image

जेठ २९,काठमाडौं ।राष्ट्रिय खेलकुद परिषद (राखेप)को आयोजना तथा महाकाली स्पोर्ट्स सोसाइटी (एमएसएस)को व्यवस्थापमा प्रधानमन्त्री कप महिला टी २० क्रिकेट असार ४ देखि सुरु हुने भएको छ।

आयोजक राखेप र एमएसएसले बुधवार पत्रकार सम्मेलन गर्दै प्रतियोगिता असार ४ देखि ११ गतेसम्म कञ्चनपुरको महेन्द्रनगरस्थित खुल्ला मन्चमा हुने जानकारी दिएको हो।

यसअघि जेठ २८ गतेदेखि नै प्रतियोगिता सुरु गर्ने भनिएपनि प्राविधिक कारणले मिती केही पर सरेको एमएसएसका अध्यक्ष सुमन भट्टले जानकारी दिए। एक साता सञ्चालन हुने प्रतियोगितामा साद प्रदेशको टिम र विभागीय टोली एपीएफ गरी कूल ८ टिमले प्रतिस्पर्धा गर्नेछन्।

प्रतियोगिताको विजेताले उपाधिसँगै नगद ५ लाख र ट्रफी हात पार्नेछ। यस्तै उपविजेताले नगद ३ लाख प्राप्त गर्नेछन्। यसैगरी म्यान अफ दि सिरिजले नगद ३० हजार, बेस्ट ब्याट्सम्यान र बेस्ट बलरले १५-१५ हजार तथा प्रत्येक खेलको म्यान अफ दि म्याचले २ हजार ५ सत पाउनेछन्।

प्रतियवगिताको कूल बजेड ८८ लाख रहेको र त्यसमा ३५ लाख राखेपले उपलब्ध गराउने एमएसएसले जनाएको छ।

यस्तै प्रतियोगिताको विजेताले पाउने ट्रफी र सहभागि टिमका खेलाडीले लगाउने जर्सी पनि सार्वजनिक भएको छ। राखेपका प्रमुख प्रशिक्षक जगत टमाटा र राष्ट्रिय महिला टिमकी उपकप्तान सीता राना मगरले ट्रफी सार्वजनिक गरे भने सीता र प्रतियोगिताको व्यवस्थापक एमएसएसका अध्यक्ष सुमन भट्टले जर्सी सार्वजनिक गरे।

उद्घाटन खेलमा सुदूरपश्चिम  र गण्डकी भिड्ने

बुधवारै प्रतियोगिताको समूह विभाजन र खेल तालिका पनि सार्वजनिक भएको छ। असअनासर समूह ए मा एपीएफ, सुदूरपश्चिम प्रदेश, प्रदेश ५ र गण्डकी प्रेश छन्। यस्तै समूह बी मा प्रदेश १, प्रदेश २, प्रदेश ३ र कर्णाली प्रदेश छन्।

प्रतियवगिताको उद्घाटन खेलमा असार ४ गते सुदूरपश्चिम र गण्डकी प्रदेशबीच खेल हुनेछ। सोही दिन समूह बी अन्तर्गत प्रदेश २ र कर्णाली प्रदेशबीच पनि खेल हुनेछ।

दुवै समूहमा शीर्ष दुईमा रहने टोली सेमिफाइनल प्रवेश गर्नेछन्।

post image

जेठ २९ ,काठमाडौं । जारी विश्वकपमा फेरि पनि वर्षाका कारण खेल प्रभावित बनेको छ।  मंगलबार श्रीलंका तथा बंगलादेशबीच हुने भनिएको खेल वर्षाका कारण हुन पाएन।

खेल रद्ध भएपछि दुबै टोलीले १-१ अंक बाँडेका छन्। जारी विश्वकपमा वर्षाका कारण खेल रद्ध भएपछि श्रीलंकाले अंक बाँडेको यो दोस्रो पटक हो।

यसअघि सोमबार दक्षिण अफ्रिका र वेस्ट इन्डिजबीचको खेल पनि वर्षाका कारण रद्ध भएको थियो।

post image

 जेठ २८ ,ललितपुर । आईसीसी एकदिवसीय विश्वकप क्रिकेटमा आज (मंगलबार) साँझ दक्षिण एसियाली दुई टोली बंगलादेश र श्रीलंकाबीच प्रतिस्पर्धा हुँदैछ । काउन्टी क्रिकेट मैदानमा साँझ ३ः१५ बजे सुरु हुने खेलमा दुवै टोलीले जित्ने दावी गरेका छन् ।

विगतका प्रतियोगिता हेर्ने हो भने बंगलादेशको तुलनामा श्रीलंका बलियो छ । सन् १९९६ को विश्वकप जितेको श्रीलंका २००७ र २०११ मा फाइनलमा पराजित भएको थियो । विश्वकपमा छैटौं पटक सहभागी बंगलादेश क्वार्टरफाइनल माथि जान सकेको छैन ।

श्रीलंकाले एक जित र एक हार खेपेको छ । श्रीलंका पहिलो खेलमा न्युजिल्यान्डसँग १० विकेटले पराजित भएको थियो । दोस्रो खेलमा भने श्रीलंकाले अफगानिस्तानलाई ३४ रनले हराएको थियो । श्रीलंका र पाकिस्तानबीचको खेल भने वर्षाका कारण रद्ध भएको थियो ।

बंगलादेशले एक खेलमा जित र दुई खेलमा हार खेपेको छ । बंगलादेशले पहिलो खेलमा दक्षिण अफ्रिकालाई २१ रनले हराएको थियो । बंगलादेश दोस्रो खेलमा न्युजिल्यान्डसँग दुई विकेट र तेस्रो खेलमा आयोजक इङ्ल्यान्डसँग एक सय ६ रनले पराजित भएको थियो । यसअघिका विश्वकपमा यी दुई टोलीबीच तीन पटक भिडन्त भएको थियो ।

जसमा तीनवटै खेल श्रीलंकाले जितेको थियो । श्रीलंका अहिले तीन अंकसहित तालिकाको पाँचौं र बंगलादेश दुई अंकसहित आठौं स्थानमा छन् । दुवै टोलीका लागि अघिल्लो चरणमा पुग्न आजको खेल निकै महत्वपूर्ण छ ।

post image

 जेठ २७,  काठमाडाैं । भारतीय क्रिकेट खेलाडी युवराज सिंहले क्रिकेट करिअरबाट सन्यासको घोषणा गरेका छन् । युवराज सिंहले नयाँ दिल्लीमा कार्यक्रम गर्दै सन्यासको घोषणा गरेका हुन् । सन् २०११ को विश्वकप भारतले जित्दा प्लेयर अफ द टुर्नामेन्ट घोाषित भएका युवराज पछिल्लो समयमा टिम बाहिर थिए । विश्वकप २०१९ खेलेर सन्यास लिने तयारीमा रहेको युवराज टिममा परेका थिएनन् ।

सन् २०१७ मा इंग्ल्यान्डविरुद्ध उनले लाष्ट टी-२० क्रिकेट खेल खेलेका थिए । त्यसयता उनी टिममा पर्न असफल हुँदै आएका थिए । उनले भारतीय टिमबाट ३०४ एकदिवसीय खेलमा ८ हजार ७०१ रन बनाएका छन् ।

युवराजले आफ्नो एकदिवसीय करिअरमा १४ शतक र ५२ अर्शतक बनाएका छन् । त्यस्तै, ५८ टी-२० क्रिकेट खेलमा एक हजार १७७ रन बनाउँदा ८ अर्धशतक बनाएका छन् । यता, टेष्ट क्रिकेटमा युवराजले ४० खेलबाट एक हजार ९०० रन बनाउँदा तीन शतक र ११ अर्धशतक बनाएका छन् ।

युवराज त्यस्ता खेलाडी हुन् जसले क्यान्सर जस्तो रोगलाई पनि जित्दै आफ्नो क्रिकेट करिअरमा फर्किन सफल भए ।

post image

 जेठ २७, काठमाडौं । विश्वकप क्रिकेटमा भारतले विश्वविजेता अष्ट्रेलियालाई पराजित गरको छ ।लन्डनस्थित केनिङटन ओभलमा भएको खेलमा भारतले अष्ट्रेलियालाई ३६ रनले पराजित गरेको हो । ३५३ रनको ठूलो चुनौती पछ्याउँदै ब्याटिङ गरेको अष्ट्रेलियाले निर्धारित ५० ओभरमा सबै विकेटको क्षतिमा ३१६ रन मात्रै बनाएपछि भारतले जित हात पारेको हो ।

अष्ट्रेलियाका लागि स्टिेभन स्मिथले ६९, डेभिड वार्नरले ५६, एलेक्स करेयले ५५ रन बनाए । त्यस्तै, उस्मान खवाजाले ४२, कप्तान एरोन फिन्चले ३६ र ग्लेन म्याक्श्वेलले २८ रन बनाएपनि आफ्नो टिमलाई जित दिलाउन सकेनन् ।

बलिङतर्फ भारतका भुवनेश्वर कुमार र जसप्रित बुमराहले समान ३–३ विकेट लिदा युजभिन्द्र चाहालले दुई विकेट लिए ।

यसअघि टस जितेर पहिले ब्याटिङ गरेको भारतले निर्धारित ५० ओभरमा पाँच विकेटको क्षतिमा २५२ रन बनाएपछि अष्ट्रेलियाले ठूलो लक्ष्य पाएको थियो । भारतको लागि शिखर धवनले शतक बनाए । उनले १०८ बलमा १६ चौका प्रहार गर्दै ११७ रन बनाए । त्यस्तै, कप्तान विराट कोहलीले उत्कृष्ट प्रदर्शन गरे । विराटले ८२ रन बनाउँदै भारतलाई ठूलो स्कोरमा प¥याएका थिए । उनले ७७ बलमा चार चौका र दुई छक्का प्रहार गरे ।

यता, ओपनर रोहित शर्माले ५७ रन बनाउँदा हार्दिक पाण्ड्याले ४८ र महेन्द्रसिंह धोनीले २७ रन बनाए । बलिङतर्फ अष्ट्रेलियाका मार्कुस स्टोइनिसले दुई विकेट लिए ।

जारी विश्वकपमा भारतको यो लगातार दोस्रो जित हो । यसअघि भारतले दक्षिण अफ्रिकालाई पराजित गरेको थियो । अष्ट्रेलियाको भने यो पहिलो हार हो । यसअघि भएको दुई खेलमा अष्ट्रेलियाले जित हात पारेको थियो ।

post image

जेठ २४,  काठमाडौं । ब्राजीलियन फुटबल स्टार नेयमारमाथि बलात्कारको आरोप लगाएकी महिलाले टेलिभिजनमा आएकी छन् ।  नाजिला त्रिन्दाजीले  १५ मेमा पेरिसको होटलमा भएको भनिएको घटनाबारे बेलिबिस्तार लगाएका छन् ।

उनले शुक्रबार नेयमारविरुद्ध साउ पाओलो प्रहरीमा उजुरी दर्ता गरेकी थिइन् । नेयमारले भने आरोप खण्डन गरेका छन् । साथै आफूलाई निर्दोष प्रमाणित गर्न हृवाट्सएपमा भएको कुराकानी सार्वजनिक गरेका छन् ।

त्यसको जवाफ दिन त्रिन्दाजीले टेलिभिजनलाई अन्तर्वार्ता नै दिएकी छन् । एसबीटी ब्राजिललाई दिएको अन्तर्वार्तामा उनले आफू नेयमारप्रति आकर्षित भएको र यौन सम्बन्ध राख्ने इच्छाले पेरिस पुगेको स्वीकार गरेकी छन् ।

नेयमारकै खर्चमा आफू पेरिस पुगेको उनले बताइन् । तर, भेटमा नेयमार म्यासेजमा कुरा गरे भन्दा भिन्न पाएको उनले बताइन् ।उनकाअनुसार उनी सहमतिमै यौनसम्पर्क राख्न तयार भएकी थिइन् र नेयमारलाई कण्डम प्रयोग गर्न आग्रह गरेकी थिइन् । तर, नेइमारले कण्डम प्रयो गर्न अस्वीकार गरेको र आफूलाई बलात्कार गरेको उनको दाबी छ ।

Embedded video

SBT Jornalismo

@sbtjornalismo

Exclusivo! Modelo que acusa Neymar de estupro fala com Roberto Cabrini. Hoje, às 19h45, no

4,847 people are talking about this

उक्त घटना कुटपिट वा बलात्कार के थियो भन्ने प्रश्नमा त्रिन्दाजीले भनिन्, ‘त्यो कुटपिट र बलात्कार दुबै थियो ।’

यो घटनालाई लिएर एउटा भिडियो फुटेज पनि सार्वजनिक भएको छ, होटलका कोठाको उक्त फुटेजमा त्रिन्दाजी र नेयमारबीच विवाद भएको देखिन्छ ।

खाटमा बसिरहेकी महिलाले पुरुषलाई थप्पड हान्छन् र भन्छन्, म तिमीलाई कुट्न गइरहेको छु किनभने तिमीले मलाई हिजो पिटेका थियौं ।’ त्रिन्दाजीका अनुसार उनले नेयमारलाई दोस्रो पटक पनि भेटेकी थिइन् ।

post image

 जेठ २४, काठमाडौं । विश्वकप क्रिकेटमा आज पाकिस्तानले श्रीलंकासँग प्रतिस्पर्धा गर्दैछ । ब्रिष्टलस्थित काउन्टी ग्राउन्डमा नेपाली समयअनुसार पाकिस्तान र श्रीलंकाबीचको खेल दिउँसो ३ बजेर १५ मिनेटमा सुरु हुनेछ । पाकिस्तान र श्रीलंका दुवै टिम जितको खोजीमा हुनेछन् ।

दुवै टिमले पहिलो खेलमा भने हार ब्यहोरेका थिए । श्रीलंका न्युजिल्यान्डसँग १० विकेटले पराजित हुँदा यता पाकिस्तान भने वेष्ट इन्डिजसँग सात विकेटले पराजित भएको थियो । तर दोस्रो खेलमा भने दवै टिमले जित हात पारेका थिए ।

पाकिस्तानले बलियो टिम मानिएको इंग्ल्यान्डलाई १४ रनले पराजित गर्दा श्रीलंकाले अफगानिस्तानलाई ३४ रनले पराजित गरेको थियो । तुलनात्मक रुपमा श्रीलंकाभन्दा पाकिस्तान बलियो टिम हो । पाकिस्तानको बलिङ ब्याटिङ निकै राम्रो छ । यता, श्रीलंकाको भने ब्याटिङ एकदमै खस्किएको छ ।

पछिल्लो पाँच खेललाई हेर्ने हो भने पनि पाकिस्तान श्रीलंकामाथि हावी भएको देखिन्छ । सन् २०१७ मा भएको पछिल्लो एकदिवसीय क्रिकेट सिरिजमा पाकिस्तानले श्रीलंकालाई पाँचै खेलमा पराजित गरेको थियो ।

आज हुने खेलमा पाकिस्तानको ब्याटिङ रोक्ने नै श्रीलंकाको मुख्य लक्ष्य हुनेछ । किनभने पाकिस्तानको ब्याटिङ चलेमा जुनसुकै टिमले पनि हराउन मुस्किल पर्छ । पछिल्लो समयमा इंग्ल्यान्ड हार्नुको मुख्य कारण पनि यही थियो । ब्याटिङ लाइनमा पाकिस्तानको निकै राम्रो छ ।

फखर जमान र इमाम उल हकको जोडी ओपनिङमा आउँदा बाबर अजाम, मोहम्मद हफिज, सर्फराज अहमद, असिफ अली, सोइब मालिक जस्ता ब्याट्सम्यान मध्यक्रममा छन् ।

पाकिस्तानको बलिङ पनि राम्रो छ । मोहम्मद अमिर, शादब खान, हसन अली, वाहब रियाज जस्ता उत्कृष्ट लयमा रहेका बलर छन् ।

यता, श्रीलंकाको भने ब्याटिङ निकै खस्किँदो अवस्थामा छ । दिमुथ करुनरत्ने र कुशल परेराको जोडी ओपनिङमा आउने छन् । लाहिरु थिरिमाने, कुशल मेन्डिस, एन्जेले मेथेवस, धनन्जय डे सिल्भा जस्ता ब्याट्सम्यान भएपनि चल्न सकिरहेका छैनन् ।

बलिङतर्फ भने श्रीलंकाको राम्रै रहेको छ । विशेषगरी लासिथ मालिंगा श्रीलंकाका लागि बलियो पक्ष हो । थिसरा परेरा, नुवान प्रदीप, इसुरु उदना, सुरंगा लकमलजस्ता बलरले श्रीलंकाका लागि खेल जिताउन सक्छन् ।

post image

२३ जेठ, काठमाडौं । जारी विश्वकप क्रिकेट प्रतियोगितामा सट्टेवाजी खेलाएको आरोपमा प्रहरीले ३ जनालाई पक्राउ गरेको छ । पक्राउ पर्नेमा सिन्धुपाल्चोकका बज्र लामा, विद्युत् प्रकाश लामा र रामेछापका उमेश कार्की छन् ।

महानगरीय अपराध अनुसन्धान महाशाखाका एसएसपी सहकुलबहादुर थापाका अनुसार विजेश्वरी र न्यूरोडबाट बुधबार उनीहरुलाई पक्राउ गरिएको हो ।

उनका अनुसार पक्राउ परेकाहरुले इन्डियन प्रिमियर लिग (आईपीएल) सहित फुटबल लगायतका विभिन्न खेलकुद प्रतियोगितामा पनि सट्टवाजी खेलाउने गरेका थिए ।

उनीहरुको साथबाट एक लाख रुपैैयाँ नगद समेत बरामद भएको थापाले बताए । पक्राउ परेका व्यक्तिमाथि सट्टावाजी गर्न नहुने कसुर अन्तरगत म्याद थप गरेर विस्तृत अनुसन्धान हुनेछ ।

post image

 जेठ २३, काठमाडौँ । जारी विश्वकपको पहिलो खेलमा दक्षिण अफ्रिकालाई भारतले ६ विकेटले पराजित गरेको छ । यस खेलमा पहिलो विश्वकप खेलिरहेका युजवेन्द्र चहलले सर्वाधिक ४ विकेट लिए।

४ विकेट लिएसँगै उनले आफ्नो नाममा भारतीय रेकर्ड पनि दर्ता गरेका छन्। १० ओभर बलिङ गर्दै ५१ रन दिएर ४ विकेट लिएका चहलको यस प्रदर्शनले उनलाई विश्वकप डेब्यू म्याचमा उत्कृष्ट प्रदर्शन गर्ने दोश्रो भारतीय खेलाडी बनाएको छ।

पहिलो नम्बरमा यो कीर्तिमान मोहम्मद शमीको नाममा छ। उनले सन् २०१५ मा पाकिस्तान विरूद्ध ३५ रन खर्चेर ४ विकेट लिएका थिए। चहल भन्दा यस म्याचमा शमीको प्रदर्शन अझ राम्रो छ।

चहलले यस उपलब्धिसँगै विश्वकप क्रिकेटमा दक्षिण अफ्रिका विरूद्ध ४ विकेट लिने पहिलो भारतीय खेलाडी समेत बनेका छन्। यस म्याचमा उनले फफ डु प्लेसिस र वान दर डुसेनलाई बोल्ड गरे भने डेबिड मिलरलाई क्याचआउट गराए भने फेहलुकवायोलाई स्टंप गराएका थिए।

विश्वकपमा भारत र दक्षिण अफ्रिका पाँचौ पटक एकअर्कासँग खेलिरहेका छन्। पहिले खेलिएका म्याचमा कुनै पनि खेलाडी ४ विकेट लिन सफल भएका थिएनन्। यसअघि उनीहरू विरूद्ध हरभजन सिंह तथा रविचन्द्रन अश्विनको नाममा छ।

उनीहरूले यो प्रदर्शन क्रमशः सन् २०११ र २०१५ मा गरेका थिए। त्यतिबेला उनीहरूले समान ३-३ विकेट लिएका थिए।

यसैगरी विश्वकपमा पनि कुनैपनि भारतीय बलरले दक्षिण अफ्रिका विरूद्ध सर्वाधिक २ विकेट मात्र लिएको इतिहास छ। ती विकेट मोहम्मद शमी र मोहित शर्माले सन् २०१५ को विश्वकपमा लिएका थिए।

यसैगरी सन् २०११ को विश्वकपमा मुनाफ पटेलले पनि २ विकेट लिएका थिए भने सन् १९९९ को विश्वकपमा जवागल श्रीनाथले २ विकेट लिएका थिए।

post image

जेठ २२, काठमाडौं। श्रीलंकाले आइसीसी विश्वकप क्रिकेट २०१९ मा पहिलो जित हात पारेको छ।अफगानिस्तानलाई डिएल मेथडमा ३४ रनले पराजित गर्दै श्रीलंकाले यस विश्वकपमा पहिलो अंक जोडेको हो। यसअघि पहिलो खेलमा श्रीलंका न्यूजिल्याण्डसँग १० विकेटले पराजित भएको थियो।

वर्षाले प्रभावित खेलमा श्रीलंकाले अफगानिस्तानलाई जितका लागि १८७ रनको लक्ष्य दिएको थियो। पहिलो इनिङ्सका क्रममा खेल वर्षाले अबरुद्ध भएपछि खेल ४१-४१ ओभरमा घटाइएको थियो।

अफगानिस्तानका मोहम्मद नावीले ४ विकेट लिएपछि श्रीलंकाले ३६.५ ओभरमा सबै विकेट गुमाएर २०१ रन बनाएको थियो। तर डिएल मेथडमा पछि रिभाइज्ड टार्गेटमा अफगानिस्तानले ४१ ओभरमा १८७ रन मात्र बनाउनुपर्ने भएको थियो।

तर नुवान प्रदीपले ४ र लासिथ मालिंगाले ३ विकेट लिएपछि अफगानिस्तान ३२.४ ओभरमा १५२ रनमै अलआउट भयो।

अफगानिस्तानका लागि नजिबुल्लाह जद्रानले सर्वाधिक ४३ रन बनाए। यस्तै हज्रतुल्लाह जजईले ३० र कप्तान गुल्वादन नइवले २३ रन जोडे।

बलिङमा प्रदीपले ९ ओभरमा १ मेडन राख्दै ३१ रन खर्चेर ४ विकेट लिए। यस विश्वकपमा प्रदीपको यो पहिलो खेल हो। उनी अघिल्लो खेलमा खेलेका जीवन मेन्डिजको स्थानमा टिममा परेका थिए। त्यसलाई सही सावित गर्दै श्रीलंकालाई जिताउन महत्वपूर्ण भूमिका खेले। मालिंगाले ६.४ ओभरमा ३९ रन खर्चेर ३ विकेट लिए। ३ विकेट लिएपछि मालिंगा विश्वकपमा सर्वाधिक विकेट लिनेमा पाँचौ स्थान उक्लेका छन्। मालिंगाले अहिलेसम्म २४ खेलबाट ४६ विकेट लिएका हुन्। यस्तै समग्रमा भने मालिंगा आफ्नै देशका सनथ जयासूर्यालाई पछि पार्दै दशौँ स्थानमा उक्लेका छन्। मालिंगाले ओडिआईमा ३२५ विकेट पुर्‍याएका छन्।

त्यसअघि टस हारेर पहिले ब्याटिङ गरेको श्रीलंकाले उत्कृष्ट सुरुवात गरे पनि अफगानिस्तानका मोहम्मदले नावीले ४ विकेट लिएपछि श्रीलंकाली इनिङ्स धर्माराएको थियो।

पहिलो विकेटका लागि कप्तान दिमुथ करुणारत्ने र विकेटकिपर कुशल परेराले १३.१ ओभरमा  ९४ रनको साझेदारी गरेका थिए। अफगानिस्तानका नावीले करुणारत्नेलाई नजिबुलल्लाह जद्रानको हातबाट क्याचआउट गराउँदै साझेदारी तोडेका थिए। करुणारत्नेले ३० रन बनाए। त्यसपछि दोस्रो विकेटका लागि कुशल परेराले लहिरु थिरिमानेसँग ५२ रनको साझेदारी गरे। तर २२औँ ओभरमा नावीले ३ विकेट लिएपछि श्रीलंकाले १४६ रनमा ४ विकेट गुमायो। थिरीमाने २५ रन बनाएर आउट भए। कुशल मेन्डिस २ रन बनाएर आउट हुँदा एन्जेलो म्याथ्युजले खाता खोल्न सकेनन्। इरुस उदानाले १० रन जोडे।

कुशल परेराले ८१ बल खेल्दै ८ चौकाको मद्दतमा ७८ रन बनाए। सुरंगा लकमल १५ रनमा नटआउट रहे।अफगानिस्तानका लागि नावीले ९ ओभरमा ३० रन खर्चेर ४ विकेट लिए। दवलत जद्रान र रसिद खानले २-२ विकेट लिए।

post image

जेठ २२, काठमाडौं । आइसीसी विश्वकप क्रिकेट २०१९ सुरु भएको एक साता पछि भारतले आज आफ्नो पहिलो खेल्दैछ। सहभागि १० मध्ये ५ टिमले २-२ खेल खेलिसक्दा भारतले भने पहिलो खेल खेल्न लागेको हो। उपाधिको दाबेदार मध्ये एक मानिएको भारतले नेपाली समयअनुसार आज दिउँसो ३.१५ बजे दक्षिण अफ्रिकासँग खेल्दैछ।

दक्षिण अफ्रिका पनि दुई खेल खेलिसक्ने मध्ये एउटा टिम हो। तर खेलेको दुवै खेलमा हार बेहोरेको दक्षिण अफ्रिका अहिले ठूलो दबाबमा छ। उसका फास्ट बलर डेल स्६न चोटका कारण एक खेल नै नखेली विश्वकपबाट आउट भइसकेका छन्। यस्तै अर्का बलर लुंगी एनगिदी पनि १० दिनका लागि बाहिरिएका छन्।

दक्षिण अफ्रिका यसअघि घरेलु टोली इंग्ल्याण्ड र बंगलादेशसँग पराजित भएको थियो। दक्षिण अफ्रिकासँगै घरेलु टोली इंग्ल्याण्ड, पाकिस्तान, श्रीलंका र अफगानिस्तानले समान २ खेल खेलिसकेका छन्। दक्षिण अफ्रिका र अफगानिस्तानले दुवै खेल हारेका छन् भने बाँकी ३ टिमले एक जित र एक हारको नतिजा निकालेको छ।

वेष्ट इन्डिज, न्यूजिल्याण्ड, अष्ट्रेलिया र बंगलादेशले खेलेको एक खेल जितेका छन्।

आजै बेलुका ६:१५ बजे अपराजित दुई टिम न्यूजिल्याण्ड र बंगलादेश खेल्दैछन्। न्यूजिल्याण्डले पहिलो खेलमा श्रीलंकालाई पराजित गरेको थियो। यस्तै बंगलादेशले दक्षिण अफ्रिकालाई पराजित गरेको थियो।

post image

जेठ १९, काठमाडौं । विनोद लामाले उत्कृष्ट बलिङ गर्दै ५ विकेट लिएप५ तेस्रो प्रधानमन्त्री कप एक दिवसीय क्रिकेटमा सुदूरपश्चिमले गण्डकी प्रदेशलाई पराजित गर्दै प्रतियोगिताको अन्त्तय गरेको छ।

यसअघि नै समूह चरणबाटै बाहिरिसकेको यी दुई ६लीबीच मंगलवार प्रतिष्ठाको लागि खेल भएको थियो। जसलमा सुदूरले गण्डकीलाई ४ विकेटले पराजित गरेको हव।

४ खेलबाट ३ अंक जोडेको सुदूर समूह ए को चौथो स्थानमा रहँदा सुदूरपश्चिम चार वटै खेल हार्दै अंकबिहिन बन्यो।

यस समूहबाट प्रेदश नम्बर ३ समूह विजेता र एपीएफ समूह उपविजेता बन्दै सेमिफाइनल पुगेको छ। यस्तै समूह बी बाट नेपाल पुलिस स मूह विजेता र त्रिभुवन आर्मी समूह उपविजेता बन्दै सेमिफाइनल पुगेको छ।

मुलपानी क्रिकेट मैदानमा भएको खेलमा विनोद लामाले ५ विकेट लिएपछि टस जितेर पहिले ब्याटिङ गरेको गण्डकी प्रेदश २०.४ ओभरमा ८९ रनमै अलआउट भयो। गण्डकीका लागि राहु शर्माले सर्वाधिक ४१, किशोर महतोले १४ तथा आकाश थापाले १२ रन बनाए। बाँकी खेलाडीले दोहोरो अंकमा रन बनाउन सकेनन्।

सुदूरपश्चिमका विनोदले ६ ओभर बलिङ गर्दा २ मेडन राख्दै २५ रन खर्चेर ५ विकेट लिए। यस्तै महेश अधिकारी र शेर मल्लले २-२ विकेट लिए।

जवाफमा ९० रनको लक्ष्य सुदूरपश्चिमले २९.२ ओभर खेल्दै ६ विकेट गुमाएर पूरा गरेको हो।

३३ रन हुँदा ६ विकेट गुमाएपनि नरेन्द्र साउद र आकाश चन्दले नटआउट ६० रनको साझेदारी गर्दै सुदूरपश्चिमलाई जिताए। आकाशले नटआउट २९ र नरेन्द्रले नटआउट २३ रन जोडे।

बलिङमा गण्डकीका किशोर महतोले ३ र विपिन खत्रीले २ विकेट लिए।

post image

 जेठ २१, काठमाडौं । विश्वकप क्रिकेटमा आज अफगानिस्तान र श्रीलंकाबीच प्रतिस्पर्धा हुदैछ ।

कार्डिफस्थित सोफिया गार्डेनमा आज नेपाली समयअनुसार ३ बजेर १५ मिनेटमा अफगानिस्तानसँग श्रीलंकाले प्रतिस्पर्धा गर्दैछ । दुवै टिमले आफ्नो पहिलो खेलमा हार ब्यहोरेका थिए ।

श्रीलंका न्युजिल्यान्डसँग १० विकेटले पराजित भएको थियो भने अफगानिस्तान अष्ट्रेलियासँग ७ विकेटले पराजित भएको थियो । आजको खेलमा दुवैै टिम जित हात पार्ने लक्ष्यमा हुनेछन् ।

श्रीलंका टिम

दिमुथ करुनरत्ने (कप्तान), धनन्जय डे सिल्भा, नुवान प्रदीप, अभिश्का फर्नान्डो, सुरंगा लकमल, लासिथ मालिंगा, एन्जेलो मथेवस, कुशल मेन्डिस, जीवन मेन्डिस, कुशल परेरा, थिसरा परेरा, मिलिन्डा सिरिवार्दना, लाहिरु थिरिमाने, इसुरु उडना जेफ्रिय भन्डर्सी ।

अफगानिस्तान टिम

गल्बादिन नाइब (कप्तान), अफतब आलम, अस्घर अफगान, दवालत जद्रान, हमिद हसन, हस्मातउल्लाह शाहिदी, हज्रतउल्लाह जजाई, मोहम्मद नावी, मोहम्मद शाहजाद, मुजिब उर रहमान, नजिबुलाह जद्रान, नोर अली जद्रान, रहमत शाह, राशिद खान, समिउल्लाह शिनवारी

post image

जेठ १९, काठमाडौं । विभागीय टोली नेपाल पुलिस समूह चरणमा अपराजित रहँदै तेस्रो प्रधानमन्त्री कप एक दिवसीय क्रिकेटको सेमिफाइनलमा प्रवेश गरेको छ।

समूह बी अन्तर्गत आइतवार कीर्तिपुरमा भएको खेलमा पुलिसले प्रदेश नम्बर २ लाई १५६ रनले पराजित गर्दै समूह विजेताको रुपमा अन्तिम चारमा स्थान बनाएको हो।

यसअघि नै सेमिफाइनलमा स्थान पक्का गरेको त्रिभुवन आर्मी क्लब समूह बी को उपविजेता बनेको छ।

पुलिसको जितमा ब्याटिङमा अमित श्रेष्ठले अर्धशतक प्रहार गर्दा बलिङमा दिपेन्द्र सिंह ऐरीले ५ र ललित नारायण राजवंशीले ३ विकेट लिए।

टीयू मैदानमा टस जितेर पहिले ब्याटिङ गरेको पुलिसले अमितको अर्धशतक मद्दतमा ५० ओभर खेल्दै ९ विकेट गुमाएर २५३ रन बनाएको थियो। जवाफमा प्रदेश २ ले  ९७ रन मात्र बनाउन सक्यो।

पुलिसका अमितले ४२ बल खेल्दै ५ चौका र १ छक्काको मद्दतमा ५० रन बनाए। यस्तै सुनिल धमलाले ४३, अनिल कुमार शाहले ३७, कुशल भुर्तेलले ३५ र आरिफ शेखले ३२ रन जोडे।

बलिङमा प्रदेश २ का सांसद शेखले ४ तथा रसिद खानले २ विकेट लिए।

२५४ रनको लक्ष्य पछ्याएको प्रदेश २ पुलिसको उत्कृष्ट बलिङ सामु टिक्न नसक्दा २९ ओभरमा ९७ रनमा अलआउट भयो। प्रदेश २ का हरिशंकर शाहले २९, कप्तान मेहबुब आलमले २१, रवि शाहले १५ र सुरज पटेलले १२ रन जोडे। बाँकी खेलाडीले दोहोरो अंक छुन सकेनन्।

प्रदेश २ लाई अलआउट गर्न पुलिसका दिपेन्द्रले ५ विकेट लिए। उनले १० ओभर बलिङ गर्दा १ मेडन राख्दै २८ रन खर्चेर ५ विकेट लिए। प्रतियवगितामा उनले एकै खेलमा ५ विकेट लिएको यो दोस्रो पटक हो। यसअघि प्रदेश १ विरुद्ध पनि दिपेन्द्रले ५ विकेट लिएका थिए। प्रदेश २ विरुद्ध १८ रन समेत बनाएका दिपेन्द्र खेलको म्यान अफ दि म्याच घोषित भए।

यस्तै पुलिसका लागि ललित नारायण राजवंशीले ६ ओभरमा ३ मेडन राख्दै २१ रन खर्चेर ३ विकेट लिए।

post image

जेठ १७, काठमाडौं । नेपाली राष्ट्रिय क्रिकेट टोलीका मध्यक्रमका ब्याट्स्म्यान दिपेन्द्र सिंह ऐरि क्रिकेटिङ्गनेपाल डटकमको ब्राण्ड एम्बेसडरमा नियुक्त भएका हुन् ।

शुक्रबार एक कार्यक्रमका बीच दिपेन्द्रलाई ब्राण्ड एम्बेसेडर नियुक्त गरिएको हो । दिपेन्द्र क्रिकेटिङ्गनेपालसँग आगामी डिसेम्बरसम्म जोडिनेछन् । यस क्रममा दिपेन्द्रले आफूले सहभागिता जनाउने राष्ट्रिय तथा अन्तर्राष्ट्रिय खेलहरुमा क्रिकेटिङ्गनेपालको स्टिकर आफ्नो ब्याटमा प्रयोग गर्नेछन् ।

दिपेन्द्रले क्रिकेटिङ्गनेपालको ब्राण्ड एम्बेसेडर बन्न पाउँदा आफूलाई खुशी लागेको बताए । क्रिकेटिङ्गनेपाल खेलकुदसँग सम्वन्धित व्यवसायिक वेबसाइट हो ।

सन् २०१७ मा किर्तिपुरमा भएको आईसिसि वर्ल्ड क्रिकेट लिग च्याम्पिनयशीप अन्तर्गत केन्याबिरुद्धको खेलबाट डेब्यु गरेपनि दिपेन्द्रले लगातार नेपाली टोलीमा आफ्नो स्थान बनाएका छन् । उनी ट्वान्टी ट्वान्टीमा पनि नेपालका लागि प्रमुख खेलाडी हुने गर्दछन् ।

सन् २०१३ मा काठमाडौंमा भएको एसीसी ट्वान्टी ट्वान्टीमा कपसँगै शुरुवात गरिएको क्रिकेटिङ्गनेपाल हाल आफ्नो सातौं बर्षमा चलिरहेको छ

post image

जेठ १५, काठमाडौं । अमित श्रेष्ठको शतक र दिपेन्द्र सिंह ऐरीको ५ विकेट मद्दतमा नेपाल पुलिलसे प्रधानमन्त्री कप एकदिवसीय क्रिकेटमा नेपाल पुलिसले दोस्रो जित हात पारेको छ। मुलपानी क्रिकेट मैदानमा बुधवार भएको खेलमा पुलिसले प्रदेश नम्बर १ लाई ७५ रनले पराजित गरेको हो।

पुलिसको लागि ब्याटिङमा अमितले १०६ रन बनाए भने बलिङमा दिपेन्द्रले ५ विकेट लिए। लगातार दोस्रो जितपछि पुलिसले समूह बी मा २ खेलबाट ४ अंक जोडेको छ र सेमिफाइनल पुग्ने सम्भावना बलियो बनाएको छ। लगातार ३ खेल जित्दै अपराजित रहेको त्रिभुवन आर्मी ६ अंकसहित समूह बी को शीर्ष स्थानमा छ।

टस जितेर पहिले ब्याटिङ गरेको पुलिसले ४३.१ ओभरमा सबै विकेट गुमाएर १८५ रन बनाएको थियो। अमितले शतक बनाएपनि अन्य खेलाडीले गतिलो साथ नदिदा पुलिसले पुरै ओभर समेत खेल्न सकेन। अमितले ११८ बल खेल्दै १५ चौका र १ छक्काको मद्दतमा १०६ रन बनाएका हुन्। यस्तै कुशल भुर्तेलले २४, कप्तान मन्जित श्रेष्ठ र रामनरेश गिरीले समान ११ तथा पवन स्र्राफले १० रन जोडे। बाँकी ६ खेलाडीले दोहोरो अंक छुन सकेनन्।

