post image

 असार २९, काठमाडौं । भारतीय पूर्वक्रिकेटर तथा मन्त्री नवजोत सिहं सिद्धूले पञ्जाव मन्त्रिपरिषदबाट राजीनामा दिएका छन्।गत जुन १० मा उनले भारतीय राष्ट्रिय कंग्रेसका अध्यक्ष राहुल गान्धीलाई राजीनामा बुझाएका हुन्।

उनले आइतबार सो राजीनामाका बारेमा आफ्नो ट्विटरबाट सार्वजनिक गरेका हुन्। त्यस्तै उनले उक्त राजीनामा पत्र पञ्जाव मुख्यमन्त्रीलाई बुझाउने ट्विटमा उल्लेख गरेका छन्।

राजीनामा पत्रमा उनले ‘म पञ्जाव मन्त्री परिषदबाट राजीनामा दिन्छु’ भनी लेखेका छन्। सो राजीनामाको कारण पञ्जावका मुख्यमन्त्री अमरिदर सिहं र उनीबीच केही खटपट भइरहेको एजेन्सीले जनाएको छ।

मुख्यमन्त्री सिहंले लोक सभा चुनावमा राम्रो सिट नपाउँदा रिसमा नवजोत सिहं सिद्धू तथा अन्य मन्त्रीको पदमा हेरफेर गरेको कारण हुन सक्ने बताइएको छ।

उनलाई स्थानीय स्वशासन विभागबाट ऊर्जा तथा नवीकरण उर्जा विभागमा पद दिइएको थियो।

तर उनले सो पदको कार्यभार भने सम्हालेनन्। उनीविरूद्ध मन्त्रीहरूले नाराबाजी समेत लगाएका थिए। त्यसलाई अन्त्य गर्नका लागि उनले आफैं राजीनामा दिएको बुझिएको छ।एजेन्सी

post image

असार २७, लस एन्जलस । मौसमको खराबीका कारण एयर क्यानाडाको जहाज अमेरिकाको होनोलुलु विमानस्थलमा आकस्मिक अवतरण गराइएको छ ।

एयर क्यानाडाको ७७७–२०० विमान क्यानाडाको भ्यान्कुभरबाट सिड्नी जान लागेको थियो । उडानका क्रममा नै संयुक्तराज्य अमेरिकाको हवाई राज्यको राजधानी होनोलुलुमा शुक्रबार आकस्मिक अवतरण गराइएको थियो ।

त्यस क्रममा ३७ जना यात्रु घाइते भएका छन् । उनीहरुलाई अस्पताल भर्ना गरिएको पनि उक्त एयरवेजले जानकारी दिएको छ ।

विमानमा २६९ जना यात्रु र १५ जना चालक दलका सदस्य थिए । उडिरहेको विमान मौसमको खराबीका कारण हल्लिएको बताइएको छ ।

जहाजमा बसिरहेका यात्रुहरुले त्यस समयमा ‘सिटबेल्ट’ नलगाएका र जहाज मौसमका कारण अकस्मात हल्लिन थालेपछि यात्रुहरु जहाजका विभिन्न भागमा ठोक्किन पुगेका थिए ।

यसैकारण उनीहरु घाइते भएकाे एयर क्यानाडाले विज्ञप्ति प्रकाशन गरी जानकारी दिएको छ । हावाले विमान हल्लाएपछि यात्रुहरु एकआपसमा ठोक्किए र कतिपय त विमानको सिलिङमा पनि ठोक्किएको विमानमा सवार यात्रुहरुले बताएका छन् ।

अस्पताल भर्ना भएकामध्ये नौ जना गम्भीर रुपमा घाइते भएको एयरलाइन्सले जनाएको छ ।    रासस-

post image

असार २०, काठमाडौं । अमेरिकास्थित साउदर्न क्यालिफोर्नियामा दुई दशक यताकै सबैभन्दा शक्तिशाली भूकम्प गएको छ । शुक्रबार ६.४ म्याग्नेच्युडको भूकम्प मापन गरिएको हो ।

भूकम्पको केन्द्रबिन्दु लस एन्जलस भन्दा २४० किलोमिटर टाढा रिजक्रेस्ट शहर रहेको छ । भूकम्पले रिजक्रेस्टमा अत्यधिक क्षती पुर्याएको स्थानीय भूगर्वविद् प्राध्यापक जोन रण्डलले बीबीसीलाई बताए ।

अमेरिकी स्वतन्त्रता दिवसको दिन आएको भूकम्पको केन्द्रबिन्दु घना बस्तीमा नहुनु नै भाग्यको कुरा भएको उनले बताए ।

रिजक्रेस्टको क्षेत्रीय अस्पतालबाट बिरामीलाई बाहिर निकालिएको जानकारीमा उल्लेख छ । उक्त अस्पतालले करिब दुई दर्जन मानिसको सामान्य उपचार गरेको जानकारी दिएको छ ।

शहरका मेयर पेगी ब्रिडेनले सीएनएनलाई बताए अनुसार उक्त शहरमा संकटकालको घोषणा गरिएको छ ।ब्रिडेनका अनुसार केही व्यक्ति भवनबाट खसेको सामान खसेर घाइते भएका छन् भने ग्यास लाइन फुटेका छन् ।

post image

असार १९, काठमाडौँ । लिबियाको राजधानी त्रिपोली नजिकै एउटा थुनुवा केन्द्रमा गरिएको बम बिस्फोटमा परी एक नेपालीको मृत्यु भएको छ । मंगलबार राती भएको बिस्फोटमा २७ वर्षीय सन्तोष श्रेष्ठको ज्यान गएको हो । यसबारे इजिप्टको कारयोमा रहेको नेपाली दूतावासले जानकारी दिएको छ ।

श्रेष्ठ युरोपेली मुलुक इटालीका लागि हिँडेको तर  मानव तस्करको चङ्गुलमा परेर युद्धग्रस्त अफ्रिकी देश लिबियामा पुगेको बताइएको छ ।  आक्रमणमा परी २७ वर्षीय सन्तोष श्रेष्ठसहित धेरै शरणार्थी तथा आप्रवासीको मृत्यु भएको छ ।  यही असार १७ गते उक्त आक्रमण भएको र नेपाली मृतकका बारेमा थप विवरण प्राप्त नभएको उक्त दूतावासले बताएको छ ।

त्रिपोलीमा रहेका श्रेष्ठलाई उद्धार गरी नेपाल फर्काउन दुई दिनअघि मात्र यात्रासम्बन्धी कागजात पठाउन आइओएमले नेपाली दूतावासलाई पत्राचार गरेको थियो ।

यसअघि आठ जना नेपालीलाई त्यहाँबाट उद्धार गरी नेपाल फर्काइएको र अझै छ जना नेपाली आइओएमको शिविर त्रिपोलीमा रहेको तथा उनीहरुलाई चाँडोभन्दा चाँडो नेपाल फर्काउने प्रयास भइरहेको दूतावासले आज एक विज्ञप्ति जारी गरेर बताएको छ ।

४० जनाभन्दा बढी आप्रवासीको ज्यान जाने गरी गरिएको हमला युद्ध अपराध हुनसक्ने राष्ट्रसंघका एक अधिकारीले बताएका छन् ।

घटनामा एक सय ३० जनाभन्दा बढी घाइते भएका छन् । ६ सयजना आप्रवासी बस्दै आएको तजौरा थुनुवा केन्द्र आक्रमणमा परेको हो ।थुनुवा केन्द्रलाई सरकारी पक्षबाट घेरा हालिएको जनरल हफ्तारको फौजले आरोप लगाएका छन् ।

 

post image

असार १२, काठमाडौं । भारतको मुम्बईबाट न्युयोर्कका लागि उडेको विमान लण्डनको उत्तर पश्चिमी क्षेत्रमा रहेका स्टनस्टेड विमानस्थलमा आकस्मिक अवतरण गरेको छ ।

विमानमा बम राखिएको सूचना आएपछि बिहीबार विहान आकस्मिक अवतरण गरिएको भारतीय पत्रिका हिन्दुस्तान टाइम्सको अनलाइन संस्करणले जनाएको हो ।

विमानस्थलले जारी गरेको सूचना अनुसार शंकास्पद गतिविधि पत्ता लाग्ने वित्तिकै फ्याइट नम्बर एआई१९१ विमानलाई विमानस्थलको सुरक्षित भागमा अवतरण गराइएको थियो । त्यसक्रममा मुख्य टर्मिनल प्रभावित भएन ।

विमानमा कति यात्रु सवार थिए भन्ने सार्वजनिक गरिएको छैन ।

post image

असार १२, मस्को। रुसको साइबेरियामा बिहीबार अवतरणका क्रममा अनियन्त्रित भएको एउटा सानो यात्रुबाहक विमान बिमानस्थल नजिकैको भवनमा ठोक्किएर दुर्घटनाग्रस्त हुँदा चालक दलका दुई जनाको मृत्यु भएको छ।

साइबेरियाको निझनियनगास्क विमानस्थलमा आपतकालीन अवतरण गर्नेक्रममा बिमान दुर्घटनाग्रस्त भएको अधिकारीहरुले बताएका छन्। एएन–२४ कलसाइन रहेको उक्त विमान उलान–उडबाट आएको थियो।

उक्त बिमान धावनमार्गबाट करिब १०० मिटर टाढा उछिट्टिएको थियो। आपतकालीन अवतरण गरेको बिमानले धावनमार्ग नजिकैको फोहोर प्रशोधन केन्द्रको भवनमा ठक्कर दिएको थियो।

बिमानमा सवार २२ जना घाइते भएको रासियाली समाचार संस्था तासले जनाएको छ। ४४ जनाको उद्धार गरिसकेको उसले उल्लेख गरेको छ। दुर्घटनाग्रस्त बिमानमा तत्कालै आगलागी पनि भएको थियो।

रुसी उड्डयन प्राधिकरणले दुर्घटनाको बारेमा अनुसन्धान शुरु गरेको जनाएको छ।

post image

असार ९, काठमाडौँ । टर्कीको राजधानी इस्तानबुल महानगरको मेयरका लागि दोहोर्‍याएर भएको चुनावमा राष्ट्रपति तेयीप आर्दोनको पार्टीलाई हराउँदै विपक्षी दल रिपब्लिकन पिपल्स पार्टी (सिएचपी) पार्टीका इक्रम इमामोग्लुले जितेका छन्।

मार्च ३१ मा भएको महानगरको चुनावमा पनि उनैले जितेका थिए। उनले झिनो मतले जितेपछि निर्वाचनमा धाँधली भएको भन्दै पुन: चुनाव घोषणा गरिएको थियो।

जुन २३ मा दोहोर्‍याएर गरिएको चुनावमा पनि इक्रमले नै जित हात पारेका छन्।  उनले ५४ प्रतिशत भोट ल्याएर चुनाव जितेको अन्तर्राष्ट्रिय सञ्चार माध्यमहरूले जनाएका छन्। उनका प्रतिद्वन्द्वी सत्तारूढ दल जस्टिस एण्ड डेभलपमेन्ट पार्टी (एके) पार्टीका उम्मेदवार विनाली यीलदिरिमले हार स्वीकार गरेका छन्।

इक्रमलाई राष्ट्रपति आर्दोनले बधाई समेत दिएका छन्। ‘इक्रम इमामोग्लुलाई चुनाव जितेकोमा म बधाई दिन चाहन्छु,’ उनले ट्वीटरमार्फत् भनेका छन्।

इस्तानबुलको चुनावी नतिजाले आर्दोनको सत्तालाई भने चुनौती दिएको छ। चुनावअघि उनी आफैंले भनेका थिए, ‘इस्तानबुलको चुनाव जसले जित्छ त्यसले सिंगो टर्की जित्छ।’

मेयर जितेपछि भएको विजयी सभालाई सम्बोधन गर्दै इमामोग्लुले पनि इस्तानबुल सहरमात्र हैन देशकै लागि यो नयाँ युगको सुरूआत भएको बताएका छन्।

उनले राष्ट्रपतिसँग हार्दिकतापूर्वक काम गर्न चाहेकोसमेत बताए। ‘राष्ट्रपतिज्यू म तपाईंसँग हार्दिकतापूर्वक काम गर्न तयार छु,’ उनले भने। उनले सात लाख ७५ हजार भोट ल्याएर इस्तानबुलको मेयर पद हात पारेका हुन्।

post image

असार २, एजेन्सी । बिहारमा भीषण गर्मी र लूको कारणले शनिवार ६६ मानिसको मृत्यु भएको छ ।मृतकमध्ये औरङ्गाबाद सहरमा सबैभन्दा बढी ३०, गयामा २५ र प्रदेश राजधानी पटनामा तीन जना छन् ।

लूबाट प्रभावित कयैन विरामी शरीरमा पोलेको लक्षण लिएर अस्पताल पुगेको थिए । प्रदेशका विभिन्न अस्पतालमा अझै पनि १ सय विरामीको उपचार भइरहेको जानकारी छ । सरकारले अस्पताललाई हाई अलर्टमा राखेको छ ।

विहारका मुख्यमन्त्री नीतिश कुमारले औरङ्गाबाद, गया र नवदामा भीषण गर्मी र लूको कारण मृत्यु भएका प्रति दुःख व्यक्त गर्दै मृतक परिवारलाई ४–४ लाख भारु मुआव्जा दिने बाचा गरेका छन् ।

केन्द्रीय स्वास्थ मन्त्री डा. हर्षवर्धन गर्मीमा कमी नआएसम्म घरबाट बाहिर ननिस्कन सल्लाह दिएका छन् । डाक्टरका अनुसार ‘लू’ बाट प्रभावितहरुमा भाइरल ज्वरो आएको थियो । मर्ने मध्य अधिकाशं विरामीमा १०२ देखि १०८ डिग्री फरेनहाइट ज्वरो थियो । १०८ ज्वरो अत्यन्त खतरनाक अवस्था हो । त्यति ज्वरोको साथ अस्पताल आएका विरामी केही मिनेटमै मरेका थिए ।

विरामीका उपचारमा संलग्न डाक्टर भी के प्रसादले उपचारको दौरान आफ्नो अस्पतालमा १५ मानिसको मृत्यु भएको बताए । विरामीलाई कडा ज्वारो, वान्ता आउने, टाउको दुख्ने, ज्यान दुख्नेजस्ता समस्यासहित आएका थिए ।

डा. प्रसादका अनुसार अधिकांश मृत्यु दिउँसो २ देखि ५ बजेबीच भयो ।

५२ वर्ष यताकै उच्च तापक्रम

शनिबार बिहारको तापक्रम अत्यधिक बढी थियो । यस कारण पनि लूको तीव्रता बढी छ । शनिवार पटनाको अधिकतम तापक्रम ४५.८ डिग्री थियो । यो तापमान सामान्यभन्दा ९ डिग्री बढी हो ।

यो स्तरमा पटनाको अधिकतम तापक्रम दर्ता भएको सबैभन्दा उच्च तापक्रमलाई पनि उछिन्ने मार्गमा रहेको अनुमान गरिएको छ । पटनामा सन् १९६६ जुन ९ मा अहिलेसम्मकै उच्च ४६.६ डिग्री तापक्रम मापन गरिएको थियो ।

 

post image

जेठ ३१ ,काठमाडौं । उत्तरी भारतमा धेरै लिची खाएका कारण पछिल्लो तीन सातामा ४७  जना बालबालिकाको मृत्यु भएको छ। बिहारका स्वास्थ्य अधिकारीहरूले बताएअनुसार  सुक्ष्म इन्सेफ्लाइटिस सिन्ड्रोमका कारण ती बालबालिकाको ज्यान गएको हो।

स्वास्थ्य अधिकारीहरूका अनुसार ती बालबालिकाको रगतमा चिनीको मात्रा कम भएको थियो। चिनीमा रगतको मात्रा कम भएपछि शरीरले फ्याट्टी एसिडलाई पचाएर ग्लुकोज बढाउन थाल्छ। रगतमा चिनी कम हुनुका पछाडी लिचीमा हुने रसायन भूमिका खेलेको उनीहरूले बताएका छन्।

‘अन्तर्राष्ट्रिय विज्ञहरूले हामीलाई भनेअनुसार लिची त्यस्तो प्रकारको रसायन हुन्छ। लिची खाँदा त्यो रसायन कलेजोमा गएर बस्छ। जब तापक्रम बढ्छ त्यो रसायन कलेजोबाट बाहिर निस्कन्छ,’ विहारका स्वास्थ्य अधिकार सञ्जयकुमारले भने,‘ मुजफ्फारपुर धेरै लिची फल्ने क्षेत्र हो। बालबालिकाको मृत्यु हुनुमा लिचीको भूमिका छ भन्ने हाम्रो शंका हो। तर यो पनि सत्य हो की जब तापक्रम घट्छ र पानी पर्छ। लिची खाए पनि नखाए पनि यस्ता घटना हुँदैनन्।’

बिरामी बालबालिकाका अभिभावकले छोराछोरी दिनभरी लिचीका रूखमा झुण्डिने र टन्न लिची खाएर आउने भएकाले राति खाना नखाने बताएका थिए।

post image

जेठ २७, काठमाडौं । संसारभरीका मुसलमान रमजानको महिनामा ब्रत राख्छन् र प्रार्थना गर्छन् तर श्रीलङ्कामा मुसलमानको एउटा सानो समुहले आफूलाई हिंस्रक समुहबाट अलग देखाउनका लागि मस्जिद तोडे ।

अकबर खान मदतुंगमाका मुख्य मस्जिदका ट्रस्टी हुन् । उनले बीबीसीसँगको कुराकानीमा ‘अल्लाह’  माथि विश्वास राख्नेहरुले आखिर किन यस्तो कदम उठाए भन्ने जानकारी दिएका छन् ।

इस्टरको दिन हमलापछि हाम्रो बस्तीका गैर मुसलमानले हामीलाई आतंकवादी देख्थे ।’  एमएचएम अकबर यसो भन्दै श्रीलङ्कामा ईस्टरको दिन भएको हमलाबारे बताइरहेका थिए । उक्त हमलामा २ सय ५० व्यक्तिको मृत्यु भएको थियो र यसमा मुस्लिम कट्टरपन्थी समूहको हात भएको बताइयो ।

अकबर भन्छन्, ‘उक्त हमलापछि पुलिसको मस्जिदमा आवतजावत भइरहन्थ्यो । यसै कारण मानिसहरु तनावमा पर्न थाले । उक्त हमलापछि हाम्रो र अन्य समुदायबीच विश्वास निकै खस्किएको छ ।’

कथित रुपमा यो मस्जिदको प्रयोग प्रतिबन्धित चरमपन्थी संगठन तौहिद जमातका सदस्यले गरिन्थ्यो । उक्त समुहमाथि अप्रिलमा द्वीपीय देशमाथि आत्मघाती बिस्फोट गराएको शंका थियो ।

इस्टर हमलापछि श्रीलङ्काली सरकारले देशव्यापी रुपमा तौहिद जमातलाई टार्गेट गर्दै कारवाही सुरु गरेको थियो । उक्त संगठनको तर्फबाट पूर्वी शहर कट्टनकुडीमा एक मस्जिद चलाइँदै थियो जसलाई सिल गरिएको छ ।

मदतुंगामामा यो मस्जिद ऐतिहासिक, धार्मिक वा संस्कृतिक रुपमा महत्वपूर्ण थिएन । यो एउटा भिन्न अति–रुढिवादी मस्जिद समूहद्वारा संचालन गरिँदै थियो जसको उक्त हमलासँग कुनै सम्बन्ध थिएन।

 उक्त कदमबाट थाहा हुन्छ कि चरमपन्थीबाट छुटकारा पाउनका लागि यो समुदायका व्यक्तिहरु कुन हदसम्म जान तयार छन् ।

अकबर भन्छन्, ‘हाम्रो इलाकामा पहिले नै एउटा मस्जिद थियो जसमा मानिसहरु नमाज पढ्थे । तर केही वर्ष अघि केही मानिसहरुले उक्त नयाँ मस्जिद बनाएका थिए ।’

मे महिनामा पुरानो मस्जिदका एउटा सदस्यले बैठक बोलाए जसमा विवादको जड उक्त नयाँ मस्जिदलाई ध्वस्त गरिदिने निर्णय गरियो । स्थानीयले हातमा हथौडा लिएर यो मस्जिदलाई तोडे ।

लगभग ७० प्रतिशत श्रीलङ्काली जनसंख्या बौद्ध धर्म मान्छन् र सबैजना सिंहली भाषा बोल्छन् । १२ प्रतिशत जनसंख्यासहित हिन्दु धर्म देशको दोस्रो ठूलो समुदार हो । त्यसपछि १० प्रतिशत जनसंख्यासहित मुसलमान तेस्रो स्थानमा र ७ प्रतिशत जनसंख्यासहित ईसाई तेस्रो स्थानमा आउँछ ।एजेन्सी

post image

जेठ २४, काबुल । अफगानिस्तानको पूर्वी लोगाड प्रान्तमा शुक्रबार सरकारी सुरक्षाफौजले गरेको प्रतिआतङ्कवादी कारबाहीका क्रममा १८ जना तालिबानी लडाकू मारिएका छन् ।

प्रान्तीय सरकारले जारी गरेको वक्तव्यमा मुहम्मद आघा जिल्लास्थित विशेष प्रहरी बलले शुक्रबार बिहानै कारबाही गरेको र त्यसक्रममा विगतमा आतङ्कवादी अपराधमा संलग्न व्यक्तिहरु मारिएको उल्लेख छ ।

सुरक्षाफौजले तीन थान एके–४७ बन्दुक, १७ थान म्याग्जीन तथ ४५० थान बन्दुकका गोली समेतका हातहतियार पनि बरामद गरेको छ ।

लोगाड प्रान्तमा सक्रिय तालिबान समूहले भने उक्त घटनाका बारेमा केही प्रतिक्रिया जनाएको छैन । (रासस–सिन्ह्वा)

post image

जेठ २२, काठमाडौं ।  अष्ट्रेलियाको डार्बिन शहरमा एक बन्दुकधारीले अन्धाधुन्ध गोली चलाउँदा चार जनाको मृत्यु भएको छ। प्रहरीले गोली चलाउने ४५ वर्षीय एक व्यक्तिलाई पक्राउ गरेको जनाएको छ।

१९९६ मा तास्मानियामा ३५ जनाको मृत्गु हुनेगरी भएको गोलीकाण्डपछि अष्ट्रेलियाले हतियार राख्ने प्रावधानमा संशोधन गरेको थियो। संशोधनबाट बन्दुक राख्न पाउने अधिकार रद्द गर्दै सेमी अटोमेटिक र अटोमेटिक बन्दुकहरुमाथि पूर्ण प्रतिबन्ध लगाइएको थियो। त्यसयता अष्ट्रेलियामा गोलीकाण्डका घटनामा कमी आएको बताइएको छ।

अष्ट्रेलियाका उत्तरी क्षेत्रका प्रहरी प्रमुख रेसी केरसअले मंगलबार भएको घटनामा प्रतिबन्धित ‘सटगन’ प्रयोग भएको बताएका छन्।  आक्रमण गर्ने व्यक्ति जनवरीमा जमानत पाएर रिहा भएका थिए। प्रहरीले घटनाबारे अनुसन्धान गरिरहेको बताएको छ।

post image

जेठ १९, काठमाडौं । भारतीय वायुसेनाको हराइरहेको विमानको खोजी अहिलेसम्म जारी छ । यसका लागि थल सेनाको पनि मद्दत लिइरहेको बीबीसीले बताएको छ ।

वायुसेनाको एएन–३२ विमान आइतबार चीनको सीमा नजिकैबाट हराएको थियो । हिन्दुस्तान टाइम्समा प्रकाशित समाचार अनुसार रातभारी खोजी अभियान चलिरहेको छ ।

यो खोजी अभियानमा विशेष अपरेशनमा प्रयोग हुने एयरक्राफ्ट सी–१३०, एएन–३२ एस, एमआई–१७ चोपर र थलसेनाका विभिन्न आधुनिक हेलिकोप्टर प्रयोग गरिएको छ ।

यसबाहेक भारतीय वायुसेनाका विभिन्न अन्य सरकारी र सिभिल एजेन्सीको मद्दत पनि लिइएको छ । भारतका रक्षामन्त्री राजनाथ सिंहले भाइस चिफ एयर मार्शल राकेश सिंह भदौरियासँग कुरा गरेर खोजी अभियानबारे जानकारी लिइरहेको बताए ।

१३ व्यक्तिसहित असमको जोरहाटबाट उडान भरेको एएन–३२ विमानको ३५ मिनेटपछि नै रडारबाट सम्पर्क टुटेको थियो । भारतीय सेनाका प्रवक्ता विंग कमान्डर रत्नाकर सिंहका अनुसार विमानमा चालक दलका आठ सदस्यसमेत १३ व्यक्ति सवार थिए । उनीहरु सबै वायुसेनासँग सम्बन्धित भएको बताइन्छ ।

प्रवक्ताका अनुसार विमानले जोरहाटबाट दिउँसो १२ बजेर २५ मिनेटमा अरुणाञ्चल प्रदेशको मेचुका एडभान्स ल्याण्डिङ ग्राउन्डका लागि उडान भरेको थियो तर केही समयपछि नै विमानको सम्पर्क टुट्यो ।

विमानको एयर ट्राफिक कन्ट्रोल अर्थात् एटीसीसँग अन्तिम सम्पर्क दिउँसो एक बजे भएको थियो । एएन ३२ अर्थात् एन्तोनोव ३२ विमान सैन्य सरसामान बोक्ने विमान हो । भारतीय वायुसेनाले यसलाई सन् १९८४ देखि प्रयोग गरिरहेको थियो । यसलाई युक्रेनको एन्तोनोव स्टेट कर्पोरेशनले डिजाइन गरेको हो ।

एएन ३२ लाई विश्वासिलो विमान मानिन्छ र भारतीय वायुसेनाले  आफ्ना विभिन्न अभियानमा यसको प्रयोग गरिसकेको छ ।

post image

जेठ १७, काठमाडौं । नरेन्द्र मोदीले भारतको १५ औं प्रधानमन्त्रीको रुपमा शपथ ग्रहण गरेका छन् ।बिहिबार बेलुका राष्ट्रपति भवनमा आयोजित समारोहमा राष्ट्रपति कोविन्दले प्रधानमन्त्री र उनका मन्त्रीमण्डलका ५७ सहयोगीलाई शपथ दिलाएका हुन्।

प्रधानमन्त्रीसँग २४ क्याबिनेट मन्त्री, ९ राज्यमन्त्री (स्वतन्त्र प्रभार) र २४ राज्यमन्त्रीले पनि शपथ लिएका छन् । रोचक कुरा के छ भने यसपटक भाजपा अध्यक्ष मन्त्री अमित शाहले पनि क्याबिनेट मन्त्रीको रुपमा शपथ लिए ।यसपटक नयाँ अनुहारले मौका पाएका छन् ।

मोदीले पूर्व विदेश सचिव एस. जयशंकरलाई क्यबिनेटमा स्थान दिएर चकित पारेका छन् । पछिल्लो सरकारमा अर्थमन्त्री रहेका अरुण जेटली स्वास्थ्यका कारण सरकारमा समावेश भएनन् ।

यस्तै, सुषमा स्वराजले लोकसभा चुनाव अघि नै चुनाव नलड्ने घोषणा गरेकी थिइन् । उनी पनि मन्त्रीमण्डलमा संलग्न भइनन् । यसबाहेक जगत प्रकाश नड्डाले पनि शपथ ग्रहण गरेनन् ।

राष्ट्रपति भवनको प्राङ्गणमा आयोजित समारोहमा मोदीपछि लखनउका सांसद राजनाथ सिंहले शपथ ग्रहण गरे भने उनीपछि अमित शाहले । यसबाट यो अनुमान गरिएको छ कि पछिल्लो सरकारमाझैं यसपटक पनि राजनाथ सिंहको कद सरकारमा दोस्रो स्थानमा हुनेछ ।

चौथो क्रममा नितिन गडकरीले शपथ लिएका छन् भने उनीपछि कर्नाटकका पूर्व मुख्यमन्त्री सदानन्द गौडा, पछिल्लो सरकारमा रक्षामन्त्री रहेकी निर्मला सितारमण, रविशंकर प्रसाद, एलजेपी प्रमुख रामविलास पासवान, नरेन्द्र सिंह तोमर, पटना साहिबबाट जितेका रविशंकर प्रसादले पनि मन्त्री पदको शपथ लिए ।

मोदीको दोस्रो कार्यकालका मन्त्रीमण्डलमा को हुने भन्ने विषयलाई निकै गोप्य राखिएको थियो । धेरैजसो सांसदलाई अन्तिम समयसम्म उनको नाम शपथ लिनेहरुको सूचीमा छ छैन भनेर थाहा थिएन ।

बीबीसी संवाददाता जुबैर अहमदका अनुसार यसपटक मन्त्रीमण्डलमा जुन नयाँ नेताले स्थान पाएका छन् उनीहरु एक प्रकारको ‘प्रोबेशन’ मा रहनेछन् ।

नरेन्द्र मोदी र अमित शाहले मन्त्री पद सुम्पिनु अघि उनीहरुलाई ‘मौका दिएको खण्डमा सय दिनमा के गर्नुहुन्छ  ?’ भनेर उनीहरुलाई एक प्रकारको प्रोबेशनमा हुनेछन् भनेर बुझाउन खोजे ।

post image

जेठ १४, काठमाडौं । अष्ट्रेलिया सरकारलेे परराष्ट्र मामिला तथा व्यापार विभागको स्मार्ट ट्राभलर वेवसाइटमा बम विस्फोटको सूचना राख्दै नेपाल भ्रमणमा रहेका र आउन चाहने आफ्ना नागरिकलाई सचेत गराएको छ । काठमाडौंमै बम विस्फोट हुँदा ४ जनाको मृत्यु भएपछि अष्ट्रेलियाले आफ्ना नागरिकलाई यस विषयमा जानकारी गराउँदै भ्रमण गर्दा सचेत हुन आग्रह गरेको हो ।

अष्ट्रेलियाले खतराका आधारमा नेपाललाई लेभल २ मा राख्दै भनेको छ ‘उच्च सावधानी अपनाउनुहोला ।’अष्ट्रेलियाको यो घटनाले नेपाल आउने तयारी गरिसकेका पर्यटकका लागि त्यति अप्ठेरो पार्ने छैन । खतराको लेबल टु को अर्थ अष्ट्रेलियाको शहरमा भन्दा त्यहाँ खतरा बढी छ भन्ने हो ।

अष्ट्रेलिया सरकारको सूचनामा अगाडि भनिएको छ ‘नेपालमा प्रदर्शन र विरोध कार्यक्रमहरु भइरहेका हुन सक्छन् । ठूलो संख्यामा मानिसहरु भइरहेको तिर नजानू, त्यहाँ जुनसुकै बेला हिंसा हुन सक्छ ।’

post image

जेठ १४, काठमाडौं । जापानको कावासाकी शहरमा मंगलबार बिहान भीडभाडयुक्त पार्कमा एक युवकले मानिसहरुमाथि चक्कु हमला गरेका छन् । उक्त घटनामा एक बालिकाको मृत्यु भएको छ भने  १९ मानिस घाइते भएका छन् ।

घाइते मध्य १३ जना बालबालिका छन् । घाइते बालबालिका स्थानीय प्राथमिक विद्यालयका विद्यार्थी रहेको आशंका गरिएको छ   । आरोपी आफैले आफैलाई घाँटीमा चक्कु प्रहार गरेर आत्महत्या गरेका छन् ।

१३ बालबालिका स्थानीय क्यारिटन प्राथमिक स्कुलका विद्यार्थी रहेको विश्वास गरिएको छ । तर, विद्यालयले हालसम्म यसको पुष्टि गरेको छैन । अधिकांशं घाइते बालबालिका  ६ वर्षदेखि सात वर्षका छन् । आक्रमण हुने समय ती स्कुल बस कुरिरहेका थिए ।

कावासाकी फायर डिपार्टमेन्टका प्रवक्ताले एएफपीलाई दिएको जानकारी अनुसार मंगलबार बिहान स्थानीय समयअनुसार ७ः४४ मा इमर्जेन्सी फोन आएको थियो । फोनमा एक युवकले मानिसहरुमाथि चक्कु हमला गरेको जानकारी प्राप्त भएको उनले बताए ।

स्रोतका अनुसार पुलिसले घटनास्थलबाट दुई चक्कु पनि बरामद गरेको छ । अधिकारीका अनुसार उक्त घटना प्राथमिक विद्यालय नजिकै एक बस स्टपसँगै भएको पार्कमा भएको हो । मृत्यु हुने बालिका पार्कमा खेलिरहेकी थिइन् ।

घटना एउटै व्यक्तिले गरेको जापानी मिडियाले बताएको छ । तिनका अनुसार शंकास्पद आक्रमणकारीको नाम सार्वजनिक नगरिएको भए पनि सो व्यक्ति ४० देखि ५० वर्षबीचको पुरुष हुन् ।

post image

जेठ १२, काठमाडौँ । केहीदिनअघि भएको लोकसभा चुनावमा पार्टीले अपेक्षित नतिजा ल्याउन नसकेपछि भारतीय कंग्रेसका अध्यक्ष राहुल गान्धी र पश्चिम बंगालकी मुख्यमन्त्री ममता बेनर्जीले दिने भनेको राजीनामा पार्टीले अस्वीकार गरेका छ। १७ औं लोकसभा चुनावमा  पनि पार्टीले पाँच वर्षअघिकोजस्तै नतिजा ल्याएपछि शनिबार बसेको कंग्रेस (आई) को केन्द्रीय समिति बैठकमा राहुलले हारको सत प्रतिशत जिम्मा लिँदै आफू अब अध्यक्षमा बस्न नचाहेको बताएका थिए।

आफू पार्टीको सिपाहीका रूप लड्ने तर अध्यक्षबाट राजीनामा दिने भन्दै उनले राखेको प्रस्तावले केन्द्रीय समितिले एक मतले अस्वीकार गरेको थियो। शुक्रबार सार्वजनिक भएको लोकसभाको मतपरिणाममा कंग्रेसले ५४२ मध्ये ५२ सिटमात्र जितेको थियो भने सत्तारूढ भारतीय जनता पार्टीले ३ सय ३ सिटमा जित हात पारेको थियो।

यता पश्चिम बंगालमा आफ्नो पार्टी तृणमूल कंग्रेसलाई धक्का लागेपछि मूख्यमन्त्री ममता बेनर्जीले पनि पदबाट राजीनामा दिन चाहेको बताएकी छन्।  चुनावी परिणाम आएपछि शनिबार पत्रकार सम्मेलनमा बोल्दै बेनर्जीले आफूले मुख्यमन्त्रीबाट राजीनामा दिन चाहेको बताइन्।

‘मैले पार्टीलाई भनिसकेकी छु, छ महिनादेखि मैले काम गर्न सकेकी छैन। म एक कमजोर मुख्यमन्त्री थिएँ। र म यो स्वीकार्न सक्दिनँ।  म मुख्यमन्त्री भइरहन चाहन्नँ। मेरा लागि कुर्सी केही पनि होइन, पार्टीको प्रतीक ज्यादै महत्वपूर्ण हो,’ बेनर्जीले भनिन्।

लोक सभा चुनावमा बेनर्जीको पार्टीले  ४२ मध्ये २२ सिट जितेको छ भने भाजपाले १८ सिट हात पारेको छ। पाँच वर्षअघि पश्चिम बंगालमा तृणमूलले ३४ सिट जितेको थियो भने भाजपाले दुई सिटमात्र हात पारेको थियो।

बेनर्जीले आफ्नो राजीनामा प्रस्ताव पार्टीले अस्वीकार गरिदिएको पनि जानकारी दिइन्।

post image

जेठ १२, काठमाडौँ । मेक्सिकोकी वातावरण मन्त्री जोसेफा गोन्जालेज ब्लान्को अर्टिज मेनाले राजिनामा  दिएकी छन्। सरकारी कामका लागि विमानबाट अन्यत्र जाने सिलसिलामा  अरु व्यवसायिक जहाजको उडानमा ढिलाई भएपछि मेनाले राजीनामा दिएकी हुन्।

उनकै कारण उडान ढिलो भएपछि सो कार्यको चर्को विरोध भएको थियो। मेनाले आफूले गर्दा विमानमा सवार यात्री र विमान चालकहरुलाई ढिला हुन पुगेको भन्दै राजीनामा दिएको बताइएको छ।

राष्ट्रपति आन्ड्रेस म्यानुएल लोपेस ओब्राडोरले मेनाको राजीनामा स्वीकृत गरेको राष्ट्रपति कार्यलयले जनाएको छ।

राष्ट्रपति कार्यालयबाट जारी गरेको राजीनामा पत्रमा मेनाले आफूले गरेको कार्यको स्पष्टिकरण दिइरहनु नपर्ने भन्दै कुनै कार्य सम्पदन गर्नका लागि कसैलाई विशेषाधिकार दिन नहुने बताएकी छिन्।

राष्ट्रपति ओब्राडरले पनि मेनालाई आफूले विमान ढिला हुनुको कारण बारे बुझ्न भनेको र उनले आफूलाई घटनाको वास्तविकता बारे भनेको बताएका छन्।

राष्ट्रपति ओब्राडोरको सरकारबाट एक हप्तामा राजीनामा दिने उनी दोस्रो सरकारी अधिकारी हुन्। यसअघि बजेट कटौती गरेको भन्दै मेक्सिकोका सामाजिक सुरक्षा विभागका प्रमुखले राजीनामा दिएका थिए।

post image

जेठ १०, काठमाडौँ । बेलायती प्रधानमन्त्री थेरेसा मेले राजीनामाको घोषणा गरेकी छन्। तीन वर्षसम्म बेलायतलाई युरोपियन युनियनबाट अलग पार्न प्रक्रिया टुंगोमा पुर्‍याउन नसकेपछि उनले शुक्रबार राजीनामा घोषणा गरेकी हुन्।

उनको राजीनामा जुन ७ तारिखबाट लागु हुनेछ।  उनले प्रधानमन्त्रीको रूपमा ब्रेक्जिटका लागि आफूले सकेको गरेको बताएकी छन्।

post image

जेठ १०, नयाँदिल्ली। यस पटकको लोकसभा चुनावमा भारतका धेरै कलाकार विभिन्न राजनीतिक दलबाट उम्मेदवार बनेका थिए। चुनावको केही समयअघि भाजपामा प्रवेश गरेका भोजपुरी अभिनेता रवि किशन पनि गोरखपुर क्षेत्रबाट निर्वाचित भएका छन्। उनले समावजादी पार्टीका रामभुआल निषाद र कांग्रेसका मधुसुदन त्रिपाठीलाई हराएका हुन्।

उत्तर प्रदेशको मथुराबाट भारतीय जनता पार्टीको उम्मेदवार बनेकी अभिनेत्री हेमा मालिनीले लोकसभा चुनावमा जित हासिल गरेकी छिन्। उनी अघिल्लो निर्वाचनमा पनि विजयी भएकी थिइन्।

आजमगढबाट उम्मेदवार बनेका भोजपुरी फिल्म स्टार दिनेशलाल यादव “निरहुवा” समाजवादी पार्टीका अध्यक्ष अखिलेश यादवसँग पराजित भएका छन्। निरहुवा भाजपाबाट उम्मेदवार बनेका थिए।

भाजपाका उम्मेदवार अभिनेता सनी देवल पन्जावको गुरुदासपुर क्षेत्रबाट निर्वाचित भएका छन्। यसअघिका चुनावमा अभिनेता विनोद खन्नालाई भाजपाले यो क्षेत्रबाट उम्मेदवार बनाउँथ्यो।

गायक हंसराज हंसले पनि भाजपाको तर्फबाट दिल्लीको उत्तर पश्चमी क्षेत्रबाट चुनाव जितेका छन्। यसअघि सो क्षेत्रबाट उदित राज भाजपाका सांसद थिए। उदित राज यसपटक भाजपाबाट टिकट नपाएपछि कांग्रेसमा प्रवेश गरेका थिए।

गायक तथा अभिनेता बाबुल सुप्रियो पश्चिम बंगालको आसनसोल क्षेत्रबाट निर्वाचित भएका छन्। भाजपाबाट चुनाव लडेका बाबुलले टिएमसीकी मुनमुन सेनलाई हराएका हुन्।

भाजपाबाट टिकट नपाएपछि कांग्रेसमा प्रवेश गरेका अभिनेता सत्रुघन सिन्हा पटना साबिह क्षेत्रबाट पराजित भएका छन्। उनी भाजपाका रविशंकर प्रसादसँग पराजित भएका हुन्। उनी अघिल्लो लोकसभा चुनावमा भाजपाबाट विजयी भएका थिए।

भोजपुरी अभिनेता मनोज तिवारीले पनि भाजपाबाट चुनाव जितेका छन्। उनी उत्तरपूर्वी दिल्ली क्षेत्रबाट चुनाव लडेका थिए। तिवारीले कांग्रेस नेतृ दिल्लीकी पूर्वमुख्यमन्त्री शिला दीक्षितलाई हराएका छन्।

अभिनेत्री जया प्रदा भने यस पटकको लोकसभा चुनावमा पराजित भएकी छिन्। समाजवादी पार्टीबाट भाजपा प्रवेश गरेकी जया समाजवादी पार्टीका आजम खानसँग पराजित भएकी हुन्।

चुनावको केही समयअघि कांग्रेले अभिनेत्री उर्मिला मातोंडकरलाई उम्मेदवार बनाएको थियो। चुनाव प्रचारका क्रममा दिएको अभिव्यक्तिका कारण विवादमा आएकी उर्मिला मुम्बई चुनाव क्षेत्रबाट पराजित भएकी हुन्।

 

post image

जेठ १०, काठमाडौँ । भारतीय लोकसभा निर्वाचनको मतगणना अन्तिम चरणमा पुगेको छ । अब १९ सिटको नतिजा आउन बाँकी रहँदा भारतीय जनता पार्टी (भाजपा) ले भारी बहुमत ल्याएको छ ।

सो पार्टीले ३४५ सिटमा जित हासिल गर्नुका साथै थप ८ स्थानमा अग्रता कायमै बनाएको छ । यस्तै काँग्रेसले ९६ स्थानमा मात्रै जित हासिल गरेको छ । उसको कुनै स्थानमा अग्रता देखिँदैन ।

यसैगरी समाजवादी पार्टी र बहुजन समाज पार्टीको गठबन्धनले १५ सिट जितेको छ भने तृणमुलले २२ सिटमा जित दर्ता गराएको छ ।

post image

जेठ ९, काठमाडौं । प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीलाई बधाई दिएका छन् । लोकसभा निर्वाचनको मतगणना चलिरहेका बेला प्रधानमन्त्री ओलीले मोदीलाई आफ्नो व्यक्तिगट ट्विटरबाट मोदीलाई बधाई दिँदै आगामी दिनमा आपसमा नजिक रहेर काम गर्ने बताएका हुन् ।

बिहीबार विहान सुरु भएको लोकसभा निर्वाचनको मतगणनामा हालसम्म मोदी नेतृत्वको भारतीय जनता पार्टी सम्मिलित गठबन्धनले ३ सय ४९ स्थानमा अग्रता कायम गरेको छ । विपक्षी कांग्रेस सम्मिलित गठबन्धनले ९२ सिटमा अग्रता लिएको छ ।

K P Sharma Oli@kpsharmaoli

I extend warmest congratulations to Prime Minister @narendramodi ji for landslide election victory in the Lok Sabha Elections 2019. I wish all success ahead. I look forward to working closely with you.

post image

जेठ ७, काठमाडौं । हाँस्यकलाकारबाट युक्रेनका राष्ट्रपति बनेका भोलोदमिर जेलेन्स्कीले पद तथा गोपनियताको सपथ लिएका छन्। निर्वाचित भएको एक महिनापछि जेलेन्स्कीले सोमबार  राष्ट्रपतिको कार्यभार सम्हालेका हुन्।

पदभार ग्रहण समारोहमा बोल्दै जेलेन्स्कीले सबै युक्रेनी देशको राष्ट्रपति भएको प्रतिक्रिया दिए। उनले देशभरिका कार्यालयमा आफ्नो तस्बिर नझुण्ड्याउन निर्देशन दिए।

‘त्यहाँ मेरो होइन तपाईंहरूको तस्बिर हेर्न चाहन्छु। राष्ट्रपति कुनै आइकन होइन, न मुर्ति हो, राष्ट्रपति न त पोट्रेट नै हो। त्यो ठाउँमा तपाईंका बच्चाहरूका तस्बिर  राख्नुस् अनि हरेक निर्णय गर्नुभन्दा पहिला उनीहरूका आँखामा हेर्नुस्,’ राष्ट्रपतिले भने।

पूर्वी युरोपियन मुलुक युक्रेनका हाँस्यकलाकार ४९ वर्षिय भोलोदमिर जेलेन्स्कीका एक महिनाअघि साँच्चै राष्ट्रपतिको चुनाव जिते त्यो पनि भारी मतका साथ। राष्ट्रपतिको दोस्रो चरणको मतदानमा जेलेन्स्कीले ७३ प्रतिशत मत पाए। उनका प्रतिष्पर्धी राष्ट्रपति पेट्रो पोरोसेन्कोले जम्मा २५ प्रतिशत मत ल्याए।

सर्भेन्ट अफ द पिपुल अर्थात् जनताको सेवक नामको हाँस्य टेलिसिरियलमा युक्रेनको कुलीनतन्त्रलाई तोड्दै संयोगवस राष्ट्रपति बन्ने पात्रको अभिनय गर्ने जेलेन्स्कीलाई युक्रेनीहरूले वास्तविकतामै संस्थापनविरूद्धको प्रतीकका रूपमा अर्थ्याएका छन्।

post image

 जेठ ६, काठमाडौं । अमेरिका र इरानबीच युद्धको सम्भावना बढेको छ । अमेरिकाका राष्ट्रपति डोनाल्ड ट्रम्पलेट्विटरमार्फत इरानले अमेरिकासँग युद्ध लड्न चाहेको हो भने उसको अन्त्य हुने चेतावनी दिएका छन् ।

 ‘यदि इरानले युद्ध चाहेको हो भने उसको आधिकारिक अन्त्य हुनेछ । अमेरिकालाई फेरि धम्की नदिनू’, ट्रम्पले ट्विटरमा लेखेका छन् ।

अमेरिकाको एक गुप्तचर निकायलाई प्राप्त रिपोर्टपछि दुवै देशबीच सैन्य टकरावको चर्चा चलिरहेका बेला ट्रम्पको यस्तो चेतावनी आएको हो ।

अमेरिकी गुप्तचर निकायका अनुसार इरान अमेरिकाका महत्वपूर्ण संस्थान तथा सम्पत्तिलाई निशाना बनाएर हमला गर्न सक्छ ।

post image

जेठ ५, काठमाडौं । भारतीय प्रधानमन्त्री नरेन्द्र मोदीले निर्वाचन आचार संहिताको उल्लंघन गरेको भन्दै निर्वाचन आयोगमा उजुरी परेको छ। तृणमूल कंग्रेस पार्टीले पनि मोदीले आइतबार बिहान केदारनाथमा मिडियालाई गरेको सम्बोधनले आचारसंहिता उल्लंघन भएको भन्दै आयोगमा उजुरी गरेको छ।

प्रतिपक्षी दल कंग्रेस आईका सांसद प्रदीप भट्टाचार्यले मौन अवधिमा मोदीको केदारनाथ र बद्रीनाथ भ्रमणको मिडिया कभरेजले आचारसंहिता उल्लंघन गरेको  भन्दै उजुरी हालेका छन्।

‘केदारनाथ भ्रमणबारे जसरी मोदीले मिडिया कभरेज गराए त्यो अरू केही होइन आचारसंहिताको उल्लंघन हो। सबै मिडियामा उनको भ्रमण छाएको छ। मतदानको अघिल्लो दिन यस्तो गर्नु के मतदातालाई प्रत्यक्ष वा अप्रत्यक्ष प्रभाव पार्ने तरिका होइन,’ भट्टाचार्यले भने,‘उनको भ्रमणका हरेक क्षणका कुरा लाइभ प्रसारण भएका छन्। यसमा मतदातालाई प्रभाव पार्ने कुत्सित मनसाय छ, जुन गलत हो।’

यसअघि मोदीले आइतबार केदारनाथमा आफूलाई केदारनाथ भ्रमण गर्न अनुमति दिएको भन्दै धन्यवाद ज्ञापन गरेका थिए। शनिबार राति केदारनाथको गुफामा बिताएका मोदी आइतबार बिहान बद्रीनाथ पुगेका छन्।

गत अप्रिल ११ देखि सुरू भएको भारतीय लोक सभा चुनावको अन्तिम चरणको मतदान आइतबार हुँदैछ। जसमध्ये मोदी उम्मेद्वार रहेको उत्तरप्रदेशको वनारस पनि एक क्षेत्र हो।

मोदीको भारतीय जनता पार्टी हिन्दूत्वको नारा लिएर राजनीति गरिरहेको छ। गुजरातका मोदी आफैं पनि हिन्दूहरूको धार्मिक तिर्थस्थल  उत्तर प्रदेशको बनारसबाट चुनाव लडेका छन्। तिनै हिन्दू मतदाताको ध्यान तान्न मोदी शनिबार हिन्दुहरूका चार धाममध्येको एक केदारनाथ पुगे

post image

 जेठ ५ , काठमाडौं ।महानगरीय प्रहरी परिसर काठमाडौँ, अपराध महाशाखा, केन्द्रीय अनुसन्धान ब्यूरो (सीआईबी) र महानगरीय प्रहरी वृत्त दरबारमार्गको संयुक्त टोलीले गत वैशाख २७ गते राति ११ बजे होटल याक एण्ड यतिबाट १२ जना भारतीय नागरिकलाई  पक्राउ गर्यो ।

परिसरका प्रवक्ता होविन्द्र बोगटीका अनुसार नेपालमा बसेर अवैधानिक रुपले नेटवर्किङ व्यवसायमा संलग्न रहेको आरोपमा उनीहरुलाई पक्राउ गरेका हुन्।

पक्राउ परेकाहरुको परिवारले भोलि सोमबार भारतीय विदेशमन्त्री सुष्मा स्वराजलाई भेट्दैछन् । स्वराजलाई भेट्दै परिवारले उनीहरुलाई छुटाउन सहयोग माग्ने भारतीय सञ्चार माध्यम हिन्दुस्तान टाइम्सले जनाएको छ ।

उनका अनुसार आफूसहितका पीडितका परिवारले स्वराजलाई इमेलमार्फत पत्र पठाइसकेको छ ।उनीहरुका परिवारले नयाँ दिल्लीस्थित विदेश मामिला मन्त्रालयका अधिकारीहरुलाई उक्त घटनाको बारेमा जानकारी गराएका छन् ।  ‘उनीहरु नेपालमा तीन दिने व्यवसायिक कार्यशालामा सहभागि हुन गएका थिए । तर उनीहरुलाई नेपाली महेन्द्र सिंहले उजुरी दर्ता गराएपछि पक्राउ परेका हुन्,’ देवेन्द्रले बताए । देवेन्द्रले नेपाली नागरिकले हालेकोे उजुरीको आधारमा भारतीय नागरिकलाई पक्राउ गर्नु निन्दनीय भएको बताए ।

पक्राउ पर्नेहरुमा भारत लखनउ घर भएका वर्ष ३३ को अजित कुमार सिंह, भारत इलाहावाद  घर भएका वर्ष ३२ को मोहमद सारजिल, भारत छत्तिसगढ घर भएका वर्ष ४५ को निरज कुमार मिश्र, भारत उत्तरप्रदेश घर भएका वर्ष ४३ को अशोक कुमार, भारत छत्तिसगढ घर भएका वर्ष ४३ को गिरि उपाध्याय छन् ।

यस्तै भारत उत्तर प्रदेश घर भएका वर्ष ४० को रमेश रामा, छत्तिसगढ गुजरात घर भएका वर्ष २२ को आयुष उपाध्याय, उत्तर प्रदेश घर भएका वर्ष ३८ को सुनिल उपाध्याय, उत्तरप्रदेश घर भएका वर्ष ३२ को काशिफ सकिल, वर्ष ३२ को गजेन्द्र कुमार सिंह र नयाँदिल्ली घर भएका वर्ष ४३ को रसिद नसिम पक्राउ परेका हुन् ।

रसिद याक एण्ड यतीमा नबसी दैनिक भण्डै रु दुई लाख तिरेर हायत रिजेन्सी होटलमा कोठा लिएर बसेको समेत प्रहरीको अनुसन्धानमा खुल्न आएको छ ।

यता यस विषयमा काठमाडौं प्रहरी प्रमुख (एसएसपी) उत्तमराज सुवेदीले उनीहरुलाई छुटाउन आफूलाई कहीँकतैबाट दबाब नआएको बताए ।  उनले भने, ‘उनीहरुका विषयमा विभिन्न क्षेत्रबाट उजुरी आइरहेकाले ठगी र सङ्गठित अपराध मुद्दामा म्याद थप गरी अनुसन्धान अघि बढाइएको छ ।’

एसएसपी सुवेदीका अनुसार तीन जनाले महानगरीय प्रहरी परिसरमा रु एक करोड २३ लाख ठगी भएको भन्दै उजुरी दर्ता गराएका छन् । उनले यस्ता अबैध व्यवसायमा नफस्न सर्वसाधारणलाई अपिल समेत गरेका छन् ।

post image

 जेठ २, काठमाडौं । सिंगापुरको डिक्सन रोड स्थित ‘लिटल इन्डिया’ मा रहेको एक भवनमा आगलागी भएको छ। सो क्षेत्रमा रहेको दुई तल्ले घरमा रहेको एक पसलमा आगो लागेको बताइएको छ। आगलागी हुने बित्तिकै अग्नी नियन्त्रकहरुले आगो निभाउने प्रयास गरेका थिए।

हाल आगलागी नियन्त्रणमा आइसकेको बताइएको छ। स्थानीय भाषामा ‘टेक्का’ भनेर चिनिने लिटल इन्डिया क्षेत्रमा धेरैजसो भारतीय व्यापारीहरुले कारोबार गर्दै आएका छन्। पहिला ब्रिटिशहरुको अधिनमा रहेको बेला भारतबाट धेरै संख्यामा मानिसहरु सो क्षेत्रमा बसोवास गर्न आएका थिए।

