सरकारी चिकित्सकद्वारा आकस्मिकबाहेक सम्पूर्ण ओपिडी सेवा बहिष्कार

Posted: Wednesday
सरकारी चिकित्सकद्वारा आकस्मिकबाहेक सम्पूर्ण ओपिडी सेवा बहिष्कार

फागुन १५, काठमाडौं । सरकारी चिकित्सकले आकस्मिकबाहेक सम्पूर्ण ओपिडी सेवा बहिष्कार गरेका छन् । कर्मचारी समायोजन विधेयक सच्याउन माग गर्दै  सरकारी चिकित्सक संघ (गोदान)ले स्वास्थ्य सेवा बहिष्कार गर्ने भएको हो ।

बुधबार परेको स्वास्थ्य सेवा दिवस बहिष्कार गरेको जानकारी गराउँदै गोदानले समायोजन ऐन मिचेर सहसचिवस्तरका ११औं तहका चिकित्सकलाई प्रदेशमा समायोजन गरेकाले त्यसलाई सच्याउन माग गर्दै इमरजेन्सीबाहेक सबै सेवा बहिस्कार गरेको जनाएको छ ।

नयाँ संगठन संरचना अनुसार कर्मचारी समायोजन गर्दा चिकित्सकका सबै दरबन्दी केन्द्रमा राखेर देशभर काममा खटाइनुपर्ने माग राख्दै दुईमहिना देखि आन्दोलनरत सरकारी चिकित्सकले समायोजन विधेयक नसच्याए सामूहिक राजीनामा दिने धम्की दिँदै आएको छ ।