बलिङमा प्रदेश १ का कमल खत्री, फिर्दोस अन्सारी, पुष्प थापा, दिपेश कँडेल र सिद्धान्त लोहनीले २-२ विकेट लिए।

१८६ रनको लक्ष्य पछ्याएको प्रदेश १ ले ३८.३ ओभरमा सबै विकेट गुमाएर ११० रन मात्र बनाउन सक्यो। प्रदेश १ का सन्नी पुनले सर्वाधिक २७ रन बनाउँदा मिनास थापाले १९, दिपेश कँठेलले १५ , फिर्दोस अन्सारीले १२ तथा पुष्प थापाले १० रन बनाए।

बलिङमा पुलिसका दिपेन्द्र ऐरीले १० ओभरमा ४ मेडन राख्दै २६ रन खर्चेर ५ विकेट लिए। उनले ६० बल फाल्दा ४७ बल डट राखेका थिए। यस्तै ९.३ ओभर बलिङ गरेका ललित नारायण राजवंशीले २ मेडन राख्दै २० रन खर्चेर ३ विकेट लिए। आरिफ शेख र सागर ढकालले १-१ विकेट लिए।

post image

जेठ १५, काठमाडौं । तेन्जिङ हिलारी एभरेष्ट म्याराथन २०१९ को उपाधि सुमन कुलुङले जितेका छन्। पहिलो पटक सगरमाथाको सफल आरोहण भएको दिन मे २९ को अवसर हरेक वर्ष हुँदै आएको यस म्याराथनको निर्धारित दूरी ३ घण्टा ४७ मिनेट १६ सेकेण्डमा पूरा गर्दै सुमन च्याम्पियन बनेका हुन्।

२०१७ मा पनि उपाधि जितेका सुमन गत वर्ष दोस्रो भएका थिए। यस्तै ३ घण्टा ५६ मिनेट १० सेकेण्डमा निर्धारित दूरी पूरा गरेका कपिलदेव बुढा दोस्रो भए। रामकुमार राजभण्डारीले तेस्रो भए। उनले ३ घण्टा ५८ मिनेटमा निर्धारित दूरी पूरा गरे।

post image

जेठ १५, काठमाडौं । विभागीय टोली त्रिभुवन आर्मी क्लब प्रधानमन्त्री कप एकदिवसीय राष्ट्रिय क्रिकेट प्रतियोगिताको सेमिफाइनलमा प्रवेश गरेको छ । मुलपानी क्रिकेट मैदानमा आज भएको खेलमा आर्मीले कर्णाली प्रदेशलाई ११७ रनले पराजित गरेको हो ।

कर्णाली प्रदेशले टस जितेपछि आर्मीलाई ब्याटिङको निम्तो दिएको थियो । आर्मीले ५० ओभरमा नौ विकेट गुमाउँदै २९० रन बनायो । दुई सय ९१ रनको विजय लक्ष्य पछ्याएको कर्णाली ३५ दशमलव १ ओभरमा सबै विकेट गुमाउँदै १७३ रनमा समेटियो ।

कर्णालीका लागि सुशान्त थापाले सर्वाधिक ३१ रन बनाए । ललित प्याकुरेलले अविजित २८, दिवान पुनले २६ तथा युनिश सिंहले २० रन बनाए । बलिङतर्फ आर्मीका सुुशन भारीले ४ विकेट लिए । यस्तै साहब आलम र करण केसीले दुई÷दुई विकेट लिए ।

यसअघि ब्याटिङ गर्ने क्रममा आर्मीका लागि राजु रिजालले ६६ रन बनाए । रोहित पौडेलले ५६, हरिकृष्ण झाले ५२, करण केसीले २८, साहब आलमले १६ तथा लोकेन्द्र चन्दले १६ रन जोडे । बलिङतर्फ कर्णालीका ललित प्याकुरेलले पाँच विकेट लिए । रवीन्द्र शाहीले दुई विकेट लिए ।

post image

जेठ १३, काठमाडौं । प्ले फर डिप्राइभ्ड चिल्ड्रेन नेपालको आयोजनामा भइरहेको क्वीक्स नेपाल बास्केटबल लिग (एनबीएल) अन्तर्गत सोमबार भएको रोमाञ्चक खेलमा विभागीय टोली त्रिभुवन आर्मीले टाइम्स इन्टरनेशनललाई एक अंकको अन्तरले पराजित गरेको छ।

घरेलु कोर्ट भद्रकालीमा भएको खेलमा आर्मीले टाइम्सलाई ६७-६६ ले हराएको हो। खेलको पहिलो क्वाटर आर्मीले २०-१९ ले आफ्नो पक्षमा पार्दै एक अंकको अग्रता बनाएको थियो। दोस्रो क्वाटर टाइम्सले १५-१४ ले आफ्नो पक्षमा पार्दा खेल ३४-३४ को अवस्थामा पुग्यो।

तेस्रो क्वाटरमा आर्मीले १६-१३ को अग्रता बनाउँदा ५०-४७ को अग्रता बनायो। निर्णायक तथा अन्तिम क्वाटर टाइम्सले १९-१७ ले आप्नो पक्षमा पारेपनि आर्मी एक अंक अगाडि रहँदै खेल जित्न सफल भएको हो।

यस जितपछि आर्मीले टाइम्सको कोर्टमा बेहोरेको हारको बदलासमेत लिएको छ। यसअघि भएको खेलमा टाइम्सले आर्मीलाई १०३-९६ ले पराजित गरेको थियो।

जितपछि आर्मीले टाइम्ससँगको अंक दूरी २ मा झारेको छ। तर आर्मीले एक खेल कम खेलेको छ। दुबै टिमले अहिलेसम्म एक-एक खेल हारेका छन्।

१२ खेलबाट ११ जितसहित २३ अंक जोडेको टाइम्स पहिलो स्थानमा छ। यस्तै ११ खेलबाट १० जितसहित २१ अंक जोडेको आर्मी दोस्रो स्थानमा छ। अब टाइम्सले २ र आर्मीले ३ खेल खेल्न बाँकी छ।

१३ खेलबाट २० अंक जोडेको बुढानिलकण्ड नगरपालिका तेस्रो र १२ खेलबाट १८ अंक रहेको नेपाल पुलिस चौथो स्थानमा छ।

post image

 जेठ १२, काठमाडौं । नेपाल खेलकुद पत्रकार मन्च (एनएसजेएफ)ले आयोजना गर्दै आएको नेपाली खेलकुद क्षेत्रकै सबैभन्दा प्रतिष्ठित अवार्डको रुपमा रहेको ‘एनएसजेएफ पल्सर स्पोर्ट्स अवार्ड-२०७५’ आगामी आसार १७ गते हुने भएको छ। एनएसजेएफले आइतवार पत्रकार सम्मलेन गर्दै १६औँ संस्करणको अवार्डको मित औपचारिक रुपमा घोषणा गरेको हो।

यसअघि आर्मी अफिसर क्लबमा हुँदै आएको कार्यक्रम यसपालि भने कमलादीमा हुने आयोजनले पत्रकार सम्मेलनमार्फत् जानकारी दिएको हो। मुख्य प्रायोजकको रूपमा हंशराज हुलासचन्द एण्ड कम्पनी प्रालिको बजाज पल्सर मोटरसाइकल रहेको छ भने कम्पनीले २५ लाख रुपैयाँ नगद पनि सहयोग गरेको छ।

कार्यक्रममा हंशराज हुलासचन्द एण्ड कम्पनीका तर्फबाट अभिमन्यू गोल्छा र नेपाल खेलकुद पत्रकार मञ्चका तर्फबाट दुर्गानाथ सुवेदीले सम्झौतापत्रमा हस्ताक्षर गरेका हुन्।

यस वर्ष नयाँ विधा पनि थपिएको आयोजकले जनाएको छ। नयाँ विधा इन्टरनेसनल एसियन स्पोर्टस जर्नालिस्ट अवार्डसमेत गरी यसवर्ष पल्सर स्पोर्टस् अवार्ड २०७५ मा १० विधामा अवार्ड प्रदान गरिने छ।

वर्षका उत्कृष्ट खेलाडी पुरुष, वर्षका उत्कृष्ट खेलाडी महिला, युवा वर्ष खेलाडी, वर्ष प्रशिक्षक, पिपल्स च्वाइस, अवार्ड पारा एथलिट, स्पेसल अवार्ड, लाइफटाइम एचिभमेन्ट अवार्ड र टिम अफ द इयर गरी ९ विधामा खेलाडी प्रशिक्षक र पुराना खेलकर्मीलाई सम्मानित गरिनेछ।

लाइफटाइम, पारा र टिम अफ दि इयरको अवार्ड विजेता भने कार्यक्रमकै दिन घोषणा गरिने छ। खेलाडी पुरुष र महिला पिपल्स च्वाइस र प्रशिक्षक गरी चार जनालाई बजाज पल्सर मोटरसाइकल प्रदान गरिने छ भने अन्य विधाका विजेतालाई जनही ५० हजार दिइने जनाइएको छ।

post image

जेठ १०, काठमाडौँ । विश्वकप क्रिकेटका लागि भारतीय क्रिकेट टोली ईङ्ल्याण्ड पुगिसकेको भएपनि उसको चौथो नम्बरमा कसले ब्याटिङ गर्छ भन्ने चर्चा अझै सकिएको छैन। यसै चर्चाकाबीच सचिन तेन्तुलकरले पनि चौथो नम्बरको ब्याट्सम्यानलाई लिएर आफ्नो राय दिएका छन्।

एक अखबारलाई दिएको अन्तरवार्तामा उनले यससँगै वर्तमान भारतीय क्रिकेट टोलीको अवस्था, बायाँ हाते ब्याट्सम्यान, ब्याटिङ्को क्रम तथा महेन्द्र सिंह धोनीको ब्याटिङ क्रममा बारेमा आफ्नो धारणा राखेका थिए।

चौथो नम्बरको ब्याटस्म्यानको बारेमा सचिनले भारतका जुन कुनै खेलाडी त्यसका लागि योग्य भएको बताएका छन्। सचिनले सो क्रममा धोनीले चार नम्बरमा नभइ पाँचौ नम्बरमा ब्याटिङ गर्नुपर्ने धारणा राखे।

‘मलाई लाग्छ धोनीले पाँचौ नम्बरमा ब्याटिङ गर्नुपर्छ’, सचिनले भने। केहि समय पहिले रोहित शर्माले धोनीले चारौं नम्बरमा ब्याटिङ् गर्नुपर्ने बताएका थिए।

सचिनले रोहित र धवनले ओपनिङ गरे भने विराट तेश्रो नम्बरमा आउनुपर्ने बताउँदै चौथोमा अरू कोही आए धोनीलाई पाँचौ नम्बरमा आउनुपर्ने बताए। यस्तै उनले हार्दिकले छैटौं नम्बरमा ल्याउनुपर्ने उनको सुझाव छ।

यसैगरी सचिनले यस विश्वकपको फाइनलमा भारत, ईङ्ल्याण्ड तथा अष्ट्रेलिया पुग्ने बताउँदै फाइनलमा चौथो टोलीका रूपमा न्यूजल्याण्ड वा पाकिस्तानमध्ये एक पुग्ने बताए।

post image

जेठ ८, काठमाडौं । यही वर्ष हुने कोपा अमेरिका फुटबल प्रतियोगिताको लागि लिओनल मेसीको कप्तानीमा अर्जेन्टिनाको टोली घोषणा भएको छ। २३ सदस्यीय टोलीमा मेसीसँगै फरवार्ड पाउलो डिबला र सर्जियो अगुएरो पनि समावेश छन्।

मुख्य प्रशिक्षका लियोनेल स्कालोनीले प्रारम्भिक चरणमा छानिएका ४० खेलाडीबाट अन्तिम टोलीको घोषणा गरेका हुन्। सन् २०१६ को कोपा अमेरिका फाइनलमा चिलीसँग पेनाल्टीसुटआउटमा पराजित भएपछि मेसीले राष्ट्रिय टिमबाट नखेल्ने घोषणा गरेका थिए। तर सरकारदेखि समर्थकको आग्रपछि मेसी फेरी अर्जेन्टाइन टिममा फर्किए र २०१८ मा रसियामा भएको विश्वकप खेले।

त्यसयता भने मेसीले राष्ट्रिय टिमका लागि एक खेल मात्र खेलेका छन्। यही जुनमा ब्राजिलमा हुने कोपा अमेरिकाको समूह ‘बी’ मा रहेको अर्जेन्टिनाले कोलम्विया, पाराग्वे र कतारसँग प्रतिस्पर्धा गर्नेछ।

post image

जेठ ७, काठमाडौं । भारतीय कप्तान विराट कोहली तथा युवा विकेटकिपर ऋषभ पंतले खेलको एक विज्ञापनमाथि टिप्पणी गरेपछि अष्ट्रेलियाका पूर्वब्याटस्म्यानमाथि कोहली र पंतका फ्यानहरू खनिएका छन्।

उनीहरूले सो विज्ञापनमा टिप्पणी गरेका ब्राड हाजलाई ट्विटरमा सुनाउनु सुनाएका छन्। कोहलीले आफू र पंतले खेलेको पुरूष सौन्दर्य प्रशाधनको विज्ञापनलाई टवीट गरेपछि हाजले,’गजब छ, मान्छे पैसाका लागि के के गर्छन्’ लेखेका थिए।

उनको यो आलोचना भारतीय क्रिकेटप्रेमीहरूलई पचेन। उनीहरू तुरून्तै हाजविरूद्ध उत्रिए। विराटका एक प्रशंसकले जवाफ फर्काए, ‘र केहि खेलाडी पैसाको लागि स्यान्डपेपरको प्रयोग गर्छन।’

त्यस्तै अर्का ट्विटर प्रयोगकर्ताले ‘उसको(कोहली) बारेमा कुरै नगर किनकी तपाईं त सरफराज अहमदको करियरको पनि नजिक हुनुहुन्न।’ ‘तपाईंजस्ता खेलाडी ४२ वर्षको उमेरमा पैसाका लागि आईपिएल खेल्न मनपराउँछन्’, अर्का एक प्रशंसकले जवाफ फर्काएका छन्।

हाज आईपिएलमा किङ्स इलेभेन पंजाबका कोच रहिसकेका छन्।

post image

जेठ ५, काठमाडौं । आगामी जेठ १० गतेदेखि हुने प्रधानमन्त्री कप पुरूष एकदिवसीय क्रिकेट प्रतियोगिताको मुख्य प्रायोजकमा अष्ट्रेलियाको सिड्नीमा मुख्यालय रहेको रहेको एक्सपर्ट एजुकेशन एण्ड भिसा सर्भिसेज प्रालि.ले सम्झौता गरेको छ। सम्झौतासँगै प्रतियोगिताको नाम एक्सपर्ट प्रधानमन्त्री कप हुने भएको हो।

राष्ट्रिय खेलकुद परिषद् (राखेप) को आयोजना र नेपालय इन्टरनेशनलको व्यवस्थापनमा हुने प्रतियोगिताका यसअघि जेठ १ गतेबाट शुरु हुने भनिए पनि प्राविधिक कारणले १० दिन पछि सरेको हो।

त्रिवि क्रिकेट मैदान कीर्तिपुर र तल्लो मुलपानी क्रिकेट मैदानमा हुने प्रतियोगितामा ७ प्रदेश र ३ विभागीय टोलीको सहभागिता रहनेछ। सार्वजनिक खेल तालिका अनुसार समूह ए मा एपीएफ, प्रदेश ५, प्रदेश ३, सुदूरपश्चिम र गण्डकी प्रदेश छन् भने समूह बि मा त्रिभुवन आर्मी क्लब, नेपाल पुलिस क्लब, कर्णाली प्रदेश, प्रदेश २ र प्रदेश १ छन्।

सार्वजनिक खेल तालिका अनुसार मुलपानी मैदानमा नेपाल पुलिस क्लब र प्रदेश १ बीचको खेलअघि उदघाटन समारोह आयोजना गरिनेछ।

सोही समयमा प्रदेश २ र त्रिभुवन आर्मी क्लबकाबीच त्रिवि क्रिकेट मैदानमा पनि खेल हुने छ । जेठ २० गतेसम्म समूहका खेलहरु हुनेछन् भने २२ र २३ गते सेमिफाइनल तथा २४ गते फाइनल खेल हुनेछन्।

सेमिफाइनल र फाइनल खेलहरु त्रिवि मैदानमा हुनेछन्। समूहका शीर्ष दुई टोली सेमिफाइनलमा प्रवेश गर्नेछन्। उपाधि विजेता टोलीले २० लाख प्राप्त गर्नेछ भने उपविजेता टोलीले १० लाख हात पार्नेछ।

यसैगरी उत्कृष्ट खेलाडीले एक थान मोटरसाइकल र उत्कृष्ट ब्याट्सम्यान तथा बलरले समान ५०–५० हजार पुरस्कार पाउने आयोजकले जनाएको छ। प्रतियोगिताका दौरान खेलाडी हानेको छक्कालाई मैदानबाहिर एक हातले क्याच समात्ने दर्शकले ५० हजार पाउने आयोजकले जनाएको छ।

१ करोड ७५ लाख बजेट रहेको प्रतियोगिताको ८० लाख रुपैयाँ राखेप र त्यसबाहेकको रकम नेपालयले व्यवस्था गर्ने भएको छ ।

एक्सपर्टका निर्देशक बद्री अर्यालले प्रधानमन्त्री कपमा एक्सपर्ट जोडिन पाउनु अर्को महत्वपूर्ण खुट्किलो भएको सुनाए। एक्सपर्टका काठमाडौं निर्देशक खेम संग्रौला र नेपालयका अध्यक्ष सुवास प्रधानले सम्झौता आदान प्रदान गरेका थिए।

post image

 जेठ ५, काठमाडौं । ३० मे बाट सुरू हुने क्रिकेट विश्वकपको आधिकारिक गीत रिलिज भएको छ। अन्तराष्ट्रिय क्रिकेट परिषदले प्रतियोगिताको १४ दिन अगाडी आधिकारिक गीत रिलिज गरेको हो।

विश्वको ठूलो खेल प्रतियोगितामध्येको एक यस प्रतियोगितालाई १० लाख प्रशंसकले प्रत्यक्ष रंगशालामा हेर्नेछन् भने अरबौं दर्शकले टेलिभिजनमा प्रत्यक्ष हेर्नेछन्।

शुक्रबार प्रतियोगिताको ‘स्ट्यान्ड बाई’ बोलको गीत रिलिज गरिएको हो। यस गीतलाई नव गायक लोरिन तथा बेलायतको चर्चित ‘रूडोमेन्टल’ले संयूक्तरूपमा तयार गरेको हो। रिलिज गीतलाई प्रशंसकहरूले मनपराइरहेका छन्।

३० मे मा हुने प्रतियोगितामा पहिलो खेल आयोजक इङ्ल्याण्ड र दक्षिण अफ्रिकाबीच खेलिनेछ। ४५ दिनसम्म चल्ने प्रतियोगितामा कुल ४८ खेल खेलिनेछ। प्रतियोगिताको सेमिफाइनल ९ र ११ जुलाईमा हुनेछ भने फाइनल १४ जुलाईमा लड्सको मैदानमा खेलिनेछ।

post image

 जेठ २, काठमाडौं । भारतीय क्रिकेट कप्तान विराट कोहलीले पूर्व कप्तान एवम् वर्तमान विकेटकिपर-ब्याट्सम्यान महेन्द्र सिंह धोनी आफ्ना लागि अमूल्य रहेको बताएका छन्। निस्वार्थ भावनाले खेल्ने भएकाले धोनी उनका लागि खास भएको उनको भनाइ थियो।

‘सत्य के हो भने धोनी यो खेल खेल्ने स्मार्ट मान्छे मध्येका एक हुन्। विकेट पछाडी उनी अमूल्य छन्। यसले गर्दा मलाई स्वतन्त्रपूर्वक खेल्न छुट दिन्छ। धोनी जस्तो मान्छे अनुभवको भण्डार हो’, टाइम्स अफ ईण्डियालाई दिएको एक अन्तरवार्तामा कोहलीले भने।

‘म उनको बारेमा के भनूँ? उनको मार्गदर्शनमा त मेरो खेल जीवन सुरू भएको हो। मैले जति नजिकबाट उनलाई निक्कै कम मान्छेले देखेको हुनुपर्छ। एउटा कुरा धोनीका लागि सबैभन्दा पहिले आउँछ र त्यो हो टोली। सबैभन्दा महत्वपूर्ण उनीसँग भएको अनुभव हो। उनको अनुभवले हामीसमेत धनी भएका छौं’, विराटले भने।

त्यसैगरी कोहलीले ३० मे बाट सुरू हुने क्रिकेट विश्वकपमा धोनी र उप-कप्तान रोहित शर्माको नेतृत्वकारी भूमिकाले आफूहरू निक्कै आशावादी बनेको बताए।

‘जसरी यी दुई जनाले आइपिएलमा कप्तानको रूपमा जसरी आफ्नो भूमिका निभाए, त्यसले बताउँछ उनीहरूले टोलीलाई केसम्म गर्न सक्छन्। धोनीसँग आफ्नै विशिष्ठ हैसियत छ। यसकारण यी दुबैको नेतृत्वकारी भूमिका हुनु टोलीका लागि राम्रो छ’, कोहलीले भने।

कोहलीले रोहित र धोनीको यस महत्वकारण नै टोलीको व्यावस्तापानले यी दुईलाई समावेश गरेर एउटा रणनीतिक समूह बनाएको बताएका छन्।

post image

जेठ १, काठमाडौं । भारतीय क्रिकेट टिमका कप्तान विराट कोहलीले विकेटकिपर ब्याट्सम्यान दिनेश कार्तिकलाई एकदिवसीय विश्वकप खेल्ने भारतको टिममा समावेश गर्नुको रहस्य खोलेका छन्।

यही मे ३० बाट इंग्ल्याण्ड र वेल्समा संयुक्त रुपमा सुरु हुने १२औँ संस्कणरको विश्वकपको लागि विराटको कप्तानीमा भारतको १५ सदस्यीय टोली घोषणा भइसकेको छ । कार्तिकको अनुभव र खेलको दबाब झेल्न सक्ने क्षमताको कारण उनलाई रिसब पन्तभन्दा अगाडि राख्दै टिममा राखिएको विराटले बताए।

टिममा महेन्द्र सिंह धोनी मुख्य विकेटकिपरको रुपमा छन्। थप विकेटकिपरको रुपमा कार्तिक वा पन्त कसलाई राख्ने भन्नेबारे बहस भएपछि छनौट समितिले कार्तिकलाई चयन गरेको थियो।

‘उनीसँगै अनुभव छ। यदि धोनी खेल्न नसक्ने अवस्था आएमा कार्तिक विकेट पछाडि अमुल्य हुन सक्छन्। फिनिसरको रुपमा उनले राम्रो गरिरहेका छन्।’

कार्तिकले सन् २००४ मा एकदिवसीय क्रिकेटमा डेब्यु गरेका थिए। उनले भारतका लागि ९१ एकदिवसीय खेल खेलेका छन्।

post image

वैशाख ३०, काठमाडौं । इन्डियन प्रिमियर लिग (आइपीएल) २०१९ को उपाधि मुम्बई इन्डियन्सले जितेको छ। आइतवार भएको फाइनलमा चेन्नाईलाई १ रनले हराउँदै मुम्बई आइपीएल इतिहासमा चौथो पटक च्याम्पियन बनेको हो।

अन्तिम ओभरमा चेन्नाईलाई जितका लागि ६ बलमा ९ रन चाहिएको थियो र क्रिजमा शेन वाट्सन ७६ र रविन्द्र जडेजा ४ रनमा खेलिरहेका थिए। तर लासिथ मालिंगाले बलिङ गरेको उक्त ओभरमा चेन्नाईले २ विकेट गुमायो भने ७ रन मात्र बनाउन सक्यो।

मालिंगा अन्तिम ओभरमा ९ रन डिफेण्ड गर्दै मुम्बईलाई १ रनको रोमाञ्चक जित दिलाए। यस सिजन मुम्बईले चेन्नाईविरुद्ध खेलेको ४ वटै खेल समेत जित्यो।

यस उपाधिपछि मुम्बई सर्वाधिक ४ पटक आइपीएल जित्ने पहिलो टिम बनेको छ। जसमध्ये मुम्बईले तीन पटक फाइनलमा चेन्नाईलाई नै पारजित गरेको हो। मुम्बईले सन् २०१३ मा पहिलो पटक उपाधि जितेको थियो। त्यसपछि २०१५, २०१५ र २०१९ मा च्याम्पियन बनेको मुम्बईले एक वर्षको अन्तरमा उपाधि जित्दै आएको छ।

राजिव गान्धी इन्टरनेशनल स्टेडियम, हैदरावादमा मुम्बईले टस जितेर पहिले ब्याटिङ गर्दै निर्धारित २० ओभरमा १४९ रन बनाएको थियो।

जवाफमा वाट्सनले ८० रन बनाएपनि चेन्नाईले २० ओभरमा ७ विकेट गुमाएर १४८ रन बनायो। अन्तिम ओभरमा वाट्सनको रनआउट चेन्नईको लागि महाँगो सावित बन्यो।

वाट्सनले ५९ बल खेल्दै ८ चौका र ४ छक्का प्रहार गरे। यस्तै फाप डु प्लेसिसले २६ र ड्वाने ब्राभोले १५ रन जोडे।

चेन्नाईलाई लक्ष्यसम्म पुग्न नदिन मुम्बईका जसप्रित बुमराहले ४ ओभरमा १४ रन मात्र खर्चेर २ विकेट लिए। यस्तै क्रुनल पाण्ड्या, मालिंगा र राहुल चाहरले १-१ विकेट लिए।

सुरुको ३ ओभरमा ४२ रन खर्चिएपनि मालिंगाले अन्तिम ओभरमा उत्कृष्ट प्रदर्शन गर्दै १ विकेट लिएर खेल जिताए।

त्यसअघि मुम्बईका लागि किरण पोलार्डले २५ बलमा ३ चौका र ३ छक्कको मद्दतमा नटआउट ४१ रन बनाएपछि मुम्बईले १४९ रन बनाएको थियो। यस्तै क्वेन्टन डे ककले २९ तथा इशान किसानले २३ रन जोडे।

चेन्नाईका दिपक चाहरले ४ ओभरमा १ मेडन राख्दै २६ रन खर्चेर ३ विकेट लिए। यस्तै शार्दुल ठाकुर र इमरान ताहिरले २-२ विकेट लिए।

post image

 वैशाख २९, काठमाडौं । इंन्डियन प्रिमियर लिग (आईपीएल) क्रिकेट प्रतियोगिताको आज फाइनल प्रतिष्पर्धा हुदैछ । १२औं संस्करणको आईपीएलको उपाधिका लागि आज साविक विजेता चेन्नाई सुपर किंग्सले मुम्बई इन्डियन्सविरुद्ध ७ बजेर ४५ मिनेटमा हैदरावादमा प्रतिस्पर्धा गर्दैछ ।

अहिलेसम्म यी दुबै टिमले आईपीएल समान तीन–तीन पटक आईपीएलको उपाधि जितेका छन् ।तुलनात्मक रुपमा जारी आईपीएलमा चेन्नाई भन्दा मुम्बई बलियो ठहरिएको छ । मुम्बई र चेन्नाईले जारी आईपीएलमा तीन खेलमा प्रतिस्पर्धा गरिसकेको छ । तीनै खेलमा मुम्बईले चेन्नाईलाई पराजित गरेको छ ।

लिग चरणको पहिलो होम खेलमा मुम्बईले चेन्नाईलाई ३७ रनले पराजित गरेको थियो । अघिल्लो खेलमा पनि मुम्बईले चेन्नाईलाई ४६ रनले पराजित गरेको थियो । त्यस्तै, क्वालिफायरको पहिलो राउण्डमा मुम्बईले चेन्नाईलाई ६ विकेटले पराजित गरेको थियो ।

लिग चरण र प्लेअफको हार फाइनलमा तिर्ने लक्ष्यमा चेन्नाई रहेको छ । यता, मुम्बई भने फेरी चेन्नाईलाई पराजित गर्दै उपाधि उठाउने लक्ष्यमा छ ।

प्लेअफको पहिलो क्यालिफयरमा चेन्नाईलाई पराजित गर्दै मुम्बई फाइनलमा प्रवेश गरेको थियो यता, चेन्नाई भने दोस्रो क्वालिफायरमा दिल्लीलाई पाखा लगाउँदै फाइनल पुगेको हो ।

post image

बैशाख २६, काठमाडौँ । इन्डियन प्रिमियर लिग २०१९ अन्तर्गत बुधबार भएको एलिमिनेटर खेलमा दिल्ली क्यापिटल्सले सनराइजर्स हैदरावादलाई २ विकेटले पराजित गरेको छ।

जितपछि दिल्लीले दोस्रो क्वालिफायरमा स्थान बनाएको छ। अब दिल्लीले फाइनल प्रवेशका लागि साबिक विजेता चेन्नाई सुपर किंग्ससँग शुक्रबार क्वालिफायर खेल्नेछ।

पृथ्वी  सको अर्धशतक तथा रिसव पन्तको आक्रमक ब्याटिङ मद्दतमा दिल्लीले १६३ रनको लक्ष्य एक बलअघि ८ विकेट गुमाएर पूरा गरेको हो। पृथ्वीले ३८ बल खेल्दै ६ चौकाको २ छक्काको मद्दतमा ५६ रन बनाए। अर्धशतक बनाउन एक रनले चुकेका पन्तले २१ बल खेल्दै २ चौका र ५ छक्का प्रहार गर्दै ४९ रन जोडे।

दिल्लीलाई जितको लागि अन्तिम दुई बलमा २ रन चाहिएको अवस्थामा किमो पलले अन्तिम ओभरको पाँचौँ बलमा चौका प्रहार गर्दै खेल जिताए।

हैदरावादका भुवनेश्वर कुमार, खलिल अहेमद र रसिद खानले २-२ विकेट लिए। त्यसअघि टस हारेर पहिले ब्याटिङ गरेको हैदरावादले निर्धारित २० ओभरमा ८ विकेट गुमाएर १६२ रन बनाएको थियो।

 हैदरवादका लागि मार्टिन गप्टिलले ३६, मनीष पाण्डेले ३०, कप्तान केन विलियम्सनले २८, विजय शंकरले २५ तथा मोहम्मद नाबीले २० रन बनाए। दिल्लीका किमो पउलले ३ तथा इशान्त शर्माले २ विकेट लिए।

post image

बैशाख २५,काठमाडौं । नेपालमा रिगं रेस्लिङ खेलको विकास गर्दै अन्तर्राष्ट्रियस्तरका खेलाडी उत्पादन गर्ने उद्देश्यले नेपाल रिङ रेस्लिङ संघले विभिन्न राष्ट्रिय तथा अन्तर्राष्ट्रिय खेल गतिबिधिहरु अगाडी बढाउदै आएको छ । नेपालमा रेस्लिङ खेलको बढ्दो क्रेजका कारण यसको विकास र विस्तार गर्ने उदेश्यले स्थापना भएको यो संघले खेलाडी उत्पादन गर्ने देखि राष्ट्रिय तथा अन्तर्राष्ट्रिय च्याम्पियनसिपहरु गर्दै आइरहेको छ ।

रिगं रेस्लिङ संघले डिस होमको सहकार्यमा यहि बैशाख २८ गते शनिवारका दिन एम के डब्लु वेल्ट एण्ड रोड च्याम्पियनसिपको आयोजना गर्न लागेको छ । त्रिपुरेश्वरस्थित कर्भडहलमा बैशाख २८ गते ३ः०० बजे हुने प्रतियोगितामा ६ देशका टप रेस्लरहरुको सहभागीता हुनेछ । राष्ट्रिय खेलकुद परिषद्को विशेष सहयोग र एमकेडब्लु चीनको समन्वयनमा हुन लागेको यो प्रतियोगितामा नेपाल, चीन, अमेरिका, इग्ल्यान्ड, हङकङ, न्यूजिल्यान्डका खेलाडीहरुको सहभागीता रहेको छ ।

नेपालका चर्चित रेस्लर नुवाकोटे टाइगर, ठाकु, डेभिड, एक्स हिरो, साइन, चट्टान, दिलाशाले प्रतिस्पर्धा गर्ने छन् । त्यसैगरि अमेरिकाबाट एस सिल्भा, जेडा, जोम्बिइ ड्रागन र अंकल मनि छन् भने युकेका विग साम, चीनका बेम्बो क्रुसर, दा बाइ, ब्ल्याक माम्बा प्रतिस्पर्धा गर्ने छन् । त्यसैगरि हङकङका के सी, चियरम्यान एएल, मिचेल र न्यूजिल्यान्डका टोमी कम्ब्याट भिड्दैछन् । रेफ्रीमा प्रदिप पाण्डे, कुवरे केसी, विकाश थयोखड्का रहेका छन् ।

प्रतियोगितामा दुईवटा वेल्ट विजेता घोषणा गरिने छ । जसमा वेल्ट एण्ड रोड च्याम्पियन र वल्र्ड च्याम्पियनको वेल्ट प्रदान गरिने छ । प्रतियोगितामा एकल, ट्याग टिम, टु भर्सेस टु, वे कर्नर, रोपन एन्ड कर्नरका प्रतिस्पर्धाहरु गराइने छन् । प्रतियोगिताको मिडिया पार्टन डिस मिडिया नेटवर्क लिमिटेडले एक्सन स्पोर्टसबाट प्रसारण गर्ने कार्यक्रम रहेको छ ।

यस संघले यस अघि पनि महत्वपूर्ण अन्तर्राष्ट्रिय प्रतियोगिताहरु आयोजना गरेको थियो । काठमाडौंमा मिति २०७३ साल बैशाख ०४ गते पहिलो अन्तर्राष्ट्रिय रिंग रेस्लिङ च्याम्पियनसिप गरेको थियो भने पोखरामा २०७३ साल फागुन १८—२१ मा नेपाल भारत मैत्रिपुर्ण प्रतियोगिता र २०७४ साल कात्र्तिक २५ गते दोश्रो अन्तर्राष्ट्रिय रिंग रेस्लिङ च्याम्पियनसिप काठमाण्डौ र ईटहरीमा सम्पन्न गरिसकेका छ । २०७४ फागुनमा आरडब्लु संग्राम आयोजना भएको थियो । प्रतियोगिताको आतिथ्य साझेदारमा सानेपाको होटल एल्लो दरबार रहेको छ ।

post image

वैशाख २५, काठमाडौं । रोहित शर्माको कप्तानीमा रहेको मुम्बई इण्डियन्सले मंगलबार आईपिएल अन्तरगत भएको पहिलो क्वालिफायरमा महेन्द्र सिंह धोनीको कप्तानीमा रहेको चेन्नई सुपर किङ्सलाई पराजित गरेको छ। मुम्बई चेन्नईलाई उसको घरेलु मैदानमा ६ विकेटले पराजित गर्दै फाइनलमा प्रवेश गरेको हो।

हिजोको खेलमा टस जितेर चेन्नईले पहिले ब्याटिङ् गर्ने निर्णय गरेको चेन्नईको ब्याटिङ लाइनअप सुरूदेखि नै धर्मरायो। उसले ४ विकेटको नोक्सानीमा १३१ रनमात्र जोड्न सक्यो। जवाफी ब्याटिङमा आएको मुम्बईले १३२ रनको लक्ष्य चार विकेटको नोक्सानीमा १८.३ ओभरमा पुरा गर्‍यो।

मुम्बई आइपिएलको फाइनलमा पुगेको यो पाँचौ पटक हो। यसअघि उसले तीन पटक उपाधिमा कब्जा जमाइसकेको छ। २०१३, २०१५ तथा २०१७ मा उपाधि जितेको मुम्बई २०१० मा चेन्नईसँग पराजित भएको थियो।

राहुल चाहर र सूर्यकुमार यादव मुम्बईको जितका नायक रहे।

लेग स्पिनर राहुलले चेन्नईलाई १३१ रनको सानो स्कोरमा रोक्न महत्वपूर्ण भूमिका निभाए। उनले चेन्नईको दुई विकेट लिएका थिए। हिजोको खेलमा यी १९ वर्षिय बलरले चार ओभरमा केवल १४ रन खर्च गरे। यसैगरी मुम्बईका लागि क्रुणाल पांड्या र जयंत यादवले १-१ विकेट लिए।

चेन्नईका लागि अंबाती रायडुले सर्वाधिक४२ रन जोडे भने कप्तान धोनीले ३७ तथा मुरली विजयले २६ रन जोडे। शेन वाटसनले मात्र १० रन जोडे।

चेननईसँग हरभजन सिंह, इमरान ताहिर तथा रवीन्द्र जडेजा जस्ता स्पिनर भएकाले मुम्बईका लागि १३२ रनको लक्ष्य सहज नहुने अनुमान गरिएको थियो तर सूर्यकुमार यादव र ईशान किशनले क्रमशः ७१ र २८ रनको पारी खेलेपछि मुम्बईले खेल जित्यो।

मुम्बईले हिजोको खेलमा २१ रन जोड्दा आफ्ना महत्वपूर्ण दुई ब्याट्सम्यानहरू रोहित शर्मा तथा क्विंटन डिककलाई गुमाएको थियो।

उनीहरूले केबल ४ र ८ रन मात्र जोडेका थिए। यस स्थितिलाई तेश्रो विकेटका लागि सूर्यकुमार र ईशानले ८० रनको साझेदारी गर्दै सम्हाले। ईशान टोलीको १०१ रनमा आउट भए।

उनीपछि क्रुणाल पांड्या पनि शून्यमा पेभेलियन फर्किए। यसपछि भने चेन्नईले कुनै विकेट लिन सकेन। त्यसपछि सूर्यकुमार र हार्दिक पांड्याले ३१ रनको साझेदारी गर्दै टोलीलाई जित दिलाए।

post image

वैशाख २४, काठमाडौं । इन्डियन प्रिमियर लिग (आईपीएल) क्रिकेट प्रतियोगिताको फाइनल प्रवेशका लागि चेन्नाई सुपर किंग्स र मुम्बई इन्डियन्सबीच प्रतिस्पर्धा हुँदैछ । आफ्नै घरेलु मैदानमा मंगलबार राति ७ बजेर ४५ मिनेटमा सुरु हुने प्लेअफको पहिलो क्वालिफायर राउण्डमा चेन्नाई जित हात पार्दै फाइनलमा पुग्ने लक्ष्यमा छ । यता, मुम्बई पनि चेन्नाईलाई पराजित गर्दै फाइनलमा पुग्ने लक्ष्यमा छ ।

