post image

कार्तिक २७, काठमाडौं । ओलम्पिक खेलकुद अन्तर्गत महिला फुटबलको एसिया छनोटमा नेपालले आज अन्तिम खेलमा बंगलादेशसँग प्रतिस्पर्धा गर्दैछ । थुवुन्ना रंगशाला स्थानीय समयअनुसार दिउँसो ३ बजे बंगलादेशसँग प्रतिस्पर्धा गर्न लागेको हो । बंगलादेशलाई पराजित गर्न सके नेपाल ओलम्पिक खेलकुद अन्तर्गत महिला फुटबलमा दोस्रो चरणमा प्रवेश गर्ने प्रबल सम्भावना रहेको छ ।

आज हुने समूह सी कै अन्तिम खेल आयोजक म्यानमार र भारतमध्ये एक टिमले जित हात पारेमा नेपाल दोस्रो चरणमा प्रवेश गर्ने छ । तर दुबै टिमले बराबरी खेलेमा हेट टु हेडको आधारमा म्यानमार नेपाल र भारतमध्ये ३ टिम दोस्रो चरणमा प्रवेश गर्ने छ ।

आफ्नो पहिलो खेलमा भारतसँग १–१ गोलको बराबरी खेलेको नेपालले दोस्रो खेलमा बलियो प्रतिद्धन्दी म्यानमारसँग पनि १–१ गोलकै बराबरी खेल्दै नेपालले अंक बाँडेको थियो । दुई बलिया टिमलाई रोकेको नेपालले बंगलादेशविरुद्ध मैदानमा ओर्लिदा उच्च मनोबलको साथ खेल्नेछ ।

post image

कार्तिक २४,श्रीलंका । श्रीलंकाका राष्ट्रपति मैत्रिपाला सिरिसेनाले संसद भंग गर्नुभएको छ । पछिल्लो राजनीतिक संकटसंगै राष्ट्रपतिले संसद समेत भंग गरेपछि श्रीलंकाको राजनीतिक वृत्तमा थप हलचल मच्चिएको छ । शुक्रबार मध्य रातीबाटै लागू हुने गरी राष्ट्रपति सिरिसेनाले संसद भंग गर्नुभएको हो । यद्यपी राष्ट्रपतिको यो कदमलाई सर्वोच्च अदालतले हस्तक्षेप गर्नसक्ने आंकलन गरिएको छ ।

श्रीलङकामा संसद भंग भए सन् २०१९ को सुरुवातमा संसदीय निर्वाचन हुनसक्ने स्थानीय सञ्चारमाध्यमलाई उद्धृत गर्दै बीबीसीले उल्लेख गरेको छ । प्रधानमन्त्री पदबाट बर्खास्त गरिएका रानिल बिक्रमासिंघेको  यूनाइटेड नेशनल पार्टीले भने राष्ट्रपतिको कदम गैरकानूनी भएको दाबी गरेको छ ।

राष्ट्रपति सिरिसेनाले विक्रमासिंघेलाई गतसाता पदबाट बर्खास्त गरी पूर्व राष्ट्रपति एवं आफ्नै विपक्षी पार्टीका महिंद्रा राजपाक्षेलाई प्रधानमन्त्री पदमा नियुक्त गर्नुभएको थियो । आफुले हटाएपनि विक्रमासिंघेले पदबाट  हट्न अटेर गरेपछि राष्ट्रपति सिरिसेनाले संसद नै भंग गर्ने घोषणा र्नुभएको हो । विक्रमासिंघेले पटक पटक आफू संसदको बहुमत प्राप्त प्रधानमन्त्री भएको  दाबी गर्दै पदबाट हट्न अस्वीकार गर्दै आउनुभएको थियो ।

post image

असोज २१, काठमाडौं । साफ यु-१८ महिला च्याम्पियनसिप फुटबलको उपाधि रक्षाको लागि आज नेपालले फाइनलमा बंगलादेशसँग प्रतिस्पर्धा गर्दैछ । भुटानको थिम्पुस्थित चाङलिमिथाङ मैदानमा स्थानीय समय अनुसार ७ बजे खेल सुरु हुनेछ ।

 नेपाली यु-१८ महिला फुटबल टिम उपाधि जित्ने लक्ष्यको साथ मैदानमा उत्रिदैछ । समूह चरणमा भने नेपाल बंगालदेशसँग पराजित भएको थियो । बंगलादेशसँग समूह चरणमा २-१ गोलले हारेको बदला लिँदै उपाधि जित्ने दाउमा नेपाल छ ।

सेमिफाइनलमा भारतलाई पेनाल्टी सुटआउटमा पराजित गर्दै नेपालले फाइनलमा स्थान बनाएको हो । बंगलादेशले भने आयोजक भुटानलाई ४-० गोलअन्तरले पराजित गर्दै फाइनलमा नेपालसँगको भेट पक्का गरेको हो । फाइनल खेलअघि भुटान र भारतले तेस्रो स्थानका लागि प्रतिस्पर्धा गर्नेछन् ।

post image

भदौ २१, काठमाडौं । नेपाली फुटबलका लागि बिहीबार भुटानविरुद्धको खेल विशेष महत्वपूर्ण छ। साफ च्याम्पियनसिपमा पहिलो उपाधि जित्ने लक्ष्यसाथ बंगलादेश पुगेको नेपाली टोली मंगलबार पहिलो खेलमा पाकिस्तानसँग पराजित भएपछि अघिल्लो चरण पुग्ने समीकरण कठिन बनेको छ। त्यसैले पनि बिहीबारको खेल नेपालका लागि महत्वपूर्ण छ। टोलीका लागि भुटानविरुद्धको खेल जति महत्वपूर्ण छ, विराज महर्जनका लागि अझ विशेष हुनेछ, व्यक्तिगत रूपमा।

भुटानविरुद्धको खेलबाट रक्षक विराज महर्जन नेपाली राष्ट्रिय टोलीबाट सबैभन्दा धेरै खेल खेल्ने खेलाडीका रूपमा दर्ज हुनेछन्, इतिहासको पानामा। पाकिस्तानविरुद्धको खेलमा राजुकाजी शाक्यको कीर्तिमानसँग बराबरी गरेका विराजले भुटानविरुद्धको खेलसँगै आफ्नो नाममा नयाँ कीर्तिमान बनाउनेछन्। राष्ट्रिय टोलीबाट भुटानविरुद्ध विराजको ६९औं खेल हुनेछ। जुन नेपाली खेलाडीले राष्ट्रिय टोलीबाट खेलेको सबैभन्दा धेरै खेल हो। २००८ मा पाकिस्तानविरुद्धको मैत्रीपूर्ण खेलबाट विराजले राष्ट्रिय टोलीमा डेब्यु गरेका थिए। पोखरामा सम्पन्न उक्त खेलमा उनी अञ्जन केसीको स्थानमा मैदान छिरेका थिए।

‘आफ्नो देशका लागि खेल्न पाउनु गर्वको कुरा हो। व्यक्तिगत रूपमा यो ठूलो उपलब्धि हो किनकि कसैले चाहेर यस्तो उपलब्धि हासिल गर्न सक्दैन। धेरैले क्षमता भए पनि पाउँदैनन्। ‘प्रत्येक खेलमा आफ्नो तर्फबाट उत्कृष्ट प्रदर्शन गर्ने प्रण गरेर मैदान छिर्छु । इतिहासमा आफ्नो नाम लेखाउन पाउँदा मसँग खुसी व्यक्त गर्ने शब्द छैन । जबसम्म तनमनले साथ दिन्छ तबसम्म राष्ट्रको सेवामा समर्पित हुन्छु । तथापि अब नयाँ खेलाडीका लागि ठाउँ छाड्ने सोचमा छु,’ २०१५ बाट नेपालको कप्तानी सम्हालेका विराज अब बाँकी दुवै खेल जित्दै अन्तिम चारमा स्थान बनाउनेमा विश्वस्त देखिन्छन्, ‘पहिलो खेल हा-यो भन्दैमा हाम्रो यात्रा नै सकियो भन्ने होइन । हामीसँग अझै मौका छ। पाकिस्तानविरुद्ध भएका गल्ती सच्याएर दुवै खेल जित्ने लक्ष्यमा छौं।’

समूह ‘ए’ मा रहेको नेपाल र भुटानले पहिलो खेल गुमाएका कारण बिहीबार दुवै टोली जितका लागि प्रतिस्पर्धा गर्नेछन्। खेल नेपाली समयअनुसार दिउँसो ३ः४५ बजे ढाकाको बङ्गबन्धु नेशनल स्टेडियममा हुनेछ। रक्षापंक्तिले गरेको गल्तीका कारण पाकिस्तानविरुद्ध २–१ को नतिजा बेहोरेको नेपाललाई सेमिफाइनलमा स्थान बनाउन अबका दुवै खेल जित्नैपर्ने हुन्छ। भारतसँग २–० को नतिजा सुम्पिएपछि भुटान पनि ठीक नेपालको जस्तै अवस्थामा छ। नेपालका मुख्य प्रशिक्षक बालगोपाल महर्जन पनि जितको विकल्प नरहेको स्विकार्छन्।

‘हामीले पाकिस्तानसँग हार्छौं भन्ने सोचेको पनि थिएनौं। तर अन्तिम समयमा सम्हालिन नसक्दा पराजित भयौं । फुटबलमा ठूला टिम पनि पराजित भइरहेका हुन्छन्। तर बारम्बार गल्ती गर्ने छुट छैन। हामीले आफ्नै गल्तीमा गोल खाएका हौं। खेलको हिसाबले हामीले जितेका हौं,’ नेपालका प्रशिक्षक महर्जनले थपे, ‘हामी पाकिस्तानविरुद्धको गल्ती दोहो-याउने छैनौं। अब समूहचरण पार गर्न हामीलाई जित बाहेकको विकल्प छैन । कुनै पनि हालतमा हामीले भुटानमाथि जित निकाल्नुपर्छ । बंगलादेश र भुटानलाई जुनसुकै समयमा जित्न सक्ने क्षमता हाम्रो खेलाडीमा छ। त्यसैले हामी जित्नकै लागि खेल्नेछौं।’

भुटानले बंगलादेशविरुद्ध तुलनात्मक रूपमा राम्रो प्रदर्शन गरेको थियो। इन्डियन सुपर लिग (आइएसएल) मा मिनरेवा पन्जाबबाट व्यावसायिक फुटबल खेलिरहेका भुटानका २२ वर्षे चेन्चो ग्याल्छेन नेपालका लागि टाउको दुखाइ बन्न सक्छन्। भुटानका प्रशिक्षक ट्रिभोर मोर्गानले समूहचरणको पहिलो खेलमा दुवै टोली पराजित भएका कारण बिहीबारको खेल खुला हुने बताए। नेपालसँग आफ्नो टोलीले नतिजा निकाल्ने विश्वास व्यक्त गरेका प्रशिक्षक मोर्गानले भने, ‘हामी नेपालविरुद्ध अंकका लागि खेल्दै छाैं।’ यसै प्रतियोगिता अन्तर्गत समूह ‘बी’ को खेलमा बुधबार भारतले श्रीलंकालाई २–० ले पराजित गरेको छ। ‘हामीले पाकिस्तानसँग हार्छौं भन्ने सोचेको पनि थिएनौं। तर अन्तिम समयमा सम्हालिन नसक्दा पराजित भयौं । फुटबलमा ठूला टिम पनि पराजित भइरहेका हुन्छन्। तर बारम्बार गल्ती गर्ने छुट छैन।’

post image

भदौ १, काठमाडौं । भारतका पुर्वप्रधानमन्त्री अटल बिहारी वाजपेयीको आज दिउँसो ४ बजे दिल्ली स्मृती स्थलमा अन्तिम संस्कार गरीने भएको छ । बिहीबार पाँच बजेर ५ मिनेट जाँदा निधन भएको छ । । अल भारतीय आयुर्विज्ञान संस्थान (एम्स) मा उनको ‘लाईफ सपोर्ट सिष्टम’ मा राखेर विषेश उपचार प्रयास गरिएपनि उनलाई बचाउन सम्भव भएन । निधन भईसकेपछि स्वर्गीय भारतीय पुर्वप्रधानमन्त्री अटल बिहारी वाजपेयीलाई अन्तिम श्रद्धाञ्जलीका लागि नयाँ दिल्लीमा रहेको कृष्ण मोहन मार्गस्थित उनको निवासमा राखिएको छ ।

स्वर्गीय भारतीय पुर्वप्रधानमन्त्री अटल बिहारी वाजपेयीको पार्थिव शरीरलाई हिजै एम्सअस्पतालवाट उनको निवासलगिएको थियो ।
एम्सले पत्रकार सम्मेलनमार्फत भनेको छ, ‘उहाँलाई वचाउनका लागि एम्सका चिकित्सकको विशेष पहल सार्थक हुन सकेन । उनको साँझ ५ बजेर ५ मिनेटको समयमा निधन भएको छ ।’ यसैबीच भारतीय प्रधानमन्त्री नरेन्द्र मोदीले आफ्नो ट्वीटर पेजमा पूर्व प्रधानमन्त्री वाजपेयीजी को निधनले आफूलाई ठूलो दुःख लागेको उल्लेख गरेका छन् ।

भारतीय जनता पार्टीका एकजना संस्थापक नेता वाजपेयी विभिन्न समयमा तीन पटक देशको कार्यकारी प्रमुख बनेका थिए । ९३ वर्षीय वाजपेयीका एम्समा उपचार भएको थियो । त्यहाँ उनको स्वास्थ्य अवस्था खस्केपछि जीवनरक्षा प्रणालीमा राखिएको थियो । मधुमेहका बिरामी वाजपेयीको गत जुन ११ तारिखदेखि अस्पतालमा भर्ना गरिएको थियो । उनको मिर्गौलाको सङ्क्रमण लगायत विभिन्न स्वास्थ्य समस्या पनि देखिएको थियो ।

स्वर्गीय भारतीय पुर्वप्रधानमन्त्री अटल बिहारी वाजपेयीको पार्थिव शरीरलाई आज दिउँसो १ बजेदेखि ४ बजेसम्म भारतीय जनता पार्टीको दिन दयाल उपाध्याय मार्गमा रहेको केन्द्रिय कार्यालयमा अन्तिम श्रद्धाञ्जलीका राखीने छ। त्यसपछि आजै उनको आजै ४ बजे दिल्ली स्मृती स्थलमा अन्तिम संस्कार गरीने छ । बाजपेयिको पार्थिव शरीरलाई अन्तिम श्रद्धाञ्जलीका लागि घरमै र पार्टी कार्यालयमा राखीने छ ।

post image

साउन २०, काठमाडौँ।  भारतीय प्रधानमन्त्री नरेन्द्र मोदी चौथो पटक नेपाल आउने भएका छन् ।  भदौ १४ र १५ गते हुने चौँथो विमस्टेक बैठकमा भाग लिन नेपाल आउन लागेका प्रधानमन्त्री मोदी नेपालमा दुई दिन रहने छन् ।  सो क्रममा उनले गौतमबुद्धको जन्मस्थान लुम्बनी र पोखराको समेत भ्रमण गरी नेपालस्थित भारतीय दूतावास तयारीमा जुटेको स्रोतले जनाएको छ । यसअघि वैशाख २८ गते दुई दिनका लागि नेपाल भ्रमणमा आएका मोदीले मुस्ताङ्गबाट फर्किने क्रममा पोखरामा घुम्ने योजना बनाएका थिए । पोखरामा त्यस अनुसारको तयारी पनि भइसकेको थियो तर समय अभावका कारण उनी मुस्ताङ्गबाट सिधै काठमाडौँ फर्केका थिए ।

 २०७१ सालमा काठमाडौँमा भएको सार्क सम्मेलनमा भाग लिन नेपाल आएका मोदीले जनकपुरसँगै लुम्बनीको समेत भ्रमण गर्ने तयारी थियो । त्यो बेला पनि लुम्बनीको भ्रमण गर्ने भनेर सम्पूर्ण तयारी पुरा भएको थियो । तर, अन्त्यमा सुरक्षाको कारण देखाउँदै जनकपुरको भ्रमण रद्द गरेपछि प्रधानमन्त्री मोदीको लुम्बनी भ्रमणसमेत रद्द भएको थियो । तर, यसपटक भने उनी लुम्बनी जाने निश्चित भएको छ किनभने उनले यसअघि जनकपुरको भ्रमण गरिसकेका छन् । ‘जनकपुरको भ्रमण रद्द भएपछि लुम्बनीको मात्र भ्रमण गर्दा राम्रो सन्देश नजाने भन्दै त्यतिबेला भ्रमण रद्द भएको थियो । यसपटक भने भ्रमण लगभग निश्चित भएको छ,’ दूतावास स्रोतले भन्यो ।  त्यतिबेला मोदीले मुस्ताङको मुक्तिनाथ दर्शन गरेर पोखरा हुँदै लुम्बनी जाने तयारी थियो । तर, मोदीले त्यतिबेला तीनटै ठाउँको भ्रमण रद्द गरेका थिए ।  जनकपुर र मुस्ताङ्को भ्रमण गरिसकेका मोदी यसपटक पोखरा हुँदै लुम्बनी जाने तयारी भइरहेको छ । यसैगरि, गौशालामा भारतको सहयोगमा निर्माण भएको धर्मशालाको उद्घाटन पनि मोदीले गर्ने तयारी भइरहेको छ । यद्यपि अहिले नै मिति र समय तय भएको छैन ।

मोदीले उद्घाटन गर्ने धर्मशालाको अवलोकन भारतीय जनता पार्टीका महासचिव राम माधवले गरिसकेका छन् । साउन १४ गते थिङ्क ट्याङ्कको सम्मोलनमा भाग लिन नेपाल आएका राम माधवले नेपालका लागि भारतीय राजदूत मञ्जिभ सिंह पुरीको साथमा सो धर्मशालाको अनुगमन गरेका थिए ।  बहुपक्षीय प्राविधिक तथा आर्थिक सहयोगका लागि बंगालको खाडीका देशको प्रयास (विमस्टेक) नामक क्षेत्रीय संगठनको चौँथो शिखर सम्मेलन काठमाडौँमा हुन लागेको छ । बिमिस्टेकको अध्यक्ष नेपाल रहेको छ । यो क्षेत्रीय संगठनको सदस्यमा बंगलादेश, भारत, म्यान्मार, श्रीलंका, थाइल्याण्ड, भुटान र नेपाल सदस्य राष्ट्रको रुपमा रहेका छन् ।

post image

असार १७, काठमाडौं । नेपाल भारत प्रबुद्ध समूह (ईपीजी)को अन्तिम बैठकले शनिबार साझा प्रतिवेदन तयार गरी आफ्नो कार्य सम्पन्न भएको जनाएको छ। ईपीजीको शुक्रबारदेखि काठमाडौंमा बसेको नवौं बैठकमा साझा प्रतिवेदन तयार पारिएको हो। नेपाल भारतबीच सन् १९५० को शान्ति तथा मैत्री सन्धिका साथै दुई देशबीचका अन्य असमान सन्धि सम्झौता समीक्षा गर्ने, अद्यावधिक गर्ने, आवश्यकता अनुसार संशोधन गर्ने र प्रतिस्थापन गर्नेसम्मको सुझाव दिन कार्यादेश दिई दुई वर्षअघि ईपीजी गठन गरिएको थियो।

‘बैठक सफलतापूर्वक सम्पन्न भएको छ,’ ईपीजीमा नेपालतर्फका सदस्य डा. राजन भट्टराईले भने, ‘हामीले साझा प्रतिवेदन तयार पारेका छौं, अब दुवै देशका प्रधानमन्त्रीलाई संयुक्त रूपमा हस्तान्तरण गर्नेछौँ।’साझा प्रतिवेदन तयार भए पनि प्रतिवेदनमा कुन–कुन कुरामा सहमति भएको छ भन्ने सार्वजनिक गरिएको छैन। नेपाल भारतबीचको सन् १९५० को शान्ति तथा मैत्री सन्धिको धारा २, ५, ६ र ७ मा नेपालले असन्तुष्टि जनाउँदै आएको थियो। उक्त धाराहरू नेपालका लागि मात्रै बाध्यकारी रहेको र भारतले त्यसको पालना नगरेको नेपालको बुझाइ रहेको छ।सन्धिको धारा २ मा दुवै देशमध्ये कुनै एक देशको अर्को मित्र राष्ट्रसँगको सम्बन्धमा तिक्ततापूर्ण अवस्था आएमा एकले अर्कालाई जानकारी गराउनुपर्ने उल्लेख छ।

यस्तै धारा ५ मा नेपाल सरकारले आवश्यक पर्ने हातहतियार भारतसँग खरिद गर्ने र भारतबाहेक अन्य देशबाट खरिद गर्नु परेमा भारतीय भूमि हुँदै आयत गर्नुपर्ने र सो कुराको जानकारी भारत सरकारलाई दिनुपर्ने उल्लेख छ। धारा ६ मा दुवै देशले एकअर्काका नागरिकहरूलाई आफ्नो देशमा आर्थिक तथा औद्योगिक क्रियाकलापमा स्वतन्तत्रापूर्वक सहभागी हुन दिने व्यवस्था छ। त्यस्तै धारा ७ मा दुवै देशका नागरिकलाई एकअर्काको देशमा आफ्नै नागरिक सरहको व्यवहार गर्ने कुरा उल्लेख गरिएको छ।

post image

असार १५, काठमाडौं । नेपाल र भारतबीच रहेका सबै प्रकारका सन्धिसम्झौता पुनरावलोकन गरी सुझाव दिन गठित प्रबुद्ध व्यक्ति समुह ईपीजीको नवौं बैठक आज काठमाडौंमा सुरु हुँदैछ । बिहान १० बजे पछि सुरु हुने बैठकले हालसम्म भएका बैठकको प्रगतिलाई दुईपक्षीय साझा प्रतिवेदनको रुप दिदै सरकारलाई बुझाउने निर्णय गर्नेछ । यद्यपि अझै पनि प्रतिवेदनले अन्तिम रुप भने पाउन सकेको छैन ।

यसअघि काठमाडौंमा सम्पन्न पछिल्ला दुई बैठकमा सहभागी हुन नसकेका पुर्व राजदुत जयन्त प्रसाद समेत नवौं बैठकमा सहभागी हुन काठमाडौं आउनुभएको छ । उहाँकै सहभागीताका लागी भन्दै बैठक एक महिना ढिलो गरी  राखिएको हो । नयाँदिल्लीमा भएको आठौं बैठकमा पनि १९५० को सन्धि प्रतिस्थापनको विषय नटुंगिएपछि काठमाडौंमा नवौं बैठक तय भएको हो ।

प्रधानमन्त्री केपी शर्मा ओलीको भारत भ्रमण लगत्तै दिल्लीमा ईपीजीको आठौं बैठक बसेको थियो । असार २० मा ईपीजीको समय सिमा सकिदै छ । त्यसअघि हुने बैठक पहिल्यै नमिलेका विषय आदान प्रदानबाट मिलिसक्नुपर्ने भएपनि भारतीय पक्ष उदास देखिएको अवस्थामा यो बैठक हुन लागेको हो । नेपाली पक्षको संयोजना डा भेषबहादुर थापा र भारतीय पक्षको भगत सिंह कोशीयारीले गरिरहनु भएको छ । बैठक भोली सकिने छ ।

post image

जेठ ३०,काठमाडौँ। प्रधानमन्त्री केपी शर्मा ओलीले चीनको राज्य परिषद्का प्रधानमन्त्री ली खछ्याङको निमन्त्रणामा आगामी असार ५ गते चीनको औपचारिक भ्रमण गर्नुहुने भएको छ । प्रधानमन्त्री ओलीका साथ उहाँकी धर्मपत्नी राधिका शाक्य पनि चीन भ्रमणमा जानुहुने परराष्ट्र मन्त्रालयले जनाएको छ ।  प्रधानमन्त्रीको भ्रमण दलमा गृहमन्त्री रामबहादुर थापा ‘बादल’, परराष्ट्रमन्त्री प्रदीपकुमार ज्ञवाली, ऊर्जा, जलस्रोत तथा सिँचाइमन्त्री वर्षमान पुन ‘अनन्त’, भौतिक पूर्वाधार तथा यातायातमन्त्री रघुवीर महासेठ, प्रधानमन्त्रीका प्रमुख सल्लाहकार विष्णु रिमाल, सांसदहरु, नेपाल सरकारका उच्च अधिकारी, निजी क्षेत्रका प्रतिनिधि र सञ्चारकर्मी सहभागी हुनुहुनेछ ।

भ्रमणका क्रममा प्रधानमन्त्री ओलीले आफ्ना चिनियाँ समकक्षी लीसँग प्रतिनिधिमण्डल स्तरीय द्विपक्षीय वार्ता गर्नुहुनेछ । परराष्ट्र मन्त्रालयका अनुसार उहाँले चीनका वरिष्ठ नेताहरुसँग भेटवार्ता गर्नुहुनेछ । प्रधानमन्त्रीले नेपाल–चीन व्यापारिक मञ्च तथा विद्वत समूहलाई बेइजिङमा सम्बोधन गर्नुहुनेछ । भ्रमणकै सिलसिलामा केही सहमति र समझदारी पत्रमा हस्ताक्षर हुनेछ । प्रधानमन्त्री ओलीले चीनको स्वशासित क्षेत्र तिब्बतको राजधानी ल्हासाको पनि भ्रमण गर्नुहुनेछ । त्यहाँ उहाँले तिब्बतका प्रान्तीय नेताहरुसँग भेटवार्ता हुनुहुनेछ ।

प्रधानमन्त्री ओली नेतृत्वको प्रतिनिधिमण्डल असार १० गते आइतबार स्वदेश फर्कनेछ ।  यसैबीच, रासससँग संक्षिप्त कुरा गर्दै परराष्ट्र मन्त्रालयका सचिव शंकरदास वैरागीले चीनका राष्ट्रपति सी चिनफिङले अघि सार्नुभएको ‘एक क्षेत्र एक मार्ग (बीआरआई)’ अन्तर्गत पूर्वाधार निर्माण, लगानी आकर्षण, ऊर्जा, पर्यटनलगायत क्षेत्रमा द्विपक्षीय छलफल र समझदारीपत्रमा समेत हस्ताक्षर हुने जानकारी दिनुभयो । उहाँले राजनीतिक विषयका साथै नेपाल–चीन सम्बन्धका सबै पक्षमा सघन छलफल हुने बताउनुभयो । रासस

post image

जेठ १४, काठमाडौं । इण्डियन प्रिमियर लिग (आईपीएल) क्रिकेटको ११ औं संस्करणको उपाधि चेन्नाई सुपर किंग्सले जितेको छ । आइतबार राति भएको फाइनल खेलमा सनराइजर्स हैदरावादलाई ८ विकेटले हराउँदै चेन्नाईले उपाधी चुमेको हो । उपाधिसँगै चेन्नाईले २० करोड भारु पनि पाएको छ ।

चेन्नाईले आईपीएल उपाधी जितेको यो तेस्रो पटक हो । तेस्रोपटक उपाधि जित्ने क्रममा ओपनर शेन वाटसेनको प्रदर्शन शानदार रह्यो । अन्तर्राष्ट्रिय क्रिकेटबाट सन्यास लिइसकेका वाटशनले नटआउट ११७ रन योगदान गरे । ५७ बल सामना गरेका उनले ११ चौका र ८ छक्का प्रहार गरे । उनी म्यान अफ दि म्याच भए ।एसके रैनाले ३२, अम्वाती रायडुले १६ र फाप डु प्लेसिसले १० रन बनाए ।

बलिङतर्फ सन्दिप शर्मा र कार्लोस ब्रेथवेटले एक-एक विकेट लिए । यसअघि पहिले व्याटिङ गरेको हैदरावादका लागि केन विलियम्सनले ४६ रन बनाए । युसुफ पठानले नटआउट ४५ रन बनाए । शिखर धवनले २६, शाकिब अल हसनले २३ र कार्लोस ब्रेथवेटले २१ रन बटुले । बलिङतर्फ रविन्द्र जडेजा, ड्वेन ब्राभो, कर्ण शर्मा, शार्दुल ठाकुर र लुंगी निग्दीले समान एक-एक विकेट लिए । टस हारेर व्याटिङ गरेको हैदरावादले निर्धारित २० ओभरमा १७८ रन बनाएको थियो । उसले ६ विकेटको क्षतिमा सो रन बनाएको थियो । चेन्नाईले भने १८ ओभर ३ बलमा १७९ रनको लक्ष्य पूरा गरेको थियो ।

post image

वैशाख २१, काठमाडौं । भारतको उत्तर प्रदेश र राजस्थानमा आएको धुलो वर्षासहितको आँधीका कारण मृत्यु हुनेको संख्या एक सय १७ पुगेको छ । गत बुधबार राति आएको आँधीका कारण उत्तर प्रदेशमा ७३ जनाको मृत्यु भएको छ भने  ८३ जना घाइते भएका छन् । राजस्थानमा ३८ जनाको मृत्यु भएको छ । एक सय बढी घाइते भएका छन् ।

भारतको मौसम विभागले ४८ घण्टाभित्र फेरि उच्च आँधी आउन सक्ने भन्दै सर्तकता अपनाउन आह्वान गरेको छ । अाँधीका कारण अधिकाशं घरमा क्षति पुग्नुका साथै विद्युत सेवा समेत अवरुद्ध भएको छ । हावाहुरीका कारण रुख ढल्दा ती स्थानका यातायात सेवा प्रभावित भएको छ । आँधीका कारण उत्तर प्रदेशको आगरा जिल्लामा सबै भन्दा बढी क्षति पुगेको भारतीय समाचार संस्था पीटीआईले उल्लेख गरेको छ ।

यस्तै, बिजनौर,बरेली,सहारनपुर,पीलीभीत, फिरोजवाद, रायबरेली  लगायत  ८९ जिल्लामा अाँधीका कारण प्रभावित भएको छ । प्रदेश सरकारले मृतकका परिवारलाई  ४ लाख रुपैयाँ र घाइतेलाई ६० हजार रुपैयाँ दिने घोषणा गरेको छ । भारतको मौसम विभागका अनुसार उत्तर प्रदेश लगायतका क्षेत्रमा केही दिन सम्म मौसममा बदली भएर आँधी सहित भारी बर्षा हुने छ । यसैबीच, प्रधानमन्त्री नरेन्द्र मोदीले स्थानीय अधिकारीलाई सम्बन्धीत प्रदेश सरकारसंग समन्वय गरेर राहत तथा पुर्नस्थापनाको प्रक्रिया यथाशीघ्र अघि बढाउन निर्देशन दिनुभएको छ  ।

post image

बैशाख ८, काठमाण्डौं । भारतीय प्रधानमन्त्री नरेन्द्र मोदी आउँदो मे ११ अर्थात यही वैशाख २८ गते नेपाल भ्रमणमा आउने तयारी भैरहेको छ । नेपालका प्रधानमन्त्री केपी शर्मा ओलीको निमन्त्रणामा मोदी नेपाल आउन लागेका हुन् । मोदी नेपाल उनी त्यहि दिन धार्मिकस्थल जनकपुर जाने तय भएको भारतीय सञ्चारमाध्यम हिन्दुस्तान टाइम्सले दाबी गरको छ ।

मोदीको नेपाल भ्रमणको मिति तय नभएपनि उनी नेपाल चाँडै आउने परराष्टमन्त्री प्रदि ज्ञवालीले जनाए । यसपटक मोदी नेपाल आएकै दिन जनकपुर जाने स्रोतलाई उद्धृत गर्दै हिन्दुस्तान टाइम्सले जनाएको छ । यसअघिको भ्रमणमा मोदी जनकपुर जान चाहेका थिए तर सम्भव भएको थिएन ।

पहिले ओलीको भारत भ्रमण र अहिले हुने तयारी रहेको मोदीको नेपाल भ्रमणले नेपाल भारत सम्बन्ध थप मजबुद बन्ने सूत्रहरुको दाबी छ ।

 

post image

चैत ३०, काठमाडौं नयाँ शक्ति पार्टी, नेपालका संयोजक एवम् पूर्वप्रधानमन्त्री डाक्टर बाबुराम भट्टराई आज भारत प्रस्थान गर्ने भएका छन् अन्तर्राष्ट्रिय नेपाली समाज, भारतको बृहत कार्यकर्ता भेलालाई सम्बोधन गर्न उनी भारतको बैंगलोर तर्फ जाने भएका हुन् संयोजक डा. भट्टराईले पार्टीको लुम्बिनी विस्तारित बैठकका निर्णयहरुको बारेमा प्रशिक्षण दिनेछन्

एक सातासम्म भारतमा रहने डा.भट्टराईले त्यसक्रममा भारतमा रहेका नेपालीहरुको समस्या समाधानका विषयमा नेपाली समुदायसँग छलफल समेत गर्नेछन् संयोजक डा.भट्टराईले भारतका मुख्यमुख्य शहर दिल्ली, मुम्बई, तमिलनाडू लगायतका स्थानमा रहेका नेपाली समुदायसँग परामर्श गर्नेछन्। सोही क्रममा उनले भारतका महत्वपूर्ण ऐतिहासिक स्थानहरुको समेत अवलोकन भ्रमण गर्नेछन्

संयोजक डा.भट्टराईसँगै नयाँ शक्ति पार्टीको विदेश विभाग इन्चार्ज हिसिला यमी पनि भारत जाँदैछिन् भट्टराईसँगै उनका ८८ वर्षीय पिता भोजप्रसाद भट्टराई पनि धार्मिकस्थल रामेश्वरम द्वारकाधाम जानेछन् संयोजक डा. भट्टराई बैशाख गते साँझ काठमाडौं फर्किनेछन्

post image

चैत्र २४, नयाँदिल्ली । प्रधानमन्त्री केपी शर्मा ओलीले  चुनावपछि नेपाल आर्थिक समद्धिको दिशार्फ अघि बढेको बताएका छन् । भारतीय प्रधनमन्त्री नरेन्द्र मोदीसँगको भेटपछि आयोजित संयुक्त पत्रकार सम्मेलनमा ओलीले नेपाल चुनावको सम्पन्नतासँगै समृद्धिको दिशामा अघि बढेको बताएका हुन् ।   आफू नेतृत्वको सरकारको  साझा उद्देश्य नै  समृद्धि भएको बताउँदै ओलीले नेपाल लगानीको लागि उपयुक्त वातारण भएको पनि बताए ।  भारतीय निजि तथा पब्लिक कम्पनीलाई नेपालका जलविद्युत क्षेत्रमा लगानी गर्न आह्वान गर्दै ओलीले कतिपय आयोजना भारतीय लगानीमा बन्दै गरेको  पनि सो क्रममा बताए ।

 यस्तै सीमा क्षेत्रमा हुने आतंकवाद र अपराध न्यूनीकरणका सवालमा नेपाल गम्भीर रहेको बताउँदै ओलीले सीमा क्षेत्रमा हुने अपराध न्यूनीकरणका लागि  दुबै देश मिलेर अघि बढ्नुपर्नेमा जोड दिए ।  पत्रकार सम्मेलनका क्रममा ओलीले नेपाल भूपरिवेष्ठित देश नभएको बताउँदै बरु ‘ल्याण्डलिंक्ड’ देश भएको बताए।   अहिलेकाे अवस्थामा नेपाल जलमार्गमा पनि जोडिन सक्ने उनको भनाई थियो ।

अर्को प्रसंगमा ओलीले काठमाडौं–रक्सौल रेलमार्ग विस्तारमा भारतले सहयोग गर्ने  बताएकोमा खुसी व्यक्त गरे ।  ओली अघि पत्रकार सम्मेलनलाई सम्बोधन गरेका  मोदीले काठमाडौं रक्सौल रेलमार्ग भारतले बनाउने बताएका थिए । यस्तै  उनले आफूलाई भारतमा भएको न्यानो स्वागतको लागि मोदीलाई धन्यवाद समेत दिए । ओलीले भारतीय प्रधानमन्त्री नरेन्द्र मोदीलाई  उपयुक्त समयमा नेपाल भ्रमणमा आउन निमन्त्रणा समेत दिए ।

post image

चैत्र २४, नयाँदिल्ली । भारतीय प्रधानमन्त्री नरेन्द्र मोदीले नेपालमा लोकतन्त्रको स्वर्णीम अध्याय शुरु भएको भन्दै यसले भारतलाई निकै हर्षित बनाएको बताएका छन् । मोदीले आफ्नो सम्बोधनमा भने, ‘नेपाल राजनीति इतिहासको नयाँ यूगामा प्रवेश गरेको छ । छिमेकी मित्र देश र विश्वको सवैभन्दा ठूलो लोकतन्त्र भएको देशको नाताले छिमेकी नेपालको स्वर्णीम अध्यायाको शुभारम्भ हुनु भारतका लागि हर्षको विषय हो ।’नेपालमा संविधान जारी भएपछि त्यसको अन्तरबस्तुमा असन्तुष्टि जनाउँदै आएको भारतले तीनै चरणका चुनाव र त्यसमा बामपन्थी गठबन्धनको विजय भएपछि आफ्नो ‘पोजिसन’ हेरफेर गरेको देखिएको छ ।

आज नयाँ दिल्लीमा नेपालका प्रधानमन्त्री केपी ओलीसँगको संयुक्त प्रेस विफ्रिङमा भारतीय प्रधानमन्त्री मोदीले भारतको विकासका लागि आफुले अगाडि सारेको ‘सवका साथ, सवका विकास’ नामक भिजन र नेपालका प्रधानमन्त्री ओलीले अगाडि सारेको ‘सुखी नेपाली, समृद्ध नेपाल’ नामक भिजन एकअर्काको पूरक भएको बताए ।  नेपाल राजनीति इतिहासको नयाँ यूगामा प्रवेश गरेको छ । छिमेकी मित्र देश र विश्वको सवैभन्दा ठूलो लोकतन्त्र भएको देशको नाताले छिमेकी नेपालको स्वर्णीम अध्यायाको शुभारम्भ हुनु भारतका लागि हर्षको विषय हो ।