आगलागीबाट भएको क्षतिबारे भने अधिकारीहरुले केही बताएका छैनन्।

post image

जेठ २, पुलवामा । भारतको जम्मू कश्मिर स्थित पुलवामा क्षेत्रमा सुरक्षा कारवाहीमा ३ आतंकवादीको मृत्यु भएको भारतीय सेनाले जनाएको छ।

आतंकवादीहरु सँगको मुठभेडमा एक सुरक्षाकर्मीको पनि मृत्यु भएको छ। आतंकवादीहरु पुलवामाको दलीपारो क्षेत्रमा रहेको एक घरमा लुकेर बसेको सूचनाको आधारमा सुरक्षाकर्मीहरुले सर्च अपरेसन गरेका थिए। त्यसक्रममा सो क्षेत्रका सबै सडकहरु बन्द गरिएको थियो।

सर्च अपरेसन चलिरहँदा आतंकवादीहरुले गोली चलाउन सुरु गरेको भारतीय सेनाले दाबी गरेको छ। अझै आतंकवादीहरु रहेको आशंकामा पुलवामामा इन्टरनेट सेवा बन्द गरिएको छ भने स्थानीयहरुलाई सचेत रहन आग्रह गरिएको छ।

केहीदिन अघि मात्रै कश्मिरको शोपियां क्षेत्रमा समेत सुरक्षाकर्मी र आतंकवादीबीच मुठभेड हुँदा ५ आतंकवादीको मृत्यु भएको थियो।

गत फेब्रुअरी १४ मा पुलवामामा आत्मघाती आतंकवादी आक्रमण हुँदा ४० भन्दा बढी सुरक्षाकर्मीको मृत्यु भएको थियो। भारतले सो आक्रमणको जिम्मेवारी पाकिस्तानमा सक्रिय जैश ए मोहम्मदमाथि लगाएको थियो।

post image

 जेठ २, काठमाडौं ।  नयाँ दिल्लीको द्वार्कामा २२ वर्षीया नेपाली युवती सामूहिक बलात्कारको शिकार भएकी छन ।  चार पुरुषले सामूहिक बलात्कार गरेको भारतीय मिडियालाई उद्धृत गर्दै साउथ एसिया डट कमले बताएको छ ।

केही मिडियाले २४ वर्ष बताइएकी ती युवती आफ्नो दाइलाई भेट्न गत शनिबार मुम्बई गएकी थिइन्  ।रिपोर्टका अनुसार काठमाडौंकी ती युवती बसमार्फत् नयाँ दिल्ली पुगेकी थिइन् । त्यहाँबाट उनी मुम्बई जान रेल चढ्ने तयारीमा थिइन् । यद्यपी, ढिला स्टेशन पुगेका कारण उनको रेल छुट्यो । त्यसपछि उनी अब के गर्ने भनेर मानिसहरुसँग सोधपुछ गरिरहेकी थिइन् । त्यति नै बेला, एक व्यक्ति उनलाई सहयोगका लागि अगाडि आए ।

त्यसपछि उनले प्लेटफर्ममा बसिराख्न असुरक्षित हुने बताउँदै उनलाई नयाँ दिल्लीको द्वार्कामा लगेर बलात्कार गरेको स्रोतले बताएको छ । आफूले बलात्कार गरेपछि उनले आफ्ना अन्य साथीलाई पनि कुकृत्यका लागि निम्तो गरेको बताइएको छ ।

घटना हुनुअघि पीडितले मुम्बईमा भएका आफ्ना दाइलाई आरोपीमध्येका एकको फोनमार्फत् कुरा गरेकी थिइन् ।  पीडितका दाइलाई ती व्यक्तिको नाम र उनको फोन नम्बर थाहा थियो । उनले  आरोपीको फोन नम्बर र नाम  मुम्बई पुलिसलाई जानकारी दिइसकेका थिए ।

आरोपीले बलात्कारपछि पीडितलाई मुम्बई जाने रेलवे स्टेशनमा पुर्याइदिएको स्रोतले बताएको छ ।  मुम्बईमा दाइलाई भेटेपछि सोमबार उनीहरुले स्थानीय पुलिसमा उजुरी दर्ता गरे । युनाइटेड न्यूज एजेन्सीका अनुसार मुम्बईस्थित ओशिवारा पुलिस स्टेशनले नेपाली युवतीको उजुरी बुधबार दिल्ली पुलिसलाई हस्तान्तरण गरेको छ ।

post image

जेठ १, काठमाडौं । अलबामा राज्य सिनेटले गर्भपतन रोक्नेसम्बन्धी अमेरिकामै सबभन्दा कडा विधेयक पारित गरेको छ। सिनेटद्वारा मंगलबार पारित विधेयकमा अलबामामा गर्भपतन पूर्णरूपमा प्रतिबन्ध लगाइने बिबिसीले जनाएको छ। साथै गर्भपतनमा सहयोग गर्ने डाक्टर वा स्वास्थ्यकर्मीलाई आजीवन कैदको सजाय हुन सक्नेछ।

अलबामामा रिपब्लिकन पार्टीको बहुमत छ। सिनेटले पारित गरेको नयाँ विधेयक प्रमाणिकरण गराउन गभर्नर के आइभी कहाँ पुगेको छ। गभर्नर के आइभीले विधेयकमा हस्ताक्षर गरेपछि त्यसले कानुनको रुप लिनेछ। गभर्नर आइभीले यसमा हस्ताक्षर गर्ने/नगर्ने बारे केही बोलेकी छैनन्। तर उनी गर्भपतन रोक्ने कानुन विरोधी रहेको बताइएको छ।

नयाँ विधेयकले आमाको स्वास्थ्य जोखिममा पर्ने विशेष अवस्थाहरूमा मात्र गर्भपतन छुट दिनेछ। बलात्कार वा हाडनाता करणीबाट गर्भ रहे पनि गर्भपतन गराउने छुट हुने छैन।

अमेरिकाका १६ राज्यमा पहिले नै गर्भपतन प्रतिबन्ध भइसकेको छ।  सन् १९७३ मा सर्वोच्च अदालतले दिएको आदेशले अमेरिकामा गर्भपतन कानुनी पाएको थियो। अहिले बहुसंख्यक रिपब्लिकन पार्टीका सदस्यहरू उक्त आदेश खारेजीको माग गरिरहेका छन्। एजेन्सी

post image

वैशाख ३१, काठमाडौं । भारत प्रशासित कश्मिरमा एक तीन वर्षीया बालिकामाथि बलात्कार भएको खबर सार्वजनिक भएको छ । घटनापछि बन्दिपुरा जिल्ला र घाटीका विभिन्न इलाकामा विरोध प्रदर्शन भएका छन्  ।बारामुला इलाकामा सोमबार हिंस्रक प्रदर्शन भए जसमा थुप्रै घाइते भएको खबर छ । एक प्रदर्शनकारीको स्थिती गम्भीर बताइएको छ ।

बालिका र अभियुक्त संबुलका मलिक पुरा इलाकामा बस्छन् । यी क्षेत्रमा कर्फ्यू लगाइएको छ ।सुरक्षा बलले मलिक पुरा जाने सबै बाटो बन्द गरेका छन् । यहाँसम्म कि मिडियाकर्मीलाई पनि त्यहाँ जाने अनुमती छैन । इलाकामा कुनै पनि अप्रिय घटनासँग जुध्नका लागि सडकमा अत्यधिक मात्रामा सुरक्षा बल तैनाथ गरिएका छन् ।

बालिकाका पिता शायर अली डारले उनकी छोरीमाथि स्कूलको बाथरुमभित्र बलात्कार भएको जानकारी दिए । यो स्कूल उनको घर नजिकै छ ।

अली डारले बीबीसीसँग भने, ‘यो ९ मेको घटना हो । बेलुका करिब ७ बजे म रोजाका लागि मस्जिद गएको थिएँ । यसैबीच मेरी श्रीमती छोरीलाई खोज्दै घर बाहिर आइन् । उनले छोरीलाई बोलाइन् तर छोरीले बोलिनन् । उनी पटकपटक छोरीलाई बोलाइरहिन् । त्यसको केही बेरपछि स्कूलबाट केही आवाज आयो । त्यहाँ एउटा सानो पोखरी पनि छ । हामीले सोच्यौं कि उनी पानीमा डुबिरहेकी छिन्, त्यतिबेलासम्म हामीलाई वास्तविकताबारे थाहा थिएन ।’

हामी पोखरीतिर गयौं तर त्यहाँ उनलाई देखिएन । हामी निकै आत्तिएका थियौं ।’ अलीले भने, ‘हामीले छोरीलाई एकपटक पुनः बोलायौं । यतिबेला छोरीको आवाज निकै मलिनो थियो । उनी मम्मी मम्मी भनिरहेकी थिइन् । त्यसपछि हामीले उनलाई निकै खराब स्थितीमा स्कूलको बाथरुममा पायौं । अभियुक्त त्यहाँबाट भाग्ने कोसिस गरिरहेका थिए तर हामीले उनलाई छिमेकीको सहयोगमा समात्न सफल भयौं । मेरी छोरीको कपडामा रगतको धब्बा थियो र बाथरुममा पनि रगत चुहिएका थिए । हामीले तत्काल अभियुक्तका पिता र भाइलाई बोलायौं र अभियुक्तको कर्तुतबारे जानकारी दियौं ।’

त्यसपछि अली डार र उनका छिमेकी सिधा पुलिस थाना गए र अभियुक्तलाई पुलिसलाई सुम्पिए । उनले भने, ‘हामी अभियुक्तलाई बच्चाबेला देखि नै चिन्दथ्यौं । उनी हाम्रा छिमेकी हुन् । अभियुक्तले मेरी छोरीलाई बारम्बार बाहिरसमेत लिएर जाने गर्दथे तर हामीले सपनामा पनि सोचेका थिएनौं कि यस्तो हुनेछ ।’

पुलिसको अनुसन्धानमा अली डार अहिलेसम्म सन्तुष्ट भएको बताउँछन् । उनले भने, ‘पुलिसले सहयोग गरिरहेको छ । अभियुक्तले कडाभन्दा कडा सजाय पाउनुपर्छ ।’

यद्यपी, अभियुक्तका पिता अब्दुल रहमानले आफ्ना छोरामाथि लगाएको आरोप खारेज गरेका छन् । उनले बीबीसीसँग भने, ‘यो आरोप शत प्रतिशत निराधार हो । यो जमिनसँग जोडिएको मामला हो । मैले आफ्नो घर उनीहरुलाई (बालिकाका परिवार) बेचेको थिएँ । बालिकाको परिवारको बयान पूर्ण रुपमा गलत छ ।’

अभियुक्तका पिताको दाबी अनुसार उनका छोरालाई घटनास्थलबाट समातिएको थिएन, त्यतिबेला उनी आफ्नो घरमा थिए । उनले यदि यसमा छोराको गल्ती भए उनले सजाय पाउनुपर्ने पनि बताए ।

बन्दीपुरा पुलिस अधिक्षक राहुल मलिकका अनुसार अभियुक्तलाई पक्राउ गरिसकिएको छ र थप अनुसन्धान भइरहेको  छ । राहुलले बीबीसीसँग भने, ‘घटना ९ मे बेलुकाको हो । अभियुक्तलाई पक्राउ गरिएको छ । अहिलेसमम यो मामलामा विशेष जाँच दल गठन गरेका छौं र बालिकाको स्वास्थ्य परीक्षण पनि गराइएको छ । यस मामलामा धेरैको बयान पनि लिइसकेको  छ । बालिका करिब तीन वर्षकी छिन् ।’

अभियुक्तको उमेर कति हो भन्ने प्रश्नको जवाफमा उनले भने, ‘अहिले यो अनुसन्धानको विषय हो । अभियुक्त पढाई छोडेर बसेका छन् र अहिलेसम्म तीनवटा स्कूल फेरिसकेका छन् । हामी उनको उमेर पत्ता लगाउने कोसिस गरिरहेका छौं ।’

स्थानीयले स्कूलका प्रधानाध्यापकले उनको (अभियुक्त) को नक्कली जन्मदर्ता जारी गरेर उनलाई नाबालिक देखाएको आरोप लगाएका छन् । एक स्थानीय व्यक्ति मोहम्मद असलमका अनुसार केही घण्टाभित्र यो प्रमाणपत्र जारी गरिएको छ जसमा उनलाई १० वर्षका चौथो कक्षाका छात्र बताइएको छ । असलमले पुलिसले पनि जन्मदर्ता गरिएको प्रमाणपत्र नक्कली हो भनेर स्विकार गरेको  दाबी गरेका छन् ।एजेन्सी

post image

बैशाख २९ ,काठमाडौं । चीन-पाकिस्तान आर्थिक करिडोरअन्तर्गत चीनले बन्दरगाहलगायत संरचना बनाइरहेको पाकिस्तानको ग्वादरको एक पाँचतारे होटलमा शनिबार साँझ आतंकवादी आक्रमण भएको छ। तीन जना बन्दुकधारीले जाभेर पर्ल-कन्टिनेन्टल होटलमा आक्रमण गरेका हुन्। होटलका सुरक्षा गार्डलाई गोली हानेर बन्दुकधारी भित्र पसेका थिए।

 होटलका एक प्रवक्ताका अनुसार रमजान र छुट्टीका कारण होटलमा कोही पाहुना थिएनन् र कर्मचारी पनि कम थिए । बलूचिस्तान लिबरेशन आर्मी (बिएलए) ले हमलाको जिम्मेवारी लिँदै चीन र विदेशी लगानीकर्तालाई निशाना बनाउनका लागि हमला गरिएको जानकारी दिए ।

ग्वादरमा बाक्लो मात्रामा सुरक्षाकर्मी रहेकोले केहीबेरमै सुरक्षाकर्मी होटलमा पसेर बन्दुकधारीलाई नियन्त्रणमा लिएका थिए। आक्रमण जिम्मा पृथकतावादी समूह बलोचस्तान लिबरेसन आर्मीले लिएको छ। ग्वादरमा भइरहेको चिनियाँ लगानीको विरोधमा उक्त आक्रमण गरिएको अझै थप आक्रमण गर्ने उसको चेतावनी छ।

ग्वादर बन्दरगाहबाट अरेबियन सागरसँग जोडिन चीनले ग्वादरमा महत्वपूर्ण संरचना बनाइरहेको छ। बलोचस्तान लिबरेसन आर्मीले भने चिनियाँ लगानीबाट स्थानीयलाई केही फाइदा नहुने भन्दै विरोध गर्दै आएको छ। गत वर्ष उक्त समूहले कराँचीस्थित चिनियाँ महावाणिज्यदूतावासमा पनि आक्रमण गरेको थियो।

इस्लामावादस्थित चिनियाँ राजदूतावासले आफ्नो देशले बनाइरहेको बन्दरगाहनजिकैको होटलमा भएको आक्रमणको निन्दा गरेको छ।

इरान र अफगानिस्तानसँग सीमा जोडिएको बलोचस्तान पाकिस्तानको गरीब प्रान्तमध्ये पर्छ। यहाँ विभिन्न विद्रोही समूह क्रियाशील छन्।

post image

 वैशाख २६, वीरगञ्ज । सीमावर्ती भारतीय राज्य बिहारमा हुने तेस्रो चरणको लोकसभा निर्वाचनका लागि तीन दिन सीमा नाका बन्द हुने भएको छ । निर्वाचनका लागि वैशाख २७ गतेदेखि २९ गतेसम्म अर्थात मे १० देखि १२ तारिकसम्म्म ३ दिन नेपाल भारतको सीमा नाका बन्द हुने भएको हो ।

तीन दिनसम्म देशकै प्रमुख भन्सार नाका वीरगञ्ज भन्सार नाका र सिर्सिया सुख्खा बन्दरगाह भन्सार नाका पनि बन्द हुनेछ । भारतीय पक्षको आग्रहमा लोकसभा निर्वाचनको सुरक्षालाई मध्यनजर गरेर तीन दिन सीमा नाका बन्द गर्न लागिएको पर्साका प्रमुख जिल्ला अधिकारी नारायणप्रसाद भट्टराईले जानकारी दिए । उनका अनुसार विगतमा ४८ घण्टा सीमा बन्द गर्ने गरिएको भए पनि दुवै पक्षको सहमति र समन्वयमा अबदेखि निर्वाचनको समयमा ७२ घण्टा सीमा नाका बन्द हुनेछ ।

पर्सा जिल्लाको मात्रै १ सय ७ किलोमिटर भू–भाग भारतको बिहारसँग जोडिएको छ । त्यसैगरी सीमावर्ती शहरमा प्रशारणमा रहेका मिडियालाई मौन अवधिमा प्रचार प्रसार नगरिदिन पनि भारतीय पक्षले पत्र मार्फत आग्रह गरेको प्रमुख जिल्ला अधिकारी भट्टराईले बताए ।

भारतीय लोकसभा निर्वाचनलाई लिएर पछिल्लो पटक सीमावर्ती सुरक्षा निकायका अधिकारीहरुको समन्वय बैठक डेढ महिना अघि मोतिहारीमा बसेको थियो ।

बिहारलगायत ७ राज्यको ५९ लोकसभा सीटमा १२ मे अर्थात वैशाख २८ गते निर्वाचन हुँदैछ । भारतीय राजनीतिमा बिहारले महत्वपूर्ण भूमिका निर्वाह गर्छ । किनकी लोक सभाको ५ सय ४३ सदस्यमध्ये ४० जना यहीबाट चुनिने गरेका छन् ।

post image

बैशाख २६,काठमाडौं ।  ब्रिटेनका ड्युक र डचेन अफ ससेक्स ह्यारी र मेगनले आफ्नो पहिलो सन्तानको नाम घोषणा गरेका छन् ।  ह्यारी र मेगनले आफ्नो छोराको नाम उनीहरुको आधिकारिक इन्स्टाग्राम अकाउन्टमा सेयर गरेका छन् । छोराको नाम आर्ची ह्यारिसन माउन्टब्याटन–विन्डसर राखिएको छ ।

हुन त नवजात शिशुको नाम राख्ने कुनै नियम छैन तर बेलायती शाही परिवारले आफू अघिका सदस्यलाई सम्मान गर्ने परम्परा छ । कतिले नयाँ शाही सन्तानको नाम आर्थर, एड्वार्ड साथै फिलिप (ह्यारीका हजुरबुवा) हुनसक्ने अनुमान गरेका थिए । तर कसैको पनि अनुमान मिलेन ।

‘पारम्पारिक नामको साटो उनीहरुले आफूलाई मनपरेको नाम छाने,’ सीएनएनका शाही संवाददाता म्याक्स फोस्टरले भने । ‘उनीहरुले आफ्नो पीढिलाई झल्काउने काम गरिरहेका छन् । उनीहरु इतिहास हेरिरहेका छैनन् । विगत होइन, वर्तमान हेरिरहेका छन् ।’

राजगद्दीका लागि लाइनमा सातौं स्थानमा रहेका आर्ची ह्यारिसनलाई तत्काल कुनै पदवी दिइनेछैन ।बकिङ्घम दरबारले सिएनएनलाई बुधबार दिएको जानकारी अनुसार ड्युक र डचेज अफ ससेक्सले आफ्नो छोरालाई कुनै पदवी प्रदान गर्ने छैनन् ।

आर्चीले आफ्नो बुवाबाट ‘अर्ल अफ डम्बर्टन’ पद पाउने भएपनि उनका आमा–बुवाले यस्ता कुनै पनि पद छोरालाई नदिने संकेत दिएका छन् ।एजेन्सी

post image

बैशाख २४ , काठमाडौँ । बेलायतका राजकुमार ह्यारी र अधिराजकुमारी मेगन मर्केल बुबाआमा बनेका छन्। स्थानीय समय अनुसार सोमबार ५ बजेर २६ मिनेटमा उनीहरूको छोराको जन्म भएको हो।

ड्यूक एन्ड डचेज अफ ससेक्सः ह्यारी र मेगनको विवाह भएको ११ महिनामा पहिलो बच्चा जन्मिएको हो। अन्तर्राष्ट्रिय सञ्चारमाध्यमका अनुसार ह्यारी र मेगनका छोरा वंशावली अनुसार राजा हुने क्रमको सातौं नम्बरमा पर्छन्। ह्यारी र मेगनका छोरा महारानी एलिजावेथ द्वितियका आठौं पनाति हुन्।

राजकुमार ह्यारीले आफूहरू एकदमै खुसी भएको भन्दै बच्चाको नामबारे अझै पनि सोचिरहेको बताएका छन्।

post image

बैशाख २३ , म्यानमार । अन्तर्राष्ट्रिय समुदाय र कूटनीतिक क्षेत्रको व्यापक दबावपछि म्यानमानरले दुई पत्रकार रिहा गरेको छ । राज्यको गोप्यता भंग गरेको आरोपमा जेल परेका पत्रकारद्वय वा लने र क्याव साई मंगलबार रिहा भएको रोयटर्सले जनाएको छ । समाचार संस्था रोयटर्समा कार्यरत वा लोन र क्याव सई मंगलबार रिहा भएका हुन्।

उनीहरूले पाँच सय दिनभन्दा बढी समय जेलमा बिताएका थिए। सात वर्ष जेल सजाय तोकिएका उनीहरूलाई अन्तर्राष्ट्रिय समूदाय र कूटनीतिक वृत्तको व्यापक दबाबपछि रिहा गरिएको रोयटर्सले जनाएको छ। यी दुई पत्रकारलाई राष्ट्रपति विन मिइन्टले आममाफी दिएका हुन्। म्यानमारमा  अप्रिल १७ देखि सुरू हुने नयाँ वर्षका अवसरमा एक महिनासम्म कैदीहरूलाई राष्ट्रपतिले माफी दिने चलन छ।

एंगुनको इन्सियन कारागारको गेटमा लोन र क्यावलाई संयौं पत्रकार र शुभचिन्तकले घेरेका थिए।  ‘मेरो परिवार र सहकर्मीलाई भेट्न निकै खुसी र उत्साही छु। म जतिसक्यो चाँडो समचार कक्षमा जानेछु,’  वाले भने।

लोन र क्याव २०१७ डिसेम्बरमा पक्राउ परेका थिए। त्यतिबेला उनीहरू पश्चिमी राखिन प्रान्तमा सुरक्षाकर्मीले १० रोहिन्ग्यालाई मारेको घटनाको अनुसन्धानात्मक रिपोर्टिङ गरिरहेका थिए।

post image

बैशाख २३,काठमाडौं । रसियाको मस्कोस्थित सेरेमेटिएभो विमानस्थलमा आपत्तकालिन अवतरण गर्ने क्रममा विमानमा आगलागी हुँदा ४१ जनाको मृत्यु भएको छ ।रसियाको मिडियाका अनुसार मारिनेमा दुई बालबालिका र एक चालक दलका सदस्य रहेका छन् ।

सामाजिक सञ्जालमा सेयर गरिएको भिडियोमा यात्रुहरु एरोफ्लोट एयरलाइन्सको विमानको आपत्तकालिन द्वारबाट भाग्दै गरेको देखाइएको छ । प्रत्यक्षदर्शीले घटनाको बयान गर्दै उक्त दुर्घटनाबाट कोही पनि बाँच्नु ‘चमत्कार’ नै भएको बताएका छन् ।

विमानमा ७३ यात्रु तथा ५ जना चालक दलका सदस्य रहेका थिए । दुर्घटनाबाट ३७ जना बाँच्न सफल भएका छन् । जसमध्ये ३३ यात्रु र चार चालक दलका सदस्य रहेका छन् ।

पाँच जना घाइतेको अस्पतालमा उपचार भइरहेको छ । रसियाको राष्ट्रियध्वजाबाहक विमान ‘प्राविधिक गढबढी’ देखिएपछि आपत्तकालिन अवतरणका लागि विमानस्थलमा फर्किएको बताइए पनि यसबारे विस्तृत जानकारी दिइएको छैन ।

सुखोइ सुपरजेट १०० मोडलको विमानले सेरेमेटिएभो विमानस्थलबाट स्थानीय समयअनुसार साँझ ६ बजेर २ मिनेटमा उडान भरेको थियो । तर, उडान भर्ने बित्तिकै चालकका सदस्यले विमानमा प्राविधिक समस्या देखिएको जानकारी गराएका थिए । आपत्तकालिन अवतरण गर्ने क्रममा विमानको इन्जिनमा अगलागी भएको थियो ।

post image

बैशाख २२,ढाका । बंगलादेशमा फोनी आँधीका कारण ५ जनाको मृत्यु भएको छ भने १००० भन्दा बढी घरहरु ध्वस्त हुँदा ६० जनाभन्दा बढी घाइते भएका छन्।

शुक्रबार भारतको ओडिशा र पश्चिम बंगालमा कहर मच्चाएको फोनी शनिबार बंगलादेश प्रवेश गरेको थियो। फोनीका कारण भारतमा करिब १६ जनाको मृत्यु भएको थियो।

आँधीका कारण भारी वर्षाका साथै हावाहुरी चलिरहेको र समुन्द्री किनारमा रहेका गाउँहरु जलमग्न भएको अधिकारीहरुले बताएका छन्। आँधीका कारण बढी क्षति हुने स्थानहरुबाट करिब १० लाख मानिसहरुलाई सुरक्षित स्थानमा सारिएको बताइएको छ।

बंगलादेशमा प्रवेश गर्दा भने आँधीको प्रभाव कम हुँदै गएको छ। भारतमा १७५ देखि २०० किलोमिटर प्रति घण्टा गतिले आएको आँधी बंगलादेशमा ७५ किलोमिटर प्रति घण्टाको गतिमा आएको बताइएको छ। बंगलादेशको मौसम विभागले भने आँधीको त्रास अब नरेहको बताएको छ।एजेन्सी

post image

वैशाख २०, काठमाडौँ । बंगालको खाडीमा बनेको चक्रवाती आँधी फानी ओडिशाको  पुरी तटसँग ठोक्किइसकेको छ । यहाँ १७५ देखि १८० किलोमिटरको गतीमा हावा चलिरहेको छ । यसको असर बिहान ११ बजेसम्म रहने अनुमान छ ।

मौसम विभागका अनुसार यो बंगाल हुँदै बंगलादेशतर्फ बढ्नेछ त्यसकारण पश्चिम बंगलाको तटवर्ती इलाकामा पनि चेतावनी जारी गरिएको छ । ओडिशामा सावधानीको रुपमा १५ जिल्लाका ११ लाख व्यक्तिलाई सुरक्षित स्थानमा पुर्याइएको छ । यो २० वर्षमा ओडिशासँग ठोक्किने सबैभन्दा खतरनाक आँधी हो ।

तटरक्षक बलले ट्वीट गर्दै चक्रवाती आँधी फानीको प्रभावको पूर्वानुमान गर्दै ३४ राहत दल र चार तटरक्षक पोतलाई राहत कार्यका लागि तैनाथ गरिएको छ ।

चक्रवात ओडिशापछि पश्चिम बंगालतर्फ यात्रा गर्नेछ । यसको असर आन्ध्रप्रेदश र तमिलनाडुको उत्तर–पूर्व इलाकामा पनि देखिनेछ । चक्रवातले ओडिशाका १४ जिल्ला प्रभावित हुनेछन् । यसमा पुरी, जगतसिंहपुर, केन्द्रपारा, बालासोर, भदरक, गंजम, खुर्दा, जाजपुर, नयागढ, कटक, गाजापटी, मयुरभंज, ढेंकानाल र कियोंझार संलग्न छन् । यो जिल्लाका करिब १० हजार गाउँ चक्रवातबाट प्रभावित हुनेछन् ।।

मौसम विभागले फानीको ‘फर्स्ट आर्म’ तटसँग ठोक्किएपछि अत्यधिक सावधानी अपनाउनुपर्ने चेतावनी दिएको छ । साइक्लोन वार्निङ डिभिजनका प्रमुख मत्युंजय मोहपात्राका अनुसार चक्रवाती आँधीको एरिया (केन्द्र) करिब ३०–४० किलोमिटरको हुन्छ ।

जोइन्ट टाइफून वार्निङ सेन्टर (जेडब्ल्यूटीसी) का अनुसार फानी पछिल्लो २० वर्षमा अहिलेसम्मको सबैभन्दा खतरनाक चक्रवात साबित हुनसक्छ । ओडिशामा सन् १९९९ मा आएको साइक्लोनबाट करिब १० हजार मारिएका थिए । भारतीय मौसम विभाग सूत्रका अनुसार पछिल्लो ४३ वर्षमा यो पहिलो घटना हो जब अप्रिलमा भारतको समुन्द्री क्षेत्रमा कुनै चक्रवाती आँधी आएको हो ।

नेपालमा कस्तो छ असर ?

फानी चक्रावत नेपालमा आउने सम्भावना नभएपनि यसको असर भने देखिने जल तथा मौसम पूर्वानुमान महाशाखाले जानकारी दिएको छ । फानीको प्रभावका कारण शुक्रबार दिउँसोदेखि पूर्वी र मध्य नेपालमा हावाहुरी आउने, चट्याङ पर्ने र वर्षा हुनसक्ने महाशाखाले बताएको छ ।

महाशाखाले हिमाली भेगमा हिमपातसमेत हुने सम्भावना देखाएको छ । फानी र पश्चिमी वायुको प्रभाव शनिबारपछि कमजोर हुने र आइतबारदेखि मौसम सफा हुने मौसम महाशाखाको पूर्वानुमान छ ।

post image

वैशाख १९, एजेन्सी । भारतको पूर्व तटीय क्षेत्रमा समुद्री आँधी आउने सम्भावना देखिएपछि त्यस क्षेत्रका हजारौं मानिसलाई सुरक्षित ठाउँमा सारिएको छ। उडिसा राज्यका करिब ८ लाख मान्छेलाई आँधीले प्रभाव पार्नसक्ने क्षेत्रबाट सार्ने प्रक्रिया भइरहेको बिबिसीले जनाएको छ।

‘फानी’ नाम दिइएको आँधी २ सय किलोमिटर प्रतिघण्टाको गतिमा आउने अनुमान मौसमविद्हरुले गरेका छन्। यो आँधी अहिले बंगालको खाडी हुँदै आन्ध्र प्रदेशतर्फ गइरहेको अधिकारीहरूले बताएका छन्। उडिसा राज्यको केन्द्र हुँदै जाने यो समुद्री आँधीले कम्तीमा १३ जिल्ला प्रभावित गर्न सक्छ। यो क्षेत्र आसपासका सबैलाई सुरक्षित घरभित्र रहन सूचना जारी गरिएको छ।

यो आँधी एकदमै बलियो हुनसक्ने भएकाले जोखिमपूर्ण रहेको उनीहरूको भनाइ छ। शुक्रबार जमिनमा पर्ने अनुमान गरिएको यो समुद्री आँधी उडिसाको पुरी नामक सहरमा यसको प्रभाव धेरै देखिनेछ। पुरीमा साढे आठ सय वर्षभन्दा पुरानो जगन्ननाथ मन्दिर रहेको र उक्त ऐतिहासिक भवनमा असर पर्ला भनेर अधिकारीहरू चिन्तित छन्।

यो क्षेत्रका सबै स्कुल र कलेज बन्द भइसकेका छन्। आँधीको प्रभाव पर्ने भएकाले पूर्वी तटस्थित दुइटा ठूला बन्दरगाह पनि बन्द गरिएका छन्। भारत मौसम विभागको चेतावनीपछि भारतीय सैनिक बललाई सतर्क अवस्थामा राखिएको छ।

नेपालको मौसम पूर्वानुमान महाशाखाले उक्त समुद्री आँधी नेपालनजिकै पूर्वोत्तर भारतबाट बंगलादेशतिर जाँदा कमजोर हुने भए पनि त्यसको केही प्रभाव यहाँ पर्न सक्ने बताएको छ। फानीको प्रभावका कारण नेपालको पूर्वी र मध्य भागमा हावाहुरी, चट्याङ र वर्षाको सम्भावना छ।

post image

बैशाख १८,काठमाडौँ । जापानका सम्राट नारुहितोले मङ्गलबार मध्यरातबाट जापानको राज गद्दी सम्हालेका छन्। उनी जापानी राजतन्त्रको इतिहासमा राज गद्दी सम्हाल्ने १२६ औं राजा भएका छन्।

शाही निसान र छाप हस्तान्तरण गर्ने विशेष समारोहमा उनलाई मङ्गलबार राति जापानी राजपरम्परामा विशेष महत्व राख्ने एउटा तरबारको प्रतीक, एउटा बहुमूल्य रत्न दिइएको थियो। उक्त समारोहमा पूर्वसम्राट अकिहितोको पनि उपस्थिति थियो।

राज गद्दीमा आसिन भएपछि पहिलो सार्वजनिक सम्बोधन गर्दै सम्राट नारुहितोले आफू बुबाकै पदचिह्नमा रहेर शान्तिका लागि कार्य गर्ने तथा जनताको सुखदुःखमा सधैं साथ रहने वचनबद्धता प्रकट गरे।

विदेशमा अध्ययन गर्ने पहिलो तथा जापान पराजित भएको दोस्रो विश्वयुद्धपछि जन्मिएका नारुहितोलाई मङ्गलबार मध्यरातमा ‘क्रिसेन्थिमम थ्रोन’ नाम दिइएको विशिष्ट रूपमा सजाइएको राज गद्दीमा राखिएको थियो। उनका बुबा सम्राट अकिहितोले मंगलबार राज गद्दी त्यागेका थिए।

 जापानी इतिहासमा दुई सय वर्षभन्दा बढीको अवधिमा कुनै सम्राटले स्वेच्छाले राज गद्दी त्याग गरेको यो पहिलो पटक हो।

‘मैले विशेष जिम्मेवारी ग्रहण गरेको बारेमा सोच्दै गर्दा ममा गम्भीरताको अनुभूति भएको छ,’ नारुहितोले भने। आफ्ना बुबाको शान्तिप्रतिको निष्ठाबारे टिप्पणी गर्दै नारुहिताले सम्राट अकिहितो र विगतका सम्राटहरूले कोरेको मार्गलाई आफूले गम्भीर रूपमा प्रतिबिम्बित गर्ने बताए।

उनले जापानको संविधानप्रति पूर्ण बफादार रहने प्रतिबद्धता व्यक्त गरे। संविधान बमोजिम जापानी सम्राटलाई राजनीतिक अधिकार हुँदैन। तर जापानी राजतन्त्रले राष्ट्रिय प्रतीकका रूपमा जिम्मेवारी वहन गर्ने परम्परा छ। उनले भने, ‘म जनताको खुसी तथा मुलुकको विकासका साथै विश्व शान्तिका लागि पूर्ण इमान्दारीका साथ कार्य गर्नेछु।’

बेलायतको अक्सफोर्ड विश्वविद्यालयमा अध्ययन गरेका नारुहितोलाई २८ वर्षको उमेरमा राज गद्दीको उत्तराधिकारी घोषणा गरिएको थियो । उनको विवाह सन् १९९३ मा मासाकोसँग भएको थियो।

जापानको राजसंस्था विश्वकै सबभन्दा पुरानो मानिन्छ। जापानी समाजमा ईश्वरको रूपमा लिइने राजसंस्थाको प्रारम्भ इसापूर्व ६०० देखि भएको मानिन्छ।

राज गद्दी त्यागेका अकिहितोलाई जापानी भाषामा ‘जोको’ भनेर सम्बोधन गरिनेछ। जोकोको अर्थ ‘बडासम्राट’ हो।

नारुहितो आधुनिक विश्वका नयाँ सम्राट हुन्। पिता पुर्खाभन्दा उनका सोचाइ र व्यवहार फरक छन् । अकिहितोको तीन दशकको राज्यकालमा जापानी राजतन्त्रको ‘युद्धउन्मूख’ विगतको भूमिकामा सुधार ल्याउनेतर्फ केन्द्रित थियो ।

नारुहितोकी आमा मिचिकोको जन्म नै सामान्य परिवारमा भएको थियो। मिचिकोको अध्ययन इसाई स्कुलमा भएको थियो। सम्राट अकिहितो र साम्राज्ञी मिचिकोले जनतासँगको सम्बन्धलाई प्रगाढ बनाउने प्रयत्न गरेका थिए। उहाँहरूले अशक्तता भएका मानिसहरू, विभेदमा परेका र प्राकृतिक विपदमा परेका व्यक्तिसँगको भेटघाटमा समय खर्चिएका थिए।

नारुहितोको राज्यभिषेक समारोहमा उनकी पत्नी साम्राज्ञी मासाको र छोरी आइकोलाई प्रवेश दिइएको थिएन । यो विशेष समारोहमा पुरुषहरुलाई मात्र प्रवेश गर्न दिइने प्रचलन छ । तर जापानी मन्त्रिपरिषदकी एक सदस्यलाई भने उक्त समारोहमा प्रवेश दिइएको थियो। उनी त्यस समारोहमा सहभागी हुन पाउने एकमात्र महिला थिइन्।

सम्राट नारुहितोको राज्याभिषेकलाई जापानीहरूले निकै महत्व र उत्साहका साथ स्वागत गरेका छन् । विशेष समारोह भइरहेको राजदरबारको बाहिर धेरै मानिस भेला भएका थिए । केही मानिस पूर्व सम्राट अकिहितोको बिदाई हेर्न भेला भएका थिए भने केही नयाँ सम्राटको आगमनको प्रतीक्षामा थिए ।

यही दिनको सम्झनामा केही व्यक्तिले विवाह पनि गरेका थिए । जापानमा मङ्गलबार मध्यरातपछि नयाँ युग ‘रेवा’ सुरू भएको थियो ।

जापानको संविधान बमोजिम राजनीतिक अधिकारविहीन राजतन्त्रलाई प्रतिकका रूपमा लिइन्छ । युद्धताकाका सैनिक सरकारहरुले राजतन्त्रलाई जीवित भगवानका रूपमा लिने प्रचलन थियो तर सन् १९४५ मा जापान पराजित भएपछि नारुहितोका हजुरबुबाले सक्रिय राजतन्त्र त्यागेका थिए।

नारुहितोले बुबा अकिहितोको पदचिह्नमा हिँड्ने र आमजनतासँग नजिकमा रहेर काम गर्ने बताएका छन्।  राजप्रासादका बारेमा जानकारहरूले सम्राट नारुहितोले विश्वका जल्दाबल्दा विषयमा ध्यान केन्द्रित गर्ने सम्भावना रहेको बताएका छन्।(रासस/एपी)

post image

बैशाख १५,काठमाडौँ । श्रीलंकाको पूर्वी सहर सैन्थामारुथुको एउटा घरमा सुरक्षाकर्मी र आतंककारीबीच शनिबार बिहानै भिडन्त हुँदा कम्तीमा १९ जनाको मृत्यु भएको छ। आतंककारीहरू लुकेर बसेको एउटा घरमा सेना तथा प्रहरीको संयुक्त टोलीले छापा मारेको थियो।

छापा मार्ने क्रममा भएको भिडन्तमा ४ जना मारिएको सेनाका प्रवक्ता सुमिथ अट्टापटुले सञ्चार माध्यमहरूलाई जानकारी दिएका छन्। आतंककारीको घेरा तोडेर सुरक्षाकर्मी भित्र पस्न खोज्दा उनीहरूले घरभित्रै आत्मघाती बम विस्फोट गराएको सेनाले जनाएको छ।

उक्त विस्फोटमा परी घरभित्र थप १५ जनाको पनि मृत्यु भएको सेनाले पुष्टि गरेको छ। विस्फोटपछि पनि घरभित्र सेनाले थुप्रै विस्फोटक पदार्थ तथा आत्मघाती विस्फोट गर्न सहयोग पुग्ने ‘भेष्ट’हरू भेटेको थियो।

गत आइतबार श्रीलंकाका होटल तथा चर्चहरूमा भएका श्रृंखलाबद्ध विस्फोटमा परी २५० भन्दा बढीको ज्यान गएको थियो। उक्त आक्रमणको अन्तर्राष्ट्रिय आतंककारी संगठन आइएसले जिम्मा लिएको थियो।

आइएसको सहयोग र दुई स्थानीय संगठनको संलग्ननतामा उक्त विस्फोट गराइएको श्रीलंका सुरक्षा अधिकारीहरूले जनाएका छन्। ती दुवै संगठनमाथि श्रीलंकाले प्रतिबन्ध लगाइसकेको छ।

अहिले थप आतकंकारीको खोजीमा सुरक्षा फौजले देशैभर खानतलासलाई तीव्र बनाएको छ। आतंकारीहरू अझै लुकेर बसेको हुनसक्ने अनुमान गरिएको छ। देशभर नै संकटकाल घोषणा गरेर कर्फ्यू जारी गरिएको छ।

राष्ट्रपति मैत्रिपाला सिरीसेनाले देशैभर हरेक घर खानतलासी गरिने र अबदेखि प्रत्येक घरमा बस्ने मानिसहरुको अभिलेख राखिने बताएका छन्।

post image

वैशाख १५, काठमाडौं ।वित्तिय संकटका कारण अस्थायी रुपमा बन्द भएको भारतीय एयरलाइन्स जेट एयरवेजका एक वरिष्ठ प्राविधिक कर्मचारीले आत्महत्या गरेका छन् । पुलिसका अनुसार ५३ वर्षका शैलेष कुमार सिंह पछिल्लो तीन वर्षदेखि पेटको क्यान्सरसँग जुधिरहेका थिए ।

पछिल्लो चार महिनामा उनको स्थिती थप खराब भएको थियो । पुलिसका अनुसार सिंहले यसै वर्ष मार्चदेखि तलब पाउन छोडेका थिए । उनलाई शुक्रबार घर ल्याइएको थियो । उनले त्यसै दिन दिउँसो चौथो तल्लाबाट हाम फालेर आत्महत्या गरे ।

शैलेष सिंहका जेठा छोरा पनि जेट एयरवेजमा नै काम गर्छन् । उनले पनि तलब पाएका छैनन् । जेट एयरवेजका थुप्रै कर्मचारीले आर्थिक संकटका कारण समस्या झेलिरहेको बताएका छन् ।

post image

वैशाख १३, काठमाडौं । श्रीलंकामा राष्ट्रपति मैत्रिपाल सिरिसेनाले ईस्टर सन्डे पर्वका दिन भएको श्रृङ्खलावद्ध आत्मघाती आक्रमणका मुख्य आक्रमणकारी मारिएको दाबी गरेका छन् । मुख्य आक्रमणकारी जहरान हासिम भएको र उनी साङरी–ला होटलमा मारिएको उनले बताएका हुन् ।

हासिम एक कट्टर उपदेशक थिए । सिरीसेनाका अनुसार हासिमले अर्का आत्मघाती आक्रमणकारीसँग मिलेर साङ्ग्री–ला होटलमा आक्रमण गरेका थिए । अर्का आक्रमणकारीको पहिचान इल्हामका रुपमा भएको छ ।

श्रीलंकाली गुप्तचर एजेन्सीका अनुसार इस्लामिक स्टेटसँग सम्बन्ध राख्ने करिव १३० संदिग्ध श्रीलंकामा सक्रिय थिए र पुलिसले अहिले पनि ७० जनाको खोजी गरिरहेको राष्ट्रपति सिरीसेनाले बताए ।

उनीहरु हिरासतमा छन् वा देश छाडेर भागिसके भन्ने खुलेको छैन । राष्ट्रपतिले कोलम्बोमा भएको आक्रमणहरुमा जहरान हासिमको भूमिकाबारे पनि बताएका छैनन् ।

श्रीलङ्कामा पुनः बम बिस्फोट

प्रकाशित मिती : Thursday
post image

बैशाख १२, कोलम्बो। श्रीलङ्काको राजधानी कोलम्बोबाट पूर्वतर्फको बाहिरी इलाकामा बिहीबार पुनः बम बिस्फोट भएको प्रहरीले जानकारी दिएको छ। स्थानीय समयानुसार बिहीबार भएको यस बम आक्रमणबाट कुनै मानवीय हताहतको खबर प्राप्त नभएको पनि प्रहरीले बताएको छ।

गत आइतबार तीन वटा पाँचतारे होटल र तीन वटा गिर्जाघर (चर्च)मा भएका शृङ्खलाबद्ध बम बिस्फोटमा मृत्यु हुनेको संख्या बिहीबार मध्यान्हसम्म ३६० जना पुगेको छ।

मृत्यु हुनेमा भारतीय, अमेरिकी, बेलायती, जापानीसमेतका ३७ जना विदेशी नागरिक रहेको श्रीलङ्काको विदेश मन्त्रालयले जनाएको छ। बिस्फोटबाट करिब ५०० व्यक्ति घाइते भएका छन्। उपचार गराइरहेका घाइतेमध्ये अझै केही व्यक्तिको स्वास्थ्य अवस्था गम्भीर रहेको अस्पतालहरुले जनाएका छन्।

राजधानी कोलम्बोको सेन्ट एन्थोनी चर्च, नेगोम्बोस्थित सेन्ट सेबास्टियन चर्च र बाट्टिकोलोवास्थित चर्चमा बिस्फोट गराइएका थिए। यस्तै राजधानीका पाँचतारे होटलहरु साङ्ग्रिला, सिनमन ग्रान्ड र किङ्सबरीमा पनि बिस्फोट भएका थिए।

बिस्फोटको जिम्मेवारी इस्लामिक स्टेट समूहले लिएको छ तर सरकारले श्रीलङ्कामै सामान्य सक्रिय समूह नेसनल थोहित जमाथको संलग्नताको आशङ्का गरेको छ। यो समूहलाई अन्तरराष्ट्रिय आतङ्कवादी समूहले मद्दत गरेको हुनसक्ने श्रीलङ्का सरकारको अनुमान छ।

बिस्फोटमा संलग्न अधिकांश व्यक्तिको पहिचान खुलेको र उनीहरु सबै श्रीलङ्काली रहेको पाइएको छ। रासस/सिन्ह्वा

post image

वैशाख १२, काठमाडौं । भारतको मद्रास उच्च अदालतले लोकप्रिय एप ‘टिक टक’ माथि लगाइएको प्रतिबन्ध हटाएको छ । अदालतले बुधबार भएको सुनवाईपछि प्रतिबन्ध हटाएको हो ।

भारतमा टिक टक प्रतिवन्धित हुँदा चिनीया कम्पनी बाइटडान्स टेक्नोलोजीलाई दैनिक ३.५ करोड रुपैयाँ घाटा भइरहेको थियो । कम्पनीले भारतमा एक अर्ब डलरको लगानी थप्ने तयारी गरिरहँदा सरकारले चालेको कदमले उसलाई ठूला धक्का लागेको थियो ।

यसअघि मद्रास उच्च अदालतले नै अश्लीलता फैलाएको भन्दै टिक टकमाथि रोक लगाएको थियो । त्यसपछि सरकारले गुगल र एप्पललाई आफ्नो एप स्टोरबाट टिक टक हटाउन अनुरोध गर्‍यो । सो बमोजिम गुगल र एप्पलले टिक टक हटाएका थिए । त्यसैले भारतमा नयाँ प्रयोगकर्ताले टिक टक डाउनलाडेड गर्न नसक्ने अवस्था थियो । पहिल्यै डाउनलोड गरेकाहरुले भने प्रयोग गर्न प्रतिवन्ध थिएन ।

अदालतको आदेशपछि बाइटडान्सले पुनरावेदन गर्‍यो । साथै सर्वोच्च अदालतमा पनि उसले पुनरावेदन गरेको थियो । सर्वोच्चले यो विषयलाई मद्रास अदालतमै पठाइदियो । मद्रास अदालतले पुनरावेदनको सुनवाई गर्दै आफ्नो आदेश उल्टाएको हो । अब भारतमा टिक टक डाउनलोड गर्नु अवैध मानिने छैन ।

१५ सेकेन्डको छोटो भिडियोहरु सेयर गर्ने प्लेटफर्मको रुपमा रहेको टिक टकका भारतमा ३ करोडभन्दा बढी प्रयोगकर्ता छन् । विश्वभर यसका १ अर्बभन्दा बढी प्रयोगकर्ता छन् । टिक टकले भारतमा लगानी बढाउने तयारी गरिररहेको थियो ।

post image

बैशाख १०, । भारतमा लोकसभा निर्वाचन अन्तरगत तेस्रो चरणको चुनावमा प्रधानमन्त्री नरेन्द्र मोदीले भोट हालेका छन्।गान्धी नगर पुगेर आफ्नी आमा हीराबेनसँग आशीर्वाद लिएपछि उनले अहमदावादको एक मतदान केन्द्रमा भोट हालेका हुन्।

भोट हालेपछि प्रधानमन्त्री मोदीले आतंकवादको अस्त्र आइइडी भए पनि लोकतन्त्रको अस्त्र मतदाता परिचयपत्र भएको बताए। ‘आतंकवादको अस्त्र आइइडी भए पनि लोकतन्त्रको अस्त्र मतदाता परिचयपत्र हो। यो अस्त्र आइइडी भन्दा धेरै गुणा शक्तिशाली हुन्छ भन्ने मलाई विश्वास छ। त्यसैले हामीले मतदाता परिचयपत्रको महत्व बुझेर धेरै भन्दा धेरै भोट खसालौं,’ प्रधानमन्त्री मोदीले भने।

१३ राज्य र २ केन्द्र शासित प्रदेशका १ सय १७  सीटका लागि तेस्रो चरणको चुनाव हुँदैछ। ती सिटमा १ हजार ६ सय १२ उम्मेदवार चुनावी मैदानमा उत्रिएका छन्।  यसमा ३ सय १४  जना राष्ट्रिय दलबाट चुनाव उठेका छन्। ७६ क्षेत्रीय दलबाट, ४ सय९२ जना मान्यता नपाएका दल र ७ सय १२ जना स्वतन्त्र उम्मेदवार छन्।

post image

बैशाख १०,काठमाडौँ । श्रीलंकामा आइतबार दुई सय ९० जनाको  जनाको ज्यान जाने गरी भएको बम विष्फोटबारे सरकारी लापरबाही भएको भन्दै विवाद बढेको छ। श्रीलंकन सरकारका मन्त्री रजित सेनारत्नेले कोलम्बोमा पत्रकारसँग कुरा गर्दै  अन्तर्राष्ट्रिय खुफिया एजेन्सीहरूले  हमला हुन सक्ने चेतावनी दिएको तर यो सूचना प्रधानमन्त्री रनिल विक्रमसिंघेसम्म नपुगेको बताएका थिए।

यस्तो हमला हुनुभन्दा पहिले आएका सूचना र चेतावनीलाई सरकारले वेवास्ता गरेको र सरकारले आवश्यक कदम नचालेको कतिपयको आरोप छ। पूर्वसूचना आएको थाहा भएपछि राष्ट्रपतिले छानविन गर्ने भएका छन्।

राष्ट्रपति मैत्रीपाल सिरीसेनाका सल्लाहाकार शिराल लकथिलाले बीबीसीलाई बताएअनुसार पूर्वसूचना र सरकारले आवश्यक कदम चालेको थियो कि थिएन भन्नेबारे  जाँचबुझ हुनेछ।

पुलिसका अनुसार अहिलेसम्म २४ जनालाई पक्राउ गरिएको छ।  पक्राउ परेका सबै श्रीलंकन नागरिक हुन्। उनीहरूको सम्पर्क अन्तराष्ट्रीय संगठनहरूसँग भएको नभएको बारे अध्ययन हँदै छ। श्रीलंकाका रक्षा मन्त्री रूवान विजेवर्दनेले पक्राउ परेकाहरू धार्मिक अतिवादीहरू भएको बताएका छन्। तर उनीहरू कुन समूहका हुन् भन्ने खुलाएका छैनन्।

post image

वैशाख ९, काठमाडौं । श्रीलंकामा  आइतबार भएका ८ वटा श्रृंखलावद्ध बिस्फोटमा परी मर्नेहरूको संख्या २९० पुगेको छ।  श्रीलंका प्रहरीका प्रवक्ताले सोमबार बिहानसम्म मृतकको संख्या २९० पुगेको र पाँच जना घाइतेको उपचार भइरहेको जनाएका छन्।

प्रहरीले घटनामा संलग्न भएको आरोपमा २४ जनालाई पक्राउ गरेको जनाएको छ। श्रीलंकाका रक्षा मन्त्री रूवान विजेवर्दनेले पक्राउ परेकाहरू धार्मिक अतिवादीहरू भएको बताएका छन्। तर उनीहरू कुन समूहका हुन् भन्ने खुलाएका छैनन्।

आइतबार इस्टर सन्डे  मनाइरहेका क्रिश्चियन धर्मालम्बी र विदेशी पर्यटक बस्ने  सुविधासम्पन्न होटलमा बिहान ६ वटा र दिउँसो दुइटा बिस्फोट भएका थिए।  आइतबार साँझ कोलोम्बो विमानस्थलनजिकै भेटिएको बम भने सेनाको टोलीले निस्क्रिय पारेको थियो।

सन् २००९ मा विद्रोही तमिल टाइगरलाई सरकारी सेनाले पराजित गरेपछि श्रीलंकामा भएको यो सबैभन्दा ठूलो हिंसात्मक घटना हो। यो अवधिमा बहुल बौद्ध धर्मालम्बीले मुस्लिम र उनीहरूका सम्पत्तिमाथि आक्रमण गरेका केही घटना भएका थिए।

श्रीलंकाका झन्डै १५ लाख क्रिश्चियनलाई लक्षित गरी भने त्यस्ता कुनै आक्रमण भएका थिएनन्।

post image

वैशाख ८, काठमाडौं । श्रीलंकामा गराइएको बम विष्फोटमा मारिनेको संख्या बढेको छ । राजधानी कोलम्बोमा गराइएका श्रृंखलाबद्ध बम विस्फोटमा कम्तिमा १ सय ३७ जना मारिएको अन्तर्राष्ट्रिय समाचार संस्थाहरुले जनाएका छन् ।

श्रीलंकास्थित केही अनलाइन पत्रिकाहरुले भने मर्नेको संख्या १६० पुगेको दावी गरेका छन् ।  दुई सय जनाभन्दा बढी घाईते भएका छन् । तीन वटा चर्च र तीन वटा होटलमा श्रृंखलाबद्ध विस्फोट गराइएको हो । मारिनेमा विदेशी पर्यटक पनि छन् ।

कोच्चिकाडे, बट्टिकलोआ र कटुवापिटिया जिल्लास्थित गिर्जाघरमा विस्फोट गराइएको हो । घाईतेहरुको स्थानीय अस्पतालहरुमा उपचार भैरहेको छ ।