जारी आईपीएलमा मुम्बई लिग चरणको विजेता बन्दै प्लेअफको पहिलो क्वालिफायर राउण्डमा प्रवेश गरेको हो । मुम्बईले १४ खेलमा ९ खेलमा जित र पाँच खेलमा हार ब्यहोर्दै १८ अंक बनाएर लिगको शीर्ष स्थानमा रह्यो ।

यता, साविक विजेता चेन्नाईले पनि ९ खेलमा जित र पाँच खेलमा हार ब्यहोर्दै १८ नै अंक बनायो । तर नेट रनरेटको आधारमा पछि पर्दै चेन्नाई लिगको दोस्रो स्थानमा रहेर पहिलो क्वालिफायरमा प्रवेश गर्‍यो । तुलनात्मक रुपमा जारी आईपीएलमा चेन्नाई भन्दा मुम्बई बलियो ठहरिएको छ । मुम्बईले चेन्नाई विरुद्धको लिग चरणको दुबै खेलमा सहज जित निकालेको थियो । यसैलाई निरन्तरता दिने लक्ष्यमा मुम्बई रहेको छ । तर चेन्नाई भने लिग चरणमा ब्यहोरेको दुबै खेलको हारको बदला आज लिने दाउमा छ ।

लिग चरणको पहिलो होम खेलमा मुम्बईले चेन्नाईलाई ३७ रनले पराजित गरेको थियो । अवे खेलमा पनि मुम्बईले चेन्नाईलाई ४६ रनले पराजित गरेको थियो ।

आजको खेलबाट विजेता टिम फाइनलमा प्रवेश गर्नेछ भने पराजित हुने टिमले इलिमिनेटर राउण्डबाट विजेता बनेर आएको टिमसँग दोस्रो क्वालिफायरमा फाइनल प्रवेशका लागि प्रतिस्पर्धा गर्नेछ । इलिमिनेटर राउण्डमा दिल्ली क्यापिटल्स र सनराइजर्स हैदरावादबीच प्रतिस्पर्धा हुनेछ ।

post image

बैशाख २३ , काठमाडौँ । प्रथम मुख्यमन्त्री रनिङ शिल्ड प्रतिय‍ोगिता २०७६ बुटवलमा सुरू भएको छ।सामाजिक विकास मन्त्रालय, प्रदेश नं ५ को आयोजना तथा जिल्ला खेलकुद विकास समितिको प्राविधिक संयोजनमा सोमबारदेखि बुटवलमा प्रतियोगिता सुरू भएको हो।

प्रतियोगिताको प्रदेश ५ का मुख्यमन्त्री शंकर पोखरेलले प्रशिक्षक चन्द्र बहादुर गुरुङलाई मार्चपास टर्च हस्तान्तरण गरी उद्घाटन गरेका हुन्। कार्यक्रममा बोल्दै मुख्यमन्त्री पोखरेलले प्रदेश सरकारबाट १ सय ९ वटै स्थानीय तहमा पूर्वाधार निमार्ण गर्न बजेट विनियोजन भएको बताए। खेलबाट समाजमा एकताको सन्देश सिक्नुपर्ने भन्दै उनले खेलकुदको महत्वलाई सबैले बुझ्न जरुरी रहेक‍ो बताए।

आइटिएफ तेक्वान्दोका बालबालिकाहरूको प्रस्तुतिसँगै प्रशिक्षक चन्द्र बहादुर गुरुङ र खेलाडी प्रताप खवासले शपथ लिएर खेल सुरू भएको थियो। कूल पाच विद्याका १३ इभेन्टका प्रतियोगिता बुटवल मण्डप, प्रहरी तालिम केन्द्र, जिल्ला खेलकुद विकास समितिको हल, बुटवल ब्याडमिन्टन कोर्टमा सञ्चालन भैरहेको छ ।

यस्तै जारी प्रथम मुख्यमन्त्री रनिङ शिल्ड प्रतियोगिता अन्तरगत एथ्लेटिक्सतर्फ भएको ५ हजार मिटर पुरुष दौडमा रुपन्देहीका सन्तोष नापित प्रथम भएका छन्।

उनले दौड १६ मिनेट ४५.८ सेकेण्डमा पूरा गर्दै उपाधि चुमेका हुन्। बर्दियाका माधव कुमार चौधरीले १७ मिनेट ०४.८  सेकेण्डमा दौड पूरा गर्दै द‍ोस्रो भए तथा नवलपरासीका मुकेश हरिजनले १७ मिनेट ०८.२ सेकेण्डमा दौड पूरा गर्दै तेस्रो स्थान भए।

यसैगरी, छात्रातर्फ १५ सय मिटर दौडमा दाङकी सुमित्रा चौधरी प्रथम भइन्। उनले दौड ५ मिनेट ३३.०३ सेकेण्डमा दौड पूरा गर्दै उपाधि चुमेकी हुन।

यसैगरी, बर्दियाकी कल्पना थारुले ५ मिनेट ३४.०४ सेकेण्डमा दौड पूरा गरी दोस्र‍ो भइन् भने बाँकेकी कमला जैसीले ५ मिनेट ३९.३ मिनेटमा दौड पूरा गरी तेस्रो स्थान हासिल गरिन्।

प्रदेश ५ प्रहरी तालिम केन्द्रको खेलमैदानमा सोमबार भएको खेलमा प्रदेशका १२ जिल्लाका खेलाडीहरूले भाग लिएका थिए।

यसैगरी पुरुष भलिबलमा रुकुम पूर्व जिल्लाले विजयी सुरूआत गरेको छ। बुटवल मण्डपमा भएको उद्घाटन खेलमा रुकुम पूर्वले अर्घाखाँची जिल्लामाथि २–१ को सेटमा जित निकाल्दै दोस्रो चरणमा प्रवेश गरेको हो ।

यसैगरी, महिला भलिबलतर्फको उद्घाटन खेलमा पाल्पा जिल्लाले गुल्मी जिल्लामाथि २–० को सोझो सेटमा जित निकाल्दै दोस्रो चरणमा प्रवेश गरेको छ। सुरूआतबाट नै खेलमा हाबी देखिएको पाल्पाले २५–१०, २५–११ को अंकले खेलमा जित निकालेको हो।

महिला भलिबलमा पाँच नम्बर प्रदेशका ११ जिल्लाले उपाधिका लागि प्रतिस्पर्धा गर्दैछ।

post image

बैशाख २२, काठमाडौ। तेस्रो प्रधानमन्त्री कप एकदिवसीय क्रिकेट प्रतियोगिता आगामी जेठ १ गतेदेखि हुने भएको छ। आयोजकले आइतवार पत्रकार सम्मेलन गर्दै प्रतियोगिता जेठ १ देखि २४ गतेसम्म हुने घोषणा गरेको हो।

 राष्ट्रिय खेलुकद परिषद्को आयोजना तथा नेपालय इन्टरनेशनलको सहकार्यमा आयोजनामा हुने प्रतियोगितामा तीन विभागीय टोली र सात प्रदेश गरी कूल १० टोलीको सहभागिता हुने प्रतियोगिता कीर्तिपुरस्थित टीयू अन्तर्राष्ट्रिय क्रिकेट मैदानमा हुनेछ।

दश टोलीलाई दुई समूहमा विभाजन गरेको लिगका खेलहरु सञ्चालन गरिनेछ। दुवै समूहको लिग खेलपछि अंकतालिकामा शीर्ष दुई स्थानमा रहने टोलीहरु सेमिफाइनलमा प्रवेश गर्नेछन्।

२३ दिन सञ्चालन हुने प्रतियोगितामा एक दिनमा एउटा मात्र खेल हुनेछ। आयोजक राखेप र इभेन्ट म्यानेजमेन्ट कम्पनी नेपालय इन्टरनेशनलले आइतवार प्रतियोगिता सञ्चालन गर्नेबारे मेरोरन्डन अफ अन्डरस्ट्याण्डिङ (एमओयु) गरेको छ।

खेपका तर्फबाट सदस्यसचिव केशव कुमार विष्ट र नेपालयका अध्यक्ष सुबाश प्रधानले सम्झौता पत्र आदान प्रदान गरे। सम्झौता अनुसार प्रतियोगितामा लाग्ने कूल बजेटको ८० लाख रुपैयाँ राखेपले खर्च गर्नेछ भने बाँकी रकम नेपालय इन्टरनेशनलले आफैँ वा प्रायोजक खोजेर खर्च गर्नेछ।

प्रतियोगिताको कूल बजेट १ करोड ७५ लाख लाग्ने सदस्य सचिव केशव विष्टले जानकारी दिए।सम्झौतापछि नेपालले राखेपले दिने ८० लाख बाहेक ९३ लाख मात्र खर्च गर्न पाउने व्यवस्था रहेको छ।

प्रतियोगिताको विजेताले गनद २० लाख हात पार्नेछन्। यस्तै उपविजेताले १० लाख पाउनेछन्। नेपाली क्रिकेटको ५० ओभरको प्रतियोगिता यो सबैभन्दा ठूलो नगद पुरस्कार राशी हो। यसैगरी प्रतियोगिताको उत्कृष्ट खेलाडीले एक थान मोटरसाइकल प्राप्त गर्ने आयोजकले जनाएको छ। कुन ब्राण्डको मोटरसाइकल दिने भन्ने निर्णय हुन बाँकी छ।

यस्तै उत्कृष्ट ब्याट्सम्यान र बलरले ५०-५० हजार हात पार्नेछन्। यस्तै यस पटक पीएम कपमा थप आकर्षणको रुपमा सिंगल ह्याण्ड क्याच (एक हाते क्याच) पनि रहेको छ। पछिल्ल समय नेपालमा भइरहेको टी २० लिगहरुमा यसको क्रेज बड्दो छ। त्यसैले आयोजकले यसपटक ५० ओभरको क्रिकेटमा पनि यो राखेको छ।

यस्तै मैदान बाहिर बसेर खेल हेर्ने दर्शकललाई पनि विभिन्न सुविधा प्रदान गर्ने प्रधानले बताए।

post image

बैशाख २०,काठमाडौं ।आइसीसी टी २० क्रिकेटमा नेपाल तीन स्थानमा माथि उक्लिएको छ। यसअघि १४ औं स्थानमा रहेको नेपालले दुई देशलाई पछि पार्दै ११ स्थानमा उक्लेको हो।

आइरल्यान्ड र जिम्बाबेलाई पछि पार्दै नेपाल ११ औं स्थानमा उक्लिएको हो। वरीयताको पहिलो नम्बरमा पाकिस्तान, दोस्रोमा दक्षिण अफ्रिका र तेस्रोमा इङल्यान्ड रहेका छन्।

अष्ट्रेलिया चौथो, भारत पाँचौ र न्युजिल्याण्ड छैटौ स्थानमा छन्। अफगानिस्तान सातौ, श्रीलंका आठौ, वेस्ट इण्डिज नवौ र बंगलादेश १० औं स्थानमा रहेका छन्।

नेपालपछि स्कटल्याण्ड १२ औं, जिम्वावे १३ औं नेदरल्याण्ड १४ औं, आयरल्याण्ड १५ औं र युएई १६ औं स्थानमा छन्।

१४ औं वरियतामा रहेको नेपालले गत माघमा युएईसँग भएको ३ खेलको ट्वान्टी ट्वान्टी सिरिज जितेपछि नेपालले ३ स्थान सुधार गर्दै ११ औं स्थानामा पुगेको हो।

युएईविरुद्धको ३ खेलकै एकदिवसिय श्रृङ्खला पनि जितेको नेपाल एक दिवसीय वरीयतामा भने नेपाल १४ औं स्थानमा यथावत छ।

post image

वैशाख १९, काठमाडौं । इन्डियन प्रिमियर लिग (आइपीएल) मा चेन्नाइ सुपर किंग्सले दिल्ली क्यापिटल्समाथि सानदार जीत हासिल गरेको छ। गएरातिको खेलमा चेन्नाइले दिल्लीलाई ८० रनले पराजित ग¥यो। जीतसँगै १३ खेलबाट १८ अंकसहित चेन्नाइ शीर्ष स्थानमा पुगेको छ।

टस हारेर ब्याटिङ गरेको चेन्नाइले खराब सुरुवात गरेको थियो। ओपनर सेन वाट्सनलाई शून्यमा गुमाएको चेन्नाइको इनिङ्स मध्यक्रमका ब्याट्सम्यानले उकासेका थिए। जसका लागि रैना, कप्तान धोनी र रवीन्द्र जडेजाले आक्रमक ब्याटिङ गरे। रैनाले ५९ रन जोड्दा धोनीले नटआउट ४४ तथा जडेजाले १० बलमा २५ रन योगदान गरे।

१८० रनको लक्ष्य पछ्याएको दिल्लीको सुरुवात पनि कमजोर रह्यो। शिखर धवन र कप्तान श्रेयस अय्यर बाहेकका कुनै पनि खेलाडीले दोहोरो अंक छुन सकेनन्। दिल्लीले ४७ रनका लागि ९ विकेट खर्च गर्‍यो। धवनले १९ र अय्यरले ४४ रन जोडे पनि जीतका लागि पर्याप्त भएन। १८० रन पछ्याएको दिल्ली ९९ रनमै अलआउट भयो।

दिल्लीको इनिङ्स धराशायी पार्ने क्रममा चेन्नाइका इमरान ताहिरले चार तथा जडेजाले ३ विकेट लिए।लिग अन्तर्गत अब दुबै टोलीले एक/एक खेल खेल्न बाँकी छ।

post image

वैशाख १५, काठमाडौं ।  बार्सिलोनाले ३ खेल अगावै स्पानिस ला लिगा २०१८-१९ को उपाधि जितेको छ।कप्तान लिओनल मेसीले बेन्चबाट मैदान गएर एक मात्र गोल गरेपछि बार्सिलोनाले लेभान्टेलाई १-० ले पराजित गर्दै उपाधि जितेको हो।

दोस्रो हाफको सुरुमै मैदान प्रवेश गरेका मेसीले ६२औँ अर्टुरो भिदालको पासमा गोल गरेका हुन्। पछिल्लो ११ वर्षमा बार्सिलोनाको यो आठौँ उपाधि हो भने समग्रमा २६औँ उपाधि हो। रियल मड्रिडले ला लिगाको उपाधि सर्वाधिक ३३ पटक जितेको छ।

बार्सिलोनाले लेभान्टेलाई हराउनुअघि दोस्रो स्थानको एट्लेटिको मड्रिडले रियल भाल्लाडोलिडलाई १-० ले पराजित गर्दै बार्सिलोनासँगको दूरी ६ मा झारेको थियो।

यस्तो अवस्थामा बार्सिलोनाले लेभान्टेलाई हराएमा उपाधि जित्ने पक्का थियो र मेसीको एक मात्र गोलमा बार्सिलोनाले लेभान्टेलाई हराएर उपाधि जित्यो।

लिगमा ३५ खेल सकँदा बार्सिलोनाको ८३  अङ्क् छ भने दोस्रो स्थानको एट्लेटिकोको ७४ अंक छ। अक बाँकी रहेको तीन वटै खेल एट्लेटिकोले जितेमा र बार्सिलोनाले बाँकी खेल हारेमा पनि अंक बराबरी नै हुन्छ र यस्तोमा पनि बार्सिलोना गोलअन्तरमा अगाडि नै रहनेछ।

बार्सिलोनाले यही बुधबार च्याम्पियन्स लिग सेमिफाइनलमा इंग्ल्स क्लब लिभरपुलसँग खेल्दैछ र त्यसअघि नै ला लिगाको उपाधि जित्दै च्याम्पियन्स लिगको लागि तयार भएको संकेत दिएको छ।

लेभानेट विरुद्ध गोल गरेपछि मेसीले यस सिजन ला लिगामा गोलसंख्या ३४ पुर्‍याएका छन्। उनी दोस्रो स्थानमा रहेका करिम बेन्जामा र सहकर्मी लुइस सुअरेजभन्दा १२ गोले अगाडि छन्।

यस्तै मेसीले बार्सिलोनाबाट खेल्दै ला लिगाको उपाधि जितेको यो १०औँ पटक हो।

post image

वैशाख १२, काठमाडौं । कतारमा भइरहेको २३औँ एसियन एथलेटिक्स च्याम्पियनसिपमा नेपालका अजित यादवले पाँच हजार मिटरतर्फ उत्कृष्ट प्रदर्शन गरेका छन्। हिजो भएको खेलमा अजितले निर्धारित दूरी १४ मिनेट ३६ सेकेन्डमा पूरा गरे।

यादवको यो पहिलो ठूलो प्रतियोगिता हो।  पाँच हजार मिटरतर्फ नेपालका लागि राजेन्द्र भण्डारीको राष्ट्रिय कीर्तिमान छ। राजेन्द्रले सन् २००४ को एथेन्स ओलम्पिकमा १४ मिनेट चार सेकेन्डको कीर्तिमान बनाएका थिए।

अजितले यसअघि हङकङमा भएको तेस्रो युथ एसियन च्याम्पियनसिपमा गोल्ड मेडल जितेका थिए। सिनियर लेभलमा भने यादवको पहिलो अन्तर्राष्ट्रिय सहभागिता हो।

post image

बैशाख १०,काठमाडौँ । दिल्ली क्यापिटल्स् इन्डियन प्रिमियर लिग (आइपीएल) को शीर्ष स्थानमा उक्लिएको छ। गएरातिको खेलमा राजस्थान रोयल्सलाई पराजित गर्दौ दिल्ली शीर्ष स्थानमा उक्लिएको हो। दोस्रो स्थानमा रहेको चेन्नाइको समान १४ अंक भए पनि रनरेटका आधारमा दिल्ली शीर्ष स्थानमा छ। दिल्लीभन्दा चेन्नाइले एक खेल कम खेलेको छ। दिल्लीले ११ खेलबाट १४ अंक जोडेको छ। चेन्नाइको १० खेलबाट १४ अंक छ।

टस हारेर पहिले ब्याटिङ गरेको राजस्थानले अजिन्क्या राहणेको नटआउट १०५ रनको मद्दतले ६ विकेट गुमाउँदै १९१ रन बनाएको थियो। राजस्थानका लागि कप्तान स्टेभन स्मिथले ५० रनको योगदान दिए। यस्तै स्टुवार्ट बिन्नीले १९ रन जोडे। अन्य कुनै पनि ब्याट्सम्यानले भने दोहोरो अंक छुन सकेनन्।

१९२ रनको लक्ष्य पछ्याएको दिल्लीले उत्कृष्ट सुरुवात गरेको थियो। ओपनरद्वय शिखर धवन र पृथ्वी श’ले क्रमशः ५४ र ४२ रनको योगदान दिए। कप्तान श्रेयस अय्यर चार रनमा आउट हुँदा रिषव पन्तले नटआउट ७८ रनको योगदान दिए। पन्तले ३६ बलमा ४ छक्का र ६ चौका प्रहार गरे।

बलिङतर्फ दिल्लीका कागिसो रबाडाले २ विकेट लिए। यस्तै, राजस्थानका श्रेयस गोपालले पनि २ विकेट लिए।

post image

 वैशाख ८, काठमाडौं । इन्डियन प्रिमियर लिग (आईपीएल) क्रिकेटमा दिल्ली क्यापिटल्सले किंग्स इलाभेन पन्जाबलाई ५ विकेटले हराएको छ ।

टस हारेर ब्याटिङ गरेको पन्जाबले निर्धारित २० ओभरमा ७ विकेटको क्षतिमा १६३ रन बनाएको थियो । जवाफमा दिल्लीले १९.४ ओभरमा ५ विकेटको क्षतिमा १६६ रन बनाउँदै जित हासिल गर्यो । यो जितसँगै दिल्लीले १० खेलबाट १२ अंक बनाएको छ र तालिकाको तेस्रो स्थानमा छ । १० खेलबाट १० अंक बनाएको पन्जाब चौथो स्थानमा छ ।

दिल्लीको तर्फबाट कप्तान श्रेयस अय्यरले सर्वाधिक ५८ रन बनाए । उनी म्यान अफ द म्याच बने । अय्यरले ४५ बलमा जारी सिजनमा दोस्रो अर्धशतक बनाए । आईपीएलमा उनले १२ अर्धशतक बनाएका छन् ।

यसैगरी पृथ्वी शाले ११ बलमा १३ रन बनाए । शिखर धवनले ४१ बलमा ५६, ऋषभ पन्तले ७ बलमा ६ र कोलिन इन्ग्रामले ९ बलमा १९ रन बनाए ।

पन्जाबकोतर्फ हार्डुस विलजोएनले ३९ रन खर्चेर २ विकेट लिए । मोहम्द शमीले एक विकेट लिए ।

यसअघि पहिले ब्याटिङ गरेको पन्जाबका लागि क्रिस गेलले सर्वाधिक ६९ रन बनाए । मन्दिप सिंहले ३० रन योगदान गरे । हरपि्रत बरार १२ बलमा २० रन बनाउँदै अविजित रहे । कप्तान रविचन्द्रन अश्विनले १६ रन बनाए ।

यो म्याचमा दिल्लीबाट खेलिरहेका सन्दीप लामिछाने सबैभन्दा सफल बलर बने । उनले ४० रन खर्चेर ३ विकेट लिए । सन्दीप स्टाइलिस प्लेयर अफ द म्याच बने र एक लाख भारु पुरस्कार पाए ।

फर्ममा रहेका सलामी ब्याट्सम्यान लोकेश राहुललाई केबल १२ रनमा आउट गरेर सन्दीपले पन्जाबलाई पहिलो झट्का दिएका थिए । त्यतिबेला पन्जाबको स्कोर १३ रन थियो । त्यसपछि सन्दीपले क्रिस गेल र सेम कुरेनलाई पनि आउट गरे ।

उनका साथै कगिसो रबाडा र अक्षर पटेलले २-२ विकेट लिए ।

post image

वैशाख ४, काठमाडौँ । फिफा वर्ल्ड कप २०२२ र एएफसी एसियन कप २०२३ को लागि संयुक्त छनोटको रुपमा रहेको पहिलो चरणको एसियाली छनोटको ड्र सार्वजनिक भएको छ।  मलेसियाको क्वालालम्पुरमा बुधवार भएको ड्र अनुसार एसियाली क्षेत्रमा ३५ देखि ४६औँ वरीयतासम्म रहेका १२ राष्ट्रलाई समावेश गरिएको थियो।

एसियामा ३४औँ वरीयतामा रहेको नेपालले भने पहिलो चरणको छनोट खेल्नुपर्ने छैन। नेपालले यसपटक सिधै दोस्रो चरणको छनोट खेल्न पाउनेछ।

होम एण्ड अवेका आधारमा दुई लेगको खेलपछि पहिलो चरणबाट ६ टिम दोस्रो चरणको लागि छनोट हुनेछ। दोस्रो चरणमा १ देखनि ३४ओ वरीयतासम्म रहेका र पहिलो चरण पार गरेका ६ गरी ४० टोलीलाई ८ समूहमा विभाजन गरेर खेलाइन्छ।

पहिलो चरण छनोटमा खेलहरु जुन ६ र ११ मा हुनेछ। पहिलो चरणमा मंगोलियाले ब्रुनाई, मकाउले श्रीलंका र लाओसले बंगलादेशसँग खेल्नेछ। यस्तै मलेसियाले टिमोर लेस्टे, कम्बोडियाले पाकिस्तान र भुटानले गुआमसँग खेल्नेछ।

दक्षिण एसियाबाट नेपालसहित भारत र माल्दिभ्सले सिधै दोस्रो चरणको छनोट खेल्नेछन्।

post image

वैशाख ३, काठमाडौँ । आइसीसी यू-१९ विश्वकप छनोटमा नेपालले ओमानलाई फराकिलो रन अन्तरले पराजित गरेको छ। नेपालले दिएको २३० रनको लक्ष्य पछ्याउने क्रममा ओमान ७९ रनमा अलआउट भयो। ४४ ओभरसम्म क्रिजमा टिकेपनि नेपाली बलरहरुको कसिलो बलिङ सामु खुलेर खेल्न नसक्दा ओमानले धेरै रन बनाउन सकेन र ४४.१ ओभरमा अलआउट भयो।

ओमानका ९ खेलाडीले दोहोरो अंक छुन सकेनन्। ओमानका लागि अमनप्रित सिरहले १३ र जिन तन्नाले १३ रनमा नटआउट रहे।

नेपालको लागि पवन सर्राफले १० ओभरमा २ ओभर मेडन राख्दै २४ रन खर्चेर ३ विकेट लिए। सूर्य तामाङले ९ ओभरमा ४ ओभर मेडन राख्दै ११ रन खर्चेर २ विकेट लिए। प्रतीष जिसीले ७.१ ओभरमा १३ रन खर्चेर २ विकेट लिए।

यस्तै कुशल मल्लले १० ओभरमा २ ओभर मेडन राख्दै १२ रन खर्चेर १ विकेट लिए। ३६औँ ओभरमा बलिङ सुरु गरेका कमल सिंह ऐरीले ३ ओर बलिङ गर्दा ३ ओभर नै मेडन राखेर १ विकेट लिए।

त्यसअघि सेलेङ्गार टर्फ क्लबमा टस हारेर पहिले ब्याटिङ गरेको नेपालले कप्तान रोहित पौडेलको अर्धशतक (७५ रन) र प्रतीष जिसीको विष्फोटक ब्याटिङको मद्दतमा २२९ रन बनाएको थियो।

रोहित, प्रतीषले उत्कृष्ट ब्याटिङ गरेपनि अन्य खेलाडीले राम्रो ब्याटिङ गर्न नसक्दा नेपाल ४३.२ ओभरमै अलआउट भएको थियो।

नेपालको लागि कप्तान रोहितले ८१ बल खेल्दै ५ चौका र २ छक्काको मद्दतमा सर्वाधिक ७५ रन बनाए। दशौँ नम्बरमा ब्याटिङ गरेका प्रतीषले ४१ रन योगदान गरे। भिम शार्कीले ३९ रन जोडे।

८१ रनमा ५ विकेट गुमेको अवस्थामा रोहितले भीम सार्कीसँग मिलेर छैटौँ विकेटका लागि ९२ रनको साझेदारी गरे। भीमले ४३ बल खेल्दै २ चौका र १ छक्काको मद्दतमा ३९ रन बनाएका हुन्। रोहित र भिमको विकेट गएपछि क्रिजमा पुगेका कुशल मल्ल (२) र कमल सिंह ऐरी (१) पनि लगत्तै आउट भए।

१७८ रन हुँदा ९ विकेट गुमाएको नेपालको स्कोर उकास्ने क्रममा दशौँ नम्बरमा ब्याटिङ गरेका प्रतीषले ४१ रनको महत्वपूर्ण पारी खेले। उनले विष्फोटक ब्याटिङ गर्दै २३ बलमा २ चौका र ४ छक्का प्रहार गरे। दशौँ विकेटका लागि प्रतीषले सूर्य तामाङसँग नटआउट ५१ रनको साझेदारी गरे। सूर्य ७ रनमा नटआउट रहे।

ओमानका लागि मुजाहिर राजा, सन्जय रवीन्द्र, अजम अली र जिल तन्नाले २-२ विकेट लिए।

युएईको लगातार चौथो जित

आजै भएको अर्को खेलमा युएईले सिंगापुरलाई ९ विकेटले पराजित गर्दै लगातार चौथो जित हात पारेको छ। सिंगापुरले दिएको १३५ रनको लक्ष्य युएईले २६.२ ओभरमा मात्र १ विकेट गुमाएर पूरा गरेको हो। युएईका लागि कप्तान आर्यन लाक्राले नटआउट ५६ रन बनाए। यस्तै सायद हैदरले ३३ रन बनाए भने भि अरविन्दले नटआउट ३६ रन जोडे।

त्यसअघि बायुमास ओभरमा टस हारेर पहिले ब्याटिङ गरेको सिंगापुरले ५० ओभरमा सबै विकेट गुमाएर १३४ रन बनाएको थियो। सिंगापुरका लागि राओउल शर्माले सर्वाधिक ४१ रन बनाए। उनी रिटायर्ड हर्ट भएका थिए। सिंगापुरलाई कम स्कोरमा रोक्न युएईका महुम्मद फाराजुद्दिनले १० ओभरमा ३ मेडन राख्दै ११ रन खर्चेर ३ विकेट लिए। यस्तै कप्तान आर्यन लाक्राले २ विकेट लिए।

छनोटमा अपराजित रहने एक मात्र टोली युएईले ४ खेलबाट ८ अंक जोडेको छ र अर्को वर्ष विश्वकप खेल्ने सम्भावना बलियो बनाएको छ। युएईले अब अन्तिम लिग खेलमा ओमानसँग खेल्नेछ।

post image

वैशाख ३, काठमाडौँ । आगामी मे जुन जुलाईमा इंग्ल्याण्ड र वेल्समा हुने एकदिवसीय विश्वकपका लागि बंगलादेशको टोली घोषणा भएको छ। मोसरफ मोर्ताजाको कप्तानीमा मंगलबार बंगलादेशको १५ सदस्यीय टोली सार्वजनिक भएको हो।

बंगलादेशी टोली:

मोसरफ मोर्ताजा(कप्तान), तमिम इकवाल, लिटन दास (विकेटकिपर), सौम्य सरकार, मुस्फिकर रहिम (विकेटकिपर), महमुदुल्लाह, शकिब अल हशन, मोहमद मिथुन, सविर रहमान, मोसादेक होसेन, मोहमद सैफुद्दिन, मेहदी हसन, रुबेल हुसेन, मुस्ताफिजुर रहमान, अबु जायद

विश्वकप खेल्ने टोली घोषणा गर्ने बंगलादेश चौथो राष्ट्र बनेको छ। यसअघि न्यूजिल्याण्ड, अष्ट्रेलिया र भारतले टोली घोषणा गरिसकेका छन्।

३० मे देखि जुलाई १४ सम्म हुने विश्वकपका लागि न्यूजिल्याण्डले यसअघि नै केन विलियमसनको कप्तानीमा १५ सदस्यीय टोली घोषणा गरिसकेको छ।

१२औँ संस्करणको विश्वकपमा आइसीसीको १० फूल मेम्बर सदस्य राष्ट्रले प्रतिस्पर्धा गर्दैछन्। सिंगल राउण्ड रोविन लिगका आधारमा हुने प्रतियोगितामा लिग चरणमा कूल ४५ खेल हुनेछन्। त्यसपछि दुई सेमिफाइनल र एक फाइनल हुनेछ।

लिग चरणमा अंकतालिकामा पहिलो र चौथो हुनेबीच पहिलो सेमिफाइनल हुनेछ र दोस्रो र तेस्रो हुनेबीच दोस्रो सेमिफाइनल हुनेछ।

post image

चैत २९, काठमाडौं । एसियन १९ वर्ष मुनिको विश्वकप छनोटमा नेपालले सिंगापुरलाई फराकिलो अन्तरले पराजित गरेको छ । सिंगापुरमाथि नेपाल २ सय १७ रनले विजयी हासिल गरेको हो ।

यु –१९ विश्वकपको छनोटका लागि नेपालले सुःखद सुरुवात गरेको छ । टस हारेर पहिले ब्याटिङ गरेको नेपालले निर्धारित ५० ओभरको खेलमा ४६ ओभरमा सम्पूर्ण विकेट गुमाएर २८२ रन बनाएको थियो ।

नेपालका लागि कप्तान रोहित पौडेलले ९५ रन बनाएका थिए । पाँच रनले सतकबाट चुकेका पौडेलले १ सय ५ बलमा १ छक्का र ७ चौका प्रहार गरेका थिए ।  त्यसैगरि पवन शर्राफले ४७ रन बनाएका थिए भने रसिद खानले ४८ रनको योगदान गरेका थिए । कमल सिंह ऐरीले ३२ र भीम सार्कीले २६ रन बनाएका थिए । सिंगापुरका अथर्व गुनेले ४ विकेट लिएका थिए ।

जवाफमा ब्याटिङ उत्रिएको सिंगापुर ६५ रनमा समेटिएको थियो । ३१ ओभर खेलेको सिंगापुरलाई सस्तेमा आउट गर्ने क्रममा नेपालका पवन शर्राफले ३ विकेट लिएका थिए । त्यसैगरि कुशल मल्ल र सुर्य तामाङले २–२ विकेट हात पारेका थिए । सिंगापुरको लागि अथर्भ गुनेले ४ विकेट लिए । यस्तै राउल शर्मा र भिनित मेहताले समान २–२ विकेट लिए ।

post image

चैत २८, काठमाडौं । मुम्बई इन्डियन्सले आइपीएल २०१९ मा किंग्स एलेभेन पञ्जावमाथि शानदार जित हात पारेको छ। पञ्जावका लोकेश राहुलले बनाएको शतकलाई छायाँमा पार्दै कार्यवाहक कप्तान किरण पोलार्डले विष्फोटक ब्याटिङ गर्दै ८३ रनबनाए। नियमित कप्तान रोहित शर्मा चोटका कारण पहिलो रोजाईमा नपरेपछि पोलार्डले मुम्बईको कप्तानी गरेका थिए। र वेष्ट इन्डियन यी खेलाडीले कप्तानी इनिङ्स खेल्दै मुम्बईलाई घरेलु मैदानमा जित दिलाए।

अर्का वेष्ट इन्डिय अल्जारी जोसेफले अन्तिम बलमा दुई रन बनाएपछि मुम्बईले १९७ रनको लक्ष्य ७ विकेट गुमाएर पूरा गरेको हो।जोसेफले १३ बल खेल्दै २ चौकाको मद्दतमा नटआउट १५ रन योगदान गरे।  यस्तै क्वेन्टन डे ककले २४, सूर्य कुमार यादवले २१, हार्दक पाण्ड्याले १९ र डेब्यु ब्वाए ए लाडले १५ रन जोडे।

बलिङमा पञ्जावका मोहम्मद शामीले ४ ओभरमा २१ रन खर्चेर ३ विकेट लिए।त्यसअघि मुम्बई वाङ्खडे स्टेडियममा टस हारेर पहिले ब्याटिङ गरेको पञ्जावले ओपनर राहुलको अर्धशतक मद्दतमा निर्धारित २० ओभरमा ४ विकेट गुमाएर १९७ रन बनाएको थियो।

राहुलले ६४ बल खेल्दै ६ चौका र ६ छक्काको मद्दतमा नटआउट १०० रन बनाए। राहुल र क्रिस गेलले पहिलो विकेटका लागि ११६ रनको साझेदारी गर्दै पञ्जावलाई राम्रो सुरुवात दिलाएका थिए। गेलले ३६ बल खेल्दै ३ चौका र ७ छक्काको मद्दतमा ६७ रन बनाए।

मुम्बईका हार्दिक पाण्ड्याले २ विकेट लिए। मुम्बईका बलरमध्ये सबैभन्दा महँगा पनि हार्दिक नै बने। उनले ४ ओभरमा ४ चौका र ४ छक्का सहित ५७ रन खर्चिए।

यस सिजन चौथो जितपछि ६ खेलबाट ८ अंक जोडेको मुम्बई पञ्जावलाई रनरेटमा पछि पार्दै अंकतालिकामा तेस्रो स्थानमा उक्लेको छ। समान अंक रहेको कोलकता नाइट राइडर्स भने  रनरेटमा मुम्बईभन्दा अघि छ।

post image

चैत २७, काठमाडौं । कोलकता नाइट राइडर्सलाई पराजित गर्दै चेन्नाई सुपर किंग्स आइपीएल २०१९ को शीर्ष स्थानमा उक्लेको छ। मंगलवार भएको खेलमा चेन्नाईले कोलकतालाई ७ विकेटले पराजित गरेको हो।

घरेलु मैदानमा चेन्नाईले १०९ रनको लक्ष्य १७.२ ओभरमा ३ विकेट गुमाएर पूरा गरेको हो। जितपछि ६ खेलबाट १० अंक जोड्दै चेन्नाई कोलकतालाई पछि पार्दै शीर्ष स्थानमा उक्लेको छ। चेन्नाई समान खेल खेलेको कोलकता भने सिजनको दोस्रो हारपछि ८ अंकका साथ दोस्रो स्थानमा छ।

टस हारेर पहिले ब्याटिङ गरेको कोलकताको ब्याटिङ चेन्नाईको बलिङ सामु धरासयी बनेको थियो। तर सातौँ नम्बरमा ब्याटिङ गरेका आन्द्रे रसेलले अर्धशतक बनाएपछि टस हारेर पहिले ब्याटिङ गरेको कोलकताले ९ विकेट गुमाएर १०८ रन बनाएको थियो।

रसेलले ४४ बल खेल्दै ५ चौका र ३ छक्काको मद्दतमा नटआउट ५० रन बनाए। कप्तान दिनेश कार्तिकले १९ र रोविन उथाप्पाले ११ रन जोडे। बाँकी खेलाडीले दोहोरो अंक छुन सकेनन्।

कोलकताका चार खेलाडी शुन्यमा आउट भएका थिए। चेन्नाईका लागि दिपक चाहरले ३ तथा हरभजन सिंह र इमरान ताहिरले २-२ विकेट लिए। चार ओभर बलिङ गर्दा चाहरले २०, सिंहले १५ र ताहिरले २१ रन खर्चे।

चेन्नाईलाई यस सिजन पाँचौ जित दिलाउने क्रममा फाप डु प्लेसिसले नटआउट ४३ रन बनाए। उनले ४५ बल खेल्दै ३ चौका प्रहार गरे। यस्तै अम्बाटी राएडुले २१, सेन वाट्सनले १७ र सुरेश रैनाले १४ रन योगदान गरे।

