जनकपुरमा रामनवमीको रौनक

Posted: Sunday
जनकपुरमा रामनवमीको रौनक

चैत ११, जनकपुर । आज रामनवमी, देशैभर भगवान् रामको पुजा आराधाना गरी मनाइँदैछ । मर्यादा पुरुष भगवान रामले संसारबाट पाप तथा दुःख–कष्टरुपी राक्षसको अन्त्य गरेको जनविश्वास रहिआएको छ । चैत शुक्ल नवमी अर्थात रामनवमीको अवसरमा राममन्दिर तथा जानकी मन्दिरमा विहानैदेखि पूजाअजा गर्ने श्रद्धालु भक्तजनको घुइँचो लागेको छ ।

रामनवमीमा पूजाआजा गर्न नेपाल तथा छिमेक देश भारतबाट हजारौको संख्यामा श्रद्धालुहरु जनकपुर आएका छन् । त्रेता युगमा आजकै दिन अयोध्यामा मर्यादा पुरुष भग्गवान रामको जन्म भएको पौराणिक ग्रन्थहरुमा उल्लेख  छ ।

आजको दिन देशभरि रामको स्मृतिमा नदी, ताल तथा कुण्डमहरुमा स्नान गरी ब्रत बसेर रामगीता पाठ, अध्यात्म वाल्मीकि र तुलसीकृत–रामायण वाचन गर्नुका साथै रातभरि भजनकिर्तन र जाग्राम बस्ने परम्परा छ । अयोध्याका राजा दशरथको जेठा छोरा भई भगवान विष्णुको सातौ अवतारको रुपमा जन्मिएका रामले मिथिलाको राजा जनकको पुत्री सीतासँग विवाह गरेका हिन्दु धर्मशास्त्रहरुमा उल्लेख छ ।