मध्य कोलम्बोस्थित सांग्रिला, सिनमन ग्राण्ड र किङ्सबरी होटलमा पनि छुट्टाछुट्टै विस्फोट गराइएको बताइएको छ । विस्फोटका समयमा इशाई धर्मावलम्बीहरू इस्टर पर्वका अवसरमा आयोजित धार्मिक कार्यक्रममा सहभागी हुँदै थिए ।

post image

 वैशाख ८, काठमाडौं । श्रीलंकामा भएका श्रृंखलावद्ध बम विष्फोटमा कम्तीमा २० जनाको मृत्यु भएको छ । २ सय जनाभन्दा बढी घाइते भएका छन् । इसाई धर्मावलम्बीहरुले इस्टर पर्व मनाइरहेका बेला चर्च र होटलहरुमा श्रृंखलावद्ध विस्फोट भएको थियो ।

कम्तीमा ६ स्थानमा विष्फोट भएको अधिकारीहरुले जनाएका छन् । राजधानी कोलम्बोका तीनवटा चर्च र तीन वटा होटलमा आक्रमण भएको थियो ।

कोलम्बोको सेन्ट एन्थोनी, कतुवपितिया र बाटिकालोआ चर्चमा विष्फोट भएको छ । सांग्रिला, सिनामोन ग्राण्ड र किंग्सबरी होटलमा पनि विष्फोट भएको समाचार एजेन्सीहरुले उल्लेख गरेका छन् ।

post image

बैशाख ५, काठमाडौँ । अष्ट्रेलियाले आफ्नो अध्यागमन तथा भिषा नीतिमा परिवर्तन गरेको छ ।  अस्ट्रेलियाले  अदक्ष विदेशी आवेदक लाई निरुत्साहित  र दक्षलाई प्रोत्साहित गर्न आफ्नो अध्यागमन तथा भिसा नीतिमा परिवर्तन गरेको हो । परिवर्तित नियममा मुख्य गरेर स्थायी वासिन्दा को अनुमति पत्र (पीआर) लिनका लागि गरिएको ‘पोइन्ट’ अंक  प्रणालीमा ठूलो फेरबदल गरिएको छ।

लामो समयदेखि अस्ट्रेलियाले यहाँ का स्थायी बासिन्दाको अनुमतिपत्र पीआर’ पाउने प्रक्रिया कालागि अंक प्रणालीलाई अवलम्बन गर्दै आएको छ । हालै सार्वजनिक गरिएको नयाँ नियममा दक्ष जोडी हनेले थप अंक पाउने भएका छन् । एकल आवेदन दिने आवेदकलाई समेत नयाँ नियमले फाइदा पुग्ने भएको छ । सार्वजनिक नियमअनुसार दक्ष जोडी आवेदकलाई स्थायी बासिन्दाको अनुमतिका लागि थप १० अंक दिइने भएको छ, जुन यस पहिले ५ अंक थियो ।

त्यसैगरी दुर्गममा रहेका भनिएका राज्य तथा सरकारले आवेदकलाई स्पोन्सर गरेको खण्डमा  १० अंकलाई बढाएर १५ अंक पुर्याएको छ । जोडी नभएका एकल आवेदकले स्थायी वासिन्दा अनुमतिका लागि आवेदन दिंदा १० अंक दिइनेछ । यसैगरी अंग्रेजी विषयमा दक्ष भएको जोडीलाई थप ५ अंक दिइनेछ।

न्यूनतम ६५ अंक र अन्य मापदंड हरू पुर्याएको खण्डमा मात्र पीआरका लागि ‘एक्सप्रेसन अफ इन्ट्रेस्ट’ (ईओआई) दर्ता गर्न पाउने प्रावधान छ । पछिल्लो समयमा योग्यता पुगेका आवेदकको संख्या उल्लेख्य रूपमा बढेको र सरकारले आप्रवासीको संख्या बर्सेनि घटाउँदै गएकाले न्यूनतम ६५ अंक भएकालाई आमन्त्रण नदिई त्योभन्दा धेरै अंक भएकाहरू सरकारको प्राथमिकतामा परिरहेका छन् । ‘अहिलेको अवस्थामा एकाउन्टिङको अध्ययन सकेका विद्यार्थीहरूले ८५ अंक र नर्सिङ विद्यार्थीहरू ले ७५ अंक ल्याएपछि मात्र आमन्त्रण पाई रहेका छन् ।

अस्ट्रेलिया आफ्नो आप्रवासी संख्यालाई वार्षिक रूपमा ३० हजारले कम गर्ने घोषणा यस पहिल्यै गरिसकेको छ। पछिल्लो समयमा अस्ट्रेलियामा आप्रवासी का रूपमा आएकाहरूमध्ये करिब ५० प्रतिशत जनसंख्या सिड्नी र मेलबर्न मा बसोबास गरेकाले ऑस्ट्रेलिया सरकारले दुर्गम भेगमा गएर अध्ययन र बसोबास गर्न प्रेरित गर्ने नियमनमा जोड दिएको छ ।

post image

बैशाख ५, काठमाडौँ । पेरुका पूर्व राष्ट्रपति एलन गार्सियाले गोली हानी आत्महत्या गरेका छन् । गार्सियालाई उनको आवासमा घुस लिएको आरोपमा पुलिसले   पक्राउ गर्न जाँदा उनले आत्महत्या गरेका हुन् ।

गार्सियालाई राजधानी लिमाको अस्पताल पुर्याइएको थियो । उनको मृत्युको पुष्टि पेरुका वर्तमान राष्ट्रपति मार्टिन विजकारले गरेका छन् । हस्पिटल बाहिर गार्सियाका समर्थक जम्मा भएकमा थिए । उनीहरुलाई पुलिसले नियन्त्रण गरेर फिर्ता पठाएको थियो ।

गार्सियामाथि ब्राजिलको निर्माण कम्पनी ओेदेब्रक्तसँग घुस लिएको आरोप छ जसलाई उनले अस्विकार गरेका थिए । यी आरोपपछि अधिकारी उनलाई पक्राउ गर्नका लागि उनको घर पुगेका थिए ।

आफूलाई कोठामा बन्द गरेः

गृहमन्त्री कार्लोस मोरनले पत्रकारसँगको कुराकानीमा पुलिस त्यहाँ पुग्दा गार्सियाले एउटा फोन गर्न अनुमती माग्दै आफ्नो कोठामा गए र भित्रबाट चुकुल लगाए । मोरनले भने, ‘त्यसको केही बेरमै गोली चलेको आवाज आयो । पुलिसले धोका फुटाएर भित्र जाँदा गार्सिया कुर्सीमा बसेका थिए र उनको टाउकोमा गोली लागेको थियो ।’

त्यसपछि गार्सियालाई लिमाको केसिमिरो उलोओ अस्पताल पुर्याइयो तर त्यतिबेलासम्म उनको मृत्यु भइसकेको थियो । राष्ट्रपति विजकारले ट्वीट गर्दै पूर्व राष्ट्रपतिको मृत्युले आफूलाई धक्का लागेको बताउँदै उनका परिवारप्रति समवेदना प्रकट गरेका छन् ।

गार्सियाले सन् १९८५ देखि १९९० सम्म र सन् २००६ देखि २०११ सम्म राष्ट्रपतिको पद सम्हाले ।अनुसन्धानकर्ताका अनुसार उनले आफ्नो दोस्रो कार्यकालमा आदेब्रक्तसँग घुस लिएका थिए । यो परियोजना राजधानीमा मेट्रो लाइन निर्माणसँग जोडिएको थियो ।

post image

बैशाख ४, काठमाडौं । लोकप्रिय भिडियो एप टिकटक भारतमा ब्लक भएको छ । भारत सरकारको आग्रहमा एप्पल र गुगलले प्ले स्टोरबाट टिकटक एपलाई हटाइदिएका छन् ।

यसको अर्थ टिकटकलाई अवैध बनाइएको भने होइन । पहिल्यै आफ्नो मोबाइलमा यो एप हुनेहरुले प्रयोग गर्न सक्छन् । तर, नयाँ प्रयोगकर्ताले डाउनलोड गर्न सक्ने छैनन् ।

मद्रास उच्च अदालतले भारत सरकारलाई यो एपमाथि प्रतिवन्ध लगाउने आदेश दिएको थियो । यो एपले भारतमा पोर्नोग्राफीलाई बढावा दिइरहेको अदालतको जिकिर थियो । त्यसलगत्तै सूचना तथा प्रविधि मन्त्रालयले गुगल र एप्पललाई प्ले स्टोरबाट टिकटक हटाउन अनुरोध गर्‍यो ।

मद्रास उच्च अदालतको आदेशविरुद्ध एपको मालिक चिनियाँ कम्पनी बाइटडान्स सर्वोच्चमा पुनरावेदन गरेको थियो । तर, सर्वोच्चले पनि उच्च अदालतको आदेशसलाई सदर गर्‍यो ।

भारतमा टिकटकका १२ करोडभन्दा बढि प्रयोगकर्ता छन् । यसले खासगरी युवतीहरुलाई आकषिर्त गरिरहेको छ ।

बंगलादेशमा पनि टिकटक प्रतिवन्धित छ भने अमेरिकामा बालबालिकाहरुको सूचना अवैधरुपमा संकलन गरेको भनेर कम्पनीलाई जरिवाना गराइएको थियो ।मद्रास उच्च अदालतमा यो टिकटकमाथिको मुद्दाको अर्को सुनुवाई २२ अप्रिलमा हुनेछ ।  विश्वभर टिकटकका ५० करोडभन्दा बढि प्रयोगकर्ता छन् ।

तर, केही विश्लेषकले भने चिनियाँ कम्पनीको उत्पादन आफ्नो देशमा अत्याधिक लोकपि्रय हुँदा भारत सरकारले त्यसलाई सहन नसकेको टिप्पणी गरेका छन् ।

post image

बैशाख३,पेरिस । सोमबार पेरिसका अधिकाशं मानिसहरु आखाँभरी आसु लिएर सहरको सबैभन्दा चर्चित स्मारकतर्फ हेरिरहेका थिए । ८५० वर्ष पुरानो नोट्र–डाम गिर्जाघर आगलागीको दृश्यले सहरवासीहरु स्तब्ध देखिन्थे ।
साँझतिर भएको आगालागीका कारण आगो र धुँवाको ठूलो मुस्लो सहरको निक्कै टाढाबाट पनि देखिइएको थियो । चाँडै आगोले गिर्जाघरको मिनार समात्यो र हेर्दा हेर्दै त्यो ढल्यो ।

नोट्र–डामलाई यसअघि १९ औं शताब्दीमा पुनर्निर्माण गरिएको थियो । तर पछिल्लो समय यसमा प्रयोग भएका ढुंगाहरु चर्किदैं गएकाले यसको जीर्णोद्वार सुरु गरिएको थियो । केही अधिकारीले जीर्णोद्वारकै क्रममा आगलागी सुरु भएको आशंका व्यक्त गरेका छन् ।

आगलानी नियन्त्रण गर्ने प्रयास चलिरहँदा आगो गिर्जाघरको छानोमा फैलिएर त्यसलाई पनि जलाएर नष्ट गर्यो । गिर्जाघरको भित्री भाग काठले बनेकाले पनि आगो चाँडै फैलिएको र नियन्त्रण गर्न समय लागेको थियो ।

आगो निभाउन ४०० भन्दा बढी अग्नि–नियन्त्रक खटाइएको थियो । हाल आगलागी नियन्त्रणमा आएको छ । अग्नी नियन्त्रकहरुले आगलागीले गिर्जाघरमा धेरै क्षति पु¥याएको भए पनि मुख्य संरचना भने बचाउन सफल भएको बताएका छन् ।

फ्रान्सेली राष्ट्रपति एमान्युअल म्याक्रोले सोमबार राति सम्बोधन गर्दै आगलागीलाई ‘ठूलो विपत’को संज्ञा दिए । नियन्त्रण गर्नको लागि देखाइएको शीघ्रताको लागि धन्यवाद दिदैं उनले वाचा पनि गरे “हामी सिबै मिलेर नोट्र–डाम बनाउनेछौं ।”

post image

बैशाख २, काठमाडौँ । श्रम गन्तब्यका रुपमा चिनिएको दुबई पछिल्लो समयमा आर्थिक उन्नति, गगनचुम्वी महल, बाक्लो शहर र अन्तर्राष्ट्रिय जिवनस्तरका कारण पछिल्लो समयमा निकै प्रशिद्ध बनेको छ । ब्यापार, ब्यवसाय, अध्ययन र भ्रमणका लागि दुबई उत्कृष्ट गन्तव्य बनेको छ ।

सन् १८२१ मा मेकानिक्स इन्स्टिच्युटका रुपमा ईड्नुवर्ग युकेमा स्थापना भएको संस्था परिवर्तन हुँदै सन् १९६६ मा Heriot-Watt University को रुपमा स्थापना भएको हो। Heriot-Watt University दुवईका प्रतिनिधिहरु यसै साता नेपाल भ्रमण गर्नुभएको छ। युके, मलेसिया र दुबईका मा सञ्चालित यस युनिभर्सिटी  दी सन्डे टाइम्सले गरेको good university guide 2018 मा अन्तराष्ट्रिय बिश्वबिद्यालय बर्ष अवार्ड पाउन सफल विश्वविद्यालय हो ।

 बिश्वबिद्यालयका प्रतिनिधिले Study in Dubai सेमिनारमा आफ्नो विश्वविद्यालय र सञ्चालित कोर्षहरु को बारेमा जानकारी गराउनुभएको छ। यस बिश्वबिद्यालय मा मेनेजमेन्ट, आइटी, ईन्जिनियरिङ, नर्सिङ, फेसन डिजाइनिङ लगायत थुप्रै कोर्सहरु अन्डरग्याजुएट र पोष्टग्याजुएट तहमा संचालित रहेका छन्। सेमिनारमा विद्यार्थी तथा अभिभावकहरु उपस्थित भई यस विश्वविद्यालय, यहाँ पढाइने विषयहरु र दुबई शहरको बारेमा उपलब्धिमूलक जानकारी युनिभर्सिटीका एडमिसन एण्ड कम्प्लाइन्स मेनेजर काजी तामाङ्ले जानकारी गराउनुभयो ।

नेपालबाट प्रतिनिधित्व गर्ने परामर्शदाता संस्थाहरुका  प्रतिनिधिहरुलाई युनिभर्सिटीका स्टुडेन्ट रेक्रुटमेन्ट एण्ड एड्मिसन्स भाइस प्रेसिडेन्ट कृष्ण कुमार सी नेगादेले प्रमाणपत्र प्रादान गर्दै आफ्नो बिश्वबिद्यालयको बारेमा परामर्श र भर्नाका लागि उत्प्रेरणासमेत प्रदान गर्नुभएको थियो ।

यस समुहले केहि अघि दुबईमा अवस्थित बिश्वबिद्यालयको भ्रमण गरेको थियो ।

यस सेमिनारमा सहभागिता जनाउने विद्यार्थीहरुलाई विशेष छुट तथा छात्रवृतीको समेत व्यवस्था गरिएको छ। नेपालको विभिन्न शैक्षिक परामर्शदाता संस्थाहरुको सहभागितामा आयोजना भएको यस सेमिनारलाई क्रमस शैक्षिक परामर्शदाता संस्थाहरु एक्टिभ सीनर्जी, लाईफ ट्रयाक, टिम कन्सल्ट, स्कुलिङ्ग एब्रोड, अनट्रयाक, इभाइबस् र आइ.डि.बि. नेपालले संयुक्त रुपमा संयोजन गरेका छन्।

post image

चैत २९, काठमाडौं । पाकिस्तानको बलोचिस्तान प्रान्तको राजधानी क्वेटामा भएको एक बम बिस्फोटमा १६ जनाको मृत्यु भएको छ । स्थानीय पुलिसका अनुसार यो बिस्फोट बिहान करिब ८ बजे हजारगञ्ज इलाकामा भएको हो ।

समाचार एजेन्सी एपीपीका अनुसार पुलिसका अनुसार यो बिस्फोट बजारमा राखिएको पुलिस भ्यानलाई निशाना बनाएर गरिएको थियो । धमाका पछि सुरक्षाबलले इलाकालाई घेरामा लिएको छ । पुलिसका अनुसार हजारगञ्जमा हजारा शिया समुदायसँग जोडिएका मानिसहरु बस्छन् ।

post image

चैत २८, नयाँ दिल्ली। भारतमा आजदेखि लोकसभा निर्वाचन सुरु भएको छ। पहिलो चरणको निर्वाचन अन्तर्गत आज १८ राज्य र दुई केन्द्र शासित प्रदेशहरुमा  ९१ सिटका लागि निर्वाचन हुँदैछ।

९१ सिटका लागि १ हजार २ सय ७९ जना उम्मेदवारहरु प्रतिस्पर्धा गर्दैछन्। आजको निर्वाचनमा सहभागी हुने १४ करोड २० लाख ५४ हजार ९ सय ७८ जनाले मतदाताका लागि १ करोड ७० लाख मतदान केन्द्र स्थापना गरिएको छ।

९१ सिटमा ३३ सिटहरुमा भारतीय जनता पार्टी र भारतीय कांग्रेसको सिधै प्रतिस्पर्धा हुने अनुमान गरिएको छ भने अन्य सिटहरुमा स्थानीय दलहरुबीच भाजपा र कांग्रेसले प्रतिस्पर्धा गर्नुपर्नेछ।

सातचरणमा हुने निर्वाचन मे १९ मा समाप्त हुनेछ। भारतको आंध्र प्रदेश,अरुणाचल, सिक्किममा आजै विधान सभा निर्वाचन हुँदैछ।

post image

 चैत २७, काठमाडौं । इजरायलका प्रधानमन्त्री बेन्जामिन नेतान्याहु पाँचौं पटक प्रधानमन्त्री हुने सम्भावना रहेको इजरायली सञ्चार माध्यमहरुले जनाएका छन्। प्रधानमन्त्री नेतान्याहुको लिकुड पार्टीले सोमबार सम्पन्न आमनिर्वाचनमा सबैभन्दा बढी स्थानमा जितेर ठूलो पार्टी बनेको छ।

तर नेतान्याहुले पूर्ण बहुमत सहितको सरकार गठन गर्न साना दलसँग सहकार्य गर्नुपर्ने अवस्था देखिएको छ।  भ्रष्टाचारको आरोप खेपिरहेका ६९ वर्षीय वरिष्ट नेता नेतान्याहुमाथि उदारवादी पूर्व सैनिक बेन्नी गान्जको दलले कडा चुनौती दिएको थियो।

करिब ९७ प्रतिशत मतगणना भइसक्दा १ सय २० सदस्यीय इजरायली संसद (नेसेट) मा नेतान्याहुको लिकुड पार्टी र त्यसका सहयोगी पार्टीले ६५ स्थानमा विजय हासिल गरेका छन्। मतदान पछिको मतसर्वेक्षणमा पनि नेतान्याहु र गान्जको नेतृत्वमा रहेको ब्लू एन्ड ह्वाइट पार्टी दुबैबीच कडा प्रतिस्पर्धा हुने देखिएको थियो। तर दुबै पार्टीले स्पष्ट बहुमत भने प्राप्त गरेका छैनन्।

साना दलको समर्थनमा सरकार बनाउनुपर्ने अवस्था रहे पनि लिकुड पार्टीले इजरायलका अतिवादी दक्षिणपन्थी दलहरुको समर्थन प्राप्त गर्नेछ। प्रधानमन्त्री नेतान्याहुले तेलअभिभमा बुधबार आयोजित एक कार्यक्रममा चुनावमा जनताले अभूतपूर्व समर्थन जनाएको भन्दै आमजनतालाई धन्यवाद दिएका छन्।

उनले भने,“अबको सरकार दक्षिणपन्थीकै हुन्छ, तर म सबैको प्रधानमन्त्रीका रुपमा कार्य गर्नेछु।”इजरायली चुनाव आयोगले मतदानको अन्तिम नतिजा बुधबार नै सार्वजनिक गर्ने तयारी गरेको छ। रासस/एफपी

post image

 चैत २७, काठमाडौं । पाकिस्तानका प्रधानमन्त्री इमरान खानले यदि भारतको आम चुनावमा भारतीय जनता पार्टीको जित भए र नरेन्द्र मोदी पुनः प्रधानमन्त्री भए शान्ति वार्ताको सम्भावना अत्यधिक हुने बताएका छन् । मंगलबार विदेशी पत्रकारसँग इमरान खानले भारतमा विपक्षी पार्टी कांग्रेसको नयाँ सरकार बनेको खण्डमा उनीहरु पाकिस्तानसँग कुराकानीका लागि डराउन सक्ने बताएका छन् ।

खान भन्छन्, ‘कांग्रेसलाई यो डर भारतको दक्षिणपन्थी पार्टीबाट हुनेछ । बिजेपी दक्षिणपन्थी पार्टी हो र यदि उसले जित्छ भने कश्मिरको विषयमा कुराकानी अघि बढ्न सक्छ । यद्यपि, मोदीको भारतमा मुसलमान पूर्ण रुपमा आफूलाई अलग्गिएको महसुस गर्छन् ।’

उनले थपे, ‘अहिले भारतमा जे भइरहेको छ त्यसबारे मैले कहिले पनि सोचेको थिइनँ । भारतमा मुसलमानको पहिचानमाथि हमला भइरहेको छ । मोदी इजराइलका प्रधानमन्त्री बिन्यामिन नेतन्याहूजस्तै छन् । दुबै डर र राष्ट्रवादी भावनाको आधारमा चुनाव जित्न चाहन्छन् ।’

post image

चैत्र २१काठमाडौँ  । टिकटक यतिबेला विश्वभर सर्वाधिक चर्चा र प्रयोगमा आएको एप हो  । यसले रातारात कसैलाई स्टार बनाईदिएको छ भने आफनो अभिनय देखाउन र विभिन्न देशको कला संस्कृती र संगितको प्रचार गर्न पनि यो राम्रो माध्यम बनिरहेको छ  तर मद्रास हाई कोर्टले टिकटकमाथि प्रतिबन्ध लगाउन केन्द्र सरकारलाई आदेश दिएको छ ।

कोर्टले टिकटकमा अश्लिल सामाग्रीहरु राखेको हुदा त्यसलाई बालबालिकाले समेत हेरिरहेको भन्दै केन्द्र सरकारलाई टिकटकमाथि प्रतिबन्ध लगाउन भनेको हो । टिकटकमा अश्लिल सामाग्रीहरु राखिएको कारण नै इन्डोनेशिया र बंगलादेशमा टिकटकमाथि प्रतिबन्ध लागिसकेको छ ।

post image

चैत २१, काठमाडौं । ब्रेक्जिटको विषयमा बेलायती संसदमा जारी गतिरोध अन्त्यका लागि लण्डनमा प्रयास जारी छ । हाउस अफ कमन्समा सांसदले मात्र एक भोटको बहुमतले ब्रेक्जिटको समयसीमा बढाउने पक्षमा मतदान गरेका छन् ।

यसले बेलायती प्रधानमन्त्री यूरोपेली संघबाट ब्रेक्जिट प्रक्रियाको समयसीमा बढाउन माग गर्नका लागि बाध्य हुनुपर्नेछ ताकि ब्रिटेन सम्झौता बिना युरोपेली संघबाट अलग हुन नपरोस् ।

अर्कोतर्फ बैठक एवं मतदानले भरिएको व्यस्त दिनमा प्रधानमन्त्री टेरिजा मेले यो मामलाको गतिरोधलाई समाप्त गर्नका लागि विपक्षी लेबर पार्टीसँग छलफल गरिन् ।

लेबर पार्टीका नेता जेरेमी कार्बिनसँगको भेटलाई प्रधानमन्त्री कार्यालयले सकारात्मक भनेको छ । तर विपक्षी नेता जेरेमीले प्रधानमन्त्रीले आशा गरेअनुसार आफ्नो धारणा परिवर्तन नगरेको जानकारी दिए ।

टेरिजा मेको विरोधः

ब्रेग्जिटको सीमा बढाउने विषयलाई लेबर पार्टीको तर्फबाट पेश गरिएको बिललाई सांसदले एकैदिनमा पारित गरेको छ । तर कानून बनाउनका लागि यो हाउस अफ लर्डस्मा पनि पारित हुन आवश्यक छ ।

प्रधानमन्त्रीले विपक्षी पार्टीसँग कुरा गरेकोमा तिखो विरोध भएको छ । टेरिजा मेकी पार्टिका दुई मन्त्रीले पदबाट राजीनामा दिएका छन् ।बिबिसी

post image

बिनोद पौडेल चैत १९, अष्ट्रेलिया । तराई टाइगर स्पोर्ट्स क्लबले अष्ट्रेलियाको सिड्नीमा बारा र पर्सामा आँधीहुरीले भएको मानवीय तथा धन क्षतिप्रति दुख व्यक्त गर्दै एक कार्यक्रमको आयोजना गरेको छ ।

एस्फिल्ड पार्कमा मंगलबार भएको कार्यक्रममा  बारा र पर्सामा आइतबार साँझ आएको आधिहुरीका कारण ज्यान गुमाएका प्रति श्रदान्जली व्यक्त गर्दै १ मिनेट मौनधारण गरी मैनबत्ति बालिएको थियो । साथै कार्यक्रममा घाइते भएका सम्पूर्णको शिघ्र स्वास्थ्यलाभको समेत कामना गरिएको आयोजकले जानकारी गराएको छ ।

कार्यक्रममा तराई टाइगर्सका एक संरक्षक सुबांस शाहले मृत आत्माप्रति श्रदान्जली व्यक्त गर्दै आफन्त र परिवारजानलाई यस दुखद समयमा धैर्य धारण गर्ने क्षमता प्राप्त होस् भन्दै कामना गर्नुभएको थियो  ।

त्यस्तै श्रदान्जलीकै क्रममा एन्टा अष्ट्रेलियाका प्रेसिडेन्ट अरुण ठाकुरले अचानक आएको हावाहुरीले धेरैको घरबार उजाडेको र धेरैको मानवीय क्षति भएको भन्दै सबैलाई सक्दो सहयोग गर्न आग्रह गर्नुभयो ।

त्यसैगरी तराई टाइगर्सका कोअर्डिनेटर नितिस गुप्ताले पनि मृतक आत्माको चिर शान्तिको कामना गर्नुभयो ।

कार्यक्रममा आदिहुरीबाट पिडित नागरिकलाई सहयोग स्वरूप चन्दा संकलन समेत गरिएको छ ।कार्यक्रमकै समयमा ठुलो पानि परेको भएता पनि कार्यक्रमलाई सफलतापुर्वक सम्पन्न गर्न सकिएको कार्यक्रमका उद्घोषक बिनोद पौडेलले अनलाइनसमयलाई जानकारी गराउनुभयो।

कार्यक्रममा ब्यबसायी डा किरण थापालगायत  नेपाली समुदायको उल्लेखनीय उपस्थिती रहेको थियो ।

post image

चैत १९, काठमाडौं । ब्रेक्जिटका सम्बन्धमा बेलायती संसद फेरि निष्कर्षमा पुग्न असफल भएको छ । हाउस अफ कमन्समा भएको मतदानमा प्रधानमन्त्री थेरेसा मेले ब्रेक्जिटसम्बन्धी चारवटा नयाँ विकल्प प्रस्तुत गरेकी थिइन्।मेले प्रस्तुत गरेको प्रस्ताव संसदमा अस्वीकृत भएको यो चौथोपटक हो।

तर मतदानमा कुनै पनि विकल्पमा बहुमत पुग्न सकेन। टोरी सांसदहरुले ह्वीप अस्वीकार गरे। गत हप्ता भएको मतदानमा प्रस्ताव अस्वीकृत भएपछि मेले कन्जर्भेटिभले साथ दिए आफूले सत्ता त्याग्ने बताएकी थिइन्। तर कन्जर्भेटिभहरुले भने मेले नसके आम निर्वाचन घोषण गर्न माग गरेका थिए।

मंगलबार प्रस्तुत विकल्पहरु पनि अस्वीकृत भएपछि मेले मन्त्रिमण्डलको आकस्मिक बैठक बोलाएकी छिन्। बैठकमा ब्रेक्जिटका विकल्पहरु सम्बन्धी प्रस्ताव पुन: संसदमा प्रस्तुत गर्ने वा नगर्ने भनेर निर्णय हुने बताइएको छ।

बेलायतलाई युरोपियन युनियनबाट कुनै सम्झौता गरेर वा नगरी छुट्टिने निर्णय गर्न अप्रिल १२ सम्मको समय छ।

post image

चैत १८, काठमाडौं । पेरुको राजधानी लिमामा आइतबार अबेर राति एक बसमा भएको आगलागीमा परी कम्तीमा २० व्यक्तिको मृत्यु भएको स्थानीय सञ्चारमाध्यमले जानकारी दिएको छ।

 लामो बाटोमा चल्ने यो बस लिमाबाट चिक्लायोतर्फ गइरहेको थियो। उक्त बसमा खचाखच यात्रु रहेका थिए। गुडिरहेको बसमा अकस्मात आगो लागेको थियो।

उक्त आगलागीको कारण हालसम्म पत्ता लाग्न सकेको छैन। आगलागीको कारण अनुसन्धानरत रहेको प्रहरीले जानकारी दिएको छ।

पेरुमा यस वर्षको शुरुबाट हालसम्म भएको यो दोस्रो ठूलो दुर्घटना हो। यसअघि पनि गत जनवरी २५ मा मध्य पेरुमा रहेको एक नदीमा बस खस्दा कम्तीका १० यात्रुको मृत्यु हुनुको साथै अन्य ३० घाइते भएका थिए।

पेरुमा सवारीका साधनहरु दुर्घटनामा पर्ने घटनाहरु बारम्बार भइरहन्छन्। रासस÷सिन्ह्वा

post image

चैत१५, काठमाडौं ।आइसल्याण्डको एयरलाइन्स कम्पनी वाओ एयरले आफ्नो सेवा बन्द गरेको छ । यसका कारण युरोप र उत्तरी अमेरिका जाने हज्जारौं यात्री विमानस्थलमा फसेका छन् ।  यो एयरलाइन्स कम्पनी ट्रान्स–अटलान्टिक अर्थात् अटलान्टिक पारीका स्थानलाई जोड्ने उडानका लागि चर्चित थियो । घाटामा चलिरहेको यो कम्पनीलाई पछिल्ला केही महिनादेखि बचाउने कोसिस पनि भइरहेको थियो ।

कम्पनीले एक बयान जारी गर्दै यसबारे जानकारी दिएको हो । जानकारीमा भनिएको छ, ‘वाओ एयरले आफ्नो सबै काम बन्द गरेको छ । यसका सबै उडान पनि रद्द भएका छन् ।’ कम्पनीले यात्रीहरुलाई अन्य एयरलाइन्स कम्पनीबाट टिकट खरिद गर्नसक्ने बताएको छ । कम्पनीले भनेको छ, ‘क्रेडिट कार्डबाट पैसा चुकाइसकेका यात्रीले क्रेडिट कार्ड कम्पनीसँग सम्पर्क गर्नुहोस् । जसले युरोपेली एजेन्टसँग टिकट लिएका थिए उनीहरुका लागि उनका एजेन्टले अन्य उडानको व्यवस्था गर्न सक्छन् ।’

साथै कम्पनीले यात्रीहरुले वाओ एयरबाट युरोपेली नियम अनुसार क्षतीपूर्ती समेत पाउन सकिने बताएको छ । कम्पनीका संस्थापक एवं मालिक स्कूली मोगेन्सनले कम्पनीका एक हजार कर्मचारीसँग माफी मागेका छन् । उनले सुरुवातमा कुनै कदम उठाउन नसकेकोमा आफूलाई कहिले पनि माफी दिन नसक्ने बताएका छन् ।

आइसल्याण्ड जाने लगभग एक तिहाई मानिसहरु वाओ एयरको उडानको प्रयोग गर्दथे र अब जानकारले कम्पनी बन्द भएपछि देशको पर्यटन व्यवसायमा नकारात्मक असर पर्ने बताएका छन् ।

किन बन्द भयो वाओ एयरलाइन्स ?

सन् २०११ मा कम्पनीको स्थापना यसका मुख्य कार्यकारी अधिकारी स्कूली मोगेन्सनले गरेका थिए  । सन् २०१२ मा कम्पनीले उडान सुरु ग–यो र बिस्तारै आफ्नो जरा गाड्न थाल्यो । गत वर्षसम्म कम्पनीमा एक हजार कर्मचारी काम गरिरहेका थिए र ३५ लाख यात्रीले कम्पनीको ११ हवाईजहाजमा यात्रा गरेका थिए ।

कम्पनीले छोटो दुरीका साथै लामो दुरीको उडान सेवा पनि दिन्थ्यो जस्तै अमेरिकाको बस्टन र वासिङ्टनलदेखि कोपनहेगन र युरोपको एलिकान्ते शहरमा पनि कम्पनीको उडान पुग्थ्यो ।

ब्रिटेनको वेबसाइट का ट्रावल सम्पादक रोरी बोलेन्डका अनुसार जुन दिन कम्पनीले बन्द हुने घोषणा गर्यो त्यो दिन बिहान अर्थात् बिहिबार बिहान सात बजेसम्म टिकट बेचिरहेको थियो । त्यसकारण यस्तो घोषणा सुनेर यात्रीहरु चकित भए ।

हालै युरोपमा थुप्रै एयरलाइन्स कम्पनी कच्चा तेलको मूल्यवृद्धि र कडा प्रतिस्पर्धाका कारण बन्द भइसकेका छन् । सन् २०१७ मा मोनार्च र एयर बर्लिन बन्द भयो । सन् २०१८ मा अजुर एयर जर्मनी, कोबाल्ट एयर, प्रिमेरा एयर, स्मल प्लानेट एयरलाइन्स र स्काईवर्क बन्द भयो । यो वर्ष एयर इटली र मेरिडिनाको विलय भयो ।

सन् २०१९ मा जर्मनिया, फ्लिम्बी र वाओ एयरले आफ्नो पतन भोग्नुपर्यो । यो वर्ष चर्चित एयरलाइन्स कम्पनी रायन एयरले पनि आफ्नो पहिलो त्रैमासिकमा घाटा देखाएको छ ।

post image

चैत १४, काठमाडौं । थाइल्याण्डका सात पार्टीले बुधबार नयाँ गठबन्धन बनाएका छन्।  सन् २०१४ मा भएको सैनिक ‘कू‘ पछिको पहिलो निर्वाचन लगत्तै उनीहरुले गठबन्धन बनाएका हुन्। यही गठबन्धनले नै नयाँ सरकार बनाउने प्रयास गर्ने समाचारमा जनाइएको छ।

निर्वाचनको वैधानिकता र निश्पक्षतामाथि भने कतिपयले प्रश्न उठाइरहेकै बेला केही पार्टीहरुले गठबन्धन बनाएर सरकार बनाउने कसरत सुरु गरेका हुन्। स्वेच्छिक निर्वासनमा रहनुभएका पूर्व प्रधानमन्त्री थाक्सिन सिनावात्राको समर्थन रहेको फिउ थाई पार्टी सहित अन्य छ पार्टी गठबन्धनमा छन्।

‘हामीले सरकार बनाएर शक्तिको दुरुपयोग रोक्न चाहन्छौँ,’ फिउ थाइकोतर्फबाट प्रधानमन्त्रीका उम्मेदवार सुदारात केयुराफानले पत्रकारहरुसँग भने, ‘लोकतन्त्रको पक्षधर पार्टीहरुलाई नै जनताले साथ दिएका छन्, विश्वास गरेका छन्।’

गत आइतबार भएको मतदानको अन्तिम नतिजा भने औपचारिक र आधिकारिक रूपमा अहिले सम्म पनि सार्वजनिक गरिएको छैन। कुनै कारणबिना नै मतगणनाको पूर्ण परिणाम सार्वजनिक गर्न ढिलाइ गरेको भन्दै निर्वाचन आयोगको आलोचना भएको छ। निर्वाचन आयोगका अधिकारीले भने ‘मानवीय त्रुटीका कारण’ मतपरिणाम ढिलाइ भएको दाबी गरेका छन्।

यही बीचमा पूर्वप्रधानमन्त्री थाक्सिन सिनावात्राले भने निर्वाचनमा ‘व्यापक धाँधली’ भएको आरोप लगाएका छन्।  सामाजिक सञ्जालमा अधिकांशले सिनावात्राको भनाइप्रति सहमति जनाएको देखिएको छ।

कतिपय स्वतन्त्र अन्तर्राष्ट्रिय पर्यवेक्षकले पनि ‘मतगणना पारदर्शी नभएको तथा मतपरिणाम निकै त्रुटिपूर्ण’ रहेको बताएका छन्। उनीहरुले अनुगमनका क्रममा देशव्यापी रूपमा मत किनबेच भएको थाहा पाएको जनाएका छन्।

सत्ताच्युत प्रधानमन्त्री थाक्सिन सिनावात्रा र सेना समर्थकहरूबीचको सत्ता संघर्षका कारण थाइल्यान्डमा केही वर्षयता राजनीतिक अस्थिरता रहेको छ। कुल ७५० सिट रहेको थाइल्यान्डको संसदको तल्लो सदनमा ५०० जना निर्वाचनमार्फत छानिन्छन भने माथिल्लो सदनमा २ सय ५० सिटमा सेनाले सांसदहरू मनोनीत गर्ने व्यवस्था रहेको छ।  एएफपी

post image

चैत १३, काठमाडौं । एउटा रियल स्टेट कम्पनीले आफूलाई सम्झौता बमोजिमको पारिश्रमिक नदिएको भन्दै भारतीय क्रिकेटर महेन्द्र सिंह धोनीले सर्वोच्च अदालतमा मुद्दा दायर गरेका छन् ।आम्रपाली ग्रुपविरुद्ध उनले दिएको मुद्दामा ४० करोड भारु भुक्तानी माग गरिएको छ ।

यो समूहले धोनीलाई सन् २००९ मा ब्रान्ड एम्बेस्डर नियुक्त गरेको थियो । त्यसपछि धोनीले कम्पनीका केही विज्ञापनमा मोडलिङ गरेका थिए । धोनी सन् २०१६ सम्म सो कम्पनीमा आवद्ध रहेका थिए भने उनकी पत्नी साक्षी पनि कम्पनीको च्यारिटी संस्थामा जोडिएकी थिइन् । अदालतमा धोनीले आफ्नो करिब ३८ करोड ९५ लाख भारु कम्पनीले भुक्तानी नगरेको बताएका छन् ।

‘आम्रपाली गुपले मेरो २२ करोड ५३ लाख साँवा र १६ करो ४२ लाख ब्याज भुक्तानी गरेको छैन,’ भारतीय क्रिकेट टिमका पूर्व कप्तानले भने । उनका अनुसार भुक्तानीमा ढिलाई भए १८ प्रतिशतको दरले ब्याज तिर्ने सम्झौता थियो ।

post image

 चैत १३, काठमाडौं ।  भारतमा बलिउड लोकसभामय भएको छ। अप्रिल ११ बाट सुरु हुने लोकसभा निर्वाचनमा प्रतिस्पर्धा गर्ने उद्देश्यका साथ बलिउड कलाकारहरु विभिन्न राजनीतिक दल प्रवेश गर्ने क्रम जारी छ।

 ‘रंगिला गर्ल’ भनेर चर्चित बलिउड अभिनेत्री उर्मिला मतोंडकरले पनि काँग्रेस प्रवेश गर्ने तयारी गरिरहेको  भारतीय संचारमाध्यमहरुले जनाएका छन्। काँग्रेसबाट उनले उत्तम मुम्बई लोकसभा निर्वाचन क्षेत्रबाट प्रतिस्पर्धा गर्न सक्ने बताइएको छ।

भाजपाबाट उक्त क्षेत्रमा गोपाल सेट्टीले उम्मेदवारी दिने बताइएको छ। काँग्रेसले सेट्टीलाई टक्कर दिन धेरै दिनदेखि ‘हाई प्रोफाइल व्यक्ति’ खोजिरहेको बताइएको छ। उक्त क्षेत्रबाट पार्टीकै दिग्गज नेताहरुलाई उठ्न प्रस्ताव गरिएकोमा उनीहरुले त्यसलाई स्वीकार नगरेको बताइएको छ।

सन् २०१४ मा भएको लोकसभा निर्वाचनमा सो क्षेत्र बाट सेट्टीले निरुपमलाई पराजित गरेका थिए। २००४ मा भएको निर्वाचनमा उक्त क्षेत्रबाट अभिनेता गोविन्द विजयी भएका थिए।

मंगलबार जया प्रदा भारतीय जनता पार्टी गरिन् भने शत्रुघन सिन्हा भाजपा छोडेर भारतीय काँग्रसमा प्रवेश गर्ने हल्ला छ।

post image

चैत १२, काठमाडौं । भारतीय जनता पार्टी (भाजपा) ले नेपाली भाषी राजु विष्टलाई दार्जिलिङबाट उम्मेदवार बनाएको छ । दार्जिलिङवासीले नेपालीभाषी उम्मेदवार हुनुपर्ने माग गरेपछि भाजपाले ३३ वर्षीय राजु विष्टलाई उम्मेदवार बनाएको हो ।

विष्टले मंगलबार आफ्नो उम्मेदवारी नामाकरण समेत गराइसकेका छन् । मणिपुरको काङपोख जिल्लामा जन्मेका विष्टको पश्चिम दिल्लीको पञ्जावी बागमा स्थायी घर रहेको छ भने दार्जिलिङको सिलगढी नजिकै मतिगढाको सैनिकपुरीमा पनि घर रहेको छ । भाजपाले टिकट दिएपछि उनी सोमबार नै दिल्लीबाट दार्जिलिङ पुगेको भारतीय सञ्चारमाध्यमले उल्लेख गरेका छन् ।

दार्जिलिङ फर्किएपछि उनको भव्य स्वागत भएको छ । विष्ट भाजपाका नेता होइनन् तर राष्ट्रिय स्वयंसेवक संघ (आरएसएस) निकट सूर्या फाउन्डेशनका प्रबन्धक निर्देशक हुन् । समाजसेवामा क्रियाशील उनी सूर्या फाण्डेशनकोबाट गरीब तथा जहेन्दार विद्यार्थीको पक्षमा काम गर्छन् । भाजपालाई दुई प्रमुख राजनीतिक दल विमल गुरुङ नेतृत्व गोर्खा जनमुक्ति मोर्चा  र गोर्खा राष्ट्रिय मुक्ति मोर्चाको गठबन्धनको पनि साथ रहेको छ ।

विगत दश वर्षयता भाजपाले बाहिरबाट उम्मेद्वारहरू पठाउने गरेको थियो । यसअािघ जसवन्त सिंह र एसएस अहलुवालियाले भाजपाबाट चुनाव जितेका थिए । यसपटक पनि भारजपाले दार्जिलिङका निवर्तमान सांसद तथा केन्द्रीय मन्त्री एसएस आहलुवालियाको नाम घोषणा गरेको थियो । तर दार्जिलिङवासीले त्यसको विरोध गरेपछि विष्टलाई उम्मेदवार बनाइएको हो ।

दार्जिलिङमा नेपाली भाषीलाई नै उम्मेदवार बनाउने माग आए पछि आफ्नो उम्मेदवारी फिर्ता लिएका आहलुवालियाको विकल्पको रूपमा अन्य शीर्ष नेताहरूको नाम पनि चर्चामा आएका थिए । भाजपा संसदीय बोर्डमा बसेको आकस्मिक बैठकले पहिले आहलुवालियाको ठाउँमा पार्टीका दिग्गज नेताहरू अरूण जेटली र सुभ्रमन्यम स्वामीलाई उम्मेदवार बनाउने चर्चा पनि चलेको थियो ।

विष्टले दार्जिलिङमा केन्द्रीय विश्वविद्यालयको स्थापनाको साथै गोरखा जातीको स्वाभिमानका लागि विकासका काम गरेर गोर्खालीको सपना पूरा गर्ने प्रतिवद्धता जनाएका छन् ।

चिया वगानका कर्मचारीलाई अधिकार दिलाउनुको साथै बन्द अवस्थामा रहेको चिया बगान र लघु उद्योग तथा औद्योगिक क्षेत्रका समग्र विकासका काम गर्ने पनि उनले प्रतिबद्धता जनाएका छन् ।

post image

चैत १२, काठमाडौं । भारतीय राष्ट्रिय कंग्रेसका अध्यक्ष राहुल गान्धीले आफ्नो पार्टीको सरकार बनेमा अति गरिब परिवारलाई वार्षिक ७२ हजार भारतीय रुपैयाँ दिइने घोषणा गरेका छन्।

न्यूनतम आय योजना (न्याय) कार्यक्रम लागू गरेर अति गरिबीको रेखामुनि रहेका २० प्रतिशत परिवारलाई बैंक खातामै ७२ हजार रुपैयाँ उपलब्ध गराउने उनले बताए।

सोमबार आयोजित पत्रकार सम्मेलनमा उनले विश्वलाई नै उदाहरणीय हुनेगरी यो योजना ल्याइएको जानकारी दिए।

गरिबीमा रहेकाहरूलाई न्यूनतम आय सुनिश्चत गर्नका लागि न्यूनतम आय योजना लागू गरिने अध्यक्ष गान्धीले बताए।

‘गत पाँच वर्ष जनता धेरै समस्याहरूबाट ग्रसित भए, विशेषगरी गरिब जनता बढी प्रभावित भए, त्यसैले हामीले गरिब जनताका लागि यो योजना ल्याएका हौं,’ उनले भने।
अध्यक्ष गान्धीले आफ्नो पार्टीले ल्याएको न्यूनतम आय सुनिश्चत गर्ने योजना ऐतिहासिक भएको दाबी पनि गरे।

‘अत्यन्त गरिब २० प्रतिशत परिवारलाई न्यूनतम आयका लागि कंग्रेसले सुनिश्चत गर्दछ, बैंक खातामै हामीले ७२ हजार रुपैयाँ हाल्दिन्छौं,’ उनले भने।

अहिले घोषणा गरेको योजनाका बारेमा अध्यक्ष गान्धीले झण्डै एक महिना अगाडि आयोजित एक चुनावी सभामा पनि चर्चा गरेका थिए।

यस योजनाबाट झण्डै पाँच करोड परिवार र २५ करोड जनता लाभान्वित हुने कंग्रेस नेताहरूले बताएका छन्। (रासस/एएनआई)

post image

चैत ७, काठमाडौं । यूरोपेली संघ (इयू) को प्रतिस्पर्धा आयोगले गुगलमाथि प्रतिस्पर्धी अनलाइन सर्च विज्ञापनदातालाई ब्लक गरेको आरोपमा १४९ करोड यूरो अर्थात् लगभग १ अर्ब ८६ करोड रुपैयाँ जरिवाना लगाएको छ ।

यो जरिवाना अनलाइन विज्ञापनमा आफ्नो बलियो स्थितीको दुरुपयोगका कारण लगाइएको हो । दुई वर्ष भित्र गुगलमाथि प्रतिस्पर्धा नियमको उल्लंघन गरेको भन्दै जरिवाना लगाएको यो तेस्रो पटक हो ।

गुगलको पेरेन्ट कम्पनी अल्फाबेट विज्ञापनबाट अर्बौं डलरको कमाई गर्छ र सन् २०१८ मा विज्ञापनबाट यसको कर अघिको नाफा ३०७० करोड डलर थियो ।

यूरोपेली संघकी प्रतिस्पर्धा आयुक्त मार्गरेट वेस्टेजरले गुगलले जे गरेको छ त्यो यूरोपेली युनियनको एन्टी ट्रस्ट नियमविरुद्ध भएको बताएकी छिन् । उनले ब्रसेल्समा गुगलको एडसेन्स विज्ञापन कारोबारको लामो समयदेखि चलिरहेको अनुसन्धानको परिणामबारे जानकारी दिइन् ।

उनले भनिन्, ‘गुगलले एडसेन्स प्लेटफर्मलाई ब्रोकरको प्रयोग गरिरहेका वेबसाइटलाई रोक्नका लागि आफ्नो बलियो स्थितीको दुरुपयोग गरेको अनुसन्धानमार्फत पत्ता लागेको छ ।’

आयोगले गुगल र उसको मूल कम्पनी अल्फाबेटले इयूको प्रतिस्पर्धा निरोधक नियमको उल्लंघन गरेको पायो । यसमार्फत् गुगलका प्रतिद्वन्द्वी कम्पनीले आफ्नो विज्ञापन यी वेबसाइटमा दिन रोकियो ।

गत वर्ष जुलाईमा यूरोपेली युनियनले गुगलमाथि ४.३ अर्ब यूरो जरिवाना लगाएको थियो  । अमेरिकी कम्पनी गुगलले आफ्नो मोबाइल डिभाइस रणनीति अनुसार गुगल सर्च इन्जिनलाई गलत तरिकाले थप शक्तिशाली बनाएको आरोप लगाइएपछि गरिएको अनुसन्धानपछि उक्त निर्णय सुनाएको थियो ।

post image

चैत ५, काठमाडौं । अमेरिकी राष्ट्रपति डोनाल्ड ट्रम्पले दिग्गज कम्पनी गुगलका बारेमा कडा टिप्पणी गरेका छन् । गुगलले चीन र चीनको सेनालाई सहयोग गरेको आरोप उनको छ ।

ट्रम्पले हालै गरेको एक ट्विटमा लेखेका छन्, ‘गुगलले चीन र चिनियाँ सेनालाई सहयोग गरिरहेको छ, तर अमेरिकालाई होइन । यो निकै भयानक छ । सुखद् समाचार के भने उनीहरुले हिलारी क्लिन्टनलाई गरे तर ट्रम्पलाई गरेनन्… आखिर यो कसरी भयो ?’

यसरी ट्रम्पले गुगल र चीनलाई एकसाथ प्रहार गर्ने क्रममा आफ्नो राष्ट्रपतिकी प्रतिस्पर्धी क्लिन्टनलाई पनि छाडेनन् ।  अमेरिकाको सेना प्रमुखले गुगलको आलोचना गरेको केही समयपछि नै ट्रम्पको यस्तो भनाइ बाहिर आएको हो । गुगलले चीनमा गरिरहेको गतिविधिले अप्रत्यक्ष रुपमा चिनियाँ सेनालाई सहयोग पुगिरहेको सेना प्रमुखले हालै बताएका थिए ।

तर गुगलले आरोपको खण्डन गरेको छ । गुगलले भनेको छ, ‘हामीले चिनियाँ सेनासँग काम गरेका छैनौँ । हामीले साइबर सुरक्षा, अमेरिकी सरकारका नियुक्ति तथा स्वास्थ्यलगायतका कुरामा अमेरिकी सरकार तथा अमेरिकी रक्षा मन्त्रालयसँग मिलेर काम गरिरहेका छौँ ।’

गुगलको चीनमा रहेको संलग्नताको विषय पछिल्लो समयमा बहसको विषय बनिरहेको छ । गुगलले चिनियाँ सरकारको नियमानुसार चीनका लागि लक्षित गरी सर्च इन्जिनको विकास गर्ने प्रक्रियामा रहेको समाचार पनि आएको थियो । तर गुगलका सीईओ सुन्दर पिचाइले यस्तो योजना नभएको प्रष्टीकरण दिएका थिए । यद्यपि, भविष्यमा चीनमा सर्च इन्जिन लञ्च गर्ने कुरालाई उनले अस्वीकार भने गरेनन् ।

पछिल्ला केही महिना यता अमेरिका र चीनबीच व्यापार युद्ध चर्किरहेको छ । यसले अमेरिका र चीन दुवै देशका प्रविधि कम्पनीहरुलाई नकारात्मक असर परिरहेको छ । अमेरिकाले चिनियाँ ब्राण्ड हुवावेका उत्पादनहरु माथि पूर्णरुपमा प्रतिबन्ध लगाएको छ । उता चीनमा एप्पललगायतका अमेरिकी कम्पनीको बिक्रीमा तीव्र गिरावट भइरहेको छ ।

post image

चैत ५,काठमाडौं । सोमबार बिहान १० बजेर ४५ मिनेटमा नेदरल्याण्डको युट्रेख्ट शहरको ट्राममा गोलीबारी गर्ने संदिग्धलाई पक्राउ गरिएको पुलिसले जानकारी दिएको छ ।

गोलीबारीमा तीनजनाको ज्यान गएको थियो भने पाँचजना घाइते भएका थिए । प्रशासनका अनुसार हमलाकर्ताको उद्देश्य के थियो, त्यसबारे अहिलेसम्म पत्ता लाग्न सकेको छैन ।

नेदरल्याण्डको पुलिसले ३७ वर्षका गोकमेन तानिसलाई हमलाको थुप्रै घण्टापछि पक्राउ गर्न सफल भयो । उनलाई कहाँबाट पक्राउ गरियो भन्नेबारे पनि स्पष्ट जानकारी छैन ।

बीबीसी टर्की सेवासँग कुरा गर्दै एक स्थानीय व्यापारीले संदिग्ध हमलाकर्तालाई यसअघि पनि इस्लामिक स्टेटसँग सम्बन्ध भएका कारण पक्राय गरिसकिएको छ । यद्यपी, उनलाई केही समय पछि नै रिहा गरिएको थियो । पुलिसले यसलाई आतंकवादी घटनाको रुपमा हेरेको छ ।

नेदरल्याण्डका प्रधानमन्त्री मार्क रुटेले हमलाले त्यहाँका जनता निकै आहत भएको बताए । उनले भने, ‘हाम्रो देश यो हमलाले विक्षिप्त भएको छ । यो हामीलाई आहत गरिदिने हमला हो । यो हमलामा ट्राममा बसिरहेका मानिसहरुमाथि गोली चलाइयो । पुलिसले यसबारे अनुसन्धान गरिरहेको छ । ’

यूट्रख्ट युनिभर्सिटी मेडिकल सेन्टरबाट घाइतेको उपचारका लागि आपत्कालीन वार्ड खोल्न भनिएको छ । यसका साथै शहरमा हाई अलर्ट घोषित गरिएको छ । यूट्रेख्ट युनिभर्सिटीका सबै भवन बन्द गरिएको छ र अर्धसैनिक बललाई हवाई अड्डा र मस्जिदको सुरक्षाका लागि पठाइएको छ ।

post image

चैत ४, सिड्नीअस्ट्रेलियामा बसोबास गरिरहेका तराईवासीहरूको संस्था एशोसिएशन अफ नेपाल तराई इन अस्ट्रेलिया (एन्टा)ले १० औं वार्षिकोत्सवका अवसरमा भव्य रूपमा होली पर्व (फागु) मनाएको छ।एन्टा १० औं वार्षिकोत्सवसँगहोली हंगामानामक साँस्कृतिक कार्यक्रमको आयोजनाका गर्दै सिड्नीको रकडेलस्थित इन्द्रेणी फङ्सन सेन्टरमा होली पर्व हर्षोंल्लासका साथ रङ, अविर खेल्दै शुभकामना आदानप्रदान गरेर मनाइएको छ।

अस्ट्रेलियाका नेपाली समुदायका अगुवाहरूको बाक्लो उपस्थितिमा विभिन्न भाषा भाषिका मनोरञ्जनात्मक कार्यक्रम समेत रङको टिकामार्फत् शुभकामना साटासाट गरेर होली पर्व सबै नेपालीको साझा पर्व भएको सन्देश दिइएको थियो। कार्यक्रमलाई मनोरञ्जनात्मक बनाउन लागि नेपालबाट विभिन्न भाषाका विभिन्न कलाकारहरूलाई आमन्त्रण गरिएको थियो। साथसाथै स्थानीय कलाकारहरूको वेजोड प्रस्तुति रहेको थियो। कार्यक्रममा एन्टाका उपाध्यक्ष रञ्जित शाहले स्वागत मन्तव्य गर्दै हिमाल पहाड तराई कोही छैन पराई भन्ने सन्देश बोकेर सिड्नीमा एन्टाले होली महोत्सव गरेको सुनाए।

नेपालबाट रमेशराज भट्टराई, डोली सरकार सुनील पण्डितजस्ता होलीका चर्चित कलाकारहरूको सहभागिता रहेको थियो। कार्यक्रम नेपाली, मैथिली, भोजपुरी अंग्रेजीमा सञ्चालन गरिएको थियो भन्ने कलाकारहरूले पनि मैथिली, भोजपुरी नेपाली भाषाका शब्दहरूमा  गीत संगीत प्रस्तुति दिएका थिए।

कार्यक्रममा एन्टाका अध्यक्ष अरूणकुमार ठाकुरले होली मधेशको मात्र नभइ सबै नेपालीको साझा महोत्सव भएकोले विदेशमा आएर पनि रङको पर्वमा रंगीन पाउँदा हर्षित भएको सुनाए।

 

कार्यक्रमको प्रमुख अतिथि न्युसाउथवेल्सका महावाणिज्यदूत दिपक खड्काले रङको पर्व होली सबै नेपालीको पर्व रहेको सुनाए। मुख्य प्रायोजककोतर्फबाट युनिकटर्न एजुकेशन एन्ड माइग्रेशनका तर्फबट सनत गुप्ताले एन्टालाई सहयोग गर्न पाउनु आफ्नो लागि खुसीको विषय रहेको बताए। एन्टाका सचिव तुलसी शाहले  सञ्चालन गरेको कार्यक्रममा अस्ट्रेलियामा रहेका सबैखाले संघ संस्थाका प्रतिनिधिहरूको उपस्थिति रहेको थियो।

 

post image

सिड्नी । नेपालको रौतहट जिल्लामा जन्मीएका र करीव १० बर्ष चितवनमा बिताएका ३६ बर्षिय रञ्जित शाह अध्ययनका लागि एक दशक अघि अष्ट्रेलिया प्रबेश गरेका थिए । प्रारम्भमा जे गरेर भएपनि अष्ट्रेलीयामा टिक्नु पर्छ भन्ने मनशायकासाथ आफ्नो काम शुरु गरेका रञ्जितले सन् २०१५ मा रामा फ्यासिलीटी म्यानेजम्यान्ट प्रालि कम्पनी शुरु गरे । नेपाल तथा बिश्वका बिभिन्न मुलुकहरुवाट अध्ययनका शिलशिलामा यहाँ आएका विद्यार्थीहरुलाई सजिलै काम प्राप्त होस् र उनिहरुले आफ्नो अध्ययन सँगसँगै यहाँ बस्नका लागि पनि सहज होस् भन्नका लागि सानो स्केलमा ब्यवसाय शुरु गरेका रञ्जितले हालका दिनसम्म आईपुग्दा करीव २ सय जनालाई काम दिईरहेका छन् । क्लिीनिङ्ग क्षेत्रमा राम्रो स्कोप देखेका रञ्जितले त्यही क्षेत्रमा रामा फ्यासिलिटि म्यानेजम्यान्ट प्रालि मार्फत काम गरीरहेका छन् । रञ्जितले केवल अष्ट्रेलियाको सिड्नीमा मात्रै नभएर रामा फ्यासिलिटि प्रालि मार्फत नेपालमै ब्यावसाय संचालन गर्ने तयारीमा जुटेका छन् । अष्ट्रृेलियामा मिहेनत गरेर अघि बढ्ने हो भने निकै सम्भावना रहेको बताउने ,रामा फ्यासिलिटि म्यानेजम्यान्ट प्रालिका प्रबन्ध निर्देशक रञ्जित शाहसँग अनलाईनसमय डटकमले गरेको कुराकानी ।

अहिले केमा ब्यस्त हुनुहुन्छ ?