नेपालको त्रिब आर्थिक विकास र त्यसमा सवैको साझेदारीका विषयमा प्रधानमन्त्री केपी ओलीले मलाई जानकारी गराउनुभयो । प्रधानमन्त्री ओलीको भिजनको साकार गर्नका लागि भारत कसरी सहभागी बन्न सक्छ भनेर छलफल गर्यौँ । भारतको विकासका लागि ‘सवका साथ, सवका विकास’ नामक मेरो भिजन छ । उता नेपालमा ‘सुखी नेपाली, समृद्धि नेपाल’ भन्ने प्रधानमन्त्री ओलीको भिजन छ । हाम्रा यी भिजन एक अर्काको पुरक छन । हामी दुई सहमत छौँ  कि जनकेन्द्रीत भिजनलाई सँगै अगाडि बढाउन । विकासका साँझा लक्ष्य बनाउन पनि हामी सहमत छौँ । दुई देशका जनताको सुख समृद्धिसँगै अगाडि बढाउन सहमत छौँ । नेपालको विकासमा भारतको साझेदारीको लामो इहितास छ । मैले प्रधानमन्त्री ओलीलाई विश्वास् दिलाएको छु, अगाडि पनि भारत नेपालसँगै रहनेछ । हमेसाजस्तै नेपालको प्राथामिकता र आबश्यकता अनुसार भारतको सहयोग हुनेछ ।

अव नेपालको समुन्द्रसम्म पहुँच हुनेछ । सगरमाथाको देश समुन्द्रसम्म जोडिने छ । भपुरिष्वेठी देश मात्र होइन पानीमा पनि जोडिनेछ । काठमाडौंसँग भारत जोडने रेललाइन बनाउने सहमत भएका छौँ । कनेन्केटीभेटी जनताको दैनिकीसँग जोडिन्छ । एकीकृत सुरक्षा जाँच पनि शुरु गर्यौँ । तराई रोड, तेल पाइलाइनलाई अगाडि बढाउन हामी सहमत छौँ ।दुवै देश ृकषि प्रधान छन् । हामीले कृषिमा मिलेर काम गर्ने भनेका छौँ । आर्र्गनिक फार्मिङ, कृषि शिक्षा, कृषि अनुसन्धानमा सहयोग बढाउने छौँ । बहुमुल्य समय निकालेर प्रधानमन्त्री कृषि विश्वव्दिालय जाँदैहुनुहुन्छ ।

जलसंसाधान र जलविद्युतमा पुनर्विचार गरेका छौँ । अरुण तेस्रो लगायतका परियोजनामा काम अगाडि बढाउने छौँ । रक्षा र सुरक्षाममा गहन सम्बन्ध छ । खुला सीमा र साँझा हितका वारेमा कुरा गर्यौँ । खुला सीमाना जीवनको महत्वपूर्ण भाग हो । शिक्षा स्वास्थ्यमा पनि सहयोग बढाउने छौँ । दुवै देशलाई फाइदा हुनेछ ।
नेपालको संघीय लोकतान्त्रि व्यवस्थाको बलियो बनाउन अनुभव आदान प्रदान महत्वपूर्ण हुन्छ । ‘फेरि भेट होला ।’

post image

चैत्र २४, नयाँदिल्ली  । तीन दिने भारत भ्रमणमा रहेका प्रधामन्त्री केपी शर्मा ओली महात्मा गान्धीको समाधीस्थल राजघाट पुगेर गान्धीको समाधीमा श्रद्धान्जली अर्पण गरेका छन् ।

 भारतीय राष्ट्रपति राम नाथ कोविन्दसँगको भेटवार्तापछि ओली  गान्धीको समाधिस्थलमा श्रद्धान्जली अर्पण  गर्न पुगेका हुन् ।
श्रद्धान्जली अर्पण  गरेपछि राखिएको आगन्तुक पुस्तिकामा ओलीले गान्धीको प्रेम, सत्य र अहिंसावादी चिन्तनको प्रशंशा गरेका छन् ।

post image

चैत्र २४, नयाँदिल्ली  । भारत भ्रमणमा रहेका प्रधानमन्त्री केपी शर्मा ओलीले दुईपक्षीय सम्वन्धमा आज महत्वपूर्ण भेटवार्ता गर्दै हुनुहुन्छ । प्रधानमन्त्री ओलीले भारतीय राष्ट्रपति रामनाथ कोविन्द, उपराष्ट्रपति  बैंकया नायडु, समकक्षी नरेन्द्र मोदी, विदेशमन्त्री सुश्मा स्वराज लगायत उच्च सरकारी अधिकारीहरुँंग भेटवार्ता गर्न लाग्नुभएको हो । प्रधानमन्त्री ओलीलाई दिल्लीस्थित राष्ट्रपति भवनमा भारत सरकारले गार्ड अफ अनरले सम्मान गरेको छ । लगत्तै राष्ट्रपति कोविन्दसँग भेटवार्ता हुनेछ ।

सकमक्षी मोदीसँग हिजो वान टु वान वार्ता गरेका प्रधानमन्त्री ओलीले आज भारतीय प्रधानमन्त्रीको सरकारी निवास हैदराबाद हाउसमा नेपाली प्रतिनिधिमण्डल सहित छलफल गर्दै हुनुहुन्छ ।  बिहान साढे ११ बजे हुने भेटवार्तामा नेपालका तर्फबाट प्रधानमन्त्री ओलीसहित उहाँका मुख्य सल्लाहकार विष्णु रिमाल, परराष्ट्रमन्त्री प्रदीप ज्ञवाली, उद्योग वाणिज्य तथा आपूर्ति मन्त्री  मातृका यादव लगायतको टोली सहभागी हुँदैछ । संयुक्त रूपमा भारतीय सहयोगमा निर्माण भएको वीरगन्जको एकीकृत भन्सार जााच चौकी दिल्लीमा बटम थिचेर उद्घाटन गर्ने कार्यक्रम समेत तय भएको छ । यस्तै ९ सय मेगागट क्षमताको अरुण तेस्रो जलविद्युत अयाोजनाको पनि संयुक्त शिलान्यास हुनसक्ने बताइएको छ ।

 भेटवार्ताका क्रममा भारलते वीरगन्ज–काठमाडौं रेलमार्ग र कृषिको आधुनिकीकरणमा सहयोग लगायत विषयमा सहयोग प्याकेजको घोषणा गर्ने बताइएको छ ।  यसका साथै महाकाली सन्धिअनुसार निर्माण हुनुपर्ने पञ्चेश्वर परियोजनाको विस्तृत परियोजना प्रतिवेदन निर्माण टुंग्याउने विषय, नेपालमा प्रतिवन्धित रहेका भारतीय रुपैयाँ, एक हजार र पाँचसय दरका नोट सटहीको व्यवस्था, इनर्जी बैंक , सीमा समस्या लगायतका विषयमा छलफल केन्द्रित रहने जनाइएको छ ।  यसैबीच प्रधानमन्त्री ओलीले आज भारतीय उपराष्ट्रपति बैंकया नायडुसँग पनि भेटवार्ता गर्ने कार्यतालिका रहेको छ ।

आजै प्रधानमन्त्री ओलीले भारतीय विदेशमन्त्री सुष्मा स्वराजसँग समेत भेट गर्दे हुनुहुन्छ । बिहान सवा १० स्वराजसँगको भेटपछि प्रधानमन्त्री ओली बिहान ११ बजे महात्मा गान्धीको समाधीस्थल राजघाटमा पुगी माल्यार्पण गर्ने कार्यक्रम छ । यस्तै साँझ ७ बजे गृहमन्त्री राजनाथ सिंहले प्रधानमन्त्री ओलीलाई भेट्ने कार्यक्रम तय भएको छ । भने साढे ७ बजे इन्डिया फाउन्डेशनको कार्यक्रममा सहभागि हुनुहुने कार्यक्रम रहेको छ ।

 

post image

चैत २३, नयाँ दिल्ली । भारतको राजकीय भ्रमणमा रहेका प्रधानमन्त्री केपी शर्मा ओलीले नेपालमा ऐतिहासिक राजनीतिक परिवर्तनपछि बलियो सरकार बनेको र निर्धक्क भएर लगानी गर्न भारतीय व्यवसायीलाई आग्रह गरेका छन्।

भारत भ्रमणको पहिलो दिन ताज होटलमा आयोजित व्यवसायीसँगको अन्तर्क्रिया कार्यक्रममा प्रधानमन्त्री ओलीले नेपालमा कानुनी शासन बलियो भएको र सरकारले विदेशी लगानीलाई प्रोत्साहन गर्ने नीति लिएको भन्दै लगानीका लागि आग्रह गरेका हुन्। ‘हामीलाई हरेक क्षेत्रमा ठूलो लगानी चाहिएको छ,’ उनले भने, ‘लागनीका लागि नेपाल भर्जिन ल्यान्ड मानिन्छ। हरेक क्षेत्रको लगानी उच्च मुनाफायुक्त छ। लगानीमा कुनै प्रतिस्पर्धा छैन।’

व्यापारका लागि विश्वभरि पुगेका भारतीय व्यवसायीहरु अब छिमेकी मुलुक नेपालमा आउने बेला भएको उनले बताए। ‘निकटता, सांस्कृतिक समानताका कारण पनि नेपालमा भारतीय व्यवसायीहरुलाई सहज हुन्छ,’ उनले भने। कार्यक्रममा लगानी बोर्डका सिइओ महाप्रसाद अधिकारीले नेपालको व्यापारिक अवस्थाबारे प्रस्तुति दिएका थिए। त्यसमा भारतीय व्यापारीहरुले विभिन्न जिज्ञासा राखेका थिए।

 

post image

चैत १५, काठमाडौं । पाकिस्तानी महिला शिक्षा तथा बाल अधिकारवादी अभियन्ता एवं सन् २०१४ को नोवेल शान्ति पुरस्कार विजेता मलाला युसुफजई पुन: पाकिस्तान फर्किएकी छिन् । सन् २०१२ मा  तालिवानी लडाकुको आक्रमणमा परेपछि पहिलोपटक मलाला पाकिस्तान फर्किएकी हुन् ।

पाकिस्तानको स्वात उपत्यकामा तालिबानी लडाकूले बालिकाहरुलाई विद्यालय जान प्रतिबन्ध लगाएको समयमा महिला तथा शिक्षाको लागि वकालत गरेको भन्दै उनीमाथि आक्रमण भएको थियो । सो आक्रमणमा उनको कन्चटमा गोली लागेको थियो । त्यसयता उनी बेलायतको बर्मिङघममा बस्दै आएकी छिन् । पछिल्लो पटक बेलायत सरकारले नै उनको उपचार र शिक्षाको जिम्मेवारी लिएको छ । मलाला नोवेल शान्ति पुरस्कार जित्ने हालसम्मकै कम उमेरकी व्यक्ति हुन् ।

सुरक्षाको लागि भन्दै मलालाको भ्रमण तालिकालाई गोप्य राखिएको अन्तर्राष्ट्रिय सञ्चारमाध्यले उल्लेख गरेका छन् । यद्यपी मलालाले प्रधानमन्त्री शाहिद खाकान अब्बासीसँग भेट गर्नसक्ने आकंलन सञ्चारमाध्यमले गरेका छन् । यद्यपी त्यसको औपचारिक पुष्टी भएको छैन । उनले स्वात उपत्यकाको भ्रमण गर्ने वा नगर्ने बारेपनि केही खुलाइएको छैन ।

post image

चैत ११, काठमाण्डौं । न्यो लिङ्वा इन्टरनेशनल करियर सेन्टर’(एनएलआइसीसी) ले नेपालमा पहिलो पटक  अन्तराष्ट्रियस्तरको अंग्रेजी भाषाको प्रशिक्षण केन्द्र सञ्चालनमा ल्याएको छ ।

काठमाडौंको महाराजगंजस्थित महालक्ष्मी अवल हाउसमा “युनिभर्सिटी अफ टेक्नोलोजी सिड्नी यु टि एस इन्सर्चको संयुक्त प्रयासमा सुरु गरिएको अंग्रेजी भाषाको प्रशिक्षण केन्द्र संचालनमा ल्याएको हो  ।  काठमाडौँको होटल याक एण्ड यतीमा आयोजित एक बिशेष समारोहका बीच नेपालका लागि अष्ट्रेलियाका राजदुत पिटर बर्डले उक्त प्रशिक्षण केन्द्रको उद्घाटन गरेका हुन् ।

उद्घाटन समारोहलाइ सम्बोधन गर्दै राजदूत बर्डले यस कोर्षले बिद्यार्थीहरुलाई अंग्रेजी शिक्षाको बारेमा सम्पूर्ण रुपमा सबल बन्न मद्दत मिल्ने बिश्वास व्यक्त गर्नुभयो । कार्यक्रममा बिशेष अतिथिका रुपमा बोल्दै पूर्व शिक्षामन्त्री प्रदीप नेपालले यस कोर्षको अध्ययन गरिसकेपछि बिद्यार्थीलाई बिश्व समुदायसँग प्रतिष्पर्धा गर्न समेत सहयोग पुर्याउनेमा आफु बिस्वस्थ रहेको धारणा राख्दै संस्थाको उत्तरोतर प्रगतिको कामना गर्नुभयो ।

त्यसैगरी यु टी एस इन्सर्चका प्रबन्ध निर्देशक एलेक्स मर्फीले यस अंग्रेजी भाषाको ज्ञानले आत्मविश्वासी, कुशल ब्यबस्थापक तथा दक्ष व्यक्तित्व निर्माण गर्नमा मार्गदर्शन गर्ने बताउनुभयो । उहाँले यु टी एस सँगको आफ्नो २५ बर्षे अनुभव साटासाट गर्दैे नेपाली बिद्यार्थीका लागी यो संस्था बरदान साबित हुने पनि बताउनुभयो ।

यता शनिवार एक बिशेष समाराहेकाबिच काठमाडौंको महाराजगंजस्थित महालक्ष्मी अवल हाउसमा “युनिभर्सिटी अफ टेक्नोलोजी सिड्नी यु टि एस इन्सर्चको संयुक्त प्रयासमा सुरु गरिएको अंग्रेजी भाषाको प्रशिक्षण केन्द्रको यु टी एस इन्सर्चका प्रबन्ध निर्देशक एलेक्स मर्फीले उद्घाटन गर्नु भयो । विद्यार्थीह्रुलाई भाषा प्रशिक्षण लिनका लागि आवश्यक पर्ने भौतीक संरचना र पूर्वाधार सहितको अंग्रेजी भाषाको प्रशिक्षण केन्द्रमा एक कक्षामा १६ जना अध्ययन गर्न सक्नेछन् । अष्ट्रेलियाका विश्वविद्यालयहरुमा जस्तै संरचना र कक्षाकोठा, लाईबेरी, ल्याब लगायतका सम्पूर्ण सेवा सुविधाहरु यहाँ प्रदान गरीने कुरा उद्घाटन सत्र पश्चात आयोजना गरीएको पत्रकार सम्मेलनमा जानकारी गराईयो ।

अष्ट्रेलियाका २६ भन्दा बढी विश्वविद्यालयहरुमा अध्ययन अध्यापन हुदै आईरहेको यो कोर्ष नेपालमा भने पहिलो पटक एनएलआइसीसी सेन्टरले भित्रयाएको हो । नेपालमा यस प्रशिक्षण केन्द्रको आवश्यकता र अपरिहार्यताका बारेमा एनएलआईसीसीका निर्देशक सुरज राजभण्डारीले कार्यक्रम युनिटलाई जानकारी गराउनु भयो । त्यसरी नै यस कोषर्को अध्ययनका लागि लाग्ने खर्च तथा विद्यार्थीह्रुलाई एनएलआईसीसीले प्रदान गर्नेे छात्रबृतीका बारेमा संस्थाका अन्तराष्ट्रिय निर्देशक जसीन्टा सुरेखाले जानकारी गराउनु भयो ।

होटल याक एण्ड यतीमा आयोजना गरीएको उद्घाटन कार्यक्रममा बिभिन्न क्षेत्रका उच्च पदस्थ ब्यक्तिहरुको उपस्थिती रहेको थियो । “एनएलआइसीसी सेन्टर” को उद्घाटन कार्यक्रममा यु टि एस इन्सर्चका म्यानेजिङ्ग डाइरेक्टर एलेक्स मर्फी , चिफ बिजनेस डेभलपमेन्ट अफिसर पिटर हरिस र एसोसिएट प्रोफेसर पब्लिक हेल्थ एन्जिला डावसनले आ–आफ्नो मन्तब्य राख्नु भएको थियो ।

post image

चैत ११, पटना, भारत । भारतको राष्ट्रिय जनता दलका नेता तथा विहारका पूर्वमुख्यमन्त्री लालु प्रसाद यादव चौथौं भ्रष्टाचार मुद्दामा पनि दोषी ठहरिएका छन् ।  भारतको सिबिआई अदालतले शनिबार यादवलाई १४ वर्षको कारावास सजायका साथै ६० लाख जरिवाना सुनाएको भारतीय सञ्चारमाध्यमले जनाएका छन् । अदालतले उनलाई दुम्का कोषबाट गैरकानुनी रुपमा ३ करोड ७६ लाख भारतीय रुपैया अपचलन गरेको ठहर गरेको थियो ।

फैसलाको सजाँय सुनाउँदै यादवलाई १४ वर्ष जेल र ६० लाख रुपैया जरिवाना तोकिएको हो । उक्त मुद्दामा विहारका पूर्व मुख्यमन्त्री जगन्नाथ मिश्रालाई भने अदालतले सफाई दिएको छ । यादवका कानुन व्यवसायी प्रभात कुमारले उक्त फैसलाविरुद्ध उच्च अदालत अपिल गर्ने बताएका छन् । यादवविरुद्धका अझै २ मुद्दामा फैसला हुन बाँकी छन् । यसअघि ३ वटा मुद्दामा दोषी ठहर भएका यादब गत डिसेम्बर २३ देखि राँचीस्थित विर्सा मुण्डा जेलमा छन् । यादव सन् २०१३ मा ३७ करोड ७० लाख हिनामिना गरेकोमा दोषी ठहर भएका थिए । उक्त फैसलापछि संसद पदका लागि अयोग्य घोषित भएका यादबलाई ११ वर्ष चुनाव लड्न रोक लगाइएको थियो । यद्यपी, उनी गत डिसेम्बर १३ मा सर्बोच्च अदालतबाट जमानतमा रिहा भएका थिए ।

त्यसैगरी गत जनवरी ६ मा सिबिआई अदालतले यादवलाई दोस्रो मुद्दामा ४४ महिना जेल सजायका साथै १० लाख जरिवाना सुनाएको थियो । त्यसको तीन सातापछि तेस्रो मुद्दामा यादवलाई ५ वर्ष जेल सजाँय तोकिइसकेको छ । यादवविरुद्धको १ अर्ब ३९ करोडको पाँचौं मुद्दा भने अदालतमा विचाराधिन छ । वर्षौसम्म विहारको मुख्यमन्त्री बनेका यादवले सन् १९९० को दशकमा विभिन्न जिल्लाका सरकारी कोषबाट ९ अर्ब भन्दा बढी रकम गैरकानुनी रुपमा अपचलन गरेका थिए । सन् १९९० मा विहारको मुख्यमन्त्री बनेका यादवले गाईबस्तुलाई दिइने चारा खरीदमा भ्रष्टाचार गरेको अभियोगपछि राजीनामा दिएका थिए । सन् १९९७ मा उनको राजीनामापछि विहारमा उनकी पत्नी रावरी देवी मुख्यमन्त्री बनेकी थिइन् ।

post image

चैत ३,  बेइजिङ।  चिनियाँ राष्ट्रपति सि जिङपिङ दोस्रो कार्यकालका लागि राष्ट्रपतिमा निर्वाचित भएका छन्। चीनको संसदमा शनिबार सीलार्इ राष्ट्रपतिमा निर्वाचित गरियोस भन्ने प्रस्ताव सर्वसम्मत पारित भएको हो।  चीनको संसदका रुपमा रहेको राष्ट्रिय जनकंग्रेसको जारी बैठकले उनलाई दोस्रो कार्यकालका लागि सर्वसम्मत निर्वाचित गरेको चिनियाँ सञ्चार माध्यम सिन्ह्वाले जनाएको छ। उनको पक्षमा बैठकमा उपस्थित २९७० जनाले मत हालेका थिए। विपक्षमा कुनै पनि मत परेको थिएन्।

६४ वर्षिय सी केन्द्रिय सैन्य आयोगको अध्यक्षमा समेत निर्वाचित भएका छन्। उनले निर्वाचित भएलगत्तै संविधानअनुसार ग्रेट हल अफ द पिपुल्समा सपथ ग्रहण गरेका छन्।  चिनियाँ राष्ट्रपतिले यस्तो तरिकाले सपथ लिएको यो पहिलो पटक हो।  गत अक्टोबरमा सम्पन्न चिनियाँ कम्यूनिष्ट पार्टीको महाधिवेशनबाट पार्टीको महासचिवमा निर्वाचित भएका थिए।

गत सन् २००७ मा चिनियाँ कम्युनिष्ट पार्टीको पोलिटिकल व्युरोको स्थायी समिति सदस्यका रुपमा केन्द्रिय नेतृत्वमा पुगेका सी छोटो समयमै चीनको राष्ट्रपति र शक्तिशाली नेताको रूपमा स्थापित भएका छन्। गत अक्टोबरमा सम्पन्न महाधिवेशनले पार्टीको विधानमा सी विचारधारार्इसमेत समावेस गरेको छ।  शनिबार नै चिनियाँ संसदले दुर्इ कार्यकालका लागि मात्र कुनै एक व्यक्ति राष्ट्रपति बन्ने संवैधानिक प्रावधानलार्इ हटाएको छ। योसँगै उनी अनिश्चितकालसम्मका लागि राष्ट्रपति बन्ने सम्भावना रहेको रोयटर्सले जनाएको छ।  चिनियाँ कम्यूनिष्ट पार्टीको इतिहासमा एउटा महासचिवले महाधिवेशमा अागामी नेतृत्व छनोट गर्ने प्रचलन भएपनि सीले गत अक्टोबरको महाधिवेशनमा यो प्रचलनलार्इ तोडेका थिए।

संसद्ले सिका निकट मानिने भ्रष्टाचारविरोधी अभियान्ता वाङ चिसानलाई पनि शनिबार नै उपराष्ट्रपतिमा निर्वाचित गरेको छ। राष्ट्रिय जनकंग्रेसको १३औ बैठकको पहिलो चरणमा सहभागी झण्डै तीन हजार सांसदहरुले उनीहरूलाई निर्वाचित गरेका हुन्। उपराष्ट्रपति वाङले पनि शनिबार नै सपथग्रहण गरेका छन्।

post image

फागुन १४, काठमाडौं ।  नेपाल भ्रमणमा रहेका भारतीय जनता पार्टीका नेता भगतसिंह कोस्यारीले ‘काठमाडौँमा भारतीय रेल आउनुपर्छ’ भन्ने अवधारणामा भारत अगाडि बढेको बताएका छन्। रिपोर्टर्स क्लबले आयोजना गरेको कार्यक्रममा बोल्दै उनले नेपाल–भारत सम्बन्धलाई प्रगाढ बनाएर दुवै मुलुकले विकास र समृद्धिलाई ध्यान दिनुपर्ने बताए।

नेपाल–भारत सम्बन्धलाई समग्रतामा अध्ययन गरी सुझाव पेश गर्न गठित प्रबुद्ध व्यक्ति समूह (इपिजी)का भारतका संयोजक कोस्यारीले भने, “प्रजातान्त्रिक पद्धतिबाट नयाँ सरकार गठन हुनु ठूलो उपलब्धि हो।” उनले संविधानअनुसार निर्वाचनमार्फत सरकार गठन भएकोप्रति खुशी व्यक्त गरे। नेपालसँग भारतको सम्बन्ध राजनीतिक दल र जनस्तरमा अटुट रहेको विश्वास गर्दै उनले भने, “भारत–नेपाल सम्बन्ध दूधमा मिलाएको चिनी जस्तै हो।” कोस्यारीले भर्खरै गठन भएको सरकारसँग जनताको उच्च अपेक्षा रहेकाले जनआकांक्षा पूरा हुने विश्वास व्यक्त गरे।

उनले दुई देशमा हुने साइबर अपराध एवं अन्य सुरक्षा चासो र विकासका मुद्दालाई एकापसमा मिलेर समाधान गर्न चाहेको बताए।  कोस्यारीले आफ्नो नेपाल भ्रमणका क्रममा प्रधानमन्त्री केपी ओली, पूर्व प्रधानमन्त्री तथा नेपाली कांग्रेसका सभापति शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहालसँगको भेटमा दुवै देशको आपसी सम्बन्ध र चासोका विषयमा छलफल भएको जानकारी दिए।

post image

फागुन १३, काठमाडौं  भारत प्रबुद्व समुह (इपिजि) को सातौं बैठक सकिएको शनिवारबाट काठमाडौंमा सुरु भएको बैठक आज सकिएको हो बैठकबारे जानकारी दिन आयोजित पत्रकार सम्मेलनमा प्रवुद्ध समूहका नेपाल संयोजक सदस्य डा भेषवहादुर थापाले सबै विषयमा छलफल सकारात्मक रहेको बताए भने भारतीय पक्षका संयोजक भगतसिंह कोसियारीले १९५० को सन्धिलगायतका सवै बिषयमा सहमतिका साथ प्रतिवेदन ल्याउने जानकारी दिए ब्यापार, पानी, सीमाना, १९५० को सन्धीलगायत सबै विषयमा कुरा भएको सकारात्मक कुरा भएको ,’ नेपाल संयोजक थापाले भने

प्रबुद्ध समूहको बैठकमा सन १९५० को सन्धी खारेज वा पुनरावलोकन गर्ने विषयमा पनि छलफल भइरहेको नेपालले सन्धीलाई नयाँद्वारा प्रतिस्थापित गर्ने कुरा उठाएको त्यसमा भारत सकारात्मक त्यस्तै व्यापार, पानी, सीमा लगायतका दुई देशबीचका साझा सरोकारका विषयमा समान धारणा बनाउने क्रम अन्तिम चरणमा पुगेको जानकारी पत्रकार सम्मेलनमा दिइएको संयोजक थापाले प्रबुद्ध समूहको आठौं बैठकले पूर्ण प्रतिवेदन तयार पार्ने बताए समूहलाई अब महिनाको अवधि यो अवधि बढाउन मिल्दैन

पत्रकार सम्मेलनमा भारतीय पक्षका संयोजक भाजपा नेता कोसियारीले प्रबुद्ध समूहले दिने प्रतिवेदन नेपाल भारत दुवै देशका सबै सरोकारावालाहरुका लागि सर्वस्वीकार्य बनाइने बताए कोशियारीले आफूहरुले दिने प्रतिवेदन सबैलाई ग्राहृय हुने बताए कोसियारीले एमाले अध्यक्ष केपी शर्मा ओली दोस्रोपटक प्रधानमन्त्री बन्नु सुखद भएको बताए

नेपाली जनताले स्थानीय तहदेखि प्रतिनिधिसभासम्मको निर्वाचनमा परिपक्व निर्णय गरेको टिप्पणी पनि उनको कोसियारीले नेपाल भारतबीच नयाँ ढंगबाट सम्बन्ध परिभाषित गर्न प्रवुद्ध समूह गठन हुँदा नेपालमा ओली नै प्रधानमन्त्री रहेको स्मरण गर्दै अहिले पुनः ओली नै प्रधानमन्त्रीका रुपमा आउँदा खुसी लागेको बताए प्रवुद्ध समूह गठन गर्ने ओलीजी नै पुनः प्रधानमन्त्री बन्नु सुखद कुरा हो नेपाली जनताले निर्वाचनबाट आफ्नो परिपक्वता प्रदर्शन गरेकाले उनीहरुलाई विशेष बधाइ ,’ कोसियारीको भनाइ थियो

post image

फागुन १३, काठमाडौं ।  बलिउडकी चर्चित अभिनेत्री श्रीदेवीको दुबईमा निधन भएको छ।आफ्नो शानदार अभिनयद्धारा करोडौंको दिलमा बस्न सफल श्रीदेवीको हृदयघातकाको कारण निधन भएको भारतीय सञ्चारमाध्यमले जनाएका छन्।

आफ्ना पति बोनी कपुर र कान्छि छोरीसँगै आफन्तको बिहेमा सहभागी हुन श्रीदेवी दुबई गएकी थिइन्। श्रीदेवीले फिल्म ‘जूली’ बाट बाल कलाकारको रुपमा बलिउडमा प्रवेश गरेकी थिइन्।

मिस्टर इन्डिया,चालबाज,लम्हे,खुदा गवाह,जुदाई लगायत थुप्रै हिट फिल्ममा अभिनय गरेकी श्रीदेवीलाई २०१३ मा भारत सरकारले पद्मश्री बाट सम्मान गरेको थियो। श्रीदेवीले पाँच पटक फिल्मफेयर अवार्ड पाइसकेकी छिन्। १९९६ मा निर्माता बोनी कपुरसँग विहे गरेकी थिइन्। ५५ बर्षिय श्रीदेवीका दुई छोरी छन्।

post image

माघ १५, काठमाण्डौं । आइतबार इन्डियन प्रिमियर लिग(आइपीएल)मा छनोट भएका युवा क्रिकेटर सन्दीप लामिछानेलाई चिर्चित र उच्चपदस्थ व्यक्तिहरुको बधाईको ओइरो लागिरहेको छ । नेपालबाट आईपीएलमा छनोट हुने पहिलो क्रिकेटर बन्न सफल भएका सन्दीपलाई पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहालले पनि बधाई दिएका छन् । सोमबार बिहान फेसबुकमार्फत दाहालले सन्दीपलाई बधाई दिएका हुन् ।

दाहालले फेसबुकमा लेखेका छन, ‘इण्डियन प्रिमियर लीगमा छनोट हुनुभएकोमा युवा खेलाडी सन्दीप लामिछानेलाई हार्दिक बधाईका साथै खेल जगतमा निरन्तर प्रगति र उज्जवल भविष्यको हार्दिक शुभकामना व्यक्त गर्दछु’ ।

नयाँ शक्तिका संयोजक बाबुराम भट्टराईले युवा क्रिकेटर सन्दीप लामिछानेलाई बधाई दिएका छन्। इण्डियन प्रिमियर लिग (आईपीएल)मा नेपालबाट पहिलो पटक छनोट भएकोमा क्रिकेटर सन्दीपलाई भट्टराईले बधाई दिएका हुन्। आइतबार दिल्ली डेयरडेभिल्सले सन्दीपलाई २० लाख भारुमा किनेपछि सन्दीपले आईपीएल खेल्ने निश्चित भएको हो। लामिछानेले आईपिएल खेल्न पाउनु समग्र नेपाली क्रिकेट जगतका लागि खुशीको कुरा भएको भट्टराईले बताएका छन्।

आइतबार साँझ बाबुरामले ट्विटरमार्फत् सन्दीपलाई बधाई दिएका हुन् । ‘नेपालबाट पहिलोपल्ट प्रतिष्ठित आईपीएल खेल्न छनोट भएका १७ वर्षीय सन्दीप लामिछानेलाई हार्दिक बधाई’, बाबुरामले ट्विटरमा भनेका छन्, ‘उनको यो यात्रा समग्र नेपाली क्रिकेट जगतको लागि खुशीको कुरा हो। आगामी दिनमा पनि नेपाली क्रिकेटका प्रशंसकहरुले यस्तै खुशीको खबर सुन्ने थपा अवसर पाउन्।’ प्रधानमन्त्री शेरबहादुर देउवा, पूर्वप्रधानमन्त्री बाबुराम भट्टराई लगायतले सन्दीपलाई आइतबार नै बधाई दिएका थिए ।

post image

माघ १४,काठमाडौँ ।  नेपाली राष्ट्रिय टोलिका स्पीनर सन्दीप लामिछाने भारतमा हुने ११ औं संस्करणको आइपीएल अक्सनमा छनोट भएका छन् । भारतमा दोस्रो दिन भएको अक्सनमा नेपालका सन्दीप लामिछाने २० लाख भारतीय मूल्यमा दिल्ली डियर्स डेभिल्समा आवद्ध भएका हुन् ।

दोस्रो दिनको अक्सनमा दिल्लीले ५ सय ७८ खेलाडी रहेको अक्सनको सूचीबाट सन्दीपको नाम लिएको हो । सन्दिप अनक्याप्ड स्पिनरको लिस्टमा परेका थिए । कुनै फ्रेन्चाइजले नेपाली खेलाडीलाई आइपीएलमा छनोट पहिलो हो । उनी अक्सनमा २ सय ७६ औं नम्बरमा थिए। यससँगै उनी आईपीएल खेल्ने पहिलो नेपाली खेलाडी भएका छन् ।

post image

पुस २७, काठमाण्डौं । नेपाल र भारतबीच भएका पुराना सन्धि सम्झौताको पुनरावलोकनका लागि सुझाव दिन गठित दुई देशबीचको प्रबुद्ध समूह (ईपीजी)को बैठक बिहीबारदेखि भारतको राजधानी नयाँ दिल्लीमा सुरु हुँदै छ । ईपीजीको छैटौं बैठकमा सहभागी हुन  नेपाली समूह नयाँ दिल्ली पुगेका छन् । नेपाली समूहका सदस्यमा भेषबहादुर थापा, सूर्यनाथ उपाध्याय, निलाम्बर आचार्य र डा. राजन भट्टराई छन् । हालसम्म भएका बैठकमा नेपाल–भारत शान्ति तथा मैत्री सन्धि सन् १९५० को पुनरावलोकनको विषयमा छलफल चल्दै आएको छ ।

गत वर्ष असारमा भएको पहिलो बैठकदेखि नै दुई देशबीच भएका असमान सन्धि सम्झौता पुनरावलोकनका लागि छलफल चलिरहेको छ । २३ र २४ चैतमा काठमाडौंमा बसेको तेस्रो बैठकमा नेपालका तर्पmबाट सन् १९५० को सन्धि, व्यापार तथा पारवहन सन्धि र जलस्रोतसम्बन्धी सन्धि सम्झौतामा नेपालका तर्फबाट संशोधन पेस भएको थियो । नेपालका तर्फबाट सदस्य निलाम्बर आचार्यले सन् १९५० को सन्धि असमान भएको भन्दै संशोधन प्रस्ताव पेस गरेका थिए । त्यस्तै, नेपालले बैठकमा व्यापार तथा पारवहन सन्धिका विषयमा समेत चासोसहित संशोधनको विषय उठाएको थियो । बैठकमा जलस्रोतमा नेपाल र भारतबीच भएको सन्धिको समीक्षा गर्दै अगाडि बढ्नुपर्ने भन्दै नेपालका तर्फबाट टिप्पणी प्रस्तुत गरिएको थियो ।

नेपालले सन् १९५० सन्धिको धारा २, ५, ६ र ७ परिवर्तन गर्नुपर्ने प्रस्ताव राखेको छ । पछिल्लो समय परिवर्तित अवस्था र आयामबारे  छलफल गर्दै सन्धिमा भएका असान्दर्भिक विषय परिवर्तन गर्न नेपालका तर्फबाट कुरा उठाउने बैठकमा सहभागी हुन जानुअघि ईपीजी सदस्य डा. राजन भट्टराईले जानकारी दिए । सन् १९५० को जुलाईमा नेपालका तर्फबाट राणा प्रधानमन्त्री मोहन शमशेर जबरा र भारतका तर्फबाट भारतीय राजदूत चन्द्रेश्वरनारायण सिंहले काठमाडौंमा हस्ताक्षर गरेका थिए । त्यतिबेला नेपाल संयुक्त राष्ट्रसंघको सदस्य थिएन । सन्धिको धारा ५ र ७ दुई सार्वभौम राष्ट्रको अस्तित्व स्वीकार नगरिएको र नेपाल यसबीचमा संयुक्त राष्ट्रसंघको सदस्य भएको, नेपालबाट शान्ति स्थापक सेनाहरूसमेत अन्तर्राष्ट्रिय स्तरमा सशक्त भएको लगायतलाई मध्यनजर गर्दै सन्धिमा पुनरावलोनको प्रस्ताव नेपालको छ ।

दुईवर्षे कार्यावधि लिएर गठन भएको ईपीजीको पहिलो बैठकदेखि नै नेपालले सन् १९५० को सन्धि पुनरावलोकनको विषय उठाउँदै आएको छ । दुई दिनसम्म चल्ने बैठकमा केही विषय टुंगोमा पुग्ने अपेक्षा नेपाली टोलीले लिएको छ । ‘केही विषयमा अन्तिम टुंगोमा पुग्ने गरी छलफल भइरहेको छ, केही विषयमा हामी छलफलमा छौं,’ उनले भने, ‘छलफलका विषयलाई अन्तिम टुंगोमा पु¥याउँदै प्रतिवेदन लेखनलाई समेत अगाडि बढाउँदै छौं ।’ समूहको आगामी बैठक नियमित रूपमा सम्पन्न गरी बाँकी विषयलाई समेत समयमै टुंग्याउने गरी छलफल भइरहेको भट्टराईले बताए ।

नेपालले उठाएका विषयमा भारतीय समूहसमेत सकारात्मक रहेको उनको भनाइ छ । २१औं शताब्दीमा नेपाल र भारतबीचको जलस्रोत, बहुपक्षीय व्यापार, पारवहन, सामाजिक र सांस्कृतिक सम्बन्धको आधारहरूसमेत खोजिने उनले बताए । ‘हालसम्म उठेको समग्र विषयलाई सम्बोधन गरेर लैजान भारतीय पक्ष पनि सकारात्मक छ,’ डा. भट्टराईले भने, ‘सीमा रेखांकन, सीमा स्तम्भलाई वैज्ञानिक ढंगबाट व्यवस्थित तुल्याएर अन्तर्राष्ट्रिय सीमाका रूपमा विकसित गर्न जरुरी छ, दशगजा क्षेत्रमा दुवैतर्फबाट मिचिरहेको अवस्था अन्त्य गर्ने तथा सुस्ता र कालापानीजस्ता गहन विषय सहमतिमा टुंग्याउने विषयमा पनि घनीभूत रूपमा सौहार्दपूर्ण तवरले छलफल अगाडि बढिरहेको छ ।’ दुईवर्षे कार्यकालसहित गठन भएको ईपीजीले आठौं बैठकपश्चात् दुवै देशका सरकारलाई सुझावसहितको प्रतिवेदन बुझाउनुपर्नेछ ।