कोलकताका लागि सुनिल नारिनले ३.२ ओभरमा २४ रन खर्चेर २ विकेट लिए।

post image

 चैत २६, काठमाडौं । ओलम्पिक खेलकुदको महिला फुटबलअन्तर्गत एसिया क्षेत्र छनोटको दोस्रो चरणमा नेपालले इन्डोनेसियालाई २-१ ले हराएको छ । नेपालका लागि दुवै गोल सावित्रा भण्डारीले गरिन् ।

पहिलो दुई खेल हारेर बाहिरीसकेको नेपालका लागि अन्तिम खेल भने सुखद रहृयो । मंगलबारको खेलमा आठौँ मिनेटमा रेड कार्ड खाँदै १० खेलाडीमा सीमित भएको इन्डोनेसियलाई ३७ औँ मिनेटमा नेपालले गोल हानेको थियो ।

सावित्रा भण्डारीको गोलले पहिलो हाफमा अग्रता बनाएको नेपालविरुद्ध दोस्रो हाफको सुरुवातमा नै इन्डोनेसियाले गोल फर्काएको थियो । तर अन्तिम समयमा पाएको पि|mकिकमा गोल गर्दै सावित्राले नेपाललाई सान्त्वना जित दिलाइन् ।

इन्डोनेसियासँगको खेलमा प्रशिक्षक हरि खड्काले तीन खेलाडी परिवर्तन गरेका थिए । गोलरक्षक एन्जिला तुम्बापो सुब्बाको स्थानमा अन्जना राना मगर साथै डिफेन्डर मनमाया लिम्बुको स्थानमा अमृता जैसी र हिरा भुजेलको स्थानमा कविता धिमाले सुरुवाती ११ मा थिए ।

फिफा वरियतामा १७ स्थान माथि रहेको इन्डोनेसियाविरुद्ध खेलमा दबाव बनाएको नेपालले केही गोलका अवसर भने खेर फाल्यो । फिफा वरियतामा नेपाल १०३ औँ स्थानमा छ भने इन्डोनेसिया ८६ औँ स्थानमा छ ।

पहिलो खेलमा म्यानमारसँग ३-१ र दोस्रो खेलमा भारतसँग पनि ३-१ गोल अन्तरले नै हारेर नेपाल अन्तिम खेलअघि नै छनोटबाट बाहिरिसकेको थियो । यस्तै अन्तिम खेल अगावै बाहिरिएको इन्डोनेसिया पनि पहिलो खेलमा भारतसँग २-० र दोस्रो खेलमा म्यानमारसँग ६-० ले हारेको थियो ।

ओलम्पिक खेलकुदको महिला फुटबलअन्तर्गत एसिया क्षेत्र छनोटको पहिलो चरणमा समूह सी मा रहेको नेपाल तेस्रो भएको थियो । त्यसबेला भारत, म्यानमार र बंगलादेश तीन टिमसँग नेपालले १-१ को बराबरी खेलेको थियो । समूहको तेस्रो स्थानमा रहेपनि सबै समूहबाट उत्कृष्ट तेस्रो हुँदै दोस्रो चरणमा पुगेको थियो ।

post image

 चैत २६, काठमाडौं । वेस्ट इण्डिजका पूर्वराष्ट्रिय ब्याटसम्यान शिवनारायण चन्द्रपालले टी-२० क्रिकेटमा दोहोरो शतक हान्दै नयाँ कीर्तिमान बनाएका छन्।

उनले इण्डिजको एक घरेलु प्रतिष्पर्धामा यो कीर्तिमान कायम गरेका हुन्। अन्तर्राष्ट्रिय क्रिकेटबाट सन्यास लिइसकेका ४४ वर्षे चन्द्रपालले मात्र ७६ बलमा दोहोरो शतक बनाएका हुन्।

यसक्रममा उनले २५ चौका  र १३ छक्का प्रहार गर्दै २१० रन बनाएका थिए। उनले डायन स्मिथसँग पारीको सुरूवात गरेका थिए। स्मीथले पनि २९ बलमा ५४ रनको पारी खेले। यस क्रममा उनले ८ चौका र २ छक्का प्रहार गरे।

अप्रिल २ मा खेलिएको यस म्याचमा चन्द्रपालको टोली १९२ रनले विजयी भएको थियो। उनको टोलीले कुल ३०३ रन बनाएको थियो।

उनले दोहोरो शतक प्रहार गरे पनि यो घरेलु प्रतिष्पर्धा भएकाले  क्रिकेटको रेकर्डमा भने औपचारिक रूपमा अंकित भने हुनेछैन। उनले ३ वर्ष पहिले अन्तराष्ट्रिय क्रिकेटबाट सन्यासको घोषणा गरेका थिए।

post image

चैत २४, काठमाडौं ।  नेपाली राष्ट्रिय टोलीका लेग स्पिनर सन्दीप लामिछाने आवद्ध रहेको दिल्ली क्यापिटल्सले इन्डियन प्रिमियर लिग (आइपीएल) क्रिकेटमा आज रोयल च्यालेन्जर्स बैंगलोरसँग खेल्दैछ ।

बैंगलोरको घरेलु मैदानमा हुने खेल नेपाली समय अनुसार मध्यान्ह ४ः१५ मा सुरु हुनेछ । यसअघिका चार खेलमध्ये दुई खेलमा जित निकालेको दिल्ली आजको खेलमा जित निकाल्दै अंक तालिकामा आफूलाई बलियो बनाउने योजनामा रहेको छ  । यता लगातार हार ब्यहारेको बैंगलोर भने आजको खेलमा जित निकाल्दै आफ्नो खाता खोल्ने लक्ष्यमा छ ।

पछिल्लो ३ खेलमा उत्कृष्ट बलिङ गरेका सन्दीपले ४ विकेट लिएका छन् । त्यसैले दिल्लीले बैंगलोरविरुद्धको खेलमा सन्दीपलाई खेलाउने सम्भावना धेरै छ । दिल्लीको सुरुवाती दुई खेलमा सन्दीपलाई खेलाएको थिएन ।

यस्तै आइतबार नै हुने अर्काे खेलमा राजस्थान रोयल्सले कोलकत्ता नाइट राइडर्ससँग प्रतिस्पर्धा गर्दै छ । दुई टोलीबीचको खेल नेपाली समय अनुसार राति ८ः१५ मा सुरु हुनेछ ।

post image

 चैत २४, काठमाडौं । गाब्रिएल जेससले गरेको एक मात्र गोल निर्णायक बन्दा म्यानचेष्टर सिटी एफए कपको फाइनलमा प्रवेश गरेको छ। शनिबार भएको पहिलो सेमिफाइनलमा सिटीले ब्राइटनलाई १-० ले पराजित गरेको हो।

सिटीका लागि जेससले खेलको चौथो मिनेटमै गोल गर्द अग्रता दिलाएका थिए। त्यसपछि खेलमा कुनै गोल नहुँदा जेससको गोल नै निर्णायक बन्यो।

सिटीले अब फाइनलमा वाटफोर्ड र वल्भ्सबीचको विजेतासँग उपाधिका लागि खेल्नेछ।

post image

चैत २२, काठमाडौं । धुर्मुस सुन्तली फाउन्डेसनले चितवनको भरतपुरमा निर्माण गर्न लागेको ‘गौतम बुद्ध अन्तर्राष्ट्रिय विमानस्थलको सहयोगार्थ भोलि मातृभूमि कप क्रिकेट प्रतियोगिता आयोजना हुँदैछ । प्रतियोगितामा कलाकारहरुको दुई टोलीले मनोरञ्जनात्मक र राष्ट्रिय क्रिकेटरको दुई टोलीले प्रतिस्पर्धात्मक क्रिकेट खेल्नेछन् ।

भोलि दिउँसो १० बजे त्रिवि क्रिकेट मैदानमा हुने खेलका लागि टिकटदर १ हजार र तीन सय रुपैयाँ तोकिएको छ । खेलको टिकट इसेवामार्फत पनि काट्न सकिने छ । साथै रंगशाला निर्माणको सहयोगार्थ स्वेच्छाले थप रकम दिन पनि सकिनेछ ।

क्रिकेटर र कलाकारहरुलाई ‘ए’ र ‘बी टोलीमा विभाजन गरेर खेलाइने छ । क्रिकेटरको ‘ए’ टिमको नेतृत्व पारस खड्काले र ‘बी’ टिमको नेतृत्व ज्ञानेन्द्र मल्लले गर्नेछन् । यस्तै कलाकारको ‘ए’ टिमको नेतृत्व मदनकृष्ण श्रेष्ठले र ‘बी’ टिमको नेतृत्व हरिवंश आचार्यले गर्नेछन् । क्रिकेटरबीचको खेल अगाडि कलाकारबीचको खेल आयोजना हुने बताइएको छ ।

अहिले अभ्यासका लागि सुनिल थापा, बद्री पंगेनी, सरोज खनाल, दयाहाङ राई, निश्चल बस्नेत, सुरजसिंह ठकुरी, सलिनमान बनिया लगायत कलाकारहरु दैनिक किर्तिपुर मैदानमा धाइरहेका छन् । आज कलाकारको समुह विभाजन गरिएको छ ।

ए टिममा मदनकृष्ण सहित सुनील थापा, कमल मैनाली, बद्री पंगेनी, श्याम पुरी, कुमार कट्टेल, कर्म शाक्य, सन्दीप क्षेत्री, हेमराज बिसी, घनश्याम गौतम निराजन प्रधान, सन्तोष लामा, अनमोल गुरुङ, राजु ढकाल, दिपक ढकाल र दिलिप ओखेडा रहेका छन् ।

यस्तै, समूह बीमा हरिवंशसहित निर शाह, सरोज खनाल, निश्चल बस्नेत, दयाहाङ राई, बीरेन्द्र हमाल, हेमन्त राना, पल शाह, सलिनमान बनिया, हेमन्त शर्मा, अनुराग कुँवर, शंकर केसी, कृष्ण काफ्ले, अर्जुन घिमिरे, राजा राजेन्द्र पोखरेल र माओत्से गुरुङ रहेका छन् ।

क्रिकेटरको भने टोली विभाजन यसअघि नै भइसकेको छ । नेपाल ‘ए’ मा पारससहित शरद भेषावकर, अनिलकुमार शाह, ललितनारायण राजवंशी, सोमपाल कामी, अविनाश बोहरा, सन्दीप जोरा, रोहितकुमार पौडेल, सुनील धमला, कमलसिंह ऐरी, आरिफ शेख र भुवन कार्की छन् । नेपाल ‘बी’ मा कप्तान ज्ञानेन्द्रसहित विनोद भण्डारी, दीपेन्द्रसिंह ऐरी, वसन्त रेग्मी, करण केसी, ललितसिंह भण्डारी, भीम सार्की, पवन सर्राफ, विक्रम सोब, सुसन भारी, दिलीप नाथ र प्रदीप ऐरी छन् ।

भोलिको खेलबाट उठेको रकमको १५ प्रतिशत हिस्सा बाराका हुरी पिडितहरुलाई छुट्याउने फाउन्डेसनले घोषणा गरिसकेको छ ।

post image

 चैत २२, काठमाडौं । आंइपीएल २०१९ अन्तर्गत दिल्ली क्यापिटल्सले तेस्रो हार बेहोरेको छ। बिहीबार घरेलु मैदानमा भएको खेलमा दिल्ली सनराइजर्स हैदरावादसँग ५ विकेटले पराजित भएको हो।

लगातार तेस्रो जितपछि हैदरावाद अंकतालिकामा पहिलो स्थानमा उक्लेको छ। पहिलो खेलमा कोलकता नाइट राइडर्ससँग पराजित भएको हैदरावादले त्यसयता राजस्थान रोएल्स, रोएल च्यालेन्जर्स बैँगलोर र दिल्लीलाई पराजित गरेको हो।

चार खेलपछि पञ्जाव र चेन्नाई समान ६ अंक जोडेको हैदरावादले रनरेटमा दुई टिमलाई पछि पारेको हो।

घरेलु मैदान फिरोज शाह कोत्ला मैदानमा टस हारेर पहिले ब्याटिङ गरेको दिल्लीले निर्धारित २० ओभरमा ८ विकेट गुमाएर १२९ रन बनाएको थियो। दिल्लीका लागि कप्तान श्रेयास अयेरले सर्वाधिक ४३ रन बनाए भने अक्सर पटेलले १३ बल खेल्दै १ चौका र २ छक्काको मद्दतमा नटआउट २३ रन बनाए। हैदरावादका भुवनेश्वर कुमार, मोहम्मद नावी र सिद्दार्थ कउलले २-२ विकेट लिए।

जवाफमा १३० रनको लक्ष्य हैदरवादले १८.३ ओभरमा ५ विकेट गुमाएर पुरा गर्‍यो। हैदावारदका लागि ओपनर डेविड वार्नर र जोनी बेर्स्टोवले पहिलो विकेटका लागि ६४ रनको साझेदारी गर्दै गितलो सुरुवात दिलाएका थिए।

बेर्स्टोवले सर्वाधिक ४७ रन बनाए। विजय शंकरले १६ तथा वार्नर मनिस पाण्डे र दिपक हुडढाले समान १० रन बनाए। मोहम्मद नावीले नटआउट १७ रन योगदान गरे।

दिल्लीको लागि पहिलो ओभर नै बलिङ गरेका नेपाली लेगस्पिनर सन्दीप लामिछानेले ४ ओभरमा ३२ रन खर्चेर १ विकेट लिए। उनले विकेट लिन अन्तिम बलसम्म कुर्नुपरेको थियो। दिल्लीका लागि किफायती बलिङ गरेका राहुल तेवाटियाले ३ ओभरमा १० रन खर्चेर १ विकेट लिए।

यस सिजन पाँच खेल खेलिसकेको दिल्लीले २ जित र तीन हारको नतिजापछि ४ अंक जोडेको छ र अंक तालिकामा पाँचौ स्थानमा छ। समान अंक भएको रनरेटको आधारमा कोलकता नाइट राइडर्स चौथो र मुम्बई इन्डियन्स छैटौँ स्थानमा छ। कोलकताले ३ र मुम्बईले ४ खेल हारेको छ।

 

post image

 चैत २१, काठमाडौं । इन्डियन प्रिमियर लिग (आईपीएल) क्रिकेटमा सन्दीप लामिछाने संलग्न रहेको दिल्ली क्यापिटल्सले बिहीबार राति (आज) सनराइजर्स हैदरावादसँग प्रतिस्पर्धा गर्दैछ ।

फिरोज शाह कोट्ला रंगशालामा नेपाली समयअनुसार ८ बजेर १५ मिनेटमा दिल्लीले आफ्नै मैदानमा हैदरावादसँग प्रतिस्पर्धा गर्न लागेको हो ।

हैदरावादलाई पराजित गरे दिल्ली लिगको शीर्ष स्थानमा उक्लिनेछ । दिल्लीले चारखेलबाट दुई खेलमा हार र दुई खेलमा जित हा पार्दै चार अंक बटुलेर लिगको अहिले पाँचौ स्थानमा छ । यता, हैदरावाद भने लिगको तेस्रो स्थानमा छ । हैदरावादले पनि दिल्लीलाई पराजित गरे शीर्ष स्थानमा उक्लिने छ ।

हैदरावाद र दिल्ली प्रतिस्पर्धा गर्दै गर्दा यहाँ चर्चित दुई खेलाडीको जम्काभेट हुने छन् । जहाँ नेपालका उदाउँदा तारा सन्दीप लामिछाने र आईसीसी विश्व वरियताका नम्बर एक बलर अफगानिस्तानका रसिद खानबीच भेट हुनेछ ।

जारी प्रतियोगितालाई नियाल्ने हो भने रसिद भन्दा पनि सन्दीप अब्बल देखिएका छन् । यो तथ्य यही आईपीएलले देखाउँछ । जारी आईपीएलमा सन्दीपले दुई खेलबाट तीन विकेट लिएका छन् ।

यता, रसिद भने गएको सिजनमा जस्तो चल्न सकेका छैनन् । आफ्नो टिमले खेलेको तीनै खेलमा मुख्य सदस्य रहेका रसिदले तीन खेलबाट दुई विकेट लिएका छन् ।

आईपीएलको वेबसाइटको दिल्ली र हैदरावादको प्लेइङ इलाभेन

दिल्ली :

पृथ्वी शाव, शिखर धवन, श्रेयस ऐयर (कप्तान), रिशव पन्त, कोलिन इन्ग्राम, क्रिस मोरिस, हनुमा विहारी, हर्षल पटेल, कागिसो रबडा, अभेष खान र सन्दीप लामिछाने ।

हैदरावाद :

डेभिड वार्नर, जोनी ब्रेस्ट्ओ, विजय शंकर, मनिष पाण्डे, युसुफ पठान, मोहम्मद नावी, दिपक होडा, राशिद खान, भुवनेश्वर कुमार, सिद्धार्थ काउल र सन्दीप शर्मा ।

post image

चैत २१, काठमाडौं ।  मुम्बई इन्डियन्ले आइपीएल २०१९ मा बुधवार चेन्नाई सुपर किंग्सलाई ३७ रनले पराजित गरेको छ। यस हारपछि चेन्नाईको विजयात्रामा ब्रेक लागेको छ। यस सिजन आइपीएलमा अब कुनै पनि टिम अपराजित छैनन्। उता मुम्बईले भने दोस्रो जित हात पारेको हो।

टस हारेर पहिले ब्याटिङ गरेको मुम्बईले निर्धारित २० ओभरमा ५ विकेट गुमाएर ७० रन बनाएको थियो। सूर्य कुमार यादवले अर्धशतक बनाएको इनिङ्समा क्रुनल पाण्डया, हार्दिक पाण्ड्या र काएरन पोलार्डले अन्तिममा आक्रमक ब्याटिङ गरेका थिए।

यादवले ४३ बल खेल्दै ८ चौका र १ छक्काको मद्दतमा ५९ रन बनाए। क्रुनलले ३२ बल खेल्दै ५ चौका र १ छक्काको म द्दतमा ४२ रन जोडे। मुम्बईले अन्तिम ४ ओभरमा ६७ रन जोड्दा हार्दिक र पोलार्डले विष्फोटक ब्याटिङ गरे। यो जोडीले अन्तिम २ ओभरमा ४५ रन जोडे। हार्दिकले ८ बल खेल्दै १ चौका र ३ छक्काको मद्दतमा नटआउट २५ रन बनाए। पोलार्डले ७ बलमा २ छक्का प्रहार गर्दै नटआउट १७ रन जोडे।

१७१ रनको लक्ष्य पछ्याएको साविक विजेता चेन्नाईले निर्धारित २० ओभरमा ८ विकेट गुमाएर १३३ रन मात्र बनाउन सक्यो। केदार जादवले अर्धशतक बनाएपनि अन्य खेलाडीले राम्रो प्रदर्शन गर्न सकेनन्। जावदले ५४ बल खेल्दै ८ चौका र १ छक्काको मद्दतमा ५८ रन बनाए। सुरेश रैनाले १६ रन जोडे।

बलिङमा मुम्बईका हार्दिकले ४ ओभरमा २० रन खर्चेर ३ विकेट लिए। लथिस मालिंगाले ४ ओभरमा ३४ रन खर्चेर ३ विकेट नै लिए। यस्तै आइपीएलमा यसै खेलबाट डेब्यु गरेका अष्ट्रेलियन खेलाडी जासोन बेहरोनडर्फले ४ ओभरमा २२ रन खर्चेर २ विकेट लिए।

post image

चैत १७, काठमाडौं ।  नेपाली महिला क्रिकेटको इतिहासमा टि २० क्रिकेटको लागि पहिलोपटक अक्सन भएको छ। एनसीएल स्पोर्ट्सले आयोजना गर्न लागेको वुमन्स टी २० क्रिकेट लिगको अक्सन आइतबार काठमाडौंको गैरीधारास्थित एलिस रिसेप्सनमा भएको हो।

अक्सनमा ८० खेलाडी सहभागी थिए। जसमध्ये ४ टिमले ५२ खेलाडी बोलकबोलमार्फत आफ्नो टिममा लिए। तीमध्ये १० खेलाडी सबैभन्दा महँगा मुल्यमा बिके। रुबिना क्षेत्री मार्की प्लेयर रहेको भैरहवा क्वीन्सले सोन खड्का, इन्दु बर्मा र बिन्दु रावललाई अधिकतम मुल्य ७५ हजारमा आफ्नो टिममा पारे।

यस्तै नेरी थापा मार्की प्लेयर रहेको काठमाडौं सुपर च्याम्पियन्स्ले ममता चौधरी, सरिता मगर र रोमा थापालाई ७५ हजारमै आफ्नो टिममा लिए। यसैगरी विराटनगर रोअरिङ लायोनेसले काजोल श्रेष्ठ, अप्सरी बेगमलाई ७५ हजारमै अनुधबन्ध गर्‍यो भने धनगढी ओन्डर वुमनले कविता कुँवर र ज्योति पाण्डेलाई ७५ हजारमै लियो।

यी महंगा १० खेलाडी एकभन्दा बढी टिमले बोलकबोल लगाएपछि लक्की ड्रामार्फत उल्लेखित टिमले आफ्नो बनाउन सफल भए। सहभागी ४ टिमले अक्सनमा १३ खेलाडी लिनका लागि ६ लाख ५० हजार खर्च गर्न पाउने थियो। त्यसमध्ये काठमाडौं र विराटनगरले समान ५ लाख २० हजार खर्चे।

ऐतिहासिक अक्सनपछि वुमन्स टी २० लिगको आयोजक एनसिएल स्पोर्ट्सका प्रमुख जयराज रोयले अक्सन सफलतापूर्वक सम्पन्न भएको र सबै टिमले चाहेको खेलाडी लिन सफल भएको बताए।

यस्तै मार्की प्लेयरहरुले पहिलोपटक भएको अक्सनमा सहभागी हुन पाउँदा फरक अनुभव भएको बताए।

post image

 चैत १७, काठमाडौं । इन्डियन प्रिमियर लिग आइपीएल २०१९ मा सुपर ओभर पुगेको पहिलो खेलमा दिल्ली क्यापिटल्सले कोलकता नाइट राइडर्सलाई पराजित गरेको छ। निर्धारित २० ओभरमा दुवै टोलीले समान रन बनाएपछि स्कोर टाई भएकाले खेलको नतिजा सुपर ओभरबाट भएको हो।

सुपर ओभरमा पहिले ब्याटिङ गरेको दिल्लीले १ विकेट गुमाएर १० रन बनाएको थियो। कोलकताले १ विकेट गुमाएर ७ रन मात्र बनाउन सक्यो। नेपाली खेलाडी सन्दीप लामिछाने समेत खेलेको यस खेलमा दिल्लीका कगिसो रवाडाले सुपर ओभरमा उत्कृष्ट बलिङ गर्दै जित दिलाए।

यस सिजन पहिलो हार बेहोरेको कोलकता ३ खेलपछि ४ अंकका साथ शीर्ष स्थानमा यथावत नै छ। समान अंक भएपनि कोलकताले दिल्ली र चेन्नाईलाई रनरेटमा पछि पारेको हो। दिल्लीले पनि ३ खेल जित्दा दुईमा जित हात पारेको छ। यस सिजन अपराजित एक्लो टिम चेन्नाई ४ अंकका साथ तेस्रो स्थानमा छ।

दिल्लीको घरेलु मैदान फिरोज शाह कोत्लामा टस हारेर पहिले ब्याटिङ गरेको कोलकता नाइट राइडर्सले निर्धारित २० ओभरमा ८ विकेट गुमाएर १८५ रन बनाएको थियो। १८६ रनको लक्ष्य पछ्याउँदै जित नजिक पुगेको दिल्लीले अन्तिम ओभरमा ६ रन बनाउन नसकेपछि खेल सुपर ओभरमा पुगेको हो। कोलकताका कुलदिप यादवले अन्तिम ओभरमा ५ रन मात्र दिँदै दिल्लीको १ विकेट लिएपछि खेल बराबरी भएको थियो। उक्त ओभरमा १ रनआउट समेत भएको थियो।

आन्द्रे रसेलको विष्फोटक ब्याटिङलाई छायाँमै पार्दै युवा खेलाडी पुथ्वी श ले उत्कृष्ट ब्याटिङ गर्दै दिल्लीलाई जित नजिक पुर्‍याएका थिए। तर १९औँ ओभरमा श ९९ रन बनाएर आउट भएपछि खेलमा नाटकिय परिवर्तन आएको थियो।

पुथ्वी श शतक बनाउनबाट एक रनले मात्र चुके। उनी १९औँ ओभरको चौधो बलमा आउट भए। कोलकताले दिएको १८६ रनको लक्ष्य दिल्लीले  ओभरमा  विकेट गुमाएर पुरा गर्‍यो। दिल्लीका लागि पृथ्वी श ले ५५ बल खेल्दै १२ चौका र ३ छक्का मद्दतमा ९९ रन बनाए।

पथ्वी र कप्तान श्रेयास अयेरले दोस्रो विकेटका लागि ८९ रनको साझेदारी गरेका थिए। अयेरले ३२ बल खेल्दै ४ चौका र २ छक्काको मद्दतमा ४३ रन बनाए। यस्तै शिखर धवनले १६ र रिशभ पन्तले ११ रन जोडे।

त्यसअघि टस हारेर पहिले ब्याटिङ गरेको कोलकताले आन्द्रे रसेल र कप्तान दिनेश कार्तिकको अर्धशतक मद्दतमा ८ विकेट गुमाएर १८५ रन बनाएको थियो। ६१-५ को अवस्थामा रहेको कोलकताको इनिङ्स उकास्न यी दुईले छैटौँ विकेटका लागि ९५ रनको साझेदारी गरे।

रसेलले २८ बल खेल्दै ४ चौका र ६ छक्काको मद्दतमा ६२ रन बनाए। यस सिजन विष्फोटक ब्याटिङ गरिरहेका रसेलको यो पहिलो अर्धशतक हो। यस्तै कप्तान कार्तिकले २६ बल खेल्दै ५ चौका र २ छक्काको मद्दतमा ५० रन जोडे। क्रिस लिनले २० रन बनाए।

दिल्लीका लागि हर्शल पटेलले २ विकेट लिए। दिल्लीका बलरमध्ये सबैभन्दा किफायती सावित भएका नेपाली खेलाडी सन्दीप लामिछानेले ४ ओभरमा २९ रन खर्चेर १ विकेट लिए।

post image

चैत १५, काठमाडौं । अर्जेन्टिनी टोलीका स्ट्राइकर गोन्जालो हिगुइनले अन्तर्राष्ट्रिय फुटबल खेलबाट सन्न्यास लिएका छन् । सन् २००९ देखि सिनियर टोलीमा खेल्दै खाएका ३१ वर्षीय हिगुइनले बिहीबार राति राष्ट्रिय टोलीबाट सन्यास लिएका हुन् ।

इङ्लिस क्लब चेल्सीबाट व्यावसायिक खेल खेलिरहेका हिगुइनले क्लब फुटबलमा थप ध्यान दिन राष्ट्रिय टोलीबाट  सन्यास लिनु परेकाे बताएका छन् । उनी यसै जनवरीमा युभेन्टसबाट लोनमा चेल्सी पुगेका थिए । उनले राष्ट्रिय टोलीबाट ७५ खेल खेल्दै ३१ गोल गरेका छन् । गत वर्षको रुस विश्वकपपछि उनले राष्ट्रिय टोलीमा स्थान बनाउन सकेका थिएनन् ।

‘म राष्ट्रिय टोली छाडेर केही समय परिवारसँग बिताउन चाहन्छु । देशका लागि मैले सकेको योगदान गरे । टोलीबाट खेल्न पाउनु नै मेरा लागि जीवनभर ठूलो कुरा हो । अब मेरो पूर्ण ध्यान चेल्सीमा केन्द्रीत हुनेछ । प्रिमियर लिग साँच्चै रमाइलो जहाँ म रम्न चाहन्छु,’ हिगुइनले भने ।

हिगुइनले अर्जेन्टिनाका लागि तीन वटा महत्पूर्ण प्रतियोगिताको फाइनल खेलेका थिए । उनले सन् २०१४ को विश्वकप फुटबल तथा सन् २०१५ र २०१६ को कोपा अमेरिका फाइनलमा प्रतिस्पर्धा गरेका थिए । तर, राष्ट्रिय टोलीबाट गरेको प्रदर्शनलाई लिएर उनी सधै आलोचित भए ।

सन् २०१४ को विश्वकप फाइनलमा जर्मनीविरुद्ध नियमित ९० मिनेट समयमा गोल गर्ने अवसर चुकाउँदा अर्जेन्टिना जितबाट बन्चित भएको थियो । सन् २०१५ को कोपा अमेरिकाको फाइनलमा गोल गर्ने अवसर चुकाएपछि टाइब्रेकरमा पुगेको खेलमा हिगुइनले पेनाल्टी मिस गरेका थिए । त्यसबाट उनी झनै आलोचित भए । सन्यासको क्रममा उनले आफूले राष्ट्रिय टोलीबाट राम्रो खेल्ने प्रयास गरेको दोहोर्याए । ‘सबैले गल्ती देख्दा सफलता भने बिर्सन खोज्छन्,’ उनले भने, ‘जब कुनै खेलाडीको आलोचना हुन्छ । त्यसले उसको परिवारलाई पनि असर गर्छ । राष्ट्रिय टोलीबाट खेल्दा सबै खेलाडीले सक्दो प्रयास गरेकै हुन्छ ।’

post image

चैत १४, काठमाडौं । वर्ल्ड फुटसल एसोसिएसनले आयोजना गर्ने फुटसल वर्ल्ड कप खेल्नका लागि नेपाली टोली बिहीवार अर्जेन्टना प्रस्थान गर्दै छ। फिफाले आयोजना गर्ने फिफा फुटसल वर्ल्ड कप भन्दा फरक रहेको यस प्रतियोगितामा नेपालले वाइल्ड कार्ड मार्फत सहभागिता जनाउन लागेको हो।

अर्जेन्टिनामा आयोजना हुने १२औं संस्करणको फुटसलका विश्वकपको नेपाल फुटबल संघले बुधवार बुधवार समिर कार्कीको कप्तानीमा १२ सदस्सीय नेपाली टोलीको समेत घोषणा गरेको छ।

समिरको कप्तानीमा रहेको नेपाली टोलीका अन्य खेलाडीमा दिपेन्द्र रसाइली, दिनेश श्रेष्ठ, बिशाल थापा, सुजनबलामी, साहिल राना, राजु बुढाथोकी, अनुप राना, बरदान लामा, गौरब श्रेष्ठ, ग्रिजेश मान श्रेष्ठ र सन्जिब तामाङ रहेका छन्। यस्तै कमल विष्ट टोलीको प्रशिक्षकमा छन् ।

१२ खेलाडीसहित १७ सदस्यीय नेपालि टोली भोली अर्जेन्टिना जाँदैछन्।  १६ टोलीले प्रतिस्पर्धा गर्ने फुटबल विश्वकपमा नेपाल समूह ‘डी’ मा रहेको छ। नेपालको समूहमा क्यानडा, क्याटलोना र फ्रान्स रहेको छ। नेपालले अप्रिल १ मा क्यानडासंग पहिलो खेल खेल्नेछ।

post image

चैत १३, काठमाडौं । एउटा रियल स्टेट कम्पनीले आफूलाई सम्झौता बमोजिमको पारिश्रमिक नदिएको भन्दै भारतीय क्रिकेटर महेन्द्र सिंह धोनीले सर्वोच्च अदालतमा मुद्दा दायर गरेका छन् ।आम्रपाली ग्रुपविरुद्ध उनले दिएको मुद्दामा ४० करोड भारु भुक्तानी माग गरिएको छ ।

यो समूहले धोनीलाई सन् २००९ मा ब्रान्ड एम्बेस्डर नियुक्त गरेको थियो । त्यसपछि धोनीले कम्पनीका केही विज्ञापनमा मोडलिङ गरेका थिए । धोनी सन् २०१६ सम्म सो कम्पनीमा आवद्ध रहेका थिए भने उनकी पत्नी साक्षी पनि कम्पनीको च्यारिटी संस्थामा जोडिएकी थिइन् । अदालतमा धोनीले आफ्नो करिब ३८ करोड ९५ लाख भारु कम्पनीले भुक्तानी नगरेको बताएका छन् ।

‘आम्रपाली गुपले मेरो २२ करोड ५३ लाख साँवा र १६ करो ४२ लाख ब्याज भुक्तानी गरेको छैन,’ भारतीय क्रिकेट टिमका पूर्व कप्तानले भने । उनका अनुसार भुक्तानीमा ढिलाई भए १८ प्रतिशतको दरले ब्याज तिर्ने सम्झौता थियो ।

post image

चैत १३ , काठमाडौं । अन्तर्राष्ट्रिय मैत्रीपूर्ण खेलमा ब्राजिल र अर्जेन्टिना विजयी भएका छन्।  गाब्रिएल सेससले दुई गोल गरेपछि ब्राजिलले एक गोलले पछि परेको स्थिती उल्टाउँदै चेक रिपब्लिकाई ३-१ ले पराजित गरेको हो।

डेविड पालेकाले ३९औँ मिनेटमा गोल गर्दै चेकलाई अग्रता दिलाएका थिए। तर पहिलो हाफमा पछि परेको ब्राजिलले दोस्रो हाफमा ३ गोल फर्कायो।

ब्राजिलका लागि रोवर्टो फिरमिनोले ४९औँ मिनेटमा बराबरी गोल फर्काए। जेससले ८३औँ मिनेटमा पहिलो गोल गरे भने अन्तिम समयमा व्यक्तिगत दोस्रो गोल गर्दै ब्राजिललाई जित दिलाए।

यस्तै अर्जेन्टिनाले मोरोक्कोलाई १-० ले पराजित गरेको छ। यसअघि भेनेजुएला विरुद्ध खेल्दै राष्ट्रिय टिममा पुनरागमन गरेका लिओनल मेसी विना नै मैदान उत्रेको अर्जेन्टिनालाई जिताउन एन्जल कोरेअले एक मात्र गोल गरे। उनले ८३औँ मिनेटमा निर्णायक गोल गरेका हुन्।

कुवेतसँग नेपाल १-० ले पराजित

प्रकाशित मिती : Tuesday
post image

चैत १२, काठमाडौं । नेपाली पुरुष राष्ट्रिय फुटबल टोली सोमबार राति कुवेतविरुद्ध भएको दोस्रो मैत्रीपूर्ण खेलमा १–० ले पराजित भएको छ।

खेलको २९ औं मिनेटमा युसुफ नासेरले निर्णायक पेनाल्टी गोल गरेका थिए। डिफेन्डर रञ्जित धिमालले पेनाल्टी क्षेत्रभित्र फल गरेपछि रेफ्रीले दिएको पेनाल्टीमा नासेर चुकेनन्।

नेपालभन्दा बलियो टोली कुवेतले गरेको पटक–पटकको प्रहारलाई नेपाली गोलरक्षक किरण चेञ्जोङले उत्कृष्ट बचाउहरु गरेका थिए। किरणकै प्रदर्शनका कारण नेपालले कुवेतविरुद्धको पहिलो मैत्रीपूर्ण खेल पनि गोलरहित बराबरीमा रोकेको थियो।

नेपाली फुटबलमा नयाँ प्रशिक्षकका रुपमा योहान कालीन नियुक्त भएपछि उनको यो राष्ट्रिय टोलीबाट पहिलो भ्रमण थियो। खेलपछि प्रशिक्षक कालीनले आफूहरुले राम्रो खेलेपनि पेनाल्टीमा दुर्भाग्यवश गोल खानुपरेको बताए।

post image

चैत १२, काठमाडौं ।चोटका कारण क्रिस्टियानो रोनाल्डोले बीचमै खेल छाेडेपछि साविक विजेता पोर्चुगल युरो कप छनोटमा सर्बियासँग १–१ गोलको बराबरीमा रोकिएको छ । समूह ‘बी’अन्तर्गत सोमबार राति भएको खेलमा रोनाल्डोले चोटका कारण ३१ औं मिनेटमा मैदान छाडेका थिए ।

दौडने क्रममा एक्कासी ह्यामस्ट्रिङ समस्या आएपछि राेनाल्डाेले मैदान छाडेका थिए । उनले केही समय खेल्न नसक्ने बताएका छन् । नौ महिनापछि राष्ट्रिय टोलीमा फर्किएका उनी युक्रेनविरुद्ध भएको खेलमा पूरै समय खेलेका थिए । उक्त खेलमा पोर्चुगल गोलरहित बराबरीमा रोकिएको थियो ।

पोर्चुगलको घरेलु मैदानमा भएको खेलमा सर्वियाले सातौं मिनेटमा पेनाल्टीमार्फत गोल गरी अग्रता लिएको थियो । सर्बियाका डुसान डाटिकले गोल गरे । त्यसपछि पोर्चुगलले ४२ औं मिनेटमा बराबरी गोल फर्काएको थियो ।

पोर्चुगलका लागि डानिलो परेराले गोल गरेका थिए । दुई खेलबाट दुई अंक बनाएको पोर्चुगल समूहको तेस्रो स्थानमा छ । शीर्ष स्थानमा रहेको युक्रेनको चार अंक छ ।

post image

चैत ११, काठमाडौं । कोलकाता नाइट राइडर्सले सनराइज हैदराबादलाई ६ विकेटले पराजित गरेको छ।कोलकाताको जितमा विस्फोटक व्याट्सम्यान आन्द्रे रसेलको १९ बलमा ४९ रनको नटआउट स्कोरको योगदान महत्वपूर्ण रह्यो। पहिले ब्याटिङ गर्दै हैदराबादले निर्धारित २० ओभरमा ३ विकेटको क्षतिमा १८१ रन बनाएको थियो। जसलाई कोलकाताले १९.४ ओभरमा ४ विकेट गुमाउँदै हासिल गर्‍यो।

