गुम्दी कल्याणकारी समाजद्वारा क्यान्सर पिडित बालकलाई सहयोग

Posted: Sunday
गुम्दी कल्याणकारी समाजद्वारा क्यान्सर पिडित बालकलाई सहयोग

चैत १७, काठमाडौं । केहि समयदेखि क्यान्सर रोगबाट पिडित धादिङ् जिल्लाको उत्तरी क्षेत्रमा अवस्थित हाल गंगा-जमुना गाउँपालिका –  ३ (चिनचोक ) निबासि राजकुमारी गुरुङका १३ बर्षिय छोरा लोकेन्द्र गुरुङको उपचारका लागि सहयोग प्राप्त भएको छ । दक्षिण कोरियामा कार्यरत गुम्दी बासी दिदिबहिनी तथा दाजुभाइहरुको सहयोगमा संकलित रकम गुम्दी कल्याणकारी समाज मार्फत  हस्तान्तरण गरिएको हो  ।

गुम्दी कल्याणकारी समाजका अध्यक्ष गोबिन्द प्रसाद सिंखडाले पिडित परिवारलाई संकलित रकम रु ९४ हजार ५ रुपैयाँ सहयोग रकम हस्तानतरण गरेका थिए । आर्थिक अवस्था कमजोर भएका लोकेन्द्र गुरुङको उपचार ललितपुरस्थित नेपाल क्यान्सर अस्पतालमा भइरहेको छ । उनलाई कोरियाबाट रु ८६००० , गुम्दी कल्याणकारी समाजबाट रु ५००५ र जानकी सिंखडाबाट रु ३०००  सहयोग प्राप्त भएको यस कल्याणकारी समाजका प्रवक्ता इन्दिरा घलले जानकारी गराइन  ।

हस्तान्तरण कार्यक्रममा बोल्दै समाजका उपाध्यक्ष सन्तोष गुरुङ्ले कोरियामा कार्यरत गुम्दी बासीको मानविय कार्यको प्रशंसा गर्दै बिरामी भएका लोकेशलाई अझै सहयोग गर्न सबैलाई आग्रह गरेका छन् ।साथै क्यान्सरलगायत बिबिध रोगहरुका बारेमा जनचेतना फैलाई समयमै रोगको उपचार गर्न गराउन केन्द्र देखि स्थानीयतहसम्म जनचेतनामूलक कार्यक्रम गरेर सर्वसाधारणलाई अकालमै मृत्यु हुन बाट जोगाउनु पर्नेमा गुरुङले जोड दिए।

उक्त रकम हस्तान्तरण कार्यक्रममा गुम्दी कल्याणकारी समाजका पदाधिकारी, समाजसेवी लगायतको बाक्लो उपस्थिती रहेको थियो ।