कपिलबस्तुमा धान रोप्दै कृषि तथा भूमि व्यवस्थापन मन्त्री चक्रपाणी खनाल

Posted: Friday
कपिलबस्तुमा धान रोप्दै कृषि तथा भूमि व्यवस्थापन मन्त्री चक्रपाणी खनाल

असार १५, कपिलबस्तु ।  मन्त्री खनाल कपिलवस्तुको तिलौराकोटमा शुक्रबार बिहान धान रोपाईंमा सहभागी भए । प्राचीन कपिलवस्तुको राजधानी तिलौराकोट दरवारको पूर्वी गेटतर्फ रोपाइँ महोत्सव आयोजना गरिएको थियो । मन्त्री खनालले त्यहाँ आफ्ना सहयोगीहरुसहित हातमा धानका बेर्ना लिएर पुगेका थिए । अनि स्थानीयबासीसँग नाच्दै गाउँदै धान रोप्न थाले ।

नेपाल कृषि अनुसन्धान परिषद् (नार्क) को सिफारिसमा २०६१ साल मंसिर २९ गतेको मन्त्रिस्तरीय निर्णयबाट असार १५ गतेलाई धान दिवसका रुपमा मनाउन शुरु गरिएको हो । यसवर्ष सरकारले काठमाडौँको दक्षिणकालीमा धान दिवसको आयोजना गरेको छ । कृषिको परनिर्भरता कम गर्न र किसानलाई हौसला पु¥याउन प्रत्येक वर्ष धान दिवस मनाइँदै आएको हो । यो दिवसका अवसरमा कृषि तथा भूमि व्यवस्थापन तथा सहकारी मन्त्री चक्रपाणी खनाल बलदेवले कपिलबस्तुमा पुगेर धान रोपेका छन् ।

त्यसक्रममा तिलौराकोटमा उनले सहभागिहरुसँग नाच्दै–गाउँदै धान रोपेका छन् । दबदबे हिलोमा शुक्रबार विहानै सहयोगिका साथ खेतमा विउ बोकेर पुगेका खनालले अरु सहभागि भन्दा छिटोछिटो धान रोपेको देखेर अन्य सहभागिहरु चकित परेका थिए ।कपिलवस्तुको तिलौराकोट त्यही ठाउँ हो जहाँ तत्कालीन राजा शुद्धोधनले सुनको हलोले खेत जोतेर धान रोप्न सुरु गरेको किम्वदन्ती छ । सोही ठाउँमा लुम्बिनी विकास कोषले ‘धान रोपाईं मंगलोत्सव’ आयोजना गरेको थियो ।