समूहले दुई देशबीचको सन्धि सम्झौता, सम्बन्ध, सीमा समस्या, व्यापारलगायतका विषयमा प्रतिवेदन प्रस्तुत गर्नेछ ।यसैबीच ईपीजीका नेपाली टोलीले बैठकमा सहभागी हुन भारत जानुअघि प्रमुख दलका नेतासँग भेट गरी सुझाव लिएको थियो । टोलीले प्रधानमन्त्री शेरबहादुर देउवा, एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालसँग छलफल गरेको थियो । प्रधानमन्त्रीले नेपाल तर्फका सदस्यहरूको टोलीलाई देश र जनताको हितमा अघि बढाउन भन्दै समूहको काममा सरकारको सहयोग रहने प्रतिबद्धता जनाए । त्यस्तै, समूहलाई माओवादी केन्द्रका अध्यक्ष दाहालले  सन् १९५० को सन्धि असमान रहेको बताउँदै बदलिँदो परिस्थिति अनुसार नयाँ सन्धि गर्न‘पर्ने बताए । त्यसका लागिसकारात्मक पहल गर्न समूहलाई आग्रह गरेका थिए ।

गत असोजमा काठमाडौंमा सम्पन्न पाँचौं बैठकले छैठौं बैठक २५ र २६ कात्तिकमा दिल्लीमा हुने तय गरेको थियो । तर, नेपालमा हुने निर्वाचन र भारतीय टोलीका सदस्य जयन्तप्रसादको स्वास्थ्यका कारण अन्तिम समयमा बैठक स्थगन भएको थियो । समूहको म्याद सकिनुअघि (आगामी असारभित्र) तीनवटा बैठक बस्नुपर्ने हुन्छ । समूहमा भारतका तर्फबाट भारतीय जनता पार्टीका वरिष्ठ नेता भगतसिंह कोसियारीको संयोजकत्वमा प्राध्यापक महेन्द्र पी लामा, प्रा. बीसी उप्रेती र पूर्वराजदूत जयन्त प्रसाद छन् ।

post image

पुस ११, चितवन । प्रधानमन्त्री शेरबहादुर देउवाले संवैधानिक व्यवस्था अनुसार सत्ता हस्तान्तरण गर्न आफु आतुर रहेको बताउनुभएको छ । सौराहामा १४ औं चितवन हात्ती महोत्सवको उद्धघाटन गर्दै प्रधानमन्त्री देउवाले संवैधानिक प्रक्रिया अनुरुप सत्ता हस्तान्तरण गर्ने बताउनुभएको हो । देउवाले भन्नुभयो – लामो संक्रमणकाललाई राष्ट्रिय/अन्तराष्ट्रिय स्तरबाट विश्वास हुने किसिमबाट सम्पन्न गर्दै शाचन्तिपूर्ण लोकतान्त्रिक नेपाल निर्माण गर्न नेपाल सरकार सफल भएको छ ।

मुलुकको संक्रमणकालको समाधानका लागि नेपाली कंग्रेस सफल भएको प्रधानमन्त्री देउवाले जिकिर गर्नुभयो । देउवाले भन्नुभयो – पार्टीको फाईदा बेफाईदा नहेरी निर्वाचन शान्तिपूर्ण रुपमा सम्पन्न गरी संविधानको पूर्ण कार्यान्वयन गर्न सफल भएको छ ।  संक्रमणकाललाई निकास दिनका लागि आफु नेतृत्वको सरकार सफल भएको बताउँदै प्रधानमन्त्री देउवाले नतिजाको ख्याल नगरी निर्वाचत शान्तिपूर्ण रुपमा गराउन सफल भएको उल्लेख गर्नुभयो ।

मुलुकमा पर्यटकको संख्यामा वृद्धिका लागि गरिएका कार्यक्रम फलदायी हुनेमा आशावादी रहेको प्रधानमन्त्रीले बताउनुभयो । मुग्लिन नारायणगढ सडकखण्ड, बाढी र भुकम्पका कारण परेको असरबाट पर्यटन व्यवसाय माथि उठ्ने प्रधानमन्त्रीले विश्वास ब्यक्त गर्नुभएको छ ।

post image

पुस १, काठमाडौं । प्रतिस जिसीको अलराउण्ड प्रदर्शन तथा सूर्य तामाङको उत्कृष्ट बलिङ मद्दतमा मलेसियालाई ७२ रनले पराजित गर्दै नेपाल थाइल्याण्डमा भइरहेको एसीसी यू-१६ इस्टर्न रिजन क्रिकेट प्रतियोगिताको फाइनलमा प्रवेश गरेको छ। नेपालले अब उपाधिका लागि सिंगापुरसँग प्रतिस्पर्धा गर्नेछ।नेपालले दिएको १२८ रनको सामान्य लक्ष्य पछ्याएको मलेसिया २१.१ ओभरमा ५५  रनमा अलआउट भयो। मलेसियालाई कम स्कोरमा अलआउट गर्न नेपालका सूर्य तामाङ र प्रतिस जिसीले शानदार बलिङ गरे।

किफायती बलिङ गरेका सूर्य तामाङले ७ ओभरमा ३ मेडन राख्दै १२ रन मात्र दिएर ४ विकेट लिए। यस्तै नेपाली इनिङ्समा सर्वाधिक २७ रन बनाएका प्रतिसले पनि ३ विकेट झारे। मलेसियाका लागि सन्देश सुपारामानियमले सर्वाधिक १६ रन जोडे। बाँकी खेलाडीले दोहो अंक समेत छुन सकेनन्। त्यसअघि टेर्डथाइ क्रिकेट ग्राउण्डमा टस हारेर पहिले ब्याटिङ गरेको नेपालले ३४ ओभरमा ८ विकेट गुमाएर १२७ रन बनाएको हो।

नेपालको लाति प्रतिस जिसीले सर्वाधिक २५ न बनाए। यस्तै सुनिल भण्डारी  रनारायण जोशीले समान १७ तथा विशाल विक्रम केसीले १५ रन जोडे। मलेसियाका मोहमद अफिकले ३ तथा असलाम खान मलिकले २ विकेट लिए। नेपालले अब उपाधिका लागि सिंगापुरसँग खेल्नेछ। सिंगापुरले शनिबारै भएको अर्को सेमिफाइनलमा हङकङलाई ८ विकेट ले हराएको हो।

post image

असोज २९ , काठमाडौं ।  भर्खरै जीवित देवी कुमारीको जीवन पूरा गरी सर्वसाधारणका रूपमा फर्केकी मतिना शाक्य पहिलोपटक सार्वजनिक भएकी छन् । उनी शाक्य  भिन्तुना गुठीद्वारा भोटाहिटीमा शनिबार आयोजित कार्यक्रममा प्रमुख अतिथिका रूपमा उपस्थित भएकी हुन् । उनले कार्यक्रममा गुठीबाट निष्कासित चाँदीको सिक्का सार्वजनिक गरिन् ।

निवर्तमान कुमारी शाक्यको दैनिकी सर्वसाधारण बालिकाको जस्तै बित्दै गएको परिवारले जनाएका छन् । ‘आमसर्वसाधारण बालिकाको हुन्छ, त्यसैगरी मतिनाको पनि बित्दै गइरहेको छ,’ बुबा प्रतापमान शाक्यले भने, ‘छोरी स्कुल जान थालेकी छ, स्कुलपछि इतुम्बहालस्थित घरमा दिदीसँगै खेल्छे ।’मतिनाको शिक्षाका निम्ति सरकारले पूर्ण ‘ग्यारेन्टी’ लिनुपर्ने ५० वर्षीय बुबा प्रताप मानको आग्रह छ । ‘पूर्वकुमारीलाई पनि राष्ट्रले सम्मान गर्नुपर्छ,’ उनले भने, ‘राज्यले कम्तीमा पनि शिक्षाको खर्चचाहि“ सरकारले गर्नुपथ्र्यो ।’

निवर्तमान कुमारी मतिनाका बुबा प्रतापमानलाई पहिले आफ्नी छोरीलाई सबैले जीवित देवीका रूपमा मान्दा खुसीको सीमा थिएन । अब सबैले मानेकी देवी छोरीलाई आफ्नै घरमा राखेर साँझ बिहान सँगै बसेर खाँदाको आनन्द बेग्लै छ । मतिनाको घरमा उनका बुबा र दिदीसँगै आमा र हजुरआमा पनि छन् । काठमाडौंमा जीवित देवीका रूपमा कुमारीलाई मानिन्छ । कुमारी मतिना शाक्यको उमेर १२ वर्ष पुगेपछि उनको ठाउँमा नयाँ कुमारी ओमबहालकी तृष्णा शाक्यलाई कुमारीका रूपमा ल्याइएको हो ।

गुठी संस्थानले महाअष्टमीका दिन दुई साताअघि  तृष्णा शाक्यलाई विधिवत कुमारी देवीका रूपमा काठमाडौं वसन्तपुर कुमारीघरमा प्रतिस्थापन गरेको हो । कुमारीलाई इष्टदेवी तुलजा भवानीको प्रतीकका रूपमा समेत मानिँदै आएको छ । कुमारी देवीसँग काठमाडौंका धेरै जात्रा र पर्व जोडिएका छन् । इन्द्रजात्रा, घोडेजात्रा, मत्स्येन्द्रनाथ जात्रालगायत रथायात्रा निकालिन्छ । कुमारी देवीको परम्परा लिच्छिवीकालदेखिकै हो । कुमारीघर निर्माण र रथयात्रा थालनी व्यवस्था भने २ सय ५८ वर्षअघि राजा जयप्रकाश मल्लले गरेका थिए ।

post image

बिनिता सिवाकोटी असोज ६,काठमाडौं। शरणार्थी नाम मै पिडा लुकेको यस शब्दलाई हटाएर कुनै देशको नागरिक बनेर कहिले ढुक्कको सास फेर्ने ? कहिले नागरिकता देखाई आफ्नो हक अधिकारलाई सुनिश्चित गर्ने ? सरकार कहिले बुझ्ने जनताको कहाली लाग्दा दिन र नढलेका रातहरुलाई ? जनता शरणार्थी बन्छन , त्यहि जनता शरणार्थी कहलाउदा देश चाही किन शरणार्थी बन्दैन ?

 

 

शरणार्थी जसको शब्दले नै बोल्छ कुनै व्यक्ति आफ्नो घर सहर र देशबाट अलग्गिएर वा भनौ जोखिममा रहेको जीवन लाई बचाउन भागेर अर्को स्थानमा पुग्छ । आफु जन्मेको आफ्नो पुर्खाले देखेको र बनाएको आफ्नो सृष्टि भएको स्थानलाई चटक्क छाडेर जान पटक्कै सजिलो छैन । तर पनि त्यहि जीवन जोगाउन र आउदा सन्ततिको बीउ जोगाउन भएपनि बिस्थापित हुनैपर्ने यो कस्तो बाध्यता ! त्यसो त शरणार्थी २ किशिमका छन् तर उनीहरुको पिडामा भने खासै फरक छैन ।

१. जो आफ्नै देशमा निम्तिएको द्वन्दलाई सहन नसकेर , आक्रमणकारी घटनालाई आत्मसात गर्न नसकेर सुरक्षा खोज्दै बाध्यताका साथ अन्यत्र स्थानमा बिस्थापित बन्न पुग्छन । बिगत कै कुरालाई हेर्ने हो भने भुटानमा बस्न नसकेर बिस्थापित बनेका भुटानी शरणार्थीहरु जो अहिले लामो समय बितिसक्दा पनि नेपालस्थित झापा तथा मोरंग जिल्लामा अवस्थित शिबिरमा गुजारा गरिरहेका छन् ।

न त उनीहरु आफ्नो देशमा नै फर्कन सकेका छन्  न् त कुनै ठाउँको नागरिकता र आफ्नो अधिकार नै सुनिश्चित गर्न सकेका छन् ? जसले आएर जे भने पनि चुपचाप सुन्नु पर्ने न त उनीहरुको लागी कुनै कानुन न् कुनै हक अधिकारको न्यायालय ! हक अधिकार त परको कुरा ढुक्कले सास फेर्न सम्म नसकेका उनीहरुलाई कहिले फिर्ता बोलाउने भुटानी सरकारले ? कहिले देखिएला ती ओठमा खुसीका पल ? अनि कहिले बन्छन उनीहरु भुटानका नागरिक ? प्रश्नै प्रश्न बीच उल्झिएको छ कैयौं जिन्दगी यहाँ ! 

उनीहरुलाई आफ्नै देश फर्काउन धेरै पहल पनि नभएका हैनन् तर नतिजा भने शुन्यमै रहयो ।अन्तराष्ट्रिय समुदायको लामो छानबिन पछि तथा प्रतिहिंसाको सम्भावनालाई मध्यनजर गरि यि शरणार्थीहरुलाई संयुक्त राज्य अमेरिकाब्रिटेनअस्ट्रेलिया तथा अन्य युरोपी राष्ट्रमा लैजाने प्रस्ताव ल्याए। यस प्रस्तावमा भूटानी शरणार्थीहरुको मिश्रित प्रतिक्रिया आयो। केहि मानिस अब कुनै पनि देशमा नागरिक बनेर बस्न चाहन्छन त केहि मानिस अफ्नो देशमा नै फर्कन चाहन्छन। ती फर्किन चाहने नागरिकले कहिले टेक्न पाउँछन् आफ्नो जन्मभुमि यो जटिल प्रश्न को उत्तर भने फेला पार्न अत्यन्तै मुस्किल देखिन्छ ।

 

अहिले फेरी मौलाएको छ अर्को शरणार्थीको बिकराल समस्या त्यो हो म्यानमारस्थित बस्दै आएका मुश्लिम रोहिंगा समुदाय । करिब एक महिनादेखी भड्किएको हिँसा र आतंकले गर्दा बिस्थापित बनेका लाखौं मुस्लिम रोहिंगा समुदायका मानीस अहिले शरणार्थी बनेर भारत , बंगलादेश र नेपाल छिर्न थालेका छन् ।   म्यानमारमा पछिल्लो समयमा स्थानीय रोहिङ्गा समुदायका नागरिकमाथि ज्यादती भएको भन्दै देश छोडेर भाग्ने क्रममा कम्तीमा पनि १०० जनाको ज्यान गएको बताइएको छ। गएको अगष्ट २५ तारिखदेखि उक्त विवाद सुरु भएको हो। उनीहरूका अनुसार एक सातामा ५२ वटा आतंककारी आक्रमण भएका छन् । रखिन राज्यका ७ सय घरमा सुरक्षाकर्मीले आगजनी गरेको विस्थापितले बताएका छन् । सो विवादका कारण रोहिङ्गाले देश छोडेका छन्। उनीहरु छिमेकी देश बङ्गलादेशमा पुगेर शरणार्थीको रुपमा रहेका छन्। हाल म्यानमारबाट बङ्गलादेशमा रोहिङ्गा मुस्लिम समूदायका झण्डै तीन लाख मानिस भागेर शरणार्थीका रुपमा बङ्गलादेश विस्थापित भएका छन् ।

 

उक्त क्षेत्रमा भागेर जाने क्रममा आजसम्ममा कम्तीमा पनि १०० जनाको ज्यान गएको अधिकारीहरुले जनाएका छन्। ज्यान जानेमा कैयौँको सङ्ख्यामा बालबालिका पनि परेका छन् । अब कहिले फर्किन पाउनेछन् यस समुदायका मानिसले पुन आफ्नो देशमा या शरणार्थी बनेरै मृत्युको दोसादमा पुग्ने छ उनीहरुको जीवन ?

२. परिवारको आर्थिक स्थिति कम भएर वा विलासी जीवन जिउने आसमा पनि लाखौ मानिसहरु प्रत्येक वर्ष आफै शरणार्थी बन्ने गरेका छन् । आफ्नो परिवारलाई राम्रो र सुखी जिन्दगी दिन कै लागी चाहेर भनौ या नचाहेर बिदेशी भूमिमा शरणार्थी जीवन बिताउन बाध्य रहेका छन् । यसरि अन्यत्र देशको शरणार्थी बनाईदिन्छु भनेर लोभ लालच देखार घर न् घाटको बनाउने दलालहरुको बिगबिगी पनि दिनानुदिन बढ्दो रहेको छ । दिनहुँ जस्ता विभिन्न अखबार, टेलिभिजन, रेडियो तथा अनलाइन न्युजहरुमा यस्ता खबरहरुले स्थान पाएका हुन्छन । त्यस्तै देशको राजनीतिक अस्थिरता, बेरोजगारीका कारण पनि मानिसहरु बिदेशी भूमिमा शरणार्थी जीवन जीईरहेका छन् । यस्तै बाध्यता र रहरले शरणार्थी बन्ने क्रममा कैयौंले अकालमै ज्यान गुमाएका पनि छन् । तर यसरि जनता शरणार्थी जीवन जिउन बाध्य हुनुमा दोष कसको ?

 

 

शरणार्थी समस्या अहिलेको बिश्वकै बिकराल समस्या हो जसको समाधान निकाल्न उतिकै कठिन पनि रहेको छ । हामीले धेरै देशका शरणार्थीका बारेमा सुन्दै , पढ्दै र प्रत्यक्ष रुपमा देख्दै आएका छौं । उनीहरुका लागी राष्ट्र संघले सहयोग त गरिरहेको छ तर यो पर्याप्त भने छैन । भुटानी शरणार्थी , सिरियाली शरणार्थी , रोहिंगा समुदाय बाट बन्न लागेका यस्ता धेरै शरणार्थी र उनीहरुले बिताएका कष्टकर जिन्दगी, बालबच्चाका सुखेका ती ओठ देख्दा कसको मन नरोला र ?

 

post image

भदौ १९,काठमाडौं । लामो समयदेखि जारी डोकलाम क्षेत्रको सीमा विवाद समाधान भएपछि पहिलो पटक भारतीय प्रधानमन्त्री नरेन्द्र मोदी र चिनियाँ राष्ट्रपति सी जिनपिङबीच भेट भएको छ । ब्रिक्स सम्मेलनका लागि चीनको सियामेन पुगेका मोदी र सीबीच भेट भएको हो । सीले अन्तर्राष्ट्रिय कन्फरेन्स सेन्टरमा मोदीको स्वागत गरेका थिए ।  दुवै नेताले हात मिलाउँदै गरेको तस्विर भारतीय मिडियाहरुले प्राथमिकताका साथ प्रकाशित गरेका छन् ।

बैठकका दौरान दुई नेताबीच भोलि साइड लाइन वार्ता हुने बताइएको छ । यसअघि दुई नेता जर्मनीमा भएको जी २० सम्मेलनका बेला भेटेका थिए । तर, त्यतिबेला डोकलाम विवादका कारण दुई पक्षीय छलफल भने हुन पाएको थिएन ।  त्यतिबेला दुई नेताबीच भएको छोटो कुराकानीपछि नै डोकलाम विवाद समाधानको आधार तय भएको भारतीय पक्षको दाबी रहेको छ । द हिन्दुका अनुसार डोकलाम विवादपछि दुई देशको सम्बन्ध नयाँ शिराबाट अघि बढाउने पक्षमा भारत रहेको उल्लेख गरेको छ ।

‘अब भविष्यमा डोकलाम शब्दको भूतलाई गाडेर अघि बढ्ने सन्देश प्रधानमन्त्री नरेन्द्र मोदीले दिन चाहेका छन्,’ उच्च स्रोतको हवाला दिँदै समाचारमा उल्लेख गरिएको छ । यसो त राष्ट्रपति सि जिनपिङले पनि ब्रिक्स सम्मेलनको उद्घाटन सत्रमा ब्रिक्स राष्ट्रहरुबीच कतिपय राष्ट्रिय मुद्दामा रहेका असहमतिका बीच एकै ठाउँमा उपिस्थित भएकोमा खुसी व्यक्त गरेका थिए ।  उनले ब्रिक्सका पाँच राष्ट्र विकासको समान चरणमा रहेको र विकासको समान उद्देश्य रहेको बताएका थिए । ब्रिक्स राष्ट्रहरुमा भारत र चीनसहित ब्राजिल, दक्षिण अफ्रिका र रुस रहेका छन् ।

post image

भदौ १२,  भारत ।  भारत र विश्वभर ‘रकस्टार बाबा’का रुपमा परिचित राम रहिमलाई सीबीआईको विशेष अदातलले बलात्कारको मुद्दामा दोषी करार दिँदै १० वर्ष कैदको फैसला सुनाएको छ । उनलाई शुक्रबार सीबीआईको विशेष अदालतले १५ वर्ष अघिको बलात्कार घटनामा दोषी भएको ठहर गरेसँगै अदालत रहेको पञ्चकुला र सिरसामा रहेको उनको आश्रम भएको स्थानमा हिंस्रक प्रदर्शन हुँदा ३८ जनाको ज्यान गएको थियो । उनका समर्थकहरुले हिंस्रक प्रदर्शन गरेपछि त्यहाँका राज्य सरकारले उक्त स्थानहरुमा कर्फ्यू लगाउँदै आएको छ ।

५० वर्षका राम रहिमलाई १५ वर्ष अघिको घटनामा दोषी पाइएसँगै उनलाई आज सजाय सुनाउन जेल भित्रै विशेष अदालत बनाइएको थियो । उनको मुद्दाको सुनुवाई गरिरहेका न्यायाधीशलाई हेलिकप्टर मार्फत जेलमा लगिएको थियो । यस्तै पन्जाब र हरियाणा राज्यमा आज सबै स्कुल तथा कलेजहरु बन्द गरिएको छ भने उनलाई राखिएको रोतक जेल वरपर पनि सुरक्षाको पाँच घेरा बनाइएको छ ।  उनको मुख्य आश्रम रहेको स्थानमा पुन: प्रदर्शन हुनसक्ने भन्दै राज्य सरकारले सेनालाई पनि सुरक्षाका निम्ती बोलाएको छ । यस्तै त्यहाँ ठूलो संख्यामा अर्धसैनिक बल तथा राज्य प्रहरीको पनि तैनाथी गरिएको छ ।

को हुन् राम रहिम ?
बाबा राम रहिमको जन्म राजस्थानको श्री गंगानगर जिल्लामा भएको हो । सम्पन्न परिवारमा हुर्किएका उनको सुरुको नाम गुरमित हो । उनी ७ वर्षको हुँदा डेरा सच्चा सौधा आश्रमका तत्कालिन प्रमुख साह सत्नाम सिंहले उनलाई राम रहिमको नाम दिएर आफ्नो चेला बनाएका थिए । स्न १९९० मा सत्नाम सिंहले विश्वभरका आफ्ना चेलाहरुलाई बृहत सतसंगका लागि बोलाएर २३ वर्षका राम रहिमलाई आफ्नो उत्तराधिकारी घोषणा गरेका थिए ।

उच्च माध्यमिक तहसम्म मात्रै अध्ययन पुरा गरेका उनी विवाहित हुन् र उनको तीन सन्तान पनि छन् । डेरा सच्चा सौधाको विश्वभर ६ करोड समर्थक रहेको बताइएको छ । उक्त संस्थाको आफ्नै खाद्य सामाग्रीको ब्राण्ड छ भने राम रहिम आफैंले आफ्नो बारेमा तीनवटा फिल्म बनाएर त्यसमा अभिनय पनि गरेका छन् । यस्तै उनी गायकका रुपमा पनि बेलाबखत कन्सर्टमा देखिने गर्छन् ।

post image

भदौ१०,चण्डीगढ (भारत) ।धर्मगुरु रामरहिम सिंहलाई आफ्ना दुई अनुयायीलाई बलात्कार गरेको मुद्दामा अदालतले दोषी ठहर गरेपछि चण्डीगढ नजिकै पाँचकुला सहरमा भएको दंगामा कम्तीमा २५ जनाको मृत्यु भएको छ। अदालतले शुक्रबार उनलाई दोषी ठहर गरेलगत्तै भारतीय सेनालाई पाँचकुला सहरमा परिचालन गरिएको थियो। ‘डेरा सच सौदा’ सम्प्रदायका नेता रामरहिमलाई प्रहरीले हिरासतमा लिइसकेको छ। उनलाई हेलिकोप्टरमा राखी हरियाणा राज्यको जेलमा पठाइसकिएको छ।

हिन्दूस्तान अखबारका अनुसार फैसलापछि भएको दंगामा कम्तीमा २५ जनाको मृत्यु भइसकेको छ। मुद्दा फैसला हुनुअघि पाँचकुलामा रामरहिमका दुई लाखभन्दा बढी समर्थक भेला भएपछि हरियाणा र पन्जाब राज्यका केही भागमा विद्युत् आपूर्ति, मोबाइल इन्टरनेट र केबल टेलिभिजन बन्द गरिएको थियो। पन्जाबमा तीन ठूला सहरमा हिंसाका सयौं घटना भएपछि कर्फ्यु लगाइएको थियो। न्यु देल्ही टेलिभिजन, दि हिन्दुस्तान टाइम्स, इन्डिया टुडे, न्युज १८ का सञ्चारकर्मी घाइते भएका छन्। प्रहरीले दंगा नियन्त्रण गर्न अश्रुग्यास र पानीको फोहरा हानेको थियो। पाँचकुला, सिर्सा र पञ्जाबका केही हिस्सामा थप बल प्रयोग भएको छ। भारतीय राजधानी दिल्लीका केही स्थानमा समेत आगजनी भएपछि उच्चसुरक्षा सतर्कता अपनाइएको छ।

शक्तिशाली धर्मगुरु रामरहिमको हरियाणामा एक हजार एकड क्षेत्रफलमा मुख्यालय, होटल, सिनेमा, क्रिकेट र स्कुल छन्। दाबी अनुसार संसारभर ६ करोड मानिस रामरहिमका अनुयायी छन्।सुरुमा उनले आफूमाथि लागेको बलात्कारको आरोप अस्वीकार गरेका थिए। यो घटना कुनै अज्ञात स्रोतले भारतीय प्रधानमन्त्रीलाई सन् २००२ मा पत्र लेखेपछि सार्वजनिक भएको थियो। ‘डेरा सच सौदा’ माथि अनुसन्धान गरिरहेका पत्रकारको त्यसै वर्ष हत्या भएपछि उनको आश्रममाथि छानबिन सुरु भएको थियो।

हिन्दुस्तान टाइम्सका अनुसार गोप्यपत्र सार्वजनिक हुनुमा ती पत्रकारको संलग्नता रहेको शंका गर्दै रामरहिमले हत्या गरेको आरोप भारतीय केन्द्रीय अनुसन्धान ब्युरो (सिबिआई) ले लगाएको थियो। उनीविरुद्ध पत्रकार हत्याको मुद्दासमेत चल्दै आएको छ। तर उनले यो आरोप अस्वीकार गर्दै आएका छन्। भारतमा धर्मगुरुहरूले अनुयायीको पारलौकिक मात्र होइन सांसारिक विषयमा पनि प्रभाव पार्दै आएका छन्। तर, थोरैको मात्र यस्तो प्रभाव पर्छ। धर्मगुरु रामरहिमाथि आफ्ना चार सय अनुयायीलाई ‘भगवानको नजिक पुग्न’ भनी नपुंसक तुल्याएको आरोप समेत लाग्दै आएको छ। उनले टाइम्स अफ इन्डियासँग ‘सत प्रतिशत गलत, आफूले कहिल्यै कसैलाई यसो नगरेको’ बताएका थिए।

‘रकस्टार बाबा’ को नामले समेत चिनिने रामरहिम चम्किला र रंगीन लुगा लगाएर आधा दर्जन म्युजिक भिडियोमा समेत खेलेका छन्। अत्यन्तै महँगा गहना लगाएर कार्यक्रम आयोजना गर्ने हुनाले उनलाई ‘गुरु अफ ब्लिङ’ को नामले समेत चिनिन्छ। शुक्रबार उनीविरुद्ध अदालतले आदेश सुनाउनासाथ पन्जाब र हरियाणामा रोइरहेका र आत्मदाह गर्ने धम्की दिनेहरू देखिएका थिए। २३ वर्षको उमेरमा रामरहिमले यो सम्प्रदायको ‘गैर नाफामुलक सामाजिक कल्याण र आध्यात्मिक संस्था’ को रुपमा जिम्मेवारी लिएका थिए। उनको संस्थाका भारत र संसारभरि ४६ वटा शाखा छन्।

विगतमा उनले धार्मिक व्यक्तित्वको अपमान गरेको आरोपसमेत लागेको थियो। सन् २००७ मा सिख सुमदायका पुजनीय व्यक्तित्व गुरु गोविन्द सिंहजस्तै पोसाक लगाएर विज्ञापनमा देखिएपछि यो समुदाय रिसाएको थियो। त्यस्तै, सन् २०१५ मा उनले आफूलाई एउटा भिडियोमा भगवान विष्णुको स्वरुपमा प्रस्तुत गरेका थिए। यसबाट धार्मिक भावनामा चोट पुगेको भनी उनको आलोचना भएको थियो। विगतमा उनले आफूलाई सफाइ अभियान र रक्तदान क्याम्पको आयोजना गरेर सामाजिक सुधारमा समेत प्रस्तुत गरेका थिए। सन् २०१० मा उनले आयोजना गरेको सामूहिक विवाह कार्यक्रममा यिनका एक हजार अनुयायीले सेक्स वर्करसँग विवाहसमेत गरेका थिए।

उनले आफ्नो विशाल छवि देखाउन हालैका वर्षमा केही सिनेमामा समेत खेलेका थिए। विभिन्न भाषामा बनाइएका उनका तीनवटा फिल्मले विवाद पनि ल्याएको थियो। जसमा उनले आफूलाई भूतप्रेत आदिसँग लडेको देखाउँदै ‘भगवानको सन्देशवाहक’ का रुपमा प्रस्तुत गरेका छन्। विभिन्न समयमा उनको सम्प्रदायले सत्तासीन भारतीय जनता पार्टी (भाजपा) र विपक्षी कंग्रेसलाई समर्थन गरेको थियो।

post image

भदौ ९, नयाँदिल्ली । मित्रराष्ट्र भारतको औपचारिक राजकीय भ्रमणमा रहनुभएका प्रधानमन्त्री शेरबहादुर देउवासँग आज राष्ट्रपति भवनमा भारतका प्रमुख राजनीतिक दलका विशिष्ट नेताहरुले भेटवार्ता गर्नुभएको छ ।

प्रधानमन्त्री देउवासँग भारतीय जनता पार्टीका महामन्त्री राम माधव र सुब्रमण्यम स्वामी, जनता दल युनाइटेडका नेताद्वय केसी त्यागी र शरद यादव, भारतीय कम्युनिस्ट पार्टी (माक्र्सवादी)का नेता सीताराम येचुरी तथा बहुजन समाजवादी पार्टीका नेता सुरेश भदौरियाले भेटवार्ता गर्नुभयो । साथै प्रधानमन्त्री देउवासँग भारतीय सुरक्षा सल्लाहकार अजित दोभालले पनि भेट गर्नुभयो ।

उहाँहरुबीच नेपाल र भारतबीचको द्विपक्षीय हित, समसामयिक राजनीति, नेपाल–भारत सम्बन्धलगायतका विषयमा छलफल भएको भारतका लागि नेपाली राजदूत दीपकुमार उपाध्यायले जानकारी दिनुभयो । रासस

post image

भदौ ८, नयाँदिल्ली । भारतले नेपालको संविधानबारे आफ्नो ‘पोजिसन’ निरन्तर एउटै र स्पष्ट रहेको बताएको छ । प्रधानमन्त्री शेरबहादुर देउवासँग हैदरावाद हाउसमा भएको भेटपछि आयोजित पत्रकार सम्मेलनमा भारतीय समकक्षी नरेन्द्र मोदीले दुई चरणको स्थानीय चुनाव भएकामा बधाई दिए । साथै सबैसँग संवाद जारी राख्न र सबैको आकांक्षा समाहित गरी संविधान कार्यान्वयन हुने विश्वास व्यक्त गरे ।

नेपालको संविधानलाई अझैसम्म स्वागत नगरेको भारतका प्रधानमन्त्रीको यो अभिव्यक्ति विगतको तुलानामा केही हदसम्म नरम मानिएको थियो । तर, साँझ आयोजित ‘मिडिया बि्रफिङ’मा विदेश सचिव सुब्रमण्यम जयशंकरले संविधान संशोधनमा भारतको ‘पोजिसन’को निरन्तरता खुलाएका हुन् । उनले भने, ‘त्यो भनेको संविधान कार्यान्वयनको प्रक्रियामा समाजका सबै तह र तप्कालाई समेटेर अगाडि बढ्ने प्रयासलाई जारी राख्नुपर्छ र नेपाल संघीय लोकतान्त्रिक गणतन्त्रका रुपमा स्थापित बन्नु पर्छ ।’

मोदीसँगको भेटमा प्रधानमन्त्री देउवाले संविधान संशोधन र मधेशकेन्द्रित दलहरुको माग सम्बोधन गर्न सरकारले गरेको प्रयास ‘सेयर’ गरेको जयशंकरले बताए । दुई प्रधानमन्त्रीबीचको भेटमा चीन-भुटान सीमाको दोक्लाममा जारी तनावबारे कुनै कुरा नभएको जयशंकरले दाबी गरे । कश्मीरको उरीमा आतंकवादी आक्रमणपछि भारत र पाकिस्तानबीच बढेको तनावका कारण सार्क शिखर सम्मेलन हुन सकेको छैन । तर, देउवा र मोदीबीच यसबारे कुराकानी नै नभएको जयशंकरको जवाफ थियो । जबकि, नेपाल सार्कको अध्यक्ष राष्ट्रसमेत हो ।

उहाँले संविधान कार्यान्वयनमा बृहत सहभागिता भएमा त्यसले स्थिरता, एकता र नेपालको समृद्धिमा सहयोग पुर्‍याउने बताउनुभयो । भारत र चीनको दोक्लममा बढेको द्वन्द्वका बिषयमा देउवाको भ्रमणका क्रममा कुनै छलफल नभएको जयशंकरको भनाई छ । संयुक्त पत्रकार सम्मेलनको आफ्नो भाषणमा भने प्रधानमन्त्री देउवाले सार्कको उल्लेख गर्नुभएको थियो ।

post image

भदौ ८, नयाँदिल्ली ।  प्रधानमन्त्री शेरबहादुर देउवाले भारतीय संस्थापन सामु नेपालको संविधान संशोधन गरेर अघि बढ्ने प्रतिबद्धता जनाएका छन्। भारतीय प्रधानमन्त्री नरेन्द्र मोदीका सामु उनले संसदमा दुई तिहाई नपुग्दा संशोधन प्रयास असफल भए पनि भविष्यमा सो कार्य गरिने प्रतिबद्धता जनाएका हुन्।

 ‘संविधान कार्यान्वयन गर्ने क्रममा हाम्रा केही मुद्दा सल्टाउन बाँकी छन्’, भारतीय प्रधानमन्त्रीसँगको संयुक्त पत्रकार सम्मेलनमा प्रधानमन्त्री देउवाले भने, ‘दक्षिणी भेगको राष्ट्रिय जनता पार्टी समेत निर्वाचनमा सहभागी होस् भनेर हामी संविधान सबैलाई स्वीकार्य हुने गरी संशोधन गर्न चाहन्छौं।’ प्रधानमन्त्री नयाँ दिल्ली उड्नु दुई दिन अगाडि संसदबाट संविधान संशोधन प्रस्ताव अस्वीकृत भएको थियो। भविष्यमा दुई तिहाई बहुमतबाट संविधान संशोधन गरिने उनको भनाइ थियो। ‘मलाई आशा छ भविष्यमा दुई तिहाई बुहमतबाट संविधान संशोधन गरिनेछ’, उनले भने।

संविधान सभाबाट जनप्रतिनिधिले संविधान निर्माण गर्दा भारत क्रुद्ध बनेको थियो। उसले आफ्ना माग पूरा नभएको भन्दै नेपालमाथि ६ महिनासम्म नाकाबन्दी गरेको थियो। संविधानप्रति तराई केन्द्रित दलहरु पनि असन्तुष्ट रहँदै अाएका छन्।  ती बुँदा सम्बोधन हुनेगरी काँग्रेस-माओवादी गठबन्धन सरकारले संसदमा संविधान संशोधन प्रस्ताव लगेका थिए। प्रमुख प्रतिपक्षी एमाले, राप्रपा एवं सत्तारुढ दलकै केही सांसद संशोधनमा तयार नहुँदा संविधान संशोधन प्रयास बिफल हुन पुगेको थियो।

post image

भदौ ८, नयाँदिल्ली । नेपाल र भारतबीच आठ समझदारी पत्रमा हस्ताक्षर भएको छ । भारतले प्रधानमन्त्री शेरबहादुर देउवा र भारतीय समकक्षी नरेन्द्र मोदीको उपस्थितिमा समझदारी पत्र आदान प्रदान भएको हो ।

त्यसअघि हैदराबाद हाउसमा देउवा र मोदीबीच झण्डै ३० मिनेट कुराकानी भएको थियो । लगतै देउवा र मोदीको उपस्थितिमा द्विपक्षीय वार्ता हुनेछ ।पुनर्निर्माणसम्बन्धी ४ वटामा समझदारी भएको छ । भूकम्पपछिको पुनर्निर्माण लागि भारतले घोषणा गरेको १ विलियन अर्थात १ अर्बको प्रयोगबारे छ भने अर्को स्वास्थ्य, शिक्षा र पुरातात्विक सम्पदा पुननिर्माण सम्वन्धी छ ।

चार समझदारी २५० विलियन अर्थात २ खर्ब २० अर्बको भएको पुनर्निर्माण प्रधिकरणका कार्यकारी प्रमुख गोविन्द पोखरेलले जानकारी दिए ।नेपाल र भारतबीच मोची पुल पुननिर्माण, लागू औषध नियन्त्रण, तापतौल र चार्टर एकान्टेनसम्वन्धी चार समझदारी पत्रमा पनि हस्ताक्षर भएको छ ।

post image

भदौ ८, काठमाडौं । भारत भ्रमणमा रहेका प्रधानमन्त्री शेरबहादुर देउवाले भारतीय समकक्षी नरेन्द्र मोदीसँग पूर्वनिर्धाति समयभन्दा एक दिन अघि आकस्मिक भेटवार्ता गर्नुभएको छ । मोदीसँगको भेटवार्ताका लागि देउवा साँझ पाँच बजे भारतीय प्रधानमन्त्री निवास सेभेन रेशकोर्ष पुग्नुभएको थियो । भारतका लागि नेपाली राजदूत दीपकुमार उपाध्यायका अनुसार सो भेटवार्ता एक्ला एक्लै भएको थियो ।