मेरो अष्ट्रेलियाको पारामाटामा रामा फ्यासिलिटि म्यानेजम्यान्ट प्रालि रहेको छ । यसले राष्ट्रिय तथा अन्तराष्ट्रिय विद्यार्थीहरुदेखि लिएर कामको खोजीमा रहेकाहरुलाई सजिलै काम प्रदान गर्दछ । त्यसरी नै यस कम्पनी मार्फत हामीले काम खोज्न आउनेहरुलाई क्लिनिङ्ग सम्वन्धी काम, उचित परामर्श, विद्यार्थीह्रुका लागि कोठा भाडा,गाडी चलाउन सिकाउने लगायतका कुराहरु तथा सहयोग गरीरहेका छौं ।

दिनचर्या कस्तो चलिरहेको छ ? सधै फोनमै झुम्मीरहेको देख्छु ?

हो हेर्नुस् न बिहानदेखि अहिलेसम्म फोन बजेको बज्यै छ । यहाँले देखिनै रहनु भएको छ । मेरो दिनचर्या भनेकै हामीले काम गरीरहेका सिड्नीका बिभिन्न क्षेत्र तथा स्थानहरुमा के कस्तो काम भईरहेको छ, हाम्रो कामप्रतिको सन्तुष्टी कस्तो छ ,हाम्रा साथीहरुले के–कसरी काम गरीरहनु भएको छ, उहाँहरुको अवस्था तथा उहाँहरुको कामको बारेमा बिहानै जानकारी लिने गर्दर्छु । त्यसरी नै कसैलाई केही समस्या भएको अवस्थामा म आफै त्यही स्थानमा पुगेर उनिहरुलाई सघाउ पुग्ने का मगर्दै आईरहेको छु । त्यसरी नै फोनमा समेत हाम्रा कर्मचारी तथा सहकर्मीहरुले के कसरी काम गरीरहेका छन् भन्ने बारेमा निरन्तर रुपमा अपडेट लिने काम गर्ने गर्दर्छु । त्यती मात्रै होईन, कामका लागि आईपर्ने समस्याहरुलाई कसरी समाधान गर्न सकिन्छ भन्ने बिषयमा निरन्तर क्लाईन्टसँगको सम्वन्वय सहकार्य र आपसी सरसल्लाहमा कामहरु अघि बढाईरहेका छौं । अब फोनको कुरा गर्नु पर्दा यही फोनकै भरमा मैले सबै कर्मचारीदेखि लिएर काममा गएका साथीहरुसँग सम्पर्क गर्ने भएकाले मात्रै ब्यस्थ भएको देखिन्छ ।

तपाईको अष्ट्रेलिया अनुभव बताई दिनुस् न ?

सन् २००८ को डिसेम्बरमा म अष्ट्रलिया आएको हुँ । साथीभाईहरुको सहयोगमा यहाँ केही कामहरु गर्न थाले । त्यो बेला बिश्वमा नै कामको निकै संकटको अवस्था थियो । त्यस्तो अवस्थामा मैले काम पाउँदा म निकै खुशी भएँ । मैले पहिलो दिन काम सिड्नीवाट करीव ६० किलोमिटर टाढा क्यामदेनमा रेष्टुरेन्ट क्लिनिङ्गको पाएको थिए । जहाँपुग्न १३ डलर भाडा लाग्थ्यो भने मैले दिनभर काम गरेको ४७ डलर पाएको थिए । तर त्यही काम र त्यही ४७ डलर नै मेरो लाईफको टर्निङ्ग प्वाईन्टका रुपमा रह्यो । मैले त्यस पछि निरन्तर रुपमा क्लिनिङ्गको कामहरु गर्दै गएँ । मलाई यति भनिरहँदा गर्भ महशुष हुन्छ कि, अरुले ११ बर्षमा थुप्रै विश्वविद्यालयका डिग्री लिए होलान् तर मैले क्लिनिङ्ग सेक्टरमा पिएचडी गरेको जस्तो महशुष हुन्छ । हालका दिनसम्म पनि सो रेष्टुरेन्ट मैले संचालन गरीरहेको कम्पनी मातहतवाट सेवा लिईरहेको छ र मैले सेवा प्रदान गरी नै रहेको छु । सन् २०१५ मा आएर मैले अब आफुले मात्रै काम गरेर हुदैन अरु साथीहरुलाई र नेपालवाट आएका विद्यार्थीह्रुलाई पनि काम दिनु पर्छ भन्ने मनशायकासाथ रामा फ्यासिलिटि प्रालि संचालन गरीरहेको छु र हालका दिनमा आईपुग्दा हाम्रो कम्पनीमा करीव २ सयको हाराहारीमा साथीहरु काम गरीरहेका छन् । यो नै मैले मेरो सफलता मानेको छु भने सयौ विद्यार्थीहरुलाई यसरी काम लगाउन पाउँदा म निकै खुशी छु र आगामी दिनहरुमा समेत यो पेशामा दृढताकासाथ लागीरहने प्रतिबद्धता जनाउादँछु ।

अष्ट्रेलिया अध्ययन गर्न आईरहेका र आउन चाहने विद्यार्थीलाई यहाँको सुझाव के छ ?

सबैभन्दा पहिला त तपाईहरु अध्ययन गर्न आउनु भएको छ भने अध्ययनलाई पहिलो प्राथमिकता दिनुस् । अध्ययन सँगसँगै तपाई यहाँ बाँच्नका लागि पनि काम त गर्नेपर्छ । अर्को कुरा तपाई अष्ट्रेलिया अध्ययनका लागि आउँदै हुनुहुन्छ भने नेपालमै राम्रोसँग गाडी चलाउन सिकेर नेपाली लाईसेन्स लिएर आउनुस् । किनकि नेपाली लाईसेन्सले अष्ट्रेलियामा गाडी चलाउन पाईन्छ । गाडी चलाउन जान्यो र तपाईसँग गाडी छ भने यहाँ काम पाउन र गर्न निकै सजिलो हुन्छ । त्यसरी नै यहाँ अष्ट्रेलियामा केवल किताबी ज्ञान भन्दा पनि प्रयोगात्मक र ब्यवहारीक सिप हुनु जरुरी छ । सिप भयो भने तपाईले यहाँ काम सजिलै पाउन सक्नुहुन्छ । त्यसैले म सबै विद्यार्थी तथा अभिभावकहरुलाई के भन्न चहान्छु भने तपाई आफ्ना नानीबाबुहरुलाई अष्ट्रेलिया अध्ययनका लागि पठाउँदै हुनुहुन्छ भने केही सिप सिकाएर पठाउनुस् ।

अर्को कुरा यहाँ अध्ययन गर्न आउने विद्यार्थीह्रुले समेत के ध्यान दिनु जरुरी छ भने अष्ट्रेलियामा कुनै डलरको रुख छैन कि, यहाँ आउने बित्तिकै पैसा फलिहाल्छ, त्यसैले तपाईहरु जहाँ जे पढ्न आउँदै हुनुहुन्छ, कम्तीमा एक बर्षको फि नेपनलवाटै तिरेर आउनुस्, त्यसले तपाईलाई यहाँ काम गर्न तथा अध्ययन गर्न निकै सजिलो हुनेछ । नत्र भने तपाईलाई निकै आर्थिक समस्या पर्न सक्दछ । किनकी यहाँ भन्ने बित्तिकै काम पाउन त्यती सजिलो छँदै छैन ।

अष्ट्रेलियाको सिड्नीमा यहाँले थुप्रै विद्यार्थीहरुलाई काम दिईरहनु भएको छ ? उनिहरुसँगको काम गराईकोे सुझाव कस्तो रहेको छ ?

जनकजी, तपाईले निकै रमाईलो प्रश्न गर्नुभयो,यहाँ अध्ययन गर्न आएका जति पनि  विद्यार्थीहरु छन् । सबै नयाँ हुन्छन् । उनिहरुलाई यहाँको अवस्थाका बारेमा र कामको बारेमा खासै जानकारी हुदैन । हाम्रोमा त्यस्ता थुप्रै विद्यार्थीहरु आउँछन् । हामीले उनिहरुलाई काम सिकाएर काम पनि दिन्छौं । त्यती मात्रै होईन, हामीले नयाँ विद्यार्थीहरुलाई कसरी यहाँ कोठा लिने, कसरी बस्ने, कसरी काम खोज्ने, कसरी काम दिने र के काम गर्दा कस्तो हुन्छ , अष्ट्रेलियामा कसरी सफल जिवन बिताउन सकिन्छ भनेर पूर्ण रुपमा काउन्सिलिङ्ग गर्ने गर्दछौं । अब प्रसंग रह्यो, नेपाली विद्यार्थीहरुले कस्तो परफमेन्स गरीरहेका छन् भने यहाँ आएका र काम गरीरहेका जति पनि विद्यार्थीहरु छन् उनिहरुले निकै राम्रो परफमेन्स गरीरहेका छन् । उनिहरुको काम देखि सबै जना निकै खुशी छन् । नेपालीहरुले अरुलेभन्दा बढी मिहेनत गर्ने भएकाले पनि यहाँ निकै सफल भएर उद्यमी बनीरहेको मैले देखेको छु ।

नेपालमा अझै पनि सबल दक्ष र सक्षम जनशक्ति पाउन निकै गाहे छ ? तर तपाईले संचालन गरीरहनु भएको ब्यवसायमा थुप्रै दक्ष जनशक्तिहरु काम गरीरहेका छन् । नेपाललाई सिपयुक्र जनशक्ति तयार पार्नका लागि के गर्नु पर्ला जस्तो लाग्छ ?

हेर्नुस्,यो अष्ट्रेलियामा तपाईसँग सिप छैन र ब्यवहारीक ज्ञान छैन भने बाँच्न नै निकै कठीन हुन्छ । नेपालको शिक्षा नै बढी घोकन्ते र किताबी भएकाले पनि त्यहाँ बढी प्रयोगात्मक र सिपयुक्त जनशक्ति उत्पादन हुन नसकेको मैले महशुष गरेको छु । तर पछिल्लो समयमा आएर नेपालमा पनि बिभिन्न प्राविधिक तथा ब्यावसायीक शिक्षण संस्थाहरु खुल्दै जानु, टेफका कोर्षहरु नेपालमै संचालन हुनुलाई मैले सकारात्मक रुपमा लिएको छ ु । त्यसरी नै अब नेपालमा पनि विद्यार्थीहरुलाई सिपयुक्त र प्राविधिक शिक्षा प्रदान गर्दै अघि बढेको खण्डमा नेपालको पढाई निकै नै उत्कृष्ठ छ भन्ने मलाई लाग्दछ । यही अष्ट्रेलियाकै ठूला–ठूला युनिभसिर्टीहरु समेत नेपाली विद्यार्थीले टप गरीरहेको हामीले सुन्दछौं । त्यसैले अव सरकारले प्राविधिक, ब्यवासीक र सिपयुक्त शिक्षा तर्फ जोड दिनु जरुरी छ ।

तपाई त  एसोसिएसन अफ तराई ईन अष्ट्रेलीया एन्टाका उपाध्यक्ष समेत हुनुहुन्छ ? नेपाली समुदाय र नेपालको लागि यस संस्थाले के–कस्ता कामहरु गर्रीरहेको छ ?

हो यहाँले भने जस्तै म अष्ट्रेलीयामा रहेको एसोसिएसन अफ तराई ईन अष्ट्रेलियाको उपाध्यक्ष हुँ । यो संस्था भनेको तराई मधेशका बिभिन्न जिल्लाहरुवाट अष्ट्रेलीया आएकाहरुको साझा चौतारी हो । हामीले एन्टा मार्फत बार्षिक रुपमा छठ, होली लगायतका बिभिन्न साँस्कृतिकपर्वहरु समुदायसँग मिलेर मनाउँदै आईरहेका छौं । त्यसरी नै हामीले आफ्नो देशको लागि केही गर्नु पर्छ भन्ने सोच बनाएर एन्टा मार्फत हरेक बर्ष तराई मधेशमा रहेका जेहेन्दार बिद्यार्थीहरुका लागि पाँच लाख रुपैंयाको छात्रबृती प्रदान गर्दै आईरहेका छौं । जुन छात्रबृती अन्र्तगत यस बर्ष जिवित शहीद सप्तरीका देवनारायण विश्वासका छोराले काठमाण्डौमा सिएको अध्ययन गरीरहेका छन् । त्यसरी नै हामीले बिभिन्न सामाजिक क्षेत्रमा समेत एन्टा मार्फत र मैले ब्यक्तिगत तवरले समेत काम गरीरहेको छु ।

अष्ट्रेलियाको  सिड्नीमा रामा फ्यासिलिटि प्रालिले जे जसरी काम गरीरहेको छ , यसलाई नेपालसम्म पुर्याउने कुनै योजना छ त तपाईसँग ?

पक्कै पनि जनकजी, रामा फ्यासिलिटि म्यानेजम्यान्ट प्रालिले निकट भबिष्यमा नै काठमाण्डौमा एक गुणस्तरीय सेवा प्रदायक संस्था स्थापना गर्ने तयारी गरीरहेको छ । अन्तराष्ट्रिय सिपलाई नेपाली बजारसम्म पुर्याउने उद्धेश्य सहित रामा फ्यासिलिटि म्यानेजम्यान्ट प्रालिले नेपालमा पलम्बीङ्ग, ईलेक्ट्रीसियन, क्लिनिङ्ग लगायतका गुणस्तरीय सेवाहरु आम उपभोक्ता समक्ष पुर्याउने योजना सहित हामी अघि बढीरहेका छौं । म यहाँलाई जोड्न चाहन्छु, तपाईको घरमा धारा बिग्रियो पानी आएन, यदी तपाईले पलम्बर खोज्न जानुहुन्छ भने कहाँ पाउने, कुनै स्थायीत्व नै छैन र पाएको खण्डमा पनि मलाई फुर्सद छैन, यति दिनपछि आउनुस् भन्ने जवाफ आउँछ । त्यसैले हामीले संचालन गर्ने रामा फ्यासिलिटि म्यानेजम्यान्ट प्रालिले सबै सेवाहरु अनलाईन मार्फत निश्चित समयमा प्रदान गर्नकै लागि नयाँ सोच, नयाँ बिचार र अन्तराष्ट्रिय स्तरको सेवा दिने मनशाय सहित नेपालमा लगानी गर्न ईच्छुक रहेका छौं । छिट्टै तपाईहरुको सेवामा हाजीर हुने प्रतिबद्धता जाहेर गर्दछौं । धन्यवाद ।

post image

 फागुन २६, काठमाडौं । चीनले आफ्ना सबै घरेलु विमान सेवाप्रदायक कम्पनीहरुलाई बोइङ ७३७ म्याक्स ८ विमानहरुलाई तत्कालै ग्राउन्ड गर्न निर्देशन दिएको छ । यही मोडलको विमान आइतबार इथियोपियामा र केही समयअघि इन्डोनेसियामा दुर्घटना भएपछि चीनले यस्तो निर्देशन जारी गरेको हो ।

दुई दुर्घटनामा देखिएको ‘समानता’ लाई औल्याउँदै चीनको नागरिक उड्डयन प्राधिकरणले स्थानीय समयअनुसार सोमबार साँझ ६ बजेभित्र सबै ७३७ म्याक्स ८ विमानलाई ग्राउन्ड गर्न निर्देशन दिएको छ ।

प्राधिकरणले एक विज्ञप्ति जारी गर्दै विमानको सुरक्षालाई सुनिश्चित गरेपछि मात्र उक्त मोडलको विमानलाई उडान भर्न अनुमति दिइने बताएको छ ।

उड्डयन प्राधिकरणले यस विषयमा अमेरिकी फेडरल एभिएसन एडमिनिस्ट्रेसन र बोइङ कम्पनीसँग छलफल गर्ने बताएको छ ।

केन्यातर्फ उडिरहेको इथियोपियन एयरलाइन्सको विमान आदिस अबाब नजिकै दुर्घटना हुँदा विमानमा सवार सबै १५७ जनाको निधन भएको थियो । यसमा ८ जना चिनियाँ नागरिक पनि थिए ।

यसअघि सन् २०१८ को अक्टोबरमा इन्डोनेसियाको लायन एयरको ७३७ म्याक्स ८ विमान जकार्ताबाट उडान भर्ने बित्तिकै दुर्घटना हुँदा १८९ जनाको मृत्यु भएको थियो ।

चीनमा हाल ७६ वटा बोइङ ७३७ म्याक्स ८ विमान रहेका छन् भने त्यहाँ थप १०४ वटा विमान अर्डर गरिएको छ ।एजेन्सी

post image

 फागुन २६, काठमाडौं । इथियोपियामा विमान दुर्घटना हुँदा त्यसमा सवार सबै १५७ जनाको मृत्यु भएको इथियोपियन एयरलाइन्सले जनाएको छ । इथियोपियाको राजधानी एडिस अबाबाबाट केन्याको नैरोवीतर्फ जाँदै गरेको जेट विमान उडेको ६ मिनेटमै दुर्घटनामा परेको थियो ।

विमानमा १ सय ४९ जना यात्रु र चालक दलका ८ जना सदस्य रहेका थिए । इथियोपियन एयरलाइन्सले विमानमा विभिन्न ३३ देशका नागरिक रहेको बताएको छ । बोइङ ७३७ म्याक्स ८ विमान स्थानीय समय अनुसार विहान ८ बजेर ४४ मिनेटमा दुर्घटनामा परेको हो । दुर्घटनाको कारण भने अहिलेसम्म खुलेको छैन ।

इथियोपियाको सरकारी सञ्चार माध्यम इथियोपियन ब्रोडकास्टिङ कर्पोरेसनले विमानमा कोही पनि जीवित नरहेको बताएको उल्लेख गरेको छ ।

प्रत्यक्षदर्शीले विमान जमिनमा ठोक्किएर ठूलो आवाज आएको र चर्को आगो बलेको बीबीसीसँग बताएका छन् । विमान दुर्घटनाको पहिलो सूचना इथियोपियाका प्रधानमन्त्री अबि अहमदले आफ्नो ट्विटरमार्फत दिएका थिए ।

post image

 फागुन २६, केन्या । केन्याको राजधानी नैरबीका लागि उडेको इथोपियन एयरलाइन्स दुर्घटना भएको छ।इथोपियन प्रधानमन्त्री कार्यलयका अनुसार आइतबार बिहान नैरबीका लागि नियमित उडान भरेको ७३७ बोइङ बिमान दुर्घटनामा परेको हो।

विमानका प्रवक्ताले विमान दुर्घटनामा परेको पुष्टी गरे पनि विमानमा सवार १४९ यात्रु र चालक दलका ८ सदस्यको बारेमा केही बताएनन्। उनले क्षतिको विवरण आइनसकेको जनाए।

अफ्रिकाको सबैभन्दा ठूलो यात्रु बोक्ने क्षमताको उक्त एयरबसमा सवार यात्रुहरूको अवस्थाबारे केही जानकारी नभएको प्रवक्ताले जनाएको समाचार संस्था एपीले जनाएको छ।

post image

फागुन २६, काठमाडौँ । कोलम्बियामा विमान दुर्घटनामा भएको छ । शनिवार राति भएको विमान दुर्घटनामा विमान चालकसहित १२ जनाको मृत्यु भएको हो ।

कोलम्बिया सरकारको अनुसार ‘द डगलस डीसी –थ्रि’ विमान देशको मध्य पूर्व क्षेत्रमा दुर्घटनाग्रस्त अवस्थामा फेला परेको थियो ।  विमान सान जोश देल गुआवियारे र विल्लाविन्सेसियोको लागि उडान भरिरहेको जनाइएको छ ।  दुर्घटनामा तरैरा नगरपालिकाका मेयर, उनका पति र छोरी, विमान चालक र को–चालक, एक उड्डयनविद् लगायतको मृत्यु भएको छ ।

कोलम्बियाका राष्ट्रपति इवान डकले दुर्घटनामा ज्यान गुमाएका परिवारप्रति समवेदना प्रकट गरेका छन् । कोलम्बियाका आपतकालिन नागरिक रक्षाका अधिकारीका अनुसार विमान इन्जिन फेल भएको कारण दुर्घटना भएको हो ।

 

post image

फागुन  २४, काठमाडौं । भारतिय क्रिकेट कन्ट्रोल बोर्ड(बिसिसिआई)ले पाकिस्तान क्रिकेट बोर्ड (पिसिबी)ले पाकिस्तान सुपर लिग-२०१९ को फाइनल हेर्न आउन दिएको निम्तो अस्विकार गरेको छ।

मार्च १७ मा कराँचीमा लिगको फाइनल हुँदैछ। आईसिसी अध्यक्ष शंशाक मनोहरले व्यक्तिगत कारणले उक्त निम्ता अस्वीकार गरेको बताइन्छ। पिसिबीले बिसिसिआई सहित आईसिसीका सबै बोर्ड सदस्यलाई पिएसएलको पाइनल हेर्ने निम्ता गरेको छ। यसमा अफगानिस्तान, इङ्ल्याण्ड, आयरल्याण्ड, बंगलादेश, जिम्बाबे, अस्ट्रेलिया, न्यूजल्याण्ड, दक्षिण अफ्रिका र श्रीलंकाले यसमा सहभागी हुने अनुमान गरिएको छ।

भारतिले पुलुवामा हमलापछि तातिएको भारत-पाक दन्वदका कारण आफ्नो कुनै पनि क्रिकेट अधिकारीलाई पाकिस्तान नपठाउने निर्णयमा छ। पछिल्लो महिना पुलुवामा भएको हमलामा ४० बढि जवानको निधन भएको थियो जसको जवाफमा भारतले पाकिस्तानका केहि शंकास्पद क्षेत्रमा हवाई हमला गरेको थियो।

हमलापछि केहि भारतिय क्रिकेट खेलाडीले पाकिस्तानसँग क्रिकेट सम्बन्ध बिच्छेद गर्नुपर्ने बताएका थिए। यससँगै उनीहरूले आसन्न विश्वकप क्रिकेटमा पाकिस्तान विरूद्ध सम्पूर्ण क्रिकेट म्याच बहिस्कार गर्नुपर्नेसमेत माग गरेका थिए।

खेलाडीले यस्तो माग गरेपनि भारतिय क्रिकेट कन्ट्रोल बोर्डले भारत-पाकिस्तानबिचको विश्वकप भिडन्त रोक्न नसकिने स्पष्ट पारिसकेको छ।

post image

फागुन २१, काठमाडौं । पब्जीको लतले अहिले संसारभरका बालबालिका र किशोरकिशोरीलाई सताइरहेको छ । नेपालमा पनि यो भिडियो गेमका पारखीहरु धेरै छन् । भारतमा अहिले एउटा यस्तै अनौठो घटना सार्वजनिक भएको छ । मध्येप्रदेशस्थित भोपालका एक युवकले पब्जी खेलिरहेको सुरमा पानी सम्झेर एसिड पिइदिए । धन्न चाँडै अस्पताल पुर्‍याइएकाले उनको ज्यान जोगियो ।

भारतीय सञ्चारमाध्यमका अनुसार अहिले उनी अझै खतरामुक्त भइसकेका छैनन् । २५ वर्षीय युवकको उपचारमा संलग्न डाक्टर मनन गोगियाले भने, ‘ऊ आँगनमा बसेर पब्जी खेलिरहेको रहेछ । खेलमा यसरी डुबेको रहेछ कि पानी भन्ठानेर एसिड पिएछ ।’

पिउनासाथ अत्यधिक जलन भएपछि उनलाई अस्पताल कुदाइएको थियो । डा. गोगियाका अनुसार एसिडले गर्दा उनको पेटमा अल्सर भएको छ र अन्य अंगहरुमा पनि असर गरेको छ । उनलाई अहिले नागपुरको अस्पतालमा रिफर गरिएको छ ।

डा. गोगियाका अनुसार ती युवकले अझै चेतेका भने छैनन् । उपचारकै क्रममा पनि उनी पब्जी खेलिरहेका थिए । डाक्टरहरुले सम्झाउँदा पनि उनी लतबाट बाहिर निस्किन सकेका छैनन् ।

यसैबीच तमिलनाडुपछि मध्यप्रदेशमा पनि पब्जी गेममाथि प्रतिबन्ध लगाउनुपर्ने माग उठेको छ । यसबाट विद्यार्थीहरुको पढाई प्रभावित भइरहेको र युवाहरु पनि बरालिएको बीजेपीका बिधायक यशपाल सिसोदिया बताउँछन् ।

उनले भने, ‘पब्जी खेल बच्चाहरुका लागि हिंस्रक छ । धेरै अभिभावकहरुबाट विभिन्न गुनासोहरु आइरहेका छन् । त्यसैले यसलाई प्रतिवन्ध लगाउनुपर्छ ।’

post image

 फागुन २१,काठमाडौं । भारत प्रशासित काश्मिरमा गत फेब्रुअरी १४ तारिखमा भएको आत्मघाती हमलाको यत्तिका दिन बित्त्दा पनि  पनि भारत पाकिस्तानबीचको तनाव कायमै छ । यता पाकिस्तानी प्रधानमन्त्री बारम्बार शान्तिको कुरा गरिरहेका छन् भने  उता भारत पटकपटक हत्या, हिंसा, हमलाको कुरा गरिरहेको छ ।

हालै भारतीय प्रधानमन्त्री नरेन्द्र मोदीले यस्तै कुरा दोहोराएका छन् ।  दुई दिने गुजरात भ्रमणमा रहेका मोदीले अहमदाबादमा एक –यालीलाई सम्बोधन गर्दा विपक्षी पार्टी र पाकिस्तानमाथि तिखो हमला गरेका छन् ।

उनले सोमबारको सम्बोधनमा भने, ‘भारतका केही नेता जो बयानबाजी गर्छन् त्यो पाकिस्तानको पत्रिकामा हेडलाइन बन्ने गर्छ, यो देशको लागि दुर्भाग्य हो । म अब लामो प्रतिक्षा गर्न सक्दिनँ । छानी–छानी हिसाब लिनु मेरो विशेषता हो । ’

‘अब घर–घरमा छिरेर मार्नेछौं । विगत ४० वर्षदेखि आतंकवादले हिन्दुस्तानको छातीमा गोली हानिरहेको छ तर भोट बैंकको राजनीतिमा डुबेका मानिसहरु केही ठोस् कदम उठाउन डराउँछन्, ’ उनले भने, ‘मलाई सत्ताको मतलब छैन, मलाई मेरो देशको चिन्ता छ । मेरो देशका मानिसहरुको सुरक्षाको पर्वाह छ । ’

साथै, उनले आतंकवादीलाई पातल मुनी गएर भए पनि मार्ने चेतावनी दिएका छन् ।

ANI

@ANI

PM: Bharat ke neta bayanbazi karte hain vo Pakistan ke akhbaro ki headline banti hai,Pak Parliament mein charcha ho rahi hai. Aap aisi baat bologe jispe Pak taali bajaye?Desh ki sena ne himmat dikhayi aur main intezaar lamba nahi kar sakta,chun chun ke hisaab lena meri fitrat hai

1,593 people are talking about this

 

 

post image

फागुन २० ,काठमाडौं । पाकिस्तानी प्रधानमन्त्री इमरान खानले कस्मिर विवाद जसले समाधान गर्छ उसले नोवल शान्ति पुरस्कार पाउनुपर्ने बताएका छन् । भारतीय पाइलट कमान्डर अभिनन्दन वर्तमानलाई भारत सकुशल फर्काइदिएपछि पाकिस्तानमा प्रधानमन्त्री इमरान खानलाई नोवल शान्ति पुरस्कार दिनुपर्ने महाअभियान चलेको थियो।

प्रधानमन्त्री इमरानले त्यसको प्रतिक्रिया स्वरुप आफू त्यस पुरस्कारका लागि योग्न नभएको बताए। उनले ट्वीटमा भनेका छन्,‘म नोवल शान्ति पुरस्कारको लागि योग्य छैन। ती व्यक्ति जसले कस्मिरी जनताको भावना र चाहना अनुसार त्यहाँको विवाद समाधान गर्दै शान्ति र मानव विकासको भूमिका खेल्छ उ पुरस्कारको लागि योग्छ हुन्छ।’

Imran Khan

@ImranKhanPTI

I am not worthy of the Nobel Peace prize. The person worthy of this would be the one who solves the Kashmir dispute according to the wishes of the Kashmiri people and paves the way for peace & human development in the subcontinent.

27.9K people are talking about this

इमरान खानलाई नोवल शान्ति पुरस्कार प्रदान गरिनुपर्ने पाकिस्तानी संसदमै आवाज उठेको छ।हाल कस्मिरको विषयलाई लिएर भारत र पाकिस्तानबीचको विवाद उत्कर्षमा पुगेको छ। दुवै देश युद्धको संघारमा छन्।

 

post image

फागुन १७, काठमाडौँ।  बुधबार नियन्त्रणमा लिएका भारतीय वायु सेनाका चालक अभिनन्दन वर्तमानलाई पाकिस्तानले रिहा गरिदिएको छ। पाकिस्तानले शुक्रबार दिउँसो अभिनन्दनलाई इस्लामावादस्थित भारतीय राजदूतावासलाई बुझाएको हो।अब उनलाई पञ्जावको वगाहा(आरती नाकाबाट भारत ल्याइने छ। उनी स्थानीय समयअनुसार तीन बजे भारतीय भूमिमा आइपुग्ने बताइएको छ।

बुधबार  बिहान पाकिस्तानले भारतीय वायु सेनाको जहाजलाई विवादीत कस्मिरमा खसालेको थियो। सो जहाजमा रहेका पाइलटलाई पछि पाकिस्तानी सेनाले नियन्त्रणमा लिएको थियो। भारतले दिल्लीस्थित पाकिस्तानका कार्यवाहक राजदूतलाई बोलाएर अभिनन्दनको रिहाइको माग गरेको थियो। बिहीबार पाकिस्तानको संसदमा बोल्दै पाकिस्तानी प्रधानमन्त्री इमरान खानले शान्तिको संकेतस्वरूप वायु सेनाका चालकलाई भारतलाई बुझाउने बताएका थिए।

फेब्रुअरी २६ मा भारतीय सैनिक जहाजले पाकिस्तानी भूमिमा बम खसालेपछि चुलिएको भारत(पाक सम्बन्धको तनाव अभिनन्दनको रिहाइसँगै मत्थर हुने अपेक्षा गरिएको छ।

post image

फागुन १६, काठमाडौं । भारत र पाकिस्तान बिचको तनावलाई लिएर दुई देश बिचमा भएका मिडियाहरुमा आएका चर्चा हेर्ने हो भने युद्ध भैसककेको छ । पाकिस्तानको एक टिभि च्यानलले नेपाल र बर्माको खिल्ली उडाएको छ ।

पाकिस्तानको ‘न्यूज बिट’ च्यानलकी प्रस्तोताले भनेकी छिन्, ‘नरेन्द्र मोदीले भारतीय सेनालाई जहाँ हमला गर्न पनि खुल्ला छुट छ भनेका छन्, मोदीको यो कुरामा हामी हास्ने कि अपसोच गर्ने ? उनले अगाडी थपेकी छिन्, ‘त्यसैले यस्तो धम्कि नेपाल र बर्मा जस्तो कमजोर छिमेकीलाई दिनु, न त हामी नेपाल हो न त बर्मा ।’

स्वभाविक रुपले पाकिस्तानको भन्दा भारतको जनसंख्या धेरैं रहेको छ । भारतीय सेना पाकिस्तानी सेना भन्दा तिन गुणा शक्तिशाली भए पनि भारत जस्तै पाकिस्तान पनि परमाणु शक्ति राष्ट्र हो । पाकिस्तानसंग करिब १४० परमाणु बम रहेको दावी छ भने भारतसंग करिब १२० परमाणु बम रहेको छ । यो सञ्चार माध्यममा रिपोर्ट नै बनाइएको छ ।

 

post image

फागुन १५, काठमाडौं । भारतीय वायु सेनाका दुई जहाज विवादास्पद कस्मिरमा खसेको भारतीय समाचार संस्था प्रेस ट्रस्ट अफ इन्डिया (पिटिआई) ले जनाएको छ। समाचारमा जनाइएअनुसार बुधबार बिहान साढे १० बजे दुई जहाज खसेका थिए।

पाकिस्तानी सैनिक प्रवक्ता मेजर जनरल असिफ गफुरले  पाकिस्तानी वायु सेनाले भारतीय वायु सेनाका दुई जहाज खसालेको दाबी गरेका छन्। सीमा नाघेर पाकिस्तानी आकाशमा प्रवेश गरेका जहाज खसालिएको उनको दाबी छ।

भारतीय वायु सेनाको एउटा जहाज पाकिस्तान नियन्त्रित कस्मिरमा खसेको छ भने अर्को  भारततिरको कस्मिरमा खसेको गफुरले ट्वीटमार्फत जनाएका छन्। पाकिस्तान नियन्त्रित कस्मिरमा खसेको जहाजबाट एक पाइलटलाई पाकिस्तानी सैनिकले नियन्त्रणमा लिएको उनले जनाएका छन्।

भारतीय भूमिमा खसेको जहाजका पाइलट मृत्यु भएको भारतीय सञ्चारमाध्यमले जनाएका छन्। भारत प्रशासित कस्मिरको प्रहरीले वायु सेनाका दुई जहाज खसेको बताएको छ तर कारण खुलाएको छैन।

post image

फागुन १४, काठमाण्डौ । भारतले पाकिस्तानको आतंककारी समूह जैस-ए-मोहम्मद फेरि भारतका विभिन्न ठाउँमा आक्रमण गर्ने सूचना आएकाले मंगलबार बिहान पाकिस्तानी भूमिमा बम खसालिएको बताएको छ।

मंगलबार बिहान नयाँ दिल्लीमा पत्रकार सम्मेलन भारतीय विदेश सचिव विजय गोखले फेब्रुअरी १४ को  पुलवामा आक्रमणपछि जैस ए मोहम्मदले फेरि आक्रमण गर्ने योजना बनाएकाले सूचना आएकाले उसका अखडामा आक्रमण गर्नु आवश्यक भएको बताए।

‘आज बिहान भारतीय वायु सेनाका जहाजले बालाकोटमा आक्रमण गरे। यो दुई दशकदेखि पाकिस्तानमा सक्रिय जैस ए मोहम्मदको सबैभन्दा ठूलो  तालिम केन्द्रमा बम खसालिएको हो,’ गोखलेले भने, ‘आक्रमणमा जैस ए मोहम्मदका कमाण्डरसहित कैंयौं सदस्य मारिएका छन्। तर यसमा कोही पनि आमनागरिक परेका छैनन् किनकी यो तालिम केन्द्र बाक्लो जंगलबीच थियो।’

यसअघि  भारतीय एयरफोर्सका जहाजले मंगलबार बिहान उज्यालो नहुँदै पाकिस्तान भूमिमा १ हजार किलोग्रामको बम खसालेका थिए।  बम खसालेर भारतीय वायु सेनाका एक दर्जन मिराज २००० जहाज विनाक्षति भारत फर्किएको अधिकारीहरूले जनाएका छन्।

post image

फागुन १४, काठमाण्डौ । भारत प्रशासित काश्मिरको पुलवामा हमलाको १२ दिनपछि भारतीय वायुसेनाले पाकिस्तानविरुद्ध ठूलो कारवाही गरेको छ । मंगलबार बिहान करिब साढे तीन बजे मिराज–२००० लडाकू विमानले नियन्त्रण रेखा (एलओसी) पार गरी पाकिस्तान प्रशासित काश्मिरमा छिरेर चरमपन्थी गुटमाथि कारवाही गरेको हो ।

१२ वटा मिराज विमानले हजार किलो बम बर्सायो । यसमा विभिन्न चरमपन्थी क्याम्प ध्वस्त भएको भारतीय मिडियाले दाबी गरेको छ । भारतीय वायुसेनाको सूत्रले यो हमलाको पुष्टि गरेको छ । फेब्रुअरी १३ तारिखमा पुलवामा फिदायीन हमलामा सरकारी सुरक्षाका ४० जवानको मृत्यु भएको छ । जैश–ए–मोहम्मदले यसको जिम्मेवारी लिएको थियो ।

स्रोतलाई उद्धृत गर्दै भारतीय मिडियाले भनेको छ, ‘बालाकोट, चकोटी, मुजफ्फराबादमा जैशका इलाका ध्वस्त भएको छ । बालाकोट पाकिस्तानको प्रान्त खैबर पख्तूनख्वाहमा अवस्थित छ । हमला भएको स्थान एलओसीभन्दा करिब ५० किलोमिटर टाढा छ ।’

पाकिस्तान सेनाले भन्यो – भारतले घुसपेठ गर्यो

भारतको कारवाहीमा पाकिस्तानी सेनाका प्रवक्ता मेजर जनरल आसिफ गफूरले एक ट्वीट गर्दै भारतीय वायुसेनाले मुजफ्फराबाद सेक्टरमा घुसपेठको कोसिस गरेको थियो ।

 

 

post image

 फागुन १२, काठमाडौं । विपक्षी कार्यकर्ताहरुद्वारा सरकारी नाकाबन्दीबीच मानवीय सहयोग पुर्याउँदा भेनेजुएलाको सीमावर्ती इलाकामा हिंसा भड्किएको छ । कोलम्बियाको माइग्रेसन एजेन्सीले भेनेजुएला सरकारी सैनिकका केही जवानले आफ्नो चौकी छोडेको जानकारी दिएको छ ।

यस्तै, अर्कोतर्फ कोलम्बियामा काम खोज्नका लागि सीमा पार गर्न कोसिस गरिरहेका मानिसहरुमाथि भेनेजुएलाका जवानले अश्रु ग्यास प्रहार गरेको छ । यो ताजा विवाद भेनेजुएलामा मानवीय सहायता पुर्याउने विषयमा सुरु भएको हो । राष्ट्रपति निकोलस मादुरोले सहायत रोक्नका लागि कोलम्बियासँग लाग्ने सीमालाई आंशिक रुपमा बन्द गरेको जानकारी दिएका छन् ।

उनको सरकारले कोलम्बियासँग कूटनीतिक सम्बन्ध तोडेको छ । शुक्रबार ब्राजिलको सीमा नजिक भेनेजुएला सुरक्षाबलको गोलीबारीमा दुईको मृत्यु भएको थियो । यस्तै, शनिबार करिब दुईजना मारिएको खबर छ ।

यद्यपी, स्वघोषित अन्तरिम राष्ट्रपति ख्वान ग्वाइदोले शनिबार लाखौं स्वयंसेवक मानवीय सहायता पुर्याउन मद्दत गर्ने बताएका छन् । यो सहायतमा खाना र औषधी भएको उनले बताए । ग्वाइदोले पहिलो खेपको सहायता ब्राजिलको बाटो हुँदै भेनेजुएला पुगिसकेको ट्वीटरमार्फत जानकारी दिएका छन् ।भेनेजुएलाका दुई नेताबीच यतिबेला मानवीय सहायताको मुद्दा विशेष बनेको छ ।

कसरी भइरहेको छ प्रदर्शन ?

भेनेजुएला र कोलम्बियाको सीमाका विभिन्न तस्बिर सार्वजनिक भएका छन् जसमा सुरक्षाबलले स्वयंसेवकमाथि  अश्रु ग्यास प्रहार गरिरहेको देखिएको छ । यस्तै, प्रदर्शनकारीले चौकी, सुरक्षाविरोधी र पुलिसमाथि ढुङ्गा प्रहार गरिरहेका छन् ।

भेनेजुएला–कोलम्बिया सीमामा सुरक्षाबलका कम्तीमा २० सदस्यले चौकी छोडिदिएका छन् ।सोसल मिडियामा पोष्ट भएका भिडियोमा चार जवानले सार्वजनिक रुपमा मादुरोको आलोचना गर्दै ग्वाइदोलाई आफ्नो समर्थन दिएको छ ।

उनीहरुले भनिरहेका छन्, ‘हामी बुवा र छोरा हौं, हामीले अत्यधिक अनिश्चितता र अन्याय सहिसकेका छौं ।’ स्थानीय मिडियाका अनुसार मानिसहरु ब्यारिकेडमा चढेर सीमा पार गर्ने कोसिस गरिरहेका छन् । यस्तै, विपक्षी सांसदहरुले सोशल मिडियामा आफ्नो सन्देश जारी गर्दै बल प्रयोग गरेकोमा आलोचना गरिरहेका छन् ।

यता राष्ट्रपति मादुरोले राजधानी कराकसमा एक खुसी देखिएका भीडको तस्बिर ट्वीट गर्दै लेखेका छन्, ‘यहाँ कुनै युद्ध हुने छैन ।’उनले मानवीय सहायताको नाममा अमेरिकी राष्ट्रपति डोनल्ड ट्रम्पद्वारा आफ्नो देशमा आक्रमण गरेको आरोप लगाएका छन् । उनले लेखे, ‘डोनल्ड ट्रम्प, भेनेजुएलाबाट आफ्नो हात हटाउ ।’

उनले ग्वाइदोलाई ‘कठपुतली’, ‘साम्राज्यवादी भिखारी’ सम्म भनेका छन् । वीपीआई टिभीका अनुसार भेनेजुएला–ब्राजिल सीमा नजिक एक सैन्य चौकीलाई मादुरोलाई समर्थन गर्ने सरकारले कब्जामा लिएको  छ ।बिबिसी

post image

फागुन १०, टोकियो। पृथ्वीबाट करिब ३० करोड किलोमिटर टाढाको एउटा क्षुद्रग्रहको अध्ययनका लागि जापानले प्रक्षेपण गरेको यान सफलतापूर्वक  अवतरण गरेको छ। हायाबुसा२ नाम दिइएको यस उपग्रहको मद्दतबाट जीवको उत्पत्ति र सौर्य प्रणालीका बारेमा महत्वपूर्ण जानकारी सङ्कलन गर्ने वैज्ञानिकहरुले विश्वास व्यक्त गरेका छन्।

जापानी एरोस्पेश एजेन्सी (ज्याक्सा) का वैज्ञानिकहरुले हायाबुसा२ उपग्रह शुक्रबार सफलतापूर्वक छुद्रग्रहको सतहमा अवतरण गरेको बताएका छन्। छुद्रग्रहको सतहमा यान ओर्लिएको सूचना प्राप्त गरेसँगै ज्याक्सा केन्द्रमा कार्यरत बैज्ञानिकहरुबीच खुशीयाली छाएको थियो।

“यान सफलतापूर्वक छुद्रग्रहमा अवतरण गरेको छ,” ज्याक्साकी प्रवक्ता चिस्तो इकुताले घोषणा गरेका थिए। उनले नियन्त्रण कक्षमा हायाबुसा२ ले पठाएका सङ्केतहरु प्राप्त हुन थालेको र त्यो ठिकठाक रहेको पनि जानकारी दिए। वैज्ञानिकहरुले यानले पठाउन थालेका तथ्यांकहरु सङ्ग्रह र विश्लेषण गर्न थालेको पनि इकुताले बताए।

“म अहिले साँच्चिकै चिन्तामुक्त भएको छु,” हायाबुसा२ को अभियानका व्यवस्थापक माकाटो योशिकावाले भने। उनले अन्तरिक्ष उडानमा यो निकै जटिल प्रक्रिया रहेपनि सबै कार्य सहजरुपमा सम्पन्न भएको बताए। “मेरो विश्वासमा खगोल विज्ञानमा यो अर्को महत्वपूर्ण पाइला वा नयाँ खोज हुनेछ।” छुद्रग्रहमा सापेक्षित रुपमा करिब ४ अर्ब ६० करोड वर्षअघि ठूलो मात्रामा अर्गानिक बस्तु र पानी रहेको विश्वास गरिन्छ।

हायाबुसा२ सँगको सञ्चार सम्पर्क बेलाबखत टुटेको थियो किनभने यसको एन्टेना कहिलेकाहिँ पृथ्वीतर्फ फर्किएको हुँदैनथ्यो। तर केही समय वा केही दिनपछि पुनः विद्युतीय सङ्केतहरु प्राप्त हुन थाल्थ्यो। शुरुमा यो अभियान गत वर्ष नै सम्पन्न गर्ने लक्ष्य राखेर काम अघि बढेको थियो। तर छुद्रग्रहको सतहमा उबडखाबड देखिएपछि वैज्ञानिकहरुले अवतरणका लागि उपयुक्त ठाउँ खोज्न केही समय लगाएका थिए।

हायाबुसा२ अभियानका लागि करिब २७ करोड अमेरिकी डलर खर्च भएको छ। यो अभियान डिसेम्बर २०१४ मा आरम्भ गरिएको थियो र यसले सन् २०२० भित्रमा पृथ्वीमा छुद्रग्रहको सतहमा भेटिएका वस्तुको नमूना सङ्कलन गर्ने समयावधि तोकिएको थियो।

हायाबुसा२ ले पठाएका प्रारम्भिक तस्विरमा छुद्रग्रहको सतह केही उबडखाबड भएको देखिएको छ। हायाबुसा२ मा क्यामेरा र सेन्सिङ उपकरण जडान गरिएको छ। साथै, यसमा दुईवटा साना मिनेर्भा–२ रोभर रोबोट र फ्रान्सेली–जर्मनेली मास्कोट नाम गरेको रोबोट पनि रहेको छ। यी रोबोटले ग्रहको सतहका बारेमा जानकारी दिनेछन्। छुद्रग्रहबाट यी उपकरणहरुले पठाएका तथ्यांकहरु प्राप्त गर्न थालिसकेको ज्याक्साले जनाएको छ।

करिब १० केजीको मास्कोट रोबोटमा सेन्सरहरु जडान गरिएको छ र यसले सतहका तस्वीरहरु खिच्ने, माइक्रोस्कोपको मद्दतबाट खनिजहरुको अनुसन्धान गर्ने, सतहको तापक्रम र चुम्बकीय अवस्थाको मापन गर्नेछ। ठूलो फ्रिज आकारको हायाबुसा२ मा सौर्य प्यानल जडान गरिएको छ। जापानी भाषामा हायाबुसाको अर्थ “बाज” हो।

सन् २०१४ मा जापानले पहिलोपटक हायाबुसा सफलतापूर्वक प्रक्षेपण गरे पनि त्यसले छुद्रग्रहका बारेमा पर्याप्त जानकारी संकलन गर्न सकेको थिएन। एएफपी

post image

फागुन ९,काठमाडौं । बंगलादेशको राजधानी ढाकामा भीषण आगलागी भएको छ । बिहिबार विहान अस्थायी भवनहरु भएको ठाउँमा ग्यास सिलिन्डर बिष्फोट भएर आगलागी भएको हो ।

आगलागीमा परी ६९ जनाको शव फेला परेको बंगालादेश फायर सर्भिस प्रमुख अली अहमदले बताएका छन् । उनले मृतकको संख्या बढ्न सक्ने जानकारी दिएका छन् ।

अत्याधिक ज्वलनशील रसायन पदार्थ भएकाले आगो छिट्टो फैलिएको हो । बाक्लो बस्ती र व्यवसायिक पसल तथा रेस्टुरेन्टभएकोले आगो छिट्टो फैलिएको अहमदले बताए । दमकलकर्मीहरुका अनुसार आगलागीमा महिला तथा बालबालिका धेरै घाइते भएका छन् । घाइतेहरुको नजिकैको अस्पतालमा उपचार भइरहेको छ ।

फायर विभागका अधिकारीहरुले मुख्य शहर भएकोले सडकमा जाम बढेपछि घाइतहरुलाई समयमा नै उद्दार गर्न कठिन भएको बताएका छन् ।  ढाका मेडिकल कलेजले घाइतेमध्ये ४५ जनाको अवस्था चिन्ताजनक भएको भारतीय समाचार संस्था जागरणलाई बताएको छ ।

post image

फागुन ८, काठमाडौं। पुलवामा घटनामा पाकिस्तानको समर्थन गरेको भन्दै अक्षयलाई सामाजिक सञ्जालमा राष्ट्रविरोधीको रुपमा चित्रित गर्दै सार्वजनिक बहिष्कारको अपील गरिएको छ। काश्मिरको पुलवामा घटनापछि बलिउड अभिनेता अक्षय कुमारको एउटा पुरानो भिडियो भाइरल भएको हो।

भिडियो भाइरल भएसँग उनीमाथि सामाजिक सञ्जालमा आक्रोश पोखिएको छ।  यद्यपि उक्त भिडियो २०१५ को हो।  जसमा अक्षयले ‘चरमपन्थी पाकिस्तानमा होइन भारतमा पनि छन्’ भनेका छन्।

पुलवामा गत बिहीबार भएको आतंकवादी आक्रमणमा ४२ भारतीय सैनिकको ज्यान गएको थियो। उक्त भिडियो शेयर गर्दै प्रयोगकर्ताले ‘पाकिस्तान चरमपन्थी देश होइन, बरु भारतमा चरमपन्थी तत्व छन्’ भनेर अक्षयले राष्ट्र विरोधी अभिव्यक्ति दिएको भन्दै उनलाई सार्वजनिक बहिष्कारका लागि अपिल गरेका छन्।

 बीबीसी हिन्दीले भने यो भिडियोको पलुवामा घटनासँग कुनै सम्बन्ध नरहेको जनाएको छ। उसका अनुसार यो भिडियो सन् २०१५ को हो। फिल्म बेबीको प्रमोशनका दौरान अक्षयले चरमपन्थबारे आफ्नो धारणा सार्वजनिक गरेका थिए। ‘चरमपन्थ कुनै देशमा हुँदैन। यसका केही तत्व हुन्छन्। चरमपन्थ भारतमा पनि छ, अमेरिका र अष्ट्रेलियामा पनि छ। पेरिस र पेशावरमा पनि छ। चरमपन्थ केही मानिस फैलाउँछन र कुनै पनि राष्ट्र समर्थन गर्दैन’, उनले भनेका थिए।