१९ बलमा ४९ रन बनाएका रसेलले समान ४-४ छक्का र चौका प्रहार गरेका थिए। शुभमन गिलले १० बलमा २ छक्काको सहयोगमा नटआउट १८ रनको योगदान दिएका थिए। यी दुबैले पाँचौ विकेटका लागि ६५ रन को अविजित साझेदारी गरे र कोलकातालाई जित दिलाए।

१८२ रनको लक्ष्य पछ्याउन मैदानमा उत्रेको कोलकाताको सुरूवात भने खराब भयो। क्रिस गेल ७ रनमै आउट भएका थिए। त्यसपछि नितिश राणा र रोबिन उथप्पाले दोश्रो विकेटका लागि ८० रनको साझेदारी गरे। उनीहरूले क्रमश: ६८ र ३५ रन बनाए।

उथप्पा फास्ट बलर सिद्धार्थ कौलबाट बोल्ड भए। उथप्पाले २७ बलमा ३ चौका तथा १ छक्का प्रहार गरेका थिए। उथप्पा बाहिरिएपछि कप्तान दिनेश कार्तिक मात्र २ रनमा आउट भए। त्यस्तै ३ विकेट र ११८ रन जोडेको अवस्थामा राना चौथो विकेटको रूपमा बाहिरिए।

यसपछि जितका लागि कोलकातालाई ३ ओभरमा ५३ रन आवश्यक थियो जसलाई रसेलको आक्रमक पारीले हैदराबादबाट जित खोस्यो। पूर्व विजेता हैदराबादका लागि शाकिब अल हसन, सन्दिप शर्मा, सिद्धार्थ र राशिद खानले १-१ विकेट लिए।

यसअघि हैदराबादले ३ विकेटमा १८१ रनको बलियो स्कोर खडा गरेको भएपनि उसका बलरले त्यसलाई जोगाउन सकेनन्। हिजोको खेलमा कोलकाताले टस जित्दै पहिले बलिङ् गर्ने निर्णय गरेको थियो। कोलकाताको यस निर्णयलाई बेयरस्टो तथा वार्नरले दबाबमा पारिदिए।

टिमको ११८ रनमा आउट हुँदा बेयरस्टोले ३५ रन जोडेका थिए। उनले ३ चौका र १ छक्का प्रहार गरेका थिए। हैदराबादले दोश्रो विकेट ११४ रनमा वार्नरको रूपमा झरेको थियो। एक वर्षपछि आईपिएलमा फर्किएका वार्नर टिमको १४४ रन स्कोरमा आउट भए। उनले ५३ बलमा ९ चौका र ३ छक्का प्रहार गरे।

उनले आईपिएलमा ५० वा त्यो भन्दा बढि रन बनाएको ४० अवसर हो। युसुफ पठान केवल १ रनमा आउट भए।

विजय शंकरले २४ बलमा २ चौका र २ छक्का प्रहार गरेर नटआउट ४० रन जोड्दा मनिष पाण्डेले पाँच बलमा १ चौकासहित नटआउट ८ रनको योगदान दिए। दुबैले चौथो विकेटका लागि नटआउट २९ रनको अविजित साझेदारी गरेका थिए। हैदरवादले अन्तिम ओभरमा १ विकेट गुमाउँदै ३७ रन जोडेको थियो। कोलकाताको लागि रसेलले २ तथा पियूष चावलाले १ विकेट लिएका थिए।

post image

चैत ११, काठमाडौं । आइपीएलमा युवा ब्याट्सम्यान रिसव पन्तले विष्फोटक ब्याटिङ गर्दै ७८ रन बनाएको खेलमा दिल्ली क्यापिटल्सले मुम्बई इन्डियन्सलाई ३७ रनले पराजित गरेको छ। दिल्लीले उत्कृष्ट ब्याटिङ गर्दै २१३ रन बनाएको थियो। त्यसपछि मुम्बईलाई १७६ रनमा अलआउट गर्दै विजयी सुरुवात गरेको हो।

मुम्बईको घरेलु मैदान वाङखडे स्टेडियममा टस हारेर पहिले ब्याटिङ गरेको दिल्लीले २० ओभरमा ६ विकेट गुमाएर २१३ रन बनाएको थियो। दिल्लीका लागि रिसभ पन्तले २७ बल खेल्दै ७ चौका र ७ छक्काको मद्दतमा नटआउट ७८ रन बनाए। यस्तै कोलिन इनग्रामले ४७ र शिखर धवनले ४३ रन बनाए।

मुम्बईका मिचेल म्याक्लेघानले ४ ओभरमा ४० रन खर्चेर ३ विकेट लिए। जवाफमा २१४ रनको लक्ष्य पछ्याउदै ब्याटिङ गरेको मुम्बई ४ बल अगाडि नै १७६ रनमा अलआउट भयो। मुम्बईका लागि युवराज सिंह अर्धशतक प्रहार गरेपनि जिताउन पर्याप्त भएन। युवराजले ३५ बल खेल्दै ५ चौका र ३ छक्काको मद्दतमा सर्वाधिक ५३ रन बनाए। यस्तै क्रुनल पाण्ड्याले ३२ र क्वेन्टन डे ककले २७ रन बनाए। दिल्लीका लागि इशान्त शर्मा र कगिलसो रवाडाले २-२ विकेट लिए।

आइपीएल अन्तर्गत आज किंग्स ११ पञ्जाव र राजस्थान रोएल्सबीच खेल हुनेछ।

post image

चैत १० , काठमाडौं । इन्डियन प्रिमियर लिग (आईपीएल) को १२ औं संस्करण अन्तर्गत आज दुई खेल हुँदै छन् । पहिलो खेलमा सनराइजर्स हैदरावाद र कोलकता नाइट राइडर्सबीच प्रतिष्पर्धा हुनेछ ।

खेल नेपाली समय अनुसार दिउँसो ४ : १५ देखी कोलकतामा सुरु हुने छ । गत वर्षको उप विजेता हैदरावाद र प्ले अफबाटै बाहिरिएको कोलकता दुबै पहिलो खेलमै जित निकाल्दै सुखद सुरुवात गर्ने सोचमा छन् । कोलकताले हाल सम्म दुई पटक आईपीएलको उपाधि जित्दा हैदरावदले १ पटक चुमेको छ ।

हैदरावादमा केन विलियम्सन, मनिष पान्डे, राशिद खान, सकिव अल हसन, जोनी बेरस्टो, मार्टिन गप्टिल, विजय शंकर, सिद्धार्थ कौल, बासिल थाम्पी, सन्दीप शर्मा जस्ता खेलाडी छन् । कोलकतामा दिनेश कार्त्तिक, सुनिल नारायण, क्रिस लिन, रोबिन उथप्पा, शुभमन गिल, आन्द्रे रसेल, जो डेनलीे, कार्लोस ब्रेथवेइट, कुलदीप यादव मुख्य हतियार हुन् ।

त्यस्तै आजकोे दोस्रो खेलमा नेपाली लेग स्पिनर सन्दीप लामिछानेलेको टिम दिल्ली क्यापिटल्स र मुम्बई इन्डियन्स बीच प्रतिसप्रर्धा हुने छ । खेल नेपाली समय अनुसार बेलुका ८ : १५ देखी मुम्बई सुरु हुने छ । दिल्ली श्रेयर ऐर र मुम्बई रोहित शर्माको कप्तानीमा मैदान उत्रने छ ।

अन्तर्राष्ट्रिय लिगमा पछिल्लो एक वर्ष निरन्तर खेल्दै उत्कृष्ट प्रर्दशन गर्दै आएका आजको पहिलो खेलमै सन्दीपले मौका पाउने उच्च संभावना छ । सन्दीपसँगै शिखर धवन, पृथ्वी शा, ऋषभ पन्त, श्रेयस ऐर, अक्षर पटेल, कागिसो रबाडा, ट्रेन्ट बोल्ट, हनुमा विहारी, अमित मिश्रा दिल्लीका मुख्य हतियार हुन् ।

मुम्बईका रोहित शर्मा, इशान किशन, युवराज सिंह, हार्दिक पान्ड्या, क्रुणाल पान्ड्या, किराण पोलार्ड, जसप्रित बुमराह, बेन कटिङ्ग, सूर्य कुमार यादव, क्विन्टन डी कक मुम्वईका प्रमुख खेलाडी हुन् । मुम्बईले ३ पटक आईपीएलको उपाधि जित्दा दिल्ली अहिले सम्म फाईनलमा पुग्न सकेको छैन । यस पटक दिल्लीलाई उपाधिको दावेदार टिमको रुपमा हेरिएको छ ।

post image

८ चैत, काठमाडौं ।  नेपालले साफ महिला च्याम्पियनसीपमा नेपाल भारतद्वारा ३- १ गोलले पराजित भएको छ  ।

विराटनगरको शहीद रंगशालामा भएको खेलमा  नेपालका लागि साबित्री भण्डारी ‘साम्बा’ले ३३ मिनेटमा हेडिङमार्फत गोल फर्काएकी थिइन।

भारतका लागि २७ औं मिनेटमा डालिमा छिब्बरले फ्रिकिक मार्फत गोल गरी शुरुवाती अग्रता लिएको थियो। बराबरीमा हाल्फ़ खेल टुंगिएको भएता पनि भारतले २ गोल थप गर्दा नेपाल गोल बिहिन बन्न पुग्यो ।

post image

८ चैत, काठमाडौं । प्रदेश १ सरकारले नेपालले साफ महिला च्याम्पियनसीप जितेमा प्रत्येक खेलाडीलाई २ लाख दिने घोषणा गरेको छ ।

साफ महिला च्याम्पियनसीपको उपाधिका लागि आज नेपाल र भारत भिड्दैछन् । बिराटनगरमा हुने खेलको पूर्वसन्ध्यामा प्रदेश सरकारले नगद पुरस्कारको घोषणा गरेको हो । यदि नेपाल उपविजेता भएमा प्रत्येक खेलाडीलाई नगद एक लाख दिने प्रदेश सरकारले बताएको छ ।

post image

चैत ७, काठमाडौं ।  युरो कप छनोट खेलको तयारीमा रहेको जर्मनीलाई मैत्रीपूर्ण खेलमा सर्बियाले धक्का दिएकाे छ । बुधबार राति घरेलु मैदानमा भएको खेलमा जर्मन सर्बियासँग १–१ गोलको बराबरीमा रोकिएको हाे ।

खेलमा १२ औं मिनेटमा सर्बियाका लुका जोभिकले गोल गर्दै सर्बियालाई अग्रता दिलाए । तर, जर्मनीलाई गोल फर्काउन लामो समय कुर्नु प-याे । ६९ औं मिनेटमा लियोन गोर्टेज्काले गोल गरेपछि जर्मनीले बराबरीमा पुगेको थियो । दोस्रो हाफमा सुधारिएको खेल प्रदर्शन गरेको जर्मनीले थप गोल गर्न सकेन ।

इन्जुरी समयमा मिलान पाभकोभ रातो कार्ड पाउँदै बाहिरिएपछि सर्बिया १० खेलाडीमा समेटिएको थियो । उनले लेरोइ सानेलाई फल हानेपछि रातो कार्ड पाएका थिए । युरोकप छनोटअघि कमजोर टोलीसँगको बराबरीले जर्मनी झस्किएको छ । जर्मनीले आइतबार नेदरल्याण्ड र सर्बियाले पोर्चुगलसँग खेल्दैछ ।

 

post image

चैत ५, काठमाडौं । नेपाली राष्ट्रिय टोलीका युवा स्पिनर सन्दीप लामिछाने अघिल्लो संस्करणको तुलनामा आफ्नो टोली बलियो भएको भन्दै दिल्ली क्यापिटल्सले इण्डियन प्रिमियर लिग (आईपीएल) को उपाधि जित्नसक्ने बताएका छन्। आगामी मार्च २३ देखि सुरू हुने १२ औं संस्करणको आईपीएल खेल्न दिल्ली जानुअघि काठमाडौंमा आयोजित पत्रकार सम्मेलनमा बोल्दै सन्दीपले यस्तो बताएका हुन् ।

उनले आफ्नो टोली बलियो रहेको र टोलीबाट उपाधि जित्ने लक्ष्य रहेको बताए। तर उनले बलियो टोली हुँदैमा प्रतियोगिता जित्ने भन्दा पनि एकै किसिमको प्रदर्शनले नतिजा हात पर्ने बताए। सन्दीप भोलि ३ महिनासम्म चल्ने प्रतियोगिताका लागि दिल्ली प्रस्थान गर्नेछन् ।

सन्दीपले नेपाललाई गर्व गर्न लायक बनाउन आफू लागिपरेको भन्दै यो सिजन आफूलाई थप जिम्मेवारी थपिएको उनले जानकारी गराए। सन्दीपलाई दिल्लीले अघिल्लो सिजनकै मूल्यमा रिटेन गरेको उनले स्पष्ट पारे। गत सिजन सन्दीपलाई दिल्लीले २० लाख भारूमा अनुबन्ध गरेको थियो ।

post image

चैत ५, काठमाडौं । धुर्मुस सुन्तली फाउन्डेसनले मातृभूमि कप मैत्रीपूर्ण क्रिकेट प्रतियोगिता आयोजना गर्ने भएको छ। आज पत्रकार सम्मेलन गरी फाउन्डेसनका अध्यक्ष कलाकार सीताराम कट्टेल’धुर्मुस’ले  प्रतियोगिता हुने जानकारी दिएका हुन्।

चितवनमा बन्दै गरेको गौतम बुद्ध अन्तरार्ष्ट्रिय क्रिकेट रंगशाला थप रकम संकलनका लागि प्रतियोगिता आयोजना गर्न लागिएको बताए। प्रतियोगिता आगामी चैत २३ गते कीर्तिपुरमा हुनेछ ।

‘यस खेलमा राष्ट्रिय टिम ‘ए’ र राष्ट्रिय टिम ‘बी’ बिच प्रतिष्पर्धा हुनेछ। टिम ‘ए’ को प्रतिनिधित्व पारस खड्काले गर्नेछ भने टिम ‘बी’ को प्रतिनिधित्व ज्ञानेन्द्र मल्लले गर्नेछन्,’ कट्टेलले भने, ‘खेललाई अझ रोचक बनाउनका निम्ति क्रिकेट खेलाडीको प्रतियोगिताअगावै कलाकारहरूको पनि प्रतियोगिता राखिएको छ।’

कलाकारहरूलाई पनि दुई टिममै विभाजन गरिएको छ। कलाकारको टिमको प्रतिनिधित्व वरिष्ठ कलाकारद्वय मदनकृष्ण श्रेष्ठ र हरिवंश आचार्यले गर्नेछन्।

post image

चैत ५,काठमाडौं । युभेन्टसका स्ट्राइकर क्रिश्चियानो रोनाल्डोलाई अमर्यादित क्रियाकलाप गरेकोमा युरोपियन फुटबलको सर्वोच्व निकाय युइएफपिएले उजुरू दर्ता गरेको छ। उनले च्यामपियन्स लिगमा एथ्लेटिको मड्रिडविरूद्धको खेलमा गोल गरेपछि हर्षोल्लास मनाउँदा अमर्यादित हाउभाउ प्रस्तुत गरेकोमा उजुरी दर्ता गरेको हो।

गोल गरेपछि रोनाल्डोले एथ्लेटिकोका प्रशिक्षक दिएगो सिमोनको नक्कल उतार्दै आफ्नो गोप्य अंग समात्ने काम समेत गरेका थिए।

सिमोनले पनि पहिलो लेग जितेपछि दर्शकदीर्घाका प्रशंसकहरूतर्फ फर्कदै आफ्नो गोप्य अंग समातेका थिए। दोश्रो लेगमा जितेपछि रोनाल्डोले त्यसैको नक्कल गरेका हुन्।

उनले सो खेलमा ह्याट्रिक प्रहार गरे लगत्तै सो हर्कत गरेका थिए। सो खेल युभेन्टसले ३-० ले जितेको थियो।युईएफपिएले यसबारेमा २१ मार्चमा आफ्नो निर्णय सुनाउने छ।

सो हर्कतका लागि सिमोनलाई २० हजार युरो जरिवाना तिराइएको थियो।क्वाटरफाइनलमा युभेन्टसले अजाक्स विरूद्ध खेल्नेछ।

post image

चैत ४, काठमाडौं । लिओनल मेसीले ह्याट्रिक गरेपछि बार्सिलोनाले ला लिगामा रिल बेटिसलाई ४-१ ले पराजित गरेको छ। जितपछि बार्सिलोनाले दोस्रो स्थानको एट्लेटिको मड्रिडमाथि १० अंकको अग्रता कायम गर्दै उपाधि यात्रा बलियो बनाएको छ।

बेटिसको मैदानमा भएको खेलमा मेसीले १८औँ, ४५औँ र ८५औँ मिनेटमा गोल गरे। यस्तै लुइस सुअरेजले ६३औँ मिनेटमा एक गोल गरे। बेटिसका लागि ८२औँ मिनेटमा लोरेन मोरेनले एक गोल फर्काए। ला लिगामा मेसीको यो ३३औँ ह्याट्रिक हो।

जितपछि लिग लिडर बार्सिलोनाको २८ खेलबाट ६६ अंक भएको छ। समान खेलबाट एट्लेटिकोको ५६ अंक छ।

post image

चैत ३, काठमाडौं ।  आठौं राष्ट्रिय खेलकूदका लागि प्रदेश नंं १ बाट आठ पुरुष र १० महिला गरी १८ खेलाडी छनोट भएका छन्। आठौँ राष्ट्रिय खेलकूद तयारी सचिवालयका अनुसार पुरुष ६० केजीमुनि झापाका रमेश मादिहाङ र लुखिराम मर्दी, ६६ केजीमुनि झापाका देवेन्द्रबहादुर दाहाल खत्री र इलामका विवेक कोइराला, ७३ केजीमुनि इलामका पवन राई र रञ्जीतकुमार यादव, ९० केजीमुनि झापाका मङ्लु मेचे र १०० केजीमुनि सङ्खुवासभाका यमुनाप्रसाद काफ्ले छनोट भएका छन्।

त्यसैगरी महिला ४८ केजीमुनि झापाकी स्वस्तिका सुवेदी र मोरङकी सन्ध्या दाहाल, ५२ केजीमुनि झापाकी दिलमाया लिम्बू र सुनसरीकी सुस्मिता कार्की, ५७ केजीमुनि झापाकी श्रेया मगर र सुनसरीकी विद्यादेवी खड्का, ६३ केजीमुनि झापाकी आशा मेचे, ७० केजीमुनि इलामकी दुर्गा भट्टराई, ७८ केजीमुनि इलामकी सुस्मिता खवास र ७८ केजीमाथि मोरङकी गोमा राई छानिए।

सचिवालयका अनुसार प्रदेश नंं ५ मा हुने तय भएको आठौँ राष्ट्रिय खेलकुदका लागि सबै प्रदेशहरुमा खेलाडी छनोट अन्तिम चरणमा पुगेको छ। “सबै प्रदेशबाट तथ्याङ्क सङ्कलन गरिरहेका छौँ, एक साताभित्र सबै खेलमा सहभागी हुने खेलाडीको नामावली सार्वजनिक गर्नेछौँ”–सचिवालयका संयोजक इन्द्र कार्कीले जानकारी दिए।

post image

फागुन २७, काठमाडौं । इन्जुरी समयमा पाएको पेनाल्टीबाट गृह मैदानमा समग्र गोल अन्तरमा हारेपछि आफू सुत्न नसकेको केलियन एम्बाप्पेले खुलासा गरेका छन्।

च्याप्पियन्स लिग अन्तरगत गत साता भएको खेलमा एमबाप्पेको क्लब पेरिस सेन्ट जर्मेन(पिएसजी) इङ्लिस क्लब म्यानचेस्टर युनाइटेडसँग अवे गोल आधारमा पराजित भएको थियो।

‘म स्तब्ध भएँ। हामीले यो ठाउँमा आउन कडा मेहेनत गरेका थियौं’, एक फ्रेन्च टेलिभिजनसँग एमबाप्पेले भने, ‘म सुत्न सकेको छैन्। म विश्वस्त छु धेरैलाई यस्तै भएको हुनुपर्छ।’

‘इमानदारिताकासाथ भन्नुपर्दा त्यसलाई बिर्सन सजिलो छैन् किनकी च्याम्पियन्स लिग हाम्रो लक्ष्य थियो। रंगशाला अभूतपूर्व अवसरका लागि पूरै भरिएको थियो, हामीले त्यसलाई बिगार्यौं। हामी त्यसलाई बिगार्न चाहदैनथियौं तर अन्तिममा त्यस्तै हुन गयो’, उनले थपे।

यसैगरी उनले आगामी सिजनमा पनि पिएसजीमै रहने ग्यारेन्टी गरे।

post image

 फागुन २४, काठमाडौं । अर्जेन्टिनाका स्टार स्ट्राइकर लियोनल मेस्सीले राष्ट्रिय फुटबल टोलीमा कमब्याक गरेका छन्। सन् २०१८ को रसिया विश्वकपपछि राष्ट्रिय टिमबाट बाहिर रहेका मेस्सीलाई भेनेजुएला र मोरक्कोविरुद्धको मैत्रीपूर्ण खेलका लागि टोलीमा बोलाइएको हो।

स्पेनिस क्लब बार्सिलोनाका ३१ वर्षे स्ट्राइकर मेस्सी पछिल्लो ६ वटा मैत्रीपूर्ण खेलमा टोलीमा थिएनन्। पाँच पटकका फिफा वर्ष खेलाडी मेस्सी विश्वकप फुटबलको अन्तिम १६ बाट अर्जेन्टिना बाहिरिएपछि मेस्सी राष्ट्रिय टिमको जर्सीमा देखिएका थिएनन्।

मेस्सीसँगै फ्रान्सेली क्लब पेरिस सेन्ट जर्मेन (पिएसजी)का मिडफिल्डर एन्जल डी मारियालाई पनि टिममा बोलाइएको छ। उनले पनि रसिया विश्वकपपछि राष्ट्रिय टिमबाट खेलेका थिएनन्। मेस्सी र डी मारियासँगै म्यानचेष्टर सिटीका निकोलस ओटामेन्डी, टोटेनह्यामका हुवान फोयथ, वाटफोर्डका रोबेर्टो पेरीरा र वेष्टह्यामका मानुयल लान्जीनीलाई पनि प्रशिक्षक लियोनेल स्कालोनीले टिममा राखेका छन्।

यता, प्रशिक्षक स्कालोनीले इन्टर मिलानका माउरो इकार्डी, म्यानचेष्टर सिटीका सर्जियो अग्युइरो र चेल्सीका गोञ्जालो हिगुइनलाई भने टोलीमा राखेका छैनन्। अर्जेन्टिनाले मार्च २३ मा भेनेजुएला र २६ मार्चमा मोरक्कोसँग मैत्रीपूर्ण खेल खेल्नेछ।

post image

फागुन  २४, काठमाडौं । भारतिय क्रिकेट कन्ट्रोल बोर्ड(बिसिसिआई)ले पाकिस्तान क्रिकेट बोर्ड (पिसिबी)ले पाकिस्तान सुपर लिग-२०१९ को फाइनल हेर्न आउन दिएको निम्तो अस्विकार गरेको छ।

मार्च १७ मा कराँचीमा लिगको फाइनल हुँदैछ। आईसिसी अध्यक्ष शंशाक मनोहरले व्यक्तिगत कारणले उक्त निम्ता अस्वीकार गरेको बताइन्छ। पिसिबीले बिसिसिआई सहित आईसिसीका सबै बोर्ड सदस्यलाई पिएसएलको पाइनल हेर्ने निम्ता गरेको छ। यसमा अफगानिस्तान, इङ्ल्याण्ड, आयरल्याण्ड, बंगलादेश, जिम्बाबे, अस्ट्रेलिया, न्यूजल्याण्ड, दक्षिण अफ्रिका र श्रीलंकाले यसमा सहभागी हुने अनुमान गरिएको छ।

भारतिले पुलुवामा हमलापछि तातिएको भारत-पाक दन्वदका कारण आफ्नो कुनै पनि क्रिकेट अधिकारीलाई पाकिस्तान नपठाउने निर्णयमा छ। पछिल्लो महिना पुलुवामा भएको हमलामा ४० बढि जवानको निधन भएको थियो जसको जवाफमा भारतले पाकिस्तानका केहि शंकास्पद क्षेत्रमा हवाई हमला गरेको थियो।

हमलापछि केहि भारतिय क्रिकेट खेलाडीले पाकिस्तानसँग क्रिकेट सम्बन्ध बिच्छेद गर्नुपर्ने बताएका थिए। यससँगै उनीहरूले आसन्न विश्वकप क्रिकेटमा पाकिस्तान विरूद्ध सम्पूर्ण क्रिकेट म्याच बहिस्कार गर्नुपर्नेसमेत माग गरेका थिए।

खेलाडीले यस्तो माग गरेपनि भारतिय क्रिकेट कन्ट्रोल बोर्डले भारत-पाकिस्तानबिचको विश्वकप भिडन्त रोक्न नसकिने स्पष्ट पारिसकेको छ।

post image

फागुन २३, काठमाडौँ । जर्मन फुटबल टिमका स्ट्राइकर थोमस मुलर प्रशिक्षक जोचिम लोले आफूलाई टिममा छनोट नगर्ने निर्णय लिएपछि क्षुब्द बनेका छन् । आफू अहिले पनि माथिल्लो श्रेणीको फुटबल खेल्न सक्षम रहेको उनको भनाई छ ।

सने २०१४ को विश्वविजेता जर्मन टिमको सदस्य रहिसकेका २९ वषिर्य मुलर सहित ३० वर्षका दुई खेलाडी जेरोम बोटेङ र म्याट्स ह्यूमेल्सलाई २०१९ को जर्मन राष्ट्रिय टिममा समावेश नगर्ने प्रशिषक लोले बताएका थिए ।

यस विषयमा प्रतिक्रिया दिँदै मुलरले भनेका छन्, ‘यो कुरा सुन्दा मलाई रिस उठेको छ । प्रशिक्षकको निर्णयले अचम्भित पनि भएको छु । प्रशिक्षकले निर्णय लिन पाउँछन् , तर यसरी होइन । हामी तीन जना अहिले पनि जुनसुकै स्तरमा खेल्न सक्छौं ।’

बार्यन  म्युनिकका फरवार्ड मुलरले आफ्नो देशका तर्फबाट १०० म्याच खेल्दै ३८ गोल गरेका छन् । सन् २०१० को विश्वकपमा उनले सर्वाधिक गोल गर्दै गोल्डेन बुटसमेत जितेका थिए ।

जर्मनीले आउँदो २० मार्चमा सर्बियाविरुद्ध मैत्रिपूर्ण म्याच खेल्दैछ । त्यसपछि २०२० को यूरो क्वालिफायरमा उसले नेदरल्यान्ड्स विरुद्ध भिड्नेछ ।

post image

फागुन २२, काठमाडौँ । क्रिकेट केन्याको आयोजनामा केन्यामा हुने भनिएको टी-२० क्रिकेट प्रतियोगिताको आयोजना मिति सर्ने भएको छ।

यही मार्च २२ देखि ३१ सम्म केन्यामा ‘८-नेशन ए टिम्स टी २० क्रिकेट सिरिज २०१९’ हुने तय भएको थियो। तर प्राविधिक कारणले गर्दा उक्त प्रतियोगिता समयमै हुन नसक्ने र २-३ साताको लागि मिति पछि सर्ने नेपाल टिमका म्यानेजर तथा टेक्निकल एनालिस्ट रमन शिवाकोटी विज्ञप्तीमार्फत जनाएका छन्। प्रतियोगिताको नयाँ मिति क्रिकेट केन्याले केही दिनपछि नै सार्वजनिक गर्नेछ।

post image

फागुन २१, काठमाडौँ । क्रिकेट खेलाडी संघले पहिलो पटक प्रदान गरेको एनसीसीएस–सीप्यान अवार्डसम्पन्न भएको छ  ।  बिभिन्न ५ विधामा प्रदान गरिएको अवार्ड कार्यक्रम प्रदेश ३ का सामाजिक विकास मन्त्री युवराज दुललालको प्रमुख आतिथ्यतामा कमलपोखरीस्थित रसियन कल्चरमा सम्पन्न भएको हो  ।

क्रिकेट खेलाडी संघले पहिलो पटक प्रदान गरेको एनसीसीएस–सीप्यान अवार्डमा रोहितकुमार पौडेलले उदीयमान खेलाडीको अवार्ड जितेका छन् । उनले अविनाश बोहरा, सन्दीप जोरा, कविता कुँवर र ललितनारायण राजवंशीलाई पछाडि पारे ।उनी इमर्जिङ प्लेयर अफ दि इयर बनेका हुन् । उनले अविनाश बोहरा, सन्दीप जोरा, कविता कुँवर र ललितनारायण राजवंशीलाई पछाडि पारे ।  अवार्डसहित उनले ६६ हजार रुपैयाँ पाए ।

रोहितले माघ दोस्रो साता सचिन तेन्दुलकर र सहिद अफ्रिदीलाई पछि पार्दै अन्तर्राष्ट्रिय क्रिकेटमा अर्धशतक बनाउने कान्छो खेलाडी बनेका थिए  ।  उनले १२ माघमा यूएईविरुद्ध ५४ रन बनाएका थिए ।

त्यस्तै  क्रिकेट खेलाडी संघले आयोजना गरेको एनसीसीएस सीप्यान अवार्डमा लाइफ टाइम अचिभमेन्ट अवार्ड कोमलबहादुर पाण्डेलाई दिइएको छ । नेपाली क्रिकेटमा लामोसमयसम्म जीवन विताएका पाण्डेलाई यो अवार्ड प्रदान गरिएको हो ।उनले अवार्डसँगै ६६ हजार रुपैयाँ पाए ।

त्यसैगरी एनसीसीएस सीप्यान वर्ष उत्कृष्ट महिला क्रिकेट खेलाडीको अवार्ड सीता राना मगरले जितेकी छन् । उनले महिला क्रिकेट टीमको कप्तान रुबिना क्षेत्री, करुणा भण्डारी, सरिता मगर र इन्दु वर्मालाई पछि पार्दै अवार्ड जितेकी हुन् । उनले अवार्डसँगै ६६ हजार रुपैयाँ पाएकी छन् ।

 करण केसीले क्यानडाविरुद्ध खेलेको इनिङ मोमेन्ट अफ इयर बनेको छ । एनसीसीएस(सिप्यान अवार्डमा मोमेन्ट अफ इयरका लागि करणको त्यो इनिङसँगै १० क्षण मनोनयनमा परेको थियो । चरण भोटिङमा करणले बाजी मारेका छन् ।

 एनसीसीएस सीप्यान वर्ष उत्कृष्ट क्रिकेट खेलाडीको अवार्ड सन्दीप लामिछानेले जितेका छन् । यस विधामा पारस खड्का, दीपेन्द्र सिंह ऐरी, करण केसी, सोमपाल कामी र सन्दीप लामिछाने मनोनयनमा परेका थिए ।यस वर्ष उनले अष्ट्रेलियाको बिग बास लिग, बंगलादेश प्रिमियर लिग लगायतका क्रिकेट प्रतियोगिता खेलेका छन् ।

कार्यक्रममा नायक तथा हास्य कलाकार सन्दिप क्षत्रिले आफ्नो कमेडी बाट दर्शकलाई हँसाएका थिए भने गायक धर्मेन्द्र सेवानले आफ्नो सांगीतिक प्रस्तुती दिएका थिए । त्यस्तै एनसीसीएसका बिद्यार्थीहरु नृत्य गरेका थिए ।कार्यक्रममा सीताराम कट्टेल , हरिबंश आचार्य ,सन्दिप क्षत्रि लगायतका कलाकार, खेलाडीहरु र पत्रकारहरुको उपस्थिती रहेको थियो ।

post image

फागुन २१, काठमाडौं । एनसीसीएस सीप्यान वर्ष उत्कृष्ट क्रिकेट खेलाडीको अवार्ड सन्दीप लामिछानेले जितेका छन् ।

यस विधामा पारस खड्का, दीपेन्द्र सिंह ऐरी, करण केसी, सोमपाल कामी र सन्दीप लामिछाने मनोनयनमा परेका थिए । हाल सन्दिप खेलको क्रममा बाहिर रहेकाले उनको अवार्ड नेपाली क्रिकेट टिमका कप्तान पारस खड्काले ग्रहण गरेका थिए ।

यस वर्ष उनले अष्ट्रेलियाको बिग बास लिग, बंगलादेश प्रिमियर लिग लगायतका क्रिकेट प्रतियोगिता खेलेका छन् ।

post image

फागुन २१,  काठमाडौं ।  क्रिकेट खेलाडी संघ नेपाल (सिप्यान) ले प्रदान गर्ने ‘एनसीसीएस–सिप्यान क्रिकेट अवार्ड’ को वर्षको विशेष विधा उत्कृष्ट क्षणको अवार्ड करण केसीले हात पारेका छन् । अवार्डको विशेष विधा उत्कृष्ट क्षणको मनोनयनमा परेका विभिन्न नौ विधालाई पछि पार्दै करणले अवार्ड हात पारेका हुन् ।

उत्कृष्ट क्षण विजेता अवार्ड अनलाइन भोटिङ मार्फत् गरिएको थियो ।  करणले उत्कृष्ट क्षणको अवार्ड सहित नगद ६६ हजार रुपैयाँ पनि हात पारेका छन् । नामिबियामा आईसीसी विश्व क्रिकेट लिग डिभिजन २ अन्तर्गत फाइनल प्रवेशका लागि निर्णायक खेलमा क्यानडाविरुद्धको खेलमा करण नायक बनेका थिए । हार नजिक रहेको नेपाललाई जितउन्मुख बनाएका करणले बिस्फोटक ब्याटिङ गरेका थिए ।

अवार्डमा महत्वपूर्ण मानिएको विधा मानिएको यस विधामा नेपाली टोेलीको सफलतामा नेपाललाई एकदिवसीय मान्यतासहित अन्तरष्ट्रिय एकदिवसीय र ट्वान्टी–२० सिरिज कब्जा गर्न महत्वपूर्ण रहन गएका क्षणहरु यस विधामा परेका थिए ।

post image

नेपाल (सिप्यान) को आयोजनामा आगामी फागुन २१ गते मंगलवार का दिन एक समारोहका बीच हने “एनसीसीएस सिप्यान क्रिकेट अवार्ड २०१९ को तयारी अन्तिम चरणमा पुगेको छ ।

विभिन्न ५ (पाँच) विधामा पुरस्कार राशी र ट्रफीद्वारा परस्कत गरिने कार्यक्रम अनुसार “एनसीसीएस सिप्यान  मोमेन्ट अफ द इयर २०१८- १९ को लागि मनोनयनमा परेको १० उत्कष्ट क्षणलाई पहिले नै सार्वजनिक गरी एनसीसीएस सिप्यान क्रिकेट अवार्ड २०१९ नामक फेसबुक पेजमा त्यहाँ दिएको लिंकमार्फत अनलाइन बेटीङ्गको माध्यमबाट मत संकलन भइरहेको छ आयोजकले जनाएको छ ।  जुन फागुन २० गतेको मध्य रातसम्म खुल्ला रहने छ ।

यसै गरी एनसीसीएस सिप्यान लाइफटाइम अचिभमेन्ट अवार्ड २०१८- १९ को लागि पनि एक जना क्रिकेट खेलसँग सम्बद्ध महत्वपूर्ण व्यक्तित्वलाई योगदानमा आधारित रहेर छनोट गरी समारोह के दिन नै नाम सार्वजनिक गरी पुरस्कृत गरिने कार्यक्रम रहेको छ ।

बाँकी रहेका ३ विधाको लागि योग्य खेलाडी छनौट गर्न एक प्राविधिक समिति गठन गरिएको र तोकिएको मापदण्डका आधारमा सो समितिले सिफारिस गरेको खेलाडीहरूलाई बिभिन्न विधामा पुरस्कार राशी र टूफी प्रदान गरिने छ । प्राविधिक समितिको सदस्यहरूमा श्री जगत टमट्टा-मुख्य प्रशिक्षक, श्री विनोद दास- प्रशिक्षक, श्री विनय कुमार भा- अम्पायर, श्री दुर्गानाथ सबेदी- अम्पायर, श्री सरिता श्रेष्ठ र सबास हुमागाई, प्रतिनिधि, नेपाल खेलकुद पत्रकार मञ्च र श्री रमन शिवाकोटी- टेक्निकल कोअर्डिनेटर को रूपमा रहेका छन् ।

यस वर्षको यो कार्यक्रमको मुख्य प्रायोजक र टाइटल स्पन्सरको रूपमा शिक्षाको क्षेत्रमा समर्पित संस्था एनसिसिएस ,मिडिया पार्टनरको रूपमा हिमालय टेलिभिजन र हस्पिटालिटी पार्टनरको रूपमा होटेल क्राउन प्लाजा रहेका छन्।

post image

फागुन १९ ,काठमाडौं ।  रोटरी क्लब र रोट्रयाक क्लबको सहआयोजनामा मोबाइल फाल्ने प्रतियोगिता सम्पन्न भएको छ  । यही फागुन १८ गते सिफल मैदानमा सम्पन्न भएको यस प्रतियोगितामा महिला तर्फ आस्था भण्डारी बिजेता बन्न सफल भइन ।उनले मोबाइललाई ८२ फिट पर फालेर बिजयी बन्न सफल बनेकी हुन् ।

त्यस्तै पुरुषतर्फ निरज भण्डारीले मोबाइल फालेर मोबाइल जित्न सफल बनेका छन्  । उनले २२१ फित पर मोबाइल   फाल्न सफल भएका थिए  । त्यसैगरी  डिजेबल तर्फ महिलामा सन्ध्या र पुरुषतर्फ यम श्रेष्ठ बिजेता बन्न सफल भएका छन् ।

त्यसैगरी १४ बर्षमुनिका बालबालिकाको तर्फ बाट भने सनिज आलेमगर बिजेता घोषित भए । उनले मोबाइल लाई १०७ फिट पर फालेका थिए ।