भेटवार्तापछि भारतीय प्रधानमन्त्री मोदीले आफ्नो माईक्रो ब्लगिङ साईट ट्वीटरमा प्रधानमन्त्री देउवालाई स्वागत गर्दै भोलीको बिस्तृत भेटवार्ताको प्रतिक्षामा रहेको उल्लेख गर्नुभएको छ । दुई मुलुकका कार्यकारी प्रमुखबीच आज बिहान ११ बजे भेटवार्ता गर्ने समय तय गरिएको छ । अनौपचारिक भेटलाई आज हुने बार्ताको तयारी भेटघाटको रुपमा हेरिएको छ ।

दुतावास स्रोतका अनुसार प्रधानमन्त्रीको भ्रमणमा खटिएका भारतीय अधिकारीहरुले सुरुमा मोदीको इच्छा अनुसार नेपाली टोलीसँग प्रधानमन्त्री देउवाको कार्यतालिका सोधेको र केही समय खाली देखिएपछि प्रधानमन्त्री मोदीको तर्फबाट चियाको आमन्त्रणा गरिएको थियो । बिहीबार विहान राष्ट्रपति भवनमा गार्ड अफ अनरको सम्मान लिएपछि मात्र औपचारिक भेटवार्ता सुरु हुनेछ । भेटपछि मोदीले  ट्वीटर भनेका छन्, ‘निकटको साथी नेपालको प्रधानमन्त्री शेरबहादुर देउवा जीलाई भेट्दा निकै खुसी लागेको छ । आज थप व्यापक वार्तालाप हुनेछ ।

post image

साउन २६,काठमाडौँ  । अन्तर्राष्ट्रिय युवा समितिको आयोजनामा पहिलो दक्षिण एशियाली युवा सम्मेलन भारतको उडिसामा हुने भएको छ ।  समितिले विहीबार पत्रकार सम्मेलन गरी पहिलोपटक उडिसा राज्यको भुवनेश्वर शहरमा आगामी असोज १ देखि ५ गतेसम्म गर्न लागेको जानकारी दिएको हो।

पत्रकार सम्मेलनमा समितिका अध्यक्ष डा केके सिंहले दक्षिण एशियाका युवासामु उनीहरुले भोग्दै आएका समस्या र त्यसका समाधानबारे आठवटै देशका युवा मन्त्रीलाई राखेर सम्मेलन आयोजना गर्न लागेको जानकारी दिए। युवाको समस्या, संस्कृति, पर्यटन, संयुक्त राष्ट्र सङ्घले अवलम्बन गरेको दिगो विकास लक्ष्य, शान्ति, पूर्वाधार विकास लगायतका बारेमा सम्मेलनमा छलफल हुनेछ।

सम्मेलनमा समितिका नेपाल शाखा अध्यक्ष राज कट्टेलले नेपालबाट युवा तथा खेलकुद मन्त्रीसहित ३० जनाको सहभागिता रहने जानकारी दिए।  सम्मेलनमा दक्षिण एशियाका आठ देशका करिब ४०० युवा प्रतिनिधिको सहभागिता रहने छ । रासस

post image

साउन १५, काठमाडौं । पाकिस्तानको अन्तरिम प्रधानमन्त्रीमा पूर्व पेट्रोलियम मन्त्री शाहिद खकान अब्बासी चयन हुनु भएको छ । भ्रष्टचारी ठहर गर्दै सर्वोच्च अदालतले प्रधानमन्त्री नवाज शरिफलाई पदच्युत गरेपछि सत्ताढ दल पाकिस्तान मुस्लिम लिगले अब्बासीलाई अन्तरिम प्रधानमन्त्री चयन गरेको हो । प्रधानमन्त्रीका लागि बलिया प्रत्यासी शरिफका भाई साहबाज शरिफले राष्ट्रिय सभाको उपनिर्वाचन नजितेसम्म अब्बासीले अन्तरीम प्रधानमन्त्रीको जिम्मेवारी सम्हाल्नु हुने बीबीसीले उल्लेख गरेको छ ।

यसअघि, शहबाजले पञ्जाब प्रान्तको मूख्यमन्त्रीबाट राजीनामा दिनुपर्ने छ । ६५ बर्षीय साहबाजलाई सो प्रक्रिया पुरा गर्न कम्तीमा ४५ दिन लाग्ने बताइएको छ । पाकिस्तानको सर्वोच्च अदालतले आर्थिक अनियमिततामा संलग्न रहेको पुष्टि गर्दै गत शुक्रबार नवाज शरिफलाई प्रधानमन्त्रीका लागि अयोग्य ठहर गरेको थियो । सर्वोच्चले अयोग्य ठहर गरे लगत्तै शरिफले राजिनामा दिएका थिए ।

post image

साउन १३, काठमाडौं । पाकिस्तानको सर्वोच्च अदालतले प्रधानमन्त्री नवाज सरिफलाई बर्खास्त गरेको छ । भ्रष्टाचार अभियोगमा आफ्नो अन्तिम सुनुवाई गर्दै सर्वोच्च अदालतले सरिफलाई पदमा बस्न अयोग्य ठहर गर्दै बर्खास्त गरेको हो । नवाज सरिफले विदेशमा आफ्नो सम्पत्ति लुकाइराखेको र त्यसको स्रोत खुलाउन नसकेका कारण उनीमाथि भ्रष्टाचारको मुद्धा दायर भएको थियो ।

सर्वोच्च न्यायालयमा रहेका न्यायाधीसहरुले सर्व–सम्मतिले उनलाई बर्खास्त गर्ने निर्णय गरेका थिए । यसका साथै नवाज सरिफ विरुद्धको थप कारबाहीको लागि मुद्धा दायर गर्न अदालतले सम्बन्धित निकायलाई आदेश समेत दिएको छ । सरिफको अहिलेको भ्रष्टाचार मुद्धा न्यायाधिस असिफ साइद खोसा नेतृत्वको इजलासले हेरिररहेको थियो ।

यसअघि गत अप्रिल २० मा पनि न्यायाधिस खोसाले प्रधानमन्त्री सरिफ पदमा बस्न अयोग्य रहेको घोषणा गरेका थिए । साथै उनले पाकिस्तानको निर्वाचन आयोगलाई पनि यस विषयमा जानकारी पठाएका थिए । बर्खास्तीमा परेका सरिफ र उनको सन्तानका नाम गतवर्ष पानामा पेपर लिकमा भेटिएको थियो । लिकमा उनका सन्तानको नाम भेटिएपछि सम्पत्तिको स्रोत अनुसन्धानको लागि दबाब बढ्दै गएको भारतीय समाचार  संस्था एएनअाइले जनाएको छ । सरिफका सन्तानले लण्डनमा फ्ल्याट किन्नको लागि केही अफसोर कम्पनी प्रयोग गरेको खुलेको थियो ।

 अफसोर कम्पनी प्रयोग गरि फ्ल्याट किनिएपछि उनीहरुले स्रोत नखुलेको धन लुकाउनको लागि त्यसो गरेको आशंका गरिएको थियो तर सरिफले भने त्यो कुरा नकार्दै आएका थिए । उनले लण्डनमा रहेको फल्याट आफुले वैधानिक रुपले लिएको तर आफुले व्यक्तिगत तरिकाले नकिनेको दाबी गरेका थिए । तर विपक्षीले भने ती सबै सम्पत्ति अवैधानिक तवरले आर्जन गरेको आरोप लगाउँदै उनको राजिनामाको माग गरेका थिए । यसअघि पनि उनीमाथि लागेको भ्रष्टाचारको आरोपबारे अनुसन्धान गर्नको लागि अप्रिलमा एक संयुक्त अनुसन्धान टोली बनाइएको थियो जसले प्रधानमन्त्री सरिफको सम्पत्तिमा व्यापक परिवर्तन फेला परेको थियो ।

post image

साउन १०, काठमाडौं । भारतको १४ औं राष्ट्रपतिमा निर्वाचित रामनाथ कोविन्दले आज शपथ लिनुभएको छ । भारतीय संसदको केन्द्रीय भवनमा आज आयोजित एक विशेष समारोहमा कोविन्दले शपथ लिनुभएको हो । गत विहिबार राष्ट्रपतिमा निर्वाचित ७१ बर्षीय कोविन्दलाई प्रधानन्यायाधीश जे.एश खेरले शपथ गराउनुभयो । निवर्तमान राष्ट्रपति प्रणव मुखर्जीको पदावधी हिजो सकिएपछि कोबिन्द आज सपथ ग्रहण गरी कार्यभार सम्हाल्नु भएको हो ।

सपथ लिएपछि संसदमा सम्बोधन गर्दै नवनिर्वाचित राष्ट्रपति कोविन्दले भारतलाई आर्थिक रुपमा समृद्ध बनाउन र आदर्श मुलुक निर्माणका लागि आफु प्रतिबद्ध रहेको बताउनुभयो । राष्ट्रपति कोविन्दले समानता, स्वतन्त्रता र न्यायीक मान्यता कायम राख्ने विश्वास व्यक्त गर्नुभयो ।

 भारतीय जनता पार्टीको गठबन्धन नेशनल डेमोक्रेटीक अलाइन्सबाट उम्मेद्वारी दिएका रामनाथ कोविन्दले ६५ प्रतिशतभन्दा बढी मत हासिल गर्दै नयाँ राष्ट्रपति निर्वाचित हुनुभएको हो । कोविन्दलाई प्रधानमन्त्री नरेन्द्र मोदीको निकटस्थ मानिन्छ ।

post image

 साउन ५, काठमाडौं । भारतीय जनता पार्टीका नेता रामनाथ कोविन्दको राष्ट्रपति बन्ने प्रक्रियाले बिहीबार औपचारिकता पाएको छ । उम्मेदवारीकै क्रममा उनको जित पक्का देखिएको थियो र बिहीबार औपचारिक घोषणा भएको छ । राष्ट्रिय प्रजातान्त्रिक गठवन्धनका राष्ट्रपतिका उम्मेदवार कोविन्दले ७ लाख २ हजार ४४ अर्थात ६५.३५ प्रतिशत मत पाए । उनका निकटतम प्रतिद्वन्द्वी युपीएकी उम्मेदवार मिरा कुमारले ३ लाख ६७ हजार ३१४ अर्थात ३४.३५ प्रतिशत मत पाइन् ।

बिहारको राज्यपाल रहेका कोविन्दको नाम राष्ट्रपतिको उम्मेदवारीको दौडमा खासै चर्चामा थिएन । तर, वीजेपीले रणनीतिक रुपमा उम्मेदवार मात्र बनाएन, जिताएको पनि छ । रामनाथ कोविन्दको जन्म १ अक्टोबर १९४५ मा उत्तर प्रदेशको कानपुर देहातमा भएको थियो । उनले कानपुर युनिभर्सिटीबाट बीकम र एलएलबीको पढाई पूरा गरेका छन् ।

उनी दिल्ली हाई कोर्टमा १९७७ देखि १९७९ सम्म केन्द्र सरकारको वकिल रहेका थिए । १९८० देखि १९९३ सम्म केन्द्र सरकारको स्ट्ण्याडिङ काउन्सिलमा बसेर काम गरे । दिल्ली हाई कोर्ट र सुपि्रम कोर्टमा उनले १६ वर्ष वकालत गरे । १९७१ मा दिल्ली बार काउन्सिलमा मनोनित भए । १९९४ मा उनी उत्तर प्रदेशबाट राज्यसभाका लागि सांसद चुनिए । उनी १२ वर्षसम्म राज्यसभा सांसद रहे । सादगी जीवनका कारण पनि चिनिने उनले आफ्नो कानपुरको घर दानमा दिएका थिए ।

असार १९, नयाँदिल्ली । उपप्रधान तथा परराष्ट्रमन्त्री कृष्णबहादुर महराले भारतीय विदेशमन्त्री सुषमा स्वराजसँग भेटवार्ता गर्नु भएको छ । नयाँ दिल्लीस्थित जनपथको जवाहरलाल नेहरु भवनमा भेटवार्ता गर्नु भएको हो । भेटवार्तापछि विदेशमन्त्री स्वराजले परराष्ट्रमन्त्री महराको सम्मानमा सोही स्थानमा रात्रीभोजको आयोजना गर्नुभएको छ । उहाँहरु वीच आपसी हितका बिषयमा छलफल भएको बताइएको छ ।

post image

असार १३, सिक्किम। चिनियाँ जनमुक्ति सेनाको टोली र भारतीय सेनाको टोलीबीच सिक्किमको सिमाक्षेत्रमा कुटाकुट भएको छ । सिक्किम क्षेत्रमा भारततर्फ पसेका चिनियाँ सेनाले भारतीय सैनिकलार्इ कुटपिट गर्दै २ वटा बंकर पनि भत्काइदिएका छन् ।समाचार स्रोतलार्इ उधृत गर्दै भारतीय सञ्चारमाध्यमले उल्लेख गरे अनुसार सिक्किमको डोका ला क्षेत्रमा दुवै देशमा सेना पछिल्लो १० दिनदेखि आमने-सामने रहेका छन् । चिनियाँ सैनिकले कैलाश मानसरोवरतर्फ बढिरहेका भारतीय तीर्थयात्रीको एउटा समूहलार्इ पनि रोकिदिएका छन् । चिनियाँ सैनिकलार्इ भारतीय भूमिमा छिर्न नदिन भारतीय सैनिकले कडा संघर्ष गर्नुपरेको बताइएको छ ।

पिएलएलार्इ रोक्नका लागि भारतीय सैनिकको समूले लाइन अफ ऐक्चुअल कन्ट्रोल (एलएसी) मा मानव पर्खाल बनाएर उभिएका थिए । केही सैनिकले त्यो बेलाको भिडियो समेत खिचेका छन् ।चिनियाँ सैनिकले डोका लाको लालटेन इलाकामा भारतीय सैनिकका दुर्इवटा बंकर पनिभत्काइदिएका छन्। २० जुनमा दुवै पक्षका उच्च अधिकारीबीच वार्ता पनि भएको थियो तर तनाव बढिरहेको छ । भारतीय पक्षले चिनियाँ सेनाले पटक पटक सीमाको उल्लंघन गरेको जिकिर गरेको छ । भुटान र तिब्बतको क्षेत्रको इलामा चिनियाँ सैनिकले नोभेम्बर २००८ मा भारततर्फ पसेर भारतीय सेनाको बंकर भत्काइदिएका थिए ।

 भारतले चीनसँग लामो समयदेखि सिमानाबारे विवाद गरिरहेको छ । भारतीय सिमा सुरक्षा बल नेपालमा छिरे जस्तै चिनियाँ सेना पनि भारतीय भूमिमा छिर्ने गरेको छ।भारत र चीनबीच चार हजार किलोमिटर भन्दा धेरै रहेको छ । जसमा तीन क्षेत्र पूर्वी, मध्य र पश्चिमी क्षेत्रमा बाँडिएका छन् । पूर्वी क्षेत्रमा अरुणाचल प्रदेशको भाग पर्दछ । जसको ९० हजार वर्ग किलोमिटर इलाकामा चीनले दाबी गरिरहेको छ । मध्य क्षेत्रमा उत्तराखण्ड, हिमाचल र सिक्किम रहेका छन् ।यी इलाकामा पनि उत्तराखण्डको बाराहुती क्षेत्रमा चीनले दाबी गरिरहेको छ । पश्चिमी क्षेत्रमा लद्दाख र अक्साई चीनको क्षेत्र रहेको छ।

 

post image

असार ८, दार्जीलिङ । गोर्खाल्यान्ड माग गर्दै भारत पश्चिम बंगालको दार्जीलिङमा आन्दोलनरत गोर्खा जनमुक्ति मोर्चाले शुक्रबार दार्जीलिङका विभिन्न शिक्षण संस्थाका छात्रावासमा बसिरहेका विद्यार्थीलाई घर जान अनुमति दिएको छ । बन्दका कारण दार्जीलिङमा सार्वजनिक सवारीसाधन नचल्ने भएकाले त्यस्ता विद्यार्थीलाई विद्यालयकै सवारीसाधनले सिलिगुडी तथा सिक्किम राज्यको सिमानासम्म पुर्याउनुपर्ने मोर्चाले उल्लेख गरेको छ ।

मोर्चाका सचिव विनय तामाङका अनुसार विद्यालयका सवारीसाधनले शुक्रबार बिहान ६ बजेदेखि बेलुका ६ बजेसम्म विद्यार्थीलाई गन्तव्यमा पुर्याउनु पर्नेछ । उहाँले विद्यालयले अन्य सवारीसाधन प्रयोग गर्न नपाइने बताउनुभयो । उहाँले भन्नुभयो, ‘छुट्टै राज्य गोर्खाल्यान्ड नहुन्जेल आन्दोलन जारी रहने भएकाले हामीले यहाँ रहेका विद्यार्थीलाई घर जान सजिलो होस् भनेर २३ जुनका लागि विद्यार्थी बोक्न अनुमति दिएका हौं ।’
भारत, नेपाल, भुटान लगायतका देशबाट दार्जीलिङ आएर पढने विद्यार्थीको संख्या ठूलो छ । यसपटक अचानक शुरु भएको बन्दले विद्यार्थी घर जान नपाई छात्रावासमै रहन बाध्य भएका छन् ।

बंगाली भाषालाई बाध्यकारी बनाउने बंगाल सरकारको प्रयासपछि आन्दोलनमा उत्रिएका मोर्चासहितका दलले पश्चिमबंगालकी मुख्यमन्त्री ममता बनर्जीले बिहीबार बोलाएको सर्वदलीय बैठकमा सहभागी नहुने निर्णयसमेत गरेका छन् ।

बंगाल सरकारले राज्यआतंक मचाएको आरोप लगाउँदै आएका गोर्खाल्यान्ड पक्षधर दलले बैठकमा नजाने निर्णय गरेको मोर्चाकी नेतृ निरा शर्माले जानकारी दिनुभयो । बंगाल सरकाले मोर्चा अध्यक्ष विमल गुरुङ, महासचिव रोशन गिरी, सहसचिव विनय तामाङसहितका नेतालाई पक्राउ पुर्जी जारी गरेको उहाँले बताउनुभयो । केही दिनअघि प्रहरीले मोर्चाको कार्यालय र अध्यक्ष गुरुङको निवासमा छापा मारेपछि नेताहरू भूमिगत भएका छन् । गुरुङ र तामाङको पहिले चलाउने गरेको फोनमा सम्पर्क हुँदैन, महासचिव गिरीले आफू दिल्लीमा रहेको जानकारी दिनुभएको छ ।

दार्जीलिङको अनिश्चतकालीन बन्द भने यथावत् छ । सडकमा गाडी चलेका छैनन् । विद्यालय, कलकारखाना बन्द छन् । पसलको ढोका नखुलेको साताभन्दा बढी भयो । मुख्यमन्त्री बनर्जीले मोर्चाको आन्दोलनलाई आतंककारी कदम भनेपछि पहाडमा गोर्खाल्यान्डका लागि आन्दोलनरत दल झनै आक्रोशित बनेका छन् ।
यसअघि शनिबार प्रहरीसँग भएको झडपमा तीन नेपाली भाषीको मृत्यु भएको थियो । चार दिनदेखि इन्टरनेट बन्द छ । आन्दोलनका पक्षमा सिक्किममा पनि प्रदर्शन भएको खबर छ । हजारौं सिक्किमेलीले गोर्खाल्यान्डको माग न्यायसंगत रहेको भन्दै पूरा गर्न आग्रह गरेका छन् । दार्जीलिङ, खर्साङ, मिरिकलगायत स्थानमा निरन्तर प्रदर्शन भइरहेको शर्माले जानकारी दिनुभयो ।रोकियो सीमा बैठक

इलाम – दार्जीलिङमा पछिल्लो समय भड्केको आन्दोलनका कारण लामो समयपछि हुन लागेको नेपाल-भारत जिल्ला प्रमुखस्तरीय संयुक्त सीमा बैठक रोकिएको छ । असार ५ मा गर्ने सहमति भएको बैठक भारतीय जिल्ला प्रशासन प्रमुखले दार्जीलिङ समस्या देखाउँदै आउन नसक्ने जनाएपछि रोकिएको सीमा प्रशासन प्रमुख मोहन पनेरुले जानकारी दिनुभयो ।

इलाम र दार्जीलिङ प्रशासनबीच २०६८ सालयता संयुक्त सीमा बैठक हुन सकेको छैन । प्रमुख जिल्ला अधिकारी जनकराज दाहालको सक्रियतामा हुन लागेको बैठकमा सिमाना व्यवस्थापन, सीमाक्षेत्रमा हुने आपराधिक क्रियाकलाप नियन्त्रणलगायत विषयमा छलफल गर्ने तयारी गरिएको थियो । पछिल्लो समयमा इलामको पशुपतिनगरसहित क्षेत्रमा सीमा विवाद बढ्दै गएको छ । नेपाल-भारत सीमाक्षेत्रको पाँचथरदेखि मेची खोलासम्मको साढे ५२ किलोमिटर क्षेत्रमा कतिपय सीमास्तम्भ हराएका छन् भने कतिपय मर्मत गर्नुपर्ने अवस्थामा रहेको सशस्त्र प्रहरी बल इलामका प्रमुख डीएसपी चेतराज जोशीले जानकारी दिनुभयो ।

post image

जेठ ३१,तेहरान । अर्को वर्ष रुसमा आयोजना हुने विश्वकप फुटबलमा इरान छनोट भएको छ । सोमबार राति भएको खेलमा उज्वेकिस्तानलाई २-० गोलले हराउँदै इरान सन् २०१८ को विश्वकपमा छनोट भएको हो । रुस विश्वकपमा छानिने इरान पहिलो एसियाली राष्ट्र पनि बनेको छ । यसैगरी इरानी टोली रुस विश्वकपमा छानिनले दोस्रो टोली हो । यसअघि ब्राजिल उक्त विश्वकपमा छनोट भइसकेको छ ।

अजादी स्टेडियममा भएको खेलमा इरानलाई विजयी बनाउन पहिलो हाफको २३औं मिनेटमा सरदार आजमुनले गोल गर्दै टोलीलाई अग्रता दिलाएका थिए । विपक्षी टोलीमाथि लगातार दबाब बनाएको इरानले दोस्रो गोल खेलको ८८औं मिनेटमा गर्‍यो । मेहदी तारेमीले आकर्षक गोल गर्दै टोलीको जित सुनिश्चित गरेका थिए ।

त्यसैगरी विश्वकप छनोटको तेस्रो चरणमा समूह ‘ए’ मा रहेको इरानले छैटौं जित निकाल्ने क्रममा उज्वेकिस्तालाई स्तब्ध पार्दै आठ खेलबाट २० अंक जोडेको छ । तेस्रो स्थानमा रहेको उज्वेकिस्तानको १२ अंकमात्र छ । यही समूहमा रहेको दक्षिण कोरिया सात खेलबाट १३ अंक जोड्दै तालिकाको दोस्रो स्थान कब्जा गरेको छ ।

 

 

post image

जेठ १७,काठमाडौँ । भारत र पाकिस्तानबीच आयोजित क्रिकेटलाई लिएर बिश्वभरी चर्चाको बिषय हुने गरेको छ ।  यसपालिको च्याम्पियन्स ट्रफीमा पनि यसका केही झलक खेल सुरु हुनभन्दा अगाडि नै देखिन थालेको छ । भारत र पाकिस्तान च्याम्पियन्स ट्रफीअन्तर्गत आउँदो आइतबार मैदानमा उत्रिने भएका छन्।

यी दुई देशबीचको खेललाई लिएर अहिलेदेखि नै विश्वव्यापी चासो बढिसकेको छ। अझ व्यापारीक हिसाबले पनि यी देशबीच हुने खेलका लागि नयाँ वातावरण बन्दै गइरहेको छ।  खेलकुदको गतिविधिलाई लिएर अध्ययन गर्ने कम्पनी स्पोर्टी सलुसन्स र इनसाइडस्पोर्टले भारत र पाकिस्तानबीचको खेललाई लिएर गरेको नयाँ अध्ययन अनुसार टेलिभिजनमा १० सेकेन्डको विज्ञापन गर्न कम्पनीहरुले २७ देखि ३० लाख भारु खर्चिन तयार देखिएका छन्।

त्यस्तै स्पोर्टी सलुसन्सका सिइओ आशिष चड्ढाका अनुसार विश्व चर्चित कम्पनीलाई आफ्नो उत्पादनको प्रचारप्रसार गर्न भारत–पाकबीचको खेल सबैभन्दा प्रभावशाली रहेको छ । उनले विगत २ वर्षको तुलनामा यी दुई देशबीचको खेलमा ५० प्रतिशतको हिसाबले रकम बढेको बताए ।

post image

जेठ १६,काठमाडौँ । श्रीलङ्कामा मनसुन–पूर्वको भीषण वर्षापछिको बाढी र पहिरोमा परी मृत्यु हुनेको सङ्ख्या सोमबार अपरान्ह्सम्म १७७ पुगेको विपद व्यवस्थापन निकायले जनाएको छ।

बाढीकाकारण १०९ जना वेपत्ता भएका छन् भने करिव पाँच लाख व्यक्ति विस्थापित भएका छन्।उद्धारका कार्यमा सरकारले करिव एक हजार आठसय सेना, एक हजार एकसय नौसेना तथा विभिन्न सङ्घसंस्थामा कार्यरत सयौं तालिमप्राप्त जनशक्तिको परिचालन गरिरहेको छ। बाढीले करिब दुई हजार घरमा पूर्ण क्षति पुर्याएको छ भने बाढीग्रस्त क्षेत्रका मानिसलाई खाद्यान्न लगायतका आधारभूत सामग्रीको आवश्यक देखिएको छ।

सेनाको मातहतमा सञ्चालित उद्धारकार्यको क्रममा पाँच लाखभन्दा बढी जनतालाई बाढी पहिरो प्रभावित क्षेत्रबाट सुरक्षित स्थानमा सारिएको छ।श्रीलङ्काको प्रमुख सामुन्द्रिक द्वीपका दक्षिणी र पश्चिमी क्षेत्रहरूका समथर क्षेत्रमा गत शुक्रबार आएको बाढीपहिरो १४ वर्ष यताकै ठूलो हो।समथर भूभाग भएका तल्ला इलाका अझै पनि डुबानमा परेका छन्।

सरकारले हेलिकोप्टर, प्रहरी, सेना तथा स्थानीय सङ्घसंस्थाको सहयोगमा घटनामा पीडित नागरिकको उद्धार र बेपत्ता भएकाहरूको खोजीलाई निरन्तरता दिएको छ। रासस /सिन्ह्वा

post image

जेठ १२,काठमाडौा । भारतीय वायु सेनाको एउटा लडाकू जहाज उत्तरी छिमेकी चीनको सिमानामा खसेको छ । तीन दिनअघि चीनको सिमानामा वेपत्ता भएको भारतीय वायुसेनाको फाइटर सुखोई-३० भग्नावाशेष फेला परेको हो ।

तीन दिनअघि भारत(चीन सिमाना नजिकै इन्डियन एयरफोर्सको सुखोई(३० वेपत्ता भएको थियो  ।जहाजको भग्नवाशेष त्यही स्थानमा मिलेको छ जहाँबाट जहाज सम्पकर्कविहीन भएको थियो । । उक्त लडाकु जहाजमा दुईजना पाइलट सवार थिए ।

एयरक्राफ्ट नियमित तालिम मिसनमा हिडेको जहाज असम राज्यको तेजपुरबाट बिहान १० बजेर ३० मिनेटमा उडेको थियो । साढे ११ बजे यसको रेडियो र राडारबाट सम्पर्क टुटेको थियो । जहाज हराएपछि खोजी तीब्र पारिएको छ तर अहिलेसम्म पाइलटहरुबारेमा केही पनि सूचना आएको भने छैन ।

post image

जेठ ११, काठकाडौँ । सिद्धार्थ मलहोत्रा र आलिया भट्टले आफुहरुको रीलेसनसीपको बारेमा बोल्न चाहादैँनन् तर बलिउडका यी नायक नायिका प्रायस् सँगसँगै देखिने गर्छन् ।

निर्मातारनिर्देशक करण जौहरले हालै दिएको पार्टीमा आलियाले सिद्धार्थलाई मात्र भेटिनन्, नायकका मम–डयाडसँग पनि भलाकुसारी गरिन् । पार्टी अबेर रातिसम्म चल्यो र आलिया–सिद्धार्थले लामै समय इन्जोय गरे । पापाराजीबाट जोगिन आलिया अलिक चाँडो घर हिँडिन् ।

आफ्नो रिलेसनसिपलाई औपचारिक रूपमा सार्वजनिक गर्ने हिसाबले आलिया र सिद्धार्थ भेटिएको हुन सक्ने अड्कल गरिएको छ । आलियासँगको सम्बन्धबारे केहीअघि सिद्धार्थले भनेका थिए, ‘आलिया र मबीच निकै गजबको वर्किङ रिलेसनसिप छ । मेरो पहिलो फिल्मदेखि नै म उनलाई चिन्छु । त्यसैले हामीबीच भावनात्मक सम्बन्ध छ । एकअर्काका फिल्मलाई प्रमोट गर्नुपरे पनि हामी पछि हट्ने गरेका छैनौँ ।’

post image

जेठ ७,काठमाडौँ । बलिउडकी चर्चित अभिनेत्री आलिया भट्ट रामायणको पात्र सीता बन्न चाहन्छिन् । उनी सीताको यस्तो रोल निभाउन चाहन्छिन् जसको बारेमा मानिसहरु अनभिज्ञ रहेका छन् । भारतीय लेखक अमीश त्रीपाठीको किताब सीता वारियर अफ मिथिलामा को ट्रेलर लन्चमा पुगेकी आलियाले भनिन् “मलाई अमिश बाट नै थाहा भयो रामायणको अर्को रुप पनि छ जसमा सीता एक योद्धा थीइन् र उनले रावणलाई मारेकी थिइन्”।

उक्त किताबमा सीताको जन्म देखि सीताको हरण सम्म सबै काहानी समेटीएको छ । किताबका लेखक अमिश भन्छन्”किताबको विषयबस्तुलाई लिएर फिल्म बनाउन उनको धेरै निर्देशकहरु सगँ कुराकानी भइरहेको छ” । उनले भने” काहानी अनुसार भारतिय सुपर स्टार रणविर सिंह राम पात्रको रोलका लागि परफेक्ट हुन सक्छन् । ”

उनी भन्छन् “सीताको रोल निभाउन आलिया भट्टले सक्छिन् र उनी पनि सीताको रोल खेल्न उत्साहित छिन् । तर निर्देशकहरुले कसलाई राख्न चाहानुहुन्छ त्यो उहाँहरुको हातमा छ “।

आलिया भन्छिन्” सीताको रोल एकदम राम्रो छ । उनी डराउदीनन् बरु लड्छिन्, समस्या सगँ जुध्छिन् । यही सीताको रोल म निभाउन चाहान्छु” । विविसी हिन्दी

post image

जेठ १,काठमाडौँ । शनिवार गरेको मिसाइल अनुसन्धानमा उत्तर कोरीयाले यो एउटा नयाँ प्रकारको रकेट थियो जुन ठुलो परमाणु वारहेड लिएर जानेमा सक्षम छ ।

आकाशमा गएको उक्त मिसाइल २००० कि।मी को उचाइ सम्म पुग्न सफल भयो ।  ७०० किलोमिटर सम्म यात्रा गर्न सफल भएको उक्त मिसाइल जापानको पश्चिमी सागरको किनारामा गएर खसेको थियो ।
उत्तरकोरीयाले सोमबार भन्यो यो टेस्ट गर्नुको मुख्य उद्देश्य नयाँ विकास भएको बैलिस्टीक रकेटको सक्षमता थाहा पाउनको लागि रहेको थियो । यो वर्ष उत्तर कोरीयाले परमाणु प्रक्षेपण धेरै गरिसकेको छ जसले गर्दा संसारभरका मानिसहरु माझ चिन्ता बढ्न थालेको छ भने अमेरीका भने उक्त प्रक्षेपणले गर्दा चिन्तीत भइसकेको छ । यही विषयलाई लिएर अमेरिका र जापानले मंगलबार संयुक्त राष्ट्र सघंको सुरक्षा परिषदको आपतकालीन बैठक आह्वान गरेको छ । विविसी

post image

बैशाख २२,काठमाडौँ । भारतको सर्वोच्च अदालतले समुहकृत बलात्कार गरेर मार्र्नेे ४ जना अपराधीलाई फासीको सजाय कायम राखेको छ । ती अपराधीहरुले सन् २०१२ मा एक विद्यार्थीको ग्याङ रेप गरेका थिए ।

अक्षय ठाकुर, विनय शर्मा, पवन गुप्ता र मुकेस गरेर ४ जनालाई अदालतले सन् २०१३ मा फासीको सजाय सुनाएको थियो । उक्त घटनाले गर्दा भारतमा मानिसहरु एकदम आक्रोशित बनेका थिए । साथै देशले बलात्कार विरुद्धको नयाँ कानुन समेत बनाएको थियो । २३ वर्षिया विद्यार्थी आफ्नो साथी सगँ फिल्म हेरेर बसमा फर्कदैँ गर्दा उक्त घटना घटेको थियो । उनको साथीलाई घाइते समेत बनाइएको थियो ।
उनको आमाले सन् २०१५ मा उनको नाम ज्योती सिहं भनेर खुलासा गरेकी थिइन् । त्यसको १५ दिन पश्चात उनको एक हस्पिटलमा मृत्यु भएको थियो । जस्टीस भानुमती को अध्यक्षतामा रहेको तिन सदस्यीय टोलीका अनुसार यस्तो अपराधको लागि कुनै पनि हालतमा माफी दिन सकिदैन , यदी कुनै केसमा मृत्युको सजाय हुन सक्छ भने यही केसमा हो । विविसी

post image

बैशाख २२,काठमाडौँ । भारतका प्रधान मन्त्री नरेन्द्र मोदीले दक्षिण एसीयाली भु उपग्रहको औपचारिक सुरुवात शुक्रबारबाट हुने भएको छ । उपग्रहको उपयोग दुरसञ्चार, दैवीप्रकोप, टेलिएजुकेसन, टेलिमेडिसिन र दैवीप्रकोप व्यवस्थापनमा प्रयोग हुनेछ ।

भारतीय संचारमाध्यमाका अनुसार आज साझँ ५ बजे यसको औपचारिक सुरुवात हुने भएको छ । यसबाट नेपाल, भुटान, भारत, बंगलादेश, माल्दिभ्स र अफगानिस्तानले फाइदा लिने छन् । यसको क्षमता २२३० केजी क्षमताको रहेको छ भने यसको निर्माणको लागि २३५ करोड खर्च भएको भारतको स्पेस एजेन्सीले जानकारी दिएको छ । यस भू(उपग्रहको अवधी १२ वर्ष रहने छ ।

मोदीले एक रेडियो कार्यक्रममा भनेका थिए यो स्याटलाइट भारतको तर्फबाट छिमेकी मुलुकहरुलाई उपहार हो । यस अगाडि काठमाडौंमा भएको सार्क सम्मेलनमा मोदीले सो स्याटलाइट बनाउने घोषणा गरेका थिए । तर पाकिस्तानले भने सो स्याटलाइटको अंग नहुने घोषणा गरेको छ । सुरुमा यसलाई सार्क स्याटलाइट भनिएपनि पाकिस्तान सहभागी नहुने भएपछि दक्षिणी एसियाली स्याटलाइट भनिएको हो । भरतका लागि नेपाली राजदुत दीपककुमार उपाध्यायका अनुसार सो स्याटलाइटले नेपालको आर्थिक तथा सामाजिक बिकासमा सहयोगी भुमिका खेल्नेछ ।

post image

बैशाख २०,काठमाडौँ । अफ्गानिस्तानको राजधानी शहर काबुलमा कम्तिमा पनि ८ जना मानिसहरुको आत्मघाती हमलामा परि ज्यान गएको छ ।

एक अधिकारीका अनुसार ज्यान गुमाएकाहरु सबै आम नागरिक थिए । घटनामा थप २५ जना मानिस घाइते भएका छन् । घाइते मध्य तिन जना अमेरीकी सेवाका सदस्यहरु रहेका छन् । घटना सैनिकको गाडिहरुलाई लीक्षत गरेर अमेरिकी दुताबासको पल्लो पट्टी बिहानको व्यस्त समय पारेर गरिएको थियो ।

दुई वटा जति गाडि नराम्रो सगँ बिग्रीएको छ । घटना नेटो मिसन अन्र्तगत पर्न सक्ने जानकारी त्यहाँका सरकारी अधिकारीले बताएका छन् । विविसी

post image

बैशाख १९,झापा । झापा प्रहरीले भारतीय नागरिकलाई पूर्वी नाका काँकडभिट्टावाट १५ थान मानव खप्परसहित पक्राउ गरेको छ । इलाका प्रहरी कार्यालय काँकडभिट्टा र सशस्त्र प्रहरी बलको संयुक्त टोलीले भन्सार चेकपोष्ट नजिकैवाट भारत खोरीवारी गोरसिंहजोतका ६६ वर्षीय भगिरथ सिंहलाई पक्राउ गरेको हो । इलाका प्रहरी कार्यालयका प्रमुख डीएसपी दुर्गाराज रेग्मीले झोला वोकेर नेपाल प्रवेश गरेका सिंहलाई शंका लागेर जाँच गर्दा मानव खप्पर फेला परेको जानकारी दिनभुयो । प्रहरीले अभियुक्त सिंहलाई हिरासतमा राखेर अनुसन्धान शुरु गरिरहेको छ ।

post image

बैशाख १५,काठमाडौँ । बाहुबली २  फिल्म रिलिज शुक्रबार भएको छ । मानिसहर एकदम उत्साही भएका छन् । फिल्मको लागि नेपाल र भारतका मानिसहरुले धेरै समय सम्म कुर्नु परेको थियो ।

सन् २०१५ मा रीलिज भएको बाहुबली फिल्म सन् २०१६ को अन्त्यमा आउने कुरा थियो तर सन् २०१७ को अप्रिलमा भएको छ । सीनेमाघरहरु खचाखच भरिएका छन् र टिकट अगाडी नै बुक समेत भइसकेको छ ।

