फाउन्डेसन अफ नेपाल स्पर्श नामक प्रोजेक्ट सफलतापुर्वक सम्पन्न

Posted: Tuesday
 फाउन्डेसन अफ नेपाल स्पर्श नामक प्रोजेक्ट सफलतापुर्वक सम्पन्न

फागुन २१, काठमाडौं । फाउन्डेसन अफ नेपालले स्पर्श नामक प्रोजेक्ट सफलतापुर्वक सम्पन्न गरेको छ । बिराटनगरको लखन्तरी गाउँमा संचालन गरिएको यस कार्यक्रममा ४१८ जनाको सहभागिता रहेको थियो जसमा महिलाहरुको उपस्थिती उल्लेख्य रहेको फाउन्डेसनको अध्यक्ष प्रियंका भण्डारीले जानकारी दिएको छन् ।

फाउन्डेसनले संचालन गरेको कार्यक्रम एचआईवी / एड्स, यौन उत्पीडन र महिला बेचबिखनमा आधारित रहेको थियो । त्यसैगरी फाउन्डेसनले निशुल्क रुपमा कण्डम पनि वितरण गरेको छ ।

सहभागीहरुले यस्ता सचेतनामुलक कार्यक्रम गरेर आफुहरुलाई ज्ञान प्रदान गरेकोमा खुशी ब्यक्त गरेका थिए । कार्यक्रममा त्यहाँका व्यक्तिहरुले आफुहरु कहिले एचआईभी एड्सको बारेमा नसुनेको र यसको बारेमा थाहा नपाएको बताएका थिए । आगामी दिनहरुमा पनि यस्ता कार्यक्रम गर्न सहभागीहरुले आग्रह गर्दै हौसला बढाएको भण्डारीले बताइन ।

यस प्रोजेक्टका लागि फाउण्डेसनले बसन्त चौधरी फाउन्डेसन,  नर्बिक इन्टरनेसनल हस्पिटल, हब इन्टरनेसनल, जिलोकल खबर , सौजन्य मिडिया, वेभ ट्रफी, टर्की एयरलाइन्स,, क्यु एफ एक्स सिनेमा, , नेपाल सरकार  ग्रामथान गाउपालिका वडा नं १ , कोशी एफएम र लायन्स क्लब अफ लबीपुर , आइडियाक्सा ट्रेडिङबाट सहयोग प्राप्त गरेको थियो ।