यद्यपी पलुवामा आक्रमणमा मारिएका सैनिकका परिवारका लागि अक्षयले राहत कोष ‘भारतका वीर’ मा योगदान गर्न सार्वजनिक अपील गरिसकेका छन्। तर, भाइरल भिडियोबारे अक्षयले कुनै प्रतिक्रिया दिएका छैनन्।

post image

फागुन ८, काठमाडौं। साउदी अरबका युवराज मोहम्मद बिन सलमान दुई दिवसीय भ्रमणमा भारत पुगेका छन् । भारतीय प्रधानमन्त्री नरेन्द्र मोदीले एयरपोर्ट पुगेर उनको स्वागत गरेका हुन् ।

भारत प्रशासित काश्मिरको पुलवामा जिल्लामा हमलापछि भारत र पाकिस्तानबीच बढिरहेको तनावको असर युवराज सलमानको यो पहिलो द्वीपक्षीय भ्रमणमा पनि पर्नसक्छ । बुधबार जब प्रधानमन्त्री नरेन्द्र मोदी र युवराज सलमानबीच वार्ता हुनेछ तब पुलवामा हमलाबारे पनि विस्तृत रुपमा चर्चा हुने अनुमान गरिएको छ ।

सोमबार इस्लामाबादमा साउदी विदेशमन्त्री आदेल अल जुबैरले भनेका थिए, ‘हाम्रो उद्देश्य दुई देश, छिमेकी देशबीच तनाव कम गर्नु हो र शान्तीपूर्ण तरिकाले मतभेद हटाउने कुनै बाटो छ कि त्यसबारे चर्चा गरिनेछ ।’

पुलवामा हमलाअघि साउदी राजकुमारको भ्रमणको मुख्य एजेन्डा भारतको तेलको बिक्रि र आर्थिक लगानी नै थियो । तर अब परिस्थिती बदलिएकाले राजनीतिक चर्चा पनि हुनेछ ।

 

post image

 फागुन ७, काठमाडौं । कश्मीरको पुलवामा जिल्लामा भएको चरमपन्थी आक्रमणबारे पाकिस्तानका प्रधानमन्त्री इमरान खान पहिलो पटक बोेलेका छन् । ४० जवानको मृत्यु भएको यो घटनामा भारतले पाकिस्तानलाई दोषी ठहर्‍याएको छ र त्यसको जवाफ दिने बताएको छ ।

पाकिस्तानी प्रधानमन्त्री इमरान खालले भने भारतले विना प्रमाण आरोप लगाएको बताएका छन् । उनले भने, ‘पाकिस्तान स्थायित्वतर्फ बढेको छ भने हामी किन यस्तो गर्छौं ।’

उनले अघि भने, ‘यसले पाकिस्तानलाई के फाइदा हुन्छ ? मैले पटक पटक भनेको छु कि यो नयाँ पाकिस्तान हो । पाकिस्तान आफैं आतंकवादीहरुबाट पीडित छ । म अफर गरिरहेको छु कि तपाई आउनुस् र छानविन गर्नुस् । यदि कसैले पाकिस्तानले जमिन प्रयोग गरेको छ भने उनीहरु हाम्रा पनि दुश्मन हुन् ।’

सम्वादबाट समस्या समाधान गर्नुपर्ने भन्दै भारतले यसबारे किन सोच्दैन भन्ने प्रश्न पनि गरेका छन् ।

पाकिस्तानी प्रधानमन्त्री इमरानले भनेका छन्, ‘भारतको मिडिया राजनीतिमा सुन्नमा आएको छ कि पाकिस्तानसँग बदला लिनुपर्छ, त्यसैले हमला गर्नुपर्छ । यदि तपाईलाई लाग्छ कि पाकिस्तानमाथि आक्रमण गर्नुपर्छ । पाकिस्तानले के सोच्छ ? सोच्ने मात्र होइन, पाकिस्तानले जवाफ दिन्छ ।’

यो घटनाको जिम्मेवारी भने पाकिस्तानस्थित आतंकवादी संगठन जैश-ए-मोहम्मदले लिएको थियो ।

post image

फागुन ७,काठमाडौं ।अन्तर्राष्ट्रिय क्रिकेट काउन्सिल (आइसिसी) महिला विश्वकप छनोट क्रिकेटअन्तर्गत एशिया छनोटको पहिलो खेलमा नेपालले मलेशियालाई ३४ रनले पराजित गरेको छ । जीतका लागि १ सय २७ रन पाएको मलेसियाले निर्धारित २० ओभरमा ७ विकेटको क्षतिमा मात्र ९२ रन बनाउन सक्यो ।नेपाललाई जीत दिलाउन करुणा भण्डारी र सरिता मगरले २–२ विकेट लिए भने सीता राना मगर र कबिता कुँवरले १–१ विकेट लिए ।

मलेसियाका लागि क्रिस्टिना बेरेटले सर्वाधिक २१ रन बनाइन् भने सासा आज्मीले नटआउट रहँदै १६ रन बनाइन् । थाइल्याण्डको बैंककस्थित ट्रेडथाई क्रिकेट मैदानमा टस जितेर पहिले ब्याटिङ गरेको नेपालले पूरै २० ओभर खेल्दै पाँच विकेट गुमाएर १२६ रन बनाएको थियो । नेपालका लागि शुरुआती ब्याट्सम्यान सीता रानामगरले ४२ रन जोडिन् । यस्तै कप्तान रुबिना क्षेत्रीले अविजित ३३ रन बनाइन् । त्यस्तै काजोल श्रेष्ठले १६, इन्दु बर्माले १३ र नेरी थापाले छ रन जोडिन् ।

नेपालले मलेशियापछि दोस्रो खेलमा आयोजक थाइल्याण्डसँग बिहीबार खेल्नेछ । एशिया छनोटमा नेपालसहित सात राष्ट्रले प्रतिस्पर्र्धा गर्नेछन् । छनोटमा नेपाल, थाइल्याण्ड, युएई, मलेशिया, कुवेत, चीन र हङकङ रहेका छन् । राउण्ड रोबिनका आधारमा हुने छनोटको विजेताले आइसिसी महिला टी–२० विश्वकपको ग्लोबल छनोटमा पुग्नेछ ।

post image

फागुन ६, काठमाडौं । दुई दिवसीय पाकिस्तान भ्रमणमा पुगेका साउदी युवराज मोहम्मद बिन सलमानले पाकिस्तानसँग २० अर्ब डलरको सम्झौताको घोषणा गरेका छन् । यसमा ग्वादर नजिक एक तेल प्रशोधन केन्द्रमा ८ अर्ब डलरको लगानी पनि समावेश छ ।

पाकिस्तान पुगेका युवराजले पाकिस्तानको भविष्य उज्ज्वल भएको बताए ।  उनले भने, ‘गत वर्ष पनि पाकिस्तानले पाँच प्रतिशतको दरले आर्थिक प्रगती गर्यो र अहिलेको नेतृत्वमा पाकिस्तानको भविष्य निकै सुनौलो छ ।’ ‘यसै कारण हामीले पाकिस्तानसँग २० अर्ब डलरको सम्झौता गरेका छौं जुन पाकिस्तानमा साउदी लगानीको पहिलो कदम हो,’ उनले थपे ।

साउदी युवराज जब पाकिस्तान पुगे तब उनको स्वागतका लागि प्रधानमन्त्री इमरान खान र सेना प्रमुख कमर जावेद बावजा एयरपोर्टमा उपस्थित थिए । इमरान खानले युवराजलाई आफ्नो कारमा राखेर प्रधानमन्त्री निवाससम्म लिएर गए । उनी आफैंले कार चलाइरहेका थिए ।  युवराजको सम्मानमा प्रधानमन्त्री निवासमा विशेष रात्रीभोजको आयोजना पनि गरिएको थियो । यतिबेला इमरान खानले साउदी अरबमा काम गर्ने पाकिस्तानी मजदुरका समस्या बारे चर्चा पनि गरे ।

इमरानका अनुसार २५ लाख पाकिस्तानी नागरिक साउदी अरबमा काम गरिरहेका छन् । उनीहरु आफ्नो परिवारलाई छोडेर काम गर्नका लागि साउदी अरब जान्छन् र लामो समयसम्म आफ्नो परिवारबाट टाढै बस्छन् । ती मजदुर मेरो मनको निकै नजिक भएको बताउँदै उनीहरुका विभिन्न समस्यालाई युवराजलाई आफ्नो स्तरमा हल गरिदिन आग्रह गरेका छन् ।

यसका साथै, इमरानले हजको क्रममा पाकिस्तानी नागरिकलाई पर्ने समस्याबारे पनि युवराजसँग छलफल गरे । साथै, युवराजले पाकिस्तानले आफूलाई साउदी अरबको प्रतिनिधी सम्झेर सबै मुद्दाको समाधानका लागि काम गर्ने प्रतिबद्धता व्यक्त गरे ।

यसअघि जब युवराज आइतबार अबेर राती पाकिस्तान पुगे तब उनको शानदार स्वागत गरियो । युवराजको विमान जब पाकिस्तानको वायुक्षेत्र पुग्यो तब लडाकू विमानले त्यसलाई एस्कर्ट गर्यो ।

Embedded video

Govt of Pakistan

@pid_gov

HRH Crown Prince Mohammed Bin Salman of Saudi Arabia received a glorious welcome as the Royal aircraft entered the Pakistani Airspace. Formations of JF-17 & F-16s of PAF escorted His Royal Highness who arrived in Pakistan on a two day official visit today.

3,170 people are talking about this

 पाकिस्तानी लडाकू विमानले युवराज चढेको विमानको दायाँ–बायाँ उड्दै विमानलाई रावलपिन्डीको नूर खान एयरबेससम्म ल्यायो । त्यसपछि सुप्रिम को–ओर्डिनेशन काउन्सिलको पहिलो बैठक भयो जसको अध्यक्षता साउदी युवराज र प्रधानमन्त्री इमरानले रह्यो ।

साउदी युवराजले नै उच्च स्तरीय परिषद स्थापित गर्न प्रस्ताव दिएका थिए । यसमा पाकिस्तान र साउदी अरबका रक्षामन्त्री र विदेशमन्त्री समावेश थिए ।बिबिसी

post image

फागुन २, काठमाडौं । बिहिबार भारत प्रशासित काश्मिरमा सरकारी सुरक्षा फौजलाई लक्षित गरी गरिएको आक्रमणबारे पाकिस्तानले प्रतिक्रिया दिएको छ । पाकिस्तानले आफूलाई यत्तिकै आरोप नलगाउन भनेको छ । पाकिस्तानले पलुवामा जिल्लामा भएको हमला गम्भीर चिन्ताको विषय बताएको छ ।

पाकिस्तानले भनेको छ, ‘कुनै अनुसन्धान बिना नै हमलाको सम्बन्ध पाकिस्तानसँग भएको बताउने भारतीय मिडिया र सरकारको कुनै पनि आरोप खारेज गर्छौं ।’

भारतीय मिडियाले जम्मू काश्मिरमा अहिलेसम्म भएको यो सबैभन्दा ठूलो रक्तपातपूर्ण हमला बताएको छ । प्रहरीले बीबीसीलाई जनाए अनुसार विस्फोटक पदार्थले भरिएको एउटा कार अर्धसैन्य बलका जवानहरु बोकेको बससँग ठोक्काइँदा कम्तीमा ४२ सुरक्षाकर्मीको मृत्यु भएको छ ।

पाकिस्तानस्थित इस्लामिक समूह जैश–ए–मोहम्मदले उक्त हमलाको जिम्मेवारी लिएको छ । भारतले पाकिस्तानको कडा आलोचना गर्दै चरमपन्थी समूहलाई सहयोग गर्न बन्द गर्न र उनीहरुको जमिनबाट चलिरहेको चरमपन्थी संगठनलाई नष्ट गर्न माग गरेको छ । यद्यपी, पाकिस्तानले यी आरोपको ठाडो अस्विकार गर्दै पुलवामा हमलामा आफ्नो कुनै लेनदेन नभएको बताएको छ ।

post image

फागुन १, काठमाण्डौं । लागू औषध बादशाह भनेर चिनिने मेक्सिकोका जोक्विन गजमेन “एल च्यापे “लाई अमेरिकी अदालतले दोषी ठहर गरेको छ । ६१ वर्षे गजमेनलाई ु१० काउन्टु मा दोषी ठहर गरिएको हो। उनी विरुद्ध कोकिन, हिरोइन जस्ता लागू औषधका साथै गैर कानूनी रुपमा हातहतियार राखेको र आर्थिक अपचलन गरेको आरोप लगाइएको थियो।

यसका साथै १३ वर्ष भन्दा कम उमेरकी किशोरीहरुलाई लागू औषध दिएर बलात्कार गर्नुका साथै आफ्ना विपक्षीहरुको हत्या,अपहरण लगायतका कार्यमा संलग्न रहेको आरोप उनीमाथि लगाइएको थियो।उनलाई अदालतले कति वर्ष जेल सजाय दिने भनेर फैसला अर्को सुनुवाइमा हुने जनाइएको छ। यद्यपि उनी दोषी ठहर भइसकेकाले उनलाई जन्मकैदको सजाय हुनसक्ने बताइएको छ।

गजमेनले शक्तिशाली मानिएका सिनालो ड्रग कार्टेल नाम गरेको तस्करी संस्था संचालन गरी अमेरिकामा लागू औषध तस्करी गरेको बताइन्छ। उनले तस्करीबाट मात्रै हालसम्म १४ बिलियन अमेरिकन डलर कमाएको अनुमान गरिएको छ।

सन् २०१५ मा मेक्सिकोको एक कारागारबाट सुरुङ खनेर भागेका गजमेनलाई सन् २०१६ को जनवरीमा पक्राउ गरिएको थियो। २०१७ मा उनलाई अमेरिका सुपुर्दर्गी गरिएको थियो। उनलाई कारागारबाट भगाउन उनका छोराहरुले जेल नजिकै एक घर किनेका थिए। कारागामा लुकाएर पठाइएको जीपीएस वाच को सहायतबाट उनी रहेको स्थान पत्ता लगाइ सुरुङको सहारामा उनलाई बाहिर निकालिएको थियो।

post image

माघ २६, काठमाडौं । भारतमा हुने हिरो गोल्डकप महिला फुटबलमा नेपालको महिला राष्ट्रिय टिमले म्यानमारसँग खेल्दैछ।खेल भारतको भुवनेश्वरमस्थित कालिंगा रंगशालामा नेपाली समय अनुसार ४:१५ बजे सुरु हुने छ। पछिल्लो पटक नेपाल र म्यानमारबीच टोकियो ओलम्पिक २०२० को छनोट अन्तर्गत खेल भएको थियो। उक्त खेल बराबरीमा सकिएको थियो।

म्यानमार वरीयतामा पनि माथि रहेको र कठिन प्रतिद्वन्दी रहेको नेपालको प्रशिक्षक हरी खड्काले बताएका छन्। ‘हाम्रो मुख्य लक्ष्य भनेको साफ च्याम्पियनसिप हो। हामी यहाँ सिक्नको लागि आएका छौँ। यहाँ खेल्ने बाँकी तीन टिम हामीभन्दा हाइअर र्‍याङ्कका छन्।’

‘हामी यहाँ अन्डरडग टिमको रुपमा रहन सक्छौँ। हामी अरु टिमसँग प्रतिस्पर्धात्मक खेल खेल्छौँ र राम्रो फुटबल खेल्नेछौँ।’ ‘हामी यहाँ हाम्रो कमजोरीहरुलाई सुधार गर्नेछौँ।’ शुक्रवार भएको प्रिम्याच कन्फ्रेन्समा खड्काले भनेका थिए। नेपाल र म्यानमारसँगै प्रतियोगितामा भारत र इरान समेत सहभागि छ।

post image

माघ २, मलेसिया   माघ १६ गते काठमाडौंको  राष्ट्रिय सभा गृहमा  घोषणा गरिएको गौतम बुद्ध अन्तर्राष्ट्रिय क्रिकेट रंगशाला निर्माणको  अभियानलाई लिएर मलेसिया आएका  धुर्मुस सुन्तलीको  शानदार प्रस्तुतिले दर्शकको मन जित्न सफल भएको  नेपालमा गौतम बुद्ध अन्तर्राष्ट्रिय रंगशाला घोषणा गरे लगत्तै  पहिलो प्रस्तुतिको लागि उनीहरु मलेसियामा आएका हुन्

 

उनीहरुसँगै चर्चित लोक गायक बद्री पंगेनी, चर्चित आधुनिक गायिका मेलिना राई, चर्चित लोक गायिका सम्झना भण्डारी यामजोङ्ग  पनि आएका छन् मलेसियामा उनीहरुको भव्य स्वागत भएको दुई ब्राण्ड एम्बेसडर रहेको सिटी एक्सप्रेसले रंगशाला निर्माणको लागि मलेसियाको तीन शहरमा  ‘सिटी एक्सप्रेस धुर्मुससुन्तुली साँझ२०७५को आयोजना गरेको हो

 

जस अन्तर्गत क्वालालम्पुरमा पहिलो शो फेब्रुअरी मा डेवान मारियमेनको सिटी सेन्टर फेब्रुअरी६ मा पेनाङ एसटी एन्नी चर्चमा भएको   उक्त दुई शो मा धुर्मुस सुन्तलीको अभिनयबाट दर्शकले भरपुर मनोरन्जन लिएका छन्  यी दुईसँगै लोक गायक बद्रि पंगेनीआधुनिक गायिका मेलिना राइ,चर्चित लोकगायिका लोक गायिका सम्झना भण्डारी स्थानीय कलाकारहरुले पनि मनोरञ्जन  दिएका छन्  यसैगरी अब  क्वालालम्पुर पेनाङ पश्चात फेब्रुअरी१० मा जोहर बारुमा अन्तिम कार्यक्रम हुनेछ झन्डै तीन अर्बको अनुमानित लागतमा निर्माण हुने भनिएको रंगशाला निर्माणमा मलेसियाबाट राम्रो साथ   सहयोग पाउने धुर्मुस सुन्तलीले विश्वास व्यक्त गरेका छन्

post image

माघ २, मेलबर्न   सेमिफाइनल प्रवेशका लागि शुक्रबार बिग ब्यास टिम मेलबर्न स्टार्सले ब्रिसबेन हिटको सामना गर्दैछ। लिगमा १२ खेल खेलेको स्टार्सले १२ अंक सहित सेमिफाइनल प्रवेशको सम्भावना बलियो बनाएको छ। यस्तै लिगमा एक खेल बढी खेलेर ११ अंक जोडेको ब्रिसबेनको सम्भावना पनि कायमै छ। यदि आजको खेलमा बेलबर्न स्टार विजयी भए एक खेल अगावै सेमिफाइनलमा स्थान पक्का गर्नेछ। अन्यता अन्तिम खेल जित्नुपर्ने दबाब हुनेछ। यता ब्रिसबेनका लागि आजको खेल जितेमा अन्तिम खेलमा मेनबर्नले सिड्नी सिक्सर्ससँग पराजित हुनुपर्नेछ।

 

सुरूवाती चार खेल खेल्दै सानदार प्रदर्शन गरेका नेपाली युवा बलर सन्दीप लामिछाने आजको खेलमा मेलबर्नबाट आफ्नो पाँचौ खेल खेल्दैछन्। सुरूवाती चार खेलमा विकेट लिएका सन्दीप त्यसपछि बंगलादेश प्रमियर लिग नेपालको अन्तर्राष्ट्रिय एक दिवसीय टी ट्वान्टी खेलमा सहभागी हुन अष्ट्रेलिया बाहिर गएका थिए। उनले बंगलादेशमा सम्पन्न बंगलादेश प्रिमियर लिगमा सिल्हेट सिक्सरबाट खेल खेल्दै विकेट लिएका थिए। त्यसपछि अन्तर्राष्ट्रिय एक दिवसीयमा विकेट लिएका उनले तीन ट्वान्टी ट्वान्टी अन्तर्राष्ट्रियमा विकेट हात पारेका थिए।

 

बेलबर्नले सन्दीपको स्थानमा इंल्याण्डका पेस बलर लियाम प्लुङ्केटलाई खेलाएको थियो।  उनले खेलबाट १२ विकेट लिएका छन्। .२२ इकोनोमी बलिङ गरेका उनी सन्दीपको .८१ इकोनोमी बलिङ भन्दा बढी हो। प्रतियोगितामा १३ खेल खेलेको  होबर्टले १० खेल जित्दै २० अंक जोडेर एक खेल अगावै शीर्ष स्थानमा रहेर सेमिफाइनलमा स्थान पक्का गरेको छ।यस्तै समान खेलबाट १६ अंक जोडेको सिड्नी सिक्सर सबै १४ खेल खेल्दै १६ अंक जोडेको मेलबर्न रेनेगाडेसले पनि सेमिफाइनलमा स्थान बनाइसकेको छ। आजको खेलमा मेलबर्न विजयी भए सेमिफाइनल पुग्ने सबै चार टोलीको टुंगो लाग्नेछ।

post image

माघ २०, काठमाडौं ।  तेस्रो तथा अन्तिम खेलमा यूएईलाई १४ रनले हराउँदै नेपालले ऐतिहासिक टी-२० सिरिज जितेको छ । संयुक्त अरब इमिरेट्स (यूएई) विरुद्ध एक दिवसीय क्रिकेट शृङ्खला जितेको नेपालले टीट्वान्टी शृङ्खलाको उपाधिसमेत हात पारेको हो। टीट्वान्टी शृङखलाको अन्तिम अर्थात् तेस्रो खेलमा नेपालले जित दर्ता गरेको हो। नेपालको जितका लागि करण केसी एक्लैले एउटै ओभरमा दुई विकेट लिए।

टस जितेर फिल्ड रोजेको यूएईलाई अन्तिम खेलमा नेपालले आठ विकेटको क्षतिमा १०५ रनको चुनौती दिएको थियो। नेपालबो ब्याटिङमा कप्तान पारस खड्का र सन्दीप जोराले महत्वपूर्ण योगदान दिए। १०५ रनको लक्ष्य पछ्याएको यूएईले राम्रो सुरुवात गरे पनि नेपालका लागि सोमपाल कामी, अविनाश बोहोरा र सन्दीप लामिछानेले महत्वपूर्ण विकेट लिए। वर्षाका कारण आइतबारको खेल १० ओभरमा छोट्याइएको थियो ।

नेपालका लागि कप्तान पारस खड्काले १४ बलमा २९ रन बनाए भने सन्दीप जोराले ११ बलमा २८ रन बनाए। जोरा पाँचौ विकेटको रुपमा ८.३ ओभरमा बाहिरिए । खराब सुरुवात गरे पनि कप्तान पारस र सन्दीपले ब्याटिङ सम्हालेका हुन्। कप्तान खड्का पाँचौ ओभरको अन्तिम बलमा आउट भए। १४ बल खेलेका पारसले एक छक्का र चार चौकाको मद्दतमा २९ रन बनाएका हुन् ।

पहिलो, दोस्रो र तेस्रो ओभरमा पवन शरार्फ, उपकप्तान ज्ञानेन्द्र मल्ल र दीपेन्द्रसिंह ऐरी आउट भए। पवन ०.४ ओभरमा आउट भए भने २.३ ओभरमा बाहिरिए। त्यैगरी तेस्रो ओभरको रुपमा दीपेन्द्रसिंह ऐरी ३.३ ओभरमा आउट भएका हुन्।  ज्ञानेन्द्रले ९ बलमा ११ रन बनाए। ऐरी ३ बलमा २ रन बनाएर आउट भए भने शरार्फ ४ बल खेल्दा शून्य रनमै आउट भए। छैटौं विकेटको रुपमा करण केसी पाँच बलमा १० रन बनाएर आउट भए । बिनोद साताै विकेटकाे रुपमा १३ बलमा २१ रन बनाएर आउट भए । आठाै विकेटकाे रुपमा सोमपाल कामी शून्य रनमै आउट भए ।

 नेपालले निर्धारित १० ओभरमा ८ विकेट गुमाउँदै १०४ रन बनाएको थियो। १०५ रनकाे लक्ष्य पछ्याउने क्रममा यूएई ९० रनमा समेटिएको हो । दुबईस्थित अन्तर्राष्ट्रिय क्रिकेट काउन्सिल (आईसीसी) एकेडेमी ओभलमा हुने खेल दुवै टोलीका लागि महत्त्वपूर्ण थियो। अघिल्लो दुईमध्ये नेपाल र यूएईले एक-एक खेल जितेकाले शृंखला १-१ को बराबरीलाई तोड्दै नेपालले २-१ को जित निकालेको हो।

टीट्वान्टी शृङ्खलाको पहिलो खेलमा यूएई २१ रनले विजयी भएको थियो। दोस्रो खेल नेपालले चार विकेटले जित्दै शृंखला बराबरी गरेको थियो। यसअघि यूएईविरुद्धको एकदिवसीय शृंखला २-१ ले जितेको थियो।  नेपालले सन् २०१४ को टीट्‍वेन्टी विश्वकपपछि दुई वर्षका लागि टीट्‍वेन्टी टोलीको मान्यता पाएको थियो। सो अवसरमा नेपालले दुई टीट्‍वेन्टी शृंखलासमेत खेलेको थियो। यद्यपि नेदरल्यान्ड्स र हङकङविरुद्धको दुवै शृंखलामा नेपाल पराजित भएको नेपालका लागि आइतबारको जित एतिहासिक बनेको हो । नेदरल्यान्ड्ससँगको शृंखला नेपालले ३-१ र वर्षाका कारण तीनमध्ये अन्तिम खेल मात्रै सम्भव हुँदा हङकङसँगको शृंखला १-० ले गुमाएको थियो।

post image

माघ २०,काठमाडौँ । भारतको विहारमा रेल दुर्घटना हुँदा कम्तीमा ६ जनाको मृत्यु भएको छ। विहारको जोगबनीबाट दिल्लीका लागि छुटेको सीमाञ्चल एक्सप्रेसको रेलको डिब्बा छुट्टिएर दुर्घटनामा परेको हो।

पूर्व मध्य रेलवेका प्रवक्ता राजेश कुमारका अनुसार बिहान करिब ४ बजे भएको दुर्घटनामा धेरै यात्रु घाइते भएका छन्। उनीहरूको उद्धार जारी छ। रेलका ९ डिब्बा लिकबाट बाहिर बाहिर उछिट्टिएका छन्। केही यात्रुहरू डिब्बामा फसेका छन्।

post image

माघ १८, काठमाडौं । अत्यधिक चिसोका कारण संयुक्त राज्य अमेरिकाका जनजीवन प्रभावित बनेको छ । यहाँको मध्यपश्चिमी भागको तापक्रमले दशकौंपछि रेकर्ड तोडेको छ जसले अहिलेसम्म आठजनाको ज्यान लिइसकेको छ ।

मृत्यु हुनेमा  युनिभर्सिटी अफ लोवाका एक विद्यार्थी १८ वर्षे गेराल्ड ब्लेज, डेट्रोइडका ७० वर्षे वृद्धा , ५५ वर्षे चार्ली ल्याम्प , पेकिनका ८२ वषे रहेका छन् । यस्तै, ७५ वर्षे एक वृद्धको सोमबार सिकागोमा हिउँले पुरेका कारण मृत्यु भएको छ ।यसका साथै, नर्दन इन्डियानामा एक जवान जोडीको हिउँले ढाकिएको सडकमा ठोक्किएर मृत्यु भयो ।

बिहिबार अमेरिकाको तेस्रो ठूलो शहर सिकागोमा १९८५ को रेकर्ड तोड्दै माइनस ३२ डिग्री सेन्टिग्रेट तापक्रम मापन गरिने मौसमविद्ले अनुमान गरेका थिए । यहाँको तापक्रम जनवरीमा द नेशनल वेदर सर्भिस (एनडब्लू एस) ले रकफोर्ड, इलियोनोइस र वेस्ट अफ सिकागोले अहिलेसम्मको न्यूनत तापक्रम माइनस ३२ डिग्रीको रेकर्ड तोडेको छ । बिहिबार यहाँको तापक्रम माइनस ३४ डिग्री मापन गरिएको छ ।

लोआका शहरले पनि न्यूनतम तापक्रमको रेकर्ड तोडिसकेको छ । कटन, मिनिसोटाको तापक्रम बिहिबार सबैभन्दा कम मापन गरियो । प्रारम्भिक डाटाका अनुसार यहाँको तापक्रम माइनस ४८ डिग्री रह्यो ।

post image

माघ  १५, काठमाडौं । स्वाइन फ्लूको संक्रमणबाट भारतका पुर्वरक्षामन्त्री जर्ज फर्नान्डिसको ८८ वर्षको उमेरमा निधन भएको छ । उनको मंगलबार विहान सात बजे दिल्लीको एक अस्पतालमा निधन भएको हो ।

 उनी लामो समयदेखि अल्जाइमर रोगबाट पनि पीडित थिए । भारतीय नेता अटल विहारी बाजपेयीको अगुवाईमा राष्ट्रिय जनतान्त्रिक गठबन्धको सरकार बनेको बेलामा जर्ज फर्नान्डिस रक्षामन्त्री बनेका थिए । उनी भारतको समता पार्टीका संस्थापकसमेत हुन् ।

३ जुन १९३० मा जन्मेका फर्नान्डिस नौ पटकसम्म लोकसभाको सांसद रहेका थिए । उनी छ भाइबहिनीमध्यको जेठो थिए । फर्नान्डिस हिन्दी, अंग्रेजी, तमिल, मराठी, कन्नड, उर्दुलगायत १० भाषाका दख्खल राख्थे ।

post image

माघ १४, काठमाडौं । तीन खेलको एक दिवसीय अन्तर्राष्ट्रिय क्रिकेट सिरिजको अन्तिम खेलमा आज नेपाल र युएईले प्रतिस्पर्धा गर्दैछन् । आईसीसी क्रिकेट एकेडेमीमा हुने खेलमा दुवै टिम जितको खोजिमा हुनेछन् । खेल विहान ११ बजेर १५ मिनेटमा सुरु हुने छ । पहिलो खेलमा युएईसँग नेपाल तीन विकेटले पराजित भएको थियो ।

तर दोस्रो खेलमा उत्कृष्ट प्रदर्शन गर्दै नेपालले युएईलाई १४५ रनले पराजित गर्न सफल भएको थियो । आज एक दिवसीय अन्तर्राष्ट्रिय सिरिजको अन्तिम खेलमा पनि दोस्रो खेलको जस्तै नतिजा निकाल्ने लक्ष्यमा नेपाली क्रिकेट टिम रहेको छ । युएईलाई पराजित गर्दै सिरिज जितेमा नेपालको लागि यो ऐतिहासिक सिरिज हुनेछ ।

गत वर्षको चैतमा एक दिवसीय अन्तर्राष्ट्रिय मान्यता पाएको नेपालले नेदरल्यान्ड्ससँग दुई खेलको सिरिज खेलेको थियो । तर यो सिरिजमा भने नेपालले नेदरल्यान्ड्ससँग १–१ को बराबरीमा सकाएको थियो । युएईसँग आज हुने एक दिवसीय खेलपछि नेपालले तीन खेलको टी–ट्वान्टी क्रिकेट सिरिज खेल्नेछ ।

post image

माघ ११, काठमाडौं । अन्तर्राष्ट्रिय क्रिकेट परिषद् (आइसिसी) बाट गत वर्ष मार्चमा एकदिवसीय मान्यता पाएपछि नेपालले पहिलो एकदिवसीय शृंखला नेदरल्यान्ड्सविरुद्ध खेल्यो। साँघुरा पूर्वाधारलाई अधिकतम प्रयोग गर्दै पाएको सफलता जति सदुपयोग गरेको थियो, नेपाली टोलीले नेदरल्यान्ड्सको घरेलु मैदानमा त्यो सफलता प्राप्त गर्न निकै संघर्ष गर्नुपर्‍यो। पहिलो खेलमा ५५ रनको झट्का बेहोरे पनि दोस्रो खेलमा भने रोमाञ्चक १ रनको जित निकाल्दै शृंखला बराबरीमा टुङ्ग्याउँदा नेपालको लक्ष्य अधुरो बनेको थियो। त्यही अधुरो लक्ष्यलाई साकार पार्न नेपाल शुक्रबारबाट संयुक्त अरब इमिरेट्स (युएई) विरुद्ध हुने दोस्रो एकदिवसीय शृंखलामा विजयी नतिजाको पर्खाइमा हुनेछ।

तीन एकदिवसीय र तीन ट्वान्टी–२० शृंखलामा सहभागिता जनाउन मंगलबार बिदाइ भएको नेपाली टोली आयोजकको भूमिमा शृंखलाको पहिलो खेलमा जित निकाल्दै विजयी सुरुआत गर्ने उद्देश्यमा हुनेछ। बाँकी खेलमा पनि जितलाई निरन्तरता दिँदै शृंखला हात पार्न प्रयासरत रहनेछ। प्रारम्भिक टोलीमा परेका नयाँ अनुहार र अनुभवी खेलाडीको संयोजनले टोलीलाई आशावादी बनाएको हो। ‘हामीले तयारीका लागि जे–जस्तो समय पाएका थियौं, त्यसको अधिकतम प्रयोग गरेका छौं,’ नेपाली टोलीका कप्तान पारस खड्काले भने, ‘युएईले हाम्राविरुद्ध परीक्षणस्वरूप युवा टोली तयार पारेको छ। अहिले नेपाली टोलीमा केही उत्कृष्ट नयाँ र युवा खेलाडी छन् जो घरेलु प्रतियोगितामा विगत दुई/तीन महिनायता निरन्तर उत्कृष्ट प्रदर्शन गरिरहेका छन्। हाम्रा लागि यो सकारात्मक पक्ष हो।’

घरेलु प्रतियोगितामा राम्रो प्रदर्शन गरेका उनीहरूको प्रदर्शन भने नयाँ अनुहारलाई परीक्षा रहनेछ। पहिलो पटक राष्ट्रिय जर्सी पहिरिएर नेपालको प्रतिनिधित्व गरेका उनीहरुलाई चुनौती पनि उत्तिकै रहेको छ। नियमित कप्तान पारस खड्काको नेतृत्वमा रहेको नेपाली टोलीमा भीम सार्की, पवन सर्राफ, सन्दीप जोरा र अविनाश बोहोरासहित केही अनुभवी खेलाडी युएईविरुद्ध हुने शृंखला यादगार बनाउने उद्देश्यमा रहनेछन्। तर यो शृंखलामा भने अलराउन्डर शरद भेषावकर भने देखिने छैनन्। अन्तिम नामावली प्रकाशन गर्ने क्रममा अस्वस्थताका कारण देखाउँदै शरदले टोलीबाट नाम फिर्ता लिएका थिए।

नेपाली टोलीलाई आयोजकविरुद्ध सहज भने हुने छैन। २०१५ यता युएईमा भएका कुनै पनि प्रतियोगितामा नेपालले जित निकाल्न सकेको छैन। त्यसैले नेपाललाई इतिहास रच्न पनि राम्रो गर्नु जरुरी छ। २०१५–१७ सम्म सञ्चालन भएको आइसिसी विश्व क्रिकेट लिग च्याम्पियनसिपअन्तर्गत युएईको मैदानमा नेपालले चार खेल खेलेको छ। पपुवा न्युगिनी र युएईसँग भएका दुई÷दुई खेलमा नेपाल पराजित भएको थियो। त्यसयता युएई मैदानमा भएको कुनै पनि खेलमा नेपालले नतिजा हात पार्न सकेको छैन। त्यसो त वर्ष २०१८ मा युएईविरुद्ध भएका चार भेटमध्येमा नेपालले दुई खेलमा नतिजा सुम्पिँदा दुई खेलमा जित निकाल्न सफल भएको छ।

पछिल्लो पटक सम्पन्न एसिसी एसिया कप छनोटमा नेपाल मलेसियामा भएको खेलमा ७८ रनले पराजित भएको थियो। त्यसपछि एकदिवसीय मान्यता पाएका दुवै टोली एसिया कप खेल्नबाट वञ्चित भएका थिए। त्यसको सट्टामा हङकङ योग्य बन्दै प्रतियोगितामा सहभागिता जनाएको थियो। गत फेब्रुअरीमा नामिबियामा सम्पन्न आइसिसी विश्व क्रिकेट लिग डिभिजन ‘टु’ मा नेपालले युएईलाई समूह चरणमा ४ विकेटले पराजित गरेको थियो। तर फाइनलमा युएईले नेपाललाई ७ रनले हराएको थियो। लगत्तै जिम्बाब्वेमा सम्पन्न विश्वकप छनोट प्रतियोगिताअघि भएको अभ्यास खेलमा नेपालले युएईलाई ५ विकेटले हराएको थियो। शुक्रबारबाट हुने शृंखला आइसिसी एकेडेमी ओभलमा सञ्चालन हुनेछ। खेल नेपाली समयअनुसार बिहान सवा ११ बजेबाट हुनेछ।

post image

माघ ५, काठमाडौं । मेक्सिकोको हिल्डागो क्षेत्रमा इन्धनको पाइप लाइन विष्फोट हुँदा २१ जना मारिएका छन् । लिक भैरहेको ईन्धन पाइप लाइनबाट चोर्ने प्रयास गरेका स्थानीयको मृत्यु भएको बीबीसीले उल्लेख गरेको छ ।

दुर्घटनामा परी ७१ जना घाईते भएका छन् । पाइप लाइनमा भएको विष्फोट पछिको आगलागी नियन्त्रणमा लिन स्थानिय प्रशासनलाई हम्मे–हम्मे परेको छ । राज्यको स्वामित्व रहेको पेमेक्स पेट्रोलियम कम्पनीको पाइप लाइनमा विभिन्न समयमा विष्फोट हुने गरेका छन् ।

सन् २०१३ पाइप लाइन विष्फोटमा परी ३७ जनाको मृत्यु भएको थियो भने सन् २०१२ मा २६ जनाको मृत्यु भएको थियो । बीबीसी

post image

माघ ४, वासिङटन । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच हुने भनिएको दोस्रो शिखर वार्ताको तयारीका लागि उत्तर कोरियालीका एक उच्च कूटनीतिज्ञ अमेरिका पुगेका छन्। ट्रम्पका लागि किमले पठाएको चिठीसहित वार्ता प्रक्रियामा पहिलेदेखि नै सहभागी रहेका किम योङ छोल नेतृत्वको टोली बेइजिङ हुँदै वासिङटन पुगेको बीबीसीले जनाएको छ। किमको चिठीसहित योङ दोस्रो पटक वासिङटन पुगेका हुन। २०१८ जुन ११ मा सिंगापुरमा किम र ट्रम्पबीच भएको वार्ता पूर्व योङले वासिङटन पुगेर ट्रम्पलाई किमले पठाएको चिठी प्रदान गरेका थिए।

किमका ‘राइट ह्यान्ड’ मानिने योङ सैन्य गुप्तचर प्रमुख हुँदा दक्षिण कोरियाली समुन्द्रिक युद्ध जहाजमाथि आक्रमणका ‘मास्टरमाइन्ड’ रहेको आरोप लाग्दै आएको छ। उनले आज अमेरिकी विदेशमन्त्री माइक पोम्पेओसँग भेट गर्ने कार्यक्रम रहेको छ। निःशस्त्रीकरण र नाकाबन्दीका विषयमा दुई राष्ट्रबीच चर्किँदै गएको विवादको समाधान निकाल्न र किम ट्रम्प वार्ताको लागि वातावरण मिलाउन योङ अमेरिका पुगेको बताइएको छ।

२०१८ जुन ११ मा सिंगापुरमा दुई नेताबीच सम्पन्न भएको वार्तामा कोरियाली प्रायद्वीपलाई निःशस्त्रीकरण गर्ने सहमति भएको थियो। यद्यपि वार्तापछि भने दुई देशबीचको सम्बन्ध सामान्य हुन सकेको थिएन। उत्तर कोरियाले अमेरिकाले आफ्नो राष्ट्रमाथि लगाएको प्रतिबन्ध फुकुवा नगरेको बताउँदै आएको छ। यस्तै अमेरिकाले भने उत्तर कोरियाली निःशस्त्रीकरणको विषयमा प्रतिवद्ध नरहेको बताउँदै आएको छ। यस्तै, उत्तर कोरियाका विदेश राज्यमन्त्री छोइ सन हुईले स्वीडेनमा पोङयाङका लागि अमेरिकी विशेष दूतसँग भेटवार्ता हुने बताइएको छ। ट्रम्प आफैँले २०१९ को सुरुवातमा किमसँग वार्ता हुनसक्ने बताएका थिए। यस्तै नयाँ वर्षको शुभकामना दिँदै किमले पनि ट्रम्‍पसँग भेट्न आफू जहिले पनि तयार रहेको बताएका थिए। दुई नेताहरुबीच भियतनामको कोस्टल शहर दि हाङमा दोस्रो शिखर वार्ता हुनसक्ने अनुमान गरिएको छ।

post image

माघ ४, काठमाण्डौं । नेपाल, थाईल्याण्डमा जारी स्मास महिला ट्वान्टी–२० क्रिकेटको फाइनलमा प्रवेश गरेको छ । जारी प्रतियोगितामा आफ्नो अपराजित यात्रा कायम राख्दै नेपालले सेमिफाइलनमा आज इण्डोनेसियालाई ९२ रनको फराकिलो अन्तरमा पराजित गर्‍यो । नेपालले उपाधिका लागि आजै हुने आयोजक थाईल्याण्ड र यूएईबीचको विजेतासँग भोली खेल्नेछ ।

नेपालले दिएको १ सय २० रनको लक्ष्य पछ्याएको इण्डोनेसिया १२ औं ओभरमा मात्र २७ रनमा अलआउट भयो । चार जना व्याट्वुमन्स डक आउट भएको इण्डो इनिङ्समा युलिया आनग्राईनीले मात्र दोहोरो अंक जोडिन ।

११ रन जोड्दा पहिलो विकेट गुमाएको इण्डोनेसियाले थप १६ रन जोडेन ९ विकेट खर्चेको थियो । इण्डोनेसियालाई सस्तैमा समेट्न रुविना क्षेत्रीले ४ तथा कविता कुँवर, नेरी थापा, सीता राना मगर र सरिता मगरले समान १–१ विकेट लिए । २ जना रन आउट भए । नेपाल लिग चरणमा सतप्रतिशत नजिता सहित समुह ए को विजेता बन्दै र ईन्डोनेसिया समुह बीको उपविजेता बन्दै अन्तिम चारमा पुगेका थिए ।

post image

माघ ३, काठमाडौं ।  ब्रिटेनकी प्रधानमन्त्री टेरिजा मे विरुद्ध संसदमा ल्याइएको अविश्वासको प्रस्तावको मतदानमा उनले जित हासिल गरेकी छिन् । विपक्षी लेबर पार्टीले उनीविरुद्ध अविश्वासको प्रस्ताव प्रस्तुत गरेको थियो । ३२५ सांसदले सरकारको साथ दिए भने ३०६ सांसदले अविश्वासको प्रस्तावको पक्षमा मतदान गरे ।

प्रधानमन्त्रीले युरोपेली संघबाट ब्रिटेनको बहिर्गमनबारे युरोपेली अधिकारीसँग जुन सम्झौता गरिएको थियो, त्यसलाई मञ्जुरी दिलाउन मंगलबार उनी संसदमा गइन् तर संसदले त्यसलाई ठाडो अस्विकार गरे । त्यसपछि लेबर पार्टीका नेता जेरेमी कोर्बोनले टेरिजा मेको सरकारले संसदमा आफ्नो विश्वास गुमाइसकेको बताएका थिए ।

कोर्बेनले यही भनेर अविश्वासको प्रस्ताव राखेका थिए । बुधबार बेलायती संसदमा ६ घण्टासम्म अविश्वास प्रस्तावमाथि बहस भएपछि मतदान भयो । तर टेरिजा मेको आफ्नो पार्टीका बागी सांसद र डीयूपी सांसद जसले २४ घण्टाअघि टेरिजा मेको ब्रेक्सिट डिलको विरोधमा भोट गरेका थिए, बुधबार ती सांसदहरुले सरकारको समर्थनमा भोट गरे ।

यसै कारण टेरिजा केवल १९ भोटको अन्तरले आफ्नो सरकार बचाउन सफल भइन् । अविश्वास प्रस्तावको मतदानमा जित हासिल गरेपछि प्रधानमन्त्रीले संसदलाई सम्बोधन गर्दै भनिन्, ‘युरोपेली संघबाट बहिर्गमनका लागि भएको जनमत संग्रहको नतिजा पालना गर्दै यो देशको जनतालाई दिइएको वचनलाई पूरा गर्नका लागि म निरन्तर काम गरिरहनेछु ।’

उनले सबै पार्टीका नेतालाई उनीसँग मिलेर ब्रेक्सिटका लागि अबको मार्ग खोजी गर्नमा उनको मद्दत गर्न अपिल गरेकी छिन् । उनले भनेकी थिइन्, ‘हामीले यस्तो समाधानको खोजी गर्नुपर्छ जो विचारयोग्य होस् र जसले यो सदनको पर्याप्त समर्थन पनि पाओस् ।’

तर प्रतिपक्षी नेता जेरेमी कोर्बेनले कुनै पनि सकारात्मक कुराकानीअघि प्रधानमन्त्रीले नो–डील ब्रेक्सिटको सम्भावना खारेज गर्नुपर्ने बताएका छन् ।कोर्बेनको भनाई थियो, ‘सरकारले स्पष्ट तरिकाले सधैंका लागि युरोपेली संघबाट कुनै सम्झौताबिना अलग्गिएको स्थितीमा आइपर्ने विनार र त्यसको नतिजामा फैलने अराजकताको कुनै पनि आशंका हटाउनुपर्छ ।’

प्रधानमन्त्रीले एक नयाँ प्रस्तावसहित सोमबार सदन सामू नयाँ प्रस्ताव प्रस्तुत गर्ने विश्वास दिलाएकी छिन् । उनको भनाई थियो, ‘ब्रेक्सिटमा काम गर्न र यो सदनमा ब्रिटेनकी जनताको विश्वास कायम राख्न म यो सदनको कुनै पनि सदस्यसँग काम गर्नका लागि तयार छु ।’

post image

माघ ३, काठमाडौं   नेपालीले स्वीस बैंकमा अहिलेसम्म ५२ अर्ब करोड रुपैयाँ  जम्मा गरेका छन् । विवरण अनुसार त्यसवापत ७७ करोड रुपियाा ब्याज पनि पाएका छन् साढे १५ अर्ब रुपैयाँ झिकेका कारण ३५ अर्ब ८४ करोड रुपियाा बााकी देखिएको हो  नेपालमा सशस्त्र द्वन्द्व सुरु भएकै वर्ष २०५२ देखि स्वीस बैंकमा नेपालीले रकम जम्मा गर्न थालेको विवरणमा उल्लेख द्वन्द्व सुरु भएको वर्ष नै साव अर्ब रुपियाा नेपालीले स्वीस बैंकमा बचत गरेको देखिन्छ  

द्वन्द्वकालको १० वर्षे अवधिमा २७ अर्ब १५ करोड रुपियाा नेपालीले स्वीस बैंकमा पुर्याएका छन् तर, द्वन्द्व सकिएपछिका दुई वर्षमा सबैभन्दा बढी रकम स्वीस बैंकमा नेपालीको धन पुगेको शान्ति सम्झौता भएको वर्ष २०६३ मा मात्रै अर्ब १५ करोड रुपैयाँ बराबरको धन त्यहाा जम्मा भएको भने अर्को वर्ष अर्ब ९० करोड रुपियाा नेपालीले त्यहाँ बचत गरेका छन्  अवैध कारोबारको छानबिन गर्ने सम्पत्ति शुद्धीकरण विभाग गठन भएपछिका १० वर्षमा मात्रै २४ अर्ब ९२ करोड रुपैयाँ  स्वीस बैंकमा नेपालीका नाममा बचत जम्मा भएको  

सबैभन्दा बढी काठमाडौाको बानेश्वर, गंगादेवी टोल ठेगाना उल्लेख गरेकी मिनु शाह छिब्बर उनको परिवारको नाममा अर्ब ६१ करोड रुपैयाँ  जम्मा पछिल्लो समय बेलायत नेपालमा बसोबास रहेकी मिनुले भारतीय नागरिकसाग विवाह गरे पनि छोराहरुलाई नेपालकै नागरिकता दिलाएकी छन् ।आयस्रोत नखोजिने लगानीकर्ताको विवरण सार्वजनिक नगर्ने भएकाले अवैध आर्जन स्वीस बैंकमा जम्मा गर्न सहज मानिन्छ  

विदेशमा नेपालीले लगानी गर्न प्रतिबन्ध भए पनि ५५ जना नेपालीले गैरकानुनी रुपमा पुाजी विदेश पुर्याई लगानी गरेका छन् , यसमा प्रतिष्ठित उद्योगपति, व्यापारी, डाक्टर, प्राध्यापक, राजनीतिक नेता देखि समाजमा नामै नसुनिएकासम्म छन्

post image

माघ २, दाभाओ सिटी ।  दक्षिण फिलिपिन्समा बुधबार बिहान सबेरै ५.९ म्यानिच्युडको भूकम्प आएको छ । तर यस भूकम्पको कारण मानवीय भौतिक क्षतिको भने हालसम्म कुनै समाचार प्राप्त नभएका यहाँको भू विज्ञान विभागले जानकारी दिएको छ ।

स्थानीय समयानुसार बुधबार बिहान ४ बजे सो भूकम्प आएको थियो । सो भूकम्पको केन्द्रविन्दु दाभाओ ओरिएन्टल प्रान्तको जेनेरोसो शहरबाट १४९ किलोमिटर दक्षिणपूर्वमा ४८ गहिराईमा रहेको सो विभागले जानकारी दिएको छ ।

भू विज्ञान निकायका अनुसार यस भूकम्पपछि फिलिपिन्सको दक्षिण द्वीप मिन्दानाओमा समेत यस भूकम्पको कम्पन महसूस गरिएको थियो । फिलिपिन्समा गत डिसेम्बर २९ मा आएको ७.२ म्याग्नीच्युड को भूकम्प आएको थियो ।

यस भूकम्पपछि पनि कूनै मानवीय र सपत्ती क्षतिको भने कुनै समाचार भएको थिएन । फिलिपिन्समा बारम्बार भूकम्पको प्रकोपले सताउने गरेको पाइन्छ ।सिन्हवा

post image

माघ २,लन्डन ।  ब्रेक्सिट डिल अर्थात् युरोपेली संघबाट ब्रिटेन अलग हुने बेलायती प्रधानमन्त्री टेरिजा मेको योजनालाई संसदले भारी बहुमतका साथ खारेज गरेको छ । टेरिजा मेको योजनालाई ४३२ सांसदले खारेज गरेका छन् । उनले २०२ सांसदको मात्रै समर्थन पाएकी छिन् ।

 मेकै पार्टीका सांसदहरुले समेत उनको प्रस्ताव विरुद्ध मतदान गरेको बताइएको छ।प्रधानमन्त्री टेरिजा मे को योजनाले पाएको ऐतिहासिक हारपछि विपक्षी लेबर पार्टीले सरकारविरुद्ध अविश्वास मतको प्रस्ताव गरेको छ । मेले गरेको प्रस्तावहरुमा धेरै सांसदहरुले असहमति जनाएकोले संसदमा मेले ठूलो पराजय भोग्नु परेको बताइएको छ।

प्रस्ताव पारित नभएपछि मेले त्यसबारे कुनै प्रतिक्रिया नदिने बताउँदै ब्रिटेनका जनताले सन् २०१६ मा दिएको अभिमत बारे विचार गर्न सबैलाई आग्रह गरेकी छिन्।

मे नेतृत्वको सरकारले अब संसदमा अविश्वासको प्रस्तावको सामाना गर्नुपर्नेछ। प्रस्ताव अस्वीकृत भएसँगै प्रतिपक्षी लेबर पार्टीका नेता जेरेमी कोर्बिनले अविश्वासको प्रस्ताव दर्ता गराएका थिए। अविश्वासको प्रस्तावबारे आजै संसदमा छलफल हुँदैछ।

post image

पुस ३०, काठमाडौं । चिनियाँ राष्ट्रपति सी चिनफिङले उत्तर कोरियाको भ्रमण गर्ने भएका छन्। आफ्नो पहिलो उत्तर कोरिया भ्रमणका लागि सी आगामी अप्रिलमा प्योङयाङ पुग्ने छन्।

यसअघि गत अक्टोबरमा दक्षिण कोरियाली राष्ट्रपति मुन जाइ इनले चिनियाँ राष्ट्रपति सीले छिटै उत्तर कोरियाको भ्रमण गर्ने बताएका थिए।

अप्रिल १५ मा मनाइने उत्तर कोरियाका संस्थापक किम जोङ सुङको जन्मदिनका अवसरमा सी प्योङयाङ पुग्ने छन्। ६ वर्षअघि चीनको राष्ट्रपति बनेका सीलाई प्योङयाङले धेरै पटक निम्तो पठाएको थियो। चीन र उत्तर कोरियाको दौत्य सम्बन्ध स्थापना भएको ७० औं वर्ष पुगर्को अवसरमा सी उत्तर कोरिया जान लागेको बताइएको छ।

यसअघि उनी सन् २००८ मा प्योङयाङ गएका थिए। त्यतिबेला सी उपराष्ट्रपति थिए। सन् २००५ मा तत्कालीन राष्ट्रपति हु जिन्ताओको भ्रमणपछि चिनियाँ राष्ट्रपतिले उत्तर कोरियाको भ्रमण गरेका छैनन्।

उत्तर कोरियाको भ्रमणपछि सीले मेमा दक्षिण कोरियाको भ्रमण गर्ने  बताइएको छ।  यसअघि पुस २४ गते उत्तर कोरियाली नेता किम जोङ उन दोस्रो पटक बेइजिङ आएका थिए। बेइजिङमा उनले राष्ट्रपति सीसँग राजनीतिक भेटवार्ता गरेका थिए।

अमेरिकी राष्ट्रपति डोनाल्ड ट्रम्पसँग हुन लागेको दोस्रो वार्तापछि नेता किमले चिनियाँ राष्ट्रपति सीलाई प्योङयाङ निम्त्याएका हुन्।

post image

पुस २७, काठमाडौँ । संयुक्त राज्य अमेरिकाका राष्ट्रपति डोनाल्ड ट्रम्पले मेक्सिको सीमाक्षेत्रलाई लक्षित गरी राष्ट्रिय आपतकालीन स्थिति घोषणा गर्ने पुनः चेतावनी दिएका छन्। मेक्सिकोसँगको सीमाक्षेत्रमा पर्खाल निर्माण गर्न संसदले बजेट पारित नगरेपछि सङ्घीय सरकारी कार्यालयहरू लगातार बन्द भएको २१ दिन पुगिसकेको छ।