सोसल मिडियामा पनि बाहुवली फिल्म धेरै नै चर्चा जमाउन सफल भएको छ । बाहुबली १ को सस्पेन्स रहेको थियो कटप्पाले बाहुबलीलाई मारेको दृश्यको । तर किन मार्यो त कटप्पाले बाहुबलीलाई ?
यही भेद खुलाइएको छ बाहुबली २ मा । यही सस्पेन्सका कारण पनि बाहुवली २ को दर्शकहरुले धेरै प्रतिक्षा गरेका थिए ।

मानिसहरुले सोसल मिडियामा थुप्रै प्रकारको विचार अभिव्यक्ती गरेका छन् उत्त फिल्मलाई लिएर । विभिन्न विचारहरु तथा आफ्नो राय प्रस्तुत गरेका दुई वर्षदेखि कुरीरहेकाहरुको लागि प्रतिक्षाको घडी समाप्त भइसकेको छ । नेपालका विभिन्न हलहरुमा बाहुवली फिल्म आज देखि रिलिज भएको छ । बिहीवार रीलिज हुने भनिएको फिल्म चर्चित बलिउड नायक विनोद खन्नाको निधनले गर्दा रिलिज नभएको हो ।

post image

बैशाख १४, काठमाडौँ । बलिउड अभिनेता तथा सांसद विनोद खन्ना को ७० वर्षको उमेरमा निधन भएको छ । भारतको सर एच एन रिलायंस फ़ाउंडेशन अस्पतालको अनुसार विनोद खन्नाले विहान ११ बजेर २० मिनेटमा आफ्नो अन्तीम श्वास फेरेका थिए ।उनलाई क्यान्सर भएको थियो ।

सन् १९६८ देखि सुनील दत्तको फिल्म मनका मित बाट अभिनय क्षेत्रमा प्रवेश गरेका थिए उनले । उनको फिल्म एक थी रानी ऐसी भी हालसालै रीलिज भएको थियो । विविसी हिन्दी

post image

बैशाख ११, काठमाडौँ । इन्डियन प्रिमियर लिगमा किङ्स–११ पन्जाबले गुजरात लायन्सलाई २६ रनले हराएको छ। यसअघिको खेलमा ओपनर हासिम अमलाले अविजित १ सय ४ रनको योगदान गरे पनि पन्जाब मुम्बई इन्डियन्ससँग ८ विकेटले पराजित भएको थियो।
तेस्रो ओभरमा ओपनर मनन बोहरा २ रनमा आउट भएका थिए। तर अमलाले पन्जाबको इनिङ सम्हालेका थिए। म्यान अफ द म्याच अमलाले ४० बलमा ९ चौका र २ छक्का प्रहार गरेका थिए। गुजराती बलरमाथि हाबी देखिएका अमलाले ६५ रन बनाए। पन्जाबका लागि आक्रामक ब्याटिङ गरेका ग्लेन म्याक्सवेलले ३ छक्का र १ चौका प्रहार गर्दै ३१ रन बनाए। अक्षर पटेलले ३४, सन मार्सले ३० रन बनाए। गुजरातका एन्ड्री टाइले २ विकेट लिए। जबाफमा गुजरातले २० ओभरमा ७ विकेट गुमाउँदै १ सय ६२ रन मात्र जोड्न सक्यो। गुजरातका लागि दिनेश कार्तिकले अविजित ५८ रनको योगदान गरे पनि टोलीलाई सफलता दिलाउन सकेनन्। कप्तान सुरेश रैनाले ३२ रन जोडे। पन्जाबका सन्दीप शर्मा, केसी कारिप्पा र अक्षरले समान २ विकेट लिए। यसै गरी शनिबार बेलुकी मुम्बईले घरेलु मैदानमा दिल्ली डेरडेबिल्सलाई १४ रनले पराजित गरेको छ। सुरवातमा ब्याटिङ गरेको मुम्बईले १ सय ४२ रन बनाएको थियो।

तर बलरले कडा मेहनत गरेपछि मुम्बईले सानो स्कोरलाई रक्षा गर्दै सफलता हात पार्यो। मुम्बईले यसअघि २०१३ को आइपिएलमा १ सय ५० रन बनाएको थियो। मिचेल म्याकक्लिगनले तीन विकेट लिएपछि दिल्लीले ६ विकेट गुमाउँदा २४ रन मात्र जोडेको थियो। ‘हामीले सही समयमा सही मिहिनेत गरेका थियौं। बलमा हामीले नियन्त्रण राख्यौं,ु मिचेलले भने, ‘हामीले धेरै खेल खेलेका छौं। जसमा हामी जित्छौं भन्ने लाग्दैन। हामीसँग राम्रो आत्मविश्वास थियो। तर हामीमा दम्भ थिएन। जुन टोलीमा भएको राम्रो कुरा हो।ु मिचेलले कप्तान रोहित शर्माको तारिफ गर्दै उनमा उत्कृष्ट नेतृत्वक्षमता भएको बताए। मिचेलले थपे, ‘मैदानभित्र र बाहिर रोहितमा राम्रो नेतृत्व गर्न सक्ने क्षमता छ। उनलाई थाहा छ कोही दिन उनका लागि हँदैन। तर पनि उनमा असाधारण रूपमा आत्मविश्वास थियो।

पहिलो खेल हारेको मुम्बईले शनिबारको जितसँगै आइपिएल इतिहासमा लगातार ६ खेल जित्दै उत्कृष्ट सुरुआत गरेको छ। मुम्बईका लागि ओपनर जोस बटलरले २८, किरोन पोलार्डले २६ र हार्दिक पाण्डेले २४ रन बनाए। दिल्लीका अमित मिश्रा र पाट कुमिन्सले समान २ विकेट लिए। जबाफमा दिल्लीले २० ओभरमा ७ विकेटको नोक्सानीमा १ सय २८ रन मात्र बनाउन सक्यो। दिल्लीका लागि क्रिज मोरिजले अविजित ५२ रन बनाए।

post image

बैशाख ६,काठमाडौँ । भारतको पाँचदिने राजकीय भ्रमणमा रहनुभएकी राष्ट्रपति विद्यादेवी भण्डारी यहाँका महत्वपूर्ण भेटघाट र कार्यक्रम सम्पन्न गरी आज गुजरात राज्यको चौथो ठूलो सहर राजकोट प्रस्थान गरेकी छन्। राष्ट्रपति भण्डारीले भ्रमणको तेस्रो दिन आज त्यहाँस्थित सोमनाथ मन्दिर र अन्य क्षेत्रको अवलोकनका साथै गुजरात राज्यका मुख्यमन्त्री विजय रुपनीले उनको सम्मानमा आयोजना गर्ने रात्रिभोजमा सहभागिता जनाउनेछिन्। राष्ट्रपति भण्डारी बिहीबार उडिसा जाने कार्यक्रम छ । रासस

post image

बैशाख ६, नयाँदिल्ली । भारत भ्रमणमा रहेकी राष्ट्रपति विद्यादेवी भण्डारीले नेपालको लोकतन्त्र सुदृढीकरण र स्थायित्वका लागि भारतको सद्भाव महत्वपूर्ण रहेको बताउनुभएको छ । पाँचदिने राजकीय यात्राका क्रममा मंगलबार राष्ट्रपति भण्डारीले समकक्षी प्रणव मुखर्जी र भारतीय प्रधानमन्त्री नरेन्द्र मोदीसँग गरेको बेग्ला बेग्लै भेटवार्तामा नेपाल(भारतबीचको ऐतिहासिक सम्बन्धबारे छलफल भएको थियो ।

राष्ट्रपति मुखर्जीसँगको भेटमा दुई देशबीच भइरहेका निरन्तरका उच्चस्तरीय भ्रमणले सम्बन्धलाई अझै मजबुत बनिरहेको बारेमा विचार आदानप्रदान भएको त्यहाँस्थित नेपाली दूतावासका प्रवक्ता हरि ओडारीले जानकारी दिनुभयो ।नेपाल(भारतबीच ऊर्जा, पूर्वाधार विकास, सीमापार कनेक्टिभिटी र भूकम्पपछिको पुनर्निर्माणलगायत क्षेत्रमा सहयोग विस्तार गर्नेबारे छलफल भएको प्रवक्ता ओडारीले उल्लेख गर्नुभयो । राष्ट्रपति भण्डारी भ्रमणको दोस्रो दिन औपचारिक कार्यक्रममा व्यस्त हुनुभयो ।भारतीय राष्ट्रपति भवनको फोरकोर्टमा राष्ट्रपति भण्डारीको सम्मानमा भारतीय सेनाले सेरेमोनियल गार्ड अफ अनर दिएको थियो । त्यस क्रममा भारतीय प्रधानमन्त्री मोदी पनि सहभागी हुनुहुन्थ्यो ।

राष्ट्रपति मुखर्जीले विभिन्न भूमिकामा रही नेपाल(भारतबीचको सम्बन्ध विस्तारमा पुर्याउनुभएको योगदानका लागि भण्डारीले धन्यवाद ज्ञापन गर्नुभयो ।भण्डारीले नेपाल सरकारले स्थानीय चुनाव घोषणा गरिसकेको बताउँदै सबै राजनीतिक दलले त्यसमा भाग लिनेमा आफू विश्वस्त रहेको बताउनुभएको थियो । प्रत्युत्तरमा भारतीय उच्च नेतृत्वले नेपालको लोकतन्त्रको सुदृढीकरण, शान्ति, स्थिरता, विकासमा सहयोग गर्न तयार रहेको जनाउँदै सबै राजनीतिक पक्षको सहभागितामा संविधान कार्यान्वयनसँग जोडिएका मुद्दा हल हुने तथा निर्वाचन हुने अपेक्षा व्यक्त गरेको छ ।भण्डारी र मोदीबीच नेपाल(भारतबीचको सम्बन्ध थप सुदृढ र मजबुत बनाउने विषयमा कुराकानी भएको हो ।

भारतीय प्रधानमन्त्रीसँगको भेटमा भण्डारीले भारतले आर्थिक वृद्धि र विकासका क्षेत्रमा गरिरहेको प्रगतिप्रति मोदीलाई बधाई दिनुभयो । भारतले गरिरहेको आर्थिक वृद्धि र विकासबाट हामी लाभ लिन चाहन्छौुं, राष्ट्रपतिले भन्नुभयो । छिमेकी मुलुकसँगको सम्बन्धलाई भारतले प्राथमिकतामा राखेकोमा उहाँले प्रशंसा गर्नुभयो । भारतीय प्रधानमन्त्री मोदीले भारत सरकार छिमेकको प्रगति र विकासका लागि सक्दो सघाउन तयार रहेको बताउनुभयो । दक्षिण एसिया क्षेत्रले भोगिरहेका साझा विकासका चुनौती हामी आपसमा मिलेर सामना गर्न आवश्यक छु, मोदीले भेटमा भन्नुभयो ।

राष्ट्रपतिले नेपालले महिला सशक्तीकरणका लागि संवैधानिक व्यवस्थामार्फत नेपालले उपलब्धि हासिल गरिरहेको बताउनुभयो । मोदीले नेपालको प्रगति र समृद्धिमा भारत सदैव सहयोगी रहेको बताउनुभयो । भेटका क्रममा राष्ट्रपति भण्डारीले नेपालले पनि भारतमा जस्तै लोकतन्त्र संस्थागत गर्न चाहेको भन्दै लोकतन्त्रको स्थायित्वका लागि संवैधानिक व्यवस्थाअनुरूप तीन तहको निर्वाचन गराउन लागेको उल्लेख गर्नुभएको थियो ।समावेशी संविधानमा सबैलाई समेट्ने प्रयास गरेको भन्दै राष्ट्रपति भण्डारीले नेपाललाई भारतको शुभेच्छा, सद्भाव र साथ सदैव आवश्यक रहेको बताउनुभयो । मंगलबार दिउँसो भारतीय उपराष्ट्रपति हमिद अन्सारी, विदेमन्त्री सुष्मा स्वराज, अर्थमन्त्री अरुण जेट्ली तथा गुहमन्त्री राजनाथ सिंहले राष्ट्रपति भवनमा भण्डारीसँग भेटवार्ता गर्नुभएको थियो ।भेटमा विदेशमन्त्री स्वराजले राष्ट्रपति भण्डारीसमक्ष भारतीय सहयोगमा नेपालमा निर्माणाधीन परियोजना छिटो सम्पन्न होस् भन्ने चाहेको बताउनुभयो ।

नेपालमा भारतीय लगानीमा सञ्चालित परियोजना छिटो सम्पन्न हुन् भन्ने हामी चाहन्छौं । हामीले नियमित अनुगमन गरिरहेका छौुं, भारतीय विदेशमन्त्रीले भेटमा भन्नुभयो । भारतीय विदेशमन्त्रीले नेपालसँगको सहकार्यात्मक सम्बन्धलाई भारतले उच्च महत्व दिइरहेको बताउनुभएको दूतावासका प्रवक्ता ओडारीले जानकारी दिनुभयो । भारतीय गृहमन्त्री सिंहले दुई देशबीच सुरक्षा क्षेत्रमा राम्रो सहकार्य रहेको बताउँदै नेपालको प्रगति र समृद्धिमा भारत सधैं सहयोगी बन्दै आएको उल्लेख गर्नुभयो ।राष्ट्रपति भण्डारीले निकट छिमेकीका रूपमा रहेका मुलुकबीचको मित्रवत् सम्बन्धको मित्रतालाई विकास तथा आर्थिक समृद्धि र पारस्परिक साझेदारीमा विस्तार गर्नुपर्ने बताउनुभयो । राष्ट्रपतिले मंगलबार नै राजघाटस्थित महात्मा गान्धीको समाधिस्थलको भ्रमण गरी त्यहाँ रहेको आगन्तुक पुस्तिकामा हस्ताक्षर गर्नुभयो ।राजकीय भ्रमणको परम्पराअनुसार भण्डारीलाई भारतीय राष्ट्रपति भवनमा राखिएको छ ।

भण्डारी मंगलबार साँझ भारतीय राष्ट्रपतिले उहाँको सम्मानमा दिनुभएको स्टेट ब्याक्वेट सहभागी हुनुभयो । मंगलबार नै राष्ट्रपतिले भारतीय उद्योगी र व्यापारीले आयोजना गरेको बिजनेस इभेन्टमा सहभागिता जनाउनुभयो । दिल्लीपछि राष्ट्रपति भण्डारी आज बुधबार गुजरात र उडिसाको भ्रमण गरी द्वारिका, सोमनाथ र पुरीस्थित मन्दिरमा पूजा(अर्चना गर्ने कार्यक्रम छ । पाँचदिने भारत यात्राका क्रममा सोमबार मध्याह्न नयाँदिल्ली पुग्नुभएकी भण्डारी शुक्तवार स्वदेश फर्किंदै हुनुहुन्छ ।

post image

वैशाख ५, नयाँदिल्ली । मित्र राष्ट्र भारतको राजकीय भ्रमणका क्रममा नयाँदिल्लीमा रहनुभएका राष्ट्रपति विद्यादेवी भण्डारीले आज जगतपुर सडकस्थित यमुना उद्यानमा वृक्षरोपण गरेकी छिन्।

कुल ४५७ एकड जमिनमा फैलिएको सो यमुना बायोडायभर्सिटी पार्कमा राष्ट्रपति भण्डारले मौवाको बिरुवा रोपेकी हुन् । राष्ट्रपति भण्डारीका साथ भ्रमण दलका सदस्य, भारतका महिला तथा बालबालिका मामिला राज्यमन्त्री कृष्णा राज सहभागी थिइन्।

यसअघि आज बिहान राष्ट्रपति भण्डारीले यहाँस्थित महात्मा गान्धीको समाधिस्थल, राजघाटमा पुगी श्रद्धाञ्जलि व्यक्त गरेकी थिइन् । रासस

post image

भरत केसी,वैशाख ४,नयाँदिल्ली (भारत) । मित्र राष्ट्र भारतको राजकीय भ्रमणमा आज राजधानी आइपुगेकी राष्ट्रपति विद्यादेवी भण्डारीसँग भारतीय राष्ट्रपति भवनमा भारतका विभिन्न राजनीतिक दलका नेताले भेट गरेको छ ।भारतीय समकक्षी प्रणव मुखर्जीको औपचारिक निमन्त्रणामा आज अपराह्न यहाँ आइपुगेका राष्ट्रपति भण्डारीसँग नयाँ दिल्लीका मुख्यमन्त्री अरवीन्द केजरीवाल, भारतीय कम्युनिस्ट पार्टी (माक्र्सवादी) का महासचिव सीताराम यचुरी, राष्ट्रवादी काँग्रेस पार्टीका महासचिव डिपी त्रिपाठीले अलग अलग भेट गरेको हो ।

सो अवसरमा राष्ट्रपति भण्डारीले आफ्नो भारत भ्रमणले दुई निकट छिमेकी देशबीचको सम्बन्ध अझै प्रगाढ र सुमधुर रहने विश्वास व्यक्त गर्दै नेपालमा लोकतन्त्र संस्थागत गर्न भारत र भारतीय जनताको हिजोका दिनमा जस्तै सहयोग र शुभेच्छा रहने अपेक्षा गरे । राष्ट्रपति भण्डारीसँगको भेटमा नेताहरुले नेपालमा शान्ति, स्थिरता र विकासमा आफूहरुको सदैव सहयोग र सहकार्य रहने प्रतिबद्धता व्यक्त गरेको भेटमा सहभागी परराष्ट्रमन्त्री डा प्रकाशशरण महतले जानकारी दिए ।

उनीहरुले नेपालमा लोकतन्त्रको संस्थागत विकासका लागि निर्वाचन मार्फत संविधान कार्यान्वयन हुनुपर्नेमा जोड दिएको र यसमा आफूहरुको सदैव शुभेच्छा रहेको पनि बताएको थियो ।भारतीय नेताहरुले नेपालमा अझै पनि स्थिरता, विकास र लोकतन्त्रको संस्थागत विकास हुन नसकेकामा चिन्ता व्यक्त गर्दै निर्वाचन मार्फत मुलुक स्थिरतातर्फ जाओस् भन्ने कामना गरेका थिए ।

post image

चैत्र २४, काठमाडौँ । तिब्बती नेता दलाई लामाले भारतको अरुणाचल प्रदेशको भ्रमण गरे लगत्तै भारत चिन सम्बन्ध चिसीन पुगेको छ । चीनले लामाको भारत भ्रमणले दुई देश बिच दरार ल्याउने भ्रमणको संज्ञा दिएको छ । भारते भने यस भ्रमणलाई नियमित भ्रमण भएको र यस विषयलाई ठुलो नबनाउनको लागि सुझाब दिएको छ ।
भ्रमण पूर्ण रूपमा धार्मिक भएको दाबी गर्दै यसमा चीनले हस्तक्षेप गर्न नहुने भारतको भनाइ रहेको छ । चिनियाँ अधिकारी तथा सञ्चारमाध्यमले भने भारतीय प्रधानमन्त्री नरेन्द्र मोदीले दलाई लामाको सम्बन्धमा यस अगाडिका सरकारले भन्दा फरक नीति लिएको दाबी गरेका छन् ।

भारत–चीन सम्बन्ध त्यस्तो बेला चिसिएको छ, जति बेला अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिनफिङ पहिलोपटक भेटदै छन्, यसै साता फलोरिडामा । भारत र चीन दुवै अमेरिकासँगको सम्बन्धलाई अझ बढी प्रगाढ बनाउन चाहिरहेका छन् ।

चीनले अरुणाचल एक ‘विवादित भूमि भएको र लामा एक पृथकतावादी’ नेता भएकाले उनको भ्रमण आफूलाई स्वीकार्य नहुने जनाएको छ । भारतले भने लामालाई आफूले एक धार्मिक नेताका रूपमा लिएको तर चीनले जबरजस्ती त्यसलाई राजनीतिक बनाएको आरोप लगाएको छ । दलाई लामाले साता लामो अरुणाचल प्रदेशको भ्रमण सुरु गरिसकेका छन्, जहाँ उनी विभिन्न धार्मिक विचार विमर्श र ‘लेक्चरहरू’मा सामेल हुने कार्यक्रम छ । उनको अरुणाचल भ्रमण यो पाँचौंपल्ट हो ।

लामाले तवाङमा रहेको महत्त्वपूर्ण गुम्बासमेत भ्रमण गर्ने भनिए पनि मौसमका कारण रोकिएको छ । उनी त्यहाँ जाने निश्चितप्रायस् छ । ‘हामीले अनेकौंपटक विभिन्न समयमा भनिरहेका छांै कि दलाई लामा सम्मानित धार्मिक नेता हुन्, भारतीय जनताले उनलाई ठूलो सम्मान गर्छन् । त्यसैले उनको भ्रमणको विषयमा कृत्रिम विवाद सिर्जना नगर्न आग्रह गर्दछौं,’ भारतीय विदेश मन्त्रालयद्वारा जारी विज्ञप्तिमा भनिएको छ ।

चिनियाँ विदेश मन्त्रालयले भने लामालाई विवादित भूमिको भ्रमण गराएर भारतले आफ्नो राष्ट्रिय स्वार्थलाई धक्का दिएको र दुईपक्षीय सम्बन्ध बिगारेको जनाएको छ । चिनियाँ सरकारले बुधबार नै चीनका लागि भारतीय राजदूत विजय गोखलाई भ्रमणको विषयमा आफ्नो विरोध रहेको जानकारी गराएको छ ।

मार्च १७ मा लामाले भारतको विहारमा अन्तर्राष्ट्रिय बौद्ध सम्मेलनमा सहभागिता जनाएकोमा पनि चीनले तीव्र विरोध गरेको थियो । फेब्रुअरी दोस्रो साता ताइवानको संसदीय टोलीले भारत भ्रमण गरेकामा चीनले असन्तुष्टि जनायो । त्यसपछि भारतीय विदेश मन्त्रालयले विज्ञप्ति जारी गरी भ्रमण औपचारिक नभएको जनाएको थियो । केही महिनाअघि भारतीय राष्ट्रपति प्रणव मुखर्जीले दलाई लामालाई भेटको सम्बन्धमा पनि बेइजिङले विरोध जनाएको थियो ।

चीनले पछिल्लो समय भारतले दलाई लामाको विषयलाई लिएर अन्य दुईपक्षीय एजेन्डासँग बार्गेनिङ गर्न खोजेको आरोप लगाएको छ । दुई देशबीच आधा दर्जनभन्दा बढी विषयमा तीव्र विमति रहँदै आएको छ । विशेषतस् न्युक्लियर सप्लायर्स ग्रुपको सदस्य, पाकिस्तान, राष्ट्रसंघीय सुरक्षा परिषद्मा मसुद अजहरलाई आतंकारी घोषणा गर्ने प्रस्ताव, वान बेल्ट वान रोड, साउथ चाइना सी र दलाई लामाको विषयमा दुई देशबीच विवाद छ । यी विषयबारे समाधान निकाल्न दुई महिनाअघि दुई देशबीच रणनीतिक वार्ता भएको थियो, तर त्यो निष्कर्षमा पुग्न सकेको छैन ।

गत वर्ष भारतले न्युक्लियर सप्लायर्स ग्रुपको सदस्य बन्न निवेदन दिएको थियो । त्यसमा छलफल पनि भयो । तर चीनले केही प्रक्रियागत विषय उठाएर आफूलाई सदस्यताबाट वञ्चित बनाएको भारतको गुनासो छ । त्यसपछि भारतले निरन्तर भनिरहेको छ, ‘कुनै विशेष एक मुलुकले विरोध गरेका कारण हामीले सदस्यता प्राप्त गरेनौं ।’ सदस्यता प्राप्त गर्न दुई देशबीचमा निरन्तर वार्ता भइरहेको छ, तर ‘आइसब्रेक’ भइसकेको छैन । चिनियाँ सरकारी सञ्चार माध्यमले भने यही विषयको बार्गेनिङका रूपमा लामालाई भारतले अरुणाचल प्रदेशको भ्रमण गराएको दाबी गर्दै आएका छन् ।

केही वर्षयता चीनको ‘ड्रिम प्रोजेक्ट’ वान बेल्ट वान रोड पनि दुई देशबीचमा दूरी बढाउने कारण बनेको छ ।

post image

चैत्र २३,काठमाडौं। नेपाल र भारतबीचको सन् १९५० को शान्ति तथा मैत्रीसन्धिलगायत अन्य दुईपक्ष सन्धि सम्झौताको पुनरावलोकन गरी सुझाव पेस गर्न गठित नेपाल र भारतका प्रबुद्ध समूहको बैठक आजदेखि काठमाण्डौ बस्दैछ ।

विविध कारणबस दुई–दुई पटक स्थगन भएको उक्त बैठकमा भाग लिन भारतका अधिकारीहरु राजधानी आइसक्नुभएको प्रबुद्ध समूहको सचिवालयले जनाएको छ ।

post image

चैत्र २२, काठमाडौँ । दशगजा क्षेत्रको सीमावर्ती भारतीय जिल्ला पिलीभित देखि महराजगन्जसम्म भारतले सडक निमार्णको कामलाई तिब्रता दिएको छ । अवैध कारोबार र आतंकवाद रोक्न मद्दत पुग्ने सोचेर भारत सरकारले यस्तो निर्णय गर्न लागेको कुरा जानकारीमा आएको हो ।

सडक निर्माणअन्तर्गत पिलिभितमा ३७, लखिमखिरीमा १ सय २४, बहराइचमा १ सय १८, श्रावास्तीमा ६४, बलरामपुरमा ८४, सिद्धार्थनगरमा ७५ र महारागन्जमा ६७ किमि सडक निर्माण गर्न लागेको हो । सडकमा २७ वटा ठूला पुल निर्माण हुने लोक निर्माण विभागले जनाएको छ । यसैगरी २ सय ५९ साना पुल निर्माण गरिनेछ । यसका लागि भारत सरकारले २१ सय करोड लगानी गर्ने भएको छ ।

स्थानीय प्रशासनका अनुसार सडक निर्माणका लागि भारतीय सीमावर्ती कतरनियाघाट वन्यजन्तु आरक्षमा रहेका रूख काट्न सुरु भएको छ । दशगजा नजिक केही स्थानमा रहेका साना बुट्यान कटान गर्न समेत सुरु भइसकेको छ । भारत सरकारले यसलाई सीमान्त रोड नामकरण गरेको छ । सडक २५ मिटर चौडा र ३ मिटर अग्लो हुने जनकारीमा आएको छ ।

सडक ३ मिटर अग्लो निर्माण गरिए नेपालका सीमावर्ती क्षेत्र डुबानको उच्च जोखिममा हुने स्थानीयको गुनासो रहेको छ । प्रजिअ विष्णुबहादुर थापाले भारतीय अधिकारीबाट चाँडै सीमावर्ती क्षेत्रमा सडक निर्माण हुने जानकारी पाएको र सडक निर्माणबाट नेपाली भूमि डुबानबारे अध्ययन गरी आवश्यक पहल गर्न पराराष्ट्र मन्त्रालयमा पत्राचार गरिने जनाएका छन् ।

केही दिन अघि भारत सरकारले आतंकबाद रोक्नका लागि पाकिस्तान र बगंलादेशमा पर्खाल लगाउने निर्णय समेत गरेको थियो ।

post image

चैत्र २०, काठमाडौँ । पाकिस्तानको सारगोधा शहरमा रहेको सुफि भन्ने धार्मिक स्थल नजिकै २० जना मानिसहरुको हत्या गरिएको छ साथै कयौँ घाइते भएका छन् । पाकिस्तानको पञ्जाब प्रान्तका एक प्रहरीले जानकारी दिए अनुसार मन्दिरका रक्षक अब्दुल वजिदलाई घटनाको विषयलाई लिएर संकाको घेरामा राखिएको छ ।
उक्त मन्दीर सुफि सन्त र मोहमद अली गुज्जार बाट संचालनमा रहेको थियो । घटना भएको दिनमा उनीहरु दुबै अनुपस्थीत रहेका थिए । घटनामा एक बाचेका व्यक्तीका अनुसार वजिदले आफ्नो कक्षमा एक एक जनालाई बोलाएर विषयुक्त खानेकुरा खुवाएका थिए । वजिद लगायत उसका सर्मथकले छुरी प्रहार समेत गरेका थिए ।
एक महिला उक्त घटना बाट भाग्न सफल भइन् र प्रहरीलाई संकेत दिन सफल भइन । त्यहाँको स्थानीय प्रहरी उक्त संकेत पछि मन्दिरमा गएका थिए । साथै उनीहरुले वजिद र उसका साथीहरुलाई समेत पक्राउ गरेका थिए । ५० बर्षका मन्दिरको हेरचाह गर्ने वजिद मानसिक सन्तुलन ठिक नभएको स्थानीय प्रहरीले जानकारी दिएका छन् ।
वजिदले ती मानिसहरु उसलाई मार्न आएको हुनसक्ने ठानेर आफुले मारेको स्वीकारेका छन् । पाकिस्तानी जियो टेलिभिजनका अनुसार ती मानिसहरुलाई पहिला पिडा दिएर मारिएको थियो । उनीहरुको शरिरमा लुगा समेत थिएन । तीन जना मानिसहरु घटना स्थल बाट भाग्न सफल भएका थिए ।

post image

चैत्र १८, काठमाडौँ । पाकिस्तानको पाराचिनार शहर नजिकै मस्जिदमा आत्मघाती आक्रमणमा परी २२ जनाको मृत्यु भएको छ साथै ७० जना घाईते भएका छन् ।अन्तराष्ट्रिय सञ्चारमाध्यमका अनुसार अफ्गानिस्तानसंगको सीमा क्षेत्र पाराचिनार शहर नजिकै मस्जिदमा प्रार्थनाका लागि जम्मा भएका शिया मुसलमान महिलालाई लक्षित गरी विष्फोट गराईएको थियो ।

विस्फोटको जीम्मा अहिले सम्म कसैले नलिएको कुरा जानकारीमा आएको छ । पाकिस्तानमा गत महिना पनि इश्लामिक स्टेट आईएसले गराएको आत्मघाती आक्रमणमा परी ८० जनाले ज्यान गुमाएका थिए । एजेन्सी

post image

चैत्र १७, काठमाडौं । एसिसी इमर्जिङ कपको अन्तिम खेलमा नेपाललाई हङकङले २१५ रनको चुनौती दिएको छ। बंगलादेशमा भएको खेलमा नेपालले टस जितेर फिल्डिङ रोजेको थियो। हङकङले ५० ओभरमा अलआउट हुँदै २१४ रन बनाउन सक्यो। खेलको सुरुमा हङकङविरुद्ध नेपाली बलरले दवाब पार्न सकेनन्।

कप्तान ज्ञानेन्द्र मल्ल, भुवन कार्की, सुमन भारी, अविनाश कर्णले दुई(दुई विकेट लिए। सन्दीप लामिछानेको पोल्टामा एक विकेट पर्यो । २१ ओभरमा पहिलो विकेट पतन हुँदा हङकङ ९५ रनको स्थितिमा थियो। यस्तै कप्तान ज्ञानेन्द्र मल्लले हङकङका कप्तान अंशुमान राथलाई आउट गरेका थिए। त्यस लगत्तै उनले २३ औं ओभरमा ओपनर क्यामरन एमकुलसनलाई आउट गर्दै हङकङविरुद्ध दवाब बढाएका थिए।

नेपालका लागि सन्दीप लामिछानेले २४ औं ओभरमा तेस्रो विकेट लिए। निजाकात खान ६ रनको स्थितिमा सन्दीपद्वारा आउट भए। त्यसपछि चौथो विकेटका लागि नेपालले १० ओभर पर्खिनु पर्यो । ९ रन बनाएका बबर हायतलाई ३४ औं ओभरमा भुवन कार्कीले आउट गर्दै १० ओभर बलिङ गरेका उनले १ मेडन राख्दै २ विकेट लिएर ५३ रन दिए।

नेपाल एसिसी इमर्जिङ कपबाट बाहिरिई सकेको छ। नेपालले प्रतियोगिताको पहिलो खेलमा पाकिस्तानलाई ६ विकेटको नतिजा सुम्पिएको थियो। दोस्रो खेलमा बंगलादेशसँग ८३ रनले पराजित भएको थियो।

एसियाका टेस्ट राष्ट्रका यु–२३ टोलीसहित चार एसोसिएट राष्ट्र सम्मिलित प्रतियोगिताको दुई समूहका शीर्ष दुई टोलीले सेमिफाइनल खेल्नेछन्। सुरुका दुई हारले सेमिफाइनलको ढोका बन्द भइसकेको छ । नेपालका लागि हङकङसँगको अन्तिम खेल प्रतिष्ठाका लागि मात्रै हो।

post image

चैत्र १७, काठमाडौं । बंगलादेशको कक्स बजारस्थित सेख कमल अन्तराष्ट्रिय क्रिकेट स्टेडियममा नेपालले टस जितेर फिल्डिङ रोजेपछि हङकङले पहिले ब्याटिङ गरेको छ।
बंगलादेशमा भइरहेको एसीसी इमर्जिङ कपको समूह चरणबाटै बाहिरिसकेका नेपाल र हङकङबीच अहिले प्रतिष्ठाको लागि खेल भइरहेको छ ।

पहिलो खेलमा बंगलादेशसँग ८ विकेटको हार बेहोरेको हङकङ दोस्रो खेलमा पाकिस्तानसँग ४४७ रनको फराकिलो अन्तरले पराजित भएको थियो भने जारी प्रतियोगितामा नेपाल पहिलो खेलमा पाकिस्तानसँग ६ विकेट तथा दोस्रो खेलमा आयोजक बंगलादेशसँग ८३ रनले पराजित भएको थियो।

सन् २०१३ मा सिंगापुरमा भएको इमर्जिङ कपमा नेपालले समूह चरणको तिनवटै खेलमा पराजय भोगेको थियो। त्यसैले पनि हङकङ विरुद्धको खेल नेपालको लागि विशेष रहेको छ।

post image

चैत्र १५, काठमाडौं । नेपालले इमर्जिङ टिम्स कप क्रिकेटमा मंगलबार बंगलादेश यू–२३ बाट २५८ रनको लक्ष्य पाएको छ । टस जितेर पहिलो फिल्डिङ रोजेको नेपालले निर्धारित ५० ओभरको खेलमा बंगलादेशलाई २५७ मा रोक्न सफल भएको हो ।

नेपाली बलरले बंगलादेशीको ९ विकेट लिएका थिए । नेपालका बलर अभिनाश कर्ण बंगलादेशका प्रारम्भिक ब्याट्स्म्यानलाई सुरुवाती ओभरमै पेभेलियन फर्काउन सफल भएपछि बंगलादेशलाई नेपालले सस्तोमै समेट्न सफल भएको थियो । कर्णले ३ विकेट लिएका थिए भने सन्दीप लामिछानेले २ विकेट लिएर उनलाई साथ दिए ।

मेहबुब आलम, दीपेन्द्र एेरी र ज्ञानेन्द्र मल्लले पनि १–१ विकेट लिएका थिए । बंगलादेशका लागि नासिर हुसैनले अविजित १०९ रन बनाएका थिए भने अर्का ब्याट्स्म्यान मोमिनुल हकले ६१ रन बनाएका थिए ।

post image

चैत्र ८, काठमाण्डौं । तिब्बती बौद्ध धर्मगुरू दलाइ लामालाई अन्तर्राष्ट्रिय बौद्धिष्ट सेमिनारमा बोलाएपछि चीन र भारतको  सम्बन्धमा चिसोपना आएको छ । भारतीय समाचार एजेन्सी प्रेस ट्रष्ट अफ इन्डियाका अनुसार दलाइ लामालाई बिहारको एक बौद्धिष्ट सेमिनार उद्‌घाटन गर्न बोलाएकोमा आपत्ति जनाएको हो ।

पीटीआइले चाइना टुडेको हवला दिँदै चिनियाँ विदेश मन्त्रालयका प्रवक्ता हुवा चुङछिङले संवाददाता सँग भनेकी छिन्, ‘चीनको विरुद्धमा उभिने दलाइ लामालाई भारतले बौद्धिष्ट सेमिनारमा बोलाएर सम्मानन दिएको छ ।  यसमा चीन विरोध र तीव्र असन्तुष्ट व्यक्त गर्दछ। उनले भनेकी छिन्, ‘ तिब्बत र यससँग सम्बन्धित प्रश्नकप्रति प्रतिवद्धता जनाउँदै भारतमा चीन विरोधी गतिविधिलाई रोक्नत आग्रह गर्दछु ।  भारत र चीनको सम्बन्धलाई थप कमजोर नबनाउन आग्रह गर्दछु ।’

तिब्बती बौद्ध धर्मगुरू दलाइ लामालाई अन्तर्राष्ट्रिय बौद्धिष्ट सेमिनारमा बोलाएपछि चीन र भारतको सम्बन्धमा चिसोपना आएको छ । भारतीय समाचार एजेन्सी प्रेस ट्रष्ट अफ इन्डियाका अनुसार दलाइ लामालाई बिहारको एक बौद्धिष्ट सेमिनार उद्‌घाटन गर्न बोलाएकोमा आपत्ति जनाएको हो । धर्मगुरु लामाले बिहारको नालन्दा जिल्लाको राजगीरमा १७ मार्चमा राजधानी बौद्ध धर्मबाट एउटा अन्तराष्ट्रिय बौद्ध गोष्ठीको उद्‌घाटन गरेका थिए ।

