म्यानचेस्टर युनाइटेडसँग हारेपछि स्तब्ध बनेका एमबाप्पे सुत्न नसकेको खुलासा

Posted: Monday
म्यानचेस्टर युनाइटेडसँग हारेपछि स्तब्ध बनेका एमबाप्पे सुत्न नसकेको खुलासा

फागुन २७, काठमाडौं । इन्जुरी समयमा पाएको पेनाल्टीबाट गृह मैदानमा समग्र गोल अन्तरमा हारेपछि आफू सुत्न नसकेको केलियन एम्बाप्पेले खुलासा गरेका छन्।

च्याप्पियन्स लिग अन्तरगत गत साता भएको खेलमा एमबाप्पेको क्लब पेरिस सेन्ट जर्मेन(पिएसजी) इङ्लिस क्लब म्यानचेस्टर युनाइटेडसँग अवे गोल आधारमा पराजित भएको थियो।

‘म स्तब्ध भएँ। हामीले यो ठाउँमा आउन कडा मेहेनत गरेका थियौं’, एक फ्रेन्च टेलिभिजनसँग एमबाप्पेले भने, ‘म सुत्न सकेको छैन्। म विश्वस्त छु धेरैलाई यस्तै भएको हुनुपर्छ।’

‘इमानदारिताकासाथ भन्नुपर्दा त्यसलाई बिर्सन सजिलो छैन् किनकी च्याम्पियन्स लिग हाम्रो लक्ष्य थियो। रंगशाला अभूतपूर्व अवसरका लागि पूरै भरिएको थियो, हामीले त्यसलाई बिगार्यौं। हामी त्यसलाई बिगार्न चाहदैनथियौं तर अन्तिममा त्यस्तै हुन गयो’, उनले थपे।

यसैगरी उनले आगामी सिजनमा पनि पिएसजीमै रहने ग्यारेन्टी गरे।