रोटरी क्लब अफ रुद्रमती, रोट्र्याक क्लब अफ रुद्रमती बबरमहल काठमाण्डौ,रोट्र्याक क्लब अफ रुद्रमती र रोट्र्याक क्लब अफ मनोहराको संयुक्त आयोजनामा भएको यस प्रतियोगितामा २५० भन्दा बढी व्यक्तिहरुको सहभागिता रहेको ग्राम कोअर्डिनेटर तथा रोटरी क्लब अफ रुद्रमति काठमाडौँका मेम्बर किसोर त्रिपाठीले जानकारी गराए  ।

उक्त प्रतियोगिता सन् १९९६ मा फिनल्यान्डबाट सुरु भएको उक्त प्रतियोगिता नेपालमा तेस्रो पटक आयोजना गरिएको हो । यो प्रतियोगिता सन् २०१५ मा पहिलो पटक रोटरी क्लबले नै आयोजना गरेको थियो । सामाजिक कार्यका लागि आयोजना गर्न लागिएको उक्त प्रतियोगिताबाट उठेको रकमले काठमाडौं तथा देशका विभिन्न ठाउँमा रहेका शारीरिक रुपले अपांगता भएका महिलाहरुलाई मोबाइल सेट वितरण गरिने छ ।

यस बर्षको प्रतियोगिताबाट उठेको रकमले काठमाडौं तथा देशका विभिन्न ठाउमा रहेका शारीरिक रुपले अपांगता भएका महिलाहरुलाई मोबाइल सेट वितरण गरिने छ । उक्त कार्यकम पश्चात रक्तदान कार्यकम र महिला व्हील च्यर बास्केटबल प्रतियोगिता समेत भएको  छ ।

post image

 फागुन १९,काठमाडौं । झापामा जारी चौथो संस्करणको झापा गोल्डकप फुटवल प्रतियोगितामा आइतबार विभागीय टोली एपीएफ र मोरङ ११ बीच खेल हुँदैछ। खेल विर्तावजारस्थित डोमालाल राजवंशी रंगशालामा दिउँसो २ बजेदेखि सुरू हुनेछ।

शसस्त्र प्रहरीको एपिएफले टिम र मोरङ ११ पहिलो पटक आमनेसामने हुन लागेका हुन्। दुवै टिमका प्रशीक्षकले जितको दाबी गरेका छन्।

तीन जना विदेशी खेलाडी लिएर मैदानमा उत्रन लागेको मोरङ ११ ले जित आफ्नै पक्षमा हुने दाबी गरेको छ। टिमका प्रशिक्षक सन्जिव वुढाथोकीले एपिएपफको मैदान भित्रको रणनीति हेरेर आफ्नो टिमले पनि तत्कालै रणनीति बदल्न सक्ने बताए। ‘उहाँहरुको टिम सेटको हो तर, हाम्रो कलेक्सन टिम हो, प्रशिक्षक वुढाथोकीले भने, ‘तर पनि हामी सहजै जित्छौ।’

मोरङ ११ बाट किशोर गिरी, विक्रम लिम्वु, सुनिल खड्का, तीर्थ वस्नेत लगायतका अनुभवी खेलाडी खेल्दैछन्। यता शसस्त्र प्रहरीको एपिएफले पनि मोरङ ११ लाई सहजै पाखा लगाउँदै अघिल्लो चरणमा जाने दाबी गरेको छ।

 पोखरामै खेलेको टिम सेटलाई झापामा खेलाउने निर्णय गरेको टिमका प्रशिक्षक रत्नकाजी महर्जनले जानकारी दिए। ‘पोखराको सेट झापामा पनि खेल्छ,’ उनले भने, ‘टिमवर्क, अनुशासन र मैदान भित्रको कम्युनिकेसनै जितको आधार हो।’

एपिएफले आशिष लामा, राजन गुरूङ, कृष्ण श्रेष्ठ विश्वास उदास, राजीव लोक्चन, अमृत चौधरीलगायतका सेट खेलाडी मैदानमा पठाउने भएको छ। यसअघि शनिबार पहिलो खेलमा झापा ११ ले पोखराको सहारा फुटवल क्लवलाई २–० गोल अन्तरमा हराउँदै प्रतियोगिताको क्वाटर फाईनलमा प्रवेश गरेको थियो।

post image

फागुन १५, काठमाडौं । थाइल्याण्डमा भइरहेको आइसीसी वुमन्स वर्ल्ड कप क्वालिफायर एसियामा नेपालले अन्तिम खेलमा कुवेतलाई पराजित गरेको छ। कप्तान रुविना क्षेत्रीले ह्याट्रिक विकेट लिएको खेलमा नेपालले कुवेतलाई ३० रनले पराजित गरेको हो।

रुविनाले खेलको अन्तिम ओभरको अन्तिम ३ बलमा विकेट लिँदै ह्याट्रिक विकेट लिइन्। रुविनाले नेपालको जितबा अलराउण्ड प्रदर्शन गरिन्। आक्रमक ब्याटिङ गर्दै १३ बलमा २२ रन बनाएकी रुविनाले ३ विकेट लिएकी हुन्।

७ राष्ट्र सम्मिलित प्रतियोगिता नेपालले पाँच जित हात पारे पनि ग्लोबल क्वालिफायर पुग्ने सम्भवना भने लगभग सकिएको छ। एक खेल खेल्न बाँकी रहेको थाइल्याण्ड र नेपालको समान १० अंक भएको छ। तर थाइल्याण्डको रनरेट नेपालको भन्दा राम्रो छ। र आजै थाइल्याण्डले युएईसँग खेल्नेछ। उक्त खेल जितेमा थाइल्याण्ड अपराजित रहँदै ग्लोबल क्वालिफायर पुग्नेछ।

दोस्रो खेलमै थाइल्याण्डसँग पराजित भएको नेपाललाई बाँकी टिमहरुले पनि चुनौती दिएको थियो। बैँककस्थित एआइटिजी मैदानमा टस हारेर पहिले ब्याटिङ गरेको नेपालले निर्धारित २० ओभरमा ७ विकेट गुमाएर ११६ रन बनाएको थियो। जवाफमा कुवेतले २० ओभरमा ९ विकेट गुमाएर ८६ रन मात्र बनाउन सक्यो।

नेपालको लागि बिन्दु रावलले ४९ बल खेल्दै १ चौकाको मद्दतमा नटआउट २८ रन बनाइन्। यस्तै कप्तान रुविना क्षेत्रीले २२, नेरी थापाले १९ र काजल श्रेष्ठले १८ रन जोडे।

४६ रन हुँदा ५ विकेट गुमाएको नेपालको इनिङ्स बिन्दु र नेरीले उकासेका थिए। यी दुईले छैटौँ विकेटका लागि ३७ रनको साझेदारी गरे। यस्तै विन्दु र रुविनाले सातौँ विकेटका लागि ३३ रनको साझेदारी गरे।

रुविनाले १३ बल खेल्दै ३ चौकाको मद्दतमा २२ रन बनाइन्। कुवेतका लागि कप्तान मर्याम ओमार र प्रियदा मुरलीले २-२ विकेट लिइन्।

कुवेतका लागि कप्तान ओमारले सर्वाधिक २९ रन बनाइ। छैटौँ ओभरमा पहिलो विकेटको रुपमा सब्रिन जाकीलाई १२ रन गुमाए पनि ओमा र र मुरलीले दोस्रो विकेटका लागि ४० रनको साझेदारी गर्दै कुवेतको इनिङ्स उकासेका थिए।

तर करुणा भण्डारीले १४औँ ओभरमा २ विकेट लिनुका साथै एक रनआउट समेत गराएपछि नेपालले कुवेतमाथि दवाव बनाएको थियो। कुवेतका ओमरले २९, मुरलीले १४ र जाकीले १२ रन बनाइन्। मरियमा हैदरले नटआउट १२ रन बनाइन्।

कप्तान रुविनाले इनिङ्सको अन्तिम ३ बलमा कुवेतका खादिजा खलिल, मदिहा जुवेरी र जिफा जिलानीलाई लगातार आउट गर्दै ह्याट्रिक पुरा गरिन्।  नेपालको लागि करुणाले ४ ओभरमा १२ रन खर्चेर ३ विकेट लिइन्। कप्तान रुविनाले ४ ओभरमा १७ रन खर्चेर ३ विकेट लिइन्। नेरी थापाले ४ ओभरमा १३ रन खर्चेर १ विकेट लिइन्।

post image

फागुन १३, काठमाडौं । आईसीसी महिला टी–२० विश्वकपको एसिया क्षेत्र छनोटमा नेपालले चीनलाई ५ रनले पराजित गरेको छ । नेपालले दिएको ७८ रनको चुनौती पछ्याउँदै ब्याटिङ गरेको चीनले निर्धारित २० ओभरमा ६ विकेटको क्षतिमा ७२ रन मात्रै बनाउन सक्यो ।

चीनका लागि जहाङ मिईले ३३ रन बनाइन् । काइयुन जहोउले १८ रन बनाइन् । बलिङतर्फ नेपालकी सीता रानामगरले तीन विकेट लिइन् । त्यस्तै, कविता कुँवरले एक विकेट लिइन् ।

यसअघि टस हारेर ब्याटिङको निम्तो पाएको नेपालले २० ओभरमा ९ विकेट गुमाएर ७७ रन मात्र बनायो । नेपालको सुरुवात राम्रो थियो । काजल श्रेष्ठ र सीता राना मगरले पहिलो विकेटका लागि ३२ रनको साझेदारी गरिन् ।

सीता व्यक्तिगत ११ रनमा आउट भइन् । थप दुई रन जोड्दा काजल पनि १८ रनमा आउट भइन् । त्यसपछि नेपालले लगातार विकेट गुमायो ।

post image

फागुन १३, काठमाडौँ । तिलोत्तमा गोल्डकपको २१ औं संस्करणको उपाधिका लागि सोम्बार विभागीय टिम नेपाल पुलिस क्लवले पाहुना टोली दाउफिन्स एफसी क्यामरूनको सामना गर्दैछ।

गत फागुन ४ गतेदेखि बुटवल ११ देविनगरस्थित एन्फा टेक्निकल सेन्टरको खेल मैदानमा जारी गोल्डकपको फाइनल खेल आज दिउँसो साढे २ बजेबाट सुरू हुँदैछ। घरेलु टोली रूपन्देही ११ लाई २–० ले स्तब्ध बनाउँदै दाउफिन्सले उपाधिको यात्रा तय गर्दा नेपाल पुलिसले च्यासल युथ क्लब काठमाडौंलाई ३–१ ले पन्छाएको थियो।

यसै सिजन नेपालको दुई ठूला घरेलु उपाधि जितिसकेको क्यामरूनी क्लबलाई तिलोत्तमा गोल्डकपको उपाधि जित्दै उपाधिमा ह्याट्रिक गर्न विभागीय टिम नेपाल पुलिस तगारो बन्नेछ। यसअघि चार पटक तिलोत्तमा गोल्डकप उचालेको नेपाल पुलिस पाँचौ पटक गोल्डकप उचाल्ने दाउमा हुनेछ।

नेपाल पुलिस क्वलले यो सिजनमा त्यति धेरै ठूला उपाधि चुम्न सकेको छैन। महेन्द्र पुलिस क्लबको नामबाट खेल्दै गर्दा नेपाल पुलिसले २०३५, २०५१, २०५२ र २०५५ सालमा सम्पन्न क्रमशः तेस्रो, नवौं, दशौं र तेह्रौ तिलोत्तमा गोल्डकपको उपाधि जितिसकेको छ।

दाउफिन्सले पनि यसै सिजनमा सम्पन्न मनकामना गोल्डकप, पोखरा र बुढासुब्बा गोल्डकप, धरानको उपाधि जितिसकेको छ। दाउफिन्सका लागि स्ट्राईकर युरेल रातो कार्ड पाएका कारण फाईनल खेलमा उनको अभाव भने खट्किने छ।

२०३३ सालबाट प्रतियोगिता शुरु भए पनि ४२ वर्षको अन्तरालमा २१ औं संस्करण चलिरहेको हो।तिलोत्तमा गोल्डकपको उपाधि विजेताले गोल्डकपसँगै ८ लाख ८० हजार नगद पुरस्कार प्राप्त गर्नेछ। त्यस्तै उपविजेताले नगद ५ लाख ५० हजार पुरस्कार प्राप्त गर्ने छ।

यसअघि गोल्डकपको उपाधि विजेताले गोल्डकपसँगै नगद ७ लाख ७७ हजार ७ सय ७७ रुपैया पुरस्कार प्राप्त गरेको थियो। त्यस्तै प्रतियोगिताको उत्कृष्ट खेलाडीले मोटरसाईकल उपहार पाउने छन् भने विद्यागत उत्कृष्ट खेलाडी, प्रशिक्षक तथा रेफ्रीले २५/२५ हजार नगद पुरस्कार प्राप्त गर्नेछन्।

post image

फागुन १३ ,काठमाडौं । मोबाइल फालेर मोबाइल जित्ने अवसर भन्दा जो कोहि लाई आश्चर्य लाग्न सक्छ । तर, रोटरी क्लब र रोट्रयाक क्लबको सहआयोजनामा नेपालमा मोबाइल फाल्ने प्रतियोगिताको आयोजना हुँदैछ । रोटरी क्लब अफ रुद्रमती, रोट्र्याक क्लब अफ रुद्रमती बबरमहल काठमाण्डौ,रोट्र्याक क्लब अफ रुद्रमती र रोट्र्याक क्लब अफ मनोहराको संयुक्त आयोजना हुन लागेको उक्त प्रतियोगिता यही फागुन १८ गते सिफल मैदानमा चाबेलमा आयोजना हुनेछ । बिहान १० बजेबाट सुरु हुने प्रतियोगिता केही घन्टासम्म चल्नेछ ।

सन् १९९६ मा फिनल्यान्डबाट सुरु भएको उक्त प्रतियोगिता नेपालमा तेस्रो पटक आयोजना हुन लागेको हो । यो प्रतियोगिता सन् २०१५ मा पहिलो पटक रोटरी क्लबले नै आयोजना गरेको थियो । सामाजिक कार्यका लागि आयोजना गर्न लागिएको उक्त प्रतियोगिताबाट उठेको रकमले काठमाडौं तथा देशका विभिन्न ठाउँमा रहेका शारीरिक रुपले अपांगता भएका महिलाहरुलाई मोबाइल सेट वितरण गरिने प्रोग्राम कोअर्डिनेटर तथा रोटरी क्लब अफ रुद्रमति काठमाडौँका मेम्बर किसोर त्रिपाठीले जानकारी गराए  ।

यसअघि भएका प्रतियोगिताबाट संकलित रकमले मुगु जिल्लाका विकट गाविसमा सय जना महिलालाई मोबाइल सेट प्रदान गरिएको थियो भने यस बर्षको प्रतियोगिताबाट उठेको रकमले काठमाडौं तथा देशका विभिन्न ठाउमा रहेका शारीरिक रुपले अपांगता भएका महिलाहरुलाई मोबाइल सेट वितरण गरिने छ ।

पन्द्र सयभन्दा बढी सहभागीको अपेक्षा गरिएको प्रतियोगितामा विदेशबाट पनि उल्लेखनीय सहभागिता हुने आयोजकको अपेक्षा छ । आयोजकले प्रतियोगितालाई १४ वर्ष मुनि र त्यो भन्दा माथिका महिला र पुरुष गरी तिन भागमा विभाजन गरेको छ । हरेक समूहबाट सबैभन्दा टाढा मोबाइल फाल्नेलाई एउटा स्मार्टफोन उपहार स्वरुप प्रदान गरिनेछ ।

प्रतियोगितामा सहभागिता जनाउन आयोजकले ५०० प्रवेश शुल्क निर्धारण गरेको छ । यदि सहभागी हुन चाहनेले चल्ने मोबाइल क्लबलाई प्रदान गरेको खण्डमा निशुल्क सहभागी हुन सक्नेछन् । तर रोटरी र लाइन्स क्लबका सदस्यहरुका लागि १००० र लियो र रोट्र्याकका सदस्यका लागि २५० प्रवेश शुल्क रहेको त्रिपाठीले बताए । उक्त कार्यकम पश्चात रक्तदान कार्यकम र महिला व्हील च्यर बास्केटबल प्रतियोगिता समेत हुने छ ।

post image

फागुन १२, काठमाडौँ । नेपाली राष्ट्रिय फुटबल टिमले आगामी चैतमा मलेसियासंग मैत्त्रीपुर्ण फुटबल खेल खेल्ने भएको छ। अखिल नेपाल फुटबल संघ (एन्फा)ले चैत दोस्रो साता मलेसियासंग मैत्रिपुर्ण खेल खेल्ने तय भएको आइतवार जानकारी गराएको हो।

खेल मार्च २६ (चैत १२ गते) मलेसियामा हुनेछ। नेपाली राष्ट्रिय फुटबल टिमको मुख्य प्रशिक्षकमा स्वीडिस प्रशिक्षक योहान कालिनलाई अनुबन्धन गरेपछि एन्फाले मलेसियासँग मैत्रीपूर्ण खेल खेल्न लागेको जनाएको हो।

post image

फागुन १२, काठमाडौं । बुटवलमा जारी २१ औं तिलोत्तमा गोल्डकपको उपाधिका लागि विभागीय टिम नेपाल पुलिस क्लब र विदेशी टिम दाफिन्स एफसी क्यामरुन भिड्ने भएका छन्।

एन्फा टेक्निकल सेन्टरमा शनिबार भएको अन्तिम सेमिफाइनल खेलमा च्यासल युथ क्लब काठमाडौंलाई ३–१ हराउँदै नेपाल पुलिस क्लब फाइनलमा प्रवेश गर्‍यो। खेलको सुरूदेखि नै च्यासललाई दबाबमा राखेको नेपाल पुलिस क्लबले खेलको १५ औं मिनेटमा विक्रम धिमालको गोलबाट अग्रता बनायो। पहिलो हाफको खेल १–० को स्थितिमा सकिए पनि दोस्रो हाफमा नेपाल पुलिस क्बलले च्यासलको पोष्टमा थप दुई गोल गर्‍यो।

दोस्रो हाफको १० औं मिनेटमा विक्रम धिमालले हेडमार्फत् व्याक्तिगत दोस्रो गोल गर्दै च्यासलसँगको दूरी २–० मा पुर्‍याए। दोस्रो हाफको १४ औं मिनेटमा अमिर श्रेष्ठ रेड कार्ड खाँदै मैदान बाहिरिएपछि च्यासल १० खेलाडीमा सीमित बन्यो।

दोस्रो हाफमा केही सुधारिएको खेल खेलको च्यासल स्ट्राइकरसँगको तालमेल नमिल्दा पुन: दोस्रो हाफको ३५ औं मिनेटमा नेपाल पुलिसका रवि पाश्वनको गोल गर्दै ३–० अग्रता बनाए। ३–० को अग्रतापछि आक्रमक पोष्ट चार्ज गरेको च्यासलले दोस्रो हाफको ४५ मिनेटमा शान्त बहादुर गुरुङले गोल गर्दै नेपाल पुलिससँगको दूरी ३–१ मा झारे। बाँकी समयमा कुनै पनि गोल हुन सकेन र नेपाल पुलिस क्लब ३–१ विजयी बन्यो। दुई गोल गरेको विक्रम धिमाल म्यान अफ दी म्याच घोषित हुँदै नगद १० हजार प्राप्त गरे।

प्रतियोगितामा विभागीय २ टिमसहित १० टिमको सहभागिता रहेको छ। २१ औं संस्करणमा तिलोत्तमा गोल्डकपको विजेताले ८ लाख ८० हजार रुपैयाँ नगदसहित कप पाउनेछ भने उपविजेताले ५ लाख ५० हजार रुपैयाँ पाउने छन्। त्यस्तै प्रतियोगिताको उत्कृष्ट खेलाडीले मोटरसाइकल उपहार पाउनेछन् भने विधागत उत्कृष्ट खेलाडी तथा प्रशिक्षक तथा रेफ्रीले २५ र २५ हजार नगदबाट सम्मानित हुनेछन्।

फाइनलमा फागुन १३ गते विभागीय टिम नेपाल पुलिस क्लब र विदेशी टिम दाफिन्स एफसी क्यामरुनका बीच हुनेछ।

post image

फागुन १०,काठमाडौं । आइसीसी वुमन्स वर्ल्ड कप क्वालिफायर एसिया मा नेपालले युएईलाई ७ विकेटले पराजित गरेको छ। थाइल्याण्डमा भइरहेको ७ राष्ट्र सम्लितित एसिया रिजनल क्वालिफायरमा नेपालको यो दोस्रो जित हो। पहिलो खेलमा मलेसियालाई हराएको नेपालले दोस्रो खेलमा घरेलु टोली थाइल्याण्ड हार बेहोरेको थियो। यसअघि लगातार तीन खेल जितेको युएईको भने यो पहिलो हार हो।

युएईले दिएको ४२ रनको सामान्य लक्ष्य नेपालले १०.२ ओभरमा ३ विकेट गुमाएर पूरा गर्‍यो। नेपालको लागि ओपनर काजल श्रेष्ठले २५ बल खेल्दै ४ चौकाको मद्दतमा १६ रन बनाइन्। यस्तै १७ बल खेलेकी रुविना क्षेत्रीले २ चौका र १ छक्का प्रहार गर्दै नटआउट १८ रन बनाइन्।

उपकप्तान सीता राना मगर ६ रन बनाएर आउट भइन् भने टी २० अन्तर्राट्रियमा डेब्यु गरेकी अप्सरी वेगमा ४ बल खेल्दै शुन्यमा आउट भइन्। युएईका लागि इशा रोहित ओजाले २ विकेट लिइन्।

त्यसअघि बैँककस्थित टेर्डथाई क्रिकेट ग्राउण्डमा टस जितेर पहिले ब्याटिङ गरेको युएई नेपाली बलरको घातक बलिङसामु टिक्न नसक्दा १७.३ ओभरमा ४१ रनमा अलआउट भएको थियो। नेपालको लागि नेरी थापाले सर्वाधिक ४ विकेट लिइन्।

खराब सुरुवात गरेको युएईले १९ रनमै ६ विकेट गुमाएको थियो। सातौँ विकेटका लागि चमानी सेनेभिरत्न र नेशा शर्माले १६ रनको साझेदारी गर्दै युएईको स्कोर केही उकासेका थिए।

सेनेभिरत्नले २९ बल खेल्दै १ चौकाको मद्दतमा १३ रन बनाइन् भने बाँकी खेलाडीले दोहोरो अंक समेत छुन सकेनन्। दुई खेलाडी रनको खाता नखोली आउट भए। युएईलाई अलआउट गर्न नेपाली बलरहरुले उत्कृष्ट प्रदर्शन गरे। नेपालको लागि नेरी थापाले ३.३ ओभरमा १ ओभर मेडन राख्दै मात्र ६ रन खर्चेर ४ विकेट लिइन्।

यस्तै उपकप्तान सीता राना मगरले ४ ओभरमा १ ओभर मेडन राख्दै ७ रन मात्र खर्चेर २ विकेट लिइन्।कविता कुँवरले ३ ओभरमा ७ रन खर्चेर २ विकेट लिइन् भने सोनु खड्काले २ ओभरमा ६ रन खर्चेर २ विकेट लिइन्। कप्तान रुविना क्षेत्रीले २ ओभरमा १ ओभर मेडन राख्दै २ रन मात्र खर्चिइन्।

post image

फागुन ९, काठमाडौं । धनगढी प्रिमियर लिग (डीपीएल) क्रिकेटको फाइनल प्रवेशका लागि दोस्रो क्वालिफायरमा महेन्द्रनगर युनाइटेड र काठमाडौं गोल्डेन्सबीच प्रतिस्पर्धा हुने भएको छ । फाप्ला क्रिकेट मैदानमा आज भएको इलिमिनेटर खेलमा महेन्द्रनगरले रुपन्देहीलाई एक रनको झिनो अन्तरले पराजित गर्दै दोस्रो क्वालिफायरमा प्रवेश गरेको हो ।

११६ रनको सामान्य चुनौती पछ्याउँदै ब्याटिङ गरेको रुपन्देहीले निर्धारित ओभरमा ९ विकेटको क्षतिमा ११४ रन मात्रै बनाउन सक्यो । रुपन्देहीका लागि प्रदीप ऐरीले २८ रनमा आउट भए । त्यस्तै, रुपन्देहीका लागि बाबर हायतले २८ र विनोद भण्डारीले २३ रन बनाए ।

अन्तिम ओभरमा रुपन्देहीलाई पाँच रनको अवाश्यक थियो । रुपन्देहीको जित सुनिश्चित जस्तै थियो तर अन्तिम ओभर बलिङ गर्न महेन्द्रनगरका अविनाश बोहोरा आए । १९.४ ओभरमा प्रदीप ऐरी रन आउट भएपछि १९.५ ओभरमा विक्रम सोब पनि क्याट आउट भए । अब अन्तिम बलमा तीन रन चाहिएको थियो तर दुई रनका लागि बसन्त रेग्मी दौडिएपछि उनी रन आउट हुन पुगे । योसँगै खेल एक रनले महेन्द्रनगरले जित्यो ।

महेन्द्रनगरका लागि अविनाश बोहोराले दुई विकेट लिए । यसअघि टस जितेर पहिले ब्याटिङ गरेको महेन्द्रनगरले निर्धारित २० ओभरमा ९ विकेटको क्षतिमा ११५ रन बनायो । महेन्द्रनगरका लागि कप्तान शरद भेषावकर २९ रनमा अविजित रहे ।

त्यस्तै, सुब्रमनियन आनन्दले २०, अमरसिंह रौटेलाले १९, मोहम्मद नाभिदले १८ र आरिफ शेखले ११ रन बनाए । त्यस्तै, अविनाश बोहोराले पाँच बलमा ११ रन बनाए ।बलिङतर्फ ललित भण्डारीले चार विकेट लिए । त्यस्तै, पुनित मेहराले तीन र बसन्त रेग्मीले दुई विकेट लिए ।

डीपीएलको फाइनलमा भने सीवाईसी अत्तरिया पुगिसकेको छ । दोस्रो क्वालिफायर शुक्रबार हुने छ भने फाइनल खेल शनिबार हुनेछ ।

post image

फागुन ८,काठमाडौं । मोबाइल फालेर मोबाइल जित्ने अवसर भन्दा जो कोहि लाई आश्चर्य लाग्न सक्छ । तर, रोटरी क्लब र रोट्रयाक क्लबको सहआयोजनामा नेपालमा मोबाइल फाल्ने प्रतियोगिताको आयोजना हुँदैछ । रोटरी क्लब अफ रुद्रमती, रोट्र्याक क्लब अफ रुद्रमती बबरमहल काठमाण्डौ,रोट्र्याक क्लब अफ रुद्रमती र रोट्र्याक क्लब अफ मनोहराको संयुक्त आयोजना हुन लागेको उक्त प्रतियोगिता यही फागुन १८ गते सिफल मैदानमा चाबेलमा आयोजना हुनेछ । बिहान १० बजेबाट सुरु हुने प्रतियोगिता केही घन्टासम्म चल्नेछ ।

सन् १९९६ मा फिनल्यान्डबाट सुरु भएको उक्त प्रतियोगिता नेपालमा तेस्रो पटक आयोजना हुन लागेको हो । यो प्रतियोगिता सन् २०१५ मा पहिलो पटक रोटरी क्लबले नै आयोजना गरेको थियो । सामाजिक कार्यका लागि आयोजना गर्न लागिएको उक्त प्रतियोगिताबाट उठेको रकमले काठमाडौं तथा देशका विभिन्न ठाउँमा रहेका शारीरिक रुपले अपांगता भएका महिलाहरुलाई मोबाइल सेट वितरण गरिने छ ।

यसअघि भएका प्रतियोगिताबाट संकलित रकमले मुगु जिल्लाका विकट गाविसमा सय जना महिलालाई मोबाइल सेट प्रदान गरिएको थियो भने यस बर्षको प्रतियोगिताबाट उठेको रकमले काठमाडौं तथा देशका विभिन्न ठाउमा रहेका शारीरिक रुपले अपांगता भएका महिलाहरुलाई मोबाइल सेट वितरण गरिने छ ।

यसअघि भएका प्रतियोगिताबाट संकलित रकमले मुगु जिल्लाका विकट गाविसमा सय जना महिलालाई मोबाइल सेट प्रदान गरी मोबाइलको सही सदुपयोग कसरी गर्न सकिन्छ भनेर जानकारी पनि दिइएको थियो ।

पन्द्र सयभन्दा बढी सहभागीको अपेक्षा गरिएको प्रतियोगितामा विदेशबाट पनि उल्लेखनीय सहभागिता हुने आयोजकको अपेक्षा छ । आयोजकले प्रतियोगितालाई १४ वर्ष मुनि र त्यो भन्दा माथिका महिला र पुरुष गरी तिन भागमा विभाजन गरेको छ । हरेक समूहबाट सबैभन्दा टाढा मोबाइल फाल्नेलाई एउटा स्मार्टफोन उपहार स्वरुप प्रदान गरिनेछ ।

प्रतियोगितामा सहभागिता जनाउन आयोजकले ५०० प्रवेश शुल्क निर्धारण गरेको छ । यदि सहभागी हुन चाहनेले चल्ने मोबाइल क्लबलाई प्रदान गरेको खण्डमा निशुल्क सहभागी हुन सक्नेछन् । तर रोटरी र लाइन्स क्लबका सदस्यहरुका लागि १००० र लियो र रोट्र्याकका सदस्यका लागि २५० प्रवेश शुल्क रहेको त्रिपाठीले बताए । उक्त कार्यकम पश्चात रक्तदान कार्यकम र महिला व्हील च्यर बास्केटबल प्रतियोगिता समेत हुने छ ।

post image

फागुन ८,काठमाडौं ।अत्तरिया तेस्रो संस्करणको धनगढी प्रिमियर लिग (डिपिएल) को फाइनलमा पुगेको छ। बुधबार भएको पहिलो क्वालिफायर खेलमा काठमाडौं गोल्डेन्सलाई ४१ रनले हराउँदै अत्तरिया उपाधि नजिक पुगेको हो।

अत्तरियाले दिएको १११ रनको लक्ष्य पछ्याएको काठमाडौंले निर्धारित २० ओभरको खेलमा १८.३ ओभरमा अलआउट हुँदै ६९ रनमा समेटियो। काठमाडौंका लागि गौरभ तोमाले २६ रन बनाउँदा योगेन्द्र सिंह कार्की र कप्तान ज्ञानेन्द्र मल्लले समान ११ रन बनाउनुबाहेक अन्य कुनै पनि ब्याट्मेनले दोहोरो रनको स्कोर छुन सकेनन्।

काठमाडौंलाई सस्तैमा रोक्न अत्तरियाका लागि सन्नी पटेलले ३ विकेट लिँदा भुवन कार्की र कमलसिंह ऐरीले २-२ विकेट लिए। कप्तान दीपेन्द्र सिंह ऐरीले किफायती बलिङ गर्दै ४ ओभरमा १ मेडनसहित ८ रन खर्चिएर १ विकेट लिए।

यसअघि प्रस्तावित अन्तर्राष्ट्रिय फाप्ला क्रिकेट मैदानमा टस जितेर पहिला ब्याटिङ गरेको अत्तरियाले निर्धारित २० ओभरमा ८ विकेटको क्षतिमा १ सय १० रन बनाएको थियो। अत्तरियाका लागि कप्तान दिपेन्द्र सिंह ऐरीले ३३ रन बनाउँदा भारतीय खेलाडी सन्नी पटेलले २८ रन जोडेका थिए।

जय किशन कोल्सावालाले १३ रन बनाउँदा सुवेन्द्र पाण्डेले १६ रन जोडे। बाँकी खेलाडीले दोहोरो रनको स्कोर छुन सकेनन्।

काठमाडौंका लागि अंकित दवास र सूर्य तामाङले समान २-२ विकेट लिँदा राशिद खान र योगेन्द्रसिंह कार्कीले समान एक एक विकेट आफ्नो नाममा लेखाए।

post image

७ फागुन, पोखरा । सफल पोखरा म्याराथनको उपाधि नेपाल आर्मीका हरिकुमार रिमालले जितेका छन् । २ घन्टा ४०.१० सेकेन्डमा ४२ किलोमिटर पार गर्दै उनले उपाधि जितेका हुन् ।भूतपूर्व खेलाडी मञ्च नेपालले गरेको १३ औं संस्करणको सफल पोखरा म्याराथनको उपाधि जितेका रिमालले १ लाख रुपैयाँ र ट्रफी हात परे ।

सशत्र प्रहरी बलका खिमबहादुर खत्रीले २ घन्टा ४०.२० सेकेण्डमा दौड पूरा गरेर दोस्रो भए भने तेस्रो भएका नेपाल प्रहरीका भूमिराज राईले २ घन्टा ४१ मिनेट १७ सेकेन्डमा दूरी पूरा गरे । २ घन्टा ४२ मिनेट ५५ सेकेन्डमा दौड पूरा गरेका नेपाली सेनाका पूर्ण तामाङ चौथो भए ।

प्रतियोगितामा  दोस्रो भएका खिमबहादुरले ७० हजार, तेस्रो भएका भूमिराजले ५० हजार र चौथो भएका पूर्ण तामाङले ७ हजार रुपैयाँ प्राप्त गरे ।

१० किमी पुरुषतर्फको दौडमा तीनै वटा उपाधि नेपाली सेनाले हात पार्‍यो । सेनाका विकास कार्की, राजन रोकाया र शिवबहादुर रायमाझी क्रमशः पहिलो, दोस्रो र तेस्रो भए । १० किमी महिलातफको दौडमा नेपाल प्रहरीकी राजपूरा पछाईं पहिलो, सशत्र प्रहरी बलकी वृन्दा श्रेष्ठ दोस्रो र नेपाली सेनाकी सरिता वंशी तेस्रो भइन् ।।

५ किमी दौडमा छात्रछात्रा सहभागी थिए । जसमा छात्रतर्फ शहीद स्मृतिको तुलबहादुर घर्तीमगर र छात्रातर्फ बेसलाइन एकेडेमीका ललिता लामिछानेले उपाधि जिते । उनीहरुले ५/५ हजार पुरस्कार जिते ।

प्रतियोगिताको ४०० मिटर पुरुष ह्विल चियर दौडमा सुरेश गौली पहिलो, भरत अधिकारी दोस्रो र हेमबहादुर गुरुङ तृतीय भए । यस्तै महिलातर्फ लक्ष्मी सुनार, अञ्जु बराल र पवित्रा विक क्रमशः पहिलो, दोस्रो र तेस्रो भए । उनीहरुले क्रमशः पाँच हजार, तीन हजार र दुई हजार रुपैयाँ जिते।

१०० मिटर दृष्टिविहीन दौडमा पुरुषतर्फको बी वानमा आदेश बस्याल पहिलो, सुनील राना दोस्रो र प्रेम क्षेत्री तेस्रो भए । यस्तै बी टूमा दुर्गादत्त पौडेल पहिलो, आशिष खड्गी दोस्रो र राम गुरुङ तेस्रो भए ।

दृष्टिविहीन महिलातर्फको बी वानमा रितादेवी थापा, बिपना खनाल र माया गौतम क्रमशः पहिलो, दोस्रो र तेस्रो भए । बी टूतर्फ बिनिता पुन पहिलो, सरिता घिमिरे दोस्रो र सुकु बिक तेस्रो भए । पहिलो हुनेले ५, दोस्रोले ३ र तेस्रो हुनेले २ हजार रुपैयाँ पुरस्कार पाए ।

म्याराथनको गण्डकी प्रदेशका मुख्यमन्त्री पृथ्वीसुब्बा गुरुङले उद्घाटन गर्दै धावकसँगै केही मिटर दौडिएका थिए । मुख्यमन्त्रीसँगै प्रदेशका गृहमन्त्री हरिबहादुर चुमान पनि केही बेर दौडिएका थिए ।

‘दौडौं पोखराका लागि, दौडौं स्वास्थ्यका लागि’ नाम दिएर पोखरा म्याराथन गरिएको हो । भूतपूर्व खेलाडी मञ्च नेपालका अध्यक्ष तेज गुरुङले म्याराथनलाई सिंगो पोखराले सेलिब्रेसन गरेको बताए ।

म्याराथनका विजेतालाई सामाजिक विकासमन्त्री नरदेवी पुन, सांसद मोहन रेग्मी, कृष्ण थापालगायतले पुरस्कार प्रदान गरे ।

post image

फागुन ७ ,काठमाडौं  । नेपालको महिला राष्ट्रिय क्रिकेट टोलीले मलेसियाको महिला टोलीलाई पराजित गर्दै आइसीसी वुमन्स वर्ल्ड कप क्वालिफायर (एसिया) मा विजयी सुरुवात गरेको छ। थाइल्याण्डमा भइरहेको क्वालिफायर अन्तर्गत आफ्नो पहिलो खेलमा नेपालले मंगलवार मलेसियामाथि ३४ रनको जित हात पारेको हो।

बैंककस्थित टेर्डथाई क्रिकेट मैदानमा टस जितेर पहिले ब्याटिङ गरेको नेपालले निर्धारित २० ओभरमा ५ विकेट गुमाएर १२६ रन बनाएको हो। यो टी २० अन्तर्राष्ट्रियमा नेपालको उच्च स्कोर समेत हो।

१२७ रनको लक्ष्य पछ्याएको मलेसियाले निर्धारित २० ओभरमा ७ विकेट गुमाएर ९२ रन मात्र बनाउन सक्यो। पहिलो खेलमा सोमवार कुवेतलाई पराजित गरेको मलेसियाको यो पहिलो हार हो। ओपनर सीता राना मगर र कप्तान रुविना क्षेत्रीले उत्कृष्ट ब्याटिङ गरेपछि नेपालले राम्रो स्कोर बनाएको थियो।