राजधानी पटनादेखि करीब सय किलोमिटरको दूरीमा रहेको छ । विभिन्न् देशका बौद्ध भिक्षु तथा विद्वानले ‘२१ औ शताब्दीमा बौद्ध धर्म’ नामक सेमिनारमा छलफल गरेका थिए। यही महिनाको सुरुमा चीनले भारतको अरुणाचल प्रदेशमा आउन दलाइ लामालाई अनुमति दिने बारेमा विरोध गरेको थियो ।

post image

फाल्गुन २५,


चाइनाका विदेश मन्त्री वाङ इ ले लगातार उत्तर कोरीयालाई   रिस उठाउने खालको कदमको सट्टा दक्षिणकोरीया र संयुक्त राज्य अमेरीकाले सैनिक संझौतालाई रोक्दा उचित हुने कुरा बताए ।
उत्तर कोरीयाले अन्तराष्ट्रीय कानुन तोडेर सोमबार ४ वटा मिसाइलको परिक्षण गरेको थियो जुन जापानको समुद्रमा आएर उक्त देशको आर्थिक क्षेत्र भित्र समेत असर गरेको थियो ।
जवाफमा अमेरिकाले दक्षिण कोरीयामा मिसाइल रोक्ने सीस्टम बनाउने कुरा गर्यो ।
चाइनाको वार्षिक संसदको मिटिङमा बोल्दै वाङले भने दुई कोरीयन प्रायदीप भनेको दुइवटा चलीरहेको रेल हो जुन एक अर्काको आमने सामने भएर चलेको छ दुवै नै बाटो दिने पक्षमा छैन ।
उनले सोधे के दुवै नै साढे जुधेको जसरी जुध्ने हो ?
एउटा आपसी सल्लाहले सैनिकी कार्य रोक्नु पर्छ जुन तनाव ग्रस्त स्थीति साम्य पार्नको र सहमतीको लागि नयाँ वातावरण पैदा गर्नको निम्ती पहिलो कदम हनेछ । उनले भने ।

post image

पुष ५, काठमाडौं ।  भारतमा सम्पन्न दशौं अन्तर्राष्ट्रिय एस्ट्रोनोमी तथा एस्ट्रोफिजिक्स ओलिम्पियाडमा नेपाललाई पदक प्राप्त भएको छ। मङ्सिर २४ देखि पुष ४ सम्म सन्चालित प्रतियोगिता भाग लिएको नेपाली टोली पदक सहित पुष ५ गते नेपाल आइपुगेको हो। टोलीका लागि चेल्सी ईन्टरनेशनल एकेडेमीका विजय चन्द्र लुईटेलले ‘अनररी मेन्सन’ पदक जितेका हुन्। उक्त प्रतियोगितमा नेपाल लगायत ४२ देशका २३४ विद्यार्थीले भाग लिएका थिए।
award1यस बर्ष जेठ २९ गते देखि भदौ १५ सम्म सन्चालित ‘तेस्रो राष्ट्रिय एस्ट्रोनोमी ओलिम्पियाड २०१६ नेपाल’ प्रतियोगितामा काठमाडौं, बिराटनगर, चितवन र पोखराका जम्मा १८८ जना विद्यार्थीले आवेदन दिएका थिए भने उत्कृष्ट पाँच विद्यार्थीलाई नेपाली टोलीमा सामेल गरिएको थियो। नेपाली टोलीको नेतृत्व सुरेश भट्टराई तथा मनिषा द्वाले गर्नुभएको थियो।

post image

पुस १,काठमाडौं । उन्नाइस वर्षमुनिको (यु–१९) एसिया कप क्रिकेट प्रतियोगितामा नेपालले आज अर्को टेस्ट खेल्ने राष्ट्र भारतको सामना गर्दैछ । कोलम्बो क्रिकेट ग्राउण्डमा भइरहेको खेलमा नेपालले टस जितेर पहिलो ब्याटिङ गरेको छ ।

हिजो भएको खेलमा श्रीलंकासँग नेपाल जीतको नजिक पुगेर एक रनको झिनो अन्तरले पराजित भएको थियो । श्रीलङ्काले नेपाललाई दिएको २२८ रनको चुनौती पछ्याउने क्रममा नेपालले अन्तिम ओभरमा २२६ रनमा आलआउट हुन पुग्यो ।

नेपालका लागि दिपेन्द्र सिंह ऐरेले सर्वाधिक ९० रन बनाए पनि अन्तिम ओभरमा आउट हुँदै नेपाललाई जित दिलाउनबाट बञ्चित रहे । श्रीलङ्कामा जारी प्रतियोगितामा नेपाल समूह ए मा रहेको छ । नेपालको समूहमा श्रीलङ्का, भारत र मलेसिया पनि छन् । त्यसैगरी समूह बी मा पाकिस्तान, अफगानिस्तान, सिङ्गापुर र बङ्गलादेश छन् ।

post image

मंसिर १९, काठमाडौं । भारतले नेपालको संविधान संशोधनका लागि संसदमा विधेयक पेश हुनुलाई एउटा महत्वपूर्ण कदम भनेको छ । भारतीय विदेश मन्त्रालयका प्रवक्ताको भनाइ उधृत गर्दै नेपालस्थित भारतीय दूतवासले संविधान संशोधनको विधेयक आएसँगै सबै पक्ष यसमा समेटिने आशा व्यक्त गरेको छ । दूतावासले यो विधेयक सफलतापूर्वक निष्कर्षमा पुग्ने अपेक्षा गरेको छ ।

नेपालको एक निकट छिमेकी हुनुको नाताले भारत यहाँको शान्ति, स्थिरता र विकासप्रति सधैं सहयोगी रहेको समेत दूतावासले जारी गरेको विज्ञप्तिमा उल्लेख छ । यसअघि शनिवारमात्रै भारतीय राजदूत रणजित रायले मधेसी मोर्चाका शीर्ष नेताहरुलाई दूतावासमै बोलाएर दिवाभोज दिएका थिए । उनले मोर्चाका नेताहरुलाई सरकारले संसदमा दर्ता गराएको संविधान संशोधन विधेयक पारित गर्न सुझाव दिएका थिए ।

त्यसलगत्तै प्रधानमन्त्री प्रचण्डलाई भेटेका राजदूत रायले एमाले बाहेक पनि संसदमा दुई तिहाई बहुमत पुर्‍याउन मधेसी मोर्चाले सघाउने आश्वासन दिएको स्रोतले जनाएको छ । भारतले नेपालको संविधान अझै समावेशी हुन नसकेको भन्दै स्वागत गरेको छैन । उसले असन्तुष्ट सबैलाई समेटिने गरी संशोधन गर्न सुझाव दिँदै आएको छ ।

post image

मंसिर ११, लुम्बिनी । भगवान् गौतम बुद्धको जन्मस्थल लुम्बिनीमा विश्वकै ठूलो थान्का आजदेखि प्रदर्शनीका लागि राखिएको छ । दुई दिनका लागि विश्वकै ठूलो ५० मिटर चौडाइ र ७० मिटर लम्बाइ भएको थान्का प्रदर्शनीका लागि लुम्बिनीमा राखिएको हो । नेपाल–जापान कूटनीतिक सम्बन्धको ६० वर्ष पूरा गरेको अवसरमा भगवान् गौतम बुद्धको जन्मस्थल लुम्बिनीमा विश्वकै ठूलो थान्का प्रदर्शनीका लागि राखिएको हो । थान्का लुम्बिनीको हेलिप्याडमा प्रदर्शनीका लागि राखिएको छ ।

थान्का प्रदर्शनी कार्यक्रममा धर्म स्वामी बुद्ध विहार लुम्बिनीका प्रमुख धर्मगुरु टाक्य विष्ट लामाले विश्व शान्तिको कामना गरे । थान्का प्रदर्शनी कार्यक्रममा थान्का बनाउन विशेष भूमिका खेल्ने नेपाल बौद्ध संरक्षण समितिका अध्यक्ष सूर्यबहादुर थकाली र एनपिओ एम २१ नेटवर्क जापानका अध्यक्ष यासुतादा कातागिरीले उक्त थान्का नेपालमै बुद्ध जन्मस्थल लुम्बिनीमा राख्न पहल गर्न नेपाल सरकारसँग आग्रह गरे ।

रुपन्देहीका प्रजिअ विष्णुप्रसाद ढकालले लुम्बिनीमा थान्का राख्न सक्दो पहल गर्ने प्रतिबद्धता जनाउँदै त्यसका लागि सरोकारवाला निकायलाई अग्रसरता देखाउन आग्रह गरे।

नेपाल बौद्ध महासङ्घ रुपन्देही तथा प्रदर्शनी मूल व्यवस्थापन समितिका संयोजक इन्द्रबहादुर गुरुङले बुद्ध जन्मस्थल लुम्बिनीमा उहाँकै जन्मदेखि समबोधिलाभ, धर्मचक्र प्रवर्तन तथा महापरिनिर्वाणसम्मका घटना उल्लेख भएको थान्का प्रदर्शनी हुनु अत्यन्तै महत्वपूर्ण भएको भन्दै त्यसलाई लुम्बिनीमा राख्नुपर्नेमा जोड दिए ।

प्रदर्शनी व्यवस्थापन समितिका सदस्य कमल थापाले पहिलो दिन करिब ३० हजार जनाद्वारा थान्का अवलोकन भएको जानकारी दिए । यो समय लुम्बिनीमा स्वदेशी तथा विदेशी पर्यटकको घुइँचो लाग्ने भएकाले करिब ५० हजारदेखि एक लाखसम्मले अवलोकन गर्ने व्यवस्थापन समितिले अपेक्षा गरेका छन् । थान्का अवलोकनका लागि निःशुल्क प्रवेशको व्यवस्था मिलाइएको छ ।

post image

मंसिर १०, काठमाण्डौं ।घर शान्ति नै विश्व शान्तिको आधारः दिगो विकासका लागि लैङ्कि हिंसारहित समाज भन्ने नाराका साथ लैङ्गिक हिंसाविरुद्धको सोह्रदिने अभियान–२०१६ शुक्रबारदेखि सुरु हुँदैछ । घर घरमा भइरहेको महिला हिंसाविरुद्ध जागरण गराउने उद्देश्यले देशैभर अभियान सञ्चालन गरिने राष्ट्रिय महिला आयोगले जनाएको छ ।

प्रत्येक वर्ष नोभेम्बर २५ देखि डिसेम्बर १० (मङ्सिर १० देखि २५तिर) सम्म मनाइने दिवसका अवसरमा महिला, बालिबालिका तथा समाजकल्याण मन्त्रालयसहित विभिन्न गैरसरकारी संस्थाको उपस्थितिमा थुप्रै कार्यक्रम गरिने छ । सो अनुसार हाजिरीजवाफ, किशोरकिशोरीलाई अभिमुखीकरण, महिलाका विषयमा भएका कानुनका विषयमा जानकारी, महिला हिंसाविरुद्धका नाटक आदि प्रस्तुत गरिने छन् ।

लैङ्गिक हिंसा अन्त्यको प्रयासस्वरुप सन् १९९१ मा सेन्टर फर ओमन्स ग्लोबल लिडरसिपको सहयोगमा २० देशका २३ उत्साहित महिलाको समूहले लैङ्गिक हिंसाविरुद्ध १६ दिने अभियानको सुरुआत गरी विश्वलाई अभियानमा जुट्न आह्वान गरेको थियो । हरेक वर्ष अङ्ग्रेजी महिनाको नोभेम्बर २५(महिला विरुद्धको अन्तराष्ट्रिय दिवस)बाट सुरु गरी डिसेम्बर १० (अन्तर्राष्ट्रिय मानवअधिकार दिवस) सम्म अभियान सञ्चालन गरिन्छ ।

यसैबीच, राष्ट्रपति विद्यादेवी भण्डारीले महिलामाथि हुने हिंसाविरुद्धको अन्तर्राष्ट्रिय दिवसका अवसरमा स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइको सुख, समृद्धि र सुस्वास्थ्यका लागि शुभकामना व्यक्त गरेकी छन् ।

जनसङ्ख्याको आधाभन्दा बढी हिस्सा ओगटेका महिलाहरु परिवार, समाज र राज्यमा बराबर हिस्सा राख्ने सम्मान र प्रतिष्ठाका हकदार हुन् तर बोक्सीको आरोप, दाइजोको लेनदेन, छाउपडी जस्ता कुप्रथा कानुनले निषेध गरिसक्दा समेत अन्धविश्वास र चेतनाको कमीले गर्दा अहिले पनि हाम्रो समाजमा उनीहरु हिंसा, विभेद, अपमान र पीडा खप्न बाध्य छन् भन्दै राष्ट्रपतिले समाजमा व्याप्त अन्धविश्वास, रुढी र कुसंस्कारलाई अन्त्य गर्न चेतना र जागरण फैलाउनुपर्ने र महिलाविरुद्ध हिंसा गर्नेलाई कानुनी कारबाही गर्न राज्य संयन्त्र प्रभावकारी हुनुपर्नेमा जोड दिइन् ।

सामाजिक रुपमा समेत महिला हिंसालाई निषेध र निरुत्साहन गरी उनीहरुविरुद्ध हुने हिंसाविरुद्धको अन्तर्राष्ट्रिय दिवसले मर्यादित समाज निर्माण गर्न सबैमा उत्प्रेरणा प्रदान गरोस् भन्ने कामना पनि राष्ट्रपतिले गरेकी छन् ।

 

post image

मंसिर ७, काठमाडौ । मेगा बैंकका नायब महाप्रबन्धक रविना देशराज श्रेष्ठले कोरियाबाट प्रदान गरिने अन्तर्राष्ट्रिय अवार्ड ग्रहण गर्नुभएको छ ।  एशिया मेडिकल एस्थेटिक कंग्रेसको अवसरमा उहाँलाई एशिया टप ब्राण्ड मास्टर ग्राण्ड अवार्ड प्रदान गरिएको हो । बैंकिङ क्षेत्रसँगसँगै देशको आर्थिक विकास, मानवीय तथा सामाजिक कार्यमा विशेष योगदान पुराएका कारण श्रेष्ठलाई अवार्ड प्रदान गरिएको आयोजकले जनाएको छ ।

rabinmaसमारोहमा विभिन्न देशका महिला उद्यमी तथा पेशा व्यवसायमा सक्रिय व्यक्तिहरुलाई अवार्ड प्रदान गरिएको थियो । अवार्डबाट आफू अत्यन्तै उत्साहित भएको श्रेष्ठले बताउनुभयो । ‘नेपालको आर्थिक तथा सामाजिक क्षेत्रमा थप सक्रिय रहन मलाई यस अवार्डले प्रोत्साहन मिलेको छ ।’ अवार्ड ग्रहण गरेपछि श्रेष्ठले भन्नुभयो ।
यसअघि पनि उहाँले सिंगापुरबाट ‘लेडी अफ एक्सिलेन्स अवार्ड’, मलेसियाबाट प्रदान गरिने ‘२१ औं शताब्दी गोल्डेन फोनिक्स अवार्ड’ जित्नुभएको थियो । यसैगरी, अमेरिकाको किंग्स विश्विद्यालयले उहाँलाई मानार्थ विद्यावारिथीको उपाधि दिएको थियो । उहाँले स्वदेशमा पनि बैंकिङ तथा सामाजिक क्षेत्रका थुप्रै पुरस्कार तथा सम्मान पाउनुभएको छ ।
अवार्ड विजेता श्रेष्ठ स्थापनाकालदेखि नै मेगा बैंक नेपाल लिमिटेडको नायब महाप्रबन्धक हुनुहुन्छ । भारतको कलकत्तास्थित मदन टेरेसाज होम फर द ओल्ड एण्ड चिल्ड्रेनबाट आफ्नो करिअर सुरु गर्नुभएकी श्रेष्ठले स्ट्याण्डर्ड चार्टर्ड बैंक, नबिल बैंकमा समेत काम गरिसक्नुभएको छ ।

post image

मंसिर ३, प्यूठान । भारतको केरला एर्णाकुलम जिल्ला र आलापूणा जिल्लाको सिमानामा नेपाली मजदुर सवार यात्रुबाहक बस दुर्घटना हुँदा चार नेपाली बेपत्ता भएका छन् ।

एउटै ठाउँमा दिनभरिको काम सकेर बेलुका कम्पनीको गाडीमा फर्कने क्रममा पुलबाट बस नदीमा खसेको थियो । त्यस बसमा आठ नेपाली र सवारीचालक परेको दुर्घटनास्थलमा पुगेका प्यूठान बेलाबास–७ का चेतनारायण घिमिरेले जानकारी दिए ।

दुर्घटनामा परी प्यूठान खाल–१ का गोमन घर्ती र श्यामबहादुर पुन, खाल–९ का हिमलाल तिर्के र रोल्पा घोडागाउँका मधु केसी बेपत्ता भएका छन् । दुर्घटनामा परेका भिंगृ–६ प्यूठानका पदमबहादुर रोका, भिंगृ–८ का जङ्गबहादुर विक र उक्टबहादुर आले, भिंगृ–४ का सुरेश रोकालाई माछा मार्ने स्थानीयवासीले उद्धार गरेका छन् ।

दुर्घटनास्थलमा अहिले बेपत्ताको खोजी जारी रहेको मूलप्रवाह अखिल भारत नेपाली एकता समाज कोचिन नगर समितिले जनाएको छ । उद्धार र बेपत्ताको खोजीका लागि नगर सहसचिव रमेश नागरी, सदस्य बाबुराम केसी र शेरबहादुर विक नेतृत्वमा नेपालीहरु घटनास्थलमा पुगेका छन् । रासस

post image

मंसिर २,काठमाडौं ।  नेपालीसँग भएको पच्चीस हजार भारुसम्म सटही सुविधाका लागि सरकारले तत्काल भारतीय पक्षसँग गम्भीर छलफल गर्नुपर्नेमा अर्थविदहरुले जोड दिएका छन् । २५ हजार रुपैयाँ भारु राख्न पाउने व्यवस्था भएकाले उक्त परिमाणको रकम साट्न सरकारले भारतसँग विशेष छलफल गर्नुपर्नेमा उनीहरुको जोड थियो ।

1234मिडिया इन्टरनेसनलले राजधानीमा आयोजना गरेको साक्षात्कार कार्यक्रममा बोल्दै पूर्व अर्थमन्त्री शंकरप्रसाद कोइरालाले भारतले भारु ५ सय र १ हजार दरका नोटमा प्रतिबन्ध लगाएपछि नेपाललाई पनि त्यसको प्रत्यक्ष असर परेको भन्दै त्यसको समाधानका लागि सरकारले गम्भीर पहल गर्नुपर्ने बताए । सरकारले अहिले गरिरहेको प्रयास पर्याप्त नभएको उनको भनाई थियो । ‘अहिले पनि प्रधानमन्त्री र राष्ट्र बैंकका गभर्नरले भारतीय पक्षसँग कुराकानी गरिरहनुभएको छ भन्ने कुरा आएको छ त्यो पर्याप्त देखिदैन ।’ उनले भने, ‘सरकारले यसबारे अझै प्रभावकारी कदम चाल्न आवश्यक छ ।’ भारतीय कदमबाट नेपालीहरुले विदेशी मुद्रा धेरै सञ्चय गरेर राख्न नहुने पाठ सिक्नुपर्ने उनले बताए ।

bharu1कार्यक्रममा बोल्दै पुर्व गभर्नर एवम् अर्थविद् डा. तिलक रावलले भारतले त्यहाँको ठूलो पुराना नोट ‘अवमूल्यन’ गरेयता आफ्नै जनताको समस्या समाधान गर्न नसकिरहेका बेला नेपाल सरकारले पत्र पठाउनेवित्तकै सम्बोधन गर्छ भनेर अपेक्षा गर्न नसकिने बताए । यद्यपी सरकारले पहल जारी राख्नुपर्नेमा उनको जोड थियो । ‘राष्ट्र बैंकले वा सरकारले पत्र लेख्नेवित्तिकै तुरुन्तै भारतले पैसा साटिदिन्छ भन्ने कुरा होइन’, रावलले भने, ‘त्यसैले पैसा साटिएन भनेर तुरुन्तै आत्तिहाल्नुपर्ने अवस्था पनि छैन ।’ भारत सरकारकै आग्रह अनुसार राष्ट्र बैंकले नेपालमा ५ सय र १ हजारको भारु नोट चलनचल्तीमा ल्याएको स्मरण गर्दै पूर्व गभर्नर रावलले भने, ‘भारतले पनि नैतिक रुपमा नेपालीसँग भएको रकम साट्नुपर्छ ।’ नेपालीहरुले पनि अब आफ्नै देशको मुद्रा पनि गोजिमा वा सिरानी मुनी नराखी बैंक तथा वित्तीय संस्थामा राख्न पाठ सिक्नुपर्ने उनको भनाई थियो ।

123अर्थविद् डा. डिल्लीराज खनालले भारु नोटका विषयमा भारतले हालै चालेको कदम नौलो नभएपनि नेपालमा त्यसको प्रभाव गहिरो रुपले परेको औँल्याए । २५ हजारसम्म भारु नोट राख्न पाउने गरी सरकारले नै व्यवस्था गरेकाले उक्त परिमाणमा रकम साट्ने व्यवस्था मिलाईदिने दायित्व सरकारको भएको खनालको भनाई थियो । उनले भने, ‘अब सरकारले कसरी हुन्छ, नेपालीसँग भएको रकम साट्नको लागि भारतलाई सहमत गराउनुपर्छ ।’ भारत सरकारलाई आफ्नै जनतासँग भएको भारु साट्न समेत अप्ठेरो परिरहेका बेला नेपालीसँग भएको भारु त्यति सजिलै नसाट्ने भन्दै खनालले भने, ‘नेपाली पक्षले अलि गम्भीरतापूर्वक कुरा राख्नुपर्छ ।’

bharu2कार्यक्रममा अर्थविद् डा. हरि रोकाले कुनै पनि राष्ट्रमा परिस्थितिअनुसार ‘मनि डिमोर्टिलाईज’ गर्नु अस्वभाविक नभएपनि पछिल्लो भारतीय कदम पूर्ण रुपमा मौद्रिक व्यवस्थापनसँग सम्बन्धित नभएको टिप्पणी गरे । उत्तर प्रदेशसहित दुई ठूला प्रदेशमा हुन लागेको निर्वाचनमा विपक्षीबाट हुन सक्ने पैसाको चलखेल रोक्न र आफ्नो प्रभुत्व कायम राख्न भारतीय प्रधानमन्त्री नरेन्द्र मोदीको ‘स्मार्ट पोलिटिकल मुभ’ (चलाखीपूर्ण राजनीतिक कदम) भएको उनको भनाई थियो । भारतीय कदमबाट नेपाललाई परेको प्रभाव न्युनिकरण गर्न सरकारले नै तिब्र र प्रभावकारी पहल गर्नुपर्ने उनले बताए । ‘भारतकै हितअनुकुल प्रतिबन्धित ५ सय र १ हजारका नोट नेपालमा चलाउन थालिएको थियो ।’ अर्थविद रोकाले भने, ‘पच्चीस हजार भारुसम्म सटही सुविधाका लागि सरकारले तत्काल भारतीय पक्षसँग गम्भीर छलफल गर्नुपर्छ ।’

कालोधन, आतंकवाद र नक्कली नोटलाई निरुत्साहित गर्न भन्दै गतसाता भारतीय प्रधानमन्त्री नरेन्द्र मोदीले ५ सय र १ हजार भारु नोटमा प्रतिबन्ध लगाएको घोषणा गरेका थिए । भारतले उक्त दरका नोटमा प्रतिबन्ध लगाएको भोलिपल्टै अर्थात गत शुक्रबारै नेपालीसँग भएको भारु सटहीका लागि आग्रह गर्दै नेपाल राष्ट्र बैंकले पत्र पठाएपनि भारतले त्यसको जवाफ दिएको छैन । पत्र बुझेको एकसाता पुग्दासमेत भारतबाट कुनै जवाफ नआएपछि आफुसँग भएको रकम नसाटिने आशंकामा सर्वसाधरणमा चिन्ता बढ्दै गएको छ । राष्ट्र बैंकका गभर्नर डा. चिरञ्जिीबि नेपालले पनि भारतीय समकक्षी उर्जित पटेलसहित भारतीय राजदूत रणजीति रायलगायतका भारतीय अधिकारीसँग पटक–पटक छलफल तथा वार्ता गरिरहेका छन् ।

नेपाल राष्ट्र बैंकले बैंकिङ प्रणालीअन्तर्गत ३ करोड ३६ लाख ९० हजार भारु रहेको बताएपनि सीमा क्षेत्रका नेपालीसँग त्यो भन्दा पाँच गुणा बढी भारु रहेको ठानिएको छ । सुदुरपश्चिममा मात्रै पाँच अर्बभन्दा बढी भारु रहेको अनुमान गरिएको छ ।

post image

कार्तिक ३०, भारत । भारतले पाँच सय र हजारका नोटमा प्रतिबन्ध लगाएपछि नोट सटही गर्नको लागि भारतीय प्रधानमन्त्री नरेन्द्र मोदीकी आमा नै लाइनमा बसेकी छन्। मोदीकी आमा हीराबा मोदी आफै ओरिएन्टल बैकमा लाइनमा बसेर पैसा साटेकी हुन् ।

उनको आमाले बैकमा पुगेर साढे चार हजार रुपैया फर्म भरेर नयाँ नोट सटही गरेकी हुन्। उनी नोट साट्न धान्धीनगरुको रायसन इलाकामा पुगेकी थिइन्।

भारतले कालो धन पत्ता लगाउन पुरानो भारतीय पाँच र हजारका नोट प्रतिबन्ध लगाएको थियो। यसले भारतका धेरै प्रदेश र क्षेत्रमा पैसा सटही गर्न सर्वसाधारणलाई सास्ती भइरहेको छ। यस्तै भारत लगायत उसका छिमेकी मुलुकमा पनि यसले प्रभाव पारिरहेको छ।

 

post image

कार्तिक २८, काठमाण्डौं । सरकारमा उपप्रधान तथा गृहमन्त्री बिमलेन्द्र नीधिले सुरक्षित मातृत्वको कार्यक्रमलाई अझै प्रभावकारी बनाउनका लागि देशका ७५ वटै जिल्ला र देशका कुनाकन्धरामा कार्यक्रमहरु लैजानु आवश्यक भएको बताएका छन् । सुरक्षित मातृत्व संजाल महासंघ नेपालको चौथो राष्ट्रिय सम्मेलनको उद्घाटन गर्दै मन्त्री निधीले अलिे वपनि देशैभर सुरक्षित मातृत्वका लागि कार्यक्रमहरु संचालन भईरहेको भएता पनि घरमै सुत्केरी गराउने प्रबृती कायमै रहेकोमा चिन्ता ब्यक्त गर्दै सरोकारवाला पक्षले अझै बढी जनचेतना र सचेतना कार्यक्तम अवलम्बन गर्नु पर्ने आवश्यकता रहेको बताए ।
baulaha-kajiउनले सरकारले सुरक्षित मातृत्वका साथै नवजात शिशुको स्याहारका लागि पनि देशैभरी बिभिन्न कार्यक्तमहरु संचालन गरीरहेको जानकारी दिए । कार्यक्रममा बोल्दै सुरक्षित मातृत्व संजाल महासंघका अध्यक्ष अध्यक्ष डाक्टर आरजु राणा देउवाले सुरक्षीत आमा बिना समुन्नत समाज र देश बन्न नसक्ने बताउँदै सुरक्षीत मातृत्वका लागि महासंघ सधै कटीबद्ध रहेको धारणा ब्यक्त गनरीन् । स्वास्थ्य मन्त्रालय,परिवार स्वास्थ्य महाशाखा तथा सुरक्षित मातृत्व संजाल महासंघको संयुक्त आयोजनामा यही कार्तिक २८ गतेदेखि ३० गतेसम्म काठमाण्डौमा सुरक्षित मातृत्व सम्वन्धि चौथो राष्ट्रिय सम्लन आयोजना भएको छ ।

15046323_1137800572955522_1653501470_nस्वास्थ्य मन्त्रालय,परिवार स्वास्थ्य महाशाखा तथा सुरक्षित मातृत्व संजाल महासंघको संयुक्त आयोजनामा प्रत्येक ५ बर्षमा एकपटक यस्तो सम्मेलन आयोजना हुदै आईरहेको छ । बिगतमा सन् २०००,सन् २००६ र सन् २०११ मा तिनवटा सम्मेलन आयोजना भईसकेका छन् । यस पटक आयोजना हुन लागीरहेको सम्मेलनले सुरक्षित मातृत्व र नवजात शिशुको स्वस्थ सुरक्षित राख्न अपनाईने तरीका भन्ने बिषयलाई मूल बिषय बनाई अघि सारेको छ । यस पटककको सम्मेलनमा सुरक्षित मातृत्व र प्रजनन् स्वास्थ्यसँग सम्वन्धित बिभिन्न शिर्षकमा आठवटा कार्यपत्र प्रस्तुत गरीने सुरक्षित मातृत्व संजाल महासंघकी अध्यक्ष डाक्टर आरजु राणा देउवाले जानकारी गराउनु भयो ।

बिक्रम सम्वत् २०५३ सालमा स्थापना भएको सुरक्षित मातृत्व संजाल महासंघले स्वास्थ्य मन्त्रालय,परिवार स्वास्थ्य महाशाखा र बिभिन्न राष्ट्रिय तथा अन्तराष्ट्रिय संघसंस्थासँगको साझेदारीमा सुरक्षित मातृत्व र नवजात शिशु स्याहारका क्षेत्रमा काम गर्दै आईरहेको छ । महासंघले स्वास्थ्य मन्त्रालयसँगको सहकार्यमा देशका ७२ वटै जिल्लामा बिभिन्न कार्यक्रमहरु संचालन गरीरहेको छ । तीन तिदनसम्म संचालन हुने यस सम्मेलनमा ६५ जिल्लाका पब्लिक हेल्थ नर्सहरु,नेपाल सरकारका प्रतिनिधिहरु, ग्रामीण क्षेत्रमा काम गर्ने गैरसरकारी संस्थाका प्रतिनिधिहरु लगायत बिभिन्न क्षेत्रका ३ सयभन्दा बढी ब्यक्तिहरु सहभागी रहेको महासंघले जनाएको छ ।

post image

कार्तिक २६, काठमाण्डौं । पूर्वअर्थमन्त्रीहरुले छिमेकी मुलुक भारतले आफ्नो ५०० र १००० का नोटमा लगाएको प्रतिवन्धपछि नेपालमा पर्ने असरबारे सरकारको ध्यानाकर्षण गराएका छन् । व्यवस्थापिका संसदको शुक्रबारको बैठकमा पूर्वअर्थमन्त्री डा. रामशरण महत र सुरेन्द्र पाण्डेले नेपालीहरुको हितका लागि सरकारले काम गर्नु पर्ने बताएका छन् । साथै कालोधनलाई सेतो बनाउन सक्ने भन्दै सरकार सचेत हुनु पर्नेमा समेत पूर्वअर्थमन्त्रीको जोड छ ।

त्यस्तै संसदमा बोल्दै एमाले नेता एवं पूर्वअर्थमन्त्री पाण्डेले नेपालीहरुको हितका लागि सरकारले पहल गर्नुपर्ने बताएका छन् । उनले भने, नेपालमा फेरि कालोधनका रुपमा सटही गर्ने अवसरका रुपमा प्रयोग नहोस् । भारतले आफ्नो नोटमा प्रतिबन्ध लगाएको घटनाबाट नेपालले सिक्नुपर्ने बताउँदै पूर्वमन्त्री पाण्डेले पैसा बैंकमा राख्ने बानी बसाल्नुपर्ने र विदेशी नोटको प्रयोगमा समेच हुनुपर्ने पाठ यो घटनाले सिकाएको बताए ।
पूर्वअर्थमन्त्री डा. महतले भारत सरकारको निर्णयले सीमा क्षेत्रका साना व्यवसायी र भारतमा काम गर्ने नेपालीहरु मारमा पर्ने भन्दै सरकारको ध्यानाकर्षण गराए । उनले स्रोत खुलेका, साना व्यवसायी र भारतमा काम गर्नेहरुको हित रक्षाका लागि सरकारले तुरुन्त कदम चालोस् । अर्थमन्त्री स्वयंम क्रियाशील हुनुपर्योो र प्रधानमन्त्रीले जागर देखाउनुपर्योस ।’ यसरी काम गर्दा नेपालका साथै भारतमा भएका कालोधनलाई सेतो बनाउन सक्नेतर्फ उनले सचेत गराए ।
पूर्वअर्थमन्त्री महतले भारतबाट कालो धन नेपाल भित्रिने सम्भावना रहेको भन्दै प्रधानमन्त्री प्रचण्ड र अर्थमन्त्री कृष्णबहादुर महराको ध्यानाकर्षण गराए । सदनमा बोल्ने क्रममा डा. महतले राष्ट्र बैंकलाई उधृत गर्दै नेपालमा करिब ३ करोड भारतीय रुपैयाँ रहेको बताएका थिए भने पूर्वअर्थमन्त्री पाण्डेले चाँहि नेपालको बैंकमा साढे ३ करोड भारतीय रुपैयाँ रहेको बताएका थिए ।

post image

कार्तिक २४, नयाँदिल्ली । भारतीय सरकारले चलनचल्तीमा रहेका एक हजार र पाँच सयको नोटमा प्रतिबन्ध लगाएसंगै भारतभर सम्पूर्ण बैंक तथा बित्तिय संस्थाहरु आज एक दिनलाई बन्द भएका छन् । एटीएममा आज सर्वसाधरणले प्रतिव्यक्ति दैनिक दुई हजार र भोली ४ हजार रुपैयाँ मात्र निकाल्न पाउने व्यवस्था गरिएको छ । बैंकहरुमा तत्काल सरकारी निर्णय अनुसार पुरानो नोट बिस्थापन गरी नयाँ नोट ल्याउने तयारी स्वरुप आज सम्पुर्ण बित्तिय संस्था बन्द गरिएको हो ।

हाल सर्वसाधारणका साथमा रहेका पुराना नोटलाई आगामी पचास दिनभित्र सटही गरिदिन  बैंकलाई सरकारले निर्देशन दिइएको छ । भारतीय प्रधानमन्त्री नरेन्द्र मोदीले हिजो राष्ट्रका नाममा सम्बोधन गर्दै एक हजार र पाँच सयको चलन चल्तीमा रहेका नोटलाई प्रतिबन्ध लगाउने घोषणा गर्नुभएको हो । प्रधानमन्त्रीको घोषणा लगत्तै गएराती १२ बजेबाट भारतमा एक हजार र पाँच सयको नोट प्रयोग बन्द भएको हो ।

भारतीय सरकारको नयाँ प्रावधानअनुसार सर्वसाधारणले नोभेम्बर १० अर्थात भोलीदेखि आगामी डिसेम्बर ३० सम्ममा हजार र पाँचसयका नोट बैंक वा हुलाक कार्यालयमा गएर साटिसक्नुपर्ने छ । सरकारले कालोधन कारोबार रोक्न भन्दै यस्तो व्यवस्था गर्नुपरेको बताएको छ ।   भारतीय सरकारले नक्कली नोटको कारवार र कालोधनलाई निरुत्साहित गर्ने पछिल्लो कदम चालेपनि सर्वसाधरण भने अकस्मात आएको सरकारी निर्णयले निकै समस्यामा परेका छन् ।

post image

कार्तिक् २३, नयाँदिल्ली । भारत भ्रमणमा रहेका नेपाली काँग्रेसका सभापति शेरबहादुर देउवा र भारतीय प्रधानमन्त्री नरेन्द्र मोदीबिच भेटवार्ता भएको छ । साउथ ब्लकस्थित प्रधानमन्त्री निवासमा काँग्रेस सभापति देउवाले भारतीय प्रधानमन्त्री मोदीसंग भेटवार्ता गर्नु भएको भारतीय विदेश मन्त्रालयका प्रवक्ता विकास स्वरुपले पुष्टि गरेका छन् ।

भेटवार्ताका क्रममा उहाँहरुबीच नेपालको पछिल्लो राजनीतिक घटनाक्रम, संविधानमा अन्य पक्षलाई समेट्न भइरहेको प्रयास लगायत बिषयमा कुराकानी भएको स्रोतले जनाएको छ । सभापति देउवा भोली दिउँसो साढे १२ बजे काठमाण्डौ आइपुग्ने उहाँका स्वकीय सचिव भानु देउवाले जानकारी दिनुभयो । भोलीसम्ममा देउवाले अन्य केही उच्चस्तरिय राजनीतिक भेटघाट गर्नुहुने उहाँका निकटवर्तीहरुले बताएका छन् ।

भारतीय जनता पार्टीको थिंक ट्यांक संस्था इण्डिया फाउन्डेसनको गोवामा आयोजना गरेको कार्यक्रममा प्रमुख अथितिका रुपमा सहभागी हुन देउवा गत शुक्रवार भारत जानु हो । देउवालाई जवाहरलाल नेहरु बिश्वविद्यालयले अस्ति मानार्थ बिद्यावारिधिद्धारा सम्मान गरेको थियो ।

 

 

post image

कार्तिक २२, काठमाण्डौं ।  भारत भ्रमणमा रहेका नेपाली कांग्रेसका सभापति तथा पूर्वप्रधानमन्त्री शेरबहादुर देउवालाई नयाँ दिल्लीस्थित जवाहरलाल नेहरु विश्वविद्यालय (जेएनयु) ले मनार्थ विद्यावाराधिको उपाधि प्रदान गरेको छ। विश्विद्यालयका उपकूलपति जगदीशकुमारले आइतबार एक समारोहबीच सो उपाधि प्रदान गरेका छन्। जेएनयुको मनार्थ विद्यावारिधि पाउने देउवा पहिलो दक्षिण एशियाली नेता हुन् ।

सभापति देउवाले आइतबारै जेएनयुमा १२ औं नेहरु मेमोरिएल लेक्चर समेत दिएका छन्। उनकाे लेक्चर डेमोक्रेसी एन्ड प्रोग्रेस इन द एशियन सेन्चुरी शीर्षकमा थिया। भारतका राष्ट्रिय र अन्तरार्ष्ट्रिय  नेता उपस्थित गराइने यो मञ्चमा यसअघि नेवेल शान्ति पुरस्कार विजेता म्यानमारकी प्रजातन्त्रवादी नेतृ आङसाङ सुकी, धर्मगुरु दलाई लामा, पूर्व भारतीय राष्ट्रपति एपीजे अब्दुल कलाम लगायतले सम्बोधन गरेका छन्।

प्रवचन समापन लगत्तै विश्वविद्यालयका उपकूलपतिले देउवालाइ मानार्थ विद्यावाराधि प्रदान गरेका थिए। कार्यक्रममा देउवा पत्नी आरजु, सार्कका महासचिव अर्जुन थापा, नेपालका लागि भारतीय राजदूत रणजीत राय सहभागी थिए।

