टुटलले साढे ३ करोड हाराहारीमा सरकारलाई कर बुझाउनुपर्ने

Posted: Thursday
टुटलले साढे ३ करोड हाराहारीमा सरकारलाई कर बुझाउनुपर्ने

वैशाख ५ , काठमाडौं ।  राइड सेयरिङ कम्पनी टुटलले साढे ३ करोड हाराहारीमा सरकारलाई कर बुझाउनुपर्ने भएको छ। यात्रुबाट पैसा उठाएर सरकारलाई तिर्नुपर्ने कर नतिरेको कर कार्यालय ललितपुरको ठहर छ।

कम्पनी सञ्चालन भएदेखिको भ्याट, आयकर, जरीवाना गरि टुटलले करिब साढे ३ करोड तिर्नुपर्ने आन्तरिक राजस्व विभाग ललितपुर स्रोतले जानकारी दियो।  त्यस्तै अर्को राइड सेयरिङ कम्पनी पठाओको पनि अनुसन्धान भइरहेको स्रोतले जानकारी दियो।

हाम्रो देशमा राइड सेयरिङ्को कानुनी प्रकृया नभएकाले यो समस्या आएको टुटलका संस्थापक शिक्षित भट्टले बताए।

‘टुटल राइडबाट १ सय रूपैया आयो भने करिब ९५ रूपैया राइडरलाई जान्छ, हामीलाई आउने ५ रूपैयाको कर लगाउनुको सट्टा १ सय रुपैयाकै लगाइयो,’ भट्टले भने।  आफूहरूलाई कमिसनमा मात्र कर लगाउनुपर्ने उनको तर्क छ। इ–सेवा, अनलाइन सपिङलगायत कम्पनीलाई कमिसनमा कर लगाएजस्तै टुटललाई पनि कमिसनमा कर लगाउनुपर्ने उनको तर्क छ।

टुटल एप्स १ लाखभन्दा धेरै डाउनलोड भइसकेको छ।