फ्राइडे रिलिज – फिल्म ‘अदालत’ र ‘खाग’ प्रदर्शनमा

Posted: Friday
फ्राइडे रिलिज – फिल्म ‘अदालत’ र ‘खाग’ प्रदर्शनमा

फागुन २४,काठमाडौँ ।फ्राइडे रिलिज अन्तर्गत आज शुक्रबारबारबाट हलमा दुई फिल्म ‘अदालत’ र ‘खाग’ प्रदर्शन हुँदैछन् । कमलजंग कुवंर लिखित ‘गैंडालाई चार वर्ष’ नामक पुस्तकमाथि आधारित रहेको छ।

मनोज पंडित निर्देशित सिनेमामा प्रविण खतिवडा प्रमुख भूमिकामा छन्। प्रविणका अलावा सिनेमामा निर्देशक पण्डित, पुस्कर गुरुङ, अशान्त शर्माको आदिको अभिनय रहेको छ।सिनेमाले खाग तस्करसँग एउटा व्यक्तिको संघर्षको कथा पेस गर्छ। दीपक बज्रचार्यको छायांकन रहेको सिनेमालाई पदम तिमल्सिनाले सम्पादन गरेका हुन् । सिनेमालाई प्रमिला कुँवरले निर्माण गरेकी हुन् ।

फाल्गुनन्द लिङ्देन फिल्मस्को व्यानरमा निर्माण भएको फिल्म ‘अदालत’मा लेखन तथा निर्देशन दिनेश लिङ्देनको छ । निर्देशक दिनेशका अनुसार फिल्मले समाजमा घटिरहेका हत्या, हिंसा, बलात्कार, अवैध धन्दा जस्ता आपराधिक एवं संवेदनशील घटनाहरूलाई विषयबस्तु बनाएको छ । फिल्ममा एलिना बाँस्कोटा, राजकुमार अधिकारी, मदन भुजेल, रुद्र पाहिम लिम्बु, शान्ति लामा, बिन्दा थिङ, मेखबहादुर मगर, उदय सुब्बा, प्रेम आले, दीपक क्षेत्री, राजु घिमिरे, दिलिप ठकुरी, पुन्य ओझा, अजय खड्काको अभिनय छ ।

फिल्ममा रोशन बान्तवा राईको संगीत, दिनेश माङमुको नृत्य, राजु किराँतीको द्वन्द्व, विक्रम डिसीको छायांकन र रन्जित मानन्धरको सम्पादन छ । बसन्त थेवे कार्यकारी निर्माता रहेको फिल्ममा मेखबहादुर मगर सहनिर्माता र आरपी दाहाल प्रस्तुतकर्ता छन् । फिल्ममा कविता राई निर्मात्री छिन् ।