पहिलो विकेटका लागि सीताले काजोल श्रेष्ठसँग ४६ रनको साझेदारी गरिन्। नेपालको लागि ओपनर सीता राना मगरले ४० बल खेल्दै २ चौकाको मद्दतमा सर्वाधिक ४२ रन बनाइन्। यस्तै ओपनर काजल श्रेष्ठले १६ तथा इन्दुर बर्माले १३ रन बनाइन्। कप्तान रुविना क्षेत्री बेलबाशीले नटआउट ३३ रन बनाइन्। २५ बल खेलेली रुविनाले ३ चौका प्रहार गरिन्।

नेरी थापा मगर ६ रनमा रनआउट भइन् भने ममता चौधरीले खाता खोल्न सकिनन्। मलेसियाका विनिप्रेड दुराइसिंगम, लागि सशा अज्मी र जुमिका अज्मीले एक-एक विकेट लिइन्।

मलेसियाका लागि क्रिस्टिना बरेटले सर्वाधिक २१ रन बनाइन् भने दुराइसिंगमले १८ रन जोडिन्। यी दुईले तेस्रो विकेटका लागि ४३ रनको साझेदारी गर्दै १० रन हुँदा २ विकेट मलेसियाको स्कवर उकासेका थिए। तर ११औँ ओभरमा करुण भण्डारीले बरेटलाई कट एण्ड बोल्ड गरिन् भने १३औँ ओभरमा दुराइसिंगमलाई बोल्ड गरिन्। यस्तै सशा अज्मि १६ रनमा नटआउट रहिन्।

नेपालको कसिलो बलिङ सामु अन्य खेलाडीले दोहोरो अंक समेत छुन सकेनन्। नेपालको लागि करुण भण्डारीले ४ ओभरमा १४ रन खर्चेर २ विकेट लिइन्। यस्तै सरीता मगरले ३ ओभरमा १२ रन खर्चेर २ विकेट लिइन्। कविता कुँवर र सीता राना मगरले १-१ विकेट लिइन्। सीताले ४ ओभरमा १७ रन खर्चिन् भने कविताले २ ओभरमा ६ रन दिइन्।

post image

फागुन ७,काठमाडौं ।अन्तर्राष्ट्रिय क्रिकेट काउन्सिल (आइसिसी) महिला विश्वकप छनोट क्रिकेटअन्तर्गत एशिया छनोटको पहिलो खेलमा नेपालले मलेशियालाई ३४ रनले पराजित गरेको छ । जीतका लागि १ सय २७ रन पाएको मलेसियाले निर्धारित २० ओभरमा ७ विकेटको क्षतिमा मात्र ९२ रन बनाउन सक्यो ।नेपाललाई जीत दिलाउन करुणा भण्डारी र सरिता मगरले २–२ विकेट लिए भने सीता राना मगर र कबिता कुँवरले १–१ विकेट लिए ।

मलेसियाका लागि क्रिस्टिना बेरेटले सर्वाधिक २१ रन बनाइन् भने सासा आज्मीले नटआउट रहँदै १६ रन बनाइन् । थाइल्याण्डको बैंककस्थित ट्रेडथाई क्रिकेट मैदानमा टस जितेर पहिले ब्याटिङ गरेको नेपालले पूरै २० ओभर खेल्दै पाँच विकेट गुमाएर १२६ रन बनाएको थियो । नेपालका लागि शुरुआती ब्याट्सम्यान सीता रानामगरले ४२ रन जोडिन् । यस्तै कप्तान रुबिना क्षेत्रीले अविजित ३३ रन बनाइन् । त्यस्तै काजोल श्रेष्ठले १६, इन्दु बर्माले १३ र नेरी थापाले छ रन जोडिन् ।

नेपालले मलेशियापछि दोस्रो खेलमा आयोजक थाइल्याण्डसँग बिहीबार खेल्नेछ । एशिया छनोटमा नेपालसहित सात राष्ट्रले प्रतिस्पर्र्धा गर्नेछन् । छनोटमा नेपाल, थाइल्याण्ड, युएई, मलेशिया, कुवेत, चीन र हङकङ रहेका छन् । राउण्ड रोबिनका आधारमा हुने छनोटको विजेताले आइसिसी महिला टी–२० विश्वकपको ग्लोबल छनोटमा पुग्नेछ ।

post image

फागुन ६, काठमाडौं ।  नेक्सस क्रिकेट एकेडेमीले “ब्रमास्मी एसईई एकदिवसीय क्रिकेट प्रतियोगिता” आयोजना गर्ने भएको छ । आयोजक नेक्सस क्रिकेट एकेडेमीले सोमबार राजधानीमा पत्रकार सम्मेलनको आयोजना गरेर  यसै वर्ष एसईई दिने खेलाडीहरु लाई लक्षित गर्दै ट्यालेन्ट हन्ट बाट खेलाडी छनोट गरी ‘ब्रमास्मी एसईई एकदिवसीय क्रिकेट प्रतियोगिताको आयोजना गर्न लागेको जानकारी गराएको हो ।

बैशाख अन्तिम साता काठमाडौंम हुने प्रतियोतिाको लागि सोमबारै ब्रमास्मी कलेजसँग मुख्य प्रायोजन सम्झौता भएको छ । सम्झौतामा नेक्सस एकेडेमीका अध्यक्ष भरत कुमार शाही र ब्रमास्मी कलेजका निर्देशक सुनन्दा रेग्मीले हस्ताक्षर गरे । सम्झौतापछि ब्रमास्मीले ७ लाख ५० हजार रूपैया उपलब्ध गराउनेछ । यस्तै ब्रमास्मीले ट्यालेन्ट हन्टमा सहभागी सबै खेलाडीलाई पुर्ण देखि आंशिक छात्रवृत्ति उपलब्ध गराउने छ ।

प्रतियोगितामा ८ टिमको सहभागिता रहने नेक्सस क्रिकेट एकेडेमीका अध्यक्ष भरत कुमार शाहीले जानकारी गराए । उनले प्रतियोगितामा क्षमताको आधारमा धेरै भन्दा धेरै खेलाडीको सहभागिता होस भन्ने उद्देश्यले प्रमुख ११ शहरमा ट्यालेन्ट हन्ट आयोजना गरिएको बताए ।

प्रतियोगिता भन्दा अघि आयोजकले देशभरको ११ प्रमुख शहरमा ट्यालेन्ट आयोजना गर्ने छ । ट्यालेन्ट हन्ट चैत २२ गतेबाट बैशाख १६ गते सम्म सञ्चालन हुनेछ । ट्यालेन्ट हन्ट धनगढी, कोहलपुर, सुर्खेत, दाङ, बुटवल, पोखरा, चितवन, कलैया, विराटनगर, बिर्तामोड र काठमाडौंमा सञ्चलान हुनेछ । ट्यालेन्ट हन्टबाट हरेक छनोट केन्द्रबाट ५ देखि ७ खेलाडी छनोट हुनेछ । हरेक छनौट केन्द्रका प्रमुखको संयोजकमा स्थानिय प्रशिक्षक एक जना र एक जना नेक्ससको प्रतिनिधिसहित ३ सदस्यीय छनौट समिति हुनेछ ।

लोकेश जोशी थनगढ़ी, दिपेन्द्र थापा कोहलपुर, रुद्र भण्डारी सुर्खेत, सन्जु क्षेत्री दाङ, सुनिल ढुंगाना बुटवल, बबिन कुवँर पोखरा, संघर्ष पौडेल चितवन, पंकज पाण्डे कलैया, आशिष श्रेष्ठ बिराटनगर हितेन श्रेष्ठ बितामोड र प्रबल गौतम लाई काठमाडौंको संयोजक चुनिएको छ ।

ट्यालेन्ट हन्ट बाट छनोट भएका करिव १०० जना खेलाडीलाई सम्मिलित गराई काठमाडौंमा एक साताको क्याम्प आयोजना हुनेछ । उक्त क्याम्पबाट अन्तिम ४८ जना खेलाडी छनोट हुनेछ । प्रतियोगितामा सहभागी ८ टोलीले ट्यालेन्ट हन्टबाट छानिएका चार खेलाडीलाई अनिवार्य टिममा समावेश गरिनुपर्ने नेक्ससले जनाएको छ ।

प्रतियोगितामा उत्कृष्ट प्रदर्शन गर्ने १४ खेलाडी छनोट गरी श्रीलंकाको सिरिजमा सहभागिता गराईने आयोजकले जनाएको छ । उत्कृष्ट १४ खेलाडीलाई ब्रमास्मी कलेजले निशुल्क छात्रवृत्तिमा अध्यययन गर्ने व्यवस्था गराउनेछ ।

प्रतियोगिताको बेष्ट ब्याट्सम्यान, बेष्ट बलर र म्यान अफ दि सिरिज हुनेले नेक्सस क्रिकेट एकेडमीको दिल्ली सेन्टरमा १ वर्षसम्म निशुल्क प्रशिक्षणको ब्यबस्था गरिने आयोजकले जनाएको छ । अन्य १० उत्कृष्ट खेलाडीलाई नेक्सस क्रिकेट एकेडेमीमा ६ महिना निशुल्क प्रशिक्षणको व्यवस्था गरिने आयोजकले जनाएको छ । प्रतियोगिताको अनुमानित लाग २५ लाख रूपैया रहेको छ । प्रतियोगिता मुलपानी क्रिकेट मैदानमा आयोजना हुनेछ ।

post image

फागुन ५, काठमाडौं । कास्की जिल्ला बास्केटबल संघको आयोजनामा भएको तेश्रो कुँवर व्रर्दश एण्ड सन्स राष्ट्रिय भेट्रान्स बास्केटबल प्रतियोगिता २०७५ को उपाधि काठमाण्डौको ठमेल यूनाइटेडले जितेको छ।आइतबार पोखरामा सम्पन्न फाइनलमा ठमेल यूनाइटेडले आयोजक कास्की जिल्ला बास्केटबल संघलाई ६४–४८ को स्कोरले पराजित गरेको हो।

च्याम्पियन ठमेल यूनाइटेडले नगद ५५ हजार ५ सय ५५ को साथमा ट्रफी, मेडल र प्रमाणपत्र प्राप्त गरेको छ। उपविजेतामा चित्त बुझाएको कास्की जिल्ला बास्केटबल संघले नगद ३३ हजार ३ सय ३३ पायो।प्रतियोगितामा कास्की जिल्ला बास्केटबल संघका खेलाडी रबिन साही उत्कृष्ट खेलाडी घोषित भए भने ठमेल युनाइटेडका कर्मा गुरुङले सर्वाधिक स्कोरर हुँदै विशेष ट्रफी प्राप्त गरेका छन्।

विजेता टिम तथा खेलाडीलाई नेपाल प्रहरी प्रधान कार्यालय नक्सालका एसएसपी नरोत्तमलाल प्रधान, नेपाल बास्केटबल संघका उपाध्यक्ष जुम प्रसाद गुरुङ, क्षेत्रिय भलिबल संघका संस्थापक अध्यक्ष श्रीभक्त गुरुङ, जिल्ला प्रहरी कार्यालय कास्कीका डिएसपी गोविन्द पुरी, सोसल पव्लिकका संस्थापक खिम गुरुङ लगाएतले ट्रफी, मेडल तथा प्रमाणपत्र वितरण गरेका थिए।

यस्तै नेपाल बास्केटबल संघका पूर्व उपाध्यक्ष एवंम नेपाल सेभेन ए साइडका अध्यक्ष नविन पुनलाई सम्मान गरिएको थियो। ४० वर्ष देखिमाथी उमेर समुहका खेलाडीको रहेको उक्त प्रतियोगितामा ६ टिमको सहभागिता रहेको थियो। फागुन २ गतेबाट सुरु भएको प्रतियोगितामा काठमाडौको ठमेल युनाइटेड, तनहुँ जिल्ला बास्केटबल संघ, एक्स अम्बर सिंहको ए र बी, लामाचौर भेट्रान्स तथा आयोजक कास्की जिल्ला बास्केटबल संघको टिमले प्रतियोगितामा प्रतिस्पर्धा गरेका थिए।

post image

फागुन ५, काठमाडौं । मेलवर्न स्टार्स बिग बास लिग (बीबीएल) आठ को उपविजेता बनेको छ। मेलवर्न डर्बी फाइनलमा मेलवर्न रेनेगाड्सले स्टार्सलाई १३ रनले पराजित गर्दै पहिलो पटक उपाधि जितेको हो।

१४६ रनको लक्ष्य पछ्याएको स्टार्सले २० ओभरमा ७ विकेट गुमाएर १३२ रन मात्र बनाउन सक्यो।  पहिलो विकेटका लागि बेन डंक र मार्कुस स्टोइनिसले ९३ रनको साझेदारी गरेपनि अन्य खेलाडीले खराब ब्याटिङ गरेपछि स्टार्सले लक्ष्य भेट्टाउन सकेन।

डंकले ५७ र स्टोइनिसले ३९ रन बनाए। एडम जाम्पा १७ रनमा नटआउट रहे। स्टार्सले १९ रन बनाउँदा ७ विकेट गुमाएको थियो।  रेनेगड्सको लागि क्रिस ट्रेमन, क्यामरुन बोएस र ड्यानिएल क्रिस्टियनले २-२ विकेट लिए।

त्यसअघि मार्भेल स्टेडियममा ब्याट फ्लिप हारेपछि पहिले ब्याटिङ गरेको रेनेगाड्सले टम कुपर र ड्यान क्रिस्टयनको अर्धशतकिय साझेदारी मद्दतमा २० ओभर खेल्दै ५ विकेट गुमाएर १४५ रन बनाएको थियो। ६५ रन हुँदा ५ विकेट गुमाएको अवस्थामा कुपर र क्रिस्टियनले छैटौँ विकेटका लागि ८० रनको साझेदारी गरेका थिए। कुपर ४३ र क्रिस्टियन ३८ रनमा नटआउट रहे। स्टार्सका लागि ज्याक्सन बर्ड र एडम जाम्पाले २-२ विकेट लिए।

नेपालका सन्दीप लामिछानेले ४ ओभरमा किफायती बलिङ गर्दै १६ रन खर्चेपनि विकेट लिन सकेनन्।

post image

फागुन ३, काठमाडौं । भारतमा भइरहेको हिरो वुमन्स गोल्डकपको उपाधिका लागि नेपालको महिला टोलीले आज म्यानमारको महिला टोलीसँग खेल्दैछ। चार राष्ट्र सम्मिलित प्रतियोगितामा म्यानमार र नेपाल शीर्ष दुई स्थानमा रहँदै फाइनल पुगेका हुन्।

म्यानमारले लिग चरणमा सबै तीन खेल जित्दा नेपालले दुई खेल जितेको थियो।  पहिलो खेलमै म्यानमारसँ ३-० ले पराजित भएको नेपालले त्यसपछि उत्कृष्ट पुनरागमन गर्दै प्रतियोगितामा बाँकी दुई खेल जित्यो।

यसक्रममा नेपालले अहिलेसम्म हराउन नसकेको भारतलाई उसैको मैदानमा २-१ ले पराजित गर्दै ऐतिहासिक उपलब्धी हात पारेको थियो। भारत विरुद्ध त्यो नेपालको पहिलो जित थियो। यस्तै नेपालले अन्तिम खेलमा इरानलाई ३-० ले पराजित गर्‍यो।

अन्तिम खेलमा म्यानमारले भारतलाई २-० ले पराजित गरेपछि लिगमा म्यानमार ९ अंकहसित पहिलो र नेपाल ६ अंकसहित दोस्रो भएको हो।

भारतले एक जितबाट ३ अंक मात्र जोड्दा इरान सबै खेल हार्दै अंकविहिन बनेको थियो। साफ च्याम्पियनसिपमा तीन पटक फाइनल पुग्दा पनि भारतसँगै हारेको नेपाल सामु पहिलो पटक अन्तर्राष्ट्रिय प्रतियोगिताको उपाधि जित्ने अवसर छ। यस्तै पहिलो खेलमा हार बेहोरेको म्यानमारसँग बदला लिने अवसर पनि छ।

भारतको उडिसास्थित कालिङ्गा रंगशालामा भइरहेको प्रतियोगिताको फाइनल आज बेलुका नेपाली समयअनुसार ६:१५ बजे सुरु हुनेछ।

post image

 फागुन २, काठमाडौ। युरोपियन च्याम्पियन्स लिग अन्तर्गत गएराती भएको अन्तिम १६ को खेलमा टोटनहम हट्सपर र रियल मड्रिड विजयी भएको छ।

इंग्लिस क्लब टोटनहमले दोस्रो हाफमा तीन गोल गर्दै जर्मन क्लब बोरुसिया डर्टमण्डलाई ३-० ले हरायो। भिएआर गोलले मान्यता नपाउँदा अयाक्सले ३रेलु मैदानमा रियल मड्रिडसँग २-१ को हार बेहोर्‍यो।

ह्यारी केन, डेली अली जस्ता खेलाडी चोटका कारण बाहिर रहेपनि घरेलु मैदान वेम्लीमा टोटनहमले शानदार जित हासिल गर्दै अवे लिगका लागि सहज स्थित तय गरेको हो। खेलको ४७औँ मिनेटमा हेउन मिन सनको गोल मार्फत अग्रता बनाएको टोटनहमले अन्तिम सात मिनेटभित्र दुई गोल थप्यो। ८३औँ मिनेटमा जन भर्टोङ्गन र ८६औँ मिनेटमा फर्नान्डो लोरेन्टले गोल गरे।

यसैगरी रियल र अयाक्सबीचको खेलमा पनि सबै गोल दोस्रो हाफमै भएको थियो। तर निकोलस ट्याग्लिएफिकोले पहिलो हाफमा गरेको हेडर गोल भिएआर टेक्नोलोजीमार्फत रुल्डआउट भएपछि अयाक्सले घरेलु मैदानमा अग्रता लिने मौका गुमायो।

च्याम्पियन्स लिगमा यसै सिजनको नकआउट राउण्डदेखि भिएआरको प्रयोग गरिएको हो। तर त्यसको पहिलो शिकार नै अयाक्स बन्यो।

अयाक्सको घरेलु मैदान योहान क्रुफ एरेनामा करिम बेन्जामाले ६०औँ मिनेटमा गोल गर्दै रियललाई अग्रता दिलाए। ७५औँ मिनेटमा हाकिम जियाचले बराबरी गोल गर्दै अयाक्सलाई खेलमा फर्काएका थिए। तर खेल सकिन तीन मिनेट अगाडी वैकल्पिक खेलाडी मार्को एसेन्सिओले गोल गर्दै रियललाई जित दिलाए।

यस्तै रियलका कप्तान सर्गियो रामोसले यसै खेलपछि सबै खाले प्रतियोगितामा गरेर रियलका लागि ६ सयौँ खेल पूरा गरे।

post image

फागुन २, काठमाडौं । घरेलु टोली धनगढी स्टार्सले तेस्रो संस्करणको धनगढी प्रिमियर लिग (डीपीएल) क्रिकेट प्रतियोगितामा लगतार तेस्रो हार ब्यहोरेको छ । साविक विजेतासमेत रहेको धनगढीले लगातार तेस्रो खेलमा पनि हार ब्यहोरेसँगै प्ले अफमा पुग्ने सम्भावना लगभग सकिएको छ ।

१०४ रनको सामान्य लक्ष्य पछ्याएको धनगढी विराटनगर किंग्ससँग २१ रनले पराजित भएको हो । धनगढी १९ ओभरको समाप्तिमा ८२ रन हुदा अलआउट हुन पुग्यो । धनगढीका लागि दुई खेलाडीले मात्रै दोहोरो अंक बनाए । बाँकी कुनै पनि खेलाडीले दोहोरो अंक समेत बनाउन सकेनन् ।

सन्दीप रजालीले ३४ र राजु रिजालले १५ रन बनाए । धनगढीका अनुभवि ब्याट्सम्यान रोहन मुस्तफा ६, सुनिल धमला एक, अमित श्रेष्ठ सात, पवन सर्राफ चार, अमिर हायत, कप्तान सोमपाल कामी र सौरभ खनाल समान ४–४ रनमा आउट भएपछि विराटगरले प्रतियोगितामा पहिलो जित हात पारेको हो ।

धनगढीलाई सस्तैमा समेट्न विराटनगरका लागि कप्तान करण केसीले चार विकेट लिए । उनले चार ओभरमा २४ रन खर्चिए । त्यस्तै, अविनाश यादवले पनि चार विकेट लिए । कसिलो बलिङ गरेका उनले चार ओभरमा १० रन खर्चेर चार विकेट लिएका थिए ।

फाप्ला अन्तर्राष्ट्रिय क्रिकेट मैदानमा टस जितेर पहिले ब्याटिङ गर्दै विराटनगर किंग्सले निर्धारित २० ओभरमा ९ विकेटको क्षतिमा १०३ रन बनाएको थियो ।

विराटनगरका लागि अविनाश यादवले २७ रन बनाए । त्यस्तै, कप्तान करण केसीले २१ रन बनाउँदा आशिफ सेख १२ र साम्सद सेख ११ रनमा आउट भए ।

बलिङतर्फ धनगढी स्टार्सका कप्तान सोमपाल कामीले तीन विकेट लिए । उनले तीन ओभर बलिङ गर्दै मात्र आठ रन खर्चेर तीन विकेट लिएका थिए । त्यस्तै, विपिन खत्रीले चार ओभर बलिङ गर्दै १९ रन खर्चेर तीन विकेट लिए ।

post image

फागुन १, काठमाडौं । भारतमा जारी हिरो गोल्डकपअन्तर्गत आज लिग चरणको अन्तिम खेलमा नेपालले इरानको सामना गर्दैछ । भारतको उडिसास्थित कालिङ्गा रङ्गशालामा नेपाल र इरानबीचको खेल दिउँसो ४ बजे शुरु हुनेछ । जारी प्रतियोगितामा एक खेलमा पराजित र एक खेलमा जित निकाल्दै नेपालले तीन अङ्क जोडेको छ ।

आज इरानविरुद्ध जित निकालेको खण्डमा नेपाल शीर्ष दुईमा पर्दै फाइनल पुग्नेछ भने पराजित भएको खण्डमा अर्को खेलको नतिजा कुर्नुपर्नेछ । आजै हुने खेलमा म्यानमार र भारत पनि प्रतिस्पर्धा गर्दैछन् । यो खेल बराबरी खेलेमा वा म्यानमारले भारतलाई हराएमा वा भारतले थोरै गोलअन्तरमा म्यानमारलाई हराएमा नेपाल फाइनल पुग्ने सम्भावना बढी हुन्छ ।

यस्तै म्यानमारले भारतलाई हराएर सानो गोलअन्तरका आधारमा इरानसँग हारेमा पनि नेपाल फाइनल पुग्न सक्छ । चार टोली आयोजक भारत, इरान, नेपाल र म्यान्मा सहभागी प्रतियोगिताका शीर्ष दुई टोली फाइनल प्रवेश गर्नेछन् ।

दुई चरणका खेल समाप्त हुँदासम्म म्यान्मा दुवै खेल जित्दै छ अङ्कसहित शीर्षस्थानमा छ भने नेपाल तीन अङ्कसहित दोस्रो र भारत पनि समान तीन अङ्कसहित तेस्रो स्थानमा छ । इरान अहिलेसम्म अङ्ककविहीन छ ।

post image

फागुन १, काठमाण्डौं । गौतम बुद्ध अन्तर्राष्ट्रिय क्रिकेट रङ्गशाला निर्माणको घोषणा गरेको धुर्मुस सुन्तली फाउण्डेशनले आर्थिक सङ्कलन अभियानलाई तीव्र बनाएको छ।

चितवनमा गौतमबुद्ध अन्तर्राष्ट्रिय क्रिकेट रङ्गशाला बनाउने घोषणा गरेका अभियान्ता सीताराम कट्टेल (धुर्मुस) र कुञ्जना घिमिरे(सुन्तली) अहिले विश्वका विभिन्न देशमा कार्यक्रमको आयोजना गर्दै रकम सङ्कलन गरिरहेका छन्। उनीहरुले यसै साता क्रिकेट मैदान निर्माणका लागि मलेसियाका तीनवटा शहरमा ‘धुर्मुस सुन्तली साँझ’ कार्यक्रमको आयोजना गरी रु ३५ लाख सङ्कलन गरेका छन्।

फाउन्डेशनका अध्यक्ष सीताराम कट्टेलले सामाजिक सञ्जालमार्फत मलेसियाको तीनवटा शहर क्वालालामपुर, जोहोरबाहु र पेनाङमा भएको मनोरञ्जनात्मक कार्यक्रममार्फत रु ३५ लाखभन्दा बढी रकम सङ्कलन भएको जानकारी दिए।

रङ्गशाला निर्माणको घोषणापछि सहयोग जुटाउन अहिले उनीहरु मलेसियामा छन्। कट्टेलका अनुसार नेपाली समुदायबाट रु २० लाख ७१ हजार र कार्यक्रम आयोजक सिटी एक्सप्रेसबाट रु १५ लाख गरी रु ३५ लाख ७१ हजार सङ्कलन भएको हो।

अभियान्ता कट्टेलले मलेसियामा रहेका नेपालीले देखाएको उत्साह र सहयोगले निकै हौसला मिलेको बताउँदै अझै धेरै सहयोग प्राप्त हुने विश्वास व्यक्त गरे। रङ्गशाला निर्माणको सहयोगार्थ सिटी एक्सप्रेसले ‘धुर्मुस सुन्तली साँझ’को आयोजना गरेको थियो।

मलेसियापछि अन्य मुलुकमा पनि यस्तै कार्यक्रम गर्नेबारे छलफल भइरहेको बताउँदै कट्टेलले रङ्गशाला निर्माणका लागि आवश्यक रु दुई अर्ब रकम फाउण्डेशन आफैँले मात्र जुटाउन कठिन हुने भन्दै सबैसँग सहयोगको आग्रह गरेका छन्। “रङ्गशाला निर्माणको सहयोगार्थ जुन उद्देश्य लिएर हामी मलेसिया आएका थियौँ। मलेसियामा रहनुभएका नेपाली दिदीबहिनी दाजुभाइबाट हामीले सोँचेभन्दा पनि राम्रो साथ सहयोग र सद्भाव पाएका छौँ।”

फाउण्डेशनले नेपालमा पहिलो अत्याधुनिक सुविधासम्पन्न अन्तर्राष्ट्रिय क्रिकेट रङ्गशाला चितवनको भरतपुर महानगरपालिका–१६ स्थित रामपुर विश्वविद्यालयको स्वामित्वमा रहेको २० बिघा जग्गामा निर्माण प्रक्रिया शुरु गरेको हो। हाल रङ्गशालाको विस्तृत परियोजना प्रतिवेदन (डिपिआर) तयारीको काम भइरहेको छ भने महीनाभित्र डिपिआर तयार गरी त्यसपछि दुई वर्षभित्र रङ्गशाला निर्माण गरिसक्ने लक्ष राखिएको छ।

तीन महीनाअघि धुर्मुस–सुन्तली फाउण्डेशनले भरतपुर महानगरलाई रङ्गशाला बनाउनका लागि प्रस्तावपत्र पेश गरेको थियो। यसबीचमा फाउण्डेशनका तर्फबाट दक्ष प्राविधिकको टोली, फाउण्डेशनका अध्यक्ष सीताराम कट्टेललगायतले सो स्थानको अवलोकन गरी उपयुक्त रहेको ठहर गरेका थिए।

दुई साताअघि काठमाडौँमा भव्य कार्यक्रमको आयोजना गरी रङ्गशाला निर्माणसम्बन्धी सम्झौतापत्रमा हस्ताक्षर भइसकेको छ। प्रधानमन्त्री केपी शर्मा ओली र नेकपाका अध्यक्ष पुष्पकमल दाहालको उपस्थितिमा चितवनको भरतपुर महानगरपालिका र फाउण्डेशनबीच सम्झौतापत्रमा हस्ताक्षर भएको हो।

धुर्मुस–सुन्तली फाउण्डेशनले यसअघि ललितपुरको गोदावरीमा रङ्गशाला बनाउने प्रक्रिया शुरु गरेको थियो तर, प्राविधिकको समूहले त्यस ठाउँ उपयुक्त नभएको बताएपछि उनीहरु चितवनमा लागेका थिए। भरतपुर महानगर आफैँले पनि धुर्मुस–सुन्तली फाउण्डेशनलाई क्रिकेट रङ्गशाला बनाउने भए जग्गा उपलब्ध गराउने बताएको थियो।

अध्यक्ष कट्टेलले एकदिवसीय मान्यता पाएको नेपाली क्रिकेटका लागि आवश्यक रङ्गशाला छिट्टै उपलब्ध गराउने प्रतिबद्धता व्यक्त गर्दै आउनुभएको छ। “धेरै ठूलो परियोजना हो, हामीले आफैँले बनाउने आँट गरेका छौँ तर सरकार वा महानगरबाट सहकार्यका लागि प्रस्ताव भएमा हामी सहकार्य गर्नेछौँ”, कट्टेलले भने।रासस

post image

 माघ २९, काठमाडौं । आगामी फागुन २ गतेदेखि सुरू हुने चौथो संस्करणको पाकिस्तान सुपर लिगको उद्घाटन खेलमा लाहोर क्वालन्दर्सले दुई पटकको च्याम्पियन इस्लामावाद युनाइटेडको सामना गर्दैछ।

पहिलो खेलमा नेपाली युवा लेग स्पिनर सन्दीप लामिछानेले खेल गुमाउने भएका छन्। बिग ब्यास लिग खेलिरहेका सन्दीप यतिबेला अष्ट्रेलियामा छन्। उनको टिम मेलबर्न स्टार्सले बिहिबारै हुने सेमिफाइनलमा होबर्ट हुरिक्यान्ससँग खेल्नेछ। यदि सन्दीपको टोलीले होबर्टलाई हराउँदै फाइनल पुगेमा आगामी फेब्रुअरी १७ तारिकमा हुने फाइनल पछि मात्र उनी युएई जानेछन्।

यसअघि युएईमा क्वालन्दर्सले ३ खेल खेलिसकेको हुनेछ। यसअघिका संस्करणमा तालिकाको पुछारमा रहेर लिग टुंग्याएको क्वालन्दरले यसपाली केही आशा गरेको छ।

यस संस्करणका लागि सन्दीपसँगै क्लान्दर्सले दक्षिण अफ्रिकाका बिस्फोटक ब्याट्मेन एबिडि भिलियर्सलाई समेत राखेको छ।

लाहोर क्वालान्दर्सले न्यूनतम् ५० हजार डलरमा सन्दीपलाई खरिद गरेको थियो। विदेशी खेलाडीको गोल्ड क्याटागोरीमा रहेका सन्दीपको पारिश्रमिक कम्तीमा ५० हजार देखि ७० हजार अमेरिकी डलर हुनेछ।

सन्दीपले यसै वर्ष मात्र क्यारेवियन प्रिमियर लिग, अफगानिस्तान प्रिमियर लिग, बिग ब्यास र बंगलादेश प्रिमियर लिग खेलिसकेका छन्। लाहोर क्वालान्दर्स क्लबमा धनाढ्य कतार लुब्रिक्रेन्ट्स कम्पनी लिमिटेडको स्वामित्व छ। यस टोलीको कप्तानी चर्चित क्रिकेटर एबी डिभिलियर्सले सम्हाली रहेका छन्।

 

post image

 माघ २९ , काठमाडौं । आर्सनलका मिडफिल्डर आरोन राम्सी इटालियन क्लब युभेन्टसमा अनुबन्धित भएका छन् । युभेन्टसले सोमबार आर्सनलका मिडफिल्डरलाई राम्सीलाई चार वर्षका लागि आफ्नो टिममा अनुबन्धित गरेको हो ।

उनको आर्सनलसँगको सम्झौता गत वर्षको जुन महिनामै सकिएको थियो । सम्झौताअनुसार, उनले साताको चार लाख पाउण्ड पाउने छन् । अनुबन्धित भएसँगै उनी सर्वाधिक तलब पाउने ब्रिटिस खेलाडी बनेका छन् ।

वेल्सका २८ वर्षीय राम्सीले आर्सनलमा ११ वर्ष बिताए । कार्डिफ सिटीबाट सन् २००८ मा राम्सी आर्सनल गएका थिए ।

post image

माघ २८, काठमाडौं। भारतमा जारी महिला गोल्डकप फुटबलको दोस्रो खेलमा नेपालले आज घरेलु टोली भारतको सामना गर्दैछ।

पहिलो खेलमा म्यानमारसँग पराजित नेपालले अघिल्लो चरण पुग्न आजको खेल जित्नै पर्ने दबाब छ। नेपाल र भारतबीचको खेल उडिसास्थित कालिङ्गाका रङ्गशालामा नेपाली समयानुसार आज साँझ ७ बजे सुरू हुनेछ।

घरेलु टोलीविरूद्ध मैदान उत्रँदा नेपालको लक्ष्य पहिलो जितको खोजीमा हुनेछ। पहिलो खेलमा म्यानमारसँग ३–० गोलले पराजित नेपाललाई भारतविरूद्धको खेल जित्नै पर्ने दबाब छ। आजको खेलमा पराजित भएको खण्डमा नेपालको शीर्ष दुईमा पुग्ने सम्भावना कमजोर बन्नेछ।

प्रतियोगितामा एक/एक जित निकालेको भारत र म्यानमारको समान तीन/तीन अङ्क छ। नेपाल र इरानले अङ्क जोड्न सकेका छैनन्। राउण्ड रोविन आधारमा हुने खेलमा शीर्ष दुईले फाइनल खेल्ने छन्।

post image

माघ २७, काठमाडौं । अन्तर्राष्ट्रिय क्रिकेट परिषद् (आइसिसी)ले नेपाली खेलाडीको रोकिएको दुई वर्षको तलब एकमुष्ट पठाएको छ। नेपाल क्रिकेट सङ्घ (क्यान) निलम्बनमा परेसँगै नेपाली खेलाडीले दुई वर्षदेखिको तलब पाएका थिएनन् । राष्ट्रिय खेलकूद परिषद् (राखेप)को पहलमा आइसिसीले दुई वर्षको खेलाडीको तलब एकमुष्ट रु एक करोड २७ लाख ८७ हजार ७८२ पठाएको राखेपले जनाएको छ।

‘हामीले आइसिसीबाट तलब पाउँदै आएका २१ खेलाडीसँग सम्झौता गरेर आइसिसीमा पठाएका थियौं। हिजो मात्र पैसा आएको छ’ राखेप सदस्य सचिव केशव विष्टले भने।  सन् २०१७ र १८ मा नेपालका लागि खेलेका क्रिकेटरलाई ए, बी र सी गरी तीन श्रेणीमा राखिएको छ। त्यसअनुसार राखेपले प्रत्येक खेलाडीहरूसँग सम्झौता गरेर तलबका लागि आइसिसीमा पत्र पठाएको थियो। आइसिसीले ‘ए’ श्रेणीका लागि मासिक रु ३५ हजार, ‘बी’ श्रेणीका लागि रु २५ हजार र सी श्रेष्णीका खेलाडीलाई रु १५ हजार मासिक तलब उपलब्ध गराएको छ । ‘ए’ श्रेणीमा कप्तान पारस खड्कासँगै उपकप्तान ज्ञानेन्द्र मल्ल, शरद भेषावकर, वसन्त रेग्मी, सोमपाल कामी, दीपेन्द्र सिंह ऐरी र सन्दीप लामिछाने छन्। दुई वर्षको तलब एकमुष्ट लिँदा ‘ए’ श्रेणीमा पर्ने खेलाडीले जनही रु आठ लाख ४० हजार पाउनेछन्।

त्यसैगरी श्रेणी ‘बी’ मा आरिफ शेख, करण केसी, ललित भण्डारी, अनिलकुमार साह, रोहित पौडेल, ललित राजवंशी र शक्ति गौचन छन् । उनीहरुले दुई वर्षको एकमुष्ट रु छ लाख पाउनेछन् । यसैगरी सी श्रेणीमा सुवास खकुरेल, सागर पुन, दिलीप नाथ, सुनिल धमला, सुसन भारी, प्रदीप ऐरी र विनोद भण्डारी छन् । उनीहरूले मासिक रु १५ हजारका दरले दुई वर्षको तलब रु तीन लाख पाउनेछन् । राखेपका अनुसार टोली व्यवस्थापक रमन शिवाकोटी र मुख्य प्रशिक्षक जगत टमाटाले पनि दुई वर्षको पारिश्रमिक पाउनेछन्। उनीहरूको पारिश्रमिक खुलाइएको छैन। क्यान विवादले उग्ररूप लिँदै गर्दा आइसिसीले २०७३ वैशाखदेखि क्यानलाई सरकारी हस्तक्षेप र निष्पक्ष नभएको भन्दै प्रतिबन्ध लगाउँदै आएको छ। विसं २०७३ वैशाखमा क्यान निलम्बन भएपछि अहिलेसम्म नेपाली खेलाडीले अभिभावकबिनै ठूला प्रतियोगितामा सहभागिता जनाउँदै आएका छन्। रासस

post image

माघ २६, काठमाडौं । भारतमा हुने हिरो गोल्डकप महिला फुटबलमा नेपालको महिला राष्ट्रिय टिमले म्यानमारसँग खेल्दैछ।खेल भारतको भुवनेश्वरमस्थित कालिंगा रंगशालामा नेपाली समय अनुसार ४:१५ बजे सुरु हुने छ। पछिल्लो पटक नेपाल र म्यानमारबीच टोकियो ओलम्पिक २०२० को छनोट अन्तर्गत खेल भएको थियो। उक्त खेल बराबरीमा सकिएको थियो।

म्यानमार वरीयतामा पनि माथि रहेको र कठिन प्रतिद्वन्दी रहेको नेपालको प्रशिक्षक हरी खड्काले बताएका छन्। ‘हाम्रो मुख्य लक्ष्य भनेको साफ च्याम्पियनसिप हो। हामी यहाँ सिक्नको लागि आएका छौँ। यहाँ खेल्ने बाँकी तीन टिम हामीभन्दा हाइअर र्‍याङ्कका छन्।’

