फिल्म ‘कालो वर्ष’को टिजर सार्वजनिक

Posted: Wednesday
फिल्म ‘कालो वर्ष’को टिजर सार्वजनिक

चैत २७, काठमाडौं । बर्ष ०७२ मा गएको विनाशकारी महाभूकम्पका कारण एक परिवारमा परेको समस्याको बिषयमा निर्माण भएको फिल्म ‘कालो वर्ष’को टिजर सार्वजनिक गरिएको छ । मंगलबार राजधानीमा एक कार्यक्रमका बीच पत्रकार र कलाकारको उपस्थितिमा टिजर सार्वजनिक गरिएको हो ।

१३ बैशाख रिलिज मिति तोकिएको यो फिल्म लक्षु गौतमले निर्देशन गरेकी हुन् । लक्षुले यस अगाडि ‘त म र ऊ’को निर्देशन गरेकी थिइन्

ओकेश पनेरु, अनुपा खड्का, पवन भट्टराई, सुरेन्द्र बुढा, रश्मी शाह, रविन भुलेज लगायतका कलाकारको अभिनय रहेको फिल्ममा रामेश्वर हुमागाइँको छायाँकन छ ।  फिल्म योगेन्द्र प्रसाद पनेरु, राम खड्का र श्याम खड्काले मिलेर बनाएका हुन् । रिच इन्टरटेनमेन्टका करण श्रेष्ठले यसको बितरण जिम्मा लिएका छन् ।