राष्ट्रपति ट्रम्पले पर्खालका लागि संसदले बजेट पारित नगरे आफूले बजेट स्वीकृत नगर्ने अडान राख्दै आएका छन्। संसद र राष्ट्रपतिको जुहारीका कारण धेरै अमेरिकी सङ्घीय कार्यालयहरु बन्द भएका छन् भने आठ लाखभन्दा बढी कर्मचारी घरबिदामा बसेका छन्।

राष्ट्रपतिले आपतकालीन स्थितिको घोषणा गरिए त्यसविरुद्ध अदालतमा मुद्दा दर्ता गर्ने तयारी भइरहेको छ। आपतकालीन घोषणापछि राष्ट्रपति ट्रम्पले सैनिक परियोजनाको रकमलाई पर्खाल निर्माणमा खर्च गर्न बाटो खुल्नेछ।

फक्स न्यूज समाचार च्यानलसँग कुरा गर्दै राष्ट्रपति ट्रम्पले राष्ट्रिय आपतकालीन स्थिति घोषणा गर्न पाउने आफूसँग अवशिष्ट अधिकार रहेको बताए। तर, उहाँले यस्तो घोषणा कहिले गरिन्छ भन्ने बताउन चाहेनन्।

विश्लेषकहरुले राष्ट्रपतिले चाल्ने त्यस्तो कदम अधिकार क्षेत्रभन्दा बाहिर हुने र त्यसविरुद्ध अदालतमा मुद्दा पर्ने निश्चित रहेको बताएका छन्।

राष्ट्रपतिले आपतकालीन स्थितिको घोषणाबाट पर्खाल निर्माणका निम्ति बाटो खोलेर आफूले अमेरिकी जनताको सुरक्षाका लागि काम गरेको दाबी गर्न सक्नेछन्। यो स्थितिमा उनले आफू विजयी भएको जनाउँदै कार्यालयहरु खोल्नेछन्।

राष्ट्रपति ट्रम्पले बिहीबार मेक्सिकोसँगको सीमा क्षेत्रको भ्रमण गरेका थिए। उनले स्थानीय सुरक्षा निकायलाई सम्बोधन गर्दै हत्याराहरूलाई अमेरिकाभित्र छिर्न कुनै पनि हालतमा नदिइने बताए।

विपक्षी डेमोक्र्याट पार्टीले पर्खालका निम्ति राष्ट्रपतिले माग गरेको करिब ६ अर्ब डलर बजेट विनियोजन गर्न नसकिने दोहोर्याउँदै आएका छन्। उनीहरुले पर्खाल निर्माणमा फजूल खर्च हुने र त्यसबाट आप्रवासीको अमेरिका प्रवेशमा कुनै रोकावट नआउने बताएका छन्।

ट्रम्पले दक्षिणी सीमाबाट प्रवेश गरेका आप्रवासीहरु उत्तरी सीमासम्म फैलिएका बताउँदै त्यस्ता आप्रवासीका कारण हत्या हिंसाका घटना हुन थालेको दाबी गरे। तर, स्वतन्त्र अध्ययनले अवैध आप्रवासीको तुलनामा अमेरिकामै जन्मिएका व्यक्तिबाट बढी हिंसाका घटना हुने गरेको देखाएको छ।

अमेरिकी सङ्घीय कार्यालयहरु बन्द भएसँगै कर्मचारीहरुले जुलुस निकाली तत्काल कार्यालयहरु खोल्ने वातावरण बनाउन आग्रह गरेका छन्। राजनीतिक स्वार्थपूर्तिका लागि कर्मचारीलाई अचानोमा पारिएको उनीहरुको भनाइ छ। एएफपी

 

post image

पुस २५, वासिङ्टन । अमेरिकी राष्ट्रपति डोनाल्ड ट्रम्पले अमेरिका र मेक्सिकोको सीमा क्षेत्रमा सुरक्षा र मानवीय सङ्कट बढेको बताएका छन् । बढ्दो मानवीय तथा आप्रवासी सङ्कट समाधान गर्न मेक्सिकोसँगको सिमानामा पर्खाल निर्माणका लागि बजेटको व्यवस्था गर्नुपर्ने विषयमा विवाद उत्पन्न भएपछि राष्ट्रपति ट्रम्पले राष्ट्रका नाममा सम्बोधन गरेका हुन् ।

अमेरिकी संसदले पर्खाल निर्माण कार्य ‘अनावश्यक र बढी खर्चिलो’ भन्दै राष्ट्रपति ट्रम्पले माग गर्नुभएको करिब ६ अर्ब अमेरिकी डलर पारित नगरेपछि बजेटमाथिको विवाद कायमै छ । राष्ट्रपतिले बजेट पारित नभए बजेट नै स्वीकृत नगर्ने अडान राखेका छन् ।

संसद र राष्ट्रपतिका अडानका कारण विगत १८ दिनदेखि सङ्घीय कार्यालयहरु बजेट अभावमा आंशिक बन्द भएका छन् । करिब ८ लाख कर्मचारीलाई बिदामा पठाइएको छ ।

राष्ट्रपति ट्रम्पले मङ्गलबार राष्ट्रपतिको कार्यालय ओभल अफिसबाट देशवासीको नाममा दिनुभएको टेलिभिजन सम्बोधनमा भने, ‘यो सङ्कट हृदयको अनुभव हो, त्यसैले समाधानका लागि उचित उपायको विकल्प छैन, यो सबैको सङ्कट हो ।’

सम्बोधनका क्रममा राष्ट्रपति ट्रम्पले दक्षिणी सीमाबाट अमेरिका प्रवेश गर्ने आप्रवासीका कारण अमेरिकी समाजमा विकृति र विसंगति निम्तिएको, हत्याहिंसा बढेको, लागूऔषध भित्रिएको, अमेरिकी नागरिकको रोजगारी खोसिएको लगायतका समस्या देखिएको बताएका छन् ।

विगतको तुलनामा केही नरम देखिएका राष्ट्रपति ट्रम्पले भने, ‘मैले संसदका नेताहरुलाई छलफलका लागि भोलि नै ह्वाइट हाउसमा आमन्त्रण गरेको छु । आशा गर्दछु, राष्ट्रिय सुरक्षाका सन्दर्भमा हामी राजनीतिक स्वार्थभन्दा माथि उठ्न सक्षम हुनेछौं । यो परिस्थितिको अन्त्य ४५ मिनेटको छलफलबाटै हुन सक्दछ ।’
मेक्सिकोसँगको सीमामा पर्खाल लगाउनु नै उत्तम हुने कुरामा जोड दिँदै राष्ट्रपति ट्रम्पले यस पर्खालको निर्माणबाट मात्रै अमेरिकी सीमाको सुरक्षा हुने दाबी गरे ।

राष्ट्रपतिको सम्बोधन लगत्तै टेलिभिजनमार्फत् सम्बोधन गर्दै विपक्षी डेमोक्र्याटिक पार्टीका नेताहरूले अमेरिकी सङ्घीय कार्यालयहरु बन्द राखेर नागरिकलाई बन्धक बनाएको बताएका छन् ।

अमेरिकी तल्लो सदन हाउस अफ रिप्रिजेन्टेटिभ्सकी सभामुख न्यान्सी पेलोसी र माथिल्लो सदन सिनेटमा अल्पमतका नेता चक सुमरले पर्खालका लागि राष्ट्रपतिले माग गर्नुभएको रकम अनावश्यक रहेको दाबी गरे । दुबै नेताले राष्ट्रपतिले तत्काल सङ्घीय कार्यालयहरु खुला गर्नेतर्फ कार्य गर्नुपर्नेमा जोड दिएका छन् । –सिन्ह्वा

post image

पुस २२,काठमाडौँ । नेपाल र फ्रान्सबीच कूटनीतिक सम्बन्ध स्थापना भएको ७० औं वार्षिकोत्सवका सन्दर्भमा फ्रान्सको विदेश मन्त्रालयका सचिव मोरि मोन्टान गुर्दो नेपालको दुई दिवसीय भ्रमणमा यही पुस २५ गते राजधानी आउने भएका छन्।

परराष्ट्र सचिव शङ्करदास वैरागीको निमन्त्रणामा उनका फ्रान्सेली समकक्षीबाट हुन लागेको यो भ्रमणका क्रममा सोही दिन दुई देशका विदेश सचिवको नेतृत्वमा द्विपक्षीय परामर्श संयन्त्रको बैठक हुनेछ। बैठकमा दुई देशबीचको सम्बन्धलाई अझ प्रगाढ तुल्याउने तथा पारस्परिक हित र लाभका समग्र विषयमा विचारविमर्श हुने सचिव वैरागीले जानकारी दिए।

नेपाल–फ्रान्स कूटनीतिक सम्बन्धको ७०औं वर्ष प्रवेश आगामी अप्रिल २० तारिखमा हुने तथा त्यसपछि वर्षभरि दुवै देशले आयोजना गर्ने विविध कार्यक्रमबारे पनि आफूहरूबीच छलफल हुने उनले बताए।

बैठकपछि दुवै देशका परराष्ट्र सचिवले परराष्ट्र मन्त्रालयमा संयुक्त पत्रकार सम्मेलन गर्ने कार्यक्रम रहेको यहाँस्थित फ्रान्सेली राजदूतावासले जनाएको छ ।  यसअघि सचिव वैरागीले आफ्ना समकक्षीसँग गत कात्तिक २६ गते पेरिसमा भेटवार्ता गरेका थिए।रासस

post image

पुस २१, काठमाडौं । ब्राजिलियन स्टार नेमार संसारकै महंगा खेलाडी रहेको एक अध्ययनले देखाएको छ । फुटबल बेन्चमार्क डटकमले अडिटर्स कम्पनी केपीएमजीसँगको सहकार्यमा हालै गरेको अध्ययनले नेमारलाई सर्वाधिक मूल्यबान खेलाडीको पहिलो सूचीमा राखेको हो । नेमारको मूल्य २०६.५ मिलियन पाउण्ड रहेको छ । यसैगरी फ्रान्सका युवा स्टार केलियन एमबाप्पे दोस्रो स्थानमा छन् । एमबाप्पेको मूल्य १९३.१ मिलियन पाउण्ड रहेको छ । तेस्रो स्थानमा अर्जेन्टिनी सुपरस्टार लियोनल मेस्सी रहेका छन् । मेस्सीको मूल्य १८३.२ मिलियन पाउण्ड रहेको छ । पोर्चुगिज सुपरस्टार क्रिस्टियानो रोनाल्डो भने शीर्ष १० मा अटाएका छैनन् । १२ औं स्थानमा रहेका रोनाल्डोको मूल्य ९६.४ मिलियन पाउण्ड मात्र रहेको छ ।

यसैगरी महंगा खेलाडीको शीर्ष १० मा इङ्लिश प्रिमियर लिग खेल्ने खेलाडीको बाहूल्यता रहेको छ । १५१.६ मिलियन पाउण्डसहित लिभरपुलका मोहमद सलाह चौथो, १३६.१ मिलियन पाउण्डसहित टोट्टनहामका कप्तान ह्यारी केन पाँचौ,  १४८.२ मिलयन पाउण्ड सहित इडेन हाजार्ड छैटौं र १२९ं.४ मिलियन पाउण्ड सहित केभिन डे ब्रुएन सातौं स्थानमा छन् । शीर्ष १० मा रहने अन्य खेलाडीमा पाउल पोग्वा, एन्टोनी ग्रीजम्यान र फिलिपे काउटिन्हो रहेका छन् ।

post image

पुस १९, काठमाडौँ । चीनले उसको एक रोबोटिक अन्तरिक्ष यानलाई चन्द्रमाको हालसम्म अध्ययन नगरिएको क्षेत्रमा सफलतापूर्वक अवतरण गराएको जनाइएको छ। चाँग इ-४ नामक उक्त यान चन्द्रमाको दक्षिणी ध्रुव-एटकेन बेसिनमा अवतरण भएको ग्लोबल टाइम्सले जनाएको छ।

उक्त यानले सो क्षेत्रको भौगर्भिक अध्ययन गर्न एवं एक जैविक प्रयोग गर्न चाहिने उपकरण साथमा लगेको छ। त्यहाँको सञ्चार माध्यमले उक्त अवतरणलाई ‘अन्तरिक्ष यात्राको एक महत्त्वपूर्ण कोशेढुङ्गो’ भनेको छ।

चन्द्रमामा विगतमा गरिएका यात्रा पृथ्वीतर्फ फर्किएको क्षेत्रमा गरिएका थिए भने यसपटक पहिले अध्ययन नगरिएको परको क्षेत्रमा सो यान पुगेको छ। पछिल्ला दिनहरूमा सो अन्तरिक्ष यानले अवतरणको तयारीमा लागेको थियो।

गत सप्ताहान्तमा चिनियाँ सरकारी सञ्चार माध्यमले उक्त यान चन्द्रमाको सतहको १५ किलोमिटर नजिकैको कक्षमा उत्रिसकेको जनाएका थिए।

post image

पुस १८, बेइजिङ । चीन र संयुक्त राज्य अमेरिकाका राष्ट्रपतिले दुवै मुलुकबीचको कूटनीतिक सम्बन्धलाई थप सुदृढ गर्ने प्रतिवद्धता व्यक्त गरेका छन्। चिनियाँ सरकारी सञ्चारमाध्यमले चीन र अमेरिकाबीच कूटनीतिक सम्बन्ध स्थापनाको ४०औं वर्षगाँठका अवसरमा दुवै नेताबीच भएको शुभकामना सन्देशमा उक्त कुरा व्यक्त भएको जनाएका छन्।

सन् २०१८ मा बेइजिङ र वासिङ्टनबीच व्यापार विवादका कारण तनाबको स्थिति रहेको थियो। अमेरिकी राष्ट्रपति डोनाल्ड ट्रम्पले चीनसँग व्यापार युद्धविराम गर्दै करवृद्धिको नयाँ योजना कार्यान्वयन गरेका छैनन्। गत शनिबार मात्र अमेरिकी राष्ट्रपतिले चिनियाँ राष्ट्रपति सी चिनफिङलाई टेलिफोन गरी नयाँ वर्षमा दुई मुलुकबीचको सम्बन्धलाई थप सुदृढ गर्ने बताएको सञ्चार माध्यमले जनाएका छन्। अमेरिकी राष्ट्रपतिलाई पठाएको सन्देशमा चिनियाँ राष्ट्रपति सीले दुवै मुलुकबीच समन्वय, सहयोग र स्थायित्व ल्याउन मिलेर कार्य गर्न चीन उत्सुक रहेको बताइएको छ।

चिनियाँ समाचार संस्था सिन्ह्वाका अनुसार राष्ट्रपति ट्रम्पले दुई मुलुकबीचको चार दशक लामो कूटनीतिक सम्बन्धलाई थप सुदृढ गर्न अमेरिका तत्पर रहेको बताएका छन्। पछिल्लो वर्ष चीन र अमेरिकाले एकअर्का मुलुकका करिब तीन सय अर्ब अमेरिकी डलर बराबरका सामानमा करवृद्धि गरेका थिए।

अर्जेन्टिनाको ब्युनस आयर्समा सम्पन्न औद्योगिक राष्ट्रको शिखर बैठक जी–ट्वान्टीको अवसरमा दुवै राष्ट्र प्रमुखबीच तीन महिने व्यापार युद्धविराम गर्ने सहमति भएको थियो। व्यापारका क्षेत्रमा देखिएका विवादका विषयमा चीन र अमेरिकाबीच गम्भीर विचार विमर्श गर्ने सहमति उक्त भेटमा भएको थियो।    चीन र अमेरिकाबीच जनवरी १, १९७९ मा कूटनीतिक सम्बन्ध स्थापना भएको थियो। एजेन्सी

post image

पुस १७, काठमाडौं । रुसी शहर माग्नितोगोस्र्कमा एक भवनमा शक्तिशाली बिस्फोटका कारण कम्तीमा चारजनाको मृत्यु भएको छ । उरल प्रान्तमा रहेको यो शहरका अधिकारीका अनुसार बिस्फोटको कारण ग्यास लिक हुनु हो । बिस्फोट स्थानीय समयानुसार ६ बजेर २ मिनेटमा भयो ।

बिस्फोटका कारण भवनको ४८ औं तल्ला पूर्ण रुपमा नष्ट भएको छ । यो भवनमा एक सय २० जना बसिरहेको बताइएको छ ।

भवनको भग्नावशेषबाट अहिलेसम्म १६ जनालाई निकालिएको छ जसमध्ये सातजना बालबालिका छन् । चार घाइतेलाई अस्पताल पुर्याइएको छ । प्राप्त जानकारी अनुसार अहिलेसम्म ४० जना बेपत्ता छन् । यद्यपी, रुसी समाचार च्यानल वेस्तीले अधिकारीको हवाला दिँदै अहिलेसम्म भवनमा बस्ने ५० जनालाई बचाइएको जानकारी दिएको छ  ।

राहतकार्यमा समस्या निम्तिन सक्छ किनभने चिसो मौसममा मोग्नितोगोस्र्क शहरको तापक्रम माइनस १७ डिग्री सेल्सियससम्म हुन्छ । रातीको तापक्रम न्यूनतम माइनस २९ डिग्री सेल्सियससम्म पुग्ने गर्छ ।राष्ट्रपति भ्लादिमिर पुटिनले दुर्घटनास्थल पुगेर राहत र बचाउकार्यको निरिक्षण गरे ।

उनले भने, ‘आज डिसेम्बर ३१ तारिख हो । संसारभरी उत्सव मनाइँदैछ तर माग्नितोगोस्र्क शहरमा यो भयानक दुर्घटना भयो । मेरो समवेदना पीडित परिवारको साथमा छ र बचन दिन चाहन्छु कि हरसम्भव मद्दत गरिनेछ ।’

दुर्घटनामा बच्न सफल एक महिलाले भनिन्, ‘घरको छत खसिरहेको आवजले मेरो आँखा खुल्यो । आँखा खोल्दा देखेँ कि घरको एउटा भित्ता गायब छ र मैले आफ्नी आमा र छोराको आवाज सुनेँ जो थिचिएका थिए ।’बीबीसी

post image

पुस १६,काठमाडौँ । बंगलादेशमा आइतबार भएको आमनिर्वाचनमा प्रधानमन्त्री शेख हसिना वाजेदको अवामी लिगले भारी बहुमत ल्याएको छ।  लिगले नेतृत्व गरेको गठबन्धन संसदका २९८ मध्ये २८७ सिटमा विजयी भएको बंगलादेशको निर्वाचन आयोगले सोमबार जनाएको छ।

प्रधानमन्त्री हसिनाको क्षेत्र गोपालगञ्जमा उनले २ लाख २९ हजार ५ सय ३९ मत पाएकी छन् भने उनका प्रतिष्पर्धी उम्मेदवारले जम्मा १२३ भोट ल्याएका छन्।

जितसँगै हसिना चौथो कार्यकालका लागि प्रधानमन्त्री बन्ने भएकी छन्। सन् १९९६मा पहिलो पटक प्रधानमन्त्री बनेकी हसिना सन् २००९पछि लगातार बंगलादेशको प्रधानमन्त्री छन्। उनी बंगलादेशमा सबैभन्दा लामो समय प्रधानमन्त्री बन्ने व्यक्ति बनेकी छन्।

आइतबारको प्रमुख प्रतिपक्षी बंगलादेश नेशनल पार्टीले जम्मा ६ सिट पाएको छ। उक्त दलले सन् २०१४ को चुनाव बहिष्कार गरेको थियो।

विपक्षी गठबन्धनले मतदानमा धाँधली भएको भन्दै परिणाम अस्वीकार गरेको छ। विपक्षी नेता कमल हसेनले आफूहरूले निर्वाचन आयोग समक्ष निष्पक्ष प्रशासनबाट नयाँ चुनाव माग गरेको बताए। चुनावी हिंसामा कम्तिमा १७ जनाको ज्यान गएको थियो।

post image

 पुस १५, काठमाडौं । अमेरिकाका सबैभन्दा पाका व्यक्तिको १ सय १२ वर्षको उमेरमा निधन भएको छ । टेक्सासमा निधन भएका रिचर्ड ओवर्टन अमेरिकाका सबैभन्दा वृद्ध मानिस मात्र होइनन्, दोश्रो विश्वयुद्धमा अहिलेसम्म जीवित रहेका सबैभन्दा पाका व्यक्ति पनि हुन् ।

ओवर्टनले दोस्रो विश्वयुद्धमा एक अमेरिकी सैन्य डफ्फामा रहेर काम गरेका थिए, जसमा सबै सेनाहरु काला जातिका थिए । उनी प्रशान्त क्षेत्रमा युद्ध सञ्चालन तथा समुद्र तटमा अवतरण गराउने लगायतका अभियानमा पनि सामेल भएका थिए ।

सन् २०१३ मा उनलाई तत्कालीन अमेरिकी राष्ट्रपति बाराक ओबामाले भेट्रान डे को अवसरमा सम्मान गरेका थिए । आफ्नो लामो आयुको श्रेय उनी भगवानलाई दिन्छन् । तर, यसमा सिगार र मदिराको पनि भूमिका रहेको उनको भनाइ छ ।

१८ वर्षको उमेरदेखि आफुले सिगार पिउँदै आएको र अहिले दिनमा १२ सिगार पिउन थालेको उनी बताउँथे । दोस्रो विश्वयुद्धमा जापानले पर्ल हार्वरमा आक्रमण गरेपश्चात् उनी पर्ल हार्वरमा खटिएका थिए ।बिबिसी

post image

पुस ७, काठमाडौं । इन्डोनेसियाको सुन्डा स्ट्रेट (खाडी) नजिकैको तटीय इलाकामा सुनामीका कारण कम्तीको ४३ को मृत्यु भएको छ । देशको प्रकोप व्यवस्थापन एजेन्सीका अनुुसार दुई व्यक्ति हराइरहेका छन्, दर्जनौं भवन क्षती भएका छन् भने पाँच सय ८५ घाइते भएका छन् ।

क्रिकाटोआ ज्वालामुखी बिस्फोट भएपछि समुन्द्र भित्र भएको भुस्खलनका कारण सुनामी आएको हुनसक्ने अनुमान गरिएको छ । सुन्डा स्ट्रेट, जावा र सुमात्रा द्वीपबीच अवस्थित छ जसले जावा सागरलाई हिन्द महासागरसँग जोड्छ ।

पान्डेगलांग, दक्षिण लामपुङ र सेराङ क्षेत्रमा अत्यधिक क्षती भएको बुभिएको छ । अधिकारीका अनुसार मृतकको संख्यामा वृद्धि हुनसक्छ । प्रकोप व्यवस्थापन एजेन्सीका अनुसार शनिबार पुर्णिमा भएकाले पनि समुन्द्रको छाल निकै माथिसम्म उठेको हुनसक्छ ।बिबिसी

post image

पुस ७, काठमाडौं । नेपाल संयुक्त राष्ट्रसंघको शान्ति निर्माण परिषदको सदस्यमा सर्वसम्मत चयन भएको छ । नेपाल, राष्ट्रसंघको महासभा श्रेणीमा आगामी दुई वर्षका लागि निर्वाचित भएको न्युर्याकस्थित नेपाली स्थायी मिशनले उल्लेख गरेको छ । ईजिप्ट, ग्वाटेमाल, केन्या र मेक्सिको सँगै नेपाल पनि निर्वाचित भएको हो ।

 अन्तर्राष्ट्रिय शान्ति तथा सुरक्षाका लागि योगदान पुर्‍याएको नेपाल एसिया प्रशान्त क्षेत्रबाट सर्वसम्मतले निर्वाचित भएको हो । राष्ट्रसंघको शान्ति सेनामा खटिने प्रहरी र सेना मध्ये नेपाल ५ औं स्थानमा छ । सन् २००८ देखी २०१०, सन् २०११ देखी २०१५ सम्म पनि नेपालले शान्ति प्रक्रिया परिषद सदस्यका रुपमा सेवा गरेको छ ।

सन् २०१० मा नेपालले परिषदको अध्यक्ष जिम्मेवारी सम्हालेको थियो । हिंसा पछि मुलुकहरुको शान्ति स्थापनाको उद्धेश्यले ३१ सदस्यीय परिषद सन् २००५ मा स्थापना गरिएको हो । शान्ति निर्माण परिषदले दिगो शान्ति स्थापनाका लागी राष्ट्रसंघीय सुरक्षा परिषद सुझाव दिने गरेको छ ।

post image

पुस ६, काठमाडौँ । संयुक्त राज्य अमेरिकाका रक्षा मन्त्री जेम्स म्याटिसले अचानक राजीनामा दिएका छन्। अमेरिकी राष्ट्रपति डोनाल्ड ट्रम्पसँगको विवाद पछि उनले राजीनामा दिएका हुन्। उनले राजीनामा दिँदै आफ्नो विचार राष्ट्रपति ट्रम्पसँग मेल नखाएका कारण राजीनामा दिएको बताइएको छ ।

उनको राजीनामापछि ट्रम्पले जेम्स म्याटिसको उच्च मूल्याङ्कनसहित फेब्रुअरी अन्त्यमा सेवा निवृत्त हुन लागेको घोषणा गरेका छन्। उनले म्याटिसको उत्तराधिकारिको नाम भने उल्लेख गरेनन्। उनले ट्विटरमा भनेका छन्, ‘जनरल मयाटिसले मित्र शक्ति र अन्य देशहरूको सैन्य दायित्व निर्वाह गर्न मलाई धेरै नै सहयोग गरे।’

आफ्नो राजीनामा पत्रमा जनरल म्याटिसले आफ्ना मित्र शक्तिहरूसँग सम्मानपूर्वक व्यवहार गर्ने र साझा रक्षाका लागि अमेरिकी क्षमताका सम्पूर्ण संसाधन प्रयोग गर्ने धारणा व्यक्त गरेका छन्।

बुधवार अमेरिकी राष्ट्रपति डोनाल्ड ट्रम्पले सिरिया र वरपर सक्रिय इस्लामिक स्टेट समूह आईएस अमेरिकी सेनासँग पराजित भएको भन्दै सिरियाबाट अमेरिकी फौजहरू फर्काउने घोषणा गरेका थिए। तर, उनको घोषणा लगत्तै रक्षा मन्त्री म्याटिसले राष्ट्रपतिको निर्णयको आलोचना गरेका थिए। सिरियाबाट सैनिक फर्काउने अमेरिकी कदम रणनीतिक भूल हुने उनले बताएका थिए।

 

post image

पुस ५, नयाँ दिल्ली । भारतीय  प्रधानमन्त्री नरेन्द्र मोदीको विरुद्ध ‘फेसबुकमा सन्देश पोष्ट’ गरेको भन्दै भारतीय प्रशासनले एक जना पत्रकारलाई एक बर्षको जेल सजाय सुनाएको छ। सामाजिक सञ्जालमा प्रेषित सन्देशलाई लिएर पत्रकारलाई थुन्नुलाई आलोचकहरूले वाक स्वतन्त्रतामाथिको कठोर नीतिको पछिल्लो उदाहरण भनेका छन्।

गत महिना उत्तरपूर्वी राज्य मनिपुरबाट पक्राउ परेका पत्रकार किशोरचन्द्र वाङखेमलाई कठोर कानूनी उल्लङ्घन (डार्कोनियन ल) सजाय अन्तर्गत एक बर्षको जेल सजाय सुनाइएको हो। उक्त कानूनी प्रावधान अनुसार भारतमा कसैले ओहोदामा रहेका अधिकारीमाथि दुब्यवहार वा गालिगलौज गरेमा अदालती सुनुवाइ विना नै एक बर्ष जेलमा राख्न सुरक्षा अधिकारीहरूलाई छुट छ।

३९ बर्षीय टेलिभिजन पत्रकार वाङखेमले प्रधानमन्त्री मोदीलाई गाली गरेको ‘उत्तेजक’ दृष्यचित्रलाई सामाजिक सञ्जालमा राखेको आरोप लगाइएको छ। पोस्टमा पत्रकार वाङ्खेमले भारतीय प्रधानमन्त्री मोदी र मनिपुरका मुख्यमन्त्री बिरेन सिंहको सरकारले हिन्दू धर्मको प्रचारमा लागेको भन्दै ‘अभद्र’ गाली गलोज गरेको भिडियो पोस्ट गरेका बताइएको छ।

स्थानीय सञ्चारमाध्यमका अनुसार पत्रकार वाङ्खेमले आफ्नो पोस्टमा मुख्यमन्त्री सिंहलाई प्रधानमन्त्री मोदी र कट्टर हिन्दूवादी राष्ट्रिय स्वयम्सेवक संघ (आरएसएस) को ‘कठपुतली’ भएको भन्ने भावको भिडियो राखेको बताइएका छ। अधिकारीहरूले पत्रकार वाङ्खेमको पक्राउ राज्यको सुरक्षामा आँच आउने काम गर्ने प्रवृतिलाई रोक्ने उद्देश्यले भएको जनाएका छन्।

उनलाई यस पहिले राजद्रोहको आरोपमा पक्राउ गरेपनि स्थानीय अदालतद्वारा धरौटीमा रिहा गर्न आदेश दिएको थियो। एउटा गल्ती गरेर धरौटीमा रिहा भएपछि यसबाट उनी थप उत्तेजित बनेको सुरक्षा अधिकारीहरूको दाबी छ। वाङखेमको परिवारले उनलाई दिइएको एक वर्ष जेल सजायका विरुद्ध अदालतमा अपिल गर्ने बताएका छन्। रासस/एएफपी

post image

पुस ४, वासिङ्टन । अमेरिकी राष्ट्रपति डोनाल्ड ट्रम्पले साजाजिक सन्जालमा प्रभुत्व जमाएका फेसबुक, ट्वीटर र गुगलजस्ता कम्पनीहरू प्रतिपक्षी दल ‘डेमोक्रेटिक पार्टी’ को पक्षपोषणमा लागेको आरोप लगाएका छन्।

ट्रम्पको सामाजिक सञ्जालविरुद्धको उक्त आरोप सन् २०१६ को राष्ट्रपतीय निर्वाचनमा रसियाली एजेन्टहरूले सामाजिक सञ्जालको प्रयोग गरी ट्रम्पको पक्षमा मत परिणाम ल्याउन सघाएको भन्ने अमेरिकी सिनेटले सार्वजनिक गरेको ठीक एक दिनपछि आएको हो।

उनले भने, “फेसबुक, ट्वीटर र गुगल ‘डेमोक्रेटिक’ को पक्षमा देखिएका प्रष्ट भएको छ जुन निन्दनीय छ।” उनले थप्दै भने, “वास्तवमा ट्वीटरले जनतालाई अमेरिकी राष्ट्रपति ट्रम्पसँग जोडिन धेरै समस्या बनेको छ। उनीहरूले धेरै मेरो समर्थकका धेरै नामहरूलाई हटाइदिएका छन् र तह र गतिको वृद्धिलाई निकै नै ढिला पारिदिएका छन्।”

post image

पुस १,काठमाडौँ । श्रीलंकाका राष्ट्रपति मैत्रीपाला सिरिसेनाले आफैंले बर्खास्त गरेका रनिल विक्रमासिंघेलाई ५१ दिनपछि प्रधानमन्त्रीको सपथ खुवाएका छन्। आइतबार राष्ट्रपति कार्यालयमा विक्रमासिंघेलाई सिरिसेनाले सपथ खुवाएको श्रीलंकाली सञ्चारमाध्यमले जनाएका छन्।

नोभेम्बर २६ सिरिसेनाले विक्रमासिंघेलाई हटाएर पूर्वराष्ट्रपति महिन्दा राजापाक्षेलाई प्रधानमन्त्री नियुक्त गरेका थिए। राजापाक्षेले शनिबार राजीनामा दिएपछि सिरिसेनाले विक्रमासिंघेलाई प्रधानमन्त्रीको सपथ खुवाएका हुन्। यसबीचमा यी दुबै जनाले आफूलाई  वैधानिक प्रधानमन्त्री दाबी गर्दै आएका थिए।

बिहीबार सर्वोच्च अदालतले संसद विघटन गर्ने राष्ट्रपति सिरिसेनाको कदम अवैधानिक भएको फैसला सुनाएपछि राजापाक्षे पछि हटेका थिए।

post image

मंसिर २८, काठमाडौँ । श्रीलङ्काको सर्वोच्च अदालतले संसद विघटन गर्ने राष्ट्रपति सिरिसेना मैत्रीपालाको कदम अवैधानिक भएको ठहर गरेको छ। बिहीबार फैसला सुनाउँदै अदालतले सिरिसेनाले गत महिना गरेको निर्णय अवैधानिक भएको जनाएको हो।

सर्वोच्च अदालतका सात जना न्यायाधीशको संयुक्त इजलाशले सर्वसम्मत रूपमा राष्ट्रपतिको संसद विघटन गर्ने निर्णय गलत भएको ठहर गरेको हो। अदालतले संसद विघटन गरेर राष्ट्रपति सिरिसेनाले संविधानको उलङ्घन गरेको निष्कर्ष पनि निकालेको छ।

राष्ट्रपति सिरिसेनाले अघिल्लो महिना संसद विघटन घोषणा गर्दै निर्वाचनको मिति तोकेका थिए।संसदको समयावधि झन्डै दुई वर्ष बाँकी छदै उनले निर्वाचनको घोषणा गरेका थिए। उनले संसद विघटन गरेर निर्वाचन घोषणा गरेपछि अदालतमा मुद्दा परेको थियो। त्यस मुद्दामा प्रारम्भिक सुनुवाई गर्दै अदालतले यसअघि कुनै प्रक्रिया अगाडी नबढाउन अन्तरिम आदेश दिएको थियो।

त्यही मुद्दाको अन्तिम फैसला गर्दै अदालतले बिहीबार संसद विघटना गर्ने राष्ट्रपतिको निर्णय अवैध भएको फैसला सुनाएको हो। राष्ट्रपति सिरिसेनाले तत्कालिन प्रधानमन्त्री रनिल विक्रमासिंघेलाई अपदस्त गर्दै पुर्वराष्ट्रपति महेन्दा राजापाक्षेलाई प्रधानमन्त्रीमा नियुक्त गरेपछि श्रीलङ्कामा राजनीतिक सङ्कट सुरु भएको हो। अपदस्त प्रधानमन्त्री विक्रमासिंघेलाई हिजो बुधबारको संसद बैठकले पुनः स्थापित गर्नु पर्ने प्रस्ताव पारित गरेको छ।

बुधबार भएको मतदानमा ठूलो संख्याका सांसदहरुले विक्रमासिंघेलाई पुनः स्थापित गर्नु पर्ने पक्षमा मतदान गरेको अधिकारीहरुले जानकारी दिएका छन्। शक्ति संघर्ष थप चर्किन नदिनका लागि यो नै सवैभन्दा उपयुक्त र वैधानिक उपाय भएको संसदद्वारा पारित प्रस्तावमा उल्लेख छ।

विक्रमासिंघेको पार्टीबाट संसदमा सदस्य रहेकाहरु र त्यससँग गठबन्धन गरेको पार्टीबाट सदस्य भएकाहरु गरी संसदका कुल २२५ सीटमध्ये ११७ जना सदस्यहरुले उहाँको पुनः स्थापनाको पक्षमा मतदान गरेका हुन्।उनीहरुले सो प्रस्ताव तत्काल कार्यान्वयन गर्न राष्ट्रपति मैत्रीपाला सिरिसेनाको ध्यानाकर्षण समेत गराएको समाचारमा जनाइएको छ।  एएफपी

post image

मंसिर २५,काठमाडौँ । चीनको एउटा अदालतले अमेरिकी स्मार्टफोन निर्माता एप्पलका केही मोडलका फोन चीनमा आयात र बिक्री गर्न प्रतिबन्ध लगाउन आदेश दिएको छ। अमेरिकी माइक्रो चिप निर्माता क्वालकमले एप्पलका केही फोनमा आफ्नो नाममा रहेको प्याटेन्ट चोरी गरेको आरोप लगाउँदै मुद्दा दायर गरको थियो।

उक्त मुद्दामा सुनुवाइ गर्दै अदालतले सो आदेश दिएको सिएनएनले उल्लेख गरेको छ। अदालतको आदेश सोमबार सार्वजनिक भए पनि हप्ता दिनअघिदेखि नै यो लागू भइसकेको जनाइएको छ।

एप्पलले आइफोन ६एस, ६एस प्लस, आइफोन ७, ७ प्लस, आइफोन ८, आइफोन ८ प्लस र आइफोन एक्समा पेटेन्ट उल्लंघन गरेको दाबी गर्दै क्वालकमले मुद्दा हालेको थियो। आइफोनका एक्सएस, एक्सएस प्लस र एक्सआर मोडलमा भने यो प्रतिबन्ध लागु हुने छैन। किनकी  क्वालकमले मुद्दा हाल्दा यी फोन बजारमा आइसकेका थिएनन्।

आइफोनमा फोटो एडिट र रिसाइज गर्नका लागि प्रयोग भएको प्रविधिको प्याटेन्ट आफूमा रहेको क्वालकमको दाबी छ। उसले टच स्क्रिनमा एपको म्यानेज गर्न अपनाइने प्रविधि पनि आफ्नै भएको  दाबी गरेको छ।

‘एप्पलले हाम्रे बौद्धिक सम्पत्ति प्रयोग गरेर निरन्तर फाइदा लिइरहेको छ तर उसले हामीलाई क्षतिपूर्ति दिन अस्वीकार गर्दै आएको छ,’ क्वालकमले भनेको छ।

एप्पलले भने क्वालकमले फोहोरी खेल खेलेको बताएको छ। अमेरिका र चीनबीच  व्यापार युद्ध थाँती राखेर वार्ता भइरहेका बेला चिनियाँ अदालतको यो आदेशलाई आश्चार्यका रूप हेरिएको सिएनएनले जनाएको छ।

post image

मंसिर २०,  काठमाडौं । श्रीलङ्काका राष्ट्रपति मैत्रीपाला सिरिसेनाले बुधबार सात दिनभित्रमा मुलुकको राजनीतिक सङ्कट समाधान गर्ने आश्वासन दिएका छन्। उनले नियुक्त गरेका प्रधानमन्त्री महेन्दा राजापाक्षे र उनको मन्त्रिपरिषद्लाई अदालतले काम गर्ने अधिकार नभएको फैसला सुनाएपछि राष्ट्रपति सिरिसेनाको यस्तो आवश्वासन आएको हो।

गत सोमबार एउटा पुनरावेदन अदालतले अन्तरिम आदेश दिँदै तत्काल प्रधानमन्त्रीका रूपमा काम नगर्न राजापाक्षेलाई आदेश दिएको थियो। वैधानिकता नपाउँदासम्म राजापाक्षे र उनको मन्त्रिपरिषद्लाई काम गर्ने अधिकार नभएको अदालतले स्पष्ट पारेको छ। राजापाक्षेलाई काम गर्न दिएमा मुलुकमा “अपूरणीय क्षति” हुन सक्ने देखिएकाले काम गर्न रोक लगाउनु पर्ने अदालतको ठम्याइ छ।

अदालतको आदेशसँगै राजापाक्षेको सरकार अन्यौलमा परेको छ भने राष्ट्रपतिबाट हटाइएका तत्कालीन प्रधानमन्त्री रनिल विक्रमासिङ्घेलाई सजिलो भएको छ। राष्ट्रपति सिरिसेनाले देशको हितलाई ध्यानमा राखेर निर्णय गर्नुपर्नेमा जोड दिँदै आफूले त्यसै उपाय खोजेको बताए। मुलुक अहिले राजनीतिक सङ्कटमा पुग्नुमा आफूलाई दोषी ठानिएको प्रति असहमति राख्दै उनले आफू दोषी नभएको दाबी गरे।

उनले अहिलेको अवस्था आउनुमा तत्कालीन प्रधानमन्त्री विक्रमासिङ्घे नै दोषी रहेको किटान गरे। “उहाँका क्रियाकलाप र उहाँको राजनीतिले नै अहिलेको समस्या सिर्जना भएको हो, तर त्यसको समाधान हामी गर्नेछौं,” उनले भने।

एक वक्तव्यमा राष्ट्रपति सिरिसेनाले थपे, “अहिलेको राजनीतिक सङ्कट एक हप्तामा समाधान हुनेछ, यो पूरै समाधान हुनेछ, मैले तपाई र तपाईको मातृभूमिका लागि राम्रो हुने काम नै गर्नेछु।”

मुलुकलाई शान्तिको बाटोमा लैजान सबै राजनीतिक पार्टीहरूले हातेमालो गर्नेछन भन्ने आफूले विश्वास लिएको उनको भनाइ छ। गत अक्टोबर महिनामा राष्ट्रपति सिरिसेनाले तत्कालीन प्रधानमन्त्री विक्रमासिङ्घेलाई अपदस्थ गरेर राजापाक्षेलाई नियुक्त गरेपछि श्रीलङ्कामा राजनीतिक सङ्कटसँगै विवाद चर्किँदै गएको छ।

राजापाक्षेलाई गत महिना संसद्ले पनि प्रधानमन्त्रीमा अस्वीकृत गरिएको प्रस्ताव अत्यधिक मतका साथ पारित गरेको थियो।

संसद्ले राजापाक्षेका विरुद्धमा अविश्वासको प्रस्ताव पारित गर्नुअघि राष्ट्रपति सिरिसेनाले संसद विघटन भएको घोषणा गरेका थिए। तर अदालतले नै राष्ट्रपतिले संसद् विघाटन गर्ने आधार नभएको भन्दै संसद् कायमै रहेको फैसला सुनाएको थियो। सिन्ह्वा

post image

मंसिर १९, इन्डोनेसिया । इन्डोनेसियाको पपुवामा पृथकतावादी समूहले गरेको आक्रमणमा परी निर्माणाधीन परियोजनामा कार्यरत कम्तीमा ३१ कामदारको मृत्यु भएको त्यहाँको प्रहरी स्रोतले मङ्गलबार जानकारी दिएको छ।

सुरक्षाकर्मीहरुले मारिएका ती कामदारहरुको शव निकाल्ने कोसिस गरिरहेका छन्। पृथकतावादीहरुको यो आक्रमणलाई इन्डोनेसियाको सुरक्षा निकायले भीषण आक्रमण भनेको छ। पपुवाका प्रहरी प्रवक्ता सुर्यादी दिआजका अनुसार सरकारी पुल बनाइरहेका कामदारहरुमाथि आइतबार बन्दुकधारीले गरेको हमलामा परी २४ जनाको मृत्यु भएको थियो।

नदुगा जिल्लामा रहेको दुर्गम पहाडी गाउँमा सो आक्रमण भएको थियो। अन्य आठ जना कामदार स्थानीय संसद सदस्यको घरमा गएर लुकेका र भोलिपल्ट सशस्त्र पृथकतावादी समूह आई सात कामदारको हत्या गरेको दिआजले बताएका छन्। एक जना भने त्यहाँबाट भागेका तर उनी हालसम्म वेपत्ता रहेको बताइएको छ। रासस

post image

मंसिर १८,काठमाडौं । राष्ट्रपति विद्यादेवी भण्डारीले पेरिस सम्झौताको प्रभावकारी र जवाफदेही पूर्ण कार्यान्वयनको सही बाटो पहिल्याउन विश्व समुदाय सफल हुनेमा विश्वस्त रहेको बताउनुभएको छ । पोल्याण्डमा आयोजित जलवायु परिवर्तन संरचना सम्बन्धी महासन्धिको २४ औँ सम्मेलनलाई सम्बोधन गर्दै राष्ट्रपति भण्डारीले न्युन कार्बन उत्सर्जन गर्ने नेपाल जलवायु परिवर्तनको दुष्प्रभावको मारमा परेको प्रति सचेत गराउनुभयो ।

हालै सार्वजनिक गरिएको आईपीसीसीको विशेष प्रतिवेदनले तय गरेको १ दशमलब ५ डिग्री सेल्सियस तापक्रम स्थिर राख्ने थ्रेसहोल्ड भित्रै कार्बन उत्सर्जनलाई सीमित गर्न अन्तर्राष्ट्रिय समुदायलाई राष्ट्रपति भण्डारीको आग्रह थियो । नेपाल जस्ता मुलुकले नगरेको नबिगारेको कसुरको सजाय भोग्नु परेको बताउदै निर्दोषहरू माथि अन्याय हुन नदिन विश्व समुदाय समक्ष उहाँले आव्हान गर्नु भएको छ । उच्च पर्वतका हिउँ पग्लदै गएको तथा सेता हिमाल काला र फुश्रो बनेको राष्ट्रपतिले बताउनुभयो ।

हिमताल विष्फोटनको खतरा बढ्दा, नदीका जलाधार प्रणाली प्रभावित हुँदा हिम पहिरो, बाढी पहिरो र खडेरीले राष्ट्रिय आयको ठुलो हिस्सा प्राकृतिक प्रकोपबाट उत्पन्न समस्या समाधानमा खर्चनुपर्ने चुनौती रहेको राष्ट्रपति भण्डारीले जोड दिनुभएको छ । विश्वको तापक्रम बृद्धिलाई कम गर्न सघाउन पुर्‍याउन नेपालका हिम श्रृंखला फुश्रो हुँदै जानु प्रति राष्ट्रपति भण्डारीले राष्ट्रसंघीय फोरममा चिन्ता ब्यक्त गर्नुभएको हो । वन तथा वातावरण मन्त्री शक्ति बस्नेत सहितको प्रतिनिधि मण्डलको नेतृत्व गर्दै पोल्याण्ड जानुभएकी राष्ट्रपति भण्डारी बिहीबार काठमाडौं फर्कनु हुनेछ ।

post image

मंसिर १७,काठमाडौँ । श्रीलंकाको पुनरावेदन अदालतले महिन्दा राजापाक्षेलाई प्रधानमन्त्रीका रूपमा काम नगर्न आदेश दिएको छ। अदालतले सोमबार अन्तरिम आदेश जारी गर्दै राजापाक्षे र उनको  सरकारका मन्त्रीलाई काम नगर्न आदेश दिएको हो।

राजापाक्षेविरूद्ध १२२ विपक्षी सांसदहरूले हालेको रिटको सुनुवाइ गर्दै अदालतले यस्तो आदेश दिएको कोलोम्बो ग्याजेटले जनाएको छ। अदालतको आदेशसँगै राष्ट्रपति मैत्रीपाला सिरिसेना थप अप्ठेरोमा परेका  छन्।

अक्टोबर २६ मा सिरिसेनाले प्रधानमन्त्री रनिल विक्रमासिंघेलाई हटाएर पूर्वराष्ट्रपति राजापाक्षेलाई नियुक्त गरेपछि यो टापु राष्ट्रमा राजनीतिक संकट सुरू भएको थियो।

अहिले दुबै जनाले आफूलाई प्रधानमन्त्री दाबी गरेका छन्। दुई प्रधानमन्त्री हुँदा सरकारले नयाँ वर्षदेखि लागु हुने बजेट बनाउन सकेको छैन।

post image

मंसिर १७, पेरिस । सरकारविरोधी सयौं प्रर्दशनकारीले दंगा भड्काएको भोलीपल्ट आइतबार फ्रान्सेली राष्ट्रपति इमानुएल म्याक्रोंले तत्काल सुरक्षा बैठक आह्वान गरेका छन्।

पेट्रोलियम पदार्थमा भएको कर वृद्धि र बढ्दो महँगीविरुद्ध भन्दै केही सातादेखि फ्रान्समा ‘पहेंलो भेस्ट’ नामक प्रदर्शन भइरहेको छ। तेस्रो सातामा प्रवेश गरेको शनिबारको प्रदर्शन दंगाग्रस्त भएको थियो। प्रदर्शनकारीहरुले प्रहरीमाथि कडा पहेंलो रंग छ्यापेका थिए।

राष्ट्रपति म्याक्रोंले बोलाएको आपतकालीन सुरक्षा बैठकले देशमा जारी तनावलाई शान्त पार्नका लागि राज्य संकटकाल घोषणासमेत गर्न सक्ने सरकारका प्रवक्तालाई उद्धृत गर्दै बिबिसीले जनाएको छ। सुरुमा इन्धनमा भएको कर वृद्धिको प्रदर्शन विस्तारै महँगीविरुद्ध पनि केन्द्रित भएको छ।

दुई साताभन्दा अघि सुरु भएको पेहेंलो भेस्ट प्रदर्शनका क्रममा हालसम्म तीनजनाको मृत्यु भइसकेको प्रहरी स्रोतलाई उद्धृत गर्दै बिबिसीले जनाएको छ।

राजधानी पेरिसमा केन्द्रित शनिबारको प्रदर्शनमा केही प्रदर्शनकारी शान्त देखिए पनि अधिकांश प्रदर्शनकारीले प्रहरीसँग विभिन्न क्षेत्रमा झडप गरेको बताइएको छ। शनिबारको प्रदर्शनका कारण राजधानी पेरिसमा सयभन्दा बढी मानिस घाइते भएका छन्। घाइतेमध्ये २३ जना सुरक्षा अधिकारी भएको फ्रान्स सरकारले बताएको छ। प्रहरीका अनुसार शनिबारको प्रदर्शनमा सहभागी चार सयजना पक्राउ परेका छन्।

विश्वका २० शक्तिशाली अर्थतन्त्र भएका राष्ट्रको शिखर सम्मलेन ‘जी–ट्वान्टी समिट’मा सहभागी भएर फ्रान्सेली राष्ट्रपति इमानुएल म्याक्रों आइतबार बिहान स्वेदश फर्किएलगत्तै सोझै शनिबारको प्रदर्शनमा सबैभन्दा क्षति भएको आर्क डी ट्रिओफको निरीक्षणमा गएका छन्। उनले देशको प्रधानमन्त्री, आन्तरिक मन्त्री र उच्च सुरक्षा अधिकारीसँग राष्ट्रपतीय दरबारमा भेट गर्ने समेत बताइएको छ। ‘जी–ट्वान्टी’ सम्मेलनमा सहभागी भएलगत्तै देश फर्किएका राष्ट्रपति म्याक्रोंले अर्जेन्ट सुरक्षा बैठक बोलाउनुलाई अत्यन्तै महत्वका साथ हेरिएको छ।

सरकारका प्रवक्ता बेन्जामिन ग्रिभेक्सले युरोप वान रेडियोलाई राष्ट्रपतिले बोलाएको आपतकालीन सुरक्षा बैठकले संकटकाल घोषणा गर्नसक्ने संकेत गरेका छन्। ‘शनिबारका जस्ता प्रदर्शन नहुन् भनेर हामीले आवश्यक कदम चाल्नुपर्छ,’ राज्य संकटकाल लाग्न सक्ने बताउँदै प्रवक्ता बेन्जामिनले युरोप वान रेडियोलाई बताए।

प्रदर्शनकारी को हुन्?
यसै वर्षको नोभेम्बर महिनाको सुरुबाट फ्रान्समा पहेंलो भेस्ट आन्दोलन सुरु भएको हो। राष्ट्रपति इमानुएल म्याक्रोंले इन्धन करमा वृद्धि गरेको विरोधमा पहेंलो भेस्ट प्रदर्शन सुरु भएको थियो। फ्रान्समा सवारी साधन चलाउने सबैले पहेंलो भेस्ट लगाउनै पर्ने कानुन रहेको छ। त्यही पहेंलो भेस्ट लगाएर प्रदर्शनमा उत्रिएका प्रदर्शनकारीहरुको प्रदर्शनलाई ‘पहेंलो भेस्ट’ आन्दोलन भनिएको हो।

सामाजिक सञ्जालमार्फत् फैलिएको पछिल्लो पहेंलो भेस्ट आन्दोलन राष्ट्रपतिले डिजेलमा गरेको कर वृद्धिपछि सतहमा आएको थियो। राष्ट्रपति म्याक्रोंले कर वृद्धि वातावरणसँग सम्बन्धित रहेको बताए पनि प्रदर्शनकारीले भने म्याक्रों कारमा निर्भर रहने सहरी उपझोक्ताविरुद्ध  लागेको आरोप लगाउँदै आएका छन्। देशमा प्रदर्शन चर्केपनि राष्ट्रपति म्याक्रोंले भने प्रदर्शनका पछाडि अतिदक्षिणपन्त्री दलको सक्रिय सहयोग रहेको आरोप लगाउँदै आएका छन्। उनले आफूसँग राष्ट्रपतीय निर्वाचनमा पराजित भएकी अतिदक्षिणपन्थी नेत्री मरिन ल पेनको दललाई प्रदर्शन चर्काएको आरोप लगाएका छन्।बिबिसी

post image

 मंसिर १६, काठमाडौं । मेक्सिकोमा ७० वर्षपछि पहिलोपटक वामपन्थी राष्ट्रपति आन्द्रेस म्यानुअल लोपेज ओबादरले संसदसमक्ष सपथ लिएका छन् । ६ वर्षे कार्यकालका लागि उनले ५६ प्रतिशत मत प्राप्त गरेर निर्वाचित भएका थिए । मेक्सिको सिटीका पूर्वमेयर लोपेज ओबादरले शनिबार भ्रष्टाचार निर्मुल गर्ने र गरिब र सीमकान्तकृतहरुको लागि देश बदल्ने घोषणा गरे । ६५ वर्षीय उनले गत जुलाइमा भारी मतान्तरले राष्ट्रपतिमा निर्वाचित भएका थिए ।

उनका प्रतिद्वन्द्वी वर्तमान राष्ट्रपति इनरिक पेना नितोले जम्मा २४ प्रतिशत मत प्राप्त गरी राष्ट्रपति पदबाट विदा लिए । उनको कार्यकालमा भ्रष्टाचार र अपराधले सीमा नाघेको भन्दै आलोचना भएको थियो । राष्ट्रपति लोपेज ओवादरले छिट्टै आफ्नो परराष्ट्र मामिलामा महत्वपूर्ण मुद्दा संबोधन गर्नुपर्नेछ । अमेरिका छिर्ने हजारौं मानिस अमेरिका र मेक्सिकोको बोर्डरमा जम्मा हुने समस्यालाई संबोधन गर्नुपर्नेछ ।

उनको सपथ समारोहमा अमेरिकी उपराष्ट्रपति माइक पेन्स, राष्ट्रपति डोनाल्ड ट्रम्पकी छोरी इभान्का ट्रम्प र भेनेजुएलाका राष्ट्रपति निकोलस मडुरो सहभागी भएका थिए । लोपेज ओबादरको नेशनल रिजेनेरेसन मुभमेन्ट पार्टी (मोरेना) ले गठबन्धन सरकारको नेतृत्व गर्नेछ ।

post image

मंसिर १४, काठमाडौँ । अफगानिस्तानको काबुलमा बुधवार भएको जीफोरएसको कार्यलयमा भएको आक्रमणमा ११ नेपाली नागरिक घाइते भएको बीबीसीले बताएको छ । ब्रिटिश सुरक्षासम्बन्धी कम्पनी जीफोरएसले घटनामा परेका आफ्ना कर्मचारीका परिवारलाई यसबारे जानकारी गराएको बताएको छ । घटनाको जिम्मेवारी तालिबानले लिएको छ ।

अफगानिस्तानका एक सरकारी अधिकारीका अनुसार सो घटनामा चार विदेशीसहित कम्तीमा १० जनाको ज्यान गएको थियो । आन्तरिक मामिला मन्त्रालयले घटनामा ११ नेपाली र पाँच ब्रिटिश नागरिक घाइते भएको बताएको छ । अफगान अधिकारीहरूका अनुसार कार बम विस्फोट गराएपछि पाँचजना सशस्त्र आक्रमणकारीहरू जीफोरएसको परिसरमा प्रवेश गरेका थिए।

त्यसपछि दोहोरो गोली हानाहान भएको थियो। घटना हुँदा सो स्थानमा ३३० व्यक्ति रहेका थिए। तीमध्ये अधिकांश विदेशी थिए।  आन्तरिक मामिलासम्बन्धी मन्त्रालयले मृतकको सङ्ख्या बढ्न सक्ने बताएको छ।  जीफोरएस विश्वकै सबभन्दा ठूलो सुरक्षा कम्पनीमध्ये एक हो । उसले ब्रिटिश दूतावास वरपरको क्षेत्रमा सुरक्षा प्रदान गर्दै आएको छ।

पछिल्लो हिंसा राष्ट्रपति अशरफ गनीले तालिबान समूहसँग शान्ति सम्झौताका लागि योजना अघि सारेको केही घण्टामा भएको हो ।

अफगानिस्तानमा कति छन् नेपाली ?