‘हामी यहाँ अन्डरडग टिमको रुपमा रहन सक्छौँ। हामी अरु टिमसँग प्रतिस्पर्धात्मक खेल खेल्छौँ र राम्रो फुटबल खेल्नेछौँ।’ ‘हामी यहाँ हाम्रो कमजोरीहरुलाई सुधार गर्नेछौँ।’ शुक्रवार भएको प्रिम्याच कन्फ्रेन्समा खड्काले भनेका थिए। नेपाल र म्यानमारसँगै प्रतियोगितामा भारत र इरान समेत सहभागि छ।

post image

माघ २, मलेसिया   माघ १६ गते काठमाडौंको  राष्ट्रिय सभा गृहमा  घोषणा गरिएको गौतम बुद्ध अन्तर्राष्ट्रिय क्रिकेट रंगशाला निर्माणको  अभियानलाई लिएर मलेसिया आएका  धुर्मुस सुन्तलीको  शानदार प्रस्तुतिले दर्शकको मन जित्न सफल भएको  नेपालमा गौतम बुद्ध अन्तर्राष्ट्रिय रंगशाला घोषणा गरे लगत्तै  पहिलो प्रस्तुतिको लागि उनीहरु मलेसियामा आएका हुन्

 

उनीहरुसँगै चर्चित लोक गायक बद्री पंगेनी, चर्चित आधुनिक गायिका मेलिना राई, चर्चित लोक गायिका सम्झना भण्डारी यामजोङ्ग  पनि आएका छन् मलेसियामा उनीहरुको भव्य स्वागत भएको दुई ब्राण्ड एम्बेसडर रहेको सिटी एक्सप्रेसले रंगशाला निर्माणको लागि मलेसियाको तीन शहरमा  ‘सिटी एक्सप्रेस धुर्मुससुन्तुली साँझ२०७५को आयोजना गरेको हो

 

जस अन्तर्गत क्वालालम्पुरमा पहिलो शो फेब्रुअरी मा डेवान मारियमेनको सिटी सेन्टर फेब्रुअरी६ मा पेनाङ एसटी एन्नी चर्चमा भएको   उक्त दुई शो मा धुर्मुस सुन्तलीको अभिनयबाट दर्शकले भरपुर मनोरन्जन लिएका छन्  यी दुईसँगै लोक गायक बद्रि पंगेनीआधुनिक गायिका मेलिना राइ,चर्चित लोकगायिका लोक गायिका सम्झना भण्डारी स्थानीय कलाकारहरुले पनि मनोरञ्जन  दिएका छन्  यसैगरी अब  क्वालालम्पुर पेनाङ पश्चात फेब्रुअरी१० मा जोहर बारुमा अन्तिम कार्यक्रम हुनेछ झन्डै तीन अर्बको अनुमानित लागतमा निर्माण हुने भनिएको रंगशाला निर्माणमा मलेसियाबाट राम्रो साथ   सहयोग पाउने धुर्मुस सुन्तलीले विश्वास व्यक्त गरेका छन्

post image

माघ २, मेलबर्न   सेमिफाइनल प्रवेशका लागि शुक्रबार बिग ब्यास टिम मेलबर्न स्टार्सले ब्रिसबेन हिटको सामना गर्दैछ। लिगमा १२ खेल खेलेको स्टार्सले १२ अंक सहित सेमिफाइनल प्रवेशको सम्भावना बलियो बनाएको छ। यस्तै लिगमा एक खेल बढी खेलेर ११ अंक जोडेको ब्रिसबेनको सम्भावना पनि कायमै छ। यदि आजको खेलमा बेलबर्न स्टार विजयी भए एक खेल अगावै सेमिफाइनलमा स्थान पक्का गर्नेछ। अन्यता अन्तिम खेल जित्नुपर्ने दबाब हुनेछ। यता ब्रिसबेनका लागि आजको खेल जितेमा अन्तिम खेलमा मेनबर्नले सिड्नी सिक्सर्ससँग पराजित हुनुपर्नेछ।

 

सुरूवाती चार खेल खेल्दै सानदार प्रदर्शन गरेका नेपाली युवा बलर सन्दीप लामिछाने आजको खेलमा मेलबर्नबाट आफ्नो पाँचौ खेल खेल्दैछन्। सुरूवाती चार खेलमा विकेट लिएका सन्दीप त्यसपछि बंगलादेश प्रमियर लिग नेपालको अन्तर्राष्ट्रिय एक दिवसीय टी ट्वान्टी खेलमा सहभागी हुन अष्ट्रेलिया बाहिर गएका थिए। उनले बंगलादेशमा सम्पन्न बंगलादेश प्रिमियर लिगमा सिल्हेट सिक्सरबाट खेल खेल्दै विकेट लिएका थिए। त्यसपछि अन्तर्राष्ट्रिय एक दिवसीयमा विकेट लिएका उनले तीन ट्वान्टी ट्वान्टी अन्तर्राष्ट्रियमा विकेट हात पारेका थिए।

 

बेलबर्नले सन्दीपको स्थानमा इंल्याण्डका पेस बलर लियाम प्लुङ्केटलाई खेलाएको थियो।  उनले खेलबाट १२ विकेट लिएका छन्। .२२ इकोनोमी बलिङ गरेका उनी सन्दीपको .८१ इकोनोमी बलिङ भन्दा बढी हो। प्रतियोगितामा १३ खेल खेलेको  होबर्टले १० खेल जित्दै २० अंक जोडेर एक खेल अगावै शीर्ष स्थानमा रहेर सेमिफाइनलमा स्थान पक्का गरेको छ।यस्तै समान खेलबाट १६ अंक जोडेको सिड्नी सिक्सर सबै १४ खेल खेल्दै १६ अंक जोडेको मेलबर्न रेनेगाडेसले पनि सेमिफाइनलमा स्थान बनाइसकेको छ। आजको खेलमा मेलबर्न विजयी भए सेमिफाइनल पुग्ने सबै चार टोलीको टुंगो लाग्नेछ।

post image

माघ २२, काठमाण्डौ । युवा तथा खेलकूद मन्त्री जगतबहादुर विश्वकर्माले अन्तराष्ट्रिय क्रिकेट काउन्सिल (आइसिसी) ले छिटै नेपाल क्रिकेट परिषद् (क्यान) माथि लगाएको निलम्बन फुकुवा गर्ने बताएका छन् ।

रिपोर्टस क्लब नेपालले मंगलबार गरेको साक्षात्कार कार्यक्रममा बोल्दै मन्त्री विश्वकर्माले आइसिसीले दिएको रोडम्याप अनुसार क्यानको ५ सदस्यीय तदर्थ समिति गठन गरेर नयाँ नेतृत्वका लागि चुनावको तयारी भइरहेको दावी गरे ।

साधारणसभा तथा नयाँ नेतृत्व चयनको विषयलाई लिएर नेपाल क्रिकेट संघमा देखिएको (क्यान) विवादले उग्ररुप लिएपछि अन्तर्राष्ट्रिय क्रिकेट परिषद् (आइसिसी)ले २०७३ वैशाखमा क्यानलाई निलम्बन गरेको थियो ।

आइसिसीले भनेअनुसार विधान संशोधन पनि भइसकेको स्मरण गराउँदै उनले क्यानका निर्वाचित पदाधिकारीले अदालतमा मुद्धा हालेकाले निलम्बनफुकुवा गर्न ढिला भएको बताए । सरकारकै पहलमा निर्वाचित पदाधिकारीलाई मुद्धा फिर्ताको निवेदन दिन लगाइसकिएकाले अब प्रक्रियागत ढंगले क्यानमाथिको निलम्बन फुकुवा हुने मन्त्री विश्वकर्माले बताए ।

क्लबका सभापति ऋषि धमलाको सभापतित्वमा सम्पन्न साक्षात्कारमा मन्त्री विश्वकर्माले आइसिसीमार्फत नेपाली क्रिकेट खेलाडीले पाउने पारिश्रमिक पनि क्यानको निलम्बन फुकवापछि प्राप्त हुने बताए ।

निलम्बनपछि क्रिकेट खेलाडीले पाउँदै आएको पारिश्रमिक रोकिएको थियो । आइसिसीको निलम्बनमा पर्नु अघि क्यानले खेलाडीलाई ‘ए’, ‘बी’ र ‘सी’ तीन श्रेणीमा वर्गीकरण गरी सम्झौता गरेर सन् २०१५ को जनवरीदेखि मासिक तलब दिन शुरु गरेको थियो । तर, क्यानले भने निलम्बनमा परेसँगै खेलाडीको तलबसमेत रोकेको थियो ।

‘ए’ श्रेणीमा पर्ने खेलाडीले मासिक रु ३५, ‘बी’ श्रेणीका खेलाडीले मासिक रु २५ र सी श्रेणीका खेलाडीले मासिक रु १५ हजारका दरले पछिल्लो दुई वर्षको तलब पाएका छैनन् । नेपालमा बन्दै गएको सकारात्मक वातावरणलाई मनन गर्दै निलम्बन फुकुवा गर्न मन्त्री विश्वकर्माले आइसिसीलाई आग्रह पनि गरे ।

हिजो बसेको मन्त्रीपरिषद् बैठकले युएईविरुद्धको टि–२० र एक दिवसीय सिरिज जितेर आएका खेलाडिलाई जनही ५ लाख रुपैयाँ दिएर सम्मान गर्ने निर्णय गरेको पनि मन्त्री विश्वकर्माले जानकारी दिए । ५ लाखको ठाउँमा ५० लाख दिन किन सकिदैन भन्ने धमलाको प्रश्नमा मन्त्री विश्वकर्माले सदासयताको लागि धन्यवाद दिदै अहिलेको अवस्थामा खेलाडिलाई त्यति धेरै रकम दिन नसकिने प्रष्ट पारे ।

खेलाडिलाई खेल्ने उचित वातावरण, पूर्वाधार र पारिश्रमिकका लागि सरकार प्रतिवद्ध रहेको भन्दै उनले खेलेर भविष्य सुनिश्चित गर्न सक्ने अवस्थामा पुर्याउने प्रतिवद्धता व्यक्त गरे । यसअघिका सरकारले १३ औँ सागको तयारीमा वेवास्ता गरेका कारण अहिले समस्या उत्पन्न भएको तर्क गर्दै मन्त्री विश्वकर्माले चुनौतिको सामना गर्न आफू सक्षम रहेको बताए ।

“१३ औँ साग पहिलो प्राथमिकतामा छ । कार्ययोजना बनाएर काम गरिरहेका छाँै । पूर्वाधान बनाएर प्रतियोगिता गराउनु चुनौतिपूर्ण छ । तर पनि हामी समयमै काम सम्पन्न गर्न लागिपरेका छौँ ।” मन्त्री विश्वकर्माले भने ।

सागको तयारीस्वरुप भूकम्पले क्षतिग्रस्त बनाएको दशरथ रंगशाला पुनः निर्माणको काम अन्तिम चरणमा पुगेको मन्त्री विश्वकर्माले जानकारी दिए । भिआइपी प्यारापिटको छाना हाल्न मात्रै बाँकी रहेको उनले बताए । त्यसैगरी सातदोबाटो र पोखराको रंगशाला मर्मतको काम पनि अघि बढेको जानकारी दिए ।

साग अगाडि नै गर्ने भनिएको आठौँ राष्ट्रिय खेकलकूद प्रतियोगिताको तयारी भइरहेको भन्दै मन्त्री विश्वकर्माले दुवै प्रतियोगिता तोकिएकै समयमा सम्पन्न गराउने प्रयास भइरहेको बताए ।सरकारले चालु आर्थिक वर्षमा आठौँ राष्ट्रिय खेलकुद, १८ औँ यसियाली खेलकुद र १३ औँ दक्षिण यसियाली खेलकुदको तयारी एवम् पूर्वाधार निर्माणका लागि २ अर्ब ४ करोड बजेट विनियोजन गरेको थियो ।

post image

माघ २१, झापा । यूएईविरुद्धको एकदिवसीय र टि–२० अन्तर्राष्ट्रिय क्रिकेट शृंखला जितेर आज स्वदेश फर्कने नेपाली राष्ट्रिय क्रिकेट टोलीको स्वागतका लागि राष्ट्रिय सभाका गणेश तिमिल्सिना, खेलकुदमन्त्री जगतबहादुर सुनार विश्वकर्मा, राखेपका सदस्यसचिव केशबकुमार विष्ट लगायतको टोलीले खेलाडीहरुको विमानस्थलमा स्वागत गर्ने भएका छन् ।

यसअघि सरकारका तर्फबाट उपप्रधानमन्त्री तथा रक्षामन्त्री इश्वर पोखरेलले स्वागत गर्ने कार्यक्रम रहेपनि मन्त्रीपरिषद्को बैठकका कारण उनी स्वागत गर्न जाने कार्यक्रम रद्द भएको उनका स्वकीयसचिव दीपेन्द्र श्रेष्ठले बताए।

‘राष्ट्रिय गौरव बढाएका खेलाडीहरुको स्वागतका लागि उपप्रधानमन्त्री जाने कार्यक्रम थियो,’ श्रेष्ठले भने, ‘तर चार बजे मन्त्रीपरिषद्को बैठकका कारण उहाँ उपस्थित हुन नसक्ने हुनुभएको हो।’ ‘मन्त्रीपरिषद् बैठकमा पुग्नेगरि रक्षामन्त्रीको विमानस्थलबाट फर्कने कार्यक्रम तय भएको छ,’ उनले भने, ‘सरकारको उपस्थितीमा राखेपको टोलीले खेलाडीहरुको भव्य स्वागत गर्ने कार्यक्रम बनेको छ।’

खेलाडीहरुलाई नेपाली झण्डासहितको झकिझकाउ राखेपको गाडीमा राखेर उनीहरु बस्ने होटलसम्म पुर्याइने कार्यक्रम रहेको तिम्सिनाले बताए। खेलाडीहरुको स्वागतकै लागि पोखरामा रहेका खेलकुदमन्त्री सुनारसमेत फर्किरहेका छन्। उनका स्वकीयसचिव सुशील विकका अनुसार केहीबेरमा पोखराबाट मन्त्री फर्केपछि खेलाडीको स्वागतमा जानेछन्।

नेपाली क्रिकेटको इतिहासमै पहिलोपटक शृंखला जित्नेक्रममा नेपालले यूएईविरुद्धका एकदिवसीय र टि–२० शृंखला समान २–१ ले आफ्नो पक्षमा पारेको थियो।

post image

माघ २१, काठमाडौं । प्रधानमन्त्री केपी शर्मा ओलीले अन्तर्राष्ट्रिय टि–२० सिरिज जित्न सफल भएकामा नेपाली राष्ट्रिय क्रिकेट टोलीलाई बधाई दिएका छन्। प्रधानमन्त्री ओलीले ट्वीटरमार्फत शुभकामना तथा बधाई दिएका हुन् ।

उनले तेस्रो टि–२० खेलमा नेपालले युएईसँग १४ रनले विजय हासिल गरेको थाहा पाउँदा अत्यन्तै खुशी लागेको उल्लेख गरेका छन्।

नेपाली क्रिकेटका लागि टि–२० सिरिज जित्नु अर्को ठूलो सफलता भएको उल्लेख गर्दै प्रधानमन्त्री ओलीले ट्वीटरमा लेखेका छन्। ‘नेपाली क्रिकेटका लागि यो अर्को ठूलो सफलता हो, नेपाली क्रिकेट टिमका सम्पूर्ण सदस्यलाई हार्दिक बधाई दिन चाहन्छु।’

post image

माघ २०, काठमाडौं ।  तेस्रो तथा अन्तिम खेलमा यूएईलाई १४ रनले हराउँदै नेपालले ऐतिहासिक टी-२० सिरिज जितेको छ । संयुक्त अरब इमिरेट्स (यूएई) विरुद्ध एक दिवसीय क्रिकेट शृङ्खला जितेको नेपालले टीट्वान्टी शृङ्खलाको उपाधिसमेत हात पारेको हो। टीट्वान्टी शृङखलाको अन्तिम अर्थात् तेस्रो खेलमा नेपालले जित दर्ता गरेको हो। नेपालको जितका लागि करण केसी एक्लैले एउटै ओभरमा दुई विकेट लिए।

टस जितेर फिल्ड रोजेको यूएईलाई अन्तिम खेलमा नेपालले आठ विकेटको क्षतिमा १०५ रनको चुनौती दिएको थियो। नेपालबो ब्याटिङमा कप्तान पारस खड्का र सन्दीप जोराले महत्वपूर्ण योगदान दिए। १०५ रनको लक्ष्य पछ्याएको यूएईले राम्रो सुरुवात गरे पनि नेपालका लागि सोमपाल कामी, अविनाश बोहोरा र सन्दीप लामिछानेले महत्वपूर्ण विकेट लिए। वर्षाका कारण आइतबारको खेल १० ओभरमा छोट्याइएको थियो ।

नेपालका लागि कप्तान पारस खड्काले १४ बलमा २९ रन बनाए भने सन्दीप जोराले ११ बलमा २८ रन बनाए। जोरा पाँचौ विकेटको रुपमा ८.३ ओभरमा बाहिरिए । खराब सुरुवात गरे पनि कप्तान पारस र सन्दीपले ब्याटिङ सम्हालेका हुन्। कप्तान खड्का पाँचौ ओभरको अन्तिम बलमा आउट भए। १४ बल खेलेका पारसले एक छक्का र चार चौकाको मद्दतमा २९ रन बनाएका हुन् ।

पहिलो, दोस्रो र तेस्रो ओभरमा पवन शरार्फ, उपकप्तान ज्ञानेन्द्र मल्ल र दीपेन्द्रसिंह ऐरी आउट भए। पवन ०.४ ओभरमा आउट भए भने २.३ ओभरमा बाहिरिए। त्यैगरी तेस्रो ओभरको रुपमा दीपेन्द्रसिंह ऐरी ३.३ ओभरमा आउट भएका हुन्।  ज्ञानेन्द्रले ९ बलमा ११ रन बनाए। ऐरी ३ बलमा २ रन बनाएर आउट भए भने शरार्फ ४ बल खेल्दा शून्य रनमै आउट भए। छैटौं विकेटको रुपमा करण केसी पाँच बलमा १० रन बनाएर आउट भए । बिनोद साताै विकेटकाे रुपमा १३ बलमा २१ रन बनाएर आउट भए । आठाै विकेटकाे रुपमा सोमपाल कामी शून्य रनमै आउट भए ।

 नेपालले निर्धारित १० ओभरमा ८ विकेट गुमाउँदै १०४ रन बनाएको थियो। १०५ रनकाे लक्ष्य पछ्याउने क्रममा यूएई ९० रनमा समेटिएको हो । दुबईस्थित अन्तर्राष्ट्रिय क्रिकेट काउन्सिल (आईसीसी) एकेडेमी ओभलमा हुने खेल दुवै टोलीका लागि महत्त्वपूर्ण थियो। अघिल्लो दुईमध्ये नेपाल र यूएईले एक-एक खेल जितेकाले शृंखला १-१ को बराबरीलाई तोड्दै नेपालले २-१ को जित निकालेको हो।

टीट्वान्टी शृङ्खलाको पहिलो खेलमा यूएई २१ रनले विजयी भएको थियो। दोस्रो खेल नेपालले चार विकेटले जित्दै शृंखला बराबरी गरेको थियो। यसअघि यूएईविरुद्धको एकदिवसीय शृंखला २-१ ले जितेको थियो।  नेपालले सन् २०१४ को टीट्‍वेन्टी विश्वकपपछि दुई वर्षका लागि टीट्‍वेन्टी टोलीको मान्यता पाएको थियो। सो अवसरमा नेपालले दुई टीट्‍वेन्टी शृंखलासमेत खेलेको थियो। यद्यपि नेदरल्यान्ड्स र हङकङविरुद्धको दुवै शृंखलामा नेपाल पराजित भएको नेपालका लागि आइतबारको जित एतिहासिक बनेको हो । नेदरल्यान्ड्ससँगको शृंखला नेपालले ३-१ र वर्षाका कारण तीनमध्ये अन्तिम खेल मात्रै सम्भव हुँदा हङकङसँगको शृंखला १-० ले गुमाएको थियो।

post image

माघ २०,काठमाडौं  टी२० अन्तर्राष्ट्रिय क्रिकेट सिरिज अन्तर्गत अन्तिम तथा तेस्रो खेलमा नेपालले यूएईलाई १०५ रनको लक्ष्य दिएको टस हारेर पहिले ब्याटिङ गरेको नेपालले १० ओभरमा छोट्याइएको खेलमा १०४ रन बनाएको हो

नेपालका लागि कप्तान पारस खड्का, सन्दीप जोरा विनोद भण्डारीले विष्फोटक ब्याटिङ गरे  पारसले १४ बलमा २९ रन बनाए

उनले चार चौका एक छक्का प्रहार गरे सन्दीपले ११ बलमा २८ रन बनाए विनोदले १३ बलमा २१ रन बनाए त्यस्तै करण केसीले बलमा १० रन जोडे

post image

माघ १८, काठमाडौं । युएईसँगको पहिलो टी–२० मा पराजित भएको नेपाल आज दोस्रो खेल खेल्दैछ। पहिलो खेलमा नेपाल २१ रनले पराजित भएको थियो।

शीर्ष क्रममा ब्याट्सम्यान सस्तोमै समेटिएपछि पहिलो खेलमा नेपाल पराजित भएको थियो। नेपालका लागि सन्दीप जोराले कीर्तिमानी अर्धशतक बनाए पनि जितको लागि पर्याप्त भएन। १५४ रनको लक्ष्य पछ्याएको नेपाल ७ विकेट गुमाउँदै १३२ रनमा समेटिएको थियो।

खेलमा फर्कन नेपाललाई आजको श्रृखलामा जित आवश्यक छ। आजको खेलमा पनि युएई विजयी भएमा नेपालले एक खेलअघि नै श्रृखला गुमाउनेछ।आजको खेलमा नेपाल विजयी भएका सिरिजको छिनोफानो तेस्रो खेलबाट हुनेछ। यसअघि एक दिवसीय सिरिज भने नेपालले जितेको थियो।

 

post image

माघ १७,काठमाण्डौं । ऐतिहासिक ओडिआई सिरिज जितेको नेपालले युएईसँग तीन खेलकै टी २० सिरिज आजबाट खेल्दैछ। नेपाल र युएईबीच पहिलो टी२० आज हुँदैछ। तीन खेलको ओडिआई सिरिज नेपालले २-१ ले जित्दै पहिलो ओडिआई सिरिज जितेको थियो।

टी २० आईको पहिलो खेल आज दिउँसो युएईको स्थानिय समयअनुसार १ बजे र नेपाली समयअनुसार २:४५ बजे हुनेछ। खेल दुबईस्थित आइसीसी ग्लोबल क्रिकेट एकेडेमी मैदानमा हुनेछ।

यस्तै दोस्रो टी २० आई फेब्रुअरी १ र तेस्रो टी२०आई फेब्रुअरी ३ मा हुनेछ। नेपालले अहिलेसम्म टी २० सिरिज जित्न सकेको छैन। यसअघि नेपालले ३ पटक टी२० सिरिज खेलिसकेको छ। जसमा नेपालले एक खेल मात्र जित्न सकेको छ।

यसअघि नेपालले हङकङ र नेदरल्याण्ड्स विरुद्धको टी २० सिरिज गुमाएको थियो भने एमसीसी र नेदरल्याण्ड्स सम्मिलित त्रिकोणात्मक सिरिजमा नेदरल्याण्ड्ससँगै संयुक्त रुपमा विजेता बनेको थियो। जसमा नेपाल र डच टोलीबीचको खेलले मात्र टी २० आई को मान्यता पाएको थियो।

त्यसैले पनि नेपालको लागि युएई विरुद्धको सिरिज महत्वपूर्ण रहेको छ। ओडिआईमा पहिलो खेल हारेर पनि उत्कृष्ट पुनरागमन गर्दै बाँकी दुई खेलमा शानदार जित हात पार्दै सिरिज जितेको नेपाल त्यही लयलाई कायम राख्दै सिरिज जित्ने योजनामा हुनेछ।

post image

माघ १५, काठमाडौं । केजीएच फाउण्डेशन र नेपाल अर्बुद रोग निवारण संस्थाको सहकार्यमा यही माघ १८ गते ज्योती लाईफ द एमेजिङ्ग मोटर र्याली २०१९ को आयोजना हुने भएको छ । बिश्व क्यान्सर दिवसको अवसर तथा नेपाल भ्रमण बर्ष २०२० लाई लक्षित गरी मोटर र्यालीको आयोजना गर्न लागिएको केजीएच फाउण्डेशनका अध्यक्ष दिवाकर राजकर्णिकारले पत्रकार सम्मेलन मा जानकारी गराउनु भयो ।

काठमाण्डौको पर्यटन बोर्डकुटीमण्डपवाट शुरु हुने मोटर र्याली पोखराको सारङ्कोटमा गएर समाप्त हुनेछ । स्वदेशी पर्यटकहरुलाई नेपाल भ्रमण बर्ष बारे जानकारी गराउन तथा क्यान्सर रोगका बारेमा सचेतना जगाउने अभिप्रायकासाथ मोटर र्यालीको आयोजना गरीएको हो ।

काठमाण्डौदेखि पोखरासम्मको २ सय किलोमिटरको दुरीमा आयोजना हुने र्याली भृकुटीमण्डप, जावलाखेल, कलंकी, थानकोट, नौबिसे, मुङ्गलिङ्ग, दमौली पोखराको पृथ्वीचोक, लेकसाईड, हल्लन चोक, वाटरफ्रन्ट रिर्सोट, पोखरा बाग्लुङ्ग हाईबे, बिन्दबासिनी मन्दिर चौक हुै सारङ्गकोटमा गएर सम्पन्न हुनेछ । र्यालीमा सहभागी हुनेहरुका लागि टाईम, सिटेन्स र स्पीडको अवधारणा अघि सारेर जिपिएस पद्धती मार्फत मोटर र्यालीलाई ब्यवस्थापन गरीएको आयोजकले जनाएका छन् । मोटर र्यालीका बिजेताहरुलाई बिभिन्न पुकार प्रमाणपत्र र सिल्ड प्रदान गरीने छन् ।

post image

माघ १५, काठमाडौं । प्रधानमन्त्री केपी शर्मा ओलीले अन्तर्राष्ट्रिय एक दिवसीय सिरिज जितेकोमा राष्ट्रिय क्रिकेट टिमलाई बधाई दिएका छन्। प्रधानमन्त्रीले ओलीले सामाजिक सञ्जाल ट्वीटरमा बधाई दिँदै टिमले प्राप्त गरेको सफलताले खेल जगतमा नेपाल उदीयमान शक्तिका रुपमा देखिएको बताएका छन्।

खेलकुद क्षेत्रको विकासका लागि सरकारले थप ध्यान दिनेमा प्रधानमन्त्रीले प्रतिबद्धता जनाएका छन्।  ‘एक दिवसीय क्रिकेट श्रृंखला जित्दै नेपाललाई गौरवशाली सफलता दिलाएकोमा नेपाली राष्ट्रिय क्रिकेट टोलीलाई वधाई !  अन्तर्राष्ट्रिय क्रिकेटमा प्राप्त यस सफलताले विश्व खेल जगतमा नेपाल उदीयमान शक्तिको रुपमा देखिएको छ,बधाई सन्देशमा प्रधानमन्त्रीले भनेका छन्। खेलकुद क्षेत्रको विकासका लागि सरकारले थप ध्यान दिने विश्वास दिलाउँछु।’

post image

माघ १४, काठमाडौं । तीन खेलको एक दिवसीय अन्तर्राष्ट्रिय क्रिकेट सिरिजको अन्तिम खेलमा आज नेपाल र युएईले प्रतिस्पर्धा गर्दैछन् । आईसीसी क्रिकेट एकेडेमीमा हुने खेलमा दुवै टिम जितको खोजिमा हुनेछन् । खेल विहान ११ बजेर १५ मिनेटमा सुरु हुने छ । पहिलो खेलमा युएईसँग नेपाल तीन विकेटले पराजित भएको थियो ।

तर दोस्रो खेलमा उत्कृष्ट प्रदर्शन गर्दै नेपालले युएईलाई १४५ रनले पराजित गर्न सफल भएको थियो । आज एक दिवसीय अन्तर्राष्ट्रिय सिरिजको अन्तिम खेलमा पनि दोस्रो खेलको जस्तै नतिजा निकाल्ने लक्ष्यमा नेपाली क्रिकेट टिम रहेको छ । युएईलाई पराजित गर्दै सिरिज जितेमा नेपालको लागि यो ऐतिहासिक सिरिज हुनेछ ।

गत वर्षको चैतमा एक दिवसीय अन्तर्राष्ट्रिय मान्यता पाएको नेपालले नेदरल्यान्ड्ससँग दुई खेलको सिरिज खेलेको थियो । तर यो सिरिजमा भने नेपालले नेदरल्यान्ड्ससँग १–१ को बराबरीमा सकाएको थियो । युएईसँग आज हुने एक दिवसीय खेलपछि नेपालले तीन खेलको टी–ट्वान्टी क्रिकेट सिरिज खेल्नेछ ।

post image

माघ १३, काठमाडौं प्रधानमन्त्री केपी शर्मा ओलीले सबैभन्दा कम उमेरमा अर्धसतक प्रहार गर्दै रेकर्ड राख्ने रोहितकुमार पौडेललाई बधाई दिएका छन्। सामाजिक सञ्जाल ट्विटर मार्फत उनले रोहितलाई बधाई दिएका हुन्। उनले ट्विटमा लेखेका छन्अन्तर्राष्ट्रिय क्रिकेटमा अर्धशतक बनाउने सबैभन्दा कम उमेरका खेलाडीको रेकर्ड कायम गर्न सफल भएकोमा रोहितकुमार पौडेललाई हार्दिक वधाईअन्तर्राष्ट्रिय क्रिकेट जगतमा नेपाली युवाले पाएको यस सफलताले राष्ट्रलाई अत्यन्त हर्षित बनाएको छ।

राष्ट्रिय टोलीबाट डेब्यु गरेको एक वर्ष नबित्दै नेपालका युवा ब्याट्सम्यान रोहितकुमार पौडेल विश्व क्रिकेट जगतमा पुरुषतर्फ अर्धशतक पूरा गर्ने सबैभन्दा कान्छो खेलाडी बनेका थिए। रोहितले शनिबार दुबईस्थित आइसिसी एकेडेमीको मैदानमा भएको युएईविरुद्धको दोस्रो एकदिवसीय खेलमा अर्धशतक पूरा गर्दै भारतका ब्याट्सम्यान सचिन तेन्दुल्कर पाकिस्तानका पूर्वकप्तान साहिद अफ्रिदीलाई पछि पारेका हुन्।  रोहितले १६ वर्ष एक सय ४६ दिन उमेरमा यो कीर्तिमान तोडेका छन्।

यसअघि यो कीर्तिमान टेस्टतर्फ तेन्दुल्करको एकदिवसीयतर्फ अफ्रिदीको नाममा थियो।  तेन्दुल्करले १६ वर्ष दुई सय १३ दिनमा पाकिस्तानविरुद्धको टेस्टमा ५९ रन जोड्दै कीर्तिमान बनाएका थिए। अफ्रिदीले सन् १९९६ अक्टोबर मा १६ वर्ष दुई सय १७ दिनमा श्रीलंकाविरुद्ध डेब्युमै उक्त कीर्तिमान बनाएका थिए।

post image

माघ १३, पोखरा। अखिल नेपाल फुटबल संघ (एन्फा) ले मोफसलको प्रतिष्ठित फुटबल प्रतियोगिता आहा राराको १७ औं संस्करणमा आइपुग्दा प्रतियोगिता मिति दुई दिन खुम्च्याइदिएको छ।  एन्फाले दिएको मिति फागुन ९ देखि १८ सम्मको छ।  जुन विगतका वर्षमा भन्दा दुई दिन कम हो।  दुई दिन कम हुँदा दुई क्लबलाई बाहिरै राख्नुपर्ने बाध्यता सहारा क्लबलाई यो संस्करणमा परेको छ।  तर अझै पनि १२ वटै क्लबलाई सहभागिता गराउन उद्दत सहारा क्लब छ।

एन्फाले दिएको मितिअनुसार नै प्रतियोगिता खेलाउँछौं,’ सहारा क्लबका अध्यक्ष केशवबहादुर थापाले पत्रकार सम्मेलनमा भने, ‘विगतको भन्दा दुई दिन कम छ।  दुई दिनको कमीले बाहिर टिम खेलाउन समस्या छ।  तर एकै दिन दुई खेल खेलाएर भए पनि व्यवस्थापन गर्नेतर्फ जुटिरहेका छौं।  नभए १० टिमलाई मात्रै प्रतियोगितामा समावेश गरेर टुंग्याउनेछौं। ’ फाइनलअघि आरामको दिन राखिन्थ्यो।  तर अहिले लगातार खेल खेलाउनुपर्ने बाध्यता पनि छ।  आराम नहुँदा खेलाडीलाई थकान हुन्छ।  अझ १२ वटै टिम समावेश गरेको अवस्थामा खेलाडीलाई आराम समेत पुग्दैन।

यति बेला क्लबलाई अर्को चुनौती थपिएको छ।  प्रतियोगिताको पुर्वसन्ध्यामा पोखरा फुटबल स्टेडियम निर्माणको ठेक्का सम्झौतापछि सम्बन्धित कम्पनीले माटो परीक्षण सुरु गरेको छ।  गत वर्षको संस्करणमा प्यारापिट भत्काइएको थियो।  भत्काउँदै गरिएको अधकल्चो प्यारापिटमा बसेर दर्शकले आहा रारा गोल्डकपको सुरुआतदेखि फाइनलसम्म हेरेका थिए।  प्रतियोगिताको तयारी गरिरहँदा पोखरा रंगशाला फुटबल स्टेडियम निर्माणले गति लिएको अवस्थामा गोल्डकप अन्यत्र सार्नुपर्ने बाध्यतायुक्त चुनौती क्लबलाई छ।

रारा चाउचाउको उत्पादन हिमश्री फुड्सको मुख्य प्रायोजन रहेको गोल्डकपमा यो वर्ष सहारा क्लबले पुरस्कार राशिमा समेत वृद्धि गरेको छ।  विजेताको हकमा भने ८ लाख १ हजार रुपैयाँ प्राप्त गर्नेछ।  दोस्रो पुरस्कार ४ लाख १ हजार प्रदान गरिने क्लबले जनाएको छ।  हिमा अस कन्सल्टेन्सीले दोस्रो पुरस्कार प्रायोजन गरेको पत्रकार सम्मेलनमा सुनाइयो।  रोयल इन्फिलिड बुलेट बाइक फेयर प्ले पुरस्कार प्रायोजकको रूपमा रहेको छ।  सर्वाधिक गोलकर्ता पुरस्कारको प्रायोजन सनराइज ड्राइभिङ स्कुल प्रालिले गरेको छ।

प्रतियोगिताका लागि सहारा क्लब युकेले विभिन्न ट्रफी हन्तान्तरण गरेको छ।  युकेका महासचिव धनु थकालीले विभिन्न विधालाई प्रदान गरिने ट्रफी सहारा क्लब पोखराका अध्यक्ष केशवबहादुर थापालाई हस्तान्तरण गरेका हुन्।  सर्वोत्कृष्ट राष्ट्रिय फुटबल खेलाडी २०७५ बाट एक जना राष्ट्रिय खेलाडीलाई नगद ३५ हजार रुपैयाँबाट सम्मानित गरिनेछ।  जसको प्रायोजन भने क्लबका मानार्थ सदस्य खेमबहादुर गुरुङले गरेका छन्।

प्रतियोगितालाई राष्ट्रिय खेलकुद परिषद्, अखिल नेपाल फुटबल संघ, पोखरा महानगरपालिका, पश्चिमाञ्चल क्षेत्रीय खेलकुद विकास समिति, जिल्ला खेलकुद विकास समिति, सहारा क्लब हङकङ, सहारा क्लब अष्ट्रेलिया, मुग्लान रेस्टुरेन्ट,वल्र्ड लिंकलगायतका विभिन्न संघसंस्थाले विशेष सहयोग गरेको क्लबका महासचिव विश्वराज बरालले बताए।  प्रतियोगिताका लागि क्लबले १ करोड ३० लाख आम्दानी र ९७ लाख ९८ हजार खर्च हुने अनुमान गरेको छ।  बचत रकम क्लबले आफनै एकेडेमीमा रहेका २८ जना बाल खेलाडीका लागि भरणपोषण एवं शिक्षादिक्षामा खर्च गर्दै आएको छ।  प्रतियोगितामा ‘ए’ डिभिजन क्लब, विदेशी र आयोजक टिमले उपाधिका लागि प्रतिस्पर्धा गर्नेछन्।  आयोजक सहारा क्लबले भने १२औं सस्करणको उपाधि रक्षा गरेको थियो।

post image

माघ १२, सिमरा।  दशौं सिमरा गोल्डकप फुटबल प्रतियोगिताको उपाधिका लागि शनिबार (आज) थ्री स्टार क्लब र त्रिभुवन आर्मीबीच प्रतिस्पर्धा हुँदैछ। खेल सिमरा रंगशालामा दिउँसो २ः३० बजे बाट सुरु हुनेछ।  ‘ए’ डिभिजनका दुई क्लबले शनिबार हुने रुस्लान उचाल्ने दाबी गरेका छन्। ए’ डिभिजनका दुई क्लब त्रिभुवन आर्मी र थ्री स्टारले शनिबार हुने रुस्लान दशौं सिमरा गोल्डकप फुटबल प्रतियोगिताको उपाधिका उचाल्ने दाबी गरेका छन्।

शुक्आी शवबहथयाँबाify;">पत मल् िन्न ट्रफी हन्तानतिस्पर्धा हुँदैछ। खेल सिमरा रंलाई प्रदsrc="htतिont-size: ्रतियोगित भने नेपााधिका लाt justify;">प्फी ह nd: white;ोfont-siz ीची क४्रकाशित मिती : Satनप्फी ह nd: white;ोfont-siz ीची क४्रकाशित मिती : Satन 0न5pt; font-धा हुँदैछ। खेल ्लान दशौी ग"font-s