 

post image

कार्तिक २०, काठमाण्डौं । अष्ट्रेलियाको सर्टिफिकेट फोर ईन कमर्सियल कुकरी कोर्ष अव नेपालमै पढ्न पाईने भएको छ ।काठमाण्डौको मैतीदेविमा रहेको प्यासिफिक हस्पीटालीटी एण्ड कलीनरी एकेडेमीले यस कोर्षलाई नेपालमा संचालन गरीरहेको छ । कमर्सीयल कुकरीको महत्व र आवश्यकता बिषयक एक अन्तरक्रिया कार्यक्रम प्यासीफिकले कलेज हातामा सम्पन्न गरेको छ । कार्यक्रमका प्रमुख अतिथि थिए डाक्टर रामहरी लामिछाने ।
tara1१६ राष्ट्रको प्राविधिक तथा ब्यवसायीक शिक्षा पद्धतीको प्रवद्धन तथा अनुगमन गर्ने निकाय हो कोलम्बो प्लान स्टाफ कलेज । यस संस्थाका डाईरेक्टर जनरल रहेका छन्, डाक्टर रामहरी लामिछाने , जो नेपाली नागरीक हुन् । यो नेपालको प्राविधिक तथा ब्यावसायिक शिक्षाका लागि एक सुखद समाचार नै हो । डाक्टर लामिछानेले अष्ट्रेलियामा अवस्थित अष्ट्रेलियन ईन्टरनेशनल कलीनरी सर्भिसेजको सर्टिफिकेट फोर ईन कमरर्सीयल कुकरी नामक कोर्ष अध्ययन गरीरहेका नेपाली विद्यार्थीह्रुलाई हस्पीटालीटि करीअरको महत्व र आवश्यकता बिषयक कार्यशाला गोष्ठी माफएत विद्यार्थीह्रुलाई उत्प्रेरणा प्रदान गर्नु भएको थियो ।
taraकाठमाण्डौको मैतिदेवीमा रहेको प्यासिफिक हस्पीटालीटी एण्ड कलीनरी एकेडेमीले अष्ट्रेलियाको अष्ट्रेलियन ईन्टरनेशनल कलीनरी सर्भिसेजको कोर्षहरु प्राविधिक शिक्षा तथा ब्यवसायिक तालिम परिषद्को समकक्षता प्राप्त गरी नेपाली विद्यार्थीहरुलाई अध्ययन अध्यापन गराउँदै आईरहेको छ ।
प्यासिफिक हस्पीटालीटी एण्ड कलीनरी एकेडेमीले आयोजना गरेको एक बिशेष कार्यक्रममा बोल्दै कोलम्बो प्लान स्टाफ कलेजका डाईरेक्टर जनरल डाक्टर रामहरी लामिछानेले बिदेशमा बिना सिप जाँदा लाखौ नेपाली ठगीने, अलपत्र पर्ने र सस्तो मूल्यमा श्रम बेच्न बाध्य हुनु पर्ने भएकाले यस्ता खालका प्राविधिक र ब्यवसायीक ज्ञान हासील गरेर मात्रै बिदेशमा जान विद्यार्थीहरुलाई आग्रह गर्नु भयो ।
tara2डाक्टर लामिछानेले पछिल्लो समयमा बिश्वमा झै नेपालमा पनि हस्पिटालीटि क्षेत्रको बिकास र बिस्तार तिब्र गतिमा हुदै गईरहेको स्मरण गराउँदै प्यासिफिक हस्पीटालीटी एण्ड कलीनरी एकेडेमीले नेपालमै सस्तो मूल्यमा बिदेशी डिग्री पढाईरहेकाले यसवाट बिद्यार्थीहरुलाई लाभ लिन समेत आग्रह गर्नु भयो । डाक्टर लामिछानेले ब्यवायीक कुकरीका लागि प्यासिफिकले तयार पारेको पूर्वाधार र यसमा अध्यापन गराउने प्रशिक्षकहरु निकै निपूर्ण भएकोमा खुलेर प्रशंसा गर्नु भयो । प्यासिफिक हस्पीटालीटी एण्ड कलीनरी एकेडेमीले आउँदो नोभेम्वरमा नयाँ शैक्षिक सत्रका लागि सर्टिफिकेट फोर ईन कर्मर्सीयल कुकरीमा भर्ना समेत खुल्ला गरेको छ ।

post image

कार्तिक १९, पोखरा  । नेपालको ३ दिने राजकीय भ्रमणको अन्तिम दिन भारतीय राष्ट्रपति प्रणव मुखर्जी पोखरा जानु भएको छ । बिहान जनकपुरस्थित रामजानकी मन्दिरमा बिशेष पुजा गरेका मुखर्जी बुद्ध एयरको चाटर्र बिमानबाट सिधै पर्यटकीय नगरी पोखरा जानु भएको हो । पोखरामा उहाँले भारतीय पेन्सन क्याम्पमा आयोजना हुने बिशेष कार्यक्रमलाई सम्बोधन गर्ने कार्यक्रम छ ।

उहाँको सुरक्षालाई ध्यानमा राखी पोखरामा बिशेष सुरक्षा ब्यवस्था मिलाईएको छ । राष्ट्रपति मुखर्जीको स्वागतार्थ पोखरा विमानस्थलदेखि पोखराको विरौटास्थित ग्रान्ड होटल र विमानस्थलबाट भारतीय पेन्सन क्याम्पलगायतका स्थानमा ठुलो संख्यामा सुरक्षाकर्मी परिचालन गरिएको स्थानीय प्रसासनले जनाएको छ । उहाँको भ्रमणलाई लक्षित गरी पोखरा विमानस्थलबाट हुने सवै उडान रद्द गरिएका छन् भने १० बजेपछि हुने अल्ट्रालाइट उडानका साथै सराङकोटबाट हुने प्याराग्लाइडिङ समेत पूर्णरुपमा बन्द गरिएको छ । भ्रमणको समयमा वैकल्पिक बाटो प्रयोग गर्न ट्राफिक प्रहरीले सर्वसाधरणलाई आग्रह गरेको छ ।

पोखराबाट साँझ काठमाण्डौ फर्किएर मुखर्जी त्रिभुवन बिमानस्थलबाटै नयाँदिल्ली फर्कने कार्यक्रम रहेको परराष्ट्रमन्त्री प्रकाशसरण महतले जानकारी दिनुभयो । उहाँलाई त्रिभुवन बिमानस्थलबाटै बिदाई गर्ने कार्यक्रम छ । राष्ट्रपति बिद्यादेवी भण्डारीको निमन्त्रणमा मुखर्जी अस्ति बुधवार नेपाल आउनुभएको हो ।  यसैबीच, भारतीय राष्ट्रपति मुखर्जीलाई जनकपुरमा नागरिक अभिनन्दन गरिएको छ । उपमहानगरपालिकाका कार्यकारी अधिकृत पुण्यप्रसाद लुईटेलले राष्ट्रपति मुखर्जीलाई नागरिक अभिनन्दन पत्रका साथै उपमहानगरपालिकाको साँचो हस्तान्तरण गर्नुभएको थियो ।

अभिन्नदन कार्यक्रमलाई सम्बोधन गर्दै राष्ट्रपति मुखर्जीले नेपाल र भारतबीच रामायणकालदेखिको सम्बन्धको चर्चा गर्नुभयो । करिब एक घण्टा लामो सो कार्यक्रममा सहभागी मुखर्जीले रामायणकाल देखि स्थापना भएको दुई मुलुकबीचको सम्बन्ध थप बलियो बनाएर लैजानु पर्ने उल्लेख गर्नुभयो । जनकपुर ज्ञानको भूमि रहेको बताउदै उहाँले फागुन शुक्ल द्वितियाबाट सुरु हुने १५ दिने जनकपुर परिक्रम अन्तरगत पर्ने १५ बिश्रामस्थल मध्ये नेपाली भूमिका रहेका २ स्थानमा धर्मशाला बनाउन भारत सरकारले सहयोग गर्ने प्रतिबद्धता ब्यक्त गर्नुभयो ।

बिहान ११ बजेर ५० मिनेटमा बुद्ध एयरको चार्टर बिमानबाट जनकपुर पुगेका मुखर्जी साढे एक बजे त्यहीबाट सिधै पोखरा उड्नु भएको हो ।  मुखर्जीलाई उपप्रधान एवं गृहमन्त्री बिमलेन्द्र निधिले स्वागत गर्नुभएको थियो । भारतीय राष्ट्रपति मुखर्जीले रामजानकी मन्दिरमा करिब २० मिनेट बिशेष पूजा गर्नुभएको थियो । उहाँको सुरक्षाका लागि स्थानीय प्रशासनले करिब ४ हजार सुरक्षाकर्मी परिचालन गरेको थियो ।

post image

कार्तिक १९, काठमाडौं नेपाली कांग्रेसका सभापति शेरबहादुर देउवा भारतको नयाँदिल्ली प्रस्थान गरेका छन् । इन्डिया फाउन्डेसनको कार्यक्रममा सहभागी हुन देउवा शुक्रबार भारत गएका हुन् देउवा दिल्ली हुँदै शुक्रबार नै गोवा पुग्ने कार्यक्रम

गोवामा हुने फाउन्डेसनको कार्यक्रमलाई देउवाले सम्बोधन गर्नेछन् उनले गोवामा रहँदा स्वामी तेजो महानन्द, रेलमन्त्री सुरेश प्रभु, भाजपाका अध्यक्ष अमित शाहलगायतसँग भेटघाट गर्ने कार्यक्रम

गोवाबाट दिल्ली फर्किएपछि सभापति देउवाले राजनीतिक भेटघाट गर्नेछन् शनिबार दिल्ली फर्कने देउवाले त्यहाँ केही औपचारिक कार्यक्रममा सहभागिता जनाउनेछन् । जवाहरलाल नेहरू विश्वविद्यालयमा हुने कार्यक्रममा देउवाले प्रमुख वक्ताको रूपमा सम्बोधन गर्ने बताइएको

दिल्लीमा रहँदा सभापति देउवाले भारतीय प्रधानमन्त्री नरेन्द्र मोदी, कंग्रेस आईकी अध्यक्ष सोनिया गान्धी, विदेशमन्त्री सुष्मा स्वराजसहितसँग राजनीतिक भेटघाट गर्ने बताइएको उनी कात्तिक २३ गते काठमाडौं फर्कनेछन्

post image

कार्तिक, १८,पाकिस्तान ।  पाकिस्तानको कराची नजिकै रहेको लान्धी रेलवे स्टेसनमा दुई यात्रुवाहक रेल जुध्दा कम्तिमा १७ जनाको मृत्यु भएको छ भने ३० जनाभन्दा बढी घाइते भएका छन् । पाकिस्तानी सञ्चारमाध्यम द ड्वनका अनुसार जुमा गोथ र लान्धी रेलवे स्टेसनको बीचमा रोकिराखेको फरदि एक्सप्रेसक नामक रेलमा जाकारिया एक्सप्रेस ठोक्किएको थियो ।

03112016122143pakistan-600x0रेलवे सुपरिटेन्डेन्ट नासिर नजिरका अनुसार घटना के भएर घटेको भन्ने अझै यकिन नभएको र हाललाई उद्धार प्राथमिकता भएको बताए । जिन्नाह पोस्ट ग्राजुएट मेडिकल सेन्टरका अधिकारीका अनुसार अस्पतालमा १७ वटा शव ल्याइएको छ ।

घटनामा रेलका दुईवटा बग्गी पल्टिएको बताइएको छ । टेलिभिजनहरुको फुटेजमा रेलमा ठूलो क्षति पुगेको देखिएको छ । पल्टिएको रेलको बग्गीमा अझै यात्रुहरु फसिरहेको र उनीहरुको उद्धारको प्रयास भइरहेको बताइएको छ । घटनामा घाइते भएकाहरुको नजिकैको अस्पतालमा लगिएको छ ।

 

 

 

post image

कार्तिक १६,ढाका, बंगलादेश । बंगलादेशमा हिन्दू मन्दिर र हिन्दू धर्मावलम्बीका घरहरुमा आक्रमण तथा आगजनी गरिएका छन् ।फेसबुकमा इस्लाम विरोधी पोष्ट गरेको भन्दै आक्रोशित जमातले हिन्दूका घर र मन्दिरलाई निशाना बनाएका हुन् ।

ब्रह्मणबरिया जिल्लाको नासिरनगरमा रहेका हिन्दू समुदायको घर र मन्दिरमा मुस्लिम समुदायका आक्रोशित भीडले आक्रमण गरेको हो । प्रहरीका अनुसार कम्तिमा २० घरमा आगजनी गरिएको छ भने दश हिन्दू मन्दिरमा आगलागी गर्नुका साथै त्यहाँको सम्पत्ति लूटपाट गरिएको छ ।

हिन्दू समुदायका मानिसलाई कुटपिटसमेत गरिएको छ । मुस्लिम बहुल बंगलादेशमा अल्पसंख्यक हिन्दूमाथि यस्ता आक्रमण यसअघि पनि हुने गरेको थियो ।

फेसबुकमा एक हिन्दू युवाले मुसलमानको धार्मिकस्थलको बारेमा आपत्तिजनक सामाग्री पोष्ट गरेपछि यो घटना भएको प्रहरीले जनाएको छ । प्रहरीले फेसबुकमा आपत्तिजनक सामाग्री पोस्ट गर्ने युवकलाई पक्राउ गरेको छ । एजेन्सी

post image

कार्तिक १०, काठमाडौं । अपी पावर कम्पनीले विभिन्न ८ आयोजनाबाट सौर्य उर्जा उत्पादन गर्न विद्युत प्राधिकरणबाट अनुमति पाएको छ । विद्यमान उर्जा संकट निवारण गर्न सरकारले चालु आर्थिक वर्ष नेपाल विद्युत प्रधिकरणसँग मिलेर ६४ मेगावाट सौर्य उर्जा उत्पादन गर्न आह्वान गरेको टेन्डर अनुसार सञ्चालन गर्ने अनुमति आइतबार पाएको छ ।
apiअपी पावरले ढल्केवरमा १ मेगावाट, दुहवीमा १.५ मेगावाट, परवानीपुरमा ८ मेगावाट, सिमरामा १ मेगावाट, चन्द्रनिगाहपुरमा ४ मेगावाट, वर्दघाटमा १ मेगावाट, चनौटामा १.५ मेगावाट, र कावासोतीमा १.५ मेगावाट गरी ८ स्थानका लागि विद्युत प्राधिकरणबाट अनुमति पाएको हो । सबै परियोजनमा गरी १९.५ मेगावाट विद्युत उत्पादन गर्ने अपि पावरको लक्ष छ ।
अपि पावरले अनुमति पाएपछि ती आयोजनाको काम तुरुन्त अगाडि बढाउने छ । कम्पनीले अनुमति पाएको १ बर्षभित्रै विद्युत उत्पादन गरेर राष्ट्रिय प्रसारण लाइनमा जोड्ने लक्ष लिएको छ ।
एक पटकको लगानीले सौर्य उर्जामा वर्षौ ढुक्क हुन सकिन्छ । नेपालमा सौर्य उर्जाको प्रसस्त सम्भावना छ । यही सम्भावनालाई ध्यानमा राखेर उर्जा संकट निवारण गर्न सरकारले २०७२ मंसिर ८ गते विद्यमान उर्जा संकट निवारण तथा विद्युत विकास दशक सम्बन्धी अवधारणा पत्र २०७२ मा सौर्य उर्जासम्बन्धी केही बुँदाहरु थपेको थियो ।
अवधारणा पत्रमा उल्लेख भएअनुसार चालु आर्थिक वर्ष २०७२÷७३ मा सौर्य उर्जाको उत्पादन कुल जलविद्युत उत्पादनको १० प्रतिशत अर्थात १ सय मेगावाट गर्ने लक्ष्य राखिएको छ । त्यस्तै आगामी वर्ष सौर्य उर्जा २ सय मेगावाट उत्पादन गर्ने लक्ष्य छ ।
अवधारणापत्रमा उल्लेखित लक्ष्यअनुसार सरकारले नेपाल विद्युत प्रधिकरणसँग मिलेर चालु आर्थिक वर्षमा ६४ मेगावाट सौर्य उर्जा उत्पादन लागि टेन्डर आव्हान गरेको थियो । प्राधिकरणले आव्हान गरेको टेन्डरबाट उत्पादित सौर्य उर्जालाई देशको २२ स्थानको राष्ट्रिय प्रसारण लाइनका स्टेसनहरुमा जोड्ने व्यवस्था मिलाइएको छ । विभिन्न स्थानमा ०.५ मेगावाटदेखि ८.५ मेगावाटसम्म सौर्य उर्जा उत्पादन गरी राष्ट्रिय प्रसारण लाइनमा जोडिने छ ।
appiयही अवसरलाई ध्यानमा राख्दै देशको चरम विद्युत संकट समाधानमा योगदान पुर्याउन अपी पावर कम्पनीले प्राधिकरणले आह्वान गरेको टेन्डर प्रक्रियामा भाग लिएको थियो ।
अपी पावरले दार्चुलाको नौगाड खोलाबाट ८ मेगावाट क्षमताको आयोजना निर्माण गरेर विद्युत उत्पादन गरिरहेको छ । उक्त आयोजना सकिएलगत्तै ८ मेगावाट क्षमताको नौगाड दोस्रो जलविद्युत आयोजना निर्माण सुरु गरेको छ । कम्पनीले दोस्रो अपर नौगाड निर्माण सकिएलगत्तै ४० मेगावाट क्षमताको अपर चमेलिया जलविद्युत् आयोजना निर्माण गर्ने तयारी गरेको छ । यस्तै कम्पनी ७५ मेगावाटको त्रिशूली गल्छीको समेत निर्माणमा जुटेको छ ।
अपि पावरले गत आर्थिक बर्षको मुनाफाबाट सेयरधनीलाई ५ प्रतिशत बोनस सेयर उपलब्ध गराउने निर्णय गरेको छ । कम्पनीले विभिन्न आयोजना निर्माण गर्न पूँजी जुटाउन १ बराबर २ कित्ता हकप्रद सेयर जारी गर्ने प्रस्ताव गरेको छ । यसका लागि अनुमति लिन धितोपत्र बोर्डमा निवेदन दिएको छ ।

post image

कार्तिक १०, काठमाडौं । नजिकँदो तिहार पर्वका लागि यस वर्ष भारतबाट रु ६० लाख मूल्य बराबरको सयपत्री फूलको माला आयात गर्ने योजना छ । गत बर्ष तिहारमा रु। एक लाख ५० हजार माला आयात गरेकोमा यस वर्ष दुई लाख माला आयात गर्ने योजना रहेको फ्लोरिकल्चर एसोसिएसन नेपालका अध्यक्ष कुमार कसजु श्रेष्ठले बताए।
तिहारमा सबैभन्दा बढी फूलको आयात हुने गरेको छ, अध्यक्ष श्रेष्ठले भने — गत वर्ष उपभोक्ताले फूलको प्रतिमाला रु एक सयदेखि एक २० सम्म तिर्नुपरेकोमा यो वर्ष बढीमा रु ८० सम्ममा तिर्नुपर्ने हुन्छ ।
पछिल्लो समय मुलुकले गोदावरी र मखमली फूलमा आत्मनिर्भर भइसकेको छ भने अहिले पनि सयपत्री फूलमा मुलुक आत्मनिर्भर हुन सकेको छैन् । तिहारका वेला हरेक वर्ष भारतबाट सयपत्री फूल आयात गर्नुपर्ने हुन्छ ।
sayapatriहरेक वर्ष झन्डै रु डेढ अर्ब मूल्य बराबरको फूलको कारोबार हुने गरेको छ । तिहारमा मात्र मुलुकभर करिब ११ लाख मालाको कारोबार हुने गरेको छ । तीमध्ये नौ लाख माला नेपालमै उत्पादन भएको फूलबाट बनेका हुन्छन् । नेपालमा प्रयोग हुने मालाको ४० प्रतिशत खपत काठमाडौँ उपत्यका नै हुने गरेको एसोसिएसनले जनाएको छ । एसोसिएसनका अनुसार मुलुकभर तिहारमा मात्र झन्डै रु सात करोड मूल्य बराबरको फूलको कारोबार हुने गरेको छ ।
नेपालमा सन् १९५० बाट सामान्यस्तरमा सुरु भएको पुष्प व्यावसाय सहरीकरणको विकास तथा विस्तारसँगै पुष्प व्यवसाय पनि फस्टाउँदो छ । फूलको माँगमा आएको बृद्धिसंगै यतिखेर काठमाडौँ, ललतिपुर, भक्तपुर, पोखरा, नारायणघाट, हेटौँडा, काभ्रे र विराटनगरलगायत ४१ जिल्लामा लगभग ६७५ पुष्प फर्मरनर्सरी विस्तार भइसकेको छ ।
नेपालमा लगभग १४७ हेक्टर क्षेत्रफलमा ४०० प्रजातिका फूल उत्पादन भइरहेको तथा पुष्प व्यावसायवाट ४१ हजारभन्दा बढी व्यक्ति प्रत्यक्ष वा अप्रत्यक्ष रुपमा लाभान्वित भएका छन् । रासस

post image

कार्तिक १०, काठमाडौं । भारतको नयाँदिल्लीमा हुन गइरहेको नेपाल– भारत संयक्त आयोगको मन्त्रीस्तरीय बैठकमा सहभागिताका लागि परराष्ट्रमन्त्री डा. प्रकाशशरण महत आज बिहान त्यसतर्फ प्रस्थान गरेका छन् ।  बैठकमा नेपाल र भारतका उच्च कूटनीतिक अधिकारीहरु रहने छन् । उक्त आयोगको सचिवस्तरीय बैठक भने आजै नयाँदिल्लीमा सुरु हुँदैछ ।

सो प्रयोजनका लागि परराष्ट्र सचिव शङ्करदाश बैरागी हिजो नै नयाँदिल्ली पुगेका छन् ।सो बैठकमा नेपाल–भारतका बीचमा विगतमा भएका सम्झौता र आयोजनाहरुको कार्यान्वयनको अवस्थाको बारेमा बृहत् समीक्षा हुनेछ । अफूले  नेपालको राष्ट्रिय स्वार्थका विषयमा विगतका सम्झौता र आयोजनाहरुको कार्यान्वयनका लागि उक्त बैठकमा कुरा उठाउने मन्त्री डा महतले जानकारी दिए ।
नयाँदिल्ली प्रस्थान गर्नुअघि त्रिभुवन अन्तर्राष्ट्रिय विमानस्थलमा मन्त्री डा महतले भने–‘‘नेपाल भारत बीचका बिगतका विभिन्न सम्झौता र आयोजनाहरुको कार्यान्वयनको अवस्थाका बारेमा बृहत समीक्षा हुन्छ र नेपालको तर्फबाट मैले राष्ट्रिय हित र स्वार्थका विभिन्न विषयमा कुरा राख्ने छु ।’’
प्रधानमन्त्री पुष्पकमल दाहालको हालैको भारत भ्रमणका क्रममा तथा विगतदेखिकै नेपाल–भारतबीचका विभिन्न सहमति, सम्झौता तथा आयोजनाको कार्यान्वयनका बारेमा बृहत समीक्षा र कार्यान्वयनमा भएका ढिलाइका विषयमा पनि सो बैठकमा छलफल हुने छ । मन्त्री  महत आगामी शुक्रबार स्वदेश फर्किने  कार्यक्रम छ ।

post image

कार्तिक ८, काठमाडौं । अखिल नेपाल फुटबल संघ ९एन्फा० को १५ औं साधारणसभाले सोमबार नयाँ अध्यक्ष चयन गर्दैछ । यसका लागि कार्यवाहक अध्यक्ष नरेन्द्रलाल श्रेष्ठ र उपाध्यक्ष कर्माछिरिङ शेर्पाबीच प्रतिस्पर्धा हुँदैछ ।
अन्तर्राष्ट्रिय फुटबल महासंघ ९फिफा० ले २९ कात्तिक, २०७२ मा भ्रष्टाचार अभियोगमा गणेश थापालाई १० वर्ष प्रतिबन्ध लगाएको थियो । निरन्तर २१ वर्ष एन्फामा अध्यक्ष रहेका उनको पुनरावेदन पनि फिफाले खारेज गरेपछि नेपाली फुटबलको सर्वोच्च पदका लागि निर्वाचन हुन लागेको हो ।

post image

असोज ३०, काठमाण्डौं ।  विपद् व्यवस्थापनमा नेपाली सेनाको क्षमता वृद्धि गर्ने कार्यमा चीनले सहयोग पुर्याउने प्रतिबद्धता जनाएको छ।  ‘सुरक्षा संवाद र सहयोग अभिवृद्धि तथा अन्तर्राष्ट्रिय सम्बन्धको नयाँ ढाँचा निर्माण’ सम्बन्धी बेइजिङमा सम्पन्न सातौ सियाङसान सम्मेलनमा भाग लिएर स्वदेश फर्केपछि त्रिभुवन अन्तर्राष्ट्रिय विमानस्थलमा पत्रकारसँग कुराकानी गर्दै रक्षामन्त्री बालकृष्ण खाणले शान्तिस्थापना कार्यमा खटिएर नेपाली सेनाले देखाएको व्यावसायिक दक्षता, इमान्दारी र बहादुरीको चिनियाँ रक्षामन्त्रीले प्रशंसा गरी ‘विलक्षण’ क्षमता बोकेका नेपाली सेनाबाट चिनियाँ सेनाले पनि केही सिक्न आवश्यक रहेको बताएको जानकारी दिए।

रक्षामन्त्री खाणले अन्तर्राष्ट्रिय सम्बन्ध विस्तार गर्ने क्रममा सुरक्षा र सहयोगलाई कसरीसँगै लैजाने भन्ने विषयमा सियाङसान सम्मेलनमा गहन छलफल भएको बताए। उनले भने, ‘आतङ्कवादका कारणले सुरक्षामा देखिएका समस्या र समाधानका विषयमा नेपालको धारणा सम्मेलनमा राखिएको छ।’ सियाङसान सम्मेलनका क्रममा मन्त्री खाणसँगको भेटमा चिनियाँ रक्षामन्त्री छाङसँगले नेपालको संविधानप्रति चीन र चिनियाँको सद्भाव र समर्थन रहेको जानकारी गराउँदै नेपालले शान्ति, समृद्धि र प्रगतिमा सफलता हासिल गरोस् भनी शुभकामना व्यक्त गरे।

दुवै देशका सरकारका उच्चस्तरीय प्रतिनिधिमण्डलको भ्रमणको आदानप्रदानलाई निरन्तरता दिन आवश्यक रहेका विषयमा उनीहरूबीच विचारविमर्श भएको थियो। दुवै रक्षामन्त्रीबीचको भेटमा नेपाली सेना र चिनियाँ सेनाबीचको सम्बन्धका विभिन्न आयामका बारेमा छलफल भएको मन्त्री खाणले जानकारी दिए।

द्रुतगतिको आर्थिक प्रगतिमा रहेको चीनले कुनै पनि मुलुकको समृद्धिका लागि छिमेकी मुलुकमा शान्ति र प्रगति हुन आवश्यक छ भन्ने पक्षलाई राम्ररी महसुस गरेको आफूले पाएको मन्त्री खाणले बताए सम्मेलनमा ६४ मुलुकका ४०० प्रतिनिधिको सहभागिता थियो। रक्षामन्त्री खाणको स्वागतका लागि प्रधानसेनापति राजेन्द्र क्षत्री, रक्षा सचिव श्रीधर सापकोटा र नेपाली सेनाका रथीवृन्द विमानस्थल पुगेका थिए।

post image

असोज ३०,गोवा ।  नेपालका प्रधानमन्त्री पुष्पकमल दाहाल ‘प्रचण्ड’,भारतका प्रधानमन्त्री नरेन्द्र मोदी र चीनियाँ राष्ट्रपति सि जिन पिङबीच त्रिपक्षीय भेट बार्ता भएको छ ।  ब्रिक्स र बिमिस्टेक देशहरुबीचको संयुक्त सम्मेलनको अघिल्लो दिन तीन देशका राष्ट्र र सरकार प्रमूखबीच भेट बार्ता भएको हो ।
प्रधानमन्त्री पुष्पकमल दाहाल ‘प्रचण्ड’ र चीनियाँ राष्ट्रपति सि जिन पिङबीच २० मिनेट ‘वान टु वान’ बार्तापछि प्रधानमन्त्री प्रचण्ड, भारतीय प्रधानमन्त्री मोदी र चीनियाँ राष्ट्रपति पिङबीच भेटबार्ता भएको हो ।
भेट बार्तामा नेपालका प्रधानमन्त्री प्रचण्डले आफूले अघिल्लो कार्यकालमै नेपाल, भारत र चीनबीच त्रीदेशीय रणनीतिक साझेदारीको आवश्यकतामा जोड दिएकोबारे बैठकमा स्मरण गराएका थिए ।
‘नेपाल, भारत र चीनबीच रणनीतिक साझेदारी आवश्यक रहेको विषयमा मैले स्मरण गराएँ’, प्रधानमन्त्री प्रचण्डले भने, ‘हामी बिशाल छिमेकी भारत र चीनको बीचमा छौं । हामी दुई देशबीच डाइनामिक ब्रिज बनेर लाभ उठाउन चाहन्छौं । मैले भेटमा रणनीतिक साझेदारीबारे विषय महत्व दिएर कुरा राखें । भारतका प्रधानमन्त्री र चीनियाँ राष्ट्रपतिले रणनीतिक साझेदारीबारे नेपालले राखेको प्रस्ताव महत्वपूर्ण छ, हामी यसमा सहमत छौं भन्नुभयो ।’
भेटमा प्रधानमन्त्री प्रचण्डले बुद्ध, पशुपति र जानकीले नेपाल, भारत र चीनलाई जोडेको स्मरण गराउँदै आधुनिक इतिहासमा नेपालले भारत र चीनबीच सुमधुर सम्बन्ध बनाउन पुलको काम गर्नसक्ने बताए ।
प्रधानमन्त्रीले नेपालले आफ्नै मौलिक आयामसहित विकासको लक्ष्य पछ्याइरहेको भन्दै त्यसका लागि दुवै छिमेकीसँग सन्तुलित, मैत्रीपूर्ण र रणनीतिक सम्बन्ध स्थापित गर्न चाहेको बताए ।

भेटका अवसरमा चीनियाँ राष्ट्रपति पिङले देशको भूगोल सानो र ठूलो हुनुले निर्णायक अर्थ नराख्ने भन्दै नेपालले भारत र चीनबीच पुलको काम गर्नसक्ने बताए । पिङले नेपालले प्रस्ताव गरेको त्रीदेशीय साझेदारीको मुद्धा महत्वपूर्ण रहेको र त्यसमा चीन सकारात्मक रहेको बताए । पिङले चीन र भारतबीचको सम्बन्ध समदुरीमा राख्न नेपालले खेलेको भूमिकाको प्रशंसा गर्दै आगामी दिनमा तीन देशको सम्बन्ध थप मजभूत हुने विश्वास व्यक्त गरे ।

भेटमा भारतीय प्रधानमन्त्री नरेन्द्र मोदीले चीनियाँ राष्ट्रपति पिङको गाउँका दार्शनिक हान सुयान आफ्नो गाउँ गुजरात आएर चीनको ऐतिहासिक विशेषताको प्रचार गरेको तथा चीन फर्केपछि गुजरातको संस्कृति र रहनसहनबारे चीनमा प्रचार गरेको स्मरण गराउँदै नेपाल, भारत र चीनबीच भौगोलिक, भावनात्मक र सांस्कृतिक मित्रता रहेको बताए ।

सो अवसरमा मोदीले नेपालले प्रस्ताव गरेको त्रीदेशीय साझेदारीको प्रस्तावमा भारत पनि सकारात्मक रहेको जानकारी दिएका थिए ।नेपालका प्रधानमन्त्री र चीनका राष्ट्रपतिको भेटपछि भएको त्रीपक्षीय बार्ताले नेपाल, भारत र चीनबीच युगिन सम्बन्ध स्थापित गर्न विशेष भूमिका खेल्नसक्ने प्रधानमन्त्री प्रचण्डले बताए ।

post image

असोज २९, काठमाडौं । सन् २०१६र२०१७ मा इङल्याण्डमा हुने आइसीसी महिला विश्वकप क्रिकेट खेल्ने नेपाली महिला क्रिकेट टोलीको सपना चकनाचुर भएको छ।शुक्रबार थाइल्याण्डसँगको महत्वपूर्ण खेलमा पराजय बेहोरेसँगै एसियाबाट विश्व छनौट खेल्ने अवसरबाट नेपाल चुकेको हो।

हङकङमा जारी प्रतियोगितामा नेपालले पाँच खेल मध्ये ३ खेलमा हार बेहोरिसकेको छ। राउण्ड रोबिनको आधारमा जारी प्रतियोगितामा नेपालले चीनसँग खेल्न बाँकी रहेपनि अंकतालिकामा नेपाल पुछारबाट दोश्रोमा छ। प्रतियोगिताको शीर्ष स्थानमा रहने टोलीले मात्र विश्वकप छनौट खेल्न पाउनेछ। शीर्ष स्थानमा रहेको थाइल्याण्डको ८ अंक छ। नेपालले चीनसँगको अन्तिम खेलमा जीत हात पारेको अवस्थामा समेत ६ अंक मात्र हुनेछ। यस्तोमा नेपालको सम्भावना अन्तिम खेल अघि नै समाप्त भएको हो।

प्रतियोगितामा नेपालले सुरुवाती दुई खेलमा थाइल्याण्ड र हङकङसँग हार बेहोरेको थियो। तेश्रो खेलमा चीनलाइ पराजित गरेको नेपालले चौथो खेलमा हङकङ माथि बदला लिदैँ जीत निकालेको थियो। शुक्रबार जीत निकाल्नै पर्ने महत्वपूर्ण खेलमा नेपाल थाइल्याण्डसँग १ विकेटले पराजित भयो। पराजयसँगै नेपाली टोली हङकङको हङकङ क्रिकेट क्लबको मैदानबाट निराश हुदैँ बाहिरिएको थियो।

टस जितेर पहिले ब्याटिङ गरेको नेपालले २० ओभरमा ४ विकेट गुमाएर १ सय ८ रन जोडेको थियो। नेपालका लागि नेरी थापाले सर्वाधिक नटआउट ३२ रन जोडिन्। त्यस्तै इन्दु बर्माले २६, निर्मला शाहीले २०, ज्योती पाण्डेले १३, कप्तान रुविना क्षेत्री बेलबासेले नटआउट १० रन जोडे। त्यस्तै रोसनी बोहोराले २ रन मात्र जोड्न सकिन्।

बलिङतर्फ थाइल्याण्डकी चनिदा सुथिरुङले २ तथा सुलिपोर्न लाओमीले १ विकेट लिइन्। जवाफि ब्याटिङ गरेको थाइल्याण्डले १८ ओभर ४ बलमा ९ विकेटको क्षतिमा लक्ष्य भेट्टायो। थाइल्याण्डकी चनिदा सुथिरुङले नटआउट सर्वाधिक २७ रन जोडिन्। बलिङतर्फ नेपालकी करुणा भण्डारीले ४ विकेट लिइन्। त्यस्तै सीता रानामगरले २ तथा कप्तान रुविना क्षेत्री बेलबासेले २ विकेट लिए। अर्को विकेट भने निर्मला शाहीले लिइन्।

post image

असोज २३, काठमाण्डौं । परराष्ट्रमन्त्री डा। प्रकाशशरण महतले विश्वमा नै नेपाली नागरिकको उपस्थिति रहेको वर्तमान अवस्थामा उनीहरुले ती देशमा आर्जन गरेको सीप, ज्ञान र प्रविधिलाई नेपालको आर्थिक विकास र समृद्धिमा कसरी लगाउन सकिन्छ भन्ने बारेमा सोच्न आग्रह गरेका छन् ।

शनिबार थाइल्यान्डको राजधानी बैंककमा नेपाली दूतावास, गैर आवासीय नेपाली संघ ९ एनआरएनए० थाइल्याण्ड र एआइटी नेपाली समाज थाइल्याण्डद्वारा आयोजित बडादशैं शुभकामना कार्यक्रमलाई सम्बोधन गर्दै मन्त्री महतले जुन देशमा रहेको भएपनि आफूलाई त्यो स्थानमा पु¥याउन आफ्नो मातृभूमिको योगदान र लगानी रहेकोतर्फ सोचेर आफ्नो भूमिकालागि केही गर्नुपर्छ भन्ने भावनाका साथ अघि बढ्न उनले विश्वमा रहेका नेपालीलाई आग्रह गरे ।

परराष्ट्र मन्त्रालयका अनुसार मन्त्री डा महत एसिया कोअपरेशन डाइलग ९एसिडी०को दोस्रो सम्मेलनमा नेपाली प्रतिनिधिमण्डको नेतृत्व गर्दै शुक्रबार बैंकक पुगेका हुन् । बैंककमा रहेका नेपालीहरुको ठूलो उपस्थिति रहेको सो कार्यक्रमलाई सम्बोधन गर्दै मन्त्री डा महतले संसारमा रहेका नेपालीहरुले अब नेपालको समृद्धि र विकासका लागि सोच्नुपर्ने बेला आएको धारणा राखे ।

नेपाल संविधानको कार्यान्वयनमार्फत आर्थिक विकासको चरणमा अब अघि बढ्न लागेको बताउँदै मन्त्री डा। महतले यो अभियानमा विश्व समुदायको सहयोग र सद्भाव रहेको र त्यसमा संसारमा रहेका नेपालीको पनि आ—आफ्नो ठाउँबाट सक्रिय सहयोग आवश्यक रहेको बताए ।

संविधानमा देखिएका कतिपय असन्तुष्टिहरुलाई सम्बोधनको प्रक्रिया नेपालले सुरु गरिसकेको जानकारी दिँदै मन्त्री डा। महतले आगामी दिनमा राष्ट्रिय सहमति र सहकार्यका साथ अघि बढ्ने वातावरण सरकारले निर्माण गर्ने धारणा राखे । सो कार्यक्रममा एनआरएनए थाइल्याण्डका अध्यक्ष खगेन्द्र प्रसाद ढकालले थाइल्याण्डमा रहेका नेपाली समुदायका तर्फबाट शुभकामना व्यक्त गरेका थिए ।

मन्त्री डा महतले एसिडी सम्मेलनमा सहभागिताका लागि त्यहाँ गएका उक्त मञ्चका सदस्य राष्ट्रका विदेशमन्त्रीहरुको रात्रिभोजसहितको बैठकलाई सम्बोधन गर्ने छन । उनले उक्त एसिडी सम्मेलनलाई नेपाली प्रतिनिधिमण्डलको नेताका हैसियतमा सोमबार बिहान सम्बोधन गर्ने कार्यक्रम छ । सम्मेलनका विभिन्न सत्रहरु आइतबारदेखि सुरु हुँदैछन् ।