द्वन्द्वग्रस्त अफगानिस्तानमा उल्लेख्य सङ्ख्यामा नेपालीहरू पनि कार्यरत छन्। तीमध्ये कतिपय सुरक्षा क्षेत्रमा संलग्न छन्। यसअघि सन् २०१६ को जुनमा राजधानी काबुलमा गरिएको एउटा आक्रमणमा १२ जना नेपाली मारिएका थिए।

सो आक्रमणलाई आतङ्कवादी घटना भन्दै नेपाल सरकारले त्यसको भर्त्सना गरेको थियो। वैदेशिक रोजगारीको लागि औपचारिक रूपमा खुल्ला नगरिएको अफगानिस्तानमा नेपाली कति सङ्ख्यामा छन् भन्ने स्पष्ट छैन।बीबीसी

post image
मंसिर १२, काठमाण्डौं । पाकिस्तानी विदेश मन्त्रालयले सार्क (दक्षिण एसियाली क्षेत्रीय सहयोग संगठन) सम्मेलनका लागि भारतका प्रधानमन्त्री नरेन्द्र मोदीलाई पठाउने भनेको निम्तो भारतले अस्वीकार
गरिदिएको छ।

सार्क सम्मेलनको मिति सबै सदस्य राष्ट्रको सहमतिमा हुनु पर्ने भएकाले पाकिस्तान एक्लैले मोदीलाई सम्मेलनका लागि निम्तो पठाउन नसक्ने भारतले जनाएको छ। यसअघि मंगलबार पाकिस्तानी विदेश मन्त्रालयलका अधिकारीले इस्लामावादमा आयोजना हुने सम्मेलनका लागि मोदीलाई निम्तो पठाउने बताएका थिए।

भारतीय दैनिक टाइम्स अफ इन्डियाले तत्काल सम्मेलन आयोजना गर्ने पक्षमा बंगलादेश र श्रीलंका पनि नभएको उल्लेख गरेको छ। बंगलादेशमा केही समयमा चुनाव हुँदैछ भने श्रीलंकाको आन्तरिक राजनीतिक संकट गहिरिँदै गएको छ।

पछिल्लो सार्क सम्मेलन सन् २०१४ मा काठमाडौंमा भएको थियो।

post image

मंसिर १२, काठमाण्डौं । उत्तरी चीनको एक केमिकल कम्पनीमा बुधबार बिस्फोट हुँदा कम्तीमा २२ को मृत्यु भएको छ भने २२ घाइते भएका छन् । ग्लोबल टाइम्सका अनुसार  बिस्फोट राजधानी बेइजिङबाट दुई सय किलोमिटर टाढा झांगजियाकोउस्थित हिबेई शेंगुआ केमिकल कम्पनीमा भएको हो ।

घाइतेको स्थानीय अस्पतालमा उपचार भइरहेको बताइएको छ । घटनामा ५० वटा साना–ठूला ट्रक पनि जलेको बताइएको छ । बिस्फोटका कारणबारे अनुसन्धान भइरहेको जानकारी दिइएको छ । विष्फोटको कारणबारे कम्पनीले पनि केही जानकारी दिएको छैन ।

तर, न्युयोर्क टाइम्सले उद्योगको सुरक्षा अधिकारी वुले सांघाईको एक पत्रिकालाई दिएको  भनाई उद्धृत गर्दै लेखेको छ, ‘उद्योगमा रसायन डेलिभर गर्न आएका ट्रकहरु मध्ये एक ट्रकमा विष्फोट भएको थियो । त्यसपछि शृङ्खलाबद्ध रुपमा अन्य ट्रकहरु विष्फोट भएका थिए ।’

post image

मंसिर ११, काठमाण्डौं । केबीए ग्लोबल एजुकेशन एण्ड माईग्रेसन सिड्नीले अष्ट्रेलियाको सिड्नीमा एक बृहत अन्तरक्रिया कार्यक्रम सहितको सेमीनार आयोजना गर्ने भएको छ । अष्ट्रेलियाको सिड्नीस्थित कोग्रहा लाईबेरीको एक्टीभिटीज रुममा आयोजना हुने सेमिनारको बिषयबस्तुका रुपमा माईग्रेसन टु रिजनल अष्ट्रेलियाको बिषयबस्तुलाई अघि सारीएको छ ।

अष्ट्रेलियाले यहाँ अध्ययन गर्ने तथा बसोबास गरीरहेका अस्थायी बासिन्दाहरुका लागि स्थायी रेसीडेन्ट पिआर लिनका लागि रिजनल जानै पर्ने ब्वयवस्थ ागर्न लागिरहेको पेरीप्रक्ष्यलाई मध्यनजर गर्दै केबीए ग्लोबलले उक्त सेमीनारको आयोजन ागर्न लागरहेको हो । नोभेम्बर २८ तारिखका दिन आयोजना हुने सो सेमीनारका मुख्य बक्ताका रुपमा केबीए ग्लोबलका निर्देशक तथा अष्ट्रेलियाका रजिष्टर्ड माईग्रेर्ट जेण्ड शम्भु कडेल रहन’ भएको छ । सेमीनारमा बिद्यार्थीह्रुले अध्ययन पछि कसरी अष्ट्रेलियामा आफ्नो भबिष्य बनाउन सक्छन् ।

त्यसका क्राईटएरीयाहरु के रहेका छन्, रिजनल जानाका फाईदाहरु के–के हुनेछन् लगायतका बिषयमा बृहत छलफल सहित सेमीनार आयोजना हुने केबीए ग्लोबलका म्यानेजर रोशन क्षेत्रीले अनलाईन समयलाई जानकारी गराउनु भयो । क्षेत्रीका अनुसार उक्त सेमीनारमा अष्ट्रेलियाले अपनाएको रिजनल सम्वन्धि ब्यवस्थाका बारेमा निर्देशक शम्भु कडेलले एक कार्यपत्र समेत प्रस्तु गर्नु हुनेछ ।

post image
मंसिर ११, काठमाडौँ । अमेरिकी अन्तर्राष्ट्रिय अध्ययन संस्था (नासा)ले आफ्नो नयाँ रोबोटलाई मंगल ग्रहमा उतारेको छ। पृथ्वीपछि कुनै ग्रहको यति गहिरो अध्ययन गर्न लागिएको पहिलो पटक हो।
‘द इनसाइट प्रोव’ नाम दिइएको यो रोबोटले मंगल ग्रहको भित्री सतहको अध्ययन गर्नेछ। यो रोबोट नेपाली समयअनुसार मंगलबार बिहान करिब ३ बजेर ४० मिनट जाँदा मंगल ग्रहमा उत्रिएको थियो। मंगल ग्रहको सतहमा उत्रिएपछि रोबोटले पृथ्वीमा रेडियो सन्देश पठाएको थियो। सन्देश आएसँगै नासामा खुसी छाएको थियो। त्यो सन्देश उनीहरूले पठाएको रोबोटले मंगल ग्रहमा भर्खरै सुरक्षित अवतरण गरेको प्रमाण थियो।
रोबोटले आफू मंगल ग्रहमा उत्रिएको केही मिनेटमै वरिपरिका चित्र पठाउन सुरू गरेको छ। रोबोट उत्रिँदा उडेको धुलोका कारण फोटो धेरै सफा नभए पनि केही दिनमा सफा फोटा आउन थाल्ने नासाले जनाएको छ।

नासाका प्रमुख जेम्स ब्राइडेनस्टाइनले लगत्तै प्रतिक्रिया दिए, ‘हाम्रा लागि यो गजबको दिन हो।’अमेरिकी राष्ट्रपति डोनाल्ड ट्रम्पले फोन गेरर नासालाई बधाई दिएको पनि उनले बताए।

रोबोट अहिले मंगल ग्रहको भूमध्य रेखा नजिकैको विशाल, समथर भागमा बसेको छ। नासाले यो भूभागलाई मंगल ग्रहको सबैभन्दा ठूलो ‘पार्किङ क्षेत्र’ भनेको छ।

post image

मंसिर १०,काठमाडौँ । म्यानमारकी स्टेट काउन्सिलर आङ्ग सान सुकी यसैसाता नेपाल आउने भएकी छन्। प्रधानमन्त्री केपी शर्मा ओलीको आमन्त्रणमा उनी नेपाल आउन लागेकी हुन्।

परराष्ट्रमन्त्रालयका अनुसार सुकी यही मंसिर १३ गते नेपाल आउने तय भएको छ। उनले १४ गते प्रधानमन्त्री केपी शर्मा ओलीलाई भेट्ने कार्यसूचि तय भएको परराष्ट्रले जनाएको छ।

सुकी यही १४ गतेदेखि काठमाडौमा हुन लागेको एसिया प्रशान्त सम्मेलन–२०१८ मा पनि सहभागी हुने जनाइएको छ।

post image

मंसिर ९, काठमाडौँ । फ्रान्सको राजधानी पेरिसमा पेट्रोलियम पदार्थको मूल्य विरोधमा भइरहेको प्रदर्शनलाई नियन्त्रणका लागि पुलिसले अश्रु ग्यास प्रहार गरेका छन् भने पानीको फोहोराले पनि भीडलाई नियन्त्रण गर्न खोजेका छन् ।

पेरिसमा गत दुई हप्तादेखि प्रत्येक हप्ताको अन्त्यमा विरोध प्रदर्शन भइरहेको छ । पेरिसको शान्ज एलिजे इलाकाको संवेदनशील स्थानमा पुलिसले बनाएको ब्यारिकेड तोड्ने प्रयासका बीच केही प्रदर्शनकारीबीच झडप भएपछि स्थिती तनावग्रस्त बनेको थियो । प्रदर्शनकारीले थुप्रै गाडीमा आगलागीसमेत गरेका छन् ।

हज्जारौं प्रदर्शनकारीको नियन्त्रणका लागि तीन हजार पुलिस तैनाथ गरिएको थियो । प्रदर्शनकारीले पहेंलो रङको ज्याकेट लगाएर विरोध गरिरहेका छन् । त्यसैले उनीहरुलाई ‘एलो ज्याकेट’ भनिँदै छ ।

शान्ज एलिजे इलाकामा प्रधानमन्त्री कार्यालयसमेत केही अन्य महत्वपूर्ण भवन छन् । प्रदर्शनकारीलाई रोक्नका लागि भवन अगाडि सुरक्षा घेरा बनाउँदै पुलिसले मेटल ब्यारिकेड्स लगाएका थिए । अधिकारीका अनुसार अहिलेसम्म कुनै पनि प्रदर्शनकारी उक्त इलाकामा प्रवेश गर्न सकेको छैन ।

केही प्रदर्शनकारीले सडक किनाराबाट पुलिसमाथि पटाखा र ढुङ्गाले हमला गरे । प्रदर्शनकारीहरु राष्ट्रपति इम्यानुएल म्याक्रोंविरुद्ध नाराबाजी गरिरहेका थिए र उनको राजीनामा माग गरिरहेका थिए ।

किन रिसाएका छन् प्रदर्शनकारी ?

फ्रान्समा धेरैजसो कार डिजेलले चल्छ । देशमा पछिल्लो १२ महिनामा डिजेलको मूल्य करिब २३ प्रतिशतले वृद्धि भएको छ । औसतमा १.७१ डलर प्रतिलिटरको वृद्धि भइरहेको छ । यो सन् २००० पछि सबैभन्दा उच्च स्तर हो ।

वैश्विक स्तरमा कच्चा तेलको मूल्य बढेको थियो तर पछि कम पनि भएको थियो । तर म्याक्रों सरकारले डिजेलमा ७.६ सेन्ट प्रति लिटर र पेट्रोलमा ३.९ प्रति सेन्ट प्रतिशतको हाइड्रोकार्बन ट्याक्स लगाए । सरकाले बिजुलीबाट चल्ने कार र स्वच्छ इन्धन अभियान अन्तर्गत यो कदम उठाएको बताएको थियो ।

त्यसपछि सन् २०१९ जनवरी १ तारिखदेखि डिजेलको मूल्यमा ६.५ सेन्ट र पेट्रोलमा २.९ सेन्टको बढोत्तरीको निर्णय लिइएको थियो ।

राष्ट्रपतिका अनुसार वैश्विक स्तरमा कच्चा तेलको मूल्यवृद्धिकाले फ्रान्समा पनि मूल्य वृद्धि भएको हो ।शुक्रबार पश्चिमी फ्रानसमा अश्रु ग्यासको गोलासहित एक व्यक्तिलाई पुलिसले पक्राउ गरेको छ । पक्राउ परेका प्रदर्शनकारीले राष्ट्रपति म्याक्रोंसँग भेटको माग गरिरहेका थिए ।

post image

मंसिर ७,काठमाडौँ । शुक्रबार पाकिस्तानको प्रमुख सहर कराचीँमा रहेको चिनियाँ महावाणिज्य दुतावासमाथि आतंकवादी आक्रमण भएको छ । आतंकवादी हमलालाई सुरक्षा फौजले निस्तेज पारेको र दुतावासभित्र कुनै असर नपरेको पाकिस्तानी प्रहरीले जानकारी दिएको छ ।

सुरक्षाकर्मी र हमलावरबीच भएको गोलिवारीमा दुई प्रहरीको ज्यान गएको छ । सिन्ध प्रहरी तथा आर्मीको मिडिया शाखाले उक्त कारबाहीमा तीन आतंकवादीको ज्यान गएको बताएको छ ।  पाकिस्तानको चर्चित समाचारपत्र डनका अनुसार विहान ९ः३० मा गोलिबारी शुरु भएको थियो । सो समाचारपत्रले उक्त क्षेत्रमा एक ठूलो विष्फोटको आवाज पनि सुनिएको बताएको छ । डनका अनुसार एक नाम नखुलेको व्यक्ति गम्भिर अवस्थामा अस्पताल लगिएको छ ।

घटनाको केही पछिनै पाकिस्तानका विदेश मन्त्री शाह मेहमूद कुरेशीले घटनाको भत्सना गरेका छन् । “यो अत्यन्त दुखद घटना हो । घटनामा संलग्न आतंकवादी मारिएका छन् । हामी चिनियाँ महावाणिज्य दुतावाससँग नियमित सम्पर्कमा रहिरहेको छौं,” घटनाबारे बोल्दै कुरेशीले भने ,“यो देशको विकास रोक्ने दुरासय राख्ने शक्तिहरुलाई पाकिस्तान र चीन मिलेर परास्त गर्नेछौं ।”

सिन्ध राज्यका मुख्यमन्त्री मुराद अलि शाहले घटनाप्रति चासो देखाएका छन् । उनले चिनियाँ महावाणिज्यदुतलाई सम्पर्क गरेर अवस्था पूर्ण नियन्त्रणमा लिने विश्वस्त पारेका छन् ।एजेन्सी

post image

मंसिर ६,  बेइजिङ। उत्तरपूर्वी चीनमा विद्यालय जान लागेका स–साना बालबालिकाले बाटो काट्ने क्रममा कारले ठक्कर दिएपछि ५ जनाको मृत्यु भएको छ ।  बाटो काट्दै गरेका उनीहरुलाई एक कारले ठक्कर दिएपछि पाँच बालबालिकाको मृत्यु हुनुृको साथै अन्य १८ जना घाइते भएका स्थानीय सञ्चारमाध्यमले जानकारी दिएका छन् ।

लिआओनिङ प्रान्तको हुलुदाओ शहरमा यो दुर्घटना भएको हो । ठक्कर दिने कारको चालकलाई हिरासतमा लिइ अनुसन्धान सुरु गरिएको स्थानीय टेलिभिजनले जानकारी दिएको छ ।  सो कार गलत दिशाबाट आएको प्रत्यक्षदर्शीहरुले जानकारी दिएका छन् । गलत दिशाबाट आएकोले बाटो काटिरहेका बालबालिकालाई ठक्कर दिएको उनीहरुको भनाई छ ।

यसै महिनाको शुरुमा चोङ्गकिङ प्रान्तमा एक सडक दुर्घटनामा परी कम्तीमा १३ व्यक्तिको मृत्यु भएको थियो । गत सेप्टेम्बरमा हुनान प्रान्तमा भएको एक सडक दुर्घटनामा ११ व्यक्तिको मृत्यु भएको थियो । –एएफपी

post image

मंसिर ५, काठमाडौँ । बलिउड अभिनेता अमिताभ बच्चनले सयौं किसानको ऋण चुकाएको जानकारी दिएका छन् । ऋणको रुपमा चुकाइएको उक्त रकम चार करोड भारुभन्दा बढी छ ।

मंगलबार अमिताभले आफ्नो ब्लगमा उनले १, ३९८ किसानको ऋण चुकाएर आफ्नो ‘जिम्मेवारी’ उठाएको बताएका छन् । उनले आफ्नो काम पूरा भएको जस्तो अनुभव भएको बताएका छन् ।

यी सबै किसान उत्तर प्रदेशका हुन् । अमिताभ बच्चन यसै राज्यका हुन् । भारतमा किसानको एउटा ठूलो तप्का ऋणको समस्याबाट जुधिरहेका छन् ।

किसानका लागि रेलः

अमिताभ बच्चनले किसानको जुन ऋण चुकाएका छन् त्यो एक सरकारी बैंकले दिएका थिए ।  उनको ब्लगका अनुसार यो रकम बैंक अफ इन्डियामार्फत एकमुष्ट सम्झौताको रुपमा चुकाइएको हो । बैंकले ‘कुनै बक्यौता छैन’ को सर्टिफिकेट जारी गर्ने बताइएको छ ।

७६ वर्षीया अभिनेताले लेखेका छन्, ‘ यो सर्टिफिकेट आफैं उनीहरुलाई नीजि रुपमा सुम्पिन चाहन्छु  ।’ सबै किसानलाई मुम्बई ल्याउन एक मुश्किल चुनौती थियो त्यसकारण अमिताभको तर्फबाट ७० किसानका लागि ट्रेनमा एक डिब्बा रिजर्भ गरिएको छ ।

यी किसान नोभेम्बर २७ मा आफ्नो बैंकको कागजात लिन मुम्बई पुग्नेछन् । यसै वर्ष अमिताभले महाराष्ट्रका तीन सय ५० किसानको ऋण चुकाएका थिए ।

सन् २००७ मा अमिताभ जग्गाको एक सम्झौताका कारण विवादमा आएका थिए । यो मामलामा अदालतले पनि अमिताभले ९० हजार वर्ग फुट जमिन अवैध तरिकाले छुट्याइएको बताएको थियो ।

अमिताभले धोकाको आरोप पनि खेप्नुपर्यो । यद्यपी, अमिताभले उक्त जग्गामाथिको दाबी छोडेका थिए, त्यसपछि उनीमाथि लागेका आरोप फिर्ता लिइएको थियो ।बीबीसी

post image

मंसिर ४, काठमाडौँ । माल्दिभ्सको नयाँ सरकारले चीनसँग भएको स्वतन्त्र व्यापार सम्झौता तोड्ने भएको छ। सत्तारूढ गठबन्धनको सबैभन्दा ठूलो दलले संसारकै दोस्रो ठूलो अर्थतन्त्र चीन र सानो अर्थतन्त्र माल्दिभ्सबीचको यो सम्झौता एक पक्षीय भएको बताएको छ।

गत निर्वाचनमा पराजित पूर्वराष्ट्रपति अब्दुल्लाह यमिनले गत डिसेम्बरमा बेइजिङ भ्रमणका बेला चीनसँग स्वतन्त्र व्यापार सम्झौता गरेका थिए। उक्त सम्झौतालाई विपक्षीको विरोधका वावजुद् माल्दिभ्सको संसदले अनुमोदन गरेको थियो।

‘माल्दिभ्स र चीनबीचको व्यापार घाटा निकै ठूलो छ, यस्ता दुई पक्षबीच कसैले पनि स्वतन्त्र व्यापार सम्झौता सोच्दैन,’ माल्दिभिएन डेमोक्र्याटिक पार्टीका प्रमुख मोहम्मद नसिदले भने, ‘चीनले हामीसँग केही पनि किनिरहेको छैन। यो एकपक्षीय सम्झौता हो।’

पूर्वराष्ट्रपतिसमेत रहेका नसिदले यो सम्झौता कार्यान्वयनका लागि गर्नुपर्ने कानुनी संशोधन नयाँ सदनले नगर्ने बताए। ‘यो संसदबाट अनुमोदन भयो तर त्यसको कार्यान्वयनका लागि विभिन्न कानुनी परिवर्तन गर्नुपर्नेछ। हामी ती कानुनी परिवर्तन गर्दैनौं,’ समाचार संस्था रोयटर्ससँग कुरा गर्दै नसिदले भने।

पूर्वराष्ट्रपति यमिन चीन निकट मानिन्थे। २ महिनाअघि भएको निर्वाचनमा उनी विपक्षी उम्मेदवार इब्राहिम मोहम्मद सलाहसँग पराजित भए।

post image

मंसिर ४, काठमाडौं । संयुक्त राज्य अमेरिकाको शिकागोस्थित मर्सी अस्पतालमा गोलीबारी हुँदा कम्तीमा चारजनाको मृत्यु भएको छ ।  मृत्यु हुनेमा अस्पतालका १ चिकित्सक, १ फर्मास्युटिकल्स सहयोगी, १ प्रहरी अधिकृत र स्वयम् बन्दुकधारी छन् ।  पुलिस प्रवक्ता एन्थोनी गुग्लियोल्मीले आफ्ना एक पुलिस अधिकारी स्यामुनियल जिमेनेजको उपचारको क्रममा अस्पतालमा मृत्यु भएको जानकारी दिए । स्थानीय समय अनुसार सोमबार दिउँसो तीन बजे गोली हानाहानका क्रममा बन्दुकधारी मारिएको प्रहरीका प्रवक्ताले जानकारी दिए । उनले स्वयंलाई गोली चलाए नचलाएको बारे स्पष्ट जानकारी उपलब्ध छैन ।

बन्दुकधारीले आफूसँग सम्बन्ध रहेको एक महिलालाई लक्षित गरी गोली चलाएको प्रहरीले जनाएको छ । यद्यपि उनले गोली चलाउनुको उद्देश्य थाहा हुन नसकेको प्रहरीको भनाइ छ । घटनास्थललाई प्रहरीले नियन्त्रणमा लिएसँगै मर्सी अस्पताललाई खाली गराइएको थियो । पछि अस्पतालले दर्जनौँ बिरामी र स्वयम् अस्पतालको सुरक्षा सुनिश्चित गर्न प्रहरी सफल भएको बताएको थियो ।

 शिकागो प्रहरीका एक प्रवक्ताका अनुसार बन्दुकधारीले अस्पतालको कार पार्किङ स्थलमा फायरिङ थालेपछि कैयौँ राउण्ड गोली चलाइएको थियो । स्थानीय सञ्चारमाध्यमहरूका अनुसार सन्दिग्ध व्यक्ति अस्पताल भवनमा उक्लिँदै गर्दा बिरामीहरूले गोली चलेको आवाज सुनेका थिए ।

post image

मंसिर ३, काठमाडौं । अमेरिकाका राष्ट्रपति डोनल्ड ट्रम्पले साउदी पत्रकार जमाल खासोग्गीको हत्याको रेकर्डिङ नसुन्ने जानकारी दिएका छन् ।  ट्रम्पले आफूलाई टेपबारे पूर्ण जानकारी दिइसकेकाले यो सुन्न आवश्यक नै नभएको बताएका छन् ।

उनले आइतबार फक्स न्यूजसँगको कुराकानीमा भने, ‘त्यो एक कष्टदायी र भयानक टेप हो ।’उनले फक्स च्यानलसँग भने, ‘मैले टेप नसुनिकनै यसबारे सबै थाहा पाइसकेको छु, यो निकै हिंस्रक, क्रुर र भयानक छ ।’

टर्कीले कथित रुपमा अमेरिका र अन्य पश्चिमी सहयोगीसँग यो रेकर्डिङ साझा गरेको हो । ट्रम्पले मोहम्मद बिन सलमानले आफूलाई हत्याबारे केही जानकारी दिएको उनले फक्स च्यानललाई बताए ।

यद्यपी, सिआइएसँग युवराज सलमानलाई जिम्मेवार ठहराउनका लागि स्पष्ट प्रमाण छैन तर खबरका अनुसार अधिकारीले यो उनको मञ्जुरीबिना हुनै सक्दैनथ्यो भन्ने मान्यता राख्छन् । तर शनिबार विदेश मन्त्रालयले अमेरिकी सरकारले अहिले पनि थुप्रै प्रश्नका जवाफ नपाइएकाले अहिले नै कुनै निष्कर्षमा पुग्न नसक्ने जानकारी दिएको छ ।

राष्ट्रपति ट्रम्पले सिआइएसँग उसको निष्कर्षमाथि कुराकानी गरेका छन् । उनको फक्समाथि साक्षात्कार सिआइएको निष्कर्ष आउनुअघि रेकर्ड भएको थियो र उनले आफ्नो प्रशासनको निर्णय आउन बाँकी भएको जानकारी दिएका थिए ।

उनले संवाददातासँग भने, ‘अर्को दुई दिनमा सायद सोमबार वा मंगलबार हामीसँग पूरा रिपोर्ट हुनेछ ।’सिआईएले कथित रुपमा साउदी युवराज मोहम्मद बिन सलमानको हत्याको आदेश दिएको बताएको छ तर अहिलेसम्म ह्वाइट हाउसले आधिकारिक रुपमा यस्तो बताएको छैन ।

विवाहसम्बन्धि दस्तावेजका लागि खासोग्गी अक्टोबर दुई तारिखमा इस्तानबुलस्थित साउदी वाणिज्य दूतावास गएका थिए जहाँ उनको हत्या गरिएको थियो । उनी साउदी सरकारका आलोचक मानिन्थे ।

post image

कात्तिक २९, काठमाडौं । श्रीलंकाको संसद बैठकमा सांसदहरुबीच भीडन्त भएको छ  । प्रधानमन्त्री महिन्दा राजापाक्षे समर्थक र विरोधी सांसदहरुबीच कुटाकुट भएको हो । संसदले ध्वनिमतको आधारमा प्रधानमन्त्री महिन्दा राजापाक्षेविरुद्ध अविश्वास प्रस्ताव पारित गरेको विरोधमा राजापाक्षे समर्थक सांसदले नाराबाजी गर्दै सभामुखलाई आक्रमण गर्न थालेपछि कुटाकुट भएको हो ।

बिहीबार संसद बैठकमा राजापाक्षेले आफूलाई ध्वनिमतको आधारमा हटाउने अधिकार सभामुखलाई नभएको बताएका थिए । सभामुख कारु जैसूर्याले मुलुकमा अहिले प्रधानमन्त्री नरहेको बताएका थिए । तर प्रधानमन्त्री महिन्दा राजापाक्षेले यति महत्वपूर्ण विषयमा ध्वनि मतको आधारमा अविश्वास प्रस्तावको  निर्णय गर्न नहुने बताएका थिए ।

उनले सभामुखसँग प्रधानमन्त्री र मन्त्रिपरिषदलाई हटाउने अधिकार नभएको पनि बताए । उनले सभामुख एकपक्षीय भएको र आफ्नो पार्टीको अडान देखाएको आरोपसमेत लगाए ।

राजापाक्षेले अहिलेको समस्याको समाधान गर्ने उचित विकल्प ताजा जनादेशमा जानुपर्ने पनि बताए ।राजापाक्षे समर्थक केही सांसदले सभामुखलाई पानीको बोतल, किताब आदिले हिर्काएका थिए । राजापाक्षेका विरोधी सांसदहरुले सभामुख कारु जैसूर्यालाई घेरेर सुरक्षा दिएका थिए ।

post image

कात्तिक २८, काठमाडौं । श्रीलंकाको संसदमा प्रधानमन्त्री महिन्दा राजापाक्षेविरुद्ध अविस्वास प्रस्ताव पारित भएको छ । प्रधानमन्त्रीमा विवादास्पद रुपमा नियुक्त भएका राजापाक्षेविरुद्ध अविस्वास प्रस्ताव पारित गरेको हो ।

संसद विघटन गर्ने राष्ट्रपति मैत्रीपाला सिरिसेनाको निर्णय सर्वोच्च अदालतले खारेज गरेको भोलिपल्ट बुधबार संसदले यस्तो प्रस्ताब पारित गरेको हो । संसदको २२५ सदस्यमध्ये बहुमत सदस्यले राजापाक्षेलाई नियुक्त गर्ने राष्ट्रपतिको कदमविरुद्ध मतदान गरेका थिए । गत अक्टोबर २६ मा राष्ट्रपति सिरिसेनाले तत्कालिन प्रधानमन्त्री रनिल बिक्रमासिंघेलाई अपदस्त गरी संसद विटनसमेत गरेका थिए । त्यसपछि उनले प्रधानमन्त्रीमा पूर्वराष्ट्रपति महिन्दा राजापाक्षेलाई नियुक्त गरेका थिए ।

तर सर्वोच्च अदालतले संसद विघटन गर्ने राष्ट्रपतिको निर्णय खारेज गरिदिएको थियो । बुधबारको बैठकमा राजापाक्षे समर्थक सांसदको नाराबाजीबीच सभामुख कारु जैसूर्याले भने ‘संसदको आवाजअनुसार मलाई लाग्छ सरकारसँग बहुमत छैन ।’ सभामुखले ध्वनिमतको आधारमा निर्णय सुनाएका थिए । संसद बिहीबार १० बजेसम्मका लागि स्थगित गरिएको छ ।

post image

कार्तिक २८, काठमाडौं ।  नेपाली महिला फुटबल टोली सन् २०२० मा जापानमा आयोजना हुने ३२ औं गृष्मकालीन ओलम्पिक खेलकुदको दोस्रो चरणमा प्रवेश गरेको छ। एसियन छनोटअन्तर्गत मंगलबार भएको समूहको अन्तिम खेलमा बंगलादेशलाई १–१ गोलको बराबरीमा रोक्दै नेपाल दोस्रो चरणमा प्रवेश गरेको हो।  समूहको उत्कृष्ट तेस्रो बन्ने दुई टोली अघिल्लो चरणमा पुग्ने प्रावधान  अनुसार नेपाल समूह ‘सी’ मा तेस्रो बनेको हो।

म्यानमारको थुनुवा रंगशालामा भएको प्रतिस्पर्धात्मक खेलमा नेपालले सुरुआती अग्रता लिए पनि खेलको अन्तिममा अग्रता गुमाएको थियो। नेपालका लागि कप्तान नीरु थापाले १७ औं मिनेटमा गोल गर्दै टोलीको उत्साह बढाएकी थिइन्। दोस्रो हाफको इन्जुरी समयमा नेपालले बराबरी गोल खाएको थियो। बंगलादेशका लागि अखी खातुनले बराबरी गोल फर्काएकी थिइन्। नेपालले अघिल्ला दुई खेलमा भारत र आयोजक म्यानमारलाई समान १–१ गोलको बराबरीमा रोकेको थियो। नेपालले समूहमा तीन अंक बनाएको छ।

यसअघि नै एक जित र एक बराबरी खेल्दै समान चार चार अंक बनाएका म्यानमार र भारत अन्तिम खेल अघिनै अघिल्लो चरणमा पुगेका छन्।  भारत र म्यानमारबीच मंगलबार नै समूह विजेताका लागि प्रतिस्पर्धा भएको छ।  बंगलादेश भने बाहिरिएको छ। यसैगरी चाइनिज ताइपेई, हङकङ, इन्डोनेसिया, इरान, जोर्डन, फिलिपिन्स, उज्वेकिस्तान र भियतनामले पनि दोस्रो चरणको छनोट यात्रा तय गरेका छन्। ओलम्पिक छनोटमा एसियाका १८ टोलीले प्रतिस्पर्धा गरेका थिए। सहभागी टोलीलाई चार समूहका विभाजन गरिएको थियो। दोस्रो चरणको छनोट खेल आगामी अप्रिल महिनामा हुनेछ।

post image

कार्तिक २८, काठमाडौं । केवल न्यूज नेटवर्क (सिएनएन) ले ह्वाइट हाउसको तर्फबाट आफ्नो वरिष्ठ पत्रकार जिम एकोस्टाको मान्यता रद्द गरेको विषयमा ट्रम्प प्रशासनविरुद्ध मुद्दा दर्ता गरेको छ ।

जिम एकोस्टा ह्वाइट हाउसमा सिएनएनका मुख्य संवाददाता थिए । गत हप्ता अमेरिकी राष्ट्रपति डोनल्ड ट्रम्पसँग बहस पछि उनको ‘प्रेस हार्ड पास’ फिर्ता लिइएको थियो ।

सिएनएनले भनेको छ, ‘उनीमाथि प्रतिबन्ध लगाउनु भनेको एकोस्टाको संवैधानिक अधिकारको उल्लंघन गर्नु हो ।’

उक्त मुद्दा मंगलबार वासिङ्टनमा दर्ता गरिएको हो र यसमा राष्ट्रपति ट्रम्प र उनका अन्य सहयोगीलाई प्रतिवादी बनाइएको छ ।

यी अधिकारीमा चीफ अफ स्टाफ जोन केली र ह्वाइट हाउसकी प्रेस सचिव सारा स्यान्डर्स समावेश छन् ।

सारा स्यान्डर्सले एकोस्टाको पास रद्द गर्नुको कारण अस्विकार्य आचरण बताएकी थिइन् । उनले मंगलबार जिम एकोस्टा सिएनएनका करिब ५० हार्ड पास धारकमध्ये एक भएको बताएकी छिन् ।

उनले भनिन्, ‘यदि कोही पत्रकारले यस्तो प्रकारको व्यवहार गर्छन् भने ह्वाइट हाउस व्यवस्थित र निष्पक्ष पत्रकार सम्मलेन गर्न असमर्थ हुनेछ । यो एक व्यवसायिक पत्रकारका लागि ठिक होइन ।’

उक्त घटनापछि सारा स्यान्डर्सले ट्वीट गरेर एकोस्टामाथि ‘आफ्नो काम गरिरहेकी एक महिलालाई जबर्जस्ती हातले रोक्न कोसिस गरेको’ भन्दै आरोप पनि लगाएकी थिइन् ।

साराले यो कुरा ती महिलाका लागि गरेकी हुन् जो ह्वाइट हाउसमा इन्टर्न हुन् र पत्रकार सम्मेलनको क्रममा जिम एकोस्टाको माइक खोस्ने कोसिस गरिरहेकी थिइन् ।

यद्यपी, एकोस्टाले ह्वाइट हाउसको आरोपलाई गलत बताउँदै आफूले कुनै गल्ती नगरेको बताएका छन् ।

Embedded video

Sarah Sanders

@PressSec

We stand by our decision to revoke this individual’s hard pass. We will not tolerate the inappropriate behavior clearly documented in this video.

120K people are talking about this

पछि सारा स्यान्डर्सले उक्त भिडियोको जूम गरिएको क्लिप पनि सेयर गरिन् । यो भिडियोलाई विशेषज्ञले स्पिडलाई एडिट गरेको बताए ।

त्यसपछि ह्वाइट हाउस करेसपोन्डेन्ट्स असोसिएशनले ट्रम्प प्रशासनसँग यो निर्णय फिर्ता लिन अपिल गरेको थियो ।

पत्रकार सम्मेलनमा के भएको थियो ?

यो घटनाक्रम नोभेम्बर सातको हो जब एक पत्रकार सम्मेलनको क्रममा डोनल्ड ट्रम्प र एकोस्टाबीच केही प्रश्नका लागि बहस भएको थियो । त्यसको एक दिन पछि उनको पास रद्द गरियो ।

संवाददाता जिम एकोस्टा अमेरिकी राष्ट्रपतिसँग मेक्सिकोका शरणार्थी र मेक्सिकोबाट अमेरिकातर्फ बढिरहेका प्रवासीको एक समूहबारे प्रश्न सोधिरहेका थिए ।

तर  प्रश्नको बीचमा नै ट्रम्पको अफिसमा तैनाथ एक महिलाले पत्रकारको हातबाट माइक खोस्ने कोसिस गरिन् ।

यतिबेला ट्रमपले पनि ‘धेरै भयो….धेरै भयो…. अब रोक्नुस्’ भन्न सुरु गरे । ट्रम्पले एकोस्टालाई माइक तल राख्न पनि भने ।

त्यसपछि ट्रम्पले भने, ‘तपाईं सिएनएनका लागि काम गर्नुहुन्छ, यो सिएनएनका लागि लज्जाको विषय हो । तपाईंले सारा स्यान्डर्सको टिमको सदस्यमाथि जस्तो व्यवहार गर्नुभयो त्यो निन्दनीय छ ।’

मुद्दा दर्तापछि सिएनएनले एक बयानमा भन्यो, ‘हामीले अदालतको आदेशमा तत्काल रोक लगाउने र जिम एकोस्टाको पास फिर्ता गर्न आग्रह गरेका छौं र हामी यो प्रक्रियाको माध्यमले स्थाई राहत माग्नेछौं ।’

post image

कार्तिक २७, काठमाडौं । ओलम्पिक खेलकुद अन्तर्गत महिला फुटबलको एसिया छनोटमा नेपालले आज अन्तिम खेलमा बंगलादेशसँग प्रतिस्पर्धा गर्दैछ । थुवुन्ना रंगशाला स्थानीय समयअनुसार दिउँसो ३ बजे बंगलादेशसँग प्रतिस्पर्धा गर्न लागेको हो । बंगलादेशलाई पराजित गर्न सके नेपाल ओलम्पिक खेलकुद अन्तर्गत महिला फुटबलमा दोस्रो चरणमा प्रवेश गर्ने प्रबल सम्भावना रहेको छ ।

आज हुने समूह सी कै अन्तिम खेल आयोजक म्यानमार र भारतमध्ये एक टिमले जित हात पारेमा नेपाल दोस्रो चरणमा प्रवेश गर्ने छ । तर दुबै टिमले बराबरी खेलेमा हेट टु हेडको आधारमा म्यानमार नेपाल र भारतमध्ये ३ टिम दोस्रो चरणमा प्रवेश गर्ने छ ।

आफ्नो पहिलो खेलमा भारतसँग १–१ गोलको बराबरी खेलेको नेपालले दोस्रो खेलमा बलियो प्रतिद्धन्दी म्यानमारसँग पनि १–१ गोलकै बराबरी खेल्दै नेपालले अंक बाँडेको थियो । दुई बलिया टिमलाई रोकेको नेपालले बंगलादेशविरुद्ध मैदानमा ओर्लिदा उच्च मनोबलको साथ खेल्नेछ ।

post image

कार्तिक २७, काठमाडौं । एम्नेष्टी ईन्टरनेशनलले म्यानमारकी नेतृ आङ साङ सुकीलाई दिएको प्रतिष्ठित पुरस्कार फिर्ता लिएको छ । रोहिंग्या अल्पसंख्यकको मामिलामा संवेदनहिनता देखाएको भन्दै सुकीलाई दिएको एम्बासडर अफ कनसाईन्स अवार्ड एम्नेष्टीले फिर्ता लिएको हो । म्यानमारमा सैन्य कारवाहीका कारण रोहिंग्या समुदायका ७ लाख बढी नागरिक बंगलादेशको शरणमा छन् ।

७३ वर्षिय सुकीलाई यसअघि क्यानडाले दिएको मानार्थ नागरिकको सम्मान समेत खोसेको थियो । एम्नेष्टीका महासचिव कुमी नाईडोले सुची हौसला, आशा र मानवअधिकारको संरक्षकको छविमा कायम नरहेको उल्लेख गर्नुभएको छ । सैन्य कारबाही भएको सत्यलाई नकार्नु सुचीका लागि हानिकारण भएको बीबीसीले उदृत गरेको छ ।

म्यानमारमा प्रजातन्त्रका लागि लामो समय संघर्ष गरेकी नेतृ सुकी सन् २००९ मा नजरबन्दकै अवस्थामा नोबेल शान्ती पुरस्कारबाट सम्मानित हुनु भएको थियो । सुकीलाई म्यानमार सरकारले १५ वर्षसम्म उनकै घरमा नजरबन्द गरेर राखेको थियो । उनलाई एमनेष्टीले १९८९ मा ‘राजनैतिक बन्दी’ घोषणा गरेको थियो । राजनैतिक बन्दी घोषणा गरेको ठीक २० वर्षपछि एमनेस्टीले सुकीलाई सर्वोच्च सम्मान दिएको थियो ।यसअघि एमनेस्टीको उक्त सर्वोच्च सम्मान नेल्सन मन्डेलाले पाएका थिए । बीबीसी

post image

कात्तिक २६ , मुम्बई । भारतमा बढिरहेको राष्ट्रवादको लहरले सर्वसाधरण नागरिकहरुलाई ‘फेक न्यूज’ शेयर गर्न प्रोत्साहित गरिरहेको बीबीसीको एक अनुसन्धानले देखाएको छ ।

अनुसन्धानले राष्ट्रिय पहिचान बलियो बनाउनु पर्छ भन्ने मानिसहरुको चाहना अघि तथ्यहरु कम महत्वपूर्ण भएको पाएको थियो ।

समाजिक सञ्जालका पोष्टहरुको विश्लेषणले दक्षिणपन्थी सम्पर्क सञ्जाल वामपन्थीहरुको भन्दा बलियो रहेको देखिएको थियो । यो राजनीतिक झुकाव भएकाहरुले मुख्य रुपमा ‘फेक न्यूज’हरु फैलाइएको पाइएको छ ।

रमाइलो कुरा भारतीय ट्वीटरमा ‘फेक न्यूज’का स्रोत र प्रधानमन्त्री नरेन्द्र मोदीको समर्थन गर्नेहरु धेरै अवस्थामा एउटै भएको पाइएको छ ।

अनुसन्धानमा भारतको अतिरिक्त केन्या र नाइजेयिाका आम सर्वसाधरणलाई पनि समावेश गरिएको थियो । अनुसन्धान त्यी देशका आम नागरिकहरु कसरी एक अर्कासँग संवादमा रहन्छन् र फेक न्यूज फैलाउँछन् भन्नेमा केन्द्रित थियो ।

सहभागीहरुले बीबीसीलाई आफूले प्रयोग गर्ने फोनमा गर्ने सम्पूर्ण कृयाहरु सात दिनसम्मको लागि हेर्न दिए । फोनमाथिको पहुँचले अनुसन्धानदातालाई प्रयोगकर्ताहरुले शेयर गरेको सामाग्री, कसलाई शेयर गरेको र कति छिट्टो शेयर गरिएको मूल्यांकन गर्न सघायो ।

यो अनुसन्धान बीबीसी विश्व सेवाको नेतृत्वमा भएको हो । यसबाट प्राप्त निष्कर्षहरु ‘वियोण्ड फेक न्यूज’ कार्यक्रमको हिस्सा हुनेछ जुन बीबीसीका टीभी, रेडियो र डिजिटल सेवाहरुमा प्रसारण हुनेछ । यसले कसरी गलत सूचना र फेक न्यूजले विश्वभरीका मानिसहरुलाई प्रभाव पारिरहेको छ भनेर विश्लेषण गर्नेछ ।

अनुसन्धान गरिएका तीनै देशमा मुलधारका मिडियाप्रतिको अविश्वासले गर्दा आममानिसहरु वैकल्पिक स्रोतको समाचारहरु फैलाइरहेको देखियो । अधिकांशले शेयर गर्नु अघि समाचारको विश्वसनीयतता ख्याल नगर्दा यथार्थपरक समाचारनै शेयर गरेको सोचेर ‘फेक न्यूज’ प्रचार गरिरहेका हुन्थे ।

मानिसहरुमा ‘फेक न्यूज’ पहिचान गर्न सक्ने कुरालाई लिएर बढी नै विश्वस्त रहेको पनि अनुसन्धानमा भेटियो ।

सन् २०१८ मा ‘फेक न्यूज’को बाढी नै आयो । बीबीसी अनुसन्धानले आफूले शेयर गरेको ‘फेक न्यूज’को वास्तविक स्रोत खोज्न प्रयोगकर्ताहरु गर्ने वेवास्ता यसको मुख्य कारण रहेको पहिचान गर्यो । बरु उनीहरुले सूचनाको विश्वसनीयतताको लाग वैकल्पिक संकेतहरुतर्फ हेरेको देखियो ।

यीनमा फेसबुक पोस्टमा रहेको कमेन्टको संख्या, पोस्टमा रहेको तस्वीरलाई मुख्य ख्याल गरिएको थियो । त्यस अतिरिक्त मानिसहरुले आफ्ना परिवार सदस्य र साथीहरुबाट आएको ह्वाटस एप म्यासेजलाई आँखा चिम्लेर विश्वास गरेको देखियो ।

भारतमा ह्वाटस एपमा व्यापक रुपमा शेयर गरिने झुटो हल्लाले हिंसाको लहर निम्त्याएको छ । मानिसहरु बच्चा अपहरण भएको झुटो खबर शेयर गरिरहेका हुन्छन् । उनीहरुले उक्त सन्देशहरुमा पूर्ण विश्वास गरेर समुदायको सुरक्षाको दायित्व सम्झेर परिवारजन र साथीहरुलाई व्यापक शेयर गरेको पाइयो ।

बीबीसीको एक अलग्गै विश्लेषणले अघिल्लो वर्ष समाजिक संजाल र म्यासेजिङ एपमा पठाइएको हल्लाले कम्तिमा ३२ जनाको हत्या भएको देखाएको छ ।

बीबीसीले आसाममा निलोटपाल र अभिशेकको हत्यालाई एक केसको रुपमा विस्तारमा जाँच गर्यो । त्यस्तै अर्का बीबीसी रिपोर्टर ह्वाटस एपमा फैलिएको अर्को हल्लाले कसरी उस्तै खालको प्राणघातक हिंसा शुरु गरायो भन्ने बुझ्नको लागि मेक्सिको गए ।

अफ्रिकी देशहरुमा अलग कारणले फैलिन्छन् ‘फेक न्यूज’

अफ्रिकामा गरिएको अनुसन्धानले फेक न्यूज फैलिन राष्ट्रिय पहिचान त्यति प्रभावकारी नरहेको देखियो ।

केन्यामा पैसा र प्रविधिसँग जोडिएको घोटाला काण्डहरु ‘फेक न्यूज’ फैलाउन सबैभन्दा बलियो प्रेरक शक्ति थियो । यी घटनासँग जोडिएका सामाग्रीहरु कुल ‘फेक न्यूज’को एक तिहाई हुन आए ।

उता नाइजेरियामा भने आतंकवाद र सेनासँग जोडिएका ‘फेक न्यूज’ सबैभन्दा धेरै शेयर गरिएका थिए ।

यी दुवै राष्ट्रमा स्वास्थसँग जोडिएका अनर्गल हल्लाहरु धेरै शेयर गरिएका ‘फेक न्यूज’ समाचारहरुमध्य थिए । धेरै समाचार उपभोक्ताले यी समाचारको लागि भरपर्दो र ‘फेक न्यूज’ स्रोतहरुबीचमा भिन्नता नछुट्टाई दुवै स्रोतहरु मिसमास गरेर हेरेको पाइयो ।

अध्ययनको लागि अनुसन्धानदाताहरुले यी तीन देशका ८० सहभागीहरुसँग सयौं घण्टा समय विताएका थिए । यसको लागि सात दिनको अवधिमा उनीहरुको मेडिया उपभोगका साथ साथै उनीहरुले ह्वाटस एप र फेसबुकमार्फत कसरी सूचना शेयर गर्छन् भनेर मूल्यांकन नभएको थियो ।

अनुसन्धानकर्ताहरुले भारतमा ट्वीटर र फेसबुकमा कसरी फेक न्यूज फेलियो भन्ने बृहद विश्लेषण पनि सञ्चालन गरे । यसको उद्देश्य फेक न्यूज फैलाउन राजनीतिक ध्रुविकरणको भूमिका बुझ्नु थियो । यसका लागि १६ हजार ट्वीटर एकाउट र ३ हजार पेजहरु विश्लेषण गरिएको थियो । निष्कर्षले दक्षिणपन्थी झुकावका सन्देशहरु सबै मुद्दामा समान र उग्र रुपमा प्रचार भएको देखाएको थियो । बिबिसी

post image

कार्तिक २५, काठमाडौं । ओलम्पिक खेलकुदअन्तर्गत महिला फुटबलको एसिया छनोटमा नेपालले आज बलियो प्रतिद्धन्दी आयोजक म्यानमारसँग प्रतिस्पर्धा गर्दैछ । थुवुन्ना रंगशाला स्थानीय समयअनुसार बेलुकी ६ बजे म्यानमारसँग नेपालले प्रतिस्पर्धा गर्न लागेको हो । नेपालभन्दा म्यानमार निकै बलियो टिम हो । तर नेपालले पहिलो खेलमा नै भारतलाई बराबरीमा रोक्दै अंक बाढेको थियो । त्यसकारण पनि नेपाली खेलाडीमा उच्च मनोबल रहेको छ ।

नेपालले पहिलो खेलमा बलियो प्रतिद्धन्दी भारतसँग १–१ गोलको बराबरी खेल्दै अंक बाढेको थियो । खेलको ११औं मिनेटमा नै निरु थापाले गोल गर्दै नेपाललाई अग्रता दिलाएकी थिइन् । तर नेपालले आफ्नो अग्रता धेरै बेरसम्म टिकाइ राख्न सकेन । खेलको ३७ औं मिनेटमा भारतले गोल गरेपछि नेपालले बराबरीमा चित्त बुझाएको थियो ।

यता, म्यानमारले भने आफ्नो पहिलो खेलमा नै बंगलादेशलाई ५–० गोलको भारी अन्तरले पराजित गर्दै शानदार जित निकालेको थियो । त्यसकारण पनि नेपालविरुद्ध खेल्दा स्पष्ट ३ अंक ल्याउने हिसाबले म्यानमार खेल्ने छ । नेपाल भने म्यानमारलाई रोक्दै अंक बाड्ने लक्ष्यमा छ । समूह सी मा रहेको नेपालले आफ्नो अन्तिम खेलमा १३ तारिखमा बंगलादेशसँग प्रतिस्पर्धा गर्नेछ ।

post image

कार्तिक २४,श्रीलंका । श्रीलंकाका राष्ट्रपति मैत्रिपाला सिरिसेनाले संसद भंग गर्नुभएको छ । पछिल्लो राजनीतिक संकटसंगै राष्ट्रपतिले संसद समेत भंग गरेपछि श्रीलंकाको राजनीतिक वृत्तमा थप हलचल मच्चिएको छ । शुक्रबार मध्य रातीबाटै लागू हुने गरी राष्ट्रपति सिरिसेनाले संसद भंग गर्नुभएको हो । यद्यपी राष्ट्रपतिको यो कदमलाई सर्वोच्च अदालतले हस्तक्षेप गर्नसक्ने आंकलन गरिएको छ ।

श्रीलङकामा संसद भंग भए सन् २०१९ को सुरुवातमा संसदीय निर्वाचन हुनसक्ने स्थानीय सञ्चारमाध्यमलाई उद्धृत गर्दै बीबीसीले उल्लेख गरेको छ । प्रधानमन्त्री पदबाट बर्खास्त गरिएका रानिल बिक्रमासिंघेको  यूनाइटेड नेशनल पार्टीले भने राष्ट्रपतिको कदम गैरकानूनी भएको दाबी गरेको छ ।

राष्ट्रपति सिरिसेनाले विक्रमासिंघेलाई गतसाता पदबाट बर्खास्त गरी पूर्व राष्ट्रपति एवं आफ्नै विपक्षी पार्टीका महिंद्रा राजपाक्षेलाई प्रधानमन्त्री पदमा नियुक्त गर्नुभएको थियो । आफुले हटाएपनि विक्रमासिंघेले पदबाट  हट्न अटेर गरेपछि राष्ट्रपति सिरिसेनाले संसद नै भंग गर्ने घोषणा र्नुभएको हो । विक्रमासिंघेले पटक पटक आफू संसदको बहुमत प्राप्त प्रधानमन्त्री भएको  दाबी गर्दै पदबाट हट्न अस्वीकार गर्दै आउनुभएको थियो ।

post image

कार्तिक २१, काठमाडौं ।  अमेरिकी मध्यावधि निर्वाचनमा नेपाली मूलका ह्यारी भण्डारी निर्वाचित भएका छन्। भण्डारी मेरिल्याण्डको हाउस अफ डेलीगेट डीष्ट्रीक–८ बाट निर्वार्चित भएका हुन्। मंगलबार भएको निर्वाचनमा भण्डारी २० हजार, ९ सय, ७७ मत प्राप्त गर्दै विजयी भए। उनी अमेरिकी राजनीतिमा उपल्लो तहमा निर्वाचित हुने पहलो नेपाली मूलका अमेरिकी राजनीतिज्ञ हुन्।