उक्त मञ्चमा एसियाका ३४ देश सदस्य छन् । बैंककमा सुरु हुन लागेको यो सम्मेलन दोस्रो हो । यसअघि यसको पहिलो सम्मेलन सन् २०१२ मा कुबेतमा भएको थियो । उक्त सम्मेलनमा एसियाका ३४ देशका राष्ट्राध्यक्ष, सरकार प्रमुख तथा विदेशमन्त्रीहरुको सहभागिता रहेको छ । रासस

post image

असोज १४,काठमाडौं । पररारष्ट्रविदहरुले भारतको सहभागीताबिना सार्क सम्मेलनको अस्थित्व नै नहुने बताएका छन्। उनीहरुले सार्क राष्ट्रको कुनै एक सदस्यले भाग नलिए सम्मेलन नै प्रभावित हुने भएकाले सबै सदस्य राष्ट्रको सहमति आवश्यक रहेको बताएका हुन् ।
रिपोर्टर्स क्लब नेपालले शुक्रबार गरेको साक्षात्कारमा प्रधानमन्त्री पुष्पकमल दाहाल प्रचण्डका पराष्ट्र सल्लाहकार डा। ऋषि अधिकारीले भारतविना सार्कको औचित्य नै नहुने अधिकारीले स्पष्ट पारे। अधिकारीले आगामी नोभेम्बरमा पाकिस्तानको इस्लामवादमा हुने भनिएको १९ औं सार्क सम्मेलनको अन्योलताबारे समेत प्रधानमन्त्रीले सरकारको तर्फबाट आफ्नो धारणा राखिसकेकोले नेपाल सार्कको अध्यक्ष राष्ट्रको हैसियतले निर्धारित मितिमै होस भन्ने चाहेको स्पष्ट पारे।
उनले नेपाल सधैं अन्तर्राष्ट्रिय आतंकवादको विरुद्धमा रहेको बताए। नेपाल अन्तर्राष्ट्रिय आतंवादविरुद्धमा रहेको बताउँदै उनले भने,‘हामी इन जनरल र इन प्रिन्सिपल आतंकवादको विरुद्धमा छौं।’ यद्धपी उनले भारत–पाकिस्तानवीचको बढ्दो तनावलाई लिएर नेपालले अहिले नै बोल्न नमिल्ने स्पष्ट पारे।
कार्यक्रममा डा। अर्थविद विश्वम्भर प्याकुरेलले सार्कलाई अहिलेसम्म भारतले नै नेतृत्व दिएकोले भारतविनाको सार्कको कुनै अस्तित्व नै नहुने बताए। प्याकुरेलले अहिले सार्क दुई फ्याक्टरमा विभाजित जस्तो बनेको तर्क गरे।
उनले भने,‘अहिले सार्क दुई भागमा बाँडिएको छ, एउटा सार्क २ छ जहाँ भारत र पाकिस्तान मात्रै छन्, अर्को सार्क ६ छ त्यसमा भारत र पाकिस्तानवाहेकका राष्ट्रहरु छन् ।’ नेपाल सार्क राष्ट्रको अध्यक्षको हैसियतमा भएकोले अहिले सन्तुलित एवम् प्रभावकारी भूमिका खेल्नुपर्ने प्याकुरेलको भनाइ थियो।
पराष्ट्रविद डा। निश्लनाथ पाण्डेले सार्क अहिले मरणासन्न र चीर निद्रामा रहेको टिप्पणी गरे। पाण्डेले भारत–पाकिस्तान तनावका कारण अहिले सार्क सम्मेलन अन्यौलमा रहेकोले अध्यक्ष राष्ट्रको हैसियतले आफ्नो दायित्व प्रभाकारी ढंगले निर्वाह गर्नुपर्ने बताए। उनले भारतले सार्कलाई त्यति महत्व नदिएको समेत बताए।
पूर्वराजदूत प्रद्युम्न विक्रम शाहले सार्क सम्मेलन स्थगित हुनु नौलो कुरा नभएको भन्दै आयोजक राष्ट्रमा आन्तरिक समस्या भए भेन्यु सार्न सकिने बताए। यद्यपि उनले भारत–पाकिस्तानबीच अहिले देखिएको समस्यालाई वार्ताबाटै हल गरेर मिलाउनुपर्ने बताए।

post image

असोज १४, पाकिस्तान, लाहोर । पाकिस्तान र भारत बिच युद्ध चलीरहँदा पाकिस्तानमा रहेका बिभिन्न नागरीक समाज तथा मानवअधिकारवादी संग संगठनले शान्तिपूर्ण बातावरण निर्माणका लागि लाहोरमा धर्ना दिएका छन् । मानवअधिकारकर्मीह्रुले हातमा प्लेकार्ड बोकी शान्तिपूर्ण रुपमा बार्ताको माध्यमवाट समस्या समाधान गर्न भारत र पाकिस्तान दुबै देश र त्यहाँका प्रधानम्नत्रीलाई आग्रह गरेका छन् ।
धर्नामा रहेका अधिकारकर्मीह्रुले हिंसाले कसैको पनि भलो नहुने भएकाले शान्तिपूर्ण रुपमा अहिले भारत र पाकिस्तानबिच बढीरहेको द्धन्दको समाधान गर्नु पर्ने माग समेत गरेका छन्. ।

समाचार संस्था एपीका अनुसार लाहोरमा जम्मा भएका पाकिस्तानी नागरीक समाजका सदस्यहरुले दुबै देशले संयमता अपनाएर बिग्रेको सम्बन्ध सुधार गर्दै शान्तिपूर्ण रुपमा समस्याको समाधन खोज्न दुबै पक्षलाई आग्रह गरेका छन् ।

post image

असोज १४, इस्लामाबाद, पाकिस्तान । पाकिस्तानका प्रधानमन्त्री नवाज सरिफले आफ्नो देश कुनै पनि खालका आन्तरिक एवं बाह्य खतरासँग जुध्न सक्षम भएको बताएका छन् । सरिफले एक उच्चस्तरीय बैठकमा यस्तो जानकारी दिएका छन् । बैठकमा सेनाप्रमुख जनरल रहिल सरिफ, राष्ट्रिय सुरक्षा सल्लाहकार नासिर जान्जुआ तथा विदेशसचिव ऐजाज चौधरी सहभागी थिए ।

पाकिस्तान रेडियोका अनुसार उक्त बैठकमा कश्मीरमा मानवाधिकार उल्लंघन भएको भन्दै गम्भीर चिन्ता प्रकट गरिएको थियो । भारतीय सेनाले कश्मीरका जनतामाथि अत्याचार गरेको बताउँदै बैठकले भत्र्सना गरेको थियो । बैठकलाई सम्बोधित गर्दै नवाज सरिफले भने, “संसारलाई थाहा छ, पाकिस्तानले विश्वमा शान्तिका लागि ठूलो त्याग गरेको छ । अरूले भड्काउँदैमा पाकिस्तान भड्कँदैन । हामी निकै संयमित छौं ।’

प्रधानमन्त्री सरिफले सिन्धु जल सम्झौता भारत र पाकिस्तानको आपसी सहमतिमा गरिएको स्मरण गरे । उक्त सम्झौताको मध्यस्थता विश्वबैंकले सन् १०६० मा गरेको उनले स्पष्ट पारे । भारतले चाहेर पनि एक्लै उक्त सम्झौता भंग गर्न नसक्ने सरिफले दाबी गरे ।

पाकिस्तानले कश्मीरी जनतालाई नैतिक एवं कूटनीतिक समर्थन सधैं दिने उनको भनाइ छ । कश्मीरी जनताको चाहनाअनुसार कश्मीर समस्या समाधान नहुँदासम्म पाकिस्तानले उनीहरूलाई सहयोग र समर्थन गरिरहने दृढता व्यक्त गरे ।

पाकिस्तान शान्तिपूर्ण दक्षिण एसियाको पक्षमा भएको सरिफले दाबी गरे । यसका लागि जस्तोसुकै संघर्ष गर्न पाकिस्तान तयार भएको उनले स्पष्ट पारे । पाकिस्तानको अखण्डता कायम गर्न पाकिस्तानी सुरक्षाबलको तयारी प्रति उनले सन्तुष्टि व्यक्त गरे ।

यसैगरी पाकिस्तानी रक्षामन्त्री ख्वाजा मोहम्मद आसिफले बुधबार कश्मीर स्वतन्त्र भएपछि भारत ध्वस्त हुने बताएका छन् । उनले कश्मीरका जनतालाई पाकिस्तानले नैतिक सहयोग र समर्थन दिने स्पष्ट पारेका छन् । उनले भने, ‘जब कश्मीरमा स्वतन्त्रता आन्दोलन सफल हुन्छ तब भारतको अन्त्य हुन सुरु हुनेछ ।’ आसिफले कश्मीरी नागरिकको कुर्बानी खेर नजाने बताए ।

उनीहरूको कुर्बानीले कश्मीर स्वतन्त्र हुने र सिंगो भारत नरहने उनको भनाइ छ । पाकिस्तानी प्रधानमन्त्री नवाज सरिफले भारतसँग सम्बन्ध सुधार्न निकै कोसिस गरेको दाबी गर्दै त्यसको सकारात्मक जवाफ नआएको उनले दाबी गरे ।

 

post image

असोज १४, काठमाडौं सीमा क्षेत्रमा भएको भारतीय पाकिस्तानी सेनाबीचको दोहोरो भिडन्तमा जना भारतीय सेना मारेको पाकिस्तानी सुरक्षा बलले दाबी गरेको

बुधबार मध्यरातदेखि बिहीबार बिहानसम्म पाकिस्तानी भूमिमा छिरेर सैन्य कारबाही गरेका जना भारतीय सैनिकलाई मारेको एक जनालाई पक्राउ गरेको पाकिस्तानी सुरक्षा बलले दाबी गरेको भारतीय सञ्चार माध्यहरुले जनाएका छन्

लाइन अफ कन्ट्रोलमा भारतीय फायरिङको जवाफी कारबाहीका क्रममा एक भारतीय सैनिकलाई पक्राउ गरेको पाकिस्तानी सुरक्षा बललाई उद्धृत गर्दै पाकिस्तानी अखबार डनले लेखेको भारतीय सञ्चार माध्यमले भनेका छन् सोही क्रममा जना भारतीय सेना मारेको पाकिस्तानको दाबी

पाकिस्तानी अखबर डनकाअनुसार जब भारतले सर्जिकल स्ट्राइक गरेर दुई पाकिस्तानी सैनिकको हत्या गर्यो, तब पाकिस्तानले जवाफी कारबाही सुरु गर्यो साथै जियो न्यूजका पत्रकार हामिद मीरले दुई सेक्टरमा १४ भारतीय सेना मारेको दाबी गरेका छन्

डन अखबरकाअनुसार पक्राउ गरिएको भारतीय सेना चन्दू बाबुलाल चौहानलाई गोप्य स्थानमा लगिएको मारिएका आफ्ना सैनिकको शव अझैसम्म भारतीय पक्षले नलगेका अखबरले जनाएका छन्

post image

 

असोज १, नयाँदिल्ली: प्रधानमन्त्री पुष्पकमल दाहालको भारत भ्रमणका अवसरमा दुवै सरकार दुई देशबीचको सम्बन्ध सुधार गर्नका लागि उच्चस्तरीय भ्रमणको आदानप्रदान गर्न सहमत भएका छन् । दुवै देशका सरकार प्रमुखबीचको छलफलपछि जारी गरिएको संयुक्त विज्ञप्तिमा नेपाल– भारतको बहुपक्षीय सहकार्य, निकट र सौहाद्र सम्बन्ध विस्तार गर्नका लागि उच्चस्तरीय भ्रमण आदानप्रदान गर्न लागिएको उल्लेख गरिएको छ ।

प्रधानमन्त्री पुष्पकमल दाहालले आफूलाई नेपाल भ्रमणको निम्तो दिनुभएकामा भारतीय प्रधानमन्त्री नरेन्द्र मोदीलाई धन्यवाद ज्ञापन गरेका छन् भने नेपालबाट भारत भ्रमणका क्रममा नेपाली प्रतिनिधिमण्डललाई न्यानो आतिथ्यता दिएकाप्रति प्रधानमन्त्री दाहालले आभार प्रकट गरेका छन् । दुई देश र जनताबीचको सम्बन्ध परापूर्वदेखि नै गहिरो तथा अतुलनीय मित्रताको जगमा संस्कृति तथा सभ्यतामा रहेको उल्लेख गर्दै जारी विज्ञप्तिमा दुई देशको सम्बन्धलाई नयाँ उचाइमा पुर्याउन विद्यमान संरचनालाई महत्वका साथ अगाडि बढाउने उल्लेख गरिएको छ ।

दुवै देशका प्रधानमन्त्री दुई देशबीचको सम्बन्धलाई अझै गहिरो बनाएर दुई देशबीचका जनताको हितमा प्रयोग गर्न सहमत भएको उल्लेख गरिएको छ । उनीहरुबीच दुई देशका निकायलाई नियमित तवरले निर्देशन दिएर विगतका निर्णयलाई कार्यान्वयनमा लैजाने सहमति गरेका छन् ।  दुई देशका प्रधानमन्त्रीले उपक्षेत्रीय सहकार्यका लागि सहमति जनाउँदै दुवै सरकारले यसको अनुसन्धान गर्ने र विशेषगरी व्यापार, पारवहन, कनेक्टिभिटी र ऊर्जाका विषयलाई प्राथमिकता दिइएको छ । उनीहरु सार्क र बिमेस्टेक परिधिमा रहेका र क्षेत्रीय सहकार्यलाई महत्वकासाथ अगाडि बढाउने विषयमा सहमत भएको उल्लेख गरिएको छ ।

उनीहरु दुई देशबीचको प्रबुद्ध समूहको बैठक सन् २०१६ मै गर्ने र त्यस समूहले नेपाल र भारतबीचको सम्बन्धका विषयमा स्वतन्त्र तवरले बहुपक्षीय सम्बन्धको विकास गर्न थप सहयोग गर्न सुझाव दिने अपेक्षा गरिएको छ ।  गत साल गएको विनाशकारी भूकम्पका समयमा भारतले पुर्याएको एक बिलियन अमेरिकी डलर (रु एक खर्ब)सहयोगप्रति नेपाल सरकार र नेपाली जनताले आभार व्यक्त गरेको उल्लेख गरिएको छ ।

राष्ट्रिय पुनःनिर्माण प्राधिकरणमा दुईपक्ष सहमत भएका परियोजनालाई कार्यान्वयन गर्ने भूकम्पपछि दिने भनिएको रु तीन लाख अनुदानलाई थप सहयोग गर्ने प्रतिबद्धता उल्लेख गरिएको छ । संविधान जारी भएको गत वर्ष गणतान्त्रिक नेपालको ऐतिहासिक क्षण भएको उल्लेख गरिएको छ । उक्त संविधानमा सबैको अपनत्व हुनेगरी कार्यान्वयनमा लैजान सफल होस् भन्ने नेपाल सरकारलाई भारत सरकारले कामना गर्दै जारी प्रक्रिया पूरा हुने अपेक्षा गरेको छ ।

संयुक्त राष्ट्र सङ्घका विषयमा अन्तर्राष्ट्रिय समान धारणा राख्न तथा विकासोन्मुख देशका लागि एकहुने उल्लेख गरिएको छ । त्यसैगरी नेपालले संयुक्त राष्ट्र सङ्घ ,सुरक्षा परिषद्मा नेपालले सहयोग गर्ने बताइएको छ । दुई देशका प्रधानमन्त्रीबीच एकीकृत रुपमा संयुक्त चेकपोस्ट निर्माणको छिटो प्रक्रिया सुरु गर्ने, जसले जनता र वस्तुको आवागमनलाई सहज र छिटो हुने विश्वास लिइएको सम्झौतामा उल्लेख छ । रक्सौल–वीरगन्ज र विराटनगर–जोगवनीमा एकीकृत संयुक्त चेकपोस्ट निर्माणलाई तीव्रता दिने तथा नेपालगन्ज र भैरहवा नाकाको विस्तृत इन्जिनियरिङ अध्ययन गर्ने उल्लेख छ ।

यसैगरी जयनगर–बिजलपुर–बर्दिवास र जोगवनी–विराटनगर नेपाल–भारत सीमा रेलमार्ग परियोजनाको हालसम्मको प्रगतिबारे दुवै प्रधानमन्त्रीले समीक्षा गर्दै यसको कार्यान्वयनलाई तीव्रता दिने सहमति भएको छ । नेपालगन्ज–नेपालगन्जरोड, काँकडभिट्टा–नयाँ लपाइगुरी, भइरहवा–नउतन्वाबीच दुई देशको सीमा रेलमार्ग रेलमार्गको निर्माणको सुरुवात गर्न दुवै पक्ष सहमत भएका छन् ।  मुजफपुर–ढल्केबर विद्युत् प्रसारण लाइनलाई पूर्ण क्षमतायुक्त रुपमा सञ्चालनका लागि आवश्यक व्यवस्था मिलाउन दुवै देशका प्रधानमन्त्रीले सम्बन्धित अधिकारीलाई निर्देशन दिए ।

डिसेम्बर २०१६ सम्म कटैया–कुसाहा र रक्सौल–परवानीपुर प्रसारण लाइनको निर्माण कार्य सम्पन्न गर्ने र दुई देशबीचको विद्युत् बिस्तारलाई पूर्णता दिने, दुवै देशका प्रधानमन्त्रीले दुई देशबीच विद्युत् जडानसम्बन्धी क्रस बोर्डर गुरुयोजना २०३५ र विद्युत् व्यापारको कार्ययोजना २०२५ को तयारीप्रति सन्तोष प्रकट गरेका उल्लेख छ । दुवै देशका प्रधानमन्त्रीले प्रमुख हाइड्रोपावर प्रोजेक्ट पञ्चेश्वर, माथिल्लो कर्णाली, अरुण तेस्रोलगायत परियोजनालाई समयमै कार्यान्वयन गर्ने विज्ञप्तिमा उल्लेख गरिएको छ ।  रक्सौल–अमलेखगञ्ज पेट्रोलियम पाईपलाईन निर्माण सम्बन्धी गत अगस्ट २०१५मा भएको सम्झौताको स्वागत गर्दे निर्माण कार्य छिटो सम्पन्न गर्न निर्देशन दिइएको उल्लेख छ ।

 

post image

भदौ ३१ , नयाँदिल्ली । प्रधानमन्त्री पुष्पकमल दाहाल प्रचण्ड र भारतीय प्रधानमन्त्री नरेन्द्र मोदीवीच भेटवार्ता सम्पन्न भएको छ । चार दिने भारत भ्रमणमा आएका ‘प्रचण्ड’ले शुक्रवार भारतीय प्रधानमन्त्री नरेन्द्र मोदीसँग भेटवार्ता गरेका छन् । उनले हैदरावाद भवनमा नेपाल तथा भारतका अधिकारीहरू सम्मिलित र मोदीसँग मात्रै छुट्टै भेटवार्ता गरेका हुन् ।
दुवै प्रधानमन्त्रीवीच करिव ५० मिनेट कुराकानी भएको थियो । । भेटवार्तामा मोदी र प्रचण्डवीच द्धिपक्षीय सम्बन्धलाई समझदारीमा अघि बढाउने सहमति भएको छ । विगतमा भएका सहमतिलाई कार्यान्वयन गर्दै अघि बढ्ने र आगामी दिनमा आर्थिक साझेदारीमा भारतले सहयोग गर्ने मोदीले विश्वास व्यक्त गरेका थिए ।
मोदी र प्रचण्डवीच आगामी दिनमा द्धिपक्षीय उच्चस्तरीय भ्रमणलाईपनि निरन्तरता दिनेबारेमा समझदारी बनेको छ । भेटमा प्रधानमन्त्री प्रचण्डले मोदीलाई नेपाल भ्रमणको निम्तो समेत दिएका छन् । जवाफमा मोदीले आफू नेपालमा धार्मिक–साँस्कृतिक भ्रमण गर्न तयार रहेको बताए ।
दुवै देशका प्रधानमन्त्रीले संयुक्त पत्रकार सम्मेलन गरेका  छन् । प्रधानमन्त्री दाहालले पश्चेश्वर बहुउदेश्यीय परियोजनाको विस्तृत परियोजना, महाकाली नदी र गण्डक नहरमा सिँचाइ परियोजना, ढल्केवर–मुजफ्फर प्रसारण लाइनको क्षमता अभिबृद्धिको विषयमा छलफल गर्नुभएको छ ।
त्यस्तै हेटौँडामा विद्युत सवस्टेशन, गोरखपुर–भैरहवा प्रसारण लाइन, बङ्गलादेशबाट पारवहन सुविधा, विभिन्न क्षेत्रमा भारतीय लगानी आकर्षित गर्ने, नेपाली कृषिजन्य सामग्रीलाई भारत लैजान सहज बनाउने विषयमा पनि छलफल भएको छ ।
यसै गरी ऊर्जा व्यापार सम्सझौताको पोर्टोकल, गौरीफान्टा नाकाको स्तरोन्नती, कास्कीको ढिकुरापुरमा पोलिटेक्नीकल इन्ष्च्यिुट स्थापना, दोधार चाँदनी सुक्खा बन्दरगाह निर्माण, हुलाकी राजमार्गको दोस्रो चरणको निर्माण, एकीकृत चाँच चौकीहरु निर्माण, नेपालको व्यापार घाटा, नेपाल प्रहरीको एकेडमी निर्माण लगायतका विषयमा छलफल भएको छ ।

दिल्लीमा दाहालको दौडधुप

प्रकाशित मिती : Friday
post image

भदौ ३१, नयाँदिल्ली । भारत भ्रमणमा रहेका प्रधानमन्त्री पुष्पकमल दाहाल प्रचण्डलाई राजकीय सम्मान प्रदान गरीएमकरीएको  छ ।राष्ट्रपति भवनमा बसेका प्रधानमन्त्री प्रचण्डलाई शुक्रबार विहान गार्ड अफ अनर प्रदान गरीयो । प्रधानमन्त्री पुष्पकमल दाहाल प्रचण्डलाई भारतीय समकक्षी नरेन्द्र मोदीले स्वागत गरेका थिए ।

dahalचार दिने भारत भ्रमणका क्रममा बिहीबार दिल्ली पुगेका प्रधानमन्त्री प्रचण्डले आज उच्चस्तरीय भेटवार्ता गर्ने कार्यक्रम छ । आज बिहान  राष्ट्रपति कार्यालयमा  प्रधानमन्त्री दाहाललाई सम्मान गारथ अर्पण भईसकेको छ । प्रधानमन्त्री दाहालको शुक्रवारको कार्यक्रम तालिका निम्नानुसार रहेको छ ।

बिहान १०–१० मा भारतीय विदेशमन्त्री सुष्मा स्वराजसँग छलफल

बिहान ११–३० बजेदेखि १२ बजेसम्म हैदरवाद हाउसको डेकेन स्विटमा भारतका प्रधानमन्त्री मोदीसँग कुराकानी

मध्यान्ह १२ बजेदेखि १ बजेसम्म हैदरवाद हाउसको कन्फरेन्स रुममा प्रतिनिधिमण्डल स्तरीय भेटवार्ता

दिउँसो १ बजेदेखि १–१० सम्म हैदरावाद हाउसको बल रुममा दुइैपक्षिय सम्झौताहरुमा हस्ताक्षर हुने

दिउँसो १–१० बजेदेखि १–३० सम्म पत्रकार सम्मेलन, प्रधानमन्त्रीद्धय मोदी र प्रचण्डले संयुक्त संवोधन गर्ने

दिउँसो १–३० बजेदेखि २–३० सम्म दिवाभोज

अपराह्न ४ बजेदेखि ४–३० सम्म अर्थमन्त्री अरुण जेट्लीसँग छलफल

अपराह्न ४–३० बजेदेखि ५ बजेसम्म उर्जामन्त्री पियूष गोयलसँग छलफल

साँझ ५–३० बजे उपराष्ट्रपति हमिद अन्सारीसँग भेटवार्ता

post image

भदौ २८, काठमाण्डौं । प्रधानमन्त्री पुष्पकमल दाहाल प्रचण्डको आसन्न भारत भ्रमणको तयारीका लागि भारत गएका परराष्ट्रमन्त्री डा. प्रकाशशरण महत मंगलबार स्वदेश फर्किएका छन् । आइतबार नयाँ दिल्ली गएका डा. महत मंगलबार दिउँसो काठमाडौं आइपुगेका हुन् ।

स्वदेश फर्कने क्रममा त्रिभुवन अन्तर्राष्ट्रिय विमानस्थलमा पत्रकारहरुसँग कुरा गर्दै उनले प्रधानमन्त्री प्रचण्डको भ्रमणको तयारी अन्तिम चरणमा रहेको भारत स्वागत गर्न आतुर रहेको बताए ।

भारत भ्रमणका क्रममा परराष्ट्रमन्त्री सुष्मा स्वराज, गृहमन्त्री राजनाथ सिंहलगयातसँग उच्चस्तरीय भेटवार्ता गरेका थिए । प्रधानमन्त्री प्रचण्ड यही भदौ ३० गते भारत भ्रमणमा जाँदैछन् ।

post image

भदौ २७, काठमाण्डौं । छिमेकी राष्ट्र भारतकाको भ्रमणमा रहनु भएका परराष्ट्रमन्त्री डा. प्रकाशशरण महत र भारतीय परराष्ट्रमन्त्री सुस्मा स्वराज बिच भेटवार्ता भएको छ । परराष्ट्रमन्त्री महतले भारतीय परराष्ट्रमन्त्री सुस्मा स्वराजसँग भारतको परराष्ट्र मन्त्रालयमा आयोजित कार्यक्रमका बिच भेटवार्ता गर्नु भएको हो ।

प्रधानमन्त्री पुष्पकमल दाहालको भारत भ्रमणको पूर्वसन्ध्यामा आइतबार नयाँ दिल्ली आइपुगेका उनले परराष्ट्रमन्त्री स्वराजसँग भ्रमणका एजेन्डाबारे छलफल गरेका छन् ।

दुई परराष्ट्र मन्त्री बिचको भेटवार्ता प्रधानमन्त्री दाहालको भारत भ्रमणका विषयमा केन्द्रित रहेको बताईएको छ ।  दुई देशबीचको आपसी सम्बन्धलासई थप उचाई दिनका लागि भ्रमण उपयोग गर्ने उनले बताए।

post image

भदौ २४, काठमाण्डौं नेपाली अदुवामाथि गत ११ दिनदेखि भारतले लगाएको प्रतिबन्ध शुक्रबारबाट खुलेको छ। नेपाली अदुवामा विषादीको मात्रा देखिएको भन्दै भारतको खाद्य विभागले नेपाली अदुवाको भारत निर्यातमा रोक लगाएको थियो। तर, नमुना जाँचका लागि भारत लगिएको १० क्विन्टल अदुवामा कुनै विषदी नदेखिएपछि भारतले पुनः निर्यात खुला गरेको हो।

नेपाली अदुवाको नमुना परीक्षणका लागि १० क्विन्टल अदुवा पठाइ भारतको खाद्य विभागले माग गरेपछि नेपाली व्यवसायीले सोही परिमाणमा अदुवा परीक्षणका लागि भारत पठाएका थिए।

भदौ १५ गतेदेखि भारतले नेपाली अदुवा निर्यात रोकेपछि विशेष गरी पूर्वी नेपालका अदुवा किसान मारमा परेको थिए। भारत निर्यात नहुँदा किसानले ठूलो क्षेत्रफलमा लगाएको अदुवा नै कुहिएर जाने अवस्था सिर्जना हुन लागेको भन्दै उनीहरु निर्यात खुलाउने पहल गर्न सरकारसँग माग गरिरहेका थिए।

भारतको यस निर्णयसँगै अब नेपाली किसान तथा व्यवसायीले नेपाली अदुवा शुक्रबारबाट नै भारत निर्यात गर्न सक्ने छन्।

 

post image

 

साउन २८, नयाँदिल्ली भारत । भारतको नयाँ दिल्लीस्थित ईण्डिया ईन्टरनेशनल सेन्टरमा माइती इण्डियाको आयोजनामा मानव बेचबिखन ओसार प्रसार तथा बेचविखनको विषयमा एक दिने गोष्ठी सम्पन्न भएको छ । कार्यक्रममा भारतीय सीमा सुरक्षा बलका एआईजी रेनुका मिश्र, डिआईजी श्रवण कुमार, डिआईजी केएस महि, अजय उन्याल, नेपाली राजदूतावासका कार्यवाहक राजदूत, काउन्सेलर यादवराज खनाल, द्वितीय सचिव सृजना अधिकारी, एबिसि नेपालकी अध्यक्ष दूर्गा घिमिरे, महिला, बालबालिका तथा समाज कल्याण मन्त्रालयका डा. किरण रुपाखेती, नेपाल जनसम्पर्क समिति भारतका अध्यक्ष बाल कृष्ण पाण्डे, भारतीय विदेश मन्त्रालयका प्रतिनिधि,  भारतीय कानुनविद् तथा मानव अधिकारकर्मिहरु तथा करिब एक दर्जन चेलिबेटी सम्बन्धी कार्यरत सामाजिक संस्थाका प्रतिनिधिहरुको उपस्थिति रहेको थियो ।

भारतीय सीमा सुरक्षा बलका आइजी रेनुका मिश्रले खुला सीमानाका कारण मानव तथा चेलीवेटी ओसार पसारमा समस्या देखिएको भन्दै दूई देशको बीचमा अझ बढी समन्वय हुनुपर्ने बताइन् । उनले यस कार्यका लागि नेपालमा खास एउटा निकाय नहुँदा आफूहरुलाई काम गर्न त्यति सहज नभएको बताइन् । उनले भारतको सीमा सुरक्षा बल र नेपालको सुरक्षा निकायको बीचमा त्यस्तो समझदारी हुन सक्ने बताईन । चेलीबेटी बेचबिखन बिरुद्ध लामो समयदेखि कार्यरत एबिसि नेपालकी अध्यक्ष दुर्गा घिमिरेले विगतमा भन्दा अहिले मानव ओसार पसारको शैली बदलिएको भन्दै त्यसै ढंगले समस्यालाई समाधान गर्नुपर्ने बताइन् । उनले पछिल्लो समयमा नेपाली चेलीलाई घरेलु कामदारको रुपमा राखेर यौन शोषण गर्ने तथा मेनपावर कम्पनीहरु समेत ओसारपसारमा लागेको बताउनुभयो ।

महिला, बालबालिका तथा समाज कल्याण मन्त्रालयका डा. किरण रुपाखेतीले यस विषयमा आधिकारिक डाटाको अभावको कारणले काम गर्न गाह्रो भएको बताए । उनले यस विषयमा नेपाल र भारत बीचमा दूईपक्षीय सम्झौताको आवश्यकता रहेको बताउँदै भारतमा उद्दार गरिएकालाई सहज रुपमा नेपाल फर्काउन पनि दूई देशको बीचमा एमओयु हुनुपर्ने बताउनुभयो ।

नेपाली जन सम्पर्क समिति भारतका अध्यक्ष बाल कृष्ण पाण्डेले मानव ओसारपसार तथा बेचबिखनको समस्या झन भयावह भएको भन्दै तत्काल यस विषयमा कार्यरत सबै पक्षहरु एक साथ मिलि नियन्त्रण गर्नुपर्ने बताए । भारतस्थित नेपाली राजदूतावासका कार्यवाहक राजदूत कृष्णप्रसाद ढकालले राजदूतावासले यो समस्यालाई गम्भिर रुपमा लिएको भन्दै जस्तो सुकै सहयोग गर्न तयार रहेको र गरिरहेको बताए ।

post image

साउन २६, काठमाण्डौं । दक्षिण एसियाली लेखापाल संघ – साफा _ र नेपाल चार्टड एकाउन्टेन्स संस्था -आईक्यान _ को संयुक्त आयोजनामा यही साउन २९ गते काठमाण्डौमा १ दिवसीय अन्तराष्ट्रिय सम्मेलन हुने भएको छ । दक्षिण एसियाली राष्ट्रहरुका सदस्य संस्थाहरुको सहभागीतामा आयोजना हुन गईरहेको उक्त सम्मेलन लेखाको नैतिक आयामका बिषयमा केन्द्य्रित रहने छ । पछिल्लो समयमयमा आएर लेखा ब्यावसाय एक प्रतिष्ठीत पेशका रुपमा बिकास भईरहेको छ । यस सम्मेलन लेखाका समकालिन र उदीयमान बिषयहरुमा बढी केन्द्रीत रहने छ ।

यस सम्मेलनमा दक्षिण एसियाली मुलुकहरु सार्कका सदस्य राष्ट्रका लेखा सम्वन्धि ब्यवसायीहरुको सहभागीता रहने छ धने बिभिन्न अन्तराष्ट्रिय लेखासँग सम्वन्धित ब्यक्ति तथा संस्थाहरुको यस सम्मेलनमा सहभागीता रहने छ । यही साउन २९ गते काठमाण्डौको सोल्टी होटलमा आयोजना हुने अन्तराष्ट्रिय सम्मेलनमा स्वदेश तथा बिदेशवाट समेत ब्यवसायीक लेखापालहरुको सहभागीता रहने छ ।

post image

दिउसै रात पार्न खोज्ने केहि परामर्श ब्यबसायीहरु मानव तस्करी गर्छन । अरु कुनै व्यबसायमा नबीकेका २ पैसे खुद्रे कन्सल्ट्यान्सीले नेपाली बिद्यार्थीहरुलाई बिजोग पारे ब्याङ्लोर लगेर । नर्सिङ अध्ययनका लागी त्यहाँ पुगेका बिद्यार्थी त्यतिबेला छागाबाट खसे जस्तो भए तब उनिहरुले पढेको डिग्री त्यहाँको नर्सिङ काउन्सिलले मान्यता नदिने बतायो । ब्याङ्लोरबाट स्थलगत रिपोर्ट गरेका पत्रकार जनक राज पन्डितका अनुसार अब बिद्यार्थीहरुले त्यहाँ जानु अघी धेरै पटक सोच्नुपर्ने छ । हाम्रो सम्पर्कमा आएका पिडित बिद्यार्थीहरुको दर्दनाक कथा प्रस्तुत गर्दै छौ हामी । थप यो रिपोर्टमा हेर्नुहोस आज बेलुकी ६.३० बजे, भोली १२ बजे न्युज २४ टेलिभिजनमा, भोली बेलुकी ६.०५ बजे नेपाल टेलिभिजनमा र शनिबार बेलुकी ७.३० बजे कान्तिपुर टेलिभिजनमा…

बिप्लव चन्द, नेपाल बन्द

प्रकाशित मिती : Friday
post image

श्रावण ८ गते, शुक्रबार,   संविधान निर्माण र लिपुलेक सम्झौताविरुद्ध नेत्रविक्रम चन्द नेतृत्वको नेकपा माओवादीले गरेको नेपाल बन्दले देशभरी जनजीवन प्रभावित भएको छ । काठ मान्डौ तथा देशका सबैजसो ठाऊँमा बन्दका कारण मुख्य सडक वरपरका पसल खुलेका छैनन् भने शिक्षण संस्था पनि बन्द रहेका छन् । सहरका भित्री गल्लीका पसलहरु न्युना मात्रामा खुलेका छन् । लामो तथा छोटो दुरीका सार्वजनिक सवारीसधान चलेका छैनन् । काठमाडौमा बन्दकर्ताको उपस्थिति केही कम भएपनि बन्दको प्रभाव भने परेको छ तर केही निजी सवारी साधनहरू भने फाट्टफुट्ट चलिरहेका छन् । बन्दका कारण प्रहरीले काठमाडौं उपत्यकामा सुरक्षा व्यवस्था कडा पारेको छ । बिहानैदेखि जर्बजस्ती यातायात बन्द गराउँदै हिड्ने चन्द माओवादीका नेता तथा कार्यकर्ताहरुलाई विभिन्न ठाउँबाट पक्राउ गरेको छ ।

post image

श्रावण ६ गते बुधवार , सम्बिधान बन्ने लगभग निश्चित बनिरहेकै बेला सम्बिधान सभाका अध्यक्ष सुबास नेम्वाङलाई भने बिभिन्न ब्यक्ती, संस्थाहरुले दिने सुझाब सुन्न भ्याइनभ्याइ छ । सुने र बुझे जस्तो गर्ने उनको दैनिकी भएको छ । सुनाउन जानेलाई लाग्दो हो आफ्नो सुझाब शतप्रतिशत लागु हुन्छ र सुने, बुझे जस्तो गर्ने अध्यक्षलाई पनि आउनेलाई किन निराश पार्ने भन्दै थोरै भएपनी समय निकाल्ने प्रयास गरिरहेका हुन्छन । यो सबैलाई जग जाहेर छ कि १६ बुदे सहमती भएपछी सम्बिधान बनाउने बाटो खुल्यो र सम्बिधान जारी गर्न पनि सहमती नै चाहिन्छ । अरु सब जनताको आखामा छारो हाल्ने काम बाहेक केहि होईन । सबैलाई चेतना भया ।

post image
श्रावण ६ गते बुधवार ,  नेपाल स्थित रसियन दुताबासले आफ्नो राष्ट्रीय दिबस एक भब्य कार्यक्रम आयोजना गरी मनाएको छ । रसियन दुताबासमा आयोजित कार्यक्रममा राजदुत सेर्गी भी भेलिच्कीन  तथा श्रीमती ओल्गा भेलिच्कीनाले संयुक्त रुपमा केक काटी दिबस मनाइएको थियो । रमाइलो पक्ष त के देखिन्थ्यो भने राजदुत दम्पतीले केक काटिरहदा नेपाल सरकारका मुख्य सचिब लीलामणी पौडेल भने ताली पिटिरहेका थिए । कलाकार राजेश हमाल देखी राजनितिक्, सामाजिक्, ब्यापारीक ब्यक्तीहरुको उल्लेख्य उपस्थिती रहेको उक्त कार्यक्रम भइरहदा बाहिर ठुलो पानी परिरहेको थियो भने भित्र व्हिस्कीको चुस्की लगाउने क्रम बढ्दै थियो । रसियाको आर्थीक स्थिती खस्कदै गएपनी नेपाल सँगको दुइ पक्षिय सम्बन्ध भने पुरानो नै हो ।