 तीन जना निर्वाचित भएकोमा उनी दोश्रो धेरै मत ल्याएर विजयी हुन सफल भए। यो जितसँगै भण्डारी अमेरिकी राज्य संसद् भवन छिर्न सफल भएका छन्। निर्वाचन क्षेत्र संख्या ८ मा भण्डारीसँगै एरिक ब्रोमवेल र कार्ल ज्याक्शन पनि डेमोक्रेटीक पार्टीका तर्फबाट प्रतिस्पर्धामा थिए। ह्यारीले रिपब्लिकन दलका ३ जना उम्मेदवारहरु जो क्लस्टर, जोसेफ बोट्लर र कार्ल ज्याक्सनसँग निर्वाचनमा प्रतिस्पर्धा गरेका थिए।

भण्डारी डेमोक्रेटिक पार्टीको उम्मेदवारको रूपमा मेरिल्याण्ड राज्यको विधायीकाको तल्लो सदनको लागि उम्मेदवार बनेका थिए। भण्डारीले डेमोक्रेटीक पार्टीको प्रारम्भिक निर्वाचनमा विजयी भई मंगलबार भएको निर्वाचनमा उम्मेदवारी दिन पाएका थिए। नेपालको गुल्मी जिल्लाबाट ८ वर्ष अघि डिभी परेर अमेरिका पुगेका भण्डारी पेशाले शिक्षक हुन्। उनी डेमोक्रयाटीक पार्टीको केन्द्रीय सदस्य समेत हुन्।

post image

कात्तिक २०, काठमाडौँ । साउदी अरबका युवराज मोहम्मद–बिन सलमानले देशको पहिलो परमाणु रियाक्टर बनाउने योजनाबारे घोषणा गरेका छन् । साउदी अरबको सरकारी समाचार एजेन्सीले यसबारे जानकारी दिएको हो ।

समाचार एजेन्सी एफपीका अनुसार युवराज सलमानले सोमबार यो योजनाको आधारशीला पनि राखेका छन् । यद्यपी, यो रियाक्टर कस्तो हुनेछ यसबारे साउदी प्रेस एजेन्सीले कुनै जानकारी दिएको छैन ।

उदाहरणका लागि यसको प्रयोग अनुसन्धान, विकास र शैक्षिक क्षेत्रमा गरिने भन्ने बारे कुनै जानकारी उपलब्ध छैन । कच्चा तेलको सबैभन्दा ठूलो निर्यातकर्ता साउदी अरब तीब्र रुपमा बढिरहेको आफ्नो ऊर्जा आवश्यकतालाई अहिले तेल र प्राकृतिक ग्यासले पूरा गर्छ ।

साउदी अरबको अबको दुई दशकमा १६ परमाणु रियाक्टर बनाउने योजना छ जसमा लगभग ८० अर्ब डलर खर्च हुने अनुमान छ ।बिबिसी

post image

कार्तिक१७,काठमाडौं । अमेरिकाले  इरानमाथि यसअघि हटाइएको प्रतिबन्धलाई पुन: ब्यूताउँने भएको छ । सन् २०१५ मा भएको परमाणु सम्झौतापछि हटाइएका इरानविरुद्धका सबै अमेरिकी प्रतिबन्धहरू पुन: लागु गरिने ट्रम्प प्रशासनलाई उद्धृत गर्दै बीबीसीले उल्लेख गरेको छ । सो सम्झौता अन्तर्गत अमेरिकाले प्रतिबन्ध हटाउने र इरानले आफ्ना विवादास्पद परमाणु गतिविधिलाई बन्द गर्ने उल्लेख थियो ।

तर राष्ट्रपति डोनाल्ड ट्रम्पले गत मे देखि नै इरानसँगको सम्झौताविरुद्ध टिप्पणी गर्दै  सम्झौता सुरुदेखि नै खराब भएको बताउँदै आउनुभएको थियो । ट्रम्पले /इरानले सम्झौता विपरित आफ्ना परमाणु कार्यक्रमलाई जारी राखेको आरोप लगाउनुभएको छ ।

यद्यपी सम्झौताका पक्ष राष्ट्रहरू बेलायत फ्रान्स, जर्मनी, रुस र चीनले भने आफूहरु सम्झौताप्रति प्रतिबद्ध रहेको बताएका छन् । ती राष्ट्रहरुले इरानसँग व्यापारिक सम्बन्ध कायम राख्न नयाँ भुक्तानी प्रणाली स्थापना गर्ने बताएका छन् । इरानले भने ट्रम्पले मनोवैज्ञानिक युद्ध गरेको आरोप लगाएको छ । बीबीसी

post image

कात्तिक १६, काठमाडौँ । विदेशी कामदारलाई जापानमा आकर्षित गर्ने उद्देश्यले जापानको मन्त्रिपरिषदले शुक्रबार नयाँ मस्यौदा विधेयक स्वीकृत गरेको छ। श्रमिक कामदारको अभाव झेलिरहेको जापानले यो विवादास्पद विधेयक स्वीकृत गरेको बताइएको छ।

उक्त मस्यौदा विधेयक छलफलका लागि संसदमा प्रस्तुत गरिने जापानको मन्त्रिपरिषद सचिवालयले जनाएको छ। विधेयकमाथि विपक्षी दल सहित प्रधानमन्त्री शिन्जो आबेको दलका सांसदले समेत विरोध गरेका छन्। जापानी उद्योगी एवं व्यवसायीहरुले यो अत्यावश्यक रहेको भन्दै प्रधानमन्त्रीको कदमको स्वागत गरेका छन्।

श्रमिक कामदारको अत्यन्त कमी रहेका क्षेत्रका लागि सीपयुक्त कामदार झिकाउन यो विधेयकले सहयोग गर्नेछ। विधेयकमा विदेशी कामदारलाई पाँच वर्षको भिसा दिइनेछ, तर उनीहरुका परिवारलाई सँगै ल्याउन दिइने छैन।

राम्रो शैक्षिक योग्यता भएका र जापानी भाषा परीक्षामा राम्रो अङ्क ल्याउने विदेशी कामदारले यस्तो भिसा प्राप्त गर्ने व्यवस्था विधेयकमा गरिएको छ। यो भिसालाई अनिश्चितकालसम्म थप गर्न पाइने, र केही वर्षपछि परिवारलाई समेत जापानमा ल्याउन पाइने छ।

प्रधानमन्त्री आबेले जापानको कठोर आप्रवासी नीतिमा आमूल परिवर्तन नगरेको स्पष्ट पारे। प्रधानमन्त्री आबेले सांसदहरुसँग छलफल गर्दै जापानले श्रमिकको कमी रहेका क्षेत्रमा मात्र यो पछिल्लो व्यवस्था लागू हुने बताए।

तर विधेयकका सम्बन्धमा व्यापक आलोचना हुन थालेको छ। वर्षको अन्त्य हुनुअघि नै यो विधेयक स्वीकृत हुने र आगामी वर्षको अप्रिलदेखि भिसा खुला हुने अपेक्षा गरिएको छ। विदेशी कामदारको आगमन बढेसँगै ज्यालामा कमी आउने खतरा बढेको छ। साथै, कामदारलाई जापानको सामाजिक सुरक्षा प्रणालीमा कसरी आबद्ध गर्ने र आप्रवासी कामदारमाथि हुनसक्ने शोषणलाई कसरी रोक्ने भन्ने प्रश्न उठेको छ।

जापानमा मजदूरको माग सबैभन्दा बढी कृषि, निर्माण, आतिथ्य–पर्यटन र नर्सिङ क्षेत्रमा रहेको छ। जापानमा कार्यरत धेरै न्यून सीपयुक्त कामदारहरु प्राविधिक तालिम कार्यक्रमको नाममा छन् । यो कार्यक्रममा जापान आएका धेरै कामदारले उपयुक्त सुविधा नपाएको बताइन्छ।

संसदमा बोल्दै प्रधानमन्त्री आबेले भने, “कृपया यसलाई गलत नसम्झनुस्। हामीले आप्रवासी नीतिका बारेमा कुरा गरिरहेका छैनौं। जापानको मौलिक मूल्यमान्यतामा कुनै किसिमले खलल पुग्ने गरी यो नीति आउने छैन। हामीले आपसी सम्मानका साथ सहअस्तित्वको वातावरण पनि निर्माण गर्दै जानु पर्दछ।”

उनले जापान आउने विदेशी कामदारहरु सीमित अवधिका लागि आउने र फर्कने जानकारी दिए।सांसदहरुले विधेयक पूर्ण विवरण नआएको बताएका छन्। विधेयकमा मुलुकलाई कति कामदार आवश्यक पर्ने हो भन्ने स्पष्ट नभएको सांसदहरुले गुनासो गरेका छन्।

जापानमा उच्च सीप भएका कामदारलाई मात्र भिसा दिने गरिएको छ। व्यवसायीहरुले केही खुकुलो आप्रवासी नियमका लागि लामो समयदेखि निरन्तर पहल गरिआएका थिए। जापानमा हाल २.५ प्रतिशत मात्र बेरोजगारी दर रहेकाले कामदार फेला पार्न उद्योगी व्यवसायीलाई कठिन भएको छ। रासस/एएफपी

post image

कात्तिक १६, काठमाडौँ । भारतको जम्मू कश्मिरमा बिहिबार राती बिजेपीका प्रदेश सचिव अनिल परिहार र उनका भाइ अजित परिहारको अज्ञात बन्दुकधारीले गाली हानी हत्या गरेका छन् ।

अनिल र उनका भाइ घर फर्किरहेका बेला उनीमाथि गोली हानिएको थियो । यी दुईमाथि निकै नजिकबाट गोली चलाइएको बताइएको छ । जम्मू कश्मिरका जनरल सेक्रेटरी अशोक कौलले घटनाको पुष्टि गरेका छन् । उनका अनुसार अनिल बिजेपीका ठूला नेतामा गनिन्थे ।

कौलले भने, ‘अनिल बिजेपीका ठूला नेता थिए । बाल्यकालदेखि नै बिजेपीसँग जोडिएका थिए । उनी जम्मू–बिजेपीका सात ठूला नेतामा गनिन्थे ।’ घटना भएको किश्तवाड इलाकामा शान्ति स्थापित गर्नका लागि कर्फ्यू लगाइएको छ । पूरा किश्तवाड इलाकामा स्थिती तनावपूर्ण बताइएको छ ।बिबिसी

post image

कात्तिक १५, काठमाडौँ   कतारको चार दिने भ्रमण पूरा गरी राष्ट्रपति विद्यादेवी भण्डारी आज साँझ स्वदेश फर्कदै हुनुहुन्छ कतारी राजा शेख तमिम विन हमाद अलथानीको निम्तोमा राष्ट्रपति भण्डारी गत सोमवार दोहा जानु भएको थियो  दोहास्थित अमिरि भवनमा दुई राष्ट्र प्रमुखबीच भएको भेटवार्तामा नेपाली कामदार, लगानी, कृषि, पर्यटन लगायतका क्षेत्रमा भैरहेको साझेदारीका विषयमा कुराकानी भएको थियो

राष्ट्रपति भण्डारी कतारी अमिर अल थानीको रोहबरमा दुई मुलुकका कुटनितिक राहदानी बाहकका  लागि प्रवेशाज्ञा आवश्यक नपर्ने सहमती पत्रमा हस्ताक्षर भएको नेपालका तर्फबाट परराष्ट्रमन्त्री प्रदिप ज्ञवाली कतारका उपप्रधान तथा विदेशमन्त्री शेख मोहम्मद विन अब्दुल रहमान अल थानीले हस्ताक्षर गर्नुभएको । दुई मुलुकबीच कृषि तथा खाद्य सुरक्षा सम्बन्धी सम्झौतापत्रमा हस्ताक्षर भएको

राष्ट्रपति भण्डारीले कतार च्याम्बरले आयोजना गरेको नेपाल कतार ब्यापार फोरममा सम्बोधन गर्नुभएको दोहामा आयोजित कार्यक्रमलाई सम्बोधन गर्दै राष्ट्रपति भण्डारीले नेपालमा लगानी गर्न स्थानीय व्यवसायीलाई आग्रह गर्नुभएको थियो उहाँ नेपाली दूतावासले आयोजना गरेको कार्यक्रममा समेत सहभागी हुनु भएको थियो

post image

कात्तिक १५,  नयाँ दिल्ली। भारतको एउटा अदालतले १६ जना प्रहरी अधिकारीलाई आजीवन जेल सजायको फैसला सुनाएको छ।

देशको उत्तरी क्षेत्रमा दशकौँ अघिको घटनामा दोषी ठहर गर्दै उनीहरूलाई बुधबार आजीवन जेल सजायको फैसला सुनाइएको अदालतका अधिकारीहरूले बताएका छन्। सन् १९८७ मा भएको सो घटनामा ४२ जना निर्दोष मुस्लिम धर्मावलम्बी मारिएको अदालतको भनाई छ। हिन्दु र मुस्लिम समुदायबीच भएको झडपमा परी उनीहरू मारिएका थिए।

पर्याप्त प्रमाणहरूको अभावमा उत्तर प्रदेशको एउटा स्थानीय अदालतले सन् २०१५ मा प्रहरीहरूलाई दोषी देखाउन सकेको थिएन। तर दिल्ली उच्च अदालतका दुई जना न्यायाधीशको इजलासले भने ती प्रहरीहरूलाई दोषी ठहर गर्दै यसअघिको फैसलालाई उल्ट्याएका हुन्।

निःशस्त्र र निराश्रयसहितका निर्दोष नागरिकहरूलाई अनाहकमा हत्या गरेको अदालतको ठम्याई छ। घटनामा ती प्रहरीले विभिन्न कानुनको उलङ्घन गर्दै अपहरण, हत्या जस्ता आपराधिक क्रियाकलाप गरेको प्रमाणहरू भेटिएको अदालतले जनाएको छ।

अदालतद्वारा दोषी ठहर गरिएका सबै प्रहरीलाई यही नोभेम्बर २२ भन्दा अगाडि आत्मसमर्पण गर्न पनि आदेश दिइएको छ। उत्तर प्रदेशमा ठूलो सङ्ख्यामा रहेका हिन्दु धर्मावलम्बी र अल्पमतमा रहेका मुस्लिम धर्मावलम्बीबीच विगतमा ठूला हिंसात्मक घटनाहरू हुने गरेका थिए। त्यस्ता घटनामध्ये हसिमपुरा नरसंहार पनि एक थियो।

पटकपटक भएको सो घटनामा परी सयौँको मृत्यु भएको छ भने त्यही घटनामा यी प्रहरीहरूलाई दोषी ठहर गरिएको हो। रासस/एएफपी

post image

कात्तिक १४, काठमाडौँ   कतारको औपचारिक भ्रमणमा रहनुभएकी राष्ट्रपति विद्या भण्डारीले कतारी राजा शेख तमिम विन हमाद अल थानीसँग भेटवार्ता गर्नुभएको दोहास्थित अमिरी भवनमा दुई राष्ट्र प्रमुखबीच भेटवार्ता भएको कतारका लागि नेपाली दुतावासले जनाएको राष्ट्रपति भण्डारी कतारी अमिरबीच नेपाली कामदार, लगानी, कृषि, पर्यटन लगायतका क्षेत्रमा भैरहेको साझेदारीका विषयमा कुराकानी भएको थियो

राष्ट्रपति भण्डारी कतारी अमिर अल थानीको रोहबरमा दुई मुलुकका कुटनीतिक राहदानी बाहकका लागि प्रवेशाज्ञा आवश्यक नपर्ने सहमती पत्रमा हस्ताक्षर भएको नेपालका तर्फबाट परराष्ट्रमन्त्री प्रदिप ज्ञवाली कतारका उप प्रधान तथा विदेशमन्त्री शेख मोहम्मद विन अब्दुल रहमान अल थानीले हस्ताक्षर गर्नुभएको दुई मुलुकबीच कृषि तथा खाद्य सुरक्षा सम्बन्धी सम्झौतापत्रमा हस्ताक्षर भएको

राष्ट्रपति भण्डारीले कतार च्याम्बरले आयोजना गरेको नेपाल कतार ब्यापार फोरममा सम्बोधन गर्नुभएको राष्ट्रपतिले नेपालमा लगानी ब्यापारको वातावरण बारे कतारी व्यवसायीलाई जानकारी दिनुभएको थियो परराष्ट्रमन्त्री प्रदीप ज्ञवालीले नेपालमा लगानीको नीति ढाँचाबारे प्रकाश पार्नुभएको थियो

post image

कात्तिक १४,काठमाडौँ । जापानी राजकुमारी २८ वर्षीया आयाकोले आफ्ना प्रेमीसँग विवाह गर्न राजकुमारी पद त्याग गरिदिएकी छन्। आयाकोले  सोमबार  ३२ वर्षीय केई मोरियासँग लगन गाँठो कसिन्।  मोरिया राज खानदानका होइनन् उनी जहाज कम्पनीमा काम गर्छन्।

सोमबार एक मन्दिरमा परम्परागत  चलनअनुसार उनीहरूको विवाह भएको छ। राजकुमारीका आयाकोको जिजुबुवा सम्राट मेइजीको नाममा बनाइएको मन्दिरमा भएको विवाह समारोहमा राजकुमारी परम्परागत पोशाक किमोनो लगाएर आएकी थिइन् दुलाहा मोरियाले कालो कोट र खैरो पाइन्ट लगाएका थिए।

तीन पुस्तादेखि जापानी राजपरिवारले आफूले चाहेकासँग विवाह गर्न स्वतन्त्रता दिँदै आएको छ। सम्राट अकिहितोले पहिलो पटक आमकेटीसँग विवाह गरेका थिए। पछि उनी साम्राज्ञी मिचिको बनिन्। अकिहितो र मिचिकोको भेट अदालतमा भएको थियो।आमकेटासँग विवाह गरेकी आयाकोले राजपरिवारबाट खर्चबापत् ९ लाख ५० हजार अमेरिकी डलर पाउने छिन्।

यसअघि गत वर्ष पनि राजकुमारी माकोले पनि प्रेमीसँग विवाह गर्ने भन्दै पदवी त्याग गरेकी थिइन्।

जापानी राजपरिवारकी छोरी मान्छेले आममान्छेसँग विवाह गर्दा राजपरिवारको पद त्याग्नुपर्छ। जापानको उत्तराधिकार कानुनअनुसार आयाकोले राजकुमारी पद त्यागेकी हुन्। विवाहसम्बन्धी कागजातमा हस्ताक्षर गरेपछि उनले श्रीमानको थर पाउनेछन्।

जापानको राजपरिवारमा पुरूषको कमी छ। युवराज नारूहितो, जो अर्को वर्ष अकिहितोले सिंहासन छोडेपछि सम्राट बन्दैछन्, उनका भाइ फुमिहितो, उनका भतिजाहरू हिसाहितो र मासाहितो र सम्राटका ८० वर्षीय भाइमात्र सिंहासनका उत्तराधिकारी छन्।

post image

कार्तिक १३, जर्काता । एक सय ९० यात्रु सवार लायन एयर फ्लाइट जेटी ६१० विमान इन्डोनेशियाको जकार्ताबाट सोमबार उडेको केही क्षणमै समुन्द्रमा दुर्घटनाग्रस्त भयो । बोइङ ७३७ म्याक्स एट बिल्कुलै नयाँ हुँदा हुँदै पनि कसरी दुर्घटनाग्रस्त भयो भन्ने कुरामा अहिले थुप्रैको ध्यान केन्द्रीत छ ।

विमान दुर्घटनाको पूर्ण अनुसन्धान नहुञ्जेल यसबारे ठोस् कारण पत्ता लाग्न नसक्ने धेरैको विश्वास छ । विमान दुर्घटना विशेषतः दुई कारणले हुन्छ । पहिलो विमानमा प्राविधिक गडबडीका कारण र दोस्रो मानवीय गल्तीका कारण । तर के विमान नयाँ हुँदा दुर्घटना नै हुँदैन र ?

बोइङ ७३७ म्याक्स एट सन् २०१७ पश्चात् मात्र व्यापारिक प्रयोजनमा आएको थियो । लाइन एयरले इन्डोनेशियामा पहिलो विमान उतार्न सकेकोमा आफू अत्यधिक गौरवान्वित भएको बताउँदै आफूले यस्ता दुई सय १८ वटा विमान अर्डर गरेको जानकारी दिएको थियो ।

सोमबार दुर्घटना भएको विमान अगस्ट १५ बाट संचालनमा आएको थियो । ‘विमान आठ सय घण्टामात्र उडेको थियो’, नेशनल ट्रान्सपोर्टेशन सेफ्टी कमिशन, सोइर्जान्तो तिजाहजानोले बताए ।

विमान उडेको केही समयमै पाइलटले जकार्ताको एयर ट्राफिक कन्ट्रोलसँग फर्कन अनुमती मागेका थिए ।एक दिनअघि अर्थात् आइतबार नै विमानमा खराबी देखिएको खबर पनि आइरहेका छन् । यद्यपी, लाइन एयरले यसबारे पुष्टि गरेको छैन । तर डेनपासरबाट जकार्ताको लागि उडान भरेको विमानमा अज्ञात प्राविधिक समस्या निम्तिएको हुनसक्ने कम्पनीका मुख्य कार्यकारी अधिकारीले बताए ।

एडवार्ड सिरेइतले उक्त समस्या ‘प्रक्रिया अनुसार समाधान गरिएको’ बताएका छन् । उनले थपे, ‘लाइन एयरले उस्तै मोडलका ११ विमान सञ्चालनमा ल्याइरहेको छ तर त्यसमा अहिलेसम्म केही समस्या देखिएका छैनन् ।’

गडबडी तत्काल समाधान गरिन्छः

उड्डयन विश्लेषक गेरी सोइजात्मानले बीबीसीलाई दिएको जानकारी अनुसार साधारणतया पुराना विमान दुर्घटना हुने सम्भावना उच्च हुन्छ तर बिल्कुलै नयाँ विमानमा पनि समस्या देखिन सक्छ ।

‘यदि यो नयाँ हो भने कहिलेकाँही गडबडी हुनसक्छन् जुन प्रयोगपश्चात् मात्र पत्ता लाग्छ । यस्ता गडबडी पहिलो तीन महिनाभित्रै समाधान गरिन्छ,’ उनले भने ।

उक्त विमानले केही हप्ताभित्रै तीन महिना पूरा गर्दै थियो । उड्यन प्रकाशन द एयर करेन्टका विश्लेषक जोन ओस्ट्रोवरले भने, ‘नयाँमा समस्या देखिनु सामान्य कुरा हो तर विमानको सुरक्षालाई नै चेतावनी दिनु त्यो कुनै पनि स्थितीमा साधारण हुनसक्दैन ।’

उनले थपे, ‘साधारणतया, नयाँ विमानलाई मर्मतका लागि अत्यधिक बिदा दिइएको हुन्छ किनभने सबैकुरा निकै नौला हुन्छन् तर विपरित होइन ।’ दुबै विश्लेषकले फ्लाइट जेटी ६१० मा के समस्या भएको थियो भनेर अहिले नै निष्कर्ष निकाल्न नसकिने बताए ।

‘यो विमान दुर्घटना हुनुको कारण के हो, त्यसबारे मलाई थाहा छैन,’ ओस्ट्रोवले बीबीसीलाई बताए । ‘यस्तो दुर्घटनाका लागि विभिन्न कारण हुनसक्छन् ।’ यता सोइजात्मानले ‘यसका लागि प्राविधिक गडबडी हुनसक्छन् तर अहिले नै यकिनका साथ भन्न सकिँदैन ।’

‘यसबारे थप जानकारी आएपछि मात्र वास्तविक कारण के थियो भन्ने निष्कर्ष निकाल्न सकिन्छ,’ उनले भने । बोइङले आफ्नो विमान दुर्घटना भएकोमा गहिरो दुःख व्यक्त गर्दै पीडित परिवारमा समवेदना दर्साएको छ । आफूले दुर्घटनाको अनुसन्धानमा सहयोग गर्ने पनि जानकारी दिएको छ ।बिबिसी

post image

कार्तिक १३, कतार। राष्ट्रपति विद्यादेवी भण्डारी कतारस्थित नेपाली राजदूतावासले आयोजना गरेको रात्रिभोजमा सरिक भएकी छन् । कतारका लागि नेपाली राजदूत रमेशप्रसाद कोइरालाले राष्ट्रपति भण्डारीको स्वागतमा रात्रिभोजको आयोजना गरेका हुन् ।

मित्रराष्ट्र कतारका अमिर शेख हमाद बीन खालिदा अल थानीको मैत्रीपूर्ण निमन्त्रणामा एक प्रतिनिधिमण्डलको नेतृत्व गर्दै राष्ट्रपति भण्डारी सोमबारदेखि कतार भ्रमणमा छिन् । यसअघि राष्ट्रपति भण्डारीले सोमबार (हिजो) दोहास्थित “बलद्ना फुडइन्डष्ट्रिज”को अवलोकन भ्रमण गरेकी छन् ।

परराष्ट्रमन्त्री प्रदीपकुमार ज्ञवाली, राष्ट्रपति कार्यालयका विज्ञ माधव शर्मा, परराष्ट्र सचिव शंकरदास बैरागी, राष्ट्रपतिका प्रमुख स्वकीय सचिव डा. भेषराज अधिकारी लगायत भ्रमणदलका सदस्य समेत रात्रिभोजमा सहभागी थिए । रासस

post image

कार्तिक १३, काठमाडौं । अमेरिकाले मेक्सिकोसँगको उत्तरी सीमाबाट आप्रवासीको प्रवेश रोक्न थप ५२ सय सेना खटाउने भएको छ । मध्य अमेरिकी देशका आप्रवासीहरू उत्तरतर्फ बढिरहँदा अमेरिकी रक्षा मन्त्रालय पेन्टागनले सीमामा थप सेना खटाउने भएको हो ।  जेनरल टेरेन्स ओसोनुसीले ‘अपरेशन फेथफुल पेट्रिओट’ नामक सुरक्षा अभियान अघि बढाइएको  र एक सातापछि हुने संसदीय चुनाव केन्द्रित सुरक्षाका लागि विशेष रणनीति अपनाइएको बताउनुभएको छ । ओसोनुसीले सीमा सुरक्षा बललाई सघाउने गरी हेलिकप्टर, सुरक्षा तारवारसहित  अन्य अस्त्र समेत तयारी अवस्थामा राखिएको जानकारी गराउनुभएको बीबीसीले उल्लेख गरेको छ । सो अभियान  टेक्सास, क्यालिफोर्निया र एरिजोना राज्यमा केन्द्रित रहने पेन्टागनले जनाएको छ ।

राष्ट्रपति डोनल्ड ट्रम्पले आप्रवासीहरूले अतिक्रमण गरे उनीहरूको सामना गर्न अमेरिकी सेना तयारी अवस्थामा रहने बताउनुभएको छ ।   ट्रम्पले टवीट गर्दै आप्रवासीको भीडमा आपराधिक समूहका सदस्य र केही नराम्रा मानिस पनि मिसिएको भन्दै उनीहरुलाई फर्कन आग्रह गर्नुभएको छ । उहाँले भन्नुभएको छ, ‘कृपया तपाईहरू फर्किनुस्, कानूनी प्रक्रियाबाट नआएसम्म तपाईहरूलाई अमेरिकामा प्रवेश दिइने छैन ।’

गत अप्रिलमा राष्ट्रपति ट्रम्पले गरेको आग्रह अनुसार सीमा क्षेत्रमा  २१ सय सेना तैनाथ गरिएका छन् । एक सातापछि हुने संसदीय चुनावमा राजनीतिक फाइदा पुग्ने गरी अमेरिकाका दुवै राजनीतिक पक्षले आप्रवासीको विषयलाई प्रयोग गरेको एकअर्कामाथि आरोप लगाइरहेका छन् । नोभेम्बर ६ मा हुने सो चुनावबाट राष्ट्रपति ट्रम्पको रिपब्लिकन पार्टी दुवै सदनमाथिको आफ्नो बहुमत कायम राख्ने  प्रयासमा छन् ।

post image

कात्तिक १२, जाकार्ता । इन्डोनेसियामा विमान दुर्घटनाको खबर सार्वजनिक भएको छ । राजधानी जाकार्ताबाट एक सय ८८ जना यात्रु बोकेर उडेको जहाज केहीबेर मै समुद्रमा खसेको थियो । जहाजमा एक बालक, दुई नवजात शिशु, दुई पाइलट र पाँच जना चालक दलका सदस्यसहित १८८ जना यात्रुहरू सवार थिए ।

दुर्घटनामा के कती मानवीय क्षति भयो भन्ने यकिन विवरण सार्वजनिक नभए पनि जहाजका अवशेष र तेल समुद्रको पानीमा तैरिएका तस्विरहरू सार्वजनिक भएका छन् । जाकार्ताबाट पाङकल पिनाङका लागि उडेको विमानमा इन्डोनेसियाली अर्थ मन्त्रालयका २० जना कर्मचारी पनि सवार रहेको बुझिएको छ ।

लायन एयरर्सको जेटी ६१० कलसाईन भएको उक्त विमानले धावन मार्ग छाडेको १३ मिनेटपछि एयर कन्ट्रोलसंगको सम्पर्क गुमाएको समाचार एजेन्सीहरूले जनाएका छन् ।

 

 

 

post image

कात्तिक  ११, काठमाडौँ । अमेरिकाको पेन्सिलभिनियामा एक बन्दुकधारीले अन्धाधुन्ध गोली चलाउँदा ११ जनाको ज्यान गएको छ ।

प्रहरीले बन्दुकधारीलाई नियन्त्रणमा लिएको जनाएको छ । तर, उनको परिचय भने खुलाइएको छैन ।अन्धाधुन्द गोली चलाएपछि उक्त व्यक्तिले आत्मसमर्पण गरेको बीबीसीले जनाएको छ ।

घटना स्थानीय समयअनुसार शनिबार बिहान १० बजे भएको प्रहरीले जनाएको छ । यहुदीहरुको प्रार्थना चलिरहेको बेला गोली चलेको बताइएको छ ।अमेरिकी सञ्चारमाध्यमहरुले ती बन्धुकधारी ४६ वर्षीय रोबर्ट बोबर्स रहेको बताएका छन् ।

post image

कात्तिक  ८, काठमाडौँ । साउदी अरबका युवराज मोहम्मद बिन सलमानले टर्कीमा साउदी पत्रकार जमाल खसोग्गीको हत्याको मामलामा जिम्मेवार सबै ‘अपराधी’ लाई सजायँ दिइने बताएका छन् ।

राजधानी रियादमा एक बिजनेस फोरममा बोल्दै मोहम्मद बिन सलमानले भने, ‘साउदीका सबै जनताका लागि यो अपराध दुःखदायी हो ।’ साथै उनले टर्कीसँग कुनै मनमुटाव नगर्ने बताएका छन् ।

युवराजले के भने ?

दूतावासमा खसोग्गीको हत्याको कुरा साउदीले स्विकारेपछि मोहम्मद बिन सलमानको यो पहिलो सार्वजनिक टिप्पणी हो ।

उनले भने, ‘यो हत्या एक जघन्य अपराध हो जसलाई उचित ठहराउन सकिँदैन । उनको हत्याका जो संलग्न छन्, उनीहरुलाई जिम्मेवार ठहराइनेछ र अन्त्यमा न्यायको नै जीत हुनेछ ।’

उनले टर्कीको आरोपबीच साउदी र टर्कीको राम्रो सम्बन्ध भएको बताएका छन् । उनले भने, ‘धेरैले यो पीडादायी स्थितीको लाभ उठाएर साउदी अरब र टर्कीबीच मनमुटाव पैदा गर्ने कोसिस गरिरहेका छन् र म ती व्यक्तिहरुलाई यो भन्न चाहन्छु कि तपाईंहरुले यस्तो कहिले पनि गर्न सक्नुहुन्न ।’

‘मनमुटाव कहिले पनि पैदा हुने छैन ।’तीन दिवसीय उक्त बिजनेस फोरमलाई फ्युचर इन्भेस्टमेन्ट इनिशिएटिभ नाम दिइएको थियो तर यसलाई स्विटजरल्याण्डको बिजनेस फोरमको रुपमा ‘दावोस इन द डेजर्ट’ भनिँदैछ ।

साउदीका लागि यो व्यवसायिक फोरमलाई निकै महत्वपूर्ण मानिएको छ तर खसोग्गीको हत्यापछि विभिन्न पश्चिमी व्यवसायी र नेतालाई यसलाई बहिष्कार गरिसकेका छन् ।

साउदीका ऊर्जामन्त्री खालिद अल–फलिहले मंगलबार खासोग्गीको मुद्दाले संकटको स्थिती पैदा गरेको स्विकारेका थिए । यस्तै, मंगलबार युवराजले आफ्ना पिता किंग सलमानसँग खासोग्गीको परिवारसँग भेट गरेका थिए ।

खसोग्गीको हत्यामा युवराजको भूमिका भएको कुरालाई साउदीले नकार्दै आएको छ । अक्टोबर २ तारिखमा खसोग्गी इस्तानबुलको साउदी दूतावास गएका थिए जहाँ उनको हत्या गरिएको थियो ।

साउदी सरकारले सुरुमा दूतावासभित्रको उनको हत्या अस्विकार गरेको थियो तर पछि खसोग्गीको सोधपुछको क्रममा मृत्यु भएको बताएको थियो ।

टर्कीका राष्ट्रपति रेचेप तैय्यप अर्दोआनले पत्रकार एवं साउदी सरकारका आलोचक खसोग्गीको साउदी गुप्चतर र अन्य अधिकारीले मिलेर योजनाबद्ध ‘राजनीतिक हत्या’ गरेको बताएका छन् ।

अनुसन्धान कहाँ पुग्यो ?

साउदीद्वारा खसोग्गीको हत्याको कुरा स्विकारेपछि अहिले पनि सबैभन्दा ठूलो मुद्दा खसोग्गीको शवबारे नै छ ।

उनको शव कहाँ छ, त्यसबारे केही प्रमाण भेटिएको छैन । साउदी दूतावासभित्र एक बगैंचामा बनेको कुवामा उनको शवको अवशेष भएको आशंका जताइएको छ ।

अनुसन्धानबारे अहिले पनि केही विरोधाभासी रिपोर्ट सार्वजनिक भइरहेका छन् । अनाडोलू एजेन्सीले सुरुवाती रिपोर्टमा साउदीले अनुसन्धानका लागि अनुमती दिन अस्विकार गरेको बताएको थियो । एनटीवीले मात्र अनुसन्धानका लागि अनुमती दिइएको जानकारी दिएको छ ।

मंगलबार पनि एक रिपोर्ट सार्वजनिक भयो जसमा एक साउदी कूटनीतिज्ञको कारबाट खासोग्गीको शवको अवशेष भेटिएको बताइयो । यस्तै, टर्कीका राष्ट्रपति अर्दोआनले टर्कीसँग पत्रकारको पूर्वनियोजित हत्याको प्रमाण भएको बताइसकेका छन् ।

साथै मंगलबार अमेरिकी राष्ट्रपति डोनल्ड ट्रम्पले खसोग्गीको हत्यामा साउदीको तर्फबाट दिएको प्रतिक्रिया वास्तविकता लुकाउनका लागि गरिएको अहिलेसम्मको सबैभन्दा खराब कोसिस बताएका छन् ।

post image

कात्तिक  ३ , काठमाडौँ । रत-रावणको पुत्ला दहन गरिरहेको भीडलाई रेलले ठक्कर दिँदा भारतको अमृतसरमा कम्तिमा ५० जनाको ज्यान गएको छ । प्रत्यक्षदर्शीले दुइ सय जना मारिएको दावी गरेका छन् ।

शुक्रबार पठानकोटबाट अमृतसर आउँदै गरेको रेलले जोडाफाटकमा रेलवे ट्रयाक नजिकै दसहराको साँझ रावणको पुत्ला दहन गरिरहेको जनसमूहलाई ठक्कर दिएको हो । विभत्स दुर्घटनामा एक सय बढी घाइते भएका छन् ।

रावणको पुत्लामा आगो लगाउने वित्तिकै मञ्चबाट मानिसहरुलाई पछाडि हट्न आग्रह गरिएको र त्यही वेला पछाडिबाट आएको रेलले ठक्कर दिँदा विभत्स दुर्घटना भएको बिबिसीले जनाएको छ । अमृतसर प्रहरीले कम्तिमा ५० जनाको मृत्यु भएको पुष्टि गर्दै मृतकको संख्या अझै बढ्न सक्ने बताएको छ ।

post image

असोज २८, नयाँदिल्ली । भारतको उडिसा राज्यमा आएको चक्रवात (आँधी) मा परी २१ जनाको मृत्यु भएको छ। अत्यधिक वर्षा र त्यसपछिको बाढीसँगै आएको चक्रवातमा परी उनीहरुको मृत्यु भएको अधिकारीहरुले शनिबार जानकारी दिएका हुन्।

उडिसा राज्यको गाजापाटी, नयागार्ह, कान्धामाल, कुत्ताक, केन्झार र अङगुल जिल्ला प्रभावित भएको छ। गत बिहीबारदेखि शुरु भएको यस प्रकोपमा परी शनिबार सम्ममा २१ व्यक्तिको मृत्यु भएको छ।

चक्रवातको कारण उडिसा राज्यका धेरै ठाउँमा नराम्ररी प्रभाव पारेको र त्यसमा पनि गाजापाटीमा सवै भन्दा धेरै प्रभावित भएको बताइएको छ। गाजापाटीमा १५ जनाको मृत्यु भएको एक सरकारी अधिकारीले जानकारी दिएका छन्।

गाजापाटी जिल्लाको बाराघारा गाउँमा रहेको एउटा शिविरमा बसेका २२ जना मध्ये १५ जनाको मृत्यु भएको बताइएको छ। शिविरमै रहेका मध्ये अरु चार जना हराइरहेका छन्।
त्यसैगरी नायागार्हमा दुई जनाको र कान्धामाल, कुत्ताक, केन्झार र अङगुल जिल्लामा एक एक जनाको मृत्यु भएको समाचारमा जनाइएको छ।

उडिसासँगै छिमेकी राज्य आन्ध्र प्रदेशमा पनि चक्रवातले असर गरेको अधिकारीहरुले जानकारी दिएका छन्। रासस/सिन्ह्वा

post image

असोज २६, काठमाडौँ । नेपाल र सुरीनामबीच कूटनीतिक सम्बन्ध स्थापना भएको छ। दुई पक्षीय सम्बन्ध स्थापनासम्बन्धी संयुक्त दस्तावेजमा आज न्यूयोर्कमा हस्ताक्षर भएको हो।

यो सँगै नेपालको बाह्य सम्बन्ध विश्वका १६३ देशमा विस्तार भएको छ। संयुक्त राष्ट्रसङ्घका लागि नेपाल र सुरीनामको स्थायी नियोगका उपप्रमुखहरू क्रमशः निर्मलराज काफ्ले र किट्टी स्वीबले उक्त दस्तावेजमा हस्ताक्षर गरेको परराष्ट्र मन्त्रालयले जनाएको छ।

नेपाल र सुरीनामबीच दुई पक्षीय र बहुपक्षीय तहका साथै संयुक्त राष्ट्रसङ्घ असंलग्न आन्दोलन एवं जी ७७ मा सहकार्य गर्न कूटनीतिक सम्बन्ध स्थापना भएको हो।

post image

असोज २५, काठमाडौँ ।  अमेरिकाको फ्लोरिडा राज्यको तटमा माइकल नामको आँधी पुगेको छ । यो आँधी श्रेणी चारमा परिवर्तन भइसकेको छ अर्थात् अत्यधिक खतरनाक आँधी । राष्ट्रिय आँधी केन्द्रका अनुसार बुधबार दिउँसोको आँधीले फ्लोरिडाको मेक्सीको बीचमा पहिलो कदम राखेका थियो ।

फ्लोरिडाका गवर्नर रिक स्कटले यसलाई अकल्पनीय विनाशको चेतावनी भएको बताएका छन् । उनले यसलाई सय वर्षमा सबैभन्दा खतरनाक आँधी बताएका छन् । मध्य अमेरिकामा गत हप्ताको अन्त्यमा आँधी, वर्षा र बाढीका कारण १३ जनाको मृत्यु भएको खबर छ । अहिलेको माइकल आँधी दुई सय ५० किलोमिटर प्रतिघण्टाको गतीमा बढिरहेको छ ।

फ्लोरिडामा हज्जारौं नागरिकलाई आफू बस्ने स्थान खाली गर्न निर्देशन दिइएको छ तर धेरैजना निस्कन सकेका छैनन् । राष्ट्रपति डोनल्ड ट्रम्पले मानिसहरुलाई निकाल्न सजिलो नभएको बताएका छन् । ट्रम्पले भने, ‘यीमध्ये केहीका लागि आफ्नो स्थान छोड्नु त्यति सजिलो छैन । केही क्षेत्र निकै गरिब छ । कुनै आवश्यक धनबिना आफ्नो स्थान छोड्नु सजिलो छैन । हामीले उनीहरुका लागि बस पठाएका छौं । उनीहरुलाई उक्त क्षेत्रबाट निकाल्नका लागि हामीले हरसम्भव प्रयास गरिरहेका छौं ।’

माइकल आँधी अमेरिकाको पूर्वी तटमा तीब्र रुपमा बढ्नेछ र उक्त इलाकामा अत्यधिक वर्षा हुनेछ । यो त्यही इलाका हो जुन पछिल्लो महिना आएको फ्लोरेन्स आँधीको क्षतीबाट माथि उठ्न सकेको छैन ।राष्ट्रिय आँधी केन्द्रले तटीय इलाकाका बासिन्दालाई खतरनाक हावा तीब्र रुपमा बढ्ने भएकाले शान्त वातावरण देखेर बाहिर ननिस्कन नयाँ चेतावनी जारी गरेको छ ।

फ्लोरिडामा तीन लाख ७० हजार बढी बासिन्दालाई इलाका खाली गर्न र अग्लो स्थानमा जान आदेश दिएको छ तर अधिकारीले निकै कम मानिसले मात्र इलाका छोडेको अनुमान गरेका छन् । गभर्नर रिक स्कटले अब त्यहाँबाट निस्कने समय समाप्त भइसकेको चेतावनी दिएका छन् ।

‘यदि तपाईं तटीय क्षेत्रमा हुनुहुन्छ भने तपाईं आफ्नो घर नछोड्नुहोस् किनभने त्यहाँबाट निस्कने समय गुज्रिसकेको छ । स्थानीय अधिकारीको कुरा सुन्नुहोस् । यदि तपाईंहरु इनल्याण्ड काउन्टीमा हुनुहुन्छ भने तपाईंसँग आश्रय लिनका लागि अन्तिम मौका हुनसक्छ तर स्थानीय अधिकारीलाई सुरक्षित लागेको बेला मात्र । यदि तपाईंले इलाकाबाट निस्कने निर्णय लिनुभएको छैन भने कृपया आश्रयका लागि स्थान खोज्नुहोस् । शरणको स्थान खोज्नुहोस् ।’

राष्ट्रिय विपत्ति प्रबन्धन एजेन्सीका निर्देशक ब्रोक लांगले ह्वाइट हाउसमा राष्ट्रपतिसमक्ष सन् २००१ भन्दा अघि बनाइएका भवनले उक्त आँधीको सामना गर्न सक्षम नभएकाले आफू चिन्तित भएको बताएका छन् । अलाबामा र जर्जियाका साथै फ्लोरिडामा पनि संकटकालको घोषणा गरिएको छ ।बिबिसी

post image

असोज २४,नयाँ दिल्ली । भारतको उत्तर प्रदेश राज्यमा बुधबार एउटा रेल दुर्घटना हुँदा त्यसमा सवार ६ जनाको मृत्यु भएको छ ।  साथै अन्य ३० घाइते भएका समाचारमा जनाइएको छ । उत्तर प्रदेशका रेल सेवाका अधिकारीहरुले सो समाचारको पुष्टि गरेका छन्  । सो दुर्घटना रैबेरली जिल्लामा अवस्थित हार्चापुर रेल स्टेसनको नजिकै भएको बताइएको छ ।

न्यु फरक्का एक्सप्रेस रेल सेवाको एक रेलका आठओटा डिब्बा रेलमार्गबाट बाहिर निस्किएपछि दुर्घटना भएको थियो । त्यसमा परी ६ जनाको ज्यान गएको छ भने अरु ३० घाइते भएका छन् ।  उक्त रेल सेवाका अधिकारीहरुले रेल दुर्घटनाको कारण खोजी भइरहेको जानकारी दिएका छन् ।

उक्त रेल दुर्घटनापछि भएको क्षति र उद्धार कार्यका दृश्यहरु स्थानीय टेलिभिजनहरुले देखाएका छन् । उक्त रेल भारतको राजधानी नयाँ दिल्लीबाट पश्चिम बङ्गालको माल्दा शहरतर्फ जाँदै गरेको थियो । रेल सेवाका अधिकारीले उक्त रेलको दुर्घटनाको छानबिनको लागि एक समिति गठन गरिएको जानकारी दिएका छन् । –सिन्ह्वा

post image

असोज २३, काठमाडौँ । इन्टरपोलका प्रमुख मेंग होंगवेईले घुस लिएको आरोपमाथि अनुसन्धान जारी भइरहेको चीनका अधिकारीले जानकारी दिएका छन् । मेंग होंगवेई चीनको हिसारतमा छन् । होंगवेई गत महिना फ्रान्सको लियोनबाट चीन आउने क्रममा हराएका थिए ।

त्यतिबेला उनकी श्रीमतीले मेंग चाकूले इमोजी पठाए खतरामा भएको सन्देश पठाएको जानकारी दिएकी थिइन् । चीनको जन सुरक्षा मन्त्रालयले आफ्नो एक घोषणामा मेंग होंगवेईविरुद्धको अनुसन्धान सही दिशामा अघि बढिरहेको छ र यसले भ्रष्टाचारविरुद्ध चीनियाँ राष्ट्रपति शी जिनपिंगको प्रतिबद्धता झल्काएको बताएका छन् ।

यसबारे इन्टरपोलले आइतबार एक बयान गर्दै आफूहरुले मेंग होंगवेईको राजिनामा पाएको जसलाई तत्काल स्विकार गरिएको जानकारी दिएको छ । यस्तै, मेंग होंगवेईकी श्रीमतीलाई फ्रान्समा अधिकारीले सुरक्षा प्रदान गरेको छ र होंगवेईविरुद्ध अनुसन्धान पनि सुरु गरेको छ ।

इन्टरपोलका प्रमुख बन्नुअघि मेंग चीनमा जन सुरक्षा विभागका उपमन्त्री भइसकेका छन् ।बिबिसी

post image

असोज २३, काठमाडौं।  टि–ट्वान्टी विश्व कपअन्तर्गत एसिया छनोटको समूह ‘बी’ को खेलमा नेपालले भुटानलाई १५१ रनको लक्ष्य दिएको छ । मलेसियाको युकेएम क्रिकेट ओभलमा टस हारेर पहिले ब्याटिङ गरेको नेपालले भुटानसँग उत्कृष्ट ब्याटिङ गर्न सकेन । नेपालले निर्धारित २० ओभरमा ४ विकेटको क्षतिमा १५० रन बनाएको हो ।नेपालका लागि ओपनर प्रदीप ऐरीले अविजित ७५ रनको पारी खेले । उनले ६८ बलको सामना गरेको प्रदीपले ६ चौका र २ छक्का प्रहार गर्दै ७५ रन बनाए ।

त्यस्तै, नेपालका लागि अनिल कुमार शाहले २७, दीपेन्द्रसिंह ऐरीले १५, आरिफ शेखले १३ र करण केसीले अविजित ११ रन बनाए । नेपाल आफ्नो अपराजित यात्रालाई कायमै राख्दै फाइनल राउण्डमा प्रवेश गर्ने दाउँमा रहेको छ । नेपालले यसअघि आफ्नो पहिलो खेलमा म्यानमारलाई ८ विकेटले पराजित गरेको थियो । दोस्रो खेलमा पनि नेपालले आयोजक मलेसियालाई ८ विकेटले नै पराजित गरेको थियो । तेस्रो खेलमा भने थाइल्यान्डलाई १४० रनको फराकिलो अन्तरले पराजित गरेसँगै नेपाल अंक तालिकोको दोस्रो स्थानमा उक्लिएको थियो ।

नेपाल ३ खेलमा शतप्रतिशत जित हात पार्दै ६ अंक बटुलेर अंक तालिकाको शीर्ष स्थानमा रहेको छ । नेपाल भन्दा नेट रनरेटको आधारमा पछि पर्दै दोस्रो स्थानमा रहेको सिंगापुरको पनि समान ३ खेलबाट ६ अंक रहेको छ । तेस्रो स्थानमा रहेको थाइल्यान्डको ५ अंक रहंदा आयोजक मलेसियाको ३ अंक रहेको छ । त्यस्तै, पाचौ नम्बरमा रहेको भुटानको २ र छैटौं स्थानमा रहेको म्यानमारको पनि २ अंक रहेको छ । ४ खेलमा कुनै पनि खेल जित हात पार्न नसकेको चीन भने बाहिरिसकेको छ । यो समूहबाट शीर्ष ३ राष्ट्र टि–ट्वान्टी विश्व कपअन्तर्गत एसिया छनोटको फाइनल चरणमा पुग्नेछ ।

post image

असोज २२, काठमाडौं। झन्डै दुई सातादेखि हराइरहेका इन्टरपोलका प्रमुख मेङ होङवुईलाई चीनले नियन्त्रणमा लिएको खुल्न आएको छ । चिनियाँ अधिकारीहरूले उनलाई नियन्त्रणमा लिएको आइतबार खुलासा गरेका हुन्।

चिनियाँ कानुनको उल्लंघन गरेको आरोपमा उनीमाथि छानबिन भइरहेको बताइए पनि उनको गल्ती के हो भन्ने खुलाइएको छैन। चीनको परीवेक्षण आयोगले उनलाई हिरासतमा लिएर अनुसन्धान गरिरहेको छ।

पक्राउ परेसँगै मेङले इन्टरपोलको प्रमुखबाट राजीनामा दिएका छन्।  फ्रान्सको लियोनमा रहेको  इन्टरपोल मुख्यालयले तत्कालै लागू हुने गरी उनले दिएको राजीनामा पत्र प्राप्त भएको जनाएको छ।

मेङ सन् २०१६ नोभेम्बरमा ४ वर्षका लागि इन्टरपोलको प्रमुख नियुक्त भएका थिए ।  मेङ चिनियाँ नागरिक हुन्। इन्टरपोलमा जानुपुर्व उनी लामो समय चीनको सार्वजनिक सुरक्षा राज्यमन्त्री थिए।

फ्रान्सबाट चीन हिँडेका मेङ सम्पर्कमा नआएपछि उनकी पत्नी ग्रेसले शुक्रबार फ्रान्स प्रहरीलाई पति हराएको जानकारी गराएकी थिइन्।

post image

असोज २२, काठमाडौं। अमेरिकाको न्यूयोर्कमा एक लिमोजिन दुर्घटनाग्रस्त भएको छ । पुलिसका अनुसार उक्त दुर्घटनामा २० को मृत्यु भएको छ ।  लिमोजिन एउटा लामो गाडी हो जसमा एकसाथ थुप्रै मानिसहरु सवार हुन सक्छन् ।

दुर्घटना शनिबार दिउँसो शोहारी शहरमा भयो । दुर्घटनाग्रस्त लिमोजिन मानिसहरुलाई लिएर एउटा पार्टीमा गइरहेको थियो । गाडीमा सवार सबैको मृत्यु भएको छ भने दुई पैदलयात्रुलाई समेत गाडीले किचेको छ ।  प्रत्यक्षदर्शीका अनुसार एसयूवी–स्टाइलको एक लिमोजिन डिभाइडरसँग ठोक्कियो र अर्को कारसँग पनि ठोक्कियो । त्यसपछि गाडी एउटा पसलको पार्किङमा उभिएका मानिसतर्फ अघि बढ्यो ।

यद्यपी, अहिलेसम्म दुर्घटनाको सही कारण पत्ता लाग्न सकेको छैन । मृतकको नाम सार्वजनिक गरिएको छैन तर न्यूयोर्क टाइम्सको खबर अनुसार दुर्घटनामा चार दिदी बहिनी र कम्तीमा दुई नवविवाहित जोडीको मृत्यु भएको छ । यसअघि सार्वजनिक भएको खबर अनुसार उक्त कार मानिसहरुलाई लिएर एक विवाह समारोहमा गइरहेको थियो तर पछि सार्वजनिक भएको खबर अनुसार उनीहरु कसैको जन्मदिन पार्टीमा उपस्थित हुन गइरहेका थिए ।

दुर्घटनामा लिमोजिनका ड्राइभरको पनि मृत्यु भएको छ । बिल वाटर्सन पनि त्यही समारोहमा जाँदै थिए । उनले दुर्घटनालाई प्रत्यक्ष देखे । एक पत्रिकासँगको कुराकानीमा उनले भने, ‘मलाई विश्वास नै छैन कि यस्तो दुर्घटना पनि हुनसक्छ । यो अत्यधिक भयानक थियो ।’ घटनास्थलमा भएका एक स्थानीय रिपोर्टरले केही तस्बिर र भिडियो ट्वीट गरेका छन् । तस्बिरमा देखिए अनुसार दुर्घटनास्थल नजिकै एउटा स्टोर र क्याफे थियो ।

दुर्घटनास्थलमा पुलिसका विभिन्न गाडी र एम्बुलेन्स पनि देखियो । यद्यपी, यी गाडीका कारण सडकमा लामो जाम थियो । ट्वीटरमा सेयर गरिएको एक अन्य तस्बिरमा एउटा ठूलो गाडी रुखमा ठोक्किएको  देख्न सकिन्छ ।

प्रत्यक्षदर्शीको बयानः

प्रत्यक्षदर्शीका अनुसार जब गाडी स्टोर नजिकै पुग्यो तब धेरै मानिसहरु स्टोरबाट निस्किरहेका थिए । दुर्घटनामा ती मानिसहरुलाई पनि चोट लागेको छ ।

घटनास्थल नजिकै बस्ने ब्रिडेले भने, ‘मैले एउटा ठूलो आवाज सुनें । त्यतिबेला स्टोर र क्याफेको पार्किङमा थुप्रै मानिसहरु उभिएका थिए । त्यसपछि अचानक